လူကြည့်များသော ရုပ်ရှင်များ

ဒါရိုက်တာ Shin Su-won ရိုက်ကူးထားတဲ့ "Madonna" ဇာတ်ကားဟာ Cannes ရုပ်ရှင်ပွဲတော်ရဲ့ Un Certain Regard ကဏ္ဍမှာ ပြသခွင့်ရတဲ့အထိ အောင်မြင်မှုရရှိခဲ့ပြီး လူ့အဖွဲ့အစည်းရဲ့ အမှောင်ဘက်ခြမ်းနဲ့ လူတန်းစားကွာဟမှုတွေကို အထူးပြု ရိုက်ကူးထားတဲ့ ဇာတ်ကားကောင်း တစ်ကားဖြစ်ပါတယ်။ ဟယ်ရင်ဟာ ဆေးရုံတစ်ခုရဲ့ VIP လူနာဆောင်မှာ အလုပ်လုပ်နေတဲ့ သူနာပြုအကူတစ်ယောက်ပါ။ သူဟာ ကိုယ်တစ်ခြမ်းသေပြီး အသက်ငင်နေတဲ့ သူဌေးကြီးကို ပြုစုပေးရပါတယ်။ သူဌေးကြီးရဲ့သားဖြစ်သူ ဆန်းဝူကတော့ ဖခင်ကို ဆက်လက်အသက်ရှင်နေစေဖို့ နည်းလမ်းပေါင်းစုံနဲ့ ကြိုးစားနေသူပါ။ ဖခင်ကို အသက်ဆက်ဖို့အတွက် နှလုံးအစားထိုးကုသရန် လိုအပ်နေချိန်မှာတော့ မီနာ လို့ခေါ်တဲ့ ကိုယ်ဝန်ဆောင် အမျိုးသမီးတစ်ယောက်ဟာ ဦးနှောက်သေဆုံးနေတဲ့ အခြေအနေနဲ့ ဆေးရုံကို ရောက်ရှိလာပါတယ်။ သူ့ရဲ့ခန္ဓာကိုယ် ဖွဲ့စည်းပုံကြောင့် လူတွေက သူ့ကို "Madonna" လို့ နာမည်ပြောင် ပေးထားကြတာပါ။ ဆန်းဝူက မီနာရဲ့နှလုံးကို ဖခင်ဖြစ်သူအတွက် အစားထိုးဖို့ ဆုံးဖြတ်လိုက်ပြီး ဟယ်ရင်ကို ငွေပေးကာ မီနာရဲ့မိသားစုကိုရှာဖွေပြီး ကိုယ်တွင်းအင်္ဂါလှူဒါန်းဖို့ သဘောတူညီချက်ရအောင် လုပ်ခိုင်းပါတော့တယ်။ ဟယ်ရင်တစ်ယောက် မီနာရဲ့ အတိတ်ကို ခြေရာခံ စုံစမ်းရင်း မီနာတစ်ယောက် ဘယ်လို ဒုက္ခမျိုးစုံကြုံတွေ့ခဲ့ရပြီး လူ့အဖွဲ့အစည်းရဲ့ ဖိနှိပ်မှု၊ လိင်ပိုင်းဆိုင်ရာ အမြတ်ထုတ်မှုတွေကို ဘယ်လို ခါးသီးစွာ ခံစားခဲ့ရတယ်ဆိုတာကို တဖြည်းဖြည်း ဖ

စိတ်ဝင်စားဖို့ကောင်းတဲ့ မှုခင်းစုံထောက်ကားလေးပဲ ဖြစ်ပါတယ်။ မှုခင်ဆေးဘက်ဆိုင်ရာအဖွဲ့မှာ အလုပ်လုပ်နေတဲ့ ဇာရာ ဆိုတဲ့အမျိုးသမီးဟာ စိတ်ဒဏ်ရာခံစားနေရတဲ့ ဇီယန် ဆိုတဲ့ သူ့မောင်လေးကို အရမ်းချစ်ပြီး အရမ်းဂရုစိုက်ပါတယ်။ ဒါပေမဲ့ သူ့မောင်လေးက ကိုယ့်ကိုကိုယ် သတ်သေချင်စိတ် ပြင်းပြနေသူတစ်ယောက်ဖြစ်ပြီးတော့ တစ်နေ့မှာ အိမ်ကိုပြန်မရောက်ဘဲ လမ်းမှာ သေနေတာ တွေ့လိုက်ရချိန်မှာ ရဲတွေက ကိုယ့်ကိုကိုယ် သတ်သေတယ်လို့ပဲ ကောက်ချက်ချလိုက်ကြပါတယ်။ ဒါပေမဲ့ ထူးဆန်းတာက ဇီယန်လို စိတ်ဒဏ်ရာခံစားနေရတဲ့ လူနှစ်ယောက်လည်း အလားတူပုံစံမျိုး သေသွားခဲ့ချိန်မှာတော့ ရဲတွေအတွက် သံသယဖြစ်စရာ ဖြစ်လာပါတော့တယ်။ ဒါကြောင့် မောင်လေးကိုအရမ်းချစ်တဲ့ ဇာရာတစ်ယောက် အမှုကို ကိုယ်တိုင်စုံစမ်းရင်း ဘယ်လိုအခြေအနေတွေနဲ့ ရင်ဆိုင်သွားရမလဲ၊ တကယ်ပဲ လူသတ်မှုဆိုရင် ဘယ်သူက ဘာကြောင့် သတ်ခဲ့တာလဲဆိုတာကို ဇာတ်လမ်းအဆုံးမှာမှ တရားခံကို ဖမ်းမိပြီး သူ ဘာကြောင့် ကျူးလွန်ရလဲဆိုတဲ့ စိတ်ဝင်စားစရာအကြောင်းအရင်းတွေနဲ့ ကြည့်လို့အရမ်းကောင်းတဲ့ မှုခင်းဇာတ်ကားလေးတစ်ကားပဲဖြစ်ပါတယ်။ ဒီဇာတ်ကားမှာ ဂျီဘရန် အဖြစ် မင်းသား Rahman ၊ အယ်လ်ဘီ အဖြစ် မင်းသား Arjun Lal ၊ ဇီယန် အဖြစ် မင်းသား Shebin Benson နဲ့ ဇာရာ အဖြစ် မင်းသမီး Bhavana တို့က အဓိက ပါဝင်သရုပ်ဆောင်ထားတာ ဖြစ်ပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Cherry ဖြစ်ပါတယ်။

အာကာသကြီးတစ်ခုလုံးကို ခြိမ်းခြောက်လာတဲ့ အမည်မသိအင်အားတစ်ခု… အဲဒီအန္တရာယ်ကို ရင်ဆိုင်ဖို့ ရွေးချယ်ခံရသူကတော့ ကိုယ့်ကိုယ်ကိုတောင် အပြည့်အဝမယုံကြည်သေးတဲ့ သာမန်လူတစ်ယောက်ပဲ ဖြစ်နေခဲ့ပါတယ်။ Hal Jordan ဟာ အရည်အချင်းရှိတဲ့ စမ်းသပ်လေယာဉ်မှူးတစ်ယောက်ဖြစ်ပေမယ့် စည်းကမ်းထက် ကိုယ့်စိတ်ကြိုက်လုပ်တတ်ပြီး အန္တရာယ်ကိုလည်း မကြောက်တတ်သူတစ်ယောက်ပါ။ ဒါပေမယ့် မမျှော်လင့်ထားတဲ့ အဖြစ်အပျက်တစ်ခုကြောင့် သူဟာ ကမ္ဘာမြေပြင်ကနေ အလွန်ဝေးကွာတဲ့ အာကာသကမ္ဘာတစ်ခုနဲ့ ဆက်နွယ်သွားပြီး လူသားတွေ မမြင်ဖူးသေးတဲ့ အင်အားတစ်ခုကို ထိတွေ့လာရပါတယ်။ အဲဒီနောက် Hal ဟာ Green Lantern Corps ဆိုတဲ့ အာကာသစောင့်တပ်ဖွဲ့ထဲကို ရွေးချယ်ခံရပြီး စကြဝဠာတစ်ခွင်ကို ကာကွယ်ပေးရမယ့် တာဝန်ကြီးတစ်ခုကို ထမ်းဆောင်ရပါတော့တယ်။ သို့ပေမယ့် Green Lantern တစ်ယောက်ဖြစ်လာတာက လက်စွပ်တစ်ကွင်းဝတ်လိုက်ရုံနဲ့ ပြီးဆုံးသွားတဲ့အရာမဟုတ်ပါဘူး။ ကိုယ့်ရဲ့ကြောက်စိတ်၊ အားနည်းချက်တွေနဲ့ ရင်ဆိုင်နိုင်ဖို့ လိုအပ်သလို မိမိကိုယ်ကို ယုံကြည်မှုလည်း အရေးကြီးပါတယ်။ တစ်ဖက်မှာလည်း ကမ္ဘာမြေကိုသာမက စကြဝဠာတစ်ခုလုံးကိုပါ အန္တရာယ်ကျရောက်စေနိုင်တဲ့ အင်အားကြီးမားတဲ့ ခြိမ်းခြောက်မှုတစ်ခု ပေါ်ပေါက်လာပါတယ်။ Hal အနေနဲ့ အသစ်ရရှိလာတဲ့ စွမ်းအားကို အသုံးချပြီး ဒီအန္တရာယ်ကို ရင်ဆိုင်ရင်း ကိုယ့်ရဲ့တန်ဖိုးနဲ့ သတ္တိကို သက်သေပြရပါတော့တယ်။ Green Lantern က Superhero Action, Sci-Fi နဲ့ Adventure

ဒီဇာတ်လမ်းလေးကတော့ နိုင်ငံရေးလောကရဲ့ မဲဆွယ်ပွဲတွေနဲ့ မြေအောက်လူမိုက်လောကရဲ့ အရှုပ်အထွေးတွေကို နောက်ခံထားပြီး ရိုက်ကူးထားတဲ့ အက်ရှင်ဒရာမာကားကောင်းတစ်ကားပါ။ ဇာတ်လမ်းရဲ့ အဓိကဇာတ်လိုက်ဖြစ်တဲ့ လူမိုက်လေးဟာ ဂိုဏ်းခေါင်းဆောင်ရဲ့ ခိုင်းစေသမျှ ငွေကောက်ခံတာတွေကအစ လူသတ်လုပ်ကြံတာတွေအထိ သက်စွန့်ဆံဖျား လုပ်ဆောင်ပေးရင်းကနေ ဂိုဏ်းခေါင်းဆောင်ရဲ့ သမီးဖြစ်သူနဲ့ မေတ္တာမျှခဲ့ကြပါတယ်။ အဲဒီအချိန်မှာပဲ ခေါင်းဆောင်ဖြစ်သူက ဇာတ်လိုက်ကို နိုင်ငံရေးသမားတစ်ယောက်ကို လုပ်ကြံဖို့ အရေးကြီးတဲ့ စစ်ဆင်ရေးတစ်ခု ပေးအပ်လာပါတော့တယ်။ အဲဒီလုပ်ကြံရမဲ့သူရဲ့ ဇနီးသည်ဟာ ဇာတ်လိုက်ကို ဥပဒေနဲ့လှည့်စားပြီး ထောင်ကျအောင်လုပ်ခဲ့ရုံသာမက ပိုင်ဆိုင်မှုတွေကိုပါ ယူဆောင်သွားပြီး အတိတ်က နာကျင်စရာတွေကို ဖန်တီးခဲ့ဖူးတဲ့ သစ္စာဖောက် ဇနီးဟောင်းဖြစ်နေတာကို ရုတ်တရက် သိလိုက်ရတဲ့အချိန်မှာတော့ အတိတ်က သစ္စာဖောက်ခံခဲ့ရတဲ့ နာကြည်းချက်တွေကြောင့် လက်စားချေမလား ဒါမှမဟုတ် ချစ်ခဲ့ဖူးသူဖြစ်တာမလို့ ခွင့်လွှတ်မလားဆိုတာကို ရင်တမမနဲ့ ဆက်ကြည့်ချင်စရာကောင်းအောင် ရိုက်ကူးတင်ဆက်ထားလို့ အက်ရှင်နဲ့ အချစ်ဒရာမာ ကြိုက်နှစ်သက်သူတွေ လက်မလွတ်တမ်း ကြည့်ရှုသင့်တဲ့ ဇာတ်ကားကောင်းတစ်ကားပဲ ဖြစ်ပါတယ်။

ဇာတ်လမ်းရဲ့ ကျောရိုးကတော့ ၂၀၀၂ခုနှစ် ကမ္ဘာ့ဖလား (တောင်ကိုရီးယားနဲ့ ဂျပန် ပူးတွဲအိမ်ရှင်အဖြစ် ကျင်းပခဲ့တဲ့အချိန်) ကို အခြေခံထားပါတယ်။ တောင်ကိုရီးယားနဲ့ မြောက်ကိုရီးယား နယ်စပ် စစ်မဲ့ဇုန်မှာ တာဝန်ကျနေတဲ့ မြောက်ကိုရီးယား စစ်သား တစ်စုဟာ ဘောလုံးကစားနည်းကို အရမ်းကို ရူးသွပ်ကြတဲ့ သူတွေပါ။ ကမ္ဘာ့ဖလားပွဲစဉ်တွေကို တိုက်ရိုက်ကြည့်ရှုခွင့် မရှိပေမဲ့ တောင်ကိုရီးယားဘက်ကနေ အသံချဲ့စက်တွေ၊ ရေဒီယိုတွေကတစ်ဆင့် လွှင့်နေတဲ့ အသံလွှင့်တာတွေကို လျှို့ဝှက်ပြီး ခိုးနားထောင်ရာကနေ ဇာတ်လမ်းစတင်ပါတယ်။ သူတို့ရဲ့ အထက်အရာရှိတွေ မသိအောင် ဘောလုံးပွဲရလဒ်တွေကို ဘယ်လို ဖုံးကွယ်ပြီး နားထောင်ကြမလဲ? ရန်သူတွေလို သတ်မှတ်ထားတဲ့ တောင်ကိုရီးယား စစ်သားတွေနဲ့ အားကစားကြောင့် ဘယ်လိုကြည်နူးစရာ အချိတ်အဆက်တွေ ဖြစ်လာမလဲ ဆိုတာကို စိတ်ဝင်စားဖွယ် ရိုက်ကူးထားတာ ဖြစ်ပါတယ်။ နယ်စပ်စည်းရိုးတွေ၊ နိုင်ငံရေး အယူအဆတွေ ကွဲပြားနေပေမဲ့ "ဘောလုံး" ဆိုတဲ့ အားကစားတစ်ခုတည်းအောက်မှာ လူသားတွေရဲ့ စိတ်ဓာတ်ရေးရာ တူညီမှု၊ ခင်မင်မှုနဲ့ နားလည်ပေးနိုင်မှုတွေကို သေသေချာချာ မီးမောင်းထိုးပြထားတဲ့ဇာတ်ကားလေးပါ။ ဒီဇာတ်ကားလေးဟာ ဇာတ်အိမ်ခိုင်ခိုင်နဲ့ စိတ်အပန်းပြေစေမဲ့ ဇာတ်ကားကောင်း တစ်ကားဖြစ်လို့ လက်မလွှတ်တမ်း ကြည့်ရှုဖို့ တိုက်တွန်းချင်ပါတယ်။ ဒီကားကို အညွှန်းနဲ့ဘာသာပြန်ဆိုသူက Huihui ဖြစ်ပါတယ်။

ဒီတစ်ခေါက်မှာတော့ ဒါရိုက်တာChen Daliရိုက်ကူးထားတဲ့ Fierce Cop (2022) ဆိုတဲ့ မှုခင်း/အက်ရှင်ကားလေးကို တင်ဆက်ပေးလိုက်ပါတယ်နော်။ ဇာတ်လမ်းအညွှန်း "မျှော်လင့်ချက်ဆိုတာ… အမှောင်ထဲက အလင်းရောင်လေးတစ်စပါပဲ...ငါတို့ လက်မလျော့သေးသရွေ့ တစ်နေ့တော့ ပြန်တွေ့နိုင်မှာပါ" ကျန်းထူ ရဲအရာရှိကျန်းထူဟာ အမှုတစ်ခုကို စုံစမ်းဖော်ထုတ်ရင်း နိုင်ငံတကာ လူကုန်ကူးဂိုဏ်းကြီးတစ်ခုရဲ့ သဲလွန်စတွေကို စုံစမ်းဖော်ထုတ်မိသွားခဲ့ပါတယ်။ထို့ကြောင့် ထိုလူကုန်ကူးဂိုဏ်းရဲ့ ပြစ်မှတ်ထားခြင်းခံရပြီး ကျန်းထူရဲ့ သားဖြစ်သူ ရှောင်ကျယ်ကို လူကုန်ကူးဂိုဏ်းက ပြန်ပေးဆွဲသွားပါတော့တယ်။သားဖြစ်သူလူကုန်ကူးဂိုဏ်းရဲ့ ဖမ်းဆီးခြင်းကိုခံလိုက်ရတဲ့အခါ ကျန်းထူတစ်ယောက် ဘာကိုမှမစဉ်းစားနိုင်တော့ဘဲ သားဖြစ်သူကိုကယ်တင်ဖို့ အသည်းအသန် လိုက်လံရှာဖွေပါတော့တယ်။ဒါပေမဲ့ သူရင်ဆိုင်ရတာက သာမန်ရာဇဝတ်ဂိုဏ်းတစ်ခုမဟုတ်ဘဲ အန္တရာယ်များတဲ့ နိုင်ငံတကာ လူကုန်ကူးကွန်ရက်ကြီးတစ်ခု ဖြစ်နေတဲ့အခါမှာတော့ အချိန်နဲ့အမျှ အန္တရာယ်က ပိုနီးကပ်လာပြီး ကျန်းထူတစ်ယောက် သားဖြစ်သူကို အချိန်မီရှာတွေ့နိုင်မလား..? သားဖြစ်သူကို အသက်ရှင်ရက် ပြန်ကယ်နိုင်ပါ့မလား...? ရာဇဝတ်ဂိုဏ်းကိုရော အမြစ်ပြတ်ဖော်ထုတ်နိုင်ပါ့မလား...?ဆိုတာကို အက်ရှင်ခန်းပေါင်းများစွာနဲ့ ရင်တထိတ်ထိတ်ကြည့်ရှုခံစားရမှာပဲဖြစ်ပါတယ်။ ဒီဇာတ်ကားလေးဟာဆိုရင်တော့ အက်ရှင်ခန်းတွေအပြင်

ဒီတစ်ခေါက် ဇာတ်ကားလေးကတော့ Rage လို့အမည်ရတဲ့ နာမည်ကြီး သည်းထိတ်ရင်ဖို ရာဇဝတ်မှု ဒရမ်မာဇာတ်ကားကောင်း တစ်ကားပဲ ဖြစ်ပါတယ်။ တိုကျိုမြို့မှာ စုံတွဲတစ်တွဲ ရက်စက်စွာ အသတ်ခံရပြီး လူသတ်သမားက သွေးနဲ့ "Rage" (ဒေါသ) ဆိုတဲ့စာလုံးကို ရေးထားခဲ့ပါတယ်။ လူသတ်တရားခံက မျက်နှာခွဲစိတ်ပြီး ထွက်ပြေးတိမ်းရှောင်နေပါတယ်။ သူခွဲစိတ်လိုက်တဲ့ မျက်နှာက တာရှီရိုကွန်ဆိုတဲ့ ကောင်လေး မျက်နှာနဲ့ သွားတူနေပါတယ်။ ဒီတော့ တာရှီရိုတစ်ယောက် ဝရမ်းပြေးဘဝ ရောက်ရရှာပါတယ်။တကယ်က သူက အကြွေးမဆပ်နိုင်လို့ ယာကူဆာဂိုဏ်းကို ရှောင်ပြီး ပုန်းနေရတဲ့သူတစ်ယောက် ဖြစ်ပါတယ်။ ​ဒီလိုနဲ့ ဂျပန်နိုင်ငံရဲ့ နေရာသုံးခု (ချီဘာ တိုကျိုနဲ့ အိုကီနာဝါ) မှာ ပုံစံချင်းမတူတဲ့ လူငယ်အမျိုးသား သုံးဦး ထွက်ပေါ်လာပြီး သက်ဆိုင်ရာ ဒေသခံတွေနဲ့ အချစ်ရေးဆက်ဆံရေးတွေ တည်ဆောက်ကြပါတယ်။ ဒါပေမဲ့ အဲဒီ​ကောင်​လေးသုံး​ယောက်ထဲက တစ်ယောက်က အလိုရှိနေတဲ့ လူသတ်တရားခံ ဖြစ်နေနိုင်တယ်ဆိုတဲ့ အချက်နဲ့ ရဲတပ်ဖွဲ့ ရှာဖွေဖော်ထုတ်စုံစမ်းရာမှာတော့...ဘာတွေ ဆက်ဖြစ်လာမှာလဲ....??? ရာဇဝတ်မှုစုံစမ်းစစ်ဆေးရေး ရုပ်ရှင်တစ်ကားဆိုတာထက် လူသားတစ်ယောက်နဲ့ တစ်ယောက်အပေါ် ဘယ်လိုယုံကြည်ရမလဲ ကိုယ့်ရဲ့ သံသယစိတ်တွေက ဘယ်လောက်အထိ ဆိုးကျိုးသက်ရောက်နိုင်လဲဆိုတဲ့ စိတ်ပိုင်းဆိုင်ရာ (Psychological aspect) ကို ပိုပြီး အဓိကထား ရိုက်ကူးထားပါတယ်။ ရိုးရိုး ရာဇဝတ်မှုဇာတ်ကား တစ်ကားမဟုတ်ဘဲ လူ့စိတ်နှလုံးရဲ့

M Sub Movie Channel ရဲ့ ပရိသတ်တွေအတွက် အက်ရှင်နဲ့ ဒရမ်မာအရသာကို ပွဲကြမ်းကြမ်း ခံစားချင်သူတွေ မဖြစ်မနေ ကြည့်ရှုသင့်တဲ့ ရုပ်ရှင်ကားကောင်းတစ်ကားနဲ့ မိတ်ဆက်ပေးချင်ပါတယ်။ ဒီဇာတ်ကားဟာ မူးယစ်ဆေးဝါးမှောင်ခိုလောကရဲ့ အမှောင်ဘက်ခြမ်း၊ သစ္စာဖောက်မှုတွေနဲ့ မကောင်းမှုနွံထဲကနေ ရုန်းထွက်ချင်ပေမဲ့ အတိတ်ရဲ့လိုက်လံရိုက်ခတ်မှုကြောင့် ဘဝတွေပျက်စီးသွားရတဲ့ အဖွဲ့အစည်းကြားက ရက်စက်လှတဲ့ အပြိုင်အဆိုင်တွေကို ရင်သပ်ရှုမောဖွယ် ရိုက်ကူးတင်ဆက်ထားတာပါ။ ဇာတ်လမ်းတစ်လျှောက်လုံးမှာ သာမန်ရွာသူရွာသားတွေရဲ့ ရိုးရှင်းတဲ့ဘဝလေးတွေ၊ မူးယစ်ဆေးကြောင့် မိသားစုတွေ ပျက်စီးရပုံတွေနဲ့ အာဏာနဲ့ စီးပွားရေးအတွက် လူမဆန်စွာ ပြုမူကြတဲ့ မူးယစ်ဂိုဏ်းစတားတွေရဲ့ ရက်စက်မှုတွေကို ပီပြင်စွာ မြင်တွေ့ရမှာ ဖြစ်ပါတယ်။ ဇာတ်ရှိန်တက်လာတာနဲ့အမျှ ဇာတ်ကောင်တွေရဲ့ အတွင်းစိတ်ဆန္ဒတွေ၊ နာကျင်မှုတွေနဲ့အတူ လက်စားချေချင်စိတ်တွေက ပရိသတ်ကို စက္ကန့်မလပ် ဆွဲခေါ်သွားမှာ သေချာပါတယ်။ ဒီဇာတ်ကားကို ကြည့်ရှုသင့်တဲ့ အဓိကအကြောင်းအရင်းကတော့ မူးယစ်ဂိုဏ်းစတားရဲ့ ရက်စက်ယုတ်မာမှု၊ လက်စားချေချင်စိတ်နဲ့ တိုက်ပွဲဝင်တဲ့ မိန်းမလှတစ်ယောက်ရဲ့ သတ္တိနဲ့ အတိတ်ကအပြစ်တွေကို ဆေးကြောချင်ပေမဲ့ မလွတ်မြောက်နိုင်ခဲ့တဲ့ နာကျင်မှုတွေကို သရုပ်ဆောင်တွေက အသက်ပါပါ ပုံဖော်ထားကြလို့ပါပဲ။ ရဲတပ်ဖွဲ့နဲ့ မူးယစ်ဂိုဏ်းတို့ရဲ့ အပြန်အလှန် ပစ်ခတ်တိုက်ခိုက်မှုတွေ၊ တစ်ယောက်နဲ့တစ်ယောက် လှည့်ကွက်ပေါင်းစုံသုံးပြီး

ဂျောင်ဟာ ဆိုတဲ့အမျိုးသမီးဟာ သူ့ရဲ့ခင်ပွန်းဖြစ်သူ ဂျယ်အင် ကားအက်ဆီးဒင့်နဲ့ရုတ်တရက်ကွယ်လွန်သွားချိန်မှာ အကြီးအကျယ်ပူဆွေးသောကရောက်ခဲ့ရပါတယ်။ ဒါပေမဲ့ ခင်ပွန်းဖြစ်သူသေဆုံးသွားပြီးနောက်မှ သူခင်မင်ရတဲ့ကောင်မလေး နာရုနဲ့ ခင်ပွန်းဖြစ်သူတို့ ဖောက်ပြန်နေခဲ့တယ်ဆိုတဲ့ လျှို့ဝှက်ချက်ကြီးကို သိလိုက်ရပါတယ်။ ဂျောင်ဟာတစ်ယောက် ပူဆွေးနေစဉ်မှာပဲ တစ်နေ့မှာတော့ နာရုဟာ ဂျောင်ဟာဆီရောက်လာပြီး သူ့ရဲ့အမှားတွေအတွက်ပေးဆပ်တဲ့အနေနဲ့ ဂျောင်ဟာရဲ့အစေခံအဖြစ်နေထိုင်ခွင့်ပြုဖို့ တောင်းဆိုလာပါတယ်။ ခင်ပွန်းကိုဆုံးရှုံးလိုက်ရတဲ့ နာကျင်မှုတွေ သစ္စာဖောက်ခံရတဲ့ ခံပြင်းမှုတွေနဲ့အတူ ဒီအမျိုးသမီးနှစ်ယောက်ကြားက ရှုပ်ထွေးပွေလီတဲ့ ဆက်ဆံရေးက ဘယ်လိုရှိမလဲ? ခင်ပွန်းဖြစ်သူရဲ့လျှို့ဝှက်ချက်တွေကရော ဘာဖြစ်မလဲ ဆိုတာကို စိတ်ဝင်စားဖွယ်ရိုက်ကူးတင်ဆက်ထားတဲ့ဇာတ်ကားပါ။ ဒီကားဟာ အချစ် သစ္စာဖောက်မှု ခွင့်လွှတ်ခြင်းနဲ့ လျှို့ဝှက်ဆန်းကြယ်တဲ့ လူ့စိတ်သဘောသဘာဝတွေကို ထဲထဲဝင်ဝင်ခံစားကြည့်ရှုရမဲ့ ဒရာမာဇာတ်ကားကောင်းတစ်ကားဖြစ်ပါတယ်။ ဒီကားမှာ 19+ ဇာတ်ဝင်ခန်းတွေ ပါဝင်တာမို့လို့ မိသားစုနဲ့အတူကြည့်ဖို့တော့ မသင့်တော်ပါဘူး။ ဒီကားကို အညွှန်းနဲ့ဘာသာပြန်ဆိုသူက Huihui ဖြစ်ပါတယ်။

"Portal to Hell" ဟာ ဟာသနဲ့ အကြောက်တရားကို ပေါင်းစပ်ပြီး လူ့သဘာဝကို မီးမောင်းထိုးပြထားတဲ့ ဇာတ်ကားတစ်ကား ဖြစ်ပါတယ်။ ဇာတ်လမ်းရဲ့ အဓိကဇာတ်ကောင်ဖြစ်တဲ့ Dunn ဟာ နေ့စဉ်ဘဝမှာ အကြွေးတောင်းတဲ့အလုပ်နဲ့ ရိုးရှင်းစွာ ဖြတ်သန်းနေတဲ့သူတစ်ယောက် ဖြစ်ပါတယ်။ ဒါပေမဲ့ တစ်နေ့မှာတော့ သူ အမြဲသွားနေကျ အဝတ်လျှော်ဆိုင်က အဝတ်လျှော်စက်ထဲမှာ ငရဲပြည်ကိုသွားနိုင်တဲ့ တံခါးပေါက်တစ်ခုကို မထင်မှတ်ဘဲ တွေ့ရှိသွားချိန်မှာတော့ သူ့ဘဝကြီး လုံးဝပြောင်းလဲသွားခဲ့ပါတယ်။ အဲဒီတံခါးပေါက်ထဲကနေ နတ်ဆိုးတစ်ကောင် ထွက်လာပြီး Dunn ရဲ့ အိမ်နီးချင်းဖြစ်သူ Mr. Bobshank ကို ငရဲပြည်ကို ဆွဲခေါ်သွားဖို့ ရောက်လာကြောင်း ပြောပြပါတယ်။ အကြောင်းရင်းကတော့ Mr. Bobshank ဟာ ငရဲပြည်ကို အကြွေးဆပ်ဖို့ ရှိနေလို့ပါပဲ။ သူများတွေရဲ့ အကြွေးကို တောင်းပေးရတဲ့အလုပ်မှာ ကျွမ်းကျင်တဲ့ Dunn တစ်ယောက် ဒီတစ်ခါမှာတော့ သာမန်လူတွေနဲ့မဟုတ်ဘဲ နတ်ဆိုးနဲ့ အပေးအယူလုပ်ဖို့ အကြောင်းဖန်လာပါတော့တယ်။ အိမ်နီးချင်းဖြစ်သူကို ကယ်တင်ဖို့အတွက် သူ ဘယ်လိုတွေ ရွေးချယ်ဆုံးဖြတ်ရမလဲဆိုတာနဲ့ ဒီထူးဆန်းတဲ့ အပေးအယူကြားမှာ ဘာတွေဆက်ဖြစ်လာမလဲဆိုတာကို ဆက်လက်ကြည့်ရှုရမှာ ဖြစ်ပါတယ်။ ဒီဇာတ်ကားဟာ အပေါ်ယံကြည့်ရင် ရယ်စရာနဲ့ ကြောက်စရာကို ရောနှောထားတဲ့ ဇာတ်လမ်းလို့ ထင်ရပေမဲ့ တကယ်တမ်းမှာတော့ ခွင့်လွှတ်ခြင်းနဲ့ ကိုယ်ကျင့်တရားပိုင်းဆိုင်ရာကို သေသေချာချာ တွေးတောစရာပေးထားတဲ့ ကားတစ်ကား ဖြစ်ပါတယ်။ Dunn အနေနဲ့ ကိ

ဟောလိဝုဒ်ရဲ့ အက်ရှင်မင်းသားကြီး ဂျေဆန်စတေဟမ် ရဲ့ ထိုးကြိတ်ပစ်ခတ်ခန်း အကြမ်းစားတွေကို လွမ်းနေတဲ့ ပရိသတ်တွေအတွက်တော့ ၂၀၂၆ ခုနှစ်မှာ အသစ်ထွက်ရှိလာမယ့် Mutiny ရုပ်ရှင်ဇာတ်ကားကြီးက လုံးဝအကြိုက်တွေ့စေမယ့် ကားတစ်ကားပါ။ ဒီဇာတ်ကားထဲမှာ ဂျေဆန် ဟာ သန်းကြွယ်သူဌေးကြီးတစ်ဦးရဲ့ ကိုယ်ရံတော်ဖြစ်တဲ့ ကိုးလ်ရီးဒ် အဖြစ် သရုပ်ဆောင်ထားပါတယ်။ ဇာတ်လမ်းစစချင်းမှာပဲ သူအရမ်းလေးစားရတဲ့ သူဌေးကြီး သူ့မျက်စိရှေ့တင် လုပ်ကြံခံလိုက်ရပြီး၊ အဲဒီလူသတ်မှုကြီးရဲ့ တရားခံအဖြစ် သူကိုယ်တိုင် ချိန်ရွယ်စွပ်စွဲခံလိုက်ရတဲ့အခါမှာတော့ အခြေအနေတွေက ချက်ချင်းဆိုသလို ပြင်းထန်သွားပါတော့တယ်။ ကိုယ့်ရဲ့ အပြစ်ကင်းကြောင်း သက်သေပြဖို့နဲ့ တကယ့်တရားခံအစစ်ကို ရှာဖွေဖို့အတွက် ကိုးလ် တစ်ယောက် ရဲတွေရဲ့ ဖမ်းဆီးမှုကနေ ထွက်ပြေးရင်းကနေ လူကုန်ကူးမှုတွေနဲ့ ဆက်စပ်နေတဲ့ နိုင်ငံတကာ ရာဇဝတ်မှု ကွန်ရက်ကြီးတစ်ခုနဲ့ မထင်မှတ်ဘဲ ထိပ်တိုက်ရင်ဆိုင်ရပါတော့တယ်။ ဒီဇာတ်ကားရဲ့ အမိုက်ဆုံးအချက်ကတော့ ဇာတ်ကွက်အများစုကို ပင်လယ်ပြင်အလယ်က ကုန်တင်သင်္ဘောကြီးတစ်စင်းပေါ်မှာ အခြေတည် ရိုက်ကူးထားတာပါပဲ။ ကိုးလ် ဟာ အဲဒီသင်္ဘောပေါ်မှာ ပုန်းအောင်းလိုက်ပါရင်းနဲ့ လူကုန်ကူးခံရသူတွေကို ကယ်တင်ဖို့ရော၊ သင်္ဘောကပ္ပတိန် အပါအဝင် ရက်စက်တဲ့ လူဆိုးဂိုဏ်းကြီးတစ်ခုလုံးကို တစ်ယောက်တည်း ရှင်းလင်းဖို့ပါ ကြိုးစားရမှာဖြစ်လို့ အသက်ရှူမှားလောက်အောင် လှုပ်ရှားရတဲ့ အက်ရှင်ပြကွက်တွေကို အားရပါးရ ကြည့်ရှုရမှာ

ဒီတစ်ခေါက် ဇာတ်ကားလေးကတော့ နာမည်ကြီးတဲ့ ဂျပန်ဆေးဘက်ဆိုင်ရာ ဒရမ်မာဇာတ်လမ်းတွဲတစ်ခုဖြစ်တဲ့ Code Blue ရဲ့ ရုပ်ရှင်ဗားရှင်းဖြစ်တဲ့ "Code Blue: The Movie (2018)"ဆိုတဲ့ ဇာတ်ကားကောင်းလေးပဲ ဖြစ်ပါတယ်။ ရဟတ်ယာဉ် အရေးပေါ်ကုသရေး ဒေါက်တာဟယ်လီ (Doctor Helicopter) အဖွဲ့သားတွေရဲ့ အသက်ကယ်ဆယ်ရေး လုပ်ငန်းစဉ်တွေ ဖိစီးမှုတွေနဲ့ လူနာတွေအပေါ် ထားရှိတဲ့ စေတနာတွေကို လက်တွေ့ကျကျ ပုံဖော်ရိုက်ကူးထားပါတယ်။ အရေးပေါ်အခြေအနေတွေမှာ ဆရာဝန်တွေနဲ့ သူနာပြုတွေရဲ့ မားမားမတ်မတ် ရပ်တည်ပုံ လူနာတွေရဲ့ ဘဝအလှည့်အပြောင်းတွေကို စိတ်လှုပ်ရှားဖွယ် တွေ့မြင်ရမှာ ဖြစ်ပါတယ်။ ဂျပန်နိုင်ငံ နာရီတာလေဆိပ်နှင့် အနီးအဝေး ဒေသ​တွေမှာ မမျှော်လင့်ထားတဲ့ ဘေးအန္တရာယ်တွေ မတော်တဆမှုတွေကို ကူညီ ကယ်တင်ဖို့ ရဟတ်ယာဥ်အဖွဲ့က အသင့်အနေအထားနဲ့ အမြဲ ရှိနေပါတယ်။ အလုပ်အတူလုပ်ရင်း ရင်းနှီးလာခဲ့ကြတဲ့ ဆရာဝန်တွေနဲ့ သူနာပြုတွေရဲ့ ဆက်ဆံရေး အချင်းချင်း အားပေးကူညီကြပုံတွေက ဇာတ်ကားကို ပိုမို အသက်ဝင်စေခဲ့ပါတယ်။ ဒေါက်တာ ဖူဂျီခါဝါစံနဲ့ သူနာပြု ဆရာမ​လေး ဆာဂျီမာစံတို့ရဲ့ မင်္ဂလာပွဲအခမ်းအနားနဲ့ အတိတ်က အခက်အခဲတွေကို ကျော်ဖြတ်လာကြပုံတွေနဲ့ အားပေးစကား ဆုတောင်းစကားတွေ ဝိုင်းပြောပေးကြတဲ့ လုပ်ဖော်ကိုင်ဖက်တွေနဲ့မိသားစုဆန်ဆန် ချစ်ခြင်းမေတ္တာကို ပြသထားပါတယ်။ ဒီဇာတ်ကားဟာ လူ့ဘဝရဲ့ တန်ဖိုးသူငယ်ချင်းအချင်းချင်း ချစ်ခင်မှုနဲ့ တာဝန်ဝတ္တရားတွေကိုပါ လှပစွာ ပုံဖော်ပေးထာ

ကမ္ဘာတစ်ဝန်းက ပရိသတ်တွေ ရူးရူးမူးမူး အားပေးခဲ့ကြတဲ့ Disney ရဲ့ နာမည်ကျော် အန်နီမေးရှင်း ဇာတ်ကားလေးဟာ ၂၀၂၆ ခုနှစ်မှာတော့ အသက်ဝင်လှုပ်ရှားနေတဲ့ Live-Action ရုပ်ရှင်ကြီးအဖြစ် ကျွန်တော်တို့ရှေ့ကို ရောက်ရှိလာပါပြီ။ ကျွန်းလေးတစ်ကျွန်းမှာ ကြီးပြင်းလာပြီး သမုဒ္ဒရာကြီးရဲ့ ရွေးချယ်ခြင်းခံရတဲ့ မိုအာနာ ဆိုတဲ့ ကောင်မလေးဟာ သူမရဲ့ လူမျိုးတွေကို ကယ်တင်ဖို့အတွက် ရဲရဲဝံ့ဝံ့နဲ့ ပင်လယ်ပြင်ကျယ်ကြီးထဲကို ရွက်လွှင့်ထွက်ခွာလာခဲ့ပါတယ်။ ဒီတစ်ခေါက်မှာတော့ အရင်က ကာတွန်းဇာတ်ကောင်လေးတွေ နေရာမှာ တကယ့် သရုပ်ဆောင်တွေက အသက်သွင်းထားတာဖြစ်လို့ ပိုပြီး လက်တွေ့ဆန်တဲ့ သမုဒ္ဒရာပြင်ရဲ့ အလှအပတွေနဲ့ ပိုလီနီးရှန်း ယဉ်ကျေးမှုတွေကို မျက်ဝါးထင်ထင် ခံစားရမှာပါ သူမရဲ့ ခရီးစဉ်တစ်လျှောက်မှာ အရေးအကြီးဆုံး အဖော်ဖြစ်လာမယ့်သူကတော့ လူတစ်ပိုင်း နတ်တစ်ပိုင်း စွမ်းအားရှင် မာဝီ ပဲ ဖြစ်ပါတယ်။ နာမည်ကျော် မင်းသားကြီး ဒွိန်းဂျွန်ဆင် ကိုယ်တိုင် ပြန်လည်ပါဝင် အသက်သွင်းထားတဲ့ မာဝီ နဲ့ မိုအာနာ တို့ နှစ်ယောက်သား သမုဒ္ဒရာပြင်ကျယ်ကြီးထဲမှာ ဧရာမ ပင်လယ်သတ္တဝါဆိုးကြီးတွေကို ရင်ဆိုင်ရင်း တေဖီတီ ရဲ့ နှလုံးသားကို မူလနေရာမှာ ပြန်လည်ထားရှိဖို့ ကြိုးစားကြပုံတွေကို ရင်တထိတ်ထိတ်နဲ့ ကြည့်ရှုရမှာပါ။ သူတို့နှစ်ယောက်ကြားက အလွဲလွဲအချော်ချော် ဟာသတွေနဲ့အတူ ရန်သူတွေကနေ မိတ်ဆွေတွေအဖြစ် ပြောင်းလဲသွားတဲ့ သံယောဇဉ်ကိုလည်း အမိုက်စား ရိုက်ကူးပြသထားပါတယ် ဒီဇာတ်ကားကြီးဟာ ရိ

ဒီကားလေးထဲက အဓိကဇာတ်ကောင်ကတော့ ကြက်တူရွေးလေး ပေါ်လီပဲ ဖြစ်ပါတယ်၊ သူက တခြား ကြက်တူရွေးတွေလိုမျိုး လူတွေကို သံယောင်လိုက်တာမျိုး မဟုတ်ဘဲနဲ့ လူတွေလိုမျိုးပဲ အပြန်အလှန် စကားပြောတတ်တဲ့ ကောင်လေးဖြစ်ပါတယ်၊ တိရစ္ဆာန်လေးတစ်ကောင်က ဒီလိုမျိုး ထူးခြားနေပြီဆိုရင် လူတွေရဲ့ လောဘတက်မှုတွေကြောင့် ထိခိုက်မှုတွေ ရှိလာနိုင်တာ အားလုံးသိကြပါလိမ့်မယ်၊ ဒီကြက်တူရွေးလေးရဲ့ မူလပိုင်ရှင်ကတော့ မာရီလို့ခေါ်တဲ့ ကလေးမလေး ဖြစ်ပါတယ်၊ သူ့ရဲ့အဖိုးက မြေးမလေးအတွက်ဆိုပြီး ပေါ်လီကို လက်ဆောင်ပေးခဲ့တာပါ၊ ပေါ်လီက မာရီ့ကို တွေ့တွေ့ချင်းမှာပဲ သံယောဇဥ်တွယ်သွားခဲ့တယ်၊ ​မာရီကလည်း ပေါ်လီကို သိပ်ချစ်တယ်၊ မာရီက စကားထစ်တဲ့ကောင်မလေးတစ်ယောက်၊ အဲဒါကြောင့် ပေါ်လီက စကားမထစ်အောင် စကားလုံးတွေနဲ့ ကူပြီး လေ့ကျင့်ပေးတတ်သေးတယ်၊ မာရီက ပေါ်လီစကားပြောတတ်ကြောင်း မိဘတွေကိုပြောတာ မယုံခဲ့ဘူး၊ တစ်နေ့မှာတော့ မာရီအတွက် အန္တရာယ်တစ်ခုဖြစ်ခဲ့တာကြောင့် ပေါ်လီနဲ့ မာရီကို ခွဲလိုက်ကြတယ်၊ မာရီက ပေါ်လီကို ပျံသန်းပြီးတော့ သူ့ဆီပြန်လာဖို့ တောင်းဆိုထားတာကြောင့် ကြက်တူရွေးလေး ပေါ်လီ့အတွက် သူ့ပိုင်ရှင်အစစ်ဆီကို ပြန်သွားဖို့ အမြဲတမ်း ကြိုးစားနေပုံကို တွေ့မြင်ရပါလိမ့်မယ်၊ လမ်းခရီးတစ်လျှောက် လူမျိုးစုံနဲ့တွေ့ခဲ့ရပြီး ကြက်တူရွေးလေးပေါ်လီရဲ့ အိမ်အပြန်ခရီးမှာ လိုက်ပါ ခံစားရမဲ့ ကားကောင်းလေး တစ်ကားဖြစ်ပါတယ်

ဒီတစ်ခေါက်တော့ M Sub Movie ပရိတ်သတ်ကြီးအတွက် စတော့ဈေးကွက် နောက်ခံဇာတ်လမ်းအကွက်တွေကို ဒိုင်ယာလော့ဂ်အလန်းစားတွေနဲ့ စိတ်လှုပ်ရှားဖွယ် ကြည့်ရှုခံစားကြရမယ့် ဇာတ်ကားကောင်းတစ်ကားနဲ့ မိတ်ဆက်ပေးပါရစေ။ ဒီဇာတ်ကားမှာ လောကဓံရဲ့ ရိုက်ခတ်မှုတွေကြားထဲမှာ အရှုံးမပေးဘဲ ဘဝကို ရုန်းကန်ကြတဲ့ လူတွေရဲ့ ပုံရိပ်ကို ပီပီပြင်ပြင် ရိုက်ပြထားပါတယ်။ ဇာတ်လမ်းအစမှ အဆုံးထိ အကွက်စေ့စေ့နဲ့ လှည့်ကွက်တွေ၊ သစ္စာဖောက်မှုတွေ၊ ကောက်ကျစ်တဲ့ စီးပွားရေးပြိုင်ဆိုင်မှုတွေကို သဘာဝကျကျ စီစဉ်တင်ဆက်ထားပြီး ဇာတ်ကောင်တွေရဲ့ အပြန်အလှန် စကားပြောပုံတွေကအစ အပြင်လောကနဲ့ မခြား အသက်ဝင်လွန်းလှတာမို့ ကြည့်ရှုသူတွေကို အစမှ အဆုံးထိ ဇာတ်ရှိန်မကျဘဲ ဆွဲခေါ်သွားနိုင်မယ့် ကားကောင်းတစ်ကား ဖြစ်ပါတယ်။ ဒီကားကို ကြည့်သင့်တဲ့ အဓိကအကြောင်းအရင်းကတော့ စီးပွားရေးလောကရဲ့ လျှို့ဝှက်ချက်တွေ၊ စတော့ဈေးကွက် ထောင်ချောက်တွေနဲ့ အရောင်းအဝယ် အန္တရာယ်တွေကို ပီပြင်စွာ ရိုက်ကူးထားရုံတင်မကဘဲ တစ်ကွက်ကျော် ကြည့်ရသည့် ဟန်ပြအကွက်တွေ၊ လက်စားချေမှု၊ ချစ်ခြင်းနဲ့ မိတ်ဆွေအပေါင်းအသင်း သံယောဇဉ် ရသစုံကို တစ်နေရာတည်းမှာ ရရှိနိုင်မှာကြောင့်ပဲ ဖြစ်ပါတယ်။ ဒါ့အပြင် ဒီဇာတ်ကားကနေ ရရှိနိုင်မယ့် သင်ခန်းစာတွေလည်း အများကြီး ရှိပါတယ်။ "လေဆန်တိုက်ခတ်ခြင်းက ငါတို့ကို အထက်ကို မြှောက်တင်ပေးတယ်" ဆိုသလို ဘဝမှာ ဘယ်လောက်ပဲ အခက်အခဲနဲ့ ရင်ဆိုင်ရပါစေ ကိုယ့်ကိုယ်ကိုယ် ယုံကြည်မှုရှိရှိနဲ့ အရှုံးမပေးဘဲ

ဒီတစ်ခါမှာတော့ fantasy ဇာတ်လမ်းလေး တစ်ပုဒ်ဖြစ်တဲ့ “ပီတာပန်” ကို တင်ဆက်ပေးချင်ပါတယ်။ ပီတာပန် ဆိုတာနဲ့ ပျံသန်းနိုင်တဲ့ Neverland က ဘယ်တော့မှ အသက်ကြီး မလာမဲ့ ကောင်လေးဆိုပြီး ပရိတ်သတ်ကြီးနဲ့ ရင်းနှီးနေမှာပါ။ ဒီဇာတ်လမ်းထဲမှာတော့ ပီတာပန်လေးတစ်ယောက် ဘယ်လိုမျိုး Neverland ကို ရောက်သွားတာလဲဆိုတာကို ရိုက်ကူးပြထားတာပါ။ တကယ်တော့ ပီတာပန်က အစကတော့ ကမ္ဘာပေါ်က ကောင်ငယ်လေး တစ်ယောက်ပါပဲ။ တိတိကျကျ ပြောရရင် မိဘမဲ့ဂေဟာက ကောင်လေးပါ။ ပီတာပန်ဟာ တခြားကလေးတွေ မွေးစားခံရဖို့ မျှော်လင့်နေကြချိန်မှာ သူကတော့ ဂေဟာမှာပဲ သူ့အမေ ပြန်လာခေါ်မှာကို စောင့်နေတာပါ။ တစ်နေ့တခြား မွေးစားခံရတာ များလာပြီး လူနည်းလာတဲ့ ဂေဟာကို ပီတာပန်ကတော့ တစ်ခုခုက မူမမှန်ဘူးလို့ ထင်ခဲ့ပါတယ်။ တကယ်လည်း ဂေဟာက ကလေးတွေကို ရောင်းဝယ်နေခဲ့တာပါ။ ဒါပေမဲ့ ဒီကမ္ဘာပေါ်က လူတွေကို ရောင်းနေတာ မဟုတ်ဘဲ တခြားကမ္ဘာက လူတွေဆီကို ရောင်းနေတာပါ။ မုတ်ဆိတ်နက်ဆိုတဲ့ ပင်လယ်ဓားပြခေါင်းဆောင်က နတ်သမီးအမှုန့်ကို တူးဖို့ ကလေးတွေကို Neverland ကို ဖမ်းခေါ်လာခဲ့ရင်း ပီတာပန်လည်း ပါလာခဲ့ပါတယ်။ တစ်ခါတစ်ရံ ကံကြမ္မာဆိုတာက ဆန်းကြယ်ပြီး အနာဂတ်ဆိုတာကလည်း ကြယ်တွေဆီမှာ ရေးသားထားပြီးသားပါတဲ့။ တကယ်တော့ ပီတာပန်ဟာ ဒီဗီလိန် မုတ်ဆိတ်နက်ကို Neverland ကနေ တိုက်ထုတ်ဖို့ ဟောကိန်းထုတ်ခံထားရတဲ့ ကံကြမ္မာရဲ့ သားတော်ပါတဲ့။ တကယ်တော့ ပီတာပန်နဲ့ Neverland နဲ့က ဘယ်လို ဆက်နွယ်နေတာလ

၂၀၂၁ ခုနှစ်မှာ ထွက်ရှိခဲ့တဲ့ Delivery ဟာ တောင်ကိုရီးယား အက်ရှင်နဲ့ ဟာသ Web Drama ဇာတ်လမ်းတွဲလေးတစ်ခုဖြစ်ပါတယ်။ နာမည်ကြီး K pop အဖွဲ့ (G)I-DLE က Miyeon နဲ့ မင်းသား Lee Tae vin တို့ အဓိက ပါဝင်သရုပ်ဆောင်ထားပါတယ်။ ဂွက်ဒူရှစ်ဟာ သိုင်းပညာကို ကျွမ်းကျင်ပိုင်နိုင်တဲ့ Delivery ဝန်ထမ်း ကောင်မလေးတစ်ယောက်ဖြစ်ပါတယ်။ သူဟာ ငယ်စဉ်ကတည်းက ပျောက်ဆုံးနေတဲ့ မိခင်ဖြစ်သူကို လိုက်လံရှာဖွေနေသူပါ။ သူအလုပ်လုပ်နေတဲ့ ပို့ဆောင်ရေးအေဂျင်စီမှာတော့ မန်နေဂျာ ဒိုဂီဟွမ်နဲ့ သူ့ရဲ့ညီလေး ဒိုဂျယ်မင်းတို့ရှိကြပါတယ်။ ဂွက်ဒူရှစ်နဲ့ဒိုဂီဟွမ်ကို သိုင်းပညာသင်ပေးခဲ့သူကတော့ Delivery အေဂျင်စီရဲ့ကိုယ်စားလှယ် ဂင်ထက်ချူးပါ။ ဂွက်ဒူရှစ်တစ်ယောက် အလုပ်လုပ်ရင်း မိခင်ဖြစ်သူကို ရှာဖွေခဲ့ရာ နိုင်ငံကို ဒုက္ခပေးမဲ့ လျှို့ဝှက်အကြံအစည်ကြီးတစ်ခုကို မမျှော်လင့်ဘဲ ဖော်ထုတ်မိသွားတဲ့အခါ လူဆိုးတွေကို ဘယ်လိုရင်ဆိုင်နှိမ်နင်းမလဲဆိုတာကို ဟာသနှောပြီး ရိုက်ကူးထားတာဖြစ်ပါတယ်။ ဒီဇာတ်ကားလေးက အပိုင်းတိုလေးပဲမို့လို့ အချိန်အများကြီးမပေးရဘဲ ပေါ့ပေါ့ပါးပါး ကြည့်ရှုနိုင်တဲ့ဇာတ်ကားလေးပါ။ အက်ရှင်နဲ့ ဟာသကို သေသေချာချာ ပေါင်းစပ်ထားလို့ စိတ်အပန်းပြေစေမဲ့ ဇာတ်ကားလေးဖြစ်ပါတယ်။ ဒီကားကို အညွှန်းနဲ့ဘာသာပြန်ဆိုသူက Huihui ဖြစ်ပါတယ်။

ဒီဇာတ်ကားလေးကတော့ နာမည်ကြီး ဂျပန်ဥပဒေဒရာမာ ဇာတ်လမ်းတွဲတစ်ခုကို ရုပ်ရှင်အဖြစ် ရိုက်ကူးထားတဲ Hero The Movie ဆိုတဲ့ ဂျပန် ဇာတ်ကားကောင်းလေး ဖြစ်ပါတယ်။ တရားမျှတမှုကို ရှာဖွေဖော်ထုတ်ပြီး နယ်စပ်​တွေကို ကျော်ဖြတ်ကာ အမှန်တရားနောက်ကို ဇွဲမလျှော့ဘဲ လိုက်လံရှာဖွေတတ်တဲ့ ရှေ့နေတွေ အကြောင်းကို ရိုက်ကူး ပုံဖော်ထားပါတယ်။ အစိုးရရှေ့နေ ကူရီစံဟာ အမှုကို ဖြေရှင်းရာမှာ အဓိကသော့ချက်ဖြစ်တဲ့ နိုင်ငံခြားသံရုံးနဲ့ သက်ဆိုင်တဲ့ အမှုတစ်ခုကို တာဝန်ယူကိုင်တွယ်ခဲ့ပါတယ် အမှုနဲ့​ပတ်သက်တဲ့ ပြည်ပနယ်မြေဆိုင်ရာ ကင်းလွတ်ခွင့်​​တွေကြောင့် စုံစမ်းစစ်ဆေးရာမှာ ရှေ့မတိုးသာ နောက်မဆုတ်သာ ဖြစ်ခဲ့ရပါတယ်။ အခက်အခဲတွေကို ရင်ဆိုင်ခဲ့ရပြီး ကူရီစံနဲ့ သူ့လက်ထောက် ရှေ့နေမလေးတို့က သံရုံးနောက်ကွယ် အမှန်တရားကို ဖော်ထုတ်ကြပါတော့တယ်.... ဂျပန်တရားစီရင်ရေးစနစ်နှင့် သံတမန်အထူးခွင့်အာဏာအရှုပ်အထွေး​တွေကြားက မူးယစ်ဆေးဝါးမှောင်ခိုမှု မတော်တဆမှုတစ်ခု နောက်ကွယ်က အမှန်တရားကို ဖော်ထုတ်ရန် ကြိုးပမ်းကြပုံကို ကြည့်ရှုရမှာ ဖြစ်ပါတယ်။ ခက်ခဲနက်နဲတဲ့ အမှု​တွေကို ဖြေရှင်းရာမှာ စိတ်ရှည်မှု အပြန်အလှန် နားလည်မှုနဲ့ လူချင်းတွေ့ဆုံစကားပြောခြင်းတို့ရဲ့ အရေးပါပုံကို သိရမှာဖြစ်ပါတယ်။ ဥပဒေရေးရာ ဒရာမာကြိုက်နှစ်သက်သူများအတွက် အရမ်း ကြည့်ကောင်းပြီး အဓိပ္ပာယ်ရှိတဲ့ မှုခင်းဇာတ်ကားကောင်းတစ်ကား ဖြစ်ပါတယ်။

နာမည်ကြီး လူကြိုက်များခဲ့တဲ့ 1993 ခုနှစ်က တီဗီဇာတ်လမ်းတွဲ The X-Files ကို အခြေခံ ရိုက်ကူးထားတဲ့ ရုပ်ရှင်ဖြစ်ပါတယ်၊ မင်းသား David Duchovny နဲ့ မင်းသမီး Gillian Anderson တို့က ဇာတ်လမ်းတွဲထဲက အဓိကဇာတ်ကောင်တွေဖြစ်တဲ့ မယ်လ်ဒါ နဲ့ စကာလီတို့အဖြစ် ပြန်လည်ပါဝင်ထားပါတယ် **​ဇာတ်လမ်းအကျဉ်း** ​ဒီဇာတ်ကားက တီဗီဇာတ်လမ်းတွဲ Season 5 နဲ့ Season 6 အကြားမှာ ဖြစ်ပျက်ခဲ့တဲ့ အဖြစ်အပျက်တွေ ဆက်စပ်ပြီးရိုက်ကူးထား ရုပ်ရှင်ဖြစ်ပါတယ်၊ ဒီကားထဲမှာ အက်ဖ်ဘီအိုင် အေဂျင့်နှစ်ဦးဖြစ်တဲ့ မယ်လ်ဒါ နဲ့ စကာလီတို့ဟာ သာမန်အကြမ်းဖက်မှု တိုက်ဖျက်ရေး တာဝန်များကိုသာ ပြောင်းလဲလုပ်ကိုင်နေရပါတယ်၊ တစ်နေ့မှာတော့ ဒဲလ်လက်စ်မြို့က ဖက်ဒရယ် အဆောက်အအုံတစ်ခုမှာ ဗုံးပေါက်ကွဲမှုတစ်ခု ဖြစ်ပွားခဲ့ပါတယ်၊ ​ဒါပေမဲ့ မယ်လ်ဒါက ဒီဗုံးခွဲမှုကို သာမန်အကြမ်းဖက်မှုမဟုတ်ဘဲ၊ အဆောက်အုံတွင်းမှာ သေဆုံးသွားသူတွေဟာ အစတည်းက သေဆုံးပြီးသွားသူတွေဆိုတာရို ရိပ်မိသွားပါတော့တယ်၊ အဲဒီကနေစပြီး အေးဂျင့်စကာလီနဲ့ အတူတူ လိုက်စုံစမ်းကြည့်တဲ့အခါမှာတော့ ကိစ္စ​တွေဟာ ထင်သ​လောက် မရိုးရှင်းတာကို တဖြည်းဖြည်းသိလာရပါတယ်၊ အဲဒါကတော့ လျှို့ဝှက်အစိုးရ အဖွဲ့အစည်းတွေအပြင် ကမ္ဘာမြေပြင်ပက ဂြိုဟ်သားတွေရဲ့ ဗိုင်းရပ်စ်ပိုးတွေပါ ရှိနေတာပါ၊ အေးဂျင့်နှစ်ယောက် အတွဲညီညီနဲ့ အမှန်တရားကို ဘယ်လိုထုတ်ဖော်သွားမလဲဆိုတာ ရုပ်ရှင်ထဲမှာပဲ ခံစားကြည့်လိုက်ပါ

Mayday ရုပ်ရှင်ဟာ Cold War ကာလကို နောက်ခံထားပြီး အက်ရှင်နဲ့ ဟာသကို အချိုးကျကျ ပေါင်းစပ်ရိုက်ကူးထားတာ ဖြစ်ပါတယ်။ ဒီရုပ်ရှင်ကို နာမည်ကြီး ဒါရိုက်တာတွေဖြစ်တဲ့ Jonathan Goldstein နဲ့ John Francis Daley တို့က ပုံဖော်ရိုက်ကူးထားပြီး ဟောလိဝုဒ်စတားတွေဖြစ်တဲ့ Ryan Reynolds နဲ့ Kenneth Branagh တို့က ခေါင်းဆောင်ပါဝင်ထားပါတယ်။ သူတို့နှစ်ဦးအပြင် Maria Bakalova, Marcin Dorociński နဲ့ David Morse စတဲ့ နာမည်ကြီး သရုပ်ဆောင်တွေလည်း ပါဝင်အားဖြည့်ထားပါ​​သေးတယ်။ ဇာတ်လမ်းအကျဉ်းလေးကို ပြောရမယ်ဆိုရင်တော့ အမေရိကန်ရေတပ်က အရည်အချင်းပြည့်ဝတဲ့ လေယာဉ်မှူးတစ်ဦးဖြစ်တဲ့ Lieutenant Troy 'Assassin' Kelly ဟာ ရုရှားပိုင်နက်ထဲကို အရမ်းအရေးကြီးတဲ့ လျှို့ဝှက်စစ်ဆင်ရေးတစ်ခုနဲ့ သွားရောက်ခဲ့ရာကနေ စတင်ပါတယ်။ ဒါပေမယ့် စစ်ဆင်ရေးက ထင်သလိုဖြစ်မလာဘဲ လုံးဝပျက်စီးသွားတဲ့အခါ Troy တစ်ယောက် ရန်သူ့နယ်မြေထဲမှာ အကူအညီမဲ့ပြီး ပိတ်မိသွားပါတော့တယ်။ အဲ့ဒီလို အသက်အန္တရာယ်နဲ့ နီးကပ်နေတဲ့အချိန်မှာပဲ အမေရိကန်ယဉ်ကျေးမှုတွေကို သဘောကျတဲ့ ရုရှား KGB အေးဂျင့်ဟောင်းကြီး Nikolai Ustinov နဲ့ မထင်မှတ်ဘဲ သွားတွေ့ပါတယ်။ မတူညီတဲ့ နောက်ခံသမိုင်းကြောင်းတွေနဲ့ ရန်သူတွေဖြစ်ခဲ့ကြပေမယ့် သူတို့နှစ်ယောက်ကြားမှာ မထင်မှတ်ထားတဲ့ မိတ်ဆွေသံယောဇဉ်တစ်ခု ဖြစ်တည်လာပါတယ်။ Troy တစ်ယောက် အသက်ရှင်လျက် အိမ်ပြန်နိုင်ဖို့အတွက် ဒီကြမ်းတမ်းတဲ့ KGB အေးဂျင့်ဟောင်းကြီးနဲ့ ဘယ်လို

ဒီတစ်ခါမှာတော့ နိုင်ငံရေး တင်းမာမှုတွေ ၊ သံတမန်ရေးရာ အကွက်ဆင်မှုတွေနဲ့အတူ ကမ္ဘာ့စစ်ပွဲကြီးဖြစ်မလို ရင်တလှပ်လှပ်နဲ့ အသက်ရှူမှားလောက်မယ့် Political Thriller / War Drama ကားသစ်ကြီးတစ်ကားနဲ့ မိတ်ဆက်ပေးချင်ပါတယ်။ ဒါကတော့ မဟာဗျူဟာမြောက် စိတ္တဇအားပြိုင်မှုတွေနဲ့အတူ သမိုင်းဝင် တင်းမာမှုကြီးကို နောက်ခံထားပြီး ရိုက်ကူးထားတဲ့ "The Brink of War" ဆိုတဲ့ ဇာတ်ကားကြီးပါပဲ။ ဇာတ်လမ်းလေးကတော့ ကမ္ဘာ့အင်အားကြီးနိုင်ငံနှစ်ခုကြား မမျှော်လင့်ဘဲဖြစ်ပွားသွားခဲ့တဲ့ နယ်စပ် ပဋိပက္ခတစ်ခုကနေ စတင်ထားတာပါ။ နှစ်ဖက်စလုံးရဲ့ စစ်တပ်တွေက လက်နက်အပြည့်အစုံနဲ့ စစ်ပြင်ထားကြပြီး စက္ကန့်ပိုင်းအတွင်း ကမ္ဘာ့စစ်ပွဲကြီးအဖြစ် ကူးပြောင်းသွားနိုင်တဲ့ အန္တရာယ်ရှိတဲ့ သေရေးရှင်ရေး အခြေအနေဆီ ရောက်ရှိလို့နေပါတယ်။ ဒီလိုမျိုး စစ်မီးမတောက်ခင် အရေးကြီးလှတဲ့ ၇၂ နာရီ အချိန်ကာလအတွင်းမှာတော့ အတွေ့အကြုံရင့် သံတမန်ကြီးတွေ၊ စုံစမ်းရေး အေးဂျင့်တွေနဲ့ စစ်ဘက်ဆိုင်ရာ ခေါင်းဆောင်တွေက စစ်ပွဲဆိုးကြီး မဖြစ်ပေါ်အောင် တားဆီးဖို့အတွက် လျှို့ဝှက်ဆွေးနွေးပွဲတွေ၊ စိတ္တဇ အားပြိုင်မှုတွေကို ပြုလုပ်ကြရပါတော့တယ်။ ခေါင်းဆောင်တွေရဲ့ ရင်ထဲကဖိအားတွေ၊ သံတမန်တွေရဲ့စိတ်ကစားပုံနဲ့ စစ်မြေပြင်က ရဲဘော်တွေရဲ့ စိုးရိမ်စိတ်တွေကြားထဲမှာပဲ...သူတို့နှစ်ဖက်က မိမိတို့ရဲ့တာဝန်သိစိတ်နဲ့ ငြိမ်းချမ်းရေးအတွက် စစ်ပွဲမီးပွားကို ဘယ်လိုမျိုးအကွက်ကျကျ ထိန်းချုပ်ကျော်ဖြတ်သွားမလဲဆိုတာကို ရ

စိတ်လှုပ်ရှားဖွယ် သဲထိတ်ရင်ဖို Drama/Suspense အမျိုးအစားကိုမှ နှစ်သက်ကြတဲ့ M Sub ပရိသတ်တွေအတွက် ဒီနေ့မှာတော့ ဆွဲဆောင်မှုအပြည့်နဲ့ ရိုက်ကူးထားတဲ့ ရုပ်ရှင်ကားကောင်းတစ်ကားနဲ့ မိတ်ဆက်ပေးပါရစေ။ ဇာတ်လမ်းလေးကတော့ မြို့ပြအိမ်ခြံမြေအကျိုးဆောင် ကုမ္ပဏီတစ်ခုမှာ လုပ်ကိုင်နေတဲ့ မင်းသမီး စုန့်ဟွေ့ တစ်ယောက် လူသေဖူးလို့ အတိတ်ဆိုးရှိခဲ့ဖူးတဲ့ "အဆောက်အဦ ၇၀၁" ဆိုတဲ့ အခန်းထဲကို အကြောင်းအမျိုးမျိုးကြောင့် သွားရောက်နေထိုင်ရာကနေ စတင်ထားတာပါ။ အဲဒီအခန်းထဲ ရောက်ရှိသွားတဲ့အခါမှာတော့ သာမန်မဟုတ်တဲ့ အချိန်နဲ့ ဟာသဟာပြင် ပြောင်းလဲမှုတွေ၊ အတိတ်က နာကျင်စရာ ဖြစ်ရပ်ဆိုးတွေ အထပ်ထပ် အခါခါ ပြန်လည်ဖြစ်ပျက်နေတာကို ပဟေဠိဆန်ဆန် တွေ့ကြုံရပါတော့တယ်။ အတိတ်မှာ ပျောက်ကွယ်သွားခဲ့တဲ့ သူမရဲ့ အမေ ဖြစ်သူ ရဲရှုမေ ရဲ့ သေဆုံးမှု သဲလွန်စတွေနဲ့ ၇၀၁ အခန်းထဲက ကြောက်စရာကောင်းတဲ့ အကြမ်းဖက်မှု အဖြစ်အပျက်တွေဟာ ဘယ်လိုဆက်စပ်နေသလဲဆိုတာကို ဇာတ်ရှိန်မြင့်မြင့်နဲ့ ရင်တထိတ်ထိတ် စောင့်ကြည့်ရမှာ ဖြစ်ပါတယ်။ ဒီကားကို ကြည့်သင့်တဲ့ အဓိကအကြောင်းအရင်းကတော့ သာမန် သရဲကားပုံစံမျိုး မဟုတ်ဘဲ အချိန်နဲ့ ဟာသဟာပြင် လွန်ဆွဲမှု၊ အတိတ်နဲ့ လက်ရှိကို ဆက်စပ်ထားတဲ့ သဲလွန်စရှာဖွေမှုတွေကြောင့် ဇာတ်လမ်းတစ်လျှောက်လုံး ဘာဆက်ဖြစ်မလဲဆိုပြီး စက္ကန့်မလပ် ရင်ခုန်စွာနဲ့ ကြည့်ရှုရမှာဖြစ်သလို မိခင်ဖြစ်သူရဲ့ အမှန်တရားကို ရှာဖွေချင်တဲ့ သမီးတစ်ယောက်ရဲ့ ခံစားချက်နဲ့ မိသားစု အကြမ်းဖက်မှုကြ

ဒီကားလေးကတော့ သာမန်လူတစ်ယောက်က အကျင့်ပျက်ခြစားနေတဲ့ စနစ်ကြီးတစ်ခုလုံးကို အံတုရင်ဆိုင်ရတဲ့ ဇာတ်လမ်းမျိုးကို ကြိုက်တတ်ရင် သေချာပေါက် ကြည့်သင့်တဲ့ ကားလေးပါနော်။ ဇာတ်လမ်းအစမှာ အေးချမ်းတဲ့ ရွာလေးတစ်ရွာကို အဝေးပြေးလမ်းမကြီး ဖောက်မယ်ဆိုပြီး အကြောင်းပြကာ လယ်သမားတွေရဲ့ မြေတွေကို နိုင်ငံရေးသမားတွေနဲ့ အာဏာပိုင်တွေက မတရားသိမ်းပိုက်ကြတာကနေ စထားတယ်။ အဲဒီမှာ ဆင်းရဲတဲ့ လယ်သမား အဘွားအိုတစ်ယောက်ဟာ သူ့မြေအတွက် လျော်ကြေးငွေ အနည်းအကျဉ်းပဲရပြီး အာဏာပိုင်တွေနဲ့ နီးစပ်သူတွေကတော့ လျော်ကြေး အများကြီးရသွားတဲ့ မတရားမှုကြီးကို ခံစားလိုက်ရတယ်။ အဲဒီမြေကို မရောင်းဘူးလို့ ငြင်းဆန်ခဲ့တဲ့ အဘွားအိုရဲ့ သားဖြစ်သူဟာလည်း သစ်ပင်မှာ ဇောက်ထိုးဆွဲကြိုးချ အသတ်ခံလိုက်ရပြီး ကိုယ့်ကိုယ်ကိုယ် သတ်သေသွားသယောင် ဖန်တီးခံလိုက်ရပါတော့တယ်။ ဒီလို ဆိုးရွားလှတဲ့ မတရားမှုတွေကြားထဲကနေ ရွာက တက်ကြွတဲ့ လူငယ်လေးတစ်ယောက်က အဘွားအိုအတွက် တရားမျှတမှုရဖို့ မြို့ကြီးက အစိုးရရုံးချုပ်ကြီးဆီကို သွားရောက်ပြီး အသေအလဲ ကြိုးပမ်းပါတော့တယ်။ ဒါပေမဲ့ အစိုးရရုံးတွေရဲ့ လာဘ်စားမှုတွေနဲ့ အောက်ခြေလူတန်းစားတွေအပေါ် ဖိနှိပ်ခေါင်းပုံဖြတ်တဲ့ လုပ်ရပ်တွေကို သူ ဘယ်လို ခက်ခက်ခဲခဲ ရင်ဆိုင်ဖြတ်သန်းရမလဲဆိုတာကို ရင်တမမနဲ့ ကြည့်ရမှာပါ။ နောက်ဆုံးမှာ ဘယ်သူမှ ဂရုမစိုက်တဲ့ ဒီအမှုအတွက် လူငယ်လေးဟာ အစိုးရရုံးချုပ် အဆောက်အအုံ ခေါင်မိုးပေါ်ကနေ ခုန်ချပြီး သတ်သေမယ်လို့ ခြိမ်းခြောက်တောင်းဆ

ဒီကားလေးကတော့ သာမန်လူတစ်ယောက်က အကျင့်ပျက်ခြစားနေတဲ့ စနစ်ကြီးတစ်ခုလုံးကို အံတုရင်ဆိုင်ရတဲ့ ဇာတ်လမ်းမျိုးကို ကြိုက်တတ်ရင် သေချာပေါက် ကြည့်သင့်တဲ့ ကားလေးပါနော်။ ဇာတ်လမ်းအစမှာ အေးချမ်းတဲ့ ရွာလေးတစ်ရွာကို အဝေးပြေးလမ်းမကြီး ဖောက်မယ်ဆိုပြီး အကြောင်းပြကာ လယ်သမားတွေရဲ့ မြေတွေကို နိုင်ငံရေးသမားတွေနဲ့ အာဏာပိုင်တွေက မတရားသိမ်းပိုက်ကြတာကနေ စထားတယ်။ အဲဒီမှာ ဆင်းရဲတဲ့ လယ်သမား အဘွားအိုတစ်ယောက်ဟာ သူ့မြေအတွက် လျော်ကြေးငွေ အနည်းအကျဉ်းပဲရပြီး အာဏာပိုင်တွေနဲ့ နီးစပ်သူတွေကတော့ လျော်ကြေး အများကြီးရသွားတဲ့ မတရားမှုကြီးကို ခံစားလိုက်ရတယ်။ အဲဒီမြေကို မရောင်းဘူးလို့ ငြင်းဆန်ခဲ့တဲ့ အဘွားအိုရဲ့ သားဖြစ်သူဟာလည်း သစ်ပင်မှာ ဇောက်ထိုးဆွဲကြိုးချ အသတ်ခံလိုက်ရပြီး ကိုယ့်ကိုယ်ကိုယ် သတ်သေသွားသယောင် ဖန်တီးခံလိုက်ရပါတော့တယ်။ ဒီလို ဆိုးရွားလှတဲ့ မတရားမှုတွေကြားထဲကနေ ရွာက တက်ကြွတဲ့ လူငယ်လေးတစ်ယောက်က အဘွားအိုအတွက် တရားမျှတမှုရဖို့ မြို့ကြီးက အစိုးရရုံးချုပ်ကြီးဆီကို သွားရောက်ပြီး အသေအလဲ ကြိုးပမ်းပါတော့တယ်။ ဒါပေမဲ့ အစိုးရရုံးတွေရဲ့ လာဘ်စားမှုတွေနဲ့ အောက်ခြေလူတန်းစားတွေအပေါ် ဖိနှိပ်ခေါင်းပုံဖြတ်တဲ့ လုပ်ရပ်တွေကို သူ ဘယ်လို ခက်ခက်ခဲခဲ ရင်ဆိုင်ဖြတ်သန်းရမလဲဆိုတာကို ရင်တမမနဲ့ ကြည့်ရမှာပါ။ နောက်ဆုံးမှာ ဘယ်သူမှ ဂရုမစိုက်တဲ့ ဒီအမှုအတွက် လူငယ်လေးဟာ အစိုးရရုံးချုပ် အဆောက်အအုံ ခေါင်မိုးပေါ်ကနေ ခုန်ချပြီး သတ်သေမယ်လို့ ခြိမ်းခြောက်တောင်းဆ