လူကြည့်များသော ရုပ်ရှင်များ

Matthew McConaughey နဲ့ Jennifer Garner တို့ရဲ့ Comedy/ Romance ရုပ်ရှင်ဇာတ်ကားဖြစ်ပါတယ်။ အချစ်ကိုမယုံကြည်တဲ့ ကော်နာက သူ့ရဲ့တစ်ဦးတည်းသောညီဖြစ်သူ ပေါလ်ရဲ့ မင်္ဂလာဆောင်ကို ဖျက်မယ်ဆိုတဲ့ အကြံဆိုးနဲ့ လက်ထပ်ပွဲမတိုင်ခင် စောပြီးရောက်လာပါတယ်။ အချစ်၊ အိမ်ထောင်နဲ့ မပြီးဆုံးနိုင်တဲ့ တသက်တာတစ်လင်တစ်မယားစနစ်ကြီးကို လက်မခံဖို့အတွက် ညီလုပ်သူကို တိုက်တွန်းရင်း သရဲမ သုံးယောက်နဲ့ ကြုံရပါတော့တယ်။ အတိတ် ပစ္စုပ္ပန်နဲ့ အနာဂတ်မှာ သူထားရစ်ခဲ့တဲ့၊ သူ့ကြောင့်ထိခိုက်သွားတဲ့၊ သူ့ကြောင့် နာကျင်ခံစားရမယ့် လူတွေနဲ့အကြောင်းအရာတွေကို သရဲမသုံးယောက်နဲ့အတူ သူလိုက်ကြည့်ရင်း အချစ်အပေါ် အိမ်ထောင်ရေးအပေါ် သူ့ရဲ့ အတွေးအမြင်ဟာ ပြောင်းလဲလာမလား။ ပေါလ်ရဲ့ မင်္ဂလာဆောင်ကို သူဖျက်လိုက်နိုင်မလား။ အညွှန်းနဲ့ ဘာသာပြန်ကို LYKZ ကတင်ဆက်ထားပါတယ်။

"Warrior King" (2023) သည် နှစ်ထောင်ပေါင်းများစွာ သက်တမ်းရှိပြီဖြစ်သော တိဘက်တို့၏ ဂန္တဝင် "ဘုရင်ကြီး ဂေဆာ (King Gesar)" ၏ ဒဏ္ဍာရီကို အခြေခံ၍ ရိုက်ကူးထားသော တရုတ် CG အန်နီမေးရှင်း စိတ်ကူးယဉ် စွန့်စားခန်း ရုပ်ရှင်ဇာတ်ကားကြီး ဖြစ်သည်။ ဇာတ်လမ်းအကျဉ်း ဤဇာတ်လမ်းသည် နတ်ဘုရားမျိုးနွယ်မှ ဆင်းသက်လာပြီး ကြီးမြတ်သော သူရဲကောင်းဘုရင် ဖြစ်လာရန် ကံကြမ္မာပါလာသူ လူငယ်လေးတစ်ဦး၏ အကြောင်းဖြစ်သည်။ သူသည် နတ်ဆိုးများနှင့် မိစ္ဆာသတ္တဝါများ လွှမ်းမိုးနေသော ကမ္ဘာကြီးတွင် မိမိ၏ ဇာတိမြေနှင့် ဝေးကွာရာ၌ ပြည်နှင်ဒဏ်ခံရသူတစ်ဦးအဖြစ် ကြီးပြင်းလာခဲ့ရသည်။ တစ်နေ့တွင်၊ သူ၏ နေရပ်ဌာနေကို အန္တရာယ်ပြုရန် ကြိုးစားလာသော မကောင်းဆိုးဝါး အင်အားစုများ ပေါ်ပေါက်လာသောအခါ၊ သူသည် မိမိ၏ လူမျိုးများကို ကယ်တင်ရန်နှင့် ဒဏ္ဍာရီလာ သူရဲကောင်းဘုရင်တစ်ပါး ဖြစ်လာမည့် သူ၏ ကံကြမ္မာကို လက်ခံဖြည့်ဆည်းရန်အတွက် ကြီးကျယ်ခက်ခဲသော ခရီးရှည်ကြီးကို စတင်ခဲ့သည်။ ဒီဇာတ်လမ်းထဲတွင် သူသည် မိစ္ဆာများကို တိုက်ခိုက်ရန် ပညာရပ်များ သင်ယူခြင်း၊ မမျှော်လင့်ထားသော မဟာမိတ်များ တွေ့ဆုံခြင်း၊ မိမိ၏ မိခင် ავადဖြစ်မှုအတွက် ဆေးရှာဖွေခြင်းနှင့် မိမိ၏ မူလမြို့ရွာကို ကယ်တင်ခြင်း စသည့် စွန့်စားခန်းများကို ရင်ဆိုင်ဖြတ်သန်းရမည် ဖြစ်သည်။ "Warrior King" သည် ရင်သပ်ရှုမောဖွယ်ရာ ရုပ်ပုံများ၊ ဒဏ္ဍာရီလာ သတ္တဝါများနှင့်အတူ သူရဲကောင်းတစ်ဦး၏ ဇာတိမာန်နှင့် စွန့်လွှတ်စွန့်စားမ

တရုတ်က ရုံဟွာဆပ်ကပ်အဖွဲ့က လင်လင်ဆိုတဲ့လူဝံကြီးက ဘေ့စ်ဘောရိုက်တတ်တယ်ဆိုပြီး နာမည်ကြီးပါတယ်။ လင်လင်ကိုသင်ပေးတဲ့သူက ဝေးဝေးဆိုတဲ့ကောင်မလေးပါ။ ဝေးဝေးတို့မြို့မှာ ရာသီဥတုဘေးကြောင့် ဝေးဝေးက အဘိုးဖြစ်သူကိုဆုံးရှုံးလိုက်ရပြီး အဘိုးကျန်ခဲ့တဲ့အကြွေးတွေကို ဆပ်ရဖို့ အကြောင်းဖန်လာပါတော့တယ်။ အဲဒီလိုနဲ့ဝေးဝေးဆီကို ကိုရီးယားက ဆောင်းချွန်းဆူဆိုတဲ့လူတစ်ယောက်ရောက်လာပြီး လင်လင်ကိုဘေ့စ်ဘောပွဲမှာထည့်ဖို့အတွက် လာခေါ်ခဲ့ပါတယ်။ ဝေးဝေးလည်း အဘိုးအကြွေးတွေကိုဆပ်ဖို့အတွက်ဆိုပြီး ကိုရီးယားကိုလိုက်သွားပြီးနောက်ပိုင်း ဘာတွေဆက်ဖြစ်လာမလဲ? ဝေးဝေးနဲ့ လင်လင်တို့ကြားက ချစ်ခြင်းမေတ္တာနက်ရှိုင်းပုံတွေကို မြင်တွေ့ရမဲ့ကားလေးပါ။ ဒီကားကို အညွှန်းနဲ့ဘာသာပြန်ဆိုသူက Huihui ဖြစ်ပါတယ်။

ဒဏ္ဍာရီလာဇာတ်လမ်းတစ်ပုဒ်အရ ဘန်ဂရာတိုင်းသူပြည်သားတွေဟာ မလှမ်းမကမ်းမှာရှိတဲ့ ကန်တာရာတောအုပ်ကြီးထဲမှာ နေထိုင်ကြတဲ့ မျိုးနွယ်စုကို အရမ်းမုန်းတီးပြီး တောအုပ်ထဲကို ဘယ်သူမှ မသွားကြပါဘူး။ ဘန်ဂရာပြည်ကြီးကတော့ နိုင်ငံခြားသားတွေနဲ့ ကုန်သွယ်မှုတွေလုပ်ပြီး စည်ပင်ဝပြောနေချိန် တစ်ဖက်မှာတော့ တောအုပ်ထဲက ကန်တာရာမျိုးနွယ်စုက ကျောက်ခေတ်က လူနေမှုအဆင့်အတန်းသာသာပဲရှိပါတယ်။ ဘဲရ်မဲ ဆိုတဲ့ ကောင်လေးက သူ့မျိုးနွယ်စုရဲ့ ဘဝတွေ တိုးတက်ပြောင်းလဲစေဖို့ တောအုပ်ထဲက ရှားပါးတဲ့ ဟင်းခတ်အမွှေးအကြိုင်တွေ ဆေးဖက်ဝင်အပင်တွေကို သူတို့လိုအပ်တဲ့ပစ္စည်းတွေနဲ့ ကုန်သွယ်မှု လုပ်တော့ အရမ်းအောင်မြင်ပြီး ဘန်ဂရာသားတွေ မနာလိုဖြစ်လာကြတယ်။ အချစ်ရေးအရဆိုရင် ဘဲရ်မဲ နဲ့ ဘန်ဂရာပြည်ရဲ့ ဘုရင့်သမီးတော်တို့ မေတ္တာမျှသွားကြတဲ့အခါ ဒဏ္ဍာရီအရ အမုန်းတရားတွေအပြင် စီးပွားရေးအရ ပြိုင်ဆိုင်မှုပါ တိုးလာတဲ့ သူတို့နှစ်ဦးရဲ့ အချစ်ဇာတ်လမ်းလေးက ဘယ်လိုအဆုံးသတ်မလဲဆိုတာကို နတ်ကိုးကွယ်မှုအပေါ် ဦးစားပေးရိုက်ပြထားတဲ့ ဇာတ်လမ်းလေးပဲဖြစ်ပါတယ်။ ဒီဇာတ်ကားမှာ ဘဲရ်မဲ အဖြစ် မင်းသား Rishab Shetty နဲ့ ဘုရင့်သမီးတော် အဖြစ် မင်းသမီး Rukmini Vasanth တို့က အဓိက ပါဝင်သရုပ်ဆောင်ထားတာ ဖြစ်ပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Cherry ဖြစ်ပါတယ်။

ဆိုင်ကယ်ဂိုဏ်းစတား ဒန်နီရယ်ကတော့ ဆိုင်ကယ်အဖွဲ့ကနေ နှုတ်ထွက်ပြီး တက္ကစီပြောင်းဆွဲရင်း အရှိန်ကုန်မောင်းတာကြောင့် ရဲတွေရဲ့ ပြစ်မှုမှတ်တမ်းဝင်သူတစ်ဦး‌ပါ။ တစ်ဖက်မှာတော့ ယာဉ်မောင်းစားမပွဲဖြေတိုင်း ဘယ်တော့မှမအောင်တဲ့ ရဲပေါက်စ အမ်မလီယန်ကို ခရီးသည်အနေနဲ့ လိုက်ပါပို့ဆောင်ရာကနေတစ်ဆင့် မထက်မှတ်ပဲ သူတို့နှစ်ဦး စစ်‌ဆင်ရေးတစ်ခုကို အတူတူဆောင်ရွက်ဖို့ အကြောင်းပါလာပါတော့တယ် နိုင်ငံတကာပတ်ပြီး ဘဏ်တွေကိုအနုကြမ်းစီးတဲ့ မာစီးဒီးဂိုဏ်းလို့ နာမည်ကြီးတဲ့ ဂျာမာန်နိုင်ငံသား လေးယောက်ရဲ့ အနုကြမ်းစီးမှုတွေကို ရဲတွေ မစ်ရှင်အမျိုးမျိုးနဲ့ ဆောင်ရွက်ခဲ့ပေမဲ့ မအောင်မြင်ခဲ့တဲ့ မစ်ရှင်ကို တက္ကစီယာဉ်မောင်း ဒန်နီရယ်တစ်ယောက် သူ့ရဲ့ ကားမောင်းကျွးမ်းကျင်မှုနဲ့ ဘယ်လိုဖမ်းပေးမှာလဲ သူတို့နှစ်ယောက်ရဲ့ မတူညီတဲ့ စရိုက်နှစ်ခုနဲ့ အလွဲလေးတွေကရော ပူးပေါင်းဆောင်ရွက်တဲ့နေရာမှာ အဆင်ပြေနိုင်ပါ့မလား ဆိုတာမြူးကြွတဲ့ vibe နဲ့ ခံစားကြည့်ရှုနိုင်မယ့် ဇာတ်ကားကောင်းလမ်းတစ်ကောင်းဖြစ်ပါတယ်။ အညွှန်းနဲ့ဘာသာပြန်သူကတော့ Lynn ဖြစ်ပါတယ်။

ဒီတစ်ခေါက်မှာတော့ The Silent War (听风者) ဆိုတဲ့ တရုတ်ပြည် စစ်အေးကာလကို အခြေခံရိုက်ကူးထားတဲ့ ဇာတ်ကားလေးနဲ့ မိတ်ဆက်ပေးချင်ပါတယ်။ ဇာတ်လမ်းအကျဉ်း ၁၉၅၀ ခုနှစ် စစ်အေးကာလမှာ တရုတ်ပြည်အတွင်း 701 လို့ခေါ်တဲ့ သတင်းအချက်အလက်ဖမ်းယူရေးအဖွဲ့တစ်ဖွဲ့ရှိခဲ့ပါတယ်။ 701 ဟာ တစ်ဖက်ရန်သူတွေရဲ့ ရေဒီယိုလှိုင်းတွေကို ဖမ်းယူပြီး လျှို့ဝှက်ကုဒ်များကို ဖော်ထုတ်ကာစစ်ဆင်ရေးတွေလုပ်တဲ့ အဖွဲ့ဖြစ်ပါတယ်။တစ်နေ့မှာတော့ သူတို့ဖမ်းယူထားတဲ့ ရေဒီယိုလှိုင်းတွေရဲ့ အသံကို ဖမ်းယူလို့မရတော့တာကြောင့် အဖွဲ့ခေါင်းဆောင် ကျန်းရွှယ်နင်က ငယ်စဉ်ကတည်းက မျက်စိကွယ်သွားရပြီး အကြားအာရုံအရမ်းကောင်းတဲ့ ဟယ်ပင်းကို 701 အဖွဲ့မှာ အလုပ်ခန့်ခဲ့ပါတယ်။ဟယ်ပင်းဟာ အကြားအာရုံ အလွန်ကောင်းတာကြောင့် အသံကိုရှင်းလင်းစွာ ခွဲခြားနိုင်သူဖြစ်ပြီး သူရဲ့ အရည်အချင်းကြောင့် အဖွဲ့ဝင်တွေအတွက် အရေးကြီးတဲ့ အချက်အလက်များ ရရှိလာကာ များစွာသော သေခြင်းတရားနဲ့ ရှုပ်ထွေးမှုတွေထဲထဲကနေ လွတ်မြောက်အောင်မြင်စေခဲ့ပါတယ်။ ကျန်းရွှယ်နင်က ဟယ်ပင်းရဲ့ မျက်စိကို ကုသဖို့ အထူးကုဆရာဝန်တစ်ယောက်ကို ရှာဖွေပြီး မျက်စိပြန်မြင်အောင် ကူညီပေးခဲ့ပြီး အဖွဲ့ခေါင်းဆောင် ကျန်းရွှယ်နင်နဲ့ ဟယ်ပင်းကြားမှာ ထူးခြားတဲ့ မိတ်ဆွေသံယောဇဉ်တွေ ရှိလာခဲ့ပါတယ်။သို့သော် အဆုံးသတ် တိုက်ပွဲအတွက် ကျန်းရွယ်နင်တစ်ယောက် အန္တရာယ်ရှိတဲ့ စစ်ဆင်ရေးတာဝန်တွေကို ထမ်းဆောင်နေတဲ့အချိန်မှာ ဟယ်ပင်းရဲ့ မှားယွင်းတဲ့ လျှို့ဝှက်ကုဒ်ဖော်ထုတ

ပဋိပက္ခတွေ ပြည့်နှက်နေတဲ့ ကက်ရှ်မီးယားဒေသကို အိမ်ပြန်လာတဲ့ ကျောင်းသားလေးက သူ့အဖေ ပဟေဠိဆန်ဆန် ပျောက်ဆုံးသွားတာကို သိလိုက်ရပါတယ်။ ဒါပေမဲ့ သူ တကယ်တမ်း ပြိုလဲသွားရတာက သူ့အမေက ဦးလေးအရင်းဖြစ်သူနဲ့ လက်ထပ်လိုက်ချိန်မှာပါ။ အမှန်တရားကို ရှာဖွေရင်း သူ့အဖေရဲ့ သေဆုံးမှုနောက်ကွယ်မှာ မိသားစုဝင်တွေ ကိုယ်တိုင် သစ္စာဖောက် ပါဝင်နေတယ်ဆိုတဲ့ ကြောက်မက်ဖွယ် သတင်းစကားတစ်ခု ရလာတဲ့အခါ... ကလဲ့စားချေခြင်း နဲ့ ရူးသွပ်ခြင်းကြားက ဇာတ်လမ်းတစ်ပုဒ် စတင်ပါတော့တယ်။ မိသားစုလျှို့ဝှက်ချက်တွေ၊ နိုင်ငံရေးပရိယာယ်တွေနဲ့ "လက်စားချေခြင်းက နောက်ထပ် လက်စားချေမှုကိုပဲ မွေးဖွားစေသလား" ဆိုတဲ့ မေးခွန်းထုတ်စရာတွေနဲ့ ပြည့်နှက်နေတဲ့ ဒီဇာတ်ကားက ဇာတ်သိမ်းအထိ တထိုင်တည်း ဆွဲခေါ်သွားပါလိမ့်မယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Clara Sol ဖြစ်ပါတယ်

ဒီဇာတ်ကား​​လေးက​တော့ ရမ်ပါကျွန်း ချွန်ဘူရီ ၁၉၇၆ ခုနှစ်ကာလကို အ​ခြေခံထားတဲ့ ထိုင်း​ဟော်ရာကား​လေး ဖြစ်ပါတယ်။ ဒီကျွန်း​ပေါ်မှာ​တော့ လူငယ်​လေ့ကျင့်​ရေးသင်တန်း​ကျောင်းတစ်​ကျောင်း ရှိပြီး တ​နေ့ ​မြောက်ပိုင်းသူ အင်းခွမ်တစ်​ယောက် ယခင်​နေခဲ့တဲ့ လူငယ်​လေ့ကျင့်​​​ရေးကျောင်းက​နေ ​ကျောင်း​​​​​​ပြောင်းလာခဲ့ပါတယ်။ ​ မြောက်ပိုင်းသူ​တွေရဲ့ ယုံကြည်မှုမှာ က​လေး​မွေးဖွားလာတဲ့အခါ လူသားမိခင်နဲ့ သရဲမိခင်ဆိုပြီး ရှိကာ အစီအရင်နဲ့ ပွဲ​ပေးပြီး သရဲမိခင်ဆီက​နေ က​လေးကို ပြန်တောင်းရပါတယ်။ ဒီလိုမလုပ်ပါက က​လေးကို ပြန်​ခေါ်သွားတတ်တယ်လို့ အယုံအကြည်ရှိပါတယ်။ ​မြောက်ပိုင်းသူ ဖြစ်ပြီး ကျောင်းသူသစ်လည်း ဖြစ်​နေတဲ့ အင်းခွမ်ကို ​ကျောင်းသူခေါင်း​​ဆောင် အန်းက အဖွဲ့လိုက်အနိုင်ကျင့်ပါတယ်။ သူတို့ မသိလိုက်တာက အင်းခွမ်မှာ သူ့ကို ​နောက်ကွယ်က​နေ လိုက်​​စောင့်​ရှောက်​ပေး​နေတဲ့ သရဲ​မေ​မေရှိ​နေတယ်ဆိုတာပါပဲ။ သရဲ​မေ​မေက အင်းခွမ်ကို နာကျင်​စေသူမှန်သမျှကို လက်တုံ့ပြန်တတ်သူဖြစ်လို့ သူတို့​ကျောင်းသူအဖွဲ့ ဘယ်လို​ခြောက်လန့်ခံရမလဲ........ဒီကျွန်းက​​နေ သူတို့လွတ်​မြောက်နိုင်မလား....​ကျောင်းကြီးရဲ့လျှို့ဝှက်ချက်က​ရော ဘယ်လိုရှိမလဲဆိုတာကို စိတ်​ခြောက်ခြားဖွယ် ခံစားကြည့်ရှုရမယ့် ထိုင်း​ဟော်ရာကား​လေး ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

ဇာတ်လမ်းအစမှာ Y ပုံသဏ္ဍာန် လမ်းကွေ့တစ်ခုမှာ ကားမှောက်ပြီး မိသားစုတွေ သေသွားကြတယ်။ လက်ထပ်ပြီးခါစ ဇနီးမောင်နှံဖြစ်တဲ့ ယူဗမ် ဆိုတဲ့ ကောင်လေးနဲ့ ဒီရှာ ဆိုတဲ့ စကားမပြောနိုင်တဲ့ကောင်မလေးတို့က အိမ်ကြီးတစ်လုံးကို ပြောင်းရွှေ့လာတယ်။ လက်ဆောင်ပို့လိုက်တဲ့ ရှေးဟောင်းနာရီကြီးတစ်လုံးက ၁၁နာရီ ၅မိနစ် ရောက်ရင် အချက်ပေးသံထွက်လာပြီး တစ်အိမ်လုံးရဲ့မီးတွေကလည်း တစ်ဖျပ်ဖျပ်ဖြစ်သွားတာက နေ့တိုင်းလိုလိုပါပဲ။ စိတ်ဒဏ်ရာရထားတဲ့ ဒီရှာ ဟာ ထိုအချိန်ရောက်ရင် မူမမှန်တဲ့ခံစားချက်တွေဖြစ်လာပါတယ်။ ဇာတ်လမ်းအစက ကားအက်ဆီးဒန့် နဲ့ ဒီအဖြစ်အပျက်တွေက ဘယ်လို ဆက်စပ်နေမလဲ။ ဒီရှာ့အတွက် စိတ်ရောဂါအထူးကုဆရာဝန်ကို အိမ်ခေါ်ပြီး ကုသချိန်မှာ ပြဿနာတွေရဲ့ အရင်းအမြစ်က ဘာဆိုတာ သေချာသိလိုက်ရပေမယ့် အဲ့ဒီအဖြေကရော အမှန်တရားဟုတ်ပါ့မလား ဆိုတာကို ကြောက်ကြောက်နဲ့ စိတ်ဝင်တစားကြည့်ရမယ့် ဇာတ်ကားလေးပဲဖြစ်ပါတယ်။ ဒီဇာတ်ကားမှာ ယူဗမ် အဖြစ် မင်းသား Yuvan Hariharan ၊ ဒီရှာ အဖြစ် မင်းသမီး Leonilla D' Souza နဲ့ စိတ်ရောဂါအထူးကုဆရာဝန်အဖြစ် မင်းသားကြီး Kamal Ghimiray တို့က အဓိက ပါဝင်သရုပ်ဆောင်ထားတာ ဖြစ်ပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Cherry ဖြစ်ပါတယ်။

1890 ခုနှစ်လောက်က ရှုပ်ထွေးနားလည်ရခက်ပြီး လူတွေကို လွှမ်းမိုးချင်တဲ့ ဟက်ဒါဂါဘလာဆိုတဲ့ အမျိုးသမီးအကြောင်းကို တင်ဆက်ထားတာပါ။ အမျိုးသမီးတွေကို ပစားမပေးဘဲ ဖိနှိပ်ကန့်သတ်ထားတဲ့ခေတ်မှာ lesbian စုံတွဲတွေနဲ့ လွတ်လပ်မှုအတွက် ရုန်းကန်ရပုံတွေကိုပါ ထည့်သွင်းထားပါတယ်။ ဇာတ်လမ်းအစမှာ ဟက်ဒါက သူ့ခင်ပွန်းနဲ့အတူ ခမ်းနားတဲ့စံအိမ်ကြီးမှာ ပါတီပွဲကြီးပေးဖို့ ပြင်ဆင်နေပါတယ်။ တကယ်တော့ ဟက်ဒါက စည်းစိမ်ချမ်းသာတွေနဲ့ သူအလိုရှိသလိုထိန်းချုပ်ချင်လို့ အချစ်ဟောင်းအယ်လင်းကိုပစ်ပြီး ဒီခင်ပွန်းကိုယူခဲ့တာပါ။ သူတို့က မိန်းမချင်းကြိုက်တာဖြစ်တဲ့အတွက် အဲဒီခေတ်မှာ ရင်ဆိုင်ဖို့ သတ္တိမရှိတာလည်း ပါပါတယ်။ ဒီညပွဲကလည်း ပါတီအကြောင်းပြပြီးခင်ပွန်းကို ပါမောက္ခရာထူးရအောင် လုပ်ပေးမယ့်ပွဲပါ။ ဒါမဲ့ ပါတီကို သူ့ရည်းစားဟောင်းအယ်လင်းက ချစ်သူအသစ်နဲ့တက်လာပြီး အယ်လင်းကပါ ပါမောက္ခနေရာအတွက် သူ့ခင်ပွန်းအတွက် ပြိုင်ဘက်ဖြစ်လာတဲ့အခါ မနာလိုမှုတွေ အတိတ်ကဝေဒနာတွေစုပြုံလာပြီး ခြယ်လှယ်ဖို့ ကြိုးစားမှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

၂၀၁၇ ခုနှစ် သြဂုတ်လမှာ စပိန်နိုင်ငံ ကားရပ်နားရာနေရာမှာ ဓားအချက်ပေါင်းများစွာနဲ့ သေဆုံးနေတဲ့ အမျိုးသား တစ်ဦးကို တွေ့ခဲ့ရပါတယ် သေဆုံးသူ အမျိုးသားဟာ အာတူရို ဆိုသူဖြစ်ပြီး မာခေးလ်ဆိုတဲ့ အမျိုးသမီးလေးရဲ့ ခင်ပွန်းဖြစ်ပါတယ် ဒီရာဇဝတ်မှုကို ဖော်ထုတ်ရာမှာ ဖောက်ပြန်မှုနဲ့ ဖုံးကွယ်ထားတဲ့ အရာအားလုံးအထိ ပေါ်လာခဲ့ပါတယ် ဒီလူသတ်မှုမှာ ဘယ်သူတွေက ပါဝင်ပတ်သတ်နေလဲ ငယ်ငယ်ရွယ်ရွယ်နဲ့ မုဆိုးမဖြစ်သွားတဲ့ မာခေးလ် ဆိုတဲ့ မိန်းကလေးကရော အမှုမှာ ဘယ်လို ပါဝင်ပတ်သတ်ပြီး သူမ ဖုံးကွယ်ထားတဲ့ အရာတွေက ဘာများလဲ စတဲ့ စိတ်ဝင်စားဖွယ်တွေနဲ့ ပြည့်နှက်နေတဲ့ ၂၀၁၇ ခုနှစ်က တကယ်ဖြစ်ပျက်ခဲ့တဲ့ အဖြစ်အပျက် ဖြစ်ရပ်မှန်ကို အခြေခံ ရိုက်ကူးထားတဲ့ စပိန်ဇာတ်ကားကောင်းလေးပဲ ဖြစ်ပါတယ် သည်းထိတ်ရင်ဖို ရာဇဝတ်မှုခင်းဇာတ်ကား ကြိုက်သူတွေအတွက် အကြိုက်တွေ့စေမယ့်ကားတစ်ကားဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ MM ဖြစ်ပါတယ်

Lily James နှင့် Dan Stevens, Myha'la တို့လို သရုပ်ဆောင်များ ပါဝင်ပြီး အွန်လိုင်းဒိတ်တင်လောကကို ပြောင်းလဲစေခဲ့တဲ့ Bumble အက်ပလီကေးရှင်းကို တည်ထောင်သူ Whitney Wolfe Herd ရဲ့ ဘဝဇာတ်ကြောင်းကို ပုံဖော်ထားတဲ့ စွန့်ဦးတီထွင်မှု ဟာသနဲ့ ဒရာမာ ရောစပ်ထားတဲ့ (Biographical Drama) ရုပ်ရှင်ကားကောင်းတစ်ကားကို တင်ဆက်လိုက်ပါတယ်။ ဒီဇာတ်ကားမှာ ကောလိပ်ကျောင်းပြီးကာစ Whitney Wolfe (Lily James) ဟာ အမျိုးသားတွေသာကြီးစိုးတဲ့ နည်းပညာနယ်ပယ်ကို မယုံနိုင်လောက်အောင် ဇွဲသတ္တိနဲ့ ဉာဏ်ပညာတွေ အသုံးပြုပြီး ထိုးဖောက်ဖို့ ကြိုးစားခဲ့ပုံကို စတင်ပြသထားပါတယ်။ ဒါပေမဲ့ သူမဟာ ကမ္ဘာကျော် ချိန်းတွေ့ရေးအက်ပ် Tinder ရဲ့ အစောပိုင်း အောင်မြင်မှုတွေမှာ အဓိက ပါဝင်ခဲ့သော်လည်း အလုပ်ခွင်မှာ ကြုံတွေ့ခဲ့ရတဲ့ လိင်ပိုင်းဆိုင်ရာ အနှောင့်အယှက်ပေးမှု နဲ့ အမျိုးသမီးကို အလေးမထားတဲ့ ယဉ်ကျေးမှု တွေကြောင့် စိတ်ပိုင်းဆိုင်ရာ ပြိုလဲမှုတွေနဲ့အတူ ကုမ္ပဏီကနေ နုတ်ထွက်ခဲ့ရပြီး တရားရင်ဆိုင်မှုတွေပါ ဖြစ်ခဲ့ပါတယ်။ နောက်ဆုံးမှာတော့ သူမရဲ့ အတွေ့အကြုံတွေနဲ့ မကျေနပ်မှုတွေဟာ Bumble လို့ခေါ်တဲ့ အက်ပလီကေးရှင်းအသစ်ကို မွေးဖွားဖို့ အကြောင်းဖန်လာခဲ့ပါတယ်။ Bumble ရဲ့ ထူးခြားတဲ့ စည်းမျဉ်းဖြစ်တဲ့ ပထမဆုံး စတင်စကားပြောခွင့်ကို အမျိုးသမီးများအားလုံးကိုသာ ပေးအပ်ခြင်း ဆိုတာ ဒိတ်တင်အက်ပ်နယ်ပယ်ကို လှုပ်ခတ်သွားစေခဲ့ပါတယ်။ Whitney ဟာ သူမကို အနိုင်ကျင့်ခဲ့တဲ့ အဖွဲ့အစ

ဒီတစ်ခေါက်မှာတော့ ဒါရိုက်တာ – Renny Harlin ရိုက်ကူးထားတဲ့ “Bodies at Rest (2019)” ဆိုတဲ့ (Action Thriller) ဇာတ်ကားလေးတစ်ကားနဲ့ မိတ်ဆက်ပေးချင်ပါတယ်။ ဇာတ်လမ်းအကျဉ်း မိုးသည်းထန်စွာရွာသွန်းနေတဲ့ ခရစ္စမတ်ညတစ်ညမှာ အလောင်းခွဲစိတ်ဌာနတွင် တာဝန်ခံဆရာဝန်ချန်ကျားဟောင် နဲ့ သူ့ရဲ့အလုပ်သင်ချောင်လင်ဟာ ပုံမှန်အတိုင်းပဲ အလောင်းခွဲစိတ်မှုကို လုပ်နေကြပါတယ်။ အဲ့ဒီတစ်ချိန်မှာ မျက်နှာဖုံးတပ်ဆင်ထားတဲ့ ဆန်တာ အန်ဖ် နဲ့ ရူဒေါ့ဖ်တို့ဟာ အလောင်းခွဲစိတ်စစ်ဆေးရာနေရာကို အကြမ်းဖက်ဝင်ရောက်ခဲ့ပြီး သေဆုံးသူမိန်းကလေးတစ်ဦးဖြစ်တဲ့ ချန်ယိရှစ်ဆိုသူရဲ့ ခန္ဓာကိုယ်ထဲက သက်သေဖြစ်တဲ့ကျည်ဆံကို ပြန်ယူနိူင်ရန် ဖိအားပေးစေခိုင်းခဲ့ပါတော့တယ်။လူသတ်မှု မူးယစ်ဆေးဝါးရောင်းဝယ်ဖောက်ကားမှုတို့ရဲ့ သက်သေပစ္စည်းဖြစ်သော ကျည်ဆံကို မသမာသူတွေလက်ထဲ မထည့်ရန်နှင့် မိမိတို့အသက်ကို ကာကွယ်ရန်အတွက် ဒေါက်တာချန်ကျားဟောင် နဲ့ ချောင်လင်တို့ဟာ တစ်ညလုံး အကြမ်းဖက်သမားတွေနဲ့ အလောင်းခွဲစိတ်စစ်ဆေးရာ ဌာနအတွင်း ဘယ်လိုလှုပ်ရှားမှုတွေ လုပ်ဆောင်ခဲ့ကြမလဲ....အကြမ်းဖက်သမား ၃ယောက်ကရော ဘယ်သူတွေလဲ....?သေဆုံးသူအမျိုးသမီးနဲ့ ဘယ်လို ပတ်သက်မှုတွေ ရှိနေတာလဲဆိုတာ စိတ်ဝင်စားဖွယ်ကြည့်ရှုရမှာပဲ ဖြစ်ပါတယ်။ အညွှန်းနဲ့ ဘာသာပြန်သူကတော့ Nay Chii ဖြစ်ပါတယ်။

မာရီ ဆိုတဲ့ မျက်မမြင်လူတစ်ယောက်ဟာ တောင်ပေါ်မှာ တစ်ယောက်တည်းနေပြီး ဆေးဖက်ဝင်အပင်တွေ ရှာဖွေရောင်းချတဲ့သူပါ။ မာရီ မျက်လုံးမမြင်ရတဲ့ နောက်ကွယ်မှာ အကြောင်းအရာလေးတွေ ရှိပါတယ်။ တစ်နေ့မှာ သူနဲ့အရမ်းရင်းနှီးတဲ့ သွန်ဘီ ဆိုတဲ့ ဆယ်တန်းကျောင်းသူလေး ပျောက်သွားတယ်။ တစ်နေ့တည်းမှာပဲ တောအုပ်ထဲမှာ ဆယ်ကျော်သက်အရွယ် ကောင်လေးတစ်ယောက် ခြေထောက်ဒဏ်ရာနဲ့ အကူအညီတောင်းနေတာကို မာရီတွေ့ပြီး ကယ်ထားလိုက်ရတယ်။ တစ်ဘက်မှာ ထိုဒေသရဲ့ နိုင်ငံရေးအကြီးအကဲနဲ့ ရဲအရာရှိတို့က တစ်ကြိတ်တည်း တစ်ဉာဏ်တည်း သမားတွေ။ သူတို့နဲ့ ဒီကိစ္စတွေက ဘယ်လိုပက်သက်နေမလဲ။ ကောင်မလေး ဘာကြောင့်‌ ပျောက်သွားတာလဲ၊ ခြေထောက်ဒဏ်ရာနဲ့ကောင်လေးကရော တောထဲ ဘယ်လိုရောက်လာတာလဲဆိုတာကို စိတ်ဝင်စားဖွယ် ကြည့်ရှုရမယ့် ဇာတ်ကားလေးပဲဖြစ်ပါတယ်။ ဒီဇာတ်ကားမှာ မာရီ အဖြစ် မင်းသားကြီး Jaffer Idukki ၊ ရဲအရာရှိ အဖြစ် မင်းသား Shine Tom Chacko နဲ့ ကန်နမ် အဖြစ် မင်းသား Karthik Vishnu တို့က အဓိက ပါဝင်သရုပ်ဆောင်ထားတာဖြစ်ပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Cherry ဖြစ်ပါတယ်။

ဆွန်းဝူက သူ့သူငယ်ချင်းဂျယ်ဟျွန်းကနေတစ်ဆင့် မိန်းကလေးတွေကိုဝန်ဆောင်မှုပေးပြီး ဖျော်ဖြေရတဲ့အလုပ်ကိုဝင်လုပ်ခဲ့ပါတယ်။ ဆွန်းဝူရဲ့မိသားစုက အထည်ကြီးပျက်မိသားစုပါ။ သူ့ရဲ့ဖောက်သည်အများစုကလည်း ဒီနယ်ပယ်ထဲမှာဖျော်ဖြေရတဲ့ကောင်မလေးတွေပါပဲ။ ဂျယ်ဟျွန်းကတော့ ကောင်မလေးတွေကို ချူစား ညာစားတတ်တဲ့ယောက်ျားတစ်ယောက်ဖြစ်ပြီး ဆွန်းဝူရဲ့အစ်မကိုပါ အလွတ်မပေးဘဲ ချူစားတတ်တဲ့သူပါ။ ဒီလိုနဲ့ ဆွန်းဝူတစ်ယောက် အနှိပ်ခန်းက ဂျီဝန်းဆိုတဲ့ကောင်မလေးနဲ့ ပတ်သက်ပြီးတဲ့နောက်ပိုင်းမှာ ဘယ်လိုအရာတွေကြုံတွေ့လာရမလဲ? ဂျယ်ဟျွန်းကရော ဘယ်လိုကိစ္စတွေ ထပ်မွှေထားမှာလဲဆိုတာ... ဒီကားကို အညွှန်းနဲ့ဘာသာပြန်ဆိုသူက Huihui ဖြစ်ပါတယ်။

Justin Long နဲ့ Kate Bosworth ပါဝင်ထားတဲ့ Comedy-horror ရုပ်ရှင်ဖြစ်ပါတယ်။ အယ်လ်အေတောမီးကြောင့် တောရိုင်းတိရစ္ဆာန်တွေက ဟောလီးဝုဒ်ဟေးစ် လူနေအိမ်ရာထဲကို ဝင်ရောက်လာကြတဲ့အခါ.... ဆာလောင်ငတ်ပြတ်နေတဲ့ cayotes တစ်အုပ်နဲ့ တိုက်ခိုက်ရတဲ့ မိသားစုတစ်စုရဲ့ ဇာတ်လမ်းပါ။ cayotes ဆိုတာက အမေရိကန်မြောက်ပိုင်းမှာ အတွေ့များတဲ့ ဝံပုလွေတွေနဲ့သဏ္ဍာန်တူတဲ့ ခွေးရိုင်းတွေ ဖြစ်ပါတယ်။ ဒီတော့ ဇာတ်လိုက်တို့မိသားစုရော cayotes တွေ လက်ထဲကနေ လွတ်မြောက်အောင် ဘာတွေလုပ်ကြရမလဲ။ အညွှန်းနဲ့ ဘာသာပြန်ကို LYKZ ကတင်ဆက်ထားပါတယ်။

ဒီဇာတ်လမ်းကတော့ ရုတ်တရက် သေဆုံးသွားတယ်လို့ ယူဆရတဲ့ ချစ်သူ ကီရန် ရဲ့ နောက်ကွယ်က အမှန်တရားကို လိုက်ရှာနေတဲ့ အဘီရာမီ (အဘီ) ဆိုတဲ့ မိန်းကလေးတစ်ယောက်အကြောင်းပါ။ ကီရန်ဟာ အလုပ်ကိစ္စ ခရီးစဉ်တစ်ခုကို လိမ်ညာပြောဆိုပြီးနောက် ရထားမတော်တဆမှုမှာ ပါဝင်သွားခဲ့တယ်လို့ သတင်းထွက်လာချိန်မှာ အဘီတစ်ယောက် သံသယတွေနဲ့ ကျန်ရစ်ခဲ့ပါတယ်။ ဇာတ်လမ်းရဲ့ အဓိကအချက်ကတော့ ကီရန် ခိုးယူသွားတယ်လို့ စွပ်စွဲခံထားရတဲ့ အရေးကြီး Data တွေပါဝင်တဲ့ Hard Disk တစ်ခုပါ။ ဒီ Hard Disk ကို ရဲအရာရှိ SP အာရွန်မူခမ် နဲ့ ကီရန်ရဲ့ သူဌေးဖြစ်သူ ရာ့ဂ်ျကူးမားတို့က အသည်းအသန် လိုက်ရှာနေကြပြီး အဘီ့ဆီမှာ ရှိနေတယ်လို့ ထင်မြင်နေကြပါတယ်။ အဘီဟာ အန္တရာယ်နှစ်ခုကြားမှာ ကြားညပ်နေပါတော့တယ်။ ဒီအချိန်မှာပဲ အွန်လိုင်းသတင်းထောက် အက်ရှ်ဝင် က ကီရန်ရဲ့ သေဆုံးမှုဟာ လူသတ်မှု ဖြစ်နိုင်ကြောင်း သံသယနဲ့ အဘီ့ကို ချဉ်းကပ်လာပါတယ်။ သူတို့နှစ်ယောက် အတူတူ ပူးပေါင်းပြီး အမှုမှန်ကို ဖော်ထုတ်ဖို့ ကြိုးစားကြချိန်မှာတော့ ဘာတွေဖြစ်လာမလဲဆိုတာ ကြည့်ရှူရမဲ့ကားကောင်းလေးတစ်ကားပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Clara Sol ဖြစ်ပါတယ်

(Sci-fi Adventure) ဇာတ်လမ်းအမျိုးအစားဖြစ်ပြီး၊ လူသိများတဲ့ "E.T." လို ဇာတ်လမ်းမျိုးကို ပြန်လည်ဆန်းသစ်ထားတဲ့ ဇာတ်ကားတစ်ကားပါ။ "ရီနေး" ဆိုတဲ့ ဆယ်ကျော်သက် ကောင်မလေးဟာ မိသားစုအတွင်းရေး ပြဿနာတွေကြောင့် အထီးကျန်ပြီး စိတ်ညစ်နေရချိန်၊ တစ်နေ့မှာ ထူးဆန်းတဲ့ အရာတစ်ခု ကောင်းကင်ကနေ သဲကန္တာရထဲကို ပျက်ကျလာတာ တွေ့လိုက်ရပါတယ်။ အဲဒါကတော့ အန္တရာယ်ရှိတဲ့ သားရဲတစ်ကောင်လို ပုံစံပေါက်နေတဲ့ ဂြိုဟ်သားတစ်ကောင်ဖြစ်နေပြီး ရီနေးက သူ့ကို ကူညီဖို့ ဆုံးဖြတ်ပြီး "ခရုတ်ခ်" (Croak) လို့ နာမည်ပေးကာ လူတွေမသိအောင် သူ့အိမ်မှာ ဖွက်ထားလိုက်ပါတယ်။ ဒီလိုနဲ့ အထီးကျန်နေတဲ့ ကောင်မလေးနဲ့ ကြောက်စရာကောင်းတဲ့ ဒီဂြိုလ်သားတို့ကြားမှာ ထူးခြားတဲ့ သံယောဇဉ်တစ်ခု ဖြစ်ပေါ်လာပါတယ်။ ဒါပေမဲ့ ဒီဂြိုလ်သားရဲ့ တည်ရှိမှုကို အစိုးရအဖွဲ့အစည်းတွေက သိရှိသွားတဲ့အခါ၊ ဒီသတ္တဝါဟာ လူသားမျိုးနွယ်အတွက် အန္တရာယ်ကြီးမားတယ်လို့ သတ်မှတ်ပြီး ဖမ်းဆီးဖို့ အပြင်းအထန် ကြိုးစားပါတော့တယ်။ ရီနေးတစ်ယောက်တည်းက သူ့ရဲ့ တစ်ဦးတည်းသော သူငယ်ချင်းဖြစ်လာတဲ့ "ခရုတ်ခ်" ကို ကမ္ဘာကြီးရဲ့ရန်ကနေ ဘယ်လိုကာကွယ်မလဲ၊ သူတို့နှစ်ယောက်ရဲ့ ကံကြမ္မာက ဘယ်လို အဆုံးသတ်မလဲဆိုတာကို ရင်ခုန်စိတ်လှုပ်ရှားစွာနဲ့ ကြည့်ရှုရမှာ ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Edrikk ဖြစ်ပါတယ်

ဒီရုပ်ရှင်ရဲ့ အဓိကဇာတ်ကောင်ကတော့ တော့ဒ် (Todd) ဆိုတဲ့ အိမ်ထောင်ရှင်တစ်ယောက်ပါ။ သူက မြို့ပြမှာ အလုပ်လုပ်ရင်း ဖိအားများတဲ့ ဘဝကို ရင်ဆိုင်နေရပြီး ဆေးဘက်ဆိုင်ရာ ပြဿနာတစ်ခုကြောင့် အနားယူဖို့ ဆုံးဖြတ်လိုက်ရပါတယ်။ ဒီအချိန်မှာ သူ့ရဲ့မိသားစုပိုင် ဟောင်းနွမ်းနေတဲ့ ကျေးလက်အိမ်ကို ပြောင်းလာခဲ့ပြီး သူနဲ့အတူ သစ္စာရှိတဲ့ ခွေးလေး အင်ဒီ (Andy) လည်း လိုက်ပါလာပါတယ်။ ဒီအိမ်ဟာ အပြင်ကနေ ကြည့်ရင် အေးချမ်းပုံပေါ်ပေမယ့် အထဲမှာ ထူးဆန်းတဲ့ မကောင်းဆိုးဝါးစွမ်းအင်တွေ ရှိနေတာကို အင်ဒီက ချက်ချင်း ခံစားမိပါတယ်။ ဇာတ်လမ်းအစမှာ တော့ဒ်ဟာ မြို့ပြဘဝရဲ့ ဖိစီးမှုတွေကို ဖယ်ရှားပြီး အေးအေးချမ်းချမ်းနေဖို့ ဒီကျေးလက်အိမ်ကို ရွေးချယ်ခဲ့တာပါ။ ဒါပေမယ့် အိမ်ထဲရောက်တဲ့အခါ အင်ဒီ ခွေးလေးက ထူးဆန်းစွာ ပြုမူပါတယ်။ တစ်ခါတစ်ရံ နံရံကို စိုက်ကြည့်ရင်း ဟောင်တာ၊ တံခါးတွေနားမှာ မသက်မသာ လှုပ်ရှားတာမျိုးတွေ လုပ်ပါတယ်။ တော့ဒ်ကတော့ ဒါတွေကို သာမန်ခွေးပုံစံလို့ပဲ ထင်ပြီး ဂရုမစိုက်ပါဘူး။ ဒါပေမယ့် အိမ်ထဲမှာ ထူးဆန်းတဲ့ အရိပ်တွေ၊ အသံတွေ၊ မထင်မှတ်ဘဲ ပစ္စည်းတွေ ရွှေ့ပြောင်းသွားတာမျိုးတွေ စဖြစ်လာပါတယ်။ အင်ဒီ ခွေးလေးဟာ ဒီအိမ်မှာ အရင်နေထိုင်ခဲ့တဲ့ လူတစ်ယောက်ရဲ့ သေဆုံးမှုနဲ့ ဆက်စပ်နေတဲ့ ကြောက်စရာအမြင်တွေကို စမြင်လာပါတယ်။ ဒီအိမ်မှာ တစ်ခုခု ဖြစ်ခဲ့တယ်ဆိုတာကို အင်ဒီ တစ်ကောင်တည်း သတိထားမိပါတယ်။ တဖြည်းဖြည်း တော့ဒ်လည်း ဒီမကောင်းဆိုးဝါးစွမ်းအင်တွေရဲ့ လွှမ်းမိုးမ

ဒီရုပ်ရှင်ရဲ့ အဓိကဇာတ်ကောင်ကတော့ တော့ဒ် (Todd) ဆိုတဲ့ အိမ်ထောင်ရှင်တစ်ယောက်ပါ။ သူက မြို့ပြမှာ အလုပ်လုပ်ရင်း ဖိအားများတဲ့ ဘဝကို ရင်ဆိုင်နေရပြီး ဆေးဘက်ဆိုင်ရာ ပြဿနာတစ်ခုကြောင့် အနားယူဖို့ ဆုံးဖြတ်လိုက်ရပါတယ်။ ဒီအချိန်မှာ သူ့ရဲ့မိသားစုပိုင် ဟောင်းနွမ်းနေတဲ့ ကျေးလက်အိမ်ကို ပြောင်းလာခဲ့ပြီး သူနဲ့အတူ သစ္စာရှိတဲ့ ခွေးလေး အင်ဒီ (Andy) လည်း လိုက်ပါလာပါတယ်။ ဒီအိမ်ဟာ အပြင်ကနေ ကြည့်ရင် အေးချမ်းပုံပေါ်ပေမယ့် အထဲမှာ ထူးဆန်းတဲ့ မကောင်းဆိုးဝါးစွမ်းအင်တွေ ရှိနေတာကို အင်ဒီက ချက်ချင်း ခံစားမိပါတယ်။ ဇာတ်လမ်းအစမှာ တော့ဒ်ဟာ မြို့ပြဘဝရဲ့ ဖိစီးမှုတွေကို ဖယ်ရှားပြီး အေးအေးချမ်းချမ်းနေဖို့ ဒီကျေးလက်အိမ်ကို ရွေးချယ်ခဲ့တာပါ။ ဒါပေမယ့် အိမ်ထဲရောက်တဲ့အခါ အင်ဒီ ခွေးလေးက ထူးဆန်းစွာ ပြုမူပါတယ်။ တစ်ခါတစ်ရံ နံရံကို စိုက်ကြည့်ရင်း ဟောင်တာ၊ တံခါးတွေနားမှာ မသက်မသာ လှုပ်ရှားတာမျိုးတွေ လုပ်ပါတယ်။ တော့ဒ်ကတော့ ဒါတွေကို သာမန်ခွေးပုံစံလို့ပဲ ထင်ပြီး ဂရုမစိုက်ပါဘူး။ ဒါပေမယ့် အိမ်ထဲမှာ ထူးဆန်းတဲ့ အရိပ်တွေ၊ အသံတွေ၊ မထင်မှတ်ဘဲ ပစ္စည်းတွေ ရွှေ့ပြောင်းသွားတာမျိုးတွေ စဖြစ်လာပါတယ်။ အင်ဒီ ခွေးလေးဟာ ဒီအိမ်မှာ အရင်နေထိုင်ခဲ့တဲ့ လူတစ်ယောက်ရဲ့ သေဆုံးမှုနဲ့ ဆက်စပ်နေတဲ့ ကြောက်စရာအမြင်တွေကို စမြင်လာပါတယ်။ ဒီအိမ်မှာ တစ်ခုခု ဖြစ်ခဲ့တယ်ဆိုတာကို အင်ဒီ တစ်ကောင်တည်း သတိထားမိပါတယ်။ တဖြည်းဖြည်း တော့ဒ်လည်း ဒီမကောင်းဆိုးဝါးစွမ်းအင်တွေရဲ့ လွှမ်းမိုးမ

အင်္ဂလန်မြောက်ပိုင်းက လူသူမနီးတဲ့ တောထဲမှာ တစ်ယောက်တည်း တသီးတခြားနေထိုင်တဲ့ အစ်ကိုဖြစ်သူ ရေးနဲ့ ခပ်တန်းတန်းဖြစ်နေတဲ့ သူ့ရဲ့ညီ ဂျမ်တို့ ပြန်ဆုံပြီး ရေးရဲ့ဘဝအပြောင်းအလဲကို ဖြစ်စေခဲ့တဲ့ အတိတ်က ဖြစ်ရပ်တွေကို ပြန်ပြောတဲ့အကြောင်း ရိုက်ကူးထားတဲ့ heavy drama ဖြစ်ပါတယ်။ တကယ်တော့ ရေးက အတိတ်ဘဝမှာ ဂုဏ်ယူစရာ စစ်သားတစ်ယောက်ဖြစ်ပြီး ဇနီးနဲ့သားတစ်ယောက်ရှိပါတယ်။ ခုချိန်မှာ အားလုံးကို ထားခဲ့ပြီး သူတစ်ယောက်တည်း သီးခြားနေနေတဲ့ အကြောင်းရင်းကို ပြန်ပြောင်းပြောပြမှာဖြစ်ပါတယ်။ ရေးရဲ့ဘဝအလှည့်အပြောင်းက မစ်ရှင်တစ်ခု ဆောင်ရွက်နေစဉ်မှာ ဖြစ်ခဲ့ပါတယ်။ ဗုံးလုပ်တဲ့လျှို့ဝှက်နေရာကို ဝင်စီးရင်း ပေါက်ကွဲမှုကြောင့် သေအံ့မူးမူးဖြစ်နေတဲ့ ရန်သူလူငယ်လေးကို ဝေဒနာမခံစားရတော့အောင် ဇီဝိန်ချွေပေးလိုက်မိတဲ့ ရေးက လက်နက်မဲ့ပြည်သူကို ပစ်သတ်တယ်ဆိုပြီး စစ်ရာဇဝတ်မှုအဖြစ် ပုဒ်မတပ်ခံရပါတယ်။ ဒီအဖြစ်ရဲ့နောက်ဆက်တွဲအကျိုးဆက်က ဆိုးဝါးလွန်းလို့ ရေးက စိတ်ကျန်းမာရေးဆေးရုံပါရောက်ပြီး နောက်ဆုံး တောထဲ ထွက်သွားခဲ့တာပါ။ လက်ရှိမှာ ရေးရဲ့သားကလည်း သူ့နည်းတူ စစ်သားဖြစ်လာပြီး အဖေရဲ့အရိပ်မည်းကြောင့် အကူအညီလိုနေချိန်မှာ ဂျမ်က အစ်ကိုဖြစ်သူကို ဖြောင်းဖြပြီး လာခေါ်တာပါ။ စစ်သားဘဝကို ဂုဏ်ယူခဲ့တဲ့ရေးရဲ့ အတိတ်ဒဏ်ရာကို ကုစားပြီး မိသားစုဆီ ပြန်လာနိုင်မလား စောင့်ကြည့်ရမှာဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

အလုပ်ဝင်ခွင့်အမိန့်ကို စောင့်ဆိုင်းနေတဲ့ ရဲတပ်သားသစ်တစ်စုက သူတို့ရဲ့ ပထမဆုံးတာဝန်နေ့မှာပဲ မထင်မှတ်ထားတဲ့ အန္တရာယ်ကြီးနဲ့ ကြုံတွေ့လိုက်ရပါတယ်။ ရိုးရှင်းတဲ့ ကင်းလှည့်တာဝန်လို့ ထင်ခဲ့ပေမဲ့ အသက်အန္တရာယ်ခြိမ်းခြောက်ခံရတဲ့ အခြေအနေ ဘဏ်ဓားပြမှုကြီးတစ်ခုရဲ့ နောက်ကွယ်က ကြိုးကိုင်မှုတွေနဲ့ လက်စားချေလိုစိတ်တွေ ပြည့်နှက်နေတဲ့ လျှို့ဝှက်ကြံစည်မှုတွေကြားထဲ သူတို့ ရောက်ရှိသွားခဲ့ပါတယ်။ တစ်ဖက်မှာလည်း မိခင်ရဲ့ ခွဲစိတ်မှုအတွက် လိုအပ်နေတဲ့ ငွေကြေး၊ ချစ်သူနဲ့ မိသားစုကြားက ပဋိပက္ခတွေနဲ့ ရဲဘော်ရဲဘက်တွေကြား သံယောဇဉ်တွေက ဇာတ်လမ်းကို ပိုပြီးစိတ်လှုပ်ရှားစရာ ဖြစ်စေပါတယ်။ တာဝန်နဲ့ ကိုယ်ကျိုး၊ အမှန်တရားနဲ့ လျှို့ဝှက်ကြံစည်မှုတွေကြား သူတို့ ဘယ်လိုရှင်သန်ရပ်တည်ကြမလဲ။ အသက်ကိုရင်းပြီး အမှန်တရားကို ဖော်ထုတ်နိုင်ပါ့မလား။ အက်ရှင်၊ ဒရာမာနဲ့ လှည့်ကွက်များစွာနဲ့ ပြည့်နှက်နေတဲ့ ဒီဇာတ်လမ်းက ဇာတ်သိမ်းထိ ဖမ်းစားသွားပါလိမ့်မယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Clara Sol ဖြစ်ပါတယ်

မြန်မာစာတန်းတော့မထိုးပေးထားပါဘူး Victoria's Secret Fashion Show 2025 ကြည့်ချင်သူတွေအတွက်တင်ပေးလိုက်ပါတယ်

အခုတစ်ခါမှာတော့ EXOအဖွဲ့ဝင် Park Chanyeolပါဝင်သရုပ်ဆောင်ထားတဲ့ကားလေးကို တင်ဆက်ပေးသွားမှာပါ။ ဖန်းမြောင်မြောင်ကတော့ ပါပါရာဇီလုပ်ပြီး နာမည်ကြီးတွေအကြောင်းကို သတင်းလိုက်ရေးနေတဲ့ သတင်းထောက်တစ်ယောက်ပါ။ ဒီလိုနဲ့ ဟို့ကျွင် ဆိုတဲ့ Idolကောင်လေးနဲ့ပွဲတစ်ခုမှာဆုံခဲ့ရပြီး ဟို့ကျွင်ကို နောက်ယောင်ခံပြီး ဓာတ်ပုံလိုက်ရိုက်ခဲ့ပါတော့တယ်။ ဟို့ကျွင်လည်း သူ့ကိုဓာတ်ပုံရိုက်နေတာမြင်ပြီး မြောင်မြောင်ရဲ့ဖုန်းကိုခွဲပစ်လိုက်ပါတော့တယ်။ မြောင်မြောင်နဲ့ဟို့ကျွင် ပြဿနာတက်လို့ မြောင်မြောင်တစ်ယောက် အလုပ်ထုတ်ခံထိတဲ့အတွက် ဟို့ကျွင်ကိုအမုန်းကြီးမုန်းတီးသွားပြီး သူတို့၂ယောက်ကြား ရှေ့ဆက်ပြီး ဘယ်လိုအလွဲလေးတွေဖြစ်လာမလဲဆိုတာ... ဒီကားကို အညွှန်းနဲ့ ဘာသာပြန်ဆိုသူက Huihui ဖြစ်ပါတယ်။