သည်းထိတ်ရင်ဖိုကားများ

ကယ်လီဟာ မကြာသေးခင်ကမှ အသက် ၁၈ နှစ်ပြည့်ထားပြီး အမေ့ကို ပုန်ကန်ချင်စိတ်နဲ့ ကလန်ကဆန် လုပ်နေတဲ့ မိန်းကလေးတစ်ယောက်ပါ။ အဲဒီအချိန်မှာ အိမ်နားကို ပြောင်းလာတဲ့ အသက် ၅၀ ကျော်အရွယ် ငွေကြေးချမ်းသာပြီး ရုပ်ရည်ကောင်းတဲ့ အမျိုးသားတစ်ယောက်ရဲ့ စကားတွေကို သူမ နားယောင်မိသွားတယ်။ သူ့ကိုပဲ ဦးစားပေးလာတဲ့ ကယ်လီဟာ သူငယ်ချင်းတွေနဲ့ မိသားစုကိုတောင် အလေးမထားတော့ပါဘူး။ ဖြစ်ရပ်မှန်ကို အခြေခံထားတဲ့ ဒီသည်းထိတ်ရင်ဖိုရုပ်ရှင်က အဲဒီဆက်ဆံရေးနောက်မှာ ကယ်လီ ဆက်ကြုံရတဲ့ စိတ်ဆင်းရဲစရာတွေကို ပြထားပါတယ်။

ယုန်လေးဟာ ငယ်ငယ်တုန်းက အမေနဲ့အတူ ရုပ်ရှင်ကြည့်ပြီး အိမ်ပြန်လာရင်း တက္ကစီသမား ဘော့ဘ်ရဲ့ ပြန်ပေးဆွဲတာကို ခံခဲ့ရပါတယ်။ ဘော့ဘ်က လူသတ်သမားတစ်ယောက်ဖြစ်ပြီး ယုန်လေးကို သူ့အိမ်မှာ ဖမ်းထားကာ ခိုင်းသမျှလုပ်ပေးရအောင် နှစ်ပေါင်းများစွာ အတင်းအကျပ် စေခိုင်းထားတယ်။ ဖမ်းခံရချိန်ကနေ အရွယ်ရောက်တဲ့အထိ ခြေထောက်မှာ သံကြိုးခတ်ခံထားရတဲ့ ယုန်လေးဟာ ဘော့ဘ်သတ်ထားသူတွေရဲ့ သွေးတွေကို သန့်ရှင်းရေးလုပ်ပေးရသလို အလောင်းတွေကိုလည်း မြှုပ်ပေးရပါတယ်။ တစ်နေ့မှာတော့ ဘော့ဘ်က ယုန်လေးကို သူ့လိုလူသတ်သမားတစ်ယောက် ဖြစ်လာအောင် လေ့ကျင့်ပေးဖို့ စလုပ်လာတယ်။ ဒီလိုပတ်ဝန်းကျင်ထဲမှာ ကြီးပြင်းခဲ့ရတဲ့ ယုန်လေးက ဘော့ဘ်ရဲ့ ခြေရာကို လိုက်မိသွားမလား။ ပုံမှန်ဆို မိန်းကလေးတွေကိုပဲ ပြန်ပေးဆွဲသတ်လေ့ရှိတဲ့ ဘော့ဘ်ဟာ ဘာကြောင့် သူတို့သားအမိနှစ်ယောက်ကို ရွေးခဲ့တာလဲဆိုတဲ့ အကြောင်းကလည်း မေးခွန်းဖြစ်နေပါတယ်။

Stephen King ရဲ့ လက်ရာကို ရုပ်ရှင်အဖြစ် တင်ဆက်ထားတဲ့ Sleepwalkers မှာ သွေးစုပ်ဖုတ်ကောင်မျိုးဆက်ရဲ့ နောက်ဆုံးကျန်သူနှစ်ယောက်ဟာ လူတွေရှေ့မှာ သားအမိအဖြစ် နေထိုင်ကြပေမယ့် နောက်ကွယ်မှာတော့ ချစ်သူတွေလို ဆက်ဆံနေကြပါတယ်။ မိခင်ရဲ့ ဆာလောင်မှုက အပျိုစင်သွေးနဲ့မှ ပြေပျောက်နိုင်တာကြောင့် သားဖြစ်သူ ချားစ်ဟာ ထန်ညာဆိုတဲ့ မိန်းကလေးအနားကို ချဉ်းကပ်လာတယ်။ ဒါပေမယ့် ဆရာတစ်ယောက်က ချားစ်ရဲ့ သရုပ်မှန်ကို ရိပ်မိသွားပါတယ်။ ထန်ညာနဲ့ နီးစပ်လာရင်း ချားစ်မှာ ဘယ်လိုခံစားချက်တွေ ပေါ်လာမလဲ။ မိခင်အတွက် သူမကို တကယ်သတ်ပစ်မှာလား၊ အဖြစ်မှန်ကို ရိပ်မိထားတဲ့ ဆရာကရော ဘာဆက်လုပ်မလဲဆိုတဲ့ မေးခွန်းတွေကြားကနေ ဇာတ်လမ်း ဆက်သွားပါတယ်။

အသက် ၂၃ နှစ်အရွယ် စာရေးဆရာမ Ah Nhien ဟာ စိတ်ကျဝေဒနာ ခံစားနေရသူတစ်ယောက်ပါ။ သူရေးတဲ့ The Whispering ဝတ္ထုက စံချိန်တင်အောင်မြင်ခဲ့ပေမယ့် စာအုပ်ထုတ်ဝေပြီးနောက်မှာတော့ သူ့စိတ်ကျဝေဒနာ ပိုဆိုးလာပါတယ်။ နောက်ဆုံး စိတ်ရောဂါကုဆရာဝန်နဲ့ ပြသဖို့ သူသဘောတူလိုက်တယ်။ Ah Nhien ပြောပြတာက အမျိုးသမီးတစ်ယောက် သူ့ကို ထပ်တလဲလဲ ခြောက်လှန့်နေတယ်ဆိုတာပါ။ ထူးဆန်းတာက အဲဒီအမျိုးသမီးဟာ သူ့ဝတ္ထုထဲက အဓိကဇာတ်ကောင် ဖြစ်နေတာပဲ။ ဆရာဝန် Tuong Minh က အစမှာ ဒါကို စိတ်ရောဂါလက္ခဏာတစ်ခုလို့ သတ်မှတ်ခဲ့ပေမယ့် နောက်တော့ သူကိုယ်တိုင်လည်း အဲဒီအမျိုးသမီးကို အိပ်မက်ထဲမှာ မြင်လာရပါတယ်။ တကယ့်အဖြစ်လား၊ ပုံရိပ်ယောင်လားဆိုတာ ခွဲခြားရခက်လာတဲ့အပြင် ဒီဖြစ်ရပ်တွေက သူတို့နှစ်ယောက်ရဲ့ အတိတ်နဲ့ ဘယ်လိုပတ်သက်နေမလဲဆိုတာပါ မေးခွန်းဖြစ်လာတယ်။

ထောင်ကထွက်လာတဲ့ Chris ဟာ ဒုစရိုက်လောကကနေ ရုန်းထွက်ဖို့ ကြိုးစားနေပါတယ်။ ဒါပေမယ့် အဲဒီလောကက ရနိုင်တဲ့ အကျိုးအမြတ်တွေကိုတော့ မလွန်ဆန်နိုင်ဘူး။ သူ့ညီ Frank က ရဲအရာရှိတစ်ယောက်ဖြစ်ပြီး ညီအစ်ကိုနှစ်ယောက်က နဂိုကတည်းက မတည့်ကြသူတွေပါ။ Chris ရဲ့ ဒုစရိုက်လောကနဲ့ မကင်းနိုင်မှုကြောင့် သူတို့ကြားက ဆက်ဆံရေးဟာ ပြန်အဖတ်ဆယ်လို့ မရတော့မယ့်အထိ ပျက်စီးသွားနိုင်တဲ့ အခြေအနေကို ရောက်လာပါတယ်။

Jules ဟာ ခင်ပွန်း Billy ရဲ့ စိတ်ပိုင်းဆိုင်ရာ နှိပ်စက်မှုတွေကို နှစ်အတော်ကြာ ခံခဲ့ရသူပါ။ တစ်နေ့ သူတို့အိမ်မှာ မီးလောင်မှုဖြစ်ပြီး Billy က Jules ကို သတ်ဖို့ ကြိုးစားခဲ့တယ်။ Jules ကတော့ မီးလောင်နေတဲ့အိမ်ထဲက လွတ်မြောက်လာခဲ့ပေမယ့် Billy ဟာ မီးထဲမှာ သေဆုံးသွားပါတယ်။ ဒီနောက်မှာ Billy ရဲ့ ထိန်းချုပ်မှုနဲ့ အကြမ်းဖက်မှုတွေကနေ လွတ်ပြီလို့ Jules ထင်ခဲ့တယ်။ ဒါပေမယ့် စိတ်ရှုပ်ထွေးမှုတွေ ဆက်ကြုံလာရပြီး သေဆုံးသွားတဲ့ Billy ကို မကြာခဏ ပြန်မြင်လာရပါတယ်။ ပတ်ဝန်းကျင်က ယူဆကြသလို သူ့စိတ်ကျန်းမာရေးကြောင့် ဖြစ်နေတာလား၊ Billy ကို ပြန်မြင်နေရတာက ဘာကြောင့်လဲဆိုတဲ့ မေးခွန်းတွေကြားမှာ Jules တစ်ယောက် နေရပြန်တယ်။

Sara ဟာ ခင်ပွန်း Frank နဲ့ ကွာရှင်းပြီးနောက် အသက် ၁၈ နှစ်အရွယ် သမီး Jordyn နဲ့အတူ ဘဝသစ်စဖို့ အိမ်ကြီးတစ်အိမ် ဝယ်ပြီး ပြောင်းလာပါတယ်။ ဒါပေမယ့် အိမ်သစ်မှာ နေရင်း မထင်မှတ်ထားတဲ့ ခြောက်ခြားစရာဖြစ်ရပ်တွေ ဆက်တိုက်ကြုံလာရတယ်။ Sara ရဲ့သူငယ်ချင်း Lucy ကတော့ အိမ်မှာ တစ္ဆေရှိလို့ ခြောက်နေတာလို့ ပြောပေမယ့် အဲဒီလိုအကြောင်းတွေကို မယုံတတ်တဲ့ Sara အတွက် လက်ခံဖို့ခက်နေပါတယ်။ ဒီဖြစ်ရပ်တွေက တကယ်ပဲ တစ္ဆေခြောက်တာလား၊ သမီး Jordyn က မိခင်ကို ဆန္ဒပြတဲ့အနေနဲ့ လုပ်နေတာလားဆိုတာ မသေချာဘူး။ အရင်ခင်ပွန်း Frank က လိုက်နှောင့်ယှက်နေတာ ဖြစ်နိုင်သလို သူတို့မသိသေးတဲ့ တခြားအကြောင်းရင်းတစ်ခု ရှိနေမလားဆိုတာလည်း မေးခွန်းဖြစ်လာပါတယ်။

ဝုစ်ဘရိုမှာ ဖြစ်ခဲ့တဲ့ လူသတ်မှုတွေကနေ အသက်ရှင်ကျန်ခဲ့သူတွေဟာ ဒီတစ်ခေါက်ဇာတ်လမ်းရဲ့ အဓိကဇာတ်ကောင်တွေပါ။ ဆမ်နဲ့ တာရာ ညီအစ်မနှစ်ယောက်လည်း အခြားမြို့တစ်မြို့ကို ပြောင်းရွှေ့လာကြပါတယ်။ သရဲမျက်နှာဖုံးနဲ့ လူသတ်သမားတစ်ယောက်ရဲ့ သမီးဖြစ်တဲ့ ဆမ်က ဝုစ်ဘရိုမှာ လူသတ်သမားနှစ်ယောက်ကို သတ်နိုင်ခဲ့ပေမယ့် အင်တာနက်ပေါ်မှာတော့ သူ့အကြောင်း ကောလဟာလတွေ ပြန့်နေတယ်။ သူကသာ လူသတ်သမားအစစ်ဖြစ်ပြီး တခြားသူတွေကို ချောက်ချခဲ့တာဆိုတဲ့ စွပ်စွဲချက်တွေကြောင့် နာမည်ပျက်နေရပါတယ်။ အဲဒီလူသတ်သမားတွေကို အားကျနေသူတွေကလည်း ဆမ်ကို သတ်ဖို့ ကြိုးစားနေကြတယ်။ ဒီကြားထဲ သူတို့အနားက လူတွေ တစ်ယောက်ပြီးတစ်ယောက် အသတ်ခံလာရတဲ့အခါ ဘယ်သူ့လက်ချက်လဲဆိုတာ ရှာဖွေရပြန်ပါတယ်။ အရင်ရုပ်ရှင်တွေမှာ ပါဝင်ခဲ့တဲ့ သရဲမျက်နှာဖုံးလူသတ်သမား ကိုးယောက်အကြောင်းကိုလည်း ဒီကားမှာ အမှတ်တရထည့်သွင်းထားပါတယ်။ ဆမ်နဲ့ တာရာအဖြစ် Melissa Barrera နဲ့ Jenna Ortega တို့ ပြန်လည်ပါဝင်ထားပြီး Courtney Cox လည်း ဆက်လက်သရုပ်ဆောင်ထားပါတယ်။

၁၉၃၉ ခုနှစ်မှာ နာဇီဂျာမဏီက ပိုလန်ကို ကျူးကျော်ပြီး ဒုတိယကမ္ဘာစစ် စတင်ခဲ့ပါတယ်။ ဒီဇာတ်လမ်းကတော့ စစ်စပြီး ငါးနှစ်အကြာ ပိုလန်နိုင်ငံရဲ့ အခြေအနေကို အခြေခံထားတာပါ။ ပိုလန်တပ်တွေ ပြန်လည်ခုခံခဲ့ပေမယ့် ဂျာမန်တွေရဲ့အင်အားကို မယှဉ်နိုင်ခဲ့ဘဲ အစိုးရကလည်း နိုင်ငံကနေ ထွက်ခွာပြီး လန်ဒန်မှာ နယ်နှင်ခံအစိုးရအဖြစ် အခြေစိုက်နေရပါတယ်။ နိုင်ငံအတွင်း ကျန်ခဲ့တဲ့ စစ်တပ်အချို့ကတော့ မြေအောက်အဖွဲ့အစည်းတွေ၊ အိမ်စောင့်စစ်တပ်တွေအဖြစ် တော်လှန်ဖို့အချိန်ကို စောင့်နေကြတယ်။ နိုင်ငံခြားမှာရှိတဲ့ အစိုးရနဲ့ ပြည်တွင်းကတပ်တွေကြား ဆက်သွယ်ဖို့ အထောက်တော်တွေ လိုလာပါတယ်။ သာမန်ကိစ္စတွေကို ကြေးနန်းနဲ့ ပေးပို့နိုင်ပေမယ့် အရေးကြီးတဲ့ သတင်းအချက်အလက်တွေကိုတော့ အထောက်တော်တွေက ဂျာမန်သိမ်းပိုက်ထားတဲ့ နိုင်ငံထဲ ခိုးဝင်ခိုးထွက်လုပ်ပြီး သယ်ပို့ပေးရတာပါ။ ဂျာမဏီနဲ့ ဆိုဗီယက်တို့ကြားမှာလည်း ပိုလန်ကို ခွဲဝေယူဖို့ လျှို့ဝှက်သဘောတူညီချက် ရှိခဲ့ပါတယ်။ ဆိုဗီယက်တွေပါ ကျူးကျော်လာတဲ့အခါ ပိုလန်ဘက်က ဘယ်သူ့ကို အရင်တိုက်ရမလဲ၊ ဘယ်သူ့ဆီ အကူအညီတောင်းရမလဲဆိုတာ ရွေးချယ်ရခက်လာတယ်။ မဟာမိတ်တပ်တွေကလည်း အခြားစစ်မျက်နှာတွေကို ပိုအာရုံစိုက်နေကြပါတယ်။ ဒီလိုစစ်ရေး၊ နိုင်ငံရေး ရှုပ်ထွေးနေတဲ့ကြားမှာ အိမ်စောင့်စစ်တပ်နဲ့ နယ်နှင်ခံအစိုးရကြား သတင်းရောက်အောင် အထောက်တော်တွေ ဘယ်လိုဆက်သွယ်ပေးကြသလဲ၊ ပိုလန်တွေ ဘယ်လိုတော်လှန်ကြသလဲဆိုတာကို တင်ဆက်ထားပါတယ်။

ပျော်စေချင်လို့ စနောက်ခဲ့တာကနေ ဝမ်းနည်းစရာအဖြစ်အပျက်တစ်ခု ဖြစ်သွားခဲ့ပြီး နှစ်နှစ်အကြာမှာ ဆမန်သာ၊ မိုင်းစ်၊ အလာနာနဲ့ မစ်ကီတို့ သူငယ်ချင်းတစ်သိုက် ပြန်တွေ့ဖို့ ချိန်းလိုက်ကြပါတယ်။ သူတို့ရွေးထားတဲ့နေရာကတော့ ငယ်ငယ်တုန်းက နွေရာသီအားလပ်ရက်တိုင်း လာလေ့ရှိတဲ့ အိမ်လေးပါ။ မတွေ့တာကြာပြီဖြစ်တဲ့ သူငယ်ချင်းတွေ ပြန်ဆုံကြပေမယ့် အဲဒီအိမ်မှာ ဘယ်လိုအန္တရာယ်တွေ စောင့်နေမလဲ။ သူတို့ကို လိုက်သတ်နေသူက ဘယ်သူလဲ၊ ဘာကြောင့် အခုလိုလုပ်နေတာလဲဆိုတာနဲ့အတူ ဆမန်သာတို့ ဒီအန္တရာယ်ကနေ လွတ်မြောက်နိုင်ပါ့မလားဆိုတာကို ဆက်ကြည့်ရမှာပါ။

1999 ခုနှစ်ကနေ နောက်ထပ် ထောင်စုနှစ်တစ်ခုဖြစ်တဲ့ သက္ကရာဇ် 2000 ကိုပြောင်းတော့မယ့် New Year Eve တစ်ညမှာ ပိုလန်နိုင်ငံရဲ့ TV show တစ်ခု Broadcast နေစဉ်မှာ Studio ထဲကို လက်နက်ကိုင်တစ်ယောက် ဝင်ရောက်စီးနင်းခဲ့ပါတယ်။ သူ့နာမည်ကတော့ Sebastian ပါ။ သူရဲ့ ရည်ရွယ်ချက်ဟာ ဒီလို နှစ်တစ်ထောင်မှတစ်ခါ ကြုံတဲ့ ကြီးကျယ်လှတဲ့ နှစ်သစ်ကူးပြောင်းမယ့်တစ်ရက်မှာ တီဗွီအစီအစဉ်မှာ စကားတစ်ခွန်းပြောချင်တာဖြစ်ပါလိမ့်မယ်။ သူ့ရဲ့ရည်ရွယ်ချက်ကိုမသိတဲ့ Broadcast အဖွဲ့သားတွေနဲ့ သူဖြစ်ချင်တဲ့အရာရဲ့ Conflict ဟာ Crisis တစ်ခုပါပဲ။ ဒီလို Drama ဆန်တဲ့ Mild Thriller ဇာတ်ကားလေးရဲ့အဆုံးသတ်မှာ Sebastian ဟာ ဘာတွေဆက်လုပ်သွားမလဲဆိုတာတော့ ဆက်လက်ရှုစားဖို့လိုပါလိမ့်မယ်ဗျ။ (ဒီဇာတ်ကားနဲ့အညွှန်းကို Nyan Hlyan Chit မှ ပြန်ဆို ရေးသားထားပါတယ်) Size - 1.8GB, 715MB Quality - 1080p, 720p IMDb Rating - 5.2/10 Format - mp4 Duration - 1H 33Min Genre - Drama, Thriller Subtitle - Myanmar Subtitle (Hardsub) Translated by Nyan Hlyan Chit Encoded by Y

၂၀၀၄ ခုနှစ်က ထွက်ရှိခဲ့တဲ့ အမေရိကန် Ju-On ရဲ့ အဆက်မှာတော့ ပထမကားထဲက ကယ်ရန်ရဲ့ညီမ အော်ဘရီကို အခြေခံပြီး ဇာတ်လမ်းဆက်ထားပါတယ်။ အမေက ဖုန်းဆက်ပြီး ဆေးရုံတင်ထားရတဲ့ ကယ်ရန်ကို ပြန်သွားခေါ်ဖို့ ပြောလာတာကြောင့် အော်ဘရီဟာ မသွားချင်ပေမယ့် ဂျပန်ကို ရောက်လာပါတယ်။ အစ်မနဲ့ တွေ့တဲ့အခါမှာတော့ ကယ်ရန်က သူ့ကို လွတ်မြောက်အောင်လုပ်ပေးဖို့ အတင်းတောင်းဆိုနေပါတယ်။ တစ်ဖက်မှာလည်း ဂျပန်မှာ ကျောင်းလာတက်တဲ့ ဆယ်ကျော်သက်မလေး အဲလစ်ဆန်ဟာ အများနဲ့ မဝင်ဆံ့ဘဲ သူငယ်ချင်းရှားနေသူပါ။ အတန်းဖော်မိန်းကလေးနှစ်ယောက်နဲ့ ရင်းနှီးချင်လို့ ဝင်ရောရာက သူတို့ရဲ့ နောက်ပြောင်မှုကြောင့် သရဲခြောက်တဲ့အိမ်ကြီးထဲ ရောက်သွားပါတယ်။ ဂျိတ်ကတော့ မိထွေး အိမ်ပေါ်ရောက်လာတာကို မကျေမနပ်ဖြစ်နေပါတယ်။ ဘေးအခန်းက ထူးဆန်းတဲ့အသံတွေ ကြားရတဲ့အချိန်မှာ သူတို့မိသားစုလည်း ကျိန်စာတစ်ခုနဲ့ ပတ်သက်မိသွားတယ်။ သီးခြားစီလို ထင်ရတဲ့ အော်ဘရီ၊ အဲလစ်ဆန်နဲ့ ဂျိတ်တို့ရဲ့ အဖြစ်အပျက်တွေကြား ဘယ်လိုထူးဆန်းတဲ့ဆက်နွယ်မှု ရှိနေသလဲဆိုတာကို ဇာတ်လမ်းက ဆက်ဖော်ပြထားပါတယ်။

ဂျိုဆွန်းပြည်မှာ ဂျပန်တွေ အုပ်စိုးနေတဲ့အချိန်၊ ဟုန်းဂျင်ဟိုဟာ ဖောက်ပြန်နေတဲ့ အမျိုးသမီးတွေကို ဓာတ်ပုံလိုက်ရိုက်ပြီး သတင်းတွေ ဖန်တီးတတ်သူတစ်ယောက်ပါ။ တစ်နေ့မှာ ဆေးကျောင်းသားတစ်ယောက်က လူသတ်သမားကို ရှာပေးဖို့ သူ့ဆီ အကူအညီလာတောင်းပါတယ်။ အသတ်ခံရသူကတော့ ပျောက်ဆုံးနေတဲ့ အတွင်းဝန်ရဲ့သား ဖြစ်နေတယ်။ ဆေးကျောင်းသားဟာ အရင်က တိရစ္ဆာန်အသေတွေနဲ့ပဲ လေ့လာနေခဲ့ရာက လူသေအလောင်းတစ်လောင်း တွေ့တဲ့အခါ လေ့လာဖို့ ယူသွားခဲ့တာပါ။ အဲဒီအလောင်းက အတွင်းဝန်ရဲ့သားဖြစ်မှန်း နောက်ကျမှ သိလိုက်ရတော့ ရဲဆီသွားရင်လည်း သူ့ကို လူသတ်သမားလို့ ထင်သွားမှာ စိုးရိမ်နေတယ်။ ဒါကြောင့် ဟုန်းဂျင်ဟိုကို အားကိုးပြီး တကယ့်တရားခံကို ရှာဖို့ ကြိုးစားရတာ ဖြစ်ပါတယ်။ နှစ်ယောက်သား အမှုလိုက်စုံစမ်းရင်း အစိုးရအရာရှိတွေရဲ့ အကျင့်ပျက်ခြစားမှုတွေနဲ့ ဆက်စပ်ရာဇဝတ်မှုတွေကိုပါ သိလာကြတယ်။ အဲဒါတွေကို အတူတူ ထုတ်ဖော်ဖို့ ကြိုးစားကြရာမှာ ကြုံရတဲ့အဖြစ်အပျက်တွေကို ဟာသနဲ့ သည်းထိတ်ရင်ဖိုမှု ရောစပ်တင်ဆက်ထားပါတယ်။ Hwang Jung-min ပါဝင်ထားတဲ့ ၂၀၀၉ ခုနှစ်ထွက် မှုခင်းဇာတ်ကား ဖြစ်ပါတယ်။

၁၈၀၀ ပြည့်နှစ်ကာလကို နောက်ခံထားတဲ့ ဒီဇာတ်လမ်းမှာ ကဗျာဆရာ၊ စာရေးဆရာ အက်ဒ်ဂါအလန်ပိုးရဲ့ ပရိသတ်တစ်ယောက်ဟာ သူနှစ်သက်တဲ့ စာရေးဆရာရဲ့ စိတ်ကူးယဉ်လူသတ်ဇာတ်လမ်းတွေကို အခြေခံပြီး လူသတ်မှုတွေ ကျူးလွန်လာပါတယ်။ အဲဒီနောက် ပိုးရဲ့ချစ်သူကိုပါ ပြန်ပေးဆွဲသွားပြီး လူတစ်ယောက်သတ်ပြီးတိုင်း သူမရှိတဲ့နေရာကို လိုက်ရှာနိုင်ဖို့ သဲလွန်စတွေ ချန်ထားပေးတယ်။ ပိုးအတွက်တော့ သူရေးခဲ့တဲ့ ဇာတ်လမ်းတွေက တကယ့်လူသတ်မှုတွေအဖြစ် ပြန်ပေါ်လာသလို ချစ်သူရဲ့အသက်အတွက်ပါ ပူပန်နေရပြီဖြစ်ပါတယ်။ သဲလွန်စတွေကနေ လူသတ်သမားကို ဖော်ထုတ်နိုင်ပါ့မလား၊ ချစ်သူကိုရော အချိန်မီ ကယ်တင်နိုင်ပါ့မလား။ John Cusack နဲ့ Luke Evans တို့ ပါဝင်ထားတဲ့ ၂၀၁၂ ခုနှစ်ထွက် သည်းထိတ်ရင်ဖိုမှုခင်းဇာတ်ကားပါ။ ဇာတ်လမ်းက စိတ်ကူးယဉ်ဖြစ်ပေမယ့် အသုံးပြုထားတဲ့ ပိုးရဲ့ကဗျာတွေနဲ့ ဝတ္ထုဇာတ်လမ်းတွေကိုတော့ သူ့စာအုပ်တွေထဲကနေ ယူထားပါတယ်။

ဂယ်ရက်ဆိုတဲ့ လူတစ်ယောက်ဟာ အွန်လိုင်းချက်တင်ခန်းတွေထဲက ကလေးတွေကို လိင်ပိုင်းဆိုင်ရာ အမြတ်ထုတ်သူတွေနဲ့ လူကုန်ကူးသူတွေကို ဖော်ထုတ်ဖို့ ချယ်ရီဆိုတဲ့ ကလေးပုံစံ ဉာဏ်ရည်တုတစ်ခုကို ဖန်တီးထားပါတယ်။ ချယ်ရီက ချက်တင်ခန်းတွေမှာ အဲဒီလူတွေနဲ့ စကားပြောပြီး သံသယရှိသူတွေရဲ့ အချက်အလက်ကို တာဝန်ရှိသူတွေဆီ ပို့ပေးတယ်။ ဒါပေမဲ့ ချယ်ရီရဲ့ တိုးတက်လာပုံက ဂယ်ရက်မျှော်လင့်ထားတာထက် အများကြီး ပိုမြန်နေပါတယ်။ နောက်တော့ ချယ်ရီဟာ သူတို့ကို ကူညီပေးဖို့ ICWL ဆိုတဲ့ အဖွဲ့အစည်းကို ဂယ်ရက်မသိအောင် ဆက်သွယ်လိုက်တယ်။ အဲဒီနောက် ဘာတွေဖြစ်လာမလဲ၊ ချယ်ရီက ဘယ်အတိုင်းအတာအထိ တိုးတက်သွားဦးမလဲဆိုတာကနေ ဉာဏ်ရည်တုနဲ့ လူသားတို့ရဲ့ ဆက်ဆံရေးအကြောင်းကို ဆက်ပြောသွားပါတယ်။ ဉာဏ်ရည်တုအကြောင်း စာအုပ်နဲ့ ရုပ်ရှင်တွေမှာ မကြာခဏ မေးလေ့ရှိတာက လူသားဖန်တီးထားတဲ့ ဉာဏ်ရည်ဟာ တစ်နေ့ လူသားကို ကျော်လွန်သွားနိုင်မလားဆိုတာပါ။ ဒီဇာတ်ကားမှာတော့ ဉာဏ်ရည်တုမှာ စိတ်ဝိညာဉ်၊ ခံစားနားလည်နိုင်တဲ့ အသိတွေ ရှိလာနိုင်မလားဆိုတာကိုလည်း ဆွေးနွေးထားတယ်။ ဥပမာ အမဲကင်နဲ့ ဆဲလ်မန်ငါး ဘာစားသင့်လဲလို့ လူတစ်ယောက်ကို မေးရင် စားဖူးတဲ့အတွေ့အကြုံနဲ့ ကိုယ့်ခံစားချက်အပေါ် မူတည်ပြီး ဖြေမှာပါ။ ဇာတ်ကားထဲက ဥပမာအရ ဉာဏ်ရည်တုကတော့ အစားအသောက်ဆိုင်ရာ ဒေတာနဲ့ အဆင့်သတ်မှတ်ချက်တွေကို ရှာဖွေနှိုင်းယှဉ်ပြီးမှ ဖြေမယ်။ မေးသူက သူ့ကိုဖန်တီးထားတဲ့သူဆိုရင် အဲဒီလူကို လိုအပ်တဲ့အတွက် ကျန်းမာရေးနဲ့ ပိုသင့်တော်မယ့

အနာဂတ်တစ်ချိန်မှာ ရာသီဥတုဖောက်ပြန်မှုတွေနဲ့ စစ်ပွဲတွေကြောင့် ကုန်းမြေအားလုံးနီးပါး ပင်လယ်ရေအောက် နစ်မြုပ်သွားပါတယ်။ ဒါပေမဲ့ စစ်ပွဲတွေကတော့ မပြီးသေးဘူး။ ရေပေါ်မှာ ကင်းစခန်းတွေ ဆောက်ပြီး ရန်သူ့လှုပ်ရှားမှုကို ဆက်စောင့်ကြည့်နေကြဆဲပါ။ ဗိုလ်ကြီးဟန့်ဒရစ်ခ်ျ ဦးဆောင်တဲ့ စစ်သားလေးယောက်ပါ ကင်းတပ်ဖွဲ့ဟာလည်း သူတို့တာဝန်ကျရာ ရေပေါ်စခန်းမှာ နှစ်နှစ်ပြည့်သွားပြီဖြစ်လို့ ကယ်ဆယ်ရေးသင်္ဘောကို စောင့်မျှော်နေကြပါတယ်။ တစ်လတစ်ကြိမ် တိုက်ခတ်တဲ့ မုန်တိုင်းဒဏ်ကြောင့် စခန်းက တဖြည်းဖြည်း ယိုယွင်းလာတယ်။ ဌာနချုပ်ဆီက အကြောင်းကြားစာအသစ်တွေလည်း ရောက်မလာတော့ဘူး။ လူသူကင်းမဲ့ပြီး ရေပတ်လည်ဝိုင်းနေတဲ့နေရာမှာ နှစ်နှစ်ကျော် နေလာရတဲ့ သူတို့အတွက် စိတ်ပိုင်းဆိုင်ရာ ထိခိုက်မှုတွေလည်း ရှိလာပါတယ်။ တစ်နေ့မှာတော့ သူတို့စောင့်နေတဲ့ ကယ်ဆယ်ရေးသင်္ဘောလို့ ယူဆရတဲ့ သင်္ဘောတစ်စီး မျောလာတာကို တွေ့လိုက်ရတယ်။ သင်္ဘောပေါ်မှာ ပစ္စည်းတွေရှိပေမယ့် လူတစ်ယောက်မှ မပါလာပါဘူး။ ဒီသင်္ဘောအကြောင်း ဌာနချုပ်ကို ဆက်သွယ်မေးမြန်းရာမှာလည်း ဘာမှပြန်မလာတဲ့အတွက် သင်္ဘောကိုပြင်ပြီး လူနှစ်ယောက်က အစီရင်ခံစာကို ဌာနချုပ်ဆီ ကိုယ်တိုင်သွားပို့ဖို့ စီစဉ်ကြပါတယ်။ ဒီအစီအစဉ် အောင်မြင်ပါ့မလား၊ ဌာနချုပ်က ဘာကြောင့် အကြောင်းမပြန်တာလဲဆိုတာ သူတို့မသိရသေးဘူး။ သူတို့ဟာ နောက်ဆုံးကျန်တဲ့ ကင်းတပ်ဖွဲ့ ဖြစ်နေပြီလား၊ ကယ်ဆယ်မယ့်သူတွေနဲ့ ရန်သူတွေထဲက ဘယ်သူအရင်ရောက်လာမလဲဆိုတဲ့ မေးခွန

မျက်စိဆရာဝန် ဂရေ့စ်ဟာ ဘာသာရေးကို အယုံအကြည်မရှိသူပါ။ တစ်နေ့မှာ ခရစ်ယာန်ဘုန်းကြီးဖြစ်တဲ့ သူမရဲ့မောင်က အခြားဘုန်းကြီးတစ်ပါးကို သတ်ပြီး ကိုယ့်ကိုယ်ကိုယ် အဆုံးစီရင်သွားတယ်လို့ အကြောင်းကြားလာပါတယ်။ ဒီသတင်းကြောင့် ဂရေ့စ်ဟာ စကော့တလန်က သီလရှင်ကျောင်းကို သွားပြီး အဖြစ်မှန်ကို စုံစမ်းတော့တယ်။ စုံစမ်းရင်း ကျောင်းရဲ့သမိုင်းကြောင်းနဲ့ အဲဒီမှာ ကျင့်သုံးနေတဲ့ ဘာသာရေးအယူအဆတွေကို သိလာရပါတယ်။ သီလရှင်တွေရဲ့ ထူးဆန်းတဲ့အပြုအမူတွေကြောင့် ကျောင်းကို မယုံကြည်တော့သလို သူမကိုယ်တိုင်လည်း ထူးဆန်းတဲ့အမြင်တွေ မြင်လာရတယ်။ မောင်ဖြစ်သူ ချန်ထားခဲ့တဲ့ စာအုပ်ကို ဖတ်ကြည့်ရာက သူဘာကြောင့် သေဆုံးခဲ့ရတာလဲဆိုတဲ့ မေးခွန်းအပြင် ဂရေ့စ်ရဲ့အတိတ်မှာ ဘာတွေဖြစ်ခဲ့သလဲ၊ သူမမှာရှိတဲ့ အစွမ်းသတ္တိကရော ဘာလဲဆိုတာတွေကိုပါ ဆက်လက်ဖော်ထုတ်ရတဲ့ ဘာသာရေးနောက်ခံ ထိတ်လန့်သည်းဖိုဇာတ်ကားပါ။

ဗီရာလပိုင်ရွာမှာ နေထိုင်ကြသူတွေဟာ အရက်ကို ရိုးရာတစ်ခုလို မှတ်ယူထားကြတဲ့အထိ စွဲလမ်းကြပါတယ်။ မသောက်ရရင် အလုပ်အကိုင်ပျက်ပြီး ထိုင်မှိုင်နေကြတဲ့အတွက် ရွာထဲက ဆစ်ခ်ဘား အရက်ဆိုင်မှာလည်း ဝယ်သူတွေ မပြတ်ပါဘူး။ ဒီဘားရဲ့ ငွေကိုင်ရာထူးကတောင် တစ်ရွာလုံးက အလေးစားရဆုံး ရာထူးတစ်ခု ဖြစ်နေတယ်။ အဲဒီရွာက ဒါရန်နီ၊ ဆူရီနဲ့ ဗန်လာနီတို့ဟာ ငယ်ငယ်ကတည်းက သူငယ်ချင်းတွေပါ။ ဒါရန်နီက ဗန်လာနီကို ကလေးဘဝကတည်းက ချစ်နေခဲ့ပေမယ့် သူမနဲ့ ဆူရီတို့ ချစ်နေကြတာကြောင့် ကိုယ့်အချစ်ကို စွန့်လွှတ်ပြီး သူငယ်ချင်းနှစ်ယောက်အတွက်ပဲ ကြည့်ပေးနေခဲ့ပါတယ်။ တစ်နေ့မှာတော့ ဗန်လာနီရဲ့မိဘတွေက သူမကို တခြားသူတစ်ယောက်နဲ့ အိမ်ထောင်ချပေးဖို့ စီစဉ်လာကြတယ်။ ဒါရန်နီက ဆူရီကို ရွာကကျင်းပတဲ့ ခရစ်ကတ်ပြိုင်ပွဲမှာ ဝင်ပြိုင်စေပြီး ဘားရဲ့ ငွေကိုင်ရာထူးရအောင် ကြိုးစားကြပါတယ်။ ဒါပေမဲ့ ပြိုင်ပွဲကျင်းပသူတွေက အနိုင်ရမယ့်သူကို ကြိုသတ်မှတ်ထားပြီးသားဖြစ်ကြောင်း သိလိုက်ရတဲ့အခါ ဒါရန်နီနဲ့ ဆူရီတို့အသင်းအတွက် အခက်တွေ့လာတော့တယ်။ ဒီလိုစီစဉ်ထားတဲ့ ပြိုင်ပွဲမှာ သူတို့ဘယ်လိုရင်ဆိုင်ကြမလဲ၊ လှည့်ကွက်တွေကို ကျော်ပြီး အနိုင်ရနိုင်ပါ့မလား။ Nani နဲ့ Keerthy Suresh တို့ ပါဝင်ထားတဲ့ Dasara ဟာ ဘတ်ဂျက် ၆၅ ကုဋေ သုံးစွဲထားပြီး ဝင်ငွေ ၁၁၅ ကုဋေ ပြန်ရခဲ့တဲ့ ဇာတ်ကားပါ။

၁၉၈၀ ပြည့်နှစ်များနဲ့ ၁၉၉၀ ပြည့်နှစ်အစောပိုင်းကာလတွေမှာ တက္ကဆက်ပြည်နယ်က မြေကွက်ကျယ်တစ်ခုမှာ အမျိုးသမီးငယ်လေးဦးရဲ့ အလောင်းတွေကို တွေ့ခဲ့ကြပါတယ်။ အဲဒီနေရာက ရွှံ့မြေတွေနဲ့ ရေနံချက်စက်ရုံတွေကြား၊ ဟူစတန်နဲ့ ဂဲဗတ်စတန်ကမ်းခြေမြို့ကို ဆက်သွယ်ထားတဲ့ လမ်းကြောတစ်လျှောက်မှာ ရှိတာပါ။ နှစ်တွေခြားပြီး တွေ့ခဲ့ကြပေမယ့် လေးဦးစလုံးကို တစ်နေရာတည်းမှာ တွေ့ခဲ့တာဖြစ်ပြီး သေဆုံးမှုတွေ ဆက်စပ်နေတာလား၊ တိုက်ဆိုင်တာလားဆိုတာ အဖြေမရခဲ့ဘူး။ အဲဒီနောက် ဒီနေရာဟာ လူသတ်ကွင်းတွေ၊ The Killing Fields ဆိုတဲ့ အမည်နဲ့ လူသိများလာပါတယ်။ ဇာတ်လမ်းက ဒီအမည်တွင်လာပြီးနောက် ကာလကို အခြေခံထားတာပါ။ တက္ကဆက်မြို့ငယ်တစ်မြို့က စုံထောက် မိုက်ခ်ဆောက်ဒါနဲ့ နယူးယောက်ကနေ ပြောင်းလာတဲ့ တွဲဖက်စုံထောက် ဘရိုင်ယန်ဟေ့ဂျ်တို့က လူသတ်မှုတွေကို ဖော်ထုတ်နေကြတယ်။ အမျိုးသမီးငယ်တွေ ဆက်တိုက်ပျောက်ဆုံး၊ သေဆုံးလာတဲ့အမှုတွေကို စုံစမ်းရင်း အမည်ဆိုးနဲ့ကျော်ကြားတဲ့ ဒီနေရာနဲ့ ရင်ဆိုင်ကြရပါတယ်။ အတိတ်ကလို ဖြစ်ရပ်တွေ ထပ်ဖြစ်လာတာကို သူတို့ ရပ်တန့်နိုင်မလား၊ ဉာဏ်များပြီး ကောက်ကျစ်တဲ့ ကွင်းဆက်လူသတ်သမားကို ဖမ်းမိနိုင်မလားဆိုတာ ဥပဒေဘက်တော်သားတွေနဲ့ ရာဇဝတ်သားကြားက အားပြိုင်မှု၊ အပြန်အလှန် ဉာဏ်ကစားမှုတွေနဲ့ ဆက်ပြထားပါတယ်။

ရာဗင်ဒရာက ကောလိပ်တုန်းက ရည်းစားဟောင်းရဲ့လက်အောက်မှာ အငယ်တန်းရှေ့နေအဖြစ် အလုပ်လုပ်ရင်း ရုန်းကန်နေရသူပါ။ ငွေရမယ့်အခွင့်အရေးမြင်ရင် ဘာမဆိုလုပ်ဖို့ အသင့်ရှိပြီး တခြားသူတွေ လက်ရှောင်တဲ့အမှုမျိုးကိုတောင် ခေါင်းမာမာနဲ့ ဝင်ကိုင်တတ်ပါတယ်။ တစ်နေ့မှာ ချမ်းသာတဲ့လုပ်ငန်းရှင်တစ်ဦး လူသတ်မှုနဲ့ စွပ်စွဲခံရတယ်။ သမီးဖြစ်သူကလည်း အဖေ့ကို ထောင်ထဲက ထုတ်ပေးနိုင်ရင် ဘာမဆိုပေးဖို့ အသင့်ဖြစ်နေပါတယ်။ ရာဗင်ဒရာက သမီးကိုလည်း သဘောကျ၊ ရမယ့်ငွေကိုလည်း မက်တာနဲ့ သေချာမစဉ်းစားဘဲ အမှုကို တာဝန်ယူလိုက်တယ်။ ဒါပေမယ့် အမှုက သူထင်သလောက် မရိုးရှင်းပါဘူး။ ငွေကိုရှေ့တန်းတင်တတ်တဲ့ ရာဗင်ဒရာတစ်ယောက် ဒီအခြေအနေမှာ ကျိုးကြောင်းဆီလျော်အောင် စဉ်းစားနိုင်ပါ့မလား၊ လူသတ်မှုရဲ့အမှန်တရားကိုရော ဖော်ထုတ်နိုင်မလားဆိုတာ ဆက်တွေ့ရမှာပါ။ တေလဂူးမှုခင်းနဲ့ အက်ရှင်ဇာတ်ကားဖြစ်ပြီး ရာဗီက ရှေ့နေရာဗင်ဒရာအဖြစ် သရုပ်ဆောင်ထားပါတယ်။

ရာဒီကာက ခေတ်ဆန်ပြီး ပျော်ပျော်နေတတ်တဲ့ အလုပ်သင်ဂျာနယ်လစ်တစ်ယောက်ပါ။ သူရေးဖို့ ကြိုးစားနေတဲ့ဆောင်းပါးက မိုးပျံလမ်းပေါ်မှာ ဘလောက်တုံးတွေကို ဖယ်ပြီး စည်းကမ်းမဲ့ ဂငယ်ကွေ့ကွေ့သူတွေကြောင့် မတော်တဆမှုတွေ ဖြစ်ခဲ့တဲ့အကြောင်းပါ။ အဲဒီအတွက် ဒီလိုကွေ့ခဲ့သူတွေကို စုံစမ်းပြီး အင်တာဗျူးဖို့ လိုက်ရှာနေပါတယ်။ ဒါပေမယ့် သူအင်တာဗျူးဖို့ စာအုပ်ထဲမှာ ရေးမှတ်ထားသူတိုင်း အကြောင်းရင်းရှာမရဘဲ သေဆုံးကုန်ကြတယ်။ အင်တာဗျူးစာရင်းတစ်ခုကနေ သေဆုံးသူတွေရဲ့စာရင်းလို ဖြစ်လာတဲ့အခါ ရဲတွေကလည်း သံသယဝင်ပြီး စုံစမ်းလာကြပါတယ်။ ရာဒီကာ စာရင်းသွင်းထားသူတွေ ဘာကြောင့် သေဆုံးနေရတာလဲ။ ကံကြမ္မာရဲ့ တိုက်ဆိုင်မှုလား၊ တစ်ယောက်ယောက်က နောက်ကွယ်ကနေ ကြိုးကိုင်နေတာလားဆိုတဲ့ မေးခွန်းတွေကြားမှာ လျှို့ဝှက်ချက်တွေကို ဆက်ရှာရတော့မှာပါ။ Aashim Gulati နဲ့ Alaya F တို့ ပါဝင်ထားတဲ့ သဘာဝလွန်သည်းထိတ်ရင်ဖိုဇာတ်ကားဖြစ်ပြီး ဒီသေဆုံးမှုတွေရဲ့အဖြေကို ဇာတ်လမ်းအလှည့်အပြောင်းတွေနဲ့ ဖော်ပြထားပါတယ်။

အသက် ၃၈ နှစ်ရှိပြီး အိမ်ထောင်သက် ဆယ်နှစ်ကြာလာတဲ့ အမျိုးသမီးတစ်ယောက်ဟာ ကလေးယူချင်စိတ် မရှိသေးသလို ကိုယ်ဝန်ဆောင်ရမှာကိုလည်း ထိတ်လန့်နေပါတယ်။ အချိန်တွေကြာလာပေမယ့် ကလေးယူဖို့ မရဲသေးတဲ့ သူ့အကြောင်းကို ဇီဝနာရီဆိုတဲ့ အယူအဆနဲ့ ချိတ်ဆက်ပြီး ဇာတ်လမ်းတည်ထားတာပါ။ နောက်တော့ သူက ကလေးမယူချင်တဲ့စိတ်ကို ပြောင်းလဲဖို့၊ သူ့ရဲ့ဇီဝနာရီကို ပြုပြင်ဖို့ ကြိုးစားလာပါတယ်။ အဲဒီကြိုးစားမှုနောက်မှာ ဘာတွေဆက်ကြုံရမလဲဆိုတာကို ထိတ်လန့်ဖွယ်အခန်းတွေနဲ့ ဆက်ပြထားတဲ့ သည်းထိတ်ရင်ဖိုဇာတ်ကားပါ။

တမီနဒူလ်ပြည်နယ်မှာ AGR ဆိုတဲ့ အဖွဲ့အစည်းဟာ နောက်ကွယ်ကနေ အစိုးရကိုပါ ထိန်းချုပ်နိုင်လောက်အောင် ဩဇာကြီးမားပါတယ်။ သူတို့သဘောကျတဲ့ပါတီ၊ သူတို့နဲ့ အဆင်ပြေတဲ့လူမှ ဝန်ကြီးချုပ်ဖြစ်ခွင့်ရတဲ့အထိပါပဲ။ တစ်ရက်မှာတော့ လက်ရှိဝန်ကြီးချုပ်ကို ပြန်ပေးဆွဲပြီး သူတို့အလိုကျ လူတစ်ယောက်ကို အစားထိုးတင်လိုက်ကြတယ်။ ဒီကိစ္စကို စုံစမ်းဖို့ ရဲတစ်ယောက်က ဂိုဏ်းစတားအသွင်ယူပြီး အဖွဲ့ရဲ့ယုံကြည်မှုကို တစ်ဆင့်ချင်း ရအောင် ကြိုးစားလာပါတယ်။ အဲဒီအချိန်မှာပဲ AGR လုပ်သမျှကို ခေါင်းငုံ့မခံတဲ့ အမျိုးသမီးအရာရှိတစ်ယောက်လည်း ဒီနယ်ကို ပြောင်းလာတယ်။ နောက်ကွယ်ကနေ စုံစမ်းနေတဲ့ရဲနဲ့ အဖွဲ့ကို အလျှော့မပေးတဲ့ အရာရှိတို့ ရောက်လာချိန်ကစပြီး ဘာတွေဆက်ဖြစ်မလဲဆိုတာကို တမီလ်ဘာသာစကားပြော မှုခင်းအက်ရှင်ဇာတ်ကားအဖြစ် တင်ဆက်ထားပါတယ်။

လက်ထောက်အင်စပက်တာတစ်ယောက် ထူးထူးဆန်းဆန်း ပျောက်ဆုံးသွားတဲ့အမှုကို စုံစမ်းဖို့ ဂူရူဒေ့ဗ်ကို အထက်အရာရှိတွေက အသ်နီမြို့ဆီ စေလွှတ်လိုက်ပါတယ်။ အရင်က ရှုံးပွဲမရှိခဲ့တဲ့ သူရောက်လာတဲ့ ဒီမြို့မှာတော့ ရဲတွေတောင် ကြောက်နေရတဲ့ သဲမာဖီးယားအဖွဲ့တစ်ဖွဲ့ ရှိနေတယ်။ သူတို့ဟာ ရဲတွေကို ငွေနဲ့ထိန်းထားပြီး တရားမဝင် သဲတူးဖော်နေကြတာပါ။ ဂူရူဒေ့ဗ် မြို့ကိုရောက်ရောက်ချင်းမှာပဲ ဒေသခံရဲစခန်းအကြောင်း သတင်းတစ်ပုဒ်ကို တီဗီမှာ တွေ့လိုက်ရတယ်။ ရဲဌာနကလူတွေဟာ နိုင်ငံရေးသမားတွေနဲ့ ပူးပေါင်းပြီး သဲမာဖီးယားတွေကို အရေးမယူဘဲ လွှတ်ပေးနေကြတယ်လို့ မီဒီယာက ဖော်ပြနေတာပါ။ ဒီကိစ္စထဲ ဝင်ပါမိရာက ဂူရူဒေ့ဗ်ဟာ လူတိုင်းကြောက်ရတဲ့ မာဖီးယားခေါင်းဆောင်နဲ့ ထိပ်တိုက်တွေ့လာရတယ်။ ပျောက်နေတဲ့ လက်ထောက်အင်စပက်တာကို ရှာတွေ့နိုင်မလားဆိုတာ မသေချာသေးသလို မာဖီးယားအဖွဲ့ကိုလည်း ဘယ်လိုရင်ဆိုင်မလဲဆိုတဲ့ ပြဿနာ ရှိလာပါတယ်။