ရုပ်ရှင်အသစ်များ

Kate Hudson နဲ့ Elizabeth Moss တို့အပြိုင်သရုပ်ဆောင်ထားတဲ့ Body Horror, Thriller ရုပ်ရှင်မှာ ဘယ်လို ထူးခြားဆန်းပြား အံ့အားသင့်စရာတွေ‌ တွေ့ရမလဲသိချင်ရင် အခုပဲ ကြည့်လိုက်ပါ။ ဆမန်သာက တစ်ချိန်တုန်းက နာမည်ရတီဗီရှိုးတစ်ခုမှာပါခဲ့ပြီး လူသိများခဲ့ပေမယ့် ခုချိန်မှာတော့ အသက်ရလာတာကြောင့် သရုပ်ဆောင်အလုပ်ရဖို့ သူမအတွက် ခက်ခဲနေပါတယ်။ အလှအပထိန်းသိမ်းဖို့ သူ့အေးဂျင့်ကလည်း တိုက်တွန်းတာကြောင့် လတ်တလောမှာ ရေပန်းစားနေတဲ့ Shell ဆိုတဲ့ဆေးခန်းမှာ အရေပြားကုသမှုယူဖို့ သွားခဲ့ပါတယ်။ အဲဒီဆေးခန်းက အိုမင်းရင့်ရော်ခြင်းကို တားဆီးပေးဖို့ အခွံမာရေနေသတ္တဝါရဲ့ ဇီဝပစ္စည်းကို လူသား DNA ထဲပေါင်းစပ်ထည့်သွင်းပေးတာပါ။ အလုပ်အတွက် စိတ်သောကရောက်နေတဲ့ ဆမန်သာက သူတို့ဆီက ကုသမှုခံယူပြီးနောက်ပိုင်း တီဗီရှိုးမှာ အရွေးခံရတဲ့အပြင် Shell CEO ဇိုဝီနဲ့ပါ သူငယ်ချင်းတွေလို ရင်းနှီးလာပါတယ်။ ဒါပေမဲ့ သဘာဝတရားကို ဆန့်ကျင်မှုတိုင်းမှာ ဘေးထွက်ဆိုးကျိုးရှိတာမလို့ ဆမန်သာရဲ့ ပျော်စရာဘဝကလည်း ကြာကြာမခံဘဲ ထိခိုက်မှုတွေ ကြုံရမှာပါ။ လူတိုင်းက နုပျိုလှပချင်တာဖြစ်တဲ့အတွက် ဒီလိုစီးပွားရေးလုပ်ငန်းရှင်တွေလည်း ပေါ်ပေါက်နေဦးမှာလို့ အရိပ်အမြွက်ထည့်ထားပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

မှတ်ဉာဏ်ပျောက်ဆုံးနေတဲ့ အိန္ဒိယအရာရှိတစ်ယောက် ပါကစ္စတန်မြေအောက်ထောင်ကနေ လွတ်မြောက်လာချိန်မှာ သူဟာ ဘယ်သူဘယ်ဝါမှန်းမသိပေမဲ့ မယုံနိုင်စရာ ခွန်အားတွေ ပိုင်ဆိုင်ထားမှန်း သိလိုက်ရတယ်။ သူ့ကိုလိုက်ရှာနေသူကတော့ သူ့ရုပ်ရည်နဲ့ တစ်ပုံစံတည်းတူတဲ့ မာတင်ဆိုတဲ့ အန္တရာယ်ကြီးတဲ့ နိုင်ငံတကာ ရာဇဝတ်ကောင်ပါပဲ။ မာတင်ရဲ့ ရက်စက်တဲ့ လူသတ်မှုတွေကြားမှာ အာဂျွန်ရဲ့ သူငယ်ချင်းတွေ တစ်ယောက်ပြီးတစ်ယောက် ကျဆုံးသွားပြီး သူ့ချစ်သူပါ ပစ်မှတ်ထားခံလာရတဲ့အခါ... ဘယ်သူက မိတ်ဆွေ ဘယ်သူက ရန်သူလဲဆိုတာ မသဲကွဲတော့ပါဘူး။ မှတ်ဉာဏ်မဲ့နေသူက အမှန်တရားကို ဖော်ထုတ်ပြီး သူ့ဘဝနဲ့ ချစ်သူကို ကယ်တင်နိုင်ပါ့မလား? ဘယ်သူက အာဂျွန်လဲ? ဘယ်သူက မာတင်လဲ? အက်ရှင်ခန်းကြမ်းတွေ၊ လှည့်ကွက်များစွာနဲ့ သည်းထိတ်ရင်ဖိုစရာတွေ ပြည့်နှက်နေတဲ့ ဒီဇာတ်လမ်းမှာ ရုပ်တူနှစ်ယောက်ရဲ့ အားပြိုင်မှုကို လက်မလွှတ်တမ်း ကြည့်ရှုရမှာပဲ ဖြစ်ပါတယ်။ ဒီဇာတ်ကားကို အညွန်းနဲ့ဘာသာပြန်ပေးသူကတော့ Clara Sol ဖြစ်ပါတယ်

ဒီတစ်ခေါက် M-Sub ပရိတ်သတ်ကြီးအတွက် Doomsday.Warrior.2024 (末日战士) ဆိုတဲ့ Action, Adventure, Romance, Sci-Fi ကားကောင်းလေးနဲ့ မိတ်ဆက်ပေးချင်ပါတယ်။ လပေါ်အခြေစိုက် အာကာသစခန်း 012ဟာ အမည်မသိလျှို့ဝှက်စွမ်းအင်များပါဝင်သည့် ဂြိုဟ်သားယာဉ်တစ်စီး၏ တိုက်ခိုက်မှုကို ခံလိုက်ရပြီး ဂြိုဟ်သားယာဉ်၏ လျှို့ဝှက်စွမ်းအင်များနဲ့အတူ အပိုင်းအစများအဖြစ် ကမ္ဘာမြေပေါ်သို့ ကျရောက်လာခဲ့ပါတယ်။ ထိုဖြစ်စဉ်ကို စစ်ဆေးစုံစမ်းရာမှ ဂြိုဟ်သားအာကာသယာဉ်နဲ့အတူပါလာသော လျှို့ဝှက်စွမ်းအင်တွေဟာ ကမ္ဘာ့ရေအရင်းအမြစ်များကို ခိုးယူနေကြောင်း ရှာဖွေတွေ့ရှိခဲ့ပါတော့တယ်။ထို့ကြောင့် ကမ္ဘာ့ရေအရင်းအမြစ် မပျောက်ကွယ်သွားရန်နှင့် ကမ္ဘာကြီးကို ကယ်တင်ရန်အတွက် ထူးခြားတဲ့ သဘာဝလွန်စွန်းအားရှိသူတွေဟာ ကမ္ဘာပျက်ကပ်ရဲ့ စစ်သည်တော်ဆိုတဲ့အဖွဲ့ကို ဖွဲစည်းကာ ဂြိုဟ်သားများရဲ့လျှို့ဝှက်နယ်မြေထဲကို ၀င်ရောက်ဖို ကြိုးစားခဲ့ပါတော့တယ်။ဂြိုဟ်သားတွေရဲ့ နယ်မြေထဲကို ဝင်ရောက်သွားတဲ့ ကမ္ဘာပျက်ကပ်ရဲ့ စစ်သည်တော်အဖွဲ့ဟာ ဘယ်လိုအန္တရာယ်တွေနဲ့ ရင်ဆိုင်ကြုံတွေ့ရမလဲ...ထိုအန္တရာယ်တွေကိုရော အောင်အောင်မြင်မြင် ကျော်လွှားနိူင်ပါ့မလား....?ဂြိုဟ်သားတွေက ဘာကြောင့် ရေအရင်းအမြစ်တွေကို ယူဆောင်ဖို့ လုပ်ရတာလဲ..? နောက်ဆုံးမှာ ကမ္ဘာ့ကြီး ပျက်သုန်းပြီး လူသားတွေ သေကြေမှုကနေ ကယ်တင်နိုင်ပါ့မလား ...ဆိုတာကို ဒီဇာတ်ကားလေးနဲ့အတူ ကြည့်ရှု့ခံစားပေးပါဦးနော်။ အညွှန်းနဲ့ ဘာသာပြန်သူကတော့ Nay Chii ဖြ

ဒီဇာတ်ကား​လေးက​တော့ ​ရာထူးအာဏာရှိတဲ့သူ​တွေအ​နေနဲ့ အာဏာဆက်လက်တည်မြဲဖို့အတွက် ပူ​ဇော်ပသရတဲ့ နတ်ဆိုးမိခင်ကိုယ်လုပ်​​တော်တစ်ပါးအိမ်ကို ​ဖောက်ထွင်းကြမယ့် သူခိုးအဖွဲ့အ​ကြောင်းကို ဇာတ်လမ်းဆင်ရိုက်ကူးထားပါတယ်။ ​အော့စ်မန်ဟာ ​ထောင်ကျ​နေရာက​နေ လွတ်ငြိမ်းခွင့်နဲ့ လွတ်​မြောက်လာသူဖြစ်ပါတယ်။ သမီးဖြစ်သူက ရိုးရိုးတက္ကစီကားသမားနဲ့ အိမ်​ထောင်ပြုထားလို့ စိတ်အလိုမကျဖြစ်​နေသူပါ။ တ​နေ့ ကိုယ်လုပ်​တော်ရဲ့​​ရွှေ​တွေကို ခိုးယူဖို့အတွက် သူ့နေအိမ်ကို ​ဖောက်ထွင်းဖို့ ဖြစ်လာပြီး သူတို့သူခိုးအဖွဲ့ အန္တရာယ်​တွေကြားက​​​နေ အသက်ရှင်ဖို့ ရုန်းကန်ရပုံကို စိတ်​ခြောက်ခြားဖွယ်ရိုက်ကူး​ပေးထားတဲ့ အင်ဒို​ဟော်ရာကား​လေး ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

ဒီတစ်ခါမှာတော့ လူနေမှုဘဝအကြောင်းကို သေသပ်လှပစွာပုံဖော်ထားတဲ့ ဇာတ်ကားကောင်းတစ်ပုဒ်နဲ့ မိတ်ဆက်ပေးပါမယ် " Rail 2024 " ပါ ဇာတ်လမ်းကတော့ အိမ်ထောင်ရေးနဲ့ ဘဝကြားမှာ ရုန်းကန်နေရတဲ့ လျှပ်စစ်ပြင်ဆရာ ရွာသားတစ်ယောက်အကြောင်းပါ လူသဘာဝ ဘဝကိုရုန်းကန်တဲ့အခါ လဲကျ‌တဲ့အခိုက်အတန့်တွေ တွေ့ကြုံရပါတယ် ဒီအခါပြန်မထဘဲ လမ်းမှားရောက်တတ်တာကလည်း ပုံမှန်ပါပဲ ရုန်းကန်ရင်း လမ်းမှန်မရောက်နိုင်တဲ့အခါ အရက်သမားလုံးလုံးဖြစ်ပြီး လူတွေရဲ့ လေးစားမှုကိုမခံရပါဘူး ဒါကိုတလွဲခံပြင်းစိတ်နဲ့ ဆက်နေရင်တော့ လမ်းမှားထပ်ရောက်မှာပါပဲ ဒီလိုလူတွေအတွက် လိုအပ်နေတဲ့အရာကဘာလဲ? လောကဓံကို ဘယ်လိုရင်ဆိုင်ပြီး လမ်းမှန်ရောက်အောင်ကြိုးစားမလဲ ? ဒီအကြောင်းအရာတွေကို စိတ်ဝင်စားစရာ သင်ခန်းယူစရာကြည့်ရှုရမယ့်အပြင် ရင်မောစရာထက် သဘာဝအတိုင်းချပြထားတာမို့ လက်မလွှတ်သင့်တဲ့ ဇာတ်ကားကောင်းပါ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ki Ki Chit Su ဖြစ်ပါတယ်

ဒီတစ်ခေါက်မှာတော့ ရဲမှုခင်းကားတွေ ကြိုက်နှစ်သက်သူများအတွက် ဇာတ်ကားကောင်းတစ်ပုဒ်ပါ " Anand Sreebala 2024 " ပါ မိခင်ရဲအရာရှိရဲ့သွေးအပြည့်ပါပြီး စုံစမ်းစစ်ဆေးမှုတွေကို သဘောကျတဲ့ ရဲအရာရှိဖြစ်ချင်သူ Anand ရဲ့ အကြောင်းပါ ဇာတ်လမ်းအကျဉ်းကတော့ ရေကန်ထဲကိုခုန်ချသေဆုံးသွားတဲ့ ကောင်မလေးတစ်ယောက်အကြောင်းကို အခြေခံပါတယ် ကိုယ့်ကိုယ်ကိုအဆုံးစီရင်မှုအဖြစ် အမှုပိတ်သိမ်းပြီးပေမဲ့ သံသယဖြစ်ဖွယ်အချက်တွေ အများကြီးရှိနေတာမို့ မှုခင်းသတင်းချန်နယ်တစ်ခုက ဒီအမှုကိုပြန်လည်ဖော်ထုတ်ဖို့ ကြိုးစားခဲ့ပါတယ် ဒီအခါမှာ ရဲမဖြစ်သေးပေမဲ့ အမှုတွေကိုစုံစမ်းရတာသဘောကျတဲ့ Anand တစ်ယောက် ရဲတွေနဲ့အပြိုင်စုံစမ်းမှု စတင်ခဲ့ပါတယ် ဒါက လူသတ်မှုလို့ တစ်ထစ်ချယုံထားတဲ့ Anand က သူ့ရဲ့ထင်မြင်ချက်ကို ဘယ်လိုသက်သေပြမလဲ? အဆုံးသတ်မှာရော သူ့အိပ်မက်ဖြစ်တဲ့ ရဲတစ်ယောက်ဖြစ်နိုင်မှာလား ဆိုတာ‌ကိုတော့ ဒီဇာတ်ကားကောင်းလေးကနေ စိတ်ဝင်စားဖွယ်ကြည့်ရှုလိုက်ပါရှင် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ki Ki Chit Su ဖြစ်ပါတယ်

ဆာရာဂရန့်ဆိုတဲ့ သိပ္ပံပညာရှင်တစ်ဦးက ကုမ္ပဏီကြီးကြီးတစ်ခုရဲ့ ဂျုံပင်မျိုးစိတ်အသစ်ကိုထွင်နေတဲ့ပရိုဂရမ်တစ်ခုမှာ ပါဝင်လုပ်ကိုင်ခဲ့သူ ဖြစ်တယ်။ ဂျုံပင်မျိုးအသစ်နဲ့ပတ်သက်ပြီး အစားအစာဘေးကင်းလုံခြုံရေးဆန်းစစ်ချက်ပြုလိုက်ချိန် ဂျုံအမျိုးအစားက လူတွေကို သေစေနိုင်လောက်တဲ့အထိ ဓာတ်မတည့်မှုဖြစ်စေတဲ့အပြင် ကင်ဆာဖြစ်စေနိုင်လောက်တဲ့အထိ ဖြစ်နိုင်ကြောင်း အစီရင်ခံစာထွက်လာတယ်။ ဒါပေမဲ့ ကုမ္ပဏီကြီးက အဲဒီအစီရင်ခံစာကို ဖုံးဖိပြီး ဂျုံပင်မျိုးကို ဖြန့်ချိဖို့လုပ်တဲ့အတွက် ဆာရာက ဆန်းစစ်ချက်အဖြေကို ခိုးယူပြီး ထွက်ပြေးသွားခဲ့တယ်။ ကုမ္ပဏီဘက်က သူ့ကိုခြိမ်းခြောက်မှုပြုလာတော့မှ ဆန်းစစ်ချက်ကို ပြည်သူကိုချမပြတော့ဘဲ ပြန်အပ်ချင်တဲ့အတွက် ရှေ့နေရုံးတွေဆီ အကူအညီလိုက်တောင်းတယ်။ ရှေ့နေရုံးတွေကလည်း သူမကို မကူညီပေးကြဘူး။ ဒီတော့ တရားမဝင်တဲ့နည်းနဲ့ ကြားခံညှိနှိုင်းရေးအဖွဲ့တစ်ခုကိုငှားပြီး စာရွက်ပြန်အပ်ဖို့ လုပ်တော့တယ်။ သူ့ကိုလိုက်မနှောင့်ယှက်ဖို့ ကြားခံအဖွဲ့ကို ညှိခိုင်းတာပေါ့။ ဒီတော့ ဆာရာရဲ့ စာရွက်စာတမ်းတွေကို ကြားခံညှိနှိုင်းရေးအဖွဲ့က ပြန်အပ်ပေးနိုင်မလား၊ သူမကိုရော ကာကွယ်ပေးနိုင်ပါ့မလား။ IMDb 7.2 နဲ့ Rotten Tomatoes 78% ရထားတဲ့အပြင် မင်းသမီးချော Lily James က ဆာရာဂရန့်နေရာက ပါဝင်ထားတယ်။ Thriller/ Suspense အမျိုးအစားဖြစ်ပါတယ်။ အညွှန်းနဲ့ ဘာသာပြန်ကို LYKZ ကတင်ဆက်ထားပါတယ်။

ဒါမာက ခွေးလေးတစ်ကောင်အသက်ကိုကယ်လိုက်လို့ သူ့အလုပ်ပါထွက်လိုက်ရတယ်။ ဒါမာတို့မိသားစုက တောင်ပေါ်မှာနေကြတာ။ ဒါမာ့ကိုကျောင်းထားဖို့ သူ့အမေကအကြွေးတွေယူထားရတော့ အကြွေးဆပ်ဖို့ဆိုပြီး မြို့တက်ပြီးအလုပ်လုပ်တယ်။ သူကယ်ခဲ့တဲ့ခွေးမလေး ကာလီ့ကိုလည်းခေါ်သွားတာပေါ့။ ပိုက်ဆံများများရလို့အလုပ်သွားလုပ်ပေမဲ့ အလုပ်သမားခေါင်းဆောင်ကပိုက်ဆံကြားဖြတ်ယူတော့ ဒါမာတို့အဖွဲ့နဲ့နည်းနည်းငြိကြတယ်။ အဲဒါအပြင် အလုပ်ရှင်ရဲ့သမီးခွေးကိုက်ခံလိုက်ရလို့ တစ်မြို့လုံးကခွေးတွေလိုက်သတ်ခိုင်းတဲ့အခါ ဖမ်းခေါ်သွားတဲ့ခွေးတွေထဲ ကာလီလေးလည်းပါသွားတယ်။ အဲဒါနဲ့ကာလီ့ကို ဒါမာတို့လိုက်ကယ်ကြရင်း ကာလီ့ကိုကယ်နိုင်ပါ့မလား၊ ဒါမာတို့လွတ်သွားပါ့မလားဆိုတာ ဇာတ်လမ်းနောက်ပိုင်းမှာ စိတ်လှုပ်ရှားစွာကြည့်ရှုရမှာပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Bex ဖြစ်ပါတယ်

စိတ်ဝင်စားစရာတွေ အဓိပ္ပါယ်ဖော်စရာတွေနဲ့ ပြည့်နေတဲ့ Sci-Fi, Thriller ရုပ်ရှင်ဖြစ်ပါတယ်။ သရုပ်ဆောင်ဖြစ်ဖို့ အိပ်မက်တွေနဲ့ မြို့ငယ်လေးကနေ LA ကိုပြောင်းလာတဲ့ ကောင်မလေးဂျမ်မာ...သူ့မွေးရပ်မြေမှာ သူကလွဲပြီး လူတိုင်းက နယ်မြေသစ်ကိုရွှေ့ပြောင်းဖို့ စွန့်ခွာဖို့စိတ်ကူးမရှိဘဲ မိဘလုပ်ငန်းကိုပဲ လက်လွှဲယူကြတာများပါတယ်။ ဂျမ်မာတစ်ယောက်ပဲ သူလုပ်နိုင်တယ်ဆိုပြီး ချစ်သူနဲ့ပါ လမ်းခွဲလို့ စွန့်စားထွက်လာတာပါ။ ကြားထဲမှာ အလုပ်ရှာရင်းနဲ့ Somnium ဆိုတဲ့ ဆေးခန်းမှာ အိပ်ဖန်စောင့်အလုပ်ရပါတယ်။ ပြောရရင် အဲဒီဆေးခန်းက လူတွေရဲ့အိပ်မက်ကို တကယ်ဖြစ်လာအောင်လုပ်ပေးတဲ့ နေရာတစ်ခု...Sleep pod လို့ခေါ်တဲ့ ပေါင်းချောင်ထဲ လူတွေကို ဝင်အိပ်စေပြီး သူတို့ဖြစ်ချင်တဲ့ဘဝကို ပိုင်ဆိုင်နေပြီလို့ Delulu ဖြစ်စေတဲ့ Program တစ်ခုပါ။ သေချာပေါက် ဘေးထွက်ဆိုးကျိုးတွေလည်း ရှိတာပေါ့။ ဂျမ်မာက အဲဒီ‌မှာ ညဘက်အစောင့်လိုမျိုး လုပ်ရင်း အိပ်မက်နဲ့လက်တွေ့ ရောထွေးသွားပြီး ထင်ယောင်ထင်မှားဖြစ်ရာကနေ သူတို့စမ်းသပ်ခံဖြစ်နေကြောင်း သိသွားတဲ့အခါ.... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

အဖိနှိပ်ကြီးတဲ့ အဖေရဲ့လက်အောက်ကနေ လွတ်မြောက်ဖို့ ရုန်းထွက်လာခဲ့တဲ့ လူငယ်တစ်ယောက်အတွက် အချစ်စစ်နဲ့တွေ့ဆုံခြင်းက ဘဝရဲ့ ဒုတိယအခွင့်အရေးတစ်ခုလိုပါပဲ။ သူ့အတွက်တော့ ဒီအချစ်က လွတ်လပ်မှုရဲ့အရသာနဲ့ နွေးထွေးတဲ့ခိုလှုံရာတစ်ခုပေါ့။ ဒါပေမဲ့ ကမ္ဘာကြီးတစ်ခုလုံးကို အကျပ်အတည်းဖြစ်စေခဲ့တဲ့ ကိုဗစ် Lockdown က သူတို့ရဲ့တံခါးကိုပါ လာခေါက်တဲ့အခါမှာတော့ သူခိုလှုံရာလို့ထင်ခဲ့တဲ့ အချစ်က သူ့အတွက် အကျဉ်းထောင်တစ်ခု ဖြစ်လာမှန်း မသိခဲ့ပါဘူး။ ချစ်ခြင်းမေတ္တာတွေပြလိုက် ခဏနေရင် စိတ်ပိုင်းဆိုင်ရာ ရုပ်ပိုင်းဆိုင်ရာ နှိပ်စက်မှုတွေ ပေးလိုက်နဲ့ ကြောက်မက်ဖွယ်ရာ အချစ်ကစားပွဲတစ်ခုထဲမှာ သူ ပိတ်မိသွားခဲ့တယ်။ နောက်ဆုံးမှာ သူ ဒီဘဝကနေ လွတ်မြောက်ဖို့ ကြိုးစားတဲ့အခါမှာတော့ သူခိုလှုံရာလို့ထင်ခဲ့တဲ့ အိမ်လေးကိုယ်တိုင်က သူ့အတွက် အကျဉ်းထောင်အစစ် ဖြစ်သွားခဲ့တယ်။ အချစ်လို့ထင်ခဲ့တဲ့အရာက အသက်အန္တရာယ်ကို ခြိမ်းခြောက်လာတဲ့အခါ ဒီအိမ်ကရော ဒီဆက်ဆံရေးကရော သူဘယ်လိုလွတ်မြောက်အောင် ရုန်းထွက်ရမလဲ။ အပြင်မှာ ရောဂါရဲ့ အန္တရာယ် အိမ်ထဲမှာ ကိုယ်ချစ်ရသူရဲ့ အန္တရာယ်ကြားမှာ ပိတ်မိနေတဲ့ သူ့အတွက် ထွက်ပေါက် တကယ်ပဲ ရှိပါဦးမလားဆိုတာကိုတော့ ရင်တလှပ်လှပ်နဲ့ ကြည့်ရှုရမှာ ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Clara Sol ဖြစ်ပါတယ်

ပထမကမ္ဘာစစ် ဂျာမန်တွေက ဘယ်ဂျီယံကို ကျူးကျော်နေတဲ့အချိန်ကာလဖြစ်တယ်။ Leonard Lambert လို့ခေါ်တဲ့ လယ်သမားတစ်ဦးက ရွာအပြင်ဘက် သူ့လယ်ကွင်းတွေထဲမှာ သူ့သားရယ် သမီးရယ်နဲ့ အေးအေးချမ်းချမ်းနေနေချိန် သူတို့ဆီကို ဂျာမန်စစ်တပ်တစ်တပ်က ရောက်ချလာတယ်။ အဲဒီစစ်တပ်မှာ လက်ဖတင်နင် Laurentz ဆိုသူက သွေးဆိုးပြီး ရိုင်းစိုင်းတဲ့သဘာဝရှိတယ်။ လယ်သမားဆီကနေ ရေနဲ့စားစရာကိုပဲ လိုချင်တာဖြစ်သော်ငြား Leonard ရဲ့ သမီးဖြစ်သူကို ဆွဲလားရမ်းလားလုပ်ပြီး ခြိမ်းခြောက်ပြောဆို အကြပ်ကိုင်တာတွေလုပ်တော့တယ်။ Leonard က ကောင်းကောင်းမွန်မွန်နဲ့ ဖျောင်းဖျပြောဆိုပေမယ့် သားလုပ်တဲ့သူက ညီမလေးကိုစိတ်ပူတဲ့စိတ်နဲ့ လက်ဖတင်နင်ကို ဝင်လုံးတော့တယ်။ နောက်ဆုံးတော့ သားရော သမီးရော သေသွားတယ်ပေါ့။ လက်ဖတင်နင်ရဲ့ အထက်အရာရှိ ကွန်မန်ဒါက သူ့အဖေရင်းကိုယ်တိုင်ပဲ။ ဒီတော့ ဖခင်လုပ်သူရဲ့ ဝင်ဖျန်ဖြေမှုကြောင့် လက်ဖတင်နင်က Leonard ကိုလွှတ်ပေးလိုက်တယ်။ အဲဒီမှာ Leonard က ရွာကိုပြေးပြီး ရွာသားတွေကို ပုန်းကြဖို့ လှုံ့ဆော်တယ်။ ဂျာမန်စစ်တပ်က သူ့နောက်ကလိုက်လာပြီး ရွာထဲဝင်လာချိန် ခွေးတစ်ကောင်ကြောင်တစ်မြီးမှ မမြင်ရတော့ လက်ဖတင်နင်က ဒေါကန်ပြီး Leonard ကို ပိုက်စိတ်တိုက်ရှာခိုင်းတော့တယ်။ Leonard က ပြင်သစ်တော်လှန်ရေးတပ်က ဖြစ်မယ်လို့ပါ စွပ်စွဲတော့တာ။ ဒီတော့ Leonard ခမျာ ရွာသားတွေကိုခေါ်ပြီး ပြင်သစ်နယ်စပ်ထိရောက်အောင်ပြေးဖို့ စီစဉ်ရတော့တာပေါ့။ Action/ Drama အမျိုးအစားဖြစ်ပါတယ်

ဒီဇာတ်ကားလေးကတော့ လေးပွင့်ဆိုင်အချစ်ဇာတ်လမ်းလေးပါ။ အဲလက်စ်ဆိုတဲ့ ရှေ့နေတစ်ယောက် အိမ်ကသဘောတူတဲ့ ဟီမာဆိုတဲ့မိန်းကလေးနဲ့ လက်ထပ်လိုက်ရပေမယ့် သူ့ရဲ့ရုံးက ဆိုဖီယာဆိုတဲ့ မိန်းကလေးနဲ့ဖောက်ပြန်နေတာပါ။ ယောက်ျားရဲ့ချစ်ခြင်းမေတ္တာကို မရရှိတဲ့ ဟီမာဟာ ရိုရှန်ဆိုတဲ့ ကောင်လေးနဲ့ သိကျွမ်းသွားပြီး မေတ္တာမျှခဲ့ကြတယ်။ မိခင်မေတ္တာကိုငတ်နေတဲ့ ရိုရှန်တစ်ယောက် ဟီမာရဲ့ပြုစုမှုအောက်မှာ အချစ်လား ဘာလားဆိုတာ မသဲကွဲဘဲ သာယာနေခဲ့တယ်။ ဒီလိုဆို အဲလက်စ်နဲ့ ဟီမာရဲ့ အိမ်ထောင်ရေးက အလွယ်တကူပဲ ပြိုကွဲသွားမှာလား။ အိမ်ထောင်ရေးပြိုကွဲသွားဖို့အထိ မလိုလားတဲ့ ဟီမာရဲ့ ဆန္ဒအရ ဘာတွေဆက်ဖြစ်လာမှာလဲ။ ဇာတ်ကားနာမည်က မကောင်းဆိုးဝါး ဆိုတော့ ဘယ်သူက မကောင်းဆိုးဝါးဖြစ်မလဲဆိုတာကို နောက်ဆုံးမှာမှ သိရမယ့် ဇာတ်ကားလေးပဲဖြစ်ပါတယ်။ ဒီဇာတ်ကားမှာ အဲလက်စ်အဖြစ် မင်းသား Vidharth ၊ ရိုရှန်အဖြစ် မင်းသား Arun နဲ့ ဟီမာအဖြစ် မင်းသမီး Shamna တို့က အဓိက ပါဝင်သရုပ်ဆောင်ထားတာဖြစ်ပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Cherry ဖြစ်ပါတယ်။

နိုင်ငံရေးအယူဝါဒကွဲပြားပုံ၊ လူ့ကျင့်ဝတ်ဖောက်ပြန်မှုတွေနဲ့ လူသားတွေရဲ့ ခန့်မှန်းမရနိုင်တဲ့ အပြုအမူတွေကို သွယ်ဝိုက်ဖော်ပြထားတဲ့ dark humor, Monster-Horror ဖြစ်ပြီး Gen Z တွေအတွက် ရုပ်ရှင်လို့ ညွှန်းချင်ပါတယ်။ ဒီထဲမှာ "Ick" ဆိုတာကို အကျိုးသက်ရောက်မှု မမြင်နိုင်တဲ့ biological metaphor အဖြစ် ခိုင်းနှိုင်းသုံးထားပြီး တချို့က သူ့ကို virus ပိုးလို force အဖြစ်မြင်ကြပြီး တချို့က ဂြိုလ်သားအဖြစ်မြင်ကြပါတယ်။ လူ့အသိုင်းအဝိုင်းကို ကူးစက်ပျံနှံ့စေတဲ့ စိတ်သောက၊ မဲဆန္ဒရှင်ဖိနှိပ်ခံရခြင်း စတာတွေကို ပုံခိုင်းယူထားတာပါ။ ဇာတ်ကောင်တွေက ick ကို ထိန်းချုပ်ဖို့ လေ့လာဖို့ လက်နက်အဖြစ်ပြောင်းဖို့ ကြိုးစားကြပါတယ်။ ဟန့်ဝေါလေ့စ်ဆိုတဲ့ အဓိကဇာတ်ကောင်က တစ်ချိန်က အထက်တန်း‌ကျောင်းရဲ့ နာမည်ကျော် ဘောလုံးသမားဖြစ်ပေမယ့် ခြေကျိုးသွားလို့ အနားယူပြီး သိပ္ပံဆရာဝင်လုပ်နေပါတယ်။ သူ့အတန်းက ကျောင်းသူဖြစ်တဲ့ ဂရေ့စ်ကိုပါ သူ့သမီးထင်နေပြီး အကဲခတ်နေတာပါ။ ဒီကြားထဲ Ick အန္တရာယ်ကလည်း ရှိသေးတော့ ဒီသတ္တဝါတွေကို တိုက်ဖျက်ဖို့ ကြိုးစားရင်း သားအဖဆက်ဆံရေး ပိုကောင်းလာမလား ပိုပဲဆိုးသွားမလား ကြည့်ရမှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

မိုးအေးအေးနဲ့ chill ဖို့ review ကောင်းတွေရထားတဲ့ ရုပ်ရှင်လေး လာပါပြီ။ Supernatural fantasy/ Adventure ဖြစ်ပြီး အဓိပ္ပါယ်ပါတာမို့ မလွတ်တမ်း ကြည့်သင့်ပါတယ်။ ဂျက်နဲ့အမ်ဘာတို့မောင်နှမဟာ မိခင်ဆုံးပြီးနောက်ပိုင်း ဖခင်နဲ့အတူနေရင်း ကိုယ့်နည်းနဲ့ကိုယ် ပူဆွေးနာကျင်မှုတွေကို ဖြေဖျောက်နေပါတယ်။ အမ်ဘာကတော့ သူခံစားရတဲ့ နာကျင်မှုတွေကို စာအုပ်ထဲမှာ စိတ်ကူးယဉ်အကောင်ပုံတွေဆွဲပြီး သရုပ်ဖော်ပါတယ်။ သူဆွဲသမျှကလည်း ပျော်စရာတစ်ခုမှ မပါဘဲ သေကြေပျက်စီးစရာတွေချည်းပါပဲ။ ဆရာဝန်ကလည်း ဒီနည်းလမ်းက ထိရောက်တယ်ပြောလို့ အမ်ဘာက ဆွဲမြဲဆွဲခဲ့ပါတယ်။ ဒါပေမဲ့ ဂျက်က တောထဲမှာ ထူးဆန်းတဲ့ရေအိုင်တစ်ခု ရှာတွေ့ပြီး အမ်ဘာရဲ့ ပုံဆွဲစာအုပ် အဲဒီထဲပြုတ်ကျသွားတဲ့အခါ မိစ္ဆာကောင်တွေအကုန် အသက်ဝင်လာပါတော့တယ်။ ဒီကပ်ဆိုးကို တားဆီးဖို့ သူတို့အတူတကွ ပူးပေါင်းပြီး အဖြေရှာမှာပါ။ သားအဖသုံးယောက် ကိုယ်စီနာကျင်မှုတွေ နောက်ဆုံးမှာ ကွယ်ပျောက်သွားနိုင်မလား ဆက်လက်ခံစားအားပေးကြပါဦး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

စပိန်စကားပြော အချစ်ဟာသဇာတ်ကားလေးဖြစ်ပါတယ်။ ၂၀၁၅ ခုနှစ်ကထွက်ရှိခဲ့တဲ့ ပြင်သစ်စကားပြော Blind Date ဆိုတဲ့ ဇာတ်ကားကို ပြန်လည်ရိုက်ကူးထားတာ ဖြစ်တယ်။ ဗယ်လန်တီနာဆိုတဲ့ ကောင်မလေးက နှစ်ခန်းတွဲတိုက်ခန်းအသစ်တစ်ခုကို ပြောင်းလာပြီး လူရွေးပွဲတစ်ခုမှာဝင်ပြိုင်ဖို့အတွက် အိမ်မှာပဲ စန္ဒရားတီးလေ့ကျင့်နေသူ ဖြစ်တယ်။ သူမရဲ့ ဘေးတိုက်ခန်းမှာ နေတဲ့သူကတော့ သုံးနှစ်ကြာ အခန်းတံခါးပိတ်ပြီး ဂိမ်းတီထွင်နေတဲ့ ဒါဗိထ်ဆိုသူ ဖြစ်တယ်။ ဒါဗိထ်က သူ့ဘေးခန်းကို ပြောင်းလာတဲ့သူတိုင်း ကြောက်လန့်ပြီးပြောင်းပြေးအောင် အသံမျိုးစုံနဲ့ နှိပ်စက်တတ်တယ်။ ဘာလို့ဆို သူတို့တိုက်ခန်းနှစ်ခုအကြား နံရံက ပါးလွှာလွန်းတဲ့အတွက် အသံမလုံတော့ သူဂိမ်းရေးဆွဲတဲ့အခါ အာရုံစိုက်လို့မရလို့ပါတဲ့လေ။ ဒီတော့ ဗယ်လန်တီနာကိုလည်း သူက ခြောက်လှန့်ပြီး ပထုတ်ဖို့ ကြိုးစားပါတော့တယ်။ ဒီတော့ သူတို့နှစ်ဦးအကြား ဘယ်လိုတွေဆက်ဖြစ်ကြမလဲ။ ဗယ်လင်တီနာကရော လူရွေးပွဲမှာ အောင်မြင်ပါ့မလား။ ဒါဗိထ်ကရော သုံးနှစ်ကြာ အိမ်တွင်းအောင်းနေရာကနေ အပြင်ကိုထွက်လာနိုင်မှာလား။ အညွှန်းနဲ့ ဘာသာပြန်ကိုတော့ LYKZ က တင်ဆက်ထားပါတယ်။

Martin Scorsese ထုတ်လုပ်ပြီး Rodrigo Cortes ရိုက်ကူးတဲ့ Thriller/ Comedy စပိန်စကားပြော ရုပ်ရှင်ဇာတ်ကား ဖြစ်ပါတယ်။ ကိုယ်ဝန်လွယ်ထားတဲ့ ချစ်ရသူဇနီးဆုံးပါးပြီး ၁၀လအကြာ ... ‘အန်’တစ်ယောက် ဘဝမှာဘာကိုမှ ဆုံးဖြတ်ချက်မချချင်တော့ဘဲ သူ့ရဲ့လွတ်လပ်ခွင့်ကို လက်လွှတ်ဖို့ ဆုံးဖြတ်ချက်ချလိုက်ပါတော့တယ်။ သူ့ဘေးမှာရှိနေပေးတဲ့ ညီမလုပ်သူနဲ့ စိတ်ရောဂါကုဆရာဝန်တို့လည်း စိတ်ပျက်ရုံမှအပ သူတို့လည်းဘာမှမလုပ်ပေးနိုင်ကြတော့ဘူး။ အန်က သူ့ဘဝကို အကျဉ်းထောင်ထဲမှာပဲ ကုန်ဆုံးချင်တယ်ဆိုပြီး ထောင်ကျနိုင်မယ့် ပြစ်မှုမှန်သမျှ ကျူးလွန်တော့တယ်။ ညီမလုပ်သူက သူထောင်မကျရေး အသည်းအသန်လိုက်ကြိုးပမ်း၊ သူက ထောင်ဒဏ် နှစ်များများကျဖို့အတွက် စဉ်းစားမိသမျှ အကုန်လုပ်နဲ့။ အမှုတွေဘယ်လောက်ထိ သူကျူးလွန်မလဲ။ သူ့ဆန္ဒတွေ ပြည့်မြောက်မလားဆိုတာကတော့...။ အညွှန်းနဲ့ ဘာသာပြန်ကိုတော့ LYKZ က တင်ဆက်ထားပါတယ်။

Balcony (လသာဆောင်)ကနေ ကြည့်နေပြီး ကိုယ်တိုင်လှုပ်ရှားတာထက် သူများကို မှတ်ချက်ပေးပြီး ဘဝကို ဖြတ်သန်းနေတဲ့အကြောင်းကို သရော်ထားတဲ့ Dark Comedy အမျိုးအစား ပြင်သစ်ရုပ်ရှင်ပါ။ Social Media မှာ Spectator ဖြစ်နေတာကို ဆက်စပ်သရော်ထားပါတယ်။ ပြင်သစ်နိုင်ငံမှာ အပူလှိုင်းဖြတ်နေစဉ်အတွင်း Marseille မြို့လေးက သူငယ်ချင်း မိန်းကလေးသုံးယောက်အကြောင်းကို သရုပ်ဖော်ထားတာပါ။ ရူဘီက social media မှာအစွန်းရောက်ဖျော်ဖြေချင်တဲ့သူ၊ နီကိုးလ်က စာရေးဆရာ၊ အယ်လိစ်က သရုပ်ဆောင်...သူတို့သုံးယောက်က ပူနေတုန်း တစ်အိမ်ထဲမှာလာစုပြီး မျက်နှာချင်းဆိုင်အိမ်က ယောကျာ်းကို လသာဆောင်ပေါ်ကနေ စပ်စုတွတ်ထိုးနေကြတာပါ။ ဒီလိုနဲ့ အဲဒီယောကျာ်းနဲ့ခင်သွားရာကနေ သူ့အိမ်ကို အလည်သွားပြီး ခြောက်ခြားဖွယ်ရာ အဖြစ်ဆိုးနဲ့ကြုံရမှာပါ။ အကြောင်းရင်းမသိဘဲ ဒီပြဿနာကို ဖြေရှင်းဖို့ကြိုးစားရင်း သူတို့ဘဝကိုပြောင်းလဲစေမယ့် အတွေးတွေဝင်လာတာကိုပါ မြင်ရပါမယ်။ ပြင်သစ်ကားတွေထုံးစံအတိုင်း nude scenes တွေပါတာမို့ မိသားစုနဲ့ကြည့်ဖို့ မသင့်တော်ပါဘူး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ဇာတ်လမ်းစစချင်း ရွာတစ်ရွာရဲ့ ငွေရှင်ကြေးရှင်လို့ထင်ရသူ သခင်ကန့်ဆိုသူရဲ့ စပါးကျီက မီးလောင်ပါတယ်။ မီးရှို့တဲ့လူတွေက ရွာရဲ့ကာလသားတွေဖြစ်ကာ မှိုစားပြီး ရှို့လိုက်ကြတာဖြစ်တယ်။ ဒါကိုတော့ ဝေါ်တာဆိုတဲ့ ဇာတ်လိုက်တစ်ဦးတည်းကသာ သိထားတာဖြစ်တယ်။ ဒီလိုနဲ့ သိပ်မကြာဘူး... သခင်ကန့်ဆီကို မြေပုံရေးဆွဲသူတစ်ဦး ရောက်လာကာ သူတို့ရွာရဲ့ မြေမျက်နှာသွင်ပြင်တွေကို လိုက်လံမှတ်သားပြီး အမည်ပေးတဲ့အလုပ်တွေကို လုပ်ပါတော့တယ်။ သူနဲ့ရှေ့ဆင့်နောက်ဆင့်ဆိုသလို လူစိမ်းသုံးဦးကလည်း ရွာအနီးကိုရောက်လာပါတော့တယ်။ ရွာကမွေးထားတဲ့ ကြက်တွေငှက်တွေကို ဖမ်းစားတဲ့အတွက် သခင်ကန့်က ဦးစီးဦးဆောင်ပြုပြီး ယောက်ျားသား ၂ဦးကို ထိပ်တုံးခတ်အပြစ်ပေးလိုက်တယ်။ အမျိုးသမီးကိုတော့ ကတုံးတုံးပြီး လွှတ်ပေးလိုက်တော့တယ်။ သူ့စပါးကျီကိုလည်း ဒီလူတွေပဲ မီးရှို့တာဖြစ်ရမယ်လို့ စွပ်စွဲပြီး တစ်ရွာလုံးက သူတို့အပေါ်မောက်မာရိုင်းစိုင်းကြတော့တယ်။ ဒါကို ဇာတ်လိုက်က မတရားမှန်းသိပေမယ့် အမှန်ကိုထုတ်ပြောခြင်းလည်း မရှိခဲ့ဘူး။ ဒါက သူတို့ရွာလေးပျက်သုဉ်းခြင်းရဲ့ အစ ဖြစ်လာပါတော့တယ်။ သည်းထိတ်ရင်ဖိုအမျိုးအစား မဟုတ်ဘဲ ဒရမ်မာဖြစ်ပါတယ်။ အညွှန်းနဲ့ ဘာသာပြန်ကိုတော့ LYKZ က တင်ဆက်ထားပါတယ်။

ပုရိသတွေအသည်းစွဲ မင်းသမီးလေး Sydney Sweeney ပါဝင်သရုပ်ဆောင်ထားတဲ့ ကားလေးလာပါပြီ။ လူသဘော လူ့မနော လူတွေရဲ့ ဗီဇစရိုက်တွေကို မကွယ်မဝှက်ဘဲမြင်ရမယ့် ဖြစ်ရပ်မှန်ကိုအခြေခံထားတဲ့ ဇာတ်ကားလေးတစ်ခုပါ။ ဇာတ်လမ်းအစမှာ တတိယကမ္ဘာစစ်ကြီးအပြီး အဖက်ဖက်မှာ ဆုတ်ယုတ်လာတဲ့ လူသားတွေနဲ့ လောကကြီးကို စိတ်ကုန်လာတဲ့ ဒေါက်တာ ဖရစ်ဒရစ် ရီတာနဲ့ ပါတနာ ဒိုရာတို့ဟာ လူသူမရှိတဲ့ နေရာတစ်ခုမှာ သီသန့်အခြေချဖို့ ဖလော်ရီရန်နာ ကျွန်းကိုရောက်လာရာကစပါတယ်။ ကျွန်းပေါ်မှာ သီးသန့်နေထိုင်ရင်း သူ့ရဲ့ဝါဒနဲ့ ပတ်သက်ပြီး လူထုကိုအသိပညာပေးဖို့ဆိုပြီး ဒေါက်တာရီတာက စာအုပ်တစ်အုပ်ရေးသားပါတယ်။ ရေးသားပြီး စာတိုက်ကနေ ကမ္ဘာပေါ်က စာနယ်ဇင်းတိုက်တွေစီ ပို့ရာမှ ဒေါက်တာရီတာရဲ့ အယူအဆတွေ နေပုံထိုင်ပုံတွေဟာ လူတွေရဲ့ စိတ်ဝင်စားမှုကိုခံလာရပါတယ်။ ဒါကို ဒေါက်တာရီတာက မသိပါဘူး။ ဒီလိုနဲ့ တစ်နေ့မှာ ရီတာရဲ့ အတွေးအခေါ်တွေကို အရမ်းလေးစားတဲ့ ဝစ်မန်းတို့မိသားစုဟာ ရီတာတို့ရဲ့ ကျွန်းပေါ်ကို အခြေချဖို့လိုက်လာပါတယ်။ သီးသန့်နေချင်လို့ ကျွန်းပေါ်ပြောင်းနေပါတယ်ဆိုမှ သူ့နောက်လိုက်လာတဲ့လူတွေရှိတာကို ရီတာက မကြိုက်ပါဘူး ဒါကြောင့် ‌ရောက်လာတဲ့ ဝစ်မန်းတို့ကို ပညာပြပါတော့တယ်။ ဒီအချိန်မှာ ‌ကျွန်းမှာ အပန်းဖြေစခန်းဆောက်မယ်ဆိုပြီး မြို့ဝန်ကတော် တစ်ယောက်က ရောက်ချလာပြန်ပါတယ်။ သူတို့သုံးဦးရဲ့ ပြိုင်ဆိုင်မှုတွေ၊ သစ္စာဖောက်မှူတွေ လူတွေရဲ့ ကောက်ကျစ်မှုတွေ ဖုံးကွယ်မထားတဲ့ လူ့သဘော စရိုက်တွေကို

ဒီဇာတ်ကားက နက်တလီဆိုတဲ့ မိန်းကလေးတစ်ယောက်အကြောင်းပေါ့။ သူက အိမ်အသစ်တစ်လုံးကို လာကြည့်တယ်။ အဲဒီအိမ်က နှစ်ပေါင်းများစွာကြာအောင် ရောင်းမထွက်ဘဲဖြစ်နေတာ။ အရင်ပိုင်ရှင်တွေက အဲဒီအိမ်မှာပဲ သေဆုံးခဲ့ကြပြီး ထူးဆန်းတဲ့ ဖြစ်ရပ်တွေလည်း အများကြီးဖြစ်ခဲ့ဖူးတယ်လို့ သိရတယ်။ နက်တလီ အိမ်ထဲရောက်ပြီး မကြာခင်မှာပဲ ထူးဆန်းတဲ့အရာတွေ စဖြစ်လာတယ်။ အိမ်က သူ့ကို ခြောက်လှန့်နေသလိုမျိုး ခံစားရတယ်။ ဖုန်းဆက်ပြီး အကူအညီတောင်းပေမဲ့ ဘယ်သူမှ မယုံကြဘူး။ နောက်ဆုံးတော့ ရဲတစ်ယောက်ရောက်လာပြီး နက်တလီကို ကူညီဖို့ ကြိုးစားတယ်။ ဒါပေမဲ့ ရဲကလည်း အိမ်ထဲမှာပဲ ပျောက်သွားတယ်။ နက်တလီက အိမ်ထဲကနေ ထွက်ပြေးဖို့ ကြိုးစားရင်း အသက်ရှင်ဖို့ ရုန်းကန်ရတယ်။ အဲဒီအိမ်ထဲမှာပဲ ကလေးမွေးဖွားခဲ့ရတယ်။ ဆေးရုံရောက်တော့ နက်တလီကို တိုက်ခိုက်ခဲ့တဲ့သူက လုံခြုံရေးအမြင့်ဆုံး စိတ်ရောဂါကုဆေးရုံကနေ ထွက်ပြေးလာတဲ့သူဖြစ်ပြီး သူက ၁၉၂၉ ခုနှစ်မှာ အဲဒီအိမ်မှာ မွေးခဲ့တယ်လို့ သိရတယ်။ သူက အိမ်ကို စွဲလမ်းနေပြီး အိမ်ရှိနေသရွေ့ သူလည်း ရှိနေဦးမယ်လို့ ထင်နေတာ။ နက်တလီဟာ ဒီထူးဆန်းတဲ့အခြေအနေတွေကြားကနေ ဘယ်လိုရုန်းထွက်ပြီး သူ့ကလေးကို ကာကွယ်မလဲဆိုတာကို ဒီဇာတ်လမ်းမှာ ကြည့်ရှုရမှာဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Yin Yin Mon ဖြစ်ပါတယ်

ဇာတ်ကားက ထူးဆန်းတဲ့ ကပ်ရောဂါတစ်ခုကြောင့် လူတွေရဲ့အရေပြားတွေ ပုံမှန်မဟုတ်ဘဲ ပြောင်းလဲလာပြီး ပတ်ဝန်းကျင်နဲ့ ပေါင်းစပ်သွားတဲ့အကြောင်း ရိုက်ပြထားပါတယ်။ ဒီရောဂါကူးစက်ခံရတဲ့သူတွေဟာ သေဆုံးသွားတာမဟုတ်ဘဲ၊ ပုံစံပြောင်းလဲပြီး သတ္တဝါတွေအဖြစ် ပြန်လည်မွေးဖွားလာကြပါတယ်။ ဇာတ်လမ်းအစမှာ ဟန်စ်နဲ့ ကက်ဆန်ဒရာတို့ဟာ လိင်ပိုင်းဆိုင်ရာစစ်တမ်းတစ်ခုကနေစပြီး ဆက်သွယ်မိကြပါတယ်။ ကက်ဆန်ဒရာဟာ မသန်စွမ်းကလေးတွေကို စောင့်ရှောက်သူဖြစ်ပြီး ဟန်စ်ကတော့ မသန်စွမ်းသူတစ်ယောက်ပါ။ ကပ်ရောဂါစဖြစ်လာတော့ အစိုးရကအပြင်မထွက်ရအမိန့်ထုတ်ပြီး စစ်တပ်က လုံခြုံရေးယူပါတယ်။ လူတွေဟာ အိမ်ထဲမှာပဲ ပိတ်မိနေပြီး တစ်ယောက်နဲ့တစ်ယောက် အဆက်အသွယ်ပြတ်တောက်လာပါတယ်။ ဟန်စ်နဲ့ ကက်ဆန်ဒရာတို့ဟာ သူတို့ရဲ့တိုက်ခန်းထဲမှာ အတူနေရင်း ဒီထူးဆန်းတဲ့ကပ်ရောဂါကို ရင်ဆိုင်ကြရပါတယ်။ သူတို့ပတ်ဝန်းကျင်က လူတွေလည်း ကူးစက်ခံရပြီး ပုံစံပြောင်းလဲလာကြပါတယ်။ ဒီရောဂါက မျက်လုံးချင်းဆုံတာနဲ့ ကူးစက်နိုင်တယ်လို့ ယုံကြည်ကြပါတယ်။ သူတို့နှစ်ယောက်ဟာ အသက်ရှင်ဖို့အတွက် နည်းလမ်းမျိုးစုံရှာဖွေရင်း တစ်ယောက်ကိုတစ်ယောက် အားပေးကြပါတယ်။ ဇာတ်လမ်းရဲ့အဓိကအချက်ကတော့ လူသားတွေရဲ့ ကြောက်ရွံ့မှု၊ အထီးကျန်မှု၊ ပြီးတော့ အသက်ရှင်ရပ်တည်ဖို့အတွက် ဘယ်လိုပြောင်းလဲနိုင်လဲဆိုတာကို ပြသထားပါတယ်။အဆုတ်ငါးပုံပြင်ကို ပြောပြခြင်းအားဖြင့် အသက်ရှင်ဖို့အတွက် ဘယ်လိုစွန့်စားရဲရမယ်ဆိုတာကိုပုံဆောင်ထားပါတယ်။ နောက်ဆုံးမှာတော့ သူတိ

နင်မိုတို့မိသားစုလေးယောက်က ချစ်ချစ်ခင်ခင်ရှိပြီး သာယာတဲ့မိသားစုပါ။ အငယ်ဆုံးလေး နင်မို့ကို တစ်မိသားစုလုံးကဝိုင်းချစ်ကြတယ်။ တစ်နေ့ သူတို့မြို့ရဲ့ဝန်ကြီးချုပ်အသတ်ခံရပြီးနောက်ပိုင်း နေရာအနှံ့အဓိကရုဏ်းတွေဖြစ်လာကြတယ်။ အဲဒါနင်မိုတို့သားအမိလည်း ဘေးလွတ်ရာကိုကားနဲ့ထွက်ပြေးရင်း ဟာနာဆယ်အရောက်မှာ ကားမှောက်ပြီး နင်မိုကလွဲလို့ တစ်မိသားစုလုံးဆုံးပါးသွားတယ်။ ဂယောင်ဂတမ်းလျှောက်သွားရင်း လယ်ကွင်းထဲမှာ နင်မိုလည်းလဲကျသွားတယ်။ မနက်ကျ နင်မို့ကိုရမ်ဆင်းက ရှာတွေ့သွားပြီး အိမ်ကိုခေါ်သွားတယ်။ သူ့မိသားစုကိုရှာမတွေ့တာနဲ့မွေးစားလိုက်တယ်။ ရမ်ဆင်းနဲ့အန်ဂရယ်ဂျိုတို့လင်မယားက နင်မို့ကိုသမီးအရင်းလိုချစ်ကြပြီး ဆူဟာနီလို့နာမည်ပေးလိုက်တယ်။ ဆူဟာနီက ညဘက်တွေဆို အရင်မိသားစုအကြောင်းအိပ်မက်ဆိုးတွေမက်လေ့ရှိတယ်။ အဲဒီလိုနဲ့တစ်နေ့ သူမိသားစုကိုရှာဖို့ထွက်လာတဲ့အချိန်မှာ ဘာဆက်ဖြစ်မလဲဆိုတာတော့ ဒီကားထဲမှာစောင့်ကြည့်ပေးကြပါဦး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Bex ဖြစ်ပါတယ်

လျှို့ဝှက်ဆန်းကြယ်ပြီး သည်းထိပ်ရင်ဖိုဖြစ်ရတဲ့ ဇာတ်ကားတွေကြိုက်လား ဒါဆိုရင်တော့ " Kanika 2025 " ကိုညွှန်းပေးပါရစေ ချစ်သူ့ရဲ့အလှည့်စားခံရပြီး မိမိကိုယ်ကိုအဆုံးစီရင်သွားတဲ့ သခင်မလေးကာနီကာ ပူဗရာရှီအိမ်တော်ကြီးမှာ သခင်မလေးရဲ့ဝိညာဉ်ဟာ သူ့ချစ်သူ့ကိုစောင့်မျှော်နေခဲ့ပါတယ် တစ်ဘက်မှာလည်း ဒီဆန်းကြယ်တဲ့အကြောင်းအရာကို စာရေးဆရာမတစ်ဦးက စာအုပ်ထုတ်ရေးသားဖို့လုပ်ခဲ့ပါတယ် ဒီအခါမှာ ကာနီကာသေဆုံးမှုရဲ့ဖြစ်ရပ်မှန်ကဘာလဲ ချစ်သူကဘယ်လိုလှည့်စားထားခဲ့လဲ ? ဒါတွေကို တဖြည်းဖြည်းသိလာရပြီး ကာနီကာဝိညာဉ်က အကူအညီတောင်းခံလာတဲ့အခါ... စာရေးဆရာမလေးဘယ်လိုဖြေရှင်းဖော်ထုတ်သွားမလဲဆိုတာကို စိတ်ဝင်တစားကြည့်ရှုရမှာမို့ လက်မလွှတ်သင့်တဲ့ ဇာတ်ကားကောင်းလေးပါ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ki Ki Chit Su ဖြစ်ပါတယ်

ပြင်သစ်စကားပြော Thriller/ Crime ရုပ်ရှင်အမျိုးအစားဖြစ်ပါတယ်။ အသက် ၁၅ နှစ်အရွယ် လေစီယာဆိုတဲ့ ကောင်မလေးက အဒေါ်ဖြစ်သူနဲ့ ရွာမှာပဲ အတူတူနေရသူဖြစ်တယ်။ မိခင်ဖြစ်သူက ဆုံးပါးသွားပြီဖြစ်သော်လည်း ဖခင်ဖြစ်သူမှာ လူဆိုးဂိုဏ်းကြီးကြီးတစ်ခုရဲ့ ဂိုဏ်းခေါင်းဆောင်ဖြစ်တော့ တစ်နေရာပြီးတစ်နေရာ လှည့်လည်သွားလာနေသူဖြစ်တယ်။ တစ်ရက် ဂိုဏ်းကလူတစ်ယောက်က သူမကိုလာခေါ်တယ်။ ကျောင်းပိတ်ရက်မှာ သူမဖခင်နဲ့အတူတူ အချိန်ဖြုန်းဖို့ပေါ့။ ဒါပေမဲ့ ဆယ်ကျော်သက်အရွယ် သူမက ရွာမှာပဲချစ်သူနဲ့ပလူးပလဲနေချင်တာကို ကျွန်းပေါ်မှာ လူဆိုးဂိုဏ်းနဲ့ အချိန်ဖြုန်းရမယ်ဆိုတော့ကာ ... ဖခင်ကိုလည်း မကြည်ဖြူတော့ဘူး။ သိပ်မကြာပါဘူး... လူဆိုးဂိုဏ်းအချင်းချင်းတိုက်ပွဲတွေ ဖြစ်လာတဲ့အခါမှာ သားအဖနှစ်ယောက်ရဲ့ ဆက်ဆံရေးက ဘယ်လိုတွေဖြစ်လာမလဲ.... သူမရော တိုက်ပွဲကြားကနေ လွတ်မြောက်ပါ့မလား.... အညွှန်းနဲ့ ဘာသာပြန်ကိုတော့ LYKZ က တင်ဆက်ထားပါတယ်။