အချစ်ဇာတ်လမ်းများ

ဘီနိုဒီနီဟာ ငယ်ငယ်ရွယ်ရွယ်နဲ့ အိမ်ထောင်ကျခဲ့ပြီး တစ်နှစ်အကြာမှာပဲ ခင်ပွန်းဆုံးပါးသွားလို့ မုဆိုးမဖြစ်လာရသူပါ။ မုဆိုးမတွေအပေါ် တားမြစ်ကန့်သတ်ချက်တွေ များတဲ့ လူ့အသိုင်းအဝိုင်းမှာ သူမဟာ အရွယ်ကောင်းတုန်း ခံစားချက်တွေနဲ့ ကိုယ်ခန္ဓာရဲ့လိုအင်ဆန္ဒတွေကို မြိုသိပ်ထားရပါတယ်။ နောက်အိမ်ထောင်ပြုခွင့်ကနေ စားသောက်နေထိုင်ပုံအထိ ကန့်သတ်ထားတဲ့ အယူအဆတွေကြားမှာ နေထိုင်ရင်း ဘီနိုဒီနီဟာ အိမ်ထောင်ရှိပြီးသား အမျိုးသားတစ်ယောက်နဲ့ ခံစားချက်ချင်း ဖလှယ်မိလာတယ်။ အဲဒီကနေ သူမရဲ့ဆန္ဒတွေနောက် လိုက်မိပြီး ရုန်းထွက်ရခက်တဲ့ ဆက်ဆံရေးထဲ တိုးဝင်သွားပုံကို ရေးဖွဲ့ထားပါတယ်။ အရှ်က ငယ်ရွယ်တဲ့မုဆိုးမ ဘီနိုဒီနီရဲ့ ခံစားချက်တွေကို သရုပ်ဆောင်ထားတာပါ။

နာဗင်းက တစ်နှစ်အတွင်း ရိုက်ခဲ့တဲ့ ကြော်ငြာခြောက်ခုဆက်တိုက် အောင်မြင်ထားတဲ့ တက်သစ်စဒါရိုက်တာတစ်ယောက်ပါ။ တစ်နေ့ ပရိုဂျူဆာအိမ်က ပြန်လာရင်း အမှိုက်ကားနဲ့ တိုက်မိရာက လွန်ခဲ့တဲ့ ခြောက်နှစ်လောက်က ရိုက်ထားဟန်တူတဲ့ ဖလင်ဟောင်းတစ်ခုကို ကောက်ရခဲ့တယ်။ ဖလင်ထဲက မိန်းကလေးရဲ့ ရုပ်ရည်နဲ့ သရုပ်ဆောင်ပုံကို သဘောကျသွားပြီး သူ့ရဲ့ပွဲဦးထွက်ရုပ်ရှင်မှာ ခေါင်းဆောင်မင်းသမီးအဖြစ် တင်ရိုက်ဖို့ လိုက်ရှာပါတော့တယ်။ ရှာတွေ့တဲ့အခါမှာတော့ အဲဒီမိန်းကလေးဟာ ရုပ်ရှင်မရိုက်ဖူးရုံတင်မက ရုပ်ရှင်တစ်ခါမှ မကြည့်ဖူးတဲ့ မျက်စိဆရာဝန်တစ်ယောက် ဖြစ်နေတယ်။ သူကိုယ်တိုင်ရော မိသားစုကပါ ရုပ်ရှင်ဆိုတဲ့စကားကိုတောင် မကြားချင်လောက်အောင် ခါးခါးသီးသီး မုန်းနေကြပါတယ်။ နာဗင်းက သူ့ကို မင်းသမီးအဖြစ် ပါဝင်လာအောင် ဘယ်လိုစည်းရုံးမလဲ။ ရုပ်ရှင်ကို ဒီလောက်မုန်းပြီး မရိုက်ဖူးဘူးဆိုတဲ့သူက ဖလင်ဟောင်းထဲမှာ ဘာကြောင့် ပါနေတာလဲ။

ဗယ်လူက ကာဘာဒီအားကစားကို အရူးအမူးဝါသနာပါတဲ့ လူငယ်တစ်ယောက်ပါ။ ဒါပေမယ့် အဖေက မကြိုက်တာကြောင့် ကစားရင်လည်း ခိုးကစား၊ ပြိုင်ပွဲဝင်ရင်လည်း အိမ်ကလူတွေ မသိအောင် ဝင်နေရတယ်။ တစ်နေ့တော့ မာဒူရိုင်မြို့မှာ ကာဘာဒီပြိုင်ပွဲ ဝင်ဖို့ အိမ်ကိုလိမ်ပြီး ထွက်လာခဲ့ပါတယ်။ လမ်းမှာ မိန်းကလေးတစ်ယောက်ကို လူတစ်ယောက်က အတင်းဆွဲခေါ်နေတာ တွေ့လိုက်ရတော့ ဗယ်လူက ဝင်ကယ်လိုက်တယ်။ အဲဒီလူဟာ ငွေအင်အားကို အားကိုးပြီး ဆိုးချင်တိုင်းဆိုးနေသူဖြစ်သလို လမ်းပေါ်မှာတောင် လူကို ပေါ်ပေါ်ထင်ထင် သတ်ရဲတဲ့သူပါ။ မိန်းကလေးကိုလည်း အသေရရ အရှင်ရရ လိုချင်နေတယ်။ ဗယ်လူက ကယ်လာတဲ့မိန်းကလေးကို ကိုယ့်အိမ်မှာပဲ မိသားစုဝင်တစ်ယောက်မှ မသိအောင် နည်းအမျိုးမျိုးနဲ့ ဖွက်ထားရပါတယ်။ အိမ်ကလူတွေ မရိပ်မိအောင် ဘယ်လောက်ကြာကြာ ဖုံးထားနိုင်မလဲ၊ သူ့နောက်ကို လိုက်နေတဲ့ လူဆိုးတွေလက်ကနေ ဘယ်လိုကယ်တင်မလဲဆိုတာကို အချစ်၊ အလွမ်းနဲ့ အက်ရှင်တို့ ရောစပ်ထားတဲ့ ဗီဂျေးရဲ့ ၂၀၀၄ ခုနှစ်ထွက် ဇာတ်ကားပါ။

Days of Heaven ဟာ ဒါရိုက်တာ Terrence Malick ရဲ့ ဒုတိယမြောက်ရုပ်ရှင်ဖြစ်ပြီး ဒရာမာနဲ့ အချစ်ဇာတ်ကားအမျိုးအစားပါ။ ဇာတ်ကြောင်းပြောပုံနဲ့ ရုပ်ပုံအလှကို တွဲဖက်ပုံဖော်ထားပေမယ့် သူ့နောက်ပိုင်းလက်ရာတွေလို ဇာတ်ကြောင်းကို အပိုင်းပိုင်းခွဲပြီး တင်ပြထားတာမျိုးတော့ သိပ်မများသေးပါဘူး။ ရစ်ချက်ဂီရိ ပါဝင်သရုပ်ဆောင်ထားပြီး သူ့ရဲ့ငယ်ရွယ်စဉ် ရုပ်သွင်ကို တွေ့ရပါတယ်။ ဇာတ်ဝင်ခန်းအများစုကို Golden Hour၊ ရုပ်ရှင်ဓာတ်ပုံဆရာတွေ အခေါ်အရ Magic Hour လို့ခေါ်တဲ့ အချိန်တွေမှာ ရိုက်ကူးထားပါတယ်။ နေထွက်ပြီးစနဲ့ နေမဝင်ခင် သဘာဝအလင်းရောင် နူးညံ့နေတဲ့အချိန်တွေကို အသုံးပြုထားတာပါ။ ဒီရုပ်ရှင်ဟာ အော်စကာဆုပေးပွဲမှာ အကောင်းဆုံးရုပ်ရှင်ဓာတ်ပုံဆု ရရှိခဲ့သလို ၁၉၇၉ ခုနှစ် ကိန်းရုပ်ရှင်ပွဲတော်မှာလည်း အကောင်းဆုံးဒါရိုက်တာဆု ရရှိခဲ့ပါတယ်။ ဇာတ်အိမ်နဲ့ စကားပြောခန်းတွေထက် ရုပ်ပုံတွေကတစ်ဆင့် ခံစားမှုကို ပေးတဲ့ Malick ရဲ့ဟန်ကို ဒီကားမှာလည်း တွေ့ရပါတယ်။ Days of Heaven ဆိုတဲ့ နာမည်နဲ့ ဇာတ်လမ်းအခြေအနေက ဆန့်ကျင်နေပေမယ့် မြင်ကွင်းတွေကိုတော့ လှလှပပ ပုံဖော်ထားပါတယ်။

အီဟျွန်းဒယ်ဟာ ပန်းချီလောကထဲမှာ ပါမောက္ခဂင်ချွန်းဘယ်ရဲ့ လက်အောက်ကနေ လုပ်ကိုင်နေရသူပါ။ ကိုယ်ရေးကိုယ်တာအရ ချွန်းဘယ်ကို သိပ်သဘောမကျပေမယ့် အိမ်ထောင်ပြုတဲ့ကိစ္စကအစ သူ့သဘောအတိုင်း လိုက်လုပ်ခဲ့ရပါတယ်။ ဟျွန်းဒယ်က ပန်းချီဆရာအဖြစ် နာမည်မကြီးသေးပေမယ့် မိန်းမလိုက်စားတဲ့နေရာမှာတော့ နာမည်ထွက်နေတယ်။ ပန်းချီလောကထဲက ဘယ်လိုအမျိုးသမီးတွေနဲ့ သူဆက်ပတ်သက်မလဲ၊ သူဖြစ်ချင်တဲ့ နာမည်ကြီးပန်းချီဆရာတစ်ယောက် ဖြစ်လာနိုင်မလား၊ ချွန်းဘယ်ကိုရော အာခံနိုင်ပါ့မလားဆိုတဲ့ ဇာတ်ကြောင်းကို အရွယ်ရောက်သူများအတွက် အချစ်ဇာတ်ဝင်ခန်းတွေနဲ့ ရိုက်ပြထားပါတယ်။

မသေမျိုးနတ်ဘုရားတွေရဲ့ ရှေ့မှောက်မှာ ပန်းဘုရင်မ လုပ်ကြံခံရပြီး အဆိပ်မိလို့ သက်တော်ကုန်ဆုံးသွားပါတယ်။ အဲဒီအချိန်မှာ ခွန်းလွင်တောင်ထိပ်က ယွင်ယန်းသုကျောင်းတော်အကြောင်း သတင်းတစ်ခုလည်း ပျံ့နေတယ်။ ဒဏ္ဍာရီအရ အဲဒီနေရာမှာ ကိုယ့်ဆီက ပစ္စည်းတွေကို ပေါင်နှံပြီး အရာအားလုံးကို ပြန်လည်ရယူနိုင်တယ်လို့ ဆိုကြပါတယ်။ ပန်းဘုရင်မ သေဆုံးရတဲ့ အမှန်တရားကို ရှာဖို့ ပန်းနတ်သမီး ပိုင်မူတန်းက ယွင်ယန်းသုကျောင်းတော်ဆီ ခရီးထွက်လာပြီး လမ်းမှာ နတ်ဘုရားအရှင်တစ်ပါးနဲ့ တွေ့ဆုံခဲ့တယ်။ ဆောင်းရာသီမှာ ပန်းမျိုးတစ်ရာ ပွင့်ရမယ့်အချိန် ရောက်ပေမယ့် ပိုင်မူတန်းက ပန်းတွေကို မပွင့်စေချင်ခဲ့ပါဘူး။ ဒီအတွက် ကောင်းကင်ဘုံရဲ့ အပြစ်ပေးမှုကို ခံရပြီး သူနဲ့တွေ့ခဲ့တဲ့ နတ်ဘုရားအရှင်လည်း သားရဲတစ်ကောင်အဖြစ် ပြောင်းလဲခံခဲ့ရတယ်။ အဲဒီနတ်ဘုရားက ပိုင်မူတန်းကိုယ်ပေါ်က မိုးကြိုးတွေနဲ့ အပူတွေကို ငြိမ်အေးသွားစေခဲ့ပါတယ်။ နှစ်ယောက်သား အတူအမှန်တရားရှာရင်း ချစ်ခင်စုံမက်လာကြတယ်။ နောက်တော့ ယွင်ယန်းသုပိုင်ရှင်ဟာ ကိုယ်နဲ့တစ်ပုံစံတည်းတူတဲ့ မိန်းမပျိုတစ်ယောက်ဖြစ်နေကြောင်း ပိုင်မူတန်း သိသွားပါတယ်။ အဲဒီအမျိုးသမီးက သူချစ်တဲ့သူနဲ့ ဆက်စပ်နေမလား၊ ဒီအခြေအနေကြောင့် ဘာတွေရှုပ်ထွေးလာမလဲ။ ပန်းဘုရင်မကို လုပ်ကြံခဲ့သူကိုရော သူတို့ရှာတွေ့နိုင်ပါ့မလား။

ပါလာဗီဟာ မိသားစုကို အလွန်ချစ်တဲ့ အိမ်ထောင်ရှင်မတစ်ယောက်ဖြစ်ပေမယ့် သူ့အတိတ်က အမှန်တရားတစ်ခုကိုတော့ ဖုံးကွယ်ထားပါတယ်။ သူ့သားတေဂျာက အမေရိကန်မှာ အလုပ်လုပ်နေပြီး ချမ်းသာတဲ့မိသားစုက အီရှာဆိုတဲ့ မိန်းကလေးနဲ့ ချစ်ကြိုက်နေတယ်။ ဒီလိုနဲ့ အီရှာ့မိဘတွေက တေဂျာရဲ့မိသားစုနဲ့ တွေ့ဆုံဖို့ အကြောင်းဖန်လာပါတယ်။ အဲဒီအချိန်မှာပဲ ပါလာဗီနဲ့ပတ်သက်တဲ့ ကောလာဟလတွေ ပျံ့နှံ့သွားတော့ မိသားစုအတွက် ဘယ်လိုအခက်အခဲတွေ ပေါ်လာမလဲ၊ သူတို့ဘဝတွေ ဘယ်လိုပြောင်းလဲသွားမလဲဆိုတာ ဆက်ကြည့်ရမှာပါ။ LGBT တွေ လူမှုပတ်ဝန်းကျင်မှာ ကြုံရတဲ့ အခက်အခဲတွေ၊ ကိုယ်နေချင်သလို နေလို့မရဘဲ စိတ်ဆန္ဒတွေကို ဖိနှိပ်ထားရမှုနဲ့ မိသားစုအတွက် စွန့်လွှတ်ရမှုတွေကို ထည့်သွင်းထားတဲ့ မိသားစုဒရာမာဇာတ်ကား ဖြစ်ပါတယ်။

တိုမတ်စ်ဟာ ပညာမှာ ထူးချွန်တဲ့ အထူးကုဆရာဝန်တစ်ယောက်ဖြစ်ပေမယ့် အချစ်ရေးမှာတော့ မိန်းမပွေသူပါ။ ဆွဲဆောင်မှုရှိတဲ့ ပန်းချီဆရာမ ဆာဘီနာက ယောက်ျားတွေရဲ့ အာရုံစိုက်မှုကို အလွယ်တကူ ရနိုင်ပေမယ့် တိုမတ်စ်ကိုပဲ စွဲလမ်းနေမိပါတယ်။ တယ်ရီဇာကတော့ ဇနပုဒ်ကလာတဲ့ စာဖတ်ဝါသနာပါသူ ဓာတ်ပုံဆရာမလေးပါ။ အချစ်ကြီးပြီး နုံအတဲ့ သူ့အတွက် တိုမတ်စ်လိုလူမျိုးတောင် အမြဲပူပန်နေရတယ်။ အချစ်၊ ရာဂ၊ ယုံကြည်မှုနဲ့ သစ္စာရှိမှုတို့အကြား ဒီသုံးယောက်ရဲ့ ခံစားချက်တွေ ရောထွေးနေပါတယ်။ နိုင်ငံရေးနဲ့ လူမှုရေးအခြေအနေတွေကြားမှာ တိုမတ်စ်က ဘယ်သူ့ကို ရွေးချယ်မလဲ။ သူ့ကြောင့် ဆာဘီနာနဲ့ တယ်ရီဇာတို့ကြားမှာ ဘာတွေ ဆက်ဖြစ်လာမလဲ၊ သူတို့အတွက် ပျော်ရွှင်တဲ့ဘဝမျိုး ရနိုင်ပါ့မလားဆိုတဲ့ မေးခွန်းတွေကို ဆက်ထားတဲ့ အချစ်ဒရာမာဇာတ်ကားပါ။

ကောင်လေးတစ်ယောက်ဟာ ကျောင်းစရိတ်မလောက်လို့ ပညာဆက်သင်ဖို့ အခက်တွေ့နေပါတယ်။ သူ့မိသားစုရဲ့ လယ်တောအိမ်ကို ရောင်းဖို့ ဇာတိကို ပြန်တဲ့အခါ ချစ်သူကောင်မလေးလည်း အတူလိုက်လာတယ်။ ဒါပေမဲ့ အဲဒီမှာ ကောင်လေးရဲ့ ငယ်ချစ်ဦး ပြန်ပေါ်လာပြီး သူတို့ကြားမှာ အချစ်ရေးအရှုပ်အထွေးတွေ ဖြစ်လာပါတယ်။ Bella Thorne ပါဝင်ထားတဲ့ Game of Love ကို Time Is Up 2 လို့လည်း ခေါ်ပါတယ်။ အချစ်ဒရာမာဇာတ်ကားဖြစ်ပြီး အီတလီနိုင်ငံ စစ္စလီလို နေရာတွေမှာ ရိုက်ကူးထားတဲ့ ရှုခင်းတွေ ပါဝင်ပါတယ်။ အရွယ်ရောက်သူတွေအတွက် ရည်ရွယ်တဲ့ အခန်းတွေလည်း ပါတာကြောင့် မိသားစုအတူကြည့်ဖို့တော့ မသင့်တော်ပါဘူး။

ကတ်ထရီးနား၊ ကိတ်လို့လည်း ခေါ်ကြတဲ့ မိန်းကလေးဟာ အမေနဲ့ရော အစ်မနဲ့ပါ အဆင်မပြေတဲ့ ဂျစ်ကန်ကန်မိန်းကလေးတစ်ယောက်ပါ။ အရက်တွေ၊ ယောက်ျားတွေနဲ့ပဲ ဘဝကို ဖြစ်သလို ဖြတ်သန်းနေတယ်။ တစ်နေ့မှာတော့ ထူးဆန်းပေမယ့် လူတွေကို ကူညီတတ်တဲ့ တွမ်ဆိုတဲ့ ကောင်လေးနဲ့ စတွေ့မိပါတယ်။ Last Christmas သီချင်းကို အဓိကအခြေခံပြီး ဇာတ်အိမ်တည်ထားတဲ့ အချစ်ဇာတ်ကားဖြစ်ပြီး အမ်မလီယာကလာ့ခ် ပါဝင်သရုပ်ဆောင်ထားပါတယ်။ မစ်ချဲယိုကလည်း ဇာတ်ပို့အဖြစ် ပါဝင်ထားပြီး နောက်ခံသီချင်းတွေနဲ့အတူ ပျော်ရွှင်စရာအခိုက်အတန့်တွေနဲ့ မထင်မှတ်ထားတဲ့ အလှည့်အပြောင်းတွေကို ထည့်သွင်းထားပါတယ်။

စတုန်းမိသားစုမှာ သားသုံးယောက်၊ သမီးနှစ်ယောက်ရှိပြီး ခရစ္စမတ်ရောက်တိုင်း မိသားစုဝင်တွေ စုံစုံညီညီ ဆုံနေကျပါ။ ဒီနှစ်မှာတော့ အားလုံးရဲ့အချစ်တော် သားကြီးအဲဗရက်က ချွေးမလောင်း မဲရယ်ဒစ်ကို မိသားစုနဲ့ မိတ်ဆက်ပေးဖို့ ခေါ်လာပါတယ်။ မဲရယ်ဒစ်က အနေအထိုင်သိမ်မွေ့ပြီး စည်းကမ်းတင်းကျပ်သူဖြစ်ပေမယ့် စတုန်းမိသားစုကတော့ ပွင့်ပွင့်လင်းလင်းနဲ့ ပျော်ပျော်နေတတ်ကြသူတွေပါ။ နေထိုင်ပုံချင်း ကွာခြားတာကြောင့် ပြဿနာတွေစဖြစ်လာပြီး မဲရယ်ဒစ်လည်း ဒီမိသားစုကြားမှာ အနေခက်လာတယ်။ သူမကို အဲဗရက်အနားကနေ ခွာသွားအောင် မသိမသာတစ်မျိုး၊ သိသိသာသာတစ်မျိုး ကြိုးစားနေကြတာတွေကိုလည်း ရင်ဆိုင်ရပါတယ်။ မဲရယ်ဒစ်ဟာ ဒီမိသားစုထဲ ဝင်ဆံ့နိုင်ပါ့မလား၊ သူ့ကို တွန်းထုတ်နေကြတာတွေကို တောင့်ခံနိုင်ပါ့မလား။ ပျော်ရွှင်စရာ ခရစ္စမတ်အချိန်မှာ သူမအတွက်ရော ပျော်ရွှင်မှုအစစ် ရှိလာနိုင်မလား။

ကိတ်ထ်က နယ်မြို့လေးတစ်မြို့မှာ စာအုပ်ဆိုင်ဖွင့်ထားပြီး အေးအေးဆေးဆေး နေတတ်တဲ့ မိန်းကလေးတစ်ယောက်ပါ။ ဆွေမျိုးရယ်လို့ မိခင်တီနာတစ်ယောက်ပဲ ရှိပြီး ရုပ်ရည်ရော အရည်အချင်းပါ ပြည့်စုံပေမယ့် ချစ်သူမရှိဘဲ နေနေသူဖြစ်ပါတယ်။ ဆမ်ကတော့ ပန်းချီပညာမှာ ပါရမီရှိပေမယ့် ဖခင်ရဲ့ကျန်းမာရေး တစ်နေ့တခြား ဆိုးလာတာကြောင့် ကိုယ့်အိပ်မက်တွေကို စွန့်လွှတ်ပြီး ဖခင်ရှိရာ ဒီမြို့လေးကို ရောက်လာခဲ့သူပါ။ ဆမ်ဟာ ချောကလက်စက်ရုံမှာ ရရာအလုပ်လုပ်ရင်း ဂွကျတဲ့ဖခင်ကို စောင့်ရှောက်နေတယ်။ တစ်နေ့ စာအုပ်ဆိုင်ထဲက ကိတ်ထ်ကို မြင်လိုက်တဲ့အခါ မြင်မြင်ချင်း သဘောကျသွားပါတယ်။ အောင်မြင်မှုနဲ့ ဂုဏ်ဒြပ်တွေ မရှိသေးတဲ့ ဆမ်က ကိတ်ထ်ရဲ့အချစ်ကိုရဖို့ ဘယ်လိုကြိုးစားမလဲ၊ သူတို့ကြားမှာ ဘယ်လိုအခက်အခဲတွေ ရှိလာမလဲဆိုတာကို ပြထားတဲ့ အချစ်ဟာသဒရာမာပါ။ ဝါရင့်သရုပ်ဆောင်တွေဖြစ်တဲ့ Dustin Hoffman နဲ့ Sissy Spacek တို့လည်း ဇာတ်ပို့အဖြစ် ပါဝင်ထားပါတယ်။ ဆမ်အဖြစ် သရုပ်ဆောင်သူက Dustin Hoffman ရဲ့ သားအရင်းဖြစ်လို့ သူတို့နှစ်ယောက်ဟာ အပြင်မှာရော ဇာတ်ကားထဲမှာပါ သားအဖအဖြစ် တွဲမြင်ရမှာပါ။

ကွန်ပျူတာသိပ္ပံမေဂျာက ချူဆန်းဝူဟာ ဖြောင့်မတ်ပေမယ့် အေးတိအေးစက်နေတတ်တဲ့ ကျောင်းသားတစ်ယောက်ပါ။ ကျောင်းမှာ အဖွဲ့လိုက်တင်ပြရမယ့် အလုပ်တစ်ခုကို သူတစ်ယောက်တည်း ဒိုင်ခံလုပ်ခဲ့ရတဲ့အခါ တခြားအဖွဲ့ဝင်တွေရဲ့ နာမည်ကို လူသိရှင်ကြားဖျက်ပြီး သူ့နာမည်တစ်ခုပဲ ထည့်တင်လိုက်ပါတယ်။ ဒါပေမဲ့ အဲဒီလုပ်ရပ်ကြောင့် စီနီယာကျောင်းသား ဂျန်ဂျယ်ယောင်းရဲ့ ပညာရေးအစီအစဉ်တွေ ကမောက်ကမဖြစ်သွားတာကိုတော့ ဆန်းဝူ မသိလိုက်ပါဘူး။ ဒီဇိုင်းမေဂျာက ဂျန်ဂျယ်ယောင်းဟာ လူချစ်လူခင်ပေါများပြီး ဆန်းဝူနဲ့ စရိုက်ချင်း ဆန့်ကျင်ဘက်ဖြစ်နေသူပါ။ နိုင်ငံခြားပညာတော်သင်သွားဖို့ စီစဉ်ထားတာ ပျက်သွားတဲ့အတွက် ပြဿနာရှင်းဖို့ ဆန်းဝူကို မရမက လိုက်ရှာတော့တယ်။ ဒီလိုနဲ့ သူတို့နှစ်ယောက် အတူတွဲလုပ်ဖို့ အကြောင်းဖန်လာတဲ့အခါ အစအနောက်သန်တဲ့ ဂျယ်ယောင်းနဲ့ အေးစက်စက် ဆန်းဝူတို့ကြားမှာ ထူးခြားတဲ့ သံယောဇဉ်တစ်ခု စဖြစ်လာပါတယ်။ ဒီရုပ်ရှင်က Semantic Error စီးရီးအပြီးမှာ ထပ်မံထွက်ရှိလာတဲ့ ဇာတ်ကားပါ။

Carmen က ကိုယ်ပိုင်မုန့်ဆိုင်လေးတစ်ဆိုင် ဖွင့်ချင်တဲ့ ပေါ်တိုရီကိုလူမျိုး မုန့်စားဖိုမှူးတစ်ယောက်ပါ။ သူအလုပ်လုပ်တဲ့ဆိုင်ကို လာနေကျဖောက်သည်တွေက ခရစ္စမတ်နေ့ ရန်ပုံငွေပွဲတစ်ခုအတွက် စားဖိုမှူးရွေးချယ်ပွဲမှာ ဝင်ပြိုင်ဖို့ ဖိတ်ခေါ်လာကြတယ်။ မုန့်လုပ်နည်းတွေကို မိသားစုဆီကပဲ သင်ခဲ့ပြီး တခြားစားဖိုမှူးတွေလို ဟင်းချက်ကျောင်းမတက်ဖူးတဲ့ Carmen ကတော့ စိတ်လှုပ်ရှားပြီး ဝင်ပြိုင်ဖို့ မဝံ့မရဲဖြစ်နေပါတယ်။ မိသားစုရဲ့ တိုက်တွန်းမှုနဲ့ ဝင်ပြိုင်ဖြစ်ပြီး အရွေးခံရတဲ့နောက် သူက Jax ဆိုတဲ့ စားဖိုမှူးတစ်ယောက်နဲ့ တွဲလုပ်ရတော့တယ်။ Jax က တိကျသေသပ်ပြီး စနစ်တကျလုပ်တတ်တဲ့ စားဖိုမှူးချုပ်ဖြစ်ပေမယ့် Carmen ကတော့ ကြိုတင်စီစဉ်ထားတာထက် ကိုယ့်ခံစားချက်အတိုင်း ချက်တတ်သူပါ။ လုပ်ပုံကိုင်ပုံ မတူတဲ့သူတို့နှစ်ယောက်အတွက် အစပိုင်းမှာ ညှိရတာ မလွယ်ပါဘူး။ ရန်ပုံငွေပွဲအတွက် မီနူးတစ်ခု အောင်အောင်မြင်မြင် ပြင်ဆင်ပေးနိုင်ဖို့ တစ်ယောက်အကြောင်းတစ်ယောက် နားလည်အောင် ကြိုးစားကြရတယ်။ သူတို့နှစ်ယောက်ရဲ့ အချစ်ဇာတ်လမ်းနဲ့အတူ ပေါ်တိုရီကိုအစားအသောက်တွေနဲ့ ရိုးရာခရစ္စမတ်ဆင်နွှဲပုံတွေကိုလည်း တွေ့ရမှာပါ။ ဇာတ်ကားနာမည်ထဲက Navidad ဆိုတာကတော့ စပိန်ဘာသာစကားနဲ့ ခရစ္စမတ်လို့ အဓိပ္ပာယ်ရပါတယ်။

ဂျင်မ် ဆန်ဒါစ်ဟာ ဂီတကို စိတ်ဝင်စားပြီး ကောင်ရှုပ်သူငယ်ချင်းတွေနဲ့ အချိန်ဖြုန်းလေ့ရှိတဲ့ လူငယ်တစ်ယောက်ပါ။ သူ့မှာ ပက်တီဆိုတဲ့ ချစ်သူရှိပြီး နှစ်ဖက်မိဘတွေကလည်း သဘောတူကြတာကြောင့် စေ့စပ်ပွဲ လုပ်ပေးကြတယ်။ စေ့စပ်ပွဲညမှာ သူငယ်ချင်းတွေက ဂျင်မ်ကို စနောက်ခေါ်ဆောင်လာပြီး သူ့အိမ်မှာပဲ ပါတီလုပ်ကြပါတယ်။ နောက်နေ့မနက် ဂျင်မ်တစ်ယောက်တည်း ရှိနေချိန်မှာတော့ ရေကူးကန်ထဲမှာ အတောင်ပံကျိုးနေတဲ့ နတ်သမီးတစ်ပါးကို တွေ့လိုက်ရတယ်။ ဂျင်မ်က နတ်သမီးရဲ့ အတောင်ပံ ပြန်ကောင်းလာအောင် ကုသစောင့်ရှောက်ပေးပါတယ်။ တစ်ဖက်မှာလည်း နတ်သမီးကို အသုံးချပြီး အမြတ်ထုတ်ချင်သူတွေရှိနေတာကြောင့် သူတို့ရန်ကနေ ကာကွယ်ပေးရပြန်တယ်။ သာမန်လူငယ်တစ်ယောက်ရဲ့ဘဝထဲ နတ်သမီးတစ်ပါး ရောက်လာရာက ဖြစ်ပေါ်လာတဲ့ စိတ်ကူးယဉ်အချစ်ဟာသဇာတ်လမ်းပါ။

ဆင်းရဲသားရပ်ကွက်မှာ ကြီးပြင်းလာတဲ့ အသက် ၁၈ နှစ်အရွယ် လူငယ်တစ်ယောက်ဟာ Who Wants to Be a Millionaire အစီအစဉ်မှာ ဝင်ပြိုင်နေပါတယ်။ ပညာတတ်တစ်ယောက် မဟုတ်ပေမယ့် မေးခွန်းတွေကို ဆက်တိုက်ဖြေနိုင်နေတာကြောင့် မသမာတဲ့နည်းလမ်း သုံးထားသလားဆိုပြီး သံသယဝင်ခံရတယ်။ နောက်ဆုံးမေးခွန်းဆီ မရောက်ခင်မှာပဲ ရဲစခန်းကို ဖမ်းခေါ်ပြီး စစ်မေးခံနေရတဲ့နေရာက ဇာတ်လမ်းစပါတယ်။ သူ ဒီပြိုင်ပွဲကို ရောက်လာရတဲ့အကြောင်းက ငယ်ငယ်က ဆုံဖူးပြီး သံယောဇဉ်ရှိခဲ့တဲ့ မိန်းကလေးတစ်ယောက်နဲ့ ဆက်နွှယ်နေတယ်။ သူဟာ အဲဒီမိန်းကလေးကို တောက်လျှောက် လိုက်ရှာနေခဲ့သူပါ။ မိန်းကလေးကြိုက်တဲ့ တီဗီအစီအစဉ်မှာ ဝင်ပြိုင်ရင် ပြန်ဆုံခွင့်များ ရနိုင်မလားဆိုတဲ့ မျှော်လင့်ချက်နဲ့ ဝင်လာခဲ့တာ ဖြစ်ပါတယ်။ ပြိုင်ပွဲမှာ မေးလာသမျှကလည်း သူ့ဘဝမှာ ကြုံခဲ့ရတဲ့ အဖြစ်အပျက်တွေနဲ့ ဆက်စပ်နေတယ်။ အရွယ်နဲ့မလိုက်အောင် ခံခဲ့ရတဲ့ ဘဝအထုအထောင်းတွေကနေ အဲဒီအဖြေတွေကို သိထားခဲ့တာပါ။ စစ်မေးခံနေရတဲ့ လူငယ်ရဲ့အကြောင်းနဲ့အတူ ညီအစ်ကိုနှစ်ယောက် ဖြတ်သန်းခဲ့ရတဲ့ ငယ်ဘဝခရီးကြမ်း၊ အိန္ဒိယရဲ့ အောက်ခြေလူနေမှုဘဝက အကျည်းတန်တဲ့ အဖြစ်အပျက်တွေကို ပြန်မြင်ရပါတယ်။ အဓိကဇာတ်ကောင်တွေရဲ့ အသက်အရွယ်ကို သုံးပိုင်းခွဲပြီး သရုပ်ဆောင် သုံးယောက်စီနဲ့ တင်ဆက်ထားပါတယ်။ အိန္ဒိယစာရေးဆရာရဲ့ ဝတ္ထုကို အခြေခံပြီး အိန္ဒိယသရုပ်ဆောင်တွေနဲ့ ရိုက်ကူးထားပေမယ့် ဗြိတိန်ရုပ်ရှင်ဖြစ်ပါတယ်။ ကုန်ကျစရိတ် ၁၅ သန်းနဲ့ ရိုက်ကူးခဲ့ပြီး ရုံဝင်င

ရီရှီနဲ့ ရာဒါတို့ဟာ တစ်ရက်တည်း၊ တစ်ချိန်တည်းမှာ မွေးလာကြတဲ့ ကောင်လေးနဲ့ ကောင်မလေးပါ။ သူတို့အဖေတွေကလည်း ငယ်ပေါင်းကြီးဖော် သူငယ်ချင်းရင်းတွေဆိုတော့ နှစ်ယောက်သား ငယ်ငယ်ကတည်းက တပူးပူးတတွဲတွဲ ကြီးပြင်းလာခဲ့ကြတယ်။ အတူနေခဲ့ရင်း သူငယ်ချင်းသံယောဇဉ်ထက် ပိုလာပြီး တစ်ယောက်ကိုတစ်ယောက် ချစ်နေကြပါတယ်။ အလယ်တန်းကျောင်းသားဘဝမှာတော့ ကိစ္စတစ်ခုကြောင့် တစ်ယောက်ပါးတစ်ယောက် ရိုက်မိကြရာက အခေါ်အပြော ပြတ်သွားကြတယ်။ တစ်ဖက်လူက အရင်မခေါ်ရင် ကိုယ်ကလည်း မခေါ်ဘူးဆိုတဲ့ မာနနဲ့ နေလာလိုက်ကြတာ ကောလိပ်တက်တဲ့အရွယ်အထိပါပဲ။ ရင်ထဲမှာတော့ ချစ်နေကြသေးသလို တစ်ယောက်ကိုတစ်ယောက် ဂရုလည်း စိုက်နေကြဆဲပါ။ ဒီနှစ်ယောက်ရဲ့ မာနတွေကို ဘာက ပြိုကွဲစေမလဲ၊ ဘယ်သူက အရင်ဆုံး စကားစပြောမလဲဆိုတာကို မိသားစုဘဝထဲက ဟာသအဖြစ်အပျက်တွေနဲ့အတူ ဆက်ပြထားတဲ့ အချစ်ဇာတ်လမ်းပါ။

Na Bora ရဲ့ သူငယ်ချင်းက နှလုံးရောဂါရှိလို့ အမေရိကန်မှာ ခွဲစိတ်ကုသမှု ခံယူဖို့ လိုနေပါတယ်။ ဒါပေမယ့် ကြိတ်ကြိုက်ရတဲ့ ကောင်လေးတစ်ယောက်ကို တွေ့သွားတဲ့အခါ ခွဲစိတ်ဖို့ မသွားချင်တော့ဘဲ ပေကပ်နေတယ်။ တိုက်တိုက်ဆိုင်ဆိုင် အဲဒီကောင်လေးကလည်း သူတို့နှစ်ယောက်နဲ့ တစ်ကျောင်းတည်း၊ အတန်းတူ ဖြစ်နေပါတယ်။ သူငယ်ချင်း ခွဲစိတ်ကုသမှု ခံယူဖြစ်ဖို့အတွက် Na Bora က အကြံထုတ်ရတော့တယ်။ ၁၉၉၉ ခုနှစ်မှာ အီးမေးလ်အကောင့်ဖွင့်ရတာ မလွယ်ပေမယ့် သူငယ်ချင်းအတွက် ခက်ခက်ခဲခဲ ဖွင့်ပေးပြီး ကတိတစ်ခုလည်း ပေးလိုက်ပါတယ်။ အဲဒီနောက် အလွဲမျိုးစုံ ဆက်ဖြစ်လာတဲ့ လူငယ်အချစ်ဒရာမာမှာ Kim Yoo Jung နဲ့ Han Hyo Joo တို့ ပါဝင်သရုပ်ဆောင်ထားပါတယ်။

ခရစ်ရှနားဟာ ရှေးရိုးစွဲမိသားစုက ကြီးပြင်းလာပြီး မိန်းကလေးတွေနဲ့ နီးနီးကပ်ကပ် မနေဖူးတဲ့ ကောင်လေးတစ်ယောက်ပါ။ ရွာမှာ သူ့အမေက ဩဇာကြီးလွန်းတာကြောင့် မိန်းကလေးတွေက သူ့ကိုတောင် စေ့စေ့မကြည့်ရဲကြဘူး။ ဗရင်ဒါးကတော့ ခေတ်မီတဲ့ မိသားစုက မြို့သူတစ်ယောက်ဖြစ်ပြီး ကိုယ့်ဘဝကို လွတ်လွတ်လပ်လပ် ဖြတ်သန်းချင်သူပါ။ ခရစ်ရှနားက ဗရင်ဒါးကို ချစ်မိသွားတဲ့အခါ ကြီးပြင်းလာပုံနဲ့ နေထိုင်ပုံ မတူတဲ့ သူတို့နှစ်ယောက် အဆင်ပြေနိုင်ပါ့မလားဆိုတဲ့ မေးခွန်း ပေါ်လာပါတယ်။ မိသားစုနှစ်ဖက်ကရော အဆင်ပြေကြပါ့မလား။ ဘဝမှာ ကြုံရမယ့် အခက်အခဲတွေကြား သူတို့နှစ်ယောက် စိတ်တူကိုယ်တူ လက်တွဲနိုင်မလားဆိုတာကို အချစ်၊ အိမ်ထောင်ရေးနဲ့ မိသားစုအကြောင်းတွေ တွဲပြီး ပြထားပါတယ်။ ဒီရိုမန့်ဒရာမာမှာ ၂၀၁၈ ခုနှစ်ထွက် Chalo မှာ ရက်ရှမီးကားမန်ဒါနားနဲ့ တွဲသရုပ်ဆောင်ခဲ့တဲ့ တေလဂူမင်းသား နာဂရှော်ရီယား ပါဝင်ထားပါတယ်။

ယခင်က DVD 720p အရည်အသွေးသာရှိခဲ့ပေမယ့် ယခုအခါ Netflix WEB-DL 1080p Quality ထွက်ရှိလာလို့ Update လိုက်ပါပြီ။ “Crazy Little Thing Called Love” (သို့မဟုတ်) A Little Thing Called Love (သို့မဟုတ်) First Love မင်းသားချော မာရီယိုနဲ့ မင်းသမီးချော Baifern တို့ရဲ့ နာမည်ကြီးဇာတ်ကားပါ။ ဆယ်ကျော်သက်အရွယ်မှာ ပထမဆုံးအချစ်ဆိုတာ ကျော်ဖတ်သွားလို့ မဖြစ်နိုင်တဲ့ ညှို့အားအပြည့်နဲ့ ဒိုင်ယာရီလေး တစ်အုပ်ပါပဲ... အချစ်တစ်ခုကို အလှဆုံးချရေးပြီး ဘဝတလျှောက်မှာ ဘယ်အချိန်ပြန်ဖတ်ဖတ် လှတယ် အချစ်ရဲ့စွမ်းအားကိုကောင်းတဲ့နေရာတွေမှာ အကျိုးရှိရှိအသုံးချရင်း ဘဝကိုအလှပဆုံးဖန်တီးသွားနိုင်သလို တစ်ခါပြန်မရနိုင်တဲ့အကောင်းဆုံးအမှတ်တရလေးတွေလဲရောက်လာအောင်ဖန်တီးပေးနိုင်ပါတယ် လူတစ်ယောက်ကို ထုတ်မပြောပဲအဝေးကနေငေးပြီး တိတ်တိတ်လေးရော ချစ်ဖူးလား??? အချစ်ဆိုတာ စည်းချက်တစ်ခုလိုပဲ ကိုယ်ပေးချင်တဲ့အချိန်သူကလိုချင်တဲ့အချိန်ဖြစ်မှ သူလိုချင်တဲ့အချိန်ကိုယ်က ပေးနိုင်ခဲ့မှ လွဲချော်သွားခဲ့ရင် အရာရာဟာ ရင်နာစရာပါပဲ... ဒါကြောင့် ဖွင့်ပြောလိုက်ပါ။အစွမ်းကုန်ချစ်ကြည့်လိုက်ပါ။ နူးညံ့တဲ့ ခံစားမှုလေးတစ်ခုဟာလူတစ်ယောက်ကို အရာရာဖန်တီးပေးနိုင်တယ် ဆယ်ကျော်သက်အရွယ်မှာ ပထမဆုံးအချစ်ဆိုတာ မိုးတိတ်တဲ့အခါ ကောင်းကင်မှာ ပေါ်လာတဲ့ သက်တန့်လေးလိုပါပဲ... ရင်ထဲမှာမှိုင်းညှို့ပြီး ဝုန်းဒိုင်းကြဲခံစားချက်တွေ သူ့အပေါ်မရဲတရဲရွာသွန်းခဲ့ရပေမယ့် သူလဲကိုယ့်လို ကိုယ်နဲ့ထပ်

မလေးရှားမှာ အလုပ်လာလုပ်တဲ့ ဘင်္ဂလားဒေ့ရှ် ရွှေ့ပြောင်းလုပ်သားလေးတစ်ယောက်ဟာ တစ်ညမှာ လူဆိုးတွေရဲ့ ရိုက်နှက်မှုကို ခံထားရပြီး လမ်းပေါ်လဲနေတဲ့ လူတစ်ယောက်ကို တွေ့ပါတယ်။ သူနေတဲ့ ဆောက်လက်စတိုက်ဆီ ခေါ်သွားပြီး ပြုစုပေးခဲ့ရာက အဲဒီလူ နာလန်ပြန်ထလာတယ်။ နောက်တော့ နာလန်ထလာသူဟာ စားပွဲထိုးမလေးတစ်ယောက်ကို ချစ်မိသွားပါတယ်။ မူရင်းအညွှန်းက ပူအိုက်တဲ့ ရာသီဥတုမှာ မွေ့ယာဟောင်းတစ်ခုကို သူစိမ်းတွေနဲ့ မျှသုံးရရင် ဘယ်လိုနေမလဲဆိုတဲ့ မေးခွန်းနဲ့ စထားတယ်။ အတူရှိနေသူက ကိုယ်ချစ်ရသူဆိုရင်ရော၊ သူချစ်တဲ့သူပါ ပါလာရင်ရော ဘယ်လိုခံစားရမလဲဆိုပြီး အထီးကျန်မှုနဲ့ ချစ်ခြင်းမေတ္တာအကြောင်း ဆက်မေးထားပါတယ်။ Tsai Ming-liang က ဒီခံစားမှုတွေကို စကားပြောခန်းနည်းနည်း၊ အဝေးကနေ ရိုက်ထားတဲ့ မြင်ကွင်းများများနဲ့ ဖြည်းဖြည်းချင်း ပြထားတာပါ။ ဇာတ်လမ်းမြန်မြန် ရွေ့သွားတာမျိုးထက် ခံစားမှုကို အချိန်ယူဖော်ပြတဲ့ ရုပ်ရှင်ဖြစ်လို့ ဒီလိုနှေးကွေးတဲ့ ရုပ်ရှင်ဟန်နဲ့ မရင်းနှီးသူတွေအတွက် စိတ်ရှည်ဖို့ လိုနိုင်ပါတယ်။ အဓိကဇာတ်ကောင်နေရာမှာ လီကန်ရှန်း သရုပ်ဆောင်ထားပြီး ဒီကားထဲက နောက်ထပ်ဇာတ်ကောင်တစ်နေရာမှာလည်း သူပဲ ပါဝင်ထားပါတယ်။

၂၀၁၂ ခုနှစ်ထွက် အချစ်ဟာသဒရာမာ Liberal Arts မှာ Josh Radnor နဲ့ Elizabeth Olsen တို့ ပါဝင်ထားပါတယ်။ Josh Radnor သရုပ်ဆောင်ထားတဲ့ ဂျက်ဆီက ကျောင်းဝင်ခွင့်အရာရှိတစ်ယောက်ဖြစ်ပြီး အိမ်ထောင်ကွဲခါစမှာ အသည်းကွဲနေသူပါ။ ကျောင်းသားဘဝတုန်းက ဆရာဖြစ်ခဲ့တဲ့ ပီတာရဲ့ အငြိမ်းစားယူပွဲကို တက်ဖို့ ကောလိပ်တက်ခဲ့ရာဒေသဆီ ခဏပြန်လာရင်း ကျောင်းသူ ဇစ်ဘီနဲ့ ဆုံဖြစ်ကြတယ်။ ဇစ်ဘီကလည်း ကောလိပ်မှာ တွဲလိုက်ပြတ်လိုက် ဖြစ်နေကြတဲ့ အချစ်ရေးမျိုးနဲ့ အသားမကျသူပါ။ အိမ်ထောင်ရေးတစ်ခု ပြိုကွဲထားတဲ့ ဂျက်ဆီနဲ့ ဇစ်ဘီတို့ဟာ အသက် ၁၈ နှစ် ကွာပေမယ့် အချိန်တိုအတွင်း ရင်းနှီးလာကြပါတယ်။ အချစ်နဲ့ ဘဝအပေါ် အတွေးတွေကို ထည့်သွင်းထားတဲ့ ဒီဇာတ်လမ်းမှာ သူတို့ဟာ ခဏတာပဲ ဆုံတွေ့ကြမယ့်သူတွေလား၊ ဘဝလက်တွဲဖော်တွေ ဖြစ်လာကြမလားဆိုတာ ဆက်ကြည့်ရမှာပါ။

အေမီနဲ့ ဂျော်ဒန်တို့ ချစ်သူနှစ်ယောက်ကြားကို ဇာဗီယာလို့ခေါ်တဲ့ ရူးရူးမိုက်မိုက် လူငယ်တစ်ယောက် ဝင်လာရာက ဇာတ်လမ်းစပါတယ်။ သူတို့သုံးယောက် ဆုံတဲ့ညမှာပဲ လူသတ်မှုတစ်ခု ကျူးလွန်မိသွားကြတယ်။ အဲဒီညနောက်ပိုင်း ဘာတွေဆက်ဖြစ်လာမလဲဆိုတာကို လူငယ်သုံးယောက်ရဲ့ အချစ်ရမ္မက်နဲ့ မိုက်မဲတဲ့လုပ်ရပ်တွေကြားကနေ ဆက်ပြထားပါတယ်။ အရွယ်ရောက်ပြီးသူတွေအတွက် ရိုက်ကူးထားတဲ့ ရာဇဝတ်မှုဒရာမာပါ။

ဆီဘက်ရှန်နဲ့ ကတ်သရင်းတို့က သွေးမတော်တဲ့ မောင်နှမတွေဖြစ်ပေမယ့် နှစ်ယောက်ကြားမှာ ဆွဲဆောင်မှုတွေ ရှိနေကြပါတယ်။ နှစ်ယောက်လုံး အချစ်ရေးရှုပ်ထွေးသူတွေဖြစ်ပြီး ဆီဘက်ရှန်က ကတ်သရင်းကို လိုချင်နေတာပါ။ ကတ်သရင်းကလည်း ဒါကိုသိလို့ သူ့ကို မထိတထိ ဆွဲဆောင်ကျီစယ်နေတတ်တယ်။ တစ်နေ့မှာတော့ ကတ်သရင်းက ဆီဘက်ရှန်နဲ့ အလောင်းအစားတစ်ခု လုပ်ပါတယ်။ နွေရာသီမကုန်ခင် သူတို့ကျောင်းအုပ်ရဲ့ သမီးဖြစ်တဲ့ ရိုးသားဖြူစင်တဲ့ မိန်းကလေးကို ဆွဲဆောင်ပြီး အတူအိပ်နိုင်ရမယ်။ အောင်မြင်ရင် ကတ်သရင်းနဲ့ အတူအိပ်ခွင့်ရမှာဖြစ်ပြီး ရှုံးသွားရင်တော့ ဆီဘက်ရှန်ရဲ့ အမြတ်နိုးဆုံးပိုင်ဆိုင်မှုကို ကတ်သရင်းက ယူမှာပါ။ ဒီမက်လုံးနဲ့ ဆီဘက်ရှန်က ကောင်မလေးကို ချဉ်းကပ်လာတယ်။ ကောင်မလေးက သူ့ကို လက်ခံပါ့မလား၊ ကတ်သရင်းနဲ့ လုပ်ထားတဲ့ အလောင်းအစားကရော ဘယ်လိုဖြစ်သွားမလဲ။ ၁၇၈၂ ခုနှစ်က ထုတ်ဝေခဲ့တဲ့ စာပေလက်ရာကို အခြေခံရိုက်ကူးထားပြီး အစပိုင်းမှာ ဘတ်ဂျက်နည်းတဲ့ ရုပ်ရှင်အဖြစ် ရည်ရွယ်ခဲ့ပေမယ့် ရုံဝင်ငွေအောင်မြင်မှု ရခဲ့သလို Cult Classic အဖြစ်လည်း သတ်မှတ်ခံခဲ့ရပါတယ်။