လူကြည့်များသော ရုပ်ရှင်များ

ဒီတစ်ခါမှာလည်း အက်ရှင်ဇာတ်ကားကောင်းတစ်ကားထွက်ရှိလာပြန်ပါပြီ။ ဒီကားမှာတော့ Squid Gameထဲက မင်းသား Im Si Wan, မင်းသမီး Park Gyu Youngနဲ့အတူ မင်းသားကြီး Jo Woo Jin, Sul Kyung Guတို့က အကြမ်းစားအက်ရှင်တွေနဲ့ပါဝင်သရုပ်ဆောင်ထားကြပါတယ်။ ကြေးစားလူသတ်လုပ်ငန်းမှာ ဟန်အူ ဆိုတဲ့ကောင်လေးက နာမည်ကြီးတစ်ယောက်ပါပဲ။ သူ့မှာ ဓားခုတ်ကောင်ဆိုတဲ့ နာမည်ပြောင်လည်းရှိပါတယ်။ သူအလုပ်လုပ်နေတဲ့ MK လုပ်ငန်းမှာ ကိုယ်စားလှယ်ချာမင်ဂယူ သေဆုံးသွားပြီးတဲ့နောက်ပိုင်း ကိုယ့်ဘာသာ ကုမ္ပဏီထူထောင်ဖို့ ကြေးစားလူသတ်သမားဖြစ်တဲ့ သူ့သူငယ်ချင်းမလေး ဂျယ်အီနဲ့အတူ ကုမ္ပဏီစထောင်ခဲ့ရင်း သူတို့ကြားမှာ စိတ်ဝမ်းကွဲမှုနဲ့ ပဋိပက္ခတွေဖြစ်လာခဲ့တဲ့အချိန် ဘယ်လိုဖြစ်ရပ်တွေ ဆက်ဖြစ်လာမလဲဆိုတာကတော့... ဒီကားကို အညွှန်းနဲ့ ဘာသာပြန်ဆိုသူက Huihui ဖြစ်ပါတယ်။

ဒီဇာတ်ကား​လေးက​တော့ ​၂၀၁၆ ခုနှစ် အင်ဒိုနီးရှားနိုင်ငံ ဆာမာရင်းဒါဗုံး​ပေါက်ကွဲမှုကို ကိုးကားထားပါတယ်။ ပန်ဒူဆိုသူ ရဲအရာရှိဟာ မိန်းမဖြစ်သူ​ဆုံးပါးသွားပြီး သမီးဖြစ်သူ အိုလီဗီယာကို တကိုယ်​တော်ဖခင်အ​နေနဲ့ ပြုစု​စောင့်​ရှောက်​နေသူပါ။ ရဲဝန်ထမ်းဖြစ်လို့ သမီး​လေးကို အချိန်မပေးနိုင်ပဲ အလုပ်​တွေနဲ့ရှုပ်​နေသူ ဖြစ်ပါတယ်။ တ​နေ့ ​ကော်ဖီဆိုင်ဗုံး​​ပေါက်ကွဲမှု​နောက်ကို လိုက်စုံစမ်းရာက​နေ အ​သေခံဗုံးခွဲဂိုဏ်းတစ်ခုနဲ့ ပတ်သက်​​နေ​ကြောင်း သိလိုက်ရချိန်.....ဖြစ်ရပ်မှန်ဇာတ်လမ်းကို အ​ခြေခံထားတဲ့ ဇာတ်ကားဖြစ်လို့ ရဲစုံ​ထောက်ကားကြိုက်နှစ်သက်သူများအတွက် ​ရွေးချယ်သင့်တဲ့ ဇာတ်ကား​ကောင်း​လေး ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

ဒီတစ်ခါမှာတော့ သည်းထိတ်ရင်ဖို horror ကားတွေကို ကြိုက်နှစ်သက်တတ်တဲ့သူတွေအတွက် ၂၀၂၅ မှာမှ ထွက်ရှိထားတဲ့ Dasim ဆိုတဲ့ အင်ဒိုနီးရှား horror ကားလေးကို ဘာသာပြန်တင်ဆက်ပေးလိုက်ပါတယ်။ အိမ်ထောင်သက်တမ်း ၆ လပဲရှိသေးတဲ့ Arman နဲ့ Salma တို့ ကြင်စဦးမောင်နှံနှစ်ယောက်ဟာ တစ်ယောက်နဲ့တစ်ယောက် အရမ်းချစ်ကြသူတွေဖြစ်တာကြောင့် အများအမြင်မှာရော အိမ်ထောင်ရေးမှာပါ သာသာယာယာနဲ့ အစစအရာရာ အဆင်ပြေချောမွေ့နေခဲ့ပါတယ်။ ဒါပေမဲ့ Salma တစ်ယောက် ကိုယ်ဝန်စလွယ်ရတဲ့ အချိန်မှာတော့ ညတိုင်းလိုလို လေးလဆက်တိုက် အိမ်မက်ဆိုးတွေ မက်ပါတော့တယ်။ ဒီလိုနဲ့ Salma တစ်ယောက် အိမ်ထဲမှာ တစ်ယောက်တည်းနေရတာကို မသိုးမသန့်ဖြစ်လာပြီး မမြင်နိုင်တဲ့ အရာတစ်ခုခုက သူတို့နဲ့အတူ အိမ်ထဲမှာရှိနေတယ်လို့ ခံစားရတာကြောင့် လင်မယားနှစ်ယောက်လုံး Arman ရဲ့ အမေဖြစ်သူအိမ်ကို ပြောင်းနေခဲ့ကြပါတယ်။ ဒါပေမဲ့ လူလေးယောက်တောင်ရှိတဲ့ အဲဒီအိမ်မှာလည်း Salma ရဲ့ အိမ်မက်ဆိုးတွေက ပျောက်မသွားဘဲ ထူးထူးဆန်းဆန်း အဖြစ်အပျက်တွေကို အိမ်သားတွေပါ ကြုံလာရတဲ့ အခါ......။ ဒီကြောက်စရာကောင်းတဲ့ သဘာဝလွန်အဖြစ်အပျက်တွေရဲ့ နောက်ကွယ်မှာ ဘယ်လိုအရာတွေ ရှိနေတယ်ဆိုတာကို ဒီရုပ်ရှင်လေးကို ကြည့်ရင်း အဖြေရှာလိုက်ရအောင်ပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Vicky ဖြစ်ပါတယ်

ဇာတ်ကားကတော့ အက်ရှင်ဒရာမာပါပဲ၊ Orlando Bloom က ခေါင်းဆောင်မင်းသားလုပ်ထားတာ။ ဇာတ်လမ်းက ဒီလိုဗျ၊ နာမည်မရှိတဲ့ ဘောက်ဆာတစ်ယောက်က ဆယ်စုနှစ်ကြာ အငြိမ်းစားယူခဲ့ပြီး၊ ရုတ်တရက် ချန်ပီယံ ပွဲအတွက် နောက်ဆုံး အခွင့်ကောင်း ရလိုက်တယ်။ ဒါပေမယ့် ပြဿနာက သူ အလေးချိန်ကို လျှော့ရမယ်၊ တစ်ပတ်အတွင်း ပေါင် ၃၀ လောက် လျှော့ရမယ်ဆိုတော့ လက်နက်မပါတဲ့ ရာဇဝတ်မှု လို့ ခေါ်တဲ့ အန္တရာယ်ရှိတဲ့ လေ့ကျင့်ရေး ပရိုဂရမ်ကို စတင်ရတယ်။ မယုံကြည်ရတဲ့ နည်းပြတစ်ယောက်ရဲ့ အကူအညီနဲ့ လက်စ်ဗီးဂတ်စ် ဟိုတယ်အခန်းတစ်ခုမှာ ပိတ်နေရင်း ရုန်းကန်ရတာ ကြည့်ရတယ်။ အစားအသောက် မစားဘဲ ရေမသောက်ဘဲ၊ ဆေးသောက်ပြီး ကိုယ့်ကိုယ်ကို ညှင်းပန်းရင်း စိတ်ရောကိုယ်ရော ပျက်စီးလာတာ၊ လက်စ်ဗီးဂတ်ရဲ့ မီး တောက်ပတာ နဲ့ အချိန်ကန့်သတ်ချက် က တကယ့်ထိတ်လန့်စရာကောင်းပါတယ်။ ဘောက်ဆာဘဝရဲ့ဆုံးရှုံးမှုနဲ့ ပြန်လည်ရှင်သန်ဖို့ ကြိုးစားရတယ်၊ ဒါပေမယ့် ဘယ်လိုအဆုံးသတ်မလဲဆိုတာက ရင်ခုန်စရာကောင်းပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Kim ဖြစ်ပါတယ်

ဒီတစ်ခါမှာတော့ လူနေမှုဘဝအကြောင်းကို သေသပ်လှပစွာပုံဖော်ထားတဲ့ ဇာတ်ကားကောင်းတစ်ပုဒ်နဲ့ မိတ်ဆက်ပေးပါမယ် " Rail 2024 " ပါ ဇာတ်လမ်းကတော့ အိမ်ထောင်ရေးနဲ့ ဘဝကြားမှာ ရုန်းကန်နေရတဲ့ လျှပ်စစ်ပြင်ဆရာ ရွာသားတစ်ယောက်အကြောင်းပါ လူသဘာဝ ဘဝကိုရုန်းကန်တဲ့အခါ လဲကျ‌တဲ့အခိုက်အတန့်တွေ တွေ့ကြုံရပါတယ် ဒီအခါပြန်မထဘဲ လမ်းမှားရောက်တတ်တာကလည်း ပုံမှန်ပါပဲ ရုန်းကန်ရင်း လမ်းမှန်မရောက်နိုင်တဲ့အခါ အရက်သမားလုံးလုံးဖြစ်ပြီး လူတွေရဲ့ လေးစားမှုကိုမခံရပါဘူး ဒါကိုတလွဲခံပြင်းစိတ်နဲ့ ဆက်နေရင်တော့ လမ်းမှားထပ်ရောက်မှာပါပဲ ဒီလိုလူတွေအတွက် လိုအပ်နေတဲ့အရာကဘာလဲ? လောကဓံကို ဘယ်လိုရင်ဆိုင်ပြီး လမ်းမှန်ရောက်အောင်ကြိုးစားမလဲ ? ဒီအကြောင်းအရာတွေကို စိတ်ဝင်စားစရာ သင်ခန်းယူစရာကြည့်ရှုရမယ့်အပြင် ရင်မောစရာထက် သဘာဝအတိုင်းချပြထားတာမို့ လက်မလွှတ်သင့်တဲ့ ဇာတ်ကားကောင်းပါ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ki Ki Chit Su ဖြစ်ပါတယ်

2005 မှာထွက်ရှိခဲ့တဲ့ Hostage ရုပ်ရှင်ဇာတ်ကားမှာ မင်းသားကြီး Bruce Willis ကို ဓားစာခံ ကို ကယ်တင်ဖို့ တရားခံနဲ့ ဆွေးနွေး ညှိနှိုင်းပေးရတဲ့ Hostage Negotiator လို့ခေါ်တဲ့ ရဲအရာရှိ တစ်ယောက်နေနဲ့ တွေ့ရမှာပါ။ သူရဲ့ တရားခံကို ညှိနှိုင်းသိမ်းသွင်း နိုင်စွမ်းတွေကြောင့် တစ်ချိန်မှာ ဌာနရဲ့ ဦးစီး ဖြစ်လာခဲ့ပါတယ်။ ဆယ်ကျော်‌သက်တွေရဲ့ မိုက်မဲမှု ကနေ စဖြစ်တဲ့ ပြဿာ မှုခင်းကြီးကို ကိုင်ကွယ်ရချိန်မှာရော ဘယ်လို ရလဒ် ထွက်လာမလဲဆိုတာ ကြည့်ရှုရမဲ့ Crime Drama ဇာတ်ကားဟာ ထွက်ရှိချိန်မှာ အားပေးနှစ်သက်တဲ့ ပရိသတ် အခိုင်အမာ ရရှိခဲ့ပေမဲ့ critics တချို့ကတော့ ဇာတ်လမ်းဇာတ်ကွက် အိုဗာဖြစ်တယ်လို့ မှတ်ချက်ပေးတာမျိုးလဲရှိခဲ့ပါတယ်။ တကယ်လဲ တရားခံက ဓားစားခံ လား ဓားစာခံက တရားခံလား ဖြစ်ခဲ့ပေမဲ့ ဟာကွက်မရှိဘဲ အချိတ်အဆက် မိပြီး Action Crime Thriller fan တွေ အတွက်‌တော့ ကြည့်ရတာ သိပ်အားရစရာ ကောင်းတဲ့ ဇာတ်လမ်းတစ်ပုဒ်ပါ ဒီဇာတ်ကားကိုအညွန်းနဲ့ဘာသာပြန်ပေးသူကတော့ ကိုရွှေပိုသာကဲ ဖြစ်ပါတယ်

မင်းသမီးချော Sydney Sweeney၊ ဟာသကားတွေ အရိုက်များတဲ့ မင်းသား Paul Walter Hauser နဲ့ အဆိုတော် Halsey တို့ ပါဝင်ထားတဲ့ Crime/ Thriller ရုပ်ရှင်ဖြစ်ပါတယ်။ Native Americans တွေ အထွတ်အမြတ်ထားတဲ့ Ghost Shirt ဆိုတဲ့ ရှေးအမွေအနှစ်ပစ္စည်းတစ်ခုက မှောင်ခိုဈေးကွက်ထဲကို ရောက်လာပြီးနောက် လူနှစ်ယောက်က ပစ္စည်းပိုင်ရှင် သူဌေးကြီးရဲ့ အိမ်ကို ဓားပြဝင်တိုက်ကာ ပစ္စည်းကိုယူသွားခဲ့တယ်။ ဒီလိုနဲ့ ဓားပြနှစ်ယောက်မှာ တစ်ယောက်ကသေ၊ ကျန်တဲ့လူက အိမ်ပြန်ရောက်တော့ အတူနေရည်းစားက သူ့ခေါင်းကိုတူနဲ့ထုတာခံရ၊ ရည်းစားက အဲဒီခိုးရာပါပစ္စည်းကို လုပြေး။ ဒီလိုနဲ့ ဒေါ်လာသန်းဝက်တန်တဲ့ Ghost Shirt ကို လူတိုင်းက လိုက်လုကြရင်း နောက်ဆုံးမှာ ဘယ်သူက အပိုင်ရသွားမလဲ။ အညွှန်းနဲ့ ဘာသာပြန်ကို LYKZ ကတင်ဆက်ထားပါတယ်။

ကိုယ်အယုံကြည်ဆုံးလူဆီကနေ သစ္စာဖောက်ခံရတဲ့ ခံစားချက်ကို အသက်နဲ့ရင်းပြီး ကြုံတွေ့ရတဲ့ ဟောလီးဝုဒ်စတား လော်ရန်လိန်းဆိုတဲ့ မိန်းကလေးရဲ့ ဇာတ်လမ်းဖြစ်ပါတယ်။ လော်ရန်က အသက်ရှစ်နှစ်အရွယ်တည်းက သရုပ်ဆောင်လုပ်ခဲ့ပြီး လူကြိုက်များတဲ့ တီဗီရှိုးကတစ်ဆင့် နာမည်ကျော် ဟောလီးဝုဒ်မင်းသမီး ဖြစ်လာပါတယ်။ သူတို့လောကထုံးစံအတိုင်း နောက်ကွယ်မှာတော့ အဲဒီရှိုးထဲက အဖေနေရာသရုပ်ဆောင်တဲ့ အိမ်ထောင်သည်မင်းသားကြီးနဲ့ လော်ရန်က ဖောက်ပြန်နေတာပါ။ ကံဆိုးပြီး လော်ရန်ရဲ့ဖုန်း hack ခံရလို့ အချက်အလက်တွေ ပေါက်ကြားကုန်တဲ့အပြင် ကိုယ်ဝန်ရှိကြောင်း positive ဖြစ်နေတဲ့ စမ်းသပ်တံပုံပါ leak ဖြစ်သွားတော့ ပွဲဆူသွားပါတယ်။ Scandal ကြောင့် တောထဲက Airbnb မှာ ခဏလာရှောင်တဲ့ လော်ရန်က သူယုံကြည်တဲ့လူ သစ္စာဖောက်တာအပြင် ဘယ်လို ဘေးအန္တရာယ်တွေ ကြုံဦးမလဲဆိုတာ ဆက်လက်အားပေးကြပါဦး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

၁၇ ရာစု မဂိုအင်ပါယာရဲ့ တန်ခိုးအာဏာထွန်းတောက်နေချိန်… ပြည်သူတွေရဲ့ မျှော်လင့်ချက်တို့ မှေးမှိန်နေချိန်မှာ ဒဏ္ဍာရီလာ သူရဲကောင်းတစ်ယောက် ပေါ်ထွက်လာခဲ့ပါတယ်။ သူဟာ ဥပဒေရဲ့အပြင်ဘက်ကနေ ရပ်တည်ပြီး အုပ်စိုးရှင်တို့ရဲ့ မတရားမှုကို ဆန့်ကျင်သူ၊ ဆင်းရဲသားတို့ရဲ့ အားကိုးရာဖြစ်လာသူပါ။ သူ့ရဲ့အဓိကပန်းတိုင်ကတော့ သာမန်မဟုတ်ပါဘူး။ မဂိုဘုရင်ရဲ့ ပလ္လင်ပေါ်က ကမ္ဘာကျော် "ကိုဟီနူး" စိန်ကြီးကို ပြန်လည်ယူငင်ပြီး ပြည်သူတွေအတွက် တရားမျှတမှုကို ဆောင်ကြဉ်းပေးဖို့ ဖြစ်ပါတယ်။ ဒီရည်မှန်းချက်ဟာ သူ့ရဲ့ဓားသွားထက် သူ့ရဲ့ခွန်အားဗလထက် ပိုမိုကြီးမားတဲ့ စိတ်ဓာတ်ကြံ့ခိုင်မှုကို တောင်းဆိုနေပါတယ်။ ဒီဇာတ်လမ်းမှာ အင်အားကြီးမားတဲ့ရန်သူကို လက်နက်နဲ့ ရင်ဆိုင်ရုံသာမက ယုံကြည်ချက်၊ ဇွဲလုံ့လနဲ့ ပြည်သူတွေရဲ့ စိတ်ဓာတ်ခွန်အားကိုပါ အရင်းတည်ပြီး တိုက်ခိုက်ရမဲ့ မော်ကွန်းတစ်ပုဒ်ဖြစ်ကြောင်း ဖော်ညွှန်းနေပါတယ်။ ခမ်းနားတဲ့သမိုင်းနောက်ခံမှာ ရင်ခုန်စရာကောင်းတဲ့ စွန့်စားခန်းတွေနဲ့အတူ အင်ပါယာတစ်ခုလုံးကို တစ်ယောက်တည်း ထိပ်တိုက်ရင်ဆိုင်မဲ့ သူရဲကောင်းတစ်ဦးရဲ့ ဇာတ်လမ်းကို ကြည့်ရှုရမှာ ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Clara Sol ဖြစ်ပါတယ်

ဒီတစ်ခေါက်မှာတော့ ရဲမှုခင်းကားတွေ ကြိုက်နှစ်သက်သူများအတွက် ဇာတ်ကားကောင်းတစ်ပုဒ်ပါ " Anand Sreebala 2024 " ပါ မိခင်ရဲအရာရှိရဲ့သွေးအပြည့်ပါပြီး စုံစမ်းစစ်ဆေးမှုတွေကို သဘောကျတဲ့ ရဲအရာရှိဖြစ်ချင်သူ Anand ရဲ့ အကြောင်းပါ ဇာတ်လမ်းအကျဉ်းကတော့ ရေကန်ထဲကိုခုန်ချသေဆုံးသွားတဲ့ ကောင်မလေးတစ်ယောက်အကြောင်းကို အခြေခံပါတယ် ကိုယ့်ကိုယ်ကိုအဆုံးစီရင်မှုအဖြစ် အမှုပိတ်သိမ်းပြီးပေမဲ့ သံသယဖြစ်ဖွယ်အချက်တွေ အများကြီးရှိနေတာမို့ မှုခင်းသတင်းချန်နယ်တစ်ခုက ဒီအမှုကိုပြန်လည်ဖော်ထုတ်ဖို့ ကြိုးစားခဲ့ပါတယ် ဒီအခါမှာ ရဲမဖြစ်သေးပေမဲ့ အမှုတွေကိုစုံစမ်းရတာသဘောကျတဲ့ Anand တစ်ယောက် ရဲတွေနဲ့အပြိုင်စုံစမ်းမှု စတင်ခဲ့ပါတယ် ဒါက လူသတ်မှုလို့ တစ်ထစ်ချယုံထားတဲ့ Anand က သူ့ရဲ့ထင်မြင်ချက်ကို ဘယ်လိုသက်သေပြမလဲ? အဆုံးသတ်မှာရော သူ့အိပ်မက်ဖြစ်တဲ့ ရဲတစ်ယောက်ဖြစ်နိုင်မှာလား ဆိုတာ‌ကိုတော့ ဒီဇာတ်ကားကောင်းလေးကနေ စိတ်ဝင်စားဖွယ်ကြည့်ရှုလိုက်ပါရှင် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ki Ki Chit Su ဖြစ်ပါတယ်

Chris Vaughn (Dwayne Johnson) လို့ခေါ်တဲ့ တပ်ထွက်ကြီးက တရက်မှာသူ့အိမ်ကိုပြန်လာခဲ့ပါတယ်။ မိသားစု၊ သူငယ်ချင်းတွေနဲ့ပြန်လည်ရင်းနှီးမှုရယူပြီး မြို့ထဲကအခြေအနေတွေကိုပြန်လေ့လာနေစဉ်မှာပဲ ဒီမြို့ဟာ သူငယ်ငယ်ကလိုမျိုးမဟုတ်တော့ဘူးဆိုတာကိုသတိထားမိလာပါတယ်။ ငယ်ငယ်ကတည်းကခင်ခဲ့တဲ့ Jay Hamilton ဆိုတဲ့သူငယ်ချင်းကလည်း ကာစီနိုဖွင့်ထားပြီး သူ့ကိုလာခဲ့ဖို့ခေါ်နေပါတယ်။ ကာစီနိုကိုသွားလည်ပတ်ပြီးနောက်မှာတော့ မူမမှန်တာတွေကိုတွေ့လာရပြီး တရားဥပဒေနဲ့အညီဘယ်လိုမျှတအောင်တိုက်ခိုက်သွားမလဲဆိုတာကို “Walking Talk (2004)” ဆိုတဲ့ဒီဇာတ်ကားမှာကြည့်ရမှာပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Thet Htet Htar ဖြစ်ပါတယ်

ဒီတစ်ခေါက် တင်ဆက်ပေးမှာကတော့ 1991ခုနှစ်ကဖြစ်ခဲ့တဲ့ ပြန်ပေးဆွဲမှုအကြောင်းရိုက်ကူးထားတဲ့ ဖြစ်ရပ်မှန်ဇာတ်လမ်းလေးပါ။ ဟန်ဂယောင်းဘယ်ကတော့ DBCသတင်းတင်ဆက်သူတစ်ယောက်ဖြစ်ပြီး နာမည်ကြီးတဲ့လူတစ်ယောက်ပါ။ ကိုယ့်ကိုယ်ကိုယ် ဖြောင့်မတ်မှန်ကန်တဲ့လူအဖြစ် မှတ်ယူထားပြီး ချစ်ခင်တဲ့လူလည်းများသလို လူမုန်းလည်းများပါတယ်။ သူ့ဆီမှာ ဆန်းဝူ လို့ခေါ်တဲ့ အသက် ၉နှစ်အရွယ်သားလေးတစ်ယောက်ရှိပြီး အဝလွန်နေသလိုဖြစ်နေတာမလို့ သူ့အမေက ကစားကွင်းမှာ နေ့တိုင်း ကြိုးခုန်ခိုင်းပါတယ်။ တစ်ညနေတော့ ကြိုးခုန်ဖို့သွားတဲ့ ဆန်းဝူလေး ပြန်မလာတော့ဘဲ ပြန်ပေးသမားရဲ့ဖုန်းပဲ ဝင်လာခဲ့ပါတော့တယ်။ မိဘတွေလည်း သားဇောနဲ့ ပြန်ပေးသမားခိုင်းတာတွေလုပ်ရင်း ဘာတွေဆက်ဖြစ်လာမလဲဆိုတာ... ဒီကားကို အညွှန်းနဲ့ ဘာသာပြန်ဆိုသူက Huihui ဖြစ်ပါတယ်။

ဒီတစ်ခေါက် တင်ဆက်ပေးမယ့် ဇာတ်ကားလေးကတော့ ၁၉၉၄ ခုနှစ်က နာမည်ကျော် ဒါရိုက်တာ Huang Shuqin ရိုက်ကူးပြီး နာမည်ကျော်မင်းသမီး ကုန်းလီ အဓိကသရုပ်ဆောင်ထားတဲ့ A Soul Haunted by Painting ဆိုတဲ့ ဇာတ်ကားလေးပဲဖြစ်ပါတယ်။ ဒီဇာတ်ကားလေးဟာ တရုတ်နိုင်ငံရဲ့ ပထမဆုံး အမျိုးသမီး ပန်းချီဆရာဖန်းယွီလျန် ရဲ့ ဘဝအကြောင်းကို အခြေခံပြီး ရိုက်ကူးထားတာဖြစ်ပါတယ်။ ဇာတ်လမ်းအကျဉ်း ဝမ်ယွီလျန်ဟာ ငယ်စဉ်က အပျော်မယ်ဂေဟာမှာ အစေခံအဖြစ် အလုပ်လုပ်ခဲ့ရပြီး ကံကြမ္မာတစ်ဆစ်ချိုးပြောင်းလဲကာ နောက်ပိုင်းမှာ အကောက်ခွန်အရာရှိတစ်ဦးဖြစ်တဲ့ဖန်းကျန့်ဟွာရဲ့ ဒုတိယဇနီးအဖြစ် ရောက်ရှိခဲ့ရပါတယ်။ထိုနောက် သူဟာ သူ့မရဲ့ နာမည်ကို ဖန်းယွီလျန်ဟုပြောင်းလဲပြီး ရှန်ဟိုင်း အနုပညာကောလိပ်မှာ ပန်းချီပညာကို စတင်သင်ယူခွင့်ရခဲ့ပါတယ်။ထိုမှတစ်ဆင့် သူ့ရဲ့ ထူးချွန်တဲ့ ပါရမီနဲ့ ဇွဲလုံ့လတို့ကြောင့် ပါရီ/ပဲရစ်မြို့ကို ပန်းချီပညာဆည်းပူးဖို့ သွားရောက်နိုင်ခဲ့ပါတယ်။ သို့သော် သူမရဲ့ အနုပညာလက်ရာတွေနဲ့ ပွင့်လင်းမြင်သာရှိတဲ့ ပန်းချီလက်ရာများကြောင့် ထိုခေတ် တရုတ်လူနေမှုအသိုင်းအဝိုင်းရဲ့ ဝေဖန်ရှုံ့ချမှုတွေကို ရင်ဆိုင်ခဲ့ရပါတယ်။ဒီဇာတ်ကားလေးထဲမှာဆိုရင်တော့ ဖန်းယွီလျန်၏ ဘဝဖြတ်သန်းရသော အခြေအနေများ ခေတ်ကာလရဲ့ ကန့်သတ်မှုတွေကြားမှာ အမျိုးသမီးတစ်ယောက်ရဲ့ ပန်းချီပညာအတွက် ကြိုးစားရုန်းကန်မှုတွေနဲ့ ခွဲခြားဆက်ဆံမှုတွေ အပြစ်တင်ရှုံ့ချမှုတွေကို ကျော်လွှားပြီး ပန်းချီပညာရှင်အဖြစ် နာမည်က

ဆာရာဂရန့်ဆိုတဲ့ သိပ္ပံပညာရှင်တစ်ဦးက ကုမ္ပဏီကြီးကြီးတစ်ခုရဲ့ ဂျုံပင်မျိုးစိတ်အသစ်ကိုထွင်နေတဲ့ပရိုဂရမ်တစ်ခုမှာ ပါဝင်လုပ်ကိုင်ခဲ့သူ ဖြစ်တယ်။ ဂျုံပင်မျိုးအသစ်နဲ့ပတ်သက်ပြီး အစားအစာဘေးကင်းလုံခြုံရေးဆန်းစစ်ချက်ပြုလိုက်ချိန် ဂျုံအမျိုးအစားက လူတွေကို သေစေနိုင်လောက်တဲ့အထိ ဓာတ်မတည့်မှုဖြစ်စေတဲ့အပြင် ကင်ဆာဖြစ်စေနိုင်လောက်တဲ့အထိ ဖြစ်နိုင်ကြောင်း အစီရင်ခံစာထွက်လာတယ်။ ဒါပေမဲ့ ကုမ္ပဏီကြီးက အဲဒီအစီရင်ခံစာကို ဖုံးဖိပြီး ဂျုံပင်မျိုးကို ဖြန့်ချိဖို့လုပ်တဲ့အတွက် ဆာရာက ဆန်းစစ်ချက်အဖြေကို ခိုးယူပြီး ထွက်ပြေးသွားခဲ့တယ်။ ကုမ္ပဏီဘက်က သူ့ကိုခြိမ်းခြောက်မှုပြုလာတော့မှ ဆန်းစစ်ချက်ကို ပြည်သူကိုချမပြတော့ဘဲ ပြန်အပ်ချင်တဲ့အတွက် ရှေ့နေရုံးတွေဆီ အကူအညီလိုက်တောင်းတယ်။ ရှေ့နေရုံးတွေကလည်း သူမကို မကူညီပေးကြဘူး။ ဒီတော့ တရားမဝင်တဲ့နည်းနဲ့ ကြားခံညှိနှိုင်းရေးအဖွဲ့တစ်ခုကိုငှားပြီး စာရွက်ပြန်အပ်ဖို့ လုပ်တော့တယ်။ သူ့ကိုလိုက်မနှောင့်ယှက်ဖို့ ကြားခံအဖွဲ့ကို ညှိခိုင်းတာပေါ့။ ဒီတော့ ဆာရာရဲ့ စာရွက်စာတမ်းတွေကို ကြားခံညှိနှိုင်းရေးအဖွဲ့က ပြန်အပ်ပေးနိုင်မလား၊ သူမကိုရော ကာကွယ်ပေးနိုင်ပါ့မလား။ IMDb 7.2 နဲ့ Rotten Tomatoes 78% ရထားတဲ့အပြင် မင်းသမီးချော Lily James က ဆာရာဂရန့်နေရာက ပါဝင်ထားတယ်။ Thriller/ Suspense အမျိုးအစားဖြစ်ပါတယ်။ အညွှန်းနဲ့ ဘာသာပြန်ကို LYKZ ကတင်ဆက်ထားပါတယ်။

ဒီဇာတ်ကား​လေးက​တော့ ​အသစ်ထွက်ထားတဲ့ ထိုင်းဘုန်းကြီးဟာသကား​လေး ဖြစ်ပါတယ်။ ​ပေါ့​ပေါ့ပါးပါးနဲ့ စိတ်အပန်း​ပြေ​​​စေမယ့်​ဖျော်​ဖြေ​ရေး ဇာတ်ကား​လေးပါ။ ဇာတ်လမ်းအစမှာ​တော့ ဦးဇင်းဂျက်တို့ ဘုန်းကြီး​​ကျောင်းက ဘုရားပစ္စည်း​တွေကို သူခိုးဝင်ခိုးရာက​နေ ဇာတ်လမ်းကို အစပြုထားပါတယ်။ သူခိုး​နောက်ကိုလိုက်ဖို့ ဆိုင်ကယ်စီးကျွမ်းတဲ့ ဦးဇင်းဂျက် ကြိုးစားခဲ့​ပေမယ့် မ​အောင်မြင်ပဲ ​သင်္ကန်းဝတ်နဲ့ ဆိုင်ကယ်စီးတာ မသင့်​တော်ဘူးဆိုကာ ကျောင်းထိုင်ဘုန်းကြီးက​နေ လူထွက်ခိုင်းပါ​တော့တယ်။ ဘုန်းကြီးလူထွက် ခွန်ဂျက်တစ်​ယောက် လူဝတ်လဲပြီး ဘန်​ကောက်ကိုတက်လာကာ ဘဝကိုရုန်းကန်ရပုံ၊ ငယ်ဖြူဘုန်းကြီးမို့ ​လောကီ​ရေးရာဘဝနဲ့ အခက်အခဲ​တွေ ရင်ဆိုင်ရပုံကို ဟာသ​နှောရိုက်ကူးထားတဲ့ ထိုင်းဟာသကား​လေး ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

ဒီတစ်ခါမှာတော့ ၂၀၁၂ မှာ ထွက်ရှိခဲ့တဲ့ 5 cm ဆိုတဲ့ အင်ဒိုနီးရှား ရုပ်ရှင်ကားကောင်းလေးကို ဘာသာပြန်တင်ဆက်ပေးလိုက်ပါတယ်။ ဇာဖရန် ၊ အာရီယယ် ၊ ဂန်တာ ၊ အီယန် ၊ ရီယာနီဆိုတဲ့ သူငယ်ချင်းငါးယောက်ဟာ ဆယ်နှစ်လုံးလုံး ခင်မင်ရင်းနှီးမှုမပျက်ဘဲ အပတ်တိုင်း အတူဆုံဖြစ်ကြတဲ့ ဆိုးတူကောင်းဖက် သူငယ်ချင်းလေးတွေပါ။ မိဘနောက်ခံ အသိုင်းအဝိုင်း အခြေအနေချင်း မတူကြပေမဲ့ သွားအတူလာအတူ ပေါင်းလာကြတဲ့ ဒီသူငယ်ချင်းတွေရဲ့ ခင်မင်ရင်းနှီးမှုက ကြည့်ရှုသူတို့ ကိုယ့်သူငယ်ချင်းတွေကို လွမ်းမိသွားမယ့်အထိပါပဲ။ တစ်ရက်မှာတော့ သူတို့သူငယ်ချင်းငါးယောက်နဲ့ အာရီယယ်ရဲ့ ညီမလေး အာရင်ဒါတို့ အင်ဒိုနီးရှားရဲ့ အမြင့်ဆုံးတောင်ထိပ်ကို စွန့်စားခန်းဖွင့်ပြီး တက်ဖို့လုပ်ကြတဲ့အခါမှာတော့.....။ ကြမ်းတမ်းလှတဲ့ ခရီးလမ်းမှာ ဘယ်လိုအခက်အခဲတွေ ရင်ဆိုင်ရမလဲ ၊ မိတ်ဆွေအစစ်အမှန်ဆိုတာ ဘယ်လိုမျိုးလဲ ၊ သူတို့ရဲ့ ခင်မင်ရင်းနှီးမှုကရော ဆက်ပြီးတည်မြဲသွားမလားဆိုတာကို သူငယ်ချင်းတွေရဲ့ friendship ကို အသားပေးရိုက်ကူးထားတဲ့ ဒီရုပ်ရှင်လေးမှာ အတူလိုက်ပါကြည့်ရှုပေးကြပါဦးရှင်။ ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Vicky ဖြစ်ပါတယ်

ဒီတစ်ခါမှာတော့ ရိုးရာဓလေ့နဲ့ပတ်သက်တဲ့ ဇာတ်ကားကောင်းတစ်ခုနဲ့ မိတ်ဆက်ပေးပါရ‌စေ " Paradha 2025 " ပါ ဒီဇာတ်ကားမှာ အမျိုးသမီးတွေရဲ့ ဘဝကို ရှင်းလင်းစွာ ထင်ဟပ်ပြသထားပါသေးတယ် ဇာတ်လမ်းအကျဉ်းကတော့ အိန္ဒိယရဲ့ရွာတစ်ရွာမှာ အမျိုးသမီးတွေဟာ အပျိုပေါ်ဝင်ချိန်ကစပြီး ခြုံပုဝါတစ်ထည်ကို တစ်သက်လုံးခြုံကြရပါတယ် သူတို့ရဲ့မျက်နှာကို အဖေ၊ ယောက်ျား၊ သား၊ အစ်ကိုမောင်တွေကလွဲပြီး ဘယ်သူ့ကိုမှမမြင်စေရပါဘူး ဒီရိုးရာဓလေ့ရဲ့နောက်ကွယ်မှာ သမိုင်းအစဉ်အလာတစ်ခုရှိခဲ့ပါတယ် ဒီဓလေ့ကိုချိုးဖောက်ပြီး ပုဝါမခြုံတဲ့အမျိုးသမီးရှိခဲ့ရင် ရွာမှာ ကလေးအသေပဲမွေးတယ်ဆိုတဲ့ ကျိန်စာရှိခဲ့ပါတယ် ဒါကြောင့် မတော်တဆဖြစ်စေ၊ တမင်ဖြစ်စေ ပုဝါကိုချွတ်မိသူမှန်သမျှ ရွာရဲ့မယ်တော်ရှေ့မှာ စတေးခံကြရပါတယ် တစ်နေ့မှာတော့ မြို့ကရောက်လာတဲ့ ဓာတ်ပုံဆရာတစ်ဦးကြောင့် ထိုရွာသူတစ်ဦး ဓလေ့ထုံးတမ်းကို ချိုးဖောက်သလို ဖြစ်ခဲ့ရပါတယ် သူမ ဘာတွေဆက်ရင်ဆိုင်ရမလဲ? ဒီပြဿနာကိုရော ဘယ်လိုဖြေရှင်းသွားမလဲ? မတူညီတဲ့ ဓလေ့ရိုးရာ‌များကို လေ့လာရမယ့်အပြင်မိန်းမသားတစ်ဦးရဲ့ဘဝနဲ့ စိတ်ဓာတ်ကြံ့ခိုင်ပုံတွေကိုပါ ကြည့်ရှုရမှာဖြစ်တာကြောင့် လက်မလွှတ်သင့်တဲ့ ဇာတ်ကားကောင်းတစ်ပုဒ်ပါ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ki Ki Chit Su ဖြစ်ပါတယ်

၂၀၂၃ ခုနှစ် မေလ ၁ ရက်နေ့မှာ ကိုလံဘီယမ်တောတွင်း လေယာဉ်ပျက်ကျမှု ဖြစ်ပွားပြီးနောက် ရက်ပေါင်း ၄၀ တိတိ အသက်ရှင်ခဲ့တဲ့ ကလေး ၄ယောက်ကို ရှာဖွေခဲ့တဲ့ မှတ်တမ်းတင်ရုပ်ရှင်ဖြစ်ပါတယ်။ လက်စလီတို့မိသားစုက ပထွေးဖြစ်သူ ဘိုဂိုတာမြို့ကို လေယာဉ်နဲ့လိုက်လာစဉ် လေယာဉ်က ကိုလံဘီယမ်တောတွင်း ပျက်ကျသွားခဲ့တယ်။ မိခင်နဲ့ လေယာဉ်မှူးတွေက နေရာမှာပဲ ပွဲချင်းပြီးသေဆုံးခဲ့ရတဲ့အတွက် ၁၃နှစ်အရွယ် အကြီးဆုံးသမီးဖြစ်တဲ့ လက်စလီက အစ်မကြီးအမိရာဆိုတဲ့အတိုင်း ၉နှစ်အရွယ် ညီမငယ် ၅နှစ်အရွယ် မောင်ငယ်တို့ရဲ့ လက်ကိုဆွဲ၊ ၁၁လအရွယ် ကလေးငယ်ကို ချီပိုးပြီး တောထဲကထွက်ဖို့ လမ်းရှာခဲ့တယ်။ လေယာဉ်ပျက်ကျရာ ကိုလံဘီယမ်သစ်တောက လူသူအရောက်အပေါက်မရှိသေးတဲ့အပြင် သစ်ပင်တွေရဲ့အမြင့်ဟာ မီတာ ၄၀လောက်ထိ ရှိပြီး သားရဲတိရစ္ဆာန်ပေါများတဲ့ မိုးသစ်တောဖြစ်တယ်။ လေယာဉ်ပျက်ကျသွားတယ်လို့ သတင်းစရချိန်မှာ လေတပ်နဲ့ ကယ်ဆယ်ရေးရဟတ်ယာဉ်တွေက တောအုပ်ပေါ်မှာ ခေါက်တုံ့ခေါက်ပြန်ပျံသန်းခဲ့ပေမယ့်လို့ ဘာကိုမှမတွေ့ခဲ့ကြရဘူး။ ဒီတော့ အထူးတပ်ဖွဲ့က မြေပြင်ကယ်ဆယ်ရေးဆိုပြီးဆင်းလာတယ်။ တစ်ဖက်မှာ မိသားစုနဲ့ ရင်းနှီးရာရင်းနှီးကြောင်း တိုင်းရင်းသားရှာဖွေရေးအဖွဲ့တွေကလည်း တောနင်းပြီးရှာပေးကြတယ်။ ရှာဖွေရေးအဖွဲ့ တောထဲစဝင်လာကတည်းက မိုးသက်လေပြင်းတွေကျပြီး တစ်ယောက်တည်း အဖွဲ့တွေကွဲ၊ မျက်စိလည်စေတဲ့အထိ တောခြောက်တယ်။ ဆိုင်ရာပိုင်ရာတွေကို တောင်းပန်စကားဆိုမှ အဖွဲ့သားတွေနဲ့ ပြန်ဆုံဆည်းခွင့်ပြုတယ်

ဗီဆခပတ်နမ်ဆိပ်ကမ်းမှာ မှောင်ခိုသမားဆိုင်မွန်က ရွှေနဲ့အကောင်းစားနာရီတွေကို သူ့လက်ထောက်ဒါယယ်နဲ့အတူ ကုန်သွယ်တဲ့အလုပ်လုပ်တယ်။ သူ့သားအာဂျွန်က သူ့အလုပ်ကိုဆက်မယူဘဲ အကောက်ခွန်အရာရှိပဲလုပ်တယ်။ သူတို့အလုပ်သမားတွေထဲမှာ ရဲအသွင်ယူထားတဲ့ဒါယယ့်ကိုမိသွားပြီး အသတ်ခံလိုက်ရပြီးတော့၊ သူတို့အဖွဲ့ထဲမှာရှိတဲ့နောက်ထပ် အသွင်ယူရဲကိုရှာနိုင်ရင် ၂ကုဋေပေးမယ်ဆိုပြီး ဆုကြေးထုတ်ပေးလိုက်တယ်။ တစ်ဘက်ကချန်နိုင်းမှာ ဒေဗာကတည်းခိုခန်းတစ်ခုဖွင့်ထားတယ်။ သူ့သူငယ်ချင်းရာဂျာရှယ်ကာ ဆုံးသွားပြီလို့ကြားလိုက်ရတဲ့အချိန် ဈာပနကိုလိုက်သွားပြီး သူ့သူငယ်ချင်းဆုံးတာက ရိုးရိုးတန်းတန်းမဟုတ်ဘဲသိလိုက်ရတယ်။ ထပ်ပြီးတော့ အဲဒီသေဆုံးမှုက ဆိုင်မွန်တို့နဲ့သက်ဆိုင်နေမှန်းသိလိုက်ရချိန်မှာ သူတို့အဖွဲ့နဲ့ထိပ်တိုက်ရင်ဆိုင်ဖို့လုပ်တယ်။ အဲဒီလိုနဲ့ ဆိုင်မွန်တို့လုပ်ငန်းကြီးရဲ့နောက်ကွယ်ကအမှန်တရားကို ထပ်တူးဖော်မိလိုက်ချိန် ဘာဆက်ဖြစ်မလဲဆိုတော့ ဒီဇာတ်လမ်းမှာ စောင့်ကြည့်လို့ရပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Bex ဖြစ်ပါတယ်

Taster ဆိုတာ အကြီးအကဲခေါင်းဆောင်တစ်ယောက် စားမယ့်အစာကို အဆိပ်ခတ်ထားမှာစိုးလို့ အရင်ဦးဆုံး မြည်းစမ်းပေးရတဲ့သူတွေကို ခေါ်ပါတယ်။ ဒီထဲက မြည်းစမ်းသူအမျိုးသမီးတွေကတော့ ဟစ်တလာအတွက် အသက်နဲ့ရင်းပြီး မြည်းပေးရတဲ့သူတွေပါ။ ရိုဆာဆူအာက မိဘနှစ်ပါးလုံးမရှိတော့တဲ့အချိန် သူ့ယောကျာ်းရဲ့မြို့မှာ ယောက္ခမတွေနဲ့အတူ လာနေခဲ့ပါတယ်။ စစ်ကြီးအတွင်းမို့ ဂျာမန်ယောကျာ်းသားတွေအားလုံး ရှေ့တန်းရောက်နေပြီး ကျန်ခဲ့တဲ့အိမ်သူတွေကလည်း လင်ယောကျာ်းတွေကိုမျှော်ရင်း အလုပ်လုပ်ရပါတယ်။ သူတို့နေတဲ့မြို့မှာ ဟစ်တလာက တောထဲ ခံတပ်စွဲထားတဲ့အတွက် ရိုဆာတို့မိန်းမသားတွေကို မြည်းစမ်းတဲ့အလုပ်ပေးခဲ့ပါတယ်။ ဘယ်နေ့ အဆိပ်မိပြီးသေရမလဲ စိုးကြောက်ရင်း စစ်ဘေးအန္တရာယ်နဲ့အတူ နေထိုင်ရတဲ့ အမျိုးသမီးတွေရဲ့ ဒုက္ခတွေကို မြင်ရမှာပါ။ ဒီဇာတ်လမ်းက အဲဒီတုန်းက တစ်ဦးတည်းသော အသက်ရှင်ကျန်ရစ်တဲ့ Taster ဖြစ်ပြီး 2014 မှာ‌ အသက် 97 နှစ်နဲ့ဆုံးသွားတဲ့ အမျိုးသမီးကို အခြေခံထားတာမို့ True story ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ဒီတစ်ခေါက်မှာတော့ "Aftershock.2010" ဆိုတဲ့ ၁၉၇၆ခုနှစ် တရုတ်နိုင်ငံ ထန်ရှန့်မြိုမှာ ဖြစ်ပွားခဲ့တဲ့ငလျင်ဒဏ်ကြောင့် ထိခိုက်နစ်နာခဲ့ရသော ပြည်သူ နှစ်သိန်းလေးသောင်းကိုအမှတ်ရအောက်မေ့သောအားဖြင့် တင်ဆက်ရိုက်ကူးထားတဲ့ ဒါရိုက်တာ Feng Xiaogangလက်ရာဇာတ်လမ်းလေးနဲ့ မိတ်ဆက်ပေးချင်ပါတယ်။ "သဘာဝဘေးအန္တရာယ်ဟာ လူတိုင်းရှောင်လွှဲလို့မရနိူင်တဲ့ကပ်ဆိုးကြီးတစ်ခုပဲ ဖြစ်ပါတယ်။ ဒီလိုကပ်ဆိုးတွေကြောင့် မိသားစုတွေဟာ သေကွဲသာမက ရှင်ကွဲပါကွဲကြရပြီး ဝမ်းနည်းနာကျင်မှုကို ခံစားကြရပါတယ်။" ဇာတ်လမ်းအကျဉ်း ယွမ်နီနဲ့ သူ့ခင်ပွန်း ဖန်းသာ့ဟာ အမြွှာကလေးနှစ်ယောက်နဲ့အတူ ထန်ရှန့်မြို့မှာ ပျော်ပျော်ရွှင်ရွှင် နေထိုင်ခဲ့ကြပါတယ်။ ၁၉၇၆ ခုနှစ် ဇူလိုင်လ ၂၈ ရက်နေ့မှာ ကြီးမားလှတဲ့ ငလျင်ကြီး ဖြစ်ပွားပြီး ထန်ရှန့်မြို့ကို ပြာပုံဘဝကို ပြောင်းလဲသွားစေခဲ့ပါတယ်။ ယွမ်နီနဲ့ သူ့ခင်ပွန်းတို့ရဲ့ အိမ်ဟာပြိုကျပြီး ကလေးနှစ်ယောက်ဟာ အထဲမှာ ပိတ်မိနေခဲ့ပြီး ယွမ်နီရဲ့ ခင်ပွန်းဟာလည်း ငလျင်ဘေးကြောင့် သေဆုံးသွားပါတယ်။ကယ်ဆယ်ရေးတွေက ယွမ်နီကို သားနဲ့သမီး နှစ်ယောက်စလုံး မကယ်လို့ မရနိုင်ကြောင်း တစ်ယောက်ကိုပဲ ရွေးချယ်ကယ်တင်ဖို့ ပြောကြားခဲ့ပြီး မရွေးချယ်ဘဲ အချိန်ဆွဲပါက နှစ်ယောက်စလုံး သေဆုံးနိုင်တယ်လို့ သတိပေးခဲ့ကြပါတယ်။ ရွေးချယ်စရာမရှိတဲ့ လီယွမ်နီဟာ သားဖြစ်သူကိုရွေးချယ်ရန် ခက်ခဲ့တဲ့ ဆုံးဖြတ်ချက်ကို ချမှတ်လိုက်ရပါတယ်။သို့သော် သမီးဖြစ်သူ ဖန်းတျန့် ဟာ အသက်ရှင

အွန်းဂျီယောင်းဆိုတဲ့ကောင်မလေးက အလုပ်သင်ဆရာမအနေနဲ့ ယောက်ျားလေးကျောင်းတစ်ကျောင်းကို အလုပ်ဝင်ခဲ့ပါတယ်။ ရုပ်ရည်က တကယ့်အလှပဂေးလေးမလို့ ကျောင်းသားတိုင်းလိုလို ကြွေဆင်းကြရတဲ့ အလှမျိုးပေါ့။ ကျောင်းမှာ ဆရာမကို အပြစ်ရှာဖို့ မျက်စိဒေါက်ထောက်လိုက်ကြည့်နေတတ်တဲ့ ဆရာချာ ဆိုတဲ့ ဆရာတစ်ဦးလည်းရှိနေပြန်ပါတယ်။ အွန်းဂျီယောင်းကိုသဘောကျနေတဲ့ ကျောင်းသားတွေထဲမှာ အွန်းဂျီယောင်းစာသင်ရမဲ့ အခန်းထဲက ကျောင်းသား၃ယောက်ဖြစ်တဲ့ ဂင်ထယ်ဟို၊ အန်းမြောင်ဆော့နဲ့ ဘယ်ဂျယ်ဆော့တို့၃ယောက်လည်း အပါအဝင်ပါပဲ။ သူတို့ကျောင်းမှာ နှစ်တိုင်း ပွဲတစ်ခုစီစဉ်ရတာမလို့ ကျောင်းသား၃ယောက်နဲ့ ဆရာမဂျီယောင်းတို့အတူ musicalတစ်ခုဖန်တီးမယ်ဆိုပြီး အကတိုက်ကြရင်း ကျောင်းသား၃ယောက် ဆရာမကို ဘယ်လိုကြောင်ကြမလဲ ? ပြစ်ချက်လိုက်ရှာနေတဲ့ ဆရာချာကရော ဘယ်လိုဟာတွေတွေ့ပြီး ဘာပြဿနာတွေတက်ကြမလဲဆိုတာ ရယ်မောဖွယ်ကြည့်ရှုကြရမှာပါ။ ဒီကားကို အညွှန်းနဲ့ဘာသာပြန်ဆိုသူက Huihui ဖြစ်ပါတယ်။

ငယ်ရွယ်ပြီး လွတ်လပ်မှုကို မြတ်နိုးတဲ့ ကောင်လေးတစ်ယောက်နဲ့ သူ့ဘဝထဲကို ရုတ်တရက်ဝင်ရောက်လာတဲ့ ကောင်မလေးတစ်ယောက်ရဲ့ ရင်ခုန်စရာ ဇာတ်လမ်းတစ်ပုဒ်ကို တွေ့ရပါမယ်။ သူတို့နှစ်ယောက်ရဲ့ ဆုံတွေ့မှုက ရိုးရှင်းသလောက် သူတို့ရဲ့ ဆက်ဆံရေးကတော့ မြို့ပြဘဝလိုပဲ ရှုပ်ထွေးလှပါတယ်။ တစ်ဖက်မှာလည်း နှစ်ပေါင်းများစွာ အတူလက်တွဲလာခဲ့တဲ့ သက်လတ်ပိုင်းအရွယ် ဇနီးမောင်နှံတစ်စုံရဲ့ အေးစက်စပြုနေပြီဖြစ်တဲ့ အိမ်ထောင်ရေးကို မီးမောင်းထိုးပြထားပါတယ်။ တစ်ယောက်ကိုတစ်ယောက် ချစ်နေသေးရဲ့လား၊ ဒါမှမဟုတ် အလေ့အထတစ်ခုကြောင့် အတူဆက်ရှိနေကြတာလားဆိုတဲ့ မေးခွန်းတွေနဲ့အတူ သူတို့ရဲ့ ဇာတ်လမ်းက ပရိသတ်ကို အတွေးပွားစေမှာပါ။ ဒါ့အပြင် အလုပ်နဲ့ဘဝကြားမှာ လုံးပန်းနေရရင်း မထင်မှတ်ဘဲ ရောက်လာတဲ့ ရင်သွေးလေးကြောင့် အချစ်ရေးမှာ အလှည့်အပြောင်းတွေကြုံတွေ့ရတဲ့ စုံတွဲတစ်တွဲရဲ့ ကြိုးစားရုန်းကန်မှုတွေကိုလည်း လက်တွေ့ကျကျ မြင်တွေ့ရမှာ ဖြစ်ပါတယ်။ ဒီဇာတ်လမ်းလေးတွေအားလုံးကို နောက်ခံတေးဂီတသံစဉ်အေးအေးလေးတွေနဲ့အတူ တစ်ခန်းချင်းစီ ပုံဖော်သွားတာက ဒီရုပ်ရှင်ရဲ့ အသက်ပါပဲ။ တစ်ခါတစ်လေမှာ စကားလုံးတွေထက် ဂီတက လူတွေရဲ့ ခံစားချက်ကို ပိုပြီးထိထိမိမိ ပြောပြနိုင်တယ်ဆိုတာကို သက်သေပြနေသလိုပါပဲ။ ဒီရုပ်ရှင်က အချစ်ဆိုတာ ပန်းခင်းလမ်းတစ်ခုတည်းမဟုတ်ဘဲ တစ်ခါတလေမှာ လမ်းကြမ်းတွေကိုလည်း ဖြတ်သန်းရတတ်ကြောင်း၊ ဆုံးရှုံးမှုတွေ၊ နားလည်မှုလွဲတာတွေ၊ ဒုတိယအခွင့်အရေးတွေနဲ့ ပြည့်နှက်နေတဲ့ မြ

ဇာတ်လမ်းက အိမ်ထောင်ရေး ပျက်ဆီးနေတဲ့ ဘန်နဲ့ သူ့ဇနီး (Llana Barron နဲ့ Bryan Scamman တို့ သရုပ်ဆောင်) ရဲ့ ဘဝအကြောင်း။ သူတို့ နှစ်ယောက်က အိမ်ထောင်ရေး အဆုံးသတ်ဖို့ ရုန်းကန်နေရင်း၊ ရုတ်တရက် အိမ်ထဲမှာမကောင်းဆိုးဝါး ပေါ်လာတယ်။ ဒီမကောင်းဆိုးဝါးက သူတို့ရဲ့ စိတ်ဒဏ်ရာ၊ ဒေါသနဲ့ ကြောက်စိတ်တွေကို အသုံးချပြီး အိမ်ထဲကို ကြောက်စရာ အခန်းတွေ ဖန်တီးလိုက်တာ။ ဘန်က အိမ်ထဲမှာ ထူးဆန်းတဲ့ အရိပ်တွေ၊ အသံတွေ ကြားရင်း သူ့ဇနီးကို သံသယ ဝင်လာပြီး၊ သူတို့ နှစ်ယောက်ရဲ့ ဆက်ဆံရေး ပိုရှုပ်ထွေးသွားတယ်။ တစ်ခါဆို မကောင်းဆိုးဝါးက အိမ်ထဲက ပစ္စည်းတွေကို ရွေးပြီး သူတို့ကို ကြောက်အောင် လုပ်တယ်။ ဥပမာ၊ အိပ်ရာထဲ လှဲနေရင်း ရုတ်တရက် အခန်းထဲ အေးစက်စက် လေတိုက်လာပြီး မကောင်းဆိုးဝါးက သူတို့ရဲ့ အတိတ်အမှတ်တရတွေကို ပြန်ပြပြီး စိတ်ရှုပ်အောင်လုပ်တယ်။ ဘန်က ဒီမကောင်းဆိုးဝါးကို ဖယ်ရှားဖို့ ကြိုးစားရင်း မတော်တဆ အိမ်ထဲမှာ ပိတ်မိနေရတယ်။ နောက်ဆုံးမှာ သူတို့နှစ်ယောက်က အိမ်ထောင်ရေး ပြဿနာတွေကို ရင်ဆိုင်ရင်း မကောင်းဆိုးဝါးကို အနိုင်ယူနိုင်မလား ဆိုတာ စိတ်ဝင်စားစရာ အဆုံးသတ်ပါ။ ဒီဇာတ်ကားက အိမ်ထောင်ရေးပျက်ဆီးမှုရဲ့ ကြောက်စိတ်ကို ဟော်ရာနဲ့ရောထားတဲ့ ဇာတ်လမ်းမျိုးပါ။ ဒီဇာတ်ကားက ၁ နာရီ ၃၆ မိနစ်လောက် ကြာပြီး Mehran C. Torgoley က ဒါရိုက်တာလုပ်ထားတယ်။ အဓိက သရုပ်ဆောင်တွေက Llana Barron၊ Bryan Scamman၊ Minna Brighton နဲ့ Bienvenido Colón တို့ ပါဝင်ပါတယ်။ စိတ်