လူကြည့်များသော ရုပ်ရှင်များ

ဒီကားထဲမှာတော့ နာမည်ကြီးမင်းသားဖြစ်တဲ့ Idris Elba က ခေါင်းဆောင်အဖြစ်ပါဝင်သရုပ်ဆောင်ထားပါတယ်။ Elbaဟာ Marvelနဲ့ DCတို့မှာ Heimdallနဲ့ Bloodsportဆိုတဲ့ နာမည်ကြီး Characterတွေအနေနဲ့ပါဝင်ထားပြီး ဒီကားထဲမှာလည်း သူက CIA အေးဂျင့် Briar အဖြစ် ခပ်ကြမ်းကြမ်း၊ စည်းကမ်းမဲ့သော်လည်း စွမ်းရည်ထက်မြက်တဲ့ ဇာတ်ရုပ်ကို ပိုင်နိုင်စွာ သရုပ်ဆောင်နိုင်ခဲ့ပါတယ်။ Elba နှင့် Madden တို့ရဲ့ တွဲဖက် သရုပ်ဆောင်မှုကလည်းအစပိုင်းမှာ ဆန့်ကျင်ဘက် ဖြစ်သော်လည်း နောက်ပိုင်းမှာအပြန်အလှန် အားဖြည့်ပေးသည့် "Odd Couple" ပုံစံမျိုးဖြင့် လိုက်ဖက်စွာသရုပ်ဆောင်သွားကြပါတယ်။ ဇာတ်လမ်းအကျဉ်း ပါရီမြို့တွင် နေထိုင်သည့် အမေရိကန် ခါးပိုက်နှိုက် Michael Mason သည် ဗုံးပါသည့် အိတ်တစ်လုံးကို မတော်တဆ ခိုးယူမိရာမှ အကြမ်းဖက်သမားအဖြစ် သတ်မှတ်ခံလိုက်ရပါတယ်။ သူ့ကို CIA အေးဂျင့် Sean Briar က ဖမ်းဆီးစစ်ဆေးရန် ရောက်လာပေမဲ့ နောက်ပိုင်းနိုင်ငံရေးအရှုပ်တော်ပုံများကြောင့် သူတို့နှစ်ဦးပူးပေါင်းပြီး ဗုံးအိတ်ပိုင်ရှင်အစစ်ကိုရှာဖွေသွားကြမှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ye Myat ဖြစ်ပါတယ်

ဒီရုပ်ရှင်ကတော့ သရုပ်ဆောင် Tom Felton (တွမ် ဖယ်လ်တန်) ပါဝင်တဲ့ သိပ္ပံစိတ်ကူးယဉ် (Sci-Fi) အမျိုးအစား အက်ရှင်ကားပါ။ ဒါရိုက်တာကတော့ Timo Vuorensola ဖြစ်ပါတယ်။ ဇာတ်လမ်းအကျဉ်းချုပ် ဒီဇာတ်လမ်းရဲ့ ဇာတ်အိမ်ကတော့ လက်ရှိပစ္စုပ္ပန်နဲ့ မတူညီတဲ့ အခြားကမ္ဘာတစ်ခု (An alternate present) မှာ စတင်ပါတယ်။ အဲဒီကမ္ဘာမှာ မျိုးရိုးဗီဇကို ပြုပြင်ထားတဲ့ လူတွေ (Genetically enhanced humans) က လူ့အဖွဲ့အစည်းကို လွှမ်းမိုးချုပ်ကိုင်ထားပါတယ်။ ဒီမျိုးရိုးဗီဇ ပြုပြင်ထားတဲ့လူတွေဟာ သာမန်လူတွေကို မျိုးရိုးဗီဇ မညီမျှမှု (Genetic Disparity) ဆိုတဲ့ နည်းလမ်းနဲ့ အမြတ်ထုတ်ပြီး ဖိနှိပ်တဲ့ စနစ်ကြီးကို တည်ဆောက်ထားတာပေါ့။ ဒီလို မတရားမှုတွေကို ရင်ဆိုင်နေရတဲ့ အချိန်မှာ... လီယွန် (Leon) နဲ့ကလိုဝီ (Chloe) ဆိုတဲ့ ပစ်ပယ်ခံလူငယ်နှစ်ဦး (Outcasts) တို့ဟာ ပေါ်ပေါက်လာပါတယ်။ သူတို့နှစ်ဦးက ဒီအကျင့်ပျက်ခြစားပြီး ဖိနှိပ်နေတဲ့ စနစ်ကြီးကို စိန်ခေါ်တိုက်ခိုက်ဖို့အတွက် အရာအားလုံးကို ရင်းပြီး တရားမျှတမှုအတွက် တိုက်ပွဲဝင်ကြပါတော့တယ်။ တစ်နည်းအားဖြင့် ပြောရရင်တော့... မျိုးရိုးဗီဇနဲ့ ခွဲခြားထားတဲ့လူတန်းစားကြားက တိုက်ပွဲကို နည်းပညာမြင့် အက်ရှင်ဇာတ်ကွက်တွေနဲ့ ပေါင်းစပ်ပြီး ရိုက်ကူးထားတဲ့ သိပ္ပံစိတ်ကူးယဉ် သည်းထိတ်ရင်ဖို ဇာတ်ကားတစ်ကားပါပဲ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Kim ဖြစ်ပါတယ်

ဒီတခါမှာတော့ အက်ရှင်ဇာတ်ကားကြိုက်သူတွေအတွက် မင်းသားကြီး ဂျက်ကီချန်းရဲ့ အသစ်ထွက်ရှိလာတဲ့ "The Shadow's Edge''ဆိုတဲ့ ဇာတ်ကားလေးနဲ့ မိတ်ဆက်ပေးချင်ပါတယ်။ ဇာတ်လမ်းအကျဥ်း မကာအိုမြို့မှာ နည်းပညာအဆင့်မြင့်တဲ့ လူငယ်ရာဇဝတ်ဂိုဏ်းတစ်ဖွဲ့ဟာ လုံခြုံရေး စနစ်အကြီးစားဖြစ်တဲ့ "Sky Eye" ကို ဟက်ခ်ပြီး ဒစ်ဂျစ်တယ်ငွေကြေး ဘီလီယံများစွာကို လုယက်သွားခဲ့ပါတယ်။ ခြေရာခံမရတဲ့အဆုံး ရဲတပ်ဖွဲ့ဟာ အနားယူနေတဲ့ ထောက်လှမ်းရေး ကျွမ်းကျင်သူ "ဟွမ်တယ်ကျုံး" (ဂျက်ကီချန်း) ကို အကူအညီတောင်းခဲ့ရပါတယ်။ AIနည်းပညာတွေနဲ့တိုးတက်လာတဲ့ ဒီနေ့လိုခေတ်မှာ ခေတ်ဟောင်းဆရာကြီး ဟွမ်တယ်ကျုံးကလည်း လူငယ်တွေနဲ့ နည်းပညာနဲ့ ရိုးရာစနစ်တွေပေါင်းစပ်ကာ ခြေရာခံအဖွဲ့ကို ဖွဲ့စည်းလိုက်ပါတယ်။ နှစ်ပေါင်းနှစ်ဆယ်ကျော် ထွက်ပြေးလွတ်မြောက်နေတဲ့ ''Shadow'' အရိပ် အမည်ရ လူဆိုးကြီးနဲ့ သူ့ရဲ့ မွေးစားသားတစ်စုကို ဟွမ်တယ်ကျုံးရဲ့ ခြေရာခံအဖွဲ့က ဘယ်လိုတွေ ဖမ်းဆီးပြမှာလဲ... လူဆိုးဂိုဏ်းဘက်မှာလည်း နည်းပညာတော်တဲ့ လူငယ် ဟက်ခ်ကာတွေ ရှိနေပါတယ်။ခေတ်ဟောင်းက လူဆိုကြီး ''အရိပ်''ကို ခေတ်ဟောင်းက ရဲအရာရှိကြီး''ဟွယ်တယ်ကျုံး'' ဘယ်လိုတွေ ဖမ်းဆီးပြမလဲ။ အမှောင်နဲ့အလင်းတိုက်ပွဲကြားက လူငယ်တွေရဲ့ အားပြိုင်မှု နည်းပညာချင်း အားပြိုင်မှုတွေက စိတ်လှုပ်ရှားစရာ ကောင်းပြီး အရမ်းကောင်းတဲ့ ဇာတ်ကားကောင်းလေး တစ်ကားလို့ပဲ ညွှန်းဆိုပါရစေ။ ရိုးရာ ခြေရာခံနည်းများနဲ့ ခေတ်မီနည်းပညာတ

Christmas ရာသီရဲ့ Iconic အဖြစ်ဆုံး Movie Characters တစ်ခုကိုပြောပြပါလို့ပြောလိုက်ရင် လူတော်တော်များများရဲ့ ခေါင်းထဲကိုအရင်ဆုံးရောက်လာတတ်သူကတော့ ဒီရုပ်ရှင်ကားထဲက ‘ကယ်ဗင်မက်ခ်ကယ်လစ်စတာ’ပဲ ဖြစ်ပါတယ်။ Family/ Comedy အမျိုးအစားလေးဖြစ်ပြီးတော့ IMDb 7.7 လောက်ရရှိထားတာပါ။ ဒီရုပ်ရှင်ဇာတ်ကားက မင်းသား Macaulay Culkin ကို အောင်မြင်တဲ့ ကလေးသရုပ်ဆောင်တစ်ဦးဖြစ်စေတဲ့ ဇာတ်ကားဆိုလည်း မမှားပါဘူး။ ဇာတ်လမ်းကိုတော့ - ကယ်ဗင်တို့မိသားစုက ခရစ်စမတ်မှာ ပဲရစ်ကိုအလည်အပတ်ထွက်ကြမလို့ ပြင်ဆင်နေကြပုံနဲ့ စတင်ထားပါတယ်။ မိသားစုတွေအားလုံးစုပြီး ခရီးထွက်ကြမှာဆိုတော့ သူတို့အိမ်ကြီးထဲ ကလေးတွေက အများကြီးဖြစ်နေရုံသာမက တစ်အိမ်လုံးလည်းဗြောင်းကိုဆန်နေတော့တာပေါ့။ အဲ့မှာ ကယ်ဗင်က သူ့အတွက်ညစာ ချိစ်ပီဇာကို သူ့အစ်ကိုကြီးက စားပစ်လိုက်လို့ဆိုပြီး သူ့အစ်ကိုနဲ့ ရန်ဖြစ်ရင်း အမေလုပ်သူက သူ့ကို အပြစ်ပေးတဲ့အနေနဲ့ အပေါ်ဆုံးထပ်မှာ တစ်ယောက်တည်း ပစ်ထားလိုက်ပါတယ်။ နောက်တစ်နေ့မနက် လေယာဉ်ချိန်အမီ ဝရုန်းသုန်းကားနဲ့ တစ်မိသားစုလုံး ထပြေးကြတော့ ကယ်ဗင်နဲ့ရွယ်တူ အိမ်ရှေ့ကကောင်လေးကို ကယ်ဗင်ပါလာတယ်ထင်ပြီး ပဲရစ်ကို သွားမယ့်လေယာဉ်ပေါ်ကို တက်သွားကြပါရော။ တကယ်တော့ ကယ်ဗင်က အပေါ်ဆုံးထပ်မှာ အိပ်ပျော်နေခဲ့တာပါ။ သူနိုးလာတော့ သူကျန်ခဲ့တာကို ဝမ်းနည်းရမယ့်အစား တစ်အိမ်လုံး သူစိတ်ကြိုက်ကဲလို့ရပြီဆိုပြီး အပျော်ကြီးပျော်တော့တာပေါ့။ ဒါပေမဲ့ ကယ်ဗင

ဒီကားလေးကတော့ ဆန်တီရာဂိုဆိုတဲ့ ကောင်လေးတစ်ယောက်အကြောင်းရိုက်ပြထားတာပဲဖြစ်ပါတယ်။ ဆန်တီရာဂိုဟာငယ်ငယ်ကတည်းက ဘောလုံးအားကစားးကိုရူးသွပ်သူတစ်ယောက်ဖြစ်ပြီး အရွယ်ရောက်လာချိန်မှာလည်း သူဟာလော့အိန်ဂျလိစ်က ဒေသခံအသင်းငယ်လေးတစ်ခုမှာ ကစားလိုက်၊ စားသောက်ဆိုင်မှာ စားပွဲထိုးလုပ်လိုက်နဲ့ ဖြတ်သန်းနေတာပေါ့။ တစ်နေ့မှာ သူဘောလုံးကန်နေတာကို ဂလင်းဆိုသူကတွေ့ပြီးသဘောကျကာ သူ့ကို နယူးကာဆယ်ဆိုတဲ့အသင်းမှာ ခြေစွမ်းသွားစစ်ဖို့ ကမ်းလှမ်းခဲ့ပါတယ်။ ဒါကိုဆန်တီရာဂိုက လက်ခံပေမဲ့ သူ့အဖေဖြစ်သူကတော့ သဘောမကျပါဘူး။ မဟုတ်တဲ့အိမ်မက်တွေနောက်မလိုက်ဘဲ ထရပ်ကားတစ်စီးဝယ်ကာသူနဲ့အတူတူ ကိုယ်ပိုင်စီးပွားရေးလုပ်ဖို့ပဲ ပြောနေသူပါ။ အဖေ့ခွင့်ပြုချက်မရတော့ ဆန်တီရာဂိုက သူ့ဘာသူသွားမယ်ဆိူပြီး တောက်တိုမယ်ရအကုန်လုပ်ကာ ပိုက်ဆံလေးတွေစုပါတော့တယ်။ တစ်နေ့မှာသူ့အဖေက ထရပ်ကားဝယ်ဖို့ဆိုပြီး သူစုထားတဲ့ပိုက်ဆံတွေကိုယူသုံးလိုက်ပါတော့တယ်။ ဆန်တီရာဂိုတစ်ယောက်လည်း စိတ်ဓာတ်ကျနေချိန် အဖွားဖြစ်သူက ရှိတဲ့ပစ္စည်းလေးတွေရောင်းချပြီး လက်မှတ်ဝယ်ကာ ဆန်တီရာဂိုကို အင်္ဂလန်ရောက်အောင်ပို့လိုက်ပါတော့တယ်။ ဆန်တီရာဂိုတစ်ယောက် နယူးကာဆယ်မှာ ခြေစမ်းရင်းဘာတွေဆက်ဖြစ်သွားမလဲဆိုတာတော့....... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ye Myat ဖြစ်ပါတယ်

ဒီဇာတ်လမ်းကတော့ ရိုးရိုး ဘယ်သူသတ်လဲဆိုတာကို လိုက်ရှာရတဲ့ မှုခင်းဇာတ်လမ်းမျိုး လုံးဝမဟုတ်ပါဘူး။ ဒါက ပရိတ်သတ်ရဲ့ ဦးနှောက်ကို အစအဆုံး လှည့်စားပြီး ငါ မြင်နေရတာရော တကယ်ဟုတ်ရဲ့လားလို့ အခါခါ ပြန်မေးခိုင်းမဲ့ ဇာတ်လမ်းမျိုးပါ။ ဇာတ်လမ်းအစမှာ ရဲအရာရှိကြီးတစ်ဦးရဲ့ သမီး ညသန်းခေါင် အိမ်ပြန်ရင်း ပျောက်ဆုံးသွားပါတယ်။ သိပ်မကြာခင်မှာပဲ အော်တိုဒရိုင်ဘာတစ်ယောက်ရဲ့ အိမ်ခန်းထဲမှာ သွေးကွက်တွေ၊ မိန်းကလေးရဲ့ ပစ္စည်းတွေနဲ့ ကြောက်မက်ဖွယ်ရာ သက်သေခံ ပစ္စည်းတွေကို တွေ့ရှိခဲ့ပါတယ်။ ဒါက ရက်စက်တဲ့ ပြန်ပေးဆွဲ သတ်ဖြတ်မှုတစ်ခုလို့ အားလုံးက တထစ်ချ ယုံကြည်လိုက်ကြပါတယ်။ ဒါပေမဲ့ ဇာတ်လမ်းက ဒီမှာမှ စတာပါ။ အစားအသောက်ပို့တဲ့လူငယ်လေးတစ်ယောက်က ရဲစခန်းကို သူ့ဘာသာသူ ရောက်လာပြီး သူသတ်တာလို့ အသေးစိတ်ကျကျ လာဝန်ခံပါတယ်။ ဒါတင်မကဘဲ သူက အတိတ်မှာလည်း တခြားလူတွေကို သတ်ခဲ့ဖူးတဲ့သူတစ်ယောက်ဖြစ်ကြောင်း ဝန်ခံလိုက်တဲ့အခါ အမှုက ပိုပြီး တုန်လှုပ်စရာ ဖြစ်လာပါတယ်။ ပြဿနာက အဲဒီဝန်ခံချက်ကို လိုက်စစ်ဆေးတဲ့အခါမှာ သူ သတ်ခဲ့ဖူးတယ်ဆိုတဲ့ အရင်လူတွေက အသက်ရှင်လျက် ရှိနေတာကို တွေ့လိုက်ရတယ်။ အဆိုးဆုံးက သေပြီလို့ အားလုံးက ထင်ထားတဲ့ ရဲအရာရှိရဲ့သမီးကိုလည်း အသက်ရှင်လျက် ပြန်တွေ့လိုက်ရပါတယ်။ တရားရုံးမှာ တရားခံလို့ ဝန်ခံထားသူနဲ့ သားကောင်လို့ ထင်ရသူ မျက်နှာချင်းဆိုင် တွေ့တဲ့အခါ သူတို့ရဲ့ ထွက်ဆိုချက်တွေက တစ်ယောက်နဲ့တစ်ယောက် လုံးဝမကိုက်ညီဘဲ ဖြစ်နေပါတယ်။

ကံဆိုးမိုးမှောင်ကျနေတဲ့ “လီယို”တစ်ယောက် လမ်းပေါ်မှာလျှောက်သွားနေရင်း “မိုနီကာ” ဆိုတဲ့ကောင်မလေးတစ်ယောက်က အမောတကော ပြေးလာပြီး အကူအညီတောင်းခံတဲ့အခါ……. သူမသိလိုက်တာက ဒီကောင်မလေးက ဆေးစွဲနေတာဖြစ်ပြီး..ကယ်မိလိုက်တဲ့အကျိုးဆက်အနေနဲ့ သူတို့နောက်ကလိုက်လာတဲ့ ယာကူဇာ၊ တရုတ်ကြေးစားလူသတ်သမားအပြင်၊ အကျင့်ပျက်ရဲနဲ့ပါရင်ဆိုင်ရတဲ့အခါ... ဘာတွေဆက်ဖြစ်ကြမလဲဆိုတာကို အက်ရှင်နဲ့ဟာသပါးပါးရောပြီးကြည့်ရမယ့် ဇာတ်ကားတစ်ကားဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Oreo ဖြစ်ပါတယ်

မီရန်ဒါဂရင်းဆိုတဲ့ အလွတ်စုံထောက်မလေးတစ်ဦးက ကိုင်ရိုမြို့ကို ရောက်လာစဉ်မှာပဲ တိုက်တိုက်ဆိုင်ဆိုင် ကိုင်ရိုမြို့မှာရှိတဲ့ ဗြိတိသျှသံရုံးမှာ လူသတ်မှုဖြစ်ပါတယ်။ အသတ်ခံရသူက သံအမတ်ကြီးနဲ့ အရင်းနှီးဆုံးအမျိုးသမီး၊ အသတ်ခံရချိန် သံရုံးမှာ သံအမတ်ကြီး၊ သံအမတ်ကြီးရဲ့သမီး၊ နာမည်ကျော်ရုပ်ရှင်မင်းသမီးတစ်ဦး၊ သတင်းသမားတစ်ဦး၊ လုံခြုံရေးခေါင်းဆောင်နဲ့ ဘာသာပြန်တို့က သံရုံးထဲမှာ ရှိနေကြတယ်။ နိုင်ငံရေးအရ နှစ်နိုင်ငံအခြေအနေတင်းမာနေတဲ့အချိန်ဆိုတော့ လူသတ်မှုကို အပြင်ကိုမပေါက်ကြားအောင် သံရုံးထဲမှာပဲ ကျိတ်ဖြေရှင်းကြဖို့ လုပ်ရတာပေါ့။ ဒီလိုနဲ့ အလွတ်စုံထောက်မလေး မီရန်ဒါက ညတွင်းချင်းပဲ သံရုံးကိုပေါက်ချလာပြီး လူသတ်မှုကို လာစစ်ဆေးပေးတယ်။ သူမရဲ့ ကနဦးကောက်ချက်အရ လူသတ်သမားက နစ်နာသူကို သေနတ်နဲ့ပစ်သတ်ခဲ့တာဖြစ်ပြီး အထက်ကပြောခဲ့တဲ့ လူတွေထဲက တစ်ယောက်ဖြစ်နိုင်လောက်တယ်တဲ့။ လူသတ်သမားက ဘယ်သူလဲ။ နောက်ဆက်တွဲ နိုင်ငံရေးရှုပ်ထွေးမှုတွေကရော ဘယ်လိုဖြစ်လာမလဲ။ တရားမျှမျှတတနဲ့ လူသတ်သမားကို ဖမ်းဆီးနိုင်ပါ့မလား။ အညွှန်းနဲ့ ဘာသာပြန်ကို LYKZ ကတင်ဆက်ထားပါတယ်။

အင်ဒရာ ဆိုတာ အရက်သောက်ပြီး ဌာနကားကိုမောင်းရင်း အက်စီးဒင့်ဖြစ်သွားတာကြောင့် တာဝန်ရပ်နားခံထားရတဲ့ ရဲအရာရှိတစ်ဦးပါ ။ ဇနီးဖြစ်သူ ကာရယ် နဲ့လည်း ချစ်လိုယူထားကြတဲ့ စုံတွဲတွေဖြစ်သော်ငြား နောက်ပိုင်းမှာ ပြဿနာဆက်တိုက်တက်တာကြောင့် စကားသိပ်မပြောဖြစ်ကြတော့ပါဘူး ။ တာဝန်ရပ်နားခံရတဲ့ကာလမှာပဲ အင်ဒရာဟာ အရက်​တွေ အလွန်အကျွံသောက်ရင်း မျက်စိကွယ်သွားခဲ့ပြီး စိတ်ပျက်အားငယ်နေခဲ့ပါတယ် ။ နောက်ပိုင်း ဇနီးဖြစ်သူ ကာရယ် ကြောင့် စိတ်အားပြန်တက်လာရင်း အဆင်ပြေပြေနဲ့ ဘဝကို အသစ်ပြန်စနေတဲ့အချိန်မှာပဲ တစ်ညမှာတော့ ကာရယ်ဟာ ရက်ရက်စက်စက်အသတ်ခံလိုက်ရတဲ့အခါမှာတော့.....။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Sitt Thway Thant Htein ဖြစ်ပါတယ်

ရှော်ရာဆိုတဲ့ကောင်လေးဟာ နိုရီဆိုတဲ့ ချစ်သူကောင်မလေး နဲ့အတူ ကုမ္ပဏီတစ်ခုထဲမှာပဲတူတူလုပ်ကိုင်ကြပြီး သူတို့တွဲနေတာကို ဘယ်သူမှမသိကြပါဘူး ။ တစ်နေ့မှာ နိုရီကို အိမ်က အိမ်ထောင်ချပေးမယ်ဆိုတဲ့ သတင်းကြောင့် ရှော်ရာက ခိုးပြေးပြီးအတူနေဖို့ တိုက်ခန်းတစ်ခုရှာရပါတော့တယ် ။ တိုက်ခန်းတစ်ခန်းကို ရူပီး ၂၀၀၀၀ အနိမ့်ဆုံးကျပြီး သူ့မှာတော့ ၁၅၀၀၀ သာရှိနေခဲ့တာကြောင့် အခန်းရှာရတိုင်ပတ်နေချိန် ကံကောင်းစွာနဲ့ နေထိုင်ခွင့်မကျသေးပဲ ၂ နှစ်သက်တမ်းသာရှိသေးတဲ့ တိုက်အသစ်မှာ အခန်းတစ်ခန်းရသွားပါတော့တယ်။ သို​ပေ့မဲ့ ဒီ လူသူလုံးဝမရှိတဲ့ တိုက်ရဲ့ အထပ်အမြင့်ကြီးမှာ ဖုန်းအားလည်းမရှိ ၊ မီးလည်းမရတဲ့အပြင် စားနပ်ရိက္ခာတွေပါ ကုန်လုနီးပါဖြစ်ရင်း တစ်ယောက်တည်း ပိတ်မိသွားတဲ့အခါ ..... ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Sitt Thway Thant Htein ဖြစ်ပါတယ်

ဒီတစ်ခေါက်မှာတော့ တရုတ်ပြည်ရဲ့ ဒိတ်ဒိတ်ကြဲသရုပ်ဆောင်များစွာ ပါဝင်သရုပ်ဆောင်ထားပြီး 1921 ခုနှစ်မှာ တရုတ်ကွန်မြူနစ်ပါတီ (中国共产党) စတင်ဖွဲ့စည်းခြင်းအကြောင်းကို ပုံဖော်ရိုက်ကူးထားတဲ့ "1921 (2021)" ဆိုတဲ့ ဇာတ်ကားလေးနဲ့ မိတ်ဆက်ပေးချင်ပါတယ်။ ဇာတ်လမ်းအကျဉ်း 1921 ခုနှစ်တွင် တရုတ်ဟာ မတည်ငြိမ်တဲ့ အချိန်ကာလကို ရင်ဆိုင်နေရပါတယ်။ နိုင်ငံတကာအင်အားကြီးနိုင်ငံတွေဟာ တရုတ်ပြည်ကို ခွဲဝေအုပ်ချုပ်နေကြပြီး နိုင်ငံအတွင်းမှာလည်း အုပ်ချုပ်ရေအင်းအားတွေနှင့် စီးပွားရေးအင်အားနည်းပါးမှုတွေကြောင့် ပြည်သူလူထုဟာ အခက်အခဲတွေ အပြည့်နဲ့ ရင်ဆိုင်နေရချိန်ပဲဖြစ်ပါတယ်။ အဲဒီအချိန်မှာပဲ တရုတ်လူငယ်အဖွဲ့အစည်းတွေက နိုင်ငံရဲ့ အနာဂတ်အတွက် စဉ်းစားလာကြပြီး နိူင်ငံကို ကယ်တင်ဖို့ အယူအဆသစ်တစ်ခုဖြစ်တဲ့ ကွန်မြူနစ်အယူအဆကို လက်ခံကာ စတင်အကောင်အထည်ဖော်လာကြပါတယ်။ တူညီတဲ့အိပ်မက်နဲ့ စိတ်ကူးရှိသူ တရုတ်လူငယ် ၁၃ ယောက်ဟာ နိူင်ငံရဲ့မျှော်လင့်ချက်တစ်ခုဖြစ်တဲ့ တရုတ်ကွန်မြူနစ်ပါတီကို 1921 ခုနှစ် ဇူလိုင်လ ၁ ရက်နေ့ ရှန်ဟိုင်းမြို့မှာ စတင်ဖွဲ့စည်းခဲ့ကြပြီး နိုင်ငံအတွက် အသက်ပေးဖို့တောင် မတွန့်ဆုတ်ကြပုံကို လူငယ်တွေရဲ့ အင်အား လွတ်လပ်ရေးစိတ်ဓာတ် နှင့် နိုင်ငံအပေါ် ချစ်စိတ်အပြည့်ရှိမှုတို့ကို အဓိကထား ရိုက်ကူးဖော်ပြထားတဲ့ ဇာတ်ကားကောင်းလေးတစ်ကားပဲ ဖြစ်ပါတယ်။ ဒီဇာတ်ကားလေးဟာ ဆိုရင်တော့ တရုတ်နိုင်ငံရဲ့ လက်ရှိနိုင်ငံရေးစနစ်ဖြစ်တဲ့ တရုတ်ကွန်မြူနစ်ပါတီ (CPC) တ

ဒီဇာတ်ကားလေးကတော့ တောထဲမှာ နေထိုင်တဲ့ မျိုးနွယ်စုတွေရဲ့ သနားစရာ ထိုးကျွေးခံဘဝနဲ့ နိုင်ငံရေးလှည့်ကွက်တွေအကြောင်းကို မြင်သာအောင် ရိုက်ကူးထားတာ ဖြစ်ပါတယ်။ မူရုဂါ ဆိုတဲ့ကောင်လေးက ရွာမှာ ယာယီ သစ်တောလုံခြုံရေးတာဝန်ကို ထမ်းဆောင်ရင်း အမြဲတမ်းဝန်ထမ်းဖြစ်ဖို့ မျှော်လင့်ထားသူပါ။ ညီဖြစ်သူကို အစိုးရအလုပ်အနေနဲ့ အမြဲတမ်းသစ်တောလုံခြုံရေးဝန်ထမ်းဖြစ်ဖို့ အစ်ကိုလုပ်သူ ဆာဒါယမ် က ရှိတဲ့မြေကွက်လေးကို ရောင်းချပြီး ISGS ဆိုတဲ့ လေ့ကျင့်ရေးစခန်းကို လွှတ်လိုက်တယ်။ ISGS မှာ ပြင်းထန်တဲ့လေ့ကျင့်မှုတွေလုပ်ရပြီး သတ်မှတ်ထားတဲ့အဆင့်မှီမှ အလုပ်ရမယ်လို့ သိထားကြပေမယ့် တကယ့်အမှန်တရားက အဲ့လိုမျိုး ဟုတ်ရဲ့လား။ အစိုးရရန်ပုံငွေနဲ့ လည်ပတ်ထားတာဟုတ်တဲ့ ဒီလေ့ကျင့်ရေးတပ်ဟာ ဘယ်လိုစခန်းမျိုးလဲ။ မူရုဂါ တစ်ယောက် အဲ့ဒီမှာ ဘယ်လိုဒုက္ခတွေကို ရင်ဆိုင် ကျော်လွှားရမလဲ ဆိုတာကို နိုင်ငံရေးလှည့်ကွက်ဆိုတာ ဘယ်လိုမျိုးလဲ ပေါ်လွင်သွားအောင် ရိုက်ထားတဲ့ ဇာတ်လမ်းလေးပဲ ဖြစ်ပါတယ်။ ဒီဇာတ်ကားမှာ မူရုဂါ အဖြစ် မင်းသား Kalaiyarasan ၊ ဆာဒါယမ် အဖြစ် မင်းသား V R Dinesh နဲ့ ပရီယာ အဖြစ် မင်းသမီး Vinsu Rachel တို့က အဓိက ပါဝင်သရုပ်ဆောင်ထားတာ ဖြစ်ပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Cherry ဖြစ်ပါတယ်။

ဒီရုပ်ရှင်က သွေးထွက်သံယို အက်ရှင်-သည်းထိတ်ရင်ဖိုကားလေးပါ။ အဓိကဇာတ်လမ်းကတော့ ရိုးရိုးလေးပဲ။ ဇာတ်လမ်းအကျဉ်းချုပ် ညီအစ်မနှစ်ယောက်ဖြစ်တဲ့ ဂျက်စ် (Jas) နဲ့ လော်ရာ (Laura) တို့ဟာ စိတ်အပန်းဖြေဖို့အတွက် အင်္ဂလန်ကျေးလက်ဒေသက အိမ်တစ်လုံးဆီ ခဏတာ အနားယူဖို့ ရောက်လာကြတယ်။ ဂျက်စ်က သူ့ရဲ့ အတိတ်က အကြမ်းဖက်ခဲ့တဲ့ ရည်းစားဟောင်းကြောင့် စိတ်ဒဏ်ရာတွေ ရှိနေသူပေါ့။ အဲဒီလို အေးအေးဆေးဆေး ရှိနေတုန်းမှာပဲ ရန်ဒီ (Randy) ဆိုတဲ့ လူယုတ်မာ ခေါင်းဆောင်တဲ့ လူအုပ်စုတစ်ခုနဲ့ တွေ့ကြတယ်။ မိတ်ဆွေဖွဲ့ချင်ဟန်ဆောင်ပေမဲ့ သူတို့က ရာဇဝတ်သားတွေ။ ညဘက်ရောက်တော့ ဂျက်စ် အပြင်ခဏထွက်တုန်းမှာ ရန်ဒီတို့အဖွဲ့ဟာ သူတို့တည်းခိုတဲ့အိမ်ထဲ အတင်းဝင်ရောက်ပြီး လော်ရာကို ရက်ရက်စက်စက် သတ်ဖြတ် လိုက်ကြတယ်။ ဈေးကနေပြန်လာတဲ့ ဂျက်စ်ဟာ သူ့အစ်မရဲ့ သွေးချောင်းစီးနေတဲ့ ရုပ်အလောင်းကို တွေ့လိုက်ရတဲ့အခါ... သူ့ရဲ့ ဝမ်းနည်းမှု၊ ဒေါသတွေဟာ အဆုံးစွန်ထိ တက်သွားပြီး အတိတ်က စိတ်ဒဏ်ရာတွေကိုပါ တွန်းလှန်ကာ လက်စားချေဖို့ ဆုံးဖြတ်လိုက်ပါတော့တယ်။ သူက တစ်ကိုယ်တော် စစ်သည်တစ်ဦးလိုပဲ ဓားတွေ၊ ပုဆိန်တွေ၊ လက်ထဲရရာ ပစ္စည်းတွေ အကုန်သုံးပြီး သူ့ညီမကို သတ်ခဲ့တဲ့ လူအုပ်စုကို တစ်ယောက်ပြီးတစ်ယောက် ရက်ရက်စက်စက် လိုက်လံရှင်းလင်းပါတော့တယ်။ ရန်ဒီကလည်း လူသစ်တွေခေါ်ပြီး ဂျက်စ်ကို ပြန်တိုက်ခိုက်ပေမဲ့ ဂျက်စ်ရဲ့ ဒေါသနဲ့ ကလဲ့စားစိတ်ဟာ ဘယ်သူမှ တားလို့မရတဲ့ အင်အားဖြစ်နေတာပေါ့။ တစ်က

လူစည်ကားတဲ့ မျက်လှည့်ပွဲတစ်ခုရဲ့ အလယ်ဗဟိုကနေ ကလေးတစ်ယောက် လျှို့ဝှက်ဆန်းကြယ်စွာ ပျောက်ကွယ်သွားရာကနေ ဒီဇာတ်လမ်းက စတင်ပါတယ်။ ရိုးရှင်းတဲ့ ပြန်ပေးဆွဲမှုတစ်ခုလို့ ထင်ရပေမဲ့ ဒီအမှုကို စုံစမ်းဖို့ အထူးတာဝန်နဲ့ ရောက်လာတဲ့ ရဲအရာရှိတစ်ယောက်အတွက်တော့ ဒါက ယုံကြည်ရခက်တဲ့ လျှို့ဝှက်ချက်တွေ အများကြီးနဲ့ ထုပ်ပိုးထားတဲ့ ပဟေဠိကြီးတစ်ခုရဲ့ အစပဲ ဖြစ်နေခဲ့ပါတယ်။ သူနဲ့ သူ့မိသားစု ပြောင်းရွှေ့လာတဲ့ အိမ်ကြီးကိုယ်တိုင်ကလည်း ထူးဆန်းတဲ့ အငွေ့အသက်တွေနဲ့ ပြည့်နှက်နေပါတယ်။ ဇာတ်လမ်းက ဒီနေရာမှာ လမ်းကြောင်းနှစ်ခု ကွဲသွားပါတယ်။ တစ်ဖက်မှာ ရဲအရာရှိက ကလေးတွေကို ပစ်မှတ်ထားနေတဲ့ အန္တရာယ်ကြီးတဲ့ မြေအောက်အဖွဲ့အစည်းတစ်ခုကို အသည်းအသန် လိုက်လံစုံစမ်းနေရပါတယ်။ အမှုက သူထင်ထားတာထက် ပိုပြီး နက်နဲ ရှုပ်ထွေးလာတဲ့အပြင် သူ့ရဲ့ ကိုယ်ပိုင်မိသားစုဝင်တစ်ဦးပါ ဒီအရှုပ်အထွေးထဲ ပါဝင်ပတ်သက်လာတဲ့အခါ အခြေအနေတွေက ပိုပြီး တင်းမာလာပါတော့တယ်။ နောက်တစ်ဖက်မှာ သူ့ဇနီးဖြစ်သူက သူတို့နေထိုင်တဲ့ အိမ်ကြီးထဲမှာ နှစ်ပေါင်းများစွာ ပိတ်မိနေတဲ့ မကျွတ်မလွတ်သေးတဲ့ အတိတ်က နာကျင်စရာ အရိပ်မည်းကြီးတစ်ခုကို စတင်တွေ့ကြုံခံစားလာရပါတယ်။ အိမ်ကြီးရဲ့ နံရံတွေနောက်ကွယ်က လျှို့ဝှက်ချက်တွေ၊ ပိုင်ရှင်ဟောင်းတွေရဲ့ ကြေကွဲဖွယ်ရာ ကံကြမ္မာတွေက သူ့ကို တစ်စုံတစ်ခုကို သတိပေးဖို့ ကြိုးစားနေသလိုပါပဲ။ ပျောက်ဆုံးသွားတဲ့ ကလေးတွေ၊ အိမ်ကြီးထဲက သတိပေးနေတဲ့ အရိပ်တွေနဲ့ လျှို့ဝှက်ထ

ခေါင်မိုးကတစ်ဆင့် Mc Donald ဆိုင်တွေကို ဓားပြတိုက်လို့ "ခေါင်မိုးလူသား"အဖြစ် နာမည်ကျော်တဲ့ ရာဇဝတ်သား ဂျက်ဖရီမန်ချက်စတာရဲ့ ဖြစ်ရပ်မှန်ဇာတ်လမ်းကို ရိုက်ကူးထားပြီး ဇာတ်လမ်းအဆုံးမှာ အပြင်ကလူတွေကို အင်တာဗျူးသဘောမျိုး မေးထားတာပါ ထည့်ပေးထားပါတယ်။ ဂျက်ဖရီက စစ်ပြန်တစ်ယောက်ဖြစ်ပြီး အပြင်ကလောကမှာ ဘာမှမလုပ်တတ်လို့ သူ့မိသားစုလိုတာတွေအတွက် မက်ဒေါ်နယ်ဆိုင်တွေကနေ ဓားပြတိုက်ပြီးရှာပေးပါတယ်။ တစ်ခါမှာ သူ့ကိုဖမ်းမိသွားလို့ မိသားစုက အဆက်ဖြတ်တာခံရပြီး ထောင်ဒဏ်နှစ်ရှည်ကျခဲ့ပါတယ်။ ဒါပေမဲ့ မဟုတ်တဲ့နေရာမှာ ဉာဏ်ကောင်းတဲ့ဂျက်ဖရီက ထောင်ကနေ ထွက်ပြေးလာပြီး အရုပ်ဆိုင်ကြီးထဲမှာ ပုန်းအောင်းနေထိုင်ခဲ့ပါတယ်။ တကယ်ဆို သူ့ကိုဖမ်းမမိနိုင်မယ့် တခြားနိုင်ငံဆီ ထွက်ပြေးသင့်ပေမယ့် မထင်မှတ်ဘဲ အရုပ်ဆိုင်ဝန်ထမ်း ကလေးနှစ်ယောက်အမေ တစ်ခုလပ်အမျိုးသမီး လိဂ်ကို ချစ်မိသွားပြီး ယောင်လည်လည်နဲ့ ဆက်နေဖြစ်သွားပါတယ်။ လိဂ်က ဘုရားကျောင်းမှာ အရုပ်လှူတဲ့တာဝန်ယူထားတဲ့အတွက် ဆိုင်ကအရုပ်တွေပါ ခိုးပေးပြီး လိဂ်တို့အတွက် ဖြည့်ဆည်းပေးဖို့ ခိုးမှုတွေ ဆက်ကျူးလွန်မိပါတယ်။ လိဂ်ရဲ့ပတ်ဝန်းကျင်အသိုင်းအဝိုင်းမှာတော့ လူကောင်းတစ်ယောက်အဖြစ် အများက သဘောကျတဲ့ဘဝကို ပျော်မွေ့သွားတာလည်း ပါပါတယ်။ ဒါပေမဲ့ နောက်ဆုံးမှာ သူ့ကိုရဲလက်အပ်တဲ့လူက လိဂ်ဖြစ်နေပြီး ဒီတစ်ခါမှာတော့ ဂျက်ဖရီကထောင်ကနေ ထွက်ပြေးလိုစိတ်မရှိတော့ပါဘူး။ ဥပဒေအရ ရာဇဝတ်ကောင်ဖြစ်ပေမယ့် ဆိုင်ဝန်ထမ်းတွေကရော ဘုရားက

ဇာတ်ကားလေးမှာတော့ Hasumi Seijiလို့‌‌ခေါ်တဲ့ဆရာတစ်ယောက်က အထက်တန်း‌ေကျာင်းတစ်ခုမှအလုပ်လုပ်ပြီး တကယ်ရိုးရှင်းပြီ ကြင်နာတက်တဲ့ဆရာတစ်‌ေယာက်ပါ။‌ေကျာင်းသာ‌ေတွနဲ့လည်း အလိုက်အထိုက်‌ေပါင်းနိုင်ပြီး အပြင်လူတစ်ယောက်ကြည့်မယ်ဆိုရင် တကယ်ပြည့်စုံပြီးတော်တဲ့ဆရာတစ်ယောက်ပါ။အပြင်ပိုင်းမှာ ပြည့်စုံနေပေမဲ့ အတွင်းမှာကြတော့ လူတွေမထင်ထားလောက်အောင် ယုတ်မာကောက်ကျစ်တဲ့ လူသတ်သမားတစ်ယောက်ပါ။ သူဟာ သွေးအေးအေးနဲ့ လူတွေကို အကဲခတ်ပြီ မုဆိုးလို သားကောင်ကိုစောင့်ကြည့်နေပြီးတော့ တစ်ခုခုဆိုတာနဲ့ အပိုင်လုပ်တက်တဲ့သူတစ်ယောက်ပါ။သို့သော် ပြဿနာတစ်ခုကြောင့် သူ့အကြောင်းကို စိတ်ဝင်စားတဲ့ကျောင်းသားတစ်စုကြောင့် ဟာစုမီရဲ့ သတ်ဖြတ်မူတွေကို လူပုံလည်မှာချပြမခံရခင် သူ့အကြောင်းကိုလူတွေအကုန်မသိခင် သိနေတဲ့ကျောင်းသားတွေကို သတ်ပစ်ဖို့ စတင်ပါတော့တယ်။ ဟာစုမီဆိုတဲ့သူကော ဘယ်လိုသူ့ရဲ့မကောင်းမူတွေကို ဖုံးဖို့ကြိုးစားမလဲ။လူသတ်မှုကနေလွတ်သွားမလားဆိုတာကိုတော့ စိတ်ဝင်စားဖွယ်ကြည့်ရူ့ရမှာပါခင်ဗျ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Jinx ဖြစ်ပါတယ်

Christmas လည်းနီးပြီဆိုတော့ Christmas movie လေးတစ်ခုနဲ့မိတ်ဆက်ပေးချင်ပါတယ်။ Home aloneတို့လိုကားမျိုးလေးဖြစ်ပြီး ဂျော့ရှ်ဆိုတဲ့ကလေးနဲ့ ခွေးလေးတစ်ကောင်အကြောင်းရိုက်ကူးထားတာပါ။ ဇာတ်လမ်းအကျဉ်း ဂျော့ရှ်ဆိုတဲ့ကောင်လေးက သူ့အဖေဆုံးပါးသွားလို့ သူ့အမေနဲ့အတူမြို့အသစ်ကို ပြောင်းလာခဲ့ပါတယ်။ ဂျော့ရှ်ဟာ ဘတ်စကတ်ဘောဝါသနာပါသူဖြစ်ပြီး ကျောင်းအသစ်ကအသင်းမှာပါဝင်ခွင့်မရလို့ တစ်ယောက်ထဲလေ့ကျင့်ရင်း‌ ခွေးလေးတစ်ကောင်နဲ့တွေ့ပြီး သံယောစဉ်ဖြစ်ကာ မွေးထားလိုက်ပါတော့တယ်။ အဲဒီဘာဒီဆိုတဲ့ခွေးလေးက ဘတ်စကတ်ဘောဆော့တတ်တာကို ဂျော့ရှ်တစ်ယောက်သိသွားချိန်မှာတော့ ..... ဘာတွေဆက်ဖြစ်မလဲ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ye Myat ဖြစ်ပါတယ်

ဒီဇာတ်လမ်းကတော့ ရိုးရိုးရှင်းရှင်းပေမဲ့ တော်တော်လေး သွေးဆူစရာကောင်းတဲ့ နိုင်ငံရေး လက်စားချေမှု ဇာတ်လမ်းတစ်ပုဒ်ပါ။ ဇာတ်လမ်းရဲ့ အဓိက ဇာတ်ကောင်က ဘဝမှာ အနိမ့်ကျဆုံး နေရာကနေ စတင်ခဲ့ရသူပါ။ ကိုယ်ချစ်ရတဲ့ နိုင်ငံရေးသမားလောင်းက သူ့ကို အသုံးချ သစ္စာဖောက်ရုံတင်မကဘူး ကိုယ်ဝန်ကိုပါ ရက်ရက်စက်စက် ဖျက်ဆီးဖို့ ကြိုးစားခဲ့တယ်။ အဲဒီအချိန်မှာ သူ့ကို နိုင်ငံရေးခေါင်းဆောင် ဆရာကြီးက ကယ်တင်ခဲ့ပြီး သူ့ရဲ့ ဒေါသနဲ့ ဉာဏ်ရည်ကို နိုင်ငံရေးလောကထဲ လမ်းကြောင်းပေးလိုက်တယ်။ ဒီဇာတ်လမ်းရဲ့ အကောင်းဆုံးအပိုင်းက သူ ဝန်ကြီးချုပ် ဖြစ်လာတဲ့အထိ အဆင့်ဆင့် တက်လှမ်းပုံပါပဲ။ သူက ကြောက်စရာကောင်းလောက်အောင် ပါးနပ်တယ်။ ရက်စက်သင့်တဲ့နေရာမှာ ရက်စက်ရဲတယ်။ ဒါအပြင် အာဏာရဲ့ ဆွဲဆောင်မှုနဲ့ အန္တရာယ်အကြောင်းကိုပါ ပြထားတာပါ။ အချစ်၊ သစ္စာစောင့်သိမှု၊ လက်စားချေမှု အားလုံး ရောထွေးနေပြီး ဘယ်သူ့ကိုမှ မယုံရဲလောက်အောင် ဇာတ်အိမ်ခိုင်မာပါတယ်။ ခံရသူ ဘဝကနေ အနိုင်ယူသူ ဖြစ်လာရုံမက သူ့ကို ထိခိုက်စေသူ မှန်သမျှကို ပြန်ချေမှုန်းနိုင်တဲ့ အာဏာရှင်မ တစ်ယောက်အဖြစ် ပြောင်းလဲသွားပုံကို တကယ့်ကို ထိထိမိမိကြည့်ရှူရမဲ့ ဇာတ်လမ်းကောင်းတစ်ပုဒ်ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Clara Sol ဖြစ်ပါတယ်

ဘာသာရေးယုံကြည်မှုပြင်းထန်တဲ့ ရူမို့ဟျောင်းဆိုတဲ့လူက တစ်ပါးသူတွေရဲ့ယုံကြည်မှုခံရသလို ကိုယ်တိုင်ကလည်း ခြိုးခြံစွာနဲ့နေတတ်တဲ့သူပါ။ သူ့ကို လူလိမ်လို့သမုတ်ပြီး စုံထောက်ချွန်းယုံဒေါ့က ဖမ်းဆီးခဲ့ပေမဲ့ ရူမို့ဟျောင်းအကြောင်းကိုနားလည်သွားတာမလို့ ပြန်လွှတ်ပေးခဲ့ပါတယ်။ အဲဒါအပြင် အပြစ်လုပ်ထားတဲ့အပြစ်သားတွေကို အပြစ်ချေချွတ်မဲ့နေရာတစ်ခုအဖြစ် သူတို့၂ယောက်ပေါင်းပြီး မြို့တစ်မြို့တည်ထောင်ခဲ့ပါတယ်။ ဒီလိုနဲ့ နှစ်တွေကြာလာပြီးတဲ့နောက်မှာ ဆရာရူမို့ဟျောင်းဆုံးသွားခဲ့တာမလို့ ဆိုးလ်က ရူမို့ဟျောင်းရဲ့သားဖြစ်သူ ရူဟယ်ဂု ကိုဆက်သွယ်ပြီး လာခိုင်းခဲ့ပါတယ်။ ရူဟယ်ဂုကလည်း သူ့အဖေသေဆုံးရတဲ့အကြောင်းအရင်းကို ဂဃနဏမသိရတာမလို့ မကျေမချမ်းဖြစ်နေခဲ့ပါတယ်။ ချွန်းယုံဒေါ့အပါအဝင် ကျန်တဲ့လူတွေကပါ သူရှိနေတာကိုမနှစ်မြို့သလိုဖြစ်နေကြတာမလို့ ဒီမြို့နောက်ကွယ်ကအကြောင်းတွေကို ရူဟယ်ဂုတစ်ယောက်စုံစမ်းရင်း ဘယ်လိုအန္တရာယ်တွေကြုံတွေ့လာရမလဲဆိုတာ... ဒီကားကို အညွှန်းနဲ့ဘာသာပြန်ဆိုသူက Huihui ဖြစ်ပါတယ်။

ဒီတစ်ခေါက်မှာတော့ ဟောင်ကောင်မင်းသားကြီး Chow Yun-fatရဲ့ "God of Gamblers' Return" (赌神之再战江湖, 1994) ဆိုတဲ့ ဇာတ်ကားလေးနဲ့ မိတ်ဆက်ပေးချင်ပါတယ်။ 🎬 ဇာတ်လမ်းအကျဉ်း ကောင်းကျင့်ဟာ လောင်းကစားလောကမှာ လောင်းကစားနတ်ဘုရားအဖြစ် နာမည်ကျော်ကြားတဲ့သူဖြစ်ပါတယ်။သူဟာ လောင်းကစားလောကကနေအနားခဲ့တာ လေးနှစ်တာကြာမြင့်နေပြီဖြစ်ပြီး သူမိန်းမနဲ့အတူ မကြာခင်မှာမွေးဖွားလာတော့မယ့် သူတို့သားလေးကို စောင့်မျှော်ရင်း ငြိမ်းချမ်းစွာ နေထိုင်ခဲ့ကြပါတယ်။တစ်နေ့မှာတော့ ကောင်းကျင့် ရဲ့ ရန်သူဟောင်း ဆန်စွေ့ချီးဟာ သူတို့မိသားစုနေထိုင်ရာအိမ်ကို စီးနင်းတိုက်ခိုက်ခဲ့ပါတယ်...ဒီတိုက်ခိုက်မှုကြောင့် သူ့ဇနီးဖြစ်သူဟာ ရက်ရက်စက်စက်အသတ်ခံခဲ့ရပြီး သူ့သားဟာလည်း သေဆုံးသွားခဲ့ရပါတယ်။သူဟာ ဆန်စွေ့ချီးကို လက်စားပြန်ချေချင်သော်လည်း သူ့ဇနီးမသေဆုံးခင် တစ်နှစ်တာကာလပတ်လုံး လောင်းကစားမလုပ်ရဘူးဆိုတဲ့ ကတိကို တောင်းဆိုခဲ့တာကြောင့် သူ့သောကတွေကို ဖြေဖျောက်ရန် နိူင်ငံအနှံ့ခရီးထွက်နေခဲ့ပါတော့တယ်။သို့သော် သူ့ရင်ထဲမှာ တောက်လောင်နေတဲ့ အပူမီးဟာတော့ လုံးဝမငြိမ်းသက်နိူင်ခဲ့ပါဘူး။ဒီလို့နဲ့ တစ်နှစ်ပြည့်ရန် ရက်ပိုင်းအလိုမှာ ခရီးထွက်ရင်း မတော်တဆဝင်ရောက်ကူညီလိုက်သော အဖြစ်အပျက်တစ်ခုမှ အစပြုကာ သူ့ရဲ့ ရန်သူတော်ဆန်စွေ့ချီးနဲ့ နောက်တစ်ကြိမ် လက်ရည်ယှဉ်ပြိုင်ရမယ့် ကိစ္စနဲ့ကြုံလာရတဲ့ အချိန်မှာတော့ ကောင်းကျင့် တစ်ယောက် ဇနီးနဲ့ သားအတွက် အတိတ်က ရန်ငြိုးကို လက်စားချေနိူင်ပါ့မလ

ဒီကား​လေးက​တော့ ​သေဆုံးသွား​ပေမယ့် သားသမီးအ​ပေါ်စွဲလမ်း​နေတဲ့ ကွန်တီလာနာ့ဆိုတဲ့ သရဲမရဲ့မိခင်​မေတ္တာစိတ်ကို ဖော်ကျူးထားတဲ့ အင်ဒိုနီးရှားသရဲကား​လေး ဖြစ်ပါတယ်။ ဆာရာက အစ္စလာမ်​ဘော်ဒါ​ကျောင်းတစ်​ကျောင်းမှာ တက်​ရောက်​နေတဲ့ မိဘမဲ့တစ်​ယောက်ဖြစ်ပြီး ​ဘော်ဒါ​ကျောင်းရဲ့တာဝန်ခံဆရာမတို့လင်မယားရဲ့အုပ်ထိန်းမှုနဲ့ ကြီးပြင်းလာခဲ့သူ ဖြစ်ပါတယ်။ ဆာရာတစ်​ယောက် ထူးဆန်းတဲ့အိမ်မက်တစ်ခုမက်လာခဲ့ပြီး သူ့ကို​​ ကျောင်းလာအပ်​ပေးခဲ့တဲ့ အာမီနာဆိုသူအမျိုးသမီးကို လိုက်ရှာဖို့ဖြစ်လာပါတယ်။ အဲဒီအမျိုးသမီး​နေတဲ့ ဝိုနိုအင်းဂယ်လ်​ကျေးရွာက​တော့ ဆာရာ့အတန်း​ဖော်သူငယ်ချင်း အာဇီဇာ​​နေတဲ့ရွာ​​လေးဖြစ်ပြီး သူငယ်ချင်းအကူအညီနဲ့ အာမီနာ့ကို လိုက်ရှာပါ​တော့တယ်။ ဝိုနိုအင်းဂယ်လ်​ကျေးရွာ​လေးက ဘာသာ​ရေးကို မယုံကြည်ပဲ နတ်ဆရာမ မဒမ်ဒါမီရဲ့သြဇာလွှမ်းမိုးခံထားရတဲ့​နေရာ ဖြစ်ပါတယ်။ အဲဒီရွာမှာ ခဏတည်းခိုရင်း ဆာရာတစ်​​ယောက် အာမီနာ့ကို ရှာ​​တွေ့နိုင်ပါ့မလား၊ သူ့မိဘအရင်း​​တွေက​ရော ဘယ်သူ​​တွေဖြစ်မလဲဆိုတာကို စိတ်လှုပ်ရှားဖွယ်ခံစားကြည့်ရှုရမယ့် အင်ဒို​ဟော်ရာကား​​လေးဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

အမေရိကမြောက်ပိုင်းက ရေခဲပြင်တွေပေါ်မှာ စွန့်စားတဲ့ Crime Thriller အမျိုးအစားဖြစ်ပါတယ်။ ဒုစရိုက်လောဘသားအဖွဲ့တစ်ဖွဲ့က လုယက်လာတဲ့ငွေတွေကို လေယာဉ်နဲ့အပို့မှာ လေယာဉ်က အေးခဲနေတဲ့ ရေကန်ထဲပျက်ကျသွားပါတယ်။ သန်းနဲ့ချီတဲ့ဒေါ်လာတွေလည်း ရေအောက်ရောက်သွားတာပေါ့။ ဒီလေယာဉ်ကို တရားမဝင်ငါးခိုးဖမ်းတဲ့ ဟာလန်ဆိုတဲ့လူက တွေ့သွားပြီး ငွေတစ်အိတ်ယူလာတဲ့အချိန် အဲဒီမြေရဲ့အစောင့် နယ်ခံအန်နီက မသင်္ကာလို့ စစ်ရင်း အဖြစ်မှန်ကို သိလိုက်ရတယ်။ အဲဒီအချိန်မှာပဲ ငွေတွေပြန်ယူဖို့ ရောက်လာတဲ့ လူဆိုးအဖွဲ့နဲ့ ထိပ်တိုက်တွေ့ပြီး တိုက်ခိုက်ထွက်ပြေးရပါတယ်။ ရေခဲအကြောင်း နောကျေနေတဲ့ ဌာနေအမေရိကန်အန်နီက လေယာဉ်တည်‌နေရာသိတဲ့ ဟာလန်ကိုခေါ်ပြေးပြီး နောက်ကလိုက်လာတဲ့ လောဘသားတွေနဲ့ နောက်ဆုံးမှာ ရင်ဆိုင်ရပါတယ်။ ဒုစရိုက်သမားတွေရဲ့ သွားရာလမ်းကတော့ အားလုံးသိတဲ့အတိုင်းပဲဖြစ်မှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ဒီကားလေးရဲ့ အကျဉ်းချုပ်လေးကိုမပြောခင် ကားနာမည်ကနေ စပြောပေးပါမယ် ခင်ဗျ Tageဆိုတဲ့စကားလုံးက ဂျပန်စကားလုံးအတိအကျတော့မဟုတ်ပါဘူး ဒါပေမဲ့ Tag ဆိုတဲ့စကားလုံးက Target🎯 ဆိုတဲ့ ပစ်မှတ်လို့ အမည်ရတဲ့ အင်္ဂလိပ်စကားလုံးပါ။ ∆တစ်နေ့မှာ မီစုကိုလို့ခေါ်တဲ့မိန်းကလေးတစ်ယောက်သူမနဲ့ သူမသူငယ်ချင်းများကျောင်းပျော်ပွဲစားခရီးတစ်ခုကို ထွက်လာရင်း ဘက်စ်ကားပေါမှာပျော်ရွင်စွာလိုက်ပါလာရင်း သူငယ်ချင်းနှစ်ယောက် သူမကိုစလိုက်လို့ သူမကိုင်ထားတဲ့ ဘောပင်လေးပြုတ်ကျသွားလို့ ပြန်ထလာရာကနေ သူသူငယ်ချင်းတွေ သွေးစိမ်းရှင်ရှင်ထွက်ပြီး ခန္ဓာကိုယ်ထက်ခြမ်းတွေဖြစ်ပြီးသေနေတာကို တွေ့လိုက်ရပါတယ်။ဒီလို့နဲ့ ဘာမှန်းမသိတဲ့လေပြင်းတွေကြောင့် လူတွေထပ်ခါထပ်ခါ သေတာကို မြင်ရနေရပါတယ်။တကယ်လို့သာ ရန်သူက သူမကိုပစ်မှတ်ထားတာမဟုတ်ပဲ သူမဘေးကသူတွေကို အကုန်သတ်ပစ်နေခဲ့ပါတယ်။ဒီလို‌ဖြစ်နေတာက ဂိမ်းတစ်ခုလား ဒီတိုင်း အချိန်တစ်ခုတည်းထဲမှာပိတ်မနေတာလား မီစုကိုတစ်ယောက် ဘယ်လိုတွေရင်ဆိုင်သွားမလဲဆိုတာကို ဆက်ကြည့်ရှူ့ခံစားနိုင်ပါတယ်ခင်ဗျ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Jinx ဖြစ်ပါတယ်

အိုဆွန်းမင်းက ကိုယ်စားလှယ်လုပ်တဲ့အေဂျင်စီမှာ အကြွေးတွေတင်ပြီး မင်းသမီးဂျင်အာကလည်း တက်သစ်စမလို့ အခက်တွေ့နေခဲ့ပါတယ်။ အကြွေးရှင်ကပါ သူ့ကိုဒုက္ခလာပေးနေခဲ့ပြီး သူတို့စင်တင်မင်းသမီးဂျင်အာရဲ့ညစ်ညမ်းဗီဒီယိုကိုပါ ရိုက်ထားတဲ့လူရှိတာမလို့ အဲဒီဗီဒီယိုအတွက် နှုတ်ပိတ်ခပေးဖို့ ကော်ဖီဆိုင်တစ်ခုမှာချိန်းခဲ့ရပါတယ်။ ကော်ဖီဆိုင်ကနေအပြန်မှာ သူ့ဖုန်းက ကော်ဖီဆိုင်မှာကျန်နေခဲ့ပြီး ဂျင်အာရဲ့ဗီဒီယိုပါပါသွားတာမလို့ ပြန်သွားရှာပေမဲ့ တခြားသူက ကောက်သွားခဲ့ပါတယ်။ ကောက်ရသွားတဲ့သူက သူ့ကိုအကြပ်ကိုင်နေခဲ့ပြီး သူပြောသမျှကို အိုဆွန်းမင်းတစ်ယောက် လိုက်လုပ်ပေးခဲ့ရပါတယ်။ အိုဆွန်းမင်းလည်း ဖုန်းကောက်ရတဲ့သူက တဖြည်းဖြည်းလွန်လာတာမလို့ လိုက်စုံစမ်းခဲ့ပြီးနောက်ပိုင်း သဲလွန်စရတဲ့အချိန် ဘာတွေဆက်ဖြစ်လာမလဲဆိုတာ... ဒီကားကို အညွှန်းနဲ့ ဘာသာပြန်ဆိုသူက Huihui ဖြစ်ပါတယ်။