အချစ်ဇာတ်လမ်းများ

မာစီမိုဟာ အီတလီက အင်အားကြီးမာဖီးယားမိသားစုတစ်စုရဲ့ သားဖြစ်ပါတယ်။ ဖခင်ဖြစ်သူ သေနတ်ပစ်ခံရပြီး သေဆုံးခဲ့တဲ့အချိန်မှာ မိန်းကလေးတစ်ယောက်ကို သူတွေ့ခဲ့တယ်။ နောက်ပိုင်း မာဖီးယားဂိုဏ်းကို ဆက်ခံသူဖြစ်လာပေမယ့် အဲဒီမိန်းကလေးကိုတော့ မမေ့နိုင်ဘဲ ငါးနှစ်တိတိ လိုက်ရှာနေခဲ့ပါတယ်။ တစ်နေ့ မာဖီးယားဂိုဏ်းသားတွေ၊ ဒုစရိုက်သမားတွေနဲ့ စီးပွားရေးလုပ်ငန်းရှင်တွေပါတဲ့ တွေ့ဆုံပွဲတစ်ခုက အပြန်မှာ သူရှာနေတဲ့မိန်းကလေးကို လေဆိပ်မှာ ပြန်တွေ့သွားတယ်။ ငါးနှစ်ကြာရှာခဲ့ရသူကို အခုလိုပြန်တွေ့လိုက်ရတဲ့နောက် ဘာတွေဖြစ်လာမလဲဆိုတာကနေ ဇာတ်လမ်းဆက်သွားပါတယ်။ အီတလီနဲ့ ပိုလန်နိုင်ငံတို့ရဲ့ ၂၀၂၀ ခုနှစ် ရုပ်ရှင်ဖြစ်ပြီး လိင်ပိုင်းဆိုင်ရာအခန်းတွေ အများအပြားပါဝင်သလို နောက်ခံတေးဂီတကိုလည်း မူရင်းအညွှန်းမှာ အသားပေးဖော်ပြထားပါတယ်။

Ishq-e-Nadaan မှာ အခြေအနေမတူကြတဲ့ စုံတွဲသုံးတွဲရဲ့ အချစ်ဇာတ်လမ်းတွေကို ဆက်စပ်တင်ပြထားပါတယ်။ တစ်ယောက်က ဘဝအတွက် ရုန်းကန်နေရင်း စီးပွားရေးလုပ်ငန်းရှင် အမျိုးသမီးတစ်ဦးနဲ့ ဆုံတွေ့လာသူပါ။ နောက်တစ်ယောက်ကတော့ သားနဲ့ချွေးမရဲ့အိမ်ကို အလည်သွားရာက မထင်မှတ်ထားသူတစ်ယောက်နဲ့ ဆုံမိပြီး အချစ်စိတ်တွေ ပြန်ပေါက်ဖွားလာသူ ဖြစ်ပါတယ်။ နောက်ထပ်ဇာတ်လမ်းတစ်ခုမှာတော့ မချစ်ရက်တော့တဲ့သူတစ်ဦးနဲ့ ချစ်တတ်လွန်းတဲ့သူတစ်ဦး ဆုံကြတယ်။ သူတို့တစ်ယောက်ချင်းစီက အချစ်ရဲ့အဓိပ္ပာယ်ကို ရှာဖွေရင်း ကိုယ့်အတွက် အချစ်ဆိုတာ ဘာလဲဆိုတဲ့ မေးခွန်းကို အဖြေရှာကြပါတယ်။ နီနာဂူပတာနဲ့ ဘောလိဝုဒ်သရုပ်ဆောင်များ ပါဝင်ထားတဲ့ ၂၀၂၃ ခုနှစ် ဟင်ဒီအချစ်ဒရာမာကားပါ။

ဗီယင်နာမြို့က ဆာဟာကဖေးဆိုင်မှာ နေ့လယ် ၃ နာရီရောက်တိုင်း လူတစ်ယောက်ကို လာစောင့်နေတတ်တဲ့ ကားလ်ဆိုတဲ့ ကောင်လေးတစ်ယောက် ရှိပါတယ်။ သူစောင့်နေတာက ဘာလင်မှာ ခဏတာဆုံခဲ့ဖူးတဲ့ နီနီပါ။ နှစ်ယောက်သား တွေ့ဆုံခဲ့ကြပေမယ့် အကြောင်းကြောင်းကြောင့် နောက်ပိုင်းမှာ ဆက်သွယ်လို့မရတော့ဘူး။ နီနီနဲ့ပတ်သက်လို့ ကားလ်သိထားတာက သူဟာ ဗီယင်နာမြို့သူဖြစ်တယ်၊ မွေးနေ့တိုင်း ဆာဟာကဖေးကို နေ့လယ် ၃ နာရီတိတိ လာပြီး ဆာဟာတိုတာလို့ခေါ်တဲ့ ဩစတြီးယားချောကလက်ကိတ် စားတတ်တယ်ဆိုတာပါပဲ။ အဲဒီအချက်လေးတွေကို အားကိုးပြီး နီနီနဲ့ပြန်ဆုံဖို့ ကားလ်က နေ့တိုင်း ဆိုင်မှာလာစောင့်နေခဲ့တယ်။ အချစ်ရဲ့သိမ်မွေ့မှုနဲ့ ရှုပ်ထွေးမှုတွေကို ဒီစောင့်ဆိုင်းမှုကနေ ဆက်ပြထားတဲ့ အချစ်ဟာသဒရာမာဇာတ်လမ်းပါ။

ရှောင်ဟုံက ရုပ်ရည်ချောပေမယ့် အချစ်ရေးအတွေ့အကြုံမရှိသေးဘဲ အမေရဲ့အထိန်းအချုပ်အောက်မှာ နေလာတဲ့ လူပျိုတစ်ယောက်ပါ။ သူ့ဘဝမှာ အနီးစပ်ဆုံးရှိနေတဲ့ အမျိုးသမီးဆိုလို့ အမေပဲရှိပြီး အဖော်အဖက်လည်း မရှိသေးဘူး။ သူ့မွေးနေ့မှာတော့ ဝမ်းကွဲအစ်ကိုက မွေးနေ့လက်ဆောင်ဆိုပြီး လိင်လုပ်သားတွေနဲ့ ပျော်ပါးဖို့ တွန်းအားပေးတာကြောင့် ဟိုတယ်တစ်ခုကို ရောက်သွားပါတယ်။ အဲဒီဟိုတယ်မှာ အိမ်ထောင်ကွဲထားပြီး ကလေးကို တစ်ယောက်တည်းပြုစုနေတဲ့ အစ်မလဲ့လဲ့နဲ့ ဆုံမိရာက ရှောင်ဟုံရဲ့ဘဝထဲ အပြောင်းအလဲတစ်ခု ဝင်လာတယ်။ ရိုးရိုးအေးအေးနေတတ်တဲ့ သူက အမေရဲ့အထိန်းအချုပ်ကြားကနေ အစ်မလဲ့လဲ့ကို ဘယ်လိုချဉ်းကပ်မလဲ၊ သူ့ရဲ့ပထမဆုံးအချစ်ကရော အဆင်ပြေပါ့မလား။ ထိုင်ဝမ်အချစ်ဒရာမာကားဖြစ်ပြီး ရှောင်ဟုံအဖြစ် Kai Ko က သရုပ်ဆောင်ထားပါတယ်။

Arjun ဟာ ငယ်ငယ်ကတည်းက လူတွေနဲ့ စကားပြောရတာထက် စာအုပ်ဖတ်ရတာကို ပိုနှစ်သက်တဲ့ လူငယ်တစ်ယောက်ပါ။ ဖတ်နေတဲ့ ဇာတ်လမ်းထဲက ဇာတ်ကောင်နေရာမှာ ကိုယ့်ကိုယ်ကိုယ် ထည့်ပြီး စိတ်ကူးခံစားတတ်တယ်။ ပင်ကိုက အေးအေးဆေးဆေး တစ်ယောက်တည်း နေတတ်တဲ့အပြင် OCD လည်းရှိတာကြောင့် လူတွေနဲ့ အဆင်ပြေပြေ ပေါင်းသင်းဖို့ ခက်ခဲ့ပါတယ်။ တစ်နေ့မှာတော့ လူတစ်ယောက်နဲ့ တွေ့ဆုံပြီး နှစ်လအကြာမှာ လက်ထပ်ဖို့အထိ ဖြစ်လာတယ်။ ဘဝလေး စိုပြေလာပြီလို့ ထင်နေတုန်း မထင်မှတ်ဘဲ မင်္ဂလာပွဲ ပျက်သွားတဲ့အခါ Arjun စိတ်ဓာတ်ကျသွားပါတယ်။ အဲဒီနောက် အသိဆရာဝန်တစ်ယောက် ရေးထားတဲ့ ဝတ္ထုနှစ်ပုဒ်ကို ဖတ်မိပေမယ့် ဇာတ်သိမ်းတွေကိုတော့ မသိရသေးဘူး။ အရာရာ ပြည့်စုံမှဖြစ်မယ်ဆိုတဲ့စိတ်ရှိတဲ့ Arjun ဟာ အပြင်လောကမှာ တကယ်ရှိနေတဲ့ အဲဒီဇာတ်လမ်းတွေရဲ့အဆုံးသတ်ကို သိရဖို့ ခရီးထွက်လာပါတော့တယ်။ လမ်းမှာ Shubathra နဲ့တွေ့ပြီး အတူခရီးဆက်ဖြစ်သွားကြတယ်။ သူတို့ ဘာတွေကြုံရမလဲ၊ ဝတ္ထုနှစ်ပုဒ်က ဘယ်လိုအဆုံးသတ်မလဲ၊ ဒီခရီးကနေ Arjun ရဲ့ဘဝမှာရော ဘာတွေပြောင်းလဲလာမလဲ။

The Wedding Veil Trilogy ရဲ့ ဒုတိယကားမှာတော့ မင်္ဂလာမျက်နှာလွှားဇာကို အတူဝယ်ခဲ့ကြတဲ့ သူငယ်ချင်းသုံးယောက်ထဲက Emma ရဲ့အကြောင်းကို ဆက်ပြထားပါတယ်။ အဝေးရောက်ချစ်သူက နောက်တစ်ယောက်နဲ့ တွဲသွားလို့ အသည်းကွဲနေတဲ့ Emma ဟာ အီတလီကို စာသင်ဖို့ ထွက်လာခဲ့တယ်။ သူတို့ဝယ်ထားတဲ့ ဇာထည်ကလည်း အီတလီကဖြစ်နေတော့ မူလဇာစ်မြစ်ကို စုံစမ်းချင်တာနဲ့ တစ်ပါတည်း ယူလာခဲ့ပါတယ်။ အီတလီမှာ စာသင်ရင်း ဇာထည်အကြောင်း လိုက်စုံစမ်းနေတုန်း Paolo ဆိုတဲ့လူတစ်ယောက်နဲ့ ဆုံဖြစ်သွားတယ်။ တိုက်ဆိုင်မှုတွေကြားကနေ နှစ်ယောက်အတူ ဇာထည်ရဲ့ဇာစ်မြစ်ကို ဆက်ရှာဖြစ်ကြပြီး အချစ်စိတ်တွေလည်း ပေါ်လာကြပါတယ်။ ဒါပေမယ့် အဝေးကနေချစ်ရတဲ့ ဆက်ဆံရေးကို ကြောက်နေပြီဖြစ်တဲ့ Emma အတွက် သမုဒ္ဒရာခြားနေမယ့် လူနှစ်ယောက်ရဲ့အချစ်ကို တွေးကြည့်ရုံနဲ့တင် မလွယ်ပါဘူး။ သူတို့နှစ်ယောက်ရဲ့အကြောင်းနဲ့ ဇာထည်နောက်ကသမိုင်းကို အီတလီရဲ့ ရှုခင်းတွေ၊ သမိုင်းပုံပြင်တွေနဲ့အတူ ဆက်ပြထားပါတယ်။

မာရီယာဟာ ကလေးကို တစ်ယောက်တည်း ပြုစုပျိုးထောင်နေတဲ့ မိခင်တစ်ယောက်ဖြစ်ပြီး ပစ္စည်းပို့ကုမ္ပဏီမှာ အလုပ်လုပ်နေပါတယ်။ ခရစ်စမတ်အကြိုနေ့မတိုင်ခင် တစ်ရက်မှာ သူပို့ရမယ့် ပစ္စည်းတွေပေါ်ကို ကြီးကြပ်ရေးမှူးက လိပ်စာတွေ တလွဲကပ်ပေးလိုက်တာကြောင့် ပြဿနာအကြီးအကျယ် တက်ပါတော့တယ်။ လိပ်စာမှားပြီး ပို့မိသွားတဲ့ ပစ္စည်းတွေကို မာရီယာက ခရစ်စမတ်အကြိုနေ့မှာ ပြန်လိုက်ပို့ရတယ်။ ဒီလိုအမှားတွေကို လိုက်ဖြေရှင်းနေရင်း အချစ်နဲ့ ဘယ်လိုဆုံတွေ့လာမလဲဆိုတာကို ဟာသနှောထားတဲ့ ခရစ်စမတ်အချစ်ဇာတ်ကားပါ။

ခရစ်စမတ်အားလပ်ရက်မှာ လူအမျိုးမျိုး လာရောက်တည်းခိုကြတဲ့ ဟိုတယ်တစ်ခုမှာ ဂျော်ဂျီယာက မန်နေဂျာအဖြစ် အလုပ်လုပ်နေပါတယ်။ သူက အလုပ်ကြိုးစားသလို ရည်မှန်းချက်လည်း ကြီးတဲ့သူပါ။ ကိုယ့်ဘဝမှာ ကိုယ်ပိုင်ဆိုင်တယ်လို့ လက်ဆုပ်လက်ကိုင်ပြနိုင်မယ့် အရာတစ်ခုကို လိုချင်နေခဲ့တယ်။ အခွင့်အရေးတစ်ခု ရလာတဲ့အခါ ဂျော်ဂျီယာက အမိအရ ဆုပ်ကိုင်ဖို့ ကြိုးစားပါတော့တယ်။ အဲဒီကြိုးစားမှုမှာ ဘယ်လိုအလွဲတွေ ကြုံရမလဲ၊ သူမျှော်လင့်ထားတဲ့ အိပ်မက်တွေကို အကောင်အထည်ဖော်နိုင်မလားဆိုတာကို ဟိုတယ်ဧည့်သည်တွေရဲ့ ဇာတ်ကြောင်းတွေနဲ့အတူ ဟာသနှောပြီး ပြထားတဲ့ ခရစ်စမတ်အချစ်ဇာတ်ကားပါ။

ဘဝမှာ ဘာမှဖြစ်ဖြစ်မြောက်မြောက် မရှိလို့ လူမိုက်လုပ်နေသော်လည်း အဲဒီအလုပ်မှာတောင် နေရာမရတဲ့ လူတစ်ယောက် ရှိပါတယ်။ တစ်ဖက်မှာလည်း တရုတ်ပြည်မှာ အားကိုးစရာမရှိတော့လို့ ကိုရီးယားကို ရောက်လာတဲ့ မိန်းကလေးတစ်ယောက် ရှိတယ်။ ကိုရီးယားမှာရှိတဲ့ အဒေါ်တွေက အမေရိကန်ကို ပြောင်းသွားကြပြီဖြစ်လို့ သူလည်း တစ်ယောက်တည်း ကျန်နေရစ်ပါတယ်။ အဲဒီမိန်းကလေး ကိုရီးယားမှာ နေထိုင်နိုင်ဖို့ အေဂျင်စီတစ်ခုက သူတို့နှစ်ယောက်ကို လင်မယားအဖြစ် မှတ်ပုံတင်ပေးထားတယ်။ ဒါပေမဲ့ သူတို့ဟာ မျက်နှာချင်းဆိုင် တစ်ခါမှ မဆုံဖူးကြပါဘူး။ တစ်ယောက်ကိုတစ်ယောက်တော့ တစ်ကြိမ်စီပဲ မြင်ဖူးကြပါတယ်။ သူတို့ကြားက အဆက်အစပ်က လက်ထပ်ထားတဲ့ စာချုပ်တစ်ခု၊ လည်စည်းနီလေးတစ်ထည်နဲ့ စာနှစ်စောင်ပါပဲ။ အခက်အခဲတွေကြားက ဒီလူနှစ်ယောက်ရဲ့ အချစ်အကြောင်းကို ဇာတ်လမ်းက ပြောပြထားပါတယ်။ Failan ဟာ Song Hae-sung ရိုက်ကူးထားတဲ့ ကိုရီးယားအချစ်ဒရာမာဖြစ်ပြီး ချွဲမင်ဆစ်နဲ့ ဟောင်ကောင်မင်းသမီး Cecilia Cheung တို့ ပါဝင်ထားပါတယ်။ Song Hae-sung က Calla၊ One Day နဲ့ Maundy Thursday တို့ကိုလည်း ရိုက်ကူးခဲ့သူပါ။ ချွဲမင်ဆစ်က Old Boy၊ Lady Vengeance နဲ့ I Saw The Devil တို့မှာ ကြမ်းတမ်းတဲ့ဇာတ်ရုပ်တွေ သရုပ်ဆောင်ခဲ့သလို ဒီကားနဲ့ The Quiet Family တို့မှာတော့ ဟာသဆန်တဲ့ ဇာတ်ရုပ်မျိုးကို သရုပ်ဆောင်ထားပါတယ်။ Cecilia Cheung ကတော့ စတီဖင်ချောင်ရဲ့ King of Comedy နဲ့အတူ အောင်မြင်လာခဲ့သူဖြစ်ပြီး ဒန်နီရယ

အဲလစ်ဇဘတ်ဟာ နေ့တိုင်း အလုပ်ထဲမှာပဲ အချိန်ကုန်နေတဲ့ ဆရာဝန်မလေးတစ်ယောက်ပါ။ တစ်နေ့မှာတော့ သူ ကားမတော်တဆမှုတစ်ခု ကြုံလိုက်ရတယ်။ အဲဒီနောက် သုံးလအကြာမှာ ဇနီးကွယ်လွန်သွားတာကို မမေ့နိုင်သေးတဲ့ ဒေးဗစ်အက်ဘော့ဟာ ဆန်ဖရန်စစ္စကိုမြို့က အဲလစ်ဇဘတ်ရဲ့ တိုက်ခန်းဟောင်းဆီ ပြောင်းလာခဲ့ပါတယ်။ တိုက်ခန်းမှာ ဒေးဗစ်တွေ့လိုက်ရတာက ဒီနေရာဟာ သူ့တိုက်ခန်းလို့ ပြောပြီး ရန်လုပ်နေတဲ့ အဲလစ်ဇဘတ်ရဲ့ ဝိညာဉ်ပါပဲ။ ထူးဆန်းတာက အဲလစ်ဇဘတ်ကို ဒေးဗစ်တစ်ယောက်တည်းကပဲ မြင်နေရတာပါ။ သူ့ကို ဘာကြောင့် ဒေးဗစ်ကပဲ မြင်နိုင်တာလဲ၊ အဲလစ်ဇဘတ် တကယ်ပဲ သေဆုံးသွားပြီလားဆိုတာကလည်း မရှင်းသေးပါဘူး။ Reese Witherspoon နဲ့ Mark Ruffalo တို့ ပါဝင်ထားတဲ့ ဒီစိတ်ကူးယဉ်အချစ်ဇာတ်လမ်းမှာ မတည့်ဘဲ အတူနေနေရတဲ့ သူတို့နှစ်ယောက်ရဲ့ ခံစားချက်တွေ ဘယ်လိုပြောင်းလဲလာမလဲ၊ ဒီလိုထူးဆန်းစွာ ဆုံတွေ့ရတဲ့ အကြောင်းရင်းက ဘာလဲ၊ နောက်ဆုံးမှာ အတူရှိနိုင်ကြမလားဆိုတာကို ဆက်ပြထားပါတယ်။

Love You My Arrogance ပထမကားအပြီး နှစ်နှစ်အကြာမှာ ထွက်လာတဲ့ အဆက်ကားပါ။ စာရေးဆရာမ အန်နာနဲ့ YouTuber ဆန်တို့ဟာ စကားတွေပြောဖြစ်ပြီး ရင်းနှီးနေကြပေမယ့် သူငယ်ချင်းမက ရည်းစားမကျ အခြေအနေမှာပဲ ရပ်နေကြပါတယ်။ အန်နာက ဆန်ကို ဖွင့်ပြောလာစေချင်ပေမယ့် ဆန်ဘက်ကလည်း မပြော၊ ကိုယ်တိုင်ကလည်း စမပြောနိုင်နဲ့ အကြပ်ရိုက်နေတယ်။ ဗီဒီယိုပြိုင်ပွဲတစ်ခု ကျင်းပတဲ့အခါ ဆန်က ဆုကြေးရဖို့ ဝင်ပြိုင်လိုက်ပါတယ်။ အဲဒီပြိုင်ပွဲမှာ အန်နာ့ချစ်သူဟောင်း တွန်လည်း ပါလာတယ်။ တွန်က ထိုင်းနိုင်ငံရဲ့ ထိပ်တန်းငါးဦးစာရင်းဝင် ခရီးသွား YouTuber တစ်ယောက်ဖြစ်ပြီး ပြိုင်ပွဲဝင်ရင်း အန်နာ့အချစ်ကိုပါ ပြန်ရဖို့ ကြိုးစားလာပါတယ်။ အန်နာကလည်း ဆန် ဖွင့်ပြောလာအောင် နည်းမျိုးစုံနဲ့ ကြိုးစားနေတော့ ဆန်က သဝန်တိုပြီး ချစ်ကြောင်းပြောလာမလား၊ တွန်ကပဲ အန်နာ့စိတ်ကို ပြန်ပြောင်းနိုင်မလား။ ဗီဒီယိုပြိုင်ပွဲနဲ့ အချစ်ရေးနှစ်ခုစလုံးမှာ ဆန်နဲ့ တွန် ဘယ်သူ အသာရမလဲဆိုတာ ဆက်ကြည့်ရမှာပါ။ ဆန်အဖြစ် Nine Naphat၊ အန်နာအဖြစ် Mild Lapassalan နဲ့ တွန်အဖြစ် Oab Oabnithi တို့ ပါဝင်ထားပါတယ်။

၁၉၃၀ ပြည့်နှစ်ဝန်းကျင် တရုတ်အသံတိတ်ရုပ်ရှင်ခေတ်က နာမည်ကျော်မင်းသမီး ရွမ်လင်းယုရဲ့ဘဝကို Center Stage မှာ ပြန်လည်ပုံဖော်ထားပါတယ်။ Rouge (1987) ကို ရိုက်ကူးခဲ့တဲ့ ဒါရိုက်တာ Stanley Kwan ရဲ့ လက်ရာဖြစ်ပြီး ဇာတ်လမ်းအဖြစ် သရုပ်ဆောင်ပြတာနဲ့ မှတ်တမ်းရုပ်ရှင်ပုံစံ ဆွေးနွေးတာကို တစ်လှည့်စီ တွဲပြထားတယ်။ ဒါရိုက်တာနဲ့ သရုပ်ဆောင်တွေက သူတို့မမွေးခင်က နာမည်ကြီးခဲ့တဲ့ မင်းသမီးရဲ့ဘဝကို နှစ်ပေါင်းများစွာကြာမှ ပြန်ခြေရာကောက်ကြတာပါ။ ရွမ်လင်းယုဟာ ၁၉၂၇ ခုနှစ်မှာ သရုပ်ဆောင်စလုပ်ခဲ့ပြီး ရှစ်နှစ်တာအတွင်း ရုပ်ရှင်သုံးဆယ်ကျော် ရိုက်ကူးခဲ့သူဖြစ်ပါတယ်။ သရုပ်ဆောင်အဖြစ် အောင်မြင်လာပေမယ့် ကိုယ်ရေးကိုယ်တာဘဝမှာတော့ အိမ်ထောင်ရေးအရှုပ်အရှင်းတွေ ရှိနေခဲ့တယ်။ သူ့အပြစ်လို့ တစ်ဖက်သတ်ပြောလို့မရတဲ့ ကိစ္စတွေမှာတောင် လူတွေက သူ့ကိုပဲ အပြစ်မြင်ကြပြီး အတင်းအဖျင်းတွေရဲ့ ဖိအားကို ရင်ဆိုင်ခဲ့ရပါတယ်။ ရုပ်ရှင်က သူ့တစ်ယောက်ရဲ့ဘဝကိုသာ ပြတာမဟုတ်ဘဲ အဲဒီခေတ်က မင်းသမီးတွေ၊ ဒါရိုက်တာတွေ၊ ရုပ်ရှင်တွေနဲ့ တရုတ်ရုပ်ရှင်လောကရဲ့ အခြေအနေတွေကိုလည်း ပြန်ဖော်ပြထားတယ်။ မှတ်တမ်းရုပ်ရှင်ပုံစံ အပိုင်းတွေမှာတော့ ရိုက်ကူးရေးအဖွဲ့သားတွေက အဲဒီအကြောင်းတွေကို ဝိုင်းဝန်းဆွေးနွေးကြပါတယ်။ ရွမ်လင်းယုအဖြစ် သရုပ်ဆောင်တဲ့ မက်ဂီချောင်အတွက်လည်း ဒီကားက အရေးပါတဲ့ အလှည့်အပြောင်းတစ်ခု ဖြစ်ခဲ့တယ်။ မက်ဂီက သူနဲ့ ရွမ်လင်းယုတို့ နှစ်ယောက်စလုံး နောက်ပိုင်းမှ ဇာတ်ကောင်ကောင်းတွေ

ဖင်လန်ဇာတ်ကား Girl Picture က ရင်းနှီးတဲ့ မိန်းကလေးသုံးယောက် ကိုယ့်အခက်အခဲနဲ့ကိုယ် ရင်ဆိုင်နေရပုံကို အလှည့်အပြောင်းကြီးတွေမပါဘဲ အေးအေးဆေးဆေး ပြထားပါတယ်။ မင်မီက ငယ်ငယ်တုန်းက အမေတစ်ခု သမီးတစ်ခု နေခဲ့ရပြီး အမေ့အချစ်တွေအားလုံး ရခဲ့သူပါ။ အမေက အချစ်သစ်နဲ့တွေ့ပြီး သားလေးတစ်ယောက် မွေးလာတဲ့နောက်မှာတော့ မင်မီက အပြင်မှာ သူငယ်ချင်းတစ်ယောက်နဲ့ နေနေတယ်။ အပြင်ပန်းမှာ မာကြောသလို ဟန်ဆောင်ထားပေမယ့် စိတ်ဖိစီးမှုတွေကို ခံစားနေရပါတယ်။ ရွန်ကိုကတော့ ပျော်ပျော်နေတတ်သူဖြစ်ပေမယ့် လိင်ဆက်ဆံရာမှာ သူမျှော်လင့်သလို စိတ်ကျေနပ်ပြည့်ဝမှု မရဘူး။ တခြားသူတွေလို ခံစားပျော်ရွှင်နိုင်ချင်လို့ ပါတီတွေကို အခါအားလျော်စွာ သွားရင်း သူ့အတွက် ခံစားချက်အစစ်အမှန် ရစေမယ့်သူကို ရှာနေပါတယ်။ အမ်မာက ရေခဲပြင်စကိတ်အလှစီးအားကစားကို တစ်ဘဝလုံး လေ့ကျင့်လာသူပါ။ သူ့ပန်းတိုင်တစ်ခုဖြစ်တဲ့ ဥရောပချန်ပီယံရှစ်ပြိုင်ပွဲ နီးလာမှ အမှားတွေ ဆက်တိုက်လုပ်မိနေတာကြောင့် ဒီအားကစားကိုပဲ စွန့်လွှတ်ရတော့မလား စဉ်းစားနေတယ်။ သူတို့သုံးယောက်ရဲ့ဘဝတွေ ဘယ်လိုဆက်နွယ်ပြီး ကြုံနေရတဲ့ အခက်အခဲတွေကို ဘယ်လိုရင်ဆိုင်ကြမလဲဆိုတာ ဇာတ်လမ်းမှာ ဆက်တွေ့ရမှာပါ။

ဝူဟုန်ချီလို့ခေါ်တဲ့ လောင်ဝူဟာ ဇနီးဆုံးပါးသွားပြီးနောက် သားကိုစောင့်ရှောက်ရင်း မုဆိုးဖိုဘဝနဲ့ နေလာခဲ့သူပါ။ အခုတော့ အလွယ်တကူ မေ့လျော့တတ်တဲ့ အယ်လ်ဇိုင်းမားရောဂါကို ခံစားနေရပါတယ်။ သားဖြစ်သူ ရှောင်ဝူကလည်း မိခင်ဆုံးပြီးကတည်းက ဖခင်နဲ့ သဘောထားမတိုက်ဆိုင်တာတွေ ရှိပေမယ့် သူ့ကို စောင့်ရှောက်ပေးနေခဲ့တယ်။ တစ်နေ့ လောင်ဝူဟာ အသိစိတ်လွတ်ပြီး မြစ်ထဲခုန်ချမိတာကြောင့် ဆေးရုံတင်လိုက်ရပါတယ်။ ဆေးရုံစရိတ်ပေးဖို့ ဖခင်သိမ်းထားတဲ့ ဘဏ်စာအုပ်ကို ရှောင်ဝူ လိုက်ရှာရင်း မိခင်ရဲ့ဒိုင်ယာရီကို မတော်တဆ တွေ့သွားတယ်။ အဲဒီအချိန်မှာပဲ ထူးထူးဆန်းဆန်းနဲ့ ၁၉၈၀ ခုနှစ်ဆီ အချိန်ခရီးရောက်သွားပြီး မိဘနှစ်ပါး ပထမဆုံးတွေ့ဆုံမှုကို ဝင်နှောင့်ယှက်မိပါတော့တယ်။ သူ့ကြောင့် လွဲသွားတာတွေကို ပြန်ပြင်ဖို့ အတိတ်ဆီပြန်သွားဖို့ ကြိုးစားတဲ့အခါ ဘယ်လိုထူးဆန်းမှုတွေ ထပ်ကြုံရမလဲ၊ ဖခင်နဲ့မိခင်တို့ရဲ့ တွေ့ဆုံမှုကို ပြန်အဆင်ပြေအောင် လုပ်ပေးနိုင်ပါ့မလားဆိုတာကို ဟာသနဲ့တွဲပြီး ဆက်ပြထားပါတယ်။

ဒုတိယကမ္ဘာစစ်အတွင်း နာဇီဂျာမန်တွေရဲ့ ယူ-ဘုတ်ရေငုပ်သင်္ဘောတွေဟာ နေရာအနှံ့က ပေါ်လာပြီး အင်္ဂလန်ကို ထောက်ပံ့မယ့် လက်နက်ခဲယမ်းနဲ့ ရိက္ခာတင်သင်္ဘောတွေကို တိုက်ခိုက်ဖျက်ဆီးနေပါတယ်။ အဲဒီတိုက်ခိုက်မှုတွေကြောင့် အင်္ဂလန်ဟာ အကြီးအကျယ် အကျပ်ရိုက်နေရတယ်။ ရေငုပ်သင်္ဘောတွေကို ရှောင်နိုင်ဖို့နဲ့ ပြန်လည်တိုက်ခိုက်နိုင်ဖို့အတွက် ဂျာမန်တွေ ဆက်သွယ်ရာမှာသုံးတဲ့ Enigma စက်ရဲ့ ဝှက်စာအသံလွှင့်ချက်တွေကို ဖော်ထုတ်နိုင်ဖို့ လိုနေပါတယ်။ ဒီအခြေအနေထဲမှာ သင်္ချာပညာရှင်တစ်ယောက်၊ ပျောက်ဆုံးနေတဲ့ သူ့ချစ်သူ၊ စုံထောက်အရာရှိတစ်ယောက်နဲ့ သူလျှိုတစ်ယောက်တို့ ပါဝင်လာကြတယ်။ သူတို့ကြားက လှည့်ကွက်တွေ၊ အားပြိုင်မှုတွေ၊ အတ္တနဲ့ ချစ်ခြင်းမေတ္တာတွေဟာ စစ်ပွဲရဲ့ အနိုင်အရှုံးအထိ သက်ရောက်နိုင်မလားဆိုတာကို ဆက်ပြထားပါတယ်။ Dougray Scott နဲ့ Kate Winslet တို့ အဓိကပါဝင်သရုပ်ဆောင်ထားတဲ့ စစ်ပွဲနောက်ခံ အချစ်ဒရာမာပါ။

မိဘနှစ်ပါးလုံး ဆုံးပါးသွားပြီး အစ်ကိုကလည်း ငယ်ငယ်ကတည်းက အိမ်မှာမနေတော့တဲ့နောက် သူဟာ ကားဂိုဒေါင်ထဲမှာ တစ်ယောက်တည်း နေထိုင်လာခဲ့ပါတယ်။ တစ်ယောက်တည်း နေသားကျလာလို့ လူတွေနဲ့လည်း သိပ်စကားမပြောတော့ဘဲ တိတ်တိတ်ဆိတ်ဆိတ်ပဲ အချိန်ကုန်နေတတ်တယ်။ အစ်ကိုလင်မယား အိမ်ပြန်ရောက်လာတဲ့အခါ ညီဖြစ်သူရဲ့ အထီးကျန်နေတဲ့ဘဝကို တွေ့သွားကြပါတယ်။ သူ့အတွက် အဖော်ရစေချင်လို့ ကောင်မလေးတစ်ယောက်နဲ့ မိတ်ဆက်ပေးလိုက်ကြတယ်။ Ryan Gosling အဓိကသရုပ်ဆောင်ထားတဲ့ အချစ်၊ ဟာသနဲ့ ဒရာမာရောစပ်ထားသော ဇာတ်ကားဖြစ်ပြီး အော်စကာဆုတစ်ဆုအတွက်လည်း ဆန်ကာတင်စာရင်း ဝင်ခဲ့ပါတယ်။

မွေးကတည်းက မိခင်ဆုံးပါးခဲ့တဲ့ Thérèse ဟာ ဖခင်ရဲ့ စွန့်ပစ်မှုကိုပါ ခံခဲ့ရပြီး အဒေါ့်အိမ်မှာ ကြီးပြင်းလာပါတယ်။ အရွယ်ရောက်တဲ့အခါ အဒေါ်က သူ့သား Camille နဲ့ လက်ထပ်ပေးလိုက်တယ်။ ဒါပေမယ့် ချစ်ခြင်းမရှိတဲ့ အိမ်ထောင်ရေးမှာ Thérèse မပျော်ရွှင်နိုင်ပါဘူး။ နောက်တော့ မိသားစုလိုက် ပဲရစ္စကို ပြောင်းရွှေ့အခြေချကြပါတယ်။ တစ်ညမှာ Camille က သူ့သူငယ်ချင်း Laurent ကို အိမ်ဖိတ်လာရာက Thérèse နဲ့ ဆုံမိကြတယ်။ ကိုယ့်ဆန္ဒတွေကို အမြဲဖိနှိပ်နေခဲ့ရတဲ့ Thérèse ဟာ Laurent နဲ့ ဖောက်ပြန်မိသွားပါတယ်။ သူတို့နှစ်ယောက်ရဲ့ ဆက်ဆံရေး ဆက်လက်နက်ရှိုင်းလာတာနဲ့အမျှ မဖြစ်သင့်တဲ့ အဖြစ်အပျက်တွေ ပေါ်လာပြီး အခြေအနေက ပိုဆိုးလာတော့တယ်။ ၂၀၁၃ ခုနှစ်ထွက် ဒီမှုခင်းဒရာမာမှာ Thérèse အဖြစ် Elizabeth Olsen၊ Camille အဖြစ် Tom Felton နဲ့ Laurent အဖြစ် Oscar Isaac တို့ သရုပ်ဆောင်ထားပါတယ်။

ဆရီးကူမားက အိမ်ထောင်မကျသေးလို့ အမေကိုယ်တိုင် ချွေးမလိုက်ရှာပေးနေရတဲ့ လူပျိုကြီးပါ။ သူ့မှာတော့ သဘောကျနေတဲ့ မိန်းကလေး ရှိနေပြီး သူတို့ရုံးနဲ့ မျက်စောင်းထိုးရုံးမှာ အလုပ်လုပ်တဲ့ စင်ဒူပဲ ဖြစ်ပါတယ်။ ဆရီးထိုင်တဲ့နေရာကနေ ပြတင်းပေါက်ကို ကြည့်လိုက်ရင် စင်ဒူထိုင်တဲ့နေရာကို အတိုင်းသားမြင်ရတော့ နေ့တိုင်း ရုံးတက်ရင်း သူ့ကို ငေးနေမိတယ်။ စင်ဒူက ခေတ်ဆန်တဲ့ မိန်းကလေးဖြစ်ပေမယ့် ဆရီးကတော့ အရက်ဆိုင်ရောက်ရင်တောင် အအေးပဲ မှာသောက်တတ်သူပါ။ မိန်းကလေးတစ်ယောက်ကို ဘယ်လို ချဉ်းကပ်ရမလဲဆိုတာ ဦးလေးဖြစ်သူက သင်ပေးနေရတဲ့အထိ အချစ်ရေးမှာ မကျွမ်းကျင်ဘူး။ သူတို့နှစ်ယောက်ကြားက ဆက်ဆံရေးဟာ ဆရီးမျှော်လင့်ထားသလို ဖြစ်လာမလား၊ ဘယ်လိုအလှည့်အပြောင်းတွေ ကြုံလာရမလဲဆိုတာကို ဆက်ပြထားပါတယ်။ ဒီအချစ်ဇာတ်ကားဟာ ၂၀၁၈ ခုနှစ်ထွက် Pyaar Prema Kaadhal ကို ပြန်လည်ရိုက်ကူးထားတာပါ။

သီချင်းဆိုရင်း အသက်မွေးဖို့ နယ်မြို့လေးကနေ ထွက်လာတဲ့ Sherrie ဟာ လော့စ်အိန်ဂျလိစ်က Sunset Strip ကို ရောက်ရောက်ချင်း လုယက်ခံလိုက်ရပါတယ်။ အဲဒီမှာ နာမည်ကြီး Bourbon Room မှာ အချိန်ပိုင်းအလုပ်လုပ်နေတဲ့ Drew နဲ့ ဆုံမိပြီး သူကိုယ်တိုင်လည်း အဲဒီနေရာမှာ အလုပ်ရလာတယ်။ ဝါသနာတူတဲ့ ဒီလူငယ်နှစ်ယောက်ဟာ ကိုယ့်အနုပညာလမ်းကို လျှောက်ဖို့ အခွင့်အရေး ရလာကြပါတယ်။ တစ်ဖက်မှာတော့ တစ်ခေတ်တစ်ခါက အလွန်ကျော်ကြားခဲ့တဲ့ ရော့ခ်အဆိုတော် Stacee Jaxx ရှိနေတယ်။ Tom Cruise သရုပ်ဆောင်ထားတဲ့ ဒီအဆိုတော်ဟာ လူမှုရေးပြဿနာတချို့ကြောင့် အနုပညာအလုပ်တွေ ရပ်တန့်နေတာ ကြာပါပြီ။ အခု Bourbon Room မှာ ပထမဆုံး တစ်ကိုယ်တော်ရှိုးပွဲလုပ်ပြီး အနုပညာခရီးကို ပြန်ဆက်ဖို့ ပြင်ဆင်နေပါတယ်။ ဒါပေမယ့် Stacee ရဲ့ ပြန်လာမှုက Sherrie နဲ့ Drew တို့ကြားမှာ အနှောင့်အယှက်တစ်ခု ဖြစ်လာတယ်။ အဆိုတော်ဖြစ်ဖို့ ကြိုးစားနေတဲ့ လူငယ်နှစ်ယောက်နဲ့ နာမည်ကျော်ဘဝဆီ ပြန်ဝင်လာချင်တဲ့ ရော့ခ်အဆိုတော်တို့အကြောင်းကို ဟာသအနည်းငယ်၊ သီချင်းများစွာနဲ့ တင်ဆက်ထားတဲ့ ဂီတဇာတ်ကားပါ။

တက္ကသိုလ်ဆရာတစ်ယောက်နဲ့ ကျောင်းသူတစ်ယောက် ချစ်သူတွေ ဖြစ်ခဲ့ကြပါတယ်။ ဒါပေမယ့် တစ်နေ့မှာ ကျောင်းသူက ကျောင်းနားသွားပြီး နှစ်ယောက်သား ဘာကြောင့်မှန်းမသိဘဲ ဆယ်နှစ်ကျော်ကြာ အဆက်အသွယ် ပြတ်သွားတယ်။ နောက်တော့ သူငယ်ချင်းတစ်ယောက်ရဲ့ အကူအညီနဲ့ အချစ်ဦးရှာဖွေရေးအေဂျင်စီကတစ်ဆင့် အဲဒီမိန်းကလေးကို ပြန်ရှာတွေ့လာပါတယ်။ ပြန်ဆုံကြတဲ့အခါ တစ်နှစ်စာအချစ်ကို တစ်ရက်နဲ့ ဖြည့်ဆည်းသလို ဆယ်နှစ်စာ လွမ်းခဲ့ရသမျှကို ဆယ်ရက်အတွင်း ဖြေဖျောက်ကြတယ်။ ဒါပေမယ့် သူတို့ပြန်ဆုံမှုမှာ သူငယ်ချင်းဖြစ်သူရဲ့ မမျှော်လင့်ထားတဲ့ သစ္စာဖောက်မှုလည်း ပါလာပါတယ်။ မိန်းကလေးတစ်ယောက်တည်းကိုပဲ ချစ်သူတော်မိနေကြတာလားလို့ မေးစရာ အခြေအနေတွေနဲ့အတူ ဆက်သွားတဲ့ လူကြီးအချစ်ဒရာမာပါ။

ဘော်ဘီဟာ ဂေးအသိုင်းအဝိုင်းမှာ သြဇာရှိပြီး လူအများ စံပြထားကြတဲ့သူတစ်ယောက်ပါ။ ဂေးတွေနဲ့ပတ်သက်တဲ့ အသံလွှင့်အစီအစဉ်တစ်ခုကိုလည်း လုပ်ကိုင်နေတယ်။ သူကိုယ်တိုင်ကတော့ အတည်တကျ ချစ်သူထားဖို့ စိတ်မကူးဘဲ Grindr ကနေ တွေ့တဲ့အမျိုးသားတွေနဲ့ ခဏတာ ဆက်ဆံရေးတွေပဲ ထားပြီး တစ်ကိုယ်တည်း နေလာခဲ့ပါတယ်။ တစ်နေ့ ဂေးပါတီတစ်ခုမှာ ဘော်ဘီနဲ့ အယ်ရွန်တို့ တွေ့ဆုံကြတယ်။ အယ်ရွန်က သေတမ်းစာရှေ့နေတစ်ယောက်ဖြစ်ပြီး ကိုယ့်အလုပ်ကို ငြီးငွေ့နေသူပါ။ သူလည်း ဘော်ဘီလိုပဲ အတည်တကျ ဆက်ဆံရေးတစ်ခု မလိုချင်ဘူး။ ဒါကြောင့် အစမှာ အပျော်သဘောပဲ တွဲခဲ့ကြပေမယ့် နောက်ပိုင်းမှာတော့ တစ်ယောက်ကိုတစ်ယောက် တကယ်ချစ်လာကြပါတယ်။ ကြီးပြင်းခဲ့တဲ့ အသိုင်းအဝိုင်းတွေ မတူကြတော့ နှစ်ယောက်ကြားမှာ အဖုအထစ်တွေ ပေါ်လာပြီး ညှိနှိုင်းကြရတယ်။ အဲဒီအခက်အခဲတွေကို အတူရင်ဆိုင်နိုင်မလား၊ လမ်းခွဲဖြစ်သွားမလားဆိုတာကို ဟာသနှောပြီး ပြထားပါတယ်။ LGBTQ အသိုင်းအဝိုင်း၊ အထူးသဖြင့် ဂေးတွေရဲ့ နေထိုင်မှုနဲ့ အပြောအဆိုတွေကို ပွင့်ပွင့်လင်းလင်း တင်ပြထားပြီး လိင်အသားပေးအခန်းတွေ များတာကြောင့် မိသားစုနဲ့အတူ ကြည့်ဖို့တော့ မသင့်တော်ပါဘူး။

ရှိတ်စပီးယားရဲ့ ရိုမီယိုနဲ့ ဂျူးလိယက်အကြောင်းကို ဒီတစ်ခါ ရိုမီယိုရဲ့ ရည်းစားဟောင်း ရိုဆာလင်းဘက်ကနေ ပြောပြထားပါတယ်။ ရိုမီယိုက ရိုဆာလင်းကို ချစ်လှပါချည်ရဲ့ဆိုပြီး ကဗျာတွေ၊ စာတွေနဲ့ ပိုးပန်းခဲ့ပေမယ့် တစ်နေ့မှာတော့ ရုတ်တရက် ပျောက်သွားတယ်။ ရိုဆာလင်းက သူ့နောက်ကို လိုက်ချောင်းကြည့်တော့ ကိုယ့်ကိုပိုးပန်းခဲ့တဲ့ နည်းတွေအတိုင်း နောက်တစ်ယောက်ကို ပိုးပန်းနေတာ တွေ့လိုက်ရပါတယ်။ ပိုဆိုးတာက ရိုမီယိုရဲ့ ချစ်သူအသစ်ဟာ ရိုဆာလင်းရဲ့ ဝမ်းကွဲညီမ ဂျူးလိယက် ဖြစ်နေတာပါ။ မခံချိမခံသာဖြစ်နေတဲ့ ရိုဆာလင်းက ရိုမီယိုကို ပြန်ရဖို့ အကြံတွေထုတ်တော့တယ်။ တစ်ဖက်မှာလည်း ဝမ်းကွဲညီမကို ရိုမီယိုနဲ့ ဝေးသွားအောင် ကြိုးစားပါတယ်။ ဟာသနှောထားတဲ့ ဒီအချစ်ဇာတ်လမ်းမှာ ရိုဆာလင်းရဲ့ အကြံတွေ အောင်မြင်မလား၊ ရိုမီယိုတို့ရဲ့ ဇာတ်လမ်းက မူရင်းအတိုင်းပဲ အဆုံးသတ်သွားမလားဆိုတာ စောင့်ကြည့်ရမှာပါ။

ချစ်သူနဲ့ ကွဲသွားပြီးနောက် အမှတ်တရတွေကို ဆက်ထိန်းထားချင်လို့ ကော်ဖီဆိုင်ကြီးတစ်ဆိုင်ကို ဝယ်ချင်နေတဲ့ ကောင်လေးတစ်ယောက်နဲ့ ဇာတ်လမ်းစထားပါတယ်။ Mokksha ပါဝင်သရုပ်ဆောင်ထားတဲ့ ဒီလူငယ်အချစ်ဇာတ်လမ်းက အလယ်အလတ်မိသားစုမှာ ကြီးပြင်းလာတဲ့ လက်ရှ်မန်ရဲ့အကြောင်းကို ပြောပြထားတာပါ။ ငယ်ငယ်က လိုချင်တာတွေ မရခဲ့တာကြောင့် လက်ရှ်မန်ဟာ ရည်မှန်းချက်ကြီးကြီးထားပြီး စာကိုပဲ အသည်းအသန် ကြိုးစားနေခဲ့တယ်။ အထက်တန်းကျောင်းသားဘဝမှာ မိန်းကလေးတစ်ယောက်ကြောင့် ရုံးခန်းရောက်ဖူးတော့ တက္ကသိုလ်အထိ မိန်းကလေးတွေနဲ့ ဝေးဝေးနေခဲ့ပါတယ်။ ဒါပေမယ့် တက္ကသိုလ်တက်တဲ့ ပထမနေ့မှာပဲ စီနီယာတွေက အနိုင်ကျင့်ခိုင်းလို့ လူကြိုက်များတဲ့ ဆယ်ရာ့ကို ရည်းစားစကား သွားပြောရတော့တယ်။ အရင်လို ရုံးခန်းရောက်ပြီး ကျောင်းထုတ်ခံရမှာကို ကြောက်နေပေမယ့် ဆယ်ရာက သူထင်ထားသလို မတုံ့ပြန်ခဲ့ပါဘူး။ အဲဒီကနေ နှစ်ယောက်သား ရင်းနှီးတဲ့သူငယ်ချင်းတွေ ဖြစ်သွားကြပါတယ်။ သူငယ်ချင်းအဖြစ်ကနေ သူတို့ဆက်ဆံရေး ဘယ်လိုပြောင်းလဲသွားမလဲ၊ လက်ရှ်မန်ရဲ့ ငယ်ဘဝအိပ်မက်တွေ အကောင်အထည်ပေါ်လာမလား၊ ဇာတ်လမ်းအစမှာ သူအသည်းကွဲနေရတဲ့ အကြောင်းက ဘာလဲဆိုတာကို ဆက်ပြောပြထားပါတယ်။

လူတစ်စု အပျော်စီးသင်္ဘောနဲ့ ခရီးထွက်လာကြရင်း သင်္ဘောမီးလောင်သွားပါတယ်။ သင်္ဘောဝန်ထမ်းတွေနဲ့ ခရီးသည်အများစု ဘာဖြစ်သွားမှန်း မသိရပေမယ့် ဝန်ထမ်းအမျိုးသားတစ်ယောက်နဲ့ အမျိုးသမီးတစ်ယောက်ကတော့ ကျွန်းတစ်ကျွန်းပေါ်မှာ အတူသောင်တင်နေကြတယ်။ နောက်ပိုင်းမှာ အမျိုးသမီးရဲ့ခင်ပွန်းလည်း အဲဒီကျွန်းကို ရောက်လာပါတယ်။ သုံးယောက်သား ကျွန်းပေါ်မှာ အသက်ရှင်နေထိုင်ဖို့ ကြိုးစားကြရင်း အမျိုးသမီးဟာ အမျိုးသားနှစ်ယောက်ကြားက လွန်ဆွဲမှုထဲ ရောက်လာတယ်။ ကမ်းစပ်မှာ တဲတွေထိုးနေကြပေမယ့် အချင်းချင်း ပဋိပက္ခတွေလည်း ဖြစ်နေကြပါတယ်။ အသက်ရှင်ရပ်တည်ရေးနဲ့ လူသုံးယောက်ကြားက ဆက်ဆံရေးကို လျှို့ဝှက်ဆန်းကြယ်မှုတွေနဲ့ တွဲထားပြီး အဝတ်အစားမဲ့ မြင်ကွင်းတွေလည်း ပါဝင်ပါတယ်။