ရုပ်ရှင်အသစ်များ

ဗီဇာ့မြို့လေးမှာ ကြောက်စရာကွင်းဆက်လူသတ်မှုများဆက်တိုက်ဆိုသလို ဖြစ်လာခဲ့ပါတယ်။ လူသတ်ပြီးတာနဲ့ အလောင်းကိုဓာတ်ဆီနဲ့လောင်းပြီး မီးရှို့သတ်ဖြတ်ခဲ့တဲ့အတွက် သေဆုံးသူက ဘယ်သူဘယ်ဝါဆိုတာ မသိရဘဲ လူ၆ ယောက်ထိ သေဆုံးမှုများဖြစ်လာခဲ့ပါတယ်။ ရဲဌာနရဲ့အစွမ်းအစကို မီဒီယာနဲ့ပြည်သူက မေးခွန်းတွေထုတ်လာခဲ့ပြီး ရဲဌာနအနေနဲ့လည်း သဲလွန်စမကျန်တဲ့ လူသတ်မှုတွေကို ဖော်ထုတ်ဖို့အတွက် အခက်တွေ့နေခဲ့ပါတယ်။ အဲဒီအချိန်မှာတာဝန်ခံ စုံစမ်းရေးမှူးက ကားမတော်တဆမှုဖြစ်ပြီးဆေးရုံကိုရောက်သွားတဲ့အချိန်မှာ အမှုအခင်းများကို ကောင်းကောင်းကိုင်တွယ်ဖြေရှင်းနိုင်တဲ့ ရဲအရာရှိအာရာဗစ်ကို ကိုယ်စားတာဝန်ယူဖို့ အမှုတွေကို လွဲပေးလိုက်ပါတယ်။ ရဲအရာရှိအာရာဗစ်ကရော ထူးဆန်းထွေလာလူသတ်မှုတွေကို ဘယ်လိုကိုင်တွယ်ဖြေရှင်းသွားမလဲ။ IMDP 7.5/10 အထိရရှိထားတဲ့အိန္ဒိယ လက်စားချေအက်ရှင်ဇာတ်လမ်းကောင်းလေးဖြစ်လို့ ပဟေဠိများကိုအဖြေရှာကြည့်ဖို့ တိုက်တွန်းလိုက်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Phyu Sin Pwint ဖြစ်ပါတယ်

ဒီဇာတ်ကား​လေးက​တော့ ပူလွန်ဂန်တွန်ဆိုတဲ့ နတ်ဆိုး ပူးကပ်ခံရတဲ့အ​ကြောင်းကို ဇာတ်လမ်းဆင်ရိုက်ကူးထားပါတယ်။ ​ဒီနတ်ဆိုးပူးကပ်ခံရတဲ့သူဟာ အသိစိတ်လွတ်သွားပြီး ကိုယ့်ကိုယ်ကို ကြိုးဆွဲချ​​သေခြင်းနဲ့ ဘဝ​နိဂုံးချုပ်ရပါတယ်။ ဒီဇာတ်ကား​လေးမှာ​တော့ ရီယန်ဟာ ဖခင်ဖြစ်သူ ​သေဆုံးသွားလို့ သူတို့ရဲ့​မွေးရပ်​မြေရွာ​လေးကို ပြန်ရဖို့ ဖြစ်လာပါတယ်။ ဆယ်နှစ်​ကျော်ခွဲ​နေရတဲ့ ဖခင်နာ​ရေးမို့ သွားချင်​ပေမယ့် မိခင်ဖြစ်သူက ခွင့်မပြုတာမို့ သူငယ်ချင်း​တွေနဲ့အတူ ထွက်လာခဲ့ကြတာပါ။ ရီယန်တို့​ရောက်သွားတဲ့အချိန်မှာ​တော့ ဖခင်ဖြစ်သူရဲ့နာ​​ရေးကို မမှီလိုက်ပဲ ပူလွန်ဂန်တွန်​ကြောင့် ​သေဆုံးခဲ့ရတာဖြစ်​ကြောင်း သိခဲ့ရပါတယ်။ ရွာထဲမှာလည်း နတ်ဆိုးသတ်လို့ ​သေသူအများပြားရှိ​​နေတာကို သိလိုက်ရကာ အ​ဖော်လိုက်လာတဲ့ သူငယ်ချင်းချစ်သူ​လေးကို ပူးကပ်ခံလိုက်ရတဲ့အချိန်မှာပဲ နတ်ဆိုးလက်က ကယ်တင်ဖို့ ကြိုးစားရပါ​တော့တယ်။ နတ်ဆိုးစတင်အသက်ဝင်လာတဲ့အ​ကြောင်းနဲ့ အတိတ်ကဖြစ်ရပ်​တွေကို သိသွားတဲ့အခါမှာ​တော့...... ရီယန်တစ်​ယောက် နတ်ဆိုးလက်ကလွတ်​မြောက်​​​အောင်ကြိုးစားရပုံကို စိတ်​ခြောက်ခြားစရာဇာတ်ဝင်ခန်းများစွာနဲ့ ခံစားကြည့်ရှုရမယ့် အင်ဒို​ဟော်ရာကား​လေး ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

Final Destination franchise ရဲ့ နောက်ဆုံးထွက် Bloodline မှာတော့ မိသားစုတစ်စုထဲမှာ ကျိန်စာသင့်နေတဲ့ ကံတရားကို ပုံ‌‌ဖော်ထားပါတယ်။ ရက်စက်တဲ့ သေပုံသေနည်းတွေ ကံတရားကို စိန်ခေါ်ပုံတွေကို ရသတစ်မျိုးနဲ့ ခံစားနိုင်မှာပါ။ ကောလိပ်ကျောင်းသူဖြစ်တဲ့ စတက်ဖနီဟာ တူညီတဲ့ အိပ်မက်ဆိုးကိုပဲ ထပ်ခါထပ်ခါမက်နေပြီး အဲဒီအိပ်မက်ဟာ 1960 ပြည့်နှစ်တွေတုန်းက အမှန်တကယ်ဖြစ်သွားတဲ့ တာဝါပြိုကျပြီး လူရာချီ သေဆုံးသွားတဲ့ မတော်တဆမှုဖြစ်နေပါတယ်။ အဲဒီအိပ်မက်ထဲမှာ နောက်ဆုံးသေသွားတဲ့လူက သူ့အဘွား အိုင်းရစ်စ်ဖြစ်နေတာပါ။ အဲဒါကြောင့် စတက်ဖနီက အိမ်ကိုပြန်လာပြီး သူ့အဘွားအကြောင်းစုံစမ်းပါတယ်။ ဖြစ်ချင်တော့ အဲဒီတုန်းက accident မှာ သူ့အဘွားက နိမိတ်ကြိုမြင်ပြီး လူတွေအသက်ဆုံးရှုံးမှာကို ကယ်ခဲ့လို့ သေမင်းက အဲဒီထဲပါခဲ့တဲ့ လူတွေအားလုံးကို တာဝန်ကျေပွန်စွာ လိုက်သတ်နေတာပါ။ အထူးသဖြင့် အိုင်းရစ်စ်ရဲ့မျိုးဆက်တွေက အစတည်းက ရှိမလာရမှာဖြစ်တဲ့အတွက် သူတို့မိသားစုအလှည့်ကို ရောက်လာတဲ့အခါမှာတော့ သေမင်းကို လှည့်စားဖို့ ကြိုးပမ်းရင်း ကျိန်စာကနေ လွတ်မြောက်ပြီး အသက်ရှင်မလားဆိုတာ...အဆုံးထိ စိတ်ဝင်စားဖွယ် စီးမျောအားပေးကြပါဦး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

မင်းသားဗီဂျေးရဲ့ နောက်ဆုံးထွက်ရှိထားတဲ့ လက်စားချေအက်ရှင်သည်းထိတ်ရင်ဖို စွန့်စားခန်းအပြည့်နဲ့ ဇာတ်ကားကောင်းလေးပဲဖြစ်ပါတယ်။ ထောင်ကထွက်လာတဲ့ ကန်နန်တစ်ယောက်က ဘဝကို ရိုးရိုးရှင်းရှင်းသာမန်လူတစ်ဦးအနေနဲ့ နေထိုင်ချင်ခဲ့ပေမဲ့ အခြေအနေက မပေးခဲ့ပါဘူး။ ချစ်သူရာကူးရဲ့အလုပ်အဆင်ပြေဖို့ လောင်းကစားလုပ်မိရာက ဖဲလိမ်အရိုက်ခံရပြီး လူဆိုးဂိုဏ်း ‌ခေါင်းဆောင်ဆီမှာ သန်းနဲ့ချီတဲ့အကြွေးတွေ တင်ခဲ့ပါတယ်။ လူဆိုးဂိုဏ်းခေါင်းဆောင်က သူ့အကြွေးကို တစ်ပတ်အတွင်းပြန်ဆပ်ခိုင်းတဲ့အချိန်မှာ လိုနေတဲ့ငွေကို ရှာဖွေဖို့အတွက် ဘဏ်ကိုဓားပြတိုက်ရာကနေပြီး သူ့ရဲ့ ဘယ်လိုအရှုပ်အထွေးများထဲကို ဝင်သွားခဲ့ရမလဲ သူ့ရဲ့ သရုပ်မှန်ကရော ဘာလဲဆိုတာကို စိတ်ဝင်တစားစောင့်ကြည့်ရမှာပဲဖြစ်ပါတယ်။ Rating 7.2/10 အထိရရှိထားပြီးဟာသဆန်ဆန် ရယ်မောစရာအပြည့်နဲ့ စိတ်ဝင်စားစရာစွန့်စားခန်းများကို ယှဉ်တွဲကြည့်ရှုရမယ့် ဇာတ်ကားကောင်းတစ်ကားပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Phyu Sin Pwint ဖြစ်ပါတယ်

ဒီရုပ်ရှင်မှာ အမိုက်စား Action တွေနဲ့ Martial arts တွေကို ဝေဝေဆာဆာ မြင်ရမှာပါ။ အာဏာကြီးပြီး ကြွယ်ဝတဲ့ ဂန်းစတား ဗင်းဆန့်တေနဲ့ အယ်လီဆာတို့သားအဖဟာ အယ်လီဆာရဲ့မိခင်ဖြစ်သူ သေဆုံးပြီးတည်းက အဖေတစ်ခုသမီးတစ်ခု နေလာတာပါ။ တစ်နေ့မှာ ခရစ်စ်ဆိုတဲ့ လူတစ်ယောက် ပေါ်လာပြီး အယ်လီဆာကိုပြန်ပေးဆွဲသွားတယ်။ ခရစ်စ်က ထောင်ထွက်တစ်ယောက်ဖြစ်ပြီး သူ့ကိုယ်သူ အယ်လီဆာရဲ့အဖေရင်းလို့ပါ ပြောနေပေမယ့် အယ်လီဆာကတော့ မယုံပါဘူး။ ဒါပေမဲ့လည်း ခရစ်စ်လက်ကနေ ထွက်မပြေးနိုင်ဘဲ ပါသွားပါတယ်။ အယ်လီဆာရဲ့အဖေ ဗင်းဆန့်တေကလည်း သူ့သမီးကို ပြန်ခေါ်ဖို့ ဆိုက်ကိုလူသတ်သမားကို ငှားလိုက်ပါတယ်။ အယ်လီဆာက ခရစ်စ်နဲ့အတူ ပြေးရင်းလွှားရင်း သူ့မေနဲ့ဗင်းဆန့်တေ သူ့အဖေရင်းတို့ရဲ့ အတိတ်ဖြစ်ရပ်တွေ ခရစ်စ်ထောင်ကျခဲ့တဲ့ အကြောင်းရင်းတွေပါ သိလာပြီး ခရစ်စ်ကို သူ့အဖေအဖြစ် လက်ခံသွားမှာပါ။ ဒီပြန်ပေးဆွဲတဲ့အဖြစ်ကနေ နောက်ဆုံးမှာ ဘာတွေဖြစ်မလဲဆိုတာကတော့ ဆက်လက်ရှုစားကြပါနော်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ဒီဇာတ်ကား​လေးက​တော့ နတ်ဆိုးရဲ့သတို့သမီးဆိုတဲ့အတိုင်း နတ်ဆိုးတစ်ပါးနဲ့လက်ထပ်လိုက်တဲ့ အိမ်​ထောင်သည်အမျိုးသမီးတစ်​ယောက်အ​ကြောင်းကို အ​​​ခြေခံရိုက်ကူးထားတဲ့ ဖြစ်ရပ်မှန်ဇာတ်လမ်း​လေးဖြစ်ပါတယ်။ ​နတ်ဆိုးနဲ့လက်ထပ်ကြတယ်​ဆိုတာဟာခန္ဓာကိုယ်နဲ့စိတ်ဝိညာဥ်ကို နတ်​ဆိုးထံအပ်နှင်းပြီး အပြန်အလှန်အ​နေနဲ့ ကျန်းမာ​ရေး သို့မဟုတ် ချမ်းသာကြွယ်ဝမှုနဲ့ အလဲအလှယ်လုပ်ကြတာ ဖြစ်ပါတယ်။ အသက်နဲ့ခန္ဓာကိုယ်ကို​ ပေးအပ်ထားတာမို့ နတ်ဆိုးက ကိုယ့်ခန္ဓာကိုယ်ကို တဖြည်းဖြည်းဝါးမျိုရင်း ဖျက်စီးခြင်းကို ခံရပါတယ်။ ဒီဇာတ်ကား​လေးထဲမှာ​တော့ ရမ်တီဆိုတဲ့ အမျိုးသမီးဟာ သမီးဖြစ်သူရဲ့အသက်ကို ကယ်တင်ဖို့ ကြိုးစားရင်း နတ်ဆိုးနဲ့လက်ထပ်လိုက်ရတာ ဖြစ်ပါတယ်။ မိခင်​မေတ္တာတရားကို ​ဖော်ကျူးရင်း ထိတ်လန့်​ခြောက်ခြားစရာ ပူးကပ်မှုဇာတ်ဝင်ခန်းများစွာနဲ့ ခံစားကြည့်ရှုရမယ့် အင်ဒိုနီးရှား​ဟော်ကား​လေး ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

ဘယ်တော့မှမရိုးတဲ့ Comedy movie တွေကို စောင့်မျှော်နေကြသူများ အသစ်ထပ်ထွက်ပါပြီ " Single 2025 "ပါ ( Title ကြည့်ရုံနဲ့ ကိုယ့်အကြောင်းရိုက်ထားတဲ့ကားမှန်း သိလောက်ရောပေါ့ 🤸🏻‍♀️ ) ဟုတ်ပါတယ် တစ်ဘဝလုံးဂေါ်မစွံတဲ့ စင်ဂယ်ကြီးဗီဂျေး‌အကြောင်းပါ သိပ်ချစ်တဲ့သူငယ်ချင်းက ရည်းစားရသွားလို့ မနာလိုအားကျဖြစ်ပြီး စင်ဂယ်ဘဝကလွတ်ဖို့ ဘုရားမှာဆုတောင်းခဲ့ပါတယ် ဘုရားက မိန်းမလှလေး၂ယောက်နဲ့ဆုံတွေ့ပေးပါတယ် တစ်ယောက်ကိုသူကကြိုက်ပြီး နောက်တစ်ယောက်ကသူ့ကိုကြိုက်တာပါ သုံးပွင့်ဆိုင်အချစ်ဇာတ်လမ်းကြား ဗီဂျေးဘယ်သူ့ကိုရွေးမလဲ ? လူပျိုကြီးဇာတာပါတဲ့ဗီဂျေးတစ်ယောက် တကယ်ပဲစွံသွားမလားဆိုတာ ရယ်မောပျော်ရွှင်ဖွယ်ကြည့်ရှုရမှာပါ ပေါ့ပေါ့ပါးပါးဟာသကားလေးမို့ ဒီတစ်ပတ်ပိတ်ရက်အတွက် ကြိုရွေးထားလိုက်တော့နော် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ki Ki Chit Su ဖြစ်ပါတယ်

လူ့ဘဝကို ရုန်းကန်လှုပ်ရှား အလုပ်နှစ်ခုကိုပြိုင်တူလုပ်ပြီး မကျန်းမာတဲ့သမီးလေးတစ်ယောက်ကိုစောင့်ရှောက်ရတဲ့ တစ်ကိုယ်တော်မိခင်ဖြစ်တဲ့ဂျနိုက်ယာ သူမကတော့ သူ့သမီးလေးဆေးစရိတ်ကျောင်းစရိတ်တွေကိုရှာဖို့ နေ့မအိပ်ညမအိပ်နဲ့အလုပ်နှစ်ခုကိုပြိုင်တူလုပ်ရသူပါ ဆေးဖိုးစရိတ်တွေကြီးတဲ့ကြား အိမ်လခပါမပေးနိုင် အလုပ်ကလည်းထုတ်ခံလိုက်ရတဲ့အခါမှာတော့ သူမရဲ့စိတ်တွေမွန်းကြပ်လာပြီး စိတ်လွတ်ကာ အကြမ်းဖက်မှုအဖြစ်ပြောင်းသွားပြီး ဘဏ်တစ်ခုမှာ ဓားပြတိုက်တဲ့တရားခံဖြစ်လာပါတော့တယ် ဒါပေမယ့်သူမဘဝနဲ့ခံစားရတာတွေကို သိရှိသွားပြီးနောက် သူမနဲ့ဓားစာခံတွေကြားက ဆက်သွယ်မှုလေးဖြစ်သွားပြီး ဂျနိုက်ယာတစ်ယောက် ဘယ်လိုနှစ်ပါးသွားမလဲဆိုတာ ရင်ခုန်စွာ တမူထူးခြားကြည့်ရှုရမယ့်ဇာတ်လမ်းလေးဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Thansin ဖြစ်ပါတယ်

ဒီဇာတ်ကား​လေးက​တော့ အက်ရှင်ကားကြိုက်တဲ့သူအတွက် အင်ဒိုအက်ရှင်ဇာတ်ကားအကြမ်းစား​လေးဖြစ်ပါတယ်။ ​ယောက်ျားဖြစ်သူ ရန်ပွဲမှာ​သေဆုံးသွားလို့ တစ်ချိန်လုံးအရက်​သောက်, ​လောင်းကစားလုပ်​နေတဲ့ အ​မေကို စိတ်နာပြီး တတ်ထားတဲ့ကိုယ်ခံပညာကို အသုံးချကာ မ​ကျေနပ်ချက်​တွေကို လက်သီးနဲ့​​​ဖြေရှင်းတတ်တဲ့ ခပ်မိုက်မိုက်​ကျောင်းသူ​​ ကောင်မ​​လေးတစ်​ယောက်အ​​ကြောင်းပါ။ မိန်းက​လေး​တွေအ​ပေါ် မတရားအနိုင်ကျင့်တာကို လက်မခံပဲဝင်ပါတတ်လို့ ​ပြဿနာတက်ပြီး ကျောင်းခဏခဏထုတ်ခံ​နေရတဲ့ သတ္တိခဲ​လေးအ​ကြောင်းကို ဇာတ်လမ်းဆင်ရိုက်ကူးထားပါတယ်။ ကိုယ်ခံပညာအ​ကြောင်းကို အ​ခြေခံရိုက်ကူးထားတဲ့ ဘဝသရုပ်​ဖော်အက်ရှင်ကားမို့ အက်ရှင်ကားကြိုက်တဲ့သူ​တွေအတွက် ​ရွေးချယ်သင့်တဲ့ဇာတ်ကား​လေး ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

ပြန်ပေးဆွဲကားဆိုတဲ့အတိုင်း ထူးထူးခြားခြား လှည့်ကွက်နဲ့ ဇာတ်မျောစေမယ့် ကားလေးကို ပြသပါ့မယ်။ ကြည့်မိရင် နောင်တရမယ့်ကားမဟုတ်သလို ချစ်သူနှစ်ယောက်ရဲ့ သစ္စာတရားကိုပါမြင်ရမှာပါ။ ချစ်သူနှစ်ယောက်က သူငယ်ချင်းတွေနဲ့ခရီးထွက်လာတော့ ဂြိုလ်သားအသံလိုမျိုး အစိမ်းရောင်အလင်းရောင်ကြီးက ချစ်သူကို ခေါ်သွားတာမြင်ပြီးနောက် ရဲတွေနဲ့ ဘယ်လိုပြန်ရှာမလဲ ရှာတွေ့ပါ့မလား။ ဂြိုလ်သားဆိုတာ တကယ်ရှိတာလား။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Bella ဖြစ်ပါတယ်

ဥပဒေမဲ့လက်နက်ကိုင်တွေကြီးစိုးရာ မိုတူပါလီဒေသနဲ့ အနီးပတ်ဝန်းကျင်က ရွာတွေမှာ အတင်းအဓမ္မမြေယာသိမ်းဆည်းခြင်း၊ လူသတ်အကြမ်းဖက် နှိပ်စက်ခြင်းတွေကို ခံစားနေရပြီး ‌ဒေသခံပြည်သူအများက ဒုက္ခရောက်နေခဲ့ကြပါတယ်။ ဒေသခံရဲနဲ့ ဝန်ကြီးကိုယ်တိုင်က အကျင့်ပျက်လာဘ်စားပြီး ကယ်သူမဲ့ရွာသူရွာသားများအတွက် ခရီးသွားတစ်ဦးပေါ်လာချိန်မှာတော့ အရာအားလုံးကို ပြောင်းပြန်လှန်ပစ်လိုက်သလို အခြေအနေတွေက ပြောင်းလဲသွားပါတော့တယ်။ မထင်မှတ်ဘဲပေါ်လာတဲ့ ခရီးသည်ရဲ့သရုပ်မှန်က ဘာဖြစ်မလဲ မတရားမှုတွေကယ်တင်ပေးမှာလဲ။ခပ်ကြမ်းကြမ်းခပ်ရမ်းရမ်း အက်ရှင်ကားများကို ကြိုက်နှစ်သက်တဲ့ပရိတ်သတ်ကြီးအတွက် IMDb 6.3/10 အထိရရှိထားတဲ့ အိန္ဒိယအက်ရှင်ဇာတ်ကြမ်းကားကြီးက ဇာတ်လမ်းဇာတ်အိမ်ကောင်းကောင်းနဲ့ တင်ဆက်ပေးထားတာမို့ လက်မလွတ်တမ်းကြည့်ရှုဖို့ တိုက်တွန်းလိုက်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Phyu Sin Pwint ဖြစ်ပါတယ်

MMA လက်ဝှေ့ဟောင်းသမားတစ်ယောက်က ပြိုင်ပွဲအတွင်းတစ်ဖက်ပြိုင်ပွဲဝင်ကို ထိုးလိုက်ရာကနေ သေဆုံးသွားရတဲ့အခါ တစ်ဖက်မိသားစုအပေါ် အပြစ်တင်စိတ်ကြောင့် လက်ဝှေ့ကိုတောင်ဆက်မကစားတော့ဘဲ ပျောက်ကွယ်သွားပါတော့တယ် နှစ်ကြာတော့ သူကြောင့်သေဆုံးသွားတဲ့လူရဲ့ သားဖြစ်သူကို လူဆိုးဂိုဏ်းတွေလက်ထဲက ကယ်ပေးဖို့အကြောင်းဖန်လာတဲ့အခါမှာတော့ သူသတ်လိုက်မိတဲ့လူရဲ့ မိသားစုအပေါ် အကြွေးဆပ်နိုင်မလား ဆိုတာ ပြင်သစ်ဂိုဏ်းတွေအကြောင်းရိုက်ကူးထားတဲ့ကားလေးဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Thansin ဖြစ်ပါတယ်

မြို့ငယ်လေးရဲ့ သိပ်အပျင်းကြီးတဲ့လူတစ်ယောက်... အလုပ်လည်းမလုပ်ဘူး အရက်သောက်ပြီး ငါးဖမ်းထွက်နေတတ်ပေမဲ့ သိပ်ချစ်ဖို့ကောင်းတဲ့မိသားစုလေး သူပိုင်ဆိုင်ထားတယ် ဒီတစ်ခေါက်ကတော့ Action ကားခပ်မိုက်မိုက်တစ်ခုနဲ့ မိတ်ဆက်ပေးပါမယ် Daveed 2025 ဖြစ်ပါတယ် အပေါ်ကမိတ်ဆက်နဲ့ Action movie ဆိုတာနဲ့ ဆက်စပ်လို့မရပေမဲ့ အဲဒါကဇာတ်ကားရဲ့အနှစ်သာရပါ မိန်းမပြုစုတာခံပြီး သိပ်အပျင်းကြီးတဲ့ သာမာန်အရပ်သားတစ်ယောက်ရဲ့ နောက်ကြောင်းမှာ ဘယ်လောက်အံ့ဩစရာ သမိုင်းတွေရှိနေလဲ? ထပ် Spoil လုပ်ရရင် Boxingကို နှစ်သက်သူများအတွက် အရွေးချယ်သင့်ဆုံးဇာတ်ကားပါပဲ Action ခန်းတွေကို အကွက်ကျကျနဲ့ တစ်ဝကြီးကြည့်ရှုရမှာ‌မို့ လက်မလွှတ်ကြနဲ့နော် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ki Ki Chit Su ဖြစ်ပါတယ်

ရုပ်ရှင်နာမည်အတိုင်း ကလေးခိုးတဲ့အဖွဲ့အစည်းကြောင်းရိုက်ထားတဲ့ ဖြစ်ရပ်မှန်ဇာတ်ကားပဲဖြစ်ပါတယ်။ ရထားစီးလာတဲ့ညီလေးကို အစ်ကိုဖြစ်သူကဘူတာရုံမှာသွားကြိုတယ်။ ညီဖြစ်သူ ဘူတာရုံမှာကလေးသူခိုးနဲ့ဝင်တိုက်မိပြီး ကလေးသူခိုးလို့အစွပ်စွဲခံရတယ်။ အဲဒါနဲ့သူမခိုးကြောင်း၊ သူဝင်တိုက်မိတဲ့သူက ခိုးသွားတဲ့သူဖြစ်နိုင်ခြေရှိကြောင်းပြောတော့ ရဲတွေက ညီအစ်ကိုနှစ်ယောက်ကိုမျက်မြင်သက်သေအဖြစ်ခေါ်ထားလိုက်တယ်။ အဲဒါနဲ့ညီဖြစ်သူက အခိုးခံရတဲ့ကလေးကို လိုက်ကူရှာပေးဖို့ဆုံးဖြတ်ရင်း ညီအစ်ကိုနှစ်ယောက်လည်း ပြဿနာတောထဲဝင်ပါမိသွားသလို ကလေးသူခိုးအဖွဲ့စည်းကြီးကိုလည်းတူးဖော်မိသွားပါတယ်။ ဖြစ်ရပ်မှန်ဇာတ်လမ်းလည်းဖြစ်သလို ညီအစ်ကိုနှစ်ယောက်အသက်ရှင်ပါ့မလား၊ ကလေးပြန်ရှာတွေ့ပါ့မလား၊ ဒီအဖွဲ့စည်းကဘယ်လောက်ကြီးလဲဆိုတာ တစ်ကားလုံးရင်တထိတ်ထိတ်ကြည့်ရမှာမို့လို့ ကြည့်ရှုရတာတန်မယ့်ကားဆိုတာ အာမခံပးရင်း ဒီကားလးကိုညွှန်းလိုက်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Bex ဖြစ်ပါတယ်

၂၀၁၆ ခုနှစ်က ထွက်ရှိခဲ့တဲ့ မင်းသား Ben Affleck ရဲ့ ‘စာရင်းကိုင်’ရုပ်ရှင်အဆက်ဖြစ်ပါတယ်။ ယူအက်စ်ဘဏ္ဍာရေးဌာန (ဖင်းဆန်း)ရဲ့ ဒုညွှန်မှူးဟောင်း ရေးကင်း (J.K. Simmons) က ဆိုင်တစ်ခုမှာ လူသတ်သမားတစ်ဦးနဲ့ တွေ့ဆုံပြီး လွန်ခဲ့တဲ့ ၈နှစ်က ပျောက်ဆုံးသွားခဲ့တဲ့ သားအမိ နှစ်ယောက်ကို ရှာခိုင်းတာနဲ့ ဇာတ်လမ်းကို စထားတယ်။ ဒါပေမဲ့ ဆိုင်အပြင်ဘက်မှာ အသင့်စောင့်နေတဲ့ လူသတ်သမားတွေက ရေးကင်းနောက်ကို လိုက်လာပြီး သူ့ကို သတ်လိုက်ပါတော့တယ်။ ဒီတော့ ရေးကင်းရဲ့ အလောင်းကိုအတည်ပြုဖို့အတွက် ဖင်းဆန်းရဲ့ လက်ရှိ ဒုညွှန်မှူး မက်ဒီနာက ရောက်လာခဲ့တယ်။ ရေးကင်းဟာ အသတ်ခံရနီး နောက်ဆုံးအချိန် လက်ဖျံမှာ “စာရင်းကိုင်ကိုရှာပါ” ဆိုတဲ့ စာတစ်ကြောင်းပဲ ရေးခဲ့လေတော့ မက်ဒီနာတစ်ယောက် စာရင်းကိုင် ခရစ်ရှန်ဝုဖ်ကို ရှာဖွေရတော့တယ်။ သူမရဲ့ ဘော့စ် ဘယ်လိုအမှုကိုသွားစုံစမ်းလို့ အသတ်ခံရသလဲ။ သားအမိနှစ်ယောက်ကို လိုက်ရှာရုံနဲ့ အဖြောင်ခံရလောက်အောင် နောက်ကွယ်ကအရှုပ်တော်ပုံက ဘာတွေဖြစ်မလဲ။ ခရစ်နဲ့အတူတူ ခရစ်ရဲ့ ညီ ဘက်စ်တန် (Jon Bernthal) ကပါ ဘယ်လိုတွေ ကူညီပေးကြမလဲ။ အညွှန်းနဲ့ ဘာသာပြန်ကိုတော့ LYKZ က တင်ဆက်ထားပါတယ်။

ဂျက်ဆိုတဲ့ကောင်လေးက သူများနဲ့ မတူဘဲထူးခြားတဲ့အရည်အချင်းတွေရှိပေမဲ့ တစ်လွဲတွေလုပ်တတ်တဲ့အကျင့်နဲ့ သူများနဲ့မတူတဲ့ရှုထောင့်ကနေ လုပ်တဲ့တဲ့စရိုက်တွေကြောင့် ဘယ်နေရာမှာ မှ အံဝင်ခွင်ကျမဖြစ်ဘဲ အလုပ်လက်မဲ့ဖြစ်နေပါတယ်။ သူ့သားဖြစ်သူ ဘာတွေလုပ်နေလဲဆိုတာကို သိချင်တဲ့ ဖခင်ဖြစ်သူက စုံထောက်အေဂျင်စီတစ်ခုကို ငွေပေးပြီး သူ့သားအကြောင်းတွေ လိုက်လံစုံစမ်းခိုင်းပါတော့တယ်။ စုံထောက်အေဂျင်စီက စုံထောက်မလေး အက်ဖ်ရှန်က ဘယ်လိုတစ်လွဲနည်းလမ်းတွေနဲ့ ဂျက်ကို စုံစမ်းထောက်လှမ်းမလဲ။ ဂျက်ရဲ့အန္တိမရည်မှန်းချက်ကတော့ အိန္ဒိယနိုင်ငံကာကွယ်ရေးနဲ့စောင့်ကြည့်လေ့လာရေးအဖွဲ့ (RAW) အဖွဲ့ရဲ့ အဖွဲ့ဝင်တစ်ဦးဖြစ်ချင်တာပါ။ အေးဂျင့်ကောင်းတစ်ဦးဖြစ်ဖို့ အကြမ်းဖက်တွေရဲ့စစ်ဆင်ရေးတစ်ခုထဲကို ဝင်ပါမိရာကစပြီး ဘယ်လိုအလွဲတွေနဲ့ကြုံလာရမလဲဆိုတာကို ဟာသနှောပြီးရိုက်ကူးထားတဲ့ အိန္ဒိယဟာသအက်ရှင် စွန့်စားခန်းအပြည့်နဲ့ ဇာတ်ကားကောင်းလေးတစ်ကားပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Phyu Sin Pwint ဖြစ်ပါတယ်

" လူကြမ်းကြီးလည်း ချစ်တတ်ပါတယ် " ဆိုတာ ဒီလိုဇာတ်ကားမျိုးကိုပြောတာဖြစ်မယ် >< ဒီတစ်ခါမှာ အမိုက်စား Action- Romance ကားနဲ့မိတ်ဆက်ပေးပါမယ် " Retro 2025 " ပါ Rating 7.3/10 တောင်ရထားပါတယ် ငယ်စဥ်ကတည်းက လုံးဝမရယ်တတ်တဲ့ လူကြမ်းကြီးပါရီနဲ့ သူချစ်ရတဲ့ တိကုဆရာဝန်မလေး ရုမီနီရဲ့အကြောင်းပေါ့ လူကြမ်းကြီးရဲ့အားရစရာ ဖိုက်တင်ခန်းတွေ၊ မာဖီယားဂိုဏ်းတွေ၊ စွန့်စားခန်းတွေကို အကွက်ကျကျနဲ့ တစ်ဝကြီးကြည့်ရမယ့်အပြင် ကြမ်းတာရမ်းတာလုံးတာမကြိုက်တဲ့ ရုမီနီအတွက် လူကြမ်းကြီးပြောင်းလဲပေးနိုင်မလားဆိုတာကို ရသစုံစွာကြည့်ရမှာမို့ မျက်စိမှိတ်ရွေးရင်တောင်မမှားနိုင်တဲ့ ဇာတ်ကားကောင်းတစ်ပုဒ်ပါပဲ ဒီဇာတ်ကားကို အညွန်းနဲ့ဘာသာပြန်ပေးသူကတော့ Ki Ki Chit Su ဖြစ်ပါတယ်

ဒါက စပိန်နိုင်ငံမှာ 2017 ကတကယ်ဖြစ်ခဲ့တဲ့ ဖြစ်ရပ်မှန်ဇာတ်ကားလေးပါ။ ဇာတ်လမ်းအစမှာကတည်းက အလောင်းတစ်ခုကို တွေ့တယ်။ ‌အသတ်ခံရတဲ့သူက အာတူနိုဖြစ်ပြီး သူ့မှာ မာဂျဲလို့ခေါ်တဲ့ ငယ်ငယ်‌ချောချောဇနီးတစ်ယောက်ရှိတယ်။ မာဂျဲက နေ့ချိန်း ညချိန်းနဲ့ တစ်နေ့ကို အလုပ်နှစ်ခုလုပ်ရတဲ့ သူနာပြုမလေးပါ။ မာဂျဲက ရည်းစားလည်းများပြီး အပျော်လည်းမတ်တယ်။ စုံစမ်းစစ်ဆေးရေးအဖွဲ့တွေက မာဂျဲအပေါ်မှာ သံသယရှိနေကြတယ်။ ဒီလိုနဲ့စုံစမ်းရင်း ခင်ပွန်းဖြစ်သူကို တစ်ကယ်ပဲ မာဂျဲကသတ်လိုက်တာလား ဒါမှမဟုတ် တခြားသူက သတ်လိုက်တာလား ဆိုတာကို စိတ်ဝင်စားဖွယ်ကြည့်ရှုရမယ့် ထောက်လှမ်းရေးကားလေးဖြစ်ပါတယ်။ သတိ -- လိင်အသားပေးပြကွက်အချို့ပါဝင်သောကြောင့် 18 မပြည့်သူများ မကြည့်သင့်ပါ။ ဒီဇာတ်ကားမှာ မာဂျဲအဖြစ် မင်းသမီး Ivana Baquero၊ စုံထောက်အရာရှိ အီဗာ အဖြစ် မင်းသမီးကြီး Carmen Machi နဲ့ ဆယ်ဗာအဖြစ် မင်းသား Tristán Ulloa တို့က ပါဝင်ရိုက်ကူးထားပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက AWY ဖြစ်ပါတယ်။

ဒီဇာတ်ကား​လေးက​တော့ အင်ဒိုနီးရှားရိုးရာယုံကြည်မှုဖြစ်တဲ့ ကလီဝန်အင်္ဂါ​နေ့မှာ သေဆုံးသွားတဲ့ မိသားစုအ​ကြောင်းကို အ​ခြေခံရိုက်ကူးထားပါတယ်။ ကလီဝန်အင်္ဂါ​နေ့မှာ လူ​သေသွားရင် ​သေဆုံးသူက ကျန်ရစ်သူမိသားစုကို ၅ရက်အတွင်း ​ခေါ်သွားတတ်တယ်လို့ ယုံကြည်ကြပါတယ်။ အဲဒီ​နေ့မှာ ​သေဆုံးခြင်းဟာ ကံဆိုး​စေတယ်လို့ ယူဆထားကြတာပါ။ ဒီလိုမျိုးကြုံ​တွေ့ရတဲ့အခါ ရိုးရာဓ​လေ့ပန်းကန်ခွဲခြင်းအစီအရင်ကို မိသားစုဝင်အားလုံးလုပ်​ဆောင်ကြရပါတယ်။ ရိုးရာဓ​လေ့ဆိုတာ မပယ်ရှား​ကောင်းဘူးဆိုတာနဲ့ ဒီလို​သေခြင်းတရားက ​နောက်ကလိုက်​နေတယ်ဆိုတာ တကယ်ပဲလား၊ တခြားအ​နှောင့်ပ​ယောဂ​တွေ​​ရော ပါဝင်ပတ်သက်​နေဦးမလားဆိုတာကို ထိတ်လန့်ဖွယ်ရာဇာတ်ဝင်ခန်း​တွေနဲ့ ခံစားကြည့်ရှုရမယ့် အင်ဒိုနီးရှား​ဟော်ရာကား​လေး ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

ဒီကားထဲမှာ ဒေါသတကြီးနဲ့အမှုလိုက်တတ်တဲ့ရဲအရာရှိအသစ်အာဂျွန်ဆာကာ့ကို Dark Web တစ်ခုပေါ်မှာ ဖြစ်ပျက်နေတဲ့လူသတ်မှုတစ်ခုကိုစုံစမ်းဖို့ခိုင်းလိုက်ပါတယ်။ ဇာတ်လမ်းရဲ့အစပိုင်းမှာ အာဂျွန်ဆာကာ့ကို ထောင်ထဲဖမ်းခေါ်သွားတာကိုရိုက်ပြထားတယ်။ CTK ဆိုတဲ့အဖွဲ့စည်းတစ်ခုက ပရဟိတအမည်ခံပြီး Dark Web ပေါ်မှာ ဒုစရိုက်တွေလုပ်နေတာပါ။ ဒါကို ရဲအရာရှိအာဂျွန်ဆာကာနဲ့ သူ့အဖွဲ့သစ်တို့စုံစမ်းရမှာပါ။ ဒါပေမဲ့ရဲအရာရှိအာဂျွန်ဆာကာက ဘယ်လိုလုပ်ထောင်ကျသွားခဲ့တာလဲ။ အာဂျွန်ဆာကာကိုယ်တိုင်လူသတ်နေတာကိုမြင်တော့ လုပ်ဖော်ကိုင်ဖက်ရဲမေကပါ မသင်္ကာဖြစ်သွားပါတော့တယ်။ ဒါဆိုရင် အာဂျွန်ဆာကာရဲ့သရုပ်မှန်ကဘာလဲ ဒီအဖွဲ့စည်းနဲ့ဘာဆက်စပ်မှုရှိလဲဆိုတာ ဒီမှုခင်းရုပ်ရှင်ကားကောင်းလေးမှာ ဆက်လက်ကြည့်ရှုပေးကြပါဦးနော်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Bex ဖြစ်ပါတယ်

1930 ပြည့်နှစ်တွေက မစ္စစပီ၊ ဒယ်လ်တာဒေသမှာ ဖြစ်ခဲ့တဲ့ ဒဏ္ဍာရီဆန်ဆန်ဇာတ်လမ်း ဖြစ်ပါတယ်။ Michael B.Jordan က မွေးရပ်မြေမှာ အရက်နဲ့ဖျော်ဖြေရေးတွဲဖက်ရောင်းချတဲ့ဆိုင်ဖွင့်ဖို့ ချီကာဂိုကနေ ပြန်လာတဲ့ ဂန်းစတား စိတ်တူကိုယ်တူအမွှာညီအစ်ကို စမုက်နဲ့စတက်အဖြစ် သရုပ်ဆောင်ထားပါတယ်။ သူတို့အမွှာညီအစ်ကိုနဲ့အတူ ဂီတာတီးတတ်တဲ့ ညီဝမ်းကွဲဆမ်မီပါလိုက်လာပြီး ဆိုင်ဖွင့်ပွဲမှာ ဖျော်ဖြေပေးပါတယ်။ ဒါပေမဲ့ ရှေးတုန်းက ဒဏ္ဍာရီအဖြစ်သိကြတဲ့ ဂီတကို သဘောကျနှစ်ခြိုက်တဲ့ နတ်ဆိုးလို့ ခေါ်တဲ့ သွေးစုပ်ဖုတ်ကောင်တွေက သူတို့လုပ်ငန်းကို လာနှောင့်ယှက်တဲ့အခါမှာတော့ ဇာတ်လမ်းက Musical ကနေ Horror အဖြစ် ပြောင်းသွားမှာပါ။ ဆိုင်ဖွင့်ပွဲညမှာပဲ သွေးချောင်းစီးပွဲဖြစ်သွားပြီး အသက်လု တိုက်ခိုက်ရပါတော့တယ်။ Jim Crow ခေတ်က လူမည်းတွေရဲ့ဘဝ၊ blue ဂီတယဉ်ကျေးမှုနဲ့သမိုင်းကို ပေါင်းစပ်ဖော်ပြထားပြီး အမေရိကန်အနောက်တောင်ပိုင်းက ကိုးကွယ်ယုံကြည်မှု၊ အယူအဆတွေကိုပါ မြင်ရမှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

Holy Night: Demon Hunters (2025) ဒီတစ်ခါအသစ်ထွက်ရှိလာတဲ့ ကားလေးကတော့ နတ်ဆိုးကို နှိမ်နှင်းမယ့် အဖွဲ့အကြောင်းကို ကြည့်ရှုရမှာပါ ဇာ​တ်လမ်းအကျဥ်းကတော့ "Holy Night" ဆိုတဲ့အဖွဲ့က နတ်ဆိုးတွေကို နှိမ်နှင်းတဲ့အလုပ်လုပ်ကိုင်နေတဲ့အဖွဲ့ပါ အဖွဲ့ဝင်တွေက ဘာအူ, ရှာရွန်, ဂင်ဂွန်းတို့ သုံးဦးနဲ့ဖွဲ့စည်းထားပါတယ် ဘာအူက သန်မာတဲ့အင်အားရှိပြီး ရှာရွန်က နတ်ဆိုးကိုရှာနိုင်တဲ့ အင်အားရှိပြီး အပနှင်တာကို လုပ်ကိုင်ပါတယ် ဂင်ဂွန်းက ဘာအူနဲ့ ရှာရွန်ကို ကူညီပြီး အပနှင်တဲ့ဖြစ်စဥ်ကို ရိုက်ကူးပါတယ် ဒီလိုနဲ့ စိတ်ကူးကျန်းမာရေးအထူးကု ဆရာဝန်ဂျောင်ဝန်ဆီမှာ အွန်းဆောဆိုတဲ့ ညီမတစ်ယောက်ရှိပါတယ် အဲ့ညီမဆီမှာ ထူးဆန်းတာတွေဖြစ်ပေါ်လာပြီး လုံးဝကုသလို့မရတဲ့အခါမှာတော့ "Holy Night" အဖွဲ့ဆီ သူ့ညီမကိုအပ်ခဲ့ပါတယ် အွန်းဆောကို ကယ်တင်နိုင်ပါ့မလားဆိုတာကို စိတ်လှုပ်ရှားဖွယ် ကြည့်ရှုရမှာပါ Ma Dong Seok, Seo Hyun တို့ပါဝင်ထားတဲ့ အသစ်စက်စက်ထွက်ရှိထားတဲ့ ရုပ်ရှင်ကားအသစ်ဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Myint Thuzar Lin ဖြစ်ပါတယ်

နိုင်ငံခြားမှာလေးနှစ်ပညာသင်အလုပ်လုပ်ပြီး မိဘများနဲ့ တွေ့ဆုံရန်ပြန်လာတဲ့ဗစ်ကီတစ်ယောက် လမ်းမှာကားမတော်တဆမှုနဲ့ မိဘများကဆုံးပါးသွားခဲ့ပြီး သူကတော့ကိုမာဝင်ကာ လနဲ့ချီပြီးဆေးရုံတက်ခဲ့ရပါတယ်။ မိဘတွေကိုလွမ်းဆွတ်မှုနဲ့လောကကြီးကို မကျေမနပ်ဖြစ်ပြီး အိပ်မပျော်တဲ့ဝေဒနာစွဲကပ်လာတဲ့ ဗစ်ကီတစ်ယောက်ကို ဘဝရဲ့စိန်ခေါ်မှုတွေကို ကိုင်တွယ်ဖြေရှင်းပြီး ထူးထူးဆန်းဆန်းစွန့်စားခန်းများနဲ့ သူ့ဘဝရဲ့အနှစ်သာရကိုရှာဖွေဖို့ကြိုးစားတဲ့အချိန်မှာ ဘယ်လိုအခက်အခဲတွေနဲ့ရင်ဆိုင်ရမလဲ။ တင်ဆက်ပုံတစ်မျိုးနဲ့ ထူးထူးခြားခြားဇာတ်လမ်းဇာတ်အိမ်ကို ဖန်တီးထားပြီး တွေးတောစရာတွေအများကြီးပေးမယ့် ဇာတ်ကားမျိုးဖြစ်ပါတယ်။ စိတ်ကူးယဉ်ဆန်တဲ့ ခရီးတစ်ခုရဲ့အလွန်မှာ ဗစ်ကီက ဘဝရဲ့အနှစ်သာရကို ဘယ်လိုနားလည်လက်ခံလာမလဲဆိုတာကို ကြည့်ရှုရမယ့် Rating 7.8/10 အထိရရှိထားတဲ့ အိန္ဒိယဇာတ်ကားကောင်းလေးတစ်ကားပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Phyu Sin Pwint ဖြစ်ပါတယ်

ဒီဇာတ်ကား​လေးက​တော့ တစ်​တော့မှာ နာမည်ကြီးသွားတဲ့ "နတ်ဆိုးရဲ့သတို့သမီး" Podcast ကို အ​ခြေခံရိုက်ကူးထားတဲ့ အင်ဒို​ဟော်ရာကား​လေး ဖြစ်ပါတယ်။ ဂျင်သရဲရဲ့ ချစ်ခင်စွဲလန်းမှုကို နှစ်ရှည်လများခံစား​နေရတဲ့ အိမ်​ထောင်ရှင်အမျိုးသမီးတစ်​ယောက်အ​ကြောင်းပါ။ အက်ချာနဲ့ အာရီယယ်တို့ဟာ အိမ်​ထောင်သက်တမ်း ၃ နှစ်​ကျော်ရှိပြီဖြစ်တဲ့ လင်မယား​တွေဖြစ်ပါတယ်။ အိမ်​ထောင်သည်တို့ထုံးစံအတိုင်း လက်ထပ်ပြီး​နောက်ပိုင်းမှာ အချင်းချင်းပျက်ကွက်မှု​တွေ ဖြစ်လာကြပါတယ်။ အာရီယယ်အလုပ်က ညဆိုင်းမို့ မိန်းမဖြစ်သူကို အချိန်မ​ပေးနိုင်ကာ ညနက်မှ အိမ်ပြန်လာရသူပါ။ အက်ချာအ​နေနဲ့ အလုပ်က ပင်ပင်ပန်းပန်းပြန်လာရ​ပေမယ့် ညနက်မှပြန်လာတဲ့ခင်ပွန်းသည်အတွက် ပြင်ဆင်ချက်ပြုတ်​ပေးဖို့ ညနက်မှ အိပ်ရာထရပါတယ်။ ချစ်သူဘဝယုယမှု​လေး​တွေပါ မခံစားရ​​တော့လို့ အထီးကျန်ပြီး စိတ်အလိုမကျဖြစ်​နေတဲ့ အက်ချာ့ကို အိမ်မက်ထဲက​နေ ဂျင်သရဲက လွှမ်းမိုးချုပ်ကိုင်လာပါ​တော့တယ်။ ​ချော​မောတဲ့ အမျိုးသားအသွင်နဲ့ အက်ချာကို ဖျား​ယောင်း​သွေး​​ဆောင်ဖို့ လုပ်လာပါတယ်။ အ​ခြေအ​နေ​တွေဆိုးဝါးလာ​အောင် လုပ်ပြီး အက်ချာတို့အိမ်​ထောင်​ရေးကို ပြိုကွဲလာ​​အောင် ဖန်တီးတဲ့​နောက်ပိုင်း ဘာ​တွေဆက်ဖြစ်ကြမလဲ၊ ဂျင်သရဲရဲ့စွဲလန်းမှုကို ခံ​စားနေရတဲ့ ဇနီးသည်အက်ချာကို အယ်ရီယယ်တစ်​ယောက် ဘယ်လိုကာကွယ်​ပေးသွားမလဲဆိုတာကို ထိတ်လန့်ဖွယ်ရာဇာတ်ဝင်ခန်းများစွာနဲ့အတူ ခံစားကြည့်ရှုရမယ့် အင်ဒိုနီးရှားဖြစ်ရပ်မှန်