ရုပ်ရှင်အသစ်များ

ဒီတစ်ခေါက်တော့ M Sub Movie ပရိတ်သတ်ကြီးအတွက် စတော့ဈေးကွက် နောက်ခံဇာတ်လမ်းအကွက်တွေကို ဒိုင်ယာလော့ဂ်အလန်းစားတွေနဲ့ စိတ်လှုပ်ရှားဖွယ် ကြည့်ရှုခံစားကြရမယ့် ဇာတ်ကားကောင်းတစ်ကားနဲ့ မိတ်ဆက်ပေးပါရစေ။ ဒီဇာတ်ကားမှာ လောကဓံရဲ့ ရိုက်ခတ်မှုတွေကြားထဲမှာ အရှုံးမပေးဘဲ ဘဝကို ရုန်းကန်ကြတဲ့ လူတွေရဲ့ ပုံရိပ်ကို ပီပီပြင်ပြင် ရိုက်ပြထားပါတယ်။ ဇာတ်လမ်းအစမှ အဆုံးထိ အကွက်စေ့စေ့နဲ့ လှည့်ကွက်တွေ၊ သစ္စာဖောက်မှုတွေ၊ ကောက်ကျစ်တဲ့ စီးပွားရေးပြိုင်ဆိုင်မှုတွေကို သဘာဝကျကျ စီစဉ်တင်ဆက်ထားပြီး ဇာတ်ကောင်တွေရဲ့ အပြန်အလှန် စကားပြောပုံတွေကအစ အပြင်လောကနဲ့ မခြား အသက်ဝင်လွန်းလှတာမို့ ကြည့်ရှုသူတွေကို အစမှ အဆုံးထိ ဇာတ်ရှိန်မကျဘဲ ဆွဲခေါ်သွားနိုင်မယ့် ကားကောင်းတစ်ကား ဖြစ်ပါတယ်။ ဒီကားကို ကြည့်သင့်တဲ့ အဓိကအကြောင်းအရင်းကတော့ စီးပွားရေးလောကရဲ့ လျှို့ဝှက်ချက်တွေ၊ စတော့ဈေးကွက် ထောင်ချောက်တွေနဲ့ အရောင်းအဝယ် အန္တရာယ်တွေကို ပီပြင်စွာ ရိုက်ကူးထားရုံတင်မကဘဲ တစ်ကွက်ကျော် ကြည့်ရသည့် ဟန်ပြအကွက်တွေ၊ လက်စားချေမှု၊ ချစ်ခြင်းနဲ့ မိတ်ဆွေအပေါင်းအသင်း သံယောဇဉ် ရသစုံကို တစ်နေရာတည်းမှာ ရရှိနိုင်မှာကြောင့်ပဲ ဖြစ်ပါတယ်။ ဒါ့အပြင် ဒီဇာတ်ကားကနေ ရရှိနိုင်မယ့် သင်ခန်းစာတွေလည်း အများကြီး ရှိပါတယ်။ "လေဆန်တိုက်ခတ်ခြင်းက ငါတို့ကို အထက်ကို မြှောက်တင်ပေးတယ်" ဆိုသလို ဘဝမှာ ဘယ်လောက်ပဲ အခက်အခဲနဲ့ ရင်ဆိုင်ရပါစေ ကိုယ့်ကိုယ်ကိုယ် ယုံကြည်မှုရှိရှိနဲ့ အရှုံးမပေးဘဲ

Mayday ရုပ်ရှင်ဟာ Cold War ကာလကို နောက်ခံထားပြီး အက်ရှင်နဲ့ ဟာသကို အချိုးကျကျ ပေါင်းစပ်ရိုက်ကူးထားတာ ဖြစ်ပါတယ်။ ဒီရုပ်ရှင်ကို နာမည်ကြီး ဒါရိုက်တာတွေဖြစ်တဲ့ Jonathan Goldstein နဲ့ John Francis Daley တို့က ပုံဖော်ရိုက်ကူးထားပြီး ဟောလိဝုဒ်စတားတွေဖြစ်တဲ့ Ryan Reynolds နဲ့ Kenneth Branagh တို့က ခေါင်းဆောင်ပါဝင်ထားပါတယ်။ သူတို့နှစ်ဦးအပြင် Maria Bakalova, Marcin Dorociński နဲ့ David Morse စတဲ့ နာမည်ကြီး သရုပ်ဆောင်တွေလည်း ပါဝင်အားဖြည့်ထားပါ​​သေးတယ်။ ဇာတ်လမ်းအကျဉ်းလေးကို ပြောရမယ်ဆိုရင်တော့ အမေရိကန်ရေတပ်က အရည်အချင်းပြည့်ဝတဲ့ လေယာဉ်မှူးတစ်ဦးဖြစ်တဲ့ Lieutenant Troy 'Assassin' Kelly ဟာ ရုရှားပိုင်နက်ထဲကို အရမ်းအရေးကြီးတဲ့ လျှို့ဝှက်စစ်ဆင်ရေးတစ်ခုနဲ့ သွားရောက်ခဲ့ရာကနေ စတင်ပါတယ်။ ဒါပေမယ့် စစ်ဆင်ရေးက ထင်သလိုဖြစ်မလာဘဲ လုံးဝပျက်စီးသွားတဲ့အခါ Troy တစ်ယောက် ရန်သူ့နယ်မြေထဲမှာ အကူအညီမဲ့ပြီး ပိတ်မိသွားပါတော့တယ်။ အဲ့ဒီလို အသက်အန္တရာယ်နဲ့ နီးကပ်နေတဲ့အချိန်မှာပဲ အမေရိကန်ယဉ်ကျေးမှုတွေကို သဘောကျတဲ့ ရုရှား KGB အေးဂျင့်ဟောင်းကြီး Nikolai Ustinov နဲ့ မထင်မှတ်ဘဲ သွားတွေ့ပါတယ်။ မတူညီတဲ့ နောက်ခံသမိုင်းကြောင်းတွေနဲ့ ရန်သူတွေဖြစ်ခဲ့ကြပေမယ့် သူတို့နှစ်ယောက်ကြားမှာ မထင်မှတ်ထားတဲ့ မိတ်ဆွေသံယောဇဉ်တစ်ခု ဖြစ်တည်လာပါတယ်။ Troy တစ်ယောက် အသက်ရှင်လျက် အိမ်ပြန်နိုင်ဖို့အတွက် ဒီကြမ်းတမ်းတဲ့ KGB အေးဂျင့်ဟောင်းကြီးနဲ့ ဘယ်လို

ဒီတစ်ခါမှာတော့ နိုင်ငံရေး တင်းမာမှုတွေ ၊ သံတမန်ရေးရာ အကွက်ဆင်မှုတွေနဲ့အတူ ကမ္ဘာ့စစ်ပွဲကြီးဖြစ်မလို ရင်တလှပ်လှပ်နဲ့ အသက်ရှူမှားလောက်မယ့် Political Thriller / War Drama ကားသစ်ကြီးတစ်ကားနဲ့ မိတ်ဆက်ပေးချင်ပါတယ်။ ဒါကတော့ မဟာဗျူဟာမြောက် စိတ္တဇအားပြိုင်မှုတွေနဲ့အတူ သမိုင်းဝင် တင်းမာမှုကြီးကို နောက်ခံထားပြီး ရိုက်ကူးထားတဲ့ "The Brink of War" ဆိုတဲ့ ဇာတ်ကားကြီးပါပဲ။ ဇာတ်လမ်းလေးကတော့ ကမ္ဘာ့အင်အားကြီးနိုင်ငံနှစ်ခုကြား မမျှော်လင့်ဘဲဖြစ်ပွားသွားခဲ့တဲ့ နယ်စပ် ပဋိပက္ခတစ်ခုကနေ စတင်ထားတာပါ။ နှစ်ဖက်စလုံးရဲ့ စစ်တပ်တွေက လက်နက်အပြည့်အစုံနဲ့ စစ်ပြင်ထားကြပြီး စက္ကန့်ပိုင်းအတွင်း ကမ္ဘာ့စစ်ပွဲကြီးအဖြစ် ကူးပြောင်းသွားနိုင်တဲ့ အန္တရာယ်ရှိတဲ့ သေရေးရှင်ရေး အခြေအနေဆီ ရောက်ရှိလို့နေပါတယ်။ ဒီလိုမျိုး စစ်မီးမတောက်ခင် အရေးကြီးလှတဲ့ ၇၂ နာရီ အချိန်ကာလအတွင်းမှာတော့ အတွေ့အကြုံရင့် သံတမန်ကြီးတွေ၊ စုံစမ်းရေး အေးဂျင့်တွေနဲ့ စစ်ဘက်ဆိုင်ရာ ခေါင်းဆောင်တွေက စစ်ပွဲဆိုးကြီး မဖြစ်ပေါ်အောင် တားဆီးဖို့အတွက် လျှို့ဝှက်ဆွေးနွေးပွဲတွေ၊ စိတ္တဇ အားပြိုင်မှုတွေကို ပြုလုပ်ကြရပါတော့တယ်။ ခေါင်းဆောင်တွေရဲ့ ရင်ထဲကဖိအားတွေ၊ သံတမန်တွေရဲ့စိတ်ကစားပုံနဲ့ စစ်မြေပြင်က ရဲဘော်တွေရဲ့ စိုးရိမ်စိတ်တွေကြားထဲမှာပဲ...သူတို့နှစ်ဖက်က မိမိတို့ရဲ့တာဝန်သိစိတ်နဲ့ ငြိမ်းချမ်းရေးအတွက် စစ်ပွဲမီးပွားကို ဘယ်လိုမျိုးအကွက်ကျကျ ထိန်းချုပ်ကျော်ဖြတ်သွားမလဲဆိုတာကို ရ

စိတ်လှုပ်ရှားဖွယ် သဲထိတ်ရင်ဖို Drama/Suspense အမျိုးအစားကိုမှ နှစ်သက်ကြတဲ့ M Sub ပရိသတ်တွေအတွက် ဒီနေ့မှာတော့ ဆွဲဆောင်မှုအပြည့်နဲ့ ရိုက်ကူးထားတဲ့ ရုပ်ရှင်ကားကောင်းတစ်ကားနဲ့ မိတ်ဆက်ပေးပါရစေ။ ဇာတ်လမ်းလေးကတော့ မြို့ပြအိမ်ခြံမြေအကျိုးဆောင် ကုမ္ပဏီတစ်ခုမှာ လုပ်ကိုင်နေတဲ့ မင်းသမီး စုန့်ဟွေ့ တစ်ယောက် လူသေဖူးလို့ အတိတ်ဆိုးရှိခဲ့ဖူးတဲ့ "အဆောက်အဦ ၇၀၁" ဆိုတဲ့ အခန်းထဲကို အကြောင်းအမျိုးမျိုးကြောင့် သွားရောက်နေထိုင်ရာကနေ စတင်ထားတာပါ။ အဲဒီအခန်းထဲ ရောက်ရှိသွားတဲ့အခါမှာတော့ သာမန်မဟုတ်တဲ့ အချိန်နဲ့ ဟာသဟာပြင် ပြောင်းလဲမှုတွေ၊ အတိတ်က နာကျင်စရာ ဖြစ်ရပ်ဆိုးတွေ အထပ်ထပ် အခါခါ ပြန်လည်ဖြစ်ပျက်နေတာကို ပဟေဠိဆန်ဆန် တွေ့ကြုံရပါတော့တယ်။ အတိတ်မှာ ပျောက်ကွယ်သွားခဲ့တဲ့ သူမရဲ့ အမေ ဖြစ်သူ ရဲရှုမေ ရဲ့ သေဆုံးမှု သဲလွန်စတွေနဲ့ ၇၀၁ အခန်းထဲက ကြောက်စရာကောင်းတဲ့ အကြမ်းဖက်မှု အဖြစ်အပျက်တွေဟာ ဘယ်လိုဆက်စပ်နေသလဲဆိုတာကို ဇာတ်ရှိန်မြင့်မြင့်နဲ့ ရင်တထိတ်ထိတ် စောင့်ကြည့်ရမှာ ဖြစ်ပါတယ်။ ဒီကားကို ကြည့်သင့်တဲ့ အဓိကအကြောင်းအရင်းကတော့ သာမန် သရဲကားပုံစံမျိုး မဟုတ်ဘဲ အချိန်နဲ့ ဟာသဟာပြင် လွန်ဆွဲမှု၊ အတိတ်နဲ့ လက်ရှိကို ဆက်စပ်ထားတဲ့ သဲလွန်စရှာဖွေမှုတွေကြောင့် ဇာတ်လမ်းတစ်လျှောက်လုံး ဘာဆက်ဖြစ်မလဲဆိုပြီး စက္ကန့်မလပ် ရင်ခုန်စွာနဲ့ ကြည့်ရှုရမှာဖြစ်သလို မိခင်ဖြစ်သူရဲ့ အမှန်တရားကို ရှာဖွေချင်တဲ့ သမီးတစ်ယောက်ရဲ့ ခံစားချက်နဲ့ မိသားစု အကြမ်းဖက်မှုကြ

ဒီကားလေးကတော့ သာမန်လူတစ်ယောက်က အကျင့်ပျက်ခြစားနေတဲ့ စနစ်ကြီးတစ်ခုလုံးကို အံတုရင်ဆိုင်ရတဲ့ ဇာတ်လမ်းမျိုးကို ကြိုက်တတ်ရင် သေချာပေါက် ကြည့်သင့်တဲ့ ကားလေးပါနော်။ ဇာတ်လမ်းအစမှာ အေးချမ်းတဲ့ ရွာလေးတစ်ရွာကို အဝေးပြေးလမ်းမကြီး ဖောက်မယ်ဆိုပြီး အကြောင်းပြကာ လယ်သမားတွေရဲ့ မြေတွေကို နိုင်ငံရေးသမားတွေနဲ့ အာဏာပိုင်တွေက မတရားသိမ်းပိုက်ကြတာကနေ စထားတယ်။ အဲဒီမှာ ဆင်းရဲတဲ့ လယ်သမား အဘွားအိုတစ်ယောက်ဟာ သူ့မြေအတွက် လျော်ကြေးငွေ အနည်းအကျဉ်းပဲရပြီး အာဏာပိုင်တွေနဲ့ နီးစပ်သူတွေကတော့ လျော်ကြေး အများကြီးရသွားတဲ့ မတရားမှုကြီးကို ခံစားလိုက်ရတယ်။ အဲဒီမြေကို မရောင်းဘူးလို့ ငြင်းဆန်ခဲ့တဲ့ အဘွားအိုရဲ့ သားဖြစ်သူဟာလည်း သစ်ပင်မှာ ဇောက်ထိုးဆွဲကြိုးချ အသတ်ခံလိုက်ရပြီး ကိုယ့်ကိုယ်ကိုယ် သတ်သေသွားသယောင် ဖန်တီးခံလိုက်ရပါတော့တယ်။ ဒီလို ဆိုးရွားလှတဲ့ မတရားမှုတွေကြားထဲကနေ ရွာက တက်ကြွတဲ့ လူငယ်လေးတစ်ယောက်က အဘွားအိုအတွက် တရားမျှတမှုရဖို့ မြို့ကြီးက အစိုးရရုံးချုပ်ကြီးဆီကို သွားရောက်ပြီး အသေအလဲ ကြိုးပမ်းပါတော့တယ်။ ဒါပေမဲ့ အစိုးရရုံးတွေရဲ့ လာဘ်စားမှုတွေနဲ့ အောက်ခြေလူတန်းစားတွေအပေါ် ဖိနှိပ်ခေါင်းပုံဖြတ်တဲ့ လုပ်ရပ်တွေကို သူ ဘယ်လို ခက်ခက်ခဲခဲ ရင်ဆိုင်ဖြတ်သန်းရမလဲဆိုတာကို ရင်တမမနဲ့ ကြည့်ရမှာပါ။ နောက်ဆုံးမှာ ဘယ်သူမှ ဂရုမစိုက်တဲ့ ဒီအမှုအတွက် လူငယ်လေးဟာ အစိုးရရုံးချုပ် အဆောက်အအုံ ခေါင်မိုးပေါ်ကနေ ခုန်ချပြီး သတ်သေမယ်လို့ ခြိမ်းခြောက်တောင်းဆ

ဒီကားလေးကတော့ သာမန်လူတစ်ယောက်က အကျင့်ပျက်ခြစားနေတဲ့ စနစ်ကြီးတစ်ခုလုံးကို အံတုရင်ဆိုင်ရတဲ့ ဇာတ်လမ်းမျိုးကို ကြိုက်တတ်ရင် သေချာပေါက် ကြည့်သင့်တဲ့ ကားလေးပါနော်။ ဇာတ်လမ်းအစမှာ အေးချမ်းတဲ့ ရွာလေးတစ်ရွာကို အဝေးပြေးလမ်းမကြီး ဖောက်မယ်ဆိုပြီး အကြောင်းပြကာ လယ်သမားတွေရဲ့ မြေတွေကို နိုင်ငံရေးသမားတွေနဲ့ အာဏာပိုင်တွေက မတရားသိမ်းပိုက်ကြတာကနေ စထားတယ်။ အဲဒီမှာ ဆင်းရဲတဲ့ လယ်သမား အဘွားအိုတစ်ယောက်ဟာ သူ့မြေအတွက် လျော်ကြေးငွေ အနည်းအကျဉ်းပဲရပြီး အာဏာပိုင်တွေနဲ့ နီးစပ်သူတွေကတော့ လျော်ကြေး အများကြီးရသွားတဲ့ မတရားမှုကြီးကို ခံစားလိုက်ရတယ်။ အဲဒီမြေကို မရောင်းဘူးလို့ ငြင်းဆန်ခဲ့တဲ့ အဘွားအိုရဲ့ သားဖြစ်သူဟာလည်း သစ်ပင်မှာ ဇောက်ထိုးဆွဲကြိုးချ အသတ်ခံလိုက်ရပြီး ကိုယ့်ကိုယ်ကိုယ် သတ်သေသွားသယောင် ဖန်တီးခံလိုက်ရပါတော့တယ်။ ဒီလို ဆိုးရွားလှတဲ့ မတရားမှုတွေကြားထဲကနေ ရွာက တက်ကြွတဲ့ လူငယ်လေးတစ်ယောက်က အဘွားအိုအတွက် တရားမျှတမှုရဖို့ မြို့ကြီးက အစိုးရရုံးချုပ်ကြီးဆီကို သွားရောက်ပြီး အသေအလဲ ကြိုးပမ်းပါတော့တယ်။ ဒါပေမဲ့ အစိုးရရုံးတွေရဲ့ လာဘ်စားမှုတွေနဲ့ အောက်ခြေလူတန်းစားတွေအပေါ် ဖိနှိပ်ခေါင်းပုံဖြတ်တဲ့ လုပ်ရပ်တွေကို သူ ဘယ်လို ခက်ခက်ခဲခဲ ရင်ဆိုင်ဖြတ်သန်းရမလဲဆိုတာကို ရင်တမမနဲ့ ကြည့်ရမှာပါ။ နောက်ဆုံးမှာ ဘယ်သူမှ ဂရုမစိုက်တဲ့ ဒီအမှုအတွက် လူငယ်လေးဟာ အစိုးရရုံးချုပ် အဆောက်အအုံ ခေါင်မိုးပေါ်ကနေ ခုန်ချပြီး သတ်သေမယ်လို့ ခြိမ်းခြောက်တောင်းဆ

အသစ်ထွက် ကမ္ဘာပျက်ကပ် ဇာတ်ကားအသစ် ဒီကားလေးကတော့ တခြား ကပ်ဘေး ဇာတ်ကားတွေလို ရေကြီး၊မြေပြိုတာ မဟုတ်ဘဲ အအေးလှိုင်းဖြတ်ပြီး ကမ္ဘာကြီး လုံးဝ ခဲသွားတဲ့ အကြောင်းပါ။ အကြောင်းရင်းကတော့ ကမ္ဘာနဲ့ လ လည်ပတ်နေတဲ့ စနစ်ထဲကို နယ်မဲဆစ်ဆိုတဲ့ အစိုင်အခဲတစ်ခု ဝင်လာလို့ပါပဲ။ ကျွန်တော်တို့ ကမ္ဘာကြီးရဲ့ နွေရာသီ၊ ဆောင်းရာသီဆိုတာက တကယ်တော့ အားလုံး သိကြတဲ့အတိုင်း ကမ္ဘာနဲ့ နေ မျက်နှာမူတဲ့ဘက်ခြမ်းအပေါ်မှာ မူတည်နေတာပါ။ ကမ္ဘာက ပုံမှန် ၂၃.၅ ဒီဂရီ စောင်းပြီး တည်ရှိနေရာကနေ ဒီနယ်မဲဆစ်ဆိုတဲ့ အစိုင်အခဲကြီးရဲ့ သံလိုက်စက်ကွင်းကြောင်း ၂ - ၃ ဒီဂရီ ပိုစောင်းသွားခဲ့ပါတယ်။ ဒီကိန်းဂဏန်း သေးသေးလေးကြောင့်ပဲ ကမ္ဘာကြီးရဲ့ မြောက်ဝင်ရိုးစွန်းက အရာရာတိုင်း အေးခဲသွားရတာပါ။ ဒီအတိုင်းသာ ဆက်ဖြစ်နေရင် ၂ နှစ် အတွင်းကမ္ဘာကြီး တစ်ခုလုံး ရေခဲခေတ်ကို ပြန်ရောက်သွားမယ်လို့ သိပ္ပံ ပညာရှင်တွေက တွက်ချက်ခဲ့ကြပါတယ်။ လွယ်ပါတယ် တခြား ကမ္ဘာနားကို ကပ်လာတဲ့ အရာဝတ္ထုတွေလို ဖောက်ခွဲပစ်ပါလားဆိုတဲ့ မေးခွန်း မေးစရာ ရှိလာပါတယ်။ ဒါပေမဲ့ အကယ်၍ ဒီဧဝရက်တောင်လောက် အရွယ်အစားရှိတဲ့ အစိုင်အခဲကို နျူးကလီးယား လက်နက်နဲ့ ဖောက်ခွဲပစ်မယ်ဆိုရင် ကမ္ဘာ့လေထုထဲမှာ နျူးကလီးယားတွေနဲ့ ပြည့်ကျန်ခဲ့ပြီး ရှင်ကြီးက ကျားထက်ပိုဆိုးသွားပါလိမ့်မယ်။ နောက်ဆုံး NASA နဲ့ US ကာကွယ်ရေးတပ်ဖွဲ့တွေ အဖြေရှာပြီးနောက်မှာ ဒီအစိုင်အခဲကြီးကို မဖောက်ခွဲဖြစ်ဘဲ ပတ်လမ်းကြောင်းကနေ တွန်းထုတ်

ဒီကားလေးကတော့ အက်ရှင်နဲ့ စပိုင်ဇာတ်လမ်းတွေကို ရူးရူးမူးမူးကြိုက်တတ်တဲ့သူတွေအတွက် လက်လွတ်မခံသင့်တဲ့ ကားကောင်းတစ်ကားလို့ ပြောပါရစေ။ ဇာတ်လမ်းအစမှာတင် လူစွမ်းအားရှင်စစ်သားတွေ မွေးထုတ်ပေးမဲ့ လျှို့ဝှက်စစ်ဆင်ရေးပရိုဂရမ်တစ်ခုအကြောင်းစတင်ထားပါတယ်။ ဒါပေမဲ့လည်း ပရိုဂရမ်က မအောင်မြင်တာကြောင့် အထက်အရာရှိတွေက ပိတ်သိမ်းလိုက်ပါတော့တယ်။ နှစ်တွေအကြာမှာ အဲဒီပရိုဂရမ်မှာပါဝင်တဲ့ ထိပ်တန်းအစိုးရအရာရှိတွေ တစ်ယောက်ပြီးတစ်ယောက် လုပ်ကြံခံရပြီးတော့ အံ့သြစရာအကောင်းဆုံးက အဲဒီလို ရက်ရက်စက်စက် လိုက်သတ်နေတဲ့ လုပ်ကြံသူဟာ သာမန်လူမဟုတ်ဘဲ ငယ်ငယ်ကတည်းက လူသားလက်နက်တစ်ခုလို သီးသန့်လေ့ကျင့်ခံထားရတဲ့ ကောင်မလေးတစ်ယောက် ဖြစ်နေတာပါပဲ။ ဒါ့အပြင် ထောက်လှမ်းရေးအကြီးအကဲတစ်ယောက် ဒီအမှုကို လိုက်လံစုံစမ်းရာကနေ သူစုံစမ်းရင်းနဲ့ သိလိုက်ရတဲ့ အမှန်တရားက အဲဒီလုပ်ကြံသူကောင်မလေးဟာ သူ့ရဲ့သေသွားပြီလို့ထင်ထားတဲ့ သမီးလေးဖြစ်နေတာပါပဲ။ အသက်အန္တရာယ်ကြားကနေ ကိုယ့်သွေးသားကို ကယ်တင်ဖို့ ကြိုးစားရင်း နိုင်ငံတော်အဆင့် သစ္စာဖောက်မှုကြီးတွေနဲ့ ဘယ်လိုရင်ဆိုင်ဖြေရှင်းသွားမလဲ။ နောက်ကွယ်က ကြိုးကိုင်သူရဲ့ အကြံအစည်တွေကို အချိန်မီ တားဆီးနိုင်ပါ့မလားဆိုတာကိုတော့ ကိုယ်တိုင်ပဲ ရင်ခုန်စိတ်လှုပ်ရှားစွာနဲ့ ကြည့်ရှုဖို့ တိုက်တွန်းချင်ပါတယ်။

ယခုတစ်ခေါက် မိတ်ဆက်ပေးမယ့်ဇာတ်ကားလေးကတော့ ၂၀၂၆ ခုနှစ် သြဂုတ်လက Netflix မှာ အသစ်ထွက်ရှိလာခဲ့ပြီး ကမ္ဘာကျော် တိုက်လေယာဉ်တစ်စင်းရဲ့ သမိုင်းကြောင်းနဲ့ လေယာဉ်မှူးတွေရဲ့ ရင်ခုန်စရာ အတွေ့အကြုံတွေကို စိတ်လှုပ်ရှားဖွယ် တင်ဆက်ထားတဲ့ မှတ်တမ်းတင် ရုပ်ရှင်ဇာတ်ကားကောင်း တစ်ကားဖြစ်တဲ့ The Last Salute ပဲဖြစ်ပါတယ်။ ဇာတ်ကားဟာ အိန္ဒိယလေတပ်မှာ နှစ်ပေါင်း ၆၀ ကျော်တိုင်အောင် တာဝန်ထမ်းဆောင်ခဲ့ပြီး သမိုင်းဝင် နာမည်ကျော်ကြားခဲ့တဲ့ MiG-21 တိုက်လေယာဉ်ကြီးရဲ့ နောက်ဆုံးခရီးစဉ်နဲ့ သက်တမ်းတစ်လျှောက် ဖြတ်သန်းလာခဲ့ရတဲ့သမိုင်း‌ကြောင်းကိုရိုက်ကူးထားတာ ဖြစ်ပါတယ်။ MiG-21 တိုက်လေယာဉ်ဟာ စစ်ပွဲတွေ၊ အရေးပါတဲ့ တိုက်ခိုက်ရေး မစ်ရှင်တွေမှာ အဓိက အခန်းကဏ္ဍကနေ ပါဝင်ခဲ့ဖူးသလို၊ တစ်ဖက်မှာလည်း အန္တရာယ်များတဲ့အတွက် ဝေဖန်မှုတွေ၊ စိုးရိမ်စရာ မှတ်တမ်းတွေနဲ့ပါ ရင်ဆိုင်ခဲ့ရတဲ့ လေယာဉ်တစ်စင်း ဖြစ်ပါတယ်။မီဒီယာတွေကပါ ဒီလေယာဉ်ကို ပျံသန်းနေသော အခေါင်းတလား၊ မုဆိုးမများကို ဖန်တီးသူဆိုပြီးပါ နာမည်ပေးခဲ့ကြတာပါ။ ဒီမှတ်တမ်းတင်ဇာတ်ကားထဲမှာတော့ အဲဒီလေယာဉ်ကြီးကို ကိုယ်တိုင် ကိုင်တွယ်ပျံသန်းခဲ့ကြတဲ့ ခေတ်အဆက်ဆက်က လေယာဉ်မှူးကြီးတွေ၊ တပ်ဖွဲ့ဝင်တွေနဲ့ နည်းပညာရှင်တွေရဲ့ ကိုယ်တိုင်ကြုံတွေ့ခဲ့ရတဲ့ အဖြစ်အပျက်တွေကို အသေးစိတ် ပြန်လည်ပြောပြတားတာပါ။ မစ်ရှင်တွေ ဘယ်လိုဆောင်ရွက်ခဲ့လဲ၊ ဘယ်လိုအခက်အခဲတွေ ကြုံခဲ့ရလဲစတာတွေအပြင် လေယာဉ်ပေါ်က အံ့ဩမှင်သက်စရယမြင်ကွင်းတွေ

ကမ္ဘာ့တင်းနစ်သမိုင်းမှာ အကြီးကျယ်ဆုံးကစားသမားတွေထဲက တစ်ဦးဖြစ်တဲ့ Novak Djokovic ရဲ့ ဘဝနဲ့ ကစားသမားဘဝနောက်ဆုံးအပိုင်းကို နီးနီးကပ်ကပ် လိုက်လံမှတ်တမ်းတင်ထားတဲ့ Documentary ဇာတ်ကားတစ်ကားပါ။ ကလေးဘဝကတည်းက အားကစားကို ချစ်မြတ်နိုးခဲ့တဲ့ Novak ဟာ ဆားဘီးယားနိုင်ငံရဲ့ တောင်တန်းဒေသမှာ ကြီးပြင်းလာခဲ့သူပါ။ မိသားစုစားသောက်ဆိုင်ဘေးမှာ တင်းနစ်ကွင်းတစ်ခု ဆောက်လုပ်နေရာကနေ တင်းနစ်ဆိုတဲ့ အားကစားနဲ့ ပထမဆုံးထိတွေ့ခဲ့ပါတယ်။ အဲဒီအချိန်က သူ့အတွက် တင်းနစ်ဟာ ဘဝတစ်ခုလုံးကို ပြောင်းလဲပေးမယ့်အရာ ဖြစ်လာမယ်ဆိုတာ ဘယ်သူမှ မသိခဲ့ကြပါဘူး။ စစ်ပွဲတွေနဲ့ စီးပွားရေးအခက်အခဲတွေကြားမှာ Novak ရဲ့ မိသားစုဟာ သူ့ရဲ့ အိပ်မက်အတွက် အရာအားလုံးကို စွန့်လွှတ်ခဲ့ရပါတယ်။ တင်းနစ်လို ကုန်ကျစရိတ်များတဲ့ အားကစားတစ်ခုမှာ ဆက်လက်တိုးတက်နိုင်ဖို့ မိသားစုက အကြွေးယူပြီးတောင် သူ့ရဲ့လေ့ကျင့်ရေးနဲ့ ပြိုင်ပွဲခရီးစဉ်တွေကို ထောက်ပံ့ပေးခဲ့ကြပါတယ်။ အသက်ငယ်ငယ်နဲ့ မိသားစုရဲ့ မျှော်လင့်ချက်တွေကို ထမ်းပိုးရင်း Novak ဟာ တဖြည်းဖြည်း ကမ္ဘာ့အဆင့် ကစားသမားတစ်ဦး ဖြစ်လာခဲ့ပါတယ်။ Roger Federer နဲ့ Rafael Nadal တို့ရဲ့ ခေတ်ကြီးထဲကို ဝင်ရောက်လာတဲ့ Novak ဟာ အစပိုင်းမှာတော့ လူတိုင်းက မျှော်လင့်ထားတဲ့ “ရွေးချယ်ခံထားရသူ” မဟုတ်ခဲ့ပါဘူး။ သူ့ရဲ့ ဟာသလုပ်တတ်တဲ့ ပုံစံ၊ အခြားကစားသမားတွေကို အတုယူပြတတ်တဲ့ ပုံစံတွေကြောင့် တင်းနစ်လောကထဲမှာ အမြင်မတူသူတွေလည်း ရှိခဲ့ပါတယ်။ ဒါပေမယ

ဒီတစ်ခေါက် ဇာတ်ကားလေးကတော့ ကမ္ဘာတစ်ဝှမ်းက ခွေးချစ်သူတွေ ရင်ထဲထိမိပြီး အရမ်းကြိုက်သွားစေမယ့် Gohan (ဂိုဟန်)ဆိုတဲ့ ခွေးလေးအကြောင်း ရိုက်ကူးထားတဲ့ ထိုင်းဇာတ်ကားကောင်းလေးဖြစ်ပါတယ်။ လမ်းဘေးခွေးလေးက ဂိုဟန် ဘရောင်နီ ဟီမာ ဆိုပြီး သုံးဘဝ ရှင်သန်ရပ်တည်ခဲ့ပါတယ် ပထမဂိုဟန်ဆိုတဲ့ ဘဝမှာ သူ့သခင်က အငြိမ်းစားယူခါနီး ဂျပန်အဘိုးကြီး ဟီရိုဖြစ်ပါတယ်။ ဟီရိုစံဟာ ထိုင်းနိုင်ငံမှာအင်ဂျင်နီယာအဖြစ် လုပ်ကိုင်ပြီး အသက်ပြည့်လို့ ပင်စင်ယူရတော့ ဂျပန်ကို ပြန်ပြီး အလုပ်လုပ်မှာမို့ ဂိုဟန်ကို သင့်တော်သူလက်ထဲ ထည့်ပေးပြီး ဂျပန်ကို ပြန်တော့မှာပါ ဒါပေမဲ့ ဂိုဟန် မွေးစားဖို့ မပေးရက်ခဲ့ပါဘူး ဒီလိုနဲ့ ဟီရိုစံတစ်ယောက် ကိုဗစ်နဲ့သေဆုံးသွားလို့ ဂိုဟန်လေးဟာ သခင်မဲ့ခဲ့ရပါတယ်။ ဒုတိယ သူ့ဘဝကတော့ မြန်မာနိုင်ငံကနေ အလုပ်လာလုပ်တဲ့ နမ်ချာ ခေါ် အေးရှင်ဆိုတဲ့ မိန်းကလေးလက်ထဲ ရောက်လာပြီး ခွေးဂေဟာ တစ်ခုကနေ ဂိုဟန်ကို ကယ်တင်ခဲ့ပါတယ်။ နမ်ချာက ဂိုဟန်ကို ဘရောင်နီ နာမည်မှည့်ပေးခဲ့ပါတယ်... ဘရောင်နီလေးကို လူဆိုးတွေလက်ထဲကနေ အဝေးကို ရထားနဲ့ တင်ပေးပြီး ကယ်လိုက်ပြန်ပါတယ်။ ဒီလိုနဲ့ လမ်းဘေးခွေးလေးဟာ လူငယ်စုံတွဲ တစ်တွဲရဲ့လက်ထဲ ရောက်ခဲ့ပြန်ပါတယ်...သူတို့က ဘရောင်နီကို ဟီမာလို့ နာမည်ပေးလိုက်ပါတယ်။ တတိယသခင် လက်ထဲမှာတော့ ဂိုဟန်လေးဟာ အသက်အရွယ်လည်း ရလာ သခင်မရခင်မှာ ကောင်းကောင်းမစားရလို့ ကျောက်ကပ်ပျက်စီးပြီး သူ အသက်ရှင်ရဖို့ အချိန် သုံးလပဲ ကျန်ပ

"Above and Below" ရုပ်ရှင်ကားဟာ Action, Crime နဲ့ Survival Thriller အရသာတွေကို တစ်ပေါင်းတည်း ခံစားရမယ့် ဇာတ်ကားကောင်း တစ်ကားဖြစ်ပါတယ်။ နာမည်ကြီး ဒါရိုက်တာ Jesse V. Johnson ရိုက်ကူးထားပြီး နာမည်ကျော် မင်းသားကြီး Antonio Banderas နဲ့ မင်းသမီး Laura Marano တို့ အဓိက ပါဝင်သရုပ်ဆောင်ထားကြပါတယ်။ ဇာတ်လမ်းအကျဉ်းလေးကတော့ Tatiana (Laura Marano) ၊ သူမရဲ့ သူငယ်ချင်းဖြစ်သူ Kayle (Christina Ochoa) နဲ့ အစ်ကိုဖြစ်သူ Kyle တို့ သူငယ်ချင်းတစ်စု မက္ကဆီကိုနိုင်ငံကို အပန်းဖြေခရီး ထွက်လာကြရာကနေ စတင်ထားပါတယ်။ ပျော်ပျော်ရွှင်ရွှင် ပါတီပွဲတွေဆင်နွှဲရင်း အချိန်ဖြုန်းနေကြတဲ့ သူတို့ရဲ့ ခရီးစဉ်လေးဟာ မထင်မှတ်ထားတဲ့ အလှည့်အပြောင်းတစ်ခုကို ရောက်ရှိသွားပါတယ်။ အကြောင်းရင်းကတော့ Tatiana ရဲ့ မောင်ဖြစ်သူ Kyle ဟာ လောင်းကစားဝိုင်းတစ်ခုမှာ အထင်ကရလူမိုက်တစ်ဦးဖြစ်တဲ့ Burns (Antonio Banderas) နဲ့ ကတ်ကစားရင်း အကုန်အရှုံးပေါ်သွားခဲ့လို့ပါပဲ။ ဒါပေမဲ့ ပြဿနာရှာမယ့်အစား Burns က သူတို့ကို နှစ်သိမ့်ဆုအနေနဲ့ ပင်လယ်ထဲမှာ လှေစီးရင်း ငါးမန်းလှောင်အိမ်ထဲဝင်ပြီး ငါးမန်းကြည့်ရမယ့် VIP ခရီးစဉ်လေးတစ်ခုကို အလကား လက်ဆောင်ပေးလိုက်ပါတယ်။ ဒီလိုနဲ့ သူတို့သူငယ်ချင်းတစ်စု လှေပေါ်ကို ရောက်သွားတဲ့အခါမှာတော့ သူတို့ထင်ထားသလို သာယာတဲ့ အပန်းဖြေခရီးစဉ် မဟုတ်တော့မှန်း သိလိုက်ရပါတော့တယ်။ လှေပေါ်မှာ ရုတ်တရက်ဆိုသလို လက်နက်ကိုင် ရာဇဝတ်ကောင်တွေ ရောက်လာပြီ

ဂေါသမ်မြို့ကြီးရဲ့ အမှောင်မိုက်ဆုံး ညတစ်ညကို ရောက်ရှိလာပြီလို့ ပြောရမှာပါ။ ၂၀၂၆ ခုနှစ်မှာ ထွက်ရှိလာတဲ့ DC ရဲ့ အမိုက်စား ကာတွန်းရုပ်ရှင်ဇာတ်ကားကြီး Batman: Knightfall Part 1 မှာတော့ လင်းနို့လူသား ဘတ်မန်း တစ်ယောက် သူ့ဘဝရဲ့ အဆိုးရွားဆုံး အကျပ်အတည်းကြီးနဲ့ ရင်ဆိုင်ရတော့မှာ ဖြစ်ပါတယ်။ ဇာတ်လမ်းကတော့ အင်အားကြီးမားပြီး ဉာဏ်ပြေးတဲ့ ဗီလိန်ကြီး ဘိန်း က အာခမ် စိတ္တဇထောင်ကြီးထဲမှာ ပိတ်လှောင်ထားတဲ့ ဘတ်မန်းရဲ့ ရန်သူတော် အဆိုးတကာ့အဆိုးဆုံး ရာဇဝတ်ကောင်တွေ အားလုံးကို လွှတ်ပေးလိုက်ရာကနေ စတင်ပါတယ်။ ဂေါသမ်မြို့ရဲ့ လမ်းမတွေထက်မှာ အကြမ်းဖက်မှုတွေ ဖရိုဖရဲ ဖြစ်လာချိန်မှာတော့ ဘတ်မန်း တစ်ယောက် အနားယူချိန်တောင် မရဘဲ လူဆိုးတွေကို တစ်ယောက်ပြီးတစ်ယောက် လိုက်လံနှိမ်နင်းရပါတော့တယ်။ ရုပ်ပိုင်းဆိုင်ရာအရရော စိတ်ပိုင်းဆိုင်ရာအရပါ ပြိုလဲလုမတတ် ပင်ပန်းနွမ်းနယ်လာတဲ့ ဘတ်မန်းကို ဘိန်း က နောက်ကွယ်ကနေ ဘယ်လို အကွက်ကျကျ ချောက်ချမလဲဆိုတာက တကယ့်ကို ရင်တထိတ်ထိတ်နဲ့ ကြည့်ရှုရမှာပါ။ ဒီဇာတ်ကားဟာ အပိုင်းသုံးပိုင်းခွဲပြီး ထွက်ရှိမယ့် သုံးကားတွဲ ဇာတ်လမ်းရဲ့ အစပထမပိုင်း ဖြစ်တာကြောင့် နောက်ထပ် ဘာဆက်ဖြစ်မလဲ ဆိုတဲ့ စိတ်ဝင်စားမှုကို အမြင့်ဆုံးအထိ ဆွဲတင်ပေးထားပါတယ်။ အသံသရုပ်ဆောင်တွေ အနေနဲ့လည်း ဘတ်မန်း အဖြစ် အန်ဆန်မောင့်၊ ဘိန်း အဖြစ် မိုက်ကယ်မန်ဒို နဲ့ အက်ဇ်ရီရယ် အဖြစ် ပါဘလိုရှရိုက်ဘာ တို့က အသက်ဝင်လှတဲ့ အသံတွေနဲ့ အကောင်းဆုံး ပုံဖော်ပေးထားက

ဒီဇာတ်ကားကတော့ Netflix ကနေ ထွက်ရှိလာတဲ့ ထိုင်းနိုင်ငံရဲ့ ဖြစ်ရပ်မှန် ရာဇဝတ်မှုဇာတ်ကားလေးဖြစ်တဲ့ Chompoo: Lost & Forgotten ဆိုတဲ့ မှုခင်းဇာတ်ကားကောင်းလေး ဖြစ်ပါတယ်။ "ထိုင်းနိုင်ငံရဲ့ အကြီးဆုံးနဲ့ လူပြောအများဆုံး အမှုတစ်ခုရဲ့ နောက်ကွယ်က အမှန်တရား '' ၂၀၂၀တုန်းက ကိုဗစ်ဒဏ်ကို တစ်ကမ္ဘာလုံး ဆီုးဆိုးဝါးဝါး ခံရတဲ့ အချိန်က ဒီအမှုလေး ဖြစ်ပွားခဲ့ပါတယ်။ ထိုင်းနိုင်ငံမြောက်ပိုင်း မုဒါဟန်ပြည်နယ် ကိုကော့ရွာလေးမှာ ချွန်ပူးဆိုတဲ့ သုံးနှစ်အရွယ် ကလေးမလေး ပျောက်ချင်းမလှ ပျောက်ဆုံးခဲ့ပါတယ်။ ရွာသားတွေနဲ့ ရဲတပ်ဖွဲ့ဝင်တွေ လိုက်ရှာကြရာမှာ သုံးရက်အကြာ လေးရက်မြောက်နေ့မှာ တောင်ပေါ်မှာ ချွန်ပူးကို သေဆုံးလျက်သား ပြန်တွေ့ခဲ့ပါတယ်။ ကလေးတစ်ယောက် လာဖို့ ခက်ခဲတဲ့နေရာဖြစ်လို့ ဒီသေဆုံးမှုကို လူသတ်မှုလို့ ယူဆကာ မိဘတွေက အမှုဖွင့်ခဲ့ပါတယ်။ ၂၀၂၀က အမှုက ၂၀၂၅တိုင် တရားခံ မပေါ်ဘဲ ရှိနေခဲ့ပါတယ် ဒီအမှုဟာ သာမာန်ကလေးပျောက် သေဆုံးမှု မကတော့ဘဲ ဆိုရှယ်မီဒီယာတွေကြောင့် နာမည်ကြီး ရေးပန်းစားကာ Trend ဖြစ်လာခဲ့ပါတယ် ဒီအမှုရဲ့ သံသယရှိသူက ကလေးမလေးရဲ့ ဦးလေးဖြစ်ပြီး အမှုရဲ့ ရေပန်းစားမှုကြောင့် ဦးလေးဖြစ်သူက နာမည်ကြီး ဆယ်လီတစ်ယောက် ဖြစ်လာခဲ့ပါတယ် ။ တရားခံကို ဝန်းရံအားပေးမှုတွေကြောင့်က အမှုက မကြန့်ကြာသင့်ပဲ ကြန့်ကြာနေပြီး တရားရုံးရဲ့ အပြီးသတ် အမိန့်ကို စောင့်ဆိုင်းနေရပါတယ်.... နောက်ဆုံးမှာတော့ သနားစရာ ကလေး

ဒီဇာတ်ကားလေးကတော့ အိန္ဒိယ Marathi ဘာသာစကားနဲ့ ရိုက်ကူးထားတဲ့ သရဲဟာသ Horror-Comedy ရုပ်ရှင်တစ်ကား ဖြစ်ပါတယ်။ ရယ်လဲရယ်ရသလို ရင်ထဲခံစားရမယ့် ဇာတ်ဝင်ခန်းလေးတွေနဲ့ ရသစုံလင်တဲ့ ဇာတ်ကားလေးတစ်ကားပါပဲ။ ဇာတ်လမ်းကတော့ ကီရှက်ဗ် ဆိုတဲ့ လူငယ်လေးတစ်ယောက်ဟာ ရွာရဲ့ လူကြီးဖြစ်သူ အစ်ကိုရာဗီရဲ့ ရိုက်နှက်ခံရလို့ အရှက်ရပြီးတော့ ပြန်လက်စားချေချင်တာကြောင့် "သူ့ဆီမှာ မန်ဂျူလာ ဆိုတဲ့ သရဲမ ပူးကပ်နေပါတယ်" ဆိုပြီး လိမ်ညာပြောဆိုလိုက်ခဲ့ပါတယ်။ အလိမ်ကိုတကယ်မှတ်ပြီး ရွာတစ်ရွာလုံး ပရမ်းပတာတွေဖြစ်ပြီး အထက်လမ်းဆရာတွေ၊ ယုံကြည်မှုအလွဲတွေနဲ့ သရဲခြောက်တယ်ဆိုတဲ့ ကောလဟာလတွေ ထိန်းမနိုင်သိမ်းမရ ပြန့်နှံ့သွားခဲ့ပြီး ရှယ်ပလန်နဲ့ သရဲနှင်ပါတော့တယ် နောက်ပိုင်းမှာ မန်ဂျူလာအစစ်ရဲ့ သမီးဖြစ်သူ ရှိုဘာ ရောက်ရှိလာချိန်မှာတော့ ရွာထဲက အယူသီးမှုတွေကြားမှာ ရယ်စရာရော၊ မမျှော်လင့်ထားတဲ့ ဇာတ်လမ်းအလှည့်အပြောင်းတွေပါ ဖြစ်ပေါ်လာခဲ့တာကို ဟာသနှောပြီး ရိုက်ကူးပြထားတာဖြစ်ပါတယ်။ ပေါ့ပေါ့ပါးပါးနဲ့ မိသားစုလိုက်အပန်းဖြေကြည့်ရှုနိုင်မယ့်အပြင် ဇာတ်လမ်းသဘောလေးကလည်း မဆိုးတာကြောင့် ကြည့်ရှုဖို့အချိန်ပေးရတာတန်မယ့် ဇာတ်ကားလေးတစ်ကားပါပဲလို့ ညွှန်းဆိုရင်း ဘာသာပြန်တင်ဆက်ပေးလိုက်ပါတယ်။

ဒီကားလေးကတော့ ညီအစ်ကိုသံယောဇဉ်ကို အခြေခံထားတဲ့ အက်ရှင်ဒရာမာကားကောင်းလေးတစ်ကားလို့ ပြောရမှာပါ။ ဇာတ်လမ်းအစမှာ လူငယ်လေးတစ်ယောက်ဟာ သူ့ကို ငယ်ငယ်ကတည်းက စောင့်ရှောက်ပေးခဲ့တဲ့ အစ်ကိုကြီး ယာဉ်တိုက်မှုနဲ့ ဆုံးပါးသွားတယ်ဆိုတဲ့ သတင်းဆိုးကြောင့် အိမ်ကို ပြန်ရောက်လာခဲ့ပါတယ်။ ဒါပေမဲ့ အဲဒီသေဆုံးမှုဟာ ရိုးရိုးယာဉ်တိုက်မှုမဟုတ်ဘဲ ရင်ဘတ်ကို သေနတ်နဲ့အပစ်ခံရပြီး အကွက်ကျကျ လုပ်ကြံခံလိုက်ရတာဆိုတာကို သိသွားတဲ့အခါမှာတော့ သူ့ရဲ့ ဝမ်းနည်းပူဆွေးမှုတွေက ပြင်းထန်တဲ့ ဒေါသအဖြစ် ပြောင်းလဲသွားပါတော့တယ်။ အစ်ကိုဖြစ်သူက သူ့ကို ဒီလိုသေနတ်တွေ၊ ကျည်ဆန်တွေနဲ့ ပြည့်နေတဲ့ လောကကြီးကနေ အဝေးကိုပို့ထားချင်ခဲ့ပေမဲ့ ကံကြမ္မာရဲ့ လှည့်စားမှုကြောင့် အစ်ကို့ကိုသတ်သွားတဲ့ တရားခံတွေကို ရှာဖွေရင်း သွေးစွန်းနေတဲ့ လမ်းကြောင်းပေါ်ကို သူကိုယ်တိုင် ခြေချလာရတဲ့အခါ ဘာတွေဆက်ဖြစ်မလဲဆိုတာကို ရင်တမမနဲ့ ကြည့်ရမဲ့ဇာတ်လမ်းမျိုးပါ။ ဒီကားရဲ့ အသက်ကတော့ ကိုယ့်လူယုံတွေကပဲ သစ္စာဖောက်သွားတတ်တဲ့ အမှောင်လောကရဲ့ သရုပ်မှန်တွေကို မီးမောင်းထိုးပြထားနိုင်တာပါပဲ။ ရိုးရိုးအေးအေး နေချင်ခဲ့တဲ့ လူငယ်လေးတစ်ယောက်ကနေ အစ်ကို့အတွက် ကလဲ့စားချေဖို့ ဘာမဆိုလုပ်ရဲတဲ့ ရက်စက်တဲ့သူတစ်ယောက်အဖြစ် ပြောင်းလဲသွားပုံတွေကို အက်ရှင်ခန်း အမိုက်စားတွေနဲ့တင်ဆက်ထားပါတယ်။ အက်ရှင်ဒရာမာ အကြမ်းစားတွေနဲ့ ကလဲ့စားချေတဲ့ ကားကောင်းကောင်း တစ်ကားလောက် ကြည့်ချင်နေတယ်ဆိုရင်တော့ ဒီကားလေးကို လက်မလွှတ်တမ်း

ပျော်ပျော်ရွှင်ရွှင် ငါးမန်းများနဲ့ လျှောစီးစင် ဒီတစ်ခါမှာတော့ ပရိသတ်ကြီးကို ပင်လယ်၊မြစ်၊ရေကန်၊ရေသေအိုင်တွေမှာ ထရော်မာ ပေးရတာ အားမရသေးလို့ ရေကစားဥယျာဉ်မှာပါ ထရော်မာ ပေးဖို့ ငါးမန်းလေးများနဲ့ ရောက်ရှိလို့ လာပါပြီ။ မြို့ရဲ့ ဂုဏ်ဆောင် ဘောလုံးသမား အော်စတင်က ခြေထောက်ကျိုးသွားတာကြောင့် မွေးရပ်မြေမှာ ရေကူးကန် အစောင့် လုပ်ဖို့ ပြန်လာခဲ့ရပါတော့တယ်။ ဘဝက ဗြုန်းစားကြီး စင်မြင့်ပေါ်ကနေ အလှောင်ပြောင်ခံ ဖြစ်သွားရတာ ခံရခက်ပေမဲ့ ဒီအလုပ်ကို သူ အကောင်းဆုံး ကြိုးစားခဲ့ပါတယ်။ ဒါပေမဲ့ သူ လုပ်နေတဲ့ ရေကစားကွင်းမှာ တစ်ရက်မှာတော့ လျှောစင်တစ်ခု ရေမစီးတာကြောင့် စစ်ကြည့်မိရင်း အကင်ခံထားရတဲ့ ငါးမန်းကြီး တစ်ကောင်ကို တွေ့လိုက်ရပါတော့တယ်။ ရေကစားဥယျာဉ်ထဲက ရေက ပင်လယ်ဘက်ကနေ တိုက်ရိုက်သွယ်ယူတာကြောင့် ပင်လယ်ထဲက လာတာလို့ ယူဆရပေမဲ့ ခက်တာက ဘယ်လမ်းကြောင်းကနေမှန်း မသိရတာပါပဲ။ အဲဒီမှာပဲ အော်စကာနဲ့ ရေကူးကန်အစောင့် အဖွဲ့အပြင် ရည်းစားဟောင်း ရဲမှူးပါ စုံစမ်း စစ်ဆေးဖို့ ပါလာပါတော့တယ်။ ဒါပေမဲ့ ရေကစားဥယျာဉ်ရဲ့ ပိုင်ရှင်တဖြစ်လည်း မြို့တော်ဝန်က အဲဒီအကြံကို လုံးဝ သဘောမတူခဲ့ပါဘူး။ အကြောင်းပြချက် မျိုးစုံပေးပြီး ရေကစားကွင်းကို ပြန်ဖွင့်နိုင်ဖို့ ဖိအား ပေးလာပါတော့တယ်။ အော်စကာတို့ မသိခဲ့တာက ကစားကွင်းရဲ့ အောက်တည့်တည့်မှာ မြို့တော်ဝန်ရဲ့ လျှို့ဝှက် စီမံကိန်း တစ်ခု ရှိနေခဲ့တာပါပဲ။ ဆိုတော့ မြို့တော်ဝန်က ဘာတွေ ကြံစည်

ဒီတစ်ခါမှာတော့ မက္ကဆီကိုနဲ့ ဘရာဇီးလ် ဂိုဏ်းစတား ကမ္ဘာရဲ့ စိတ္တဇ အမှောင်ထု၊ မိသားစု သံယောဇဉ်နဲ့ သွေးအေး ရာဇဝတ်မှုတွေကြားထဲက Crime/Drama ကားသစ်ကြီးတစ်ကားနဲ့ မိတ်ဆက်ပေးချင်ပါတယ်။ ဒါကတော့ Netflix ရဲ့ အောင်မြင်ကျော်ကြားလှတဲ့ ဘရာဇီးလ် ဇာတ်လမ်းတွဲ Sintonia ရဲ့ အဆက်အဖြစ် ဒါရိုက်တာ Johnny Araújo ရိုက်ကူးပြီး Christian Malheiros, Jottapê နဲ့ Bruna Mascarenhas တို့ ပြန်လည်ပါဝင်ထားတဲ့ "Nando Between Two Worlds: A Sintonia Film" ဆိုတဲ့ ဇာတ်ကားကြီးပါပဲ။ ဇာတ်လမ်းလေးကတော့ ရာဇဝတ်ဂိုဏ်းချုပ်အဖြစ် နာမည်ထွက်လာပြီးတဲ့နောက်မှာ ဆားဘီးယားနိုင်ငံမှာ သီးခြားခွဲထွက် လျှို့ဝှက်ပုန်းအောင်းနေထိုင်နေတဲ့ 'နန်ဒို'ရဲ့ ဘဝကနေ စတင်ထားတာပါ။ နန်ဒိုဟာ အတိတ်က ရာဇဝတ်မှုတွေကို ကျောခိုင်းပြီး အေးချမ်းစွာ နေထိုင်ချင်ပေမဲ့... ဘရာဇီးလ်မှာ ကျန်ရစ်ခဲ့တဲ့ သူ့ရဲ့ သမီးဖြစ်သူ စိတ်ဆိုးပြီး အိမ်ပေါ်က ဆင်းပြေးသွားရာကနေ မထင်မှတ်ဘဲ မိသားစုရှိရာနိုင်ငံဆီ မလွှဲမရှောင်သာ ပြန်လာခဲ့ရပါတော့တယ်။ ဆောပိုလိုမြို့ရဲ့ အမှောင်ဘက်ခြမ်းဆီ ပြန်လည်ရောက်ရှိချိန်မှာတော့ နန်ဒိုဟာ မိသားစုနဲ့ ပြန်လည်သင့်မြတ်ဖို့ ကြိုးစားရင်း တစ်ဖက်မှာလည်း ယုံကြည်ရတဲ့ အနီးကပ်ဆုံး မဟာမိတ်ရဲ့ သစ္စာဖောက်မှု၊ အတိတ်က သူဦးဆောင်ခဲ့ဖူးတဲ့ ဂိုဏ်းအဖွဲ့ကြီးရဲ့ ဖိအားပေး အကျပ်ကိုင်မှုတွေနဲ့ ရင်ဆိုင်လိုက်ရပါတယ်။ ရာဇဝတ်ဂိုဏ်းအပေါ် သစ္စာစောင့်သိမှုနဲ့ မိသားစုကို အန္တရာယ်ကနေ ကာကွယ်လိုတဲ့

Breach ရုပ်ရှင်ဟာ နည်းပညာတွေ အဆမတန် တိုးတက်လာတဲ့ အနာဂတ်ကမ္ဘာကြီးမှာ လူသားတွေ ဘယ်လိုအကျပ်အတည်းတွေနဲ့ ရင်ဆိုင်ရမလဲဆိုတာကို ရိုက်ကူးတင်ဆက်ထားတဲ့ ရုပ်ရှင်ကားကောင်း တစ်ကား ဖြစ်ပါတယ်။ ဒီဇာတ်ကားဟာ ဇာတ်လမ်းတစ်ပုဒ်တည်းကို အစအဆုံး သွားတာမျိုးမဟုတ်ဘဲ၊ မတူညီတဲ့ အနာဂတ်ရဲ့ ကြောက်မက်ဖွယ်ရာ ဖြစ်ရပ် (၅) ခုကို စုစည်းပြီး Sci-Fi Anthology အနေနဲ့ အသစ်အဆန်း တင်ဆက်ထားတာ ဖြစ်ပါတယ်။ ဒီဇာတ်ကားမှာ အဓိကအားဖြင့် နည်းပညာတွေဟာ လူသားတွေရဲ့ ထိန်းချုပ်မှုအောက်ကနေ လွတ်ထွက်သွားတဲ့အခါ ဖြစ်လာမယ့် ဆိုးကျိုးတွေကို ကြည့်ရှုရမှာပါ။ လူမှုအသိုင်းအဝိုင်းကြီး တဖြည်းဖြည်း ပြိုကွဲပျက်စီးလာချိန်၊ လူသားတွေအနေနဲ့ အသက်ရှင်သန်ဖို့အတွက် မိမိတို့ရဲ့ ခံနိုင်ရည် ကန့်သတ်ချက်တွေကို ကျော်လွန်ပြီး ဘယ်လောက်ထိ ရုန်းကန်ရမလဲဆိုတာကို ဇာတ်လမ်းက မီးမောင်းထိုး ဖော်ပြပေးထားပါတယ်။ အနာဂတ်ရဲ့ မှောင်မိုက်တဲ့ အသွင်အပြင်တွေနဲ့ နည်းပညာရဲ့ အန္တရာယ်တွေကို ထိတ်လန့်ဖွယ် ဇာတ်ကွက်တွေနဲ့ ဖန်တီးထားတာကြောင့် ကြည့်ရှုသူတိုင်းကို အတွေးပွားစေမှာ အသေအချာပါပဲ။ ဒီဇာတ်ကားကို ဒါရိုက်တာ Aleksandra Czenczek နဲ့ Roy Huang တို့က ပူးတွဲ ရိုက်ကူးဖန်တီးထားတာ ဖြစ်ပါတယ်။ သရုပ်ဆောင်တွေ အနေနဲ့ကတော့ Jennifer Sun Bell, Sophie Kennedy Clark, Janet Carter, Annabel Bates နဲ့ Brian Bovell တို့လို သရုပ်ဆောင်တွေက ပါဝင်အားဖြည့်ထားကြပါတယ်။ ကြာချိန် ၁ နာရီကျော်ကျော်သာ ရှိတာဖြစ်လို့ အချိ

လျှို့ဝှက်ဆန်းကြယ်မှုတွေနဲ့ ပြည့်နှက်နေတဲ့ ရွာလေးတစ်ရွာမှာ နှစ်ပေါင်းများစွာကတည်းက ရတနာတွေ မြှုပ်နှံထားတဲ့ သရဲခြောက်တဲ့ရေတွင်းကြီးတစ်တွင်း ရှိပါတယ်။ သရဲမက လူတွေကိုသတ်တယ်လို့နာမည်ကြီးတာကြောင့် ရေတွင်းနားကို ဘယ်သူမှ မကပ်ရဲကြပါဘူး။ ဘာအလုပ်အကိုင်မှမရှိဘဲ မိန်းမရဲ့အစ်ကိုအိမ်မှာ ကပ်စားနေရလို့ အမြဲတမ်း မိန်းမဆူတာခံနေရတဲ့ ဒီလျာဟာ စိတ်ညစ်ညစ်နဲ့လျှောက်သွားရင်း ရေတွင်းနားရောက်သွားတော့ မိန်းမတစ်ယောက်ရဲ့ "နင့်ဟာတွေ ယူသွားတော့" ဆိုတဲ့အသံတွေကို ကြားလိုက်ရတော့ ကြောက်လန့်ပြီး ထွက်ပြေးခဲ့ပါတယ်။ အဲ့ဒီသတင်းကို ရဲအရာရှိအဖြစ် ဟန်ဆောင်ထားတဲ့သူက ကြားသွားပြီး ဒီလျာဟာ ရတနာသိုက်ဆီကို လမ်းပြပေးနိုင်မည့်သူဆိုတာ သဘောပေါက်သွားခဲ့ပါတယ်။ ဒါကြောင့် ရည်ရွယ်ချက်ကိုယ်စီနဲ့ သိုက်တူးဖို့ ကြံစည်နေကြတဲ့ ခန်ဂရီတို့နဲ့ချိတ်ဆက်ပြီး ဒီလျာကို ရေတွင်းထဲဆင်းဖို့ နည်းမျိုးစုံသုံးပြီး ဖျားယောင်းကြပါတယ်။ သမာအာဇီဝမကျတဲ့အလုပ်ကို မလုပ်ဘူးလို့ဆုံးဖြတ်ထားတဲ့ ဒီလျာတစ်ယောက် ငွေမက်တဲ့မိန်းမဖြစ်သူရဲ့ တိုက်တွန်းမှုတွေကို လွန်ဆန်နိုင်ပါ့မလား။ အဲ့ဒီရတနာသိုက်က ဒီလျာနဲ့ ဘယ်လိုပတ်သက်မှုမျိုး ရှိခဲ့တာလဲ။ ရတနာသိုက်ကြီးကို ရှာတွေ့ဖို့ ဘယ်လိုအခက်အခဲတွေ ရင်ဆိုင်ရမလဲဆိုတာကို စိတ်ဝင်တစားကြည့်ရှုရမယ့် ဇာတ်ကားလေးပဲဖြစ်ပါတယ်။ ဒီဇာတ်ကားမှာ ဒီလျာ အဖြစ် မင်းသား Sandeep Pathak ၊ ခန်ဂရီ အဖြစ် မင်းသား Devdatta Nage နဲ့ ရန်ဂီ အဖြစ် မင်းသမီး Smita Paygude Anjut

ချစ်လွန်းလို့ ရူးသွပ်သွားတယ်ဆိုတဲ့ စကားကို ကြားဖူးကြတယ်မလား။ ဒီရုပ်ရှင်လေးက အချစ်ဆိုတဲ့အရာထက် ကျော်လွန်သွားတဲ့ အစွဲအလမ်းကြီးမှုတစ်ခု ဘယ်လောက်ထိ ကြောက်စရာကောင်းလဲဆိုတာကို ရင်တမမနဲ့ ကြည့်ရမဲ့ ဇာတ်ကားကောင်းလေးတစ်ကားပါ။ ဇာတ်လမ်းအစမှာ ယာဉ်တိုက်မှုတစ်ခုကြောင့် ဆေးရုံတင်လိုက်ရတဲ့ ကျောင်းသူလေးတစ်ယောက်ကို ဆရာဝန်ကြီးတစ်ယောက်က သေချာဂရုစိုက်ကုသပေးလိုက်ရာကနေ စတင်ပါတယ်။ ဆရာဝန်ကြီးရဲ့ နွေးထွေးတဲ့ ဂရုစိုက်မှုတွေအောက်မှာ အဲဒီကောင်မလေးက ဆရာဝန်ကြီးကို ရိုးရိုးသားသားချစ်မိသွားတာမဟုတ်ဘဲ ရူးရူးမူးမူးကို စွဲလမ်းသွားပါတော့တယ်။ အစပိုင်းမှာတော့ သာမန်သံယောဇဉ်လေးလို့ ထင်ရပေမဲ့ တဖြည်းဖြည်းနဲ့ ကောင်မလေးရဲ့ အချစ်တွေက ရောဂါတစ်ခုလို ဖြစ်လာတဲ့အခါ ဇာတ်လမ်းက ဘယ်လိုတွေ ဆက်ဖြစ်မလဲ... ဆရာဝန်ကြီးမှာက သာယာပျော်ရွှင်တဲ့ မိသားစုလေးတစ်ခုရှိနေတာကို ကောင်မလေးက လုံးဝလက်မခံနိုင်ဘဲ ဆရာဝန်ကြီးကို သူတစ်ယောက်တည်းပဲ အပိုင်သိမ်းချင်လာပါတယ်။ အဲဒီလို အပိုင်လိုချင်တဲ့ လောဘကြောင့် ဆရာဝန်ကြီးရဲ့ မိသားစုကြားထဲကို ဝင်ရှုပ်ပြီး အမည်မသိစာတွေပို့တာ၊ ဇနီးမောင်နှံနှစ်ယောက် အထင်လွဲပြီး ကွာရှင်းချင်လာအောင် သွေးခွဲတာမျိုးတွေ လုပ်လာပါတယ်။ အဲဒါအပြင် ဆရာဝန်ကြီးရဲ့ မိသားစုထဲက လူတွေကိုပါ အန္တရာယ်ပေးဖို့အထိ ရက်ရက်စက်စက် ကြိုးစားလာပါတော့တယ်။ ဖြူစင်တဲ့ ကျောင်းသူလေးတစ်ယောက်ရဲ့ မျက်နှာဖုံးနောက်ကွယ်မှာ ဘယ်လောက်တောင် ကြောက်စရာကောင်းတဲ့ စိတ်ဓာတ်တွေ ပု

ဒီတစ်ခေါက်မှာတော့ ဒါရိုက်တာက Liana Stewart ရိုက်ကူးထားတဲ့ Netflix ရဲ့ Documentaryရုပ်ရှင်တစ်ကားဖြစ်တဲ့ "Big Chicken: A Fast Food Conspiracy (2026)" ဆိုတဲ့ ဇာတ်ကားလေးကိုတင်ဆက်ပေးလိုက်ပါတယ်နော်။ ဇာတ်လမ်းအညွှန်း ကြက်ကြော်တစ်ကိုက်ကိုစားရင်းနဲ့ မေးခွန်းတစ်ခု ပေါ်လာတယ် “ငါတို့ ဘာကြောင့် အသင့်စားကြက်ကြော်ကို ဒီလောက်တောင်စွဲလမ်းနေကြတာလဲ..” ဗြိတိန်ဟာသသရုပ်ဆောင် မိုဂီလီဂန်ဟာ ဒီမေးခွန်းရဲ့အဖြေကိုရှာဖွေဖို့အတွက် တစ်နေ့ကို သုံးကြိမ် ၂၈ ရက်ကြာ ကြက်ကြော်စားပြီး ကိုယ်တိုင်စမ်းသပ်ခဲ့ပါတယ်။ အဲဒီနောက် ကြက်သား Fast Food လောကရဲ့နောက်ကွယ်မှာ ဘာတွေဖြစ်နေသလဲဆိုတာကို စတင်စုံစမ်းပါတော့တယ်။ကြက်တွေကို အမြန်ဆုံးနဲ့ အများဆုံးထုတ်လုပ်နိုင်ဖို့ ဘယ်လိုမွေးမြူကြသလဲ.... Fast Food ကုမ္ပဏီကြီးတွေက လူတွေရဲ့စားသုံးမှုပုံစံအပေါ် ဘယ်လောက်အထိ သက်ရောက်မှုရှိသလဲ…? ကျွန်တော်တို့ နေ့စဉ်စားသုံးနေတဲ့ ကြက်ကြော်တစ်ပိုင်းရဲ့ နောက်ကွယ်မှာ စီးပွားရေး၊ ကျန်းမာရေးနဲ့ သဘာဝပတ်ဝန်းကျင်ဆိုင်ရာ ဘယ်လိုအကျိုးသက်ရောက်တွေရှိနေသလဲ…?ဆိုတာကို မိုဂီလီဂန်စမ်းသပ်မှုတွေနဲ့ စုံစမ်းလေ့လာမှုတွေနဲ့အတူပေါင်းစပ်ထားတဲ့မှတ်တမ်းရုပ်ရှင်အမျိုးအစားလေးပဲဖြစ်ပါတယ်။ Big Chicken: A Fast Food Conspiracy ဟာ လူတိုင်းနီးပါးစားဖူးကြတဲ့ ကြက်ကြော်တစ်ပိုင်းကို သဘာဝပတ်ဝန်းကျင်အပေါ် သက်ရောက်မှု ကျန်းမာရေးနဲ့ အစားအသောက်အပေါ် သက်ရောက်မှုစတဲ့မတူညီတဲ့ရှုထောင့်ကနေ ပြန်

ရှေးဟောင်းရုပ်ထုတစ်ခုထဲမှာ ပိတ်လှောင်ခံထားရတဲ့ ကလဲ့စားချေလိုတဲ့ နတ်ဆိုးမဝိညာဉ်တစ်ကောင်အကြောင်းကို ရိုက်ကူးထားတဲ့ သဘာဝလွန် သည်းထိတ်ရင်ဖို ဇာတ်ကားလေးပဲဖြစ်ပါတယ်။ ကုမ္ပဏီတစ်ခုမှာ အလုပ်လုပ်နေတဲ့ နီရန်ဂျာ ဆိုတဲ့ကောင်လေးက အိပ်မက်ဆိုးတွေမက်ပြီး စိတ်ပိုင်းဆိုင်ရာပြဿနာတစ်ခုကို တစ်ယောက်တည်းကြိတ်မှိတ်ခံစားနေရပြီး အလုပ်မှာ အဆင်မပြေမှုတွေနဲ့ ကြုံတွေ့ခဲ့ရပါတယ်။ မာနာဆိုတဲ့‌ရှေးဟောင်းနေရာတစ်‌နေရာမှာ သူခိုးနှစ်ယောက်က ရှေးဟောင်းအိမ်ကြီးထဲက ရုပ်ထုတစ်ခုကို ခိုးယူခဲ့ပြီးတော့ အဲဒီအထဲမှာ အောက်လမ်းနည်းနဲ့ ပိတ်လှောင်ထားတဲ့ ရက်စက်တဲ့ ဝိညာဉ်ဆိုး ရှိနေတာကို သူတို့မသိခဲ့ကြပါဘူး။ ဝိညာဉ်ဆိုးလွတ်မြောက်သွားပြီး အိမ်ကြီးထဲမှာ လူသတ်မှုတစ်ခု ဖြစ်ပွားခဲ့တာကြောင့် အိမ်ကြီးရဲ့ နောက်ဆုံးမျိုးဆက်ဖြစ်တဲ့ နီရန်ဂျာက အိမ်ကို ပြန်လာခဲ့ရပါတယ်။ မိသားစုရဲ့ ဖုံးကွယ်ထားတဲ့ လျှို့ဝှက်ချက်တွေ ရှေးဟောင်းကျိန်စာတွေနဲ့အတူ ဝိညာဉ်ဆိုးရဲ့ ခြောက်လှန့်မှုကို ရင်ဆိုင်ရမယ့် နီရန်ဂျာက ဘယ်လိုအခြေအနေတွေကို ရင်ဆိုင်ရမလဲဆိုတာကို လှည့်ကွက်တွေနဲ့ကြည့်ရှုရမယ့် ထိတ်လန့်စရာ သရဲကားတစ်ကားပဲဖြစ်ပါတယ်။ ဒီဇာတ်ကားမှာ နီရန်ဂျာ အဖြစ် မင်းသား Vysakh Ravi ၊ ပက်ဒီနီ အဖြစ် မင်းသမီး Neha Chawla နဲ့ ဆက်ခ်ရှီ အဖြစ် မင်းသမီး Sakshi Badala တို့က အဓိက ပါဝင်သရုပ်ဆောင်ထားတာ ဖြစ်ပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Cherry ဖြစ်ပါတယ်။

ဆူအင်းဟာ အွန်လိုင်း road-view service ကုမ္ပဏီတစ်ခုမှာ အလုပ်လုပ်တဲ့လူပါ။ တစ်နေ့မှာ ဆိုးလ်မြို့ပြင်က ဝေးလံခေါင်ဖျားတဲ့ ရေလှောင်တမံတစ်ခုမှာ သူတို့ရိုက်ကူးထားတဲ့ ဗီဒီယိုတွေမှာ ထူးဆန်းတဲ့ ချို့ယွင်းချက်တွေဖြစ်နေတာကို တွေ့လိုက်ရပါတယ်။ အဲဒါကြောင့် ဆူအင်းနဲ့ သူတို့အဖွဲ့ဟာ အစားထိုး ဗီဒီယိုအသစ်ပြန်ရိုက်ဖို့ အဲဒီရေလှောင်တမံဆီကို သွားခဲ့ကြပါတယ်။ အဲဒီရေလှောင်တမံရဲ့ နာမည်က ဆာမို့ဂျီ လို့‌ ခေါ် ပြီး အရင်က သုသာန်ဟောင်းတစ်ခုဖြစ်ခဲ့တဲ့နေရာပါ။ သူတို့အဖွဲ့ အဲဒီကိုရောက်တဲ့အခါ ထူးဆန်းတဲ့ ကျောက်တုံးမျှော်စင်တစ်ခုနဲ့ လျှို့ဝှက်ချက်တွေဖုံးကွယ်ထားပုံရတဲ့ အဘွားအိုတစ်ယောက်ကို တွေ့ဆုံခဲ့ရပါတယ်။ ညဘက်ရောက်လာတာနဲ့အမျှ သူတို့ရဲ့ ကင်မရာတွေမှာ ကြောက်မက်ဖွယ်ရာ အရာတွေကို မြင်တွေ့လာရပြီး သူတို့အားလုံး အဲဒီရေလှောင်တမံနယ်မြေမှာ ပိတ်မိနေမှန်း သိလိုက်ရတဲ့အခါ ဘာတွေဆက်ဖြစ်ကြမလဲ? သူတို့ကရော ဒီနယ်မြေထဲကနေ ဘေးကင်းကင်းထွက်သွားနိုင်ပါ့မလားဆိုတာ... Romance အခန်းတွေမပါဘဲ Horror နဲ့ Suspense ကိုပဲ သီးသန့်အသားပေးရိုက်ကူးထားတဲ့ ဇာတ်ကားမျိုးမို့ ကိုရီးယား သရဲကားကောင်းကောင်းကြည့်ချင်သူတွေအတွက် အထူးအကြံပေးချင်တဲ့ ဇာတ်ကားလေးဖြစ်ပါတယ်။ ဒီကားကို အညွှန်းနဲ့ဘာသာပြန်ဆိုသူက Huihui ဖြစ်ပါတယ်။