လူကြည့်များသော ရုပ်ရှင်များ

ကွားကျင်းဆိုတဲ့လူငယ်လေးဟာ ကျန်းနန်လူထူးဆန်းခုနစ်ယောက်ရဲ့တပည့်ဖြစ်ပြီး သိုင်းလောကထဲ အခုမှစပြီး ခြေချလာသူဖြစ်တယ်။ လမ်းခုလပ်မှာပဲ ကျွန်းသခင်သမီး ဟွမ်းရုန်နဲ့ဆုံပြီးနောက်မှာ အဆိပ်ဘုရင်မိသားစု‌တစ်စု မကောင်းမှုတစ်ခုလုပ်နေတာကို သိလိုက်ရပြီး စုံစမ်းဖို့ လုပ်ရာကနေ လွန်ခဲ့တဲ့ နှစ် ၂၀ ကတည်းက သိုင်းလောကမှာ ပျောက်ကွယ်နေတဲ့ ကျိုယင်းသိုင်းကျမ်းအကြောင်းကိုပါ သိခဲ့ရပြီး သိုင်းလောကနံပါတ်တစ် ဖြစ်ဖို့ ကြိုးစားနေသူတွေ ကြားထဲ ရောက်သွားပါလေတော့တယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်

ဓမ္မက အဓမ္မကိုအနိုင်ယူနိုင်ကြောင်း သရုပ်ဖော်ထားတဲ့ 2023ထွက် ဘင်္ဂါလီအက်ရှင်ဇာတ်လမ်းတစ်ပုဒ်နဲ့မိတ်ဆက်ပေးပါရစေ။ အဂတိလိုက်စားမှုမရှိဘဲ လူထုကောင်းကျိုးကိုသာ ရှေးရှူတတ်တဲ့ရဲအရာရှိဒီပတ်ခ်ပရာဟန်ဟာ ဒါမာပူရ်မြို့ကို ရွေးကောက်ပွဲကာလအတွင်းတာဝန်ယူဖို့ ပြောင်းရွှေ့မိန့်ကျလာခဲ့တယ်။ အမိန့်ကိုနာခံရင်း အဲ့ဒီမြို့လေးထဲမှာ ကြုံရသမျှမတရားမှုတွေကို ဘက်မလိုက်ဘဲ ဖြေရှင်းအရေးယူရာက လူတစ်ဦးချင်းစီရဲ့အခက်အခဲတွေ မတရားမှုတွေကိုလိုက်ဖြေရှင်းပေးရင်း လေးစားသူပေါသလို ရန်သူလည်းပေါလာတော့တာပေါ့။ နောက်တော့ ဒီမတရားမှုတွေဟာ ဒေသခံအကြီးအကဲဆီကမြစ်ဖျားခံလာတယ်ဆိုတာကို သိလိုက်ရပြီးတဲ့နောက်မှာ ဒီနယ်မြေမှာနေထိုင်တဲ့လူထုကောင်းစားရေးအတွက် တန်ပြန်အစီအစဉ်တွေချပါတော့တယ်။ မတရားမှုကိုလက်မခံနိုင်တဲ့ဒီပတ်ခ်ပရာဟန်တစ်ယောက် ဒီနယ်မြေထဲမှာကြီးစိုးနေတဲ့မတရားမှုတွေကို ဘယ်လိုဖြေရှင်းမလဲ။ ဖြေရှင်းရင်းနဲ့ ဘယ်လိုအခက်အခဲအတားအဆီးတွေကိုဖြတ်ကျော်ရမလဲဆိုတာကို တစ်စက္ကန့်မလပ်စိတ်ဝင်တစားကြည့်ရှုရမှာမို့ လက်လွှတ်မခံသင့်တဲ့ဇာတ်လမ်းတစ်ပုဒ်လည်းဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zed ဖြစ်ပါတယ်

ဇာတ်ကားမှာတော့ ဂျိုလ်ဆီတစ်ယောက် မြို့ကရန်ပွဲတိုင်းမှာ လိုက်ရန်ဖြစ်နေလို့ လူတိုင်းက သူ့ကိုကြောက်ကြပေမဲ့ ဂျိုလ်ဆီဘ၀မှာ အကြောက်ဆုံးလူကတော့ သူ့အမေဘဲဖြစ်တယ်။တစ်နေ့မှာ ဂျိုလ်ဆီတစ်ယောက် သူငယ်ချင်းဂျယ်ရီရဲ့ အချစ်ရေးမှာ၀င်ပါပြီး ဂျယ်ရီရည်းစားအင်ဒူလ်ရဲ့အိမ်ကိုသွားပြီးတော့ အင်ဒူလ်ဦးလေးတွေနဲ့ ရန်ဖြစ်ပြီး အင်ဒူလ်ကိုခိုးလာပေးပေမဲ့ ဂျယ်ရီက အင်ဒူလ်ကို လက်မခံခဲ့တာကြောင့် ဒုက္ခရောက်နေပါတော့တယ်။အင်ဒူလ်မိသားစုကလဲ ဂျိုလ်ဆီကို အမှုဖွင့်ထားတာကြောင့် ဂျိုလ်ဆီတစ်ယောက် အင်ဒူလ်ကို မိဘအိမ်ပြန်ပို့ပေးဖို့လုပ်ပေမဲ့ အင်ဒူလ်ငြင်းဆန်မှုကြောင့် အင်ဒူလ်အလုပ်လုပ်တဲ့ချန်နိုင်းကို ရောက်လာခဲ့တယ်။အဲ့အချိန်မှာဘဲ ဂျယ်ရီဟာ လူမိုက်ဂိုဏ်းကြီးတစ်ခုရဲ့ လျို့၀ှက်ချက်ကို သိသွားပြီး အသတ်ခံလိုက်ရတဲ့အပြင် အင်ဒူလ်ကိုပါ လူမိုက်တွေက သတ်ဖို့စီစဥ်နေတာကြောင့် မွေးရပ်မြေကို ပြန်လို့မရတဲ့ ဂျိုလ်ဆီတစ်ယောက် အင်ဒူလ်ကို ကာကွယ်ပေးဖို့ဖြစ်လာခဲ့တယ်။သူအကျွမ်းတ၀င်မရှိတဲ့မြို့ပြကြီးချန်နိုင်းမှာ အန္တရာယ်များတဲ့လူမိုက်တွေလက်ထဲကနေ အင်ဒူလ်ကို ဂျိုလ်ဆီတစ်ယောက်ကာကွယ်နိုင်ပါ့မလားဆိုတာကို ကြည့်ရှူကြပါအုံး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Nora ဖြစ်ပါတယ်

App ထဲကနေ Movie Request လုပ်ထားတဲ့ကားတွေထဲက တစ်ကားဖြစ်တဲ့ Lord of War လေးကိုဘာသာပြန်တင်ဆက်ပေးလိုက်ပါတယ် သမာအာဇီဝနဲ့ရှာဖွေရင် ငွေရှာရခက်ပြီး တရားမဝင်နဲ့ငွေရှာရင်‌ရှာရလွယ်တဲ့လောကကြီးမှာ ယူရီအော်လော့ဆိုတဲ့လူတစ်ယောက်က အူဇီသေနတ်တစ်လက်ကိုအရောင်းအဝယ်လုပ်ရင်းနဲ့ကနေ လက်နက်ရောင်းဝယ်မှုကနေ ငွေရှာလွယ်တယ်ဆိုတာတွေ့သွားပြီး လက်နက်ရောင်းဝယ်ရေးလောကကြီးထဲဝင်သွားပါတော့တယ် လက်နက်ရောင်းဝယ်သူတွေရဲ့ ပျော်ရွှင်မှုကစစ်ပွဲဖြစ်ပြီး ယူရီတစ်ယောက်ကတော့ သွေးအေးတိုက်ပွဲအတွင်းအချီကြီးပေါက်ချမ်းသာသွားပြီး ပိုများတဲ့လက်နက်တွေ စစ်လေယာဉ်တွေပါ တရားမဝင်ကုန်သည်လုပ်ပါတော့တယ် အဲ့နောက်သူ့ရောင်းဝယ်မှုတွေက ဘယ်နိုင်ငံတွေကြားမှာလုပ်မလဲ ဘယ်လိုနည်းတွေနဲ့ တရားမဝင်ကနေ တရားဝင်ဖြစ်အောင်လုပ်သွားပြီး နောက်ဆုံးသူ ဆုံးရှုံးသွားတာဘာဖြစ်မလဲဆိုတာ သမိုင်းလက်တွေ့ကျကျ စစ်ပွဲတွေအကြောင်းပါကြည့်ရမယ့်ဇာတ်ကားလေးမလို့ လက်လွှတ်မခံကြည့်ရှုသင့်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Thansin ဖြစ်ပါတယ်

မှုခင်းစုံထောက်ကားတွေကို နှစ်သက်သူတွေအဖို့ ရတနာသိုက်တစ်ခုလို့ဆိုရလောက်တဲ့ဇာတ်လမ်းတစ်ခုရောက်လို့လာပါပြီ။ ဒီဇာတ်လမ်းလေးဟာ ၂၀၂၄ခုနစ်ထွက် Crime Thrillerအမျိုးအစားဖြစ်ပြီး အကွက်ကျကျကြိုတင်စီစဉ်ထားတဲ့ရာဇဝတ်ကို သဲလွန်စတစ်ခုကနေ တစ်ခုကိုချိတ်ဆက်ပြီးတွေးတောစေနိုင်မဲ့ဇာတ်အိမ်မျိုးလည်းဖြစ်ပါတယ်။ ဇာတ်လမ်းရဲ့အစကို ကုမ္ပဏီရုံးခန်းတစ်ခုမှာစတင်ထားပြီး ဒီရုံးခန်းထဲမှာ စုံစမ်းစစ်ဆေးမှုတွေလုပ်ပြီး ဒီရုံးခန်းနဲ့ပဲအဆုံးသတ်ပြသွားခဲ့ပါတယ်။ ကုမ္ပဏီရဲ့အမ်ဒီဖြစ်တဲ့ဂျွန်ဟာ သန့်စင်ခန်းထဲမှာ ရုတ်တရက်ကြီးလဲကျသေဆုံးသွားခဲ့ရာက စုံစမ်းစစ်ဆေးကြည့်တဲ့အခါ ရဲအရာရှိတွေက မသင်္ကာစရာတွေရှိနေ​တာကို ခံစားမိခဲ့ပါတယ်။ ဒီလိုနဲ့ အခင်းဖြစ်ပွားချိန်တုန်းက ဒီရုံးထဲမှာရှိနေခဲ့တဲ့လူတွေတစ်ယောက်ချင်းစီတိုင်းကို ရုံးထဲမှာပဲစုံစမ်းစစ်မေးမှုတွေလုပ်ပါတော့တယ်။ အဲ့ဒီလိုကနေ အသေးငယ်ဆုံးအချက်အလက်လေးတွေက သဲလွန်စတွေဖြစ်လာတဲ့အခါ အဲ့ဒီသဲလွန်စနောက်ကိုလိုက်ရင်း ဘယ်လိုအဖြစ်မှန်တွေကိုဖော်ထုတ်မိကြမလဲ။ အဖြစ်မှန်က ဘယ်လိုအမှန်တရားတွေကိုသယ်ဆောင်ထားမလဲဆိုတာကို မှုခင်းစုံထောက်ကားတွေရဲ့ထုံးစံအတိုင်း အချိတ်အဆက်မိမိ ရင်တမမနဲ့ကြည့်ရှုကြရမှာပဲဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zed ဖြစ်ပါတယ်

ဒီဇာတ်ကားလေးကတော့ ၂၀၁၁က ထွက်ရှိထားတဲ့ တရုတ်‌ဖြစ်ရပ်မှန် တော်လှန်ရေးဇာတ်ကားတစ်ကားဖြစ်ပါတယ်။ ဒီဇာတ်ကားမှာ အဓိကသရုပ်ဆောင်အနေနဲ့ မင်းသားကြီး Winston Chao နဲ့ အားလုံးရဲ့အချစ်တော် မင်းသားကြီး Jackie Chan တို့ ပါဝင်သရုပ်ဆောင်ထားပါတယ်။ ဒီဇာတ်ကားဟာဆိုရင် မူရင်းဖြစ်ရပ်ရဲ့ နှစ်တစ်ရာပြည့်မြောက်သည့်အနေနဲ့ ဖန်တီးထားတဲ့ဘဇာတ်ကားဖြစ်ပြီး 1911မှာဖြစ်ပျက်ခဲ့တဲ့ တော်လှန်ရေးဇာတ်ကြောင်ူကို ရိုက်ကူးထားတဲ့ ဇာတ်ကားလေးပါ။ ချင်မင်းဆက်ရဲ့ အာဏာရှင်စနစ်ကို ဖြုတ်ချပြီး လွတ်လပ်တဲ့ တရုတ်ပြည်သူ့သမ္မတနိုင်ငံ တည်ထောင်ဖို့အတွက် တိုက်ပွဲဝင်ခဲ့ကြတဲ့ သူရဲကောင်းတွေအ‌ကြောင်း၊ တရုတ်နိုင်ငံရဲ့ပထမဆုံး သမ္မတ ဆွန်ယက်ဆင်နှင့် စစ်သူကြီး ဟွမ်ရှင်းတို့ ဦးဆောင်သော တော်လှန်ရေးအကြောင်းကို အသေးစိတ်စိတ်ဝင်စားဖို့ကောင်းအောင် ရိုက်ကူးထားတဲ့ တရုတ်တော်လှန်ရေးဇာတ်ကားကောင်းလေးတစ်ကားဖြစ်ပါတယ်။ နိုင်ငံရေးကားတွေကြိုက်တဲ့ပရိတ်သတ်ကြီး အကြိုက်တွေ့မယ့်ဇာတ်ကားဖြစ်လို့ ကြည့်ဖို့တိုက်တွန်းလိုက်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Moe Nandar Aye ဖြစ်ပါတယ်

Rooban ဇာတ်ကားမှာတော့ ရှန်မူဂမ်ဟာ ဇနီးဖြစ်သူနဲ့ လက်ထပ်ထားတာနှစ်ပေါင်းများစွာရှိနေပေမဲ့ သားသမီးမထွန်းကားတာကြောင့် သူ့ကို ရွာထဲကလူတွေက အမြဲလှောင်ပြောင်နေခဲ့တယ်။ရှန်မူဂမ်တစ်ယောက် ကလေးလိုချင်လို့ စိတ်ညစ်နေတုန်းမှာ တောထဲပျားသွားဖွပ်ရင်းနဲ့ တောထဲမှာစွန့်ပစ်ခံထားရတဲ့ ကလေးတစ်ယောက်ကို ကောက်ရခဲ့တယ်။စွန့်ပစ်ခံထားရတဲ့ကလေးကို ရှန်မူဂမ်တို့ လင်မယားဟာ ခေါ်ယူမွေးစားပြီးတော့ မာနီဆိုတဲ့ နာမည်မှည့်ပေးခဲ့တယ်။မာနီတစ်ယောက် ရှန်မူဂမ်တို့လင်မယားနဲ့ ပျော်ပျော်ရွှင်ရွှင်ကြီးပြင်းလာခဲ့တယ်။ တစ်နေ့မှာတော့ ရှန်မူဂမ်တို့ရွာမှာ မုဆိုးတွေက တိရစ္ဆာန်တွေကို အမဲလိုက်သတ်ဖြတ်နေတာကြောင့် အစိုးရက သစ်တောအရာရှိတွေကို ခန့်အပ်ထားလဲ ထိန်းမရဖြစ်နေခဲ့တယ်။တစ်နေ့မှာတော့ မုဆိုးတွေ တောထဲမှာ အမဲလိုက်နေရင်းနဲ့ ကျားတစ်ကောင်ကိုတွေ့သွားပြီး ကျားတိုက်ခိုက်တာခံလိုက်ရတာကြောင့် တစ်ရွာလုံး ကျားရန်ကို ကြောက်ရွံ့နေခဲ့ရတယ်။အစိုးရကလဲ ရွာသားတွေ လုံခြုံရေးအတွက် ကျားကိုဖမ်းဆီးဖို့ ကြိုးစားနေပေမဲ့ မဖမ်းနိုင်ဖြစ်နေတာကြောင့် ဒုက္ခများနေခဲ့တယ်။ရှန်မူဂမ်ကလဲ မိသားစုစား၀တ်နေရေးအတွက် တောထဲမှာ ပျားဖွပ်ဖို့သွားရတဲ့အချိန်မှာတော့ ကျားရန်ကနေ ဘေးကင်းနိုင်ပါ့မလားဆိုတာကို ကြည့်ရှူကြပါအုံး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Nora ဖြစ်ပါတယ်

ကျိန်စာတွေ ကျမ်းသစ္စာတွေကိုယုံကြည်တဲ့သူရှိသလိုမယုံကြည်တဲ့သူတွေလည်းရှိကြပါတယ်။ဒါတွေကဟိုးအရင်ခေတ်အဆက်ဆက်ကတည်းကရှိလာခဲ့တဲ့အယူအဆတွေဖြစ်ပြီးအခုအချိန်အထိဘယ်သူမှသေသေချာချာအဖြေမဖော်ထုတ်နိုင်ကြသေးပါဘူး။အခုတင်ဆက်ပေးမဲ့ Moei : The Promised ဆိုတဲ့ထိုင်းရုပ်ရှင်ကားထဲမှာလည်း နတ်တွေ ဘိုးဘေးတွေ ကျိန်စာတွေ ကတိသစ္စာတွေအကြောင်းကိုရှုထောင့်တစ်မျိုးနဲ့ရိုက်ကူးပြသထားတာကိုတွေ့ရမှာဖြစ်ပါတယ်။အဲလစ်ဆိုတဲ့အမျိုးသမီးတစ်ယောက်ကငယ်ငယ်ရွယ်ရွယ်နဲ့အိမ်ထောင်ကျခဲ့ပြီး သားလေးတစ်ယောက်မွေးဖွားခဲ့ပါတယ်။ဒါပေမယ့်အဲ့ဒီသားလေးမွေးလာဖို့အတွက်ယောက်ျားဖြစ်သူရဲ့နိုရာဘိုးဘေးတွေဆီမှာကလေး ၁၅ နှစ်ပြည့်ရင်ပြန်လာပြီး နိုရာမျိုးရိုးကိုဆက်ခံခိုင်းမယ်လို့ကျမ်းသစ္စာဆိုခဲ့ရပါတယ်။အဲ့ဒီသားလေး ၁၅ နှစ်ပြည့်ခါနီးမှာတော့ယောက်ျားဖြစ်သူဆုံးသွားပြီး အဲလစ်ကလည်းသူ့ရဲ့တစ်ဦးတည်းသောသားလေးကိုအဆုံးရှုံးမခံနိုင်တဲ့အတွက်ကျမ်းသစ္စာကိုမသိချင်ယောင်ဆောင်နေခဲ့ပါတော့တယ်။ဒီလိုနဲ့သူတို့သားအမိနှစ်ယောက်အပေါ်မှာမကောင်းတဲ့အရာတွေဖြစ်ပျက်လာတဲ့အပြင် သားဖြစ်သူကလည်းအဲ့ဒီကျမ်းသစ္စာဆိုခဲ့တဲ့အိမ်ကြီးကိုသွားချင်တယ်လို့ပြောလာခဲ့တဲ့အတွက် သူတို့သားအမိနှစ်ယောက်အဲ့ဒီကိုသွားကြပြီးနောက်ပိုင်း သူတို့အတွက်ဘယ်လိုကံကြမ္မာတွေစောင့်ကြိုနေမလဲဆိုတာကိုသည်းထိပ်ရင်ဖိုကြည့်ရှုရမဲ့ ထိုင်းHorror ကားတစ်ကားပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eazy ဖြစ်ပါတယ်

ဒီမှတ်တမ်းရုပ်ရှင်ကတော့ RRRဇာတ်လမ်းရဲ့ပဲ့ကိုင်ရှင် ဒါရိုက်တာရာဂျာမိုလီရဲ့အောင်မြင်မှုလမ်းကြောင်းကိုလျှောက်လှမ်းရာလမ်းတစ်လျှောက် ကြုံတွေ့ခဲ့ရတဲ့အကြောင်းအရာတွေကို သူ့ရဲ့မိသားစုတွေလုပ်ဖော်ကိုင်ဖက်တွေကို အင်တာဗျူးမေးတဲ့ပုံစံလေးနဲ့တင်ဆက်ထားတဲ့ မှတ်တမ်းရုပ်ရှင်တစ်ပုဒ်ပဲဖြစ်ပါတယ်။ ဒီမှတ်တမ်းရုပ်ရှင်ထဲမှာ ရာဂျာမိုလီရဲ့မအောင်မြင်ခင်ကာလအပိုင်းအခြားတုန်းက ရုန်းကန်ခဲ့ရပုံတွေနဲ့ RRRမတိုင်ခင် ရိုက်ကူးခဲ့တဲ့နာမည်ကြီးဇာတ်လမ်းတွေဖြစ်တဲ့ ဘိုင်ရာဗာနဲ့ဘာဟူဘလီဇာတ်လမ်းတွေရဲ့ ရိုက်ကွင်းနောက်ကွယ်က အဖြစ်အပျက်တွေအပါအဝင် ဒီဇာတ်လမ်းတွေဖြစ်မြောက်လာဖို့ ဘယ်လိုကြိုးစားခဲ့ရသလဲဆိုတာကိုပါ အစုံအလင်ဖော်ပြထားပါတယ်။ တောင်ပိုင်းရုပ်ရှင်လောကကနေ ဟောလီးဝုဒ်အတင့်အထိရောက်အောင် ဒီလိုအောင်မြင်မှုကိုရဖို့အတွက် ဒီပုဂ္ဂိုလ်တွေ ဘယ်လိုတွေပေးဆပ်ပြီး ဘယ်လိုကြိုးစားခဲ့ရသလဲဆိုတာကို အတုယူဖွယ်ကြည့်ရှုရမဲ့မှတ်တမ်းရုပ်ရှင်တစ်ပုဒ်ဆိုလည်းမမှားပါဘူး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zed ဖြစ်ပါတယ်

ပရိသတ်ကြီးကို ဒီတစ်ခါ တင်ဆက်ပေးချင်တာကတော့ 2022 က ထွက်ခဲ့တဲ့ DJ Tillu ဇာတ်ကားလေးရဲ့ အဆက်ဖြစ်တဲ့ Tillu Square ဆိုတဲ့ Netflix ဇာတ်ကားလေးပဲ ဖြစ်ပါတယ်။ဒီကားလေးထဲမှာတော့ Siddu Jonnalagadda နဲ့ Anupama Parameswaran တို့က အဓိက ပါဝင်သရုပ်ဆောင်ပေးထားပါတယ်။ ဇာတ်လမ်းအကျဉ်းလေးကတော့ ရာဒီကာနဲ့ ပတ်သက်မိပြီး ပြဿနာကြား ရောက်ခဲ့ရတဲ့ တီလူတစ်ယောက် နောက်ထပ်ပါတီပွဲတစ်ခုမှာ လီလီဆိုတဲ့ ကောင်မလေးနဲ့ One night stand နေမိရာကနေ အရင်ပြဿနာထက် ပိုဆိုးတဲ့ စစ်ဆင်ရေးမှာ ပါဝင်ခဲ့ရပါတယ်။ ဖြစ်ချင်တော့ ဒီစစ်ဆင်ရေးမှာ လီလီက ဦးဆောင်ပါဝင်နေပါတယ်။ ဒီစစ်ဆင်ရေးမှာတော့ တီလူက အိန္ဒိယနိုင်ငံရဲ့ အလိုအရှိဆုံး နံပါတ်တစ် ရာဇဝတ်သားကို ဖမ်းပြီး ရှင်းပစ်ရမှာဖြစ်ပါတယ်။ ဘဝကို ပျော်ပျော်ပါးပါးနေတတ်တဲ့ ဒီဂျေတီလူတစ်ယောက် ဒီစစ်ဆင်ရေးကို ပြီးအောင် လုပ်နိုင်ပါ့မလား နောက်ထပ်ရော ဘယ်လိုမျိုး ပြဿနာတွေ ကြုံရဦးမလဲဆိုတာကိုတော့ ဒီဇာတ်ကားလေးထဲမှာ စောင့်မျှော်ကြည့်ရှုအားပေးကြပါဦးရှင်။ အညွှန်းနဲ့ ဘာသာပြန်ကတော့ Kaelyn ပဲ ဖြစ်ပါတယ်။

HDR ဖြစ်လို့ Tv , Device ပေါ်မူတည်ပီး အလင်းအမှောင် ကွာခြားနိုင်ပါတယ် X Manဆို အားလုံးနဲ့ ရင်းနီးပြီးသားဖြစ်မှာပါ။ အခု ဇာတ်ကားကတော့ X man movieရဲ့ ဒုတိယမြောက်ကားဖြစ်ပါတယ်။ X manတို့ရဲ့ စွန့်စားခန်းတွေ လိုဂန်ရဲ့ ဇာတ်ကြောင်းတွေအကြောင်း သိရှိလာရမှာဖြစ်ပါတယ်။ ဇာတ်လမ်းလေးကတော့ မြူးတန့်တွေရဲ့ ကျောင်းကြီးဟာ တိုက်ခိုက်ခံလိုက်ရပါတယ်။ ဘယ်သူတွေ တိုက်ခိုက်ခဲ့တာလဲ။ ဘာကြောင့်လဲ။ လိုဂန်ဟာလဲ သူ့ရဲ့အတိတ်အကြောင်းကို ရှာဖွေနေဆဲ ဖြစ်ပါတယ်။ သူရှာတွေ့နိုင်ပါမလား။ ဘယ်လိုလူတွေနဲ့ ပြန်တွေ့ဆူံရနိုင်မလဲ။ ကျန်တဲ့X manတွေကကော ဘာတွေလုပ်နေကြမလဲ။ ကျောင်းကြီးကို တိုက်ခိုက်ခဲ့တဲ့သူတွေရဲ့ အကြံအစည်ကဘာဖြစ်မလဲဆိုတာ ဇာတ်ကားထဲမှာကြည့်လိုက်ကြပါဗျာ။

HDR ဖြစ်လို့ Tv , Device ပေါ်မူတည်ပီး အလင်းအမှောင် ကွာခြားနိုင်ပါတယ် ဒီဇာတ်ကားဟာ X-Men ဇာတ်ကားကို ကျနော်စကြည့်ဖူးတဲ့ ဇာတ်ကားပါ ဒီဇာတ်ကားဟာ X-Men timeline အနေနဲ့ပြောရရင် timeline အလည်လောက်က အဖြစ်အပျက်တွေကို ရိုက်ကူး ဖေါ်ပြထားတာဖြစ်ပါတယ် ဒီဇာတ်ကားကတော့ အားရစရာပါ IMDb 7.4 ရရှိထားခဲ့ပါတယ် ခရမ်းချဉ်သီးကတော့ 7.5 ပါ ဒါလည်း အတော်မြင့်တဲ့ rating ပါ ဇာတ်လမ်းအကြောင်းနည်းနည်းညွှန်းရရင်တော့ X-Men Origins: Wolverine ထဲမှာ အတိတ်မေ့သွားတဲ့ လိုဂန်တစ်ယောက် မြေအောက် ကြိုးဝိုင်းလက်ဝှေ့ပွဲတွေမှာ ကျင်လည်ရင်း သူ့အတိတ်ကိုပြန်သတိရဖို့ ကြိုးစားနေခဲ့ပါတယ် တစ်ချိန်တည်းမှာပဲ ပရော်ဖက်ဆာ ချားလ်စ်ဇေးဗီးယားကလည်း သန္ဓေပြောင်းလူသားတွေအတွက် နားခိုရာ ကျောင်းကြီးတည်ဆောက်လို့ လူသားတွေနဲ့ သန္ဓေပြောင်းလူသားတွေကြားက ရန်လိုမှု့တွေကို အစွမ်းကုန်ကြိုးစားနားလည်မှု့တည်ဆောက်နေခဲ့တဲ့အချိန်ငယ်စဉ်ကလေးဘဝကတည်းက လူသားတွေကြောင့် စိတ်ဒါဏ်ရာအကြီးအကျယ်ရခဲ့ပြီး ဘယ်လောက်ပဲ ကောင်းအောင်နေခဲ့နေခဲ့ ကံတရားက မျက်နှာသာပေးခြင်းမခံခဲ့ရတဲ့ မက်ဂနီတိုတစ်ယောက် သန္ဓေပြောင်းလူသားတွေရဲ့ ခံစားချက်ကို လူသာမန်တွေ နားလည်နိုင်အောင် လုပ်ပြမယ်ဆိုတဲ့ စစ်ပွဲကိုဦးတည့်သွားစေနိုင်မယ့် လုပ်ဆောင်မှု့တွေ ဖန်တီးတော့မယ့် အချိန် အချစ်ဆုံးသူငယ်ချင်းနှစ်ယောက်တို့ ထိပ်တိုက်တွေ့ရင်း….

App ထဲကနေ Movie Request လုပ်ထားတဲ့ကားတွေထဲက တစ်ကားဖြစ်တဲ့ The Call လေးကိုဘာသာပြန်တင်ဆက်ပေးလိုက်ပါတယ် ဒါလေးကတော့ Thriller Vibe အပြည့်အ၀ပေးတဲ့ ကားဟောင်း ကားကောင်းလေးတစ်ကားပါ။ အရေးပေါ်ကောလ်စင်တာ 911 ရဲ့လည်ပတ်ပုံတွေနဲ့ အရေးပေါ်ဖုန်းကောလ်တွေကို အချိန်နဲ့တပြေးညီ ကိုင်တွယ်ရတာ ဖြေရှင်းရတာတွေကို ရသမြောက်စွာ ဖော်ပြထားပါတယ်။ ဂျော်ဒန်ဆိုတဲ့ ရဲမေလေးဟာ 911 စင်တာကထက်မြက်တဲ့ အော်ပရေတာလေးဖြစ်ပြီး ၀င်သမျှဖုန်းတွေကို ကောင်းမွန်ပြေလည်စွာဖြေရှင်းနိုင်သူလည်းဖြစ်ပါတယ်.....။ ဒါပေမဲ့ တစ်နေ့တော့ ဖုန်းကောလ်တစ်ခုက သူမရဲ့ယုံကြည်မှုတွေကို ရိုက်ချိုးသွားခဲ့ပါတယ်။ သူမ မကယ်လိုက်နိုင်တဲ့ ခေါ်ဆိုသူနဲ့ ဖမ်းမမိလိုက်တဲ့ ကျူးလွန်သူကြား Truma ရသွားတဲ့ ဂျော်ဒန်တစ်ယောက် အလားတူအခြေအနေမျိုး ထပ်ကြုံရတဲ့အခါမှာတော့....... ဖုန်းအော်ပရေတာ ဂျော်ဒန်အဖြစ် မင်းသမီးချော Halle Berry က ပါ၀င်သရုပ်ဆောင်ထားပါတယ်။ ရှုစားကြပါဦး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ariel ဖြစ်ပါတယ်

App ထဲကနေ Movie Request လုပ်ထားတဲ့ကားတွေထဲက တစ်ကားဖြစ်တဲ့ Victory or Escape to Victory လေးကိုဘာသာပြန်တင်ဆက်ပေးလိုက်ပါတယ် ဒုတိယကမ္ဘာစစ်အတွင်းမှာ ဂျာမနီတွေရဲ့ဝါဒဖြန့်ဘောလုံးကစားပွဲမှာ ဉရောပနိုင်ငံက စစ်အကျဉ်းသားတွေ ယှဉ်ကစားရတာကို ပုံဖော်ထားပါတယ်။ စစ်ရှုံးပြီး ဂျာမနီလက်အောက်ခံဖြစ်နေတဲ့ ဉရောပစစ်သား‌တွေက ဂျာမနီစစ်စခန်းတွေမှာ အကျဉ်းသားအဖြစ်နေနေရာကနေ ဘောလုံးပြိုင်ကန်ဖို့ ဖြစ်သွားပါတယ်။ အစီအစဉ်က ပဲရစ်က ကိုလုံအားကစားကွင်းကြီးထဲမှာ ဂျာမနီရဲ့လက်ရွေးစင်အသင်းနဲ့ အကျဉ်းသားအသင်း ယှဉ်ကစားရမှာဖြစ်ပြီး ပထမပိုင်းပြီးရင် မြေအောက်ရေဆိုးမြောင်းကနေ အသင်းတစ်သင်းလုံး ထွက်ပြေးလို့ရအောင် အထက်လူကြီးတွေက စီစဉ်ထားတာပါ။ ပွဲနေ့မှာ ဉရောပဘက်ကအသင်းက ကစားသမားတွေက ဂျာမန်တွေလောက်မတော်ပေမယ့် ကြိုးစားကစားကြပါတယ်။ သေနတ်ကိုင် စစ်သား‌တွေ အပြည့်စောင့်ကြပ်နေတဲ့ ကွင်းတစ်ခုလုံးမှာ သူတို့အသင်းကို အားပေးတဲ့ ပရိသတ်တွေကြီးပဲဆိုပေမယ့် ဂျာမနီရဲ့ဝါဒဖြန့်လမ်းစဉ်အတိုင်း ဂျာမနီအသင်းကိုပဲ အားပေးတဲ့ပုံစံလုပ်ထားတာကို တွေ့ရဦးမှာပါ။ နောက်ဆုံးမှာ သူတို့အသင်းထွက်ပြေးမယ့် အစီအစဉ်အောင်မြင်သွားလား ဂျာမန်တွေဘက်ကပဲ အသာစီးရပြီး ဘောလုံးပွဲနိုင်သွားလားဆိုတာ ဆက်လက်ရှုစားပေးကြပါဦး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

၁၉ ရာစုအလယ်လောက် ဘေးအန္တရယ်အမျိုးမျိုးနဲ့ တရုတ်ပြည်ကြီး ခေတ်ပျက်နေတဲ့အချိန်မှာ ဖြောင့်မတ်တဲ့ ဆေးဆရာ Wong Kei Ying ဟာ ဘိန်းမှောင်ခိုဂိုဏ်းသားတစ်ယောက်နဲ့ စစ်သူကြီးတစ်ယောက်ကို ကယ်ပေးလိုက်မိရကနေ နှစ်ဖက်ကြား ကြားညှပ်မိပါလေတော့တယ်။ ‌ေနာက်ပိုင်းမှာ တကယ့်လူယုတ်မာကို သိသွားပြီးတဲ့နောက်မှာတော့ သူ့ဆရာပေးခဲ့တဲ့ သိုင်းကျမ်းထဲက အရိပ်မဲ့သိုင်းနဲ့ ရန်သူကို အနိုင်တိုက်ရပါတော့မယ်။ Wong Kei Ying ဟာ ဆေးဆရာသိုင်းသမားကြီး Wong Fei Hung ရဲ့အဖေ ဖြစ်သူပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်

မင်းသမီးချော Dakota Johnson ရဲ့ 2023 ခုနှစ်ထွက် ဒရမ်မာ ရုပ်ရှင်ဇာတ်ကားသစ် ဖြစ်ပါတယ်။ Fifty Shades of Grey နဲ့ Madame Web ဇာတ်ကားတို့ရဲ့ မင်းသမီးချောကို ဒီဇာတ်လမ်းထဲမှာ ရွှေရောင်ဆံကေသာ ပိုင်ရှင် ပရိုဂရမ်မာအဖြစ် မြင်တွေ့ရမှာပဲ ဖြစ်ပါတယ်။ ဇာတ်လမ်းအစကနေ အဆုံးထိကို မင်းသမီးနဲ့ တက်စီမောင်းသမားအဖြစ် သရုပ်ဆောင်ထားတဲ့ မင်းသား Sean Penn တို့ နှစ်ဦးတည်း အပြန်အလှန် စကားပြောနေတာကို မြင်တွေ့ရမှာပါ။ Daddio ဆိုတာကတော့ ဒယ်ဒီကို ရည်ညွှန်းချင်တာပါ။ မင်းသမီးက ဒယ်ဒီအရွယ် ဘိုးတော်တစ်ယောက်ကို ငြိတွယ်နေတဲ့အကြောင်းပြောပြသွားမှာဖြစ်ပြီး မင်းသားဘက်ကတော့ “men will be men” ဆိုတဲ့သဘောတရားကို ပြောပြမှာပါ။ ဇာတ်ဆောင်နှစ်ဦးတည်းဆိုပေမယ့် စိတ်ဝင်စားဖို့ကောင်းတဲ့ ဇာတ်ကား တစ်ကားဖြစ်ပါတယ်။ (အညွှန်းရေးသားသူနဲ့ ဘာသာပြန်သူကတော့ Leon K Zaw ဖြစ်ပါတယ်။)

ဒီကားလေးကတော့ မင်းသား Park Bo gumနဲ့ မင်းသမီးBae Suzyတို့ ပါဝင်သရုပ်ဆောင်ထားကြပြီး အရင်လကမှထွက်ထားတဲ့ Sci-fi movieအမျိုးအစားလေးပါ။ တိုးတက်လာတဲ့ AIနည်းပညာနဲ့အတူ AIရဲ့အကောင်းအဆိုးတွေကို ရိုက်ကူးပြသထားတဲ့အပြင် 528မေတ္တာ၊ 1500မေတ္တာတို့ ရောနှောပါဝင်နေတဲ့ ဇာတ်ကားလေးဖြစ်ပါတယ်။ ဒီကားကိုအညွှန်းနဲ့ ဘာသာပြန်ဆိုသူကတော့ Huihui ဖြစ်ပါတယ်။

ကဲ ကိုဗီဂျေးစည်သူရဲ့ ပရိသတ်ကြီးရေ ဒီတစ်ခါမှာတော့ Netflix ဇာတ်ကားကောင်းလေးဖြစ်တဲ့ ဗီ‌ဂျေးစည်သူရဲ့ Maharaja ဆိုတဲ့ ဇာတ်ကားလေးကို တင်ဆက်ပေးပါရစေရှင် ဒီဇာတ်ကားလေးကတော့ IMDb rating အနေနဲ့ 8.7 ရရှိထားတဲ့အပြင် plot လေးကလည်း စိတ်ဝင်စားဖို့အရမ်းကောင်းတာမလို့ လက်မလွှတ်တမ်းကြည့်ရှုရမဲ့ ဇာတ်ကားလေးပဲ ဖြစ်ပါတယ်ရှင် ဇာတ်လမ်းအကျဉ်းကို ပြောပြရမယ်ဆိုရင်တော့ မဟာရာဂျာဆိုတဲ့ ဆံသဆရာဟာ သူရဲ့ သမီးဖြစ်သူဂျိုသီနဲ့ နှစ်ယောက်တည်း တူတူနေကြပါတယ်။ သူတို့အိမ်မှာလည်း သူ့သမီးဖြစ်သူရဲ့ အသက်ကယ်တင်ရှင် လက်ခ်ရှမီးဆိုတဲ့ သံအမှိုက်ပုံ‌လေးလည်း ရှိလို့နေပါတယ်။ တစ်ရက်မှာတော့ ဖောက်ထွင်းရေးသမားသုံးယောက်က သူ့အိမ်ကို ဖောက်ထွင်းဝင်ရောက်ရင်း လက်ခ်ရှမီးကို ခိုးသွားတဲ့ အချိန်မှာတော့.... မဟာရာဂျာက ရဲစခန်းမှာ တိုင်ချက်ဖွင့်ရင်း ရဲတွေကလည်း လူလား အရာဝတ္ထုလား သေချာမသိတဲ့ လက်ခ်ရှမီးကို လိုက်ရှာရာကနေ ဘာတွေများ ဆက်ဖြစ်သွားမလဲဆိုတာ ဒီဇာတ်ကားလေးထဲမှာ စောင့်မျှော်ကြည့်ရှုအားပေးကြပါဦးရှင် အညွှန်းနဲ့ ဘာသာပြန်ကတော့ Kaelyn ပဲ ဖြစ်ပါတယ်

Avengers ထဲမှာ Falcon နေရာကသရုပ်ဆောင်တဲ့နာမည်ကြီးမင်းသား Anthony Mackie ကရုပ်ရှင်ထဲမှာတင်မကပဲအပြင်လောကမှာပါ စူပါဟီးရိုးတစ်ယောက်ဖြစ်ပါတယ်။ဘာလို့အဲ့လိုပြောရတာလဲဆိုတာကို အခုတင်ဆက်ပေးမဲ့ Shark Beach with Anthony Mackie ဆိုတဲ့တီဗီအစီအစဉ်လေးတစ်ခုကိုခဏလောက်အချိန်ပေးကြည့်လိုက်ရင်သိလာရမှာပါ။သူကအမေရိကန်လူဝီစီယားနားမှာမွေးပြီးကြီးပြင်းလာခဲ့သူတစ်ဦးဖြစ်ပြီး ငယ်ငယ်လေးကတည်းကငါးမျှားတာကိုခုံမင်နှစ်သက်ခဲ့သူတစ်ဦးပဲဖြစ်ပါတယ်။နောက်ပိုင်းမှာအလုပ်အကိုင်တွေနဲ့နယူးယောက်မှာနေထိုင်ခဲ့ရပြီး လူဝီစီးယားနားကိုပြန်လာတဲ့အချိန်မှာတော့ သူကျင်လည်ခဲ့တဲ့ငါးမျှားခဲ့တဲ့နေရာတော်တော်များများမှာငါးမန်းတွေသောင်းကျန်းနေပြီးတော့ ငါးဖမ်းသမားတွေဖမ်းထားတဲ့ငါးတွေကိုဖြတ်ခုတ်လုနေတဲ့ဆိုတဲ့သတင်းကိုကြားခဲ့ရပါတော့တယ်။အဲ့ဒါကြောင့်ငါးဖမ်းသမားတွေအရမ်းနစ်နာရပြီးအခက်အခဲတွေကြုံတွေ့နေရတဲ့အတွက်ဒီအခက်အခဲတွေကိုဖြေရှင်းပေးဖို့တစ်နေရာပြီးတစ်နေရာသွားကာအဖြေရှာပုံတွေအပြင်လူဝီစီယားနားနဲ့သူ့ကြားကအမှတ်တရတွေသံယောဇဉ်တွေကိုတွေ့ရမဲ့အပြင် ဒီအစီအစဉ်လေးကိုကြည့်ပြီးသွားရင်ငါးမန်းတွေပေါ်မှာမြင်နေတဲ့ကိုယ့်အမြင်တွေပြောင်းလဲသွားနိုင်တာမလို့စူးစမ်းလေ့လာကြည့်ရှုလို့ကောင်းမဲ့တစ်ခါလောက်တော့ကြည့်သင့်တဲ့ Documentry ပုံစံရိုက်ကူးထားတဲ့တီဗီအစဉ်အစဉ်ကောင်းတစ်ခုပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eazy ဖြစ်ပါတယ်

ဒီကားလေးမှာတော့ အခုလက်ရှိOngoingပြနေတဲ့ Red Swanထဲက မင်းသမီး Kim HaNeulက အဓိကပါဝင်သရုပ်ဆောင်ထားပါတယ်။ မင်ဆူအာဆိုတဲ့ ရဲသင်တန်းကျောင်းသူဟာ ကျောင်းထွက်ပြီး အကခိုးပြိုင်နေတဲ့ မောင်ဖြစ်သူကို ညဘက်ကြီးသွားပြန်ခေါ်လာခဲ့ပါတယ်။ မောင်ဖြစ်သူက ရုန်းရင်းဆန်ခတ်လုပ်နေလို့ လက်ကို လက်ထိပ်နဲ့တွဲခတ်လိုက်ပြီး အိမ်ပြန်လာကြပါတယ်။ လမ်းမှာ မောင်ဖြစ်သူက သော့လိုက်လုနေတာမလို့ အရှေ့ကမောင်းလာတဲ့ကားကိုရှောင်ရင်း အက်ဆီးဒန့်ဖြစ်ကာ သူကတော့ ကားကနေလွင့်ထွက်သွားပေမဲ့ သူ့မောင်ကတော့ ကားပေါ်မှာကျန်ခဲ့ရင်း တံတားအောက်ပြုတ်ကျလို့ သေဆုံးသွားခဲ့ပါတယ်။ မင်ဆူအာတစ်ယောက် အက်ဆီးဒန့်ကြောင့် မျက်စိကွယ်သွားပြီး သူနေခဲ့တဲ့မိဘမဲ့ဂေဟာကနေ ညဘက်အပြန် တက္ကစီဆိုပြီး လိမ်ခေါ်သွားတဲ့ကားဆီလိုက်သွားခဲ့မိပါတယ်။ ကားဆရာက ဘာအကြံနဲ့ မင်ဆူအာကိုလိမ်ခေါ်သွားတာဖြစ်မလဲ? မျက်စိကွယ်နေခဲ့တဲ့ မင်ဆူအာတစ်ယောက် ဒီအဖြစ်အပျက်ကနေ ဘယ်လိုကြိုးစားရုန်းကန်ရမလဲဆိုတာကို စိတ်လှုပ်ရှားဖွယ် ကြည့်ရှုကြရမှာပါ။ ဒီကားကို အညွှန်းနဲ့ဘာသာပြန်ဆိုသူကတော့ Huihui ဖြစ်ပါတယ်။

ဒီတစ်ခေါက်မှာတော့ Crime Thrillerဇာတ်လမ်းလေးတစ်ပုဒ်နဲ့ မိတ်ဆက်ပါရစေ။ ရာဂျန်ဒါဂျိုရှီဆိုတာ မြို့ငယ်လေးတစ်ခုမှာ ဆေးပေးခန်းဖွင့်ထားတဲ့လူငယ်တစ်ယောက်ဖြစ်ပြီး အသည်းကွဲပြီးနောက်ပိုင်း အတည်တကျမနေတော့ဘဲ မိန်းမပွေရှုပ်သူတစ်ယောက်ဖြစ်သွားခဲ့တယ်။ တစ်နေ့မှာတော့ ငွေရေးကြေးရေးပြဿနာတစ်ခုနဲ့ကြုံတွေ့လိုက်ရပြီး မပတ်သက်သင့်တဲ့လူနဲ့ပတ်သက်မိသွားခဲ့တယ်။ ကိစ္စက ဒီလောက်နဲ့တင်ပြီးမသွားဘဲ လိမ်စဉ်တွေတစ်ခုပြီးတစ်ခုကြုံတွေ့ရပြီး အရှုပ်တော်ပုံကြီးတစ်ခုထဲကို ဝင်ပါမိသွားတဲ့အခါ ဘာတွေဆက်ဖြစ်ကြမလဲ။ အလိမ်ပေါ်အလိမ်ဆင့်ပြီး ဘယ်လိုအဆုံးသတ်မျိုးနဲ့ကြုံရမလဲဆိုတာကို စိတ်ဝင်တစားကြည့်ရှုရမှာဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Zed ဖြစ်ပါတယ်။

Horror ချစ်သူတွေအတွက်ကျားဖြန့်(အွန်လိုင်းလိမ်လည်မှု)နဲ့ Horror တို့ကိုပေါင်းစပ်ရိုက်ကူးထားတဲ့ကျောချမ်းစရာဇာတ်ကားလေးတစ်ကားကိုတင်ဆက်ပေးလိုက်ပါတယ်။ဇာတ်ကားနာမည်ကတော့ Visher ဖြစ်ပြီး Conjuring တို့လို Masterpiece တော့မဟုတ်ပေမဲ့သူ့ဟာနဲ့သူတော့ကြည့်လို့ကောင်းတဲ့အနေအထားမှာရှိပါတယ်။ဇာတ်လမ်းအစမှာတော့ကျားဖြန့်အလုပ်လုပ်ပြီးတော့လူတွေကိုလိုက်လိမ်စားနေတဲ့အိန္ဒိယလူမျိုးတစ်ယောက်ကိုတွေ့ရမှာဖြစ်ပြီးသူကခြေထောက်မသန်စွမ်းတဲ့လူတစ်ယောက်ပါ။သူ့ကိုယ်သူတော့လုံလောက်တဲ့ပိုက်ဆံရရင်ရပ်မယ်လို့ပြောနေပေမဲ့လောဘမီးဆိုတာတော်ရုံနဲ့အတောသတ်နိုင်တဲ့မီးမျိုးတော့မဟုတ်ပါဘူး။ဒီလိုနဲ့တစ်နေ့မှာတော့ရုသ်ဆိုတဲ့ကောင်မလေးတစ်ယောက်ကိုလိမ်လည်ဖို့အလှည့်ကျလာခဲ့ပါတယ်။ကျားဖြန့်တွေရဲ့ထုံးစံအတိုင်းတစ်ဖက်လူရဲ့ကွန်ပြူတာတွေ အင်တာနက်တွေထဲကိုဝင်လို့ရအောင်လုပ်ပြီးနောက်မှာ ရုသ်ဖက်မှာရှိတဲ့လုံခြုံရေးကင်မရာတွေ ကွန်ပြူတာကင်မရာတွေအကုန်လုံးကိုမြင်နိုင်ခဲ့ပါတော့တယ်။ဖြစ်ချင်တော့ကောင်မလေးရဲ့ရုပ်ရည်ကိုကြည့်ပြီးလိမ်တောင်မလိမ်ရက်တော့ပဲနဲ့လိမ်တဲ့သူကိုယ်တိုင်ကလည်းမိန်းမလိုချင်နေတဲ့သူဆိုတော့စကားတွေဖောင်ဖွဲ့ဖြစ်ခဲ့ကြပါတော့တယ်။ဒါပေမယ့်သူမြင်နေရတဲ့ကင်မရာမှာထူးဆန်းတဲ့အရာတွေတွေ့တာတို့ ရုသ်ကိုယ်တိုင်ကလည်းထူးဆန်းတဲ့သရဲလိုမျိုးအရာတွေကြုံတွေ့နေရကြောင်းတွေကိုပြောပြခဲ့ပြီးနောက်မှာတော့အဲ့ဒီညကသူတို့နှစ်ယောက်အတွက်ခြောက်ခြားစရာညတစ်ညအဖြစ်ဘယ်လိုပြောင်းလဲသွားမယ်ဆိုတာကို Jumpscare တ

ဒီ Sci-fi ရုပ်ရှင်ကတော့ အပိုင်းတိုလေးတွေကို ပေါင်းထားတာနဲ့တူပါတယ်။ အနာဂတ်မှာ ကမ္ဘာကြီး ပျက်စီးသွားပြီး ပြောင်းလဲသွားတာကို ရှုထောင့်ပြောင်းပြီး ပုံဖော်ထားတာပါ။ ဒါမဲ့ ဝေဖန်သူတွေကတော့ low budget ဖြစ်တဲ့အပြင် ရုပ်ရှင်နဲ့မတူဘဲ school project နဲ့တူတယ်၊ ဆက်စပ်မှုမရှိဘူးဆိုပြီး ပြောကြပါတယ်။ အကျဉ်းချုပ်ကတော့ ကမ္ဘာကြီးက အဖြစ်အပျက်တစ်ခုကြောင့် တစ်စတစ်စယိုယွင်းပျက်စီးသွားပြီး လူတွေက ကမ္ဘာကနေ စွန့်ခွာပြီး တခြားဂြိုလ်မှာ ရွှေ့ပြောင်းနေထိုင်ကြတာတွေ လူသားတွေ သန်းပေါင်းများစွာသေဆုံးသွားပြီး တချို့တွေက မျိုးဗီဇပြောင်းသွားတာတွေ စက်ရုပ်တွေက လူသားတွေကို ခြယ်လှယ်စိုးမိုးလာတာတွေကို တွေ့ရမှာပါ။ အနာဂတ်မှာ ကိုယ့်လက်တွဲဖော်ကိုတောင် ကိုယ်တိုင်ရွေးခွင့်မရှိတော့ဘဲ အစိုးရက ခွင့်ပြုထားတဲ့ဉပဒေနဲ့ ပရိုဂရမ်တွေသုံးပြီး တွက်ချက်ရွေးချယ်ရတာတွေ ဖြစ်လာတာကိုပါ ထည့်သွင်းထားပါတယ်။ တကယ်ပဲ ဝေဖန်သူတွေပြောသလို ဇာတ်ကားက ညံ့နေလား ရည်ရွယ်ချက်မဲ့နေလားဆိုတာ ကိုယ်တိုင်ကြည့်ပြီး သုံးသပ်လို့ရပါပြီ။ ဇာတ်လမ်းအညွှန်းနဲ့ ဘာသာပြန်သူကတော့ Shune Lai KK ဖြစ်ပါတယ်။

ရင်တထိတ်ထိတ်နဲ့ကြည့်ရှုရမဲ့ မှုခင်းဇာတ်လမ်းလေးတစ်ပုဒ် ရောက်လာပြန်ပါပြီ။ မိန်းမသားတွေဆိုရင် အထင်မကြီးတတ်တဲ့ လူတွေရဲ့အယူအဆကို အခွင့်ကောင်းယူပြီး တစ်နိုင်ငံလုံးမှာရှိတဲ့ရဲဌာနတစ်ခုလုံးကို အရူးလုပ်သွားတဲ့ သာမန်အိမ်ရှင်မတစ်​ယောက်ရဲ့ထက်မြက်မှုကို ဖော်ပြထားတဲ့ ဇာတ်လမ်းလေးတစ်ပုဒ်ဖြစ်ပါတယ်။ "ဆာဗီ"ဆိုတဲ့မိန်းကလေးဟာ အပြစ်မရှိဘဲ တစ်သက်တစ်ကျွန်းထောင်ဒဏ်ပေးခံခဲ့ရတဲ့ ခင်ပွန်းဖြစ်သူကိုကယ်တင်ဖို့အတွက် သာမန်လူတွေမတွေးရဲတဲ့ ထောင်ဖောက်မှုတစ်ခုကိုကျူးလွန်ဖို့ အကြောင်းဖန်လာခဲ့တယ်။ သာမန်ထောင်ဖောက်မှုတွေမှာ ထောင်ထဲကနေလွတ်မြောက်ဖို့ကြိုးပမ်းကြတာဖြစ်ပြီး ဒါကတော့ ထောင်အပြင်ဘက်ကနေ ကြိုးကိုင်ခြယ်လှယ်ပြီး ရဲတွေပါအရူးလုပ်နိုင်ခဲ့တဲ့အထိ အကွက်ချခဲ့တဲ့အကြောင်းကို တစ်စက္ကန့်မလပ် ရင်တထိတ်ထိတ်နဲ့ကြည့်ရှုရမဲ့မှုခင်းဇာတ်လမ်းကောင်းလေးတစ်ခုဖြစ်ပါတယ်။ မှုခင်းဇာတ်လမ်းကြိုက်သူတွေအဖို့ မကြည့်မိရင် နောင်တရသွားစေမဲ့ဇာတ်လမ်းမျိုးပါပဲ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zed ဖြစ်ပါတယ်