လူကြည့်များသော ရုပ်ရှင်များ

လူတွေအာလုံးဟာ မိဘတွေရဲ့ပုံစံကို စမှတ်မိချိန်မှာ မိဘတွေရဲ့ သက်လတ်ပိုင်းအရွယ်တွေကိုပဲ မှတ်မိကြတယ်။ ကိုယ့်ကိုကိုယ် မြန်မြန်အရွယ်ရောက်ချင်ကြတာကြောင့် မိဘတွေအိုစာသွားတာကို သတိမထားမိလိုက်ကြဘူး။ သူတို့ခေါင်းပေါ် ဆံပင်ဖြူတွေကို တွေ့လိုက်မှ ကိုယ်တိုင်ပါ အရွယ်‌ေရာက်လာခဲ့တော့မှ သူတို့ ငယ်ရွယ်တုန်းက ဘယ်လိုပုံစံမျိုး ရှိခဲ့ကြမလဲဆိုတာကို သိချင်လာမိကြတယ်။ သားသမီးတိုင်းဟာ မိဘ‌တွေအတွက် ဂုဏ်ယူနိုင်အောင်ပေးချင်ကြတဲ့သူတွေချည်းပဲဆိုပေမယ့် သူတို့တွေကို နာကျင်အောင်လုပ်မိကြတယ်။ မိသားစုတစ်ခုမှာ အမေနဲ့ယှဉ်လိုက်ရင် လူတိုင်းက တစ်ကိုယ်ကောင်းဆန်ကြတာပါပဲ။ အမေငယ်ရွယ်တုန်းက ဘယ်လိုပုံစံမျိုးလဲဆိုတာကို မထင်မှတ်တဲ့အချိန်မှာ သိခွင့်ရသွားခဲ့တဲ့ ကျားရှောင်လင်။ ဘ၀ရဲ့အဆိုးဆံုးအချိန်မှာ၂၀၀၁ ခုနှစ်ကနေ ၁၉၈၁ ခုနှစ်ကို အချိန်ခရီးသွားခွင့်ရပြီး အရာရာကို ပြောင်းလဲခွင့်ရသွားတဲ့အခါမှာတော့.... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်

Jimmy Carrဆိုတဲ့နာမည်က stand-up comedy show ပရိသတ်တွေအတွက်တော့ မစိမ်းတဲ့နာမည်တစ်ခုပါ။ stand-up comedianတွေရဲ့ ထုံးစံအတိုင်းပဲ ဒီတစ်ခါမှတော့ ထေ့လုံးငေါ့လုံးတွေ အများအပြားနဲ့ showပွဲလေးကို တင်ဆက်ပေးလိုက်ပါပြီ။ အရင်ကလည်း ထိမိလွန်းတဲ့ဟာသတွေကြောင့် ခဏခဏဝေဖန်ခံရတဲ့ဂျင်မီတစ်ယောက် သူဘာလို့ မတောင်းပန်တာလဲ။ ဒီလိုဝေဖန်ပြစ်တင်ခံရရင် ဘယ်လိုရင်ဆိုင်မလဲစတဲ့ ဘဝရဲ့ အတွေ့အကြုံတွေပါ ဝေမျှရင်းတစ်ခွန်းဆိုတစ်ခွန်း ဒတ်ခနဲထိအောင် ပြောနိုင်လွန်းတဲ့ ဂျင်မီတစ်ယောက် ဒီတစ်ခါရှိုးမှာရော ဘာအကြောင်းအရာတွေ ဆွေးနွေးသွားမလဲ။ ဘယ်လိုဖြစ်ရပ်တွေကို ပရိသတ်တွေနဲ့မျှဝေသွားမလဲ။ ဒီတစ်ခါမှာရော ဘယ်လိုထိရှလွယ်တဲ့အကြောင်းအရာတွေနဲ့ ရှယ်ဖဲ့ပြမလဲဆိုတာ အတူရှုစားကြရအောင်ပါ။ ဇာတ်လမ်းအညွှန်းနဲ့ ဘာသာပြန်သူကတော့ Eunice ဖြစ်ပါတယ်။

"လျှောက်တဲ့လမ်းကြောင်းကို ​ပြောင်းရင်ပြောင်းမယ်။ ဒါပေမဲ့ ပန်းတိုင်ကိုတော့ ဘယ်တော့မှမပြောင်းဘူး" ဒီဇာတ်လမ်းလေးဆိုရင် အိန္ဒိယနိုင်ငံမှာ အမှန်တကယ်ဖြစ်ပျက်နေတဲ့ အကြောင်းအရာတွေကို မီးမောင်းထိုးရိုက်ကူးပြထားတဲ့ ပညာပေးဇာတ်လမ်းလေးတစ်ပုဒ်ဆိုလည်းမမှားပါဘူး။ ဆေးကျောင်းတက်ချင်တဲ့ရည်မှန်းချက်ပြင်းပြတဲ့ "တီ"ဆိုတဲ့ကောင်လေးဟာ NEETစာမေးပွဲကို အဆင့်အနိမ့်ပိုင်းနဲ့ ဖြေဆိုအောင်မြင်ခဲ့ပေမဲ့ ဆေးကျောင်းဝင်ခွင့်နေရာကိုတော့ မရခဲ့ရှာဘူး။ ဒါပေမဲ့ စိတ်ဓာတ်ကြံ့ခိုင်လှတဲ့သူဟာ နောက်နှစ်မှ အမှတ်များအောင်ပြန်ဖြေမယ်ဆိုပြီး ကိုယ့်ကိုယ်ကိုယ်နှစ်သိမ့်ခဲ့ပေမဲ့ အဆုံးကျတော့ ဒီဝင်ခွင့်စီစဉ်တဲ့စနစ်ကြီးထဲမှာ လိမ်လည်မှုတစ်ခုရှိနေတာကို သိလိုက်ရပါတော့တယ်။ ဒါကို မခံမရပ်နိုင်ဖြစ်နေတဲ့ "တီ"ဟာ ဒီလိမ်လည်မှုကြီးရဲ့နောက်ကွယ်က တရားခံတွေကို အရေးယူနိုင်ဖို့အတွက် သဲလွန်စတွေလိုက်ရှာဖွေရင် အလိမ်ပေါ်အလိမ်ဆင့်နေတဲ့ လိမ်လည်မှုကြီးတစ်ခုနဲ့ ကြုံတွေ့လိုက်ရပါလေရော...။ သူသိထားတဲ့ အမှန်တရားက အလုံးစုံမဟုတ်ဘဲ တစ်စိတ်တစ်ပိုင်းပဲဆိုတာကို သိလိုက်ရတဲ့အချိန် "တီ"ဆိုတဲ့လူငယ်လေးတစ်ယောက် ဒီဆိုးရွားယုတ်မာတဲ့စနစ်ဆိုးကြီးကို ဘယ်လို​တိုက်ဖျက်မလဲဆိုတာကို စိတ်လှုပ်ရှားစွာကြည့်ရှုရမှာပဲဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zed ဖြစ်ပါတယ်

Kil Bill လို Romance , Revenge ခံစားချက်မျိုးကိုရစေမဲ့အပြင် နောက်ပိုင်းရုပ်ရှင်တချို့မှာမြင်တွေ့နေရတဲ့ မင်းသမီးချော Charlotte Kirk ရဲ့အလှအပတွေကိုအသားပေးရိုက်ကူးထားတဲ့အသစ်ထွက်ရှိလာတဲ့ Duchess ဆိုတဲ့ဇာတ်ကားလေးကိုတင်ဆက်ပေးလိုက်ပါတယ်။အက်ရှင်တွေ သွေးထွက်သံယိုတွေ 18+ ခန်းလေးတွေနည်းနည်းပါတဲ့အတွက် ကလေးတွေတော့မကြည့်သင့်ပါဘူး။စကားလက်ဆိုတဲ့ကောင်မလေးတစ်ယောက်က သူ့ရဲဆွဲဆောင်မှုရှိမှုကိုအသုံးချပြီး ခါးပိုက်နှိုက်ကာအသက်မွေးဝမ်းကြောင်းနေရတဲ့ကောင်မလေးတစ်ယောက်ဖြစ်ပါတယ်။တစ်ညမှာတော့သူခါးပိုက်နှိုက်နေတာကိုရော့ဘ်ဆိုတဲ့မာဖီးယားလူဆိုးတစ်ယောက်မြင်သွားပြီး စကားလမ်းကြောင်းစဖြစ်ခဲ့ကြပါတော့တယ်။စစချင်းတုန်းကတော့ စကားလက်ကလက်ရှိလုပ်ကိုင်နေတဲ့အလုပ်လေးဘုံပျောက်သွားမှာနဲ့ လူဆိုးတစ်ယောက်ဖြစ်တဲ့အတွက်ကြောက်နေတာကြောင့်ငြင်းပယ်ခဲ့ပေမဲ့ ရော့ဘ်ရဲ့ဇွဲရှိမှုနဲ့ယောက်ျားပီသမှုတွေကြောင့်မျောပါသွားခဲ့ပါတော့တယ်။ဒီလိုနဲ့နောက်ပိုင်းမှာသူတို့နှစ်ယောက်တွဲဖြစ်ခဲ့ကြပြီး စကားလက်လည်းရော့ဘ်လုပ်ငန်းတွေရဲ့တစ်စိတ်တစ်ပိုင်းမှာပါဝင်လာခဲ့ပါတော့တယ်။စစချင်းတုန်းကတော့ပိုက်ဆံတွေချမ်းချမ်းသာသာနဲ့ပျော်ပျော်ရွှင်ရွှင်နေထိုင်ခဲ့ကြပေမဲ့ ဒုစရိုက်အလုပ်လုပ်တဲ့အတွက် တန်ဖိုးကြီးကြီးမားမားပေးဆပ်ရမဲ့နေ့တစ်နေ့ရောက်လာခဲ့တဲ့အခါမှာတော့ဘာတွေဆက်ဖြစ်မယ်ဆိုတာကိုစိတ်ဝင်တစားကြည့်ရှုရမဲ့အက်ရှင်ကားကောင်းတစ်ကားပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eazy ဖြစ

App ထဲကနေ Movie Request လုပ်ထားတဲ့ကားတွေထဲက တစ်ကားဖြစ်တဲ့ Se7en လေးကိုဘာသာပြန်တင်ဆက်ပေးလိုက်ပါတယ် ရာဇဝတ်မှုတွေများပြားတဲ့မြို့လေးမှာ ဆမ်မာဆတ်ဆိုတဲ့စုံထောက်တစ်ယောက်ကတော့ အငြိမ်းစားယူခါနီး ၁၅ ရက်အလိုမှ အလုပ်ကိုစိတ်ကုန်ပြီးထွက်ချင်နေပါတော့တယ် အဲ့အချိန်သူ့နေရာအစားထိုးရောက်လာတဲ့ စုံထောက်အငယ်မေးလ်ကတော့ လူငယ်ပီပီ စိတ်မြန်လက်မြန်လုပ်တက်တဲ့လူပါ သူတို့တစ်နေ့မှာထူးဆန်းတဲ့ ကွင်းဆက်လူသတ်မှုကြီးပေါ်လာတဲ့အခါ ဆမ်မာဆက်တစ်ယောက်အလုပ်မထွက်နိုင်ဘဲ မေးလ်နဲ့အတူဆက်စုံစမ်းကြရာ သဲထိပ်ရင်ဖိုနဲ့ဘယ်လိုတွေဖြစ်လာမလဲကြည့်ရှူရမှာဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Thansin ဖြစ်ပါတယ်

ဒီတစ်မိတ်ဆက်ပေးချင်တဲ့ဇာတ်ကားလေးကတော့ ဘဝအမောတွေကိုပြေပျောက်စေမယ့် ရုပ်ရှင်သရုပ်ဆောင်လည်းဖြစ် ဟာသလူရွှင်တော်လည်းဖြစ်တဲ့ Adam Sandler ရဲ့ ဇာတ်ကားလေးဖြစ်ပါတယ်။ ဒီဇာတ်ကားလေးထဲမှာ Adam Sandler ဟာ ဟာသရှိုးတစ်ခုကို အလွဲလွဲအချော်ချော်နဲ့ ရောက်သွားခဲ့ပြီး ဘယ်လိုပြက်လုံးတွေ၊ ဘယ်လိုသီချင်းတွေနဲ့ ပရိသတ်တွေကို ဖမ်းစားမလဲဆိုတာကို ကြည့်ရှုရမှာဖြစ်လို့ ကိုယ်တိုင်ကြည့်ရှုခံစားကြည့်ဖို့ တိုက်တွန်းလိုက်ပါရစေ။ ဒီဇာတ်ကားကို အညွန်းနဲ့ဘာသာပြန်ပေးသူကတော့ MCEC ဖြစ်ပါတယ်

ဟောင်ကောင်မင်းသားကြီး Louis Koo နုစဉ် ၂၀၀၈ ခုနှစ်က ထွက်ရှိခဲ့တဲ့ Connected ဆိုတဲ့ဇာတ်ကားဟာဆိုရင် တစ်ရက်တည်းမှာပဲ ဖြစ်ပျက်နေတဲ့အကြောင်းတွေကို ရင်တထိတ်ထိတ်နဲ့ ကြည့်ရှူ့ခံစားရမှာပါ။ Bob ဟာ ကလေးတစ်ယောက်အဖေ အကြွေး‌လိုက်ကောက်သူဖြစ်ပြီး သားဖြစ်သူကိုပေးတဲ့ကတိတွေကို တစ်ခါမှ ကတိမတည်နိုင်တဲ့အဖေတစ်ယောက်။ သားဖြစ်သူဟာ အစ်မဖြစ်သူနဲ့ နိုင်ငံခြားကို ထွက်သွားတော့မယ့်နေ့မှာတောင် လေဆိပ်မှာ လာနှုတ်ဆက်ပါ့မယ်ဆိုတဲ့ကတိကို တည်နိုင်ဖို့အတွက် လေဆိပ်အသွား လမ်းမှာ သူ့ဆီကို ဖုန်းတစ်လုံး ၀င်လာခဲ့ပါတယ်။ ဖုန်းထဲက အမျိုးသမီးက သူပြန်ပေးဆွဲခံထားရကြောင်းနဲ့ အသတ်ခံရတော့မယ်ဆိုပြီး ပြောလာခဲ့တယ်။ Bob ဟာ အစကတော့ စနောက်တဲ့ဖုန်းလို့ထင်ခဲ့ပေမယ့် သေနတ်သံတွေကြားရပြီးချိန်မှာ ယုံကြည်သွားခဲ့ပြီး ဘယ်သူမှန်းမသိတဲ့အမျိုးသမီး အကူညီတောင်းတာကို အမှားအမှန်အကြောင်းအရာ ရေရေရာရာတစ်ခုမှမသိရဘဲ ‌ ကူညီပေးဖို့ ဆုံးဖြတ်လိုက်ပါတော့တယ်။ ဇာတ်လမ်းအညွှန်းနဲ့ ဘာသာပြန်သူကတော့ Su ဖြစ်ပါတယ်။

Oppenheimer တို့ Die Hart တို့လိုနာမည်ကြီးဇာတ်ကားတွေမှာဇာတ်ပို့အနေနဲ့ဇာတ်လမ်းကိုပံပိုးပေးခဲ့တဲ့ ရင်းနှီးနေသလိုလည်းမဟုတ် စိမ်းနေသလိုလည်းမဟုတ်တဲ့မျက်နှာနဲ့မင်းသား Josh Hartnett ကိုယ်တိုင် ဇာတ်ဆောင်အဖြစ်သရုပ်ဆောင်ထားတဲ့သည်းထိပ်ရင်ဖိုဇာတ်ကားကောင်းလေးတစ်ကားကိုတင်ဆက်ပေးလိုက်ပါတယ်။ဇာတ်ကားနာမည်ကတော့ Trap ဖြစ်ပြီးလက်ရှိ IMDb Rating 6.2 အထိရရှိထားပါတယ်။ဒီဇာတ်လမ်းကိုအဓိကဆွဲဆောင်သွားတာကတော့စိတ္တဇကွင်းဆက်လူသတ်သမားနဲ့ အရမ်းချစ်ခင်ခံရတဲ့အိမ်ထောင်ဦးစီးတစ်ယောက် အဖေကောင်းတစ်ယောက်ရဲ့ဇာတ်ကောင်နှစ်ခုကို Mood Swing တွေသေချာပြောင်းလဲပြီးပီပြင်အောင်သရုပ်ဆောင်နိုင်ခဲ့တဲ့ Josh ရဲ့သရုပ်ဆောင်ချက်တွေကြောင့်ပဲဖြစ်ပါတယ်။ဇာတ်လမ်းအစမှာတော့ကူးပါးနဲ့ရိုင်လေဆိုတဲ့သားအဖနှစ်ယောက်ပျော်ပျော်ပါးပါး သမီးဖြစ်သူအရမ်းကြိုက်တဲ့အဆိုတော်တစ်ယောက်ရဲ့ရှိုးပွဲကိုသွားနေကြတာကိုတွေ့ရမှာဖြစ်ပါတယ်။စစချင်းမှာတော့အားလုံးသာယာအဆင်ပြေပျော်ရွှင်နေခဲ့ပေမဲ့ ခဏအကြာမှာတော့ပွဲလုပ်တဲ့နေရာကို ရဲတွေရော အထူးတပ်ဖွဲ့တွေပါရောက်လာပြီးဝိုင်းထားလိုက်ပါတော့တယ်။သူတို့ရဲ့စစ်ဆင်ရေးကတော့ ဒီနေ့အဲ့ဒီရှိုးပွဲမှာသေချာပေါက်ရှိနေမ‌ဲ့ ကွင်းဆက်လူသတ်သမားကိုထောင်ချောက်ဆင်ဖမ်းဖို့ပါပဲ။ဒီလိုနဲ့အမှတ်မထင်ကူးပါးကအဲ့ဒီရဲတွေကိုတွေ့သွားတဲ့အချိန်မှာ သူ့သမီးနဲ့ပျော်နေတဲ့အပျော်တွေပျောက်သွားပြီး ဒီနေရာကနေထွက်သွားနိုင်ဖို့ပဲစတင်ကြိုးစားနေခဲ့ပါတော့တယ်။ဘာကြောင့်ဆိုတာကိုတော့ရိပ်မိနေလောက်ပ

သေခြင်းတရားဆိုတာ လူတိုင်းရှောင်လွှဲလို့မရတဲ့အရာတစ်ခုဆိုပေမဲ့ လူတိုင်းရှောင်လွှဲချင်ကြတဲ့အရာတစ်ခုပါပဲ။ ဇိုရာတစ်ယောက် 15 နှစ်အရွယ် နာမကျန်းတဲ့သမီးလေးကျူးစ်‌‌ဒေးနဲ့အတူ အိမ်ကြီးတစ်ခုမှာ အတူနေပါတယ်။ ဇိုရာကတော့ အမြဲအိမ်မှာမရှိသလောက်ဆိုတော့ ကျူးစ်ဒေးကတော့ သူနာပြုနဲ့ပဲ နေ့တိုင်းအချိန်ကုန်ရတာပေါ့။ ဒါပေမဲ့ တစ်နေ့မှာ ကျူးစ်ဒေးဆီကို စကားပြောတတ်တဲ့ ကြက်တူရွေးကြီးတစ်ကောင် ရောက်လာပြီးတော့ သူတို့စကားပြောနေရင်း ကြက်တူရွေးက သူ့ဆီရောက်လာတဲ့ သေမင်းဆိုတာကို သိသွားတဲ့အခါ.... ကျူးစ်ဒေးတစ်ယောက် အမေဖြစ်သူဇိုရာနဲ့ စကားပြောခွင့်ပေးဖို့ ကြက်တူရွေးကြီးကို ခွင့်တောင်းရင်းနဲ့ ဇိုရာကို အကြောင်းစုံရှင်းပြအပြီးမှာ သမီးကိုဆုံးရှုံးရမှာကြောက်တဲ့ဇိုရာတစ်ယောက် ရူးမိုက်တဲ့ဆုံးဖြတ်ချက် ချလိုက်အပြီးမှာတော့ ဘာတွေဆက်ဖြစ်မလဲဆိုတာ ရှုစားကြပါဦး ဇာတ်လမ်းအညွှန်းနဲ့ ဘာသာပြန်သူကတော့ Eunice ဖြစ်ပါတယ်။

အသစ်ပြန်လည်ပြုပြင်မှာကြောင့် အဆောက်ဦးကို ဖြိုချဖို့လုပ်နေပေမယ့် ထွက်မသွားပေးဘဲ တောင့်ခံနေတဲ့ မိသားစုလေးခု ကျန်နေသေးလို့ သူဌေးရဲ့သားဖြစ်သူက လူနှစ်ယောက်ကိုငှားထားပြီး သရဲခြောက်ခိုင်းထားတယ်။ မိန်းမဖြစ်သူရဲ့ဝိဉာဉ်ပြန်လာမှာ‌ကိုစောင့်နေလို့ ဘယ်လိုပဲခြောက်ခြောက်မကြောက်တဲ့ ကလေးတစ်ယောက်အဖေ မုဆိုးဖို ဆေးဆရာတစ်ယောက်။ လိုင်းပေါ်ဆက်ဆီကျကျ live တွေလွှင့်ပြီး ငွေရှာတဲ့ကောင်မလေးကို ခြောက်လိုက်ပေမယ့် လိုင်းပေါ်မှာ သရဲခြောက်ခံရတဲ့ဗီဒ္ီယိုကြောင့် ပိုနာမည်ကြီးသွားတယ်။ သိပ္ပံကြောင်လင်မယားနှစ်ယောက်ကို အဆင့်မြင့်နည်းပညာနဲ့ ခြောက်လိုက်ပေမယ့် ဘာမှမထူး။ နောက်ဆုံး ဘာကိုမှမကြောက်တတ်တဲ့ ဟောင်ကောင်ဂန်းစတားးဟောင်းနှစ်ယောက်ကိုတော့ ဘယ်လိုခြောက်လွှတ်ရမလဲမသိ။ ခြောက်စရာနည်းလမ်းမရှိတော့လို့ ခေါင်းခြောက်နေတဲ့ကြားက သူဌေးကောတာခံနေရတဲ့ လူနှစ်ယောက်‌ရယ်။ တစ်နှစ်ကျော်နှစ်နှစ်နီးပါးထိ ဘယ်မှ ထွက်မသွားဘဲတောင့်ခံနေတဲ့ လူ ၇ ယောက်ရယ် အဆောက်ဦးဟောင်းကြီးမှာ နေနေကြတယ်။ တောင့်ခံနေတဲ့ကြတဲ့သူတွေဟာ သရဲတကယ်ရှိတယ်ဆိုရင် သရဲနှင်မယ်ဆိုပြီး နာမည်ကြီးသရဲနှင်သူ တစ်ယောက်ကိုငှားလိုက်တယ်...။ သူတို့တွေ ငှားလိုက်တဲ့သူကရော ဘယ်လိုလူမျိုးလဲ ဘာတွေဆက်ဖြစ်မလဲဆိုတာတွေကို ဟာသဆန်စွာနဲ့ရိုက်ထားတာဖြစ်ပြီး ပေါ့ပေါ့ပါးပါးကြည့်လို့ အရမ်းကောင်းတဲ့ ဇာတ်ကားတစ်ကားဖြစ်လို့ ကြည့်ရင်း စိတ်အပန်းဖြေလိုက်ကြပါဦး။ ဇာတ်လမ်းအညွှန်းနဲ့ ဘာသာပြန်သူကတော့ Su ဖြစ်ပါတယ်။

အသက် ၂၀ နဲ့ ၃၀ ကြားဆိုတာ လူတိုင်းဘဝမှာ အရေးကြီးတဲ့ အချိန်ကာလတစ်ခုပါ။ လူတစ်ယောက်ရဲ့ ဘဝတစ်ခုလုံးကို အဆုံးအဖြတ်ပေးနိုင်တဲ့ ကာလလို့ပြောရင်လည်း မမှားပါဘူး တကယ်လို့ အဲဒီကာလမှာ ကိုယ်ဟာ သစ္စာဖောက်တစ်ယောက်ဖြစ်လာခဲ့ရင်ရော ? ဒီတစ်ခါတင်ဆက်ပေးချင်တဲ့ ဇာတ်ကားလေးကတော့ IMDb rating 9.2/10 ရရှိထားတဲ့ 19.20.21 ဆိုတဲ့ ဇာတ်ကားလေးပဲ ဖြစ်ပါတယ်။ ဒီဇာတ်ကားလေးမှာတော့ ငယ်ရွယ်ပြီး သတင်းစာပညာကို သင်ယူနေတဲ့ ကျောင်းသားလေးတစ်ယောက် သူ့အသိုင်းအဝိုင်းရဲ့ လူအခွင့်အရေးတွေအတွက် တိုက်ပွဲဝင်ရင်း သစ္စာဖောက်အဖြစ်နဲ့ အမှုဖွင့်ခံလိုက်ရတဲ့ အကြောင်းကို မြင်တွေ့ရမှာပါ။ ဒီဇာတ်ကားလေးဟာ ဖြစ်ရပ်မှန်လေးကို အခြေခံထားတာမလို့ လက်မလွှတ်တမ်း ကြည့်ရှုအားပေးကြဖို့ တိုက်တွန်းပါရစေရှင်။ အညွှန်းနဲ့ ဘာသာပြန်ကတော့ Kaelyn ပဲဖြစ်ပါတယ်ရှင်။

ကားချစ်သူဝါသနာရှင်များအတွက် စိတ်ဝင်စားစရာကောင်းမဲ့ အသိပညာလည်းရစေမဲ့ Biography ဇာတ်ကားလေးတစ်ကားကိုတင်ဆက်ပေးလိုက်ပါတယ်။ဇာတ်ကားကတော့တခြားမဟုတ်ပါဘူး တစ်ခေတ်တစ်ခါကလမ်းကြမ်းကားပြိုင်ပွဲတွေမှာ အကောင်ကြီးတွေဖြစ်ခဲ့တဲ့ Audi နဲ့ Lancia တို့ကြားကအားပြိုင်မှုတွေကိုကွက်ကွက်ကွင်းကွင်းမြင်တွေ့နိုင်အောင်ရိုက်ကူးတင်ဆက်ထားတဲ့ဇာတ်ကားပဲဖြစ်ပါတယ်။နာမည်ကလည်း Race For Glory : Audi Vs Lancia ပဲဖြစ်ပြီး IMDb Rating 5.8 အထိရရှိထားပါတယ်။၁၉၈၂ ခုနှစ်ပတ်ဝန်းကျင်လောက်မှာ လမ်းကြမ်းကားပြိုင်ပွဲတွေကအရမ်းခေတ်စားလာခဲ့ပြီးကမ္ဘာ့နံပါတ် ၁ တီဗီအားကစားဖြစ်လာခဲ့ပါတယ်။ပြိုင်ပွဲတွေကဒီလိုနာမည်ကြီးလာတာနဲ့အမျှ ကားကုမ္ပဏီတွေကလည်းပြိုင်ပွဲတွေမှာအနိုင်ရဖို့အတွက်သူတို့ကားတွေကိုအကောင်းဆုံးအဆင့်မြှင့်အပြိုင်အဆိုင်ထုတ်လုပ်လာခဲ့ကြပါတယ်။အဲ့ဒီထဲကမှပြိုင်ဆိုင်မှုအပြင်းထန်ဆုံးကတော့ Audi နဲ့ Lancia ကားကုမ္ပဏီ ၂ ခုပဲဖြစ်ပါတယ်။Audi တွေလမ်းကြမ်းကားပြိုင်ပွဲလောကထဲဝင်လာကတည်းက Lancia အတွက်ရှုံးနိမ့်မှုတွေပဲတောက်လျှောက်ကြုံတွေ့ခဲ့ရပါတယ်။အဓိကအကြောင်းအရင်းကတော့ဂျာမန်ကုမ္ပဏီဖြစ်တဲ့ Audi က Four-Wheel လေးဘီးမောင်းစနစ်ကိုဦးအောင်တီထွင်သုံးစွဲနေနိုင်လို့ပဲဖြစ်ပါတယ်။အဲ့ဒီနည်းပညာကိုရဖို့ဆိုတာတော်ရုံလွယ်ကူတာမဟုတ်တဲ့အတွက် Lancia အတွက်ကတော့အနိုင်ရဖို့ခက်ခဲသထက်ပိုခက်ခဲနေခဲ့ပါတယ်။ဒါပေမယ့် Lancia ရဲ့မလျှော့သောဇွဲနဲ့ပြင်းထန်တဲ့လုံလတို့ပေါင်းစည်းပြီး နှစ်ဘီးမောင်းက

ဒါလေးကတော့ Documentary Film လေးဖြစ်ပါတယ် ၂၀၁၆ ခုနှစ်မှာ ဘင်္ဂလားဒေ့ရှ်ဗဟိုဘဏ်ကို အင်တာနက်ကနေ ဘဏ်ဖောက်မှု ဖြစ်ပွားခဲ့တဲ့ အကြောင်းကို မှတ်တမ်းတင် ဖော်ပြထားတာပဲ ဖြစ်ပါတယ် ခေတ်နည်းပညာတွေ တိုးတက်လာတာနဲ့အမျှ IT နယ်ပယ်ကလည်း ကျယ်ပြန့်လာပါတယ် Computer system တွေကို ကျွမ်းကျင်တဲ့ ပညာရှင်တွေ ပေါ်ထွက်လာသလို အဲ့ပညာကို အသုံးပြုပြီး မကောင်းမှု ဒုစရိုက်တွေ ပြုလုပ်ချင်ကြတဲ့ Hacker အဖွဲ့တွေ ဂိုဏ်းအဖွဲ့အစည်းတွေကလည်း ပေါ်လာပါတယ် ဒီကားလေးထဲမှာတော့ ၂၀၁၆ ခုနှစ်မှာ ဘဏ်တစ်ခုကို Cyber ကနေ ဝင်ဖောက်ခဲ့တဲ့ အကြောင်းကို မှတ်တမ်းတင်ပြထားတာဖြစ်ပြီး ၂၁ရာစုရဲ့ Cyber အန္တရာယ်ကိုလည်း မီးမောင်း ထိုးပြထားတာ ဖြစ်ပါတယ် အွန်လိုင်းကနေ ဘဏ်ဖောက်တဲ့သူတွေ ပြုလုပ်သွားတဲ့ လုပ်ငန်းစဉ်အဆင့်ဆင့်ကို သေသေချာချာ ဖော်ပြပေးထားပါတယ် ဒီ၂၀၁၆ ခုနှစ်က ဘဏ်ဖောက်မှု ဖြစ်ရပ်မှန်ကြီးရဲ့ တရားခံဟာလည်း လက်တွေ့လူ့လောကမှာ ဘယ်လောက်အန္တရာယ်ရှိတဲ့ ရာဇဝတ်မှု ဂိုဏ်းဖြစ်တယ် ဆိုတာ မှတ်တမ်းတင်ပြထားပါသေးတယ် ပြီးတော့ လူတွေရဲ့ IT နည်းပညာကို ပိုမိုမှီခိုလာမှုကြောင့် ဒီအန္တရာယ်တွေက ပိုပြီး ရှိလာနိုင်ကြောင်း ဒီအန္တရာယ်တွေက ဘယ်လောက်တောင်မှ စိုးရိမ်ဖွယ်အခြေအနေမှာ ရှိကြောင်းကိုလည်း Documentary ထဲမှာ ရှင်းလင်း တင်ပြသွားပါတယ် ဇာတ်လမ်းအညွှန်းနဲ့ ဘာသာပြန်သူကတော့ Henny ဖြစ်ပါတယ်။

ဂန်ဆယ်ဟာနဲ့ ဘတ်ဒုံဂူတို့ဟာ မသန်စွမ်းတွေနေတဲ့ ဂေဟာမှာနေရင်း တစ်ယောက်ကိုတစ်ယောက် ဖေးမပြီး အတူနေလာကြတာ နှစ်၂၀ရှိသွားတဲ့အချိန်မှာ သူတို့ကိုစောင့်ရှောက်ပေးတဲ့ ဖာသာက ဆုံးသွားခဲ့ပါတယ်။ ဖာသာဆုံးသွားတော့ သူတို့တွေနေလာကြတဲ့ဂေဟာကြီးကလည်း မြေရှင်က ဖယ်ခိုင်းနေတာမလို့ တစ်ဂေဟာတည်းနေကြတဲ့ သူငယ်ချင်းတွေကို တခြားဂေဟာဆီပို့ပြီး သူတို့၂ယောက်ကတော့ အတူနေဖို့ လျှောက်ပြီးမှပဲ ဒုံဂူကိုစွန့်ပစ်ခဲ့တဲ့ ဒုံဂူရဲ့ အမေဖြစ်သူက သားဖြစ်သူကိုပြန်လာခေါ်တဲ့အခါ ဘာဆက်ဖြစ်ကြမလဲဆိုတာ.... သွေးမတော်သားမစပ်ကြတဲ့ညီအစ်ကို၂ယောက်ကြားက ၅၂၈ မေတ္တာကိုကြည့်ရှုရမဲ့ dramaဇာတ်ကားကောင်းလေးတစ်ကားပါ။ ဒီကားကိုအညွှန်းနဲ့ ဘာသာပြန်ဆိုသူကတော့ Huihui ဖြစ်ပါတယ်။

ကိုးရီးယားရုပ်ရှင်ချစ်သူတွေအတွက် မြောက်ကိုးရီးယားနဲ့တောင်ကိုးရီးယားစစ်တပ်ကြားကစိတ်ဝင်စားစရာအဖြစ်အပျက်လေးတစ်ခုကိုစိတ်ကူးယဉ်တင်ဆက်ရိုက်ကူးထားတဲ့ဇာတ်ကားလေးတစ်ကားကိုတင်ဆက်ပေးလိုက်ပါတယ်။ဇာတ်ကားနာမည်ကတော့ Escape ဖြစ်ပြီး IMDb Rating 6.6 အထိရရှိထားပါတယ်။မြောက်ကိုးရီးယားဆိုတာလူ့အခွင့်အရေးချိုးဖောက်ခံရတဲ့ စည်းကမ်းတင်းကြပ်တဲ့ဖိနှိပ်တဲ့နိုင်ငံအဖြစ်နာမည်ဆိုးနဲ့ကျော်ကြားတာလူတိုင်းအသိပါပဲ။အဲ့ဒီမှာနေနေရတဲ့သာမန်အရပ်သားတွေရဲ့ဘ၀တွေတောင်ကြမ်းတမ်းခက်ခဲနေတဲ့အတွက် စည်းကမ်းတင်းကြပ်တဲ့ စစ်တပ်ထဲကစစ်သားတွေရဲ့ဘ၀ဆိုရင်တော့မတွေးရဲလောက်စရာပါပဲ။အဲ့ဒါကြောင့်ပဲလွတ်လပ်တဲ့တောင်ကိုးရီးယားကိုထွက်ပြေးဖို့ကြိုးစားခဲ့ပြီးအောင်မြင်ခဲ့တဲ့သူတွေရှိသလို မအောင်မြင်ခဲ့တဲ့လူတွေလည်းရှိပြီး အခါအခွင့်ရတာနဲ့လစ်ဖို့ကြိုးစားနေတဲ့လူတွေလည်းတစ်ပုံကြီးပါပဲ။အဲ့လိုတောင်ကိုးရီးယားကိုထွက်ပြေးဖို့ကြိုးစားနေတဲ့လူတွေထဲမှာ အင်ဂယူနမ်ဆိုတဲ့မြောက်ကိုးရီးယားတပ်စုမှူးတစ်ယေ‌ာက်လည်းအပါအဝင်ပါပဲ။သူ့ဘ၀မှာ သူနေထိုင်ရာမြောက်ကိုးရီးယားသံဆူးကြိုးခြံစည်းရိုးရဲ့တစ်ဖက်ခြမ်းကတောင်ကိုးရီးယားကိုထွက်ပြေးဖို့အမြဲတမ်းစိတ်ကူးနေခဲ့သူဖြစ်ပြီးတစ်နေ့မှာတော့သူ့စိတ်ကူးတွေအောင်မြင်ဖို့အတွက်အကောင်အထည်စဖော်ပြီးတပ်ပြေးခဲ့ပါတော့တယ်။တပ်ပြေးမှုဆိုတာတော်တော်ကြီးလေးတဲ့အတွက်သူ့နောက်ကိုလိုက်ဖမ်းတဲ့အထက်အရာရှိတွေကလည်းလိုက်ဖမ်းရင်း ဘယ်လိုအခက်အခဲတွေကြုံရပြီး အောင်မြင်စွာထွက်ပြေးသွားနိုင်ပါ့

အမှန်တရားကိုမြတ်နိုးတဲ့ သတင်းထောက်မလေးချာလီနဲ့ နိုင်ပွဲဆက်နေတဲ့ မွေထိုင်းဖိုက်တာလေးဂျက်တို့မောင်နှမနှစ်ယောက်က မိဘတွေမရှိတော့တဲ့နောက် တစ်ယောက်နဲ့တစ်ယောက် ကိုင်းကျွန်းမှီ ကျွန်းကိုင်းမှီ အတူနေလာခဲ့တာပေါ့။ ဒါပေမဲ့ လက်ရှိမှာ ဂျက်ဦးစီးနေတဲ့ သူတို့အဖေရဲ့ အားကစားရုံပိုင်ဆိုင်မှု အမည်ပေါက်ကိစ္စနဲ့ သူတို့ဘဝထဲကမေ့ထားတဲ့အဖေနဲ့တွေ့ရဖို့ လမ်းစပေါ်လာတဲ့အခါ... ဖြစ်ချင်တော့ ဒေါသမထိန်းနိုင်တဲ့ ချာလီတစ်ယောက် လက်ပါမိလို့ အလုပ်ကနေ ဆိုင်းငံ့ခံထားရချိန်လည်းဖြစ်တော့ မောင်ဖြစ်သူဂျက်ရဲ့ အဆွယ်ကောင်းမှုနဲ့ ထိုင်းနယ်စပ်အလွန်မှာရှိတဲ့ မြန်မာနိုင်ငံက ခန်ထောက်အကျဉ်းထောင်ကို အဖေနဲ့တွေ့ဖို့ ရောက်လာပါတော့တယ်။ ဒါပေမဲ့ အဖေနဲ့ထောင်ဝင်စာလာတွေ့ဖို့လုပ်ရင်း မောင်နှမနှစ်ယောက် မူးယစ်မှောင်ခိုမှုနဲ့စွပ်စွဲခံရပြီး အကွက်ဆင်ဖမ်းဆီးခံရလိုက်ရပါတော့တယ်။ လူဖြူတွေကိုမုန်းတီးနေတဲ့ ဒီထောင်ကြီးထဲက လွတ်မြောက်ဖို့ တစ်ခုတည်းသောနည်းလမ်းက သူတို့ရဲ့အမွေဖြစ်တဲ့ ကိုယ်ခံပညာကို အသုံးချရဖို့ဖြစ်လာချိန်မှာ မောင်နှမနှစ်ယောက်လုံး အကျဉ်းထောင်ထဲက လက်ဝှေ့ထိုးသတ်ပွဲမှာ ယှဉ်ပြိုင်ဖို့ကြိုးစားရင်း ဘယ်လိုရုန်းကန်ရမလဲဆိုတာ ရှုစားကြပါဦး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eunice ဖြစ်ပါတယ်

ဂူဖောက်သမားတွေနဲ့ ရှေးဟောင်းသုတေသနပညာရှင်‌ေတွေဟာ တကယ့်ကို တစ်လမ်းတည်း အတူသွားလို့မရတဲ့သူတွေပါ။ ကျိုးကျန်းလျန်ဟာ ရှေးဟောင်းသုတေသနပညာရှင်တစ်ယောက်ဖြစ်ပြီး လွန်ခဲ့တဲ့ ၁၀ နှစ်‌က ဂူဖောက်သမားတစ်ယောက်နဲ့အတူ ရတနာမြေပုံတစ်ခုနဲ့ ရတနာရှာဖို့ ထွက်သွားရကနေ ပျောက်သွားခဲ့တဲ့ ဆရာဖြစ်သူကို ရှာ‌ေနခဲ့တယ်။ ကျိုးကျန်းလျန်ဟာ ဂူဖောက်အကျော်အမော်ကြီး လောင်ဘီဆိုသူ တစ်ယောက်နဲ့ ပေါင်းပြီး ရတနာမြေပုံတစ်ခုနဲ့အတူ ရှေးဟောင်းဂူတစ်ဂူရှာဖို့အတွက် ကန္တာရကို ခရီးဆက်လာခဲ့ကြတယ်။ လောင်ဘီဆိုသူဟာလည်း လောင်းကစားကြွေးတွေ တင်နေလို့ မိန်းမဖြစ်သူကိုပါ အကြွေးရှင်တွေက ဓားစာခံဖမ်းထားပြီး ဂူဖောက်မယ့် ကိစ္စတွေထိ အကြွေးရှင်တွေလာနှောင့်ယှက်တာ ခံရကာ ‌သူတို့တွေ အောင်မြင်စွာနဲ့ ရတနာတွေကို ရှာတွေ့နိုင်မလားဆိုတာကိုတော့ ကိုယ်တိုင်ပဲ ကြည့်ရှ့ခံစားလိုက်ပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်

ဒီတစ်ခါမှာတော့ ပရိသတ်ကြီးကို Horror Comedy ဇာတ်ကားကောင်းလေးဖြစ်တဲ့ Munjya နဲ့ မိတ်ဆက်ပေးပါရစေ။ IMDb rating အနေနဲ့ဆိုရင်တော့ 6.8 ရရှိထားတာပဲဖြစ်ပါတယ်။ ဒီဇာတ်ကားလေးဟာ မဟာရက်ရှ်တရီယန်ရိုးရာပုံပြင်ကို အခြေခံပြီး ရိုက်ကူးထားတာပါ။ ဇာတ်လမ်းအကျဉ်းလေးကို ပြောပြရရင်တော့ ၁၉၅၂ ခုနှစ်တုန်းက ကွန်ကန်ရွာက ဂို့တယာဆိုတဲ့ ကောင်လေးဟာ သူ့ထက် ၇ နှစ်ကြီးတဲ့ မွန်နီဆိုတဲ့ ကောင်မလေးကို ချစ်မိနေခဲ့ပါတယ်။ ဒါပေမဲ့ မွန်နီက တခြားလူနဲ့ လက်ထပ်မှာကို သိတော့ အောက်လမ်းသုံးပြီး မွန်နီနဲ့ လက်ထပ်ဖို့ ကြိုးစားခဲ့ပေမဲ့ ဂို့တယာကိုယ်တိုင်ပဲ သေသွားခဲ့ရပါတယ်။ ဂို့တယာဟာ သေသွားပြီးတဲ့နောက်မှာတော့ မွန်ဂျာလို့ အမည်ရတဲ့ နတ်ဆိုးဖြစ်သွားပါတော့တယ်။ ဆယ်စုနှစ်များစွာ ကြာပြီးတဲ့နောက် ပူနဲမြို့က ဘစ်တူးလို့ ခေါ်တဲ့ ဆံသသမားလေးဟာ ဝမ်းကွဲဖြစ်သူ စေ့စပ်ပွဲကြောင့် သူ့အမေ အဘွားနဲ့အတူ အမျိုးတွေရှိတဲ့ ကွန်ကန်ရွာကို ပြန်သွားခဲ့ပါတယ်။ တစ်ရက်မှာတော့ ဘစ်တူးဟာ ဦးလေးဖြစ်သူနဲ့ စကားများရင်း ကျိန်စာသင့်နေတဲ့ နေရာကို သွားမိရာကနေ မွန်ဂျာ ဝင်ပူးတာတွေ ခံရသလို မွန်ဂျာက ဘစ်တူးချစ်ရတဲ့ ကောင်မလေးနဲ့ လက်ထပ်ဖို့ ကြိုးစားလာတဲ့ အချိန်မှာတော့......မွန်ဂျာက ဘယ်လိုနတ်ဆိုးမျိုးလဲ ဘာလို့ သူက နတ်ဆိုးဖြစ်သွားရတာလဲ ဘစ်တူးကရော မွန်ဂျာ့ကို တားနိုင်ပါ့မလား သူတို့နှစ်ယောက်ကရော ဘယ်လိုမျိုးပတ်သက်မှုတွေ ရှိတာလဲဆိုတာကိုတော့ ပရိသတ်ကြီးက ဒီဇာတ်ကားလေးထဲမှာ ကြည့်ရှုအားပေးကြပါဦးရှင်

App ထဲကနေ Movie Request လုပ်ထားတဲ့ကားတွေထဲက တစ်ကားဖြစ်တဲ့ Elektra လေးကိုဘာသာပြန်တင်ဆက်ပေးလိုက်ပါတယ် Elektra ဆိုတာက Marvel comic ထဲက ဗီလိန်တစ်ယောက်ဖြစ်ပြီး မျက်လုံးစိမ်းနဲ့ အနီရောင်ဝတ်စုံကိုဝတ်ကာ ဆိုင်စ်လို့ ခေါ်တဲ့ဓားမြောင်နှစ်ချောင်းကိုင်ဆောင်တတ်တဲ့ လူသတ်သမားတစ်ယောက်ဖြစ်ပါတယ်။ ဒီဇာတ်လမ်းထဲမှာလည်း Elektra ဟာ ကြေးစားလူသတ်သမားတစ်ယောက်အဖြစ် အလုပ်လုပ်နေပြီး တစ်ရက် သူမသတ်ဖြတ်ရမယ့် ပစ်မှတ်ကတော့ မက်ခ်မီလ်လာနဲ့ အက်ဘီဆိုတဲ့ သားအဖနှစ်ယောက်ကို ဖြစ်ပါတယ်။ မူလအစကတော့ သူမအနေနဲ့ အဲ့ဒီသားအဖကို သတ်ပစ်ဖို့ ကြံစည်ခဲ့ပေမယ့် တကယ်တမ်းမှာတော့ အက်ဘီရဲ့ ဘဝက သူမလို အမိမဲ့သမီးတစ်ယောက် ဖြစ်နေတာကို မြင်လာပြီး သနားလာကာ အက်ဘီတို့ကို လိုက်လံသတ်ဖြတ်နေတဲ့ the Hand အဖွဲ့ကို တိုက်ခိုက်ပြီး အက်ဘီတို့သားအဖကို ကယ်တင်ဖို့ ကြိုးစားတဲ့ ဇာတ်လမ်းဖြစ်ပါတယ်။ {ဒီဇာတ်ကားဟာဆိုရင် Ben Affleck ပါဝင်ခဲ့တဲ့ Daredevil (2003) ဇာတ်ကားရဲ့ Spin-off ဇာတ်လမ်းဖြစ်ပြီး အဲ့ဒီဇာတ်လမ်းမှာ Elektra အနေနဲ့ ပါဝင်ခဲ့တဲ့ မင်းသမီးချော Jennifer Garner ကပဲ ဆက်လက်သရုပ်ဆောင်ထားတာ ဖြစ်ပါတယ်။ Daredevil ရုပ်ရှင်ဟာဆိုရင် Ben Affleck နဲ့ Jennifer Garner တို့ကို လက်တွဲစေခဲ့တဲ့ ရုပ်ရှင်တစ်ကား ဖြစ်ခဲ့တယ်ဆိုရင်လည်းမမှားပါဘူး။ ဒီ Elektra ရုပ်ရှင်ထွက်ရှိတဲ့ အချိန် ၂၀၀၅ ခုနှစ်မှာတော့ သူတို့နှစ်ဦးသားက အပြင်မှာ တကယ်ပဲလက်ထပ်သွားခဲ့ပါပြီ။ (အညွှန်းရေးသာ

ငယ်ငယ်တည်းက အတူရှိလာတဲ့ အချစ်ဆုံးသူငယ်ချင်းနှစ်ယောက်က အပြန်အလှန်ဖေးမပေးရင်း အခက်အခဲတွေ ပဋိပက္ခတွေကို ညှိနှိုင်းဖြေရှင်းကြပြီး သူတို့ကလေးတွေအတွက် ကြိုးစားတာကို ဖော်ကျူးထားတာပါ။ Single mom တွေရဲ့ အခက်အခဲ ကြောက်ရွံ့အားငယ်မှုတွေနဲ့ ကလေးတွေကို အလုပ်တစ်ဖက်နဲ့စောင့်ရှောက်ရတဲ့ မိခင်တွေရဲ့ စိတ်ကိုထင်ဟပ်နေပါတယ်။ ဒေါင်းန်နဲ့အီဒင်တို့က အရမ်းချစ်တဲ့သူငယ်ချင်းတွေဖြစ်ပြီး ဒေါင်းန်က သူ့အမျိုးသားနဲ့ဒုတိယကိုယ်ဝန်ရပြီး မီးဖွားပြီးကာစဖြစ်ပါတယ်။ အီဒင်ကတော့ လွတ်လွတ်လပ်လပ်နေတတ်ပြီး တစ်ရက်မှာ တစ်ညတာအဖော်နဲ့ မှားမိရာကနေ မထင်မှတ်ဘဲ ကိုယ်ဝန်ရသွားပါတယ်။ ပိုဆိုးတာက သူမှားခဲ့တဲ့လူက အစာနင်ပြီး ဆုံးသွားတာပါ။ အဲ့မှာပဲ Single Mom ဖြစ်ဖို့ ရွေးချယ်လိုက်တဲ့ အီဒင်က ဒေါင်းန်အကူအညီနဲ့ ကလေးလေးကို ရှောရှောရှူရှု‌မွေးဖို့ ပြင်ဆင်ရပါတော့တယ်။ တစ်ဖက်မှာလည်း ဒေါင်းန်က သူ့မိသားစုနဲ့သူဗျာများနေပြီး မအားလပ်အောင်ကို အလုပ်များနေခဲ့ပါတယ်။ ဒီလိုနဲ့ သူငယ်ချင်းတွေကြား ကတောက်ကဆဖြစ်ပြီး နောက်ဆုံးမှာ မိသားစုလိုဖြစ်နေတာမို့ ပြန်လည် သင့်မြတ်အောင် ကြိုးစားတာကို တွေ့ရမှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ရုပ်ရှင်လောကမှာဟောလီး၀ုဒ်ကိုလိုက်မှီဖို့အမြဲတမ်းကြိုးစားအားထုတ်ပြီး အသစ်အဆန်းတွေကိုချပြနေတဲ့ နိုက်ဂျီးရီးယားရုပ်ရှင်လောကရဲ့ Tokunbo ဆိုတဲ့ Netflix တန်းဝင်ဇာတ်ကားသစ်လေးတစ်ကားကိုထပ်မံတင်ဆက်ပေးလိုက်ပါတယ်။ဇာတ်ကားအမျိုးအစားကတော့အက်ရှင် ဒရာမာဖြစ်ပြီး ပြီးပြီးရောမဟုတ်ပဲ သေချာကြိုးစားအားထုတ်ပြီးရိုက်ထားတဲ့စိတ်လှုပ်ရှားစရာဇာတ်လမ်းဇာတ်ကွက်တွေကိုချပြထားတာတွေ့ရမှာဖြစ်ပါတယ်။တိုကွန်ဘိုဆိုတဲ့လူက ကားမောင်းတာအရမ်းကျွမ်းကျင်သူတစ်ဦးဖြစ်ပြီး အစိုးရလက်ချက်ကြောင့်ငွေကြေးကြပ်တည်းမှုကိုရင်ဆိုင်နေရတဲ့လူတွေအများကြီးထဲကတစ်ယောက်ဖြစ်ပါတယ်။အဲ့ဒါကြောင့်ပဲသူ့အရည်အချင်းကိုအသုံးချ‌ပြီး ရဲတွေမမိအောင်ကားတွေကိုမှောင်ခိုပို့ပေးရတဲ့အလုပ်ကိုလုပ်ကိုင်ဖြစ်ခဲ့ပါတော့တယ်။ဒါပေမယ့်သူ့ဘ၀ထဲကိုသားလေးတစ်ယောက်ရောက်လာခဲ့ပြီးနောက်မှာတော့အဲ့ဒီအလုပ်ကိုစွန့်လွှတ်ပြီး ကောင်းရောင်းကောင်းဝယ်လုပ်ကိုင်တဲ့လမ်းကိုရွေးချယ်ခဲ့ပါတော့တယ်။ဒါပေမယ့်ကံကြမ္မာကမျက်နှာသာမပေးတဲ့အခါမှာတော့ သူ့သားလေးကဆေးရုံကဆေးဝါးတွေနဲ့အသက်ဆက်နေရပြီး သူ့သားကိုကုသဖို့အတွက်ငွေတွေအများကြီးလိုအပ်လာခဲ့ပါတော့တယ်။ဒီလိုနဲ့မတတ်သာပဲ အလုပ်ရှင်ဟောင်းဆီမှာ အလုပ်သွားတောင်းတဲ့အခါမှာ မရလာပေမဲ့ နိုင်ငံအဆင့်နဲ့ချီတဲ့ဒုစရိုက်အလုပ်ကြီးတစ်ခုကသူ့လက်ထဲအလိုအလျောက်ရောက်လာတဲ့အခါမှာ သူ့သားလေးကိုကယ်တင်ဖို့အဲ့ဒီအလုပ်ကိုအောင်မြင်အောင်လုပ်နိုင်ပါ့မလား သူ့ခရီးစဉ်တစ်လျှောက်မှာရော ဘာတွေကြုံတွေ့သွားရမယ်ဆိုတာက

"Jama"ဆိုတာက ဇာတ်အဖွဲ့ကိုဆိုလိုတာဖြစ်တဲ့အတွက် ဇာတ်ကားနာမည်အတိုင်းပဲ ဒီဇာတ်လမ်းလေးဟာ ဇာတ်အဖွဲ့တစ်ခုကိုအခြေယူပြီး ဇာတ်အိမ်တည်ထားတာပဲဖြစ်ပါတယ်။ ဒီဇာတ်လမ်းလေးထဲမှာတော့ နယ်တကာလှည့်ပြီး လမ်းဘေးပြဇာတ်တွေဖျော်ဖြေနေတဲ့ နာမည်ကြီးဇာတ်အဖွဲ့တစ်ခုထဲမှာ ကလယာနန်လို့ခေါ်တဲ့ လူငယ်လေးက အမျိုးသမီးဇာတ်ကောင်တွေမှာပဲ သရုပ်ဆောင်ခွင့်ရတဲ့အတွက် အမေဖြစ်သူက သူ့သားကို ဘုရင်ဇာတ်ကောင်မှာ သရုပ်ဆောင်ဖို့ အမြဲတိုက်တွန်းပါတယ်။ ဒါပေမဲ့ ဇာတ်ဆရာက သူ့ကို ဘုရင်ဇာတ်ကောင်မှာသရုပ်ဆောင်ခွင့်မပေးဘဲ ချော့တစ်ခါခြောက်တစ်လှည့်နဲ့သိမ်းသွင်းထားပါတယ်။ တကယ်တော့ အဖွဲ့ထဲမှာ ဘုရင်နေရာသရုပ်မဆောင်ရတဲ့လူဆိုလို့ သူတစ်ယောက်တည်းပဲရှိတာပါ။ အကြောင်းပြချက်ကတော့ ဇာတ်ဆရာဘက်က သူ့ကိုမအောင်မြင်စေချင်တဲ့စိတ်နဲ့ တမင်မလုပ်ခိုင်းဘူးဆိုတာကို သိသွားတဲ့အခါ ကလယာနန်တစ်ယောက် ဒီဇာတ်ကောင်ကိုသရုပ်ဆောင်ရဖို့အတွက် ဘယ်လိုတွေကြိုးပမ်းမလဲဆိုတာကို အလွမ်းအဆွေးဆန်ဆန်ကြည့်ရမဲ့ဇာတ်လမ်းလေးတစ်ပုဒ်ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zed ဖြစ်ပါတယ်

ဒီဇာတ်ကားလေးကတော့ အထူးတလည်မိတ်ဆက်ပေးစရာလိုမယ်မထင်ပါဘူး။ HBO ကနေတင်ဆက်ပေးလိုက်တဲ့ လေဒီဂါဂါရဲ့Chromatica(2020) စတူဒီယိုအယ်လ်ဘမ်ဖျော်ဖြေပွဲလေးဖြစ်လို ထူးခြားဆန်းပြားတဲ့အပြင်အဆင်တွေ၊ သီချင်းကောင်းကောင်းလေးတွေနဲ့ လေဒီဂါဂါရဲ့Dancing Performance တွေကို အနှစ်အရသာအပြည့်ခံစားရမှာဖြစ်တဲ့အတွက်လက်မလွတ်တမ်းခံစားကြည့်ရှုဖို ညွှန်းဆိုပေးလိုက်ပါရစေ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ MCEC ဖြစ်ပါတယ်

IMDB – 7.3 လောက်ရရှိထားတဲ့ Horror/ Thriller ရုပ်ရှင်ဇာတ်ကားတစ်ခုဖြစ်ပါတယ်။ ဇာတ်လမ်းစစချင်းမှာ ညဘက် ဒန်နီ တစ်ယောက်တည်းရှိနေချိန် စိတ်ရောဂါဝေဒနာရှင်တစ်ယောက်က ဒန်နီရဲ့ အိမ်ထဲကို လူစိမ်းတစ်ယောက် ရောက်နေကြောင်း၊ ဒန်နီ ဒုက္ခရောက်တော့မှာဖြစ်ကြောင်းနဲ့ သူ့ကိုအိမ်ထဲ ဝင်ခွင့်ပြုဖို့ တောင်းဆိုတာကို မြင်တွေ့ရမှာပါ။ အဲ့ဒီနောက်မှာတော့ ဒန်နီတစ်ယောက် ရုပ်ပျက်ဆင်းပျက် ဖြစ်အောင်ကို သူမအိမ်ထဲမှာပဲ သူမ အသတ်ခံလိုက်ရပါတော့တယ်။ ဒန်နီမှာ ရုပ်ချင်းဆင်တူတဲ့ ဒါစီဆိုတဲ့ အမြွှာညီမတစ်ယောက်လည်းရှိပြီး သူမက အကြားအမြင်ရကာ အောက်လမ်းအတတ်လိုမျိုးကိုလည်း တတ်မြောက်ထားပါသေးတယ်။ ဒန်နီကိုသတ်တာက ဘယ်သူလဲ... ဘာအကြောင်းကြောင့်သတ်တာလဲ... စတာတွေကို အမြွှာညီမဖြစ်သူ ဒါစီက လိုက်လံဖော်ထုတ်ကာ သူမ တတ်ကျွမ်းထားတဲ့ပညာရပ်တွေနဲ့ ကလဲ့စားချေပုံကို စိတ်ဝင်တစား ကြည့်ရှုရမှာပဲ ဖြစ်ပါတယ်။ (အညွှန်းရေးသားသူနဲ့ ဘာသာပြန်သူကတော့ Leon K Zaw ဖြစ်ပါတယ်။)