ရုပ်ရှင်အသစ်များ

သမိုင်းအစဉ်အလာတစ်ခုရှိထားတဲ့ ဥက္ကာခဲအပိုင်းအစတွေနဲ့ဖန်တီးထားတဲ့ မီးခွက်တစ်ခုကို တစ်ရွာလုံးမှာရှိတဲ့လူတွေက အမြတ်တနိုးပူဇော်ကြတယ်။ တစ်ချိန်တစ်ခါတုန်းက ဒီမီးခွက်ကိုခိုးယူဖို့ကြိုးစားခဲ့ဖူးတဲ့ ဂန္တဝင်သူခိုးကြီးမာနီယန်ကိုတော့ တစ်ရွာလုံးက ရွံမုန်းကြသတဲ့။ အဲ့ဒါကြောင့်ပဲ အမုန်းတရားက သူ့မြေးဖြစ်သူအာဂျယန်အထိ ဆင်းသက်လာခဲ့တာပေါ့။ ဂန္တဝင်သူခိုးဖြစ်သူရဲ့မြေးမို့ ရွာထဲမှာ ဘာပဲပျောက်ပျောက် သူ့ကိုပဲတန်းစွပ်စွဲခဲ့ကြတယ်။ တစ်နေ့မှာတော့ ဒီမီးခွက်ကို မျက်စိကျနေတဲ့လူတစ်စုက အပေါ်ယံရည်ရွယ်ချက်တစ်ခုကိုအယောင်ပြပြီး မီးခွက်ကိုအရယူပေးဖို့ အာဂျယန်ကို ခြိမ်းခြောက်အကျပ်ကိုင်ခဲ့ပါတယ်။ စုပ်လည်းဆူး စားလည်းရူး​ဖြစ်နေရရှာတဲ့ အာဂျယန်ခမျာလည်း ဒီလူခိုင်းတဲ့အတိုင်းလုပ်ရင်း သူ့အဘိုးခိုးယူဖို့ကြိုးစားဖူးတဲ့ မီးခွက်ရဲ့သမိုင်းကြောင်းနဲ့ အမှန်တရားတွေကို တစ်စတစ်စသိလာရပါတော့တယ်။ ခွဲခြားဆက်ဆံမှုတွေကို ရင်စည်းပြီးခံစားခဲ့ရတဲ့ အာဂျယန်တစ်ယောက် မျိုးရိုးအမွေဖြစ်တဲ့ ဒီမီးခွက်ကို ဘယ်လိုရှာဖွေလေမလဲ.... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zed ဖြစ်ပါတယ်

Netflix မှ အသစ်ထပ်မံထွက်ရှိလာပြီး IMDb rating 7 လောက်အထိ ရထားတဲ့ ဖြစ်ရပ်မှန် ဒရမ်မာကားသစ်လေးတစ်ကားကို တင်ဆက်ပေးချင်ပါတယ်။ ဒီဇာတ်ကားက ၁၉၆၀ ပြည့်နှစ်များနဲ့ ၁၉၇၀ ပြည့်နှစ်များမှာ တကယ်ဖြစ်ပျက်ခဲ့တဲ့အကြောင်းအရာများဖြစ်ကာ ကမ္ဘာ့ပထမဦးဆုံး ဖန်ပြွန်သန္ဓေသား “လူးဝစ် ဂျွိုင်း ဘရောင်း”ကို မွေးထုတ်နိုင်ခဲ့တဲ့အကြောင်း ရိုက်ကူးထားတာပဲဖြစ်ပါတယ်။ ဇာတ်လမ်းစစချင်းမှာ ‘ဒေါက်တာအက်ဝဒ်’ရဲ့ စကားသံနဲ့ အစပြုထားပါတယ်။ သူတို့ ပထမဦးဆုံး ဖန်ပြွန်သန္ဓေသားကိုမွေးထုတ်ပေးခဲ့ရာ အိုးဒ်ဟမ်းဆေးရုံကြီးရဲ့ အရှေ့က ဂုဏ်ပြုကမ္ဗည်းပေါ်မှာ သူနာပြုမလေး ‘ဂျင်း’ရဲ့ နာမည်ကို ထည့်သွင်းဖော်ပြပေးဖို့အတွက် တောင်းဆိုနေတဲ့ စကားသံပါ။ ဒီသုတေသနလုပ်ငန်းကို အောင်မြင်အောင် ပြုလုပ်နိုင်ဖို့ရာ ကမ်းဘရင့်ချ်ကနေ အိုးဒ်ဟမ်းအထိ မိုင် ၂၀၀ အကွာအဝေး (လေးနာရီကြာကားမောင်းရသည့်အကွာအဝေး) ကို ‘ဂျင်း’က သူနဲ့အတူတူ ၁၀ နှစ်တိုင်တိုင် ခရီးသွားလာပေးခဲ့လို့ပါတဲ့။ တခြားသူတွေနည်းတူ သူမရဲ့ အားစိုက်ထုတ်မှုကလည်း တပြားသားမျှ မလျော့တဲ့အတွက် ဂုဏ်ပြုကမ္ဗည်းပေါ်မှာ သူမနာမည်လေးရေးထိုးပေးသင့်ပါတယ်လို့ တိုက်တွန်းပြောထားတဲ့စကားသံ ဖြစ်ပါတယ်။ ဇာတ်ကားရဲ့ အဆုံးသတ်ဟာလည်း အဲ့စကားလေးနဲ့ပဲ အဆုံးသတ်ထားပါတယ်။ ဒီဇာတ်ကားက သူနာပြုမလေး ‘ဂျင်းပါဒီ’ ဘက်ကို အဓိကထား ရိုက်ကူးပြသထားတဲ့အတွက်ပါ။ ဒီရုပ်ရှင်ရဲ့ အဆုံးသတ်မှာ သူတို့က ဖန်ပြွန်သန္ဓေသားကို မွေးနိုင်မယ်ဆိုတာကို ကြိုသိ

တစ်ခါတစ်လေကျရင်သေသွားရင်ကောင်းမှာပဲဆိုပြီးတွေးမိကြတဲ့အခိုက်အတန့်တွေရှိမှာပါ။အခုတင်ဆက်ပေးမဲ့ Remnant ဆိုတဲ့ဇာတ်ကားထဲကဂရေ့စ်ကတော့ သေသွားရင်ကောင်းမှာပဲဆိုတာကိုတကယ်ကြီးခံစားနေရတာဖြစ်ပါတယ်။ဘာလို့လဲဆိုတော့ သူ့မိဘတွေနဲ့အတူဖြစ်ခဲ့တဲ့ ကားမတော်တဆမှုမှာသူတစ်ယောက်တည်းအသက်ရှင်ကျန်နေခဲ့လို့ပဲဖြစ်ပါတယ်။အဲ့လိုအသက်ရှင်ကျန်ခဲ့တယ်ဆိုတာကလည်း နည်းပညာတိုးတက်နေတဲ့ခေတ်ကြီးဖြစ်တဲ့အတွက် သူ့ဦးနှောက်ထဲကိုချစ်ပ်ပြားတစ်ခုထည့်ပြီး ဆက်လက်လည်ပတ်နေနိုင်အောင်လုပ်ပေးထားလို့ပဲဖြစ်ပါတယ်။ဒါပေမယ့်သူကတော့အဲ့လိုအသက်ဆက်ရှင်နိုင်အောင်လုပ်ပေးလို့ဆရာဝန်ကိုကျေးဇူးတင်ရမဲ့အစား လက်ခလယ်သာထောင်ပြနေပါတော့တယ်။ဒီလိုနဲ့ဆေးရုံကဆင်းပြီးအိမ်ကိုပြန်လာခဲ့အခါမှာလည်း ဘယ်အရာကိုမှအလိုမကျတော့ပဲ အရင်တုန်းကဂရေ့စ်နဲ့မတူပဲအစစအရာရာပြောင်းလဲထူးဆန်းနေခဲ့ပါတယ်။သူငယ်ချင်းရဲ့အကူအညီကိုရပေမဲ့လည်း ခေါင်းထဲမှာတစ်ခါတစ်ရံပေါ်လာတတ်တဲ့ဆိုးဝါးလွန်းတဲ့ပုံရိပ်တွေကြောင့် ဂရေ့စ်တစ်ယောက်တဖြည်းဖြည်းခြောက်ခြားလာရင်းနဲ့ ဘယ်လိုစိတ်ဝင်စားစရာတွေဆက်ဖြစ်မယ်ဆိုတာကို ကြည့်ရှုခံစားရမဲ့ သိပ္ပံစိတ်ကူးယဉ် Horror ဇာတ်ကားတစ်ကားပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eazy ဖြစ်ပါတယ်

Blitz (2024) ကတော့ ဒုတိယကမ္ဘာစစ်အတွင်း လန်ဒန်ကို နာဇီဗုံးကြဲတိုက်ခိုက်တဲ့အချိန် ဖြစ်ရပ်မှန်ကိုသရုပ်‌ဖော်ရိုက်ကူးထားတဲ့ သမိုင်းဝင်ရုပ်ရှင်တစ်ကားပဲဖြစ်ပါတယ် ဒီဇာတ်ကားမှာ ရီတာက သူ့သားဖြစ်သူ ဂျော့ဂ်ျကို ဘေးကင်းရာကိုလွှတ်လိုက်ပေမယ့် ဂျော့ဂ်ျက သူ့အမေနဲ့ပဲနေချင်တာကြောင့် ရထားပေါ်ကခုန်ဆင်းပြီး အိမ်ပြန်ဖို့ထွက်ပြေးလာခဲ့ပါတယ် လောကကြီးမှာ ကောင်းတဲ့သူတွေလည်းရှိသလို မကောင်းတဲ့သူ‌လည်းများတာ‌ကြောင့် ၉ နှစ်အရွယ်ကလေးလေးက အိမ်ပြန်လမ်းကိုတောင် သေချာမသိပဲထွက်ပြေးလာရင်း လူမျိုးရေးခွဲခြားခံရတာတွေ အနိုင်ကျင့်ခံရတာတွေနဲ့ သူ့အဖေပြည်နှင်ဒဏ်ပေးခံရတာနဲ့ပက်သက်ပြီးနောက်ဆက်တွဲအကျိုးဆက်တွေကိုရင်ဆိုင်ရင်း တောင့်ခံခဲ့ရပါတယ် ရီတာက စစ်ပွဲတွေကြားမှာ သူ့သားကိုကယ်တင်ချင်ပေမယ့် အတားအဆီးပေါင်းများစွာရှိတာမလို့ လွယ်လွယ်နဲ့ရှာမတွေ့ခဲ့ပါဘူး ဒီဇာတ်လမ်းမှာ စစ်ရေးကိစ္စတွေရော ဗြိတိန်နိုင်ငံရဲ့ လူမျိူးရေးကွာဟချက်တွေကိုပါ မြင်တွေ့ရမယ့် စိတ်ဝင်စားဖို့ကောင်းသလို ဝမ်းနည်းဖို့လည်းကောင်းတဲ့ ဇာတ်ကားလေးပါ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Phyu ဖြစ်ပါတယ်

သားအဖနှစ်ယောက်ရဲ့ တံတားပေါ်က စွန့်စားခန်းကို ကြည့်ရမှာပါ။ ဂျိမ်းစ်နဲ့ကေ့စ်တို့သားအဖဟာ ပစ္စည်းပို့ကားကုမ္မဏီမှာ အလုပ်လုပ်တဲ့ လက်နက်ကိုင်လုံခြုံရေးတွေပါ။ သူတို့ပို့ပေးရတာကလည်း ဘဏ်အချင်းချင်း ငွေပို့တဲ့အချိန် ငွေသေတ္တာတွေကို ကျည်မဖောက်နိုင်တဲ့ ထရပ်ကားနဲ့ နေရာရောက်အောင် ပို့ပေးရတာမျိုးပါ။ ဂျိမ်းစ်က ယခင်က ရဲအဖြစ်အလုပ်လုပ်ခဲ့ပြီး အရက်စွဲသွားလို့ အလုပ်ပြုတ်သွားတဲ့သူပါ။ ဒီတစ်ခေါက်မှာတော့ သူတို့ပို့ရတဲ့ပမာဏက ယခင်ကထက် အဆမတန်များနေပြီး ငွေသားမဟုတ်ဘဲ ရွှေဒင်္ဂါးတွေ ဖြစ်နေပါတယ်။ သူတို့သားအဖက ဒါကိုမသိဘဲ လမ်းမှာကြားထဲက လုယက်သူတွေလိုက်လာမှာ သိတာပါ။ ကား‌‌နောက်ခန်းတံခါးကို လွယ်လွယ်ဖွင့်လို့မရတဲ့အတွက် သားအဖနှစ်ယောက်က အထဲမှာ လော့ချထားပြီး လုယက်သူလက်နက်ကိုင်ပရိုတွေလက်ကနေ လွတ်အောင် ကြံဖန်ရပါတော့တယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ဆိုင်ကယ်ချစ်သူတွေအကြိုက်တွေ့စေမဲ့အက်ရှင် ဒရာမာဇာတ်ကားကောင်းလေးတစ်ကားကိုတင်ဆက်ပေးလိုက်ပါပြီ။ဇာတ်ကားနာမည်ကတော့ GTMax ဖြစ်ပြီး လက်ရှိ IMDb Rating 5.4 အထိရရှိထားပါတယ်။ဒီဇာတ်ကားကိုဘာလို့ GTMax လို့ခေါ်ရလဲဆိုရင်တော့ သာမန်မိသားစုစီးတဲ့ GTMax ဆိုင်ကယ်ကြီးတွေကိုသေချာပြန်ပြုပြင်ပြီး လုယက်မှုတွေလုပ်တဲ့အဖွဲ့အကြောင်းရိုက်ကူးထားလို့ပဲဖြစ်ပါတယ်။တန်ဖိုးကြီးပစ္စည်းဆိုရင် လက်ဝတ်ရတနာ ရွှေငွေစိန်ကအစ နာရီအထိလုယက်တဲ့ အဲ့ဒီ GTMax ကြီးတွေနဲ့ဆိုင်ကယ်အဖွဲ့ကို ရဲအရာရှိလူးကပ်စ်တစ်ယောက်ဖမ်းဖို့ကြိုးစားနေခဲ့တာတော်တော်ကြာခဲ့ပါပြီ။ဒါပေမယ့်သူတို့သုံးတဲ့ယာဉ်ကဆိုင်ကယ်ဖြစ်နေတဲ့အတွက် တခြားရဲတွေလိုက်မှီဖို့မလွယ်သလို လူးကပ်စ်ရဲ့ဆိုင်ကယ်နဲ့လိုက်ဖမ်းဖို့ကလည်းမလွယ်ခဲ့ပါဘူး။အဲ့ဒီအပြင်ကိုမှ လမ်းကြမ်းဆိုင်ကယ်ပြိုင်တဲ့လောကထဲမှာအရမ်းနာမည်ကြီးတဲ့မိသားစုထဲက မောင်နှမနှစ်ယောက်ကပါ အဲ့ဒီလုယက်တဲ့အဖွဲ့ထဲရောက်လာတဲ့အခါမှာတော့ ဆိုင်ကယ်တွေကိုဘယ်လိုတွေပြင် ဘယ်လိုတွေကြမ်းကြမ်းတမ်းတမ်းစီးပြီးတော့ ဘယ်လိုလုယက်မှုတွေထပ်လုပ်ဦးမလဲ လူးကပ်စ်ကရော အဲ့ဒီအဖွဲ့ကိုနောက်ဆုံးမှာဖမ်းနိုင်သွားပါ့မလားဆိုတာတွေကိုစိတ်ဝင်စားစရာ ခပ်လန်းလန်း ခပ်ကြမ်းကြမ်းကြည့်ရှုခံစားရမှာပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eazy ဖြစ်ပါတယ်

မိသားစုနဲ့အတူ မကြည့်ရှုသင့်တဲ့ အခန်းတွေ အများကြီးပါတာကို ကြိုသတိပေးချင်ပါတယ်။ ကြည့်ရဲတဲ့သူတွေကတော့ ဇာတ်ဝင်ခန်းတွေကို ရင်တဖိုဖိုနဲ့ ရှုစားရမှာပါ။ ဇာတ်လမ်းအကျဉ်းကတော့ ကေလာဆိုတဲ့ မိန်းကလေးက အရမ်းထန်ပြီး လိင်မှုကိစ္စတွေမှာ အသစ်အသစ်တွေ လက်တည့်စမ်းချင်နေတဲ့သူပါ။ သူ့ရည်းစား ရက်ဒ်က ရဲအရာရှိဖြစ်တာနဲ့အညီ စည်းနဲ့ဘောင်နဲ့ သမားရိုးကျ နေထိုင်တတ်တဲ့သူပါ။ ကေလာက ၂ယောက် ၁ယောက်ပုံစံ လက်တည့်စမ်းချင်နေတဲ့အကြောင်း ရက်ဒ်ကို အမြဲပူဆာနေတယ်။ ဒီလိုနဲ့ စနေတနင်္ဂနွေ အလုပ်အားလပ်ရက်မှာ ကေလာနဲ့ ထန်ဖော်ထန်ဖက်တွေ ဖြစ်ခဲ့တဲ့ ဂလော်ရီတို့စုံတွဲဆီ သွားလည်ကြတယ်။ ဒါပေမဲ့ သွေးစုပ်ဖုတ်ကောင်စုံတွဲက အကြံအစည်ရှိလို့ ဖိတ်ခေါ်လိုက်တာကို ကေလာတို့တွေ မသိခဲ့ကြဘဲ ၂ယောက် ၁ယောက်စမ်းချင်တာနဲ့ပဲ ဆိုက်ဆိုက်မြိုက်မြိုက်ကြီးကို သွားပျော်ပါးကြပါတော့တယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ nanda tun kyaw ဖြစ်ပါတယ်

Horror လောကမှာတော်တော်နာမည်ကြီးသွားခဲ့တဲ့ Smile ရဲ့နောက်ဆက်တွဲ Smile 2 ထွက်ရှိလာပြီဆိုတော့ Horror ချစ်သူတွေအတွက်တော့ သတင်းကောင်းပါပဲ။ပထမကားမှာတုန်းက IMDb Rating 6.5 အထိရရှိခဲ့ပြီး အခုဒုတိယကားမှာ 7.1 အထိရရှိထားတယ်ဆိုတာတော့ ပိုကောင်းလာတယ်လို့ပြောရမှာပါပဲ။အောင်မြင်မှုကိုဆက်ထိန်းသိမ်းနိုင်ပြီး ပထမကားလောက်ကောင်းသေးလားဆိုတာကိုတော့ကြည့်ရှုသူကိုယ်တိုင်ပဲဆုံးဖြတ်ရမှာပါ။ပထမတစ်ကားကိုကြည့်ပြီးတဲ့လူတွေလည်း တော်တော်များများရှိပြီးလောက်သလို မကြည့်ရသေးတဲ့သူတွေအတွက် ဇာတ်လမ်းအကျဉ်းလေးပြန်နွှေးပေးလိုက်ချင်ပါတယ်။Smile မှာအဓိကကြောက်ရမှာက ကိုယ့်ရဲ့စိတ်ကိုစားသုံး ပြောင်းလဲပစ်နိုင်ပြီး နောက်ဆုံးမှာ ကိုယ့်ကိုယ်ကိုယ်သတ်သေအောင်လုပ်တဲ့ ကပ်ပါးကောင်လိုအရာကြီးကိုဖြစ်ပါတယ်။အဲ့ဒါကလက်ခံကောင်သေသွားလို့သေလားဆိုတော့လည်းမသေပဲနဲ့ ကိုယ့်ကိုယ်ကိုယ်သတ်သေတဲ့လူကိုမြင်လိုက်ရတဲ့လူဆီကိုဆက်လက်ကူးစက်ရင်းနဲ့ လူတစ်ယောက်ပြီးတစ်ယောက် ဇာတ်ကားနာမည် Smile ဆိုတဲ့အတိုင်း ပြုံးပြုံးကြီးသေအောင်လိုက်လုပ်နေတာပဲဖြစ်ပါတယ်။အခုတင်ဆက်ပေးမဲ့ 2 မှာဆိုရင်လည်းစလာကတည်းကအဲ့ဒီအဖြစ်အပျက်တွေကိုစမြင်တွေ့ရမှာဖြစ်ပြီး လူးဝစ်ဆိုတဲ့ဆေးသမားကောင်လေးဆီ စတင်ကူးစက်သွားပါတော့တယ်။ဒီဇာတ်လမ်းမှာအဓိကဇာတ်ကောင်ကတော့ နိုင်ငံကျော်အဆိုတော် စကိုက်ရိုင်လေဖြစ်ပြီး ဖြစ်ချင်တော့သူက ကူးစက်ခံထားရတဲ့လူးဝစ်ဆီမှာမူးယစ်ဆေးဝယ်သုံးနေကျဖြစ်နေပါတယ်။ဒီလိုနဲ့ စကိုက်တစ်ယောက် လူးဝစ်ကူးစက်ခံရပြီ

လူ့ဘဝက မနက်ဖြန်ဘာဖြစ်မလဲဆိုတာတောင် ကြိုမသိနိုင်တဲ့ဖြစ်ရပ်တစ်ခုလိုပါပဲ ဒီဇာတ်ကားကတော့ ကိုလံဘီယာမိုးသစ်တောမှာ ရက်ပေါင်း ၄၀ ကြာ‌ပျောက်ဆုံးသွားတဲ့ မောင်နှမလေးယောက်အကြောင်းကို တကယ့်ဖြစ်ရပ်မှန်ကိုအခြေခံပြီးရိုက်ကူးထားတဲ့ဇာတ်ကားလေးပဲဖြစ်ပါတယ် လေယာဉ်ပျက်ကျပြီးနောက် ကိုလံဘီယာသစ်တောထဲမှာ ဟွေတိုတိုမျိုးနွယ်ရဲ့ဒေသခံတိုင်းရင်းသား ကလေး ၄ ယောက်က မိခင်သေဆုံးသွားတော့ လူသူမရှိတဲ့နေရာမှာရှင်သန်နိုင်ဖို့ စားစရာကိုကိုယ်တိုင်ရှာဖွေရုန်းကန်ခဲ့ရတာပေါ့ တောထဲမှာသောင်တင်နေလို့ ကယ်ဆယ်ရေးအဖွဲ့ကိုစောင့်ရင်း ဘိုးဘွားတွေသင်‌ပေးတဲ့အတိုင်း မရင်းနှီးတဲ့ပတ်ဝန်းကျင်မှာနေထိုင်ခဲ့ကြရပါတယ် သူတို့ကိုလိုက်ရှာနေကြတဲ့ လွန်ခဲ့တဲ့နှစ်ကအကျဉ်းချခံထားရတဲ့ သူတို့ရဲ့ရက်စက်ကြမ်းကြုတ်တဲ့အဖေ အပါအဝင် ဒေသခံတိုင်းရင်းသားတွေနဲ့ စစ်တပ်ကလည်း အသက်ရှင်သေးရဲ့လား သေဆုံးနေပြီလားမသိတဲ့ ကလေးတွေကို မျှော်လင့်ချက်ကြီးစွာနဲ့ရှာဖွေခဲ့ကြပါတယ် ဘာသာရေးအယူအဆတွေနဲ့ သူတို့တတ်နိုင်တဲ့နည်းလမ်းပေါင်းစုံနဲ့ ရှာဖွေခဲ့ကြတာပေါ့ ကလေးတွေမိသားစုရဲ့ဝမ်းနည်းပူဆွေးမှုကတော့အတိုင်းမသိပါပဲ ပျောက်ဆုံးနေတဲ့ ကလေး ၄ ယောက်ရဲ့သတင်းက နိုင်ငံတစ်ဝှမ်းကိုပျံ့နှံ့သွားပြီး လူအများရဲ့အာရုံစိုက်မှုနဲ့ စိုးရိမ်ပူပန်မှု ဝမ်းနည်းမှုနဲ့ ဆုတောင်းမေတ္တာပေးပို့မှုတွေကြောင့် ကလေးတွေကို အသက်ရှင်ရက်ပြန်တွေ့ပါ့မလားဆိုတာ..... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Phyu ဖြစ်ပါတယ်

ဒီကားကတော့ Black Comedy အမျိုးအစား ဇာတ်ကားဖြစ်ပြီး ဝေဖန်ရေးဆရာတွေရဲ့ ချီးကျူးမှုတွေကိုလည်း ရရှိထားပါတယ်။ ဇာတ်လမ်းဇာတ်အိမ်ကို‌ ပြောရမယ်ဆိုရင်တော့.....G-7 လို့ခေါ်ကြတဲ့ ချမ်းသာကြွယ်ဝတဲ့ ဒီမိုကရေစီနိုင်ငံ(၇)နိုင်ငံရဲ့ ခေါင်းဆောင်ဖြစ်သူတွေဟာ ကမ္ဘာ့အရေးအခင်းကိစ္စတစ်ရပ်အပေါ် တိုင်ပင်ဆွေးနွေးပြီး ထုတ်ပြန်ချက်တစ်ခု ပူးတွဲရေးသားဖို့ G-7 ထိပ်သီးအစည်းအဝေးကို တက်ရောက်ခဲ့ကြပါတယ်။ အစည်းအဝေးလုပ်နေစဉ်မှာ တောအုပ်ထဲလမ်းပျောက်သွားခဲ့ကြပြီး ပြန်လွတ်မြောက်မဲ့ ထွက်လမ်းကို ရှာဖွေကြရင်းနဲ့ အန္တရာယ်တွေနဲ့ ရင်ဆိုင်ရပုံကို တင်ဆက်ထားတာဖြစ်ပါတယ်။ ဒီကားကိုအညွှန်းနဲ့ ဘာသာပြန်ဆိုသူက Aung Myat Tun ဖြစ်ပါတယ်။

အခုတင်ဆက်ပေးမဲ့ဇာတ်ကားရဲ့ဒါရိုက်တာက အဲ့လိုသမိုင်းတွေကြောင့် ရှရှားတွေကိုမုန်းတီးပြီး ယူကရိန်းကိုကာကွယ်ခဲ့သူတွေကိုဂုဏ်ပြုသောအားဖြင့်ရိုက်ကူးထားတာဖြစ်ပါတယ်။ယူကရိန်းနိုင်ငံရဲ့ရုပ်ရှင်ဥပဒေကြောင့် တိုင်းတစ်ပါးဘာသာစကားတွေကို ၁၀ ရာခိုင်နှုန်းထက်ပိုထည့်သွင်းလို့မရတဲ့အတွက် ရှရှားတွေရဲ့အသံနေရာမှာယူကရိန်းအသံတွေထပ်ထည့်ထားရလို့မကျေနပ်ကြောင်းတွေပါပြောထားပါသေးတယ်။အဲ့ဒီကြောင့်ဒီကားထဲမှာ ကျူးကျော်သူရှရှားတွေကိုသွေးထွက်သံယိုရှယ်သမမှာဖြစ်တဲ့အတွက် ၁၈ နှစ်ပြည့်မှကြည့်ဖို့ပြောချင်ပါတယ်။ဇာတ်ကားနာမည်ကတော့ The Witch : Revenge ဖြစ်ပြီး လက်ရှိ IMDb Rating 5.4 အထိရရှိထားပါတယ်။ဇာတ်လမ်းအစမှာတော့အန်ဒရီနဲ့အိုလန်နာဆိုတဲ့အရာရာပြည့်စုံနေပြီး ပျော်ရွှင်စရာကောင်းတဲ့ မကြာခင်မှာလက်ထပ်တော့မဲ့စုံတွဲလေးကိုတွေ့ရမှာဖြစ်ပြီး သူတို့မှာအော့ဇီဆိုတဲ့ခွေးကလေးတောင်မွေးထားပါသေးတယ်။ဒါပေမယ့်ကံကြမ္မာကမျက်နှာသာမပေးချင်တော့ သိပ်မကြာခင်မှာပဲရှရှားကယူကရိန်းကိုကျူးကျော်စစ်တွေစလာပြီး နယ်စပ်နားမှာနေထိုင်တဲ့သူတို့စုံတွဲလည်းပြောင်းရွှေ့ရပါတော့တယ်။အိုလန်နာရဲ့အကြံပေးမှုကြောင့် အိုလန်နာ့အဒေါ်ဆီသွားတဲ့လမ်းမှာ ရှရှားစစ်သားတွေနဲ့တွေ့ခဲ့ပြီး ရှရှားတွေကကျူးကျော်သူတွေပီပီ ယုတ်မာဖို့ကြိုးစားတဲ့အတွက် စစ်တပ်မှာတာဝန်ထမ်းဆောင်ဖူးတဲ့အန်ဒရီက စစ်သားတွေအများကြီးနဲ့ရအောင်တိုက်ခိုက်ပြီး အိုလန်နာကိုသူ့အဒေါ်ဆီရောက်အောင်ပို့ပေးခဲ့ပါတော့တယ်။ဒါပေမယ့်ကျည်မှန်ထားတဲ့ဒဏ်ရာ

"ပိုကောင်းတဲ့အနာဂတ်ကို မမြင်ရရင် တည်ဆောက်လိုက်ပါ" ဆိုတဲ့ tagline နဲ့ ဆန်းသစ်တဲ့ Sci-Fi, Fantasy ရုပ်ရှင်ကို ခံစားကြည့်လိုက်ပါ။ ဇာတ်လမ်းအကျဉ်းက နိုဘယ်ဆုရထားတဲ့ ဉာဏ်ကြီးရှင် scientist ဆီဇာက ရောမမြို့သစ်ကို သူဖန်တီးထားတဲ့နည်းပညာနဲ့ စိတ်ကူးယဉ်နိုင်ငံ Megalopolis အဖြစ် ပြောင်းလဲပစ်ချင်တယ်။ သူ့မှာ သူမတူတဲ့ ဖန်တီးနိုင်စွမ်းနဲ့ပါရမီရှိပြီး သူ့အိပ်မက်ကို အကောင်အထည်ဖော်ဖို့ ထောက်ပံ့ပေးမယ့် သူ့ဦး‌လေး ဘဏ်လုပ်ငန်းရှင်သူ‌ဌေးကြီးလည်း ရှိတယ်။ ဒါမဲ့ ရောမမြို့ရဲ့မြို့တော်ဝန်စစ်စီရိုက လက်ရှိအတိုင်းပဲထားချင်ပြီး ဆီဇာကို ဆန့်ကျင်နေတဲ့ အတိုက်အခံသမား...သူတို့ပဠိပက္ခထဲမှာ ကြားညှပ်မယ့်သူက စစ်စီရိုရဲ့သမီး ဆီဇာကိုချစ်မိတဲ့ ဂျူလီယာ...ဆီဇာမှာလည်း သူ့ကိုပြိုင်နေတဲ့ ဝမ်းကွဲအစ်ကိုရှိပြီး...သူတို့ရဲ့အနှောင့်အယှက် အခက်အခဲပြဿနာတွေကြားကနေ သူ့ Utopiaကို တည်ဆောက်နိုင်မလား ဆက်လက်ရှုစားလိုက်ပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

နာမည်ကြီး Star Wars မင်းသမီး Daisy Ridley ပါဝင်သရုပ်ဆောင်ထားတဲ့ တစ်ကားလုံးအသည်းတယားယား အံကြိတ်ပြီးကြည့်နေရမဲ့ Thriller ဇာတ်ကားကောင်းလေးတစ်ကားကိုတင်ဆက်ပေးလိုက်ပါတယ်။ဇာတ်ကားနာမည်ကတော့ Magpie ဖြစ်ပြီး လက်ရှိ IMDb Rating 6.0 အထိရရှိထားပါတယ်။ဇာတ်ကားလေးကရိုးရိုးအေးအေးလေးပေမဲ့ ကြည့်နေရင်းနဲ့ကိုဆက်ဆက်ကြည့်ချင်နေအောင်ဆွဲဆောင်နိုင်စွမ်းရှိပြီး မထင်မှတ်ထားတဲ့ Plot Twist တွေကိုလည်းချပြသွားဦးမှာဖြစ်တဲ့အတွက် လက်လွှတ်မခံကြည့်ရှုသင့်တဲ့ဇာတ်ကားတစ်ကားဖြစ်ပါတယ်။ဒီဇာတ်ကားရဲ့အဓိကဇာတ်ကောင်တွေကတော့ အန်နက်နဲ့ဘန်ဆိုတဲ့လင်မယားနဲ့ သူတို့ရဲ့သမီးဖြစ်သူတီလီတို့ရဲ့မိသားစုလေးပဲဖြစ်ပါတယ်။ဇာတ်လမ်းအစမှာတီလီက ရုပ်ရှင်ဇာတ်ကားတစ်ခုမှာကလေးသရုပ်ဆောင်အဖြစ်ပါဝင်ခွင့်ရလို့ပျော်ရွှင်နေကြတာကို စတွေ့ရမှာဖြစ်ပါတယ်။အဲ့ဒါကြောင့် တီလီရိုက်ကွင်းကိုသွားဖို့အတွက် အားယားနေတဲ့စာရေးဆရာယောင်ယောင်သူ့အဖေကနေ့တိုင်းလိုက်ပို့ပေးရင်းကနေ ရိုက်ကွင်းကမင်းသမီးနဲ့ရင်းနှီးသွားပါတော့တယ်။ဒါပေမယ့်အချိန်ကြာလာတော့ တီလီ့ကိုအကြောင်းပြုပြီးစလာတဲ့ရင်းနှီးမှုတွေကများလာပြီး ဖောက်ပြန်တဲ့အဆင့်ကိုရောက်သွားတဲ့အခါမှာတော့ သူ့ယောက်ျားဖောက်ပြန်နေကြောင်းကိုအန်နက်သိသွားမလား မင်းသမီးနဲ့အိမ်ထောင်သည်ယောက်ျားတစ်ယောက်ရဲ့ဖောက်ပြန်နေတဲ့ဆက်ဆံရေးကရော ဘယ်လိုတွေဆက်ဖြစ်သွားမလဲဆိုတာကိုကြည့်ရှုရမဲ့လျှို့ဝှက်သည်းဖိုဇာတ်ကားကောင်းတစ်ကားပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူက

"ကြားသုံးကြားမဝင်ကောင်းဘူး"ဆိုတဲ့စကားအတိုင်း သူများအိမ်တွင်းရေးပြဿနာဆိုရင် လူတွေဟာ ဝင်ပါဖို့ လက်ရှောင်တတ်ကြပါတယ်။ ဒီလိုလျစ်လျူရှူမှုတွေကြောင့် အိမ်တွင်းအကြမ်းဖက်မှုတွေနဲ့ လင်မယားချင်းအလိုမတူပြုကျင့်မှုတွေက ရပ်တန့်သွားခြင်းမရှိပါဘူး။ အဲ့ဒီလိုပါပဲ ယောကျ်ားဖြစ်သူက သူ့မိန်းမ ဒါမှမဟုတ် သူ့ပါတနာကို မလိုမတူဘဲ ဆက်ဆံတာကို မုဒိမ်းမှုလို့ မသတ်မှတ်ကြတဲ့လူတွေလည်း ဒုနဲ့ဒေးပါ။ ဒီဇာတ်လမ်းလေးဟာဆိုရင် "လက်ထပ်ပြီးသွားရင်လည်းပဲ ကိုယ့်ခန္ဓာကိုယ်ကို ကိုယ်ပဲပိုင်တယ်၊ တရားဝင်လင်ယောကျ်ားတောင် မပိုင်ပါဘူး"ဆိုတဲ့အချက်ကို မီးမောင်းထိုးပြီး ပညာပေးထားတဲ့ဇာတ်လမ်းလေးတစ်ပုဒ်ဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zed ဖြစ်ပါတယ်

ခုနစ်ပြည်ထောင်မက လူအပေါင်းကစွဲလမ်းရတဲ့ ကချေသည်မလေး ပူလာဝတီ..။ ဧကရာဇ်မင်းတွေကိုယ်တိုင်က လိုချင်တသသဖြစ်ကြရတဲ့အလှပဂေးလေး။ ပြည့်ရတနာလို တန်ဖိုးရှိလှတဲ့မိန်းမလှလေးတစ်ယောက်ပေါ့။ တစ်နေ့မှာ ပူနေးမြို့ကိုသွားပြီး ကပြဖျော်ဖြေရဖို့အကြောင်းဖန်လာခဲ့တယ်။ ဒါပေမဲ့ ဘဝမှာ ပထမဆုံးအကြိမ်အဖြစ်နဲ့ သူမ စော်ကားခံခဲ့ရတယ်။ ပူနေးတစ်မြို့လုံးက လေးစားကြည်ညိုရတဲ့ စာပေပညာရှင်တစ်ဦးဟာ သူမကို ပြည့်တန်ဆာမလို့ သမုတ်လိုက်သတဲ့လေ။ အဲ့ဒါကြောင့် သူမကလည်း မခံမရပ်နိုင်ဖြစ်ပြီး စိန်ခေါ်ပွဲတစ်ခုကိုတောင်းဆိုပါတော့တယ်။ အဲ့ဒါကတော့ ဒီပြိုင်ပွဲမှာ သူရှုံးခဲ့ရင် စာပေပညာရှင်ရဲ့အိမ်မှာ အစေခံသွားလုပ်မှာဖြစ်ပြီး စာပေပညာရှင်ဘက်က ရှုံးခဲ့ရင်တော့ ​သူမရဲ့ခြေချင်းကိုဝတ်ခိုင်းပြီး တိရစ္ဆာန်တစ်ကောင်လို မြို့အနှံ့ဆွဲခေါ်သွားခံရမတဲ့လေ။ ဘဝနဲ့ရင်းထားရတဲ့ ဒီပြိုင်ပွဲမှာ ဘယ်သူကများနိုင်ပြီး ဘယ်သူကရှုံးလေမလဲ...။ ဇာတ်လမ်းအညွှန်းနဲ့ ဘာသာပြန်သူကတော့ Zed ဖြစ်ပါတယ်။

The Greatest Story of Survival လို့ဆိုလိုက်တာနဲ့ ၁၉၁၄ ခုနှစ်မှာ တောင်ဝင်ရိုးစွန်းဒေသ အန္တာတိတ်ကို စူးစမ်းလေ့လာရေးထွက်ခဲ့သူ ‘ဆာ အန်းနက်စ် ရှက်ကယ်လ်တန်’ကိုပဲ ပြေးမြင်ကြမှာပါ။ သူနဲ့ ပတ်သက်ပြီး မှတ်တမ်းရုပ်ရှင်တွေ၊ ရုပ်ရှင်ဇာတ်လမ်းတွေလည်း အများအပြား ထွက်ရှိခဲ့ပါတယ်။ အဓိက,ကတော့ သူ့အဖွဲ့သား ၂၇ ယောက်အပေါ် သူ့ရဲ့ ခေါင်းဆောင်မှုကောင်းခဲ့တာတွေ၊ ရေခဲပင်လယ်ပြင်မှာ တစ်နှစ်နီးပါး ပိတ်မိပြီးနောက် ကုန်းတစ်တန်ရေတစ်တန်နဲ့ လူတွေနေထိုင်ရာ အရပ်ကို ပြန်ရောက်လာအောင် ကြိုးပမ်းကြရပုံတွေကို ဖော်ကျူးကြပါတယ်။ Documentary/ Adventure ရုပ်ရှင်အမျိုးအစားဖြစ်တဲ့ ဒီဇာတ်လမ်းမှာတော့ ‘တင်မ်ဂျားဗစ်’ဆိုတဲ့ ဩစတြေးလျံစူးစမ်းလေ့လာသူက ရှက်ကယ်လ်တန်သွားခဲ့တဲ့ လမ်းကြောင်းအတိုင်းပဲ ရေခဲပင်လယ်ပြင်မှာ သင်္ဘောညပ်သွားတာကစလို့ လှိုင်းကြမ်းတဲ့ တောင်ပင်လယ်ကို ပြန်ဖြတ်ပြခဲ့ပါတယ်။ တောင်ဂျော်ဂျီယာကျွန်းပေါ်က အက်ကွဲကြောင်းတွေ အပြည့်ရှိပြီး အန္တရာယ်သိပ်ကိုများတဲ့ ရေခဲတောင်တွေကိုလည်း သူ ခြေလျင်တက်ပြမှာပါ။ တစ်ဖက်မှာလည်း ရှက်ကယ်လ်တန်တို့ အဖွဲ့သားတွေ တောင်ဝင်ရိုးစွန်းဒေသမှာ ကြုံတွေ့ခဲ့ရပုံကို အသံသရုပ်ဆောင် Rupert Degas က ရှက်ကယ်လ်တန်နေရာကနေ ပါဝင်ပြီး အားဖြည့်ထားပါတယ်။ ဒီမှတ်တမ်းတင်ရုပ်ရှင်ကနေတဆင့် တင်မ်ဂျားဗစ် ပေးချင်တဲ့ သတင်းစကားကတော့ ဘယ်လိုနေရာကိုရောက်နေပါစေ အပြုသဘောဆောင်တဲ့ စိတ်နေစိတ်ထားကိုသာ ဆက်လက်မွေးမြူပြီး ကြိုးစားမ

*Vasco Da Gama* ဟာ ဒါရိုက်တာ RG Krishnan ရဲ့ ထူးခြားတဲ့ ဇာတ်လမ်းတစ်ပုဒ်ဖြစ်ပြီး လူမှုရေးသဘောတရားများကို ဟာသပေါင်းစပ်ကာ Parodyဆန်ဆန်ဖန်တီးထားပါတယ်။ ဇာတ်ဆောင် ဖြစ်တဲ့ Vasudevan ဟာ ကောင်းတာကိုမကောင်းတာလုပ် ၊ မကောင်းတာကိုအကောင်းလုပ်ပြီး နောက်ပြန်အလေ့အထနဲ့နေထိုင်တဲ့ လူ့အဖွဲ့အစည်းမှာနေထိုင်သူတဦးပါ။ ပုဂ္ဂိုလ်ရေးဆိုင်ရာ ဆုံးရှုံးမှုတစ်ခုကြုံရပြီးနောက်မှာ Vasco Da Gama အကျဉ်းထောင်ကိုရောက်ရှိသွားတဲ့ Vasu ဟာ အပြစ်ရှိသူတွေအတွက် ကောင်းကင်ဘုံလိုကောင်းတဲ့ နေရာတစ်ခုကို ရှာတွေ့သွားပါတော့တယ်။ ဒီ ထူးဆန်းတဲ့အကျင့်သဘာဝတွေနဲ့ပြည့်နေတဲ့settingနဲ့ကမ္ဘာကြီးမှာ ချစ်သူကိုပြန်လည်တွေ့ရှိပြီး သူဟာထူးခြားတဲ့ စိန်ခေါ်မှုအမျိုးမျိုးကိုရင်ဆိုင်ရပါတော့တယ်။ စိတ်ကူးများစွာနဲ့ အတွေးအမြင်သစ်အသစ်တွေကို ဖော်ပြထားကာ ဟာသနှောပြီးရိုက်ကူးထားတဲ့ *Vasco Da Gama* ဟာ တခြားရုပ်ရှင်တွေနဲ့မတူပဲ တမူထူးခြားတဲ့ဆွဲဆောင်မှုရှိနေမှာ အမှန်ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Htet Htet Aung ဖြစ်ပါတယ်

နိုင်ငံခြားထွက်ပြီး အလုပ်လုပ်ချင်စိတ်ပြင်းပြနေကြတဲ့ သားဖြစ်သူနှစ်ယောက်ကြောင့် အဖေဖြစ်သူဟာ ရှိတာလေးတွေရောင်းချပြီး သားအကြီးကို နိုင်ငံခြားပို့ပေးခဲ့တယ်။ ဒါပေမဲ့ သူ့သားကြီးက နှစ်တော်တော်ကြာတဲ့အထိ အဆက်အသွယ်မလုပ်တော့တဲ့အခါ သူတို့ရဲ့စိတ်ထဲမှာလည်း သူတို့ကိုထားသွားခဲ့ပြီဆိုတဲ့စိတ်နဲ့ နာကြည်းသွားခဲ့ကြတယ်။ ဒါပေမဲ့ အမှန်တရားက နှစ်၂၀ကျော်ကြာမှ ပေါ်ပေါက်လာခဲ့တဲ့အခါ ဘာတွေဆက်ဖြစ်ကြမလဲ။ ဒိီဇာတ်လမ်းလေးဟာ နိုင်ငံခြားကိုမှအထင်ကြီးနေကြတဲ့ လူငယ်တွေကို တချို့ကိစ္စတွေမှာ ကိုယ့်အမိမြေကသာ ကိုယ့်အတွက် အပျော်ရွှင်ရဆုံးဆိုတဲ့အကြောင်းကို ပညာပေးထားတာပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zed ဖြစ်ပါတယ်

၁၉၁၅ ခုနှစ်မှာ တောင်ဝင်ရိုးစွန်းကို စွန့်စားခန်းထွက်ခဲ့တဲ့ သဘော်ကြီး တစ်စင်းဟာ စိတ်မကောင်းစွာပဲ နစ်မြှုပ်သွားခဲ့ပါတယ် အဲ့ဒီသဘော်ရဲ့ ကပ္ပတိန်နဲ့ အဖွဲ့သားတွေကတော့ အသက်ရှင်လျက် ပြန်လာနိုင်ခဲ့ကြပါတယ် ဒီ Documentary Film လေးထဲမှာတော့ လွန်ခဲ့တဲ့ နှစ်ပေါင်း ၁ရာကျော်က မြှုပ်သွားခဲ့တဲ့ သဘော်ကြီးကို ၂၀၂၂ ခုနှစ်မှာ ပြန်လည်ရှာဖွေရေးစခန်း ထွက်ခဲ့ကြတာ ဖြစ်ပြီး အဲ့ဒီ့သဘော်ပေါ်က ဇာတ်လမ်းအကြောင်းတွေကိုပါ တကျော့ပြန် ပြောပြထားတာ ဖြစ်ပါတယ် သဘော်ကြီး နစ်ပြီးသွားတဲ့ နောက်မှာ ကပ္ပတိန် ရှယ်ကဲလ်တန်နဲ့ သူ့အဖွဲ့သားတွေက ဘယ်လိုတောင် အန္တာတိကတိုက်ကနေ လွတ်မြောက်လာအောင် အခက်အခဲတွေကြား ရုန်းကန်ခဲ့ရလဲကို ပြသရင်း တဖက်က ၂၀၂၂ မှာလည်း မန်ဆမ် နီကိုနဲ့ သူ့အဖွဲ့သားတွေဟာ ဒီသဘော်ကြီးကို ရှာဖွေဖို့ အန္တာတိကတိုက်ထဲ ဘယ်လိုရုန်းကန်ရလဲ ဆိုတာကို ပြသထားပါတယ် ဒီလိုပြသထားခြင်းကြောင့် အဖွဲ့လိုက် စုပေါင်းလုပ်ဆောင်ခြင်းအင်အားဟာ မဖြစ်နိုင်တဲ့ အရာတွေ ဖြစ်တဲ့ သေဘေးက လွတ်မြောက်ခြင်း နှစ်ရာကျော် ပျောက်သွားတဲ့ သဘော်ကိုတောင် ပြန်ရှာတွေ့နိုင်တယ်ဆိုတဲ့ Teamwork, Leadership ရဲ့ အင်အားကို မြင်သာအောင် ပြသထားတဲ့ documentary film ပဲ ဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Henny ဖြစ်ပါတယ်

ပါကစ္စတန်အကြမ်းဖက်သမားတစ်ယောက်ဟာ အိန္ဒိယနိုင်ငံအတွင်းမှာ အထိကရုဏ်းတွေဖန်တီးဖို့အတွက် ကျောင်းသားတွေကို သွေးထိုးလှုံ့ဆော်ခဲ့တယ်။ ကျောင်းသားတွေကလည်း သူ့ရဲ့အမိန့်ကိုနာခံပြီး နိုင်ငံနဲ့တစ်ဝှမ်း မစ်ရှင်တွေလုပ်ဆောင်နေကြတယ်။ ဒါပေမဲ့ တစ်နေ့မှာတော့ သူ့ရဲ့လူသတ်မှုမှာ မျက်မြင်သက်သေကလေးမလေးတစ်ယောက် ပေါ်ပေါက်လာခဲ့တယ်။ သူကလည်း သူ့မစ်ရှင်ပျက်စီးမှာစိုးတဲ့အတွက် ကလေးမလေးကို လိုက်သတ်ဖို့ကြိုးစားပါတော့တယ်။ တစ်ဖက်မှာလည်း ကလေးမလေးကိုကာကွယ်ဖို့ အသည်းအသန်ကြိုးစားနေတဲ့လူတစ်ယောက်ရှိနေတဲ့အခါ ဘာတွေဆက်ဖြစ်ကြမလဲ။ အကြမ်းဖက်လုပ်ငန်းစဉ်ကိုတားဆီးဖို့အတွက်နဲ့ ကလေးမလေးကိုကယ်တင်ဖို့ သူတို့တတွေဘယ်လိုကြိုးစားလုပ်ဆောင်ကြမလဲ။ ဇာတ်လမ်းအညွှန်းနဲ့ ဘာသာပြန်သူကတော့ Zed ဖြစ်ပါတယ်။

ခဲရာခဲဆစ်အ​ခြေအနေနဲ့မွေးဖွားခဲ့ရတဲ့ ရူဒရာဟာ မွေးရာပါဒေါသကြီးတဲ့ရောဂါကိုခံစားခဲ့ရရှာတယ်။ နောက်တော့ အဲ့ဒီဒေါသကသူ့ကိုရော သူ့မွေးစားအဖေကိုပါ ဒုက္ခပေးတော့တာပေါ့။ မိဘအရင်းတွေအကြောင်းကိုသိသွားပြီးတဲ့နောက် မွေးစားအဖေကို အရွဲ့တိုက်ပြီး ဘဝကိုဆိုးတေရင်း ဖြတ်သန်းလာရာက ရူဒရာတစ်ယောက် လူသတ်မိမလိုဖြစ်တဲ့အတွက် ထောင်ကိုးလချခံခဲ့ရတယ်။ အဲ့ဒီမှာပဲ သူ့ရဲ့ဘဝအလှည့်အပြောင်းက စတင်တော့တာပါပဲ။ ဖခင်ဖြစ်သူရဲ့လုပ်ဖော်ကိုင်ဖက်တစ်ယောက်က သူ့အဖေစတင်ခဲ့တဲ့မစ်ရှင်တစ်ခုအကြောင်း ပြောပြပြီး ဒီမစ်ရှင်မှာ သူ့ကိုပါဝင်စေချင်ကြောင်း ဖျောင့်ဖျလာခဲ့တယ်။ သူကိုယ်တိုင်ကလည်း ဖခင်ဖြစ်သူရဲ့မစ်ရှင်ကို စွမ်းစွမ်းတမံထမ်းဆောင်ရင်း ထင်မှတ်မထားတဲ့ ကံကြမ္မာအလှည့်အပြောင်းတွေ၊ မိဘဖြစ်သူတွေရဲ့မသမာတဲ့သေဆုံးမှုနဲ့ ဖုံးကွယ်ထားခဲ့တဲ့အမှန်တရားတွေကိုပါ သိလိုက်ရတဲ့အခါ သွေးကြွေးကို ဘယ်လိုပြန်ဆပ်မလဲ။ ဘယ်သူတွေက အစစ်အမှန်တွေဖြစ်ပြီး ဘယ်သူတွေက အယောင်ဆောင်တွေဖြစ်နေမလဲ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zed ဖြစ်ပါတယ်

Bow နဲ့ Geeတို့ ပါဝင်သရုပ်ဆောင်ထားတဲ့ ၂၀၂၄ ထွက် ဟာသသရဲကားလေး my booကို အခုပဲ တင်ဆက်ပေးလိုက်ပါပြီဗျ။ အမွေမျှော်နေတဲ့ ဂျိုးဆိုတဲ့ရေပေါ်ဆီဂိမ်မာကောင်ဇိုးလေးတစ်ယောက် သေတမ်းစာမှာ နာမည်ပဲပါပြီး အမွေမပါလာတဲ့ တိုင်ပတ်နေတော့တာပေါ့။ ဒါပေမဲ့ သူ့ကိုသနားသွားတဲ့ အစ်ကိုဖြစ်သူရဲ့ကောင်းမှုနဲ့ နယ်ဘက်က ရှေးဟောင်းအိမ်ကြီးတစ်လုံးကို အမွေရလိုက်ပါသတဲ့။ ဒီလိုနဲ့ အိမ်ကိုရောင်းထုတ်ဖို့အသွားမှာ ဂျိုးတစ်ယောက် စပရိုက်အကြီးကြီးမိတော့တာပါပဲ။ အဲဒါကတော့ အိမ်ရဲ့အရင်ပိုင်ရှင်ရဲ့သမီးဖြစ်သူနဲ့ အစေခံနှစ်ယောက်က အိမ်ဓားပြမှုမှာ လူမသိသူမသိအသတ်ခံလိုက်ရပြီး အိမ်ကြီးထဲမှာ မကျွတ်မလွတ်ဖြစ်နေတာပါ။ ဒီတော့ အမွေအိမ်ကိုရောင်းထုတ်ပြီး အကြွေးဆပ်ရမယ့်ဂျိုးတစ်ယောက် သရဲ ၃ ကောင်နဲ့ ဘယ်လိုဇာတ်လမ်းဆက်မလဲဆိုတာ ရှုစားလိုက်ရအောင်ပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Saturn ဖြစ်ပါတယ်

ဒါလေးကတော့ Documentary Film အမျိုးအစားလေးပဲဖြစ်ပါတယ် ၁၉၉၀ ဝန်းကျင်ခုနှစ်မှာ စတင်ပြီးတော့ စွန့်ဉီးတီထွင်ကာ ပထမဆုံး အမျိုးသမီးဘီလီယမ်နာ ဖြစ်ခဲ့တဲ့ Martha Stewart ရဲ့ ဘဝဇာတ်ကြောင်း အဖြစ်အပျက်တွေကို မှတ်တမ်းတင်ထားတာ ဖြစ်ပါတယ် သူမကိုယ်တိုင်ကိုပါ အင်တာဗျူးထားတာလည်း ဖြစ်ပါတယ် သူမဟာ အိမ်တွင်းလက်မှုပညာနဲ့ ပတ်သတ်ပြီး ထူးချွန်သူဖြစ်ပြီး ၁၉၉၀ ဝန်းကျင်ကတည်းက အိမ်ရှင်မကောင်းတစ်ယောက်ဖြစ်မဲ့ နည်းလမ်းတွေကို မျှဝေရင်း ဘီလီယမ်နာဖြစ်သွားတဲ့ အမေရိကန် အမျိုးသမီးတစ်ဉီးပါ အမျိုးသမီးတစ်ယောက်အနေနဲ့ ၁၉၉၀ ဝန်းကျင်ခေတ်က ဘယ်လို အခက်အခဲတွေ ခံစားခဲ့ရလဲ ဘယ်လိုမျိုးတွေ ရင်ဆိုင်ကျော်ဖြတ်ခဲ့ရလဲဆိုတာကို သေသေချာချာ မှတ်တမ်းတင်ထားတာ ဖြစ်ပြီး အမျိုးသမီးတစ်ယောက်အနေနဲ့ စီးပွားရေးလောကမှာ ရင်ဆိုင်ရတာတွေကိုပါ ကြည့်မြင်ရမှာ ဖြစ်သလို အိမ်ထောင်ရှင်မတစ်ယောက်ရဲ့ အခက်အခဲတွေကိုလည်း မြင်တွေ့နိုင်မှာ ဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Henny ဖြစ်ပါတယ်