လူကြည့်များသော ရုပ်ရှင်များ

ဒီဇာတ်လမ်းထဲမှာ လူတွေကြားက ဆက်ဆံရေးနဲ့ ခံစားချက်တွေ ရောယှက်နေတဲ့ အခိုက်အတန့်လေးတွေကို ပြသထားတယ် တစ်ယောက်နဲ့တစ်ယောက် စကားပြောရင်း စိတ်ရင်းစစ်နဲ့ ဂရုစိုက်မှုတွေ တစ်ခါတလေ နားလည်မှုလွဲလာတယ် ဥပမာ တစ်ယောက်က သူငယ်ချင်းတစ်ယောက်ကို အိမ်ကောင်းကောင်းပြန်ရောက်မရောက် စိတ်ပူပြီး ဂရုစိုက်ပေမယ့် တစ်ဖက်က အဆင်ပြေတယ်လို့ပဲ ဖြေတယ် နောက်ပိုင်းမှာ ပိုင်နက်နယ်မြေနဲ့ပတ်သက်ပြီး စကားများတာတွေ အတိတ်က ကိစ္စတွေကို ပြန်ပြောင်းသတိရတာတွေ ထွက်ပေါ်လာတယ် တစ်ဖက်မှာလည်း မိသားစုဝင်တွေကြားထဲမှာ စိတ်ဖိစီးမှုတွေ စိတ်ဓာတ်ကျတာတွေနဲ့ ပတ်သက်ပြီး ဂရုစိုက်တဲ့စကားတွေ ပြောကြတယ် ဒါပေမယ့် တစ်ခါတလေ စကားပြောရင်း တင်းမာမှုတွေ ဖြစ်ပေါ်လာပြီး တစ်ယောက်က နေရာကနေ ထွက်သွားချင်လာတယ် ဒီဇာတ်လမ်းက လူတွေရဲ့ နေ့စဉ်ဘဝထဲက စိတ်ခံစားချက်တွေ ဆက်ဆံရေးတွေရဲ့ ရှုပ်ထွေးနေတာတွေကို ရိုးရိုးလေး ဖော်ပြထားလို့ ကြည့်လို့ကောင်းတဲ့ကားလေးပါပဲ... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Kim ဖြစ်ပါတယ်

Kate Hudson နဲ့ Elizabeth Moss တို့အပြိုင်သရုပ်ဆောင်ထားတဲ့ Body Horror, Thriller ရုပ်ရှင်မှာ ဘယ်လို ထူးခြားဆန်းပြား အံ့အားသင့်စရာတွေ‌ တွေ့ရမလဲသိချင်ရင် အခုပဲ ကြည့်လိုက်ပါ။ ဆမန်သာက တစ်ချိန်တုန်းက နာမည်ရတီဗီရှိုးတစ်ခုမှာပါခဲ့ပြီး လူသိများခဲ့ပေမယ့် ခုချိန်မှာတော့ အသက်ရလာတာကြောင့် သရုပ်ဆောင်အလုပ်ရဖို့ သူမအတွက် ခက်ခဲနေပါတယ်။ အလှအပထိန်းသိမ်းဖို့ သူ့အေးဂျင့်ကလည်း တိုက်တွန်းတာကြောင့် လတ်တလောမှာ ရေပန်းစားနေတဲ့ Shell ဆိုတဲ့ဆေးခန်းမှာ အရေပြားကုသမှုယူဖို့ သွားခဲ့ပါတယ်။ အဲဒီဆေးခန်းက အိုမင်းရင့်ရော်ခြင်းကို တားဆီးပေးဖို့ အခွံမာရေနေသတ္တဝါရဲ့ ဇီဝပစ္စည်းကို လူသား DNA ထဲပေါင်းစပ်ထည့်သွင်းပေးတာပါ။ အလုပ်အတွက် စိတ်သောကရောက်နေတဲ့ ဆမန်သာက သူတို့ဆီက ကုသမှုခံယူပြီးနောက်ပိုင်း တီဗီရှိုးမှာ အရွေးခံရတဲ့အပြင် Shell CEO ဇိုဝီနဲ့ပါ သူငယ်ချင်းတွေလို ရင်းနှီးလာပါတယ်။ ဒါပေမဲ့ သဘာဝတရားကို ဆန့်ကျင်မှုတိုင်းမှာ ဘေးထွက်ဆိုးကျိုးရှိတာမလို့ ဆမန်သာရဲ့ ပျော်စရာဘဝကလည်း ကြာကြာမခံဘဲ ထိခိုက်မှုတွေ ကြုံရမှာပါ။ လူတိုင်းက နုပျိုလှပချင်တာဖြစ်တဲ့အတွက် ဒီလိုစီးပွားရေးလုပ်ငန်းရှင်တွေလည်း ပေါ်ပေါက်နေဦးမှာလို့ အရိပ်အမြွက်ထည့်ထားပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ဒါရိုက်တာ David Moreau ရဲ့ "Other" ဟာ သာမန်သရဲကားတွေ၊ သွေးထွက်သံယိုကားတွေရဲ့ လမ်းကြောင်းပေါ်ကနေ သွေဖယ်ပြီး လူ့စိတ်ရဲ့ အတွင်းကျဆုံး အမှောင်ကမ္ဘာကို ထိတ်လန့်ဖွယ်ရာ ပုံဖော်ထားတဲ့ ရုပ်ရှင်တစ်ကား ဖြစ်ပါတယ်။ ရုပ်ရှင်အစမှာတော့ တောအုပ်ကြီးထဲမှာ ၁၆ နှစ်အရွယ် လူငယ်တစ်ယောက် ကြောက်မက်ဖွယ်ရာ အသတ်ခံရတာကို ပြောပြနေတာနဲ့ စထားပါတယ်။ သာမန်တိရစ္ဆာန်ရိုင်းတစ်ကောင်ရဲ့ လက်ချက်လို့ ထင်ရပေမဲ့ သေဆုံးသူရဲ့ မျက်နှာတစ်ခုတည်းကိုသာ ထူးထူးခြားခြား ပစ်မှတ်ထား တိုက်ခိုက်ခံခဲ့ရတာက ပုစ္ဆာတစ်ခုလိုဖြစ်နေပါတယ်။ အဲဒီနောက်မှာ မိခင်သေဆုံးသွားတာကြောင့် မိခင်နဲ့ အဆက်အသွယ်ပြတ်နေတာကြာပြီဖြစ်တဲ့ သမီးဖြစ်သူ အဲလစ်တစ်ယောက် သူမပြန်ချင်ဆုံးဖြစ်တဲ့ ကလေးဘဝက အိမ်ကြီးဆီကို မဖြစ်မနေ ပြန်လာခဲ့ရပါတယ်။ အဲလစ်အတွက်တော့ ဒီအိမ်ကြီးဟာ နွေးထွေးတဲ့ အမှတ်တရတွေထက် နာကျင်စရာ အတိတ်က ဒဏ်ရာတွေကို ပြန်လည်နှိုးဆွပေးတဲ့ နေရာတစ်ခုပါပဲ။ အိမ်ကြီးကို ပြန်ရောက်တဲ့နေ့ကစပြီး အဲလစ်တစ်ယောက် ရှင်းပြလို့မရတဲ့ ထူးဆန်းမှုတွေ၊ ခြောက်ခြားဖွယ်ရာ အသံတွေနဲ့ အရိပ်မည်းတွေကို စတင်ကြုံတွေ့လာရပြီး ဒီအိမ်ကြီးထဲမှာ ကိန်းအောင်းနေတဲ့ လျှို့ဝှက်ချက်တွေနဲ့ ရင်ဆိုင်လာရပါတယ်။ ဒီရုပ်ရှင်ဟာ ကြောက်စရာ သတ္တဝါတစ်ကောင်အကြောင်း ရိုက်ပြနေသယောင်နဲ့ တကယ်တမ်းတော့ လူတစ်ယောက်ရဲ့ ဖုံးကွယ်ထားတဲ့ အတိတ်က နာကျင်မှုတွေ၊ မိသားစုအတွင်းက လျှို့ဝှက်ချက်တွေဟာ ဘယ်လောက်တောင် ကြောက်ဖို့ကောင်းလဲဆိုတာကို

ဂြိုလ်သားတွေက ကမ္ဘာမြေကို ကျူးကျော်ပြီး သယံဇာတများကို ထုတ်ယူပြီး လူသားတွေကို မညှာမတာ သတ်ဖြတ်နေပြီး ကမ္ဘာပျက်ကပ်လာလဖြစ်နေတဲ့နောက်ပိုင်းမှာ ဇာတ်လမ်းက စတင်ထားတာပါ ကျေးလက်ဒေသ အစွန်အဖျားက မိဘများပိုင်လယ်တဲတစ်ခုမှာ ၁၉ နှစ်အရွယ်ဆာရာက မျက်မမြင်ဖြစ်မောင်ဖြစ်သူ တွန်နဲ့အတူ အသက်ရှင်ရပ်တည်ဖို့ ကြိုးစားနေရတာပါ ကောင်းကင်က ဂြိုလ်သားစတွေလိုပဲ အငတ်ဘေးသင့်နေတဲ့ လူသားဓားပြတွေကလည်း ကြောက်စရာကောင်းတဲ့ အန္တရာယ်တစ်ခုပါ ဆာရာက သူတို့ စားနပ်ရိက္ခာ ကျန်ရှိတဲ့ တိရစ္ဆာန်တွေနဲ့ ဂြိုလ်သားတွေ ဘေးကကာကွယ်ပေးတဲ့ နေရောင်ခြည်စွမ်းအင်သုံးပြားတွေကို ကာကွယ်ဖို့နဲ့ ဓားပြအဖွဲ့တစ်ဖွဲ့ကို ပြန်လည်တိုက်ခိုက်ရန် စွန့်စားကြိုးပမ်းရပါတယ် သူမအောင်မြင်ရင်သူတို့တစ်ခုတည်းသော စားနပ်ရိက္ခာနှင့် ခိုလှုံရာကို ဆုံးရှုံးပြီး ခုခံရင်လည်း မောင်နှမနှစ်ယောက်လုံး အသတ်ခံရမှာပါ အဲ့အချိန် စစ်သားလို ဝတ်ထားပြီး ကူညီနိုင်ကြောင်း ပြောတဲ့ နက်နဲတဲ့ ကျူးကျော်ဝင်ရောက်သူ ဂျူးဒ်တစ်ဦး ရောက်ရှိလာသောအခါ အခြေအနေက ပိုမို ရှုပ်ထွေးလာပါတော့တယ် ဆာရာက ဂျူးဒ်ကို ယုံကြည်ရမလား သူတို့အတွက် အန္တရာယ်တစ်ခုလား မဟုတ်ရင် ရန်သူက အိမ်ထဲမှာပဲ ရှိနေပြီလားဆိုနာကို ဆုံးဖြတ်ရမယ့် အခြေအနေမှာ ဘာတွေဆက်ဖြစ်မလဲဆိုတာ ကြည့်ရှုရမယ့်ဇာတ်လမ်းကောင်းလေးဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Thansin ဖြစ်ပါတယ်

ဒီတစ်ခေါက်မှာတော့ M-Sub ရဲ့ ပရိတ်တွေကို " See You Tomorrow "ဆိုတဲ့ ဇာတ်ကားလေးနဲ့ မိတ်ဆက်ပေးချင်ပါတယ်။ ဒီဇာတ်ကားလေးထဲမှာဆိုရင်တော့ လူတွေဟာ ဘဝတစ်လျှောက်လုံးမှာ ချစ်ခြင်းမေတ္တာကြောင့် နာကျင်မှုတွေကို ခံစားကြရပြီး "ချစ်ခြင်းမေတ္တာနဲ့ နာကျင်ခံစားမှုတွေမှာ အကန့်အသက်ရှိတယ်ဆိုတာ " ဖော်ပြထားတဲ့ ဇာတ်ကားကောင်းလေးတစ်ကားပဲ ဖြစ်ပါတယ်။ "ဘဝတစ်သက်တာက တိုတောင်းလွန်းတယ်" "အမှတ်တရတွေကို စွန့်ပစ်လို့မရဘူး ဒါကြောင့်ပွေ့ဖက်ထားရုံပဲတတ်နိုင်တယ်" ချန်မော့ဟာ ဘားပိုင်ရှင်တစ်ယောက်ဖြစ်ပြီး လူတွေရဲ့ စိတ်ပူစရာတွေ၊ ချစ်ခြင်းမေတ္တာနဲ့ပတ်သက်တဲ့နာကျင်မှုတွေကို ဖြေရှင်းပေးတဲ့ နှစ်သိမ့်သူတစ်ယောက်ပါ။ ချန်မော့ဟာ မျှော်လင့်ချက်ဆုံးရှုံးနေတဲ့ လူတွေအတွက် ညအချိန်တွေမှာ သူတို့ကိုယ်ပိုင်နာကျင်မှုတွေကို မေ့သွားအောင် ဘဝသစ်တစ်ခုစပေးနိုင်ဖို့ ကူညီကြိုးစားနေသူဖြစ်ပေမဲ့ သူကိုယ်တိုင်ကတော့ အနာဂတ်နဲ့ မျှော်လင့်ချက်တွေပျောက်ဆုံးနေပြီး အတိတ်ရဲ့နာကျင်မှုတွေကြားက ရုန်းမထွက်နိူင်တဲ့သူတစ်ယောက်ဖြစ်ပါတယ်။သူဟာ မျှော်လင့်ချက်တွေကြောင့် နာကျင်နေရတဲ့သူတွေကို စွဲလမ်းမှုတွေကနေ ရုန်းထွက်နိုင်အောင် လက်လွှတ်တတ်အောင် နှစ်သိမ့်ပေးရင်း မနက်ဖြန်ဆိုတာ မရှိ‌တော့တဲ့ သူ့ရဲ့ဘဝကို ချစ်ခြင်းမေတ္တာကြောင့် နာကျင်မှုတွေကို ခံစားနေခဲ့ရ သူရဲ့ မိတ်ဆွေ ကွမ်ချွမ်း ရှောင်ယွီတို့နဲ့ အတူ ဘယ်လိုတွေ ဖြတ်သန်းသွားကြမလဲဆိုတာကို အချစ်မေတ္တာ မျှော်လင့်ချက်နဲ့ နာကျင်မှုတို

အထုတ်ပယ်ခံ CIA အဖွဲ့ဝင်ဟောင်းဘန်လိုဂန်ဟာ သမီးငယ်အေမီနဲ့အတူ ဘယ်လ်ဂျီယမ်နိုင်ငံရဲ့လုံခြုံရေးပစ္စည်းထုတ်လုပ်ထုတ်လုပ်တဲ့ကုမ္ပဏီတစ်ခုမှာ အေးအေးချမ်းချမ်းဘဝဖြတ်သန်းနေပါတယ်။ တစ်မနက်မှာတော့ သူ့လုပ်ငန်းခွင်တစ်ခုလုံးပြောင်ရှင်းပြီ ဝန်ထမ်းတွေတစ်ယောက်မှမရှိတော့တဲ့အပြင် သူနဲ့ပတ်သက်တဲ့ကိုယ်ရေးအချက်အလက်မှတ်တမ်းနဲ့ ဖြစ်တည်မှုတွေအားလုံး အခိုးအငွေ့လိုပျောက်ကွယ်သွားပါတယ်။ ဒါတင်မကဘူး ဘန်တို့သားအဖကို လိုက်လုပ်ကြံတဲ့လူတွေတစ်ယောက်ပြီးတစ်ယောက်ပေါ်လာတဲ့အခါ အနာဂတ်အတွက်သားအဖနှစ်ယောက်ဘယ်လိုတိုက်ပွဲဝင်ကြမလဲဆိုတာ ရင်တမမနဲ့ခံစားရမဲ့ Erased (2012) အက်ရှင်ဇာတ်ကားလေးကိုကြည့်ရှုပေးကြပါဦး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Thang Tun Khaing ဖြစ်ပါတယ်

ဒီရုပ်ရှင်က ကိုလံဘီယာနိုင်ငံရဲတပ်ဖွဲ့ရဲ့ အထူးစစ်ဆင်ရေးကွန်မန်ဒို (COPES - Colombian police's Special Operations Command) အဖွဲ့ဝင်သစ်များ ရွေးချယ်ရေး လုပ်ငန်းစဉ်ကို သမိုင်းတစ်လျှောက် ပထမဆုံးအကြိမ်အဖြစ် ရိုက်ကူးထားသည့် မှတ်တမ်းရုပ်ရှင်ဖြစ်ပါတယ်။ တစ်နိုင်ငံလုံးက ရဲအရာရှိ ၁၀၀ ကျော် ကမ္ဘာပေါ်မှာ အခက်ခဲဆုံးနှင့် အပြင်းထန်ဆုံး လေ့ကျင့်ရေးသင်တန်းများထဲမှ တစ်ခုကို ၄ လခွဲကြာ တက်ရောက်ပြီး COPES ကွန်မန်ဒိုဖြစ်လာရန် တစ်ခုတည်းသော ရည်မှန်းချက်ဖြင့် ကြိုးစားကြတာကို ကင်မရာအဖွဲ့က အနီးကပ် မှတ်တမ်းတင်ထားတာဖြစ်ပါတယ်။ သင်တန်းမှာ အောင်မြင်ရမယ့် ငရဲတမျှခက်ခဲတဲ့စမ်းသပ်မှု ၁၈ ခုရှိတာဖြစ်ပြီးတော့ တစ်ခုမကျန် အကုန်အောင်ရမှာဖြစ်လို့ လူအနည်းငယ်သာ အောင်မြင်နိုင်မှာဖြစ်ပါတယ်။ ဒီရုပ်ရှင်က မှတ်တမ်းရုပ်ရှင်ဆိုပေမယ့် ရုပ်ရှင်ထဲမှာ သင်တန်းသားများရဲ့ အတွေ့အကြုံတွေ ကြမ်းတမ်းလှတဲ့ ဘဝနောက်ခံတွေ၊ ရင်တွင်းဖြစ်တွေ၊ ခက်ခဲကြမ်းတမ်းတာတွေ လုပ်နေပေမယ့် စိတ်နှလုံးနူးညံ့ပုံတွေ၊ ကြည်နူးစရာကောင်းလှတဲ့ သွေးသောက်ညီအစ်ကို နွေးထွေးမှုတွေ နဲ့ တစ်ဦးကို တစ်ဦး ယုံကြည်ပုံတွေ၊ ဖိအား‌တွေ အခက်အခဲတွေ အများကြီးနဲ့ရင်ဆိုင်နေရရင်တောင် ပျော်သင့်ပျော်ထိုက်တဲ့ အချိန်မှာ ပျော်ရွှင်သင့်ပုံတွေ၊ အကြောက်တရားကို ရင်ဆိုင်ပုံတွေ စတဲ့အရာပါဝင်တာကြောင့် အတွေးအမြင်များစွာ ရရှိနိုင်မယ့် တန်ဖိုးရှိလှတဲ့ ရုပ်ရှင်တစ်ခုလည်းဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပ

မစ္စတာဘင်းတစ်ယောက် လန်ဒန်မြို့ပေါ်က အမျိုးသားပြခန်းမှာ လုံခြုံရေးအစောင့်အဖြစ် အလုပ်လုပ်နေချိန် ဖြစ်တယ်။ ကယ်လီဖိုးနီးယားရှိ ပြခန်းတစ်ခုက Whistler’s Mother ဆိုတဲ့ ပန်းချီကားကို အမေရိကန်ဒေါ်လာသန်း ၅၀ နဲ့ ပြင်သစ်နိုင်ငံကနေ ဝယ်ယူလာတော့ ပန်းချီကားကို ပြခန်းမှာ ဖွင့်လှစ်မပြသခင် အင်္ဂလန်က ပန်းချီပါရဂူတစ်ဦးကို ဖိတ်ကြားလိုက်ပါတယ်။ ဒီလိုနဲ့ အမေရိကားကိုရောက်ရှိလာတဲ့ အင်္ဂလိပ်လူမျိုး ပန်းချီပါရဂူကတော့ တခြားမဟုတ်ပါဘူး။ မစ္စတာဘင်းပါပဲ။ ငယ်ငယ်တုန်းက ကြည့်ခဲ့ဖူးတဲ့ ရုပ်ရှင်ဖြစ်တောင် အခုချိန်ပြန်ကြည့်လည်း စိတ်ကိုပျော်ရွှင်မှုပေးနိုင်တဲ့ ရုပ်ရှင်တစ်ကား ဖြစ်နေတုန်းပါပဲ။ ဒေါ်လာ ၁၈ သန်းရင်းပြီး ရိုက်ကူးထားတဲ့ ဒီ မစ္စတာဘင်း ရုပ်ရှင်က ရုံတင်ဝင်ငွေ ဒေါ်လာသန်း ၂၅၀ ကျော် ပြန်လည်ရရှိခဲ့ပါတယ်။ ၂၀၀၇ ခုနှစ်မှာ နောက်ဆက်တွဲရုပ်ရှင်တစ်ကား ထွက်ရှိခဲ့ပါတယ်။ အညွှန်းနဲ့ ဘာသာပြန်ကို LYKZ ကတင်ဆက်ထားပါတယ်။

မှတ်ဉာဏ်ပျောက်ဆုံးနေတဲ့ အိန္ဒိယအရာရှိတစ်ယောက် ပါကစ္စတန်မြေအောက်ထောင်ကနေ လွတ်မြောက်လာချိန်မှာ သူဟာ ဘယ်သူဘယ်ဝါမှန်းမသိပေမဲ့ မယုံနိုင်စရာ ခွန်အားတွေ ပိုင်ဆိုင်ထားမှန်း သိလိုက်ရတယ်။ သူ့ကိုလိုက်ရှာနေသူကတော့ သူ့ရုပ်ရည်နဲ့ တစ်ပုံစံတည်းတူတဲ့ မာတင်ဆိုတဲ့ အန္တရာယ်ကြီးတဲ့ နိုင်ငံတကာ ရာဇဝတ်ကောင်ပါပဲ။ မာတင်ရဲ့ ရက်စက်တဲ့ လူသတ်မှုတွေကြားမှာ အာဂျွန်ရဲ့ သူငယ်ချင်းတွေ တစ်ယောက်ပြီးတစ်ယောက် ကျဆုံးသွားပြီး သူ့ချစ်သူပါ ပစ်မှတ်ထားခံလာရတဲ့အခါ... ဘယ်သူက မိတ်ဆွေ ဘယ်သူက ရန်သူလဲဆိုတာ မသဲကွဲတော့ပါဘူး။ မှတ်ဉာဏ်မဲ့နေသူက အမှန်တရားကို ဖော်ထုတ်ပြီး သူ့ဘဝနဲ့ ချစ်သူကို ကယ်တင်နိုင်ပါ့မလား? ဘယ်သူက အာဂျွန်လဲ? ဘယ်သူက မာတင်လဲ? အက်ရှင်ခန်းကြမ်းတွေ၊ လှည့်ကွက်များစွာနဲ့ သည်းထိတ်ရင်ဖိုစရာတွေ ပြည့်နှက်နေတဲ့ ဒီဇာတ်လမ်းမှာ ရုပ်တူနှစ်ယောက်ရဲ့ အားပြိုင်မှုကို လက်မလွှတ်တမ်း ကြည့်ရှုရမှာပဲ ဖြစ်ပါတယ်။ ဒီဇာတ်ကားကို အညွန်းနဲ့ဘာသာပြန်ပေးသူကတော့ Clara Sol ဖြစ်ပါတယ်

ဒီဇာတ်ကားလေးကတော့ အာဏာကို တကယ်ရူးသွပ်သွားရင် အဆုံးစွန်ထိ မိုက်မဲသွားနိုင်တဲ့ သဘောတရားကို ရိုက်ပြထားတာပါ ။ ယိုရာ့ဂျ် ဟာ စီးပွားရေးသမား တစ်ယောက်ဆိုပေမဲ့ လူမိုက်တွေလည်း မွေးထားပြီး နိုင်ငံရေးခေါင်းဆောင်တွေကတောင် သူ့ရဲ့ လက်အောက်မှာပြားပြားဝပ်နေရတဲ့အထိ အာဏာကြီးတဲ့လူပါ။ ယိုရာ့ဂျ်က အမြတ်ရရင် အားလုံးလုပ်ပေမယ့် မူးယစ်ဆေးနဲ့ပတ်သက်ရင်တော့ လုံးဝဆန့်ကျင်သူပါ။ ယိုရာ့ဂ်ျမှာ ဂူရီဆိုတဲ့ သားတစ်ယောက်ရှိတယ်။ ဂူရီဟာ ငယ်ငယ်တုန်းက သူ့အမေဆုံးသွားရတာက သူ့အဖေကြောင့်လို့ သတ်မှတ်ထားသူပါ။ တစ်ဖက်မှာ မူးယစ်ဆေးကို ကျယ်ကျယ်ပြန့်ပြန့် ဖြန့်ဝေလိုတဲ့ စီးပွားရေးသမားတစ်ယောက်က ယိုရာ့ဂ်ျရဲ့ သဘောတူညီမှုရဖို့ ကြိုးစားရာမှာ မအောင်မြင်တဲ့အဆုံး ဘယ်လိုတွေ ကြံစည်မလဲ။ ယိုရာဂ်ျနဲ့ ဂူရီတို့ သားအဖကြားက အဖုအထစ်တွေက ဘယ်လိုပေါက်ကွဲလာမလဲဆိုတာကို အာဏာရဲ့အရသာက လူတစ်ယောက်ကို ဘယ်လောက်ထိ စွဲမက်စေလဲဆိုတဲ့ မက်ဆေ့ခ်ျကို အခြေခံရင်း ကြည့်ရှုရမယ့် ဇာတ်ကားလေးပဲဖြစ်ပါတယ်။ ဒီဇာတ်ကားမှာ ယိုရာ့ဂ်ျ အဖြစ် မင်းသားကြီး Yograj Singh နဲ့ ဂူရီ အဖြစ် မင်းသား Gurpreet Singh တို့က အဓိက ပါဝင်သရုပ်ဆောင်ထားပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Cherry ဖြစ်ပါတယ်။

နမ်ဆွန်းမှာ အသားမနာတဲ့ရောဂါရှိနေပြီး ငယ်ငယ်ကအက်ဆီးဒန့်တစ်ခုမှာ မိသားစုကိုဆုံးရှုံးလိုက်ရပြီးတဲ့နောက် အရွယ်ရောက်လာတော့ အရိုက်ခံပြီး အကြွေးတောင်းပိုက်ဆံရှာတဲ့အလုပ်ကို လုပ်ခဲ့ပါတယ်။ ဒုံဟျွန်းဆိုတဲ့ကောင်မလေးဆီ အကြွေးသွားတောင်းတဲ့အချိန်မှာတော့ နဂိုသနားစိတ်ရှိသူပီပီ ကောင်မလေးကိုသနားသွားပြီး အကြွေးတောင် ကူဆပ်ပေးဖို့လုပ်ခဲ့ပါတယ်။ ဒုံဟျွန်းမှာကလည်း နေစရာအိမ်တောင်မရှိတာမလို့ နမ်ဆွန်းကပဲ သူ့အိမ်မှာခေါ်ထားခဲ့ပါတယ်။ ဒုံဟျွန်းမှာက သွေးမတိတ်တဲ့ရောဂါရှိနေပေမဲ့ နမ်ဆွန်းကဂရုစိုက်ပေးတော့ ဘဝကိုပျော်ပျော်ရွှင်ရွှင်နေခဲ့ရပါတယ်။ ဒီလိုနဲ့ သာယာနေတဲ့သူတို့ဘဝထဲကို ကံဆိုးမှုတစ်ခုရောက်လာတဲ့အချိန်မှာ သူတို့၂ယောက်ကြား ဘာတွေဆက်ဖြစ်မလဲဆိုတာ... ဒီကားကို အညွှန်းနဲ့ဘာသာပြန်ဆိုသူက Huihui ဖြစ်ပါတယ်။

ဒီဇာတ်ကားလေးကတော့ ၂၀၂၅ မှာမှ အသစ်စက်စက်ထွက်ထားတဲ့ ပိုလန်စကားပြော အက်ရှင်-ရာဇဝတ် သည်းထိတ်ရင်ဖိုဇာတ်ကားလေးပဲ ဖြစ်ပါတယ်။ မူရင်း Furioza ကို ကြိုက်ဖူးတဲ့သူဆိုရင် ဒီကားက လမ်းသရဲကားကောင်းလေးဆိုတာ သိမှာပါ ဇာတ်လမ်းအကျဉ်းကတော့ ဘောလုံးပွဲ အစွန်းရောက်ဂိုဏ်း (Hooligans) တွေရဲ့ မှောင်မိုက်တဲ့ လောကထဲအကြောင်းပါပဲ? အဖွဲ့ခေါင်းဆောင်ကို ဖြုတ်ချဖို့ လျှို့ဝှက်ကြံစည်တာကနေစပြီး ဇာတ်လမ်းက စကြမ်းပါတော့တယ်။ အဲဒီမှာ ရည်မှန်းချက်ကြီးတဲ့ ဂိုဏ်းသား Golden ဆိုတဲ့ကောင်က အခွင့်အရေးရတာနဲ့ အဖွဲ့အစည်းကို ဝင်သိမ်းတာပါ။ Golden ဆိုတဲ့ကောင်က ရာဇဝတ်လောကထဲမှာ မာန်တင်းပြီး အာဏာအတွက်ဆိုရင် ဘာမဆိုလုပ်မယ့်သူမျိုးပါ။ အဲဒီကောင် အာဏာရသွားတာနဲ့ မြို့တစ်မြို့လုံးက ရာဇဝတ်မှုတွေနဲ့ ပရမ်းပတာ ဖြစ်သွားပါတော့တယ်။ သူပိုင်တဲ့ ဥပဒေအောက်မှာ လူတွေကို အုပ်ချုပ်ချင်တဲ့ စိတ်က သူ့ကို အရူးတစ်ယောက်လို ဖြစ်သွားစေတယ်။ ပြသနာကတော့ ရဲဘက်ကနေ စုံစမ်းထောက်လှမ်းနေတဲ့သူတွေရယ်၊ Golden ရဲ့ လုပ်ရပ်တွေကို မကျေနပ်တဲ့သူတွေရယ်ကြားမှာ ပြင်းထန်တဲ့ တိုက်ပွဲတွေ ဆက်ဖြစ်လာတာပါပဲ။ Golden ရဲ့ ရူးသွပ်မှုနဲ့ သူ့ရဲ့ ကြမ်းတမ်းတဲ့ ဂိုဏ်းအုပ်ချုပ်ရေးကနေ တစ်မြို့လုံးက ဘယ်လိုရုန်းထွက်ကြမလဲ။ တစ်ချို့သူတွေက Golden ကို ဘော်ဒါလို့ သစ္စာရှိခဲ့ပေမယ့် နောက်ဆုံးမှာတော့ သစ္စာဖောက်မှုတွေနဲ့ မျက်ရည်တွေကြားမှာ ဘယ်လိုအဆုံးသတ်ကြမလဲဆိုတာ သည်းထိတ်ရင်ဖို ကြည့်ရှုရမှာပဲဖြစ်ပါတယ်။ ဇာတ

နာမည်​​လေးဆန်းသလို ဇာတ်လမ်းဇာတ်ကွက်ဆန်းကြယ်တဲ့ ထိုင်းဇာတ်ကား​လေးဖြစ်ပါတယ်။ ​သေဆုံးသွားသူ ဘဏ်အ​ကောင့်ပိုင်ရှင်ရဲ့​ငွေစာရင်းထဲက စာရင်း​ဖျောက်ပြီး ကိုယ်ကျိုးအတွက် အသုံးချကြတဲ့အကြောင်း ဖြစ်ပါတယ်။ တိုနီဟာ ဘဏ်လက်​ထောက်မန်​နေဂျာဖြစ်ပြီး အလုပ်ကြိုးစားသူမို့ နှစ်အလိုက်အ​ကောင်းဆုံးဝန်ထမ်းဆုကို ၄ နှစ်ဆက်တိုက်ရထားသူ ဖြစ်ပါတယ်။ အလုပ်ကိုကြိုးစားလုပ်ကိုင်ခဲ့​​ပေမယ့် အကျိုးခံစားခွင့်မရပဲ ဝန်ထမ်းအကဲဖြတ်ရလဒ်မှာပါ ရလဒ်ဆိုးရခဲ့​ကြောင်း သိလိုက်ရတဲ့အချိန်..... ဘဏ်​တွေမှာ ​​ငွေစာရင်းပိုင်ရှင်​သေဆုံးသွားပြီး ဆက်ခံမယ့်​ဆွေမျိုးသားချင်းမရှိတဲ့အခါ အ​ကောင့်​သေသွားတတ်ပါတယ်၊ ဒီလိုအ​ကောင့်​တွေက​နေတဆင့် ​ငွေခိုးထုတ်ဖို့ကြိုးစားကြပုံနဲ့ ​နောက်ဆက်တွဲအကျိုးဆက်များအ​ကြောင်းကို ဇာတ်ညွှန်းဖွဲ့ရိုက်ကူး​ပေးထားပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

နှစ်တစ်ရာလောက် အစွဲအလမ်းတွေနဲ့ မပြီးဆုံးနိုင်တဲ့ ရန်ပွဲတွေကြားမှာ နစ်မြုပ်နေတဲ့ ရွာနှစ်ရွာ... ဒီရွာနှစ်ရွာကို ဘယ်အရာက ပြန်လည်စည်းလုံးစေနိုင်မှာလဲ? ဒီဇာတ်လမ်းက ရွာကိုစည်းလုံးစေချင်တဲ့ လူတစ်ယောက်ရဲ့ ထူးဆန်းတဲ့ သေဆုံးမှုကနေ အစပြုလာပါတယ်။ ဒါပေမဲ့ အသက်မဲ့သွားပြီလို့ ထင်ထားတဲ့ သူ့ရဲ့ခန္ဓာကိုယ်က ဘယ်သူမှ မ မရဘဲ တစ်ခါတစ်ရံ တုန်ခါပြီး လေလည်တတ်တဲ့ ထူးဆန်းတဲ့ လက္ခဏာတွေပြလာတဲ့အခါမှာတော့ ရွာသားတွေအတွက် သူက ဘုရားသခင် ဝင်ပူးကပ်သွားတဲ့ ကိုယ် ဖြစ်လာပါတော့တယ်။ ဒီဘုရားကိုယ်တော်ကို ကိုယ့်ဘက်ပါအောင် အပြိုင်အဆိုင် ကြိုးပမ်းကြရင်း ရန်ဖြစ်နေတဲ့ ရွာနှစ်ရွာကြားမှာ ဖြစ်ပေါ်လာတဲ့ ဟာသနှောတဲ့ အလွဲတွေ၊ အတ္တတွေနဲ့ အားပြိုင်မှုတွေက ဇာတ်လမ်းကို အရှိန်အဟုန်နဲ့ ဆွဲခေါ်သွားပါတယ်။ ဒါက တယူသန်ယုံကြည်မှုကို မေးခွန်းထုတ်ထားတာလား။ ဒါမှမဟုတ် စုစည်းညီညွတ်မှုတစ်ခုအတွက် အားလုံးက တစ်နေရာတည်းမှာ တူညီစွာ ယုံကြည်လိုက်တဲ့အခါ ဖြစ်ပေါ်လာတဲ့ ကြီးမားတဲ့ စွမ်းအားကို ပြသချင်တာလား။ ရယ်မောခြင်း၊ သံသယဝင်ခြင်းနဲ့ မျှော်လင့်ချက်တွေကြားမှာ ဗျာများရင်း နောက်ဆုံးမှာ ရွာသားတွေက သူတို့ရဲ့ ရန်ညှိုးတွေကို မေ့ဖျောက်ပြီး တစ်စုတစ်စည်းတည်း ဖြစ်သွားနိုင်ပါ့မလားဆိုတာကို ရင်ခုန်စိတ်လှုပ်ရှားစွာနဲ့ ကြည့်ရှုရမှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Clara Sol ဖြစ်ပါတယ်

သဘာဝပတ်ဝန်းကျင်နဲ့ပတ်သက်ပြီး အမြတ်ထုတ်တဲ့ Crime ကားကိုမှ တခြားကားတေနဲ့မတူဘဲ unique ဖြစ်အောင်တင်ဆက်ထားပါတယ်။ ဒီရာဇဝတ်မှုတွေကို ဖော်ထုတ်ပြီး တရားခံတွေကို အပြစ်ပေးမှာက ဂျူးလူမျိုးဘာသာရေးဆရာတစ်ယောက် ဖြစ်နေလို့ပါ။ အဓိကဇာတ်ကောင် ဇော့မန်းက ဂျူးဘာသာရေးဆရာ(ရာဘိုင်) တစ်ယောက်ဖြစ်ပြီး ဇနီးသည်နဲ့ကလေးတွေရှိပါတယ်။ကံဆိုးချင်တော့ သူတို့မြို့မှာ ဘုရားကျောင်းဆောက်ဖို့ Solar စွမ်းအင်ထုတ်တဲ့ပိုင်ရှင်သူဌေးအယ်လန်က ငွေလှူတဲ့ပွဲမှာပဲ အယ်လန်အသတ်ခံလိုက်ရလို့ ရုတ်ရုတ်သဲသဲဖြစ်ပြီး ပွဲပျက်သွားပါလေရော။ အယ်လန်ရဲ့မိတ်ဆွေတဖြစ်လဲ မြို့ဝန်ဒိုနိုဗန်ကပါ ဒီလူသတ်မှုအတွက် ဖော်ထုတ်မယ်ဆိုပြီး စုံထောက်တွေကို တာဝန်ပေးလိုက်ပါတယ်။ ဒါမဲ့ သူတို့တွေဖမ်းလာတာက လူဖြူမျိုးချစ်စိတ်ပြင်းထန်တဲ့ အဖွဲ့ဝင်ဆယ်ကျော်သက်ကောင်လေး ဖြစ်နေတာပါ။ ဒီကောင်လေးမှာ အပြစ်မရှိဘူးလို့ ယုံကြည်တဲ့လူကလည်း ရာဘိုင်တစ်ယောက်ပဲရှိပါတယ်။ သူဖမ်းဆီးခံရစဉ်အတွင်း အယ်လန်နဲ့ပတ်သက်နေတဲ့ လူတစ်ယောက် ထပ်အသတ်ခံရတော့ ရာဘိုင်က သူ့မိတ်ဆွေ‌တွေအတွက် တရားခံဖော်ဖို့ လူသတ်တဲ့အကြောင်းရင်းကို အစအဆုံးစုံစမ်းပါတော့တယ်။ အလှည့်အပြောင်းတွေပါဝင်ပြီး ဗီလိန်ကလည်း နာမည်ကျော် Neal McDonough ဆိုတော့ စိတ်ဝင်စားစရာကောင်းမှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

COVID-19 ရဲ့ ရှေ့ပြေးနမိတ်‌ တွေကို ပြသခဲ့တဲ့ ဇာတ်လမ်းတွေထဲက တစ်ပုဒ်ဖြစ်တဲ့ Dead Air 2009 ဟာဆိုရင် ကိုဗစ်ထက် ဆယ်စုနှစ် စောပြီး ထွက်ခဲ့ပေမဲ့ လက်တွေ့ ကြုံခဲ့ရတာတွေနဲ့ တိုက်ဆိုင် နေတဲ့အချက်တွေ တွေ့ရမှာပါ။ ဒီဇာတ်လမ်းမှာ တော့ လေလှိုင်း မီဒီယာ မှာ ထိပ်တန်းရောက်နေတဲ့ radio station တစ်ခုက host တစ်ယောက်ရဲ့ ‌ပြောရဲဆိုရဲ ရှိပြီး ယုံကြည်ချက်ခိုင်မာတဲ့ main character Logan Burnhardt နဲ့ အစပျိုးထားပါတယ်။ ‌ပွင့်ပွင့်လင်းလင်း ပြောဆိုတတ်မှုကြောင့် နားဆင်သူ ပရိသတ် တောင့်တောင့်တင်းတင်း ရရှိထားသလို သဘောမကျသူတွေလဲ ရှိပါတယ်။ တစ်နေ့ radio station ထဲကနေ သူရဲ့ လေလှိုင်းအစီအစဉ်မှာ Paranoia လို့ခေါ်တဲ့ စိတ်ချောက်‌ချားခြင်း အကြောင်းကို ဆွေးနွေးရင်း အပြင်ဖက် မြို့ထဲမှာ တကယ်ကို ချောက်ချားစရာတွေဖြစ်ပေါ်လာတာပါ။ ဒီချောက်ချားစရာတွေထဲမှာ အစမှာပြောခဲ့တဲ့ COVID-19 နဲ့ တိုက်ဆိုင်နေတာတွေ ပါလာမှာပါ။ ဥပမာ - ကူးစက်မြန်တာတွေ၊ quarantine လုပ်ရတာတွေ ၊ ဇီဝလက်နက် ဖန်တီးခဲ့မှု ဖြစ်စဥ်တွေ၊ media ရဲ့ misinformation အကျိုးဆက်တွေ ဟာတိုက်ဆိုင်နေပါတယ်။ ဇာတ်လမ်းဟာ တစ်နှစ်စောထွက်ခဲ့တဲ့ တခြား movie တစ်ခုနဲ့ ဆင်တူတဲ့ idea ကြောင့် original မဆန်ခဲ့ပေမဲ့ နိုင်ငံရေး ဘာသာရေးရှုထောင့်တွေနဲ့ တော်တော် လေး ရည်ရွယ်ချက်ကြီးတဲ့ ဇာတ်ညွှန်း ဇာတ်အိမ်တွေနဲ့ ဖန်တီးထားတာပါ။ ဒါပေမဲ့ 2009 မှာထွက်တဲ့ ဇာတ်ကားရဲ့ ရုပ်ထွက် နဲ့ production အနေနဲ့ ကတော့ budget

"Junior" ဟာ Arnold Schwarzenegger(အာနိုး) Danny DeVito နဲ့ Emma Thompson တို့ ပါဝင်သရုပ်ဆောင်ထားတဲ့ ၁၉၉၄ ခုနှစ်က ထွက်ရှိခဲ့တဲ့ သိပ္ပံစိတ်ကူးယဉ် ဟာသရုပ်ရှင် ဖြစ်ပါတယ်။ ဇာတ်လမ်းကို မျိုးအောင်ဆေးဝါးသစ်တစ်မျိုးကို လူသားတစ်ယောက်နဲ့ စမ်းသပ်ဖို့ ခွင့်ပြုချက်မရတာနဲ့စထားပါတယ်။ ဒါကြောင့် သိပ္ပံပညာရှင် Dr. Alex Hesse (အာနိုး) ဟာ သူရဲ့လုပ်ဖော်ကိုင်ဖက် Dr. Larry Arbogast ရဲ့ စည်းရုံးမှုကြောင့် ကိုယ်တိုင် စမ်းသပ်ခံအဖြစ် ဝင်ရောက်ပြီး ကမ္ဘာ့ပထမဆုံး ကိုယ်ဝန်ဆောင် အမျိုးသား ဖြစ်လာခဲ့တဲ့အကြောင်းကို ဟာသနှောပြီး ရိုက်ကူးတင်ဆက်ထားပါတယ်။ ဇာတ်ကားထဲမှာ ကိုယ်ဝန်ဆောင်ခြင်းရဲ့ ခံစားချက်တွေ၊ အခက်အခဲတွေနဲ့ ရင်ဆိုင်ရတဲ့အခါ ဒေါက်တာ အဲလက်စ်ဟာ သူ့ဘဝနဲ့ပတ်သက်တဲ့ အမြင်သစ်တွေ ရရှိလာပုံကို ပျော်စရာ၊ ဆန်းသစ်တဲ့ ဇာတ်လမ်းဖွဲ့စည်းမှုနဲ့ တင်ဆက်ထားတာ ဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Andrew ဖြစ်ပါတယ်

ဂျက်ကော့မာတင်ဟာ ကွယ်လွန်သူဖခင်ဆီကရမဲ့ သန်းချီအမွေတွေကိုအပြည့်အဝဆက်ခံနိုင်ဖို့ အဒေါ်ဖြစ်သူရဲသေစာရင်းကိုမဖြစ်မနေ လိုအပ်လာပါတယ်။ ဒါကြောင့်ပဲသူငယ်ချင်းတစ်ယောက်အပြင် ဒေသခံကျွမ်းကျင်သူနှစ်‌ယောက်ကိုခေါ်ပြီး ဒီထရွိက်မြို့စွန်မှာရှိတဲ့ စွန့်ပစ်ခံစိတ္တဇဆေးရုံဟောင်းကြီးဆီ ချီတက်ကြရာမှာ မထင်မှတ်ဘဲ ဆေးရုံကြီးရဲ့ လူနာတွေပေါ်ရက်ရက်စက်စက်ပြုမူခဲ့တဲ့ ကြောက်စရာ အတိတ်နဲ့ထိတွေ့မိကြပါတော့တယ်။ အတိတ်နဲ့ပစ္စုပ္ပန်ရောထွေးသွားပြီး အဖွဲ့သားတွေအကုန် ဝိဉာည်ဆိုးတွေရဲ့ခြောက်လှန့်ဖမ်းဆီးနှိပ်စက်ခံရတဲ့အခါ ဘယ်သူကများကံကောင်းလွတ်မြောက်မလဲဆိုတာ အသည်းတထိတ်ထိတ်ခံစားရမဲ့ Eloise (2016) ရုပ်ရှင်လေးကိုရှုစားပေးကြပါဦး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Thang Tun Khaing ဖြစ်ပါတယ်

ဒီဇာတ်ကား​လေးက​တော့ ​အင်ဒိုနီးရှားအသင်းတိုက်စစ်မှူးအာလန်ရဲ့အ​ကြောင်းကို ရိုက်ကူးထားခြင်းဖြစ်ပါတယ်။ နိုင်ငံအသင်းဖလားရဖို့အတွက် ကြိုးစားခဲ့ရတဲ့ ​ဘောလုံးသမားတစ်​ယောက်ရဲ့အ​ကြောင်းပါ။ အာလန်ဟာ ဂါရူဒါကလပ်အသင်းမှာ ကစား​နေတာဖြစ်ပြီး မိခင်ဖြစ်သူကျန်းမာ​ရေးစရိတ်အတွက် ပိုက်ဆံအ​ရေးတကြီးလိုအပ်​နေသူပါ။ ဒါ​ကြောင့် ​ကြေးစားလမ်းသရဲရန်ပွဲတခုကို သူငယ်ချင်းအဆက်အသွယ်နဲ့ ပါဝင်ခဲ့​ပေမယ့် အဆင်မ​​ပြေပါဘူး။ ​နောက်​တော့ ​ဘောလုံး​အေးဂျန့်တခုနဲ့ အဆက်အသွယ်ရပြီး သြစ​တြေးလျကလပ်အသင်းတစ်ခုကို ၃ လစာချုပ်နဲ့​ပြောင်း​ရွေ့ခွင့်ရခဲ့ပါတယ်။ အာလန်တစ်​ယောက် အင်ဒိုနီးရှားအမျိုးသားအသင်းရဲ့တိုက်စစ်မှူးအ​နေနဲ့ ပြန်လည်ဝင်​ရောက်လာပုံနဲ့ အသင်းအတွက် AFC ဖလားကို အရယူ​ပေးနိုင်မလားဆိုတာကို ခံစားကြည့်ရှူရမယ့် အင်ဒိုကား​လေး ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

နိုင်ငံတစ်ဝှမ်းလုံးမှာ အကြီးဆုံးဆေးဝါးကုမ္ပဏီရဲ့ CEO ဖြစ်ပြီး လှပထက်မြက်တဲ့အပြင် ဓာတုဗေဒပညာရှင် အမျိုးသားငယ်ငယ်လေးကိုပါ ပိုင်ဆိုင်ထားတာကြောင့် လူအများရဲ့လေးစားအားကျခြင်းကိုခံရတဲ့ ဆိုဖီယာ....။ ဒါပေမဲ့ တစ်ရက်မှာတော့ ဆိုဖီယာတစ်ယောက် ဘာလင်ကနေ အလုပ်ကိစ္စနဲ့ပြန်ရောက်ရောက်ချင်း နှလုံးဖောက်ပြီး ရုတ်တရက်သေဆုံးသွားခဲ့ပါတယ်။ သူမရဲ့ ရုတ်တရက်ဆန်လှတဲ့ သေဆုံးမှုအတွက် အားလုံးက သူမရဲ့ခင်ပွန်းဖြစ်သူ ဂျက်ဖရီကို သနားပြီး အားပေးနှစ်သိမ့်နေကြပေမဲ့ ဆေးမှုခင်းဌာနခေါင်းဆောင် မစ္စတာအာယာကတော့ ဂျက်ဖရီ့ကို သံသယရှိနေခဲ့ပါတယ်။ မိန်းမမသိအောင် နောက်ကွယ်မှာ ဖောက်ပြန်နေတဲ့ ဂျက်ဖရီနဲ့ သူ့ရည်းစားဖြစ်တဲ့ဆာရာတို့ဟာ ဆိုဖီယာရဲ့သေဆုံးမှုဟာ သူတို့နဲ့မဆိုင်ကြောင်း အလီဘိုင်တွေဖန်တီးပြီး သက်သေပြနေတုန်းမှာပဲ ဆိုဖီယာရဲ့အလောင်းဟာ ရင်ခွဲရုံကနေ ရုတ်တရက်ပျောက်သွားတဲ့အခါ.....။ လှည့်ကွက်များစွာနဲ့ ရင်တထိတ်ထိတ်စောင့်ကြည့်ရမယ့် ဒီရုပ်ရှင်လေးကတော့ IMDB 7.2 အထိ ရရှိထားပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Vicky ဖြစ်ပါတယ်

ဒီကားလေးကတော့ Lee Minhoနဲ့ Ahn Hyo Seopတို့လို နာမည်ကြီးမင်းသားတွေပါဝင်ထားတဲ့ Fantasy/Actionဇာတ်ကားအမျိုးအစားပါ။ ဂင်ဒို့ဂျာဆိုတဲ့ကောင်လေးက ငယ်ငယ်ကတည်းက "ကမ္ဘာပျက်ချိန်မှာ ရှင်သန်နည်း ၃နည်း " ဆိုတဲ့ ဝဘ်နိုဗယ်တစ်ခုရဲ့အမာခံပရိသတ်တစ်ဦးပါ။ ဝတ္ထုအပိုင်းရှည်လာလည်း ဖတ်တဲ့လူ သူတစ်ယောက်တည်းကျန်တော့တဲ့အထိ သစ္စာရှိရှိဖတ်လာတာမလို့ ဝတ္ထုကို ထုံးလိုချေ ရေလိုနှောက်တဲ့လူပါ။ ဒို့ဂျာတစ်ယောက် ဝတ္ထုအဆုံးသတ်ချိန်မှာ အဆုံးသတ်ကိုမကြိုက်တာမလို့ စာရေးဆရာဆီကို စာတစ်စောင်ပို့ခဲ့ပါတယ်။ စာရေးဆရာကလည်း အဆုံးသတ်မကြိုက်တဲ့ဒို့ဂျာကို ကိုယ်တိုင်သွားပြင်ဆင်ဆိုပြီး ဝတ္ထုထဲကိုပို့လိုက်တဲ့အချိန် အဆုံးသတ်ကိုပြင်ဆင်နိုင်ပါ့မလား...? သူဝင်ရောက်လာတဲ့အတွက် သူဖတ်ခဲ့တဲ့ ဝတ္ထုဇာတ်ကြောင်းတွေပါ ပြောင်းသွားခဲ့ပြီး ကြိုသိထားတဲ့သူကိုယ်တိုင် ဘာကိုမှခန့်မှန်းလို့မရတော့ဘဲ ဘယ်လိုအရာတွေကြုံတွေ့ရမလဲဆိုတာ... ဒီကားကို အညွှန်းနဲ့ ဘာသာပြန်ဆိုသူက Huihui ဖြစ်ပါတယ်။

ဒီတစ်ခေါက်မှာတော့ Thief Heroine 2021 ဆိုတဲ့ ဇာတ်ကားလေးကို တင်ဆက်ပေးချင်ပါတယ်။ မင်မင်းဆက်မှာ သူကြွယ်တွေကို လုယက်ပြီး အပြစ်မဲ့သူတွေကို ကာကွယ်စောင့်ရှောက်ပေးတဲ့ ထျန်းချီဂိုဏ်းဟာ တရားမျှတတဲ့ သူခိုးအဖွဲ့ဟု လူသိများပြီး ထင်ရှားပါတယ်။ ရီကျိမေဟာ ထျန်းချီဂိုဏ်းရဲ့ ဂိုဏ်းခေါင်းဆောင်တစ်ဦးဖြစ်ပါတယ် ။ တစ်နေ့မှာတော့ တိုင်းပြည်အတွက် အရေးပါတဲ့ ပျောက်ဆုံးနေသော ရတနာမြေပုံရဲ့ သတင်းဟာ ထွက်ပေါ်လာပြီး အာဏာရှင်အဖွဲ့တွေ လူဆိုးဖွဲ့တွေနဲ့ လျှို့ဝှက်အဖွဲ့အစည်းတွေဟာ ရတနာမြေပုံအတွက် တိုက်ခိုက်သတ်ဖြတ်မှုတွေစတင်လာခဲ့ပါတယ်။ရီကျိမေဟာလည်း သူ့အဖေရဲ့ အသက်ခံရမှုကို ဖော်ထုတ်ရန်အတွက် ထိုအဖွဲများထဲတွင် ပါဝင်လာရပြီး ရတနာမြေပုံရရှိရင်အတွက် နည်းဗျူဟာသုံးကာ တိုက်ပွဲဝင်ခဲ့ပါတယ်။နောက်ဆုံးမှာတော့ သူတို့ဟာ ရတနာမြေပုံကို ရရှိခဲ့ပြီး မြေပုံရဲ့လျှို့ဝှက်ချက်ကို ဖော်ထုတ်နိူင်ခဲ့ပါတယ် သို့သော် မြေပုံနောက်ကို လိုက်လံနေသော အဖွဲ့အစည်းများစွာရှိတာကြောင့် နောက်ဆုံးမှာ ရီကျိမေဟာ ထိုသူတို့ကို အနိူင်ရပြီး ရတနာတွေကို အများအကျိုးအတွက် အသုံးပြုနိူင်ပါ့မလား။သူ့အဖေကို သတ်သွားတဲ့ နောင်ကွယ်ကလူကရော ဘယ်သူဖြစ်မလဲ...သူ့အဖေအတွက်ရော လက်စားပြန်ချေနိူင်ပါ့မလားဆိုတာကို အလှည့်အပြောင်းများစွာနဲ့ ကြည့်ရှု့ရမှာပဲ ဖြစ်ပါတယ်။ ဒီဇာတ်လမ်းလေးထဲမှာတော့ ရီကျိမေဟာ တိုင်းပြည်အတွက်နဲ့ မိမိအကျိုးအတွက် ဘယ်ဟာကို ရွေးချယ်မယ်ဆိုတဲ့ ဆုံးဖြတ်ချက်တွေထဲမှာ ရင်ဆိုင်တိုက်ခိ

Netflix ရဲ့ 2025 ထွက် Documentary ဇာတ်ကားလေးတစ်ကားတင်ဆက်ပေးလိုက်ပါတယ်။ ဒီ Documentary အကြောင်းကတော့ American နိုင်ငံရဲ့ နာမည်ကျော်အမှုဖြစ်တဲ့ ကွင်းဆက်လူသတ်သမား Dennis Rader ရဲ့အမှုကို ရိုက်ကူးထားတာပဲဖြစ်ပါတယ်။ ဒီနေရာမှာ Dennis Rader ရဲ့အကြောင်းလေးကို နည်းနည်းထည့်ပြောမှပဲ ဒီကွင်းဆက်လူသတ်သမားက ဘာလို့အဲ့လောက်နာမည်ကျော်ပြီး ဖြစ်ရသလဲဆိုတာသိရရင် ပိုပြီးကြည့်ကောင်းမှာပါ။ Dennis Rader ဆိုသူဟာသာမန် အိမ်ထောင်သည်အမျိုးသားတစ်ယောက်ပါ။ မိန်းမနဲ့ ကလေးနှစ်ယောက်ရှိပြီး ချာ့်ကျောင်းတစ်ခုမှာလဲ ဘာသာရေးဝတ်ပြုအဖွဲ့ရဲ့ ခေါင်းဆောင်တစ်ယောက်ပါ။ သူ့ရဲ့ဘဝက တခြားပုံမှန်မိသားစုတွေလိုပဲ ဖခင်တစ်ယောက် အိမ်ထောင်ဦးစီးတစ်ယောက်ဖြစ်ပြီး မိသားစုအပေါ် တာဝန်‌ေကျတဲ့သူတစ်ယောက်ပါ။ ဒါပေမဲ့သူဟာ လူသတ်မှုပေါင်း အနည်းဆုံး၁၀ခု ကျူးလွန်ခဲ့ပြီး ဆယ်စုနှစ်၃ခုစာ ရဲတွေလက်ကနေလွတ်မြောက်ထားခဲ့သူပါ။ သူဟာ တီဗီအစီစဉ်ကနေတောင် ရဲတွေကို စာနဲ့ဆက်သွယ်ပြောဆိုခဲ့ပြီး ရဲတွေကို စာတွေ ပို့စ်ကဒ်တွေနဲ့ ရဲတွေကို ဦးနှောက်ခြောက်စေခဲ့သူပါ။ သူဟာ လတိုင်းနီးပါး ရဲတွေနဲ့သတင်းစာတိုက်တွေဆီစာပို့ပြီး ဘယ်သူ့ကိုတော့ သတ်ခဲ့တယ် ဘယ်လိုသတ်ခဲ့တယ်ဆိုတာကိုပါ ဓာတ်ပုံနဲ့တကွ ပေးပို့ခဲ့သူပါ။ သူသတ်တဲ့သူတိုင်းဟာလဲ အသက်လတ်ပိုင်းအမျိုးသမီးငယ်တွေဖြစ်ပြီး BTK ဆိုတဲ့ နာမည်ကိုကထားတဲ့ လူသတ်သမားပါ။ Bind ချည်နှောင် Torture နှိပ်စက် Kill သတ်ဖြတ်ဆိုတာကို သူကိုယ်တိုင် BTK ဆိုပြီး နာမည်ပေး

စိတ္တဇလူသတ်ကားတွေကြိုက်လား ? ဒါပေမဲ့ အမြဲတွေ့နေကျ ဇာတ်လမ်းမျိုးမဟုတ်ဘဲ စိတ္တဇဖြစ်မှန်းမသိဖြစ်သွားတယ်ဆိုရင် ပိုစိတ်ဝင်စားဖို့ကောင်းမှာပေါ့နော် ဒါဆိုရင် " Murderbadd 2025 " ကိုညွှန်းပေးပါရစေ ဇာတ်လမ်းအကျဉ်းကတော့ မြို့တစ်မြို့ကို ကောင်လေးတစ်ယောက် အလုပ်လာရှာတယ် သူငယ်ချင်းကအလုပ်ရှာပေးတယ် သူငယ်ချင်းက ကားဆရာဖြစ်တဲ့အတွက် ခရီးသွားလမ်းညွှန်အလုပ်ရပြီး ခရီးသွားဧည့်သည်တွေနဲ့အတူ နေရာစုံပတ်ကြတာပေါ့ ဒီမှာလူငယ်တို့သဘာဝ ဧည့်သည်ထဲက ကောင်မလေးနှစ်ယောက်ကို ကြိုက်သွားကြတယ် ဒီအထိက လူသတ်ကားလို့ထင်စရာမရှိပါဘူးတစ်နေ့မှာ သူတို့ကြိုက်နေတဲ့ကောင်မလေးထဲက တစ်ယောက် အသတ်ခံလိုက်ရပါတယ် ဒီအမှု‌ကို ကူညီရှာဖွေကြတဲ့အခါ တရားခံက သူငယ်ချင်းနှစ်ယောက်ထဲက တစ်ယောက်ဖြစ်နေပါတယ် ဒါပေမဲ့ စိတ္တဇလူသတ်သမားက သူမဟုတ်နေပြန်ပါဘူးတဲ့ ဒါဆိုဘယ်သူလဲ? ‌ရှုပ်‌ထွေးလှတဲ့ပဟေဠိတွေ များစွာပါဝင်ပြီး ရသအမျိုးမျိုးပေးနိုင်တာကြောင့် ဇာတ်ကားလေးကိုကြည့်ရင်းပဲ အဖြေရှာကြည့်လိုက်ရအောင်ရှင့် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ki Ki Chit Su ဖြစ်ပါတယ်