အချစ်ဇာတ်လမ်းများ

ငယ်ငယ်ကတည်းက အဘွားလက်ထဲမှာ ကြီးပြင်းလာတဲ့ ဂျန်နာဟာ ဝိုင်ကို ချစ်မြတ်နိုးပြီး မာစတာဝိုင်တည်ခင်းသူ ဖြစ်ချင်တဲ့သူပါ။ သူ့ချစ်သူ အေဒင်ကလည်း ဝိုင်လောကထဲကပဲဖြစ်ပြီး သူတို့တွဲလာတာ သုံးနှစ်ရှိနေပြီ။ ဝါသနာတူ၊ နယ်ပယ်တူတဲ့ ချစ်သူနှစ်ယောက်မို့ အပြင်ကကြည့်ရင် အဆင်ပြေနေပေမယ့် ဂျန်နာအတွက် လိုအပ်နေတဲ့ ယုံကြည်မှုကိုတော့ ဒီဆက်ဆံရေးမှာ မရခဲ့ပါဘူး။ ကိုယ့်အိပ်မက်ကို အကောင်အထည်ဖော်ဖို့ စာမေးပွဲအတွက် ကြိုးစားနေတဲ့ ဂျန်နာဟာ မိဘတွေရဲ့ မင်္ဂလာနှစ်ပတ်လည်ပါတီအတွက် စပျစ်ခြံကို ပြန်ရောက်လာပါတယ်။ အဲဒီမှာ သူ့အတွေးတွေကို ပြောင်းလဲပေးနိုင်မယ့် ထူးခြားတဲ့လူတစ်ယောက်နဲ့ တွေ့ဆုံမိတယ်။

Bones and All က လူသားစားတဲ့ စုံတွဲတစ်တွဲရဲ့ အချစ်ဇာတ်လမ်းကို လူငယ်ဒရာမာနဲ့ ဟော်ရာ ရောပြီး ရိုက်ထားတဲ့ကားပါ။ ဇာတ်လမ်းထဲမှာ သူတို့ကိုယ်သူတို့ Eater လို့ ခေါ်ကြပါတယ်။ လူငယ်တွေရဲ့ လူ့အသိုင်းအဝိုင်းနဲ့ ဝင်မဆန့်မှု၊ ကိုယ့်ကိုယ်ကိုယ် ထိန်းချုပ်ရမှုနဲ့ ကိုယ့်အကြောင်းကိုယ် ရှာဖွေရမှုတွေကို ဒီလူသားစားစုံတွဲကတစ်ဆင့် နိမိတ်ပုံအဖြစ် ဖော်ပြထားတာပါ။ လူသားစားတဲ့အကြောင်းနဲ့ သွေးထွက်သံယိုအခန်းတွေ ပါဝင်ပါတယ်။ Call Me by Your Name ကို ရိုက်ခဲ့တဲ့ Luca Guadagnino ရဲ့ လက်ရာဖြစ်ပြီး တင်မိုးသီးလည်း ပြန်လည်ပါဝင်ထားပါတယ်။ နာမည်ရခဲ့တဲ့ မူရင်းစာအုပ်ကို အခြေခံထားပြီး ဇာတ်လမ်းအနည်းငယ် ပြောင်းလဲရိုက်ကူးထားတာပါ။ ဇာတ်ပို့အဖြစ်တော့ Bridge of Spies နဲ့ အော်စကာရခဲ့တဲ့ Mark Rylance ပါဝင်ထားပါတယ်။

~ IMDb - 7.5/10, RT - 73%, Meta - 79% ~ ပီယာနို မြည်သံညင်စေတဲ့ လက်ချောင်းတွေ ကျွန်တော့်ရဲ့ အရေခွံပါးလွှာနဲ့အတွေ့အခါ ပြန်လမ်းမရှိတဲ့မြစ်မှာ အကြိမ်ကြိမ်အခါခါ စီးဆင်း... သူမရဲ့နှုတ်ခမ်းတွေ... ဘယ်ဗိုကယ်ကို ဘယ်သံအထိမြင့်လဲ အပြာရောင်တွေညင်သာစွာ မြွေတစ်ကောင်ဟာ ရစ်ပတ် ရခဲလှဆိုသတဲ့ လူတစ်ကောင်ကို ဖြစ်ထွန်းစေတဲ့ အဆိပ်ရည်တွေဟာ လူတစ်ကောင်မဖြစ်မယ့် တွင်းနက်ဆီ တိုးဝှေ့ခဲ့ပေါ့... ဗီသိုဗင် မိုးဇက်တို့ထက် သူမရဲ့ အငွေ့အသက်ဟာ ခမ်းနားကြောင်းကိုလည်း နိဗ္ဗာန်ရဲ့အက်ကွဲကြောင်းလေးထဲ နမ်းရှိုက်တပ်မက်တဲ့ နှုတ်ခမ်းများသက်သေတည်... ကော်ရစ်ဒါထောင့် အိမ်သာပေါက် စတိုးခန်းနောက် ဘယ်နေရာတွေ ဘယ်လိုမရွေးပဲ အကြင်အနာ အဖြူအပြာတွေ သည်းသည်းမည်း... သူမရဲ့တွင်းဟောင်းဟာ ကျွန်တော်မဖတ်ဖူးတဲ့စာအုပ်တစ်အုပ်လို သစ်လွင်တောက်ပ အချစ်ရည်တတောက်တောက်ကျရင်း ကမ္ဘာကုန်ကျယ်သရွေ့ ခမ်းနားနေဦးမယ်... ဒီလိုပါပဲ ( ကြယ်တွေအကုန် လောင်ကျွမ်းသွားတဲ့အချိန်အထိ သူမကို ကျွန်တော် လိုအပ်နေဦးမယ်ဆိုတာ ကျွန်တော်သိနေတယ်။ ) ( ကျွန်တော်ကလည်း ဒီပင်လယ်အဟောင်းကိုမှ ခပ်သောက်ချင်နေတုန်းပဲ။ ) Erotic ကားပေမဲ့ ကိန်းမှာ မင်းသားဆုရော မင်းသမီးဆုရော ရထားတဲ့ ရုပ်ရှင်ဖြစ်ပြီး စာရေးဆရာမကလည်း နိုဘယ်ဆုရထားတဲ့ စာရေးဆရာမပါ။ ကိန်းမှာ ဂျူရီဆုရခဲ့ပြီး Palme d'Or ပါ ဆန်ခါတင်ဝင်ခဲ့ပါသေးတယ်။ ဆုပေါင်း ၁၈ဆုလည်းရထားပါတယ်။ ကျွန်တော့်ပီယာနိုဆရာမလေးကို ခင်ဗျားတို့သိကြပေ

ကာသစ်ဟာ လူတွေ ခိုင်းသမျှလုပ်ပေးရပြီး အပြစ်တင်စရာရှိရင်လည်း သူ့ကိုပဲ လက်ညှိုးထိုးခံနေရတဲ့ ကောင်လေးတစ်ယောက်ပါ။ ဘယ်သူမှားမှား သူ့အမှားလို့ပဲ သတ်မှတ်ချင်ကြတယ်။ လူတိုင်းနဲ့ အဆင်ပြေအောင် နေချင်ပေမယ့် သိမ်ငယ်စိတ်တွေကြောင့် သူ့ကိုယ်သူ ပိုပြီး ဖိနှိပ်အားငယ်နေမိပါတယ်။ ဒီလိုဘဝကနေ လွတ်မြောက်ချင်နေပေမယ့် ဘယ်လိုပြောင်းလဲရမလဲ မသိသေးပါဘူး။ တစ်နေ့ မနက်ငါးနာရီမှာတော့ သူ့ဆီကို ဖုန်းတစ်ခေါ် ဝင်လာတယ်။ ဖုန်းကိုင်လိုက်တဲ့အခါ ဆက်လာသူက တခြားဘယ်သူမှမဟုတ်ဘဲ ကာသစ်ကိုယ်တိုင် ဖြစ်နေပါတယ်။ အဲဒီဖုန်းဝင်လာပြီးနောက် သူ့ဘဝဟာ မထင်မှတ်ထားလောက်အောင် ပြောင်းလဲသွားတော့တယ်။ ဖရ်ဟန်းအခ်သရ်နဲ့ ဒီပီကားပါဒူကွန်တို့ တွဲဖက်သရုပ်ဆောင်ထားတဲ့ စိတ်ပိုင်းဆိုင်ရာ လျှို့ဝှက်ဆန်းကြယ်ဇာတ်ကားပါ။

မျိုးရိုးမြင့် အမတ်ကြီးတစ်ယောက်ရဲ့ သမီးအဖြစ် ကြီးပြင်းလာတဲ့ ဟွမ်ဂျင်းရီဟာ အပြင်လောကကို ထွက်ခွင့်မရဘဲ အိမ်တော်ထဲမှာပဲ နေရပါတယ်။ ဟန်ယန်းက ချမ်းသာတဲ့ မိသားစုတစ်စုရဲ့သားနဲ့ လက်ထပ်ရမယ့်နေ့ကို စောင့်နေရသူပါ။ မြင်သူတိုင်း စွဲလမ်းလောက်အောင် လှတယ်လို့ နာမည်ကြီးပေမယ့် ငယ်ငယ်ကတည်းက သူမကို ကာကွယ်ပေးလာတဲ့ ကိုယ်ရံတော် နွန်ရီရှိနေတာကြောင့် ဘယ်သူမှ သူမကို မထိရဲကြပါဘူး။ တစ်နေ့မှာတော့ ဟွမ်ဂျင်းရီဟာ အစေခံအမျိုးသမီးတစ်ယောက်က မွေးဖွားလာသူဖြစ်ကြောင်း သတင်းပျံ့သွားပြီး စီစဉ်ထားတဲ့ လက်ထပ်ပွဲလည်း ပျက်သွားပါတယ်။ သူမရဲ့မိခင်ဟာ မသေခင်အထိ ကချေသည်အဖြစ် အသက်မွေးခဲ့တာကို သိလိုက်ရပြီးနောက် ဟွမ်ဂျင်းရီလည်း ကချေသည်လုပ်ဖို့ ရွေးချယ်လိုက်တယ်။ တစ်သက်လုံး မင်းသမီးတစ်ပါးလို နေခဲ့ရတဲ့ အိမ်တော်က မမလေးအတွက် ဒီဘဝသစ်က အရင်နဲ့ မတူတော့ပါဘူး။ မကြုံဖူးတဲ့ လောကဒဏ်တွေကို ဘယ်လိုရင်ဆိုင်မလဲ၊ သူမရဲ့အချစ်ကိုရော ဘယ်လိုတွေ့နိုင်မလဲ။

အေဘီ ဆာဒါဟာ ချစ်သူကို ဆုံးရှုံးရမှာ၊ တခြားသူလက်ထဲ ပါသွားမှာကို မခံနိုင်တဲ့ အမျိုးသမီးတစ်ယောက်ပါ။ သူမရဲ့ ချစ်စိတ်နဲ့ လက်လွှတ်မပေးနိုင်မှုကနေ ကြောက်စရာအကျိုးဆက်တွေ ဖြစ်လာပုံကို ဒီဇာတ်ကားမှာ ပုံဖော်ထားပါတယ်။ ၁၉၃၆ ခုနှစ်က ဂျပန်မှာ တကယ်ဖြစ်ခဲ့တဲ့ သူမနဲ့ပတ်သက်တဲ့ အမှုဟာ လူထုကြား တုန်လှုပ်စရာဖြစ်ခဲ့ပြီး တွေးခေါ်ပညာရှင်တွေ၊ စာရေးဆရာတွေနဲ့ ရုပ်ရှင်ဖန်တီးသူတွေရဲ့ အာရုံစိုက်မှုကိုလည်း ရခဲ့တယ်။ အဲဒီဖြစ်ရပ်ကို အခြေခံထားတဲ့ ဒီရုပ်ရှင်က ၁၉၇၅ ခုနှစ်မှာ ထွက်ရှိခဲ့တာပါ။ လိင်ဆက်ဆံမှုကို ပွင့်ပွင့်လင်းလင်း ဖော်ပြထားတဲ့ အခန်းတွေ ပါဝင်တာကြောင့် လူကြီးများအတွက် ရည်ရွယ်ထားတဲ့ ဇာတ်ကားဖြစ်ပါတယ်။

အမေရိကန်မှာ ကျေးဇူးတော်နေ့ပြီးတဲ့ သောကြာနေ့ကို Black Friday လို့ ခေါ်ကြပါတယ်။ ခရစ္စမတ်အတွက် ဈေးဝယ်ရာသီအစလို့ သတ်မှတ်ကြပြီး ဆိုင်တွေကလည်း ဈေးလျှော့ရောင်းကြတဲ့ နေ့ပါ။ အဲဒီနေ့ မနက်အစောပိုင်းမှာ ကလေးအဖေတစ်ခုလပ် Theo Hall နဲ့ ရည်းစားဟောင်းနဲ့ လမ်းခွဲထားတာ လပိုင်းပဲရှိသေးတဲ့ Kim Fenech တို့ ဆုံမိကြတယ်။ တစ်မနက်လုံး စကားတွေပြောရင်း တစ်ယောက်နဲ့တစ်ယောက် သံယောဇဉ်တွယ်လာကြပေမယ့် စတိုးဆိုင်တစ်ဆိုင်ထဲ ဝင်တဲ့အချိန် မီးပျက်သွားရာကနေ လူချင်းကွဲသွားကြပါတယ်။ တစ်ယောက်ကိုတစ်ယောက် Kim နဲ့ Theo ဆိုတဲ့ နာမည်အစလေးတွေပဲ သိထားကြတာပါ။ အဲဒီလောက်ပဲ သိထားတဲ့ အချက်အလက်နဲ့ ပြန်တွေ့ဖို့ ကြိုးစားကြတဲ့အခါ ဘယ်လိုတွေ ဖြစ်လာမလဲ၊ သူတို့ရဲ့ အချစ်ခရီးကရော ဖြောင့်ဖြူးနိုင်ပါ့မလား။

လစ်ဇဲလ်ဟာ ဆင်းရဲချို့တဲ့တဲ့ဘဝမှာ ကြီးပြင်းလာတဲ့ မိဘမဲ့မိန်းကလေးတစ်ယောက်ပါ။ သူ့ကို ချစ်နေတဲ့ အမျိုးသားနှစ်ယောက်ရှိပြီး တစ်ယောက်က အေဒရီယန်၊ နောက်တစ်ယောက်က ဂယ်ရီ ဖြစ်ပါတယ်။ အေဒရီယန်ဟာ သမီးတစ်ယောက်ရှိတဲ့ မုဆိုးဖိုဖြစ်ပြီး အလုပ်မှာလည်း အောင်မြင်နေတဲ့ နှလုံးခွဲစိတ်ဆရာဝန်တစ်ယောက်ပါ။ လစ်ဇဲလ်အတွက်ဆို အရာရာ ဖြည့်ဆည်းပေးချင်သူလည်း ဖြစ်တယ်။ ဂယ်ရီကတော့ ဘဝကို ရုန်းကန်နေရသူပါ။ လစ်ဇဲလ်နဲ့ လေးနှစ်ကြာ ချစ်ခဲ့ကြပြီး လက်ထပ်ဖို့အထိ ရည်ရွယ်ခဲ့ကြတယ်။ အပျော်စီးသင်္ဘောမှာ အတူအလုပ်လုပ်ဖို့ စီစဉ်ထားခဲ့ပေမယ့် နောက်ဆုံးမှာ ဂယ်ရီက လစ်ဇဲလ်ကို ထားသွားခဲ့ပါတယ်။ အဲဒီလို အသည်းခွဲခံခဲ့ရပေမယ့် လစ်ဇဲလ်က အေဒရီယန်ထက် ဂယ်ရီ့ကို ပိုချစ်နေဆဲပါ။ အေဒရီယန်ဘက်မှာလည်း အခက်အခဲတွေ ရှိနေတယ်။ သူ့အမေက အဆင့်အတန်းကွာခြားလွန်းလို့ လစ်ဇဲလ်ကို အမြင်မကြည်သလို သမီးကလည်း အဖေ့ကို လုယူသွားသူအဖြစ် ရန်သူလို သဘောထားနေပါတယ်။ ဂယ်ရီ့ဘက်ကို ပြန်လှည့်ဖို့ကျတော့လည်း တစ်ခါနာကျင်ခဲ့ဖူးတဲ့ လစ်ဇဲလ်မှာ စိုးရိမ်စိတ်ရှိနေတယ်။ ဒီအမျိုးသားနှစ်ယောက်ကြားမှာ ဘယ်သူ့ကို ရွေးချယ်ပြီး ဘယ်သူ့ကို နှုတ်ဆက်သွားမလဲ။

လိင်ပိုင်းဆိုင်ရာ နှောင့်ယှက်စော်ကားခံရတဲ့ အမျိုးသမီးတွေကို ဘာလို့ ညဘက်တစ်ယောက်တည်းသွားသလဲ၊ ဘာဝတ်ထားသလဲဆိုတဲ့ မေးခွန်းတွေနဲ့ ပြန်အပြစ်တင်တတ်ကြပါတယ်။ တောင်းပန်ခံရသင့်သူက ပြန်တောင်းပန်နေရတဲ့ ဒီလိုမတရားမှုတစ်ခုမှာ မဟုတ်မခံတတ်တဲ့ နသန် ဝင်ကူညီမိသွားတယ်။ တစ်ဖက်မှာလည်း ဆယ်မာက သူ့ကို ဂရုမစိုက်ဘူးလို့ ခံစားနေရတာကြောင့် နသန်နဲ့ ဆက်ဆံရေးဟာ ပြတ်စဲလုနီးပါး ဖြစ်နေပါတယ်။ နသန် ကူညီပေးနေတဲ့ကိစ္စကို ဆယ်မာ သိသွားတဲ့အခါ မတရားမှုကို ရင်ဆိုင်ဖို့ သူတို့ ဘယ်လိုကြိုးစားကြမလဲ။ နသန်က မတရားမှုကို အနိုင်ယူနိုင်မလားဆိုတာနဲ့အတူ ဆယ်မာ့အချစ်ကို ပြန်ရနိုင်မလားဆိုတာလည်း စောင့်ကြည့်ရမှာပါ။

လက်ထပ်ပြီး ဘဝတစ်ခု အတူတည်ဆောက်ကြတော့မယ့် စုံတွဲလေးတွဲအကြောင်းကို Marriage Blue မှာ ပြထားပါတယ်။ ဘဝအပြောင်းအလဲတစ်ခုကို ဖြတ်သန်းရချိန်မှာ စိတ်ရှုပ်ထွေးမှုတွေ ကြုံရတတ်သလို ဒီစုံတွဲတွေအတွက်လည်း မင်္ဂလာပွဲမတိုင်ခင်မှာ ဖြေရှင်းစရာပြဿနာတွေ ရှိနေကြတယ်။ သူတို့ရဲ့ အချစ်ရေးအခက်အခဲတွေနဲ့ ကြည်နူးရတဲ့အချိန်တွေကို ပေါ့ပေါ့ပါးပါး ဟာသနဲ့ တွဲတင်ပြထားတာပါ။ ၂၀၁၃ ခုနှစ်ထွက် အချစ်ဟာသရုပ်ရှင်ဖြစ်ပြီး Ju Ji Hoon၊ Ma Dong Seok၊ Lee Yeon Hee၊ Kim Kang Hoon၊ Lee Hee Joon နဲ့ 2PM အဖွဲ့ဝင် Taecyeon တို့ ပါဝင်သရုပ်ဆောင်ထားပါတယ်။

ဒီမိသားစုမှာ ဇနီးက ကလပ်မှာ သီချင်းဆိုပြီး အိမ်ရဲ့ဝင်ငွေကို ရှာပေးနေသူပါ။ ခင်ပွန်းကတော့ ကလေးထိန်း၊ ဟင်းချက်၊ အဝတ်လျှော်နဲ့ အိမ်မှုကိစ္စတွေကို တာဝန်ယူထားပါတယ်။ ဇနီးဖြစ်သူမှာ ငယ်ငယ်ကတည်းက နာမည်ကြီးအဆိုတော် ဖြစ်ချင်တဲ့ အိပ်မက်ရှိပြီး တစ်နေ့မှာ အမျိုးသားတစ်ယောက်က သူ့ကို ငွေကြေးပံ့ပိုးပေးမယ်လို့ ပြောလာတယ်။ သူက အဆိုတော်အဖြစ် နာမည်မကြီးခင် ရင်သားအလှပြုပြင်ခွဲစိတ်ဖို့ စိတ်ကူးလာပြီး ငွေလိုနေတာကြောင့် ခင်ပွန်းပေးထားတဲ့ လက်ထပ်လက်စွပ်ကို ရောင်းဖို့ လုပ်ပါတယ်။ ဒီကိစ္စနဲ့ လင်မယား စကားများကြရာက ရွှေဆိုင်ကို ရောက်သွားတယ်။ ကံဆိုးချင်တော့ သူတို့ရောက်နေချိန်မှာပဲ ရွှေဆိုင်ကို ဓားပြဝင်တိုက်လို့ မျက်မြင်သက်သေတွေ ဖြစ်သွားကြပါတယ်။ ဓားပြတွေနဲ့ ဒီမိသားစု ဘယ်လိုဆက်ကြုံကြရမလဲ၊ လက်စွပ်ရောင်းမယ့်ကိစ္စကနေ စကားများထားတဲ့ လင်မယားနှစ်ယောက်ရဲ့ အိမ်ထောင်ရေးကရော ဘယ်လိုဖြစ်လာမလဲဆိုတာကို ဟာသတွေနှောပြီး ပြထားတဲ့ ဗီယက်နမ်မိသားစုဇာတ်ကားပါ။

ဂျင်းနီက နယူးယောက်မြို့မှာ ကုန်အမှတ်တံဆိပ်တွေအတွက် ကြော်ငြာပေးရတဲ့ အလုပ်လုပ်နေသူပါ။ ခရစ္စမတ်ကာလမှာ သူ့ဦးလေး ရန်ဒန် ဆုံးသွားလို့ နယ်ဘက်ကို ခဏသွားဖို့ ဖြစ်လာပါတယ်။ မူလက ရက်အနည်းငယ်ပဲ နေပြီး ပြန်လာဖို့ စီစဉ်ထားပေမယ့် ခရီးက ထင်ထားတာထက် ပိုကြာသွားတယ်။ ဂျင်းနီ ဘာကြောင့် ဆက်နေဖြစ်သွားတာလဲဆိုတာကို Jill Wagner ပါဝင်သရုပ်ဆောင်ထားတဲ့ ဒီဇာတ်ကားမှာ ဆက်ပြထားပါတယ်။ ခရစ္စမတ်ကာလကို နောက်ခံထားပြီး ဟာသ၊ မိသားစုအကြောင်းနဲ့ အချစ်ဇာတ်လမ်းတို့ ပါဝင်တဲ့ ပေါ့ပေါ့ပါးပါး ရုပ်ရှင်ပါ။

မွန်ဘိုင်းမြို့မှာ နေတဲ့ ဂိုဗင်ဒါက မိန်းမဖြစ်သူနဲ့ ကွာရှင်းပြီး သူ့ချစ်သူနဲ့ နီးစပ်ချင်နေသူပါ။ ဒါပေမဲ့ အိမ်မှာ မယားကြောက်နေရသလို အမွေကိစ္စအတွက်လည်း စိတ်ပူနေရတယ်။ သူ့အမေဟာ အဖေရဲ့ မယားငယ်ဖြစ်နေတာကြောင့် အမွေဆိုင်အိမ်ကို ဆုံးရှုံးရမှာ ကြောက်နေရတာပါ။ ဘဝမှာ အခွင့်အရေးတစ်ခု ရလာပြန်တော့လည်း လူမိုက်တွေနဲ့ တိုးမိလို့ အသက်အန္တရာယ်အတွက် ပူရပြန်ပါတယ်။ အဲဒီလို ပြဿနာတွေကြားက ဂိုဗင်ဒါအတွက် တစ်နေ့မှာတော့ ချစ်သူနဲ့ နီးစပ်နိုင်မယ့် အခွင့်အရေးတစ်ခု ပေါ်လာတယ်။ ဒါပေမဲ့ ဒီအခွင့်အရေးက မိန်းမဖြစ်သူရဲ့ သေဆုံးမှုနဲ့ ဆက်နွယ်နေတဲ့အခါ ဂိုဗင်ဒါ ဘယ်လိုဆက်လုပ်မလဲ။ ဗစ်ကီ၊ ကီယာရာနဲ့ ဘူမီကာပဒ်နေကာတို့ အဓိကပါဝင်သရုပ်ဆောင်ထားပါတယ်။

တာရားက လက်ထပ်ပြီး နိုင်ငံခြားမှာ အခြေချမယ်ဆိုတဲ့ ယောက်ျားဖြစ်သူရဲ့စကားကို ယုံပြီး ရှိသမျှပစ္စည်းတွေနဲ့ အိမ်ကိုပါ ရောင်းလိုက်ပါတယ်။ ရလာတဲ့ငွေအားလုံးကိုလည်း သူ့လက်ထဲ အပ်လိုက်တယ်။ ဒါပေမဲ့ နိုင်ငံခြားရောက်တာနဲ့ ယောက်ျားဖြစ်သူက ရှိသမျှကို ယူပြီး ထွက်ပြေးသွားလို့ တာရားတစ်ယောက် ဒုက္ခရောက်ရပါတော့တယ်။ ဗီလားကတော့ အမေ၊ အဖွား၊ အဒေါ်တွေနဲ့အတူ နိုင်ငံခြားမှာ အခြေချနေသူဖြစ်ပြီး အိမ်ထောင်ပြုဖို့ကို စိတ်ကုန်နေတဲ့သူပါ။ တာရားနဲ့ ဗီလားတို့ စတွေ့ကြချိန်ကလည်း အဆင်မပြေခဲ့ကြဘူး။ နောက်ပိုင်းမှာတော့ ဒီနှစ်ယောက် မိဘတွေကို လှည့်ကွက်ဆင်ဖို့ ပူးပေါင်းကြလာပါတယ်။ ဟရှ်ဗရ်ဒန်းရာနေး ပါဝင်သရုပ်ဆောင်ထားတဲ့ အချစ်ဟာသဇာတ်ကားပါ။

နစ်ခ်ပါဆန်က ငွေကြေးပြည့်စုံပြီး မိန်းကလေးတွေနဲ့ တစ်ယောက်ပြီးတစ်ယောက် တွဲရင်း ဘဝကို အပူအပင်မရှိ ဖြတ်သန်းနေသူပါ။ ဒါပေမယ့် ကလေးတွေကိုတော့ ကြည့်လို့မရဘူး။ သူ့အတွက် ကလေးဆိုတာ စိတ်တိုအောင် အမြဲလုပ်နေတဲ့ ပြဿနာကောင်လေးတွေပဲ။ အဲဒီလိုလူကမှ ကလေးနှစ်ယောက်အမေ ဆူဇန်ကို သဘောကျမိသွားပါတယ်။ ဆူဇန်ကတော့ နစ်ခ်ရဲ့စရိုက်ကို မကြိုက်လို့ ငြင်းလိုက်ပြီး သူငယ်ချင်းအဖြစ်ပဲ လက်ခံထားတယ်။ နှစ်သစ်ကူးမှာ ဆူဇန်ရဲ့ကလေးနှစ်ယောက်ကို ကနေဒါဆီ ခေါ်လာပေးဖို့ အကြောင်းဖန်လာတော့ နစ်ခ်က ဆူဇန်ဆီမှာ အမှတ်ရဖို့ အခွင့်အရေးလို့ မြင်လိုက်ပါတယ်။ ခက်တာက ကယ်ဗင်နဲ့ လင်ဆီတို့ကလည်း အလွယ်တကူ ထိန်းလို့ရမယ့် ကလေးတွေ မဟုတ်ဘူး။ နစ်ခ် ဘာရည်ရွယ်ချက်နဲ့ လုပ်ပေးနေသလဲဆိုတာလည်း သူတို့က သိနေကြတယ်။ ဒီကလေးနှစ်ယောက်က နစ်ခ်ကို ဘယ်လိုပညာပြကြမလဲ၊ သူကရော ကနေဒါအထိ ချောချောမောမော ခေါ်သွားနိုင်ပါ့မလား၊ ဆူဇန်နဲ့ ဆက်ဆံရေးမှာရော သူမျှော်လင့်သလို ဖြစ်လာပါ့မလားဆိုတာကို မိသားစုဟာသပုံစံနဲ့ ပြထားပါတယ်။

ဒီကားလေးကတော့ Christmas movie ကြိုက်သူတွေအတွက် အကြိုက်တွေ့စေမှာဘဲဖြစ်ပါတယ်။ Rotten Tomatoes 85%ရရှိထားတဲ့ဒီရုပ်ရှင်ထဲမှာThe outfit ထဲကမင်းသမီးချော Zoey Deutch ကလည်းမတူညီတဲ့ပုံစံတစ်မျိုး‌ေလးနဲ့သရုပ်‌ေဆာင်ထားတာကိုတွေ့ရမှာဘဲဖြစ်ပါတာ်။ Christmasကာလမှာ မိသားစုနဲ့ဖြစ်စေ တစ်ယောက်ထဲဖြစ်စေ Romance ဇာတ်ကားလေးကို Christmas vibeလေးနဲ့ကြည့်ချင်တယ်ဆိုရင်တော့ဒီကားလေးကသင့်တော်တဲ့ကားလေးတစ်ကားဘဲဖြစ်ပါတယ်။ ( ဘာသာပြန်ပြီး အညွှန်းရေးသားထားသူကတော့ Min Phoon Pyae ပါ ) File Size__(1.7GB) / (700MB) Quality__WEB-DL_1080p, 720p IMDb Rating__6.2/10 Format__mp4 Duration__01:22:00 Type__Comedy, Family Subtitle__Myanmar Subtitle (Hardsub) Translated by Min Phoon Pyae Encoded by Naing Aung Latt

ပိုင်းဖောဟာ ပွဲတော်တွေကို အလွန်ခုံမင်ကြတဲ့ မြို့ငယ်လေးတစ်မြို့ပါ။ ဒါပေမယ့် အဲဒီမြို့မှာနေတဲ့ ရူဒီကတော့ ဇနီးဆုံးပါးသွားကတည်းက ခရစ္စမတ်ကို စိတ်မဝင်စားတော့ဘူး။ တစ်မြို့လုံး ကြိုက်ကြတဲ့ ချောကလက်ပူကိုတောင် လုံးဝမထိတော့ပါဘူး။ ဟော်လီကတော့ သူနဲ့ဆန့်ကျင်ဘက်၊ ခရစ္စမတ်ဆို အရမ်းပျော်တတ်တဲ့သူပါ။ ရည်းစားနေထိုင်ရာ ဘော်စတွန်ကို သွားရင်း လမ်းမှာ ကားမတော်တဆမှုဖြစ်ပြီး ရူဒီတို့မြို့လေးမှာ သောင်တင်နေခဲ့တယ်။ အဲဒီကနေ ဟော်လီနဲ့ ရူဒီတို့ကြား အချစ်ဇာတ်လမ်း စလာပါတယ်။ Ryan Farrel နဲ့ Hanna Gaffney တို့ ပါဝင်ထားပြီး ခရစ္စမတ်ပွဲတော်အငွေ့အသက်တွေနဲ့ ပေါ့ပေါ့ပါးပါး တင်ဆက်ထားတဲ့ ဇာတ်ကားပါ။

IMDb Rating - 6.5/10 ဒီဇာတ်ကားကိုမကြည့်ခင် YouTube Spotify Apple music စတဲ့ပလက်ဖောင်းတွေမှာ Way back into love ဆိုတဲ့ သီချင်း ကို နားဆင်ခံစားကြည့်လိုက်ပါ၊ တကယ်လို့ အဲ့သီချင်းကိုမကြိုက် ခဲ့ရင်လည်း ဇာတ်ကားကိုတော့ ဆက်ကြည့်လိုက်ပါ။ နားထောင် ရတာကြိုက်ခဲ့ရင်တော့ စီးကရက်တစ်လိပ်နဲ့ ကော်ဖီတစ်ခွက်ယူပြီး ဆက်ခံစားကြည့်ကြဖို့ အကြံပေးပါရစေ။ ဇာတ်လမ်းကမဆန်းပါဘူး musical romance လေးပါပဲ။ ဒါပေမဲ့ အချစ်ဆိုတဲ့အရာကိုက ဆန်းကြယ်နေခဲ့တာပါ။ အချစ်ကြောင့် အရာ ရာအဓိပ္ပာယ်ရှိသွားတယ်၊ အချစ်ကြောင့် အရာရာလှပနေခဲ့တယ်၊ အချစ်ဇာတ်လမ်းလေးတစ်ပုဒ်မှာ နားဆင်ခံစားဖို့သီချင်းကောင်းလေး တွေအပြင် သီချင်းစာသားတွေရဲ့နှလုံးသားကို ခံစားလို့ရမယ်။ လူတိုင်းချစ်တတ်ကြမှာပါ၊ အချစ်မှာနောင်တတွေအမှားတွေရှိတယ်၊ အချစ်မှာကြီးကျယ်ခမ်းနားခြင်းတွေ အားအင်တွေရှိတယ်၊ အဲတော့ ဒီအချစ်ဇာတ်ကားလေးနဲ့အတူ အချစ်ကိုခံစားရင်း ကောင်မလေးရှိတဲ့ သူတွေက ကောင်မလေးကိုရိုပြပါ၊ FA တွေကလည်း စိတ်ကူးယဉ်ရင်း မျက်ရည်ကျပါ၊ တစ်ခေတ်တစ်ခါရဲ့ Charles'Angle ဒရူးဘယ်ရီမိုးက တော့ သင်တို့အားလုံးအား အချစ်အဓိပ္ပာယ်ကိုဖွင့်ဆိုပြမှာမို့ပါ။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Sai Thurein Lynn ဖြစ်ပါတယ်) File Size..........(2.13 GB) / (889 MB) / (520 MB) Quality............WEB-RIP 1080p / 720p / 480p Duration.........1Hr 44mins Subtitle...........Myan

ကန်းနက်ဟာ မိခင်ဆုံးပါးသွားကတည်းက ဖခင်ကို စိတ်နာနေတဲ့ ကောင်လေးတစ်ယောက်ပါ။ မိခင်ရဲ့သေဆုံးမှုမှာ ဖခင်ရဲ့ ပတ်သက်မှုမကင်းဘူးလို့ သူက ယူဆနေပါတယ်။ မိဘနှစ်ယောက်ရဲ့ အတိတ်အကြောင်းကို သိချင်လာတဲ့အခါ ကန်းနက်က ပြန်လည်တူးဖော်ကြည့်ပါတော့တယ်။ ဖခင်က ဘာကြောင့် ရယ်ရယ်ပြုံးပြုံး မရှိတော့တာလဲ၊ မိခင်ဆုံးပါးရတာ ဖခင်ကြောင့်လို့ ကန်းနက်က ဘာကြောင့်ထင်နေတာလဲ၊ ဖခင်ဘက်မှာရော ဘယ်လိုအမှားတွေ ရှိခဲ့တာလဲ။ အတိတ်ကို ပြန်လိုက်ကြည့်ရင်း ကန်းနက် ဘာတွေသိလာမလဲဆိုတာကို ဒန်နီရယ်နဲ့ ကတ်သရင်းတို့ ပါဝင်သရုပ်ဆောင်ထားတဲ့ ၂၀၁၄ ခုနှစ်ထွက် ဖိလစ်ပိုင်အချစ်ဒရာမာမှာ ပြောပြထားပါတယ်။

George က Primo ကို စတွေ့ကတည်းက ကြည့်မရခဲ့ပါဘူး။ ဒါပေမယ့် Primo က တဖြည်းဖြည်း သူ့အနားကို ရောက်လာပြီး George ရဲ့မိသားစုကလည်း သူ့ကို ချစ်ခင်လာကြတယ်။ အဖွားဖြစ်သူဆို Primo ကို အထူးသဘောကျတာပါ။ နောက်ဆုံးမှာတော့ George ကိုယ်တိုင်လည်း Primo ကို ချစ်မိသွားခဲ့တယ်။ အဖွားဆုံးခါနီးမှာ George ကို Primo လက်ထဲ အပ်ခဲ့သလို အိမ်လေးတစ်လုံးလည်း ပေးခဲ့ပါတယ်။ ချစ်သူနှစ်ယောက်ဟာ အဲဒီအိမ်လေးမှာ အိပ်မက်တွေ၊ မျှော်လင့်ချက်တွေနဲ့ အတူနေခဲ့ကြတယ်။ အစပိုင်းက ပျော်ရွှင်ခဲ့ကြပေမယ့် နောက်တော့ နာကျင်စရာတွေ ရှိလာပြီး ဝေးကွာသွားကြပါတယ်။ ခွဲခွာပြီးနောက် အရာရာက နေသားမကျဖြစ်နေချိန်မှာ Primo က George ကို ပျော်ရွှင်အောင်ထားမယ်ဆိုတဲ့စိတ်နဲ့ အိမ်ကို ပြန်ရောက်လာတယ်။ George ကတော့ သူ့ကို စိတ်နာနေတုန်းပါပဲ။ Primo အနေနဲ့ George စိတ်ပြေပြီး သူ့ကို ပြန်ချစ်လာအောင် လုပ်နိုင်မလား။ ကတိပေးခဲ့ဖူးတဲ့အတိုင်း George အရမ်းသွားချင်တဲ့ နေရာလေးတစ်ခုကို လိုက်ပို့ပေးနိုင်မလား။ George တို့မောင်နှမနှစ်ယောက် တွေ့ချင်နေတဲ့အဖေကိုရော ရှာပေးနိုင်မလားဆိုတဲ့ မေးခွန်းတွေ ရှိနေပါတယ်။ Kathryn Bernardo နဲ့ Daniel Padilla တို့ ပါဝင်ထားပြီး She's Dating the Gangster ကို ရိုက်ကူးခဲ့တဲ့ ဒါရိုက်တာ Cathy Garcia-Molina ရဲ့ အချစ်ဇာတ်ကားပါ။

လော်ရာနဲ့ ဂျူလီယန်းက အလုပ်အတူလုပ်ကြတဲ့ အချစ်ဆုံးသူငယ်ချင်းတွေပါ။ လော်ရာက ပြည်သူ့ဆက်ဆံရေးအလုပ် လုပ်ပြီး ဂျူလီယန်းကတော့ သူ့လက်ထောက်အဖြစ် လုပ်ပေးနေတယ်။ တစ်နေ့မှာ အလုပ်တွေပိနေတဲ့ လော်ရာက ခဏလောက် အေးအေးဆေးဆေး နားချင်တာနဲ့ ပါတီတစ်ခုကို သူ့အစား ဂျူလီယန်းကို သွားတက်ခိုင်းလိုက်ပါတယ်။ ပါတီမှာ လော်ရာအဖြစ် ဟန်ဆောင်နေတဲ့ ဂျူလီယန်းဟာ ဟန်ဆောင်ရင်းနဲ့ပဲ မိုက်ကယ်ဆိုတဲ့ ခန့်ညားတဲ့အမျိုးသားတစ်ယောက်အတွက် ပြည်သူ့ဆက်ဆံရေးအလုပ် လုပ်ပေးရဖို့ ဖြစ်လာတယ်။ ဒီတော့ နှစ်ယောက်သား မတတ်သာဘဲ ရာထူးတွေပါ လဲလိုက်ကြရပါတယ်။ လော်ရာက လက်ထောက်ဖြစ်သွားပြီး ဂျူလီယန်းက သူ့နေရာမှာ အလုပ်ဝင်လုပ်ရတော့တာပါ။ ဒီလိုနေရာလွဲနေတဲ့ သူငယ်ချင်းနှစ်ယောက် ဂွကျတဲ့ မိုက်ကယ်နဲ့ ဘယ်လိုစခန်းသွားကြမလဲဆိုတဲ့ ခရစ္စမတ်ကာလ အချစ်ဟာသဇာတ်လမ်းလေး ဖြစ်ပါတယ်။

ဂုရုကန့်ဒေဆိုင်းဟာ ရွာတစ်ရွာကနေ ဘုံဘေမြို့ကိုတက်ပြီး ကိုယ်ပိုင်စီးပွားရေးလုပ်ဖို့ ကြိုးစားလာသူပါ။ အိမ်ထောင်ပြုရာက ရလာတဲ့ တင်တောင်းငွေကို မတည်ငွေအဖြစ်သုံးပြီး လုပ်ငန်းစခဲ့တယ်။ ဒီဇာတ်ကားကတော့ သူ့ရဲ့လမ်းဘေးဘဝကနေ အိန္ဒိယစီးပွားရေးသမားကြီးတစ်ယောက် ဖြစ်လာတဲ့အထိ ဖြတ်သန်းခဲ့ပုံကို ရိုက်ကူးထားတာပါ။ စီးပွားရေးလောကမှာ နေရာရပြီးသား လူကြီးတွေရဲ့အတ္တကို ဖြိုဖျက်ရင်း ဂုရုက ကိုယ့်နေရာကိုယ် ရယူလာတယ်။ သူများထက် နှာတစ်ဖျားသာချင်တဲ့စိတ်နဲ့ ကြိုးစားရင်း လူတွေအပေါ် ဩဇာလွှမ်းမိုးလာပုံကိုလည်း ဆက်ပြထားပါတယ်။ “ကျွန်တော်က ငြင်းတဲ့စကားလုံးဆို မကြားရဘူးဗျ” ဆိုတာက သူလက်ကိုင်ထားတဲ့ စကားပါ။ အဘီရှိခ်ဘဂျမ်း၊ ရန်ဂါနာဒန်မာဒဗန်၊ မီထွန်းချက်ကရဗာတီ၊ အရှ်ဝါရီယားရိုင်းဘဂျမ်းနဲ့ ဗစ်ဒယားဘာလန်တို့ အဓိကပါဝင်သရုပ်ဆောင်ထားကြပါတယ်။

ရှင်းဆွန်းဟိုဟာ လူကြီးဖတ်ကာတွန်းတွေ ရေးဆွဲရင်း နာမည်ရလာတဲ့ ကာတွန်းဆရာတစ်ယောက်ပါ။ အလုပ်တွေ ပုံလာတော့ လက်ထောက်တစ်ယောက် ငှားဖို့ ဆုံးဖြတ်လိုက်တယ်။ အဲဒီလိုနဲ့ အပြင်ပန်းမှာ အေးတိအေးစက်နိုင်ပေမယ့် ကြင်နာတတ်တဲ့ ဂိုမူယောင်းက သူ့ဆီ ရောက်လာပါတယ်။ မူယောင်းက ဆွန်းဟိုရဲ့ အမာခံပရိသတ်ဖြစ်လို့ လက်ထောက်လုပ်ဖို့ ရွေးခဲ့သူပါ။ ယောက်ျားမိန်းမ နှစ်မျိုးစလုံးကို ချစ်ခင်စိတ်ဝင်စားနိုင်တဲ့ မူယောင်းဟာ ဆွန်းဟိုကိုလည်း တိတ်တိတ်လေး သဘောကျနေတယ်။ နှစ်ယောက်သား အရက်သောက်ရင်း အတူရှိခဲ့ကြတဲ့ညကစလို့ သူတို့ကြားက တွယ်ငြိမှုတွေ ပိုတိုးလာပါတယ်။ တစ်ဖက်မှာလည်း မူယောင်းနဲ့ ငယ်ငယ်ကတည်းက ခင်ခဲ့တဲ့ သူငယ်ချင်း ဂျွန်ဆော့က မူယောင်းကို စသဘောကျလာတယ်။ ဆွန်းဟို၊ မူယောင်းနဲ့ ဂျွန်ဆော့တို့ရဲ့ သုံးပွင့်ဆိုင်အချစ်ကို ပေါ့ပေါ့ပါးပါး ဟာသနှောပြီး ပြောပြထားတဲ့ ကိုရီးယား BL ရုပ်ရှင်ပါ။

မာကိုတိုဟာ အနေအေးပြီး ရှက်တတ်တဲ့ တက္ကသိုလ်ကျောင်းသားတစ်ယောက်ပါ။ ဓာတ်ပုံရိုက်ဝါသနာပါတဲ့ သူဟာ ပထမနှစ်မှာ အပေါင်းအသင်းမရှိဘဲ အချိန်အတော်ကြာ တစ်ယောက်တည်း နေခဲ့ရတယ်။ တစ်ရက်မှာတော့ ရှိဇူရူဆိုတဲ့ ကျောင်းသူလေးနဲ့ အမှတ်မထင် ဆုံမိပြီး သူငယ်ချင်းတွေ ဖြစ်လာကြပါတယ်။ သိပ်မကြာခင် မာကိုတိုဟာ ကျောင်းအလှပဂေး မိယုကိတို့ သူငယ်ချင်းအုပ်စုထဲ ရောက်သွားပြီး မိယုကိကို တိတ်တိတ်လေး သဘောကျမိလာတယ်။ အဲဒီကနေ သုံးပွင့်ဆိုင်အချစ်ဇာတ်လမ်း စတင်လာပါတယ်။ တက္ကသိုလ်ကျောင်းသားဘဝကို သူတို့ ဘယ်လိုအတူဖြတ်သန်းကြမလဲ၊ ဘယ်သူ့အချစ်ကို ဘယ်သူက လက်ခံဖြစ်မလဲဆိုတာကို ဆက်ပြောပြထားတာပါ။ စာရေးဆရာ Takuji Ichikawa ရဲ့ Collage of Our Life - Another Story ဝတ္ထုကို အခြေခံရိုက်ကူးထားတဲ့ ဂျပန်အချစ်ဒရာမာ ဖြစ်ပါတယ်။