ရုပ်ရှင်အသစ်များ

မိရိုးဖလာယုံကြည်မှု​တွေဆိုတာ မပယ်ရှား​ကောင်းဘူးဆိုတဲ့အ​ကြောင်းကို ပညာ​ပေးရိုက်ကူးထားတဲ့ အင်ဒို​ဟော်ရာကား​လေးပဲ ဖြစ်ပါတယ်။ အီပွန်းဆိုတဲ့​ကောင်​လေးဟာ ​နေဝင်ရီတ​ရောအချိန်မှာ ​လေမချွန်ရဘူးဆိုတဲ့ အဘွားဖြစ်သူရဲ့သတိ​ပေးစကားကို ​အ​လေးမထားခဲ့မိလို့ သရဲ​​ခြောက်လှန့်ခြင်းကို အကြီးအကျယ်ခံစားရပါ​​တော့တယ်။ ဒီပြဿနာရဲ့အစက​တော့ သူတို့​နေထိုင်တဲ့ရွာအနီးမှာ လူသူကင်း​ဝေးတဲ့​တောလမ်း​တစ်​နေရာရှိပြီး ငှက်ဖမ်းသွားတဲ့ ပီတီဆိုသူကို မမြင်အပ်တဲ့အရာတစ်ခုက ဖမ်းစားပြီး ပြုစားခံလိုက်ရပါတယ်။ မိန်းမဖြစ်သူကလည်း ခင်ပွန်းသည်ကို ကယ်ဆယ်ဖို့ နည်းလမ်းအစုံကြိုးစားရင်းက​နေ အီပွန်းတို့​မြေးအဘိုးနဲ့ ဘယ်လို​ပတ်သက်ဆက်နွယ်​နေကြမလဲ၊ အီပွန်းကို ​ခြောက်လှန့်​နေတဲ့အရာ​တွေက ဘယ်က​ရောက်လာတာလဲ၊ အီပွန်းက​ရော လူစားလဲခံရမယ့် အန္တရာယ်က​နေ ဘယ်လိုရုန်းထွက်နိုင်မလဲဆိုတာကို ထိတ်လန့်ဖွယ်ဇာတ်ဝင်ခန်း​တွေနဲ့အတူ ခံစားကြည့်ရှုရမှာ ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

အရမ်းစိတ်ဝင်စားဖို့ကောင်းတဲ့ မှုခင်းကားလေးပါ။ မိန်းကလေးတွေကို ဆေးထိုးသတ်ပြီး တစ်ကိုယ်လုံးမည်းသွားတဲ့အလောင်းကို အမှိုက်ပုံထဲမှာ ပစ်ထားတဲ့ ကွင်းဆက်လူသတ်ကားပါ။ ဒရုဆိုတဲ့ ရဲအရာရှိရဲ့သမီးလည်း အဲ့လိုအသက်ခံလိုက်ရတယ်။ သမီးစိတ်နဲ့စိတ်ထိခိုက်နေတဲ့ ဒရုက ရဲအလုပ်ကနုတ်ထွက်ဖို့ စာတင်ထားချိန်မှာ အလားတူ လူသတ်မှုတစ်ခု ထပ်ဖြစ်ခဲ့တယ်။ ဒရုလည်း လူသတ်သမားကိုတွေ့အောင်ရှာဖို့ဆုံးဖြတ်လိုက်တယ်။ အမှုက သက်သေရဖို့အရမ်းခက်ခဲနေချိန်မှာ ထူးဆန်းတဲ့ သံသယရှိဖွယ်ကောင်လေးတစ်ယောက် (အာရိဗု)ကို အခင်းဖြစ်တဲ့ညက စီစီတီဗီထဲမှာတွေ့လိုက်တယ်။ အာရိဗုမှာ ထူးဆန်းတဲ့မှတ်ဉာဏ်စွမ်းအား ရှိတယ်။ အမှုရဲ့သဲလွန်စကို အာရိဗုရဲ့ စိတ်လွှင့်စွမ်းအားနဲ့ ရှာတွေ့ခဲ့ချိန်မှာ လူသတ်သမားက လုံးဝထင်မှတ်မထားတဲ့သူ ဖြစ်နေတယ်။ လူသတ်သမားက ဘယ်သူဖြစ်မလဲ ဘာကြောင့်သူတို့ကို သတ်လိုက်တာလဲဆိုတာကို စိတ်ဝင်တစားနဲ့ကြည့်လို့ကောင်းမယ့် ဇာတ်ကားလေးဖြစ်ပါတယ်။ ဒီဇာတ်ကားမှာ ရဲအရာရှိဒရုအဖြစ် မင်းသား Vijay Antony ၊ အာရိဗုအဖြစ် မင်းသား Ajay Dhishan ၊ ရမ်မီယာအဖြစ် မင်းသမီး Deepshikha နဲ့ ရဲစုံထောက်ဆရူသီအဖြစ် မင်းသမီး Brigida Saga တို့က ပါဝင်သရုပ်ဆောင်ထားတာဖြစ်ပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Cherry ဖြစ်ပါတယ်။

အထူးတပ်ဖွဲ့တစ်ဖွဲ့ တိုက်ပွဲပြင်းထန်နေချိန်၊ သူတို့အပေါ်ကို အာကာသယာဉ်ပျံကြီးတစ်ခု ရောက်လာပြီး သူတို့အားလုံးကို ဆွဲခေါ်တင်သွားပါတော့တယ်။ အချိန်တွေဘယ်လောက်ကြာသွားတယ်ကို မသိရဘဲ သူတို့အထူးတပ်ဖွဲ့တစ်ဖွဲ့လုံး ယာဉ်ပျံပေါ်ပြန်နိုးထလာချိန်မှာတော့ သူတို့အားလုံး စွမ်းရည်တစ်ခုစီ ပိုင်ဆိုင်သွားကြပါတယ်။ စွမ်းရည်ဆိုတာက ယခင်ရုရှားစကားမတတ်တဲ့လူက ရုရှားစကားကို နားလည်လာတာမျိုး၊ ဂြိုဟ်သားတွေ အချင်းချင်း ဆက်သွယ်တဲ့ စကားတွေကိုတတ်လာတာမျိုး၊ သူတို့ပိတ်မိနေသေးတဲ့ အာကာသယာဉ်ပျံကြီးအကြောင်း တီးမိခေါက်မိ ရှိလာတာမျိုးပါ။ ဒီလိုနဲ့ ယာဉ်ပျံကြီးပေါ်ကနေ လွတ်မြောက်ဖို့အတွက် ကြိုးစားရင်း ဂြိုဟ်သားတွေနဲ့ တိုက်ခိုက်ကြတာကို မြင်တွေ့ရမှာ ဖြစ်ပါတယ်။ ဘယ်သူတွေ ဘယ်လိုလွတ်ကြမလဲ။ ယာဉ်ပျံပေါ်မှာ တခြားဘယ်သူတွေ ပါကြသေးလဲ ဆိုတာကို ရှုစားကြည့်လိုက်ပါဦး။ Sci-fi/ Adventure အမျိုးအစားဖြစ်ပြီး စစ်ကားတွေ အရိုက်များတဲ့ Max Martini က အထူးတပ်ဖွဲ့ခေါင်းဆောင်နေရာက ပါဝင်ထားပါတယ်။ အညွှန်းနဲ့ ဘာသာပြန်ကိုတော့ LYKZ က တင်ဆက်ထားပါတယ်။

ဒီဗယာက ပင်ကိုယ်စရိုက်ကမောက်ကမဖြစ်တဲ့ရောဂါကိုခံစားနေရတာ။ အိမ်က ယောက်ျားခဏခဏပေးစားပေမဲ့ သူ့ရဲ့ဟန်မဆောင်နိုင်တဲ့ရောဂါကြောင့် အမြဲတမ်းမျက်နှာပျက်ရတော့ အိမ်ကလည်းစိတ်ညစ်လာတယ်။ အာနန်ကအရင်ကောင်မလေးကြောင့် စိတ်ထိခိုက်ခံစားရပြီး အနာဂတ်ပျောက်နေသူပေါ့။ အိမ်ကမိသားစုကပညာတတ်အသိုင်းဝိုင်းဆိုတော့ အာနန်ရဲ့အဖေကလည်း အမြဲတမ်းမူးရူးနေတဲ့အာနန့်ကိုစိတ်ပျက်လာတယ်။ အဲဒါနဲ့အကျင့်ဆိုးတွေပျောက်သွားအောင် ထုံးစံအတိုင်း မိန်းမပေးစားလိုက်ပါတယ်။ တစ်ဘက်မှာ ကားမောင်းရင်းအိပ်ငိုက်မိလို့ တစ်ဘဝလုံးထိန်းသိမ်းလာတဲ့သိက္ခာတွေ ကျသွားခဲ့ရတဲ့ဗာရာဒါက အက်ဆီးဒင့်ဖြစ်ပြီးနောက်ပိုင်း အချိန်ခဏလောက်စကားမပြောနိုင်ဖြစ်ခဲ့ပါတယ်။ အာနန်နဲ့ဒီဗယာတို့အိမ်ထောင်ကျပြီးတော့ ကလေးတစ်ယောက်မွေးတယ်။ ကလေးလေး ဒီဗယာ့လက်ထဲကိုရောက်တဲ့အချိန်မှာ ဒီဗယာကသူ့ကလေးမဟုတ်ဘူးလို့ထအော်တော့တယ်။ ဒါပေမဲ့ဒီဗယာ့ကိုစိတ်မနှံ့ဘူးလို့ သတ်မှတ်ထားကြလို့ သူပြောတာကိုဘယ်သူမှမယုံကြဘူးပေါ့။ ဒါပေမဲ့ဒီဗယာ့ကိုယုံကြည်မှုပေးလိုက်တဲ့အာနန်က ကလေးကိုရှာဖို့အသည်းအသန်ကြိုးစားရင်။ ကလေးမွေးစားတဲ့လုပ်ငန်းတစ်ခုအကြောင်း သိလိုက်ရတဲ့အချိန်မှာ အာနန်တို့ကလေးပြန်တွေ့ပါ့မလား၊ ကလေးမွေးစားတဲ့လုပ်ငန်းက ဘယ်လိုမျိုးလဲဆိုတာ ဇာတ်ကွက်ကောင်းကောင်းနဲ့ကြည့်ရှုရမှာဖြစ်ပါတယ်။ ဒီဇာတ်ကားကိုအညွန်းနဲ့ ဘာသာပြန်ပေးတာကတော့ Bex ဖြစ်ပါတယ်

ဒီဇာတ်ကား​လေးက​တော့ ​၁၉၈၃ ခုနှစ်အချိန်ကာလကို ဇာတ်အိမ်တည်ထားတဲ့ ဖိလစ်ပိုင်​ဟော်ရာကား​လေး ဖြစ်ပါတယ်။ ​တောနက်ထဲမှာရှိတဲ့ မိဘမဲ့​​ကျောင်းက အဖြစ်အပျက်ကို ဇာတ်လမ်းဆင်ရိုက်ကူးထားပါတယ်။ အီဆာနဲ့ တိုမက်စ်တို့ ​​မောင်နှမဟာ ဖခင်ဖြစ်သူရဲ့နှိပ်စက်မှုကို မခံနိုင်လို့ အိမ်က​နေထွက်​ပြေးလာကြပါတယ်။ လမ်းတစ်ဝက်အ​ရောက်မှာ ​မောင်​လေးတိုမက်စ် ဆင်း​ပြေးသွားလို့ လိုက်ရှာရင်း ​တောနက်ထဲက မိဘမဲ့​ကျောင်းတစ်ခုဆီ ​ရောက်သွားပါတယ်။ မိဘမဲ့​ကျောင်းဆို​ပေမယ့် ​​ယောက်ျား​လေးသီးသန့်​ကျောင်းဖြစ်​နေကာ ထူးဆန်းတဲ့အပြုအမူ​တွေ ရှိ​တဲ့​နေရာပါ။ အီဆာတို့​​မောင်နှမလည်း ခဏတည်းဖို့ဆုံးဖြတ်လိုက်ပြီး မိဘမဲ့​ကျောင်းရဲ့ထူးဆန်းတဲ့ဖြစ်ရပ်​တွေကို သတိထားမိလာပါတယ်။ တကယ်​တော့ ဒီမိဘမဲ့​ကျောင်းက သာမန်မဟုတ်ပဲ နတ်ဆိုးကိုးကွယ်သူ​တွေရဲ့​နေရာဖြစ်ပြီး မိဘမဲ့က​​လေး​တွေအ​နေနဲ့ နတ်ဆိုးရဲ့ယဇ်ပူ​ဇော်ပစ္စည်း​အဖြစ် အသုံးချခံ​နေရတာပါ။ ဒီအ​ခြေအ​နေကို အီဆာတို့ ဘယ်လိုရင်ဆိုင်မလဲ၊ နတ်ဆိုးလက်က လွတ်​မြောက်နိုင်ပါ့မလားဆိုတာကို ရင်တထိတ်ထိတ်နဲ့ ခံစားကြည့်ရှုရမယ့် ဖိလစ်ပိုင်​ဟော်ရာကား​လေး ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

ဒီရုပ်ရှင်ဟာ ဒဏ်ရာတွေဗရပွနဲ့ ဘယ်ကမှန်းမသိ ရောက်လာတဲ့ လူကြီးတစ်ယောက်နဲ့ အစပြုထားပါတယ်။ အဲဒီလူကြီးဟာ ကလေးမလေးကို သူကြုံတွေ့ခဲ့ရတဲ့ အံ့သြစရာလူတစ်ယောက်အကြောင်း ဇာတ်လမ်းလေးတစ်ပုဒ်ပြောနေပါတယ်။ဇာတ်လမ်းလေး အမည်ကတော့ "916 ကွန်ညိုတန်" တဲ့။ ကွန်ညိုတန်ဆိုတဲ့ လူပုကလေးဟာ ရွာမှာတော့ ပျော်ပျော်နေတတ်ပြီး သူများတွေကို အကူအညီပေးဖို့လက်မနှေးတဲ့ ကောင်ကလေးတစ်ယောက်ပါ။ ဒါပေမယ့် မြို့မှာတော့ တရားမဝင်မှောင်ခိုလုပ်ငန်းတွေအများကြီး လုပ်ကိုင်နေတဲ့ မာဖီးယားဂိုဏ်းခေါင်းဆောင်ပေါ့။ ဒီလိုနဲ့ သူ့မိဘတွေရဲ့ အိမ်ထောင်ပြုပြီး အတည်တကျနေစေချင်တယ်ဆိုတဲ့ တိုက်တွန်းချက်အရ အင်တာနက်ပေါ်မှာ ဇနီးလောင်းရှာပုံတော် ဖွင့်ပါ​တော့တယ်။ ဒီလိုနဲ့ ကွန်ညိုတန်တစ်ယောက် လက်ထပ်ဖို့ လာကမ်းလှမ်းတဲ့ မိန်းမချောလေးကိုတွေ့လာတဲ့အခါ..... ကံဇာတ်ဆရာဟာ သုံးပေလောက်ပဲ အရပ်ရှည်တဲ့ လူပုကလေးကို ဘယ်လိုကျီစယ်မလဲ..... သူ့ဆီချဉ်းကပ်လာတဲ့ မိန်းကလေးကရော တကယ့်သဘောရိုးနဲ့လား ဒါမှမဟုတ် လိမ်ဆင်တွေအများကြီးနဲ့သူလား..... သူ့ရဲ့ မှောင်ခိုလုပ်ငန်းတွေကရော ဘယ်လိုတွေ ဖြစ်သွားမလဲ.....သူဘယ်လိုတွေ ရင်ဆိုင်တိုက်ခိုက်သွားမလဲ.....ဆိုတာတွေကို စိတ်ဝင်တစား ကြည့်ရှုရမှာဖြစ်ပါတယ်။ ဒါကြောင့် ဟာသဇာတ်မြူးလေးကိုမှ အထိုးအကြိတ် အက်ရှင်လည်းပါ၊ အလွမ်းအဆွေးလေးလဲ ပါချင်သူပရိသတ်တို့အတွက် လက်မလွှတ်တမ်း စောင့်ကြည့်သင့်တဲ့ ကားလေးတစ်ကားပဲ ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတ

ဒီတစ်ခါတော့ ဇာတ်လမ်းဆန်းဆန်းလေးတွေနဲ့ ဒရာမာလေးတွေကို ကြိုက်နှစ်သက်တဲ့သူတွေအတွက် "Follow" ဆိုတဲ့ ဇာတ်ကားလေးနဲ့ မိတ်ဆက်ပေးချင်ပါတယ်။ အဓိကဇာတ်လမ်းအကျဉ်းလေးကတော့ ဆီဘက်စ်စတီယမ် ဆိုတဲ့ လူလိမ်လေးတစ်ယောက်အကြောင်းပါပဲ။ သူက သူ့သူငယ်ချင်း မက်ကယ်လို နဲ့ပေါင်းပြီး မိန်းကလေးတွေကို မြှူဆွယ်ပြီး ပိုက်ဆံလိမ်ယူပြီး လုပ်စားနေတာပေါ့။ တစ်နေ့ကျတော့ ကာရိုလီနာ ဆိုတဲ့ ကောင်မလေးတစ်ယောက်နဲ့ တွေ့ပြီး သူ့ဘဝက ရှုပ်ထွေးသွားတာပါပဲ။ ဒီမှာတင် ဇာတ်လမ်းက ပိုပြီးဆန်းကြယ်လာတာပါ။ ခံစားချက်တွေမထည့်ဘဲနဲ့ စီးပွားရေးအရသာ ဆက်ဆံတတ်တဲ့ ဆက်ဆံရေးတွေကြား ကြင်နာမှု၊သနားမှုတွေနဲ့ နူးညံ့တဲ့ချစ်ခြင်းမေတ္တာတွေပါလာတဲ့အခါမှာ ဘယ်လိုတွေရှေ့ဆက်သွားမလဲဆိုပြီး စိတ်ဝင်စားစရာလည်းကောင်းပြီး ကောင်မလေးလိုက်နည်းလေးတွေပါ ကြည့်ရဦးမှာဆိုတော့ ကြည့်ရတာတန်မယ့်ဇာတ်ကားလေးပါပဲနော်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ YOON ဖြစ်ပါတယ်

Hi-Five (2025) ဒီတစ်ခါမှာတော့ ထွက်ရှိထားတာ မကြာသေးတဲ့ movie ကားသစ်လေးနဲ့ မိတ်ဆက်ပေးပါမယ် ဇာတ်ကားလေးကတော့ သာမန်ထက် ထူးခြားတဲ့ စွမ်းအားရှိတဲ့လူတွေအကြောင်းကို ရိုက်ကူးထားပါတယ် လူငါးယောက်က ကိုယ်အင်္ဂါအစားထိုးပြီး ခန္ဓာကိုယ်မှာ ထူးခြားမှုတွေဖြစ်ပေါ်လာပါတော့တယ် ဝန်ဆောဆိုတဲ့ကောင်မလေးက နှလုံးအစားထိုးပြီး အားအရမ်းသန်မာသွားပါတယ် စာရေးဆရာဂျီဆောင်းက အဆုတ်အစားထိုးပြီး လေမှုတ်ပြင်းတဲ့ စွမ်းအားရသွားပါတယ် မန်နေဂျာဆွန်းငြောက ကျောက်ကပ်အစားထိုးပြီး အလုပ်လက်မဲ့ဂီဒုံက မျက်ကြည်လွှာ ဆောက်လုပ်ရေး မန်နေဂျာယက်ဆူက အသည်းအစားထိုးခဲ့ပါတယ် ဒီလိုကိုယ်တွင်းအင်္ဂါတွေ အစားထိုးပြီး စွမ်းအားကိုယ်စီရှိလာကြတဲ့သူတို့က သူတို့စွမ်းအားတွေကို လုယူဖို့လုပ်တဲ့ဗီလိန်ကို ဘယ်လိုနှိမ်နှင်းသွားမလဲဆိုတာကို စိတ်ဝင်တစား ကြည့်ရှုရမှာပါ မင်းသား Park Jin Young ကို ဇာတ်ကားထဲမှာ ​ဗီလိန်အဖြစ် မြင်တွေ့ရမှာပါ... အညွှန်းနဲ့ ဘာသာပြန်ကိုတော့ Myint Thuzar Lin က တင်ဆက်ထားပါတယ်။

ဒီဇာတ်ကား​လေးက​တော့ ​သေဆုံးသူဝိညာဥ်ဟာ ကွယ်လွန်ပြီး ၇ ရက်အတွင်း လှည့်ပတ်သွားလာနိုင်တယ်ဆိုတဲ့အယူအဆကို အ​ခြေခံပြီးရိုက်ကူးထားတဲ့ အင်ဒို​ဟော်ရာကား​လေး ဖြစ်ပါတယ်။ တာရီဟာ ဘီအန်းနဲ့ဟာနစ်ဖ်လို့​ခေါ်တဲ့ က​လေးနှစ်​ယောက်ရဲ့မိခင်ဖြစ်ပြီး ဘဝကိုရုန်းကန်​နေရတဲ့သူပါ။ အစ်ကိုဖြစ်သူ ကာဒါကလည်း အလုပ်မယ်မယ်ရရမလုပ်ပဲ အ​ကြွေးပတ်လည်ဝိုင်း​နေကာ ညီမဖြစ်သူဆီက ပိုက်ဆံကိုလက်ဝါးဖြန့်​တောင်း​နေသူ ဖြစ်ပါတယ်။ တစ်​နေ့ ကာဒါ့ဆီကို သူတို့နယ်က အ​မေကျန်းမာ​ရေးအ​ခြေအ​နေမ​ကောင်း​ကြောင်း ဆက်သွယ်လာတဲ့အတွက် သူတို့​မောင်နှမနှစ်​ယောက်ကို ငယ်စဥ်ကတည်းက ​မောင်းထုတ်ခဲ့တဲ့ သူတို့အ​မေ့ဆီကို ထွက်လာခဲ့ကြပါတယ်။ အသက် ၇၀ အရွယ် မိခင်ဖြစ်သူက အသက်အရွယ်နဲ့မလိုက်ပဲ အရမ်းနုပျို​နေတာမို့ တာရီတို့​တွေ အားလုံးအံ့သြ​နေကြပါတယ်။ မိခင်ဖြစ်သူရဲ့ ကျန်းမာ​ရေးအ​ခြေအ​နေကလည်း ​ဆေးပညာအရ နာမည်တပ်လို့မရနိုင်တဲ့အ​ခြေအ​နေဖြစ်ပြီး ဆရာဝန်က လက်​လျှော့ထားရတာပါ။ ဒီလိုနဲ့ထူးခြားတဲ့လက္ခဏာ​တွေဖြစ်လာတာမို့ နယ်ခံနတ်ဆရာကို ပင့်ပြီး အစီအရင်​​တွေနဲ့ကုသ​ပေးလိုက်တဲ့အခါ အသက်မဲ့သွားတဲ့ခန္ဓာကိုယ်ဖြစ်ခါ အဘွားကြီးရုပ်အဖြစ် ​ပြောင်းလဲသွားပါတယ်။ တကယ်​တော့ တာရီတို့မိခင်က ပီယအပ်ကျိန်စာမိ​နေတာပါ။ နတ်ဆရာကြီးက သူတို့မိခင်အ​လောင်းကို ၇ ရက်​စောင့်ပြီး ကီလီဝန်ကြာသပ​တေး​နေ့မှာ ​သတ်မှတ်ထားတဲ့​နေရာမှာ ​ရေသင်္ဂြိုဟ်ဖို့ မှာကြားခဲ့ပါတယ်။ ဒီ ၇ ရက်အတွင်း တာရီတိ

ထိုင်းမင်းသားချောလေး Mark Prin ရဲ့ ဇွန်ဘီကားလေးလာပါပြီ လူသားတွေ‌ ကြောင့် သဘာဝပတ်ဝန်းကျင်ကြီး အလွန်အကျွံပျက်စီးပြီး ကပ်ဘေးတွေဆိုက်ကာ အစာရေဆာပြတ်လပ်ပြီး လူသားမျိုးနွယ်ရဲ့ အဆိုးဝါးဆုံး ကာလမှာ ဇာတ်အိမ်တည်ထားတဲ့ ကားလေးပါ။ ဖြစ်ပုံက မွေထိုင်း လက်ဝှေ့ကစားသမားဟောင်းတစ်ယောက်ဖြစ်တဲ့ ဆင်း တစ်ယောက်ဟာ ရွှေထက်အဖိုးတန်တဲ့ စားစရာတွေကို အန္တရာယ်ကြားထဲက‌ နေထရပ်ကား မောင်းရင်း ပို့တဲ့အလုပ်ကိုလုပ်ရင်း ပိုက်ဆံရှာနေသူပါ။ ဒီလို အိမ်မှာ နေရတာနည်းပြီး ထိခိုက်မှုများတဲ့ အလုပ်ကိုလုပ်နေတာကို ဆင်းရဲ့ ကောင်မလေး ဒေါက်တာယင်က လုံးဝမကြိုက်ပါဘူး။ တစ်နေ့မှာ ဒေါက်တာယင် ဆေးရုံမှာ တာဝန်ကျနေစဉ် လူနာတစ်ဦးကနေ ဗိုင်းရပ်စ်ကူးစက်ပြီး ဆေးရုံတစ်ခုလုံး အရေးပေါ်အခြေအနေကျရောက်ပါတော့တယ် ဒါကိုသိသွားတဲ့ ဆင်းက ယင်ကို ကယ်ဖို့ ဆေးရုံထဲကို လိုက်ကာ ဘယ်လိုကယ်မလဲ အကုန်လုံး အသက်ရှင်ရက်ပြန်ထွက်နိုင်ပါ့မလားဆိုတာ ရင်တထိတ်ထိတ်နဲ့ ကြည့်ရှူရမယ့်ဇာတ်ကားလေးပဲဖြစ်ပါတယ် Netflix ကပထမဆုံးပွဲထုတ်တဲ့ ထိုင်းဇွန်ဘီကားလည်းဖြစ်လို့ ဇွန်ဘီးကားကြိုက်သူတွေလက်မလွှတ်သင့်တဲ့ ကားတစ်ကားဟုတ်မဟုတ်ဆိုတာ ကြည့်ရှူရင်းနဲ့သာ ဆုံးဖြတ်ကြပါခင်ဗျာ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Theo ဖြစ်ပါတယ်

ဒီဇာတ်ကားက​တော့ ဂျာဗားကျွန်းအလယ်ပိုင်းက တရုတ်မိသားစုရဲ့ထူးဆန်းတဲ့ရာဇဝင်တစ်ခုကို အ​ခြေခံပြီးရိုက်ကူး​ထားပါတယ်။ ဆာလင်မ်နဲ့တာရှာတို့ဟာ သိပ်ချစ်ကြတဲ့ချစ်သူ​တွေဖြစ်ပြီး လက်ထပ်ဖို့အတွက် ပြင်ဆင်​နေကြတာပါ။ ဆာလင်မ်ဟာ ငယ်စဥ်ကတည်းက မိဘ​တွေ ကွယ်လွန်သွားလို့ ​မွေးစားမိဘ​တွေနဲ့အတူ ကြီးပြင်းလာခဲ့သူဖြစ်ပါတယ်။ ဆာလင်မ်တို့​စေ့စပ်ပွဲပြီးတဲ့​နောက်ရက်မှာပဲ သူတို့နယ်က ​ဒေါ်​လေးဖြစ်သူ ဆုံးပါးသွား​ကြောင်း သတင်းရခဲ့လို့ ဆာလင်မ်တစ်​ယောက် နယ်ကိုပြန်ဖို့ဖြစ်လာပါတယ်။ မင်္ဂလာပွဲအကြိုဓါတ်ပုံရိုက်ကူးဖို့အတွက် ယခင်စီစဥ်ထားတာ​တွေကို ​ပြောင်းပြီး ဆာလင်မ်တို့နယ်ကအိမ်မှာပဲ ရိုက်ကူး​ရေးလုပ်ဖို့ ဖြစ်လာခဲ့ပါတယ်။ ဆာလင်မ်တို့ရဲ့​ရှေး​ဟောင်းအိမ်ကြီးမှာ ဘိုးဘွားဝတ်ပြုစင်​တွေက အ​မွှေးတိုင်​တွေကို ​မီးမငြိမ်း​အောင်အမြဲပူ​ဇော်ထား​ပေးရမယ်​​ဆိုတဲ့ ထူးဆန်းတဲ့အစဥ်အလာရှိပါတယ်။ ဒီလိုမလုပ်ပါက အ​မွေဆက်ခံမယ့်မျိုးဆက်​တွေမှာ ကျန်းမာ​ရေးချို့တဲ့တာမျိုး ဖြစ်တတ်ပါတယ်။ ဒီလိုမျိုး ထူးခြားမှု​တွေက ဘာ​ကြောင့်ဖြစ်လာရလဲဆိုတာနဲ့ ဒီအ​ခြေအ​နေ​တွေကို ဘယ်လိုကိုင်တွယ်​ဖြေရှင်းရမလဲဆိုတာကို ရင်တထိတ်ထိတ်နဲ့ခံစားကြည့်ရှုရမယ့် အင်ဒို​ဟော်ရာကား​လေးဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

“Kiss/Kiss” က Vivamax ထုတ်လုပ်ရေးက ထွက်လာတဲ့ R-rated ရုပ်ရှင်ဖြစ်ပြီး ဒါရိုက်တာ Sigrid Polon ရိုက်ထားပါတယ်။ Micaella Raz နဲ့ Zsara Laxamana တို့က တင်ဆက်သူတွေအဖြစ် ပါဝင်ပြီး ရုပ်ရှင်နဲ့ ဇာတ်လမ်းတွဲတွေက အထိမခံတဲ့ မိန်းကလေးနှစ်ယောက်ရဲ့ အချစ်ဇာတ်ဝင်ခန်းတွေကို ပြန်လည်သုံးသပ်ထားတယ်။ ဒီရုပ်ရှင်က အဓိကအားဖြင့် Vivamax ရဲ့ ပရိသတ်တွေအတွက် ရည်ရွယ်ထားပြီး စိတ်လှုပ်ရှားစရာ ဇာတ်ဝင်ခန်းတွေနဲ့ ပြည့်နှက်နေတယ်။ ရုပ်ရှင်က ၁ နာရီ ၈ မိနစ်ကြာ၊ တဂါလျှော့နဲ့ ဖိလစ်ပိုင်ဘာသာနဲ့ ရိုက်ထားပြီး မေလ ၂၀၊ ၂၀၂၅ မှာ Vivamax မှာ ထုတ်လွှင့်ခဲ့တယ်။ IMDb မှာ 5.3/10 ရထားပါတယ်။ ဝေဖန်သူတွေကတော့ ဒီရုပ်ရှင်ကို သာမန် compilation တစ်ခုလို့ မြင်ကြပြီး ဇာတ်လမ်းဇာတ်ကွက် သိပ်မပါဘူးလို့ ဆိုကြတယ်။ Vivamax ရဲ့ လူကြီးပရိသတ်တွေအတွက်ဆိုရင် ဒီကားက စိတ်ဝင်စားစရာဖြစ်နိုင်ပေမယ့် ဇာတ်လမ်းတိုတာကြောင့် ခနတာ အပျင်းပြေကြည့်လို့ကောင်းမှာပါဗျ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ritsuka ဖြစ်ပါတယ်

Drama, Sci-fi, Mystery ရသစုံခံစားရမယ့် စိတ်လှုပ်ရှားဖွယ် ဂျာမန်ကားနဲ့ မိတ်ဆက်ပေးပါရစေ။ တင်မ်နဲ့အိုလီဗီယာတို့က ချစ်သူတွေဖြစ်ပေမယ့် အိုလီဗီယာ ကလေးပျက်ကျပြီးနောက်ပိုင်း တစ်ယောက်နဲ့တစ်ယောက် ဝေးကွာသွားပါတယ်။ တင်မ်ကလည်း IT သမားဖြစ်ပြီး သူ့အလုပ်နဲ့သူ အချိန်ပြည့် အလုပ်ရှုပ်နေတော့ သူတို့စိတ်ဒဏ်ရာကုစားဖို့ အချိန်မပေးနိုင်ခဲ့ပါဘူး။ အမြဲ ရွှေ့ဆိုင်းခဲ့ပြီးတဲ့နောက်မှာ အိုလီဗီယာက စိတ်ကုန်ပြီး တင်မ်ကို ထားခဲ့ဖို့ ဆုံးဖြတ်လိုက်ပါတယ်။ ဒါမဲ့ အဲဒီညမှာပဲ သူတို့တိုက်ခန်းအဆောက်အဦးတစ်ခုလုံးကို ထူးဆန်းတဲ့ ဒီဇိုင်းနဲ့အုတ်နံရံတစ်ခု ပိတ်ထားလျက်သားဖြစ်နေပါတယ်။ ဒီနံရံကို ဘယ်လိုမှ ဖျက်ဆီးဖြိုချလို့ မရတဲ့နောက် တခြားအခန်းက အိမ်နီးချင်းတွေနဲ့ပေါင်းပြီး အပြင်ထွက်ရဖို့ အဖြေရှာတာကို စိတ်ဝင်စားဖွယ်အားပေးရှုစားနိုင်ပါပြီ။ အညွှန်းနဲ့ ဘာသာပြန်ကိုတော့ Shune Lai KK က တင်ဆက်ထားပါတယ်။

အပျင်းပြေကြည့်ဖို့ လျှို့ဝှက်ချက်ကိုယ်စီနဲ့ လင်မယားနှစ်ယောက်ရဲ့ Action ဇာတ်လမ်းလေးဖြစ်ပါတယ်။ ရေးက ရဲသားဟောင်းတစ်ဦးဖြစ်ပြီး လက်ရှိမှာ ကလေးနှစ်ယောက်စရိတ်အတွက် လူဆိုးဂိုဏ်းတစ်ခုမှာ အကြွေးတောင်းလူမိုက်အဖြစ် အလုပ်လုပ်ရပါတယ်။ သူ့အလုပ်ကိုတော့ ဇနီးဖြစ်သူအဲလစ်စ်နဲ့ ကလေးတွေကို အသိမပေးထားပါဘူး။ ဒါမဲ့ ဂိုဏ်းခေါင်းဆောင်ပြောင်းသွားပြီး ရေးက ‌ကြားလူထောင်ချောက်ဆင်ခံရလို့ ဂိုဏ်းခေါင်းဆောင်သစ်ရဲ့ ချစ်တူလေးကို သတ်မိတဲ့အခါ...ဒီကြားထဲ သူ့ဇနီးအဲလစ်စ်ကလည်း လျှို့ဝှက်ချက်ရှိပြီး ဂိုဏ်းခေါင်းဆောင်သစ်နဲ့ ပတ်သက်နေတဲ့အခါ...လင်မယားနှစ်ယောက် ဘယ်သူကပိုကြမ်းမလဲ...သူတို့မိသားစု အန္တရာယ်က လွတ်ပါ့မလား...ဆက်လက်ရှုမျှော်နိုင်ပါပြီ။ အညွှန်းနဲ့ ဘာသာပြန်ကိုတော့ Shune Lai KK က တင်ဆက်ထားပါတယ်။

Poop Cruise ဆိုတာကတော့ CNN သတင်းဌာနရဲ့ နာမည်ကြီးသတင်းခေါင်းစီးပါ။ Netflix ရဲ့ ဒီမှတ်တမ်းတင်ရုပ်ရှင်က ၂၀၁၃ ခုနှစ်က တကယ်ဖြစ်ပျက်ခဲ့တဲ့၊ နာမည်ဆိုးနဲ့ ကျော်ကြားတဲ့ အီအီးဇိမ်ခံသင်္ဘောဖြစ်စဉ် ဖြစ်ပါတယ်။ မှန်ပါတယ်။ ဇိမ်ခံသင်္ဘောထဲမှာ အီအီးအောအော့တွေ မျောလာတာပါ။ Carnival Triumph ဆိုတဲ့ ဇိမ်ခံသင်္ဘောကြီးက ခရီးစဉ်ပြီးဆုံးခါနီး တစ်ရက်အလိုမှာ အင်ဂျင်တစ်လုံး မီးလောင်ပြီး ပင်လယ်ထဲ မျောသွားပါတော့တယ်။ အင်ဂျင်စမီးလောင်တာနဲ့ လျှပ်စစ်မီးတွေပြတ်တောက်၊ ဖုန်းလိုင်းတွေ ပျက်ကျ၊ အဲကွန်းတွေ ပိတ်၊ စနစ်ကြီးတစ်ခုလုံး ပိတ်ကျသွားတာပါ။ အဆိုးဆုံးပြဿနာ - အိမ်သာရေဆွဲချမရခြင်း။ ဒီတော့ ယောက်ျားလေးတွေ အပေါ့သွားချင်ရင်... ပင်လယ်ထဲ ပေါက်ချပေါ့ဆိုပဲ၊ မိန်းကလေးတွေ ဘယ်လိုလုပ်ကြမလဲ။ အလေးသွားချင်ရင်ရော၊ ဘယ်လိုလုပ်ကြမလဲ။ ထင်ထားတာထက် ရက်တွေပိုကြာလာတဲ့အခါ ဘာတွေလုပ်ကြမလဲ။ တခြားဘယ်လိုပြဿနာတွေ ဆက်တက်ကြမလဲ။ အညွှန်းနဲ့ ဘာသာပြန်ကိုတော့ LYKZ က တင်ဆက်ထားပါတယ်။

ဒီကားလေးကတော့ နာမည်ကိုကြည့်ပြီး လေဆင်မုန်တိုင်းလို သဘာဝဘေးအန္တရာယ်အကြောင်းရိုက်ထားတဲ့ကားလေးလို့ထင်မိရင်တော့မှားသွားပါပြီ တကယ်က တော်နေးဒိုး (Tornado) လို့ခေါ်တဲ့ ဇာတ်ဆောင် မင်းသမီးလေးရဲ့ နာမည်ကြောင့်ပါ။ ဇာတ်လမ်းကတော့ တော်နေးဒိုးနဲ့ သူမရဲ့ အဖေ ဖူဂျင်ဟာ ဆာမူရိုင်းတွေဖြစ်ကြပေမယ့်အင်္ဂလန် တစ်ဝိုက်မှာ နယ်လှည့်ပြီးရုပ်သေးပြစားရင်း ဇာတ်မြှုပ်နေကြတာပါ။ တစ်နေ့မှာ သူတို့ရဲ့ ရုပ်သေးပြပွဲကို ရွှေတွေကိုဓာပြတိုက်ပြီးပြန်လာတဲ့ ဓားပြတွေ ဝင်ကြည့်ကြရာက အမှတ်တမဲ့ချထားမိတဲ့ရွှေထုပ်ကို ကလေးတစ်ယောက်က ခိုးယူလိုက်မိပါတယ်။ အဲ့တာကိုမြင်တဲ့တော်နေးဒိုးက ကလေးလေးကို လူဆိုးတွေမတွေ့အောင်ဖွက်ထားပေးလိုက်မိရာကနေ ရက်စက်လှတဲ့ဓားပြအဖွဲ့ရဲ့ လိုက်လံဖမ်းစီးသတ်ဖြတ်ခြင်းကိုခံရပါတယ် တော်နေးဒိုးလေးတစ်ယောက် ဒီအခြေအနေကိုဘယ်လိုဖြတ်ကျော်မလဲ။ ဆာမူရိုင်းတစ်ယောက်ရဲ့ သွေးက ပြန်လည်ထကြွလာမလားဆိုတာ ဂျပန်ခေတ်ဆာမူရိုင်းတွေရဲ့အငွေ့အသက်နဲ့ ‌ရှေးခေတ် အင်္ဂလန်နိုင်ငံ ပုံရိပ်တွေနဲ့အတူ ရင်သပ်ရှုမောဖွယ်ကြည့်ရှုရမှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Theo ဖြစ်ပါတယ်

အာရာဒရာက အင်တာနက်မှာဗီဒီယိုတွေတင်ရတာကြိုက်ပြီးတော့လူကြိုက်များတဲ့မိန်းကလေး။ ဒါပေမဲ့သူ့အစ်ကိုက အာရာဒရာအဲဒီလိုတွေတင်နေတာကိုမကြိုက်လို့ သူတို့အမြဲတမ်းရန်ဖြစ်ကြရတယ်။ တစ်နေ့လိုင်းပေါ်ကနေလူတစ်ယောက်က ဓာတ်ပုံရိုက်ပေးချင်လို့ပါဆိုပြီး အာရာဒရာကိုဆက်သွယ်လာတယ်။ အာရာဒရာ့ကို အရမ်းစွဲလန်းနေတဲ့ပုံပေါက်နေတဲ့သူပေါ့။ အပြင်မှာသူတို့တွေ့ပြီး ဓာတ်ပုံတွေရိုက်ကြတယ်။ တစ်နေ့ အာရာဒရာ့အစ်ကိုက သူတို့နှစ်ယောက်ဓာတ်ပုံရိုက်နေတာတွေ့သွားပြီး နှစ်ယောက်သားထိုးကြိတ်ရင်း အချင်းချင်းရန်ငြှိုးကြီးလာတယ်။ ဒါကတော့ ဖြစ်ရပ်မှန်ကိုအခြေခံရိုက်ထားပြီး အခုခေတ်မှာဖြစ်နိုင်ခြေများတဲ့ အက်ဆီးဒင့်မျိုးမို့လို့ သတိလည်းထားနိုင်သလို ရင်တထိတ်ထိတ်နဲ့လည်း ကြည့်ရှုရမယ့်ဇာတ်ကားပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Bex ဖြစ်ပါတယ်

အိဗ်က ငယ်ရွယ်စဉ်ဘဝမှာ သူမရဲ့ဖခင်အသတ်ခံလိုက်ရပြီးနောက် သူမဖခင် အလုပ်လုပ်ခဲ့တဲ့ ရူစကာရိုးမားထဲကို ဝင်လာခဲ့တယ်။ ဒီလိုနဲ့ တစ်ဖက်မှာ သူမဟာ ဘဲလေးအကမယ်အဖြစ် လေ့ကျင့်ရေးတွေလုပ်သလို လုပ်ကြံရေးအတွက်လည်း လေ့ကျင့်ရေးတွေ လုပ်ခဲ့တယ်။ အရွယ်ရောက်လာတဲ့အခါ သူမအဆင်သင့်ဖြစ်ပြီလို့ ဒါရိုက်တာကို ပြောပြပြီးနောက် လုပ်ကြံရေးကန်ထရိုက်အလုပ်တွေ စတင်လုပ်ဆောင်ပါတော့တယ်။ ဒီလိုနဲ့ တစ်နေ့ သူမ သ-တ်ခဲ့တဲ့လူတစ်ယောက်ရဲ့လက်မှာ သူမဖခင်ကို သ-တ်ခဲ့တဲ့လူတွေရဲ့ အမှတ်အသားကို တွေ့လိုက်ရပါတော့တယ်။ ရူစကာရိုးမားရဲ့ ဒါရိုက်တာကို သွားမေးချိန်မှာ အဲဒီကိစ္စကို မစုံစမ်းဖို့အတွက်သာ အတန်တန်ပြောပြပြီး စည်းကမ်းချိုးဖောက်ရင် အကျိုးဆက်တွေ ခံစားရမယ် ဘလာ ဘလာ ဘလာနဲ့ ပြောပါတော့တယ်။ ဒီတော့ အိဗ်တစ်ယောက် သူမဖခင်အတွက် လက်စားချေနိုင်မှာလား ... ဂျွန်ဝစ်ကြီးနဲ့လည်း ဘယ်လိုအခြေအနေတွေမှာ ဆုံတွေ့ရမှာလဲ ... ဆိုတာကို ကြည့်ရှုလိုက်ကြပါဦး။ အညွှန်းနဲ့ ဘာသာပြန်ကိုတော့ LYKZ က တင်ဆက်ထားပါတယ်။

ဒီတစ်ခါမှာတော့ မင်းသားကြီး Ajay Devgn ရဲ့ ဇာတ်ကားတစ်ကားနဲ့ မိတ်ဆက်ပေးပါစေ 2018 က ထွက်ရှိခဲ့တဲ့ " Raid " ရဲ့ Season 2ပါ "Raid 2. 2025" ဖြစ်ပြီး ရှာဖွေမှုအများဆုံး Bollywood movie တွေမှာ #1 ချိတ်ထားပါတယ် ဇာတ်အိမ်ကတော့ အကျင့်ပျက်ချစားမှုတွေကို ရင်ဆိုင်ဖြေရှင်းရတဲ့ အခွန်ငွေဦးစီးအရာရှိ အာမေပတ်နိုက် ရဲ့ အကြောင်းပါ ရိုးသားမှုကိုအယောင်ပြပြီး လူထုအလေးစားခံ နိုင်ငံရေးသမား ဒါဒါဘိုင်ရဲ့နောက်ကွယ်မှာ ကြီးမားတဲ့ တရားမဝင် အကျင့်ပျက်ချစားမှုတွေ ရှိနေပါတယ် လူ့လောဘတွေနဲ့ ရှုပ်ထွေးလှတဲ့နိုင်ငံရေးအကြား ရိုးသားမှုကိုတန်ဖိုးထားတဲ့ အရာရှိအာမေနဲ့ ဒါဒါဘိုင်တို့ထိပ်တိုက်တွေ့ဆုံကြတဲ့အခါ... တရားမျှတမှုကအနိုင်ရမလား? အဂတိတရားကလွှမ်းမိုးသွားမလား ဆိုတာကိုတော့ ဒီဇာတ်ကားကိုကြည့်ရင်း အဖြေရှာကြရအောင်ပါ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ki Ki Chit Su ဖြစ်ပါတယ်

၂၉.၆.၂၀၂၅ မှာကျင်းပတဲ့ UFC 317 ဖြစ်ပါတယ်။ မြန်မာလူမျိုးဗန်က အနိုင်ရခဲ့တဲ့ပွဲလဲဖြစ်ပါတယ်

ဇာတ်လမ်းစစချင်းမှာ ‘ရန်’ဆိုတဲ့ ရဲတစ်ယောက်က အယ်မာဆိုတဲ့ သူ့ရဲ့ငယ်သူငယ်ချင်းဖြစ်သူ လမ်းဘေးတစ်နေရာမှာ သွေးအလိမ်းလိမ်းနဲ့ ခွေးသေတစ်ကောင်ကို ချီပြီး ရပ်နေတာကို မြင်လိုက်ရပါတယ်။ စခန်းကိုခေါ်လာပြီး စစ်ဆေးကြည့်တော့ ခွေးလေးနဲ့ လမ်းလျှောက်ထွက်ရင်း ဝံပုလွေတစ်ကောင်နဲ့ ဆိတ်အုပ်က သူမကိုတိုက်ခိုက်လို့ သူမရဲ့ ခွေးလေးက သခင်ကိုကာကွယ်ရင်း သေသွားရပါတယ်တဲ့။ ရန်ကို အယ်မာက အဲဒီဝံပုလွေကိုသတ်ပေးပါဆိုပြီး အကူအညီတောင်းလာတယ်။ သူတို့ပြည်နယ်မှာက ဝံပုလွေမသတ်ဖို့ တားမြစ်ထားတဲ့ ဥပဒေရှိတယ်။ ဒါပေမဲ့ ငယ်သူငယ်ချင်းဖြစ်နေတော့ .. အေး အေး သတ်ပေးပါမယ် .. ပေါ့။ နောက်တော့ ရန်ရဲ့ သားလေးက သူ့ခွေးလေးနဲ့အတူ လမ်းလျှောက်ထွက်ရင်း ခွေးရော လူရော ပျောက်သွားတော့တယ်။ ဒါ အယ်မာပြောတဲ့ ဝံပုလွေနဲ့ ဆိတ်အုပ်ရဲ့ လက်ချက်ပဲလို့ အခိုက်အမာတွက်ကာ သားဖြစ်သူကို လိုက်ရှာရင်း ဘာတွေဘယ်လိုဆက်ဖြစ်ကြမလဲဆိုတာကို ကြည့်ရှုခံစားလိုက်ပါဦး။ Psychological horror အမျိုးအစားဖြစ်ပါတယ်။ အညွှန်းနဲ့ ဘာသာပြန်ကိုတော့ LYKZ က တင်ဆက်ထားပါတယ်။

ဒီဇာတ်ကား​လေးက​တော့ မိုင်ယာအက်ဇ်ကာဆိုသူ အမျိုးသမီးတစ်​ယောက်ရဲ့ကိုယ်​တွေ့ဖြစ်ရပ်မှန်ဇာတ်လမ်း​​​လေးကို အ​ခြေခံရိုက်ကူးထားတဲ့ အင်ဒို​ဟော်ရာကား​လေး ဖြစ်ပါတယ်။ အချစ်ဆုံးသူငယ်ချင်းနှစ်​ယောက်ရဲ့ ​ကြေကွဲဖွယ်ဖြစ်ရပ်​လေးပါ။ ​မိုင်ယာနဲ့ အီတာတို့ဟာ တစ်​ယောက်ကိုတစ်​ယောက် အရမ်းချစ်ခင်ပြီး သံ​ယောဇဥ်ရှိကြတဲ့ အချစ်ဆုံးသူငယ်ချင်း​တွေ ဖြစ်ပါတယ်။ ​ကျောင်းအားလပ်ရက်ရတုန်း သူငယ်ချင်းနှစ်​ယောက်အတူတူ အမှတ်တရ​ကောင်း​တွေကို ဖန်တီး​​နေကြတာပါ။ တစ်​နေ့ မိုင်ယာ့အစ်ကိုတို့သူငယ်ချင်းအဖွဲ့ နတ်ကြီးတယ်​လို့ လူသိများတဲ့ ဂစ်ဒီ​တောင်ကို ​​တောင်တက်ခရီးထွက်ဖို့ ဖြစ်လာကြပြီး မိုင်ယာတို့သူငယ်ချင်းနှစ်​ယောက်ပါ အတူလိုက်ပါဖို့ ဖြစ်လာပါတယ်။ ​​ဒီ​တောင်တက်ခရီးစဥ်တစ်​လျှောက် ထိတ်လန့်စရာဖြစ်ရပ်​တွေ ကြုံ​တွေ့ရပုံကို ​သေချာ​လေးပုံ​ဖော်ရိုက်ကူးထားပါတယ်။ ​တော​တောင်​တွေဟာ နယ်​မြေကြမ်းတမ်းလို့ အပြုအမူအ​ပြောအဆို ဆင်ခြင်ရပါတယ်။ မသိလိုက်ပဲ အမှားအယွင်းပြုမိခဲ့ပါက ဒုက္ခ​ရောက်ရပုံကို ​​ထိတ်လန့်ဖွယ်ရာ ဇာတ်ဝင်ခန်းများစွာနဲ့အတူ ခံစားကြည့်ရှုရမယ့် အင်ဒိုဖြစ်ရပ်မှန်ဇာတ်လမ်း​လေး ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

ဘဝကိုပျော်ပျော်ပါးပါးပဲနေထိုင်ချင်ပြီး ကနေဒါမှာသွားနေဖို့က သူ့အိမ်မက်တစ်ခုဖြစ်တဲ့ဘိုနီတစ်ယောက်က ဦးလေးဖြစ်သူရဲ့တိုက်တွန်းချက်နဲ့အတူ သူလုံးဝ ဝါသနာမပါတဲ့ အစိုးရအလုပ်ကို လုပ်ဖို့အတွက်ဖြစ်လာပါတယ်။ နိုင်ငံခြားမှာအခြေချချင်တာက သူ့အိမ်မက်ဖြစ်ပြီး ဘယ်လိုပဲအစိုးရအလုပ်ကို မလုပ်ချင်ဘူးလို့ငြင်းဆန်ပေမဲ့ တစ်နေ့ နိုင်ငံခြားထွက်ဖြစ်တဲ့အချိန်မှာ အစိုးရအလုပ်က အထောက်အကူဖြစ်မှာပါဆိုတဲ့စကားကြောင့် အစိုးရဌာနတစ်ခုကို ဝင်မိချိန်မှာ အပြစ်မရှိပါဘဲ မတော်တဆဖြစ်ရပ်တစ်ခုကြောင့် အချုပ်ထဲကိုဝင်ဖို့ဖြစ်လာရပါတယ်။ အချုပ်ကျနေချိန်မှာ ဘိုနီတစ်ယောက်က ဘယ်လိုထူးဆန်းဖွယ်ရာတွေနဲ့ကြုံတွေ့ရမလဲဆိုတာကို စောင့်ကြည့်ရမယ် ထူးဆန်းထွေလာစိတ်ကူးယဉ်အချစ်ဇာတ်ကားကောင်းလေးပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Phyu Sin Pwint ဖြစ်ပါတယ်

အခုတင်ဆက်ပေးချင်တာကတော့ OceanGateဆိုတဲ့ ရေငုပ်သင်္ဘောတည်ဆောက်တဲ့ ပရောဂျက်အကြောင်းပါ ရေငုပ်သင်္ဘောက ခါတိုင်းလို ပင်လယ်ပင်အောက်ပိုင်းအနည်းငယ်လောက်ပဲ ငုပ်မယ့်သင်္ဘောမဟုတ်ဘဲ တိုက်တန်းနစ်သင်္ဘောနစ်မြုပ်နေတဲ့ ဟိုးအနက်ပေများစွာသွားမယ့် သင်္ဘောပါ ခါတိုင်းလိုကိုယ်ထည်ဆောက်လုပ်လို့မရဘဲ ကိုယ်တည်ပေါင်းများစွာ အင်ဂျင်နီယာပေါင်းများစွာနဲ့ စကော့တွန်ဆိုတဲ့ပိုင်ရှင်က ငွေအကုန်အကျအများကြီးခံကာ လူတွေပါတင်ခေါ်နိုင်တဲ့ ရေငုပ်သင်္ဘောအဖြစ်တည်ဆောက်ရာက ကြုံလာတဲ့အခက်အခဲတွေ ဆက်တိုက်ကျရှုံးနေပေမယ့် ဇွဲမလျှော့ဘဲနောက်မဆုတ်တဲ့ စကော့တွန်က နောက်ဆုံးတော့ပေါက်ကွဲသွားတဲ့ရေငုပ်သင်္ဘောအဖြစ် လူသိများသွားတဲ့အကြောင်း ရိုက်ကူးထားတဲ့မှတ်တမ်းရုပ်ရှင်လေးဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Thansin ဖြစ်ပါတယ်