ရုပ်ရှင်အသစ်များ

Neeli Megha Shyama (2024) "သူနဲ့တွေ့မှ" အသစ်ထွက်ရှိလာတဲ့ တေလဂူးစကားပြော အချစ်ဟာသကားလေးကို တင်ဆက်ပေးလိုက်ပါတယ် ဇာတ်လမ်းအကျဉ်းကိုပြောရရင် ရှမ်ဆိုတဲ့ သူဌေးသားဟာ ဆိုရှယ်မီဒီယာဖော်လိုဝါများဖိုနဲ့ အရက်ဆိုင်ထိုင်ဖိုကလွဲရင် ဘဝမှာ ရည်မှန်းချက်ထွေထွေထူးထူးမရှိတဲ့သူပါ သူ့အဖေ ကြိမ်းမောင်းတာလည်း မကြာခဏခံရပြီး တစ်ရက်မှာတော့ မာနာလီဆိုတဲ့ တောင်ပေါ်ဒေသမှာ ခြေကျင်တောင်တက်ခရီးသွားဖို စိတ်ကူးပေါက်လာပါတယါ သူ့ရည်မှန်းချက်ကတော့ ဉာဏ်အလင်းကို ရှာဖွေဖိုပါပဲ ဒီကနေ မယ်ဂါဆိုတဲ့ ဆတ်တောက်တောက် လမ်းပြကောင်မလေးနဲ့တွေ့တဲ့အခါ ဘယ်လိုအချစ်ဇာတ်လမ်းလေးပေါ်ပေါက်လာမှာလဲ ဆိုတာကတော့ ... အညွှန်းနဲ့ဘာသာပြန်ကတော့ ToMo ~ V ~ KKKZ ~ Star ~ Cym တိုမှ ဖြစ်ပါတယ် File size… 1.8 GB / 879 MB Quality…WEB DL 1080p HEVC/ 720p Format…mkv/ mp4 Duration….1h 54min Subtitle….Myanmar Subtitle (Hard Sub) Encoder….YK Translated by ToMo ~ V ~ KKKZ ~ Star ~ Cym

အခုတခါ တင်ဆက်ပေးချင်တာကတော့ ၂၀၂၅မှ ပူပူနွေးနွေးထွက်ရှိထားတဲ့ အချစ်ဟာသ စိတ်လက်ပေါ့ပါးစရာ ရုပ်ရှင်ဇာတ်လမ်းလေးပဲဖြစ်ပါတယ် မာရီလို့ခေါ်တဲ့ ကောင်မလေးတစ်ယောက်က မိဘတွေပေါ်သိတတ်ပြီး စေ့စပ်ထားသူရှိပြီးသားပါ သူ့ရဲ့စေ့စပ်ထားသူကလဲ ဂျာမာအင်ပါယာလို့ခေါ်တဲ့ ဆွေကြီးမျိုးကြီးအသိုင်းအဝိုင်းထဲကပါ တစ်ရက် သူ့အသက် ၃၀ပြည့်မွေးနေ့မှာ ဘားတစ်ခုသွားရင်းက ဆက်ဇိုဖုန်းတီးသမားလေးတစ်ယောက်နဲ့တွေ့ရင်း ချစ်မိသွားရာက သူဘယ်လိုရှေ့ဆက်သွားမလဲ သူတို့နှစ်ဦးပေါက်ဖက်ရပါ့မလား အဆင့်အတန်းဆိုတဲ့စည်းကရော သူတို့ကြား ကွာခြားစေမှာလားဆိုတာကတော့ File size…1.56 GB / 695 MB Quality…WEB DL 1080p HEVC / 720p Format…mkv/mp4 Duration….1h 14m Subtitle….Myanmar Subtitle (Hard Sub) Encoder….YK Translated by CM Bollywood Team

ဒီနေ့မှာတော့ CM ချစ်ပရိသတ်တို့ကို ဒီ အက်ရှင် ဇာတ်ကားကောင်းလေး ဘာသာပြန်တင်ဆက်ပေးလိုက်ပါတယ်... ဇာတ်လမ်းလေးကတော့ လုပ်ငန်းရှင်ကြီးတွေက လုပ်ငန်းကို ဗန်းပြပြီး ငွေဖြူက ငွေမည်းလုပ်ပြီး ငွေတွေ လှည့်ထုတ်ပြီး ကြီးပွားချမ်းသာဖို့ကြိုးစားနေတဲ့ အကြောင်းကို အခြေခံရိုက်ကူးထားတာပါ... နည်းပညာတွေတိုးတက်လာတာနဲ့အမျှ ရာဇဝတ်သား ဒုစရိုက်ကောင်တွေလည်း တုံးအပြီး မကျန်ခဲ့ပါဘူး... နည်းပညာအသစ်တွေ နည်းလမ်းသစ်တွေနဲ့ ဒုစရိုက်တွေကူးလွန်နေသလို... ရဲဖက်ဆိုင်ရာ ပြည်သူ့လုံခြုံရေးအရာရှိတွေလည်း အသစ်သစ်သော နည်းလမ်းတွေ ဗျူဟာတွေနဲ့ ဒုစရိုက်သမားတွေကို အမှီလိုက်ပြီး ဖမ်းနိုင်ဖို့ကြိုးစားရသလို... ကျော်လွန်ပြီး ဒုစရိုက်မကျူးလွန်ခင်မှာ ကာကွယ်တားဆီးနိုင်ဖို့လည်း ကြိုးစားရပြန်တယ်... ဒီကားလေးမှာတော့ ငွေဖြူ ငွေမည်းနဲ့ လှည့်ပြီး တိုးတက်ကြီးပွားဖို့ ကြိုးစားနေတဲ့ မသမာသူတို့အုပ်စုကလည်း လက်ငင်းငွေတွေလိုက်စုပြီး နိုင်ငံခြားအကောင့်ထဲ ပိုင်ဆိုင်မှုပြောင်းဖို့ကြိုးစားနေသလို... ရဲဖက်ဆိုင်ရာကလည်း ဒီလိုမသမာတဲ့ ငွေမည်း ငွေဖြူပြောင်းမယ့်ကိစ္စကို ကြိုတင်တားဆီးဖို့ ကြိုးစားနေပြန်တယ်... ဒီကြားထဲမှာ ပလော့အလှည့်အပြောင်းလေးတွေလည်း ရှိတာပေါ့... နည်းနည်းဗျူဟာများပြီး အပြောနဲ့တင် အားမရနိုင်တာမို့ ဇာတ်ကားလေး အတူကြည့်ဖို့ပဲ ဖိတ်ခေါ်လိုက်ပါရစေနော်.. Filesize : 1.36 GB / 765 MB Quality : WEB-DL 1080p HEVC , 720p HEVC Format : mkv Genres : Action , Crime

စိတ်ကူးယဉ်သိပ္ပံကား ဆန်းဆန်းလေးတစ်ခု တင်ပေးလိုက်ပါတယ်။ ဇာတ်လမ်းကတော့ လူသားတွေကိုအကျိုးပြုနိုင်ဖို့ ပါမောက္ခကြီးတစ်ယောက်က မျိူးရိုးဗီဇပေါင်းစပ်နည်းကိုသုတေသနာလုပ်နေခဲ့ပါတယ်။ ငါးမန်းရဲ့မျိုးရိုးဗီဇနဲ့ ရေဘဝဲရဲ့မျိုးရိုးဗီဇကိုပေါင်းစပ်ကြည့်ပြီး လက်တွေ့စမ်းသပ်ခဲ့ပါတယ်။ လက်တွေ့စမ်းသပ်တာမအောင်မြင်ဘူးလို့ထင်ခဲ့ပေမယ့် အောင်မြင်ပြီးတော့ သုတေသနခန်းကနေ ထွက်ပြေးသွားခဲ့ပါတယ်။ ဒီလိုနဲ့ မျိုးရိုးဗီဇဆန်း ရေဘဝဲငါးမန်းတစ်ကောင်ကလမ်းပေါ်ရောက်သွားပြီး ငါးရောင်းတဲ့သားအဖ၂ယောက်ဆီကိုရောက်သွားခဲ့ပါတယ်။ မျိုးရိုးဗီဇစမ်းဖြစ်တဲ့အတွက် ကြီးထွားနှုန်းကအရမ်းကိုမြန်ပြီးတော့ လူတွေကိုအန္တရာယ်ပေးနိုင်တဲ့အဆင့်ကိုရောက်လာငါးသည်ရဲ့သမီးလေးကိုဖမ်းခေါ်သွားခဲ့ပါတယ်။ ကလေးရဲ့အဖေနဲ့ ပါမောက္ခတို့လူတွေကလဲ ရေဘဝဲငါးမန်းကိုလိုက်ရှာကြပါတယ်။ သုတေသနအတွက်အရမ်းကြီးတဲ့ဒီထူးဆန်းသတ္တဝါကိုအရှင်လိုချင်ပေမယ့် သူ့ရဲ့အရွယ်အစားနဲ့ထိခိုက်စွမ်းရည်ကြောင့် သတ်ပစ်ရမလားဝေခွဲမရဖြစ်နေကြပါတယ်။ သူတို့ရဲ့ဆုံးဖြတ်ချက်ဟာ နောက်ဆုံးမှာဘယ်လိုဖြစ်သွားမလဲ...... Filesize : 1.48 GB / 800 MB Quality : WEB-DL 1080p HEVC , 720p HEVC Format : mkv Genres : Thriller , Crime Runtime : 1h 17 min Subtitle : Myanmar Subtitle ( Hardsub ) Translated by CM Team Reviewed By Nu Mon Encoded by LK

လောကကြီးကို စိတ်ပျက် စိတ်ကုန်ပြီး... ဘဝကို ဖြစ်ချင်ရာဖြစ်နေတော့မယ်ကွာလို့ တွေးမိတဲ့သူရှိရင်... ဒီကားလေးကို ကြည့်ကြည့်ဖို့ ပြောချင်ပါတယ်... ဒီကားလေးထဲမှာ မိဘနှစ်ပါး ငယ်ငယ်က ဆုံးပါးသွားလို့ အစ်ကိုနဲ့ အဆင်မပြေ... ဘဝကို ဘယ်လို တန်ဖိုးထားရမယ်မသိဘဲလေလွင့်နေတဲ့ ကောင်မလေးတစ်ယောက်... တစ်နေ့တစ်နေ့ အရက်နဲ့ပဲ နှစ်ပါးသွားနေတဲ့ ကောင်မလေးတစ်ယောက်... ဒီအရက်ကြောင့်ပဲ လူတစ်ယောက်ကို ဆိုင်ကယ်နဲ့ တိုက်ခဲ့ပြီး... ရှီထုံဆိုတဲ့ ကလေးလေးတစ်ယောက်နဲ့ ရေစက်ဆုံပြီးတွေ့ခဲ့တယ်... အဲ့မှာ ကလေးကပဲ သူ့ကို ပြန်ဂရုစိုက်ရမလား...သူကပဲ ကလေးထိန်းရမလား... နောက်ပြီး သူ့မိဘမဲ့ဘဝကြောင့် ရထားတဲ့ လောကဓံဒဏ်ရာကို ကုစားပေးမယ့် ဆေးပင်လေးပဲဖြစ်နေမှာလား... ဇာတ်လမ်းလေးကို ကြည့်မယ်ဆို ဘဝအတွေးလေးတစ်ခုရသွားမှာပါ.. Filesize : 1.03 GB / 584 MB Quality : WEB-DL 1080p HEVC , 720p HEVC Format : mkv Genres : Drama Runtime : 1h 26 min Subtitle : Myanmar Subtitle ( Hardsub ) Translated by CM Team Reviewed By Chu Chu Encoded by LK

The Savior of the World (2025) သံသရာစက်ဝန်းတစ်ပတ်လည်တဲ့အခါ နတ်ဆိုးမိစ္ဆာကြီးဟာပြန်လည်မွေးဖွားလာပါတယ်။ ကောင်းကင်ဝိဇ္ဇာဂိုဏ်းသားတွေဟာနတ်ဆိုးမိစ္ဆာကြီးကို အချိန်မီနှိမ်နင်းနိုင်ခဲ့ပေမယ့် ဂိုဏ်းခေါင်းဆောင်ကြီးအသက်ကိုတော့ပေးဆပ်လိုက်ရပါတယ်။ အနာဂတ်ရဲ့ဂိုဏ်းခေါင်းဆောင်ဖြစ်လာမယ့် ဝမ်ရွှမ်ကျီဟာ ငယ်သေးတဲ့အတွက် ကျန်းဖန်းမုဆိုတဲ့သူဟာ ဂိုဏ်းကိုကိုယ်စားအုပ်ချုပ်ပေးခဲ့ပါတယ်။ ဒါပေမယ့် ကျန်းဖန်းမုရဲ့လောဘကြောင့် သစ္စာရှိဂိုဏ်းသားတွေကိုသတ်ပစ်ပြီး ဂိုဏ်းချုပ်နေရာကို အပိုင်စီးဖို့ကြံစည်လိုက်ပါတယ်။ သစ္စာရှိဂိုဏ်းသားတစ်ယောက်ဟာ ဝမ်ရွှမ်ကျီလေးကို ကယ်ထုတ်ထွက်ပြေးသွားပြီး ဇာတ်မြှုပ်နေခဲ့ပါတယ်။ ဝမ်ရွှမ်ကျီအရွယ်ရောက်လာတော့ သူ့ရဲ့ဘဝမှန် နေရာမှန်ကိုပြန်ရဖို့ ဘဝခရီးစွန့်စားခန်းကိုစတင်လိုက်ပါတော့တယ်...... Filesize : 1.39 GB / 754 MB Quality : WEB-DL 1080p HEVC , 720p HEVC Format : mkv Genres : Action , Fantasy Runtime : 1h 11 min Subtitle : Myanmar Subtitle ( Hardsub ) Translated by CM Team Reviewed By Nu Mon Encoded by LK

ဂျိတ်နဲ့သူ့အကိုဘရန်တို့ဟာ ငယ်ငယ်ကတည်းမိဘတွေသေဆုံးခဲ့ပြီး အဖွဲ့စည်းတစ်ခုတည်းဝင်ခဲ့တယ် မစ်ရှငိတွေလုပ်ရင် ဂျိတ်ဟာသူ့အကို ဘရန်ကိုမတော်တဆပစ်သတ်မိခဲ့တယ် အဲ့ကတည်းကဂျိတ်ကအဖွဲ့ထဲထွက်ခဲ့ပြီး သေနတ်ဘယ်တော့မှမကိုင်တော့ပါဘူး ဒါမဲ့တစ်နေ့မှာတော့သူ့သူငယ်ချင်းလိုဂန်ကသူ့ဆီ စတစ်ပြားပါတဲ့ အမဲရောင်ဘူးလေးတစ်ဘူးပေးခဲ့ပါတယ် အဲ့အချိန်ကစပြီး သူ့နောက်ကိုဂိုဏ်းတွေကလိုက်ခဲ့ကြပြီး သူထွက်ပြေးနေခဲ့ပါတယ် သူလွတ်မြောက်မလားဖမ်းရမလားဆိုတော့ ကြည်ှရှူခံစားကြည့်လိုက်ကြပါရှင် File size…(1.4 GB)/(749 MB) Quality….Webrip 1080p / 720p Format…mp4 Duration….01:33:00 Genre... Action, Thriller  Subtitle….Myanmar Subtitle (Hardsub) Encoder….Mr. Anderson Translated by Phoo Myat Thwe

ဒီဇာတ်ကားလေးကတော့ Cloudဆိုတဲ့ ဒီဂျစ်တယ်ခေတ်ရဲ့ အွန်လိုင်းစီးပွားရေးစနစ်နဲ့ လူ့သဘောသဘာဝရဲ့ အမှောင်ဖက်ကို ထင်ဟပ်ပြထားတဲ့ သည်းထိတ်ရင်ဖို ရုပ်ရှင်ကားကောင်းတစ်ကား ဖြစ်ပါတယ်။ ယိုရှီဟာ ပုံမှန်အလုပ်ကြမ်းလုပ်ရင်း အချိန်ပိုင်းအနေနဲ့ အင်တာနက်ပေါ်မှာ ပစ္စည်းပြန်လည်ရောင်းချတဲ့ အွန်လိုင်း​စျေးသည်တစ်ယောက်အနေနဲ့ ရပ်တည်နေသူဖြစ်ပါတယ်။ သူဟာ အခွင့်အရေးကို လက်လွတ်မခံဘဲ ပစ္စည်းတွေကို နှိမ်ဝယ်ကာ အမြတ်တင်ရောင်းချရာကနေ ငွေကြေးချမ်းသာလာအောင် ကြိုးစားနေသူပါ။ နောက်တော့ သူစုဆောင်းထားတဲ့ ပစ္စည်းတွေ သိမ်းဆည်းဖို့နဲ့ လုပ်ငန်းကို တိုးချဲ့ဖို့ မြို့စွန်တစ်နေရာက ကြီးမားတဲ့အိမ်ကို ပြောင်းရွှေ့လာခဲ့ပါတယ်။ ဒါပေမဲ့ သူု့ရဲ့ အမြတ်ထုတ်လွန်းတဲ့ လုပ်ရပ်တွေနဲ့ အွန်လိုင်းကနေ တစ်ဆင့်ခံရောင်းချမှုတွေကြောင့် သူ့ကို မကျေမနပ်ဖြစ်ပြီး လက်စားချေချင်နေတဲ့ လူတွေရဲ့ ပစ်မှတ် ဖြစ်လာပါတော့တယ်။ ခေတ်သစ် အွန်လိုင်းအရောင်းအဝယ်လောကရဲ့ လောဘ လူတွေရဲ့ကိုယ်ကျင့်တရား ယိုယွင်းလာမှုနဲ့ မလုံခြုံမှုတွေကို အချက်ကျကျ ပုံဖော်ရိုက်ကူးထားပါတယ်။ Cloud" ဆိုတဲ့အတိုင်း အင်တာနက် အတိမ်အနက်တွေ ဆိုရှယ်မီဒီယာရဲ့နောက်ကွယ်က အမည်မသိ လူတွေရဲ့ အမုန်းတရားနဲ့ အဆိပ်အတောက်တွေကို ကိုယ်စားပြုပါတယ်။ အွန်လိုင်းပေါ်ကနေ အလွယ်တကူ စော်ကားကြ လက်စားချေချင်စိတ် ပေါ်ပေါက်လာကြတဲ့ ခေတ်ကြီးထဲမှာ လူသားချင်း မေတ္တာတရားတွေ ဘယ်လိုပျောက်ဆုံးကုန်တယ်ဆိုတာကို မြင်တွေ့ရမှာ ဖြစ်ပါတယ်

ဒီတစ်ခေါက်တင်ဆက်ပေးချင်တဲ့ဇာတ်ကားကတော့ တောနက်ကြီးထဲက ကြောက်မက်ဖွယ်ကောင်းတဲ့ လျှို့ဝှက်ချက်တွေနဲ့ အသက်ရှင်ရပ်တည်ရေးအတွက် ရုန်းကန်ရမှုတွေကို အစအဆုံး ရင်တထိတ်ထိတ်နဲ့ ကြည့်ရှုရမယ့် တရုတ်သဘာဝဘေးအန္တရာယ်နဲ့ သည်းထိတ်ရင်ဖို ရုပ်ရှင်ကားကောင်းတစ်ခုပဲ ဖြစ်ပါတယ်။ M Sub Movie Channel ရဲ့ ပရိသတ်တွေအတွက် ဒီဇာတ်ကားဟာ ခဏတာ အာရုံစိုက်မှုအပြည့်နဲ့ ရင်ခုန်စိတ်လှုပ်ရှားစရာ အတွေ့အကြုံသစ်တစ်ခုကို ပေးစွမ်းနိုင်မှာ သေချာပါတယ်။ ဇာတ်လမ်းအစကတည်းက တောနက်ထဲကို ဝင်ရောက်လာကြတဲ့ လူအုပ်စုဟာ ရည်ရွယ်ချက်ကိုယ်စီနဲ့ ရောက်ရှိလာကြပြီး တစ်ချိန်တည်းမှာပဲ ဒဏ္ဍာရီလာ ဧရာမအနီရောင်မြွေကြီးနဲ့ ကြုံတွေ့လာရတဲ့အခါမှာတော့ အသက်ရှင်ရပ်တည်ရေးအတွက် တိုက်ပွဲက စတင်လာပါတော့တယ်။ လူသားတွေရဲ့ လောဘဇော၊ အတ္တနဲ့ အသက်ရှင်လိုစိတ်တို့ တိုက်ဆိုင်လာတဲ့အခါ ဘယ်လိုအကျိုးဆက်တွေ ဖြစ်လာမလဲဆိုတာကို ဇာတ်လမ်းတစ်လျှောက်မှာ အကောင်းဆုံး တင်ဆက်ပြသထားပါတယ်။ အထူးသဖြင့် ဇာတ်ကောင်တွေရဲ့ အပြန်အလှန် သံသယဝင်မှုတွေ၊ သစ္စာဖောက်မှုတွေနဲ့ အကြပ်အတည်းပေါင်းများစွာကြားထဲက ရုန်းကန်ပုံတွေကို ကြည့်ရှုရတာ ရင်တဖိုဖိုနဲ့ စွဲဆောင်မှု အပြည့်ရှိပါတယ်။ အထူးဖော်ပြချင်တာကတော့ ဇာတ်ဝင်ခန်းတိုင်းမှာ ပါဝင်တဲ့ အက်ရှင်နဲ့ သည်းထိတ်ရင်ဖို ရိုက်ချက်တွေဟာ ပရိသတ်တွေကို ထိုင်ခုံပေါ်မှာ ငြိမ်မနေနိုင်အောင် ဖမ်းစားနိုင်စွမ်းရှိတာပါပဲ။ ဒီကားလေးကို ဘာကြောင့် ကြည့်သင့်လဲဆိုရင် ရိုးရာသဘာဝ အက်ရှင်ဇာတ်ကားတွေန

ဒီတစ်ခေါက်မှာတော့ အက်ရှင်၊ မှုခင်းနဲ့ စုံထောက်ဇာတ်ကားတွေကို နှစ်သက်သူတွေအတွက် ဒါရိုက်တာWilson Chinရိုက်ကူးထားတဲ့ "Burning Blood 2024" ဆိုတဲ့ ဟောင်ကောင်မှုခင်းကားကောင်းလေးကိုတင်ဆက်ပေးလိုက်ပါတယ်နော်။ ဇာတ်လမ်းအညွှန်း "ရန်သူနဲ့ရင်ဆိုင်ရတာထက် ယုံကြည်ရတဲ့လူကို သံသယဝင်ရတာက ပိုနာကျင်ရတယ်" ရွှေတြိဂံဒေသရှိ မူးယစ်ရာဇာဂိုဏ်းကြီးတစ်ခုကို ဖြိုခွင်းရန်စီစဉ်ထားတဲ့ အထူးရဲတပ်ဖွဲ့ရဲ့ လျှို့ဝှက်စစ်ဆင်ရေးဟာ သတင်းပေါက်ကြားသွားတာကြောင့် စစ်ဆင်ရေးကျရှုံးသွားပြီး တပ်ဖွဲ့ဝင်အများအပြား သေဆုံးဒဏ်ရာရကာ အထူးတပ်ဖွဲ့တစ်ဖွဲ့လုံးအကျပ်အတည်းထဲကျရောက်သွားခဲ့ရပါတယ်။ဒီဖြစ်ရပ်ရဲ့ နောက်ကွယ်မှာအထူးတပ်ဖွဲ့အတွင်းက သစ္စာဖောက်တစ်ယောက်ရှိနေတယ်ဆိုတာသိရှိခဲ့ရပြီး အသက်ရှင်ကျန်ရစ်သူတပ်ဖွဲ့ဝင်တွေဟာ အမှန်တရားကိုဖော်ထုတ်ကာ တရားခံအစစ်ကိုရှာဖွေရန်အသက်စွန့်တိုက်ပွဲဝင်ကြရပါတော့တယ်။ထိုကိစ္စကို ရှာဖွေဖော်ထုတ်နေစဉ်အတွင်းမှာ သူတို့ဟာ ရာဇဝတ်ဂိုဏ်းတွေကိုတင်ရင်ဆိုင်နေကြရတာမဟုတ်ဘဲ အဖွဲ့အတွင်းရှိ သစ္စာဖောက်ကိုဖော်ထုတ်နိုင်ရန်အတွက် ကိုယ့်ရဲ့အယုံကြည်ဆုံးလူတွေကိုပါ သံသယဝင်ရတဲ့အခြေအနေထိဖြစ်လာခဲ့ပါတော့တယ်။အဆုံးမှာတော့ သူတို့ဟာ အထူးတပ်ဖွဲ့အတွင်းက သစ္စာဖောက်ကိုဖော်ထုတ်ပြီး မူးယစ်ရာဇာဂိုဏ်ကို ချေမှုန်းနိုင်ပါ့မလားဆိုတာကို ဒီဇာတ်ကားလေးနဲ့အတူ ကြည့်ရှု့ခံစားကြရအောင်နော်...။ ဒီဇာတ်ကားလေးဟာဆိုရင်တော့ သစ္စာ ယုံကြည်မှု လက်စားချေမှုနဲ့ တရားမျှတမှုတိ

အလုပ်မှာ ရိုးသားကြိုးစားတတ်တဲ့ မာနီရဲ့ မထင်မှတ်ထားတဲ့လွဲချော်မှုတစ်ခုကြောင့် သူ့ကောင်မလေး ပြန်ပေးဆွဲခံလိုက်ရတယ်။ ဒါကြောင့် ငွေလိုနေတဲ့ မာနီက နာမည်ကြီးစီးပွားရေးလုပ်ငန်းရှင် အာရှော့ခ်ရဲ့ သမီးလေးကို ပြန်ပေးဆွဲဖို့အလုပ်ကို လက်ခံလိုက်တယ်။ အဲ့ဒီအလုပ်ကို လုပ်ခိုင်းတဲ့သူကတော့ အာရှော့ခ်မိန်းမရဲ့ ရည်းစားဟောင်းပါ။ ဒါပေမဲ့ ကလေးကို ပြန်ပေးဆွဲဖို့လုပ်နေချိန်မှာပဲ ကလေးက ရုတ်တရက်ပျောက်သွားခဲ့ပါတယ်။ ကလေးက ဘယ်သူ့ဆီရောက်သွားမှန်းမသိရဘဲ အာရှော့ခ် ဆီကို သူ့သမီးလေး သူတို့လက်ထဲမှာရှိတယ်ဆိုပြီး တစ်ယောက်ပြီးတစ်ယောက် ငွေတောင်းလာကြတဲ့အခါမှာတော့ ကလေးက တကယ်ပဲ ဘယ်သူ့ဆီမှာ ရှိနေတာလဲ၊ မာနီကရော သူ့ကောင်မလေးကို အန္တရာယ်ကင်းကင်း ပြန်ကယ်နိုင်ပါ့မလားဆိုတာကို စိတ်ဝင်စားစရာ လှည့်ကွက်တွေနဲ့ ကြည့်ရှုရမယ့် ဇာတ်ကားလေးပဲဖြစ်ပါတယ်။ ဒီဇာတ်ကားမှာ မာနီ အဖြစ် မင်းသား G. V. Prakash Kumar ၊ အာရှော့ခ် အဖြစ် မင်းသား Srikanth နဲ့ အာချနာ အဖြစ် မင်းသမီး Bindu Madhavi တို့က အဓိကပါဝင်သရုပ်ဆောင်ထားတာ ဖြစ်ပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Cherry ဖြစ်ပါတယ်။

ဇာတ်ကားဟာ WWII ပြီးပြီးနောက် အီတလီနိုင်ငံမှာ ဖြစ်ပျက်ခဲ့တဲ့ တကယ့်ဖြစ်ရပ်တစ်ခုကို ရိုက်ကူးပြသထားတာဖြစ်ပါတယ်။ Naples မြို့မှာ နေထိုင်တဲ့ Amerigo ဆိုတဲ့ ကလေးလေးဟာ ဆင်းရဲနွမ်းပါးမှုကြောင့် မိခင်နဲ့အတူ အခက်အခဲများစွာနဲ့ ဘဝကို ဖြတ်သန်းနေပါတယ်။ အစားအသောက်မလုံလောက်၊ ဘဝအခက်အခဲများပြားနေတဲ့အတွက် သူ့မိခင်က သားကို ပိုကောင်းတဲ့ဘဝတစ်ခုရဖို့ ဆုံးဖြတ်ချက်ခက်ခဲတစ်ခုကို ချလိုက်ပါတယ်။အဲ့ဒါကတော့ Amerigo ကို “Children’s Train” လို့ခေါ်တဲ့ အစီအစဉ်တစ်ခုနဲ့အီတလီမြောက်ပိုင်းက ချမ်းသာတဲ့ မိသားစုတစ်ခုဆီ ပို့ပေးခြင်း ဖြစ်ပါတယ်။ Train နဲ့ ခရီးထွက်သွားတဲ့ Amerigo ဟာ မိခင်နဲ့ ခွဲခွာရတဲ့ ဝမ်းနည်းမှုတွေ၊ မသိတဲ့နေရာအသစ်မှာ မကြောက်မရွံ့ဖြစ်ရခြင်းတွေ၊ မိသားစုအသစ်နဲ့ အနီးကပ်လာရခြင်းတွေကို တဖြည်းဖြည်း ရင်ဆိုင်ရပါတယ်။ မြောက်ပိုင်းရောက်သွားတဲ့နောက်မှာတော့သူ့ကို စောင့်ရှောက်ပေးတဲ့ မိသားစုအသစ်ရဲ့ ချစ်ခြင်းကို ခံစားရပြီး အရင်ဘဝနဲ့ မတူတဲ့ အဆင်ပြေမှုတွေကို တွေ့မြင်လာပါတယ်။ဒါပေမယ့်… Amerigo ရဲ့ စိတ်ထဲမှာတော့ “ငါ့ရဲ့ မိသားစုက ဘယ်သူလဲ?” “ငါဘယ်နေရာကို ပြန်သင့်လဲ?” ဆိုတဲ့ မေးခွန်းတွေ မပြတ်ဖြစ်နေပြီး မိခင်အဟောင်းနဲ့အသစ်ကြား ရွေးချယ်မှုတွေလုပ်ရတဲ့အခါမှာတော့.....

"တစ်ခါတလေမှာ... လူစိမ်းတစ်ယောက်ရဲ့ အကြည့်တွေက ကိုယ့်အနီးကပ်ဆုံးလူထက် ပိုပြီး အမှန်တရားကို မြင်နေတတ်တယ်" စင်ကာပူဒါရိုက်တာ Yeo Siew Hua ရိုက်ကူးပြီး ၂၀၂၄ ရဲ့ စိတ်ဝင်စားစရာအကောင်းဆုံး Mystery/Thriller ကားတွေထဲက တစ်ကားဖြစ်တဲ့ "Stranger Eyes" ဟာ ပရိသတ်ကို ခပ်အေးအေးနဲ့ ရင်တထိတ်ထိတ်ဖြစ်စေမယ့် ကားမျိုးပါ။ ဇာတ်လမ်းအကျဉ်း ငယ်ရွယ်တဲ့ ဇနီးမောင်နှံနှစ်ဦးရဲ့ ကလေးငယ်လေး ပန်းခြံထဲမှာ ပျောက်ဆုံးသွားရာကနေ ဇာတ်လမ်းက စတာပါ။ ရဲတွေ စုံစမ်းနေတုန်းမှာပဲ သူတို့ဆီကို ထူးဆန်းတဲ့ ဗီဒီယိုဖိုင်တွေ ရောက်လာပါတယ်။ အဲဒီဗီဒီယိုတွေထဲမှာ သူတို့ရဲ့ နေ့စဉ်ဘဝ လှုပ်ရှားမှုတွေကို တစ်ယောက်ယောက်က အမြဲတမ်း ချောင်းကြည့်ပြီး ရိုက်ကူးထားတာကို တွေ့လိုက်ရတဲ့အခါ... "ငါတို့ကလေးကို ဘယ်သူခေါ်သွားတာလဲ" ဆိုတဲ့ မေးခွန်းထက် "ငါတို့ကို ဘယ်သူက ဒီလောက်တောင် အနီးကပ် စောင့်ကြည့်နေတာလဲ" ဆိုတဲ့ အမှောင်ဖုံးနေတဲ့ အမှန်တရားကို လိုက်ရှာရင်း ရင်နင့်စရာ ကောင်းတဲ့ ဘဝသင်ခန်းစာတွေကို တွေ့လာရမှာပါ။ ခေတ်သစ်လူ့အဖွဲ့အစည်းမှာ ကျွန်တော်တို့အားလုံးဟာ CCTV တွေ၊ ဆိုရှယ်မီဒီယာတွေကြားမှာ "အကြည့်ခံနေရသူတွေ" ချည်းပါပဲ။ ဒီကားက "ငါတို့ တကယ်ကော လုံခြုံရဲ့လား" ဆိုတဲ့ မေးခွန်းကို ပါးပါးလေးနဲ့ နာနာလေး မေးသွားပါလိမ့်မယ်။ Mystery ကားကောင်းကောင်းမှ ကြည့်ချင်တယ်ဆိုတဲ့ M Sub ပရိသတ်တွေအတွက်တော့ ဒီကားက လက်မလွှတ်သင့်တဲ့ ကားတစ်ကားဖြစ်လို့ M Sub Movie Channel မှာ အခု

ဒီဇာတ်ကားလေးထဲမှာတော့ အီရတ်စစ်ပဋိပက္ခက​နေ ပြန်လာတဲ့ စစ်မှုထမ်းဟောင်း “ဂေဘရီရယ်” ဟာ အဓိကဇာတ်ကောင်အဖြစ် ပါဝင်ထားပါတယ်။ တစ်နေ့မှာတော့ သူ့ဆီကို ဘာသာဇာ လို့ခေါ်တဲ့ လူတစ်ယောက်ရောက်လာပြီးတော့ ကောင်းကင်တမန် မိုက်ကယ် ကို ရင်ဆိုင်ဖို့ တာဝန်တစ်ခုပေးအပ်လာပါတော့တယ်။ သူက အဲဲဒီတာဝန်ကို ထမ်းဆောင်ဖို့ ဘုရားသခင်ရဲ့ ငြိမ်းချမ်းရေး စစ်သည်တော်တွေကို ဘယ်လိုရှာဖွေမလဲ။ လက်တွေ့နဲ့ ယုံကြည်မှုကြား ဂေဘရီရယ်တစ်ယောက် ဘယ်လိုဖြေရှင်းမလဲ။ မိုက်ကယ်ရဲ့ ငရဲစစ်တပ်ကိုရော အမြစ်ပြတ်အောင် ရှင်းနိုင်ပါ့မလားဆိုတာကို စိတ်လှုပ်ရှားဖွယ် ကြည့်ရှုရမယ့် ဇာတ်လမ်းလေးတစ်ခုပဲဖြစ်ပါတယ်။

Abigail ဆိုတဲ့ မိန်းကလေးတစ်ယောက်ဟာ မှောင်မည်းနေတဲ့ မြေအောက်ခန်းတစ်ခုထဲမှာ သတိလစ်နေရာကနေ နိုးလာပါတယ်။ သူ ဘယ်လိုကြောင့် ဒီနေရာကို ရောက်နေသလဲ၊ ဘယ်သူက ဖမ်းခေါ်လာသလဲဆိုတာကို သူ လုံးဝမှတ်မိခြင်း မရှိပါဘူး (Amnesia)။ သူသိတာတစ်ခုကတော့ ဒီနေရာကနေ အမြန်ဆုံး လွတ်မြောက်ရမယ်ဆိုတာပါပဲ။ Abigail တစ်ယောက် မြေအောက်စင်္ကြံလမ်းတွေ၊ အခန်းအမှောင်တွေထဲမှာ လမ်းရှာရင်းနဲ့ သူတစ်ယောက်တည်း ပိတ်မိနေတာမဟုတ်မှန်း သိလာရပါတယ်။ သူနဲ့အတူ အရက်ဖြတ်ကုသရေးအဖွဲ့ (AA group) က လူတွေလည်း ပျောက်ဆုံးနေပြီး ဒီမြေအောက်ခန်းထဲမှာ ရှိနေနိုင်ကြောင်း သဲလွန်စတွေ တွေ့လာရပါတယ်။ တစ်ချိန်တည်းမှာပဲ မျက်နှာဖုံးစွပ်ထားတဲ့ လူသတ်သမားတစ်စုက သူ့ကို ဒီ labyrinth (ဝင်္ကပါ) ထဲမှာ အမဲလိုက်သလို လိုက်လံဖမ်းဆီးနေပါတယ်။ ဒီဇာတ်ကားရဲ့ ထူးခြားချက်က Abigail ဟာ အပြင်ပန်းက ရန်သူကိုတင် ရင်ဆိုင်နေရတာ မဟုတ်ဘဲ သူ့ရဲ့ အတိတ်က စိတ်ဒဏ်ရာတွေ၊ ဆွဲလမ်းမှု (Addiction) တွေနဲ့ပါ တိုက်ပွဲဝင်နေရတာပါ။ မြေအောက်ခန်းထဲက အခြေအနေတွေက တဖြည်းဖြည်းနဲ့ လက်တွေ့ဘဝလား၊ စိတ်ကူးယဉ် အိပ်မက်ဆိုးလားဆိုတာ ခွဲခြားရခက်အောင် ဖြစ်လာပါတယ်။ Abigail တစ်ယောက် အပေါ်ထပ်ကို ရောက်ဖို့ ကြိုးစားရင်းနဲ့ ဒီဖမ်းဆီးမှုတွေရဲ့ နောက်ကွယ်က ထိတ်လန့်စရာ အမှန်တရားကို သိလိုက်ရတဲ့အခါ... သူဟာ လွတ်မြောက်ခွင့်ရမှာလား၊ ဒါမှမဟုတ် သူ့ရဲ့ အမှောင်ထုထဲမှာပဲ ထာဝရ နစ်မွန်းသွားမှာလားဆိုတာကို ရင်တထိတ်ထိတ်နဲ့ ကြည့်ရှုရမှာပါ။ စကား

ဇာတ်လမ်းရဲ့ အဓိကကျောရိုးကတော့ မြို့ပြရဲ့ အောက်ခြေအဆင့်မှာ နေထိုင်ရတဲ့ ဂျက်၊အေဗာနဲ့ သူတို့ရဲ့ လူမည်းသူငယ်ချင်းတို့ဟာ ဆင်းရဲမွဲတေမှုနဲ့ အနာဂတ်မရှိတဲ့ ဘဝက​နေလွတ်မြောက် ဖို့အတွက် အန္တရာယ်အရှိဆုံး အလုပ်တစ်ခုကိုစတင်ခဲ့ကြပါတယ်။ သူတို့ဟာ ဘဝသစ်တစ်ခုကို တည်ဆောက်ဖို့အတွက်ဆိုတဲ့ ရည်ရွယ်ချက်နဲ့ မြို့ရဲ့ သြဇာကြီး လက်နက်မှောင်ခိုခေါင်းဆောင် ရစ်ခ်ရဲ့ လက်နက်တွေကိုခိုးယူရောင်းချဖို့ ဆုံးဖြတ်ခဲ့ကြပါတယ်။ဒါပေမဲ့ သူတို့ မျှော်လင့်ထားသလို မဖြစ်ဘဲ အစီအစဉ်တွေဟာ လွဲချော်ပြီး ကျရှုံးသွားခဲ့ပါတယ်။ ရစ်ခ်ကလည်း သူ့ရဲ့ ပစ္စည်းတွေကို ပြန်ရဖို့အတွက် သူ့ဂိုဏ်းသူငယ်ချင်းနဲ့ သူတို့နောက်ကို တောက်လျှောက် လိုက်တဲ့အခါမှာတော့ သူတို့သူငယ်ချင်း သုံးယောက်လုံးဟာ မြို့ပြရဲ့ အမှောင်ဆုံးအရပ်တွေမှာ ပုန်းအောင်းရင်း၊ တစ်ဖက်မှာလည်း ရဲတပ်ဖွဲ့ရဲ့ ဖမ်းဆီးမှုကို ရှောင်ကွင်းရင်းနဲ့ အကျပ်အတည်းပေါင်းစုံကို ရင်ဆိုင်ရပါတော့တယ်။ ဒီဇာတ်ကားရဲ့ ထူးခြားချက်က အက်ရှင်တင်မကဘဲ အကျပ်အတည်းကြားမှာ ဖြစ်ပေါ်လာတဲ့ ဇာတ်ကောင်တွေရဲ့ အတွင်းစိတ်ခံစားချက်ကိုပါ သေချာပုံဖော်ထားတာပါ။ တစ်ယောက်ကိုတစ်ယောက် အပြစ်တင်မိတာတွေ၊ သေဘေးနဲ့ နီးကပ်လာတဲ့အခါမှာ ဖြစ်ပေါ်လာတဲ့ ကြောက်ရွံ့မှုတွေနဲ့ သူတို့ကြားက ခိုင်မြဲတဲ့ သံယောဇဉ်တွေ ဘယ်လိုပြိုလဲမလဲဆိုတာကို ရင်တထိတ်ထိတ်နဲ့ စောင့်ကြည့်ရပါမှာ။ အဆုံးသတ်မှာတော့ ရစ်ခ်ရဲ့ ရက်စက်တဲ့ လက်စားချေမှုကနေ သူတို့ လွတ်မြောက်နိုင်မလား၊ ဒါမ

ဒီဇာတ်ကားလေးကတော့ မိသားစုမေတ္တာ၊ သံယောဇဉ်နဲ့ လူ့စိတ်သဘောထားရဲ့ အနိမ့်အမြင့်တွေကို ကွက်ကွက်ကွင်းကွင်း မြင်သာအောင် ရိုက်ပြထားတဲ့ ဇာတ်ကားကောင်းလေးတစ်ကား ဖြစ်ပါတယ်။ မှတ်ဉာဏ်တွေ ချို့ယွင်းနေတဲ့ အဖိုးအိုတစ်ယောက်ကို သူ့ရဲ့ သားသမီးအရင်းတွေက ဘုရားဖူးပို့မယ်ဆိုပြီး ခရီးထွက်လာရာကနေ ဇာတ်လမ်းစတင်ထားတာပါ။ ဝမ်းနည်းစရာကောင်းတာက သားသမီးတွေဟာ အဖေအိုကြီးကို ဝန်ထုပ်ဝန်ပိုးတစ်ခုလို သဘောထားပြီး လူစည်ကားတဲ့ အရပ်ဒေသမှာ ရက်ရက်စက်စက် စွန့်ပစ်ခဲ့ကြပါတယ်။ ကိုယ့်သွေးသားရင်းတွေက စွန့်ပစ်သွားပေမဲ့ လမ်းဘေးက သူစိမ်းတစ်ယောက်ကတော့ ဒီအဖိုးအိုကို သားရင်းတစ်ယောက်လို ပြုစုစောင့်ရှောက်ပေးခဲ့တဲ့အကြောင်းကို ကြည့်ရှုရမှာဖြစ်ပြီး ပရိသတ်တွေရဲ့ မျက်ရည်ကို အစစ်ထုတ်ယူမဲ့ ဇာတ်လမ်းမျိုးပါ။ ကိုယ့်အပေါ် နားလည်ကြင်နာပေးသူကသာ စစ်မှန်တဲ့ မိသားစုဖြစ်တယ်ဆိုတာကို သင်ခန်းစာပေးထားတာမို့ မိသားစုနဲ့အတူတူ ကြည့်ရှုသင့်တဲ့ ဇာတ်ကားကောင်းလေး ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Clara Sol ဖြစ်ပါတယ်

တက်စ်မေးနီးယားဆိုတဲ့ ဩစတြေးလျကမ်းရိုးတန်းဒေသဘက်မှာ US စစ်တပ်က လက်နက်စမ်းသပ်မှုမှားယွင်းရာကနေ ဒီကပ်ဆိုးကြီး စခဲ့တာပါ။ လက်နက်ပေါက်ကွဲမှုကြောင့် တစ်ကျွန်းလုံးက လူတွေ အာရုံကြော အကြီးအကျယ်ထိခိုက်ပြီး အသက်ဆုံးရှုံးကုန်ပါတယ်။ ဒီအဖြစ်ကြောင့် US သမ္မတကို UNနဲ့ ဩစတြေးလျဘက်က ဖိအားပေးနေပြီး သေဆုံးသူတွေကို သယ်ယူဖို့ Volunteer တွေ ဖိတ်ခေါ်ခဲ့ပါတယ်။ ဒီလိုလူတွေထဲမှာ အများစုက သူတို့မိသားစုဝင်တွေ ချစ်ရတဲ့သူတွေကို ရှာဖွေဖို့ အလောင်းသယ်ဖို့ စာရင်းပေးခဲ့ကြပါတယ်။ အဓိကဇာတ်ကောင်ဖြစ်သူအေဗာကလည်း အဲဒီမြို့မှာ အလုပ်ကိစ္စနဲ့ရောက်နေတဲ့ သူ့ယောကျာ်းကို ရှာချင်လို့လိုက်လာတာပါ။ ထူးဆန်းတာက သေပြီးသားတချို့လူတွေက ဖုတ်ကောင်တွေလိုမျိုး အသက်ပြန်ဝင်လာတဲ့အတွက် စစ်တပ်ဘက်က အမြစ်ပြတ်ရှင်းနေရပါတယ်။ ဒီလိုဗြောင်းဆန်နေတဲ့ အခြေအနေတွေထဲမှာ အေဗာက လုပ်စရာရှိတာလုပ်ရင်း ပူဆွေးရင်းနဲ့ ယောကျာ်းဖြစ်သူကို လိုက်ရှာတာကို တွေ့မြင်ရမှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ဒီတစ်ခေါက်ဇာတ်ကားလေးကတော့ Nine Ring Golden Dagger ဆိုတဲ့ တရုတ်သိုင်းကားလေးပဲ ဖြစ်ပါတယ်။ စုန့်မင်းဆက် အစောပိုင်းကာလ ယုံရှီးမြောက်ပိုင်း တိုက်ပွဲမှာ စစ်သူကြီးယန်ယဲ့ဟာ သူရဲကောင်းပီသစွာ အသက်ပေးလှူသွားခဲ့ပါတယ်။သူ့ရဲ့ ဆုလာဘ်တော်ဓားဖြစ်တဲ့ ကိုးကွင်းရွှေဓားတော်ဟာ လျောင်ပြည်ထဲမှာ ကျန်ရစ်ခဲ့ပါတယ်။ ဒီအတွက် ယန်အိမ်တော်ရဲ့ သမီးတွေဖြစ်တဲ့ ယန်ယန်ချီနဲ့ ယန်ယန်ယင်း တို့ဟာ ဖခင်အမွေဖြစ်တဲ့ ရွှေဓားတော်ကို ပြန်ယူဖို့ ရန်သူ့နယ်မြေဖြစ်တဲ့ သာ့လျောင်ပြည်က သာ့ထုန်မြို့ထဲကို ခိုးဝင်ပြီး ရွှေဓားတော်ကို ပြန်လည်ခိုးယူကြပါတယ်။ အပြန်ခရီးမှာတော့ ဖခင်ရဲ့စစ်သည်ဟောင်းဖြစ်တဲ့ ကျောင်းကွမ်းဖူနဲ့ တွေ့ဆုံပြီး အတူပူပေါင်းကာ ရန်သူ့နယ်မြေကနေ လွတ်မြောက်ဖို့ ကြိုးပမ်းကြပါတော့တယ်။ ဒီယန်အိမ်တော်ရဲ့ သမီးနှစ်ယောက်ဟာ ဖခင်ရဲ့ အမွေအနှစ်ဖြစ်တဲ့ ရွှေဓားတော်ကို ဘယ်လိုအခက်အခဲတွေ ရင်ဆိုင်ပြီး စုန့်ပြည်ကို ပြန်လည်ယူဆောင်သွားမှာလဲ... သိုင်းကားချစ်သူတွေအတွက် Nine Ring Golde Dagger (ကိုးကွင်းရွှေဓားတော်)ဆိုတဲ့ ဒီဇာတ်ကားလေးက လုံးဝ အကြိုက်တွေ့စေမယ့် သိုင်းဇာတ်ကားကောင်းပဲ ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Thandar Hlaing ဖြစ်ပါတယ်

ဇာတ်လမ်းက အိန္ဒိယနိုင်ငံရဲ့ မှောင်မိုက်ပြီး ရက်စက်ကြမ်းကြုတ်တဲ့ လူ့အဖွဲ့အစည်းကြားကနေ စတင်ထားပါတယ်။ ဇာတ်လမ်းရဲ့ အဓိကဇာတ်ကောင်ဖြစ်သူ ရေနူကာ (Renuka) ဟာ ဖိနှိပ်ခံဘဝကနေ ရုန်းကန်နေရတဲ့ အမျိုးသမီးတစ်ယောက်ဖြစ်ပြီး၊ မတော်တဆမှုတစ်ခုကြောင့် ရဲအရာရှိတစ်ယောက်ကို သတ်မိကာ ထွက်ပြေးတိမ်းရှောင်နေရသူပါ။ ဥပဒေရဲ့ လက်က လွတ်မြောက်ဖို့ ကြိုးစားရင်း မြောက်ပိုင်းက ရပ်ရွာတစ်ခုမှာ ပုန်းအောင်းနေရပါတယ်။ ဒီလိုထွက်ပြေးရင်းနဲ့မှ သူမဟာ ဒေဝီကာ (Devika) ဆိုတဲ့ ကောင်မလေးတစ်ယောက်နဲ့ ဆုံတွေ့ခဲ့ပါတယ်။ ဒေဝီကာကလည်း မိရိုးဖလာ ဓလေ့ဆိုးတွေကြောင့် မလိုလားအပ်တဲ့ ဘဝတစ်ခုထဲကို အတင်းအဓမ္မ တွန်းပို့ခံထားရသူ ဖြစ်နေပါတယ်။ ဘဝတူ၊ ရေစက်တူတဲ့ သူတို့နှစ်ယောက်ကြားမှာ နားလည်မှုတွေ၊ သံယောဇဉ်တွေ တဖြည်းဖြည်း တိုးလာပြီးနောက်မှာတော့ ဒီငရဲခန်းလိုနေရာကနေ အတူတူ ရုန်းထွက်ဖို့ ဆုံးဖြတ်လိုက်ကြပါတော့တယ်။ ဒီရုပ်ရှင်က ဖိနှိပ်ခံ ဘဝတွေကနေ ရုန်းထွက်ဖို့ ကြိုးစားကြတဲ့ အမျိုးသမီးနှစ်ယောက်ရဲ့ တော်လှန်မှု၊ တားမြစ်ထားတဲ့ အချစ်နဲ့ စွန့်စားခန်းတွေကို Neo-noir ပုံစံမျိုး ရိုက်ကူးထားပါတယ်။ ရုပ်ရှင်ရဲ့ အငွေ့အသက်က ကြမ်းတမ်းပေမယ့် လှပပြီး၊ ဇာတ်ကောင်တွေရဲ့ ခံစားချက်ကို ပရိသတ်အသည်းထဲရောက်အောင် ပို့ပေးနိုင်ပါတယ်။ အထူးသဖြင့် မင်းသမီး Anasuya Sengupta ရဲ့ သရုပ်ဆောင်ချက်တွေက အရမ်းပိုင်နိုင်လွန်းလို့ ၂၀၂၄ Cannes ရုပ်ရှင်ပွဲတော် (Un Certain Regard) မှာ Best Actress ဆ

ဒီဇာတ်ကားဟာ ကိုရီးယား ကျေးလက်ဒေသတစ်ခုမှာ အခြေတည်ထားပြီး ပုံမှန်ကိုရီးယားကားတွေနဲ့ မတူဘဲ အနောက်တိုင်းစတိုင်လ် ရောစပ်ရိုက်ကူးထားတဲ့ ဇာတ်ကားဆန်းလေး ဖြစ်ပါတယ်။ ဇာတ်လမ်းကတော့ အရက်ပုန်းချက်လုပ်ရောင်းချတဲ့ ညီအစ်ကိုတွေအကြောင်းက စတင်ထားပါတယ်။ သူတို့ချက်လိုက်တဲ့ အရက်ပုန်းအသုတ်တစ်ခုက မတော်တဆ အဆိပ်သင့်ပြီး သောက်သုံးသူတစ်ယောက် သေဆုံးသွားတဲ့အခါ ပြဿနာစတက်ပါတော့တယ်။ ဒီတော့ သူတို့ဖြန့်ဖြူးထားတဲ့ အရက်ပုလင်းတွေကို တခြားလူတွေ ထပ်မသောက်မိခင် လိုက်ပြန်သိမ်းဖို့ ကြိုးစားကြရပါတယ်။ တစ်ချိန်တည်းမှာပဲ အဲဒီမြို့လေးထဲမှာ ဘာသာရေးအယူသီးတဲ့ လူသတ်သမားနှစ်ယောက်ကလည်း ရောက်နေပြီး သူတို့ရဲ့ ယုံကြည်မှုအရ လူ ၁၂ ယောက်ကို ယဇ်ပူဇော်ဖို့ လိုက်သတ်နေကြပါတယ်။ အဲဒီအပြင် ရုပ်ရှင်ရိုက်ကူးရေးအဖွဲ့တစ်ဖွဲ့နဲ့ ရူးကြောင်ကြောင် ရဲတစ်ယောက်ပါ ဒီအရှုပ်တော်ပုံထဲ ပါလာတဲ့အခါမှာတော့... လူသတ်သမားတွေ၊ အရက်ပုန်းသမားတွေနဲ့ ထူးဆန်းတဲ့မြို့ခံတွေကြားက ဗရုတ်သုက္ခ၊ ဟာသ နဲ့ အက်ရှင်ခန်းတွေကို မြင်တွေ့ရမယ့် ဇာတ်ကားဖြစ်ပါတယ်။ ဒီကားက ပေါ့ပေါ့ပါးပါးနဲ့ ရယ်ရပြီး နည်းနည်းကြမ်းတဲ့ Black Comedy ကားမျိုး ကြိုက်သူတွေ၊ ပုံစံခွက်ထဲကနေ ကွဲထွက်နေတဲ့ ကိုရီးယား Indie ဇာတ်ကားကောင်းတွေကို ရှာဖွေကြည့်ရှုသူတွေအတွက် အထူးသင့်တော်ပါတယ်။ ဒီကားကို အညွှန်းနဲ့ဘာသာပြန်ဆိုသူက Huihui ဖြစ်ပါတယ်။

တစ်ချိန်က အောင်မြင်ခဲ့တဲ့ ဟောလီးဝုဒ်သရုပ်ဆောင်မင်းသမီးတစ်ယောက်ရဲ့ ကျော်ကြားမှု စွဲလန်းမှုနဲ့ စိတ္တဇဝေဒနာတွေက သူမကိုဖိစီးစေပြီး နောက်ဆုံးမှာ လွတ်မြောက်ရာလမ်းကို ရှာသွားတဲ့ Fantasy Horror ဖြစ်ပါတယ်။ ဗေဒါက ဟောလီးဝုဒ်သရုပ်ဆောင်တစ်ယောက်ဖြစ်ပြီး တစ်ချိန်က သူ့ပါတနာဖြစ်တဲ့ talk show host နဲ့လမ်းခွဲပြီး လက်ရှိမှာ ထရက်ဗာနဲ့လက်ထပ်ပြီး မင်းသားတင်ပေးခဲ့ပါတယ်။ ခင်ပွန်းဖြစ်သူအောင်မြင်လာပြီး ဗေဒါက နာမည်ကျလာတဲ့အချိန် ခြေရာတိုင်းတာတွေ သဘောထားကွဲလွဲမှုတွေဖြစ်လာပြီး သူတို့နှစ်ယောက်ဆက်ဆံရေးက စိမ်းသက်ခဲ့ပါတယ်။ အဲဒါအပြင် ထရက်ဗာကို မိန်းကလေးတွေနဲ့ရှုပ်နေတယ်ဆိုပြီး စကားများရန်ဖြစ်ရတာတွေလည်း ခဏခဏပါပဲ။ နောက်ဆုံးမှာ ဗေဒါရဲ့စိတ္တဇကြောင့်reality နဲ့ထင်‌ယောင်ထင်မှားဖြစ်တာကို မခွဲခြားနိုင်တော့ဘဲ အတိတ်သံသရာထဲလည်နေပြီး ဒီထဲကလွတ်မြောက်ဖို့ ထွက်ပေါက်ရှာသွားမှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai Kay Khaing ဖြစ်ပါတယ်

ဒီဇာတ်ကားလေးကတော့၂၀၁၅ ခုနှစ်ကထွက်ရှိခဲ့တဲ့ "Imprisoned: Survival Guide for Rich-and-Famous" ရဲ့ နောက်ဆက်တွဲ ဇာတ်ကား ဖြစ်တဲ့ "Imprisoned II: There Is No Escape from Fate" (2024)ဇာတ်ကားလေးပဲဖြစ်ပါတယ်။ ပထမကားထက် ပိုပြီးတော့ အကြိတ်အနယ်ရှိတဲ့ ထောင်တွင်း အားပြိုင်မှုတွေကို ရိုက်ကူးထားတာဖြစ်ပါတယ်။ ဇာတ်လမ်းအကျဥ်း "ယုယတ်ဆန်း''ဆိုတဲ့ ပညာတတ် လူငယ်လေးဟာ သူ့ရဲ့အတွင်းရေးမှူးကို သတ်တယ်လို့ စွပ်စွဲခံရပြီး ကျုံယွမ်ဗဟိုအကျဉ်းထောင်မှာ တစ်သက်တကျွန်း ထောင်နန်းစံနေရပါတယ်။ စည်းမျဉ်းတွေစည်းကမ်းတွေ ပိုင်းခြားထားတဲ့ ဗဟိုထောင်ရဲ့ အချုပ်အခြာအာဏာအရ ယတ်ဆန်းတစ်ယောက် ရှေ့နေငှားမရ အယူခံဝင်မရ ဖြစ်နေပါတယ်။ ဒါပေမဲ့ ယတ်ဆန်းဟာ ဟောင်ကောင်စီးပွားရေး လုပ်ငန်းရှင် တစ်ယောက်ဖြစ်ပြီး အများနဲ့ မတူတဲ့ အတွေးအခေါ်ကို ပိုင်ဆိုင်ထားတဲ့ လူထူးလူဆန်း ပညာတတ်တစ်ယောက်ပါ။ သူ့ရဲ့အားသာချက်က စာအရမ်းဖတ်တာပါပဲ...သူဟာ ထောင်တွင်းမှာ ဥပဒေစာအုပ်တွေဖတ်ပြီး သူ့ကိုယ်သူ အယူခံဝင်နိုင်ဖို့ ​ကြိုးစားပါတော့တယ်။ ဒါပေမဲ့ ထောင်မှူးရဲ့ ရက်စက်ယုတ်မာမှုတွေ ထောင်တွင်းက လူမိုက်တွေ..ထောင်သားအချင်းချင်း နှိပ်စက်မှုတွေ ထောင်ရဲ့စည်းမျဥ်းစည်းကမ်းတွေနဲ့ ထောင်က​နေလွတ်ရဖို့ အခက်အခဲတွေ ရင်ဆိုင်ရပါတော့တယ်။ ဒီလို အခက်အခဲတွေကို ရင်ဆိုင်ပြီး ယတ်ဆန်းတစ်ယောက် ထောင်ကနေ ပြန်လွတ်နိုင်ပါ့မလား??? သူ မသတ်တဲ့ လူသတ်မှုတစ်ခုအတွက် ထောင်က လွတ်မြောက်ဖို့ ကြိုးစားရ

ဒီဇာတ်လမ်းထဲမှာ လူတွေကြားက ဆက်ဆံရေးနဲ့ ခံစားချက်တွေ ရောယှက်နေတဲ့ အခိုက်အတန့်လေးတွေကို ပြသထားတယ် တစ်ယောက်နဲ့တစ်ယောက် စကားပြောရင်း စိတ်ရင်းစစ်နဲ့ ဂရုစိုက်မှုတွေ တစ်ခါတလေ နားလည်မှုလွဲလာတယ် ဥပမာ တစ်ယောက်က သူငယ်ချင်းတစ်ယောက်ကို အိမ်ကောင်းကောင်းပြန်ရောက်မရောက် စိတ်ပူပြီး ဂရုစိုက်ပေမယ့် တစ်ဖက်က အဆင်ပြေတယ်လို့ပဲ ဖြေတယ် နောက်ပိုင်းမှာ ပိုင်နက်နယ်မြေနဲ့ပတ်သက်ပြီး စကားများတာတွေ အတိတ်က ကိစ္စတွေကို ပြန်ပြောင်းသတိရတာတွေ ထွက်ပေါ်လာတယ် တစ်ဖက်မှာလည်း မိသားစုဝင်တွေကြားထဲမှာ စိတ်ဖိစီးမှုတွေ စိတ်ဓာတ်ကျတာတွေနဲ့ ပတ်သက်ပြီး ဂရုစိုက်တဲ့စကားတွေ ပြောကြတယ် ဒါပေမယ့် တစ်ခါတလေ စကားပြောရင်း တင်းမာမှုတွေ ဖြစ်ပေါ်လာပြီး တစ်ယောက်က နေရာကနေ ထွက်သွားချင်လာတယ် ဒီဇာတ်လမ်းက လူတွေရဲ့ နေ့စဉ်ဘဝထဲက စိတ်ခံစားချက်တွေ ဆက်ဆံရေးတွေရဲ့ ရှုပ်ထွေးနေတာတွေကို ရိုးရိုးလေး ဖော်ပြထားလို့ ကြည့်လို့ကောင်းတဲ့ကားလေးပါပဲ... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Kim ဖြစ်ပါတယ်