အချစ်ဇာတ်လမ်းများ

ဟေဇယ်မေလာဟာ နာမည်ကြီးတွေရဲ့ အရှုပ်အရှင်းနဲ့ ကောလာဟလတွေကို ကိုင်တွယ်ပေးရတဲ့ ကိုယ်ရေးကိုယ်တာတာဝန်ခံတစ်ယောက်ပါ။ နယူးယော့ခ်မြို့မှာ ကိုယ့်လုပ်ငန်းကို စတင်တည်ထောင်ဖို့ ကြိုးစားနေတုန်း လုပ်ငန်းပိုခိုင်မာလာစေနိုင်မယ့် အလုပ်တစ်ခု ရလာပါတယ်။ သူတာဝန်ယူပေးရမယ့်သူက ဘေ့စ်ဘောလောကမှာ နာမည်ကြီး ဘောလုံးပစ်သမားဖြစ်နေတဲ့ ငယ်ချစ်ဟောင်း ဒီအေဂိုဗက်စ်ကက်ပါ။ ဒီအေဂိုဟာ ပြီးခဲ့တဲ့ ကမ္ဘာ့စီးရီးပွဲစဉ်မှာ အကြောင်းတစ်ခုကြောင့် ဆက်မကစားဘဲ ကွင်းထဲရပ်နေခဲ့မိတယ်။ အဲဒီအဖြစ်ကြောင့် အသင်းက ဖလားရနိုင်မယ့် အခွင့်အရေးကို လက်လွတ်ခဲ့ရပြီး သူလည်း ဘေ့စ်ဘောလောကထဲ ပြန်ဝင်နိုင်ဖို့ ပရိသတ်တွေရဲ့ အကောင်းမြင်မှုကို လိုအပ်နေပါတယ်။ ဟေဇယ်က ဒီကိစ္စအတွက် ကမ်းလှမ်းခံရတာဖြစ်ပြီး ဒီအေဂိုအကြောင်း ဆောင်းပါးရေးဖို့ ဆုံးဖြတ်ကြတယ်။ ဆောင်းပါးအတွက် သူတို့ရဲ့ဇာတိကို ပြန်လာကြတဲ့အခါ အရင်က ဘာကြောင့် လမ်းခွဲခဲ့ကြတာလဲဆိုတဲ့ အတိတ်ကိစ္စတွေ ရှိနေပါတယ်။ နှစ်ယောက်ကြားမှာ အချစ်ပြန်ပေါက်ဖွားလာမလား၊ ဒီအေဂို ကွင်းထဲမှာ ရပ်နေခဲ့ရတဲ့ အကြောင်းရင်းကရော ဘာလဲဆိုတာကို ဆက်ပြထားတဲ့ ၂၀၂၃ ခုနှစ်ထွက် အချစ်ဟာသကားပါ။

အထက်တန်းကျောင်းက စီနီယာကျောင်းသား ဒေးဗစ်နဲ့ ဂျူနီယာကျောင်းသူ အော်ဘရီတို့ဟာ ပါတီတစ်ခုမှာ ထူးထူးခြားခြား တွေ့ဆုံကြပါတယ်။ အဲဒီတွေ့ဆုံမှုကနေ ခံစားချက်တွေ ပေါ်လာပြီး အချိန်တိုအတွင်း နှစ်ယောက်ကြားမှာ သံယောဇဉ် တွယ်လာကြတယ်။ သူတို့ရဲ့အချစ်ဇာတ်လမ်းကို အတက်အကျကြီးတွေထက် ပေါ့ပေါ့ပါးပါးနဲ့ အေးအေးဆေးဆေး ပြထားတဲ့ ၂၀၁၂ ခုနှစ်ထွက် ဆယ်ကျော်သက် အချစ်ဟာသကားပါ။ ဒေးဗစ်အဖြစ် Dylan O'Brien နဲ့ အော်ဘရီအဖြစ် Britt Robertson တို့ ပါဝင်ထားပါတယ်။ Dylan O'Brien ကို The Maze Runner နဲ့ Teen Wolf တို့မှာ တွေ့ဖူးနိုင်သလို Britt Robertson ကလည်း The Longest Ride နဲ့ Tomorrowland တို့မှာ အဓိကဇာတ်ဆောင်အဖြစ် ပါဝင်ဖူးသူပါ။

ဒယ်ရှစ်ဟာ သူ့အတိတ်ကို ဖုံးကွယ်ထားပြီး လမ်းပေါ်မှာပဲ ရှင်သန်နေထိုင်နေသူပါ။ အပြင်ပန်းမှာ ခက်ထန်ပုံပေါ်ပေမယ့် တစ်ခါတလေ ဝမ်းနည်းအထီးကျန်နေတဲ့ပုံကိုလည်း မြင်ရတတ်တယ်။ တစ်နေ့မှာ လမ်းပေါ် အရက်မူးလဲနေတဲ့ ဆော့ဝန်ကို တွေ့တော့ အစက လှည့်ထွက်သွားဖို့ လုပ်ခဲ့ပေမယ့် နောက်ဆုံးမှာ ကိုယ်နေတဲ့နေရာကို ခေါ်လာခဲ့ပါတယ်။ နောက်တစ်ကြိမ် မချစ်တော့ဘူးလို့ ဆုံးဖြတ်ထားတဲ့ ဒယ်ရှစ်မှာ ချစ်စိတ်ပြန်ပေါ်လာတော့တယ်။ ဆော့ဝန်က စီးပွားပျက်ပြီး ဇနီးရဲ့ စွန့်ပစ်မှုကိုပါ ခံထားရသူပါ။ စိတ်ဓာတ်ကျနေပြီး ကိုယ့်အသက်ကိုယ် အဆုံးစီရင်ဖို့ မကြာခဏ ကြိုးစားနေပါတယ်။ ဒယ်ရှစ်နဲ့ တွေ့ပြီးနောက်မှာတော့ ငြီးငွေ့နေတဲ့ လူ့အဖွဲ့အစည်းထဲက ရုန်းထွက်ပြီး ဒယ်ရှစ်နဲ့အတူ ခြေဦးတည့်ရာ ခရီးထွက်ဖို့ ဆုံးဖြတ်လိုက်တယ်။ ၂၀၀၂ ခုနှစ်ထွက် အရွယ်ရောက်သူများအတွက် BL အချစ်ဒရာမာကားဖြစ်ပြီး Hwang Jung-min၊ Jung Chan နဲ့ Seo Lin တို့ အဓိကပါဝင် သရုပ်ဆောင်ထားပါတယ်။

ဆောင်းဦးရာသီတစ်ခုမှာ ဘဝဖြတ်သန်းပုံနဲ့ ရည်မှန်းချက် မတူကြတဲ့ ကောင်လေးတစ်ယောက်၊ ကောင်မလေးတစ်ယောက် ဆုံကြပါတယ်။ ကောင်လေးက ဂီတကို အရူးအမူးဖြစ်ပြီး သီချင်းတွေနဲ့ပဲ ဘဝကို ဖြတ်သန်းသွားချင်သူပါ။ ပေါ့ပေါ့ပါးပါး လွတ်လွတ်လပ်လပ် နေတတ်ပြီး ကိုယ့်အိပ်မက်နောက်ကို လိုက်နေပါတယ်။ ကောင်မလေးကတော့ ဂီတကို မကြိုက်တဲ့အပြင် နာကျည်းစိတ်ပါ ရှိနေတယ်။ အဲဒီလိုဖြစ်နေရတဲ့ အကြောင်းရင်းလည်း ရှိပါတယ်။ သူလိုချင်တာက သေချာရေရာတဲ့ ရှေ့နေအလုပ်ဖြစ်ပြီး အဲဒီရည်မှန်းချက်အတွက် တခြားအရာတွေကို ဘေးဖယ်ထားနိုင်တဲ့အထိ ကြိုးစားသူပါ။ သူတို့နှစ်ယောက် ဘယ်လိုတွေ့ဆုံပြီး ဘယ်လိုကြုံကွဲရမလဲဆိုတာကို သီချင်းတွေနဲ့အတူ တင်ဆက်ထားတဲ့ ၂၀၂၃ ခုနှစ်ထွက် ဘရာဇီးအချစ်ဒရာမာကားပါ။

စားဖို့တောင် အနိုင်နိုင်ဖြစ်နေတဲ့ ဂွန်ဇ်မှာ သန်းကြွယ်သူဌေး ဖြစ်ချင်တဲ့အိပ်မက် ရှိပါတယ်။ ဆင်းရဲတဲ့ဘဝမှာ မွေးလာခဲ့ပေမယ့် ဒီဘဝနဲ့ပဲ အဆုံးမသတ်ချင်တဲ့စိတ်နဲ့ မြို့တက်ပြီး အလုပ်ရှာလုပ်တော့တယ်။ ဒါပေမယ့် ဆတ်ဆတ်ထိမခံတတ်တဲ့သူ့အကျင့်ကြောင့် ဝင်လုပ်သမျှအလုပ်တွေမှာ အလုပ်ပြုတ်လိုက်၊ ကိုယ်တိုင်ထွက်လိုက်နဲ့ တက္ကစီမောင်းတဲ့အလုပ်ရမှပဲ အတည်တကျ ဖြစ်လာပါတယ်။ တက္ကစီမောင်းရင်း ဂွန်ဇ်ဟာ မိန်းကလေးတွေကို ပြန်ပေးဆွဲပြီး လေလံတင်တဲ့ဂိုဏ်းတစ်ခုနဲ့ ငြိသွားတယ်။ ဒီဂိုဏ်းက ပြန်ပေးဆွဲခံရသူရဲ့ မိဘတွေနဲ့ လူကုန်ကူးသူတွေကို ဈေးအပြိုင်ပေးခိုင်းတာပါ။ ဂွန်ဇ်မောင်းလာတဲ့ ကားနောက်ဖုံးထဲမှာ မိန်းကလေးတစ်ယောက် ပါလာတဲ့အခါ သူဘယ်လို ရှေ့ဆက်မလဲ၊ သန်းကြွယ်သူဌေးဖြစ်ချင်တဲ့ အိပ်မက်ကရော တကယ်ဖြစ်လာနိုင်မလားဆိုတာ ဆက်ကြည့်ရမှာပါ။ ၂၀၂၃ ခုနှစ်ထွက် တမီးလ်စကားပြော အချစ်အက်ရှင်ကားဖြစ်ပြီး ဆစ်ဒါးသ်၊ ဒေ့ဗ်ယန်ကာနဲ့ ဟာသသရုပ်ဆောင် ယိုဂီဘာဘူတို့ ပါဝင်ထားပါတယ်။

အမေရိကန်မှာ နေထိုင်တဲ့ နိုင်ဂျီးရီးယားသူ အမ်မရာဟာ မိခင်နိုင်ငံက ကလေးတွေကို ကူညီဖို့ နိုင်ဂျီးရီးယားကို ပြန်လာပါတယ်။ ရောက်ရောက်ချင်းမှာပဲ ချစ်သူက လက်ထပ်ခွင့်တောင်းလိုက်တာကြောင့် သူ့အတွက် ဝမ်းသာစရာတစ်ခုလည်း ကြုံရတယ်။ ဒီလိုနဲ့ သူလုပ်ချင်ခဲ့တဲ့ ဆင်ခြေဖုံးရပ်ကွက်တွေက ကလေးတွေကို စာသင်ပေးဖို့ စတင်လုပ်ဆောင်ပါတော့တယ်။ ဒါပေမယ့် အဲဒီရပ်ကွက်တွေမှာ ခိုးဆိုးလုနှိုက်သူတွေနဲ့ မူးယစ်ဆေး အရောင်းအဝယ်လုပ်သူတွေလည်း ရှိနေတယ်။ သူတို့လုပ်စားနေတဲ့နေရာ ပျောက်သွားမှာ စိုးရိမ်လာကြတဲ့အခါ အမ်မရာကို မကြည်ဖြူကြတော့ပါဘူး။ တစ်ဖက်မှာလည်း အဝေးမှာနေပြီး ချစ်သူဖြစ်ခဲ့ကြတဲ့အချိန်တုန်းက ရည်းစားရဲ့ ဖောက်ပြန်မှုတွေကို အမ်မရာ သိလာရပါတယ်။ ကလေးတွေကို စာသင်ပေးဖို့ ကြိုးစားနေချိန်မှာပဲ ရပ်ကွက်ထဲက အန္တရာယ်တွေရော ချစ်သူနဲ့ပတ်သက်တဲ့ ပြဿနာတွေပါ ရင်ဆိုင်လာရတော့တယ်။

Bitter Moon (1992) ~ IMDb - 7.2/10, Rotten Tomatoes - 63% ~ ခေတ်လိုအပ်ချက်အရရော လူ့လိုအပ်ချက်အရရော Erotic ကားတွေကို ရိုက်ခဲ့ကြတဲ့ အထဲမှာ ထိတ်ထိတ်ကြဲဒါရိုက်တာတွေလည်း မကင်းခဲ့ပါဘူး။ မင်းသားမင်းသမီးတွေကတော့ ပိုမကင်းပေါ့။ အရှေ့တိုင်း အနောက်တိုင်းအပါအဝင် နာမည်ကြီးစီနီမာတော်တော်များများက ဒါရိုက်တာတွေထဲ ဒီလိုကားတွေရိုက်ခဲ့တဲ့သူတွေ မနည်းပါဘူး။ ဒီတစ်ခါကားကို ရိုက်တဲ့သူက ရိုမန်ပိုလန်စကီးပါ။ ရိုမန်ပိုလန်စကီးနာမည်ကို ဂိတော်တော်များများလည်း ရင်းနှီးပြီးသားပါပဲ။ သူ့မရင်းနှီးတောင် သူရိုက်ခဲ့တဲ့ကားတွေကိုတော့ ရင်းနှီးကြမှာပါပဲ။ The Pianist, Rosemary's Baby, Chinatown စသဖြင့် မာစတာ့ မာစတာပိစ်တွေကားတွေကို ရိုက်ခဲ့တဲ့ ဆရာကြီးပါပဲ။ ဒီဘဲက အော်စကာ၊ ဗြိတိန်အကယ်ဒမီ၊ ဆီဇာ၊ ရွှေကမ္ဘာလုံး၊ ရွှေဝက်ဝံ၊ Palme d'Or စသဖြင့် ထိပ်တန်းတကာထိပ်တန်းဆုကြီးတွေနဲ့ အမြဲ မျက်မှန်းတန်းမိနေတဲ့ လူဆိုလည်းမမှားဘူး။ ဒီတော့ သူ့စကေးကိုတော့ သွားရှုပ်လို့မရဘူးပေါ့။ ဒီဘိုးအေကြီးက ဟိုးဟောလိဝုဒ်ရွှေခေတ်ကတည်းကရှိခဲ့တဲ့သူဖြစ်သလို ဒီနှစ် ၂၀၂၃မှာလည်း ကားအသစ်ထွက်ဖို့ရှိသေးပြန်တာပါပဲ။ ဒီကားကလည်း သူကိုယ်တိုင်ရိုက်ထားတဲ့ Erotic ဆန်ဆန်ကားဆိုတော့ ဇာတ်ကတော့ ကြမ်းပါတယ်။ ဒါပေမဲ့လည်း သူ့ကားကိုမျှော်မှန်းထားမယ့်လူတွေအတွက် စံတင်လောက်စရာမဖြစ်ခဲ့လို့လားမသိ ရိတ်တင်ကတော့ မကောင်းသွားရှာပါဘူး။ အဲဒီလိုဆိုရင်တောင် Erotic ဆန်ဆန်ကားကိုမှ ဇာတ်အိမ်အလန်းစားကြီးန

ရီဂန်၊ ဂျန်နာနဲ့ ကေတီတို့ဟာ ငယ်သူငယ်ချင်း ဘက်ကီရဲ့ မင်္ဂလာပွဲမှာ သတို့သမီးအရံ လုပ်ပေးကြရမှာပါ။ ဒါပေမယ့် မင်္ဂလာပွဲမတိုင်ခင်ည ပါတီမှာ သုံးယောက်သား ပျော်ပါးသောင်းကျန်းလွန်သွားရင်း သတို့သမီးရဲ့ မင်္ဂလာဝတ်စုံကို ပြဲသွားစေမိကြတယ်။ မင်္ဂလာပွဲကလည်း နောက်နေ့ဆိုတော့ ဝတ်စုံအသစ်တစ်စုံကို ညတွင်းချင်း စီစဉ်ပေးဖို့ လုံးပန်းကြရပါတော့တယ်။ သူတို့အစီအစဉ် အဆင်ပြေမလား၊ ထပ်ပြီး ဘယ်လိုကမောက်ကမတွေ ဖြစ်ကြဦးမလဲဆိုတာကနေ ဟာသတွေ ဆက်ဖြစ်လာတာပါ။ Hang Over နဲ့ ဇာတ်လမ်းသွား ခပ်ဆင်ဆင်ရှိတဲ့ ဒီအမေရိကန်ဟာသဇာတ်ကားမှာ ရီဂန်အဖြစ် Kristen Dunst၊ ဂျန်နာအဖြစ် Lizzy Caplan၊ ကေတီအဖြစ် Isla Fisher နဲ့ ဘက်ကီအဖြစ် Rebel Wilson တို့ ပါဝင်သရုပ်ဆောင်ထားပါတယ်။

အာခေးလ်ဟာ လက်ထပ်ဖို့ရည်ရွယ်ထားတဲ့ ချစ်သူပရီယာ ဖောက်ပြန်သွားတဲ့နောက် ကိုယ့်အသက်ကိုယ် အဆုံးစီရင်ဖို့ ကြိုးစားမိပါတယ်။ အဲဒီအချိန် ကားမတော်တဆမှုဖြစ်ပြီး အသက်မသေပေမယ့် မေ့မြောသွားတယ်။ သူ့စိတ်ဝိညာဉ်က ခန္ဓာကိုယ်ကနေ လွင့်မျောနေချိန်မှာပဲ အဲဒီဆေးရုံထဲက မေ့မြောနေတဲ့ မိန်းကလေးတစ်ယောက်ရဲ့ ဝိညာဉ်နဲ့ ဆုံတွေ့လာပါတယ်။ တိုက်တိုက်ဆိုင်ဆိုင် အဲဒီမိန်းကလေးရဲ့နာမည်ကလည်း ပရီယာပါပဲ။ ပတ်ဝန်းကျင်ကလူတွေနဲ့ ဆက်သွယ်လို့မရတဲ့ သူတို့နှစ်ယောက်ဟာ အချင်းချင်း စကားပြော၊ ရင်ဖွင့်ရင်း ခံစားချက်တွေ ဖလှယ်လာကြတယ်။ သူတို့ကို လက်တွေ့ကမ္ဘာနဲ့ ချိတ်ဆက်ပေးနေတဲ့ ခွေးလေးတစ်ကောင်လည်း ရှိနေပါသေးတယ်။ ဝိညာဉ်ဘဝမှာ သူတို့ ဘယ်လိုဖြတ်သန်းကြမလဲ၊ ခွေးလေးကတစ်ဆင့် လက်တွေ့ကမ္ဘာနဲ့ ဘယ်လိုဆက်သွယ်ကြမလဲဆိုတာနဲ့အတူ အာခေးလ်ရဲ့ အသည်းကွဲဒဏ်ရာ တဖြည်းဖြည်း ကုစားလာပုံကို ဆက်ပြထားပါတယ်။

နစ်ရဲ့အဖေနဲ့ နိုအာရဲ့အမေတို့ နောက်အိမ်ထောင်ပြုလိုက်တဲ့အခါ နစ်နဲ့နိုအာဟာ မောင်နှမအဖြစ် ပတ်သက်လာကြပါတယ်။ နိုအာက သူ့အမေ လူချမ်းသာတစ်ယောက်နဲ့ လက်ထပ်တာကို သဘောမတူသလို နစ်နဲ့လည်း အစကတည်းက အဆင်မပြေပါဘူး။ နှစ်ယောက်စလုံးမှာလည်း မိသားစုကြောင့် ရလာတဲ့ စိတ်ဒဏ်ရာတွေ ကိုယ်စီရှိနေကြတယ်။ နစ်က ငယ်ငယ်ကတည်းက မိဘတွေကွာရှင်းခဲ့လို့ စိတ်ဒဏ်ရာရထားသူပါ။ အဖေ့ရှေ့မှာတော့ သားလိမ္မာတစ်ယောက်လို နေပေမယ့် ကွယ်ရာမှာ ကားပြိုင်မောင်း၊ ပါတီတက်၊ ရန်ဖြစ်ရင်း နေတတ်တယ်။ နိုအာကတော့ သူတို့သားအမိကို နှိပ်စက်ခဲ့တဲ့ အဖေ့ကို အလွန်ကြောက်နေသူပါ။ သူ့ရဲ့သက်သေထွက်ဆိုချက်ကြောင့် အဖေက ထောင်ကျနေပေမယ့် ခံစားခဲ့ရတဲ့ စိတ်ဒဏ်ရာတွေကတော့ ကျန်နေဆဲဖြစ်ပါတယ်။ စရိုက်မတူကြတဲ့ သူတို့နှစ်ယောက်က တစ်ယောက်ကိစ္စထဲ တစ်ယောက်ဝင်မပါဖို့ သဘောတူထားကြတယ်။ ဒါပေမယ့် နစ်ရဲ့သူငယ်ချင်းတွေနဲ့ မိတ်ဆက်ဖြစ်ထားတဲ့ နိုအာဟာ သူသွားတဲ့ပါတီတွေ၊ ကားပြိုင်ပွဲတွေမှာ ရှိနေတတ်တော့ မကြာခဏ ဆုံဖြစ်ကြပါတယ်။ အဲဒီလိုတွေ့ဆုံနေရင်း တစ်ယောက်ကိုတစ်ယောက် စိတ်ဝင်စားလာကြတယ်။ နိုအာ့အဖေဟာ ပြိုင်ကားမောင်းသမားဖြစ်ခဲ့ပြီး သူသင်ပေးထားလို့ နိုအာလည်း ကားပြိုင်မောင်းတတ်တာကိုတော့ အခြားသူတွေ မသိကြသေးပါဘူး။ ပြိုင်ပွဲတစ်ခုမှာ နိုအာက မထင်မှတ်ဘဲ နစ်ရဲ့ကားကိုယူပြီး ဝင်ပြိုင်မိသွားတယ်။ တစ်ဖက်က မသမာတဲ့နည်းနဲ့ ပြိုင်တာကြောင့် ကားကိုပါ ပေးလိုက်ရပြီး အဲဒီနောက် နိုအာ့ဆီ ခြိမ်းခြောက်စာတွေ ရောက်လာပါတော့တယ်။ စာ

စတ်တရာဟာ စီးပွားရေးမှာ အောင်မြင်နေသူတစ်ယောက်ဖြစ်ပြီး မကြာခင် ခင်ပွန်းလောင်းနဲ့ လက်ထပ်ရတော့မှာမို့ စိတ်လှုပ်ရှားနေပါတယ်။ သူ့မှာ အာရ်အိုဆိုတဲ့ အရင်းနှီးဆုံးသူငယ်ချင်းတစ်ယောက်လည်း ရှိတယ်။ အာရ်အိုက သူ့အကြောင်း အစုံသိထားတဲ့သူပါ။ ဒေဝါလီညတစ်ညမှာ စတ်တရာက မင်္ဂလာဆောင်ဖို့ ဒေလီကိုသွားရန် ပြင်ဆင်ထားပြီး ရုံးကနေ ပြန်ဖို့လုပ်နေတယ်။ ဒါပေမယ့် ပိတ်ရက်ကြောင့် ရုံးတွေ စောစောပိတ်လိုက်ရာက သူတစ်ယောက် ရုံးထဲမှာ ပိတ်ကျန်ခဲ့ပါတယ်။ အဲဒီအချိန်မှာ အာရ်အိုလည်း ရုံးခန်းထဲ ပိတ်မိနေတယ်။ အပြင်ပြန်ထွက်နိုင်ဖို့ သူတို့နှစ်ယောက် ဘယ်လိုကြိုးစားကြမလဲ။ လက်ထပ်ဖို့အစီအစဉ်ကိုပါ ဖျက်လိုက်ရတဲ့ စတ်တရာအတွက် အာရ်အိုဟာ သူငယ်ချင်းအဖြစ် ဆက်ရှိနေနိုင်ဦးမလားဆိုတဲ့ မေးခွန်းလည်း ပေါ်လာပါတယ်။ ရာကူးလ်ပရီးသ်ဆင်းဂ်၊ အက်ရှေး အိုဘရွိုင်နဲ့ ပလ္လဗီဂူလာထီတို့ ပါဝင်သရုပ်ဆောင်ထားပြီး အချစ်ရေးနဲ့ သည်းထိတ်ရင်ဖိုအဖြစ်တွေကို တွဲထားတဲ့ ဘောလိဝုဒ်ဇာတ်ကားပါ။

ခရစ်နဲ့ တီနာတို့စုံတွဲက နောက်တွဲယာဉ်နဲ့ အားလပ်ရက်ခရီးတစ်ခု ထွက်လာကြပါတယ်။ နှစ်ယောက်အတူ ချစ်ချစ်ခင်ခင် ပျော်ပျော်ရွှင်ရွှင် ဖြတ်သန်းဖို့ စီစဉ်ထားတဲ့ခရီးပါ။ တီနာရဲ့အမေက ခရစ်ကို မယုံကြည်ပေမယ့် တီနာကတော့ ဝမ်းပန်းတသာပဲ လိုက်လာခဲ့တယ်။ ခရီးစမှာ သာမန်စုံတွဲတစ်တွဲရဲ့ ပျော်စရာအပန်းဖြေခရီးလို ဖြစ်နေပေမယ့် ခရစ်က လူတစ်ယောက်ကို ကားနဲ့ တိုက်သတ်မိသွားတဲ့အခါ အခြေအနေ ပြောင်းသွားပါတယ်။ ဒါက မတော်တဆဖြစ်တာလား၊ ခရစ် တမင်လုပ်လိုက်တာလားဆိုတာ မေးစရာဖြစ်လာတယ်။ ခရီးကို မပျက်စေချင်တဲ့ တီနာကလည်း အိမ်ပြန်လာဖို့ ခေါ်နေတဲ့အမေနဲ့ ဒီအဖြစ်ဆိုးကြားမှာ ဘယ်လို တုံ့ပြန်မလဲ။ အဲဒီနောက်မှာတော့ သူတို့နှစ်ယောက်ရဲ့ နားလည်ရခက်တဲ့စိတ်နဲ့ မထင်မှတ်ထားတဲ့ အခြေအနေတွေကို ဆက်တွေ့လာရပါတယ်။ Ben Wheatley ရိုက်ကူးထားတဲ့ ဒီဟာသအမည်းဇာတ်ကားမှာ သွေးထွက်သံယိုမြင်ကွင်းတွေ၊ လိင်ဆက်ဆံတဲ့အခန်းတွေနဲ့ ညစ်ညမ်းအသုံးအနှုန်းတွေ ပါဝင်ပါတယ်။

Avalon အာကာသယာဉ်ကြီးက ခရီးသည် ၅၀၀၀ ကျော်နဲ့ ယာဉ်ဝန်ထမ်း ၂၅၈ ယောက်ကို တင်ဆောင်ပြီး Homestead II ဂြိုဟ်ဆီ ခရီးထွက်လာပါတယ်။ ကမ္ဘာကနေ အဲဒီဂြိုဟ်အထိ နှစ်ပေါင်း ၁၂၀ ကြာမှာဖြစ်လို့ လိုက်ပါလာသူအားလုံးက အသက်မအိုဘဲ အိပ်စက်နေနိုင်တဲ့ Hibernation Pod တွေထဲမှာ နေကြတာပါ။ ဒါပေမယ့် ခရီးထွက်ပြီး နှစ် ၃၀ အကြာမှာ စက်ချို့ယွင်းမှုကြောင့် စက်မှုအင်ဂျင်နီယာ Jim Preston တစ်ယောက်တည်း နိုးလာခဲ့တယ်။ ခရီးဆုံးရောက်ဖို့က နှစ် ၉၀ တောင် ကျန်နေပါသေးတယ်။ Jim က သူ့အိပ်စက်ခန်းကို ပြင်ပြီး ပြန်အိပ်ဖို့ ကြိုးစားပေမယ့် မအောင်မြင်ဘူး။ ယာဉ်ဝန်ထမ်းတွေကို နှိုးပြီး အကူအညီတောင်းချင်ပေမယ့် သာမန်ခရီးသည်တစ်ယောက်အနေနဲ့ သူတို့အခန်းထဲ ဝင်ခွင့်မရှိပြန်ဘူး။ ယာဉ်တစ်စင်းလုံးမှာ စကားပြောဖော်ဆိုလို့ ဘားကောင်တာက Arthur ဆိုတဲ့ စက်ရုပ်ပဲ ရှိပါတယ်။ ယာဉ်ပေါ်က အစားအသောက်တွေနဲ့ ကစားစရာတွေကြား အချိန်ကုန်ရင်း တစ်နှစ်ကြာလာတော့ အထီးကျန်မှုကို မခံနိုင်တဲ့ Jim ဟာ ကိုယ့်အသက်ကို အဆုံးစီရင်ဖို့အထိ တွေးလာမိတယ်။ တစ်နေ့မှာ Aurora ဆိုတဲ့ မိန်းကလေးရဲ့ အိပ်စက်ခန်းကို အမှတ်မထင် တွေ့သွားပြီး သူမရဲ့ဗီဒီယိုဖိုင်ကို ကြည့်မိပါတယ်။ Aurora က ဂြိုဟ်အသစ်မှာ ဘဝစကြမယ့် လူတွေအကြောင်း စာအုပ်ရေးဖို့ လိုက်လာတဲ့ စာရေးဆရာမတစ်ယောက် ဖြစ်နေတယ်။ သူမကို စွဲလန်းလာတဲ့ Jim က နှိုးသင့်မနှိုးသင့် အတော်ဝေခွဲမရ ဖြစ်ပြီးနောက် Aurora ကို နှိုးလိုက်ပါတယ်။ ဒါပေမယ့် သူမကိုတော့ သူ့လိုပဲ စက

ဘဝမှာ အပြောင်းအလဲတစ်ခု လိုချင်နေတဲ့ မိန်းကလေးတစ်ယောက်က နိုင်ငံခြားပညာသင်အစီအစဉ်နဲ့ အိုင်ယာလန်ကို သွားဖို့ ရွေးချယ်လိုက်ပါတယ်။ အစ်ကိုဖြစ်သူရဲ့ ခြေရာအတိုင်း လိုက်လာတဲ့ ဒီခရီးမှာ နာမည်ကြီးရုပ်ရှင်မင်းသား ဘတ်ကက်နဲ့ လမ်းမှာတင် တွေ့မိကြတယ်။ စတွေ့ကတည်းက နှစ်ယောက်သား ဘုနဲ့ဘောက်ဖြစ်နေကြပေမယ့် အိုင်ယာလန်မြို့ငယ်လေးကို ရောက်တဲ့အခါ တည်းခိုမယ့်နေရာကလည်း တစ်နေရာတည်း ဖြစ်နေပြန်ပါတယ်။ မိန်းကလေးက နေရာသစ်မှာ ပညာသင်ယူရင်း ကိုယ့်ဘဝကို ဘယ်လို တိုးတက်အောင် လုပ်နိုင်မလဲ။ စိတ်ကြီးဝင်ပြီး အသောက်အစား၊ အပျော်အပါးမက်တဲ့ မင်းသားရဲ့ တကယ့်ဘဝကရော ဘယ်လိုရှိမလဲ။ အစမှာ တစ်ယောက်ကိုတစ်ယောက် ကြည့်မရကြတဲ့ သူတို့နှစ်ယောက် ဘယ်လို နားလည်မှုရလာပြီး အပြန်အလှန် အားပေးကူညီကြမလဲဆိုတာကို ဆက်ပြထားပါတယ်။ သူတို့ရဲ့အချစ်ဇာတ်လမ်းနဲ့အတူ စိမ်းလန်းတဲ့ အိုင်ယာလန်ရှုခင်းတွေ၊ အိုင်းရစ်ရှ်ရိုးရာတေးသံတွေနဲ့ ဒေသခံတွေရဲ့ ဓလေ့စရိုက်တွေကို တွေ့ရမှာပါ။ ခွင့်လွှတ်ခြင်း၊ မေတ္တာနဲ့ မိသားစုသံယောဇဉ်အကြောင်းတွေလည်း ထည့်သွင်းထားပါတယ်။

လုပ်ငန်းသစ်တစ်ခုမှာ စိတ်မပါလက်မပါနဲ့ အလုပ်လုပ်နေတဲ့ ဝန်ထမ်းတစ်ယောက်ဟာ ဘဝမှာ ဘာကိစ္စအတွက်မှ ရပ်တည်ရဲသူ မဟုတ်ပါဘူး။ အချစ်စစ်ကို တွေ့လာတဲ့အခါမှာတော့ သူ့မိဘတွေ၊ သူ့အချစ်နဲ့ သူဝါသနာပါတဲ့ စင်မြင့်ပေါ်က ဟာသဖျော်ဖြေမှုအတွက် ရပ်တည်တတ်ဖို့ တဖြည်းဖြည်း သင်ယူလာပါတယ်။

ကြော်ငြာအမှုဆောင် နစ်ခ်မာရှယ်ဟာ ငယ်ငယ်ကတည်းက အဖေမရှိဘဲ ကြီးပြင်းလာခဲ့ပြီး အရွယ်ရောက်လာတော့ အချစ်ရေးမှာ လူရှုပ်လူပွေတစ်ယောက် ဖြစ်နေပါတယ်။ ကြော်ငြာကုမ္ပဏီတွေ အပြိုင်အဆိုင်ဖြစ်လာချိန်မှာ အမျိုးသမီးတွေကို ဦးတည်တဲ့ ကြော်ငြာတွေ ဖန်တီးဖို့ ဒါစီဆိုတဲ့ အမျိုးသမီးတစ်ယောက် ရောက်လာတယ်။ သူရတဲ့ရာထူးက နစ်ခ်လိုချင်နေတဲ့ နေရာဖြစ်တာကြောင့် နစ်ခ်က အခဲမကျေဖြစ်နေပါတယ်။ တစ်ညမှာ အလုပ်လုပ်ရင်း မတော်တဆမှုတစ်ခု ကြုံလိုက်ရပြီး နစ်ခ်ဟာ အမျိုးသမီးတွေရဲ့စိတ်ကို ဖတ်နိုင်သွားတယ်။ အစပိုင်းမှာတော့ ဒီအစွမ်းကြောင့် စိတ်ညစ်နေရပေမယ့် နောက်ပိုင်းမှာ အဲဒီအစွမ်းကို အားကိုးပြီး ပြဿနာတွေ ဘယ်လိုရှာဦးမလဲဆိုတာ ဆက်ကြည့်ရမှာပါ။ Mel Gibson က နစ်ခ်အဖြစ် သရုပ်ဆောင်ထားတဲ့ ဟာသ၊ စိတ်ကူးယဉ်နဲ့ အချစ်ဇာတ်လမ်း ရောစပ်ထားတဲ့ ရုပ်ရှင်ဖြစ်ပါတယ်။

ထုတ်လုပ်သူလည်းဖြစ်၊ ဒါရိုက်တာလည်းဖြစ်တဲ့ ရုပ်ရှင်သမားတစ်ယောက်ဟာ နာမည်ကြီးမင်းသားတွေ၊ ဒါရိုက်တာတွေနဲ့ ရုပ်ရှင်တွေ ထုတ်နေပေမယ့် ကားတိုင်း အရှုံးပေါ်နေလို့ စိတ်ညစ်နေပါတယ်။ သူလိုချင်တာက ရုံတင်ဝင်ငွေ အများကြီးရပြီး သာမန်သရုပ်ဆောင်နဲ့ ဒါရိုက်တာကိုတောင် နာမည်ကျော်ဖြစ်သွားစေနိုင်မယ့် ဇာတ်လမ်းတစ်ပုဒ်ပါ။ အဲဒီအချိန်မှာ မတော်တဆမှုတစ်ခုကနေ ရလာတဲ့ ဇာတ်ညွှန်းတစ်ပုဒ်ကို ဖတ်မိသွားတယ်။ ဇာတ်ညွှန်းရေးသူက တံငါရွာလေးတစ်ရွာမှာနေတဲ့ ရာဂျူးပါ။ ရုပ်ရှင်ဇာတ်ညွှန်းတွေကို အလွန်ဝါသနာပါလွန်းလို့ ကိုယ့်ဘဝကိုယ် ရုပ်ရှင်ဆန်အောင် တမင်ဖန်တီးနေထိုင်ပြီး အဲဒီအကြောင်းတွေကို ကိုယ်တိုင်ရေးအတ္ထုပ္ပတ္တိအဖြစ် ရေးထားတာဖြစ်ပါတယ်။ တစ်နေ့မှာ သူအကြိုက်ဆုံး ဒါရိုက်တာကိုယ်တိုင် ဒီဇာတ်ညွှန်းကို ရိုက်ကူးပေးဖို့လည်း အိပ်မက်မက်ထားတယ်။ အဖေရဲ့ အားပေးထောက်ခံမှုနဲ့ ဇာတ်ညွှန်းရေးနေတဲ့ ရာဂျူးဟာ အဖေဆုံးသွားတဲ့အခါ ညီမနဲ့အတူ ဒီဇာတ်ညွှန်းကို ပြီးဆုံးအောင် ရေးနိုင်ပါ့မလား။ လက်တွေ့ဘဝကို ရုပ်ရှင်တစ်ကားလို ဖြစ်အောင် ဖန်တီးနေတတ်တဲ့ သူ့အတွက် အိပ်မက်ကို အကောင်အထည်ဖော်နိုင်မယ့် အခွင့်အရေး ရလာမလား။

မာဗေ့ဗ်ဟာ တီထွင်ဖန်တီးနိုင်စွမ်းရှိပြီး ဖက်ရှင်လောကမှာ ကိုယ့်ခြေထောက်ပေါ်ကိုယ် ရပ်တည်ချင်တဲ့ အမျိုးသမီးငယ်တစ်ယောက်ပါ။ သူ့အမေကတော့ သမီးကို ရုံးထိုင်အလုပ်တစ်ခုမှာ အခြေတကျ လုပ်စေချင်လို့ အလုပ်အင်တာဗျူးတွေ ခဏခဏ ဖြေခိုင်းတယ်။ မာဗေ့ဗ်ကလည်း အင်တာဗျူးသွားတိုင်း အမေ့ဘီဒိုထဲက အဝတ်လှလှတွေ ထုတ်ဝတ်သွားပြီး အလုပ်မရအောင် တမင်ဖြေလေ့ရှိပါတယ်။ အမေဖြစ်သူဟာ တစ်ချိန်က ထိပ်တန်းနာမည်ကြီး သတင်းထောက်တစ်ယောက်ဖြစ်ပြီး သူ့ကို မုန်းတီးနေတဲ့ ရန်ဘက်တွေလည်း ရှိတယ်။ တစ်နေ့မှာတော့ အဲဒီရန်ဘက်တစ်ယောက်က မာဗေ့ဗ်တို့မိသားစု လမ်းဘေးရောက်အောင် အကွက်ချကြံစည်လာပါတော့တယ်။ ကိုယ့်စိတ်ကူးအတိုင်း ဖက်ရှင်လောကထဲ ဝင်ချင်နေတဲ့ မာဗေ့ဗ် ဒီအခက်အခဲကို ဘယ်လိုကျော်ဖြတ်မလဲ၊ သူတို့ကို ဒုက္ခပေးဖို့ ကြံနေသူက ဘယ်သူလဲဆိုတာကို လူငယ်ဖက်ရှင်တွေနဲ့အတူ ပေါ့ပေါ့ပါးပါး တင်ဆက်ထားတဲ့ အချစ်ဟာသဇာတ်ကားပါ။

ဆီမွန်ဟာ လိင်မှုဘဝမှာ မကျေနပ်မှုရှိနေတဲ့ အိမ်ထောင်သည်တစ်ယောက်ပါ။ ဇနီးမသိအောင် တခြားသူနဲ့ ပတ်သက်ချင်ပေမယ့် ဖောက်ပြန်မှုရဲ့ နောက်ဆက်တွဲတွေကြောင့် သူ့ဘဝပျက်သွားနိုင်တာကိုလည်း သိထားတယ်။ တစ်နေ့ ပါတီတစ်ခုက အပြန်မှာ ရှားလော့တ်ဆိုတဲ့ အမျိုးသမီးတစ်ယောက်ရဲ့ ဖုန်းနံပါတ်ကို ရလာပြီး နောက်နေ့မှာ ဖုန်းဆက်ကာ ဆိုင်တစ်ဆိုင်မှာ တွေ့ဖို့ချိန်းလိုက်ပါတယ်။ တွေ့ကြတဲ့အခါ ဆီမွန်က သူ့ဘဝနဲ့ မိသားစုအကြောင်းကို ဖွင့်ပြောတယ်။ ဇနီးမသိအောင် တခြားသူနဲ့ အတူနေရတာ စိတ်မလုံခြုံကြောင်း၊ သူနဲ့အတူအိပ်တဲ့ အမျိုးသမီးတွေက နောက်ပိုင်းမှာ တွယ်ကပ်လာကြမှာကို ကြောက်ကြောင်းပါ ပြောပြလိုက်ပါတယ်။ ရှားလော့တ်ကလည်း သူလိုချင်တာ လိင်ဆက်ဆံမှုသက်သက်ဖြစ်ပြီး တခြားကိစ္စတွေကို စိတ်မဝင်စားဘူးလို့ ပြန်ပြောတယ်။ ဒီလိုနဲ့ သူတို့နှစ်ယောက်ရဲ့ ပတ်သက်မှုကို လိင်ကိစ္စအတွက်သာ ထားဖို့ သဘောတူလိုက်ကြပါတယ်။ ဒါပေမယ့် တစ်နေ့ပြီးတစ်နေ့ အတူပျော်ပါးရင်း အချိန်ကြာလာတဲ့အခါ နှစ်ယောက်သား သတ်မှတ်ထားတဲ့စည်းကို စပြီး ကျော်လာကြတော့တယ်။

မြေခွေးမိစ္ဆာမလေး ယင်းနင်ဟာ မွေးစားအမေနဲ့အတူ မြို့အပြင်တစ်နေရာမှာ အပူအပင်ကင်းကင်း နေထိုင်လာခဲ့ပါတယ်။ တစ်နေ့ လူ့ပြည်က ရှန့်ယွမ်ပွဲတော်ကို သွားလည်တဲ့လမ်းမှာ ဝမ်ကျီဖူဆိုတဲ့ ပညာရှိတစ်ယောက်နဲ့ ဆုံမိတယ်။ ဝမ်ကျီဖူက ယင်းနင်ကို မြင်မြင်ချင်း ချစ်သွားပြီး မစားနိုင်မသောက်နိုင် ဖြစ်နေတော့တာပါ။ နောက်တော့ တိုက်တိုက်ဆိုင်ဆိုင် သူမနေတဲ့နေရာကို ရှာတွေ့သွားပြီး လက်ထပ်ခွင့်တောင်းကာ အိမ်ကို ခေါ်လာပါတယ်။ ဝမ်ကျီဖူတို့က ပညာတတ်မိသားစုဖြစ်တာကြောင့် သူ့အမေ သခင်မဝမ်ဟာ လွတ်လပ်သွက်လက်တဲ့ ယင်းနင်ကို သဘောမကျပါဘူး။ ယင်းနင်က မြေခွေးမိစ္ဆာဖြစ်မှန်း သိသွားတဲ့အခါမှာတော့ သားဖြစ်သူနဲ့ ခွဲဖို့ ကြိုးစားပါတော့တယ်။ ယင်းနင်ဟာ သူ့အပေါ် အထင်အမြင်လွဲမှားနေတာတွေကို ဘယ်လိုဖြေရှင်းမလဲ၊ သူ့မိဘအရင်းတွေကရော ဘယ်သူတွေလဲဆိုတဲ့ မေးခွန်းတွေနဲ့ ဆက်သွားတဲ့ တရုတ်ဒဏ္ဍာရီကို အခြေခံထားတဲ့ ဇာတ်လမ်းပါ။

2013မှာထွက်ရှိထားတဲ့ Romance & comedy film အမျိုးအစားဖြစ်ပြီး IMDb - 7.5/10 အထိရရှိထားပါတယ် ဇာတ်လမ်းမှာတော့ ဆန်ဖရန်စစ္စကိုကစိတ်ရောဂါကုဆရာဝန်မလေးတစ်ယောက် သူနဲ့အကြာကြီးတွဲခဲ့တဲ့ရည်းစားဖြစ်သူကိုထားပစ်ခဲ့ပြီးအုတ်ခ်လန်ရဲ့ဆင်ခြေဖုံးရပ်ကွက်လေးကိုပြောင်းရွေ့လာရာကနေ အဲဒီရပ်ကွက်ထဲမှာအိမ်နီးနားချင်းတွေနဲ့အသားကျအောင်ကြိုးစားရင်း ဘယ်လိုရှေ့ဆက်ပြီးခင်တွယ်သွားကြမလဲဆိုတာကိုပေါ့ပေါ့ပါးပါးနဲ့စောင့်ကြည့်ရမှာပါ File size…(1.3 GB)/(630 MB)/(350 Mb) Quality….Webrip 1080p / 720p / 480p Format…mp4 Duration….01:47:00 Genre...Drama, Comedy, Romance Subtitle….Myanmar Subtitle (Hardsub) Encoder….Mr. Anderson Translated by Michael

အငြိမ်းစား ဥပဒေအတိုင်ပင်ခံတစ်ယောက်ဟာ အနားယူချိန်မှာ ဝတ္ထုတစ်ပုဒ်ရေးဖို့ ကြိုးစားနေပါတယ်။ ဒါပေမဲ့ စာရေးဖို့ စဉ်းစားလိုက်တိုင်း လွန်ခဲ့တဲ့ ၂၅ နှစ်က ကိုင်တွယ်ခဲ့ရတဲ့ အမှုတစ်ခုဆီပဲ စိတ်က ပြန်ရောက်သွားတယ်။ အဲဒီအမှုအကြောင်းကို ဝတ္ထုရေးဖို့ ဆုံးဖြတ်ပြီး အခု တရားသူကြီးဖြစ်နေပြီဖြစ်တဲ့ အထက်အရာရှိဟောင်းဆီ အကြံသွားတောင်းပါတယ်။ သူတို့နှစ်ယောက်ကြားမှာ သံယောဇဉ်ရှိခဲ့ပေမဲ့ အခြေအနေချင်း ကွာခြားတာကြောင့် ရှေ့ဆက်မတိုးဖြစ်ခဲ့ကြဘူး။ ပြန်ဆုံကြချိန်မှာတော့ မေ့ပစ်လို့မရတဲ့ အမှတ်တရဟောင်းတွေပါ ပြန်ပေါ်လာပါတယ်။ အဲဒီအမှုက တစ်ယောက်ကိုတစ်ယောက် သိပ်ချစ်ကြတဲ့ ဘဏ်စာရေးနဲ့ ကျောင်းဆရာမ လင်မယားဆီက စခဲ့တာပါ။ ဆရာမကို လူတစ်ယောက်က မုဒိမ်းကျင့်ပြီး ရက်ရက်စက်စက် သတ်ဖြတ်သွားခဲ့တယ်။ အမှုကို တာဝန်ယူရမယ့်အလှည့် မဟုတ်ပေမဲ့ ယူလိုက်မိတဲ့ ဥပဒေအတိုင်ပင်ခံဟာ အရက်သောက်တတ်တဲ့ သူငယ်ချင်းနဲ့အတူ စုံစမ်းဖို့ ဖြစ်လာပါတယ်။ တရားခံဘယ်သူလဲဆိုတာ သိနေပေမဲ့ လူကိုရှာတွေ့ဖို့က မလွယ်ပါဘူး။ တရားခံကို ဘယ်လိုရှာကြမလဲ၊ ရှာတွေ့ရင်ရော ဘာတွေဆက်ဖြစ်မလဲဆိုတဲ့ အမှုကိစ္စနဲ့အတူ အတိုင်ပင်ခံနဲ့ ရှေ့နေမလေးတို့ရဲ့ ဆက်ဆံရေးကိုလည်း ဆက်ပြထားပါတယ်။ ဇနီးကို ဆုံးရှုံးလိုက်ရတဲ့ ဘဏ်စာရေးကရော လွမ်းဆွတ်စိတ်တွေနဲ့ ဘယ်လိုဆက်ရှင်သန်သွားမလဲဆိုတာ ပါဝင်နေတယ်။ စပိန်ဘာသာစကားပြော အာဂျင်တီးနားရုပ်ရှင်ဖြစ်ပြီး ၂၀၁၀ အော်စကာပေးပွဲမှာ အကောင်းဆုံး နိုင်ငံခြားဘာသာစကားပြော ရုပ်ရှင်ဆု ရရှိ

မက်ဆာဒိုးနီးယားဘုရင် အလက်ဇန်းဒါးရဲ့ ဘဝကို ငယ်စဉ်ကနေ အင်ပါယာတည်ဆောက်တဲ့ကာလအထိ ပုံဖော်ထားတဲ့ ဇာတ်ကားပါ။ ဘီစီ ၃၅၆ ကနေ ၃၂၃ အတွင်း အသက်ရှင်ခဲ့တဲ့ သူ့အကြောင်းမှာ စစ်ပွဲနဲ့ နယ်မြေသိမ်းပိုက်မှုတွေအပြင် မိသားစုအတွင်း ဆက်ဆံရေးတွေ၊ ငယ်ပေါင်းမိတ်ဆွေတွေ၊ ချစ်သူတွေနဲ့ ယဉ်ကျေးမှုမတူတဲ့ လူမျိုးတွေကြား သူနေထိုင်အုပ်ချုပ်ခဲ့ပုံတွေပါ ပါဝင်ပါတယ်။ သူ့ဖခင် ဖိလစ်က လူမျိုးစုတွေကို စုစည်းပြီး ဂရိလူမျိုးစုတွေကို အောင်နိုင်ခဲ့သူပါ။ ဥရောပကနေ အာရှဘက်ကို ဆက်ချဲ့ပြီး ပါရှန်းအင်ပါယာကို သိမ်းပိုက်ဖို့လည်း ရည်ရွယ်ထားတယ်။ အလက်ဇန်းဒါးအတွက် ဒီအခြေအနေက အစကောင်းတစ်ခု ဖြစ်ပေမယ့် ထီးနန်းဆက်ခံရမယ့်လမ်းကတော့ ဖြောင့်ဖြူးနေတာ မဟုတ်ပါဘူး။ ဖခင်က နောက်အိမ်ထောင်ပြုပြီး သားတစ်ယောက် ထပ်ရလာတဲ့အခါ နန်းဆက်ခံရေးအတွက် ပြိုင်ဆိုင်စရာ ပေါ်လာပါတယ်။ ဖိလစ် လုပ်ကြံခံရပြီးနောက် အလက်ဇန်းဒါး ဘုရင်ဖြစ်လာတယ်။ အဲဒီနောက် ဖခင်ရည်ရွယ်ခဲ့တဲ့ ပါရှန်းဘက်ကို စစ်ချီပြီး ဘုရင်ဒရိုင်းရပ်စ်နဲ့ ရင်ဆိုင်ကာ ဘေဘီလုံကို သိမ်းပိုက်ခဲ့ပါတယ်။ သူ့ရဲ့စစ်ဆင်ရေးတွေမှာ အားထားရသူတွေကတော့ ငယ်ပေါင်းမိတ်ဆွေတွေဖြစ်တဲ့ ဟက်ဖိုက်စတီရန်၊ ပထောလမီ၊ ကတ်ဆန်းဒါ၊ နီရားကတ်စ်နဲ့ ကရားတို့စ်တို့ပါ။ သူတို့ရဲ့ စစ်ရေးစွမ်းရည်နဲ့ သူ့အပေါ် သစ္စာရှိတဲ့ စစ်တပ်ကို အားပြုပြီး အလက်ဇန်းဒါးဟာ အီဂျစ်နဲ့ ပါရှန်းကနေ အိန္ဒိယအထိ နယ်မြေချဲ့ထွင်လာပါတယ်။ ကိုယ်ရေးဘဝဘက်မှာတော့ မိခင်ရဲ့ လောဘနဲ့ ရက်စက်မှုတွေကို

ဘီယာချက်စက်ရုံတစ်ခုမှာ အလုပ်လုပ်နေတဲ့ ကိတ်နဲ့ လုခ်တို့ဟာ အလွန်ရင်းနှီးတဲ့ သောက်ဖော်သောက်ဖက်တွေပါ။ ကိတ်က စက်ရုံမှာ တစ်ဦးတည်းသော မိန်းကလေးဖြစ်ပြီး ပွဲစီစဉ်ရေးနဲ့ စီမံခန့်ခွဲရေးအလုပ်တွေ လုပ်ပါတယ်။ လုခ်ကတော့ ဘီယာချက်တဲ့ စက်ပိုင်းမှာ အလုပ်လုပ်သူပါ။ နှစ်ယောက်သား အတူသောက်စားကြ၊ မူးလာရင်လည်း ပလူးပလဲ နေတတ်ကြပေမယ့် သူငယ်ချင်းအဖြစ်ကနေ လွန်ကျူးတာ၊ ချစ်မိသွားတာမျိုးတော့ မရှိခဲ့ကြဘူး။ ကိတ်မှာ စတူဒီယိုအလုပ်လုပ်တဲ့ ခရစ်စ်ဆိုတဲ့ ချစ်သူရှိသလို လုခ်မှာလည်း စာသင်ပေးတဲ့ ဂျေးလ်ဆိုတဲ့ ချစ်သူ ရှိပါတယ်။ အလုပ်ပိတ်ရက်တစ်ရက်မှာ အတွဲနှစ်တွဲ ချိန်းပြီး ပင်လယ်ဘေးက အိမ်လေးတစ်အိမ်ဆီ အလည်ထွက်ကြတယ်။ အဲဒီခရီးမှာ ကိုယ်တွဲနေတဲ့သူက ကိုယ့်အတွက် မှန်ကန်တဲ့လူလား၊ ဘယ်သူနဲ့ဆို ပိုအဆင်ပြေမလဲဆိုတဲ့ မေးခွန်းတွေနဲ့အတူ အတွဲနှစ်တွဲကြားက အချစ်ရေးပြဿနာတွေ ပေါ်လာပါတယ်။ အလုပ်ခွင်က အခက်အခဲတွေကိုလည်း တွဲဖော်ပြထားတဲ့ အချစ်ဟာသဒရာမာပါ။ Olivia Wilde က ခေါင်းဆောင်နေရာမှာ သရုပ်ဆောင်ထားပြီး Anna Kendrick၊ Jake Johnson နဲ့ Ron Livinston တို့လည်း ပါဝင်ထားပါတယ်။