လူကြည့်များသော ရုပ်ရှင်များ

App ထဲကနေ Movie Request လုပ်ထားတဲ့ကားတွေထဲက တစ်ကားဖြစ်တဲ့ Jaws လေးကိုဘာသာပြန်တင်ဆက်ပေးလိုက်ပါတယ် ဒီဇာတ်ကားလေးကနေ ၁၉၇၅ ခုနှစ်ထဲက စရိုက်ထားတဲ့ ငါးမန်းက လူတွေလိုက်စားတဲ့ ကားလေးပဲ ဖြစ်ပါတယ် Jaws Movie လေးမှာ ဇာတ်ကားသုံးကားရှိပြီး ဒါကတော့ ပထမဆုံး ကားဖြစ်တဲ့ Jaws (1) ပဲ ဖြစ်ပါတယ် အမ်မတီကျွန်းလို့ ခေါ်တဲ့ အပန်းဖြေ ကျွန်းလေးပေါ်မှာ မထင်မှတ်စရာ ထိတ်လန့်ဖွယ် အဖြစ်ကို ကြုံရပါတော့တယ် ဘာငါးမန်းမှ မပေါ်ဖူးတဲ့ ကျွန်းရေထဲမှာ လူသားစားငါးမန်းကြီး တစ်ကောင်ရောက်လာပါတော့တယ် ဒါပေမဲ့ လူတွေက ဘယ်သူမှလည်း မယုံကြပါဘူး ပိတ်ရက် အပန်းဖြေချိန်လည်း ဖြစ်တတ်တဲ့အတွက် မြို့ဝန်ကပါ ငါးမန်းကို ပေါ့ပေါ့တန်တန် မှတ်ထားပြီး ကမ်းခြေကို မပိတ်ပဲ ဆက်လက်ဖွင့်ပါတော့တယ် ရဲမှူးဘရော့ဒီက သူတို့ကို တားပေမဲ့ ရဲမှူးက ကျွန်းသားမဟုတ်ဘဲ နယူးယော့ခ်လို မြို့ကြီးက လာတဲ့သူ ဖြစ်တာကြောင့် ဘယ်သူမှ သူ့စကားကို နားမထောင်ကြပါဘူး ငါးမန်းဟာလည်း လူတွေ စားဖို့အတွက် စောင့်နေတာပဲ ဖြစ်ပါတယ် မြို့ကနေ လာတဲ့ ငါးမန်းပညာရှင် မက်ထ် ဟူပါကတော့ ဒီငါးမန်းက ပေါ့သေးသေး မဟုတ်ကြောင်း ငါးမန်းအကြီးစားတစ်ကောင်ဖြစ်ကြောင်းကို ရှင်းပြနေပေမဲ့ မြို့ဝန်ကလည်း သူ့စကားကို အလေးမထားပါဘူး ဘာတွေဆက်ဖြစ်မလဲ ပြဿနာကို သေချာမမြင်ခင် လူဘယ်နှစ်ယောက် အစားခံလိုက်ရမလဲ သူတို့ ပေါ့ပေါ့သေးသေး တွက်ထားတဲ့ ငါးမန်းက သူတို့ထင်သလို ကိစ္စကြီး မဟုတ်ဘူးလား ဒါမှမဟုတ် ရဲမှူးနဲ့ ငါးမန်းပညာရှင်ပြောသလို ပြဿနာက

ဇာတ်လမ်းအကြောင်းအရာလေးကတော့ ခေါင်းစဉ်လေးအတိုင်းပဲ ဆယ်ကျော်သက်တွေအကြောင်းကို ရိုက်ကူးပုံဖော်ထားတာဖြစ်ပါတယ်။ ယောကျ်ားလေးရှစ်ယောက်နဲ့မိန်းကလေးငါးယောက်.. စုစုပေါင်းလူငယ်၁၃ယောက်ဟာ မိဘတွေရဲ့တင်းကျပ်မှုကို စောဒကတက်ချင်နေပြီး သူတို့လူငယ်တွေက ကလေးတွေမဟုတ်တော့ဘူးဆိုတာကို သက်သေပြဖို့အတွက် အဖွဲ့ထဲကမိန်းကလေးတစ်ယောက်ရဲ့အဘွားတို့ရွာကို သူတို့ချည်းပဲထွက်လာခဲ့လိုက်ကြတယ်။ ၁၃ဂဏန်းဟာ ကံဆိုးတယ်ဆိုတဲ့နိမိတ်အတိုင်း သွားတဲ့လမ်းမှာ သူတို့ ကံဆိုးမှုအမျိုးမျိုးကြုံရပြီး အမည်မသိအရာတစ်ခုရဲ့တိုက်ခိုက်မှုကိုခံရပါတော့တယ်။ တောထဲမှာလမ်းပျောက်ပြီး အဖွဲ့ထဲကလူတွေ တစ်ယောက်ချင်းစီထူးဆန်းစွာပျောက်သွားကြတဲ့အခါ လူငယ်လေးတွေချည်း ဒီဖြစ်ရပ်ဆန်းကြီးကို ဘယ်လိုရင်ဆိုင်ကြမလဲဆိုတာကို လူငယ်တွေရဲ့အတွေးအခေါ်၊အယူအဆနဲ့ လူငယ်သဘာဝစူးစမ်းလိုမှုတွေကိုပါ ထည့်သွင်းရိုက်ကူးထားတဲ့ဇာတ်လမ်းလေးတစ်ခုဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zed ဖြစ်ပါတယ်

ကြည့်ရှုသူတွေရဲ့စိတ်ထဲမှာမရိုးမရွတမျိုးကြီးဖြစ်အောင် Dark ဖြစ်တဲ့အတွေးတွေဝင်အောင်လုပ်ပေးမဲ့ Dark Comedy ဇာတ်ကားကောင်းအသစ်တစ်ကားထွက်ရှိလာခဲ့ပါပြီ။တစ်ကားလုံးနားကိုနားမလည်နိုင်ပဲ အတွေးပေါင်းသောင်းခြောက်ထောင်ဝင်အောင်လုပ်ထားတဲ့အတွက်ရိုးရိုးရှင်းရှင်းတွေကိုပျင်းပြီး ဆန်းဆန်းပြားပြားလေးတွေကြည့်ရှုချင်တယ်ဆိုတဲ့လူတွေအတွက်ကတော့ အဆင်ပြေချက်ပါပဲ။ဇာတ်ကားနာမည်ကတော့ Mother Couch ဖြစ်ပြီး လက်ရှိ IMDb Raing 5.5 အထိရရှိထားပါတယ်။ဇာတ်လမ်းအစမှာဒေးဗစ်နဲ့ဂရစ်ဖ်တို့ညီအစ်ကိုနှစ်ယောက်က အမေဖြစ်သူနဲ့အတူတူပရိဘောဂအဟောင်းဆိုင်တစ်ခုကိုရောက်ရှိနေတာကိုတွေ့ရမှာဖြစ်ပါတယ်။သူတို့ရည်ရွယ်ချက်ကတော့ဘီဒိုဝယ်ဖို့လာတာဖြစ်ပေမဲ့ သူတို့အမေကဆိုဖာတစ်ခုကိုကြိုက်သွားပြီးအဲ့ဒီပေါ်မှာပဲထိုင်နေပါတော့တယ်။အမေဖြစ်သူဆိုဖာပေါ်ကထအောင်အမျိုးမျိုးကြိုးစားကြပေမဲ့ တုပ်တုပ်တောင်မလှုပ်ပါဘူး။ဒီလိုနဲ့အချိန်တွေကြာလာပြီး စစ်ကူတွေခေါ် ဆိုင်မှာပဲတစ်ညပါအိပ်လိုက်ရတဲ့အခြေအနေဖြစ်သွားပါတော့တယ်။ဒီလိုနဲ့ဇာတ်လမ်းအစကတည်းက ဇာတ်လမ်းအလယ်လောက်အထိဆိုဖာတစ်လုံးနဲ့အမေကြားမှာတိုင်ပတ်နေတာတွေပဲတွေ့ရပြီး နောက်ပိုင်းမှာတော့ဘယ်လိုစိတ်ဝင်စားစရာကောင်းတဲ့ရှုပ်ထွေးတဲ့အရာတွေဆက်လက်တွေ့ရဦးမလဲဆိုတာကိုကြည့်ရှုရမဲ့ဇာတ်ကားကောင်းလေးတစ်ကားပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eazy ဖြစ်ပါတယ်

ဒီတစ်ခါမှာတော့ အသစ်ထွက်ရှိထားတဲ့ ရုပ်ရှင်ကားအသစ်လေးနဲ့ မိတ်ဆက်ပေးပါမယ် ဒီကားလေးကတော့ ဟန်ဂျောင်အူက နာမည်ကြီးပြီး ဆုတွေလည်းများစွာရထားတဲ့ ကိုရီးယားလေကြောင်းလိုင်းက Pilot တစ်ဦးပါ ဒီလိုနဲ့ မထင်ထားတဲ့ကိစ္စတစ်ခုကြောင့် အလုပ်လက်မဲ့ဖြစ်သွားခဲ့ရပါတယ် အဲ့နောက်မှာတော့ သူဘယ်လိုပဲ အလုပ်ရှာရှာ အဆင်မပြေတဲ့အခါမှာတော့ ဘဝအသစ်နေထိုင်ဖို့ ရွေးချယ်ခဲ့ပါတယ် ဟန်ဂျောင်အူတစ်ယောက် သူရွေးချယ်တဲ့ ဘဝသစ်မှာ ထင်တဲ့အတိုင်း အဆင်ပြေပါ့မလား ဘယ်လိုအခက်အခဲတွေနဲ့ ကြုံတွေ့ရမလဲကို ဟာသလေးနဲ့ကြည်ရှုရမယ့် ရုပ်ရှင်ကားအသစ်လေးပါ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Myint Thuzar Lin ဖြစ်ပါတယ်

စတော့ဈေးကွက်ပွဲစားကြီး Manson Law ဟာ အချမ်းသာဆံုးဟောင်ကောင်စတော့ပွဲစား ၅ ယောက်ထဲကတစ်ယောက်။ တစ်နေ့ ကားမတော်တဆဖြစ်လို့ ကားကို ရဲ‌ေတွစစ်ဆေးတဲ့အချိန်မှာ အသံဖမ်းကိရိယာတွေ့ခဲ့ရကြောင်း အမှုကိုင်တဲ့ရဲအရာရှိ Jack Hoရဲ့ပြောပြချက်အရသိလိုက်ရတယ်။ ခိုးနားထောင်နေသူဟာ တစ်လကျော်အချိန်ထိ နားထောင်နေခဲ့တာဖြစ်ပြီး မည်သူမည်ဝါဖြစ်မှန်း စုံစမ်းမရဖြစ်နေတယ်။ စတော့ရှယ်ယာပွဲစားကြီးတစ်ယောက်၊ ရဲအရာရှိတစ်ယောက်နဲ့ ဘယ်သူဘယ်ဝါမှန်းမသိတဲ့ ခိုးနားထောင်သူတစ်ယောက်။ ရဲအရာရှိဟာ ခိုးနားထောင်သူကို ရှာဖွေရင်း Manson Law ရဲ့နောက်ကြောင်းရာဇ၀င်ကိုပါ စုံစမ်းရမှာဖြစ်ပြီး ခိုးနားထောင်သူနဲ့ Manson Law တို့ကြားမှာရော ဘယ်လိုပတ်သတ်မှုမျိုးတွေ ရှိ‌ေနလဲဆိုတာကို စိတ်၀င်စားစွာနဲ့ ကြည့်ရှု့ရမယ့် ဟောင်ကောင် Crime Action ဇာတ်ကားကောင်းကြီး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်

Mr Bachchan ဇာတ်ကားမှာတော့ ဘာလ်ချန်က ရိုးသားတဲ့ အခွန်စစ်ဆေးရေးအရာရှိဖြစ်ပြီး အမှားတခုကြောင့် တာ၀န်ဆိုင်းငံ့ခံခဲ့ရတယ်။တာ၀န်ဆိုင်းငံ့ခံရပြီးနောက်မှာ ဘာလ်ချန်တစ်ယောက် မွေးရပ်မြေကို ပြန်လာပြီးတော့ တီးဝိုင်းအဖွဲ့ထဲ၀င်ကာ အဆိုတော်ပြန်လုပ်နေရင်း ရွာကအလှနတ်သမီးလေး ဂျင်လ်ကီကို မြင်မြင်ချင်းသဘောကျသွားခဲ့တယ်။ဂျင်လ်ကီအချစ်ရအောင်ကြိုးစားရင်းနဲ့ နှစ်ယောက်သား လက်ထပ်ခံနီးမှာ အခွန်စစ်ဌာနာက ဘာလ်ချန်ကို အလုပ်ပြန်ခန့်ကာ အာဏာရှိတဲ့နာမည်ကြီးMP မူလ်ရမ်ဂျာဟာရမ်ကို အခွန်စစ်ဆေးဖို့တာ၀န်ပေးခဲ့တယ်။မူလ်ရမ်ဂျာဟာရမ်ကို စစ်ဆေးတဲ့အရာရှိတိုင်း ခြေရာလက်ရာမကျန်ဘဲ ပျောက်ကွယ်သွားလေ့ရှိတာကြောင့် ဘာလ်ချန်တစ်ယောက်ရော အန္တရာယ်ကင်းပါ့မလားဆိုတာကို ကြည့်ရှုကြပါအုံး။ ဇာတ်လမ်းအညွှန်းနဲ့ ဘာသာပြန်သူကတော့ Nora ဖြစ်ပါတယ်။

ကမ္ဘာပေါ်မှာအဆိုးဆုံးမျိုးစိတ်တွေကိုပြောပါလို့ဆိုရင် လူသားတွေလို့ပဲပြောရမှာပါပဲ။လူသားတွေကသဘာ၀တရားကြီးကိုဖျက်ဆီးတဲ့နေရာမှာတော့ထိပ်တန်းစံချိန်တင်ပါပဲ။ဒီလိုတွေသာဆက်ဖြစ်နေရင်ဘယ်လိုဖြစ်လာမယ်ဆိုတာကိုစိတ်ကူးယဉ်ပြီးရိုက်ကူးထားတဲ့သိပ္ပံစိတ်ကူးယဉ်ဇာတ်ကားကောင်းလေးတစ်ကားကိုတင်ဆက်ပေးလိုက်ပါတယ်။ဇာတ်ကားနာမည်ကတော့ Uglies ဖြစ်ပြီး IMDb Rating 5.0 ရရှိထားပါတယ်။အထက်မှာပြောခဲ့တဲ့အတိုင်း လူသားတွေရဲ့ဖျက်ဆီးမှုကြောင့်ကမ္ဘာကြီးကပျက်စီးသွားပြီး လူတွေအတွက်နေထိုင်ဖို့တောင်ခက်ခဲတဲ့နေရာတစ်ခုဖြစ်လာခဲ့ပါတယ်။အဲ့ဒါကိုပြန်လည်အဖတ်ဆည်ဖို့အတွက် ကမ္ဘာကြီးပေါ်ကအကောင်းဆုံးသိပ္ပံပညာရှင်တွေနဲ့ပူးပေါင်းပြီး အတ္တလောဘတွေ မနာလိုမှုတွေ အမုန်းတရားတွေပွားများနေတဲ့လူတွေကိုသင့်မြတ်စေဖို့ဖြေရှင်းနည်းတစ်ခုကိုတီထွင်ခဲ့ကြပါတယ်။အဲ့ဒါကတော့လူသားတိုင်းကိုပုံပန်းသွင်ပြင်အရပြည့်စုံအောင်လုပ်ပေးပြီး တန်းတူဖြစ်အောင်လုပ်ပေးလိုက်တာပါပဲ။အဲ့ဒါမှအကုန်လုံးတန်းတူညီမျှသွားတဲ့အခါမှာအငြင်းပွားမှုတွေမဖြစ်ဘဲ သင့်မြတ်စွာနေထိုင်နိုင်ကြမှာဖြစ်ပါတယ်။ဒါပေမယ့်အဲ့လိုပြည့်စုံတဲ့လှပသူတစ်ယောက်ဖြစ်လာဖို့အခြေအနေတစ်ခုတော့လိုအပ်ပါတယ်။အဲ့ဒါကတော့ အသက် ၁၆ နှစ်ပြည့်မှလှပသူတစ်ယောက်ဖြစ်လာပြီး အဲ့ဒီမတိုင်ခင်အထိတော့မပြည့်စုံတဲ့ ရုပ်ဆိုးသူတစ်ယောက်ဖြစ်နေရမှာပါပဲ။အဲ့ဒီရုပ်ဆိုးသူတွေထဲမှာတယ်ရီနဲ့ပဲရစ်ဆိုတဲ့အချစ်ဆုံးသူငယ်ချင်းနှစ်ယောက်လည်းအပါအဝင်ဖြစ်ပြီးပဲရစ်က ၁၆ နစ်အရင်ပြည့်တဲ့အတွက်

အနာဂတ်ပျောက်ဆုံးနေတယ် ဆင်းရဲမွဲတေနေတယ် ဖိစီးနှိပ်စက်ခံနေရတယ်ဆိုတဲ့စကားလုံးတွေကို အကုန်လုံးတော့ရင်းနှီးနေပြီးဖြစ်မှာပါ။အဲ့လိုဖြစ်ဖူးတဲ့နိုင်ငံတွေအများကြီးရှိသလို ပိုလန်နိုင်ငံကလည်းအဲ့လိုနိုင်ငံထဲမှာပါဝင်ခဲ့ပါတယ်။၁၉၈၀ ခုနှစ်ဝန်းကျင်မှာ ပိုလန်မှာနိုင်ငံရေးမတည်ငြိမ်မှုတွေဖြစ်ခဲ့ပြီးနိုင်ငံတော်တော်ပျက်စီးကာ အထက်မှာဖော်ပြထားတဲ့အကြောင်းအရာတွေကြောင့် လူတစ်သန်းကျော်က တခြားနိုင်ငံကိုတိမ်းရှောင်ထွက်ပြေးခဲ့ကြပါတယ်။အဲ့ဒီသမိုင်းကြောင်းကိုပေါ်လွင်အောင် ထွက်ပြေးရှောင်တိမ်းခဲ့တဲ့လူတွေကိုကိုးကားပြီးရိုက်ကူးထားတဲ့ဇာတ်ကားလေးတစ်ကားကိုတင်ဆက်ပေးလိုက်ပါတယ်။ဇာတ်ကားလေးရဲ့နာမည်ကတော့ Boxer ဖြစ်ပြီး လက်ရှိ IMDb Rating 6.1 ရရှိထားပါတယ်။ဘယ်လိုဇာတ်အိမ်တည်ထားတယ်ဆိုတာကိုတော့ဇာတ်ကားနာမည်ကိုကြည့်ပြီးရိပ်မိကြမှာပါ။ယက်ဒရစ်လို့ခေါ်တဲ့ကောင်လေးရဲ့အဖေက နိုင်ငံကျော်ဒိတ်ဒိတ်ကြဲလက်ဝှေ့သမားကြီးဖြစ်ပြီး ကမ္ဘာ့ထိပ်တန်းဖြစ်ဖို့ကြိုးစားခဲ့သူတစ်ယောက်ဖြစ်ပါတယ်။ဒါပေမယ့်အကြောင်းအမျိုးမျိုးကြောင့်ရှုံးနိမ့်ခဲ့ပြီးလက်ဝှေ့လောကကနေထွက်ခွာခဲ့ရပါတယ်။ဒီလိုနဲ့သူကြီးလာတဲ့အခါမှာတော့သူ့အဖေဖြစ်ချင်ခဲ့တဲ့ဆန္ဒ သူ့ဆန္ဒဖြစ်တဲ့ ကမ္ဘာ့ချန်ပီယံဖြစ်လာဖို့အတွက်ကြိုးစားခဲ့ပါတော့တယ်။နိုင်ငံတွင်းမှာထိပ်တန်းဖြစ်နေပေမဲ့ ပျက်စီးနေတဲ့နိုင်ငံကြီးထဲမှာသူ့အတွက်ဘယ်လိုမှတက်လမ်းမရှိတဲ့အခါမှာတော့ သူ့ဇနီးဖြစ်သူခါရှာကိုခေါ်ပြီး အင်္ဂလန်မှာအခြေချဖို့ကြိုးစားခဲ့ကြပါတော့တယ်။

ဒီကားလေးကတော့ ဒီနှစ် 6လပိုင်းကမှ ထွက်ရှိထားတဲ့ကားလေးပါ။ ဟန်ယူနာဆိုတဲ့ကောင်မလေးဟာ လိုင်းပေါ်ကနေ Streamerအနေနဲ့လုပ်ပြီး ဝင်ငွေရှာနေတဲ့လူပါ။ ဒါပေမဲ့ သူလုပ်တဲ့အလုပ်က မအောင်မြင်ဘဲ ကြည့်ရှုသူကတော့ 0ပဲဖြစ်နေခဲ့ပါတယ်။ ဟန်ယူနာကတော့ လက်မလျှော့ဘဲ ဂင်ချီပန်ကိတ်တွေပါလုပ်ပြီး subscriberရှာခဲ့ပေမဲ့ Liveပိတ်ဖို့မေ့ပြီး သူလုပ်တဲ့မုန့် သူပြန်စားမိပြီး အရသာဆိုးလွန်းလို့ ဆဲဆိုနေခဲ့တာ လူမိသွားခဲ့လို့ တောင်းပန်ရတာပဲ အဖတ်တင်လိုက်ပါတယ်။ ဒီလိုနဲ့ attentionရှာဖို့ကြိုးစားရင်း အဖေဖြစ်သူက ကိုယ့်ကိုယ်ကိုယ်အဆုံးစီရင်သွားပါတယ်ဆိုပြီး ဒရမ်မာတွေချိုးတဲ့အချိန်မှာတော့ လူတွေသနားလာပြီး တဖြည်းဖြည်းနဲ့ Subscriberတွေရလာခဲ့ပါတယ်။ ဒီလိုနဲ့အောင်မြင်ဖို့အတွက် လုပ်လို့ရသမျှ လျှောက်လုပ်ရင်း နာမည်ရလာခဲ့ပါတယ်။ ဒီလိုနဲ့ ဟန်ယူနာတစ်ယောက် ပွဲတစ်ခုကနေအပြန်မှာ ကားနောက်ဖုံးထဲထည့်ပြီး ပြန်ပေးဆွဲခံလိုက်ရပါတယ်။ လူတွေအပေါ် လှည့်စားခဲ့တဲ့ဟန်ယူနာတစ်ယောက် ပြန်ပေးဆွဲခံရတဲ့အချိန်မှာ ဘာတွေကြုံတွေ့ရမယ်ဆိုတာကတော့... ဒီကားကိုအညွှန်းနဲ့ဘာသာပြန်ဆိုသူက Huihui ဖြစ်ပါတယ်။

ဒီတစ်ခါ တင်ဆက်ပေးချင်တဲ့ ဇာတ်ကားလေးကတော့ ၂၀၂၄ ခုနှစ်ထွက် Action, Thriler အမျိုးအစားဖြစ်တဲ့ Bheema ပဲ ဖြစ်ပါတယ်။ ဒီဇာတ်ကားမှာတော့ Vijay Kumar ပါဝင်သရုပ်ဆောင်ထားပြီး တခြားသော သရုပ်ဆောင်လည်း ပါဝင်ပါသေးတယ်။ ဒီဇာတ်လမ်းမှာတော့ ရာမန်နာဆိုတဲ့ စက်ပြင်ဆရာရဲ့ မွေးစားသားဖြစ်တဲ့ ဘီးမာဟာ လူငယ်တွေကို ဒုက္ခပေးတဲ့ မူးယစ်ဆေးဝါးတွေ ရောင်းချတဲ့ မန်ဂျူနဲ့ ထိပ်တိုက်ရင်ဆိုင်ရင်း လူငယ်တွေကို လမ်းမှန်ရောက်အောင် တွန်းပို့ပေးပြီး လူ့အဖွဲ့အစည်းကို ပြုပြင်ပြောင်းလဲပေးရာကနေ အခက်အခဲမျိုးစုံကြုံတွေ့လာရသလို မကောင်းမှုဒုစရိုက်တွေနဲ့ ပတ်သက်ပြီး ရဲအရာရှိတွေကလည်း အကျင့်ပျက်ခြစားတာမျိုးတွေဘယ်သူသေသေ ငတေမာရင်ပြီးရောဆိုပြီး တရားမဝင်လုပ်ငန်းတွေကို လျစ်လျူရှုထားပုံတွေ ကို မြင်တွေ့ရမှာပဲဖြစ်ပါတယ်။ အညွှန်းနဲ့ ဘာသာပြန်ကတော့ Kaelyn ပဲဖြစ်ပါတယ်။

Logan ကို 4K နဲ့ပြန်ကြည့်ချင်သူတွေအတွက်တင်ပေးလိုက်ပါတယ် HDR Version ဖြစ်လို့ Tv , Devices တွေပေါ်မူတည်ပီး အလင်းအမှောင်ကွဲနိုင်ပါတယ်

The Wolverine ကို 4K နဲ့ပြန်ကြည့်ချင်သူတွေတင်ပေးလိုက်ပါတယ်

မိန်းကလေးတွေက ပျော့ညံ့တယ် အားနွဲ့တဲ့သူတွေဆိုပြီး အမြဲတမ်း ကယ်တင်ပေးခံရဖို့ အကူအညီရဖို့ မျှော်လင့်နေရင်း Damsel in distressလုပ်နေလို့မရဘူးဆိုတာကို မီးမောင်းထိုးပြထားတဲ့ ဇာတ်လမ်းတစ်ပုဒ်ဖြစ်တဲ့ Escape 2023 အချောအလှ မိန်းကလေး ၁၀ ယောက် တကယ်တမ်းဒုက္ခကြုံလာတော့ ဘယ်လိုရုန်းထွက်ဖို့ ကြိုးစားတိုက်ခိုက်မလဲဆိုတာကို စိတ်ဝင်စားစရာကောင်းလောက်အောင် ရှုစားရမှာဖြစ်တယ်။ အပန်းဖြေကျွန်းမှာ အားလပ်ရက်ခရီးထွက်လာတဲ့ မိန်းမချောလေးဆယ်ယောက် ကံဆိုးချင်တော့ အပျော်ခရီးကနေ အပျက်ဖြစ်ပြီး လူမှောင်ခိုဂိုဏ်းတစ်ခု ပြန်ပေးဆွဲတာခံလိုက်ရပါတော့တယ်။ သူတို့သိထားတာဆိုလို့ သူတို့တွေကို ကန္တာရထဲကတစ်နေရာမှာ ချုပ်နှောင်ထားတယ်ဆိုတာရယ်၊ မကြာခင်မှာ လိင်ကျွန်အဖြစ် ရောင်းစားခံရတော့မယ်ဆိုတာပါပဲ။ မိန်းကလေးပီပီ သူတို့ဆယ်ယောက်လုံး ထိတ်လန့်တုန်လှုပ်နေကြပေမဲ့ သူတို့အတွက် အားကိုးရာက သူတို့အပြင်မရှိနေတဲ့အခါ လူသူမရှိတဲ့ ကန္တာရကြီးထဲ မှောင်ခိုသမားတွေလက်က ရုန်းထွက်ဖို့ ဘယ်လိုကြိုးစားကြမလဲဆိုတာ ရှုစားကြပါဦး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eunice ဖြစ်ပါတယ်

App ထဲကနေ Movie Request လုပ်ထားတဲ့ကားတွေထဲက တစ်ကားဖြစ်တဲ့ 500 Days of Summer လေးကိုဘာသာပြန်တင်ဆက်ပေးလိုက်ပါတယ် အချစ်အပေါ် ခံယူချက်ချင်း မတူညီတဲ့လူနှစ်ယောက်ရဲ့ ဇာတ်လမ်းတစ်ပုဒ်ကို သရုပ်ဖော်ထားတဲ့ ဒီကားလေးဟာ ၂၀၀၉ ခုနစ်တုန်းက ဝေဖန်ရေးသမားတွေကြားထဲမှာရော ရုပ်ရှင်ဝါသနာအိုးတွေကြားမှာပါ ရေပန်းစားတဲ့ကားကောင်းတစ်ကားဖြစ်ခဲ့ပြီး အခုချိန်အထိပါ အချစ်ဇာတ်လမ်းကောင်းတွေကြားမှာ နေရာယူထားဆဲပါ။ တွမ်ဟန်ဆန်က အချစ်တွေ ဖူးစာတွေ ကံကြမ္မာတွေကို ယုံကြည်တဲ့လူတစ်ယောက်၊ ဆမ်းမားကတော့ သူ့ရဲ့ ဆန့်ကျင်ဘက်၊ ဇန်နဝါရီ ၈ ရက်နေ့မှာ သူတို့တွေ စဆုံကြပြီး ဇာတ်လမ်းတစ်ပုဒ်ပေါက်ဖွားလာတယ်။ အချစ်ဇာတ်လမ်းတော့ မဟုတ်ဘူး... အချစ်အကြောင်း သင်ပြပေးမဲ့ဇာတ်လမ်း .... တွမ်ဟန်ဆန်က ဆမ်းမားကို မြင်မြင်ချင်းမှာ သူ့ဖူးစာဖက်လို့ ထင်ခဲ့တယ်။ ဆမ်းမားရဲ့ အရာရာကို ချစ်ခဲ့တယ်။ တစ်ဖက်မှာ ဆမ်းမားကတော့ သာမာန်ပုံပေါက်ပေမဲ့ သာမာန်မဟုတ်တဲ့ အလှပဂေးလေး။ ငယ်ဘဝက စိတ်ဒဏ်ရာကြောင့် လူတစ်ယောက်အပေါ် အချစ်စိတ်ကလွဲလို့ ကျန်တဲ့စိတ်တွေပဲ ရှိဖူးတဲ့လူ။ ချစ်တဲ့စိတ်နဲ့ ပတ်သက်မိတဲ့ တွမ် သဘောကျစိတ်နဲ့ ပတ်သက်မိတဲ့ ဆမ်းမား ရက်ပေါင်း ၅၀၀ အကုန်မှာ အချစ်အကြောင်း ဘာတွေသင်လိုက်ရမလဲ... ဤဇာတ်လမ်းသည် စာရေးသူ၏ စိတ်ကူးယဉ်သက်သက်သာဖြစ်သည်။ အသက်ရှင်သူ သေဆုံးသူ လူပုဂ္ဂိုလ်များနှင့် တူညီခဲ့သည်ရှိသော် တိုက်ဆိုင်မှုသက်သက်သာဖြစ်ပါသည်။ ဇာတ်လမ်းအညွှန်းနဲ့ ဘာသာပြန်သူက‌တော့ Edin Ten ဖြ

သိုင်းလောကမှာ မောက်ရှန်းဂိုဏ်းဟာ ဂုဏ်သတင်းကျော်ဇောပြီး သိုင်းလောကသားအားလုံးလိုလို ၀င်ချင်ကြတ‌ဲ့ဂိုဏ်းဖြစ်တယ်။ ဖတဆိုးသားလေး ‌ရင်းရှိုရိဟာ အမေဖြစ်သူနဲ့ စားသောက်ဆိုင်လေးဖွင့်ကာ သာယာအေးချမ်းတဲ့ဘ၀နဲ့ ဖြတ်သန်းနေရပေမယ့် သူ့စိတ်ထဲမှာတော့ အမြဲတမ်း လူစွမ်းကောင်းဖြစ်ချင်နေလို့ မောက်ရှန်းဂိုဏ်းမှာ တပည့်ဖြစ်ဖို့ အိမ်မက်မက်နေသူ။ မောက်ရှန်းဂိုဏ်းက‌နေ နဂါးကိုးကောင်ဓားကို ဆွဲထုတ်နိုင်ပြီး လူတွေကိုကာကွယ်ပေးဖို့ နဂါးကိုးကောင်သခင်ရွေးချယ်ပွဲကျင်းပတယ်။ မောက်ရှန်းဂိုဏ်းမှာ တပည့်ခံချင်နေတဲ့ ရင်းရှိုရိဟာ အခွင့်ရေးကို လက်လွှတ်မခံဘဲ အိမ်ကနေ ထွက်သွားပြီး ပြိုင်ပွဲ၀င်ပြိုင်ရာကနေ မောက်ရှန်းဂိုဏ်းအကြောင်းကိုရော ‌ရင်းရှိုရိရဲ့ ဇစ်မြစ်အကြောင်းကိုပါ သိလာရမှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်

ရုပ်ရှင်ရိုက်ကူးရေးအဖွဲ့တစ်ဖွဲ့က သူတို့ရုပ်ရှင်ကို ရင်းနှီးမြှုပ်နှံပေးမယ်ဆိုတဲ့ မိသားစုတစ်စုနေထိုင်ရာ ခြံကျယ်ကြီးတစ်ခုမှာ ညစာစားရင်း ရုပ်ရှင်နဲ့ပတ်သက်ပြီး ဆွေးနွေးပြောဆိုဖို့အတွက် အသေအချာစီစဉ်ကာ အိမ်ကြီးဆီကို ရောက်ချလာပါတော့တယ်။ အလုပ်ကိစ္စနှင့်ပတ်သက်ပြီး အဆင်ပြေရုံရှိသေး .. သူတို့ ညစာစားနေတဲ့ အိမ်ကြီးထဲကို မျက်နှာဖုံးတပ်လူတစ်စုက ဝင်ရောက်လာကာ သူတို့အသက်ကို ရန်ရှာပါတော့တယ်။ လူသတ်သမားတွေက ဘယ်သူလဲ .. ဘယ်သူ့ကို ပစ်မှတ်ထားပြီး တိုက်ခိုက်တာလဲ .. သူတို့ရော အသက်ရှင်လျက်နဲ့ ထွက်ပြေးလွတ်မြောက်နိုင်ပါ့မလားဆိုတာကို ကြည့်ရှုလိုက်ကြပါဦး။ (အညွှန်းရေးသားသူနဲ့ ဘာသာပြန်သူကတော့ Leon K Zaw ဖြစ်ပါတယ်။)

ပရိသတ်ကြီးကို Horror / Comedy ဇာတ်ကားကောင်းလေး တစ်ပုဒ်နဲ့ မိတ်ဆက်ပေးပါရစေ။ ဒီကားလေးကတော့ ၂၀၁၈ ခုနှစ်က ထွက်ရှိခဲ့တာဖြစ်ပြီး Rajkummar Rao အပါအဝင် တခြားသော သရုပ်ဆောင်တွေလည်း ပါဝင်သရုပ်ဆောင်ထားပါတယ်။ IMDb Rating အနေနဲ့ကတော့ 7.5 အထိ ရရှိထားတာမလို့ ကြည့်လို့ ကောင်းဖို့အတွက်ကတော့ အာမခံပါတယ်။ ဇာတ်လမ်းအကျဉ်းလေးကို ပြောပြရရင်တော့ ချန်ဒေရီဆိုတဲ့ မြို့လေးမှာ ဆတရီဆိုတဲ့ သရဲမဟာ ပွဲတော်ချိန်ရောက်ပြီဆိုရင် မြို့ထဲက အမျိုးသားတွေကို ဖမ်းသွားတတ်တာကြောင့် မြို့နေအမျိုးသားထုကြီးအတွက်တော့ ထိတ်လန့်စရာဖြစ်လို့နေပါတယ်။ ဗစ်ကီဆိုတဲ့ အပ်ချုပ်သမားလေးကတော့ သရဲဇာတ်လမ်းတွေကို ယုံလေ့မရှိဘဲ သူငယ်ချင်းတွေနဲ့ ပျော်ပျော်နေတတ်ပါတယ်။ တစ်ရက်မှာတော့ ချန်ဒေရီမြို့မှာ ပွဲတော်စတဲ့အချိန် ဘယ်ကမှန်းမသိတဲ့ ကောင်မလေးနဲ့ ဗစ်ကီ ပတ်သက်မိပါတော့တယ်။ နောက်တော့ ကောင်မလေးက သူ့ကို ထူးဆန်းတဲ့အရာတွေ ရှာပေးဖို့ တောင်းဆိုလာခဲ့သလို တစ်ဖက်မှာလည်း ဗစ်ကီ့သူငယ်ချင်းဂျာနာက ဆတရီဖမ်းသွားတာကို ခံလိုက်ရပါတော့တယ် အဲဒီကနေမှတဆင့် ဗစ်ကီက ဆတရီ့အကြောင်းကို စုံစမ်းရင်း ဆတရီ့ကို နှိမ်နင်းဖို့ ကြိုးစားပါတော့တယ်။ ဒါပေမဲ့ နောက်ပိုင်းမှာတော့ ဗစ်ကီမသိထားတဲ့ အဖြစ်မှန်တွေလည်း သိလာရသလို ဆတရီဟာလည်း ထင်ထားသလိုတွေ မဟုတ်တာကို သိလာခဲ့ရတဲ့ အချိန်မှာတော့.....ဘာတွေများ ဆက်ဖြစ်ကြဦးမလဲဆိုတာကို ပရိသတ်ကြီးက ကြည့်ရှုအားပေးကြပါဦးရှင်။ အညွှန်းနဲ့ ဘာသာပြန်ကတော့ Kaelyn ပဲဖ

ဂင်ဆုန်းရီဆိုတဲ့ကျောင်းသူလေးဟာ ကျောင်းကပြန်လာတဲ့လမ်းမှာ အဖေဖြစ်သူနဲ့ဖုန်းပြောပြီးလို့ ဖုန်းချပြီးတဲ့နောက် လမ်းပေါ်က ရေဆိုးမြောင်းထဲကနေ အရာတစ်ခုက သူ့ကိုဆွဲချသွားပါတယ်။ သူ့အဖေကလည်း လူပျောက်ကြော်ငြာလက်ကမ်းစာစောင်တွေလိုက်ဝေရင်းနဲ့ ရှာနေခဲ့တာ ၁၀ရက်ရှိသွားပါတယ်။ ဒီလိုနဲ့ သူတို့နေတဲ့မြို့လေးမှာ တဖြည်းဖြည်း လူပျောက်မှုတွေဖြစ်လာခဲ့ပါတယ်။ တစ်ဖက်မှာလည်း ယွန်းဆောနဲ့ဆူဂျောင်းဆိုတဲ့ ညီအစ်မ၂ယောက်ရဲ့ဘဝထဲကို ဘယ်လိုကြမ္မာဆိုးတွေဝင်ရောက်လာဦးမလဲဆိုတာကို ရင်တထိတ်ထိတ်နဲ့ ကြည့်ရှုကြရမှာပါ။ ဒီကားကို အညွှန်းနဲ့ဘာသာပြန်ဆိုသူကတော့ Huihui ဖြစ်ပါတယ်။

ခေတ်လွန် si-fic ဂြိုလ်သားတွေနဲ့တိုက်ကြတဲ့ဇာတ်လမ်းမျိုးကိုကြိုက်နှစ်သက်သ‌ူ‌ေတွ အကြိုက်တွေ့စေမယ့် ဇာတ်ကားပါ။ ၂၀၄၂ ခုနှစ်မှာ ကမ္ဘာမြေကြီးကို ဂြိုလ်သားတွေက ကျူးကျော်လာခဲ့လို့ လူသားတွေဟာ နိုင်ငံပေါင်းစုံ‌ေပါင်းပြီး ကာကွယ်ရေးတပ်တွေ အထူးတပ်တွေဖွဲ့ကာ ခုခံနေရတယ်။ စစ်တပ်ကင်းထောက်တစ်ယောက်ဖြစ်တဲ့ ချန်းလင်ဟာ သူ့ရဲ့ပထမဆုံးတိုက်ပွဲမှာတင် ထွက်ပြေးသွားလို့ တပ်ပြေးဖြစ်ခဲ့ရတယ်။ အချိန်အတိုင်းတာတစ်ခုထိ ကြာပြီးတဲ့နောက်မှာ ကာကွယ်ရေးတပ်သားတစ်ဖွဲ့ဟာ အပျက်ဆီး‌ေတွကြား အမှိုက်ကောက်ကာ အသက်မွေးနေတဲ့ တပ်ပြေးချန်းလင်ကို လမ်းပြအဖြစ် လုပ်ပေးဖို့ လာခေါ်တယ်။ ဇာတ်လမ်းအညွှန်းနဲ့ ဘာသာပြန်သူကတော့ Su ဖြစ်ပါတယ်။

ကိုယ့်လက်အောက်ကလူဆိုတာအရမ်းတင်းမာလွန်းရင်လည်းမကောင်းသလို အရမ်းရောလွန်းရင်လည်းမကောင်းဘူးဆိုတာကိုဒီဇာတ်ကားလေးနဲ့သက်သေပြသွားတာကိုတွေ့ရမှာဖြစ်ပါတယ်။ရောလွန်းရင်လည်းရောင့်တက်လွန်းသလို တင်းလွန်းရင်လည်းအငြိုးထားတတ်ကြပါတယ်။ဒီလိုဘယ်လိုမှညှိနှိုင်းယူလို့မရတဲ့ ကမ္ဘာပေါ်မှာအဆိုးဆုံးသတ္တဝါတွေဖြစ်တဲ့လူသားတွေရဲ့စိတ်ကိုအရင်ခေတ်တုန်းက အဖြစ်အပျက်လေးတစ်ခုကိုစိတ်ကူးယဉ်ပြီးတင်ဆက်ထားတာပဲဖြစ်ပါတယ်။ဇာတ်ကားနာမည်ကတော့ Coup! ဖြစ်ပြီး IMDb Rating 6.3 အထိရရှိထားပါတယ်။ဂျေးဟော်တန်ဆိုတဲ့လူကစာနယ်ဇင်းသမားတစ်ယောက်ဖြစ်ပြီး အမှန်တရားဖက်ကရပ်တည်တတ်တဲ့ ဖြောင့်မတ်တဲ့လူတစ်ယောက်ဖြစ်ပါတယ်။သူတို့နေထိုင်ရာနေရာမှာ ကပ်ဆိုးရောဂါတွေဖြစ်ပြီးပျံ့နှံ့လာတဲ့အခါမှာအကုန်လုံးကိုပိတ်ချရပြီး သီးသန့်ခွဲနေခဲ့ကြရပါတော့တယ်။အဲ့ဒီအချိန်မှာနိုင်ငံသမ္မတရဲ့လုပ်ရပ်တွေကမှားယွင်းနေတဲ့အခါမှာ သမ္မတရဲ့ဆုံးဖြတ်ချက်တွေကိုဆန့်ကျင်ပြီးသတင်းရေးရာကနေပိုပိုနာမည်ကြီးလာပါတော့တယ်။အဲ့ဒီအချိန်မှာသူ့အိမ်ကိုစားဖိုမှူးအသစ်တစ်ယောက်ရောက်ရှိလာခဲ့ပါတော့တယ်။သူကသတင်းတွေထဲမှာဖြောင့်မတ်သူဖြစ်သလို သူ့လက်အောက်ကလူတွေကိုလည်း အစေခံလို့တောင်မခေါ်ပဲ ဝန်ထမ်းတွေလို့သာခေါ်တဲ့အထိစိတ်ထားကောင်းသူတစ်ယောက်ဖြစ်ပါတယ်။ဒါပေမယ့်အဲ့ဒီအသစ်ရောက်လာတဲ့စားဖိုမှူးက သူ့ရဲ့စိတ်ထားကောင်းတဲ့ပျော့ကွက်ကိုနင်းပြီး ဇာတ်ကားနာမည်အတိုင်းအာဏာသိမ်းဖို့ကြိုးစားလာတဲ့အခါမှာ ဂျေးတစ်ယောက်သူ့မိသားစုနဲ့သူ့အိမ်ကိုကာကွယ်နိုင်ပ

App ထဲကနေ Movie Request လုပ်ထားတဲ့ကားတွေထဲက တစ်ကားဖြစ်တဲ့ The Lovely Bone လေးကိုဘာသာပြန်တင်ဆက်ပေးလိုက်ပါတယ် ဒီဇာတ်ကားလေးထဲမှာတော့ အသက်၁၄နှစ်အရွယ် ဆူစီ ဆာလမွန်ဆိုတဲ့ ကောင်မလေးဟာ သူ့အိမ်နီးနားချင်းဖြစ်တဲ့ ဟာဗီဆိုတဲ့ စိတ္တဇလူကြီးရဲ့ ဖြားယောင်းသွေးဆောင်ပြီး သတ်လိုက်ခြင်းကို ခံခဲ့ရပါတယ် ဒါပေမဲ့ သူမဟာ သူမ ဘဝကိုလည်း စွန့်မခွာနိုင် သူမရဲ့ မိသားစုကိုလည်း မစွန့်လွှတ်နိုင် စိတ်မချနိုင်ဖြစ်နေတာကြောင့် ကောင်းကင်ဘုံကို မသွားဘဲ လွင့်မျောနေခဲ့ပါတယ် ထိုလွင့်မျောတဲ့ နေရာကနေ သူ့အိမ် သူ့မိသားစုကို စိတ်မချဘဲ စောင့်ကြည့်နေတာပါ သူမကို သတ်ခဲ့တဲ့ သူကလည်း သူမနည်းတူ ဘဝတူ သတ်လိုက်တဲ့ သူတွေရှိပြီး ဆူစီနဲ့ ကောင်းကင်ဘုံမှာ ပြန်ဆုံကြတာပဲ ဖြစ်ပါတယ် ဒီကားလေးထဲမှာ ကလေးလေးရဲ့ သနားဖွယ် ဖြစ်ရပ်ကိုလည်း သိရမှာ ဖြစ်သလို အိမ်နီးနားချင်းဆိုတဲ့ အန္တရာယ်ကိုလည်း မြင်ရမှာ ဖြစ်ပါတယ် သဘာဝလွန်ဖြစ်ရပ်လည်း ဆန်ပြီး ကောင်းကင်ဘုံနဲ့ ကမ္ဘာမြေကြားက လွင့်မျောနေတဲ့ နေရာက fiction ဆန်တဲ့ ရှုခင်းတွေကိုလည်း ကြည့်ရှုရမှာဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Henny ဖြစ်ပါတယ်

စူပါဟီးရိုးဇာတ်လမ်းတွေကို နှစ်ခြိုက်သူတွေအတွက် ဒီတစ်ခေါက်မှာတော့ အိန္ဒိယစူပါဟီးရိုးဇာတ်လမ်းတစ်ပုဒ်ဖြစ်တဲ့ "Weapon"ဆိုတဲ့ Action, Sci-Fi,Thrillerဇာတ်လမ်လေးတစ်ပုဒ်နဲ့ မိတ်ဆက်ပါရစေ။ ဇာတ်လမ်းနာမည်"လက်နက်"ဆိုတဲ့အတိုင်း ဇာတ်လမ်းထဲမှာ လက်နက်အဖြစ်ဖန်တီးခံခဲ့ရတဲ့လူတွေရဲ့အကြောင်းကို စိတ်ကူးယဉ်ဆန်ဆန်ရိုက်ကူးထားတာပဲဖြစ်ပါတယ်။ သဘာဝပတ်ဝန်းကျင်ကို ချစ်မြတ်နိုးတဲ့ "အာဂနီ"ဆိုတဲ့ Youtuberတစ်ယောက်ဟာ သဘာဝလွန်စွမ်းအားရှင်လူသားတွေကို သူ့ရဲ့ချန်နယ်မှာတင်ဖို့အတွက် လိုက်ရှာနေခဲ့တယ်။ ဒါပေမဲ့ သဘာဝလွန်စွမ်းအားရှင် လူသားတွေကိုလိုက်ရှာနေတာက သူတို့တင်မဟုတ်ပါဘူး။ အဲ့ဒီလူတွေရဲ့နောက်ခံကလည်း ထင်သလောက်ရိုးရှင်းမနေပါဘူး။ ပြီးတော့ သူတို့ရဲ့ရည်ရွယ်ချက်က မျိုးရိုးဗီဇပြောင်းလဲနိုင်တဲ့ဆေးရဲ့ဖော်မြူလာကိုရဖို့အတွက် ဒီသဘာဝလွန်စွမ်းအားရှင်လူသားကို လိုက်ရှာတာဖြစ်နေတယ်။ ဒီလူတစ်စုရဲ့ရည်ရွယ်ချက် ပြည့်ဝနိုင်မလား။ နှစ်ပေါင်းများစွာပုန်းအောင်းနေခဲ့တဲ့ သဘာဝလွန်စွမ်းအားရှင်လူသားကို ရှာတွေ့နိုင်မလား။ မရေရာတဲ့အကြောင်းပြချက်နဲ့ ဆန္ဒပြင်းပြစွာလိုက်ရှာနေတဲ့ အာဂနီမှာရော ဘယ်လိုလျှို့ဝှက်ချက်တွေရှိနေမလဲ... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zed ဖြစ်ပါတယ်

မိန်းကလေးတွေရဲ့ဘ၀မှာ အရေးအကြီးဆုံးမရှိမဖြစ်ပါဝင်နေတဲ့အရာတစ်ခုကိုပြောပါဆိုရင်တော့ Skincare ပစ္စည်းတွေနဲ့ Skincare လုပ်တာလို့ပြောရမှာပါပဲ။အဲ့ဒါကြောင့်ပဲ ဒီလိုအရမ်းအရေးကြီးတဲ့ထုတ်ကုန်ပစ္စည်းတွေကိုအပြိုင်အဆိုင်စတင်ထုတ်လုပ်လာခဲ့ကြတာ အခုဆိုရင်နိုင်ငံပေါင်းစုံ Brand ပေါင်းစုံနဲ့ရေတွက်လို့တောင်မရနိုင်တော့ပါဘူး။ဒီလိုနဲ့ပဲ Skincare လောကကြီးကအပြိုင်အဆိုင်တွေအရမ်းများလာပြီး မသမာမှုတွေ ဒုစရိုက်မှုတွေများစွာလည်းပေါ်ပေါက်ခဲ့ပါတယ်။အခုတင်ဆက်ပေးမဲ့ဇာတ်ကားလေးထဲမှာတော့အဲ့ဒီပြိုင်ဆိုင်မှုတွေကြားမှာဖြစ်ပျက်ခဲ့တဲ့ ဖြစ်ရပ်မှန်အပေါ်မှာအခြေခံထားတဲ့စိတ်ဝင်စားစရာအဖြစ်အပျက်တွေကိုတွေ့ရမှာပဲဖြစ်ပါတယ်။ဇာတ်ကားနာမည်က မှန်းနေစရာမလိုလောက်အောင် Skincare ပဲဖြစ်ပြီး IMDb Rating 6.1 အထိရရှိထားပါတယ်။ဟုပ်ဂိုးလ်မန်းဆိုတဲ့အမျိုးသမီးက Skincare လုပ်ပေးတဲ့ဆိုင်တစ်ဆိုင်ဖွင့်ထားခဲ့ပြီး နှစ်ပေါင်းများစွာကြိုးစားခဲ့ပြီးတဲ့နောက်မှာသူ့ကိုယ်ပိုင် Skincare ပစ္စည်းတွေကိုထုတ်လုပ်နိုင်ခဲ့ပါတယ်။တီဗီအစီအစဉ်တွေကအစ ဆိုရှယ်မီဒီယာတွေအထိသူ့ကိုလူသိများစိတ်ဝင်စားနေခဲ့ကြပြီး သူ့ဘ၀အတွက်အမြင့်ဆုံးအချိန်ကိုရောက်ရှိလို့နေခဲ့ပါတယ်။ဒါပေမယ့် ကံဆိုးချင်တော့သူ့ဆိုင်ရှေ့တည့်တည့်မှာ တခြား Skincare ဆိုင်အသစ်လာဖွင့်ခဲ့ပါတယ်။အဲ့ဒီမှာတင်သူ့အတွက်ပြိုင်ဖက်ပေါ်လာခဲ့ပြီး သိပ်မကြာခင်မှာတင်သူ့ဘ၀ရဲ့အမြင့်ဆုံးအချိန်ကနေဟိုးအောက်ဆုံးကိုထိုးကျသွားတဲ့အခါမှာတော့ ဟုပ်တစ်ယောက်

ဒဏ္ဍာရီဆန်ဆန်ပုံပြင်တစ်ပုဒ် နားထောင်ရသလိုမျိုး မိသားစုနဲ့အတူ ပေါ့ပေါ့ပါးပါးကြည့်ရမယ့် မှော်ကားဖြစ်ပါတယ်။ ဒီကားကို ဇာတ်လိုက်မင်းသားနှစ်ယောက်ကပဲ ဒါရိုက်တာလုပ် စာရေးဆရာလုပ်ပြီး ရိုက်ကူးထားတာပါ။ ရှေးရှေးတုန်းက အရပ်သား‌တွေကို မှော်ပညာသုံးခွင့်ပိတ်ပင်ထားတဲ့ အလယ်ရီယွန်တိုင်းပြည်မှာ ဟောကိန်းတစ်ခုရှိခဲ့ပါတယ်။ တစ်နေ့ကျရင် အကြီးအကဲတွေ လျှို့ဝှက်ထားတဲ့အကြွင်းမဲ့မှော်နှင်တံကို ကျေးတောသူမိန်းကလေးက ကိုင်ဆောင်ပြီး အင်ပါယာကို ရွှေခေတ်ဆီ လမ်းပြပေးလိမ့်မယ်တဲ့။ လက်ရှိမှာ အင်ပါယာက သုံးပိုင်းကွဲနေပြီး ညီအစ်မသုံးယောက်က တစ်ခုစီအုပ်ချုပ်ပါတယ်။ သူတို့ထဲ ‌အကောက်ကျစ်ဆုံး ဘုရင်မဝင်ဒိုလင်က သုံးခုလုံးကို သူတစ်ယောက်တည်းအုပ်စိုးချင်တဲ့အတွက် နှင်တံရဖို့ တိတ်တဆိတ်အားထုတ်နေခဲ့ပါတယ်။ တစ်ချိန်တည်းမှာပဲ ဟောကိန်းထဲက မိန်းကလေးပေါ်ထွက်လာပြီး ဘုရင်မဘက်ကတပ်မှူးနဲ့ ရေတပ်ကပ္ပတိန်ကပါ ထိုမိန်းကလေးဆီ သစ္စာခံပြီး နှင်တံရှာဖွေဖို့ ခရီးစဉ်စတဲ့အခါ...ဘုရင်မရဲ့အနှောင့်အယှက်တွေကြားကနေ သူတို့သုံးယောက်ရဲ့ ခရီးစဉ်အောင်မြင်ပြီး မှော်ပညာရဲ့ရွှေခေတ်ကို ရောက်နိုင်မလားဆိုတာ ဆက်လက်အားပေးနိုင်ပါပြီ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်