လူကြည့်များသော ရုပ်ရှင်များ

1930 ပြည့်နှစ်တွေက မစ္စစပီ၊ ဒယ်လ်တာဒေသမှာ ဖြစ်ခဲ့တဲ့ ဒဏ္ဍာရီဆန်ဆန်ဇာတ်လမ်း ဖြစ်ပါတယ်။ Michael B.Jordan က မွေးရပ်မြေမှာ အရက်နဲ့ဖျော်ဖြေရေးတွဲဖက်ရောင်းချတဲ့ဆိုင်ဖွင့်ဖို့ ချီကာဂိုကနေ ပြန်လာတဲ့ ဂန်းစတား စိတ်တူကိုယ်တူအမွှာညီအစ်ကို စမုက်နဲ့စတက်အဖြစ် သရုပ်ဆောင်ထားပါတယ်။ သူတို့အမွှာညီအစ်ကိုနဲ့အတူ ဂီတာတီးတတ်တဲ့ ညီဝမ်းကွဲဆမ်မီပါလိုက်လာပြီး ဆိုင်ဖွင့်ပွဲမှာ ဖျော်ဖြေပေးပါတယ်။ ဒါပေမဲ့ ရှေးတုန်းက ဒဏ္ဍာရီအဖြစ်သိကြတဲ့ ဂီတကို သဘောကျနှစ်ခြိုက်တဲ့ နတ်ဆိုးလို့ ခေါ်တဲ့ သွေးစုပ်ဖုတ်ကောင်တွေက သူတို့လုပ်ငန်းကို လာနှောင့်ယှက်တဲ့အခါမှာတော့ ဇာတ်လမ်းက Musical ကနေ Horror အဖြစ် ပြောင်းသွားမှာပါ။ ဆိုင်ဖွင့်ပွဲညမှာပဲ သွေးချောင်းစီးပွဲဖြစ်သွားပြီး အသက်လု တိုက်ခိုက်ရပါတော့တယ်။ Jim Crow ခေတ်က လူမည်းတွေရဲ့ဘဝ၊ blue ဂီတယဉ်ကျေးမှုနဲ့သမိုင်းကို ပေါင်းစပ်ဖော်ပြထားပြီး အမေရိကန်အနောက်တောင်ပိုင်းက ကိုးကွယ်ယုံကြည်မှု၊ အယူအဆတွေကိုပါ မြင်ရမှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

2009 ခုနှစ်မှာ ထွက်ရှိခဲ့ပြီး John Cena ပါဝင်ခဲ့တဲ့ 12 Rounds ဆိုတဲ့ ဇာတ်ကားရဲ့ sequel ဖြစ်ပါတယ်။ ဒီဇာတ်ကားနောက်မှာတော့ 12 Rounds: Lockdown (2015) ဆိုပြီး တစ်ကားထပ်ထွက်ပါသေးတယ်။ သုံးကားလုံးရဲ့ အဓိကဇာတ်ဆောင်တွေက professional wrestler တွေဖြစ်ပြီး ရုပ်ရှင်တွေက Action/ Thriller အမျိုးအစားတွေပါ။ ဇာတ်လမ်းကတော့ နစ်ခ်မာလွိုင်ဆိုတဲ့ ဆေးအကူ၊ အဓိကဇာတ်လိုက်မင်းသား အလုပ်လုပ်နေစဉ် အမည်မသိဖုန်းတစ်ကောလ်ဝင်လာပြီး သူ့ဇနီးသည်ရဲ့ အသက်နဲ့ ခြိမ်းခြောက်ကာ ဂိမ်းတွေ ကစားခိုင်းတဲ့ပုံစံမျိုးပေါ့။ အချိန်နည်းနည်းပဲ ပေးပြီး တစ်နေရာပြီးတစ်နေရာသွားခိုင်း... ဗုံးတွေဖောက်ခွဲနဲ့ မင်းသားနောက်ကို ရဲတွေကလည်းလိုက်... စကားပြောခန်းနည်းနည်း အက်ရှင်များများ ဇာတ်ကားမျိုးဖြစ်ပါတယ်။ ရုပ်ရှင်ကားအမည်အတိုင်း နစ်ခ်ဘက်က လုပ်ဆောင်ပေးရမယ့် ပွဲစဉ်က ၁၂ ခုရှိတယ်။ ဘယ်နှခုလောက်အထိ နစ်ခ် အောင်အောင်မြင်မြင်လုပ်နိုင်မလဲ... လူဆိုးကရော ဘယ်သူလဲ... သူတို့လင်မယားကို ဘာလို့ဒီလိုတွေ ခြိမ်းခြောက်တာလဲ... လင်မယားနှစ်ယောက်လုံး အသက်ဘေးက လွတ်ပါ့မလား....။ အညွှန်းနဲ့ ဘာသာပြန်ကိုတော့ LYKZ က တင်ဆက်ထားပါတယ်။

ဒီတစ်ခေါက် တင်ဆက်ပေးမဲ့ ဇာတ်လမ်းလေးကတော့ ကိုယ်တွေနဲ့ အဖြစ်တူပြီး ရယ်သံမပြတ်စေမဲ့ IMDb Rate: 6.5 ရထားတဲ့ ဇာတ်လမ်းလေးပဲဖြစ်ပါတယ်။ အင်္ဂလိပ်စာသင်ရမယ်ဆိုရင်ကို ကိုယ်တွေလိုပဲ လိပ်ကို ခဲဆွဲထားတဲ့အတိုင်း အတတ်နှေးပြီး ပတ်ရှောင်တတ်တဲ့ နာယောင်းဂျူ(Lee Na Young)တစ်ယောက် တစ်နေ့မှာတော့ သင်တန်းက အဆင်လေး ဘတ်မွန်းဆူ(Jang Hyuk)ကြောင့် မိုတီရသွားပါလေရော။ တစ်ဖက်မှာတော့ ဘတ်မွန်းဆူဟာ သူ့ရဲ့ကွဲကွာနေတဲ့ အမေရိကက ညီမလေးနဲ့ တွေ့ဖို့ အင်္ဂလိပ်စာကို ကြိုးစားပမ်းစား သင်ယူနေသူဖြစ်ပြီး အချစ်စစ်ကို ရှာဖို့ မြေစမ်းခရမ်းပျိုးနေတဲ့ သူဆိုလဲ မမှားပါဘူး။ ဘတ်မွန်းဆူနဲ့ နာယောင်းဂျူဟာ အင်္ဂလိပ်စာသင်တန်းတက်ခါစသူတွေပီပီ ဘိုလိုတွေ တတ်သလောက် မှတ်သလောက် မှုတ်ရင်း အနေနီးသွားပြီး အချစ်ဇာတ်လမ်းတစ်ပုဒ် ဖြစ်လာတာပေါ့။ ပရိတ်သတ်တို့ကရော ဒီဇာတ်လမ်းလေးကို ကြည့်ရင်း သင်တန်းဘယ်လောက်တက်တက် မထူးဘဲ အခြားဘာသာစကားဘက် ပြောင်းသွားတဲ့သူလား..၊ မိခင်ဘာသာစကားကို မျိုးချစ်စိတ်အပြည့်နဲ့ ဖက်တွယ်ထားသူလား..၊ သင်တန်းတက်ရင်း ရည်းစားရသွားတဲ့သူလား..၊ သေချာ ပေါက်မြောက်သွားတဲ့သူလား စသဖြင့် ကိုယ်က ဘယ်လိုသင်တန်းသားလဲဆိုတာကို တစ်ခါတည်း စစ်ကြည့်လိုက်ပါအုံးနော်။ ဘာသာပြန်နှင့် အညွှန်းတင်ဆက်သူ - ခန့်ကြော့ဇင်

Holy Night: Demon Hunters (2025) ဒီတစ်ခါအသစ်ထွက်ရှိလာတဲ့ ကားလေးကတော့ နတ်ဆိုးကို နှိမ်နှင်းမယ့် အဖွဲ့အကြောင်းကို ကြည့်ရှုရမှာပါ ဇာ​တ်လမ်းအကျဥ်းကတော့ "Holy Night" ဆိုတဲ့အဖွဲ့က နတ်ဆိုးတွေကို နှိမ်နှင်းတဲ့အလုပ်လုပ်ကိုင်နေတဲ့အဖွဲ့ပါ အဖွဲ့ဝင်တွေက ဘာအူ, ရှာရွန်, ဂင်ဂွန်းတို့ သုံးဦးနဲ့ဖွဲ့စည်းထားပါတယ် ဘာအူက သန်မာတဲ့အင်အားရှိပြီး ရှာရွန်က နတ်ဆိုးကိုရှာနိုင်တဲ့ အင်အားရှိပြီး အပနှင်တာကို လုပ်ကိုင်ပါတယ် ဂင်ဂွန်းက ဘာအူနဲ့ ရှာရွန်ကို ကူညီပြီး အပနှင်တဲ့ဖြစ်စဥ်ကို ရိုက်ကူးပါတယ် ဒီလိုနဲ့ စိတ်ကူးကျန်းမာရေးအထူးကု ဆရာဝန်ဂျောင်ဝန်ဆီမှာ အွန်းဆောဆိုတဲ့ ညီမတစ်ယောက်ရှိပါတယ် အဲ့ညီမဆီမှာ ထူးဆန်းတာတွေဖြစ်ပေါ်လာပြီး လုံးဝကုသလို့မရတဲ့အခါမှာတော့ "Holy Night" အဖွဲ့ဆီ သူ့ညီမကိုအပ်ခဲ့ပါတယ် အွန်းဆောကို ကယ်တင်နိုင်ပါ့မလားဆိုတာကို စိတ်လှုပ်ရှားဖွယ် ကြည့်ရှုရမှာပါ Ma Dong Seok, Seo Hyun တို့ပါဝင်ထားတဲ့ အသစ်စက်စက်ထွက်ရှိထားတဲ့ ရုပ်ရှင်ကားအသစ်ဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Myint Thuzar Lin ဖြစ်ပါတယ်

နိုင်ငံခြားမှာလေးနှစ်ပညာသင်အလုပ်လုပ်ပြီး မိဘများနဲ့ တွေ့ဆုံရန်ပြန်လာတဲ့ဗစ်ကီတစ်ယောက် လမ်းမှာကားမတော်တဆမှုနဲ့ မိဘများကဆုံးပါးသွားခဲ့ပြီး သူကတော့ကိုမာဝင်ကာ လနဲ့ချီပြီးဆေးရုံတက်ခဲ့ရပါတယ်။ မိဘတွေကိုလွမ်းဆွတ်မှုနဲ့လောကကြီးကို မကျေမနပ်ဖြစ်ပြီး အိပ်မပျော်တဲ့ဝေဒနာစွဲကပ်လာတဲ့ ဗစ်ကီတစ်ယောက်ကို ဘဝရဲ့စိန်ခေါ်မှုတွေကို ကိုင်တွယ်ဖြေရှင်းပြီး ထူးထူးဆန်းဆန်းစွန့်စားခန်းများနဲ့ သူ့ဘဝရဲ့အနှစ်သာရကိုရှာဖွေဖို့ကြိုးစားတဲ့အချိန်မှာ ဘယ်လိုအခက်အခဲတွေနဲ့ရင်ဆိုင်ရမလဲ။ တင်ဆက်ပုံတစ်မျိုးနဲ့ ထူးထူးခြားခြားဇာတ်လမ်းဇာတ်အိမ်ကို ဖန်တီးထားပြီး တွေးတောစရာတွေအများကြီးပေးမယ့် ဇာတ်ကားမျိုးဖြစ်ပါတယ်။ စိတ်ကူးယဉ်ဆန်တဲ့ ခရီးတစ်ခုရဲ့အလွန်မှာ ဗစ်ကီက ဘဝရဲ့အနှစ်သာရကို ဘယ်လိုနားလည်လက်ခံလာမလဲဆိုတာကို ကြည့်ရှုရမယ့် Rating 7.8/10 အထိရရှိထားတဲ့ အိန္ဒိယဇာတ်ကားကောင်းလေးတစ်ကားပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Phyu Sin Pwint ဖြစ်ပါတယ်

ဒီဇာတ်ကား​လေးက​တော့ တစ်​တော့မှာ နာမည်ကြီးသွားတဲ့ "နတ်ဆိုးရဲ့သတို့သမီး" Podcast ကို အ​ခြေခံရိုက်ကူးထားတဲ့ အင်ဒို​ဟော်ရာကား​လေး ဖြစ်ပါတယ်။ ဂျင်သရဲရဲ့ ချစ်ခင်စွဲလန်းမှုကို နှစ်ရှည်လများခံစား​နေရတဲ့ အိမ်​ထောင်ရှင်အမျိုးသမီးတစ်​ယောက်အ​ကြောင်းပါ။ အက်ချာနဲ့ အာရီယယ်တို့ဟာ အိမ်​ထောင်သက်တမ်း ၃ နှစ်​ကျော်ရှိပြီဖြစ်တဲ့ လင်မယား​တွေဖြစ်ပါတယ်။ အိမ်​ထောင်သည်တို့ထုံးစံအတိုင်း လက်ထပ်ပြီး​နောက်ပိုင်းမှာ အချင်းချင်းပျက်ကွက်မှု​တွေ ဖြစ်လာကြပါတယ်။ အာရီယယ်အလုပ်က ညဆိုင်းမို့ မိန်းမဖြစ်သူကို အချိန်မ​ပေးနိုင်ကာ ညနက်မှ အိမ်ပြန်လာရသူပါ။ အက်ချာအ​နေနဲ့ အလုပ်က ပင်ပင်ပန်းပန်းပြန်လာရ​ပေမယ့် ညနက်မှပြန်လာတဲ့ခင်ပွန်းသည်အတွက် ပြင်ဆင်ချက်ပြုတ်​ပေးဖို့ ညနက်မှ အိပ်ရာထရပါတယ်။ ချစ်သူဘဝယုယမှု​လေး​တွေပါ မခံစားရ​​တော့လို့ အထီးကျန်ပြီး စိတ်အလိုမကျဖြစ်​နေတဲ့ အက်ချာ့ကို အိမ်မက်ထဲက​နေ ဂျင်သရဲက လွှမ်းမိုးချုပ်ကိုင်လာပါ​တော့တယ်။ ​ချော​မောတဲ့ အမျိုးသားအသွင်နဲ့ အက်ချာကို ဖျား​ယောင်း​သွေး​​ဆောင်ဖို့ လုပ်လာပါတယ်။ အ​ခြေအ​နေ​တွေဆိုးဝါးလာ​အောင် လုပ်ပြီး အက်ချာတို့အိမ်​ထောင်​ရေးကို ပြိုကွဲလာ​​အောင် ဖန်တီးတဲ့​နောက်ပိုင်း ဘာ​တွေဆက်ဖြစ်ကြမလဲ၊ ဂျင်သရဲရဲ့စွဲလန်းမှုကို ခံ​စားနေရတဲ့ ဇနီးသည်အက်ချာကို အယ်ရီယယ်တစ်​ယောက် ဘယ်လိုကာကွယ်​ပေးသွားမလဲဆိုတာကို ထိတ်လန့်ဖွယ်ရာဇာတ်ဝင်ခန်းများစွာနဲ့အတူ ခံစားကြည့်ရှုရမယ့် အင်ဒိုနီးရှားဖြစ်ရပ်မှန်

စား​​သောက်ဆိုင်ပိုင်ရှင်နဲ့ စားဖိုမှူး ဆီနာက တစ်ညကျ​တော့ သူ့စား​သောက်ဆိုင်မှာ ​လူ​တွေ အများကြီး လာ​ရောက်စားသုံးကြပါတယ်။ အဲဒီအချိန် တစ်ဖက်မှာလည်း စစ်​ဆေး​ရေး ဝင်လို့ သတ်မှတ်ချက်နဲ့ မကိုက်ညီတဲ့ အချက်​တွေကို ​တွေ့သွားပြီး သတိ​ပေးခံရပါတယ်။ သူ့ဆိုင်က ဝန်ထမ်း​တချို့ဆို မကျွမ်းကျင်တာကတစ်မျိုး၊ အ​ချောင်ခိုတာက တစ်​ကြောင်းနဲ့ သူတို့ကို ထိန်း​ကျောင်းရတာကလည်း အလုပ်တစ်ခုပါပဲ။ ဒီလို အလုပ်ရှုပ်​နေတဲ့ ညမှာမှ ဆီနာရဲ့ အဖေက နှလုံး​ဖောက်လို့ ခွဲစိတ်မှု လုပ်ရ​တော့မှာပါ။ ဒါ​ပေမဲ့ အ​ဖေ့ဆီ မသွားနိုင်ဘဲ စား​သောက်ဆိုင်မှာပဲ အချိန်ကုန်ခဲ့ရပါတယ်။ စားသုံးသူ​တွေထဲမှာမှ အရစ်သန်တဲ့ လူတွေနဲ့ တွေ့တဲ့အခါ အချင်းချင်း က​တောက်ကဆ ဖြစ်ပြီး ပြဿနာ ကြီးထွားလာပါ​တော့တယ်။ ဒီလိုမျိုး ဖိစီးမှုများတဲ့ လုပ်ငန်းခွင်ထဲမှာ ဆီနာ ဆက်ပြီး ​တောင့်ခံနိုင်မလား။ ပြဿနာ​​ပေါင်း ​သောင်း​ခြောက်​ထောင်ကို သူ ဘယ်လို​ဖြေရှင်းမလဲဆိုတာ စိတ်ဝင်စားဖွယ် ကြည့်ရှုလိုက်ရ​အောင်။ အညွှန်း​ရေးသားသူနဲ့ ဘာသာပြန်မှာ Poe Yin Thar ဖြစ်ပါတယ်။

“The Singing Detective" ဆိုတဲ့ဇာတ်ကားကတော့ Iron Manမင်းသားကြီးလို့ လူသိများတဲ့ Robert Downey Jr. ပါဝင်ထားတဲ့ စုံထောက်ကားကောင်းလေး တစ်ကားပဲဖြစ်ပါတယ်။စုံထောက်ကားဆိုပေမယ့် ရိုးရိုးစုံထောက်ကားတွေနဲ့ ကွဲထွက်နေပြီး plot ကောင်းကောင်းနဲ့ တစ်မျိုးဆန်းသစ်နေတာတွေ့ရပါလိမ့်မယ်။ ဇာတ်လမ်းကတော့ Philip Marlow ဆိုတဲ့စာရေးဆရာ တစ်ယောက်အကြောင်းပါ။ သူက အရေပြားရောဂါခံစားနေရလို့ ဆေးရုံရောက်နေပေမယ့် သူ့စိတ်ကူးထဲမှာတော့ သူ့ဝတ္ထုထဲက စုံထောက်ဇာတ်ကောင်အဖြစ်နဲ့ အမှုအခင်းတွေပါဝင်စုံစမ်းနေတာပေါ့။ ဒီလိုနဲ့ပဲ လက်တွေ့နဲ့စိတ်ကူးယဉ်ကမ္ဘာကြားမှာ ရှုပ်ထွေးတဲ့ဖြစ်ရပ်တွေ စတင်ပေါ်ပေါက်လာပါတော့တယ်။ ဇာတ်ကားနာမည်အတိုင်းပဲ သီချင်းတွေ အကတွေနဲ့ စုံစမ်းစစ်ဆေးရေးတွေကို စိတ်ကူးယဉ်ကမ္ဘာထဲမှာ ဖြေရှင်းနေပုံကိုမြင်ရမှာပါ။မျက်တောင်တစ်ချက်ခတ်လိုက်တာနဲ့ ဘာဖြစ်သွားမှန်းသိလိုက်မှာမဟုတ်လောက်တဲ့အထိ စိတ်ဝင်စားဖို့ကောင်းပြီး သူများနဲ့မတူတဲ့ဇာတ်လမ်းမျိုး၊plotမျိုးကြိုက်တတ်တဲ့လူတွေအတွက် “The Singing Detective” က ကြည့်ကိုကြည့်သင့်တဲ့ ဇာတ်ကားလေးပါပဲနော်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ YOON ဖြစ်ပါတယ်

ဒီဇာတ်လမ်းလေးကတော့ ချိုပါ ကောက်ရိုးဦးထုပ်အဖွဲ့သား ဖြစ်လာပုံဇာတ်ကြောင်းလေးကို ပြန်လည်ကြည့်ရှုခံစားရမှာဖြစ်ပါတယ်။ ချိုပါတစ်ယောက် နှာခေါင်းပြာ သမင်ဖြစ်နေတာကြောင့် မိဘတွေက စွန့်ပစ်ခံခဲ့ရပြီး လူသား-လူသား အသီးစားမိပြီးနောက်ပိုင်းပြီး လူသားလည်းမဟုတ် သမင်လည်းမဟုတ်တဲ့ ဘဝကို ရောက်ပြီး မကောင်းဆိုးဝါးလို့ အမည်တပ်ခံရကာ ဘဝကို အထီးကျန်စွာ ဖြတ်သန်းခဲ့ရပါတော့တယ်။ ဒီအချိန် သူ့ရဲ့ တစ်ခုတည်းသော ခိုကိုးရာ အလင်းရောင်ဖြစ်ခဲ့တဲ့ ဒေါက်တာ ဟီရူလုနဲ့ ချိုပါတို့ဇာတ်ကြောင်းလေးကို လွမ်းမောဖွယ်ရာ တစ်ဖန် ပြန်လည်ကြည့်ရှုရမှာ ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ taku-chan ဖြစ်ပါတယ်

-Maximum Risk 1996 IMDb: 6/10 Language: English Genre: Action ဗန်ဒိန်းကားတွေဆိုမှ ကားဟောင်းတွေပဲ ပြန်ကြည့်ချင်တဲ့လူတွေအတွက် ညီအစ်ကိုနှစ်ကိုယ်ခွဲကားဖြစ်တဲ့ Maximum Risk ကြည့်လို့ရပါပြီ။ ညီအစ်ကို အမြွှာဖြစ်တဲ့ အိုင်လိုင်နဲ့ မစ်ခိုင်းက ညီအစ်ကိုတွေဆိုတာ အစ်ကိုဖြစ်သူ လူသတ်ခံရမှ သိကြရတာပါ။ အဲလိုနဲ့ အမြွှာအစ်ကိုရဲ့ ငယ်ဘဝက သူ့လို အမေရှိတဲ့ ဘဝနဲ့ ယှဉ်ရင် နာကျင်ရတာကို သိသွားတဲ့ အတိတ်ဟောင်းတွေ အစ်ကိုဖြစ်သူ သေဆုံးမှုအတွက် ရှာဖွေပေးဖို့ အစ်ကို့မွေးစားမိသားစုနဲ့တွေ့မယ်ဆိုပြီး နယူးယော့ခ်မြို့ကို လာခဲ့ပါတယ်။ ဒီလိုကနေ အစ်ကိုဖြစ်သူရဲ့ သေဆုံးမှုကနေ ဘယ်လို ဒုစရိုက်မှုကြီးနဲ့ ဆက်ယှက်နေမလဲ။ အစ်ကို့ကို ဘယ်သူသတ်လိုက်တာလဲဆိုတာ ကြည့်ရမယ့် ရဲစုံထောက်အက်ရှင်ကားဖြစ်ပါတယ်။ ဗန်ဒိန်းကားတွေရဲ့ အသက်ဖြစ်တဲ့ အက်ရှင်ခန်းကောင်းကောင်းတွေမြင်ရမှာဖြစ်လို့ ကြည့်ရှုလို့ကောင်းမယ့်ကားလေးဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Bella ဖြစ်ပါတယ်

မီယောင်းက ယောက်ျားလေးတွေကို အတည်မတွဲဘဲ အပျော်တွဲတတ်တဲ့လူပါ။ တွဲနေတဲ့ရည်းစားကိုပါဖြတ်သွားပြီး ရည်းစားအသစ်ထပ်ရှာပါတော့တယ်။ သူသီချင်းဆိုတဲ့ဆိုင်ကိုလာတဲ့ကောင်လေးကို ဂွင်ဖန်ပြီး ချဉ်းကပ်ပါတော့တယ်။ အဲဒီကောင်လေးနဲ့ရည်းစားတွေဖြစ် ရပ်သိရွာသိတွဲပြီး အမေဖြစ်သူရဲ့မွေးနေ့မှာ သူကိုယ်တိုင်ပဲ လက်ထပ်ခွင့်တောင်းလိုက်ပါတော့တယ်။ မီယောင်းမှာ အစ်မ၂ယောက် ဂျင်ယောင်းနဲ့ ဆွန်းယောင်းရှိပြီး အစ်မဂျင်ယောင်းကတော့ အိမ်ထောင်သည်ဆိုပေမဲ့ ဆွန်းယောင်းကတော့ ယင်ဖိုတောင် မသန်းဖူးတဲ့သူပါ။ သူ့ကောင်လေး ဆူဟျွန်းကလည်း ပလေးဘွိုင်းနည်းနည်းဆန်ပြီး ဆွန်းယောင်းကို စချဉ်းကပ်တဲ့အချိန် ဘာတွေဆက်ဖြစ်လာမလဲဆိုတာ.... ဒီကားမှာ 18+အခန်းနဲ့ အသုံးအနှုန်းလေးတွေပါတာမလို့ မိသားစုနဲ့ကြည့်ရှုဖို့မသင့်ပါဘူး။ ဒီကားကို အညွှန်းနဲ့ ဘာသာပြန်ဆိုသူက Huihui ဖြစ်ပါတယ်။

Princess Hours, Kingdom, Trauma Codeထဲက နာမည်ကြီးမင်းသား Ju Ji Hoonက နှစ်ကိုယ်ခွဲသရုပ်ဆောင်ထားတဲ့ ဒီကားလေးကတော့ IMDb Rate 5.8 ရရှိထားတဲ့ ဇာတ်ကားလေးပဲဖြစ်ပါတယ်။ လောကကြီးမှာ အုပ်ချုပ်သူလူတန်းစားဟာ အာဏာရဖို့အရေးသာ ဦးထိပ်ထားနေတာက အခုမှမဟုတ်ဘဲ ဂျိုဆွန်းခေတ်မှာကတည်းက ရှိနေပြီပဲဖြစ်ပါတယ်။ အဲဒီလိုရှုပ်ထွေးလှတဲ့ လောကကြီးနဲ့ မသက်ဆိုင်ဘူးဆိုပြီး စာအုပ်တွေပဲ ဖတ်ရင်း သာယာနေခဲ့တဲ့ တတိယသားတော် ချွန်းညောင်း(Ju Ji Hoon)ခမျာ အသုံးမကျတဲ့ ပထမအစ်ကို၊ ဘုန်းကြီးဝတ်သွားတဲ့ ဒုတိယအစ်ကိုတို့ကြောင့် ထီးနန်းဆက်ခံဖို့ ကံဖန်လာပါတော့တယ်။ အိမ်ရှေ့စံ ချွန်းညောင်းက ဘုရင် မဖြစ်ရေးကို ဦးထိပ်ထားပြီး နန်းတော်ထဲကနေ ထွက်ပြေးချိန်မှာ သူနဲ့ ရုပ်ချွတ်စွပ်တူတဲ့ ကျွန် ဒေါ့ချီ(Ju Ji Hoon)က အိမ်ရှေ့စံအဖြစ် အစားထိုးခံလိုက်ရပါလေရော။ စာနဲ့ပတ်သက်ရင် စာလုံးသုံးလုံးသာ သိတဲ့ ဒေါ့ချီခမျာ နန်းတော်ထဲမှာ ကံဆိုးမိုးမှောင်ကျရတော့တာပေါ့။ တစ်ဖက်မှာလဲ အိမ်ရှေ့စံ ချွန်းညောင်းဟာ အခုမှ အပြင်လောကနဲ့ ထိတွေ့ဖူးပြီး ပြည်သူတွေခမျာ နာမကျန်းဖြစ်ရင်အောင် သေချာကုပေးမဲ့သူ မရှိတဲ့အထိ အဖြစ်ဆိုးနေတာကို မျက်ဝါးထင်ထင် ကြုံလိုက်ရတယ်။ တိုင်းပြည်ကို အုပ်ချုပ်သူဘုရင်ဟာ အာဏာမြဲဖို့ချည်း ဦးစားပေးရမှာမဟုတ်ဘဲ ပြည်သူတွေကို စိတ်ချမ်းသာအောင် ထားရင်း ယုံကြည်မှုတည်ဆောက်ဖို့က အဓိကဆိုတာကို သဘောပေါက်လာတဲ့ ချွန်းညောင်းတစ်ယောက် တိုင်းပြည်ကို နောက်ဆုံးမှာ သေချာအုပ်

ဒီဇာတ်ကား​လေးက​တော့ ပုံမှန်မြင်​နေကျ​ဟော်ရာကား​​တွေက​နေ ကွဲထွက်​နေမယ့် အောက်လမ်းအတတ်စီရင်မှုများနဲ့ ​ အ​လောင်ဇာတ်ကားရသမျိုးကို ခံစားရမယ့် အင်ဒို​​ဟော်ရာကား​လေးပါ။ အိန်ဂျယ်ဟာ ငယ်ရွယ်စဥ်ကတည်းက မိခင်ဖြစ်သူရဲ့ဆုံးမစကားဖြစ်တဲ့ "ကိုယ်ဖြစ်ချင်တဲ့အရာ​တွေကိုရဖို့ ဘယ်သူ့ကိုမှ တားဆီးခွင့်မ​ပေးနဲ့" ဆိုတဲ့စကားကို လက်ကိုင်ထားပြီး​နေထိုင်​နေသူတစ်​ယောက် ဖြစ်ပါတယ်။ သူ​ဌေးဘူဟန်ရဲ့ ဒုတိယဇနီးအဖြစ်ခံယူပြီး စည်းစိမ်ချမ်းသာကို ခံစားလိုသူပါ။ သို့ပေမယ့် ရည်းစား​ဟောင်း လီယိုရဲ့လက်စား​ချေမှုကိုခံရပြီး ပြုစားခံရပါ​တော့တယ်။ ဒီလိုပြုစားခံရတာကို သိသွားတဲ့ အိန်ဂျယ်တစ်​ယောက် ဘယ်လိုတုံ့ပြန်မလဲ၊ ပထမဇနီးဖြစ်သူရဲ့တူကိုလည်း ​သွေးသားဆန္ဒအရ အပိုင်ရဖို့ နတ်ဆရာမဆီမှာ ​အောက်လမ်းအတတ်နဲ့ ပြုစားခဲ့ပါတယ်။ ဒီလိုလုပ်ရပ်​တွေကိုသိသွားတဲ့ ပထမဇနီးဖြစ်သူကိုလည်း ဒုက္ခ​ပေးဖို့ကြိုးစားပါ​တော့တယ်။ ဒီလိုနဲ့ ပထမဇနီးနဲ့ဒုတိယဇနီး အားပြိုင်ကြပုံ၊ ​အောက်လမ်းအစီအရင်​ကြောင့် ​ဘေးဒုက္ခ​ရောက်ကြရပုံကို ​ထိတ်လန့်ဖွယ်ရာ ဇာတ်ဝင်ခန်းများစွာနဲ့ ခံစားကြည့်ရှုရမှာပဲ ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

ဒီဇာတ်ကားလေးကတော့ အမေရိကန်ကနေ 13 sins ဆိုပြီး remake ပြန်ရိုက်ရတဲ့အထိအောင်မြင်ခဲ့တဲ့ 13 Beloved ဆိုတဲ့ ထိုင်း horror ကားလေးပဲဖြစ်ပါတယ်။ ဇာတ်လမ်းအကျဥ်းကတော့ Phuchit ဆိုတဲ့ လူတစ်ယောက်ဟာ အလုပ်လဲပြုတ် အကြွေးတွေပတ်လည်ဝိုင်း ရည်းစားနဲ့လည်းပြတ်ပြီး ဒုက္ခပင်လယ်ဝေနေတဲ့လူတစ်ယောက်ပေါ့။ အဲဒီအချိန်မှာပဲ သူ့ဆီကို ထူးဆန်းတဲ့ဖုန်းတစ်ကောဝင်လာပါတယ်။ ဖုန်းထဲကလူက သူ့ကို ဂိမ်းတစ်ခုကစားဖို့ပြောပြီး ဂိမ်းနိုင်ရင် ဘတ်သန်းနဲ့ချီပြီးဆုကြေးငွေတွေ ရမယ့်အကြောင်းပြောပါတယ်။ သူလည်း မယုံတယုံနဲ့စမ်းကစားကြည့်လိုက်တဲ့အခါ တကယ်ပဲသူ့ဆီကို ပိုက်ဆံတွေဝင်လာခဲ့ပါတယ်။ အဲဒါနဲ့သူလည်း လယ်ဗယ်တွေတစ်ဆင့်ပြီးတစ်ဆင့် ဆက်ဆော့လာလိုက်တာ နောက်ပိုင်းမယုံနိုင်လောက်အောင် အံ့ဩထိတ်လန့်စရာကိစ္စတွေကိုပါ လုပ်ရဖို့ဖြစ်လာတဲ့အခါမှာတော့..။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Honey ဖြစ်ပါတယ်

လူတစ်ယောက်ဟာ သေကြောင်းကြံတဲ့ပုံစံမျိုးနဲ့သေသွားခဲ့ပေမဲ့ ရဲစခန်းဆီ အမျိုးသမီးတစ်ယောက်ကလာပြီးတော့ သူသတ်ခဲ့တာဆိုပြီး အဖမ်းခံတယ်။ သူဟာ အပြစ်သားတွေကိုအပြစ်ပေးတဲ့နတ်ဆိုးတရားသူကြီးရဲ့ဘက်တော်သားတဲ့။ သူက ကော့မန်ပန်းဆိုသူ လူတစ်ယောက်နဲ့ တွေ့ခွင့်တောင်းတယ်။ ကော့မန်ပန်းဟာ photographic memory ရှိလို့ သူကြုံတွေ့ဖူးသမျှကို ခရေစေ့တွင်းကျမှတ်မိနိုင်ပေမဲ့ သူရှေ့မှာတင် သူ့အမွှာညီကို သတ်သွားတဲ့လူသတ်သမားကို မမှတ်မိလို့ အရူးတစ်ပိုင်းဖြစ်နေတဲ့ အကြီးတန်းစစ်ဆေးရေးမှူးဟောင်းတစ်ဦး။ သူဟာ အဖမ်းလာခံသူ အမျိုးသမီးရဲ့ပြောပြချက်တွေနဲ့ လူသတ်သမားကိုရော သတ်ရတဲ့အကြောင်းအရင်းကိုပါ ဖော်ထုတ်သွားမှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်

လူတွေနဲ့ဝေးရာမှာ ဘီလျှံနာတစ်ဦးက ဝယ်ယူထားတဲ့ ကျွန်းတစ်ကျွန်း၊ ကျွန်းပိုင်ရှင် ဘီလျှံနာက ကာဗီယာမာဟိုထရာ၊ နာမည်ကျော်ရုပ်ရှင်မင်းသားဗီခရမ်က မထင်မှတ်ပဲ ပြစ်မှုတစ်ခုကို ကျူးလွန်ခဲ့ပြီး နိုင်ငံရေးသမား လွှတ်တော်ကိုယ်စားလှယ်လောင်းရမ်ဆဲလ်က ပါတီရန်ပုံငွေကိစ္စနဲ့ ဒုက္ခများနေတယ်.နိုက်ကလပ်ပိုင်ရှင် နေးလ်ကတော့ အကြွေးတွေသန်းနဲ့ချီ တင်နေပြီး ဖိအားပေးခြိမ်းခြောက်ခံနေရသလို၊ သတင်းထောက်မလေး တီရာကလည်းအခက်အခဲတွေကြုံနေရတယ် မတူညီတဲ့နယ်ပယ်လေးခုက လူလေးယောက်ကို သူဌေးကြီးကာဗီယာက သူပိုင်ဆိုင်တဲ့ ကျွန်းပေါ်က အိမ်ကြီးကိုစာရေးပြီးဖိတ်ကြားလိုက်ပါတယ်။ ဖိတ်ကြားရတဲ့ရည်ရွယ်ချက်နဲ့ သူတို့လေးယောက်ကြားက ပတ်သက်မှုက ဘာဖြစ်မလဲ။ ကာဗီရာရဲ့ကစားပွဲနဲ့ ပါဝင်ကစားကြမယ့်သူတွေက ဘယ်လိုအနိုင်အရှုံးတွေနဲ့ရင်ဆိုင်ရမလဲဆိုတာစိတ်ဝင်စားစရာကြည့်ရှုရမယ့် အိန္ဒိယ လက်စားချေ အက်ရှင်ဇာတ်ကားကောင်းလေးပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Phyu Sin Pwint ဖြစ်ပါတယ်

Jean-Claude Van Damme မင်းသားကောင်း တစ်လက်ရိုက်ကူးထားတဲ့ ‌အနောက်တိုင်း ကောင်းဘွိုင်းစတိုင်သွားထားတဲ့ အက်ရှင်ဒရာမာကားဖြစ်တဲ့အပြင် IMDB 5.2/10 ရရှိထားတဲ့ ဇာတ်ကားကောင်းတစ်ကားဖြစ်ပါတယ်။ သူငယ်ချင်းဖြစ်သူဆီကို လက်ဆောင်ပေးမယ့် ဆိုင်ကယ်နဲ့လာခဲ့တဲ့ အက်ဒီလောမက်စ်က စိတ်ဓာတ်ကျနေခဲ့ပါတယ်။ စိတ်သက်သာရာရမယ့်ဆီကို လိုက်လာရင်း သူ့ဆိုင်ကယ်ကို ဓားပြတိုက်ပြီး ခိုးသွားတဲ့ ညီအစ်ကိုသုံးယောက်ကို လက်စားပြန်ချေဖို့ မြို့လေးနောက် လိုက်လာခဲ့ပါ့တယ်။ နဂိုတည်းက ရွာကသေးသေးလေးဖြစ်တဲ့အပြင် လူဆိုးတွေက များတဲ့အတွက် အက်ဒီတစ်ယောက် လူဆိုးတွေကို ဘယ်လိုရှင်းထုတ်ပစ်မလဲဆိုတာ ကြည့်ရမှာဖြစ်ပါတယ်။ R-rated အပိုင်းတွေပါတဲ့အတွက် ကလေးသူငယ်တွေ အက်ရှင်ကြိုက်လည်း ကျော်ကြည့်ကြပါဗျ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Bella ဖြစ်ပါတယ်

အောက်လမ်းအတတ်ပညာတွေလိုက်စားကိုးကွယ်တဲ့ ဘာသာရေးစနစ်တစ်ခုဖြစ်တဲ့ "Palo Mayombe" အကြောင်းကို တစွန်းတစသိရမယ့် သည်းထိတ်ရင်ဖို Horror ကားဖြစ်ပါတယ်။ စပိန်လူမျိုးဖြစ်တဲ့ ရိုဆာရီယိုဟာ ဖအေနဲ့မအေကွာရှင်းပြီးတော့ ‌‌ဖအေနဲ့လိုက်နေခဲ့ပြီး လက်ရှိမှာ အောင်မြင်တဲ့ဘဝကို ပိုင်ဆိုင်ထားသူပါ။ သူ့ငယ်စဉ်ဘဝနဲ့အတူ တခြားမြို့မှာကျန်ခဲ့တဲ့ အမေနဲ့အဘွားကိုပါ မေ့ထားပြီး နာမည်ကိုတောင် "ရို့စ်"လို့ပဲ အခေါ်ခံခဲ့ပါတယ်။ သူ့အမေဆုံးတုန်းကလည်း မသွားခဲ့ပါဘူး။ ဒါမဲ့နှင်းမုန်တိုင်းတိုက်တဲ့တစ်ညမှာ သူ့အဘွားဆုံးသွားပြီလို့ အကြောင်းကြားလာပြီး အဘွားဆီကပါ ထူးဆန်းတဲ့အသံမေးလ်ရောက်လာတဲ့အတွက် သူ့အဘွားအလောင်းကို လူနာတင်ကားလာတဲ့ထိ သွားစောင့်ပေးဖို့ဖြစ်လာပါတယ်။ အဲဒီတိုက်ခန်းမှာပဲ မသတီစရာပစ္စည်းတွေ အစီအရင်တွေတွေ့ရပြီးတော့ ခြောက်ခြားစရာကောင်းတဲ့ညမှာ သူ့အဘွား ဘာတွေလုပ်ခဲ့တာလဲဆိုတာ ဖော်ထုတ်ရမှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ဘာဆာဝါက ရုပ်ရှင်တွေထဲမှာ စတန့်နေရာကမျက်နှာမပြရဘဲ အက်ရှင်လုပ်ပြရတဲ့သရုပ်ဆောင်ပါ။ အရင်က သူ့ဦးလေးနဲ့အတူနေပြီး ဒုစရိုက်မှုလေးတွေ လုပ်ရလေ့ရှိတယ်။ ဒါပေမဲ့ ရဲတွေဆီမှာဓာတ်ပုံအရိုက်ခံရတာမကြိုက်ဘဲ ပရိတ်သတ်တွေဆီကပဲဓာတ်ပုံအရိုက်ခံရတာကြိုက်တော့ သူ့ဦးလေးဆီကထွက်လာလိုက်တယ်။ ဒါပေမဲ့တစ်နေ့ သူ့ဦးလေးဆီက သေရေးရှင်ရေးအလုပ်ရပါလေရော။ သူတို့လုပ်ရမှာက ကောင်မလေးတစ်ယောက်ကို နောက်နေ့မနက်ဖြန်အထိ စောင့်ရှောက်ပေးထားဖို့ပဲ။ သူတို့ကိုခိုင်းတဲ့သူက ဒုစရိုက်သမားရှန်ကာ။ အဲဒါနဲ့ အလုပ်လက်ခံပြီး ကောင်မလေးကိုကားပေါ်တင်ခေါ်လာပြီးအပြန်မှာ ဝိဉာဉ်တွေပဲရှိတဲ့ရွာတစ်ရွာဆီရောက်သွားတယ်။ အဲဒီရွာထဲကိုဝင်လို့ပဲရပြီး ပြန်ထွက်သွားလို့မရဘူး။ ဒါပေမဲ့အဲဒီရွာထဲမှာ ဘာဆာဝါတို့စီးလာတဲ့ကားနဲ့ကောင်မလေးပျောက်သွားချိန်မှာ မနက်ဖြန်ရှန်ကာ့ဆီကအဆော်မခံရဖို့ သရဲရွာမှာ ကောင်မလေးကိုပြန်လိုက်ရှာရမှာဆိုတော့ ဘာဆက်ဖြစ်မလဲဆိုတာ ရုပ်ရှင်ထဲမှာ စိတ်ဝင်တစားစောင့်ကြည့်ပေးကြပါဦးနော်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Bex ဖြစ်ပါတယ်

ဒီတစ်ခေါက်တင်ဆက်ပေးမဲ့ ထိုင်း horror ဇာတ်ကားလေးကတော့ 2005 ခုနှစ်မှာထွက်ရှိခဲ့တဲ့ နာမည်ကျော် Art of the Devil trilogy ရဲ့ ဒုတိမြောက်ကားလေးပဲ ဖြစ်ပါတယ်။ ဇာတ်ကြောင်းကတော့ အထက်တန်းကျောင်းတစ်ခုမှာ အရမ်းခင်ကြတဲ့ Ta, Por, Kim, Ko, Tair နဲ့ Noot ဆိုတဲ့ သူငယ်ချင်း ၆ ယောက် ရှိပါတယ်။ တာ ရဲ့ဖခင်က ကျောင်းကဆရာမတစ်ဦးဖြစ်တဲ့ Ms. Panor နဲ့နောက်အိမ်ထောင်ပြုထားတာဖြစ်ပြီး တစ်ရက်မှာတော့ Ms. Panor ကျောင်းကနည်းပြဆရာနဲ့ ဖောက်ပြန်နေတာကို တာတို့သူငယ်ချင်းတစ်စုက တွေ့သွားကြပါတယ်။ အဲဒီလိုနဲ့ တာရဲ့ဖခင်ကို ပြန်ပြီးသက်သေပြဖို့အတွက် ဗီဒီယိုရိုက်ထားကြရာကနေ အဲဒီဗီဒီယိုက တစ်ကျောင်းလုံးကိုပြန့်သွားပါတော့တယ်။ Ms. Panor လဲ အရှက်တကွဲဖြစ်ပြီး အလုပ်ကထွက်ခါ တောထဲကအိမ်လေးမှာ တစ်ယောက်ထဲသွားနေနေခဲ့ပါတယ်။ နောက်မှာတော့ ဗီဒီယိုကိုဖြန့်တာ တာ တို့အုပ်စုမှန်းသိသွားတဲ့ နည်းပြဆရာက တာတို့ကိုဖမ်းချုပ်ပြီး နှိပ်စက်တာ၊ လိင်ပိုင်းဆိုင်ရာစော်ကားတာတွေပြုလုပ်တာကြောင့် မကျေနပ်တဲ့ ကျောင်းသားတစ်သိုက်ဟာ အဲဒီအရပ်ကနာမည်ကြီး အောက်လမ်းဆရာဆီသွားပြီး နည်းပြဆရာကို လက်စားချေဖို့ကြံစည်ကြပါတော့တယ်။ အဲဒီအဖြစ်အပျက်တွေဖြစ်ပြီး ၂ နှစ်အကြာမှာ တာရဲ့အဖေဆုံးသွားတဲ့သတင်းကြောင့် ဘန်ကောက်မှာတက္ကသိုလ်တက်နေကြတဲ့ သူငယ်ချင်းတွေက ဇာတိမြို့လေးကို ပြန်လာကြပါတယ်။ အဲဒီကနေမှ တာရဲ့မိထွေးဖြစ်သူ Ms. Panor ရှိရာတောထဲက အိမ်ကိုသွားလည်ကြရာကနေ မထင်မှတ်ထားတဲ့ ထိတ်လန့်စရာအဖြစ်ဆိုးတွေ တစ

ဒီတစ်ခေါက်မှာတော့ တမူထူးခြားတဲ့ Indian Comedy ကားလေးနဲ့မိတ်ဆက်ပေးပါစေ " Akkada Ammayi Ikkada Abbayi 2025 " ပါ 1996 မှာလည်း တစ်ကားရှိခဲ့ပေမဲ့ ဇာတ်အိမ်အနည်းငယ်ကွာခြားပုံရပါတယ် ဇာတ်လမ်းအကျဉ်းကတော့ ရွာလေးတစ်ရွာမှာ နောက်ဆုံးမျိုးဆက်ကိုမွေးဖွားကြရာ အယောက် ၆၀လုံးက ယောက်ျားလေးတွေချည်းပဲမွေးဖွားပါတယ် သူတို့ထဲမှာ နောက်ဆုံးမွေးဖွားသူတစ်ဦးတည်းသာ မိန်းကလေးဖြစ်ခဲ့ပါတယ် ဒါကြောင့်သူ့ကို ရွာရဲ့မင်းသမီးလေးသဖွယ်ဂရုစိုက်ကြတယ် ကာလသားအယောက်၆၀ကလည်း ပိုးကြပမ်းကြပေါ့ တစ်ဖက်မှာလည်း မြို့ကြီးသားအင်ဂျင်‌နီယာလေးတစ်ဦးက ပရောဂျတ်ကိစ္စနဲ့ အဲဒီရွာကိုရောက်လာခဲ့ပါတယ် သူတို့နှစ်ဦး မထင်မှတ်ဘဲတွေ့ဆုံကြရာမှာ ချစ်ကျွမ်းဝင်သွားမလား ? ရွာရဲ့ ကာလသားအယောက် ၆၀ကိုရော ဘယ်လိုဖြတ်ကျော်မလဲ? ဟာသရသကို ပေါ့ပျက်ပျက်မဟုတ်ဘဲ အချိတ်အဆက်မိမိ ဇာတ်ကွက်ကောင်းကောင်းနဲ့ ရိုက်ကူးတင်ဆက်ထားနိုင်တာမို့ ရွေးချယ်သင့်တဲ့ဟာသကားအဖြစ် recommend ပေးလိုက်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ki Ki Chit Su ဖြစ်ပါတယ်

ဂိုင်းမန်လေဆိုတဲ့ လျှို့ဝှက်နက်နဲပြီး မြို့ကနာမည်အကြီးဆုံးနဲ့အတော်ဆုံး စပိုင်တစ်ယောက်က လူတစ်ယောက်ဆီက မြို့မှာအာဏာအကြီးဆုံးလူကိုသတ်ဖို့မစ်ရှင်ရလာတဲ့အခါမှာတော့ အိမ်ထောင်ရေးကအဆင်မပြေ အရက်တွေပဲသောက်နေပြီး စပိုင်အလုပ်ကိုအနားယူလိုက်ပြီဖြစ်တဲ့ မန်လေးတစ်ယောက် မစ်ရှင်ကိုပြန်လက်ခံပြီး ဘယ်လိုတွေနှစ်ပါးသွားမလဲဆိုတာ အူတက်အောင်ရီရတဲ့ ဟာသအက်ရှင်ကားမလို့ တင်ဆက်ပေးလိုက်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Thansin ဖြစ်ပါတယ်

ထမင်းလုံးတ​စ္ဆေ​ခြောက်တယ်၊ ဘီလူးစီးတယ်ဆိုတဲ့အရာ​တွေကို ကြားဖူးလား။ ဒီဇာတ်ကား​လေးထဲမှာက​​​တော့ အင်ဒိုနီးရှားဒဏ္ဍာရီလာ ဘူနိုဆိုတဲ့ ဂျင်သရဲ​ခြောက်ခံရတဲ့အ​ကြောင်းအရာကို ဇာတ်လမ်းဆင်ရိုက်ကူးထားပါတယ်။ ဘူနိုဆိုတာက လူသား​တွေနဲ့ အိမ်မက်ထဲမှာ လိင်ဆက်ဆံတတ်တဲ့ နတ်ဆိုးဖြစ်ပါတယ်။ ယုံကြည်သက်ဝင်မှုအားနည်းတဲ့ မိန်းက​လေး​တွေ၊ အထီးကျန်​နေတဲ့မိန်းက​လေး​တွေကို အဓိကပစ်မှတ်ထားတိုက်ခိုက်တတ်သူပါ။ ဒီလိုနတ်ဆိုးကို စ​နောက်ပြီးဆင့်​ခေါ်ခဲ့မိရာက ဖြစ်ရပ်ဆိုး​တွေ ​တွေ့ကြုံရပုံကို စိတ်​ခြောက်ခြားဖွယ်ဇာတ်ကွက်များနဲ့အတူ ခံစားကြည့်ရှူရမယ့် အင်ဒိုနီးရှား​ဟော်ရာကား​​လေး ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

ချုံချင့်မြို့ရှိ တက္ကသိုလ်တစ်ခုတွင် တာဝန်ဝမ်းဆောင်နေသော ပါမောက္ခချန်ဟာ သုတေသနခရီးတစ်ခုသွားရင်း လမ်းမှာ ခွေးပေါက်လေးတစ်ကောင်နဲ့ မတော်တဆ တွေ့ဆုံခဲ့ရပါတယ်။ ခွေးလေးနေထိုင်ခဲ့ရာ နေရာမှ ရွာသားတွေက အားလုံးပြောင်းရွှေ့သွားတာကြောင့် သနားစိတ်ဝင်ပြီး ပါမောက္ခချန်ဟာ သူ့အိမ်သို့ ခေါ်လာခဲ့ပါတယ်။သူ၏ ဇနီးဖြစ်သူက ငယ်စဥ်က ခွေးကိုက်ခံရဖူးတာကြောင့် အခုလို ခွေးခေါ်လာတာကို မကြည်ဖြူခဲ့ပါဘူး။ဒါကြောင့် ခွေးလေးအား သင့်တော်တဲ့ မိသားစုထံပေးရန် စီစဉ်ထားခဲ့သော်လည်း အကြောင်းအမျိုးမျိုးကြောင့် အဆင်မပြေဖြစ်နေခဲ့ပါတော့တယ်။ ဒီလိုနဲ့ ပါမောက္ခချန်ဟာ သူမိန်းမကို အတိုက်အခံလုပ်ကာ ခွေးလေးအား မွေးထားရန် ဆုံးဖြတ်ပြီး ခွေးလေးရဲ့ နာမည်ကိုလည်း မာကျောက်ကစားဝိုင်းကို အစွဲပြု၍ ပါးထုံလို့ နာမည်ပေးလိုက်တော့တာပေါ့။ပါးထုံရဲ့ သိတတ်လိမ္မာမှုကြောင့် အချိန်ကြာလာတာနဲ့အမျှ မိသားစုဝင်အားလုံးဟာ ခွေးလေးကို မိသားစုဝင်အဖြစ် လက်ခံခဲ့တယ်။သခင်ဖြစ်သူ ပါမောက္ခချန် ကလည်း ပါးထုံလေးကို သားလေးတစ်ယောက်လို သဘောထားတာကြောင့် ပါးထုံလေးကလည်း သခင်ဖြစ်သူကို အရမ်းခင်တွယ်ခဲ့ပါတယ်။ပါးထုံလေးဟာ သူ့သခင်ဖြစ်သူ အလုပ်သွားတိုင်း ကေဘယ်လ်ဘူတာအထိ လိုက်ပို့တတ်ပြီးတော့ ဘူတာကနေ သတင်းစာယူပြီးမှ အိမ်ပြန်လာတတ်ပါတယ်။ညနေပိုင်း သခင်ဖြစ်သူ အလုပ်ပြန်လာမယ့်အချိန်ရောက်ရင်လည်း အချိန်မှန် ဘူတာမှာ သွားစောင့်နေတတ်ပါတယ်။ တစ်နေ့မှာတော့ သူ့ရဲ့ သခင်ဖြစ်သူဟာ မမျှော်လင့်ဘဲ လောကကြီးထဲကနေ ထွက်ခွာ