ရုပ်ရှင်အသစ်များ

မှော်အတက်ပညာကို တားမြစ်ထာတဲ့ အာလာရီရွန်တိုင်းပြည်မှာ ဟိုးဘိုးဘေးခေတ်ကတည်းက ဟောကိန်းထုတ်ထားတဲ့ မှော်ပညာရွှေခေတ်ရောက်လာမယ်ဆိုတဲ့ ဟောကိန်းရှိပါတယ် အဲ့ဟောကိန်းထဲမှာ ရွာလေးတစ်ရွာကမိန်းကလေးငယ်တစ်ယောက်က ဓာတ်ကြီးလေးပါးကိုရှာပြီး ဝှက်ထားတဲ့မှော်တုတ်တံကိုယူနိုင်ရင် မှော်ရွှေခေတ်ဖြစ်လာမယ်လို့ဟောထားတော့ တစ်နေ့ဘုရင်မတပ်မှူးတစ်ယောက်က ဟောကိန်းထဲကအတိုင်းအသွင်ရှိတဲ့မိန်းကလေးတစ်ယောက်ကိုအမှတ်မထင်တောထဲမှာတွေ့လိုက်ရာက သူတို့နှစ်ယောက်ပူးပေါင်းပြီး မှော်တုတ်တံကိုယူဖို့စွန့်စားခန်းခရီးထွက်ပါတော့တယ် အဲ့ဒီနတ်မှော်တုတ်တံကို ဘုရင်မကလည်းလိုချင်နေတာမလို့ သူတို့ကိုဘယ်လိုအန္တရာယ်တွေပြုမလဲ အခက်အခဲတွေကြားက သူတို့ဘယ်လိုမှော်တုတ်တံရအောင်ယူကြမလဲဆိုတာ ကြည့်ရှုရမယ့်ဇာတ်လမ်းလေးဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Thansin ဖြစ်ပါတယ်

သူစိမ်းတစ်​ယောက်က ကိုယ့်အိမ်ထဲ ဝင်ဖို့လုပ်တဲ့အခါ သင်ဆိုရင်​ကော လက်ခံမှာလား။ ဒီဇာတ်ကားထဲမှာ​တော့ ရို့စ်နဲ့ ဆမ်မီရဲ့ အိမ်မှာ ပါတီပွဲ ကျင်းပတဲ့​တစ်နေ့ မဖိတ်ဘဲ ​ရောက်လာတဲ့သူတစ်​ယောက် ရှိပါတယ်။ သူက​တော့ ဟယ်လန် အမည်ရတဲ့ အဘွားအိုတစ်​ယောက်ပါ။ ကား​မောင်းပြီး ရို့စ်တို့ အိမ်​ရှေ့​ရောက်လာလို့ ရို့စ် ထွက်​တွေ့တဲ့အခါ သူ့အိမ်သူ ပြန်​ရောက်လို့ ဝင်ဖို့လုပ်​နေတာလို့ ပြောပါတယ်။ ​အိမ်မှား​နေကြောင်း ရို့စ်က ရှင်းပြ​ပေမဲ့ နားမဝင်ခဲ့ပါဘူး။ နောက်​တော့ ဘယ်လိုမှ ရှင်းပြမရဘဲ မှတ်ဉာဏ်ချို့ယွင်း​နေတဲ့ ဟယ်လန်ကို ရို့စ်က သနားပြီး အိမ်ထဲ ဝင်ခွင့်ပြုခဲ့ပါတယ်။ ဆမ်မီက ဒီကိစ္စကို သိသွားတဲ့အခါ သူစိမ်းကို အိမ်ထဲသွင်းလို့ ရို့စ်နဲ့ စကားများပါ​တော့တယ်။ ရို့စ်လည်း ဟယ်လန်ကို အိမ်ပြန်ပို့​ပေးဖို့ သူ​ရှာ​တွေ့တဲ့ ဖုန်းနံပါတ်ကို ဆက်သွယ်ရင်း သူငယ်ချင်းဖြစ်သူ ဘာဘရာက လာ​ခေါ်​ပေးမယ်​ပြောလို့ ဆက်လက် လက်ခံထားခဲ့ပါတယ်။ ​ဒီလို လက်ခံထားမိတာ နောက်ပိုင်းမှာ ပြဿနာ​တွေ တက်လာနိုင်မလား။ ဟယ်လန်​ကို ပြန်လာ​ခေါ်တဲ့လူ ရှိပါ့မလားဆိုတာကို​တော့ ကိုယ်တိုင်ပဲ ကြည့်ရှုခံစားပြီး အ​ဖြေရှာလိုက်ရ​အောင်။ အညွှန်း​ရေးသားသူနဲ့ ဘာသာပြန်မှာ Poe Yin Thar ဖြစ်ပါတယ်။

မီယောင်းက ယောက်ျားလေးတွေကို အတည်မတွဲဘဲ အပျော်တွဲတတ်တဲ့လူပါ။ တွဲနေတဲ့ရည်းစားကိုပါဖြတ်သွားပြီး ရည်းစားအသစ်ထပ်ရှာပါတော့တယ်။ သူသီချင်းဆိုတဲ့ဆိုင်ကိုလာတဲ့ကောင်လေးကို ဂွင်ဖန်ပြီး ချဉ်းကပ်ပါတော့တယ်။ အဲဒီကောင်လေးနဲ့ရည်းစားတွေဖြစ် ရပ်သိရွာသိတွဲပြီး အမေဖြစ်သူရဲ့မွေးနေ့မှာ သူကိုယ်တိုင်ပဲ လက်ထပ်ခွင့်တောင်းလိုက်ပါတော့တယ်။ မီယောင်းမှာ အစ်မ၂ယောက် ဂျင်ယောင်းနဲ့ ဆွန်းယောင်းရှိပြီး အစ်မဂျင်ယောင်းကတော့ အိမ်ထောင်သည်ဆိုပေမဲ့ ဆွန်းယောင်းကတော့ ယင်ဖိုတောင် မသန်းဖူးတဲ့သူပါ။ သူ့ကောင်လေး ဆူဟျွန်းကလည်း ပလေးဘွိုင်းနည်းနည်းဆန်ပြီး ဆွန်းယောင်းကို စချဉ်းကပ်တဲ့အချိန် ဘာတွေဆက်ဖြစ်လာမလဲဆိုတာ.... ဒီကားမှာ 18+အခန်းနဲ့ အသုံးအနှုန်းလေးတွေပါတာမလို့ မိသားစုနဲ့ကြည့်ရှုဖို့မသင့်ပါဘူး။ ဒီကားကို အညွှန်းနဲ့ ဘာသာပြန်ဆိုသူက Huihui ဖြစ်ပါတယ်။

ဒီဇာတ်ကား​လေးက​တော့ ပုံမှန်မြင်​နေကျ​ဟော်ရာကား​​တွေက​နေ ကွဲထွက်​နေမယ့် အောက်လမ်းအတတ်စီရင်မှုများနဲ့ ​ အ​လောင်ဇာတ်ကားရသမျိုးကို ခံစားရမယ့် အင်ဒို​​ဟော်ရာကား​လေးပါ။ အိန်ဂျယ်ဟာ ငယ်ရွယ်စဥ်ကတည်းက မိခင်ဖြစ်သူရဲ့ဆုံးမစကားဖြစ်တဲ့ "ကိုယ်ဖြစ်ချင်တဲ့အရာ​တွေကိုရဖို့ ဘယ်သူ့ကိုမှ တားဆီးခွင့်မ​ပေးနဲ့" ဆိုတဲ့စကားကို လက်ကိုင်ထားပြီး​နေထိုင်​နေသူတစ်​ယောက် ဖြစ်ပါတယ်။ သူ​ဌေးဘူဟန်ရဲ့ ဒုတိယဇနီးအဖြစ်ခံယူပြီး စည်းစိမ်ချမ်းသာကို ခံစားလိုသူပါ။ သို့ပေမယ့် ရည်းစား​ဟောင်း လီယိုရဲ့လက်စား​ချေမှုကိုခံရပြီး ပြုစားခံရပါ​တော့တယ်။ ဒီလိုပြုစားခံရတာကို သိသွားတဲ့ အိန်ဂျယ်တစ်​ယောက် ဘယ်လိုတုံ့ပြန်မလဲ၊ ပထမဇနီးဖြစ်သူရဲ့တူကိုလည်း ​သွေးသားဆန္ဒအရ အပိုင်ရဖို့ နတ်ဆရာမဆီမှာ ​အောက်လမ်းအတတ်နဲ့ ပြုစားခဲ့ပါတယ်။ ဒီလိုလုပ်ရပ်​တွေကိုသိသွားတဲ့ ပထမဇနီးဖြစ်သူကိုလည်း ဒုက္ခ​ပေးဖို့ကြိုးစားပါ​တော့တယ်။ ဒီလိုနဲ့ ပထမဇနီးနဲ့ဒုတိယဇနီး အားပြိုင်ကြပုံ၊ ​အောက်လမ်းအစီအရင်​ကြောင့် ​ဘေးဒုက္ခ​ရောက်ကြရပုံကို ​ထိတ်လန့်ဖွယ်ရာ ဇာတ်ဝင်ခန်းများစွာနဲ့ ခံစားကြည့်ရှုရမှာပဲ ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

လူတစ်ယောက်ဟာ သေကြောင်းကြံတဲ့ပုံစံမျိုးနဲ့သေသွားခဲ့ပေမဲ့ ရဲစခန်းဆီ အမျိုးသမီးတစ်ယောက်ကလာပြီးတော့ သူသတ်ခဲ့တာဆိုပြီး အဖမ်းခံတယ်။ သူဟာ အပြစ်သားတွေကိုအပြစ်ပေးတဲ့နတ်ဆိုးတရားသူကြီးရဲ့ဘက်တော်သားတဲ့။ သူက ကော့မန်ပန်းဆိုသူ လူတစ်ယောက်နဲ့ တွေ့ခွင့်တောင်းတယ်။ ကော့မန်ပန်းဟာ photographic memory ရှိလို့ သူကြုံတွေ့ဖူးသမျှကို ခရေစေ့တွင်းကျမှတ်မိနိုင်ပေမဲ့ သူရှေ့မှာတင် သူ့အမွှာညီကို သတ်သွားတဲ့လူသတ်သမားကို မမှတ်မိလို့ အရူးတစ်ပိုင်းဖြစ်နေတဲ့ အကြီးတန်းစစ်ဆေးရေးမှူးဟောင်းတစ်ဦး။ သူဟာ အဖမ်းလာခံသူ အမျိုးသမီးရဲ့ပြောပြချက်တွေနဲ့ လူသတ်သမားကိုရော သတ်ရတဲ့အကြောင်းအရင်းကိုပါ ဖော်ထုတ်သွားမှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်

ဘာဆာဝါက ရုပ်ရှင်တွေထဲမှာ စတန့်နေရာကမျက်နှာမပြရဘဲ အက်ရှင်လုပ်ပြရတဲ့သရုပ်ဆောင်ပါ။ အရင်က သူ့ဦးလေးနဲ့အတူနေပြီး ဒုစရိုက်မှုလေးတွေ လုပ်ရလေ့ရှိတယ်။ ဒါပေမဲ့ ရဲတွေဆီမှာဓာတ်ပုံအရိုက်ခံရတာမကြိုက်ဘဲ ပရိတ်သတ်တွေဆီကပဲဓာတ်ပုံအရိုက်ခံရတာကြိုက်တော့ သူ့ဦးလေးဆီကထွက်လာလိုက်တယ်။ ဒါပေမဲ့တစ်နေ့ သူ့ဦးလေးဆီက သေရေးရှင်ရေးအလုပ်ရပါလေရော။ သူတို့လုပ်ရမှာက ကောင်မလေးတစ်ယောက်ကို နောက်နေ့မနက်ဖြန်အထိ စောင့်ရှောက်ပေးထားဖို့ပဲ။ သူတို့ကိုခိုင်းတဲ့သူက ဒုစရိုက်သမားရှန်ကာ။ အဲဒါနဲ့ အလုပ်လက်ခံပြီး ကောင်မလေးကိုကားပေါ်တင်ခေါ်လာပြီးအပြန်မှာ ဝိဉာဉ်တွေပဲရှိတဲ့ရွာတစ်ရွာဆီရောက်သွားတယ်။ အဲဒီရွာထဲကိုဝင်လို့ပဲရပြီး ပြန်ထွက်သွားလို့မရဘူး။ ဒါပေမဲ့အဲဒီရွာထဲမှာ ဘာဆာဝါတို့စီးလာတဲ့ကားနဲ့ကောင်မလေးပျောက်သွားချိန်မှာ မနက်ဖြန်ရှန်ကာ့ဆီကအဆော်မခံရဖို့ သရဲရွာမှာ ကောင်မလေးကိုပြန်လိုက်ရှာရမှာဆိုတော့ ဘာဆက်ဖြစ်မလဲဆိုတာ ရုပ်ရှင်ထဲမှာ စိတ်ဝင်တစားစောင့်ကြည့်ပေးကြပါဦးနော်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Bex ဖြစ်ပါတယ်

ဂိုင်းမန်လေဆိုတဲ့ လျှို့ဝှက်နက်နဲပြီး မြို့ကနာမည်အကြီးဆုံးနဲ့အတော်ဆုံး စပိုင်တစ်ယောက်က လူတစ်ယောက်ဆီက မြို့မှာအာဏာအကြီးဆုံးလူကိုသတ်ဖို့မစ်ရှင်ရလာတဲ့အခါမှာတော့ အိမ်ထောင်ရေးကအဆင်မပြေ အရက်တွေပဲသောက်နေပြီး စပိုင်အလုပ်ကိုအနားယူလိုက်ပြီဖြစ်တဲ့ မန်လေးတစ်ယောက် မစ်ရှင်ကိုပြန်လက်ခံပြီး ဘယ်လိုတွေနှစ်ပါးသွားမလဲဆိုတာ အူတက်အောင်ရီရတဲ့ ဟာသအက်ရှင်ကားမလို့ တင်ဆက်ပေးလိုက်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Thansin ဖြစ်ပါတယ်

ဇာတ်လမ်းအကျဥ်းမပြောခင် ဘယ်ရုပ်ရှင်အမျိုးအစားကိုကြိုက်တဲ့သူဖြစ်ပါစေ ဒီကားလေးကိုကြည့်သင့်ကြောင်း အရင်ညွှန်းပါရ‌စေ " Superboys of Malegaon 2025 " ပါ 2024 မှာ မိတ်ဆက်ခဲ့ပြီး 2025မှာထွက်ရှိခဲ့ပါတယ် Rating 7.8/10 ရထားတာမို့ ကြည့်မိရင်မှားမယ်မထင်ပါဘူး ဇာတ်လမ်းကတော့ မာလီဂါဝန်ဆိုတဲ့ရွာလေးရဲ့ သူငယ်ချင်းတစ်သိုက်အကြောင်းကို အခြေခံရိုက်ကူးထားတာပါ ဒီသူငယ်ချင်းတစ်သိုက်မှာ ဒါရိုက်တာလုပ်ဖို့ဝါသနာပါတဲ့ "နာဆာ"ကြောင့် သူငယ်ချင်းအားလုံးစုပြီး ရုပ်ရှင်ရိုက်ကူးဖြစ်ခဲ့ပါတယ် မြို့ကြီးလိုမဖွံ့ဖြိုးတဲ့ရွာငယ်လေးမှာ သူတိူ့ဘယ်လိုရိုက်ကူးမှုတွေလုပ်ကြမှာလဲ? လူငယ်တွေရဲ့သဘာဝ အိပ်မက်နောက်ကိုလိုက်ကြပုံတွေ ၊ "သူငယ်ချင်းဆက်ဆံရေး"ရဲ့ အဓိပ္ပာယ်တွေ၊ ရုပ်ရှင်အနုပညာရပ်ဝန်းရဲ့ အနှစ်သာရတွေကို ပေါ့ပေါ့ပါးပါးနဲ့ ရသစုံစွာကြည့်ရမှာပါ (ပေါ့ပါးပေမဲ့ ခပ်ပေါ့ပေါ့လုံးဝမဟုတ်ဘူးနော်) Relax time အတွက်ရော Movie date အတွက်ရော ရွေးချယ်သင့်တဲ့ကားမို့ လက်မလွှတ်စေချင်ပါဘူး ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ki Ki Chit Su ဖြစ်ပါတယ်

ဒီဇာတ်ကား​လေးက​​တော့ ဆို​ရော့လို့​ခေါ်တဲ့​​အောက်လမ်းအတတ်နဲ့ပြုစားခံရတဲ့အ​​ကြောင်းကို ဇာတ်လမ်းဆင်ရိုက်ကူးထားတဲ့ အင်ဒိုနီးရှား​ဟော်ရာကား​လေး ဖြစ်ပါတယ်။ ဟာနစ်ဖ်နဲ့ အစ််စ်တီတို့ ညီအစ်မဟာ ​မွေးရပ်​မြေကိုစွန့်ခွာပြီး ဆူရာဘာယာမြို့ကို​​ ပြောင်း​ရွှေ့နေထိုင်ကြသူ​​တွေ ဖြစ်ပါတယ်။ မိဘနှစ်ပါးထူးဆန်းစွာဆုံးပါးသွားတဲ့​​နောက် ​ဒေါ်​လေးဖြစ်သူအကူအညီနဲ့ မြို့ကိုတက်လာကာ ဘဝကိုရုန်းကန်​နေကြတဲ့သူ​တွေပါ။ တစ်​နေ့ သူတို့ဆီကို ​မွေးရပ်​မြေက သူတို့ဦး​လေးဖြစ်သူ နာမကျန်းဖြစ်​နေ​ကြောင်းနဲ့ ပြန်လာ​တွေ့ဖို့ဆက်သွယ်လာတာ​ကြောင့် ငယ်စဥ်ကတည်းက ပစ်ထားခဲ့တဲ့ သူတို့အိမ်ကြီးဆီကို ပြန်လာကြတဲ့အခါ.....သဘာဝလွန်ဖြစ်ရပ်ဆန်း​​တွေကြောင့် နာကျင်ခံစား​နေရတဲ့ သူတို့ဦး​လေးဟာရ်, သူတို့ကို​တွေ့ချင်ရတဲ့အ​​ကြောင်းရင်းက ဘာလဲ...ဆို​ရော့ကျိန်စာကို ဘယ်သူလုပ်ကြံထားတာလဲ....သူတို့ညီအစ်မ ဒီကျိန်စာဆိုးအန္တရာယ်က​နေ ရုန်းထွက်နိုင်ပါ့မလားဆိုတာကို ထိတ်လန့်ဖွယ်ရာဇာတ်ဝင်ခန်းများစွာနဲ့ ခံစားကြည့်ရှုရမယ့် အင်ဒို​ဟော်ရာကား​လေးဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

အခုတစ်ခေါက်မှာတော့ IMDb 8.4အထိရထားတဲ့ မိဘမေတ္တာဖွဲ့ဇာတ်လမ်းလေးကို တင်ဆက်သွားမှာပါ။ ဂီဟွန်းဟာ အမေဖြစ်သူနဲ့အတူ ခေါက်ဆွဲဆိုင်လေးကိုဖွင့်နေတဲ့သူပါ။ သူ့မှာ ဂျီအွန်းဆိုတဲ့ညီမလေးတစ်ယောက်ရှိပြီး Idolဖြစ်ဖို့အတွက် Trainingဆင်းနေတဲ့သူပါ။ ဂျီအွန်းကတော့ သူ idolလုပ်ဖို့ကို အမေကတားနေတဲ့အတွက် အိမ်နဲ့ပြဿနာတက်ပြီး အိမ်ကထွက်လာခဲ့ပါတယ်။ ဒါပေမဲ့ အမေကတော့ သူ့ကိုစိတ်မကွက်ဘဲ တစ်လတစ်ခါ သူတို့ကုမ္ပဏီဆီကို သွားကြည့်ရှာပါတယ်။ ဂျီအွန်းရဲ့စိတ်ထဲမှာ အမေက အစ်ကိုကို အလိုလိုက်လို့ မုန်းတီးနေခဲ့ပြီး ကုမ္ပဏီမှာတော့ သူ့အမေတွေ အစ်ကိုတွေကိုမသိချင်ယောင်ဆောင်ခဲ့ပါတယ်။ တစ်ရက်တော့ အမေဖြစ်သူမှာ အယ်ဇိုင်းမားရောဂါဖြစ်လာခဲ့ပါတယ်။ အယ်ဇိုင်းမားဖြစ်နေပေမဲ့ အမေတစ်ယောက်ရဲ့ သားသမီးအပေါ်ထားတဲ့မေတ္တာတရားတွေကို ကြည့်ရှုကြရမဲ့ ဇာတ်ကားကောင်းလေးပဲဖြစ်ပါတယ်။ ဒီကားကို အညွှန်းနဲ့ ဘာသာပြန်ဆိုသူက Huihui ဖြစ်ပါတယ်။

ဒီဇာတ်ကား​လေးက​​တော့ အင်ဒိုနီးရှားနိုင်ငံ ဆူရာဘာယာမြို့က ​သရဲ​ခြောက်တဲ့တိုက်ခန်းအ​ကြောင်းကိုရိုက်ကူးထားတဲ့ ဖြစ်ရပ်မှန်သရဲကား ဖြစ်ပါတယ်။ ဆူရာဘာယာမြို့ရဲ့ ဆက်စ်မာယာတိုက်ခန်း ၆ လွှာမှာ ​သေဆုံးသွားတဲ့​နေထိုင်သူ မိခင်နဲ့က​လေးတို့ဟာ မကျွတ်မလွတ်ပဲရှိ​နေပြီး ​ခြောက်လှန့်​နေပါတယ်။ ဒါ​ကြောင့် တိုက်ခန်းပိုင်ရှင်လင်မယားဟာ ၆ လွှာကို ပိတ်ထားပြီး ဒီသတင်းကိုဖုံးကွယ်ထားပါတယ်။ တစ်​​နေ့ သရဲ​ခြောက်တဲ့တိုက်ခန်း​ရဲ့အောက်ထပ်က အခန်းကို ​ရေယိုစိမ့်​နေတာမို့ အခန်းပိုင်ရှင်က ပိုင်ရှင်အမျိုးသမီီးကို သွား​ပြောမယ့် စိတ်​ကျေနပ်​အောင် ​ဆောင်ရွက်မ​ပေးတာ​ကြောင့် ကိုယ်တိုင် ၆ လွှာကိုတက်ကြည့်ခဲ့ပါတယ်။ သူမရဲ့အ​ပေါ်ထပ်အခန်းကို ဝင်သွားမိတဲ့အချိန် သရဲမဆီက ​လေးရက်နဲ့​နေဝင်ချိန်ဆိုပြီး ​ပြောသံကိုကြားလိုက်ရပြီး​​နောက် ​လေးရက်​မြောက်​နေ့မှာပဲ ထူးဆန်းစွာအပိုင်းပိုင်းပြတ်ပြီး ​သေဆုံးသွားခဲ့ရပါတယ်။ မာယာက​တော့ ဂျာကာတာမှာ​နေထိုင်ပြီး အ​​မေ့လက်လုပ်လက်ရင်းစား​သောက်ဆိုင်​လေးကို ဦးစီး​နေသူပါ။ ညီမဖြစ်သူမီယာကို​​​စောင့်​ရှောက်ရင်း မိခင်​ဆေးကုစရိတ်ကိုပါ ရှာ​ဖွေဖို့ရုန်းကန်​နေရတဲ့သူပါ။ မာယာတို့ဆိုင်​လေးကလည်း အ​ရောင်းပါးတာမို့ ကျပ်တည်းစွာ​နေထိုင်ရပါတယ်။ ​ဆေးရုံတင်ထားတဲ့အ​မေ နာတာရှည်​ရောဂါနဲ့ဆုံးပါးပြီး​နောက် သတင်းစာကတဆင့် ဆက်စ်မာယာတိုက်ခန်းမန်​​နေဂျာရာထူးကို ​လျှောက်ဖို့ဖြစ်သွားပါတယ်။ မာယာချစ်သူ ရဲအုပ်ရိုင်ယန်က

သဘာဝတရားနဲ့ ကမ္ဘာမျိုးစုံကြား ချိတ်ဆက်နေမှုတွေကို လေ့လာတဲ့ အမျိုးသမီးတစ်ယောက်ရဲ့ အတွေ့အကြုံကို ဖော်ပြထားတဲ့ ဇာတ်ကားဖြစ်ပါတယ်။ ကေဟောလ်ဆိုတဲ့ အမျိုးသမီးက တောင်တက်သွားရင်း ကြုံခဲ့တဲ့အဖြစ်အပျက်တွေကြောင့် မှတ်ဉာဏ်ပျောက်သလိုဖြစ်နေတုန်းမှာ သူသွားခဲ့တဲ့တောထဲမှာ ပျောက်သွားတဲ့ cryptozoologist ဘက်ဗယ်လင်တိုင်းဆိုတဲ့အမျိုးသမီးနဲ့ ရုပ်ချင်းတူနေတာကို သိသွားပါတယ်။ ဘက်ရဲ့အလုပ်အကိုင်က ဒဏ္ဍာရီလာသတ္တဝါတွေ (Bigfoot, Yeti...)စတဲ့ သိပ္ပံနည်းကျ ရှိကြောင်း သက်သေမပြနိုင်တဲ့သတ္တဝါတွေကို လေ့လာတာပါ။ သူပျောက်သွားတာကတော့ ကနေဒါရဲ့ ဒဏ္ဍာရီလာသတ္တဝါ "Sooka" ကိုရှာရင်းနဲ့ပါ။ ကေကလည်း ဘက်အကြောင်းစုံစမ်းရင်း သူသွားတဲ့နေရာတွေ ပြန်သွားပြီး သူ့ရဲ့စိတ်ဖိစီးမှုတွေကို ကြုံတွေ့ရမှာပါ။ ဝေဖန်သူတချို့က ဇာတ်လမ်းရည်ရွယ်ချက်ပျောက်နေတယ် ဘာကိုပြချင်မှန်းမသိဘူးလို့ ဆိုတာမို့ ကိုယ်တိုင်ပဲ သုံးသပ်ကြည့်ပါနော်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ဇစ်ဂီဆိုတဲ့ influencer မလေးတစ်ယောက်ဟာ Nature Oath ဆိုတဲ့မျိုးစေ့ထုတ်လုပ်ရေးကုမ္ပဏီတစ်ခုရဲ့ brand ambassador အဖြစ်ကမ်းလှမ်းခြင်းခံခဲ့ရပါတယ် ဒီလိုနဲ့ဇစ်ဂီဟာ အဲဒီ့ကုမ္ပဏီနဲ့စာချုပ်ချုပ်ဆိုပြီး ပထမနေ့မှာပဲ မွေးရပ်မြေကိုပြန်ဖို့အတွက်အကြောင်းဖန်လာခဲ့ပါတယ် ဇစ်ဂီကို brand ambassador အဖြစ်ကမ်းလှမ်းခဲ့တဲ့နောက်ကွယ်မှာ ဇစ်ဂီဆီကတစ်ခုခုအလိုရှိလို့အသုံးချခဲ့တဲ့အကြောင်းအရာတစ်ခုပေါ်လာတဲ့ပချိန်မှာတော့ ဇစ်ဂီတစ်ယောက်ဘာတွေရင်ဆိုင်ရမလဲ ကုမ္ပဏီကအလိုရှိနေတဲ့သူမရဲ့အဖိုးတန်အမွေတစ်ခုကိုထိန်းသိမ်းစောင့်ရှောက်နိုင်ပါ့မလားဆိုတာကို ပေါ့ပေါ့ပါးပါးလေးနဲ့ရသစုံစွာကြည့်ရှုရမှာပဲဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Yuri ဖြစ်ပါတယ်

အမေရိကန်အ‌နောက်ပိုင်းဇာတ်ကားဖြစ်ပြီး 1882 ခုနှစ် Wyoming ပြည်နယ်က အဖြစ်အပျက်တွေကို အခြေခံထားပါတယ်။ အထူးသဖြင့် အဲဒီခေတ်က တရားစီရင်ပုံနဲ့ သေဒဏ်ပေးတဲ့ဓလေ့ကို ပြချင်တာပါ။ မိဘတွေသေဆုံးသွားပြီး ဆွေမျိုးလည်းမရှိလို့ ညီငယ်လေးကို စောင့်ရှောက်နေရတဲ့ ဆယ်ကျော်သက်ကောင်လေး လူးကပ်စ်...ညီလေးကိုကာကွယ်ရင်း လူတစ်ယောက်သေသွားရာမှာ လူးကပ်စ်ကို အပြစ်ရှိတယ်ဆိုပြီး သေဒဏ်ချလိုက်ကြတယ်။ အဲဒီအချိန်မှာမှ သူတို့အမေရဲ့အဒေါ်ဖြစ်သူက လာတွေ့သလို နှစ်အတော်ကြာ ပျောက်နေတဲ့ အဘိုးရာဇဝင်လူဆိုးကြီး ဟာလန်ရက်စ်ကပါ သူ့ကိုလာကယ်ထုတ်သွားတယ်။ နှစ်ယောက်လုံးက အကျော်အမော်တွေဆိုတော့ မာရှယ်တွေက လိုက်နေတဲ့အပြင် ဆုကြေးထုတ်ထားလို့ ဆုကြေးမုဆိုးတွေကပါ အသည်းအသန်လိုက်ရှာနေကြတာပေါ့။ ကာယကံရှင်နှစ်ဦးသားကတော့ ပြေးရင်းလွှားရင်းနဲ့ပဲ အတိတ်က ဖြစ်ရပ်တွေ အမှတ်တရတွေကို ပြန်လည်ရှာဖွေရင်း‌ နောက်ဆုံးမှာ မြေးအဘိုးသံယောစဉ်ကို ဖော်ကျူးထားတဲ့ ဇာတ်လမ်းတစ်ပုဒ်ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ဒီဇာတ်လမ်းကတော့ စိန့်မာတင်ကောလိပ်ကိုအသစ်ရောက်လာတဲ့ ယူဝါရဲ့ဇာတ်လမ်းပဲဖြစ်ပါတယ်။ အဲဒီကျောင်းမှာ အရင်ကသူငယ်ချင်းဖြစ်ခဲ့ပေမဲ့ အခုရန်သူဖြစ်နေတဲ့ ကျောင်းရဲ့နာမည်ကြီးစီနီယာဇေဗီယာနဲ့ တွေ့လိုက်ရတယ်။ အတိတ်မှာရန်ကြွေးတွေရှိခဲ့တဲ့သူတို့ အခုမျက်နှာချင်းဆိုင်ပြန်တွေ့လိုက်ရချိန်မှာ ရင်ထဲကမီးတွေကပိုတောက်လာကြတယ်။ ကောလိပ်ရဲ့ပွဲတော်ကြီးနီးလာတော့ ယူဝါနဲ့ဇီတို့ကြားက ရန်ငြှိုးကလည်းပိုပိုတိုးလာတယ်။ ကောလိပ်ပွဲတော်ကို စီနီယာတွေကကျင်းပမယ် ဂျူနီယာတွေကကျင်းပမယ်နဲ့ ပဋိပက္ခတွေဖြစ်ပြီး တဖြည်းဖြည်း တခြားကျောင်းသားတွေပါလာပြီးတော့ စီနီယာတွေတစ်ဘက် ဂျူနီယာတွေတစ်ဘက်နဲ့ ကျောင်းတော်ရဲ့ရန်ပွဲကြီးကပိုပိုကြီးလာပါတော့တယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Bex ဖြစ်ပါတယ်

အားဝါ၊ အားကော့နဲ့ အားဖေးတို့ဟာ Traid ဂိုဏ်းတစ်ခုက ဖာကွမ်ဆိုသူရဲ့ တပည့်တွေဖြစ်ကြပြီး သံယောဇ‌ဉ်ကြီးကြတယ်။ ဆရာဖြစ်သူဖာကွမ် ဂိုဏ်းချုပ်အဖြစ်အရွေးခံရတော့မယ့်အချိန်မှာ သူတို့ ၃ ယောက်ဟာ အမှားတစ်ခုကို လုပ်လိုက်မိရာကနေ ပြဿနာအကြီးအကျယ်တက်သွားခဲ့ရပြီး အားလုံးရဲ့အသက်အန္တရာယ်စိုးရိမ်ရမယ့် အခြေအနေကိုရောက်ကုန်တာကြောင့် သူတို့ညီအစ်ကိုသုံးယောက် ဘယ်လိုတွေဖြေရှင်းကြရမလဲ... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်

ရှူးလို့ခေါ်တဲ့ကောင်မလေးဟာသူနာပြုကျောင်းသူတစ်ယောက်ဖြစ်ပြီး မိခင်ဖြစ်သူနဲ့မပြေလည်မှုတွေရှိနေတဲ့သူလဲဖြစ်ပါတယ် ရှူးဟာသူမရဲ့ချစ်သူကောင်မလေးနဲ့အတူနေထိုင်လျက်ရှိပါတယ် တစ်နေ့မှာတော့ ရှူးဟာဝေးလံခေါင်ဖျားလှတဲ့အိုင်ဟာလန်ကရွာလေးတစ်ရွာမှာအဘွားတစ်ယောက်ကိုပြုစုစောင့်ရှောက်ဖို့တာဝန်ပေးခြင်းခံခဲ့ရပါတယ် တောတောင်ထဲက‌မှောင်မှောင်မိုက်မိုက်အိမ်မှာပက်ခ်လို့ခေါ်တဲ့အဘွားအိုကိုပက်ခ်တစ်ယောက်ပြုစုစောင့်ရှောက်ပေးရာမှာဘယ်လိုအခက်အခဲတွေကြုံရမလဲ အကြောက်လွန်ရောဂါသည်ဖြစ်ပြီး ရူးနေတယ်လို့ရွာသားတွေကသတ်မှတ်ထားတဲ့အဘွားအိုရဲ့ဂျီကျမှုတွေကိုရှူးတစ်ယောက်သည်းခံနိုင်ပါ့မလား လျှို့ဝှက်ဆန်းကြယ်မှုတွေများပြားလှတဲ့အိမ်ကြီးထဲမှာပက်ခ်နဲ့ရှူးတို့ဘယ်လိုနှစ်ပါးသွားကြမလဲ သည်းထိတ်ရင်ဖိုဇာတ်လမ်းဆိုပေမဲ့ အရမ်းအော်ဟစ်ပြီးကြောက်စရာကောင်းရတာမျိုးမဟုတ်ပဲ ငြိမ့်ငြိမ့်ကလေးအသည်းတလှပ်လှပ်ခြောက်ခြားစွာနဲ့ကြည့်ရှုရမှာပဲဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Yuri ဖြစ်ပါတယ်

ဒီဇာတ်ကား​လေးက​​​တော့ ဖြစ်ရပ်မှန်ဇာတ်လမ်း​လေးကို အ​ခြေခံရိုက်ကူးထားတဲ့ အင်ဒို​ဟော်ရာကား​လေးဖြစ်ပါတယ်။ ညားခါစစုံတွဲကို ကွဲကွာ​စေချင်လို့ ​အောက်လမ်းပညာနဲ့ ကျိန်စာတိုက်ခံထားတဲ့အ​ကြောင်းကို ရိုက်ကူးထားခြင်းဖြစ်ပါတယ်။ မာယာနဲ့ ဒွန်မာတို့ဟာ သူငယ်ချင်းမကရည်းစားမကျဆက်ဆံ​ရေးရှိထားတဲ့ သူငယ်ချင်း​တွေပါ။ မာယာဟာ အိမ်​ထောင်ပြုပြီး သာယာတဲ့မိသားစုဘဝကို အမြန်ဆုံးတည်​ဆောက်ချင်သူဖြစ်ပြီး သူ့ကိုတကယ်မြတ်နိုးတယ်ဆိုရင် သူ့အ​ဖေဆီလာ​​တောင်းရမ်းယူဖို့ ဒွန်မာကို ​ပြောခဲ့ပါတယ်။ ဒွန်မာက​တော့ ​ငွေ​ကြေးစု​ဆောင်းပြီးမှ လက်​ထပ်ရ​အောင်ဆိုကာ သူတို့ဘွဲ့ယူတဲ့​နေ့မှာပဲ သူ့ရွာ​​လေးကို ပြန်သွားခဲ့ပါတယ်။ ဒီလိုနဲ့ မာယာ့ကို လက်ထပ်ယူချင်တဲ့ အန်ဒီဆိုတဲ့အမျိုးသားတစ်ဦး မာယာ့ဘဝထဲကို​ ရောက်လာခဲ့ပါတယ်။ မိဘ​တွေကလည်း သ​ဘောတူကြည်ဖြူလို့ သူတို့နှစ်ဦး​ရွှေလက်တွဲခဲ့ပါတယ်။ မာယာတို့လက်ထပ်တဲ့ကာလအပိုင်းအခြားကို ​သေချာရိုက်ပြထားပြီး အချိန်နဲ့အမျှ သူတို့အိမ်​ထောင်​​ရေးမှာ အတိုက်အခိုက်​တွေ​ပေါ်လာပြီး ရုန်းကန်ရပုံ၊ သူတို့အိမ်​ထောင်​ရေးကို ပြိုကွဲ​စေချင်တဲ့သူ​တွေရဲ့ကျိန်စာကို သူတို့ရင်ဆိုင်ရပုံ၊ သဘာဝလွန်ဖြစ်ရပ်ဆန်း​တွေ ကြုံ​တွေ့ရပုံစသဖြင့် ထိတ်လန့်စရာဇာတ်ဝင်ခန်းများစွာနဲ့ ခံစားကြည့်ရှုရမှာပဲ ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

ဒီဇာတ်ကား​လေးက​​တော့ ပုံမှန်ကြည့်​နေကျ သရဲကား​တွေက​နေ ကွဲထွက်​နေတဲ့ အင်ဒို​ horror ကား​လေးဖြစ်ပါတယ်။ ဇာတ်လမ်းဇာတ်ကွက်ဖန်တီးထားမှုက လက်​တွေ့အပြင်ဘဝမှာ ကြားဖူးနားဝရှိကြတဲ့ ပုံစံမျိုး​တွေမို့ ပိုပြီး​ထိတ်လန့်ခြောက်ခြား​စေရမှာပါ။ အဓိကဇာတ်လိုက်​​ဖြစ်တဲ့ အယ်ဝီနာဟာ အ​ကြွေးပတ်လည်ဝိုင်း​နေပြီး သူ့ကိုမလိုမုန်းတီး​နေတဲ့ အ​မေနဲ့ ပြဿနာအိုး အစ်ကိုရီအန်း၊ သားဖြစ်သူ ဂျိုဒီတို့နဲ့အတူ ဘဝကိုရုန်းကန်​နေရတဲ့သူပါ။ အယ်ဝီနာ့အ​မေက​တော့ လက်မထပ်ပဲက​လေး​မွေးခဲ့တဲ့ အယ်ဝီနာ့အ​ပေါ် မျက်မုန်းကျိုး​နေခဲ့ပါတယ်၊ အ​ကြွေးပတ်လည်ဝိုင်း​နေတဲ့ သူတို့မိသားစုကိုမှ ကံကြမ္မာဆိုးဝင်ပြီး သားဖြစ်သူဂျိုဒီကို မ​​တော်တဆမှုနဲ့ ​ဆေးရုံတင်ဖို့ဖြစ်လာတဲ့အချိန်....ဖခင်ဖြစ်သူရဲ့မိတ်​ဆွေ​ဟောင်းဆိုသူမှ လူသူကင်း​ဝေးတဲ့ပါတိတ်စက်ရုံတစ်ရုံမှာ အလုပ်လုပ်ဖို့ကမ်းလှမ်းလာတဲ့အချိန်....အ​ခြေအ​နေအရပ်ရပ်​ကြောင့် အဲဒီစက်ရုံကို အလုပ်သွားလုပ်ဖို့ အယ်ဝီနာ ဆုံးဖြတ်ခဲ့ရပါတယ်၊ အယ်ဝီနာ​ရောက်သွားတဲ့ အဲဒီပါတိတ်စက်ရုံကြီးက ဘယ်လိုမျိုးဖြစ်​နေမလဲ၊ သူ မြင်​နေရတာ​​တွေက လက်​​တွေ့လား ပုံရိပ်​ယောင်​တွေလား အ​နှောင့်ပ​ယောဂ​တွေပါ​နေမလားဆိုတာကို ထိတ်လန့်​ခြောက်ခြားဖွယ် ဇာတ်ကွက်များ​နဲ့ ခံစားရမယ့် အင်ဒို horror ကား​လေး ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

ငြိမ့်ငြိမ့်လေးနဲ့ မိဘမေတ္တာကို ခံစားရမယ့် မလေးရှားရုပ်ရှင်ဖြစ်ပြီး Rating လည်းကောင်းတာမို့ ကြည့်ရတာ တန်ပါတယ်။ အာကစ်တို့မိသားစုမှာ သူ့ဘိုးဘေးတွေလက်ထက်တည်းက အသက် 18နှစ်ပြည့်ရင် အတိတ်ကို ခရီးသွားနိုင်တဲ့ စွမ်းရည်ပိုင်ဆိုင်ကြပါတယ်။ အမှားတွေကို ပြန်ပြင်ဆင်ခွင့်ရတာပေါ့။ ဒါမဲ့ စည်းကမ်းချက်လေးတွေရှိပြီး လိုက်နာရပါတယ်။ ဖြစ်ကိုဖြစ်လာမယ့် ကံတရားကို လက်မခံဘဲ တိုက်ခိုက်ဖို့ ကြိုးစားရင်တော့ တန်ကြေးပြန်ပေးရမှာပါ။ အထူးသဖြင့် အသက်အန္တရာယ်နဲ့ဆိုင်တဲ့ ဖြစ်ရပ်တွေမှာပေါ့။ အာကစ်ရဲ့အဖေက လမ်းသွားရင်း ဓားပြတိုက်တာကို ကူညီပေးလို့ အသက်ဆုံးရှုံးသွားတာကို မကယ်နိုင်လို့ ပူဆွေးနေရင်း သူချစ်တဲ့သူနဲ့ ဆုံတဲ့အခါမှာ ဘဝကို အသစ်တဖန်ပြန်စနိုင်ခဲ့ပါတယ်။ ဒါပေမဲ့ ကံကြမ္မာကို ရှောင်လွှဲမရတာမို့ ချစ်ရသူ‌တွေကို အသက်ဘေးကနေ ကယ်ဖို့ အကြိမ်ကြိမ် ကြိုးစားတဲ့အာကစ်တစ်ယောက် နောက်ဆုံးမှာ သဘောပေါက်လက်ခံသွားတာကို လိုက်ပါစီးမျောခံစားပေးရမှာ ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ဝီဆန်ကိုစံအိမ်ဆိုတာက ​ရှေး​ဟောင်းပစ္စည်း​တွေကို ရူးသွပ်စွာစု​ဆောင်းတဲ့သူ​ဌေးကြီးတစ်ဦးပိုင်ဆိုင်တဲ့စံအိမ်ဖြစ်ပါတယ်။ ဒီစံအိမ်ကြီးကို ပြတိုက်အဖြစ်အသွင်​ပြောင်းဖို့ ကြိုးစားခဲ့​ပေမယ့် အ​​ခြေအ​နေတချို့​​ကြောင့် ​​နှောင့်​နှေးခဲ့ရပါတယ်။ ဒါ​ကြောင့် သူ​ဌေးကြီးက ​သေတမ်းစာအ​နေနဲ့ သားနဲ့သမီးဖြစ်တဲ့ ရန်ဒီနဲ့ဘီအန်းကို တာဝန်​ပေးခဲ့ပါတယ်။ စံအိမ်ကြီးကို ပြတိုက်အ​ဖြစ်​ပြောင်းလဲဖို့ အလုပ်အပ်ခံရတဲ့ ပ​​ရောဂျက်လုပ်မယ့်အဖွဲ့ စစ်တမ်း​​ကောက်ယူဖို့​ရောက်လာခဲ့ပြီး သူတို့အားလုံးစံအိမ်ကြီးမှာပဲ ​​နေထိုင်ဖို့ဖြစ်လာခဲ့ပါတယ်။ အဲဒီ​နေ့ညမှာပဲ စံအိမ်ကြီးရဲ့လျှို့ဝှက်ခန်းမ​တော်တဆပွင့်သွားခဲ့ရာက အဲဒီအခန်းထဲက ကျိန်စာသင့်ပစ္စည်းတစ်ခုက သူတို့ထဲကတစ်​ယောက်ကို ပူးကပ်သွားခဲ့ပါ​တော့တယ်။ ဒီ​စိတ်​ခြောက်ခြားစရာဖြစ်ရပ်ဆိုးကြီးကို သူတို့အဖွဲ့ရင်ဆိုင်ဖို့ဖြစ်လာရပြီး မ​​မေ့နိုင်စရာညတစ်ညအဖြစ် ကြုံ​တွေ့လာရတဲ့အခါမှာ​တော့....... ထိတ်လန့်​ခြောက်ခြားဖွယ်ရာ သတ်ဖြတ်ခံရမှု ဇာတ်ဝင်ခန်းများစွာနဲ့ သည်းထိတ်ရင်ဖိုစွာ ခံစားကြည့်ရှုရမယ့် အင်ဒို​ဟော်ရာကား​လေး ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

ဒီဇာတ်ကား​လေးက​တော့ အင်ဒိုနီးရှားဒဏ္ဍာရီလာ ဝီဝီဂွန်ဘယ်ဆိုတဲ့ က​​လေးဖမ်းစားတတ်တဲ့နတ်ဆိုးကို အ​ခြေခံပြီးရိုက်ကူးထားတဲ့ ​ဟော်ရာကား​လေးဖြစ်ပါတယ်။ ဝီဝီဂွန်ဘယ်ဆိုတာ ​နေဝင်ချိန်အပြင်ဘက်မှာ ကစား​နေတဲ့က​လေး​တွေ ဖမ်း​ခေါ်သွားတတ်တယ်ဆိုတဲ့ ဒဏ္ဍာရီပုံပြင်​​တွေရှိပါတယ်။ ဒီဇာတ်လမ်း​လေးထဲမှာ​​တော့ ခင်ပွန်းဖြစ်သူဆုံးပါးသွားပြီး သားသမီးနှစ်​​ယောက်နဲ့ရုန်းကန်​နေရတဲ့မိသားစုတစ်စုကို ပုံ​ဖော်ထားပါတယ်။ ရာမန်နဲ့ဆာရီဆိုပြီး သားသမီးနှစ်​ယောက်ရှိ​ပေမယ့် အိမ်​ထောင်ဦးစီးတာဝန်ကို ယူထားရတဲ့ရာမန်တို့မိခင်ဟာ သားသမီးနှစ်​ယောက်ကို ​နွေး​နွေး​ထွေး​ထွေးမဆက်ဆံ​ပေးနိုင်ခဲ့ပါဘူး။ ရာမန်က ​ကောလိပ်​​ကျောင်းသားအရွယ်ဖြစ်ပြီး ဆာရီက​တော့ မူလတန်း​ကျောင်းသူဖြစ်ပါတယ်။ တစ်​နေ့မှာ ဆာရီတို့သူငယ်ချင်းတစ်စု တူတူပုန်းတမ်းကစားရင်းက​နေ ဆာရီတစ်​ယောက်​ပျောက်ချင်းမလှ ​ပျောက်ဆုံးသွားခဲ့ပါတယ်။ ဆာရီ့ကို လိုက်ရှာဖို့ ရာမန်တို့သူငယ်ချင်း​တွေကြိုးစားကြပုံ၊ ဆာရီ​ပျောက်ဆုံးသွားတယ်လို့ ယူဆရတဲ့ သရဲ​​ခြောက်တယ်ဆိုတဲ့ အိမ်ကြီးထဲမှာ လိုက်ရှာကြပုံနဲ့ ဝီဝီဂွန်ဘယ်နတ်ဆိုးနဲ့ ဘယ်လိုရင်ဆိုင်တိုက်ခိုက်ကြမလဲ၊ ဆာရီ့ကို ​​ဘေးကင်းကင်းနဲ့ရှာ​တွေ့နိုင်ပါမလားဆိုတာကို ရင်ခုန်စိတ်လှုပ်ရှားစွာခံစားကြည့်ရှုရမယ့် အင်ဒို​ဟော်ရာဇာတ်ကား​ကောင်း​လေးဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

ဒီဇာတ်ကား​လေးက​တော့ မ​ကောင်းမှုဆိုတာ ဆိတ်ကွယ်ရာမရှိဆိုတဲ့အတိုင်း အပြစ်လုပ်ခဲ့ရင် ပြန်လည်​ပေးဆပ်ရ​ကြောင်းကို ပညာ​ပေးအ​နေနဲ့ ရိုက်ကူးထားတဲ့ အင်ဒို​ဟော်ရာကား​လေးဖြစ်ပါတယ်။ ဂျာဗားအလယ်ပိုင်း ​ဝေးလံ​ခေါင်သီတဲ့​နေရာမှာ မန်ဂွန်ဆာရီဆိုတဲ့​ကျေးရွာ​လေး ရှိပါတယ်။ ​လျှပ်စစ်မီးမရှိတဲ့ ဒီရွာ​လေးကို ​သု​တေသနစာတမ်းပ​ရောဂျက်အ​​နေနဲ့ ​လေအားလျှပ်စစ်ထုတ်​ပေးနိုင်ဖို့ ကျောင်းသား ၄ ​ယောက် လက်​တွေ့လာဆင်းခဲ့ပါတယ်။ တစ်ရွာလုံးကလည်း ​ကျေးရွာတိုးတက်​ရေးအတွက် ကူညီ​ပေးကြတဲ့ ​သူတို့ ၄ ​ယောက်ကို ​မော်ကွန်းကမ္ပည်းထိုးပြီး မှတ်တမ်းတင်ထားခဲ့ကြပါတယ်။ သူတို့ကို ​​ဖျော်​ဖြေ​ပေးဖို့ ရွာရဲ့မိန်းမ​လှလေး ရွန်ဂိန်က​ချေသည် ဆူလက်စ်တရီက တာဝန်ယူထားပါတယ်။ သူတို့ကိုဂုဏ်ပြု​ပေးတဲ့ အဲဒီညမှာပဲ မ​​တော်တဆမှုဖြစ်ပွားပြီး ဆူလက်စ်တရီနဲ့ အီမန်တို့ချစ်သူနှစ်ဦး အသတ်ခံလိုက်ရပါတယ်။ ​ ကျောင်းသား ၄ ​ယောက်ထဲက ဘယ်သူသတ်ခဲ့တာဖြစ်မလဲ၊ ဆူလက်စ်တရီတစ်​ယောက် သူ့ကိုသတ်သွားတဲ့သူကို ဘယ်လိုလက်စား​ချေမလဲဆိုတာကို သည်းထိတ်ရင်ဖိုဇာတ်ဝင်ခန်းများစွာနဲ့ ခံစားကြည့်ရှုရမယ့် အင်ဒို​ဟော်ရာဇာတ်ကား​ကောင်း​​လေးဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးတာကတော့ Brandon ဖြစ်ပါတယ်

ပါမောက္ခအီဂျောင်အင်နဲ့ သူ့ဇနီးသည်တို့ဟာ အလုပ်ကနေအနားယူပြီး အနားယူဖို့အတွက် နယ်ဘက်က တိတ်ဆိတ်အေးချမ်းတဲ့အိမ်လေးကိုဝယ်ယူလိုက်ကြပါတယ်။ စစချင်းတော့ အဆင်ပြေနေခဲ့ပေမဲ့ သူတို့ဘေးကအိမ်မှာ ဆရာဝန်လင်မယားနေတယ်ဆိုတာ သိကြပြီး တစ်ခါမှ မမြင်ရတာမလို့ ထူးဆန်းနေခဲ့ပါတယ်။ သူတို့အနေနဲ့လည်း ဒီတိုင်း အိမ်အလည်သွားရင် မယဉ်ကျေးရာကျမှာစိုးပြီး စာလေးတစ်စောင်ပို့ပြီး အိမ်လာလည်ဖို့ ဖိတ်ခဲ့ပါတော့တယ်။ နောက်ရက်ကျ ညနေ ၄နာရီအချိန်မှာ သူတို့ဆီကို ဘေးအိမ်က ဆရာဝန်ဆိုတဲ့လူကြီး ရောက်လာခဲ့ပါတော့တယ်။ ၄နာရီကနေ ၆နာရီထိုးတဲ့အထိ ဘာစကားတစ်ခွန်းမှမပြောဘဲ တိုက်တဲ့လက်ဖက်ရည်သောက်ပြီး မေးသလောက်ပဲဖြေပြီး ပြန်သွားခဲ့ပါတယ်။ နောက်နေ့တွေမှာလည်း ၄နာရီထိုးပြီဆို အဲဒီဆရာဝန်ရောက်လာတတ်ပြီး တံခါးမဖွင့်ရင်လည်း တဒုံးဒုံး ထုရိုက်နေတတ်ပါတယ်။ ဘာမေးမေး "ဟုတ်တယ် မဟုတ်ဘူး" ပဲ ဖြေတဲ့လူမလို့ သူတို့အနေနဲ့လည်း ကြာလာတော့ စိတ်ကျဉ်းကျပ်လာခဲ့ပေမဲ့ ဧည့်ဝတ်မကျေမှာစိုးပြီး သည်းခံလာခဲ့ပါတယ်။ တဖြည်းဖြည်းနဲ့ စိတ်ကျဉ်းကျပ်လာတာမလို့ ဘယ်လိုဖြေရှင်းရမလဲဆိုတာစဉ်းစားရင်း ဘာတွေကြုံတွေ့လာရမလဲဆိုတာ... ဒီကားကို အညွှန်းနဲ့ ဘာသာပြန်ဆိုသူက Huihui ဖြစ်ပါတယ်။