ရုပ်ရှင်အသစ်များ

၂၀၁၉ က ပရိသတ်တွေ အထူးနှစ်သက်သဘောကျခဲ့တဲ့ "Ready or Not" ရုပ်ရှင်ကို မှတ်မိကြဦးမယ်ထင်ပါတယ်။ အခု ၂၀၂၆ မှာတော့ အဲဒီရုပ်ရှင်ရဲ့ အဆက်ဖြစ်တဲ့ "Ready or Not 2: Here I Come" ဆိုပြီး ပိုမိုကြီးမားတဲ့ ဇာတ်အိမ်၊ ပိုမိုကြမ်းတမ်းတဲ့ အသက်လုပွဲတွေနဲ့အတူ ရောက်ရှိလာပါပြီ။ ဒီဇာတ်ကားမှာလည်း ပထမကားက မင်းသမီးချောလေး Samara Weaving က Grace အဖြစ် ပြန်လည်ပါဝင်လာသလို၊ သူမရဲ့ ညီမဖြစ်သူ Faith နေရာမှာ Kathryn Newton က အားဖြည့်ပါဝင်ထားတာကြောင့် သရုပ်ဆောင်ပိုင်းမှာတော့ အထူးပြောစရာမလိုပါဘူး။ ဇာတ်လမ်းအကျဉ်းလေးကို ပြောပြရမယ်ဆိုရင် ဒီဒုတိယပိုင်းဟာ ပထမကားရဲ့ အဖြစ်အပျက်တွေ ပြီးဆုံးသွားတဲ့အချိန်ကနေ ချက်ချင်းပဲ ဆက်လက်စတင်ထားတာပါ။ Le Domas မိသားစုရဲ့ ရူးကြောင်ကြောင် သေမင်းတမန် ကစားပွဲကနေ အသည်းအသန် လွတ်မြောက်လာခဲ့တဲ့ Grace တစ်ယောက် အခုတစ်ခါမှာတော့ ပိုမိုဆိုးရွားလှတဲ့ နောက်ထပ်အဆင့်တစ်ခုကို ထပ်မံရင်ဆိုင်ရပြန်ပါတယ်။ ဒီတစ်ကြိမ်မှာတော့ Grace ဟာ သူမနဲ့ သိပ်မရင်းနှီးတဲ့ ညီမဖြစ်သူ Faith နဲ့အတူ အသက်ရှင်လွတ်မြောက်ဖို့ ကြိုးစားရမှာပါ။ သူတို့ညီမနှစ်ယောက်ကို ကမ္ဘာကြီးကို ချုပ်ကိုင်ထားတဲ့ ကောင်စီရဲ့ အမြင့်ဆုံးရာထူးနေရာကို လုယူချင်နေကြတဲ့ အခြားပြိုင်ဘက် အထက်တန်းလွှာ မိသားစုကြီး လေးခုက လိုက်လံအမဲလိုက် သတ်ဖြတ်ကြတဲ့အခါ ဘယ်လိုတွေ ဆက်ဖြစ်ကြမလဲဆိုတာကို ဇာတ်လမ်းမှာ တွေ့မြင်ရမှာ ဖြစ်ပါတယ်။ ဒီဇာတ်ကားကို ဘာကြောင့် ကြည့်သင့်လဲဆိုရင် ပထမကားမ

မော်တော်ဆိုင်ကယ်ပြိုင်ပွဲရဲ့ ဖုန်တော၊ ဗွက်တောနဲ့ အင်ဂျင်သံတွေကြားမှာ အဖေနဲ့သားကြားက ပြင်းထန်တဲ့ သံယောဇဉ်ကို ရင်ခုန်စရာကောင်းအောင် ရိုက်ကူးထားတဲ့ ဇာတ်ကားကောင်းတစ်ကား ဖြစ်ပါတယ်။ တစ်ချိန်က နိုင်ပွဲတွေဆက်တိုက်ရယူနိုင်ခဲ့တဲ့ ပြိုင်ကားသမားဟောင်းကြီးတစ်ယောက်ဟာ သူ့ရဲ့သွေးပါလာတဲ့ ပါရမီရှင် သားဖြစ်သူကို ကမ္ဘာ့အဆင့်ချန်ပီယံဖြစ်လာဖို့ တင်းကျပ်တဲ့ စည်းကမ်းတွေနဲ့ လေ့ကျင့်ပေးပါတော့တယ်။ ဒါပေမဲ့ ငယ်ရွယ်တဲ့သားဖြစ်သူက အချစ်ရေးကို ဦးစားပေးပြီး ဖခင်ဖြစ်သူနဲ့ ဆိုင်ကယ်ပြိုင်ပွဲလောကကို ပစ်ပယ်သွားခဲ့သောအခါ... မိသားစု ပြိုကွဲမဲ့အန္တရာယ်၊ လုပ်ငန်းရှင်တွေရဲ့ ညစ်ပတ်တဲ့ လှည့်ကွက်တွေနဲ့ ပြိုင်ကွင်းထဲက အသက်အန္တရာယ်တွေကို သူတို့သားအဖ ဘယ်လိုရင်ဆိုင်ကျော်ဖြတ်မလဲ။ အရှုံးသမား၊ လူလိမ်လို့ သမုတ်ခံခဲ့ရတဲ့ ဖခင်တစ်ယောက်ရဲ့ ဂုဏ်သိက္ခာကို သားဖြစ်သူက ကမ္ဘာ့စင်မြင့်ထက်မှာ ဘယ်လို ပြန်လည်ဆယ်ယူပေးမလဲ၊ ပြိုင်ပွဲတိုင်းမှာ အကြောက်တရားကို ရင်ဆိုင်ပြီး အောင်ပွဲကို ဘယ်လိုဆွတ်ခူးမလဲဆိုတာကို ခံစားကြည့်ရှုရမဲ့ အားကစားနဲ့ မိသားစုဒရာမာ ဇာတ်ကားကောင်းတစ်ကားဖြစ်လို့ လက်မလွှတ်တမ်း ကြည့်ရှုသင့်ပါတယ်

ရုပ်ရှင်တစ်ကားကို ကြည့်ရင်းနဲ့ တစ်ကိုယ်လုံး အေးစိမ့်တုန်ရီသွား‌စေနိုင်တဲ့ vibe မျိုးရမယ်ဆိုရင် စိတ်ဝင်စားကြလား... ဒါဆိုရင်တော့ Survival ဇာတ်ကားကောင်းလေးတစ်ကားနဲ့ မိတ်ဆက်ပေးချင်ပါတယ်။ ဒါကတော့ ၂၀၂၆ ခုနှစ်မှာ ထွက်ရှိထားတဲ့ "Ice-Pocalypse" ဆိုတဲ့ ဇာတ်ကားလေးပါပဲ။ ဒီကားလေးက သဘာဝဘေးအန္တရာယ်ကားဆိုပေမဲ့ ရိုးရိုးတန်းတန်း ရှင်သန်ရေးတင်မကဘဲ လူသားတွေရဲ့ စိတ်ဓာတ်ကြံ့ခိုင်မှုနဲ့ မိသားစုမေတ္တာအကြောင်းကို ရင်နင့်အောင် ရိုက်ကူးပြထားပါသေးတယ်။ ဇာတ်လမ်းအကျဉ်းလေကိုပြောပြရရင်တော့ မမျှော်လင့်ထားတဲ့ ရာသီဥတု ဖောက်ပြန်မှုကြောင့် တစ်ကမ္ဘာလုံး ရေခဲပြင်ကြီးအဖြစ် ပြောင်းလဲသွားတဲ့အချိန်ကနေ စတင်ထားတာပါ။ မြို့ပြကြီးတစ်ခုလုံးလည်း စက္ကန့်ပိုင်းအတွင်းမှာတင် အေးခဲသွားပြီး လူသားတွေက အသက်ရှင်ဖို့အတွက် နွေးထွေးတဲ့ "Safe Zone" ဆီကို အပြေးအလွှားသွားကြရပါတယ်။ တစ်ဖက်မှာကလည်း လူသန်းပေါင်းများစွာရဲ့အသက်အတွက် စွန့်စားမှုတွေလုပ်ပြီး အသက်စွန့်ဖို့ဝန်မလေးတဲ့ နာဆာအဖွဲ့ဝင်တွေနဲ့ အာဏာပိုင်တွေရဲ့ စိတ်ဓာတ်နဲ့ အေးခဲတဲ့ဒဏ်တွေကြားမှာ ပူနွေးတဲ့ဆုံးဖြတ်ချက်ချပြီး ရင်ဆိုင်နိုင်ပုံတွေကို တွေ့ရဦးမှာပါ။ဒါ့အပြင် အသက်ရှင်ဖို့အတွက် ရုန်းကန်ရတဲ့အခါမှာ လူသားတွေရဲ့ စိတ်နေစိတ်ထား ဘယ်လိုပြောင်းလဲသွားလဲ၊ အခက်အခဲတွေကြားမှာ ဘယ်လိုစည်းလုံးရမလဲဆိုတာကို ပညာသားပါပါ ရိုက်ပြထားပါသေးတယ်။ ဇာတ်လမ်းရဲ့ ထူးခြားချက်ကတော့ ရေခဲဖုံးနေတဲ့ မြို့ပြကြီးရဲ့ Visual Effectsတွ

"Swapped" ဆိုတဲ့ Animation ဇာတ်ကားလေးဟာ မိသားစုနဲ့အတူတူ ပေါ့ပေါ့ပါးပါး ကြည့်ဖို့ အကောင်းဆုံး ဇာတ်ကားတစ်ကားပါပဲ။ Skydance Animation နဲ့ Netflix တို့ ပူးပေါင်းဖန်တီးထားပြီး ပရိသတ်တွေကြားမှာ ရေပန်းစားနေတဲ့ ကားလေးလည်း ဖြစ်ပါတယ်။ ဒီဇာတ်ကားဟာ ခန္ဓာကိုယ်ချင်း လဲလှယ်ရတဲ့ အယူအဆကို တိရစ္ဆာန်လေးတွေနဲ့ ဆန်းသစ်စွာ ပုံဖော်ထားတာ ဖြစ်ပါတယ်။ ဇာတ်လမ်းအကျဉ်းချုပ်အနေနဲ့ကတော့ The Valley လို့ခေါ်တဲ့ လှပတဲ့ တောအုပ်ကြီးထဲမှာ နေထိုင်ကြတဲ့ သေးငယ်တဲ့ တောရိုင်းတိရစ္ဆာန်လေး Ollie နဲ့ ကြီးမားခန့်ညားတဲ့ ငှက်ကြီး Ivy တို့အကြောင်းကို ရိုက်ကူးထားတာပါ။ သူတို့နှစ်ကောင်ဟာ မထင်မှတ်ထားတဲ့ အကြောင်းရင်းတစ်ခုကြောင့် ရုတ်တရက် ခန္ဓာကိုယ်ချင်း ပြောင်းလဲသွားခဲ့ကြပြီး ခန္ဓာကိုယ်ချင်း လဲလှယ်သွားပြီးနောက်ပိုင်းမှာ သူတို့ရဲ့ မူလခန္ဓာကိုယ်တွေကို ပြန်ရဖို့အတွက် အတူတကွ မဖြစ်မနေ ပူးပေါင်းပြီး အခက်အခဲတွေကို ရင်ဆိုင်ဖြေရှင်းကြရမယ့် စွန့်စားခန်းတွေကို မြင်တွေ့ရမှာပါ။ ဒီဇာတ်ကားမှာ Ollie အဖြစ် နာမည်ကျော် မင်းသား Michael B. Jordan က အသံသရုပ်ဆောင်ထားပြီး Ivy အဖြစ် Juno Temple က ပါဝင်အားဖြည့်ထားပါတယ်။ ဒါ့အပြင် တောတောင်သဘာဝ ရှုခင်းတွေကို Animation နဲ့ အသေးစိတ် ဖန်တီးထားမှုကလည်း မျက်စိပသာဒဖြစ်စေလို့ ရုပ်ထွက်ကောင်းကောင်းနဲ့လည်း ကြည့်ရမှာဖြစ်ပါတယ်။ အချုပ်အားဖြင့်ဆိုရရင် "Swapped" ဟာ ရယ်မောစရာ ဟာသပြကွက်တွေ၊ စိတ်လှုပ်ရှားစရာ စွန့်စားခန်းတွ

၁၄၅၇ ခုနှစ် ဂျိုဆွန်းခေတ်ကို အခြေခံပြီး စတင်ထားပါတယ်။ ဆင်းရဲမွဲတေနေတဲ့ တောင်ပေါ်ရွာလေးက ရွာသူကြီး Eom Heung-do ဟာ ရွာကို တိုးတက်စေချင်တဲ့ ရည်ရွယ်ချက်၊ မျှော်လင့်ချက်အပြည့်နဲ့ နယ်နှင်ဒဏ်ပေးခံရတဲ့ မှူးမတ်တစ်ဦးကို သူတို့ရွာမှာ လက်ခံစောင့်ရှောက်ဖို့ လျှောက်ထားခဲ့ပါတယ်။ ဒါပေမယ့် တကယ်တမ်း ဆိုက်ရောက်လာတဲ့ ဧည့်သည်ဟာ သာမန်မှူးမတ် မဟုတ်ဘဲ နန်းချခံလိုက်ရတဲ့ ဘုရင်လေး Danjong ဖြစ်နေတဲ့အခါမှာတော့ သူ့ရဲ့ မျှော်လင့်ချက်တွေ တက်တက်စင်အောင် လွဲချော်ခဲ့ရပါတယ်။ ဇာတ်လမ်းဟာ အေးစက်စက် တောင်ပေါ်ရွာလေးမှာ သူတို့နှစ်ဦးကြားက ရင်းနှီးမှုကို ဖြည်းဖြည်းချင်း တည်ဆောက်ပြသွားပါတယ်။ အစပထမမှာ ရွာရဲ့အကျိုးကျေးဇူးအတွက် စတင်ခဲ့ပေမယ့် နောက်ပိုင်းမှာ တစ်ယောက်အပေါ်တစ်ယောက် နားလည်မှုတွေရှိလာပြီး ရွာလေးအပေါ်ထားတဲ့ တာဝန်သိစိတ်တွေ အပြန်အလှန် ပြောင်းလဲလာပုံကို သိမ်မွေ့စွာ ရိုက်ကူးပြထားပါတယ်။ မင်းသား Geumseong နဲ့ နောက်ပပိုင်း ပူပေါင်းပီး ထီးနန်းပြန်ရဖို့အတွက် ပုန်ကန်တဲ့အခါ ဘယ်လိုတွေဆက်ဖြစ်မလဲဆိုတာကိုတော့ . . . .

Vengeance (2026) ဟာ အက်ရှင်ရသကို အပြည့်အဝပေးစွမ်းနိုင်ပြီး Amazon Prime ကနေ အသစ်ထွက်ရှိထားတဲ့ ဇာတ်ကားကောင်းတစ်ကား ဖြစ်ပါတယ်။ ဒီဇာတ်ကားဟာ အထူးတပ်ဖွဲ့ဝင်ဟောင်းတစ်ယောက်ဖြစ်တဲ့ ကားလို့စ် အက်စ်ထရာဒါ (Carlos Estrada) ရဲ့ ဘဝကို အခြေခံပြီး ရိုက်ကူးထားတာပါ။ တိုင်းပြည်အတွက် စွန့်လွှတ်အနစ်နာခံခဲ့တဲ့ သူရဲကောင်းတစ်ယောက်ဖြစ်ပေမယ့် သူ့ရဲ့ချစ်ဇနီး ရက်ရက်စက်စက် လုပ်ကြံသတ်ဖြတ်ခံလိုက်ရချိန်မှာတော့ သူ့ဘဝကြီးဟာ တစ်ဆစ်ချိုး ပြောင်းလဲသွားခဲ့ပါတယ်။ ဇနီးဖြစ်သူ ဆုံးရှုံးသွားတဲ့ နာကျင်မှုတွေကနေတစ်ဆင့် ကလဲ့စားချေလိုစိတ် တစ်ခုတည်းနဲ့ အသက်ရှင်ဖို့ ဆုံးဖြတ်လိုက်တဲ့အခါ ဘာတွေဆက်ဖြစ်လာမလဲ။ မမျှော်လင့်ထားတဲ့ ကံကြမ္မာအလှည့်အပြောင်းတစ်ခုကြောင့် ကားလို့စ်ဟာ ရုတ်တရက် သန်းကြွယ်သူဌေးတစ်ယောက် ဖြစ်လာခဲ့ပြီး ဒီငွေကြေးတွေကို သာမန်လူတွေလို ဇိမ်ခံဖို့မသုံးဘဲ သူ့ဇနီးကို သတ်သွားတဲ့ တရားခံတွေကို လိုက်လံရှာဖွေဖို့အတွက် အဆင့်မြင့် လက်နက်တိုက်ကြီးတစ်ခု တည်ဆောက်ရာမှာ အသုံးပြုခဲ့ပါတယ်။ အဲဒီနောက်မှာတော့ သူ အယုံကြည်ရဆုံး တပ်ဖွဲ့ဝင်ဟောင်းတွေနဲ့ ပူးပေါင်းပြီး တရားခံတွေကို အသေအလဲ လိုက်လံချေမှုန်းပါတော့တယ်။ ဒီဇာတ်ကားထဲမှာ ပါဝင်တဲ့ ဗိုလ်မှူးကြီး ဂါဘရီရယ်လာ (Gabriela Rangel) ဆိုရင်လည်း စစ်ဆင်ရေးတွေမှာ သူ ဘယ်လောက်အထိ ပြတ်သားထက်မြက်လဲဆိုတာကို ပီပီပြင်ပြင်တွေ့မြင်ရမှာပါ။ ဒီဇာတ်ကားဟာ သာမန် အက်ရှင်ကားတွေလို ပစ်ခတ်တိုက်ခိုက်ရုံသက်သက်မဟုတ်ဘဲ ဇာ

Pixar ရဲ့ ဖန်တီးမှုအသစ်ဖြစ်တဲ့ "Hoppers" ဟာ သဘာဝတရားကို ချစ်မြတ်နိုးတဲ့ ကောင်မလေးတစ်ယောက်ရဲ့ ဖြူစင်တဲ့နှလုံးသားနဲ့အတူ စတင်ထားပါတယ်။ ဒီဇာတ်ကားလေးဟာ ခေတ်လွန်နည်းပညာနဲ့ သဘာဝတရားရဲ့ လျှို့ဝှက်ချက်တွေကို ဆန်းသစ်စွာ ပေါင်းစပ်ပေးထားပြီး လူသားတွေနဲ့ တိရစ္ဆာန်လေးတွေကြားက နားလည်မှုလွဲမှားနေတဲ့ ကမ္ဘာနှစ်ခုကို တံတားတစ်စင်းလို ဆက်သွယ်ပေးမယ့် ဇာတ်လမ်းလေးတစ်ပုဒ်ပါ။ မျက်စိပသာဒဖြစ်စေမယ့် Animation ဖန်တီးမှုတွေနဲ့အတူ ရယ်မောပျော်ရွှင်ရမယ့် အခိုက်အတန့်တွေ ပြည့်နှက်နေပေမယ့် ဒီဇာတ်ကားကနေ ပေးချင်တဲ့ ခံစားချက်ကတော့ တော်တော်လေး နက်ရှိုင်းလှပါတယ်။ ဇာတ်လမ်းရဲ့ အဓိကအသက်သွေးကြောကတော့ တိရစ္ဆာန်လေးတွေရဲ့ အသိုင်းအဝိုင်းထဲကို စက်ရုပ်ကိုယ်ပွား (Hoppers) နည်းပညာနဲ့ ဝင်ရောက်သွားတဲ့ မေဘယ် (Mabel) ဆိုတဲ့ ကောင်မလေးပဲ ဖြစ်ပါတယ်။ သူမဟာ ကိုယ်တိုင်တိရစ္ဆာန်တစ်ကောင်လို နေထိုင်ရင်း သူတို့ရဲ့ ဘာသာစကား၊ သူတို့ရဲ့ ရိုးရှင်းတဲ့ ရှင်သန်မှုပုံစံတွေနဲ့ သူတို့ရဲ့ ကမ္ဘာငယ်လေးထဲက လှပတဲ့ ဖရိုဖရဲဆန်မှုတွေကို ကိုယ်တွေ့ခံစားရပါတော့တယ်။ လူသားတွေရဲ့ တစ်ကိုယ်ကောင်းဆန်တဲ့ လိုအင်ဆန္ဒတွေအောက်မှာ တိတ်ဆိတ်စွာ အံတုနေရတဲ့ သဘာဝတရားရဲ့ အသံတွေကို ဇာတ်ကားထဲမှာ အနုပညာဆန်ဆန်၊ ချစ်စရာကောင်းအောင် ပုံဖော်တင်ဆက်ထားပါတယ်။ ဒီရုပ်ရှင်က ပေးချင်တဲ့ သင်ခန်းစာလေးကတော့ ကျွန်တော်တို့ လူသားတွေအနေနဲ့ ကိုယ့်ပတ်ဝန်းကျင်က သက်ရှိတွေအပေါ် ကိုယ်ချင်းစာတရားထားဖို့၊ တူညီတ

ဒီတစ်ခေါက် ဇာတ်ကားလေးကတော့ အက်ရှင်သဘာဝမင်းသားကြီး ဂျက်ကီချန်းရဲ့ ၂၀၂၆ ထွက် အက်ရှင်ဟာသကားသစ်ဖြစ်တဲ့ ''Panda Plan: The Magical Tribe''ဆိုတဲ့ ဇာတ်ကားကောင်းလေး ဖြစ်ပါတယ်။မိသားစုနဲ့အတူ ပေါ့ပေါ့ပါးပါး ကြည့်ရှုဖို့ အကောင်းဆုံး ဇာတ်ကားတစ်ကား ဖြစ်ပါတယ်။ ဒီဇာတ်ကား​လေးက​တော့ အရင်ထွက်ရှိခဲ့တဲ့ Panda Plan (၂၀၂၄) ရဲ့ နောက်ဆက်တွဲဖြစ်ပြီး ဒီတစ်ခါမှာတော့ ဂျက်ကီချန်းတစ်ယောက် လူသူမရောက်ဖူးသေးတဲ့ မှော်ဆန်တဲ့ မျိုးနွယ်စုတွေရှိရာ ဒေသကို ရောက်ရှိသွားပါတယ်။ အဲဒီမှာ ချစ်ဖို့ကောင်းတဲ့ ပန်ဒါလေး ''ဟူဟူ''ကို ကယ်တင်ရင်း မျိုးနွယ်စုရဲ့ ရိုးရာယဉ်ကျေးမှုတွေ ရှေးဟောင်းကျောက်စာချပ်တွေနဲ့ ပတ်သက်တဲ့ အလွဲအချော် ဟာသတွေကို ရင်ခုန်စိတ်လှုပ်ရှားဖွယ် ကြည့်ရှုရမှာ ဖြစ်ပါတယ်။ အပြစ်ကင်းပြီး ချစ်ဖို့ကောင်းတဲ့ မျက်ကွင်းညိုညို ပန်ဒါလေး ဟူဟူကို မျိုးနွယ်စုဝင်တွေက ကောင်းကင်ဘုံက စေလွှတ်လိုက်တဲ့ ''နတ်ဘုရားသားရဲ" အဖြစ် မမျှော်လင့်ဘဲ ကိုးကွယ်ကြပြီး ပန်ဒါလေးဟူဟူဟာ မျိုးနွယ်စုရဲ့ အကျပ်အတည်းကို ဖြေရှင်းပေးနိုင်မယ်လို့ အခိုင်အမာ ယုံကြည်ကာ ကြီးမားတဲ့ တာဝန်တွေကို ပေးအပ်လိုက်ကြပါတယ်။ ဟူဟူကို ကာကွယ်ဖို့အတွက် ဂျက်ကီဟာ ထူးခြားဆန်းပြားတဲ့ မျိုးနွယ်စုဝင်တွေကို ပရိယာယ်ကြွယ်ဝစွာနဲ့ ရင်ဆိုင်ကျော်လွှားရပါတော့တယ်။ ဒီထူးခြားဆန်းပြားတဲ့ ဆုံတွေ့မှုမှာ ဘယ်လိုမျိုး ရယ်မောပျော်ရွှင်စရာ စွန့်စားခန်းတွေကို မြင်​တွေ့ရမလဲ ဟူဟူက မျိုးနွယ်စုရဲ့ အကျပ်

Thriller နဲ့ Psychological Drama အငွေ့အသက်တွေ အပြည့်ပါဝင်တဲ့ Apex (2026) ဟာ အက်ရှင်နဲ့ ရှင်သန်ရေးကို အခြေခံထားတဲ့ Survival Thriller ဇာတ်ကားကောင်းတစ်ကား ဖြစ်ပါတယ်။ ဇာတ်လမ်းရဲ့ အဓိက ဇာတ်ကောင်ဖြစ်တဲ့ ဆာရှာ (Sasha) ဟာ စွန့်စားရတာကို နှစ်သက်သူတစ်ယောက်ဖြစ်ပြီး သူမရဲ့ စိတ်ဒဏ်ရာတွေကို ကုစားဖို့အတွက် ဩစတြေးလျတောနက်ထဲကို တစ်ကိုယ်တော် တောင်တက်ခရီး ထွက်လာခဲ့ပါတယ်။ လူသူကင်းမဲ့ပြီး သဘာဝတရားကြီးရဲ့ အလှအပတွေနဲ့ အေးချမ်းမယ်လို့ ထင်ရတဲ့ ဒီခရီးစဉ်ဟာ မထင်မှတ်ထားတဲ့ အလှည့်အပြောင်းတစ်ခုကြောင့် အဆိုးရွားဆုံး အိပ်မက်ဆိုးကြီးတစ်ခုအဖြစ် ပြောင်းလဲသွားခဲ့ပါတယ်။ တောနက်ထဲမှာ သူမ တစ်ယောက်တည်း မဟုတ်ဘူးဆိုတာကို ဆာရှာ သတိထားမိလိုက်တဲ့အချိန်မှာတော့ အရာအားလုံး နောက်ကျသွားခဲ့ပါပြီ။ အသက်အန္တရာယ်ပြုဖို့ ချောင်းမြောင်းနေတဲ့ ရက်စက်တဲ့ မုဆိုးတစ်ယောက်ရဲ့ ပစ်မှတ်အဖြစ် သတ်မှတ်ခံလိုက်ရပြီး၊ လူသူမရှိတဲ့ တောနက်ကြီးထဲမှာ ကြောင်နဲ့ကြွက် ကစားသလို လိုက်လံအမဲဖျက်ခံရပါတော့တယ်။ လွတ်မြောက်ရာလမ်း မရှိတဲ့ ဒီအခြေအနေမှာ ဆာရှာတစ်ယောက် သူမရဲ့ အသက်ရှင်သန်ရေးအတွက် ဘယ်လိုဉာဏ်နီဉာဏ်နက်တွေသုံးပြီး ရန်သူကို ပြန်လည်ရင်ဆိုင်ရမလဲဆိုတာကို ကြည့်ရှုရမှာပါ။ နာမည်ကျော် ဒါရိုက်တာ Baltasar Kormákur ရိုက်ကူးထားတဲ့ ဒီဇာတ်ကားဟာ သာမန် တောတွင်းရှင်သန်ရေး ဇာတ်ကားမျိုးမဟုတ်ဘဲ၊ လူသားတွေရဲ့ စိတ်ပိုင်းဆိုင်ရာ ကြံ့ခိုင်မှုနဲ့ အသက်ရှင်လိုစိတ် ပြင်းပြမှုတို့ကို

ဒီဇာတ်ကားလေးကတော့ အလွန်အမင်း ကပ်စေးနဲတဲ့ ရာမာကန့် ဆိုတဲ့ လူတစ်ယောက်ရဲ့ အလွဲအချော်တွေကနေ စတင်ထားတဲ့ ဟာသကားလေးပဲ ဖြစ်ပါတယ်။ ရာမာကန့်ဟာ သူ့မိန်းမရဲ့ မိတ်ဆွေမင်္ဂလာဆောင်အတွက် ပေါင်မုန့်ကင်စက်တစ်လုံးကို မတတ်သာဘဲ လက်ဖွဲ့လိုက်ရပေမဲ့၊ မင်္ဂလာပွဲပျက်သွားတဲ့အခါမှာတော့ အဲ့ဒီကင်စက်ကို နည်းမျိုးစုံသုံးပြီး ပြန်ယူဖို့ ကြိုးစားပါတော့တယ်။ ဒါပေမဲ့ အဲ့ဒီကင်စက်ထဲမှာ သူကိုယ်တိုင်တောင် မသိလိုက်ဘဲ ရောက်ရှိနေတဲ့ SD ကတ်နှစ်ခုက ပြဿနာကို အကြီးအကျယ် ရှုပ်ထွေးသွားစေပါတယ်။ တစ်ခုက နိုင်ငံရေးအကြီးအကဲတစ်ယောက်ရဲ့ အရှုပ်တော်ပုံ ညစ်ညမ်းဗီဒီယိုဖြစ်ပြီး၊ နောက်တစ်ခုကတော့ ရာမာကန့်ကိုယ်တိုင် မတော်တဆ လူသတ်မိထားတဲ့ ဗီဒီယို ဖြစ်နေပါတယ်။ ရည်ရွယ်ချက်ကိုယ်စီနဲ့ ပေါင်မုန့်ကင်စက်နောက်ကို အသည်းအသန် လိုက်နေကြတဲ့ သူတို့ကြားမှာ ဘယ်သူက အနိုင်ရသွားမလဲ၊ ရာမာကန့်တစ်ယောက်ရော အမှုတွေကြားထဲကနေ ဘယ်လိုလွတ်အောင် ရုန်းထွက်မလဲဆိုတာကို ရင်တထိတ်ထိတ်နဲ့ ဟားတိုက်ရယ်မောရင်း ကြည့်ရှုရမယ့် ဇာတ်ကားကောင်းလေးပဲ ဖြစ်ပါတယ်။ ဒီဇာတ်ကားမှာ ရာမာကန့် အဖြစ် မင်းသား Rajkummar Rao နဲ့ ရှီလ်ပါ အဖြစ် မင်းသမီး Sanya Malhotra တို့က အဓိကပါဝင်သရုပ်ဆောင်ထားတာ ဖြစ်ပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Cherry ဖြစ်ပါတယ်။

"Humint" ဆိုတာ စက်ကိရိယာတွေ မဟုတ်ဘဲ "လူ" တွေဆီကနေ တိုက်ရိုက် ထောက်လှမ်းသတင်းယူတဲ့ အန္တရာယ်အများဆုံး စစ်ဆင်ရေးမျိုးပါ။ ဒီဇာတ်လမ်းမှာ တောင်ကိုရီးယား ထောက်လှမ်းရေးအရာရှိဂျိုဟာ နယ်စပ်ဖြတ်ကျော် မူးယစ်ဆေးနဲ့ လူကုန်ကူးဂိုဏ်းကြီးကို အမြစ်ဖြတ်ဖို့ ဗလာဒီဗော့စတော့ကို ရောက်လာပါတယ်။ ဒါပေမဲ့ ဒီကိစ္စက ရိုးရှင်းတဲ့ အမှုတစ်ခု မဟုတ်ဘဲ ရုရှားမာဖီးယားတွေ၊ မြောက်ကိုရီးယား အဆက်အသွယ်တွေ ရှုပ်ထွေးစွာ ပါဝင်နေတဲ့ ပင်ကူအိမ်ကြီးတစ်ခု ဖြစ်နေတာကို တွေ့လိုက်ရတဲ့အခါ... သူ့ရဲ့စုံစမ်းမှုတွေဟာ မြောက်ကိုရီးယား လုံခြုံရေးအရာရှိ ဘတ်ဂွန်းနဲ့ ထိပ်တိုက်သွားတိုးပါတော့တယ်။ နိုင်ငံအတွက် တာဝန်ထမ်းဆောင်နေကြတဲ့ တောင်နဲ့မြောက် အရာရှိနှစ်ယောက်... သူတို့နှစ်ယောက်ကြားမှာ ဘယ်သူက မိတ်ဆွေ၊ ဘယ်သူက ရန်သူလဲ? ဒီကြားထဲ မြေစာပင်ဖြစ်လာတဲ့ ရုရှားစားသောက်ဆိုင်ဝန်ထမ်း မြောက်ကိုရီးယားသူ ချယ်ဆွန်းဟွာကြောင့် သူတို့ရဲ့ တင်းမာမှုတွေက ပေါက်ကွဲထွက်လုနီးပါး ဖြစ်လာတဲ့အခါမှာ... ဒီကားကို အညွှန်းနဲ့ဘာသာပြန်ဆိုသူက Huihui ဖြစ်ပါတယ်။

ဒီဇာတ်ကားက ညဉ့်နက်သန်းခေါင် အမှောင်ထုထဲက လမ်းမတစ်ခုထက်မှာ အမျိုးသမီးတစ်ဦးကို ကားတစ်စီးပေါ် အတင်းအဓမ္မ ဆွဲသွင်းပြီး လူတစ်စုက ရက်ရက်စက်စက် စော်ကားကျူးလွန်ခဲ့တဲ့ အဖြစ်အပျက်နဲ့အတူ အစပျိုးထားပါတယ်။ ဒါပေမဲ့ ပိုပြီး ရင်နာစရာကောင်းတာက စိတ်ဒဏ်ရာအပြင်းအထန် ရသွားတဲ့ နစ်နာသူအတွက် တရားဥပဒေက အကာအကွယ် မပေးနိုင်ခဲ့တာပါပဲ။ လာဘ်ပေးလာဘ်ယူမှုတွေ၊ အာဏာရှင်ဆန်ဆန် ခြိမ်းခြောက်မှုတွေနဲ့အတူ သက်သေအထောက်အထားတွေကိုပါ အရှက်အကြောက်ကင်းမဲ့စွာ ဖျောက်ဖျက်ပစ်ကြတဲ့အခါ အမှန်တရားက တရားခွင်မှာ ပျောက်ဆုံးလုနီးပါး ဖြစ်လာပါတယ်။ ဥပဒေရဲ့ ဟာကွက်တွေကြားကနေ ငွေကြေးနဲ့ အာဏာကိုသုံးပြီး ပြစ်မှုကျူးလွန်သူတွေ အလွယ်တကူ လွတ်မြောက်ဖို့ ကြိုးစားနေကြတဲ့ အခြေအနေတွေကို ရင်တမမနဲ့ ဒေါသထွက်ဖွယ် ကြည့်ရှုရမဲ့ မှုခင်းဒရာမာ ဇာတ်ကားကောင်းတစ်ကား ဖြစ်ပါတယ်။

စစ်မြေပြင်ဆိုတာ သေနတ်သံတွေ ဆူညံနေတဲ့ နေရာတစ်ခုတည်းမှာပဲ ရှိတာမဟုတ်ပါဘူး။ တစ်ခါတစ်ရံမှာ အေးချမ်းလှတဲ့ ပျော်ရွှင်စရာ အခိုက်အတန့်လေးတွေဆီကိုပါ မမျှော်လင့်ဘဲ အနိဋ္ဌာရုံတွေက ရုတ်တရက် ကျရောက်လာတတ်ပါတယ်။ ဒါကို ပီပြင်စွာ ပုံဖော်ပြသထားတဲ့ ကားလေးကတော့ ၂၀၂၆ ခုနှစ်မှာ ထွက်ရှိလာတဲ့ "Brothers Under Fire" ဆိုတဲ့ Action-Thriller ရုပ်ရှင်ကားကောင်းတစ်ကားပဲ ဖြစ်ပါတယ်။ ဒါရိုက်တာ Justin Chadwick ရဲ့ အသက်ဝင်လှတဲ့ ဖန်တီးမှုအောက်မှာ ဝါရင့်သရုပ်ဆောင်ကြီး Kiefer Sutherland က အဓိကပါဝင်အားဖြည့်ထားပြီး၊ အက်ရှင်ကားကြိုက်သူတွေရဲ့ ရင်ခုန်သံကို မြန်ဆန်သွားစေမယ့် ဇာတ်လမ်းတစ်ပုဒ်လည်း ဖြစ်ပါတယ်။ ဒီဇာတ်လမ်းရဲ့ အစကတော့ အပန်းဖြေခွင့်ရလို့ မက္ကဆီကိုနိုင်ငံက သူငယ်ချင်းတစ်ယောက်ရဲ့ မင်္ဂလာဆောင်ကို ပျော်ပျော်ပါးပါး သွားရောက်ဆင်နွှဲကြတဲ့ ဗိုလ်ကြီး ဂျော်ဒန်ရိုက်တ် (Captain Jordan Wright) နဲ့ သူ့ရဲ့ တပ်ဖွဲ့ဝင်တွေဆီကနေ စတင်ထားပါတယ်။ ဒီရုပ်ရှင်ဟာ သာမန် ပစ်ခတ်သတ်ပုတ်တဲ့ အက်ရှင်ကားသက်သက် မဟုတ်ဘဲ ရဲဘော်ရဲဘက်တွေကြားက ခိုင်မြဲတဲ့ သံယောဇဉ်၊ အသက်လုရတဲ့ အခြေအနေမှာ ပေါ်လွင်လာတဲ့ လူ့သဘာဝနဲ့ ခေါင်းဆောင်ကောင်းတစ်ယောက်ရဲ့ ပေးဆပ်မှုတွေကို အနုပညာဆန်ဆန် ပုံဖော်ရိုက်ကူးထားတာ တွေ့ရပါတယ်။ မီးတောက်မီးလျှံတွေ၊ ကျည်ဆန်တွေကြားထဲက ရှင်သန်ရေးတိုက်ပွဲကို ကြည့်ရှုနေရင်းနဲ့ အသက်ရှူကြပ်လာရလောက်အောင် ဇာတ်အိမ်တည်ဆောက်မှုက ဆွဲဆောင်မှုအပြည့် ရှိလှပါတယ်။ က

"Thrash" (၂၀၂၆) ဟာ Netflix ကနေ အသစ်ထွက်ရှိလာတဲ့ Survival/Creature Horror ဇာတ်ကားသစ်လေးပါ။ "Violent Night" နဲ့ "Dead Snow" တို့ကို ရိုက်ကူးခဲ့တဲ့ နာမည်ကြီး ဒါရိုက်တာ Tommy Wirkola က ရိုက်ကူးထားပြီး၊ "Bridgerton" မင်းသမီး Phoebe Dynevor၊ "Chilling Adventures of Sabrina" က Whitney Peak နဲ့ မင်းသားကြီး Djimon Hounsou တို့ အဓိက ပါဝင်ထားပါတယ်။ ဇာတ်လမ်းအကျဉ်း ဇာတ်လမ်းက တောင်ကယ်ရိုလိုင်းနားပြည်နယ်က ကမ်းရိုးတန်းမြို့လေး တစ်မြို့ကို အဆင့် (၅) ရှိတဲ့ အင်အားပြင်း ဟာရီကိန်း မုန်တိုင်းကြီး ဝင်ရောက်လာရာကနေ စပါတယ်။ မုန်တိုင်းကြောင့် ရေကာတာတွေ ကျိုးကျပြီး မြို့တစ်ခုလုံး ရေကြီးနစ်မြုပ်သွားတဲ့အခါ၊ မြို့ခံတွေဟာ အသက်ဘေးကနေ လွတ်မြောက်ဖို့ အသည်းအသန် ကြိုးစားကြရပါတယ်။ ဒါပေမယ့် သူတို့ ရင်ဆိုင်ရတာက ရေကြီးတာနဲ့ မုန်တိုင်းဒဏ် တစ်ခုတည်း မဟုတ်ပါဘူး။ မုန်တိုင်းရေလှိုင်းတွေနဲ့အတူ သမုဒ္ဒရာထဲက ဆာလောင်မွတ်သိပ်နေတဲ့ ငါးမန်းတွေပါ မြို့ထဲကို ရောက်လာတဲ့အခါမှာတော့ တကယ့် အိပ်မက်ဆိုးကြီး စတင်ပါတော့တယ်။ အဲ့ဒီမှာ ကိုယ်ဝန်ဆောင် အမျိုးသမီး Lisa၊ အိမ်ပြင်မထွက်ရဲတဲ့ စိတ်ဝေဒနာ (Agoraphobia) ခံစားနေရတဲ့ မိန်းကလေး Dakota နဲ့ ငါးမန်းသုတေသီ Dale အစရှိတဲ့ ဇာတ်ကောင်တွေဟာ မြို့ထဲမှာ ပိတ်မိနေရင်း၊ ဒီ ကြောက်စရာကောင်းတဲ့ ငါးမန်းတွေရဲ့ ရန်ကနေ ဘယ်လို ရုန်းကန် အသက်ရှင်သန်ကြမလဲ ဆိုတာကို သည်းထိတ်ရင်ဖိုစရာ ရိုက်ကူးထားတဲ့ ကားမျိုး ဖြစ်ပါ

"Outcome" (၂၀၂၆) ကတော့ Apple TV+ ကနေ အသစ်ထွက်ရှိထားတဲ့ အမိုက်စား Dark Comedy ဇာတ်ကားသစ်လေးပါ။ ဒီကားကို နာမည်ကြီး သရုပ်ဆောင် Jonah Hill ကိုယ်တိုင် ဒါရိုက်တာလုပ်ပြီး ရိုက်ကူးထားသလို၊ ပရိသတ်အချစ်တော် အက်ရှင်မင်းသားကြီး Keanu Reeves က John Wick လို အက်ရှင်ကားတွေနဲ့ လုံးဝမတူတဲ့ ပုံစံမျိုးနဲ့ အဓိက ခေါင်းဆောင် ပါဝင်ထားပါတယ်။ မင်းသမီးကြီး Cameron Diaz လည်း ဒီကားနဲ့ အနုပညာလောကထဲ ပြန်ဝင်လာတာပါ။ ဇာတ်လမ်းအကျဉ်း ဇာတ်လမ်းက ဟောလိဝုဒ်ရဲ့ နာမည်ကြီး အနုပညာရှင်တစ်ယောက်ဖြစ်တဲ့ Reef Hawk (Keanu Reeves) အကြောင်းကို ရိုက်ပြထားတာပါ။ လူသိရှင်ကြားမှာ သူက အမြဲတမ်း သဘောကောင်းပြီး ချစ်စရာကောင်းတဲ့ မင်းသားကြီးပေါ့။ ဒါပေမယ့် နောက်ကွယ်မှာတော့ Reef ဟာ မူးယစ်ဆေးဝါး ဖြတ်ထားတာ ၅ နှစ်လောက် ရှိနေပြီဖြစ်ပြီး၊ အနုပညာအလုပ်တွေကနေ ခဏနားကာ အေးအေးဆေးဆေး နေထိုင်နေတဲ့သူပါ။ တစ်နေ့မှာတော့ သူ့ရဲ့ ရှေ့နေဖြစ်သူ Ira (Jonah Hill) ဆီကနေ ကြောက်စရာကောင်းတဲ့ ဖုန်းဆက်မှုတစ်ခု ရလာပါတယ်။ အဲ့ဒါကတော့ အမည်မသိ လူတစ်ယောက်က Reef ရဲ့ နာမည်ပျက်သွားနိုင်လောက်တဲ့ လျှို့ဝှက် ဗီဒီယိုတစ်ခုကို ကိုင်ထားပြီး သူ့ကို အကျပ်ကိုင် ငွေညှစ်နေတယ် ဆိုတာပါပဲ။ ဗီဒီယိုထဲမှာ ဘာပါလဲဆိုတာကို သေသေချာချာ မသိရပေမယ့်၊ အဲ့ဒီ ဗီဒီယိုသာ အပြင်ကို ပေါက်ကြားသွားရင် Reef ရဲ့ ဘဝရော၊ အနုပညာလမ်းကြောင်းပါ အဆုံးသတ်သွားမှာ အသေအချာပါပဲ။ ဒီလိုနဲ့ သူ့ရဲ့ ငယ်သူငယ်ချင်းတွေဖြစ်တဲ့ K

ဒီဇာတ်ကားလေးက ၁၂ နှစ်အရွယ် သမီးလေးကို မွေးနေ့မှာ ကျောင်းသွားပို့ခဲ့ရာကနေ သမီးဖြစ်သူ ရုတ်တရက် ပျောက်ဆုံးသွားတဲ့ မိခင်တစ်ယောက်ရဲ့ အဖြစ်အပျက်နဲ့ စတင်ထားပါတယ်။ ညနေကျောင်းဆင်းလို့ သွားကြိုတဲ့အခါ ကျောင်းဘက်က ဒီကလေးမလေး သူတို့ကျောင်းမှာ မတက်ပါဘူးဆိုပြီး လုံးဝငြင်းဆိုလိုက်တဲ့အခါမှာတော့ မိခင်တစ်ယောက်ရဲ့ ယူကျုံးမရဖြစ်မှုတွေနဲ့အတူ ကျောင်းတော်ကြီးရဲ့ နောက်ကွယ်က အကျည်းတန်တဲ့ လျှို့ဝှက်ချက်တွေ စတင်ပေါ်ပေါက်လာပါတော့တယ်။ တရားဥပဒေနဲ့ အာဏာပိုင်တွေကပါ အားကိုးလို့မရတော့တဲ့အဆုံးမှာ နစ်နာသူဘဝကနေ ရက်စက်တဲ့ လူသတ်သမားအဖြစ် ပြောင်းလဲသွားတဲ့ မိခင်တစ်ယောက်ရဲ့ ပြင်းထန်တဲ့ ကလဲ့စားချေမှုတွေကို ရင်သပ်ရှုမောဖွယ် မြင်တွေ့ရမှာပါ။ အမျိုးသမီးတွေက အမြဲတမ်း အနိုင်ကျင့်ခံ နစ်နာသူတွေအဖြစ် နေထိုင်သွားမှာမဟုတ်ဘဲ လိုအပ်လာရင် ကာလီမယ်တော်လို ကြမ်းတမ်းပြတ်သားစွာ တုံ့ပြန်တတ်ကြောင်းကို အကောင်းဆုံး ရိုက်ကူးတင်ဆက်ထားတဲ့ စိတ်လှုပ်ရှားဖွယ် မှုခင်းဒရာမာ ဇာတ်ကားကောင်းတစ်ကားပဲ ဖြစ်ပါတယ်။

ရာသီဥတုဖောက်ပြန်မှုတွေကြောင့် ကမ္ဘာကြီးပျက်စီးပြီး ဆင်းရဲချမ်းသာ ကွာဟမှုတွေ အလွန်ကြီးမားနေတဲ့ အနာဂတ်ကမ္ဘာမှာ လူတွေရဲ့ မှတ်ဉာဏ်တွေကို ဂိမ်းတစ်ခုလို ရောင်းဝယ်ဖောက်ကားတဲ့ မှောင်ခိုနည်းပညာတွေ ကြီးစိုးနေပါတယ်။ မိသားစုဝင်တစ်ဦးကို ဆုံးရှုံးလိုက်ရတဲ့ ဖခင်တစ်ယောက်က အဲဒီနာကျင်မှုတွေကို မေ့ဖျောက်ဖို့အတွက် "သေခါနီးအတွေ့အကြုံ" ကို ခံစားရမဲ့ မှတ်ဉာဏ်ဂိမ်းတစ်ခုကို ဝယ်ယူဆော့ကစားခဲ့ပါတယ်။ ဒါပေမဲ့ အဲဒီဂိမ်းထဲမှာ သူ မမျှော်လင့်ဘဲ မြင်တွေ့လိုက်ရတာကတော့ နိုင်ငံကျော် စူပါစတား မင်းသမီးတစ်လက် ကိုယ်တိုင်ကျူးလွန်နေတဲ့ ကြောက်မက်ဖွယ် လူသတ်မှုကြီးတစ်ခု ဖြစ်နေတဲ့အခါ ဇာတ်လမ်းက စတင်ပါတော့တယ်။ ဒီလျှို့ဝှက်ချက်ကြီး ပေါက်ကြားသွားတဲ့အခါမှာတော့ သာမန်ဖခင်တစ်ယောက်က အကျင့်ပျက်ရဲတွေ၊ ကြေးစားလူသတ်သမားတွေနဲ့ သတင်းဦးသတင်းထူးဆို ဘာမဆိုလုပ်ရဲတဲ့ မီဒီယာလောကရဲ့ ကြားထဲကို မတော်တဆ ဆွဲသွင်းခံလိုက်ရပါတော့တယ်။ လူသတ်မှုအရှုပ်အထွေးကနေ အမြတ်ထုတ်လိုတဲ့ Reality Show တရားခွင်အထိ ရူးသွပ်ကြမ်းတမ်းစွာ ပြောင်းလဲသွားတဲ့ ဒီဇာတ်လမ်းမှာ အမှန်တရားက အနိုင်ရမလား၊ ဒါမှမဟုတ် ငွေကြေးနဲ့ နာမည်ကျော်ကြားမှုတွေကပဲ အရာအားလုံးကို လှည့်စားသွားမလားဆိုတာကို အမိုက်စား ဇာတ်အလှည့်အပြောင်းတွေ၊ သရော်စာဆန်ဆန် တင်ဆက်မှုတွေနဲ့အတူ ရင်တမမ ကြည့်ရှုရမဲ့ Cyberpunk ခံစားမှုပါဝင်တဲ့ ဇာတ်ကားကောင်းတစ်ကားပဲ ဖြစ်ပါတယ်။

"Dolly" (၂၀၂၆) ကတော့ ပြီးခဲ့တဲ့ မတ်လ ၆ ရက်နေ့ကမှ ရုံတင်သွားတဲ့ Slasher Horror ဇာတ်ကားသစ်လေးပါ။ "Texas Chainsaw Massacre" လိုမျိုး ၇၀ ပြည့်လွန်နှစ်တွေက ဂန္ထဝင် Horror ကားတွေရဲ့ အငွေ့အသက်တွေ ပါဝင်ပြီး ဒါရိုက်တာ Rod Blackhurst က ရိုက်ကူးထားတာပါ။ ဇာတ်လမ်းအကျဉ်း ဇာတ်လမ်းက Macy နဲ့ သူ့ကို လက်ထပ်ခွင့်တောင်းဖို့ ရည်ရွယ်ထားတဲ့ ချစ်သူကောင်လေး Chase တို့ တောထဲကို တောင်တက်ခရီး ထွက်ကြရာကနေ စပါတယ်။ တောထဲရောက်တဲ့အခါမှာတော့ သူတို့နှစ်ယောက်ဟာ မထင်မှတ်ဘဲ ကြွေရုပ် (Porcelain Doll) မျက်နှာဖုံးစွပ်ထားတဲ့ ခန္ဓာကိုယ်ထွားကျိုင်းကျိုင်းနဲ့ ကြောက်စရာကောင်းတဲ့ လူသတ်သမားကြီး "Dolly" နဲ့ သွားဆုံပါတော့တယ်။ Dolly ဟာ သာမန် လူသတ်သမား မဟုတ်ဘဲ စိတ်ရောဂါအခြေအနေ တစ်ခုကြောင့် သူ ဖမ်းလာတဲ့ အရွယ်ရောက်ပြီးသား လူတွေကို ကလေးလေးတွေလို သဘောထားပြီး ပြုစုပျိုးထောင်ချင်နေတဲ့သူပါ။ သူက Chase ကို ရက်ရက်စက်စက် တိုက်ခိုက်ပြီးတဲ့နောက် Macy ကို ပြန်ပေးဆွဲသွားပါတော့တယ်။ Macy တစ်ယောက် သတိရလာတဲ့အခါမှာတော့ သူ့ကိုယ်သူ ကလေးပုခက်ထဲ ရောက်နေတာကို ထိတ်လန့်ဖွယ်ရာ တွေ့လိုက်ရပါတယ်။ အဲ့ဒီအချိန်ကစပြီး Dolly ဟာ Macy ကို သေးခံတွေ ဝတ်ပေးတာ၊ အတင်းအကျပ် အစာကျွေးတာမျိုးတွေလုပ်ပြီး ကလေးတစ်ယောက်လို ဆက်ဆံပါတော့တယ်။ Macy အနေနဲ့ အသက်ရှင်ဖို့အတွက် Dolly ရဲ့ စိတ်တိုင်းကျ ကလေးလေးတစ်ယောက်လို ဟန်ဆောင်ပြီး ဒီလို ကြောက်စရာကောင်းတဲ့ အိမ်ကြီးထဲကနေ ဘယ်လို လွ

"Wuthering Heights" (၂၀၂၆) ပြီးခဲ့တဲ့ ဖေဖော်ဝါရီလထဲမှာ ရုံတင်သွားတဲ့ နာမည်ကြီး အချစ်/ဒရာမာ ရုပ်ရှင်ကားကြီး ဖြစ်ပါတယ်။ Emily Brontë ရဲ့ နာမည်ကျော် ဂန္ထဝင်ဝတ္ထုကြီးကို "Saltburn" နဲ့ "Promising Young Woman" တို့ကို ရိုက်ကူးခဲ့တဲ့ ဒါရိုက်တာ Emerald Fennell က အမိုက်စား ပုံစံသစ်နဲ့ ပြန်လည်အသက်သွင်း ရိုက်ကူးထားတာပါ။ အားလုံးရဲ့ အချစ်တော် မင်းသမီး Margot Robbie နဲ့ မင်းသား Jacob Elordi တို့က အဓိက ခေါင်းဆောင် ပါဝင်ထားပါတယ်။ ဇာတ်လမ်းအကျဉ်း ဇာတ်လမ်းက ၁၈ ရာစု အင်္ဂလန်နိုင်ငံက အထီးကျန်ဆန်ပြီး မှိုင်းညို့နေတဲ့ Wuthering Heights ဆိုတဲ့ အိမ်ကြီးမှာ အခြေတည်ထားပါတယ်။ အိမ်ရှင်ဖြစ်သူ မစ္စတာ Earnshaw ဟာ တစ်နေ့မှာတော့ လမ်းဘေးက မိဘမဲ့ ကောင်လေးတစ်ယောက်ကို အိမ်ကို ခေါ်လာပြီး မွေးစားလိုက်ပါတယ်။ အဲ့ဒီကောင်လေးကို Heathcliff လို့ နာမည်ပေးလိုက်ပြီး၊ မစ္စတာ Earnshaw ရဲ့ သမီးဖြစ်သူ Catherine (Cathy) နဲ့ Heathcliff တို့ နှစ်ယောက်ဟာ ငယ်ငယ်ကတည်းက အတူတူကြီးပြင်းလာရင်း အရမ်းကို သံယောဇဉ်ကြီးမားတဲ့ ဆက်ဆံရေးတစ်ခု ဖြစ်လာပါတော့တယ်။ ဒါပေမယ့် သူတို့ အရွယ်ရောက်လာတဲ့အခါမှာတော့ ပြဿနာတွေ စလာပါတော့တယ်။ Cathy ဟာ Heathcliff ကို အရမ်းချစ်ပေမယ့်၊ ဆင်းရဲပြီး အဆင့်အတန်းမတူတဲ့ Heathcliff နဲ့ လက်ထပ်ဖို့ထက် ချမ်းသာကြွယ်ဝတဲ့ အိမ်နီးချင်းသူဌေးသား Edgar Linton ကို ပိုပြီး မျက်စိကျလာပါတယ်။ ဒီလိုနဲ့ Cathy တစ်ယောက် Edgar နဲ့ လက်ထပ်ဖို့

ဇာတ်လမ်းအစမှာ ဆယ်နှစ်အရွယ်သမီးဖြစ်သူ ပျောက်သွားလို့ အဖေဖြစ်သူက 911 ကိုဖုန်းဆက်တိုင်တာကနေ စပါတယ်။ အဲဒီလူက ဆမ်ဖြစ်ပြီး သူ့သမီး‌လေးဆိုဖီက ရုတ်တရက်ပျောက်သွားတဲ့အတွက် ဆောက်တည်ရာမရဖြစ်ပြီး ရဲတိုင်တာပါ။ ရဲတွေလည်း တစ်မြို့လုံးအနှံ့ ရှာဖွေမှုတွေ လုပ်ပေမယ့် ဆိုဖီက အစအနရှာမရအောင် ပျောက်နေပြီး ဘယ်လိုမှ မတွေ့ပါဘူး။ ဒီလိုနဲ့ လေးနှစ်ကျော်ကြာပြီးတဲ့နောက်မှာ ဆမ်က မဆုံတာကြာတဲ့ သူ့သူငယ်ချင်းလေးယောက်နဲ့ ငါးဖမ်းခရီးထွက်ခဲ့ပါတယ်။ လူသူမနီးတဲ့ အိမ်မှာ သူတို့တည်းကြပြီး သောက်စားပျော်ပါးနေခဲ့တာပေါ့။ သူတို့လေးယောက်မှာ မိုက်နဲ့ဂျေးက ညီအစ်ကိုတွေဖြစ်ပြီး ဘယ်ရီနဲ့ဆမ်တို့ပါပါတယ်။ ဒါမဲ့ သူတို့မူးပြီးမှောက်သွားရာကနေ သတိရတဲ့အခါမှာတော့ မိုက်၊ ဂျေးနဲ့ ဘယ်ရီတို့က ခုံတွေမှာ ကြိုးတုပ်လျက်သားဖြစ်နေပြီး ဆမ်က သူတို့သုံးယောက်ထဲက တစ်ယောက်က သူ့သမီးပျောက်ဆုံးမှုနဲ့ ပတ်သက်နေတယ်လို့ စွပ်စွဲပါတော့တယ်။ ဒါကလည်း ဆိုဖီက သူ့ဒိုင်ယာရီထဲမှာ ဆမ်ရဲ့သူငယ်ချင်းတစ်ယောက်နဲ့ ခင်ကြောင်း သူ့အဖေမသိအောင် ဖုန်းဝယ်ပေးကြောင်း ထည့်ရေးထားလို့ပါ။ ဒါကြောင့် သမီးကိုရှာချင်တဲ့ဆမ်က ဒီသုံးယောက်ဆီကနေ သိရအောင် စစ်ဆေးပါတယ်။ သူတို့ထဲက တကယ့်တရားခံအစစ်က ဘယ်သူဖြစ်မလဲ သေမယ့်ဘေးနဲ့ ကြုံရတဲ့အခါ တခြားဘယ်လိုလျှို့ဝှက်ချက်တွေ ပေါ်လာဦးမလဲဆိုတာ ရင်တမမနဲ့ စောင့်ကြည့်ရမှာဖြစ်ပါတယ်။

"GOAT" (2026) ကတော့ Spider-Verse ကားတွေကို ဖန်တီးခဲ့တဲ့ Sony Pictures Animation ကနေ ပြီးခဲ့တဲ့ ဖေဖော်ဝါရီလထဲမှာ အသစ်ထွက်ရှိထားတဲ့ အမိုက်စား မိသားစုကြည့် 3D Animation ရုပ်ရှင်ကားသစ်လေးပါ။ ဒီကားကို နာမည်ကြီး ဘတ်စကတ်ဘော ကစားသမား Stephen Curry ကိုယ်တိုင် ပါဝင်ထုတ်လုပ်ထားပြီး အသံသရုပ်ဆောင်အနေနဲ့လည်း ပါဝင်ထားပါတယ်။ ဇာတ်လမ်းအကျဉ်း ဇာတ်လမ်းက တိရစ္ဆာန်တွေချည်းပဲ နေထိုင်တဲ့ ကမ္ဘာကြီးတစ်ခုမှာ ဇာတ်အိမ်တည်ထားပါတယ်။ အဲ့ဒီကမ္ဘာမှာ "Roarball" လို့ခေါ်တဲ့ ဘတ်စကတ်ဘောနဲ့တူပေမယ့် ပိုပြီးကြမ်းတမ်းတဲ့ အားကစားတစ်ခုက အရမ်းခေတ်စားပါတယ်။ Roarball ဟာ အလွန်အန္တရာယ်များတဲ့အတွက် ကြံ့၊ ကျားသစ်၊ ဆင်၊ မြင်း စတဲ့ ခန္ဓာကိုယ်ထွားကျိုင်းပြီး သန်မာတဲ့ တိရစ္ဆာန်ကြီးတွေသာ ကစားနိုင်တဲ့ အားကစားတစ်ခုပါ။ ဒါပေမယ့် ဇာတ်လမ်းရဲ့ အဓိက ဇာတ်ကောင်ဖြစ်တဲ့ Will Harris ဆိုတဲ့ ဆယ်ကျော်သက် ဆိတ်ကလေးကတော့ Roarball ကစားသမားတစ်ယောက် ဖြစ်လာဖို့ အိပ်မက်မက်နေသူပါ။ သူက သေးငယ်တဲ့ တိရစ္ဆာန်လေး ဖြစ်နေတဲ့အတွက် ပတ်ဝန်းကျင်က သူ့ကို "အကောင်သေးတွေက ဘောလုံးမကစားနိုင်ဘူး" ဆိုပြီး အမြဲလှောင်ပြောင်လေ့ရှိပါတယ်။ Will ရဲ့ အိုင်ဒေါကတော့ သူ့မြို့က ရှုံးပွဲတွေ ဆက်တိုက်ကြုံနေရတဲ့ Vineland Thorns အသင်းရဲ့ နာမည်ကြီး ကစားသမား Jett Fillmore ပါ။ တစ်နေ့မှာတော့ Will ဟာ ပြိုင်ဘက်အသင်းက ချန်ပီယံ မြင်းကြီး Mane Attraction နဲ့ လမ်းဘေးမှာ တစ်ယောက်ချင်း ယှဉ်ပြိုင

Amazon Prime ကနေ အသစ်ထွက်ရှိထားတဲ့ စပိန် Action/Thriller ဇာတ်ကားသစ်လေးပါ။ မင်းသားကတော့ စပိန်ကားပရိသတ်တွေ ရင်းနှီးပြီးသားဖြစ်မယ့် နာမည်ကြီးမင်းသား Mario Casas ပါ။ ဇာတ်လမ်းအကျဉ်း ဇာတ်လမ်းက တိုင်းပြည်အတွက် အသက်ပေးပြီး တာဝန်ထမ်းဆောင်ခဲ့တဲ့ စပိန် ထောက်လှမ်းရေး အရာရှိဟောင်း ၄ ယောက် ဆက်တိုက် လုပ်ကြံသတ်ဖြတ်ခံရတဲ့ အချိန်ကနေ စထားပါတယ်။ ဒီလို ထိပ်တန်းအရာရှိတွေ အသတ်ခံရတဲ့ ကိစ္စကို လျှို့ဝှက်စုံစမ်းဖို့အတွက် အစိုးရက "Zeta" လို့ နာမည်ဝှက်ပေးထားတဲ့ အထူးအေးဂျင့် တစ်ယောက်ကို တာဝန်ပေးလိုက်ရပါတယ်။ Zeta ဟာ သာမန်အေးဂျင့်တွေနဲ့ မတူဘဲ တစ်ယောက်တည်း သီးသန့်ခွဲထွက်ပြီး အလုပ်လုပ်တတ်တဲ့ သူမျိုးပါ။ သူဟာ ဒီလူသတ်မှုတွေ နောက်ကို လိုက်ရင်းနဲ့ ဒါဟာ သာမန် လုပ်ကြံမှုတွေ မဟုတ်ဘဲ အစိုးရ အဖွဲ့အစည်းတွေထဲအထိ အမြစ်တွယ်နေတဲ့ ကြီးမားတဲ့ လျှို့ဝှက်ချက်ကြီး တစ်ခုနဲ့ ဆက်စပ်နေမှန်း သိလိုက်ရပါတော့တယ်။ ဒီလိုနဲ့ တရားခံအစစ်ကို ရှာဖွေရင်း သူ့ရဲ့ အသက်အန္တရာယ်ပါ ခြိမ်းခြောက်ခံလာရတဲ့ အချိန်မှာ... Zeta တစ်ယောက် ဘယ်လို လွတ်မြောက်အောင် ရုန်းထွက်ပြီး အမှန်တရားကို ဖော်ထုတ်မလဲ ဆိုတာကို အက်ရှင် အခန်းကြမ်းကြမ်းတွေ၊ လှည့်ကွက်တွေနဲ့အတူ ရင်တမမ ကြည့်ရှုရမယ့် ဇာတ်ကားကောင်း တစ်ကား ဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Kim ဖြစ်ပါတယ်

ဒီဇာတ်ကားလေးကတော့ ယိုဂတ်ရှ်ဝရီ (ခေါ်) ယိုဂီ ဆိုတဲ့ ရဲအရာရှိမလေးရဲ့ ရဲရင့်ပြီး ရိုးသားဖြောင့်မတ်မှုကို အသားပေးရိုက်ကူးထားတာပဲ ဖြစ်ပါတယ်။ ယိုဂီက အမှန်တရားအတွက် ဝန်ကြီးချုပ်ဖြစ်နေရင်တောင် ငဲ့ကွက်မယ့်လူမဟုတ်တဲ့အတွက် ခနခန အပြောင်းအရွှေ့လုပ်ခံရသူပါ။ ဂျာဝါးဘာဘူ ဟာ သူ့ပြည်နယ်မှာ မူးယဇ်ဆေးမှောင်ခိုလုပ်တဲ့ လူဆိုးဂိုဏ်းခေါင်းဆောင်ကြီးဖြစ်ပြီး အကြီးအကဲတွေနဲ့ ရင်းနှီးတဲ့သူတစ်ယောက်ပါ။ အဲ့လို အာဏာကြီးတဲ့ ဂျာဝါးဘာဘူရဲ့ ပြည်နယ်ရဲစခန်းကို ယိုဂီတစ်ယောက် အပြောင်းရွှေ့ခံလိုက်ရတဲ့အခါမှာ အင်အားချင်းကွာခြားသလို မိန်းမသားလည်းဖြစ်နေပေမဲ့ အဲ့ဒီမူးယဇ်ရာဇာဂိုဏ်းကို ဘယ်လိုတွေ အပြတ်ချေမှုန်းမလဲဆိုတာ ယိုဂီရဲ့ ခပ်မိုက်မိုက်အထာတွေနဲ့ ကြည့်ရှုရမယ့် ဇာတ်ကားလေးပဲဖြစ်ပါတယ်။ ဒီဇာတ်ကားမှာ ယိုဂီ အဖြစ် မင်းသမီး Dhansika နဲ့ ဂျာဝါးဘာဘူ အဖြစ် မင်းသား Kabir Duhan Singh တို့က အဓိက ပါဝင်သရုပ်ဆောင်ထားတာ ဖြစ်ပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Cherry ဖြစ်ပါတယ်။

2019 တုန်းကထွက်ခဲ့တဲ့ Demon Squad ရဲ့ Sequel ဖြစ်ပြီး Indie စတိုင် တောင်ပိုင်းဒေသရဲ့ စိတ်ကူးယဉ်ဇာတ်လမ်းအမျိုးအစားကိုမှ သဘာဝလွန်ဖြစ်ရပ်တွေကိုစုံစမ်းတဲ့ စုံထောက် နစ်မွန်းနဲ့ ဒေစီတို့ အဓိကပါဝင်ပါတယ်။ အကျဉ်းချုပ်ရှင်းပြရရင် အိမ်ခြေရာမဲ့တွေ အလုပ်လက်မဲ့တွေအတွက် ပြန်လည်ဖွံ့ဖြိုးတိုးတက်ရေးနဲ့ မြို့ကိုပြန်အသက်သွင်းတဲ့ စီမံကိန်းလုပ်နေတဲ့ Mobile ဆိုတဲ့မြို့မှာ ရှင်းပြမရတဲ့ ထူးထူးဆန်းဆန်း လူသေမှုတွေဖြစ်နေပြီး လက်သည်မပေါ်လို့ မြို့သူမြို့သားတွေက အဖြေသိချင်နေကြပါတယ်။ တချို့မျက်မြင်သက်သေတွေက တရားခံက လူသားမဟုတ်ဘဲ လူပုံသဏ္ဍာန် ခွေးလိုသတ္တဝါလို့ ထွက်ဆိုကြပေမယ့် မြို့တော်ဝန်နဲ့အာဏာပိုင်တွေက စိတ်ကူးယဉ်သတ္တဝါတွေ နတ်ဆိုးတွေ သမန်းဝံပုလွေတွေကို ဘာတစ်ခုမှ အယုံအကြည်မရှိဘူးလို့ အတိအလင်း ထုတ်ပြန်ထားပါတယ်။ အဲဒီမှာ ဒီလူသေမှုတွေကိုစုံစမ်းဖို့ နစ်မွန်းနဲ့ သူ့လက်ထောက်ဒေစီရောက်လာတဲ့အခါမှာတော့ ဒီသတ္တဝါတွေ ရောက်လာရတဲ့အကြောင်းရင်းနဲ့ မြို့ပြစီမံကိန်း ဆက်စပ်နေပုံကို စုံစမ်းသိရှိသွားပြီး အဓိကတရားခံကို ဖော်ထုတ်မှာဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်