သည်းထိတ်ရင်ဖိုကားများ

လမ်းမတော်ဖိုးတုတ်တို့လို လူမိုက်ဇာတ်လမ်းတွေကြိုက်တယ်ဆိုရင် ဒီဇာတ်ကားက အနှစ်ပါပဲ။ ဘောလိဝုဒ်ရဲ့အကောင်းဆုံးဇာတ်ကားများစာရင်းကိုပြုစုမယ်ဆိုရင် Gangs of Wasseypur က မပါမဖြစ်ပါ။မှတ်မှတ်ရရဆိုရရင် Oscar ရထိုက်သော Bollywoodကားများ စာရင်းထဲမှာလည်း GOW ဟာ ထိပ်ဆုံးက ပါဝင်နေတာပါ။ IMDB 8.6/10 နဲ့Rotten Tomatoes 96% ထိ ရရှိထားပါတယ်။ 2012လိုခုနှစ်မျိုးမှာ ဒိတ်ဒိတ်ကြဲသရုပ်ဆောင်တွေကြားထဲကမှ မျက်နှာသစ်အများစုနဲ့ပွဲထုတ်ခဲ့ပြီး အမှန်အကန် အောင်မြင်မှုတွေရရှိခဲ့ကာ Bollywood ရုပ်ရှင်လောကကို တစ်ဆင့်မြှင့်တင်ပေးနိုင်ခဲ့တယ်လို့ပဲ ပြောရပါမယ်။အဲ့တုန်းက မျက်နှာသစ်သရုပ်ဆောင်တွေဟာ GOW ရဲ့ အောင်မြင်မှုအရှိန်နဲ့အစလိုက်ပြုလိုက်တာ ခုချိန်မှတော့ အောင်မြင်တဲ့သရုပ်ဆောင်တွေအဖြစ် ရပ်တည်နိုင်ခဲ့ကြပါပြီ။ ဒီဇာတ်လမ်းမှာ သရုပ်ဆောင်ပိုင်းတွေ၊ ဇာတ်လမ်းအသွားအလာတွေ နောက်ခံသီချင်းတွေ၊ သွေးအေးအေးနဲ့ လူသတ်ရဲတဲ့ အက်ရှင်ခန်းတွေ၊ အထူးသဖြင့် Casting ပိုင်းပေါ့ 1942 ကနေ 2004 ခုနှစ်ထိ အိန္ဒိယနဲ့ဘင်္ဂလားနယ်စပ်က Wasseypur မြို့မှာ ဖြစ်ခဲ့တဲ့ ဖြစ်ရပ်မှန်ကို အခြေခံထားပြီး အကောင်းဆုံး ပုံဖေါ်ခဲ့တာဖြစ်ပါတယ်။ ကမ္ဘာမီးလောင် သားကောင်ချနင်းဆိုတဲ့ စကားပုံအတိုင်း အင်္ဂလိပ်အစိုးရလက်ထက်မှာ ကျောက်မီးသွေးတွေက အဓိကသွင်းအားစုဖြစ်နေတဲ့ အချိန် နေရာတကာမှာ ကျောက်မီးသွေးလုပ်ငန်းတွေ ကျယ်ကျယ်ပြန်ပ

Abby တို့ကျောင်းက Cheerleader အဖွဲ့ဟာ အနှိမ်ခံနေရတဲ့အဖွဲ့ပါ။ လွန်ခဲ့တဲ့ နှစ်နှစ်ဆယ်လောက်က ပြိုင်ပွဲတစ်ခုမှာ Cheerleader တစ်ယောက် သေဆုံးခဲ့ပြီးနောက် သူတို့အဖွဲ့ကို စတန့်ကွက်တွေ လုပ်ခွင့်မပေးတော့သလို ဘယ်ပွဲမှာမှလည်း ပါဝင်ခွင့် မပေးတော့ပါဘူး။ ဒါပေမဲ့ Abby တို့က လာမယ့် ပြည်နယ်ပေါင်းစုံပြိုင်ပွဲမှာ ဝင်ပြိုင်ချင်ကြတယ်။ အဲဒါကြောင့် လူမသိတဲ့ ကျောင်းဟောင်းတစ်ခုဆီ သွားပြီး ခိုးလေ့ကျင့်ကြပါတယ်။ သူတို့ရောက်သွားတဲ့ညက Halloween ည ဖြစ်နေပြီး အဲဒီမှာ သူတို့ကို လိုက်သတ်မယ့် လူသတ်သမား ရှိနေတယ်။ လေ့ကျင့်ဖို့လာတဲ့အဖွဲ့ဟာ ဘာအလွဲတွေ ကြုံရဦးမလဲ၊ လူသတ်သမားလက်ကနေ လွတ်အောင် ရှောင်နိုင်ပါ့မလား။

ခရီးသွားအစီအစဉ်တစ်ခုရဲ့ တင်ဆက်သူ Ray Marsh နဲ့ ထုတ်လုပ်သူ၊ ဒါရိုက်တာ Alan Meursault တို့ဟာ အာတိတ်ဒေသမှာ ခရီးသွားဗီဒီယိုတစ်ပုဒ် ရိုက်ကူးဖို့ Los Angeles ကနေ ထွက်လာကြပါတယ်။ သူတို့သွားမယ့်နေရာက နော်ဝေနိုင်ငံ Svalbard ကျွန်းစုထဲက Longyearbyen ပတ်ဝန်းကျင်ပါ။ Longyearbyen ကနေ အာတိတ်ရေပြင်ထဲ လေ့လာရေးခရီးထွက်မယ့် Langøysund အပျော်စီးလှေနဲ့ လိုက်ပါဖို့ စီစဉ်ထားပေမယ့် သူတို့နဲ့ အမြဲတွဲလုပ်နေကျ ကင်မရာသမားက ဗီဇာမရခဲ့ဘူး။ ဒါကြောင့် နှစ်ရက်အတွင်း ကင်မရာသမားတစ်ယောက်ကို အမြန်ငှားလိုက်ရပါတယ်။ ဒီလိုနဲ့ နိုင်ငံပေါင်းစုံက လူနှစ်ဆယ် ပါလာတဲ့ လှေလေးနဲ့အတူ ခရီးစကြတယ်။ အာတိတ်ရှုခင်းတွေကြားက ဒီခရီးမှာ သူတို့ ဘာတွေကြုံလာရမလဲဆိုတာကို အခြေခံထားတဲ့ Drama၊ Horror နဲ့ Mystery ဇာတ်လမ်းပါ။

ဂန်နီဆန်မြို့လေးရဲ့ တောအုပ်ထဲကို ထူးဆန်းတဲ့ အာကာသယာဉ်တစ်စင်း ပျက်ကျလာပြီးနောက် မြို့သားတွေရဲ့ဘဝဟာ ပြောင်းလဲသွားပါတယ်။ ဂြိုလ်သားတွေ ရောက်လာရုံတင်မကဘဲ သူတို့ကို လိုက်လံသုတ်သင်နေတဲ့ နောက်ထပ်ဂြိုလ်သားတစ်ကောင်လည်း ရှိနေတော့ မြို့လေးဟာ သူတို့ကြားမှာ ဓားစာခံဖြစ်သွားတယ်။ ဂြိုလ်သားတွေရဲ့ သိမ်းပိုက်မှုနဲ့ တိုက်ပွဲတွေကြားမှာ မြို့သားတွေဟာ ကိုယ့်အသက်ကို ကာကွယ်ဖို့ သက်စွန့်ဆံဖျား ရုန်းကန်ကြရပါတယ်။ ဒီအသက်လုပွဲနဲ့အတူ နိုင်ငံရေးအလှည့်အကွက်တွေကိုလည်း ဇာတ်လမ်းထဲမှာ ထည့်သွင်းထားပါတယ်။

အင်္ဂလိပ်အစိုးရလက်ထက်၊ ကျောက်မီးသွေးလုပ်ငန်းတွေ ကျယ်ကျယ်ပြန့်ပြန့် လုပ်ကိုင်နေကြတဲ့ခေတ်မှာ တောပုန်းဓားပြတွေလည်း ပေါများနေပါတယ်။ အဲဒီထဲမှာ နာမည်ဆိုးနဲ့ ကျော်ကြားသူက ဓားပြဗိုလ် ဆူလ်တာနာပါ။ ရှဟီးဒ်ခန်းမ်ကတော့ ဆူလ်တာနာရဲ့နာမည်ကို ယူသုံးပြီး လုယက်နေသူဖြစ်တယ်။ တကယ့်ဆူလ်တာနာနဲ့ ထိပ်တိုက်တွေ့သွားတဲ့အခါမှာတော့ အသက်လုပြီး ထွက်ပြေးခဲ့ရပါတယ်။ မကြာခင် မွေးလာတော့မယ့် ကလေးအတွက် ရှဟီးဒ်ခန်းမ်ဟာ ခိုးဆိုးလုယက်တဲ့အလုပ်ကို စွန့်ပြီး တခြားနေရာကို ပြောင်းသွားတယ်။ ဒါပေမဲ့ အကြောင်းအမျိုးမျိုးကြောင့် ရာမာဒီးရ်ဆိုတဲ့ ခရိုနီတစ်ယောက်ရဲ့ လက်အောက်မှာ တိုက်ခိုက်ပေးရသူ ဖြစ်လာပြန်ပါတယ်။ နောက်တော့ ရာမာဒီးရ်ကို ဖယ်ရှားပြီး သူ့ပိုင်ဆိုင်မှုတွေကို ယူဖို့အထိ ရည်ရွယ်လာပေမယ့် အကြံကို အကောင်အထည်မဖော်နိုင်ခဲ့ဘူး။ ရာမာဒီးရ်ခိုင်းတဲ့ အလုပ်တစ်ခုကို သွားလုပ်ပေးရင်း ရှဟီးဒ်ခန်းမ် ပြန်ရောက်မလာတော့ပါဘူး။ ကျန်ခဲ့တဲ့သား ဆဒါးရ်ခန်းမ်ကို ရှဟီးဒ်ရဲ့တပည့် နဆီးရ်က စောင့်ရှောက်ပေးခဲ့တယ်။ ဆဒါးရ်အတွက်တော့ အဖေ့ကိစ္စဟာ မပြီးဆုံးသေးဘဲ ကလဲ့စားချေဖို့က သူ့ဘဝရဲ့ ရည်မှန်းချက်ဖြစ်လာပါတယ်။ ၂၀၁၂ ခုနှစ်မှာ မျက်နှာသစ်သရုပ်ဆောင်အများစုနဲ့ ရိုက်ကူးခဲ့တဲ့ ရာဇဝတ်မှုနဲ့ အက်ရှင်ဇာတ်လမ်းဖြစ်ပြီး စုစုပေါင်း ငါးနာရီခွဲခန့်ရှိတဲ့ ဇာတ်လမ်းကို နှစ်ပိုင်းခွဲထားပါတယ်။ ဆဒါးရ်ခန်းမ်အဖြစ် Manoj Bajpayee၊ ဖိုက်ဇဲလ်ခန်းမ်အဖြစ် Nawazuddin Siddiqui၊ နဂ်မား ခါတွန်အဖြစ်

Pacto de Fuga က ဖြစ်ရပ်မှန်ကို အခြေခံထားတဲ့ စပိန်စကားပြောရုပ်ရှင်ဖြစ်ပြီး ၂၀၂၀ နှစ်ဆန်းပိုင်းမှာ ချီလီနိုင်ငံမှာ ရိုက်ကူးပြသခဲ့တာပါ။ ဇာတ်လမ်းနောက်ခံကတော့ ချီလီနိုင်ငံကို ပီနိုရှေး စစ်အစိုးရ အုပ်ချုပ်နေတဲ့ကာလ ဖြစ်ပါတယ်။ ၁၉၇၃ ခုနှစ်မှာ ဗိုလ်ချုပ်ကြီး ဩဂတ်စတို ပီနိုရှေးက ပြည်သူတွေ ရွေးကောက်တင်မြှောက်ထားတဲ့ လက်ဝဲယိမ်းဆိုရှယ်လစ်အစိုးရကို ဖြုတ်ချပြီး အာဏာသိမ်းခဲ့တယ်။ အဲဒီအချိန်ဟာ ကွန်မြူနစ်ဝါဒပြန့်ပွားမှုကို တားဆီးဖို့ အမေရိကန်က လက်ဝဲယိမ်းအစိုးရတွေ ဖြုတ်ချခံရမှုကို အားပေးနေတဲ့ စစ်အေးကာလဖြစ်ပြီး ချီလီအာဏာသိမ်းမှုကိုလည်း အမေရိကန်အစိုးရက ကျောထောက်နောက်ခံပေးခဲ့တယ်လို့ ဆိုပါတယ်။ ပီနိုရှေးစစ်အစိုးရဟာ ၁၉၇၃ ကနေ ၁၉၉၀ အထိ အုပ်ချုပ်ခဲ့ပြီး “နိုင်ငံတော် ပြန်လည်တည်ဆောက်ရေး” ဆိုတဲ့ မူဝါဒအမည်အောက်မှာ စစ်ထောက်လှမ်းရေးကို အသုံးပြုကာ သဘောထားကွဲလွဲသူတွေကို နှိပ်ကွပ်ခဲ့ပါတယ်။ ဒီလိုဖိနှိပ်မှုတွေကို မခံနိုင်တဲ့ တော်လှန်ရေးသမားတစ်စုက ပီနိုရှေးကို လုပ်ကြံဖို့ ကြိုးစားခဲ့ပေမယ့် မအောင်မြင်ဘဲ အဖမ်းခံလိုက်ကြရတယ်။ သူတို့ကို သာမန်အကျဉ်းသားတွေနဲ့ မရောဘဲ ထောင်ထဲက သီးခြားအဆောင်တွေမှာ ချုပ်ထားပါတယ်။ အများစုက စစ်ခုံရုံးရဲ့ သေဒဏ်ချမှတ်မှုကို ခံထားရပြီးသားပါ။ အရပ်ဘက်တရားရုံးချုပ်မှာ အမှုစစ်နေဆဲဆိုပေမယ့် သူတို့ကတော့ သေဒဏ်ပဲ ကျလာမယ်လို့ ယူဆထားကြတယ်။ လက်မလျှော့ချင်သေးတဲ့ နိုင်ငံရေးအကျဉ်းသားတစ်စုက ထောင်ကနေ လွတ်ဖို့ ဥမင်လိုဏ်

မကြာခင် ရွေးကောက်ပွဲကျင်းပတော့မယ့် မြို့လေးတစ်မြို့မှာ နှစ်လောင်းပြိုင်လူသတ်မှု ဖြစ်သွားပါတယ်။ သုံးပတ်ကြာတဲ့အထိ စုံစမ်းမှုက ဘာမှမတိုးတက်လာတဲ့အခါ လက်ရှိအုပ်ချုပ်သူက ရဲဌာနကို ဖိအားပေးလာတယ်။ အမှုကို အမြန်ဖြေရှင်းဖို့ ကြိုးစားကြရတဲ့နောက်မှာ နိုင်ငံရေးနဲ့ အာဏာဆက်တည်မြဲရေးအတွက် တွက်ချက်မှုတွေလည်း ရှိနေပါတယ်။ အာရဗင်က ရဲအရာရှိဖြစ်တဲ့ အစ်ကိုကို စံပြထားပြီး ရဲထဲဝင်လာသူပါ။ ဒါပေမဲ့ ဒီအမှုအတွက် ဖိအားတွေများလာချိန်မှာ ညီအစ်ကိုနှစ်ယောက် သဘောထားကွဲလာပြီး အစ်ကိုက အာရဗင်ကို နယ်ပြောင်းတာဝန်ချလိုက်ပါတယ်။ အာရဗင်ကတော့ အမှုကို ကိုယ့်နည်းကိုယ့်ဟန်နဲ့ ဆက်စုံစမ်းရင်း ချန်ဒရာဗီလာဆိုတဲ့ လူလိမ်နောက်ကို လိုက်နေတယ်။ အဲဒီလူကို ခြေရာခံရာကနေ လူသတ်မှုအကြောင်း ဘာတွေသိလာရမလဲ၊ အစ်ကိုနဲ့ အမြင်မတူတဲ့ကြားက အမှုကို ဘယ်လိုဆက်ဖြေရှင်းမလဲဆိုတာကို ဆက်တွေ့ရမှာပါ။

ဟောင်ကောင်မှာ ထူးဆန်းရက်စက်တဲ့ လူသတ်မှုတွေ ဆက်တိုက်ဖြစ်နေပြီး တချို့အမှုတွေဆို နှစ်နဲ့ချီတဲ့အထိ မဖော်ထုတ်နိုင်သေးပါဘူး။ ဒီအမှုတွေကို တစ်ကိုယ်တော်လိုက်စုံစမ်းနေသူကတော့ စုံထောက် လီကျွင့်ပါ။ သူက တံတားအောက်မှာ စာတွေရေးထားပြီး အဲဒီစာတွေအတိုင်း အမှုတွေ ဖြစ်လာနေတာကြောင့် ရဲတပ်ဖွဲ့အတွက် မျက်စိနောက်စရာလူ ဖြစ်နေပါတယ်။ လီကျွင့်ဟာ စိတ်ပိုင်းဆိုင်ရာပြဿနာကြောင့် တာဝန်ကနေ ရပ်နားခံထားရသူပါ။ လူတွေက သူ့ကို ရူးနေပြီလို့ သတ်မှတ်ကြပေမယ့် သူကတော့ ကိုယ့်ကိုယ်ကိုယ် အံ့ဖွယ်စုံထောက်တစ်ယောက်ဖြစ်ကြောင်း သက်သေပြဖို့ အမြဲကြိုးစားနေတယ်။ လုယက်လူသတ်မှု၊ အလောင်းပျံအမှု၊ ကွင်းဆက်လူသတ်မှုနဲ့ သားသတ်သမားအမှုတွေမှာ တရားခံရဲ့လှည့်ကွက်တွေကို လီကျွင့် ဘယ်လိုဖော်ထုတ်မလဲ။ ဒီလူသတ်မှုတွေ ဘယ်ကစခဲ့သလဲဆိုတာကိုလည်း လိုက်ရှာရဦးမှာပါ။

ဝီလီယံဖော်စတာက မကြာသေးခင်ကမှ အလုပ်ထုတ်ခံထားရတဲ့ ဒုံးကျည်အင်ဂျင်နီယာတစ်ယောက်ပါ။ ယာဉ်ကြောပိတ်တာ၊ လမ်းတွေညစ်ပတ်နေတာ၊ လူတွေရဲ့ ရိုင်းစိုင်းတဲ့ အပြုအမူနဲ့ ကွဲအက်နေတဲ့ ပလက်ဖောင်းတွေက သူ့အတွင်းမှာရှိတဲ့ ခံပြင်းဒေါသနဲ့ ခါးသီးမှုတွေကို ပိုဆိုးလာစေပါတယ်။ မတည်ငြိမ်တဲ့ သူ့အတွေးတွေနဲ့ ဒီအခြေအနေတွေ ပေါင်းမိတဲ့အခါ ဒေါသတွေ ပေါက်ကွဲထွက်လာပြီး ပြစ်မှုတွေ ဆက်တိုက်ကျူးလွန်မိတော့တယ်။ မိုက်ကယ်ဒေါက်ကလပ် ပါဝင်သရုပ်ဆောင်ထားတဲ့ မှုခင်းအက်ရှင်ဇာတ်ကားဖြစ်ပြီး ဝီလီယံရဲ့ လုပ်ရပ်တွေနဲ့အတူ အဲဒီခေတ်က လူမှုစနစ်ကိုပါ ထင်ဟပ်အောင် တင်ဆက်ထားပါတယ်။

Arjun က အရည်အချင်းရှိပြီး အမှုကိုင်တွယ်ပုံ ထူးခြားတာကြောင့် နာမည်ရနေတဲ့ ရဲအရာရှိတစ်ယောက်ပါ။ ချန်နိုင်းမြို့မှာ လူသတ်မှု၊ ဓားပြမှု၊ မူးယစ်ဆေးဝါးမှုနဲ့ ဆွဲကြိုးလုယက်မှုတွေ များလာတဲ့အခါ အဲဒီအမှုတွေကို ကိုင်တွယ်ဖို့ သူ့ကို ပြောင်းရွှေ့တာဝန်ပေးလိုက်ပါတယ်။ တစ်နေ့မှာ ကိုယ့်ကိုယ်ကို သေကြောင်းကြံစည်တယ်လို့ ယူဆထားတဲ့ အမှုတစ်ခုကို စစ်ဆေးရင်း တကယ်တော့ လူသတ်မှုဖြစ်နေမှန်း သူသိလာတယ်။ ဆက်စုံစမ်းလေလေ မြို့ထဲက မှုခင်းအများအပြားဟာ ဆိုင်ကယ်ဂိုဏ်းတစ်ဂိုဏ်းတည်းနဲ့ ဆက်စပ်နေနိုင်တယ်ဆိုတဲ့ အရိပ်အယောင်တွေ တွေ့လာရလေလေပါပဲ။ ဒါပေမဲ့ အမှုဖော်ထုတ်ဖို့ အခက်အခဲတွေ ရှိနေသေးတာကြောင့် Arjun ဘယ်လိုကျော်ဖြတ်မလဲ၊ ရှေ့မှာ ဘယ်လိုလှည့်ကွက်တွေ စောင့်နေဦးမလဲ။

လက်ထပ်ဖို့ စဉ်းစားနေကြတဲ့ ချစ်သူနှစ်ယောက်ထဲက ကောင်လေးက ကောင်မလေးကို ရေကန်လိုဖြစ်နေတဲ့ ကျောက်ကျင်းတစ်ခုဆီ ခေါ်သွားပါတယ်။ ကောင်မလေး ရေဆင်းကူးနေချိန်မှာ မလှမ်းမကမ်းက အသက်ဆယ့်နှစ်နှစ်အရွယ် ကလေးတွေက ချောင်းကြည့်ပြီး နှောင့်ယှက်နေကြတယ်။ နောက်တော့ အဲဒီကလေးတွေက သူတို့ရဲ့ကားသော့ကိုပါ ယူပြေးသွားပါတယ်။ ကားသော့ပြန်ရဖို့ ကောင်လေးက ကြိုးစားရာကနေ ကလေးတွေနဲ့ ကတောက်ကဆ ဖြစ်လာတော့တယ်။ အဲဒီအငြင်းပွားမှုနောက်မှာ ချစ်သူနှစ်ယောက် ဘယ်လိုအန္တရာယ်တွေ ဆက်ကြုံရမလဲဆိုတာကို ရိုက်ကူးထားတဲ့ ထိတ်လန့်သည်းဖိုဇာတ်ကားပါ။ Kelly Reilly၊ Michael Fassbender နဲ့ Jack O’Connell တို့ ပါဝင်သရုပ်ဆောင်ထားပြီး ကလေးတွေနဲ့ ဖြစ်ပွားတဲ့ ပဋိပက္ခကို အကြမ်းဖက်မှုတွေပါဝင်တဲ့ ဇာတ်လမ်းအဖြစ် တင်ဆက်ထားပါတယ်။

ဆက်သီမိုသီက အမှန်တရားကို ဖော်ထုတ်ရေးသားတဲ့ ရိုးသားတဲ့ မှုခင်းသတင်းသမားတစ်ယောက်ပါ။ သူဖော်ထုတ်ခဲ့တဲ့ အမှန်တရားကြောင့် လုပ်ကြံခံရသလို အဲဒီအချိန်မှာပဲ သူ့ဇနီးကလည်း ဆေးရုံမှာ သမီးလေးကို မီးဖွားရင်း ဆုံးပါးသွားပါတယ်။ မိဘနှစ်ပါးစလုံး မရှိတော့တဲ့နောက် သားအကြီးဖြစ်တဲ့ မတ်သီမာရန်က ညီမလေးကို အုပ်ထိန်းပျိုးထောင်ပေးရတော့တယ်။ အရွယ်ရောက်လာတဲ့ မတ်သီမာရန်ဟာလည်း ဖခင်လိုပဲ သတင်းသမားတစ်ယောက် ဖြစ်လာပါတယ်။ ဖခင်ကြုံခဲ့ရတဲ့ အန္တရာယ်မျိုး ရှိနေပေမယ့် အမှန်တရားတွေကို ဖော်ထုတ်ဖို့ သူကြိုးစားတဲ့အခါ ဘာတွေရင်ဆိုင်ရဦးမလဲ။ ယနေ့ခေတ် သတင်းမီဒီယာလောကကို သရော်ထားတဲ့ အိန္ဒိယတောင်ပိုင်း အက်ရှင်ဒရာမာဇာတ်ကားဖြစ်ပြီး ကြာချိန်က နှစ်နာရီကျော်ရှိပါတယ်။

ဂျင်မီကင်မာတင်က ဒုစရိုက်လောကကို ကျောခိုင်းပြီး မိသားစုနဲ့ အေးအေးချမ်းချမ်း နေထိုင်နေသူပါ။ ဒါပေမဲ့ ဝမ်းကွဲညီအစ်ကိုဖြစ်သူက ဒုစရိုက်မှုတစ်ခုအတွက် အကူအညီလာတောင်းတဲ့အခါ မငြင်းနိုင်ဘဲ ဝင်ကူမိတယ်။ အဲဒီကနေ အလွဲအချော်တွေ ဖြစ်ကုန်ပြီး ကင်မာတင်တစ်ယောက် ထောင်ကျသွားပါတော့တယ်။ ထောင်ကထွက်လာတဲ့အခါ ကောင်းကောင်းမွန်မွန် ပြန်နေထိုင်နိုင်ဖို့ ကင်မာတင်က ရဲတွေနဲ့ အပေးအယူလုပ်ပါတယ်။ သူလုပ်ပေးရမှာက လူဆိုးခေါင်းဆောင်တစ်ယောက်ကို စုံစမ်းထောက်လှမ်းပေးဖို့ပါ။ ဒီအမှုအကြောင်းနဲ့အတူ ငွေကြေးနဲ့ အာဏာက ဥပဒေရေးရာတွေထဲ ဘယ်လိုဝင်ပါနေသလဲ၊ ရာထူးအာဏာအတွက် ဥပဒေကို ဘယ်လိုလက်တစ်လုံးခြားလုပ်ကြသလဲဆိုတာကိုလည်း တင်ပြထားပါတယ်။ Samuel L. Jackson၊ Nicolas Cage၊ David Caruso၊ Stanley Tucci၊ Helen Hunt နဲ့ Kathryn Erbe တို့ ပါဝင်သရုပ်ဆောင်ထားတဲ့ မှုခင်းသည်းထိတ်ရင်ဖိုဇာတ်ကားပါ။

တရားဥပဒေစိုးမိုးမှု အားနည်းနေသေးတဲ့ ၁၈၈၀ ပြည့်နှစ်များက ဩစတြေးလျမှာ ဇာတ်အိမ်တည်ထားတဲ့ ဝက်စတန်ဇာတ်ကားပါ။ နာမည်ကျော်ရာဇဝတ်သား Charlie Burns နဲ့ သူ့ညီတို့ကို တစ်ရက်မှာ ရဲတွေက ပစ်ခတ်ဖမ်းဆီးလိုက်ပါတယ်။ အဲဒီနောက် ရဲဗိုလ်ကြီး Stanley က ချာလီကို အကျပ်ကိုင်ပြီး အပေးအယူတစ်ခု လုပ်ခိုင်းတော့တယ်။ မုဒိမ်းမှု၊ လူသတ်မှုတွေနဲ့ အလိုရှိနေတဲ့ အစ်ကိုဖြစ်သူ Arthur Burns ကို ဖမ်းပေးနိုင်ရင် ချာလီနဲ့ သူ့ညီကို လွှတ်ပေးမယ်၊ မဖမ်းပေးနိုင်ရင်တော့ ညီကို ကွပ်မျက်မယ်ဆိုတဲ့ အပေးအယူပါ။ ချာလီက သဘောတူပြီး သူနဲ့ကွဲကွာနေတဲ့ ဆိုးသွမ်းလှတဲ့အစ်ကိုကို ရှာဖို့ ထွက်လာပါတယ်။ အစ်ကိုကို လိုက်ရှာရတဲ့လမ်းမှာ ဒေသခံတွေနဲ့ ကြေးစားတွေရဲ့ရန်ကိုပါ ရင်ဆိုင်ရတော့တယ်။

၁၉၈၀ နဲ့ ၁၉၉၀ ကြားကာလ၊ အရက်ရောင်းဝယ်မှုကို ပိတ်ပင်ထားတဲ့ အိန္ဒိယနိုင်ငံ ဂူဂျာရတ်ပြည်နယ်မှာ ဇာတ်လမ်းစထားပါတယ်။ အရက်မှောင်ခိုလုပ်ငန်းတွေ ကြီးထွားနေတဲ့ ဒီဒေသမှာ ရာအီးစ်ဟာ ငယ်စဉ်ကတည်းက မှောင်ခိုလောကနဲ့ ရင်းနှီးလာသူပါ။ အရွယ်ရောက်လာတော့ လုပ်ငန်းအကြီးအကျယ် လုပ်ကိုင်တဲ့ မှောင်ခိုဂိုဏ်းခေါင်းဆောင်တစ်ယောက် ဖြစ်လာပါတယ်။ ဒုစရိုက်လုပ်ငန်းတွေနဲ့ ပတ်သက်နေပေမယ့် မွေးရပ်မြေကို ထောက်ပံ့ကူညီပေးတာကြောင့် ဒေသခံတွေကတော့ ရာအီးစ်ကို သဘောကျကြတယ်။ သူ့လုပ်ရပ်တွေကို ဖော်ထုတ်ဖမ်းဆီးဖို့ ကြိုးစားနေသူက ရဲအရာရှိ ဂျိုင်ဒီးပ်အမ်ဘာလာမက်မူဒါပါ။ အမှုမှန်ပေါ်ပေါက်ရေးအတွက် လူဆိုးဂိုဏ်းသားတွေကို တကယ်လိုက်ဖမ်းတဲ့ ရဲအရာရှိနဲ့ ပြည်နယ်အုပ်ချုပ်မှုပိုင်းမှာပါ ဝင်ဖို့ကြိုးစားလာတဲ့ ရာအီးစ်တို့ ထိပ်တိုက်တွေ့လာကြပါတယ်။ ရဲအရာရှိရဲ့လက်ကနေ ရာအီးစ် လွတ်မြောက်နိုင်မလား၊ သူ့ကိုချစ်ကြတဲ့ ဒေသခံတွေကြားမှာ သူ့အနာဂတ်က ဘယ်လိုဖြစ်လာမလဲဆိုတာ ဆက်တွေ့ရမှာပါ။ ရာအီးစ်ရဲ့ ငယ်ဘဝကနေ အရွယ်ရောက်လာတဲ့အထိ ဖြတ်သန်းခဲ့ပုံကို အက်ရှင်ခန်းတွေ၊ သီဆိုကခုန်မှုတွေနဲ့အတူ တင်ပြထားပါတယ်။ ရာအီးစ်အဖြစ် ရှရွတ်ခန်း၊ အစီရာအဖြစ် မဟီရာခန်းနဲ့ ရဲအရာရှိအဖြစ် နာဝါဇူဒင်ဆင်ဒီကွီတို့ ပါဝင်ထားပါတယ်။

ဓာတုအင်ဂျင်နီယာတစ်ယောက်ဖြစ်တဲ့ အီဖန်အာမက်ဟာ မွတ်စလင်ဖြစ်တာကြောင့် နေရာတကာမှာ ခွဲခြားနှိမ့်ချခံနေရပါတယ်။ တစ်နေ့တော့ အလုပ်ကိစ္စတစ်ခု ပြီးလို့ လေဆိပ်ကနေ အိမ်ပြန်ဖို့လုပ်နေတုန်း သူ့ဖုန်း ပျောက်သွားတယ်။ လေဆိပ်ရဲတွေက ဖုန်းကို ရှာမပေးတဲ့အပြင် လေယာဉ်ပေါ်တက်ခွင့်ပါ မပေးတော့ အီဖန် စိတ်တိုသွားပြီး သူ့ကို ဗုံးခွဲမယ့်သူများ မှတ်နေလို့လားဆိုတဲ့စကား ပြောမိသွားပါတယ်။ အဲဒီစကားကြောင့် ဖမ်းဆီးစစ်ဆေးခံရပေမယ့် အပြစ်မတွေ့တာနဲ့ ပြန်လွှတ်ပေးကြတယ်။ ဒါပေမယ့် သူ့ကို ပြန်လွှတ်နေတုန်းမှာပဲ လေဆိပ်မှာ ဗုံးတစ်လုံး တကယ်ပေါက်ကွဲသွားပါတယ်။ ပိုဆိုးတာက ဗုံးကို ထိန်းချုပ်ဖို့ သုံးထားတဲ့ဖုန်းဟာ အီဖန်ရဲ့ ပျောက်သွားတဲ့ဖုန်း ဖြစ်နေတာပါ။ ဒီတစ်ခါမှာတော့ သူ့ကို အိုင်အက်စ်အဖွဲ့ဝင်အဖြစ် ဖမ်းဆီးလိုက်ကြပါတော့တယ်။ ပျောက်သွားတဲ့ဖုန်းက ဗုံးဖောက်ခွဲမှုမှာ ဘယ်လိုပါသွားတာလဲ၊ အီဖန်ကရော တကယ်ပဲ အကြမ်းဖက်အဖွဲ့ဝင်လားဆိုတဲ့ မေးခွန်းတွေကနေ ဇာတ်လမ်းဆက်သွားပါတယ်။ တိုက်ခိုက်တဲ့အခါ လူတွေ အဝေးကြီးလွင့်ထွက်သွားတဲ့ အလွန်အကျွံအက်ရှင်မျိုးကို လျှော့ထားတဲ့ ၂၀၂၂ ခုနှစ် တမီးလ်သည်းထိတ်ရင်ဖို အက်ရှင်ဇာတ်ကားပါ။

၂၀၁၈ ခုနှစ်က The Bad Seed ရဲ့ အဆက်မှာတော့ အမ်မာရဲ့ ဆယ်ကျော်သက်ဘဝကို ဆက်ပြထားပါတယ်။ ငယ်ငယ်ကတည်းက စိတ္တဗေဒဆိုင်ရာ အန္တရာယ်ရှိတဲ့ စရိုက်မျိုးရှိနေတဲ့ အမ်မာဟာ အရင်က လုပ်ခဲ့တာတွေကို လူမသိအောင် ဖုံးကွယ်ထားနိုင်ခဲ့ပြီး အဒေါ်အန်ဂျလာရဲ့ အိမ်မှာ သွားနေခဲ့ရတယ်။ အခုတော့ အဒေါ်၊ အဒေါ့ယောက်ျားနဲ့ သူတို့ရဲ့ ကလေးလေးတို့အတူ နေရင်း ဆယ်ကျော်သက်ဘဝကို ဖြတ်သန်းရတော့မှာပါ။ သူ့ကို မကျေမနပ်ဖြစ်အောင် လုပ်မိသူတွေ ဘာဖြစ်ကြမလဲ၊ ဒီတစ်ခေါက်မှာလည်း အပြစ်ကနေ ရှောင်လွတ်နိုင်ဦးမလားဆိုတာကို ဆက်ကြည့်ရမှာဖြစ်ပါတယ်။ ဇာတ်ကွက်တွေကို အေးအေးဆေးဆေး ဖော်ပြသွားပြီး နောက်ခံတေးဂီတကိုလည်း အမ်မာရဲ့ သွေးအေးတဲ့စရိုက်နဲ့ လိုက်ဖက်အောင် အသုံးပြုထားပါတယ်။

လူသေမှုနဲ့ ထောင်ကျဖူးတဲ့ ကွန်နာဟာ ကမ်းခြေကို သွားရင်း မာရီလင်းဆိုတဲ့ အမျိုးသမီးတစ်ယောက်နဲ့ ဆုံခဲ့ပါတယ်။ နောက်တော့ မာရီလင်းက ကွန်နာအလုပ်လုပ်တဲ့ စာကြည့်တိုက်ကို စာအုပ်လာငှားရင်း သူတို့နှစ်ယောက် ဆက်သွယ်မိကြပြီး ခွဲမရအောင် ချစ်မိသွားကြတယ်။ ဒါပေမယ့် မာရီလင်းမှာ အလွန်ချမ်းသာတဲ့ ခင်ပွန်းနဲ့ လင်ပါသမီးတစ်ယောက် ရှိနေပါတယ်။ မာရီလင်းက သူ နှိပ်စက်ခံနေရကြောင်း ကွန်နာကို ဆက်တိုက်ပြောလာတဲ့အခါ သူတို့ရဲ့ အချစ်ရေးကနေ နောက်ဆက်တွဲ ဘာတွေဖြစ်လာမလဲဆိုတာကို သည်းထိတ်ရင်ဖိုပုံစံနဲ့ ဆက်ပြထားပါတယ်။

လူတွေ အစုလိုက်အပြုံလိုက် သတ်ဖြတ်ခံရမှုတွေ ဆက်တိုက်ဖြစ်လာတဲ့အခါ ရဲအုပ်ကြီးဟယ်ရီဂန်နဲ့ သူ့အဖွဲ့က ကျူးလွန်သူကို ဖမ်းဆီးဖို့ ကြိုးစားကြပါတယ်။ သူတို့ရင်ဆိုင်နေရတာက အမျိုးအမည်မသိရသေးတဲ့ Predator ဖြစ်ပြီး တခြားကမ္ဘာက ရောက်လာတဲ့ ဒီဂြိုဟ်သားကို ရဲတပ်ဖွဲ့ဝင်တွေ တိုက်ခိုက်ရတော့တာပါ။ ၁၉၈၇ ခုနှစ်က အာနိုးပါဝင်သရုပ်ဆောင်ခဲ့တဲ့ Predator ရဲ့ အဆက်ဖြစ်ပေမယ့် အဓိကဇာတ်ကောင်တွေနဲ့ ဇာတ်လမ်းကြောင်းက ပြောင်းသွားပါတယ်။ Predator ကိုပဲ ဆက်အခြေခံထားတဲ့ အက်ရှင်အသားပေး သိပ္ပံစိတ်ကူးယဉ်ဇာတ်ကားဖြစ်ပြီး အဲဒီခေတ်က အထူးပြုလုပ်ချက်တွေကိုလည်း တွေ့ရမှာပါ။

ကမ္ဘာတစ်ဝှမ်း စီးပွားပျက်ကပ်ကြုံနေရပြီး အမေရိကန်အပါအဝင် အနောက်အုပ်စုနဲ့ မြောက်ကိုရီးယားကြား အခြေအနေတင်းမာနေတဲ့အချိန်ပါ။ ရေတပ်သားဂျက်က ခွင့်ရက်ရလို့ အဖေနဲ့ ညီရှိတဲ့အိမ်ကို ခဏပြန်လာတယ်။ အဲဒီအချိန်မှာပဲ တစ်မြို့လုံး ပုံမှန်မဟုတ်ဘဲ မီးပျက်သွားပြီး နောက်နေ့မနက်မှာ မြောက်ကိုရီးယားစစ်သားတွေ မြို့ထဲကို လေကြောင်းကနေ ကျူးကျော်ဝင်လာနေတာကို သိလိုက်ရပါတယ်။ ဂျက်က ညီဖြစ်သူနဲ့ သူငယ်ချင်းလူငယ်တစ်စုကို ခေါ်ပြီး တောထဲကအိမ်တစ်လုံးမှာ သွားပုန်းနေတယ်။ ဒါပေမယ့် ဒီအခြေအနေကို မခံမရပ်နိုင်ကြတဲ့အဆုံး ပြန်လည်တော်လှန်ဖို့ ရွေးချယ်လိုက်ကြပါတယ်။ သူတို့ရဲ့ တော်လှန်ရေးမှာ ဘယ်လိုအခက်အခဲတွေ ကြုံရမလဲ၊ အောင်မြင်နိုင်ပါ့မလားဆိုတာ ဆက်သွားမယ့် ဇာတ်လမ်းပါ။ ၂၀၁၂ ခုနှစ်မှာ ထွက်ရှိခဲ့ပြီး Chris Hemsworth ပါဝင်သရုပ်ဆောင်ထားပါတယ်။ ၁၉၈၄ ခုနှစ်က Red Dawn ကို ပြန်လည်ရိုက်ကူးထားတာ ဖြစ်ပါတယ်။

သမီးလေးတစ်ယောက်ရှိတဲ့ ဒိန်းမတ်မိသားစုဟာ စကားမပြောတတ်တဲ့ သားလေးတစ်ယောက်ရှိတဲ့ နယ်သာလန်မိသားစုနဲ့ ရင်းနှီးလာကြပါတယ်။ နောက်တော့ နယ်သာလန်ကို အလည်လာဖို့ ဖိတ်ခေါ်ခံရတဲ့အတွက် ဒိန်းမတ်မိသားစုလည်း သူတို့ရှိတဲ့ ကျေးလက်အိမ်လေးဆီ မိသားစုလိုက် သွားလည်ကြတယ်။ ဒီအလည်အပတ်ခရီးကနေ မိသားစုနှစ်စုကြား ဘာတွေဆက်ဖြစ်မလဲဆိုတာကို လှည့်ကွက်တွေနဲ့ ဆက်ပြထားပါတယ်။ ဆုတွေရရှိထားတဲ့ ဥရောပဟော်ရာကားဖြစ်ပြီး ကြိုက်သူနဲ့ မကြိုက်သူ အမြင်ကွဲနေတဲ့ ရုပ်ရှင်လည်း ဖြစ်ပါတယ်။ တထိတ်ထိတ်ဖြစ်စရာတွေနဲ့အတူ အားမလိုအားမရဖြစ်စရာ အခြေအနေတွေ၊ အဓိပ္ပာယ်ဆောင်တဲ့ နိမိတ်ပုံတွေကိုပါ ထည့်သွင်းထားတယ်။

၁၉၇၀ ကျော်က ဖြစ်ရပ်မှန်ကို အခြေခံထားတဲ့ ရာဇဝတ်မှုဇာတ်လမ်းပါ။ နည်းပညာ မတိုးတက်သေးဘဲ အမေရိကန်နိုင်ငံ စီးပွားရေးကျပ်တည်းနေတဲ့ကာလမှာ Robert ဟာ ပြစ်မှုတစ်ခုကြောင့် မီရှီဂန်အကျဉ်းထောင်မှာ ထောင်ဒဏ် တစ်နှစ်ခွဲ ကျခံရပါတယ်။ ဒါပေမယ့် သူက ထောင်ဖောက်ထွက်လာပြီး ကနေဒါကို ထွက်ပြေးဖို့ ကြိုးစားခဲ့တယ်။ ကနေဒါကို ရောက်သွားတဲ့အခါ အဲဒီကဘဏ်တွေဟာ အမေရိကန်က ဘဏ်တွေလို လုံခြုံရေးမတင်းကျပ်ဘူးဆိုတာ သူသတိထားမိလာတယ်။ အဲဒီကနေ ဘဏ်ဓားပြတိုက်တာကို စလုပ်တော့တာပါပဲ။ ဘဏ်ပေါင်း ၅၉ ခုကို ဓားပြတိုက်ခဲ့ပြီး နောက်ပိုင်းမှာ လက်ဝတ်ရတနာဆိုင်တွေကိုပါ ပစ်မှတ်ထားလာတဲ့အတွက် ရဲတပ်ဖွဲ့ရဲ့ အလိုအရှိဆုံး ရာဇဝတ်ကောင်အဖြစ် သတ်မှတ်ခံရပါတယ်။ ဓားပြမတိုက်ခင် Robert ဘာတွေပြင်ဆင်သလဲ၊ ဘဏ်တွေနဲ့ ရတနာဆိုင်တွေကို ဘယ်လိုဝင်တိုက်သလဲဆိုတာအပြင် ကနေဒါရဲတပ်ဖွဲ့က ပိုက်စိပ်တိုက်ရှာဖွေလာတဲ့အခါ လွတ်မြောက်ဖို့ ဘယ်လိုကြိုးစားမလဲဆိုတာကိုပါ ဆက်ကြည့်ရမှာပါ။

ဘရိုင်ရန်ဟာ နိုင်ငံရပ်ခြားမှာ စစ်မှုထမ်းခဲ့ပြီး မသန်စွမ်းဖြစ်လာတဲ့ စစ်ပြန်တစ်ယောက်ပါ။ အလုပ်မလုပ်နိုင်တော့တဲ့အတွက် မသန်စွမ်းလစာကိုပဲ အားကိုးပြီး နေထိုင်နေရတယ်။ ဇနီးနဲ့လည်း ကွဲနေပြီး စိတ်ကျန်းမာရေးအခြေအနေကလည်း မတည်ငြိမ်ပါဘူး။ သူရသင့်တဲ့ ငွေလေးပြန်ရရင် သမီးကို ခွေးလေးတစ်ကောင် ဝယ်ပေးချင်တဲ့ ဖခင်တစ်ယောက်လည်း ဖြစ်ပါတယ်။ သူ့အတွက် အားကိုးစရာဖြစ်နေတဲ့ လစာကို စစ်မှုထမ်းဟောင်းရေးရာနဲ့ နည်းပညာကောလိပ်တစ်ခုတို့ ပူးပေါင်းဖြတ်ယူနေမှန်း သိလိုက်ရတဲ့အခါ ဘရိုင်ရန်က ငြိမ်မနေတော့ဘူး။ ငွေပြန်ရဖို့နဲ့ စစ်မှုထမ်းဟောင်းရေးရာရဲ့ အကျင့်ပျက်ခြစားမှုကို လူသိရှင်ကြား ဖော်ထုတ်ဖို့ ဘဏ်တစ်ခုကို ဝင်စီးလိုက်ပါတယ်။ သူတောင်းဆိုတာတွေ မလုပ်ပေးရင် ဗုံးဖောက်ခွဲမယ်လို့လည်း ခြိမ်းခြောက်ထားတယ်။ ဖြစ်ရပ်မှန်ကို အခြေခံထားတဲ့ ဒီဇာတ်လမ်းမှာ ဘဏ်ကို ဝင်စီးပြီးနောက် ဘရိုင်ရန် ဘာတွေထပ်တောင်းဆိုမလဲ၊ ဓားစာခံတွေကို ဘယ်လိုဆက်ဆံမလဲ၊ သူလိုချင်တာတွေ ရနိုင်ပါ့မလားဆိုတဲ့ မေးခွန်းတွေနဲ့ ဆက်သွားပါတယ်။

အမေရိကန်က မြို့ငယ်လေးတစ်မြို့မှာ နာရီပိုင်းအတွင်း လူတွေ ပျောက်သူပျောက်၊ သေသူသေ ဖြစ်ကုန်ကြပါတယ်။ အဲဒီနေ့မနက်က မြို့ကနေထွက်ပြီး အယ်လ်အေမှာ ရည်းစားနဲ့ရှိနေတဲ့ ညီမကို အတင်းပြန်ခေါ်လာခဲ့တဲ့ အစ်မဖြစ်သူဟာ ညနေ မြို့ထဲပြန်ရောက်မှ ဒီအဖြစ်ကို တွေ့လိုက်ရတာပါ။ ညီအစ်မနှစ်ယောက်လုံး မြို့ထဲကနေ ပြန်ထွက်နိုင်ဖို့ နည်းမျိုးစုံ ကြိုးစားပေမဲ့ ပိတ်မိသွားကြတယ်။ သူတို့ရင်ဆိုင်နေရတဲ့ အရာဟာ လူတွေလို စဉ်းစားနိုင်တဲ့ အသိဉာဏ်ရှိပြီး လူသားမျိုးနွယ်တစ်ခုလုံးကိုတောင် ပျက်သုဉ်းစေနိုင်တဲ့ ထူးဆန်းတဲ့သတ္တဝါတစ်ကောင် ဖြစ်နေပါတယ်။ အဏုဇီဝပညာရှင်တစ်ယောက်၊ ရဲအရာရှိတစ်ယောက်၊ ဆရာဝန်မတစ်ယောက်နဲ့ အရွယ်မရောက်တရောက် မိန်းကလေးတစ်ယောက်တို့က ဒီအန္တရာယ်ကို ဘယ်လိုရင်ဆိုင်ကြမလဲ။ ၁၉၉၈ ခုနှစ်ထွက် ထိတ်လန့်သိပ္ပံစိတ်ကူးယဉ်ဇာတ်ကားဖြစ်ပြီး Ben Affleck၊ Rose McGowan၊ Peter O'Toole နဲ့ Joanna Going တို့ ပါဝင်ထားပါတယ်။ Ben Affleck ကို Pearl Harbor နဲ့ Good Will Hunting၊ Rose McGowan ကို Scream၊ Peter O'Toole ကို Lawrence of Arabia တို့ကနေ သိထားသူတွေလည်း ဒီဇာတ်ကားမှာ ပြန်တွေ့ရမှာပါ။