ရုပ်ရှင်အသစ်များ

ဒီဇာတ်ကား​လေးက​တော့ ​အင်ဒိုနီးရှားအသင်းတိုက်စစ်မှူးအာလန်ရဲ့အ​ကြောင်းကို ရိုက်ကူးထားခြင်းဖြစ်ပါတယ်။ နိုင်ငံအသင်းဖလားရဖို့အတွက် ကြိုးစားခဲ့ရတဲ့ ​ဘောလုံးသမားတစ်​ယောက်ရဲ့အ​ကြောင်းပါ။ အာလန်ဟာ ဂါရူဒါကလပ်အသင်းမှာ ကစား​နေတာဖြစ်ပြီး မိခင်ဖြစ်သူကျန်းမာ​ရေးစရိတ်အတွက် ပိုက်ဆံအ​ရေးတကြီးလိုအပ်​နေသူပါ။ ဒါ​ကြောင့် ​ကြေးစားလမ်းသရဲရန်ပွဲတခုကို သူငယ်ချင်းအဆက်အသွယ်နဲ့ ပါဝင်ခဲ့​ပေမယ့် အဆင်မ​​ပြေပါဘူး။ ​နောက်​တော့ ​ဘောလုံး​အေးဂျန့်တခုနဲ့ အဆက်အသွယ်ရပြီး သြစ​တြေးလျကလပ်အသင်းတစ်ခုကို ၃ လစာချုပ်နဲ့​ပြောင်း​ရွေ့ခွင့်ရခဲ့ပါတယ်။ အာလန်တစ်​ယောက် အင်ဒိုနီးရှားအမျိုးသားအသင်းရဲ့တိုက်စစ်မှူးအ​နေနဲ့ ပြန်လည်ဝင်​ရောက်လာပုံနဲ့ အသင်းအတွက် AFC ဖလားကို အရယူ​ပေးနိုင်မလားဆိုတာကို ခံစားကြည့်ရှူရမယ့် အင်ဒိုကား​လေး ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

နိုင်ငံတစ်ဝှမ်းလုံးမှာ အကြီးဆုံးဆေးဝါးကုမ္ပဏီရဲ့ CEO ဖြစ်ပြီး လှပထက်မြက်တဲ့အပြင် ဓာတုဗေဒပညာရှင် အမျိုးသားငယ်ငယ်လေးကိုပါ ပိုင်ဆိုင်ထားတာကြောင့် လူအများရဲ့လေးစားအားကျခြင်းကိုခံရတဲ့ ဆိုဖီယာ....။ ဒါပေမဲ့ တစ်ရက်မှာတော့ ဆိုဖီယာတစ်ယောက် ဘာလင်ကနေ အလုပ်ကိစ္စနဲ့ပြန်ရောက်ရောက်ချင်း နှလုံးဖောက်ပြီး ရုတ်တရက်သေဆုံးသွားခဲ့ပါတယ်။ သူမရဲ့ ရုတ်တရက်ဆန်လှတဲ့ သေဆုံးမှုအတွက် အားလုံးက သူမရဲ့ခင်ပွန်းဖြစ်သူ ဂျက်ဖရီကို သနားပြီး အားပေးနှစ်သိမ့်နေကြပေမဲ့ ဆေးမှုခင်းဌာနခေါင်းဆောင် မစ္စတာအာယာကတော့ ဂျက်ဖရီ့ကို သံသယရှိနေခဲ့ပါတယ်။ မိန်းမမသိအောင် နောက်ကွယ်မှာ ဖောက်ပြန်နေတဲ့ ဂျက်ဖရီနဲ့ သူ့ရည်းစားဖြစ်တဲ့ဆာရာတို့ဟာ ဆိုဖီယာရဲ့သေဆုံးမှုဟာ သူတို့နဲ့မဆိုင်ကြောင်း အလီဘိုင်တွေဖန်တီးပြီး သက်သေပြနေတုန်းမှာပဲ ဆိုဖီယာရဲ့အလောင်းဟာ ရင်ခွဲရုံကနေ ရုတ်တရက်ပျောက်သွားတဲ့အခါ.....။ လှည့်ကွက်များစွာနဲ့ ရင်တထိတ်ထိတ်စောင့်ကြည့်ရမယ့် ဒီရုပ်ရှင်လေးကတော့ IMDB 7.2 အထိ ရရှိထားပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Vicky ဖြစ်ပါတယ်

ဒီကားလေးကတော့ Lee Minhoနဲ့ Ahn Hyo Seopတို့လို နာမည်ကြီးမင်းသားတွေပါဝင်ထားတဲ့ Fantasy/Actionဇာတ်ကားအမျိုးအစားပါ။ ဂင်ဒို့ဂျာဆိုတဲ့ကောင်လေးက ငယ်ငယ်ကတည်းက "ကမ္ဘာပျက်ချိန်မှာ ရှင်သန်နည်း ၃နည်း " ဆိုတဲ့ ဝဘ်နိုဗယ်တစ်ခုရဲ့အမာခံပရိသတ်တစ်ဦးပါ။ ဝတ္ထုအပိုင်းရှည်လာလည်း ဖတ်တဲ့လူ သူတစ်ယောက်တည်းကျန်တော့တဲ့အထိ သစ္စာရှိရှိဖတ်လာတာမလို့ ဝတ္ထုကို ထုံးလိုချေ ရေလိုနှောက်တဲ့လူပါ။ ဒို့ဂျာတစ်ယောက် ဝတ္ထုအဆုံးသတ်ချိန်မှာ အဆုံးသတ်ကိုမကြိုက်တာမလို့ စာရေးဆရာဆီကို စာတစ်စောင်ပို့ခဲ့ပါတယ်။ စာရေးဆရာကလည်း အဆုံးသတ်မကြိုက်တဲ့ဒို့ဂျာကို ကိုယ်တိုင်သွားပြင်ဆင်ဆိုပြီး ဝတ္ထုထဲကိုပို့လိုက်တဲ့အချိန် အဆုံးသတ်ကိုပြင်ဆင်နိုင်ပါ့မလား...? သူဝင်ရောက်လာတဲ့အတွက် သူဖတ်ခဲ့တဲ့ ဝတ္ထုဇာတ်ကြောင်းတွေပါ ပြောင်းသွားခဲ့ပြီး ကြိုသိထားတဲ့သူကိုယ်တိုင် ဘာကိုမှခန့်မှန်းလို့မရတော့ဘဲ ဘယ်လိုအရာတွေကြုံတွေ့ရမလဲဆိုတာ... ဒီကားကို အညွှန်းနဲ့ ဘာသာပြန်ဆိုသူက Huihui ဖြစ်ပါတယ်။

Netflix ရဲ့ 2025 ထွက် Documentary ဇာတ်ကားလေးတစ်ကားတင်ဆက်ပေးလိုက်ပါတယ်။ ဒီ Documentary အကြောင်းကတော့ American နိုင်ငံရဲ့ နာမည်ကျော်အမှုဖြစ်တဲ့ ကွင်းဆက်လူသတ်သမား Dennis Rader ရဲ့အမှုကို ရိုက်ကူးထားတာပဲဖြစ်ပါတယ်။ ဒီနေရာမှာ Dennis Rader ရဲ့အကြောင်းလေးကို နည်းနည်းထည့်ပြောမှပဲ ဒီကွင်းဆက်လူသတ်သမားက ဘာလို့အဲ့လောက်နာမည်ကျော်ပြီး ဖြစ်ရသလဲဆိုတာသိရရင် ပိုပြီးကြည့်ကောင်းမှာပါ။ Dennis Rader ဆိုသူဟာသာမန် အိမ်ထောင်သည်အမျိုးသားတစ်ယောက်ပါ။ မိန်းမနဲ့ ကလေးနှစ်ယောက်ရှိပြီး ချာ့်ကျောင်းတစ်ခုမှာလဲ ဘာသာရေးဝတ်ပြုအဖွဲ့ရဲ့ ခေါင်းဆောင်တစ်ယောက်ပါ။ သူ့ရဲ့ဘဝက တခြားပုံမှန်မိသားစုတွေလိုပဲ ဖခင်တစ်ယောက် အိမ်ထောင်ဦးစီးတစ်ယောက်ဖြစ်ပြီး မိသားစုအပေါ် တာဝန်‌ေကျတဲ့သူတစ်ယောက်ပါ။ ဒါပေမဲ့သူဟာ လူသတ်မှုပေါင်း အနည်းဆုံး၁၀ခု ကျူးလွန်ခဲ့ပြီး ဆယ်စုနှစ်၃ခုစာ ရဲတွေလက်ကနေလွတ်မြောက်ထားခဲ့သူပါ။ သူဟာ တီဗီအစီစဉ်ကနေတောင် ရဲတွေကို စာနဲ့ဆက်သွယ်ပြောဆိုခဲ့ပြီး ရဲတွေကို စာတွေ ပို့စ်ကဒ်တွေနဲ့ ရဲတွေကို ဦးနှောက်ခြောက်စေခဲ့သူပါ။ သူဟာ လတိုင်းနီးပါး ရဲတွေနဲ့သတင်းစာတိုက်တွေဆီစာပို့ပြီး ဘယ်သူ့ကိုတော့ သတ်ခဲ့တယ် ဘယ်လိုသတ်ခဲ့တယ်ဆိုတာကိုပါ ဓာတ်ပုံနဲ့တကွ ပေးပို့ခဲ့သူပါ။ သူသတ်တဲ့သူတိုင်းဟာလဲ အသက်လတ်ပိုင်းအမျိုးသမီးငယ်တွေဖြစ်ပြီး BTK ဆိုတဲ့ နာမည်ကိုကထားတဲ့ လူသတ်သမားပါ။ Bind ချည်နှောင် Torture နှိပ်စက် Kill သတ်ဖြတ်ဆိုတာကို သူကိုယ်တိုင် BTK ဆိုပြီး နာမည်ပေး

စိတ္တဇလူသတ်ကားတွေကြိုက်လား ? ဒါပေမဲ့ အမြဲတွေ့နေကျ ဇာတ်လမ်းမျိုးမဟုတ်ဘဲ စိတ္တဇဖြစ်မှန်းမသိဖြစ်သွားတယ်ဆိုရင် ပိုစိတ်ဝင်စားဖို့ကောင်းမှာပေါ့နော် ဒါဆိုရင် " Murderbadd 2025 " ကိုညွှန်းပေးပါရစေ ဇာတ်လမ်းအကျဉ်းကတော့ မြို့တစ်မြို့ကို ကောင်လေးတစ်ယောက် အလုပ်လာရှာတယ် သူငယ်ချင်းကအလုပ်ရှာပေးတယ် သူငယ်ချင်းက ကားဆရာဖြစ်တဲ့အတွက် ခရီးသွားလမ်းညွှန်အလုပ်ရပြီး ခရီးသွားဧည့်သည်တွေနဲ့အတူ နေရာစုံပတ်ကြတာပေါ့ ဒီမှာလူငယ်တို့သဘာဝ ဧည့်သည်ထဲက ကောင်မလေးနှစ်ယောက်ကို ကြိုက်သွားကြတယ် ဒီအထိက လူသတ်ကားလို့ထင်စရာမရှိပါဘူးတစ်နေ့မှာ သူတို့ကြိုက်နေတဲ့ကောင်မလေးထဲက တစ်ယောက် အသတ်ခံလိုက်ရပါတယ် ဒီအမှု‌ကို ကူညီရှာဖွေကြတဲ့အခါ တရားခံက သူငယ်ချင်းနှစ်ယောက်ထဲက တစ်ယောက်ဖြစ်နေပါတယ် ဒါပေမဲ့ စိတ္တဇလူသတ်သမားက သူမဟုတ်နေပြန်ပါဘူးတဲ့ ဒါဆိုဘယ်သူလဲ? ‌ရှုပ်‌ထွေးလှတဲ့ပဟေဠိတွေ များစွာပါဝင်ပြီး ရသအမျိုးမျိုးပေးနိုင်တာကြောင့် ဇာတ်ကားလေးကိုကြည့်ရင်းပဲ အဖြေရှာကြည့်လိုက်ရအောင်ရှင့် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ki Ki Chit Su ဖြစ်ပါတယ်

ဇာတ်လမ်းအစမှာတော့ သမိုင်းထဲက ဧကရာဇ်ကြီး အသောကမင်းက တန်ခိုးပြင်းတဲ့ ကျမ်းဂန်ကိုးစောင်ကို ပိုင်ဆိုင်ခဲ့ပါတယ်။ ဒီစွမ်းအားတွေ လူဆိုးတွေလက်ထဲ မရောက်အောင်လို့ မျိုးဆက်အဆက်ဆက် ကာကွယ်စောင့်ရှောက်ဖို့ သူရဲကောင်းတွေကို တာဝန်ပေးခဲ့ပါတယ်။ ဒါပေမဲ့ မျက်မှောက်ခေတ်မှာတော့ လက်စားချေလိုစိတ်နဲ့ ရည်မှန်းချက်ကြီးမားတဲ့ ဗီလိန်တစ်ယောက် ပေါ်ထွက်လာပြီး လူသားမျိုးနွယ်ရဲ့ ကံကြမ္မာကို ခြိမ်းခြောက်လာပါတယ်။ သူက ထာဝရအသက်ရှင်ပြီး ကမ္ဘာကြီးကို စိုးမိုးဖို့အတွက် အဲဒီမြင့်မြတ်တဲ့ ကျမ်းဂန်တွေကို လိုက်လံရှာဖွေပါတော့တယ်။ ဒီလိုအမှောင်ကျနေတဲ့ အခြေအနေမှာ မျှော်လင့်ချက်အလင်းရောင်တစ်ခုကတော့ သာမန်လူငယ်လေးဆီကနေ ပေါ်ထွက်လာခဲ့ပါတယ်။ သူက အမှိုက်ပုံတွေကြား ကြီးပြင်းပြီး ခိုးဆိုးလုယက်မှုအသေးအဖွဲတွေနဲ့ အသက်မွေးနေသူတစ်ယောက်ပါ။ ဒါပေမဲ့ ကံကြမ္မာက သူ့ကို ကြီးမြတ်တဲ့စွမ်းအားတွေနဲ့ ချိတ်ဆက်ပေးမဲ့ ဒဏ္ဍာရီလာလက်နက် 'မီရိုင်း' ကို ပိုင်ဆိုင်စေခဲ့ပါတယ်။ သူက သူ့မှာရှိလာတဲ့ စွမ်းအားတွေကို ထိန်းချုပ်တတ်အောင် သင်ယူရမှာဖြစ်သလို ဗီလိန်ကို တားဆီးဖို့နဲ့ ထာဝရအသက်ရဲ့သော့ချက်ဖြစ်တဲ့ နဝမမြောက်ကျမ်းဂန်ကို ကာကွယ်ဖို့အတွက် သူ့ရဲ့ကံကြမ္မာကို လက်ခံရမှာပါ။ ဒီဇာတ်ကားက အံ့မခန်းအက်ရှင်အခန်းတွေ ပြင်းထန်တဲ့တိုက်ခိုက်ခန်းတွေနဲ့ အံ့အားသင့်စေမဲ့ အထူးပြုလုပ်ချက်တွေနဲ့ ပြည့်နှက်နေပါတယ်။ ဒါပေမဲ့ ဇာတ်လမ်းရဲ့အဓိကအနှစ်သာရက အက်ရှင်တင်မကဘဲ စွန့်လွှတ်အနစ်နာခံမှု ရဲစွ

Dakota Fanning အဓိကပါဝင်သရုပ်ဆောင်ထားတဲ့ ဒီရုပ်ရှင်မှာ လျှို့ဝှက်ဆန်းကြယ်မှုတွေများပြီး ဝေဖန်မှုတွေရနေလို့ ကိုယ်တိုင်ကြည့်ရှုသုံးသပ်ပေးပါဦး။ အေးခဲတဲ့ညတစ်ညမှာ တစ်ယောက်တည်းနေတဲ့ ပေါ်လီရဲ့အိမ်ကို ထူးထူးဆန်းဆန်း အဘွားကြီးတစ်ယောက် ရောက်လာပြီး သေတ္တာတစ်လုံး လက်ဆောင်ပေးသွားပါတယ်။ ပေါ်လီက သေရတော့မှာဆိုပြီး ပြောသွားတဲ့အတွက် ပေါ်လီတစ်ယောက်စိတ်ခြောက်ခြားလာပြီး သေတ္တာက ခိုင်းတဲ့အတိုင်း လုပ်မိပါတယ်။ ပေါ်လီကို သူမုန်းတဲ့အရာ၊ လိုအပ်တဲ့အရာနဲ့ ချစ်တဲ့အရာ သုံးမျိုးကို သေတ္တာထဲထည့်ခိုင်းတာပါ။ ပေါ်လီက သူခိုင်းသလိုလုပ်ပေမယ့် မလွတ်မြောက်နိုင်ဘဲ အတိတ်က မှတ်ဉာဏ်အပိုင်းအစတွေနဲ့ စကားသံတွေကြားထဲ လှောင်ပိတ်မိနေပြီး ဆောက်တည်ရာမရဖြစ်နေခဲ့ပါတယ်။ နောက်ဆုံးမှာ သူချစ်တဲ့သူတွေကို မဆုံးရှုံးရဖို့ ပေါ်လီတစ်ယောက် ဒီအိပ်မက်ဆိုးကနေ နိုးထအောင် ဘယ်လိုကြံဆောင်မလဲဆိုတာကတော့... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ဒီဇာတ်ကားလေးကတော့ WAR season 2 ဇာတ်ကားလေးလို့ ပြောလို့ရပါတယ်။ ပါဝင်တဲ့ မင်းသားမင်းသမီးတွေကတော့ နာမည်ကြီးတွေချည်းပဲမို့ အရမ်းကြည့်လို့ကောင်းပါတယ်။ အစိုးရအဖွဲ့အစည်းတစ်ခုဖြစ်တဲ့ R&AW အတွက် အလုပ်လုပ်ကိုင်နေတဲ့ ထိပ်တန်း ထောက်လှမ်းရေးအရာရှိ ကာဘီ ဟာ နိုင်ငံတကာက ထိပ်တန်းခေါင်းဆောင်တွေရဲ့ လျှို့ဝှက်ဒုစရိုက်အဖွဲ့ဖြစ်တဲ့ ကာလီဆိုတဲ့ အဖွဲ့ကို ထောက်လှမ်းဖို့ သူလျှိုဝင်ခဲ့တယ်။ R&AW ဘက်က ကာလီကို သစ္စာဖောက်လို့ သတ်မှတ်ပြီး သူ့ကိုဖမ်းဖို့ အလားတူ အရည်အချင်းရှိတဲ့ ဗစ်ခမ် ကို တာဝန်ပေးလိုက်တယ်။ ဖြစ်ချင်တော့ ကာလီနဲ့ ဗစ်ခမ်က ငယ်ငယ်တုန်းက လမ်းပေါ်မှာ အတူကြီးပြင်းခဲ့ရတဲ့ သူငယ်ချင်းတွေဖြစ်နေခဲ့တယ်။ ဒါဆို သူတို့နှစ်ယောက်က ဘာလို့ ကွဲသွားတာလဲ။ ဒီအကြောင်းရင်းက ဇာတ်လမ်းရဲ့ အဓိက ကျောရိုးဖြစ်ပြီး အရမ်းချစ်ကြတဲ့ သူငယ်ချင်းနှစ်ယောက်ရဲ့ ကံကြမ္မာက ဘယ်လိုတွေ ဆက်ဖြစ်ပြီး ဘယ်လိုတွေအဆုံးသတ်မလဲဆိုတာကို အရမ်းမိုက်တဲ့အက်ရှင်ခန်းတွေနဲ့ ကြည့်လို့အရမ်းကောင်းတဲ့ ဇာတ်ကားလေးပဲဖြစ်ပါတယ်။ ဒီဇာတ်ကားထဲမှာ ကာဘီ အဖြစ် မင်းသား Hrithik Roshan ၊ ဗစ်ခမ် အဖြစ် မင်းသား N. T. Rama Rao Jr နဲ့ ကာဗီရာ အဖြစ် မင်းသမီး Kiara Advani တို့က အဓိက ပါဝင်သရုပ်ဆောင်ထားတာ ဖြစ်ပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Cherry ဖြစ်ပါတယ်။

ကြမ်းရမ်းနေတဲ့ Drama ကနေ မထင်မှတ်ဘဲ ချစ်ဖို့ကောင်းပြီး သဘောကျမိတဲ့ဇာတ်ကားလေးပါ လူသတ်ကားမှ ကြိုက်တယ်ဆိုတဲ့သူတွေရော... အချစ်တွေ၊ အနုအရွတွေမှကြိုက်တယ်ဆိုတဲ့ ပရိတ်သတ်ကြီးရော အတူပေါင်းကြည့်လို့ရပါတယ် ( တကယ်ထင်မထားတဲ့ combo ပါပဲ TT ) " Maadeva 2025 " ပါ ငယ်စဉ်ကတည်းက ဆွေမျိုးတွေရဲ့ ဆိုးဝါးတဲ့နှိပ်စက်မှုကိုခံရပြီး ကြီးလာတော့လည်း ခံစားချက်မရှိ ညှာတာမှုကင်းတဲ့ အကျဉ်းထောင်ရဲ့ကွပ်မျက်သူ မာဒေဝါရဲ့အကြောင်းပါ ခံစားချက်မဲ့တဲ့အတွက် ဘယ်သူ့ကိုမှမကူညီ၊ မသနားဘဲ ကွပ်မျက်ပြီးသားအလောင်းတွေရဲ့ရှေ့မှာတောင် ထမင်းစားဝင်တဲ့သူမျိုးပါ တစ်နေ့ မတရားမှုတစ်ခုကြောင့် မိခင်ဖြစ်သူထောင်ကျသွားတဲ့အတွက် လွတ်မြောက်အောင်ကြိုးပမ်းနေသူ ပါပတီတစ်‌ယောက် ရောက်လာပါတယ် မိခင်ကို နေ့စဉ်ထမင်းပို့ချင်တဲ့အတွက် ကျောက်တုံးလူသားကြီး မာဒေဝါကို အကူညီတောင်းရတဲ့အခါမှာတော့... ကျောက်တုံးကြီးရဲ့နှလုံးသားက ယိုင်နဲ့လာပါ့မလား? သူတို့နှစ်ဦးရဲ့ဆက်ဆံရေးကရော ဘယ်လိုဖြစ်လာမှာလဲ ? ကိုယ်ပြုတဲ့ကံ ကိုယ့်ထံပြန်လာတတ်တဲ့လောကကြီးမှာ မိမိပြုသမျှ မကောင်းမှုတွေကိုပေးဆပ်ရစမြဲပါ မာဒေဝါကရော ဝဋ်ကြွေးတွေပေးဆပ်ရမှာလား? ချစ်စရာ၊ ကြောက်စရာ၊ သနားစရာ၊ ဒေါသထွက်စရာ ခံစားချက်မျိုးစုံပေးနေတဲ့ ဒီဇာတ်ကားကိုတော့ လက်မလွှတ်တမ်းကြည့်ကြဖို့ ညွှန်းပေးလိုက်ရပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ki Ki Chit Su ဖြစ်ပါတယ်

ကျွန်တော်တို့ရဲ့နှလုံးသားထဲမှာ အမှောင်မိုက်ဆုံးနေရာတွေအထိ ချစ်ခြင်းတရားက ထိုးဖောက်နိုင်စွမ်းရှိရဲ့လား။ အက်ကွဲကြောင်းတွေထပ်နေတဲ့ ဆက်ဆံရေးတစ်ခုကို ပြန်လည်ပေါင်းစပ်ဖို့အတွက် ဘယ်လိုအင်အားမျိုးတွေ လိုအပ်နိုင်မလဲ။ ဒါရိုက်တာ Jas Summers ရဲ့ "Stay" ရုပ်ရှင်ဟာ သာမန်သရဲကားတစ်ကားအဖြစ်သာမကဘဲ၊ စိတ်ပိုင်းဆိုင်ရာနဲ့ ဝိညာဉ်ရေးရာတွေကိုပါ နက်နက်နဲနဲ မွှေနှောက်ထားတဲ့ အနုပညာဆန်ဆန် ထိတ်လန့်ခြောက်ခြားဖွယ်ရာ ဇာတ်လမ်းတစ်ပုဒ်ဖြစ်ပါတယ်။ ဒီဇာတ်လမ်းကတော့ အိမ်ထောင်ရေးအဆုံးသတ်လုနီးနီးဖြစ်နေတဲ့ စုံတွဲတစ်တွဲအကြောင်းပါ။ သူတို့ရဲ့ချစ်ခြင်းမေတ္တာတွေ တစ်စစီပြိုကွဲနေချိန်မှာပဲ သူတို့နေထိုင်ရာအိမ်က သူတို့ကို အပြင်မထွက်နိုင်အောင် ထူးဆန်းတဲ့စွမ်းအားတွေနဲ့ ထောင်ချောက်ဆင်လာတဲ့အခါ...။ အပြင်ကမ္ဘာနဲ့ အဆက်အသွယ်ပြတ်တောက်သွားပြီး အိမ်ထဲမှာ ပိတ်မိနေတဲ့ သူတို့နှစ်ယောက်ဟာ တစ်ယောက်နဲ့တစ်ယောက် ရင်ဆိုင်ဖြေရှင်းရုံသာမကဘဲ၊ အိမ်ကြီးကိုစိုးမိုးထားတဲ့ သဘာဝလွန်စွမ်းအားတွေကိုပါ အံတုဖို့ ကြိုးစားရပါတော့တယ်။ "Stay" ရုပ်ရှင်ဟာ ရုတ်တရက်ထခုန်လန့်စေတဲ့ ခြောက်လုံးခြောက်ကွက်တွေထက် ပိုမိုနက်ရှိုင်းပါတယ်။ ဒါရိုက်တာက အိမ်ကြီးရဲ့အမှောင်ထုကို ပုံဖော်ရင်း၊ ဇာတ်ကောင်တွေရဲ့ စိတ်အတွင်းထဲမှာ ကိန်းအောင်းနေတဲ့ "အရိပ်" တွေကိုပါ ပရိသတ်ဆီ ဆွဲထုတ်ယူလာခဲ့တယ်။ တစ်ယောက်နဲ့တစ်ယောက်ကြားက မယုံကြည်မှုတွေ၊ နောင်တတွေ၊ ထုတ်မပြောဖြစ်ခဲ့တဲ့ စကားလုံးတွေက အပြင်ဘက်က သရဲတစ္ဆ

ဒီဇာတ်လမ်းက ဘောလုံးအားကစားသမားတစ်ယောက်ဖြစ်ဖို့ ကြိုးစားနေတဲ့ လူငယ်တစ်ယောက်အကြောင်းပါ ကင်မရွန်လို့ခေါ်တဲ့ ဒီလူငယ်ဟာ အမေရိကန်ဘောလုံးမှာ ထိပ်တန်းဖြစ်ဖို့ ပြင်းပြင်းထန်ထန်လေ့ကျင့်နေရပါတယ် သူ့ရဲ့လေ့ကျင့်ရေးဆရာ ဇေးက သူ့ကို ကွင်းထဲမှာ စွမ်းရည်ထက်မြက်ဖို့သာမက စိတ်ဓာတ်ပိုင်းမှာလည်း သန်မာအောင် တွန်းအားပေးပါတယ် ဇာတ်လမ်းမှာ အင်ဒီယန်ကလေးတွေ ဘောလုံးကစားနည်းသစ်တွေ ဖန်တီးခဲ့ပုံ၊ ဂိမ်းက ရက်စက်လာပြီး သမ္မတကိုယ်တိုင် ဝင်ရောက်ပြင်ဆင်ခဲ့ရပုံတွေကို ပြန်လည်ပြောပြထားပါတယ် ကင်မရွန်ကို ဖုန်းမသုံးဖို့၊ အာရုံထွေပြားမှုတွေကို ဖယ်ထားပြီး ဘောလုံးကိုပဲ အာရုံစိုက်ဖို့ ဇေးက သတိပေးပါတယ် ဒါက သူ့အတွက် တပ်သားစခန်းတစ်ခုလို ပြင်းထန်တဲ့စမ်းသပ်မှုတစ်ခုပါ ကင်မရွန်ဟာ ကိုယ်လက်စစ်ဆေးမှုတွေ ဒဏ်ရာဟောင်းတွေအကြောင်း ဆွေးနွေးမှုတွေနဲ့ ကြုံရပြီး သူ့ရဲ့မိသားစုက သူ့အတွက် စွန့်လွှတ်အနစ်နာခံခဲ့တာတွေကို ပြန်တွေးမိပါတယ် ဇေးက သူ့ကို ပြင်ပအားပေးမှုတွေထက် အတွင်းစိတ်က တွန်းအားတစ်ခုကို ရှာဖွေဖို့ တိုက်တွန်းပါတယ် ဒါဟာ ဂိမ်းကို ကျော်လွှားပြီး အောင်မြင်မှုရဖို့ အရေးကြီးတယ်လို့ ဆိုပါတယ် တစ်ဖက်မှာလည်း ကင်မရွန်ဟာ ပြိုင်ဆိုင်မှုတွေ၊ ပြင်းထန်တဲ့လေ့ကျင့်မှုတွေနဲ့ ရင်ဆိုင်ရပြီး သူ့ရဲ့ခံနိုင်ရည်နဲ့ စိတ်ဓာတ်က စမ်းသပ်ခံရပါတယ် အသင်းပိုင်ရှင်တွေကို သူ့စွမ်းရည်ပြသဖို့ ကြိုးစားရင်း သူ့ရဲ့အိပ်မက်တွေကို အကောင်အထည်ဖော်ဖို့ ရုန်းကန်ရပါတယ် ဒီဇာတ်လမ်းဟာ အား

Oscar မင်းသား Cillian Murphy ရဲ့ mental breakdown ဖြစ်နေတဲ့ ဆရာတစ်ယောက်အဖြစ် ပီပီပြင်ပြင်သရုပ်ဆောင်ထားတဲ့ ရုပ်ရှင်ဖြစ်ပါတယ်။ အစပိုင်းဇာတ်ဝင်ခန်းတွေမှာ ဘာမှန်းမသိ ကြည့်ရတာ ဗြောင်းဆန်သလိုဖြစ်ပေမယ့် တဖြည်းဖြည်းနဲ့ ဆွဲခေါ်သွားမယ့် Drama အမျိုးအစားပါ။ စတိဖ်က ကျောင်းအိပ်ကျောင်းစားနေရတဲ့ ပြင်ပကျောင်းက ဆရာတစ်ဦးဖြစ်ပြီး သူသင်ပေးရတဲ့ကျောင်းက တကယ့်ဆိုးသွမ်းလူငယ်ယောကျာ်းလေးတွေ ဇိုးတွေကို ထိန်းကျောင်းပေးရတဲ့ကျောင်းဖြစ်ပါတယ်။ စတိဖ်ကိုယ်တိုင်က မတော်တဆမှုတစ်ခုကြောင့် စိတ်ဒဏ်ရာရနေပေမယ့် မိဘဆွေမျိုးတွေက စွန့်ပစ်ထားတဲ့ ကောင်လေးတွေကို သံယောစဉ်ဖြစ်ပြီး တတ်နိုင်သလောက် ကယ်တင်ချင်တဲ့သူပါ။ လူဆိုးတွေချည်းစုထားတဲ့နေရာဆိုတော့ ထစ်ကနဲရှိ ရန်ပွဲတွေ ပြဿနာတွေနဲ့ တစ်နေ့တစ်နေ့ အေးဆေးတဲ့နေ့ကိုမရှိပါဘူး။ စတိဖ်လိုပဲ ဒီကျောင်းက ဆရာဆရာမဝန်ထမ်းတွေက စေတနာနဲ့ဝါသနာကြောင့်သာ ဆက်လုပ်နေကြတာပါ။ အကျပ်အတည်းတွေဖြစ်နေတဲ့ကြားက အကျိုးမရှိဘူးဆိုပြီး အခွန်ပေးနေရတဲ့ပြည်သူတွေ ဝေဖန်ရေးသမားတွေကြောင့် ကျောင်းကိုပိတ်ဖို့ အခြေအနေဖြစ်လာတဲ့အခါ စတိဖ်တစ်ယောက် ကူကယ်ရာမဲ့နေတဲ့ ကလေးတွေကို ဘယ်လိုဆက်ကူညီရမလဲဆိုပြီး ပူပန်သောကရောက်နေတာကို မြင်ရမှာပါ။ ဇာတ်ကားနာမည်က Steve ဆိုပေမယ့် တကယ်တမ်း ဆရာတွေနဲ့ ကျောင်းသားတွေကြားက ဆက်ဆံရေးနဲ့ ဂရုစိုက်ပုံတွေ လမ်းမှားရောက်သွားတဲ့ ကလေးတွေဘက်ကအမြင်တွေကိုပါ အင်တာဗျူးသဘောမျိုး ထည့်ထားပါတယ်။ ဒီဇာတ်ကားကိုအညွန်းနဲ့ဘာသာပြန

ဒီဇာတ်ကား​လေးက​တော့ ​အတူ​နေအစ်မလင်မယား ​ရှေ့ဆင့်​နောက်ဆင့်ဆုံးပါးသွားလို့ ကျန်ခဲ့တဲ့ တူ၊တူမ​လေး​တွေကို ​စောင့်​ရှောက်​ပေးဖို့ဖြစ်လာတဲ့ ဦး​လေးနဲ့တူ၊တူမ​လေး​တွေရဲ့ ဘဝသရုပ်​ဖော်ဇာတ်လမ်း ဖြစ်ပါတယ်။ မို့ကိုဟာ အစ်မဖြစ်သူလင်မယားနဲ့အတူ​နေထိုင်ရင်း ​ကျောင်းတက်​နေရတဲ့ ဗိသုကာ​ကျောင်းသားဖြစ်ပါတယ်။ ငယ်စဥ်ကတည်းက စာ​​​တော်သူမို့ ပညာသင်ဆုရကာ မဟာဘွဲ့ဆက်တက်ခွင့်ရဖို့ ကြိုးစား​နေသူပါ။ တ​နေ့ အစ်မဖြစ်သူတို့လင်မယား ​ရှေ့ဆင့်​နောက်ဆင့်ကွယ်လွန်သွားရာက​နေ တူ၊တူမ​လေး​​​တွေကို တာဝန်ယူ​​စောင့်​ရှောက်​ပေးဖို့ဖြစ်လာပါတယ်။ ​မွေးကင်းစက​လေးငယ်​လေးနဲ့ ဆယ်​ကျော်သက်အရွယ်တူ၊တူမ​လေး​တွေနဲ့ ဘဝကိုရုန်းကန်ရပုံအ​ကြောင်းကို ​ရိုက်ကူး​ပေးထားတဲ့ အင်ဒိုနီးရှားဒရမ်မာကား​လေး ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

ဒီတစ်ခါမှာတော့ IMdb 7.8 အထိရရှိထားပြီး ၂၀၂၅ ကမှ ထွက်ရှိထားတဲ့ Sah Katanya ဆိုတဲ့ အင်ဒိုနီးရှားရုပ်ရှင်ကားကောင်းလေးကို ဘာသာပြန်တင်ဆက်ပေးလိုက်ပါတယ်။ ရုပ်ရည်ချောမောတဲ့အပြင် သဘောမနောကောင်းတာကြောင့် ပိုးပန်းသူများပေမဲ့ ပိုက်ဆံရှိသူထက် စိတ်ထားကောင်းတဲ့သူကိုပဲ ချစ်သူရည်းစားတော်ထားပြီး မြို့ငယ်လေးမှာ အေးအေးချမ်းချမ်းနေထိုင်နေတဲ့ Mar ဆိုတဲ့ ကောင်မလေး....။ ရိုးသားကြိုးစားပေမဲ့ အမြဲ သူများကို လွယ်လွယ် ကူညီတတ်တာကြောင့် ဘယ်တော့မှ ပိုက်ဆံမစုဖြစ်ပေမဲ့ လူချစ်လူချင်များတဲ့ Mar ရဲ့ကောင်လေး Ardi....။ သူတို့နှစ်ယောက်ရဲ့ ချစ်ခရီးဟာ သာသာယာယာရှိပေမဲ့ တစ်နေ့ Mar အဖေ ရုတ်တရက်ဆုံးသွားတဲ့အခါ အခြေအနေတွေက ရုတ်ချည်းပြောင်းလဲသွားခဲ့ပါတယ်။ Mar တစ်ယောက် သူ့အဖေရဲ့ သေတမ်းစာထဲကအတိုင်း သူစိမ်းတစ်ယောက်နဲ့ လက်ထပ်ဖို့ ဖြစ်လာတဲ့အခါမှာတော့.....။ Mar နဲ့ Ardi တို့ ဘယ်လိုရှေ့ဆက်ကြမလဲ ၊ Mar ကရော ဘယ်သူနဲ့ လက်ထပ်ရမလဲဆိုတာကို ဟာသလေးတွေနှောပြီး ရိုက်ကူးထားတဲ့ ဒီရုပ်ရှင်လေးမှာ ပေါ့ပေါ့ပါးပါးကြည့်ရှုရမှာဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Vicky ဖြစ်ပါတယ်

ဒီဇာတ်လမ်းလေးကတော့ မိဘနဲ့ သားသမီးကြားက ချစ်ခြင်းမေတ္တာကို ဖော်ကျူးထားတဲ့ ဇာတ်လမ်းလေးပါ။ အသက်ကြီးမှ ကလေးရခဲ့တဲ့ ကိုဒန်ဒါတို့ လင်မယားက လူတွေရဲ့လှောင်ပြောင်မှုကို ရှောင်ဖို့ အဝေးကို ထွက်သွားပြီး အာဘီ ဆိုတဲ့ သားလေးကို မွေးခဲ့ပေမဲ့ မိခင်ကတော့ မွေးပြီးပြီးချင်း ဆုံးပါးသွားခဲ့တယ်။ ကိုဒန်ဒါက အာဘီကို ချစ်လွန်းလို့ ချုပ်ချယ်သလိုဖြစ်လာတဲ့အခါ အရွယ်ရောက်လာတဲ့ အာဘီဟာ အဖေ့အရိပ်အောက်က ရုန်းထွက်ဖို့ ကြိုးစားခဲ့တယ်။ အာဘီတစ်ယာက် ကျောင်းပြီးလို့ အလုပ်သင်အနေနဲ့ ဝင်ရတဲ့ကုမ္ပဏီရဲ့ CEO မမနဲ့ အလုပ်စဝင်တဲ့နေ့မှာ အမြင်စောင်းစရာတွေဖြစ်ခဲ့တယ်။ CEO မမက အာဘီတို့ မိသားစုနဲ့ ပတ်သက်မှုရှိနေတာ သိသွားတဲ့ အာဘီတစ်ယောက် ဘာတွေလုပ်မလဲ။ CEO မမက အာဘီတို့နဲ့ ဘယ်လိုပတ်သက်တာလဲ ဆိုတာကို ထင်မထားတဲ့ လှည့်ကွက်တွေနဲ့အတူ အာဘီအဖေရဲ့ မေတ္တာတရားကြီးမားပုံနဲ့တကွ ကြည့်ရှုရမယ့် ဇာတ်ကားလေးပဲဖြစ်ပါတယ်။ ဒီဇာတ်ကားမှာ အာဘီ အဖြစ် မင်းသား Kireeti Reddy နဲ့ စပေါ်တီအဖြစ် မင်းသမီး Sreeleela တို့က အဓိက ပါဝင်သရုပ်ဆောင်ထားတာဖြစ်ပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Cherry ဖြစ်ပါတယ်။

ဒီဇာတ်ကားလေးကတော့ ခရိုနီလူတစ်စုက တောင်တန်းဒေသမှာ ဆေးခြောက်လုပ်ငန်းကို ဒေသခံတောင်တန်းသားတွေအပေါ် ခေါင်းပုံဖြတ်ပြီး အမြတ်ကြီးစားနေတဲ့ အကြောင်းပဲဖြစ်ပါတယ်။ မူယစ်ဆေးတိုက်ဖျက်ပေးရမယ့် ရဲတွေကလည်း နောက်ကွယ်မှာ ခရိုနီတွေရဲ့ လက်ပါးစေဖြစ်နေတယ်။ ဒေစီရာဂျူး နဲ့ ရှီလဗာသီ တို့ချစ်သူနှစ်ဦးက တောင်တန်းသားတွေဆိုပေမယ့် ဆေးခြောက်အလုပ်ကို မလုပ်ဘဲ မြို့ပေါ်မှာ လုပ်ကိုင်စားသောက်နေတယ်။ တန်ဖိုးရှိတဲ့ ဆေးခြောက်ရဲ့ အကျိုးအမြတ်တွေကို ခရိုနီတွေက အကျိုးခံစားရပေမယ့် တကယ်စိုက်ပျိုးပြီး သယ်ပို့ရတဲ့ ဒေသခံ တောင်တန်းသားတွေရဲ့ဘဝကတော့ ဆင်းရဲတွင်းက ရုံးမထွက်နိုင်ဆဲပါပဲ။ ရှီလဗာသီတို့ချစ်သူနှစ်ဦးက တောင်တန်းသားတွေရဲ့ အနာဂတ်အတွက် ထိုဒေသကိုပြန်လာပြီး ဘယ်လိုတွေ စီမံမလဲ။ အင်အားကြီးတဲ့ ခရိုနီတွေကို ရင်ဆိုင်ရမယ့်အတွက် ဘာတွေပေးဆပ်ရမလဲ။ ဘယ်လို ဒုက္ခတွေ ကြုံတွေ့ရမလဲဆိုတာကို ဒေသခံတွေရဲ့ သနားစရာဘဝလေးတွေကို ပေါ်လွင်စွာ ပြသထားတဲ့ ဇာတ်လမ်းလေးပဲ ဖြစ်ပါတယ်။ ဒီဇာတ်ကားမှာ ဒေစီရာဂျူး အဖြစ် မင်းသား Vikram Prabhu နဲ့ ရှီလဗာသီ အဖြစ် မင်းသမီး Anushka Shetty တို့က အဓိက ပါဝင်သရုပ်ဆောင်ထားတာ ဖြစ်ပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Cherry ဖြစ်ပါတယ်။

Paramedic (ဆေးဘက်အကူ)တစ်ယောက်ရဲ့ ဘဝနဲ့ အခက်အခဲတွေကို လက်တွေ့လောကနဲ့ယှဉ်ပြီး အပြည့်အစုံ သရုပ်ဖော်ထားတဲ့ ရုပ်ရှင်ဖြစ်ပြီး Rating ကောင်းတာမို့ သေချာကြည့်သင့်ပါတယ်။ ရန်ဒီဟာ လုပ်သက်တော်တော်ကြာနေပြီဖြစ်တဲ့ အရေးပေါ် ဆေးဘက်ဆိုင်ရာဝန်ဆောင်မှုက ဆေးအကူတစ်ယောက်ဖြစ်ပြီး 24-နာရီအဆိုင်းနဲ့ နေ့စဉ် သေလုမျောပါးလူနာတွေကို အရေးပေါ်ကုပေးပြီး ဆေးရုံကို ခေါ်သွားပေးရပါတယ်။ ရန်ဒီတို့အလုပ်က Code 3(အရေးပေါ်အခြေအနေ Level အမြင့်ဆုံး) တွေပဲများတဲ့အတွက် ကိုယ့်လက်ထဲမှာ လူနာသေသွားတဲ့အခါ စိတ်ဒဏ်ရာတွေ ပုံရိပ်တွေက တစ်သက်လုံး ခေါင်းထဲစွဲကျန်နေတော့တာပါ။ ဒီကြားထဲ ဆရာဝန်တွေ သူနာပြုတွေက အဖက်မတန်သလို နှိမ်တာ အာဏာပြတာတွေပါ ခံရလို့ ရန်ဒီက သူ့အလုပ်ကြီးကို စိတ်ကုန်နေပါပြီ။ ဒါကြောင့်ပဲ ရန်ဒီက အလုပ်ပြောင်းဖို့ ထွက်စာတင်ပြီး သူ့နောက်ဆုံးနေ့ အလုပ်ဆင်းဖို့ပြင်ပါတယ်။ အဲဒီမှာပဲ သူတို့ field ထဲက ကွင်းဆင်းကျောင်းသူနဲ့ အတူသွားရပါတယ်။ ဒီကျောင်းသူက ဉာဏ်ကောင်းပြီး သိချင်စိတ်များတဲ့အတွက် တစ်နေ့လုံးကြုံရသမျှ အရေးပေါ်တွေမှာ ရန်ဒီကို မေးမြန်းနေခဲ့ပါတယ်။ လူနာမျိုးစုံ အကြောင်းအရာမျိုးစုံဆိုတော့ ဖြေရှင်းနည်းကလည်း အခြေအနေလိုက်ပြီး အမျိုးမျိုးပါပဲ။ နောက်ဆုံးမှာ စနစ်ကို ဘယ်လောက်ပဲမကြိုက်ပါစေ paramedic အလုပ်နဲ့ တစ်သားတည်းဖြစ်နေတဲ့ ရန်ဒီက သူ့အလုပ်ကို မစွန့်လွှတ်နိုင်ဘဲ ပြန်လာမှာပါ။ အလုပ်အပင်ပန်းဆုံးနဲ့ လခအနည်းဆုံးဖြစ်တဲ့ ဆေးအကူတွေရဲ့ စိတ်ပင်ပန်းမှ

ဒီတစ်ခါမှာလည်း အက်ရှင်ဇာတ်ကားကောင်းတစ်ကားထွက်ရှိလာပြန်ပါပြီ။ ဒီကားမှာတော့ Squid Gameထဲက မင်းသား Im Si Wan, မင်းသမီး Park Gyu Youngနဲ့အတူ မင်းသားကြီး Jo Woo Jin, Sul Kyung Guတို့က အကြမ်းစားအက်ရှင်တွေနဲ့ပါဝင်သရုပ်ဆောင်ထားကြပါတယ်။ ကြေးစားလူသတ်လုပ်ငန်းမှာ ဟန်အူ ဆိုတဲ့ကောင်လေးက နာမည်ကြီးတစ်ယောက်ပါပဲ။ သူ့မှာ ဓားခုတ်ကောင်ဆိုတဲ့ နာမည်ပြောင်လည်းရှိပါတယ်။ သူအလုပ်လုပ်နေတဲ့ MK လုပ်ငန်းမှာ ကိုယ်စားလှယ်ချာမင်ဂယူ သေဆုံးသွားပြီးတဲ့နောက်ပိုင်း ကိုယ့်ဘာသာ ကုမ္ပဏီထူထောင်ဖို့ ကြေးစားလူသတ်သမားဖြစ်တဲ့ သူ့သူငယ်ချင်းမလေး ဂျယ်အီနဲ့အတူ ကုမ္ပဏီစထောင်ခဲ့ရင်း သူတို့ကြားမှာ စိတ်ဝမ်းကွဲမှုနဲ့ ပဋိပက္ခတွေဖြစ်လာခဲ့တဲ့အချိန် ဘယ်လိုဖြစ်ရပ်တွေ ဆက်ဖြစ်လာမလဲဆိုတာကတော့... ဒီကားကို အညွှန်းနဲ့ ဘာသာပြန်ဆိုသူက Huihui ဖြစ်ပါတယ်။

ဒီဇာတ်ကား​လေးက​တော့ ​၂၀၁၆ ခုနှစ် အင်ဒိုနီးရှားနိုင်ငံ ဆာမာရင်းဒါဗုံး​ပေါက်ကွဲမှုကို ကိုးကားထားပါတယ်။ ပန်ဒူဆိုသူ ရဲအရာရှိဟာ မိန်းမဖြစ်သူ​ဆုံးပါးသွားပြီး သမီးဖြစ်သူ အိုလီဗီယာကို တကိုယ်​တော်ဖခင်အ​နေနဲ့ ပြုစု​စောင့်​ရှောက်​နေသူပါ။ ရဲဝန်ထမ်းဖြစ်လို့ သမီး​လေးကို အချိန်မပေးနိုင်ပဲ အလုပ်​တွေနဲ့ရှုပ်​နေသူ ဖြစ်ပါတယ်။ တ​နေ့ ​ကော်ဖီဆိုင်ဗုံး​​ပေါက်ကွဲမှု​နောက်ကို လိုက်စုံစမ်းရာက​နေ အ​သေခံဗုံးခွဲဂိုဏ်းတစ်ခုနဲ့ ပတ်သက်​​နေ​ကြောင်း သိလိုက်ရချိန်.....ဖြစ်ရပ်မှန်ဇာတ်လမ်းကို အ​ခြေခံထားတဲ့ ဇာတ်ကားဖြစ်လို့ ရဲစုံ​ထောက်ကားကြိုက်နှစ်သက်သူများအတွက် ​ရွေးချယ်သင့်တဲ့ ဇာတ်ကား​ကောင်း​လေး ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

ဒီတစ်ခါမှာတော့ သည်းထိတ်ရင်ဖို horror ကားတွေကို ကြိုက်နှစ်သက်တတ်တဲ့သူတွေအတွက် ၂၀၂၅ မှာမှ ထွက်ရှိထားတဲ့ Dasim ဆိုတဲ့ အင်ဒိုနီးရှား horror ကားလေးကို ဘာသာပြန်တင်ဆက်ပေးလိုက်ပါတယ်။ အိမ်ထောင်သက်တမ်း ၆ လပဲရှိသေးတဲ့ Arman နဲ့ Salma တို့ ကြင်စဦးမောင်နှံနှစ်ယောက်ဟာ တစ်ယောက်နဲ့တစ်ယောက် အရမ်းချစ်ကြသူတွေဖြစ်တာကြောင့် အများအမြင်မှာရော အိမ်ထောင်ရေးမှာပါ သာသာယာယာနဲ့ အစစအရာရာ အဆင်ပြေချောမွေ့နေခဲ့ပါတယ်။ ဒါပေမဲ့ Salma တစ်ယောက် ကိုယ်ဝန်စလွယ်ရတဲ့ အချိန်မှာတော့ ညတိုင်းလိုလို လေးလဆက်တိုက် အိမ်မက်ဆိုးတွေ မက်ပါတော့တယ်။ ဒီလိုနဲ့ Salma တစ်ယောက် အိမ်ထဲမှာ တစ်ယောက်တည်းနေရတာကို မသိုးမသန့်ဖြစ်လာပြီး မမြင်နိုင်တဲ့ အရာတစ်ခုခုက သူတို့နဲ့အတူ အိမ်ထဲမှာရှိနေတယ်လို့ ခံစားရတာကြောင့် လင်မယားနှစ်ယောက်လုံး Arman ရဲ့ အမေဖြစ်သူအိမ်ကို ပြောင်းနေခဲ့ကြပါတယ်။ ဒါပေမဲ့ လူလေးယောက်တောင်ရှိတဲ့ အဲဒီအိမ်မှာလည်း Salma ရဲ့ အိမ်မက်ဆိုးတွေက ပျောက်မသွားဘဲ ထူးထူးဆန်းဆန်း အဖြစ်အပျက်တွေကို အိမ်သားတွေပါ ကြုံလာရတဲ့ အခါ......။ ဒီကြောက်စရာကောင်းတဲ့ သဘာဝလွန်အဖြစ်အပျက်တွေရဲ့ နောက်ကွယ်မှာ ဘယ်လိုအရာတွေ ရှိနေတယ်ဆိုတာကို ဒီရုပ်ရှင်လေးကို ကြည့်ရင်း အဖြေရှာလိုက်ရအောင်ပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Vicky ဖြစ်ပါတယ်

ဇာတ်ကားကတော့ အက်ရှင်ဒရာမာပါပဲ၊ Orlando Bloom က ခေါင်းဆောင်မင်းသားလုပ်ထားတာ။ ဇာတ်လမ်းက ဒီလိုဗျ၊ နာမည်မရှိတဲ့ ဘောက်ဆာတစ်ယောက်က ဆယ်စုနှစ်ကြာ အငြိမ်းစားယူခဲ့ပြီး၊ ရုတ်တရက် ချန်ပီယံ ပွဲအတွက် နောက်ဆုံး အခွင့်ကောင်း ရလိုက်တယ်။ ဒါပေမယ့် ပြဿနာက သူ အလေးချိန်ကို လျှော့ရမယ်၊ တစ်ပတ်အတွင်း ပေါင် ၃၀ လောက် လျှော့ရမယ်ဆိုတော့ လက်နက်မပါတဲ့ ရာဇဝတ်မှု လို့ ခေါ်တဲ့ အန္တရာယ်ရှိတဲ့ လေ့ကျင့်ရေး ပရိုဂရမ်ကို စတင်ရတယ်။ မယုံကြည်ရတဲ့ နည်းပြတစ်ယောက်ရဲ့ အကူအညီနဲ့ လက်စ်ဗီးဂတ်စ် ဟိုတယ်အခန်းတစ်ခုမှာ ပိတ်နေရင်း ရုန်းကန်ရတာ ကြည့်ရတယ်။ အစားအသောက် မစားဘဲ ရေမသောက်ဘဲ၊ ဆေးသောက်ပြီး ကိုယ့်ကိုယ်ကို ညှင်းပန်းရင်း စိတ်ရောကိုယ်ရော ပျက်စီးလာတာ၊ လက်စ်ဗီးဂတ်ရဲ့ မီး တောက်ပတာ နဲ့ အချိန်ကန့်သတ်ချက် က တကယ့်ထိတ်လန့်စရာကောင်းပါတယ်။ ဘောက်ဆာဘဝရဲ့ဆုံးရှုံးမှုနဲ့ ပြန်လည်ရှင်သန်ဖို့ ကြိုးစားရတယ်၊ ဒါပေမယ့် ဘယ်လိုအဆုံးသတ်မလဲဆိုတာက ရင်ခုန်စရာကောင်းပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Kim ဖြစ်ပါတယ်

ကိုယ်အယုံကြည်ဆုံးလူဆီကနေ သစ္စာဖောက်ခံရတဲ့ ခံစားချက်ကို အသက်နဲ့ရင်းပြီး ကြုံတွေ့ရတဲ့ ဟောလီးဝုဒ်စတား လော်ရန်လိန်းဆိုတဲ့ မိန်းကလေးရဲ့ ဇာတ်လမ်းဖြစ်ပါတယ်။ လော်ရန်က အသက်ရှစ်နှစ်အရွယ်တည်းက သရုပ်ဆောင်လုပ်ခဲ့ပြီး လူကြိုက်များတဲ့ တီဗီရှိုးကတစ်ဆင့် နာမည်ကျော် ဟောလီးဝုဒ်မင်းသမီး ဖြစ်လာပါတယ်။ သူတို့လောကထုံးစံအတိုင်း နောက်ကွယ်မှာတော့ အဲဒီရှိုးထဲက အဖေနေရာသရုပ်ဆောင်တဲ့ အိမ်ထောင်သည်မင်းသားကြီးနဲ့ လော်ရန်က ဖောက်ပြန်နေတာပါ။ ကံဆိုးပြီး လော်ရန်ရဲ့ဖုန်း hack ခံရလို့ အချက်အလက်တွေ ပေါက်ကြားကုန်တဲ့အပြင် ကိုယ်ဝန်ရှိကြောင်း positive ဖြစ်နေတဲ့ စမ်းသပ်တံပုံပါ leak ဖြစ်သွားတော့ ပွဲဆူသွားပါတယ်။ Scandal ကြောင့် တောထဲက Airbnb မှာ ခဏလာရှောင်တဲ့ လော်ရန်က သူယုံကြည်တဲ့လူ သစ္စာဖောက်တာအပြင် ဘယ်လို ဘေးအန္တရာယ်တွေ ကြုံဦးမလဲဆိုတာ ဆက်လက်အားပေးကြပါဦး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

၁၇ ရာစု မဂိုအင်ပါယာရဲ့ တန်ခိုးအာဏာထွန်းတောက်နေချိန်… ပြည်သူတွေရဲ့ မျှော်လင့်ချက်တို့ မှေးမှိန်နေချိန်မှာ ဒဏ္ဍာရီလာ သူရဲကောင်းတစ်ယောက် ပေါ်ထွက်လာခဲ့ပါတယ်။ သူဟာ ဥပဒေရဲ့အပြင်ဘက်ကနေ ရပ်တည်ပြီး အုပ်စိုးရှင်တို့ရဲ့ မတရားမှုကို ဆန့်ကျင်သူ၊ ဆင်းရဲသားတို့ရဲ့ အားကိုးရာဖြစ်လာသူပါ။ သူ့ရဲ့အဓိကပန်းတိုင်ကတော့ သာမန်မဟုတ်ပါဘူး။ မဂိုဘုရင်ရဲ့ ပလ္လင်ပေါ်က ကမ္ဘာကျော် "ကိုဟီနူး" စိန်ကြီးကို ပြန်လည်ယူငင်ပြီး ပြည်သူတွေအတွက် တရားမျှတမှုကို ဆောင်ကြဉ်းပေးဖို့ ဖြစ်ပါတယ်။ ဒီရည်မှန်းချက်ဟာ သူ့ရဲ့ဓားသွားထက် သူ့ရဲ့ခွန်အားဗလထက် ပိုမိုကြီးမားတဲ့ စိတ်ဓာတ်ကြံ့ခိုင်မှုကို တောင်းဆိုနေပါတယ်။ ဒီဇာတ်လမ်းမှာ အင်အားကြီးမားတဲ့ရန်သူကို လက်နက်နဲ့ ရင်ဆိုင်ရုံသာမက ယုံကြည်ချက်၊ ဇွဲလုံ့လနဲ့ ပြည်သူတွေရဲ့ စိတ်ဓာတ်ခွန်အားကိုပါ အရင်းတည်ပြီး တိုက်ခိုက်ရမဲ့ မော်ကွန်းတစ်ပုဒ်ဖြစ်ကြောင်း ဖော်ညွှန်းနေပါတယ်။ ခမ်းနားတဲ့သမိုင်းနောက်ခံမှာ ရင်ခုန်စရာကောင်းတဲ့ စွန့်စားခန်းတွေနဲ့အတူ အင်ပါယာတစ်ခုလုံးကို တစ်ယောက်တည်း ထိပ်တိုက်ရင်ဆိုင်မဲ့ သူရဲကောင်းတစ်ဦးရဲ့ ဇာတ်လမ်းကို ကြည့်ရှုရမှာ ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Clara Sol ဖြစ်ပါတယ်

ဒီဇာတ်ကား​လေးက​တော့ ​အသစ်ထွက်ထားတဲ့ ထိုင်းဘုန်းကြီးဟာသကား​လေး ဖြစ်ပါတယ်။ ​ပေါ့​ပေါ့ပါးပါးနဲ့ စိတ်အပန်း​ပြေ​​​စေမယ့်​ဖျော်​ဖြေ​ရေး ဇာတ်ကား​လေးပါ။ ဇာတ်လမ်းအစမှာ​တော့ ဦးဇင်းဂျက်တို့ ဘုန်းကြီး​​ကျောင်းက ဘုရားပစ္စည်း​တွေကို သူခိုးဝင်ခိုးရာက​နေ ဇာတ်လမ်းကို အစပြုထားပါတယ်။ သူခိုး​နောက်ကိုလိုက်ဖို့ ဆိုင်ကယ်စီးကျွမ်းတဲ့ ဦးဇင်းဂျက် ကြိုးစားခဲ့​ပေမယ့် မ​အောင်မြင်ပဲ ​သင်္ကန်းဝတ်နဲ့ ဆိုင်ကယ်စီးတာ မသင့်​တော်ဘူးဆိုကာ ကျောင်းထိုင်ဘုန်းကြီးက​နေ လူထွက်ခိုင်းပါ​တော့တယ်။ ဘုန်းကြီးလူထွက် ခွန်ဂျက်တစ်​ယောက် လူဝတ်လဲပြီး ဘန်​ကောက်ကိုတက်လာကာ ဘဝကိုရုန်းကန်ရပုံ၊ ငယ်ဖြူဘုန်းကြီးမို့ ​လောကီ​ရေးရာဘဝနဲ့ အခက်အခဲ​တွေ ရင်ဆိုင်ရပုံကို ဟာသ​နှောရိုက်ကူးထားတဲ့ ထိုင်းဟာသကား​လေး ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်