လူကြည့်များသော ရုပ်ရှင်များ

အမျိုးသမီးတွေကို အဓမ္မကျင့်ပြီး သတ်တဲ့ ကွင်းဆက်လူသတ်သမားကို ဖော်ထုတ်ရတဲ့ မှုခင်းဇာတ်ကားလေးပါ။ ဆန်ဒီယာ ဆိုတဲ့ အမျိုးသမီးက "Cheekatilo" လို့ခေါ်တဲ့ ပေါ့ကတ်စ် တစ်ခုထောင်ပြီး ရာဇဝတ်မှုတွေအကြောင်း မှန်မှန်ကန်ကန် သတင်းထုတ်ပြန်ပေးတယ်။ သူမရဲ့ အချစ်ဆုံးသူငယ်ချင်း ဘော်ဘီကို အဓမ္မကျင့်သတ်သွားတဲ့ လူသတ်သမားကို စုံစမ်းရင်း လူသတ်သမားက လွန်ခဲ့တဲ့ နှစ် ၂၀ ကတည်းက အလားတူပြစ်မှုတွေ ကျူးလွန်ထားတယ်ဆိုတာ သိလိုက်ရတယ်။ နောက်ဆုံးမှာ လူသတ်သမားက အားလုံး ထင်မှတ်မထားတဲ့သူ ဖြစ်နေပြီးတော့ သူ ဘာကြောင့် ဒီလိုလုပ်ရက်တွေ ကျူးလွန်ရသလဲဆိုတာကို စိတ်ဝင်တစား ကြည့်ရှုရမယ့် ဇာတ်ကားလေးပဲ ဖြစ်ပါတယ်။ ဒီဇာတ်ကားမှာ ရာဂျေ့ဗ် အဖြစ် မင်းသား Avasarala Srinivas ၊ အာမာ အဖြစ် မင်းသား Abhiram Daggubati နဲ့ ဆန်ဒီယာ အဖြစ် မင်းသမီး Chandini Chowdary တို့က အဓိက ပါဝင်သရုပ်ဆောင်ထားတာ ဖြစ်ပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Cherry ဖြစ်ပါတယ်။

၂၀၂၆ ထွက် "He's Watching You" ရုပ်ရှင်အကြောင်း ပြောပြပေးမယ်နော်။ ဒီကားက Horror Thriller (သည်းထိတ်ရင်ဖို) အမျိုးအစား ဖြစ်ပါတယ်။ ဇာတ်လမ်းအကျဉ်းက ဒီလိုဗျ... မြို့ငယ်လေးတစ်မြို့မှာ လူသတ်မှုတွေ ဆန်းဆန်းကြယ်ကြယ် ဆက်တိုက်ဖြစ်ပွားနေတယ်။ ဒီကိစ္စကို စိတ်ဝင်စားပြီး လိုက်စုံစမ်းနေတဲ့ ဆယ်ကျော်သက်တစ်ယောက် ရှိပါတယ်။ သူက စုံစမ်းရင်းနဲ့ တစ်နေရာမှာ VHS ဗီဒီယိုအခွေဟောင်း (တိပ်ခွေ) အစုလိုက်အပုံလိုက်ကို ရှာတွေ့သွားတယ်။ အဲ့ဒီအခွေတွေက သာမန်အခွေတွေ မဟုတ်ဘဲ၊ မြို့မှာ ခြောက်ခြားစရာကောင်းလောက်အောင် နာမည်ကြီးနေတဲ့ လူသတ်သမား (Serial Killer) ဘယ်သူလဲဆိုတာကို ဖော်ထုတ်ပေးနိုင်မယ့် သဲလွန်စတွေ ဖြစ်နေပါတယ်။ လူသတ်သမားရဲ့ လျှို့ဝှက်ချက်တွေ ပါတဲ့ အခွေတွေကို တွေ့သွားတဲ့အခါ ကောင်လေး ဘယ်လိုအန္တရာယ်တွေနဲ့ ကြုံရမလဲဆိုတာ ရင်တမမ ကြည့်ရမယ့် ကားမျိုးပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Kim ဖြစ်ပါတယ်

၂၀၁၉ ခုနှစ်က ထွက်ရှိခဲ့တဲ့ Kidnap ရုပ်ရှင်ဟာ အက်ရှင်နဲ့ အချစ်ဇာတ်လမ်းကို မျှမျှတတ ရောစပ်ရိုက်ကူးထားတဲ့ ဘင်္ဂါလီရုပ်ရှင်ကား တစ်ကားဖြစ်ပါတယ်။ ဒီကားထဲမှာ နာမည်ကြီး မင်းသား ဒေ့ဗ် (Dev) နဲ့ မင်းသမီး ရွတ်ကမီနီ မိုင်ထရာ (Rukmini Maitra) တို့က အဓိကပါဝင် သရုပ်ဆောင်ထားကြပြီး ဒါရိုက်တာ ရာဂျာ ချန်ဒါ (Raja Chanda) က ပုံဖော်ရိုက်ကူးထားတာ ဖြစ်ပါတယ်။ ဇာတ်လမ်းအကျဉ်းကတော့ မက်ဂ်နာ (Meghna) လို့ခေါ်တဲ့ ဓာတ်ပုံသတင်းထောက် အမျိုးသမီးလေးတစ်ယောက်ဟာ လူကုန်ကူးမှုနဲ့ ပတ်သက်တဲ့ သတင်းတွေကို လိုက်လံစုံစမ်းနေသူ တစ်ဦးဖြစ်ပြီး တစ်နေ့မှာတော့ သူမဟာ ဒုစရိုက်ဂိုဏ်းတစ်ခုရဲ့ တရားမဝင် အရောင်းအဝယ် ကိစ္စတွေကို မျက်မြင်တွေ့ရှိခဲ့ပြီး ဓာတ်ပုံရိုက်ယူနိုင်ခဲ့ပါတယ်။ ဒီလို သက်သေအထောက်အထားတွေ ရလိုက်တဲ့အတွက် ဂိုဏ်းသားတွေရဲ့ ပစ်မှတ်ထားခြင်းကို ခံလိုက်ရပြီး သူမရဲ့ အသက်အန္တရာယ်ဟာ စိုးရိမ်စရာ အခြေအနေကို ရောက်ရှိသွားပါတော့တယ်။ ဒီလို အကျပ်အတည်းတွေကြားမှာ မက်ဂ်နာဟာ ဘားတစ်ခုမှာ အဆိုတော်အဖြစ် အလုပ်လုပ်နေတဲ့ ဒေ့ဗ် (Dev) ဆိုတဲ့ လူငယ်တစ်ယောက်နဲ့ ဆုံတွေ့ခဲ့ပါတယ်။ ကံဆိုးစွာနဲ့ပဲ မက်ဂ်နာဟာ လူဆိုးဂိုဏ်းရဲ့ ပြန်ပေးဆွဲဖမ်းဆီးခြင်းကို ခံလိုက်ရတဲ့အခါမှာတော့ သူမကို တစ်ဖက်သတ် ချစ်မိသွားတဲ့ ဒေ့ဗ်တစ်ယောက် မက်ဂ်နာကို ကယ်တင်ဖို့ ဆုံးဖြတ်လိုက်ပါတယ်။ သာမန် အဆိုတော်လေးလို့ ထင်ရတဲ့ ဒေ့ဗ်က ရက်စက်ကြမ်းကြုတ်တဲ့ လူကုန်ကူးဂိုဏ်းကြီးကို ဘယ်လို ရင်ဆိုင်မလဲ၊ မက်ဂ်နာက

ဒီတစ်ခေါက်မှာတော့ တရုတ် (ထိုင်ဝမ်) ရဲ့ Pili Puppet Show (ရုပ်သေးအနုပညာ) ကို အခြေခံထားတဲ့ Demigod - The Legend Begins (2022) ဆိုတဲ့ Fantasy ကားလေးနဲ့ မိတ်ဆက်ပေးချင်ပါတယ်။ " အင်းအားကြီးတာထက် လူ့အသက်ကို တန်ဖိုးထားနိူင်သူက ပိုကြီးမြတ်တယ်" "တရားမျှတမှုမရှိတဲ့ နတ်ဘုရားဖြစ်ရတာထက် တရားမျှတတဲ့ လူသားဖြစ်ရတာ ပိုကောင်းတယ်" ဇာတ်လမ်းအကျဉ်း ဝူလင်းလောကဟာ တောင်ငါးလုံးရဲ့ အုပ်စိုးမှုအောက်မှာ ငြိမ်းချမ်းစွာတည်ရှိနေပါတယ်။ စူးဟွမ်းကျင်းဆိုတဲ့ လူငယ်လေးဟာလည်း ဆရာဖြစ်သူနဲ့အတူ ပန်သောနယ်မြေမှာ နေထိုင်ခဲ့ပါတယ်။သူဟာ သူမိဘအရင်းတွေကို ရှာဖွေစုံစမ်းချင်ခဲ့တာကြောင့် အံ့ဖွယ်မှော်ကျောင်းတော်ကို ဝင်ရောက်ပြီး အနှိုင်းမဲ့ကောင်းကင်ဘုံကျမ်းစာအုပ်ကို ဖတ်ဖို့ကြိုးစားခဲ့ပါတယ်။သို့သော် သူ့မှာအရင်က ငှားရမ်းထားတဲ့ စာအုပ်ဖိုးအကြွေးတွေရှိတာကြောင့် ငှားရမ်းလို့မရနိူင်တဲ့ အခြေအနေနဲ့ ရင်ဆိုင်နေရပါတော့တယ်။သို့သော် ကံကြမ္မာက မျက်နှာသာပေးတာလား ကံဆိုးမှုလား မသေချာတဲ့ အခွင့်အရေးတစ်ခုက စူးဟွမ်းကျင်းစီရောက်ရှိလာခဲ့ပါတော့တယ်။တောင်ငါးလုံးရဲ့ အရှင် စကြာဝဠာရဲတိုက်ရဲ့ သခင်ကြီးယွီလင်းဟာ ခြေထောက်ဒဏ်ရာပြင်းထန်နေပြီး ကုသပေးရန် စူးဟွမ်းကျင်းကို လာရောက်ခေါ်ဆောင်ခဲ့ပါတယ်။စူးဟွမ်းကျင်းဟာ ဆရာဖြစ်သူရဲ့ မှာကြားမှုကြောင့် ဝူလင်းလောကရဲ့ အရှုပ်အထွေးတွေထဲကို ဝင်မပါရန်ဆုံးဖြတ်ထားပြီး ငြင်းဆန်ခဲ့သော်လည်း သူအရမ်းလိုအပ်နေတဲ့ အနှိုင်းမဲ့ကောင်းကင်ဘုံကျမ

ဒီဇာတ်ကားဟာ ကိုရီးယား ကျေးလက်ဒေသတစ်ခုမှာ အခြေတည်ထားပြီး ပုံမှန်ကိုရီးယားကားတွေနဲ့ မတူဘဲ အနောက်တိုင်းစတိုင်လ် ရောစပ်ရိုက်ကူးထားတဲ့ ဇာတ်ကားဆန်းလေး ဖြစ်ပါတယ်။ ဇာတ်လမ်းကတော့ အရက်ပုန်းချက်လုပ်ရောင်းချတဲ့ ညီအစ်ကိုတွေအကြောင်းက စတင်ထားပါတယ်။ သူတို့ချက်လိုက်တဲ့ အရက်ပုန်းအသုတ်တစ်ခုက မတော်တဆ အဆိပ်သင့်ပြီး သောက်သုံးသူတစ်ယောက် သေဆုံးသွားတဲ့အခါ ပြဿနာစတက်ပါတော့တယ်။ ဒီတော့ သူတို့ဖြန့်ဖြူးထားတဲ့ အရက်ပုလင်းတွေကို တခြားလူတွေ ထပ်မသောက်မိခင် လိုက်ပြန်သိမ်းဖို့ ကြိုးစားကြရပါတယ်။ တစ်ချိန်တည်းမှာပဲ အဲဒီမြို့လေးထဲမှာ ဘာသာရေးအယူသီးတဲ့ လူသတ်သမားနှစ်ယောက်ကလည်း ရောက်နေပြီး သူတို့ရဲ့ ယုံကြည်မှုအရ လူ ၁၂ ယောက်ကို ယဇ်ပူဇော်ဖို့ လိုက်သတ်နေကြပါတယ်။ အဲဒီအပြင် ရုပ်ရှင်ရိုက်ကူးရေးအဖွဲ့တစ်ဖွဲ့နဲ့ ရူးကြောင်ကြောင် ရဲတစ်ယောက်ပါ ဒီအရှုပ်တော်ပုံထဲ ပါလာတဲ့အခါမှာတော့... လူသတ်သမားတွေ၊ အရက်ပုန်းသမားတွေနဲ့ ထူးဆန်းတဲ့မြို့ခံတွေကြားက ဗရုတ်သုက္ခ၊ ဟာသ နဲ့ အက်ရှင်ခန်းတွေကို မြင်တွေ့ရမယ့် ဇာတ်ကားဖြစ်ပါတယ်။ ဒီကားက ပေါ့ပေါ့ပါးပါးနဲ့ ရယ်ရပြီး နည်းနည်းကြမ်းတဲ့ Black Comedy ကားမျိုး ကြိုက်သူတွေ၊ ပုံစံခွက်ထဲကနေ ကွဲထွက်နေတဲ့ ကိုရီးယား Indie ဇာတ်ကားကောင်းတွေကို ရှာဖွေကြည့်ရှုသူတွေအတွက် အထူးသင့်တော်ပါတယ်။ ဒီကားကို အညွှန်းနဲ့ဘာသာပြန်ဆိုသူက Huihui ဖြစ်ပါတယ်။

ဒီဇာတ်ကားလေးကတော့ ရွေးကောက်ပွဲအတွက် စုဆောင်းထားတဲ့ တရားမဝင်ငွေကြေး ကုဋေ ၄၄၀ ရုတ်တရက် ဓားပြတိုက်ခံလိုက်ရတဲ့ ဖြစ်စဉ်ကို အခြေခံပြီး ရိုက်ကူးထားတဲ့ ဇာတ်ကားကောင်း တစ်ကားဖြစ်ပါတယ်။ ဒီငွေတွေက တရားမဝင်ငွေတွေဖြစ်တဲ့အတွက် ပိုင်ရှင်တွေက ရဲတိုင်လို့မရဘဲ ကိုယ့်နည်းကိုယ့်ဟန်နဲ့ လိုက်ရှာရတဲ့အခါမှာတော့ ပုဂ္ဂလိက စုံထောက်တစ်ယောက်၊ အာဏာရှိတဲ့ နိုင်ငံရေးသမားတွေနဲ့ မထင်မှတ်ထားတဲ့ သာမန်လူတန်းစားတစ်စုတို့ရဲ့ ကြားက ပဋိပက္ခတွေကို စိတ်ဝင်စားဖွယ် တွေ့မြင်ရမှာပါ။ ငွေကြေးနောက်ကွယ်က လောဘ၊ အာဏာနဲ့ လက်စားချေမှုတွေကို တစ်လွှာချင်းစီ ခွာချပြသွားပြီး ဘယ်သူက မုဆိုး၊ ဘယ်သူက သားကောင်လဲဆိုတာကို ခန့်မှန်းရခက်အောင် ဆွဲခေါ်သွားမဲ့ ဇာတ်လမ်းမျိုးပါ။ ဇာတ်လမ်းရဲ့ အနှစ်သာရကတော့ အဖိနှိပ်ခံ လူလတ်တန်းစားတွေက သူတို့ရဲ့ ဘဝတွေကို ဖျက်ဆီးခဲ့တဲ့ အာဏာရှင်တွေကို နှစ်ပေါင်းများစွာ စောင့်ဆိုင်းပြီးမှ ပြန်လည်တုံ့ပြန်တဲ့ စစ်ပွဲတစ်ပွဲအကြောင်းပါပဲ။ ဇာတ်ရှိန်အနိမ့်အမြင့်၊ မထင်မှတ်ထားတဲ့ ဇာတ်ကွက် အလှည့်အပြောင်းတွေနဲ့အတူ အဆုံးထိ ရင်ခုန်စွာ ကြည့်ရှုရမဲ့အပြင် တရားမျှတမှုဆိုတာ ဘာလဲဆိုတာကိုပါ မေးခွန်းထုတ်စရာ ဖြစ်စေမဲ့ ဇာတ်ကားကောင်းတစ်ကားမို့ လက်မလွတ်တမ်း ကြည့်ရှုဖို့ ညွှန်းဆိုလိုက်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Clara Sol ဖြစ်ပါတယ်

ဒီဇာတ်ကားလေးကတော့ အိန္ဒိယနိုင်ငံက ကဗာဒီကစားသမား မာနသီဂါနီဆမ်ရဲ့ ဘဝဇာတ်ကြောင်းကို ရိုက်ကူးထားတဲ့ ဇာတ်ကားပဲ ဖြစ်ပါတယ်။ ဒီဇာတ်ကားထဲမှာ ကစ်တန် ဆိုတဲ့ ကောင်လေးဟာ ဇာတ်နိမ့် ဇာတ်မြင့် ခွဲခြားမှုတွေနဲ့ တစ်ယောက်ကို တစ်ယောက် သတ်ဖြတ်နေကြတဲ့ ထိတ်လန့်စရာ ကျေးလက်တစ်ခုမှာ မွေးဖွားလာခဲ့တယ်။ ငယ်ငယ်ကတည်းက ကဗာဒီကစားတာ ဝါသနာပါပေမဲ့ အဖေလုပ်သူက မကစားခိုင်းတဲ့အတွက် ဆရာ့ရဲ့အကူအညီနဲ့ ပြိုင်ပွဲတွေ ဝင်ပြိုင်ခဲ့တာ နောက်ဆုံး ဂျပန်နိုင်ငံကိုသွားပြိုင်ဖို့ အဆင့်ထိ ပါလာခဲ့ချိန်မှာတော့ ကစ်တန်တစ်ယောက် ဘယ်လိုအခက်အခဲတွေနဲ့ ရင်ဆိုင်ရမလဲ ဘိုးဘွားစဉ်ဆက် ဖြစ်ပေါ်လာတဲ့ ဇာတ်နိမ့်ဇာတ်မြင့် ခွဲခြားမှုက ကစ်တန်ရဲ့ လမ်းခရီးကို ဘယ်လိုတွေ အတားအဆီးဖြစ်စေမလဲ နောက်ဆုံးမှာ ကစ်တန်ရဲ့ ရည်မှန်းချက်တွေ အောင်မြင်ခဲ့လားဆိုတာကို စိတ်ဝင်တစား ကြည့်ရမယ့် ဇာတ်ကားလေးပဲဖြစ်ပါတယ်။ ဒီဇာတ်ကားမှာ ကစ်တန် အဖြစ် မင်းသား Dhruv Vikram ၊ ကစ်တန်ရဲ့အဖေ ဗီလုဆာမီ အဖြစ် Pasupathy နဲ့ ရာနီ အဖြစ် မင်းသမီး Anupama Parameswaran တို့က အဓိက ပါဝင်သရုပ်ဆောင်ထားတာ ဖြစ်ပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Cherry ဖြစ်ပါတယ်။

2000 ခုနှစ်မှာတုန်းက ပြန်ပေးဆွဲခံရတဲ့ Utah, Salt Lake City က အသက် 14နှစ်အရွယ်မိန်းကလေး အဲလိဇဘက်ရဲ့ ခြောက်ခြားဖွယ်အတွေ့အကြုံကို Netflix က Crime Documentary အဖြစ် တင်ဆက်ထားခြင်းဖြစ်ပါတယ်။ တစ်နိုင်ငံလုံး ဟိုးလေးတကျော်ကျော်ဖြစ်ခဲ့တဲ့ အမှုဖြစ်တာကြောင့် version အမျိုးမျိုးနဲ့ ရုပ်ရှင်ဇာတ်လမ်းတွေ ရိုက်ခဲ့ပေမယ့် ဒီမှာတော့ ကာယကံရှင်တွေကို အင်တာဗျူးလုပ်တဲ့အပိုင်းကို အဓိကထည့်ထားပါတယ်။ ကိုယ့်ရဲမကောင်းမှုကို ဘာသာရေးအကာအကွယ်ယူပြီး ထင်တိုင်းကြဲနေတဲ့ အစွန်းရောက်လူယုတ်မာတွေအကြောင်းနဲ့ အဲဒီခေတ်က စနစ်နဲ့ကြန့်ကြာမှုတွေကိုပါ ‌ဖော်ပြထားပါတယ်။ အကျဉ်းချုပ်ပြောရရင် အဲလိဇဘက်က သူ့ညီမလေးနဲ့ တစ်ခန်းတည်းအတူအိပ်ရင်း ပြန်ပေးဆွဲခံရတာပါ။ ညီမဖြစ်သူမယ်ရီက ပြန်ပေးသမားရဲ့အသံကို ရင်းနှီးနေပြီး ဘယ်သူမှန်း သေချာမသိဘူးလို့ ထွက်ဆိုပါတယ်။ သူတို့မိသားစုက လူချစ်လူခင်ပေါသူတွေမို့ ရဲတွေအပြင် တစ်မြို့လုံးကလူတွေက ကူရှာပေးခဲ့ပေမယ့် အစအနတောင် မတွေ့ရပါဘူး။ ရဲတွေထင်ထားတဲ့ သံသယရှိသူကလည်း တရားခံအစစ်ဟုတ်နေဘဲ ဇာတ်မျောဖြစ်နေတဲ့အချိန် မယ်ရီက တရားခံရဲ့နာမည်ကို မှတ်မိသွားပါတယ်။ ဒီလိုနဲ့ မယ်ရီကျေးဇူးနဲ့ အားမလျှော့တဲ့ မိသားစုဝင်‌တွေကြောင့် အဲလိဇဘက်ကို တရားခံနဲ့အတူ ပြန်ရှာတွေ့ခဲ့ပြီး 14နှစ်အရွယ်နဲ့ကြုံခဲ့ရတဲ့ ငရဲခန်းကို ဖွင့်ဟထွက်ဆိုထားတာ တွေ့ရမှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ဒီဇာတ်ကားမှာ ရှီဗာ ဆိုတဲ့ ကောင်လေးက အစိုးရထောက်လှန်းရေးဌာနတစ်ခုမှာ အလုပ်လုပ်ပြီး ပြည်သူတွေရဲ့ ဖုန်းခေါ်ဆိုမှုတွေကို ကြားဖြတ်နားထောင်ပြီး ရာဇဝတ်မှုတွေကို သူကိုယ်တိုင် တားဆီးအပြစ်ပေးတယ်။ တစ်ညမှာ အိမ်မှာ တစ်ယောက်တည်းကျန်ခဲ့တဲ့ မိန်းကလေးတစ်ယောက်က ကြောက်လို့ သူငယ်ချင်းဆီဖုန်းဆက်တာကို ရှီဗာက ကြားဖြတ်နားထောင်ပြီး သူငယ်ချင်းရဲမေကို အဖော်သွားလုပ်ပေးဖို့ အကူအညီတောင်းလိုက်တယ်။ နောက်နေ့မနက်မှာ ရဲမေရော ကောင်မလေးရော ရက်ရက်စက်စက် အသတ်ခံလိုက်ရတယ်။ အမှုကို လိုက်ကြည့်တော့ လူသတ်သမားက စိတ္တဇကွင်းဆက် လူသတ်သမား ဖြစ်နေတယ်။ ဘယ်လို စိတ္တဇပုံစံမျိုးလဲ လူတွေကို ဘယ်လိုပုံစံနဲ့ ဘယ်နှယောက်တောင် သတ်ခဲ့လဲဆိုတာရယ် အဲ့ဒီလူကို ရှီဗာတစ်ယောက် ဘယ်လိုနည်းနဲ့ ရအောင်နှိမ်နင်းမလဲဆိုတာကို စိတ်ဝင်တစား ကြည့်ရမယ့် ဇာတ်ကားလေးပဲ ဖြစ်ပါတယ်။ ဒီဇာတ်ကားမှာ ရှီဗာ အဖြစ် မင်းသား Mahesh Babu ၊ ဘိုင်ရပ်ဗ် အဖြစ် မင်းသား SJ Suryah နဲ့ ရှာလီနီ အဖြစ် မင်းသမီး Rakul Preet Singh တို့က အဓိက ပါဝင်သရုပ်ဆောင်ထားတာ ဖြစ်ပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Cherry ဖြစ်ပါတယ်။

သည်းထိတ်ရင်ဖို မှုခင်းကားတွေနဲ့ ပရလောကဆန်ဆန် Horror ကားတွေကို ကြိုက်နှစ်သက်သူတွေအတွက် လုံးဝ လက်မလွတ်သင့်တဲ့ ဇာတ်ကားကောင်းတစ်ကားကို ညွှန်းဆိုပေးချင်ပါတယ်။ လွန်ခဲ့တဲ့ ၂ နှစ်က သေဆုံးသွားပြီဖြစ်တဲ့ ကွင်းဆက်လူသတ်သမားတစ်ယောက်ရဲ့ လက်ရာအတိုင်း လူသတ်မှုတွေ ပြန်ဖြစ်လာတဲ့အခါ ရဲတွေရော ဆရာဝန်တွေပါ ခေါင်းခဲကြရပါတယ်။ သိပ္ပံပညာနဲ့ ယုတ္တိဗေဒကိုပဲ ယုံကြည်တဲ့ စိတ်ရောဂါကုဆရာဝန်တစ်ယောက်၊ သမီးဖြစ်သူအတွက် အရာရာကို ရင်ဆိုင်မဲ့ ဖခင်တစ်ယောက်နဲ့ အပြစ်မဲ့တဲ့ မိန်းကလေးတစ်ယောက်ရဲ့ ခန္ဓာကိုယ်ကို ဓားစာခံလုပ်ပြီး ကစားကွက်ခင်းနေတဲ့ ဝိညာဉ်ဆိုးတို့ရဲ့ အားပြိုင်မှုကို ရင်တမမနဲ့ ကြည့်ရှုရမှာပါ။ ဒီကားရဲ့ အသက်ကတော့ သရဲခြောက်ရုံ သက်သက်မဟုတ်ဘဲ လူသတ်သမားဝိညာဉ်ရဲ့ ကောက်ကျစ်စဉ်းလဲမှုနဲ့ ဖခင်မေတ္တာကြားက အကျပ်အတည်းပါပဲ။ အမှောင်ထုကို အလင်းရောင်နဲ့ တိုက်ထုတ်ဖို့ ကြိုးစားရင်း ကိုယ်တိုင် အမှောင်ထဲကျသွားမလား။ ချစ်ရတဲ့ သမီးလေးကို ကိုယ့်လက်နဲ့ စတေးပစ်ရမလားဆိုတဲ့ ဆုံးဖြတ်ရခက်တဲ့ အခြေအနေတွေကို သရုပ်ဖော်ထားတာမို့ မဖြစ်မနေ ကြည့်ဖို့ ပြောချင်ပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Clara Sol ဖြစ်ပါတယ်။

ဒီဇာတ်ကားလေးကတော့ The Haunted Cop Shop လို့ အမည်ရတဲ့ ဟောင်ကောင်သရဲ ဟာသကားလေးပဲ ဖြစ်ပါတယ်။ ဟောင်ကောင်က ရဲစခန်းတစ်ခုဟာ ဒုတိယကမ္ဘာစစ်အတွင်း ဂျပန်တွေ သိမ်းပိုက်ထားစဉ်က သူတို့ရဲ့ ကလပ်တစ်ခု ဖြစ်ခဲ့ဖူးပါတယ်။ စစ်ပြီးသွားတဲ့အခါမှာတော့ အဲဒီကလပ်ထဲမှာ ဂျပန်စစ်သား အများအပြားဟာ ကိုယ့်ကိုယ်ကိုယ် အဆုံးစီရင်သွားခဲ့ကြပါတယ်။ ဒီတော့ သရဲခြောက်တဲ့ရဲစခန်းကြီး ဖြစ်လာတော့တာပေါ့ တစ်နေ့မှာ နာမည်ကြီးလူဆိုး အားဝမ်တစ်ယောက် အဖမ်းခံရပြီး အချုပ်ထဲ ရောက်သွားပါတယ်။ အဲဒီမှာ အချုပ်ခန်းထဲက မကျွတ်မလွတ်ဘဲ ခြောက်လှန့်နေတဲ့ ဝိညာဉ်တွေနဲ့ ထိပ်တိုက်တွေ့ပါတော့တယ်။ အဲဒီသရဲတွေက သူ့ကို လှည့်စားပြီး သူတို့ရဲ့ ခေါင်းဆောင်ဖြစ်သူ ရန်ငြိုးကြီးလှတဲ့ ဝိညာဉ်ဆိုးကို လွတ်အောင် လုပ်ခိုင်းရာကနေ မြို့ထဲမှာ အကြီးအကျယ် ဒုက္ခပေးပြီး ပရမ်းပတာတွေ ဖြစ်ကုန်ပါတော့တယ်။ ရဲအရာရှိတွေဖြစ်ကြတဲ့ မက်ကီကင်နဲ့ မန်ချူးတို့ သူငယ်ချင်းနှစ်ယောက်ဟာ လူသတ်မှုတစ်ခုကို စုံစမ်းရင်း တရားခံဟာ သာမန်လူသတ်သမားမဟုတ်ဘဲ တကယ့် သွေးစုပ်ဖုတ်ကောင် ဆိုတာ သိလိုက်ရတဲ့ အခါမှာတော့..... မက်ကီနဲ့ မန်ချူးတို့က သူတို့ရဲ့ အထက်အရာရှိ မဒမ်ကို မျက်နှာလုပ်ကြရင်း သရဲဖမ်းရာမှာ ဖြစ်ပေါ်လာတဲ့ အလွဲလေးတွေ ရယ်စရာလေးတွေကို ကြည့်ရှုရမှာဖြစ်ပြီး ဟိုးအရင်ခေတ်က သရဲကားတွေရဲ့ လက်ရာမွန်ကောင်းကို ခံစားကြည့်ရှုရင်း.... တစ်ခေတ်တစ်ခါက နာမည်ကြီးခဲ့တဲ့ ''သရဲခြောက်တဲ့ ရဲစခန်း'' ဇာတ်ကားလေးကို ပေါ့

အခုတင်ဆက်ပေးမယ့် 2025 ခုနှစ်က ထွက်ရှိခဲ့တဲ့ I swear ဆိုတဲ့ ဖြစ်ရပ်မှန်ကို အခြေပြုရိုက်ကူးထားတဲ့ ဇာတ်ကားလေးပဲဖြစ်ပါတယ်။ ဇာတ်ကားထဲမှာ ဂျွန်ဆိုတဲ့ကောင်လေးဟာ အလယ်တန်းကျောင်းစတတ်တဲ့အရွယ်ရောက်နေပါပြီ။ ဘောလုံးဂိုးဖမ်းတဲ့နေရာမှာလည်း တော်တာမို့ အနာဂတ်က ဖြောင့်ဖြူးနေခဲ့တာပါ။ ဒါပေမယ့် ရုတ်တရက် ဂျွန်ဟာ ကိုယ့်ကိုယ်မထိန်းချုပ်နိုင်ပဲ လူတွေကို တံတွေးနဲ့ထွေးတာတွေ ဆဲရေးတာတွေ ဖြစ်လာပါတော့တယ်။ အချိန်ကလည်း ၁၉၉၀ ပြည့်နှစ်အချိန်တွေဖြစ်နေတာမို့ ဆေးပညာကလည်း အရမ်းမထွန်းကားသေးတဲ့အတွက် ဂျွန်ကို ရောဂါဖြစ်နေတယ်လို့ မတွေးပဲ ဟန်ဆောင်နေတယ်လို့ပဲ မြင်ကြတဲ့အတွက် ဂျွန်တစ်ယောက် အခက်အခဲတွေ အများကြီး ကြုံခဲ့ရပါတယ်။ လူတွေက သူ့ကို လှောင်ပြောင်ခဲ့ကြတဲ့အပြင် အဖေကပါ စွန့်ခွာသွားခြင်းကို ခံခဲ့ရတာပါ။ နောက်ပိုင်း သူ့မှာ တောရက်စ်ဆင်ဒရုန်းဆိုတဲ့ရောဂါရှိနေတယ်ဆိုတာကို သိလာခဲ့တဲ့တိုင်အောင် လူတော်တော်များများက သူ့ရဲ့အမူအရာတွေကို သည်းခံနိုင်ခဲ့ခြင်းမရှိပါဘူး။ တစ်ရက်မှာတော့ ‌ဂျွန်ရဲ့သူငယ်ချင်းဖြစ်သူရဲ့အမေ ဒေါ့တီဆိုသူနဲ့တွေ့ပြီး ဂျွန်ရဲ့ဘ၀ကို ပြောင်းလဲသွားပါတော့တယ်။ လူတောမတိုးဝံ့တဲ့ ဂျွန်တစ်ယောက် ဘယ်လိုယုံကြည်မှုတွေရလာမလဲ။ နောက်ပိုင်း သူ့လိုလူတွေကို ဘယ်လိုကူညီပေးမှာလဲ စတာတွေကို ဖြစ်ရပ်မှန်ဇာတ်လမ်းပေါ် အခြေတည်ပြီး ရိုက်ကူးထားတဲ့ဇာတ်လမ်းလေးဖြစ်ပါတယ်။ တောရက်စ်ဆင်ဒရုန်းဆိုတာ ဘာမှန်းတောင် ကောင်းကောင်းမသိကြတဲ့ လူတွေကြားမှာ ရှင်သန်ခဲ့ရတဲ့လူတစ

ဒီတစ်ခေါက်မှာတော့ 1997 ခုနှစ်ထွက် ဟောင်ကောင် sci-fi/romantic comedy ဇာတ်ကားလေးတစ်ကားဖြစ်တဲ့ He Comes from Planet K (1997) ဆိုတဲ့ ဇာတ်ကားလေးနဲ့ မိတ်ဆက်ပေးချင်ပါတယ်။ ဇာတ်လမ်းအကျဉ်း “လူဖြစ်ရခြင်း” ရဲ့ အဓိပ္ပါယ်က ဘာလဲ....? ပီကေးဟာ အဆင့်မြင့်နည်းပညာရှိတဲ့ ညီအစ်မဂြိုဟ်ခုနစ်လုံးကနေ ကမ္ဘာမြေကို မတော်တဆ အမှားတစ်ခုကြောင့်ရောက်ရှိလာတဲ့ ဂြိုဟ်သားတစ်ဦးဖြစ်ပါတယ်။ သူ့မှာ ဂြိုဟ်သားစွမ်းအားတွေရှိပေမယ့် လူသားလောကကို မသိသလို လူ့စိတ်ခံစားချက်ကိုလည်း နားမလည်ပါဘူး။ သူ့အတွက် ကမ္ဘာဟာ အရမ်းထူးဆန်းပြီး စိတ်ရှုပ်စရာနေရာတစ်ခုလိုပဲ ဖြစ်နေခဲ့ပါတယ်။သူဟာ ကမ္ဘာမြေပေါ်သို့ရောက်လာပြီး လူသားမိခင်ဖြစ်သူနဲ့ ကွဲကာ လမ်းပျောက်နေတဲ့ အချိန်မှာပဲ ယူအက်ဖ်အိုအသင်းရဲ့ ဥက္ကဋ္ဌ မွန်းနဲ့ တွေ့ဆုံခဲ့ပြီး သူတို့နဲ့အတူ နေထိုင်စေခဲ့ပါတယ်။ထို့နောက် မွန်းက ပီကေးရဲ့လူသားမိခင်ဖြစ်သူကို ပြန်ရှာဖွေပေးနိူင်ခဲ့ပြီး သူတို့ဟာ ဘဝကြီးကို ပျော်ရွှင်စွာဖြတ်သန်းနေခဲ့ကြပါတော့တယ်။ဂြိုဟ်သားတစ်ဦးဖြစ်တဲ့ ပီကေးဟာ လူသားကမ္ဘာမှာ နေထိုင်ရင်း လူသားတွေရဲ့ စိတ်ခံစားချက် အထီးကျန်ခြင်း၊ အချစ်နဲ့ ယုံကြည်မှု တွေကို တဖြည်းဖြည်း နားလည်လာခဲ့ပါတယ်။တစ်ဖက်မှာလည်း ပီကေးရဲ့ မိခင်ဂြိုဟ်မှ သူ ကမ္ဘာမြေပေါ်မှာ ပိတ်မိနေမှန်း သိသွားပြီး သူ့ကို ပြန်ခေါ်ဖို့ ကြိုးစားလာပါတယ်။ထိုအချိန်မှာပဲ သိပ္ပံပညာရှင်တွေက ပီကေးကို ခြေရာခံမိသွားပြီး သုတေသနလုပ်ရန် ဖမ်းဆီးဖို့ ကြိုးစားလာတဲ့

ပထမကားမှာ ပရိသတ်တွေ အချစ်တော်ဖြစ်ခဲ့ကြတဲ့ ကြေးစားလူသတ်သမားမလေးနှစ်ယောက် ချီဆတို နဲ့ မာဟီရို တို့ဟာ ဒုတိယကားမှာလည်း ပိုမိုရှုပ်ထွေးပြီး ရယ်မောရမယ့် ပြဿနာသစ်တွေနဲ့ ပြန်လာပါပြီ။ ဒီတစ်ခေါက်မှာတော့ သူတို့ဟာ အဖွဲ့အစည်းရဲ့ စည်းကမ်းတွေကို ချိုးဖောက်မိခဲ့တာကြောင့် လူသတ်သမားအလုပ်ကနေ ခေတ္တရပ်နား (Suspended) ခံလိုက်ရပြီး ဝင်ငွေပြတ်တောက်သွားတဲ့ အခက်အခဲနဲ့ ရင်ဆိုင်ရပါတယ်။ ​ဇာတ်လမ်းရဲ့ စိတ်လှုပ်ရှားဖို့ကောင်းတဲ့ အချက်ကတော့ သူတို့နှစ်ယောက် နေရာကို အစားထိုးပြီး အဖွဲ့အစည်းထဲ ဝင်ချင်နေကြတဲ့ အလွတ်တန်းလူသတ်သမား ညီအစ်ကိုနှစ်ယောက် ပေါ်လာတာပဲ ဖြစ်ပါတယ်။ တစ်ဖက်မှာလည်း အိမ်လခပေးဖို့နဲ့ စားဝတ်နေရေးအတွက် အရင်ကထက် ပိုဆိုးတဲ့ Part-time job အလွဲတွေကို လုပ်ကိုင်ရင်း၊ နောက်တစ်ဖက်မှာလည်း သူတို့ရဲ့ အသက်အန္တရာယ်ကို ခြိမ်းခြောက်လာတဲ့ ရန်သူသစ်တွေကို ရင်ဆိုင်ရတဲ့ သူတို့နှစ်ယောက်ရဲ့ ဘဝကို ဟာသနှောပြီး ရိုက်ကူးထားပါတယ်။ ​ဒီဇာတ်ကားမှာလည်း "Slice of Life" ရသကို အပြည့်အဝပေးထားဆဲဖြစ်ပြီး၊ အလုပ်မရှိလို့ ပိုက်ဆံချွေတာနေရတဲ့ အခန်းတွေ၊ အချင်းချင်း အသေးအမွှားကိစ္စလေးတွေနဲ့ ရန်ဖြစ်နေကြတဲ့ အခန်းတွေက ပထမကားထက်တောင် ပိုပြီး အသက်ဝင်လာပါတယ်။ အထူးသဖြင့် Action အပိုင်းမှာတော့ Martial Arts အကွက်အကွင်းတွေက ပိုမိုရင့်ကျက်လာပြီး Final Fight အခန်းဆိုရင် တကယ့်ကို ရင်သပ်ရှုမောဖွယ် ကောင်းလှပါတယ်။ ​သရုပ်ဆောင်တွေဖြစ်တဲ့ အခရီ တခအိရှီ နဲ့ ဆအိ

ငယ်ငယ်ကဖတ်ဖူးတဲ့ ကြွက်နှင်တဲ့ပလွေဆရာ (ပိုက်ပါ)ပုံပြင်ကို ဇာတ်လမ်းကျောရိုးယူထားပါတယ်။ ဇာတ်လမ်းအကျဉ်း‌ပြောရရင် ရော့ခ်အဆိုတော်နေအိုမီက သူ့အယ်လ်ဘမ်အသစ်အတွက်ပြင်ဆင်ဖို့ သားလေးဒစ်လန်နဲ့အတူ မွေးရပ်မြေက သူ့အဖေအိမ်ဆီပြန်လာခဲ့ပါတယ်။ ခင်ပွန်းဖြစ်သူရော ဆုံးပါးသွားတဲ့အတွက် တိတ်ဆိတ်တဲ့ နယ်မြို့လေးဆီ ပြောင်းလာတာပါ။ ဒါမဲ့ဒီလိုအေးချမ်းမှုကို သူ့အဖေအိမ်မှာ တွေ့တဲ့ တိတ်ခွေတစ်ခွေက ဖြိုခွင်းပစ်လိုက်ပါတယ်။ အဲဒီတိတ်ခွေထဲမှာ သူ့အဖေက အနာဂတ်မျိုးဆက်တွေကို ကာကွယ်ဖို့ လူတစ်ယောက်ကို သတ်ခဲ့ကြောင်း ဝန်ခံထားတာပါ။ အဲဒီနောက်ပိုင်း နေအိုမီရဲ့သားလေး ဒစ်လန်က‌လည်း မူမမှန်ဘဲထူးဆန်းတဲ့ အပြုအမူတွေလုပ်လာပါတယ်။ သူတို့အိမ်မှာလည်း ခြောက်လှန့်မှုတွေဖြစ်လာလို့ ဒီပဟေဠိကိုဖြေရှင်းဖို့ရာ နေအိုမီက သူ့အဖေတိတ်ခွေထဲကအတိုင်း လိုက်လုပ်ရပါတော့တယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

၄ နှစ်မှာ တစ်ရက်တည်းသာ ပွင့်လာမယ့် ငရဲတံခါး... သင်သာဆိုရင်ရော အဲဒီညမှာ အပြင်ထွက်ရဲပါ့မလား?" ၂၀၀၆ ခုနှစ်က ထွက်ရှိခဲ့တဲ့ ဒီကိုရီးယားသရဲကားဟာ ပုံမှန်ခြောက်လှန့်မှုမျိုးမဟုတ်ဘဲ စိတ်ကိုပါခြောက်ခြားစေမဲ့ ဇာတ်အိမ်မျိုးပါ ဇာတ်လမ်းအကျဉ်းကတော့ မြို့ပြနဲ့ ဝေးကွာပြီး တိတ်ဆိတ်လွန်းတဲ့ အဝေးပြေးလမ်းမကြီးပေါ်က ဂိတ်ဟောင်းလေး တစ်ခုမှာ အစပြုပါတယ်။ ညသန်းခေါင်ယံမှာ တစ်ယောက်တည်း တာဝန်ကျနေတဲ့ ကောင်မလေးတစ်ယောက်ဆီကို အမှောင်ထဲကနေ အနက်ရောင်ကားတစ်စီး တရွေ့ရွေ့ တက်လာခဲ့ပါတယ်။ ကားမှန်ပွင့်သွားတဲ့အခါ ကားမောင်းသူက သွေးတွေစွန်းထင်းနေတဲ့ လက်မှတ်တစ်စောင်ကို ကမ်းပေးခဲ့ရာကနေ... နှစ်ပေါင်းများစွာ မြုပ်နှံထားတဲ့ ကျိန်စာဆိုးကြီး ပြန်နိုးထလာပါတော့တယ်။ ကောင်မလေးပြောပြနေတဲ့ ကျိန်စာဆိုတဲ့ဇာတ်လမ်းကရောတကယ်အမှန်ဖြစ်နိုင်မလားဆိုတာကို ကျောချမ်းစရာကောင်းတဲ့ရိုက်ချက်တွေနဲ့ရိုက်ကူးတင်ဆက်ထားတာပဲဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Emily ဖြစ်ပါတယ်

ဒီတစ်ခါတော့ စိတ်ဝင်စားစရာ ထောင်ဖောက်ဇာတ်လမ်းလေးတွေကို ကြိုက်နှစ်သက်တဲ့သူတွေအတွက် လက်မလွှတ်တမ်းကြည့်ရှုသင့်တဲ့ Harry Potter မင်းသား Daniel Radcliffe အဓိကပါဝင်ထားတဲ့ ဇာတ်ကားကောင်းလေးနဲ့ မိတ်ဆက်ပေးချင်ပါတယ်။ ဇာတ်လမ်းအကျဉ်းလေးကို ပြောပြရရင်တော့ ၁၉၇၀ ခုနှစ်ဝန်းကျင်မှာ အာဖရိကနိုင်ငံအတွင်း လူမျိုးရေးခွဲခြားမှုတွေ အသားရောင်ခွဲခြားပြီး ဖိနှိပ်မှုတွေအကြောင်းကို အခြေပြုပြီးရိုက်ကူးထားတာပါ၊ ဒီလိုဖိနှိပ်မှုတွေကို ဆန့်ကျင်တဲ့ လူငယ်လေးနှစ်ဦးဖြစ်တဲ့ တင်မိုသီ နဲ့ စတက်ဖန်လီကို အပြစ်ဒဏ်‌အနေနဲ့ နှစ်ကြီးထောင်ဒဏ်တွေချမှတ်ခဲ့ပါတယ် ၊ ဒီလိုနဲ့ သူတို့နှစ်ယောက်က ထောင်ထဲကနေပြန်ထွက်ဖို့အတွက် နည်းလမ်းမျိုးစုံစဉ်းစားပါတော့တယ်၊ ဒီကားလေးရဲ့ထူးခြားချက်ကတော့ ပုံမှန်ကြည့်နေကျဇာတ်ကားတွေလို ထိုးကြိတ် ရိုက်နှပ်ပြီး fighting အခန်းတွေကြည့်ရမှာမဟုတ်ဘဲ ဉာဏ်နဲ့ယှဉ်ပြီး အကွက်ရွှေ့သွားတာတွေကို တွေ့ရမှာပါ။ ဆိုတော့ ဘယ်လိုတွေ ဉာဏ်ဆင်ပြီး ထောင်ကနေထွက်နိုင်ဖို့ကြိုးစားမလဲ တကယ်ရော လွတ်မြောက်နိုင်ပါ့မလားဆိုတာ စိတ်ဝင်တစားနဲ့ ကြည့်ရှုရမှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ zun ဖြစ်ပါတယ်

ဒီဇာတ်ကားကတော့ ကိုရီးယားHorrorကားတွေရဲ့ထုံးစံအတိုင်း လျှို့ဝှက်ချက်တွေ၊ ဒရမ်မာတွေနဲ့ သွေးပျက်စရာအခန်းတွေကို ပေါင်းစပ်ရိုက်ကူးထားတာပါ။ ဆေးကျောင်းသား၊ ကျောင်းသူ တွေဟာ ခန္ဓာဗေဒအတန်းမှာ အဖွဲ့လိုက်ပူးပေါင်းပြီး အလောင်းခွဲစိတ်မှုတွေလုပ်ဖို့ တာဝန်ကျလာပါတယ်။ ဆွန်းဟွာတို့သူငယ်ချင်း ၅ယောက်အဖွဲ့အတွက် ရောက်လာတဲ့အလောင်းကတော့ ရင်ဘတ်ပေါ်မှာ နှင်းဆီပွင့်ပုံစံပါရှိနေတဲ့ လှပတဲ့အမျိုးသမီးအလောင်းပါ။ သူတို့သူငယ်ချင်းအဖွဲ့ထဲမှာ ဆွန်းဟွာက ထူးချွန်ပြီး စာတော်တဲ့ ကျောင်းသူတစ်ယောက်ပါ။ ဒါပေမဲ့ ဒီအလောင်းနဲ့ စတင်ထိတွေ့ပြီးချိန်ကစလို့ သူတို့သူငယ်ချင်းအဖွဲ့သားတွေဟာ ထူးဆန်းတဲ့အိပ်မက်ဆိုးတွေ မက်တာ၊ မြင်ယောင်မြင်မှားဖြစ်တာတွေ ကြုံလာရပါတယ်။ တဖြည်းဖြည်းနဲ့ အဖွဲ့ထဲက ကျောင်းသားတွေ တစ်ယောက်ပြီး တစ်ယောက် ရက်ရက်စက်စက် သေဆုံးမှုတွေ ဖြစ်လာတဲ့အခါ... ဒီအလောင်းကောင်မှာ ဘယ်လိုကျိန်စာတွေ ရှိနေတာလဲ၊ ရင်ဘတ်ပေါ်က နှင်းဆီပွင့်ပုံရဲ့ နောက်ကွယ်က လျှို့ဝှက်ချက်က ဘာလဲဆိုတာကို အသက်လုပြီး ရှာဖွေဖော်ထုတ်ရမယ့် ဇာတ်လမ်းဖြစ်ပြီး မထင်ထားတဲ့ Plot twistမျိုးနဲ့ကြုံတွေ့ရမယ့်ကားမျိုးပါ။ ဒီကားကို အညွှန်းနဲ့ဘာသာပြန်ဆိုသူက Huihui ဖြစ်ပါတယ်။

သားယောက်ျားလေးအမွှာနှစ်ယောက်မှာ တစ်ယောက်က သဘာဝတရားဆိုတဲ့ နိမိတ်တွေ့ပေမဲ့ တစ်ယောက်ကတော့ သဘာဝဖျက်ဆီးသူအဖြစ် ဟောကိန်းထွက်လာတဲ့အတွက် သူ့ကို စွန့်ပစ်လိုက်ကြတော့ အမေဖြစ်သူက သားတစ်ယောက်ပဲ မွေးတယ်လို့ ထင်ခဲ့တယ်။ အရွယ်ရောက်လာတော့ ဟောကိန်းအတိုင်းပဲ မူရာလီက သဘာဝတရားကြီးကို ချစ်မြတ်နိုးသူတစ်ယောက် ဖြစ်လာပါတယ်။ သူတို့ဒေသမှာ သတ္တုတွင်းလုပ်ငန်းလုပ်ကိုင်ပြီး ပတ်ဝန်းကျင်အတွက် အဆိပ်အတောက်တွေ ဖြစ်ပေါ်စေတဲ့ကိစ္စကို မူရာလီ သိသွားချိန်မှာ ဆန့်ကျင်တိုက်ခိုက်ပေမယ့် အင်အားမမျှတော့ တစ်ဒေသလုံး ဒုက္ခရောက်ခဲ့ကြတယ်။ ဒီလိုအချိန်မှာ အာခန်ဒါ ဆိုတဲ့ ကယ်တင်ရှင်တစ်ဦး ပေါ်လာခဲ့တယ်။ သူက ဘယ်သူဖြစ်မလဲဆိုတာရယ် သူ့ရဲ့လမ်းစဉ်နဲ့ ခံယူချက်တွေက ဘယ်လိုထူးခြားလဲဆိုတာရယ်ကို တစ်ယောက်တည်းနဲ့ တစ်ဖွဲ့လုံးကို အထာကျကျ ဖြိုခွင်းတဲ့ ယုံကြည်ကိုးကွယ်မှာနဲ့ အက်ရှင် ပေါင်းထားတဲ့ ဇာတ်ကားလေးပဲဖြစ်ပါတယ်။ ဒီဇာတ်ကားမှာ မူရာလီ နဲ့ အာခန်ဒါ အဖြစ် မင်းသားကြီး Nandamuri Balakrishna နဲ့ ဆာရန်ယာ အဖြစ် မင်းသမီး Pragya Jaiswal တို့က အဓိကပါဝင်သရုပ်ဆောင်ထားတာ ဖြစ်ပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Cherry ဖြစ်ပါတယ်။

၂၀၂၆၊ ဇန်နဝါရီလ ၁၆ ရက်နေ့မှာပဲ Netflix ကနေ ပြသလိုက်တဲ့ Crime Thriller ရုပ်ရှင်သစ် "The Rip" အကြောင်း ပြောပြချင်ပါတယ်ဗျ။ ဒီကားက ဟောလိဝုဒ်ရဲ့ နာမည်ကြီး သူငယ်ချင်းနှစ်ယောက်ဖြစ်တဲ့ Matt Damon နဲ့ Ben Affleck တို့ ပြန်ဆုံထားတဲ့ကားမို့ ပရိသတ်တွေကြားမှာ တော်တော်လေး ရေပန်းစားနေပါတယ်။ ဇာတ်လမ်းပုံစံက ဒီလိုဗျ... Miami မြို့က ရဲတပ်ဖွဲ့ဝင်တစ်စုရဲ့ အကြောင်းပါ။ Matt Damon က Dane Dumars ဆိုတဲ့ ရဲအရာရှိ၊ Ben Affleck က JD Byrne ဆိုတဲ့ စုံထောက်အဖြစ် သရုပ်ဆောင်ထားတယ်။ သူတို့အဖွဲ့က မူးယစ်ဆေးဝါးဂိုဏ်းတစ်ခုရဲ့ ပိုက်ဆံတွေ သိုဝှက်ထားတဲ့ နေရာ (Stash House) တစ်ခုကို ရှာတွေ့သွားရာကနေ ပြဿနာစတာပါပဲ။ အဲ့ဒီအိမ်ထဲမှာ ဒေါ်လာသန်းပေါင်းများစွာ ပါတဲ့ ငွေထုတ်တွေကို တွေ့လိုက်ရတဲ့အခါ... ရိုးရိုးသားသားပဲ အထက်ကို တင်ပြမလား၊ ဒါမှမဟုတ် ကိုယ့်အိတ်ထဲပဲ ကိုယ်ထည့်မလား ဆိုတဲ့ စိတ်ဒွိဟတွေ ဖြစ်လာကြတယ်။ ပိုဆိုးတာက Matt Damon ရဲ့ ဇာတ်ကောင် Dane က ပိုက်ဆံတွေ့ပြီးနောက်ပိုင်းမှာ ထူးထူးခြားခြား အမူအရာတွေ ပျက်လာပြီး၊ ဖုန်းတွေကို သိမ်း၊ အထက်ကို အကြောင်းမကြားဖို့ လုပ်လာတဲ့အခါ သူ့သူငယ်ချင်း JD (Ben Affleck) အပါအဝင် ကျန်တဲ့အဖွဲ့သားတွေက သူ့ကို သံသယ ဝင်လာကြပါတော့တယ်။ "ပိုက်ဆံမြင်ရင် ဘယ်သူ့ကိုမှ ယုံလို့မရတော့ဘူး" ဆိုတဲ့အတိုင်း သူငယ်ချင်းအချင်းချင်း၊ လုပ်ဖော်ကိုင်ဖက် အချင်းချင်းကြားမှာ ယုံကြည်မှုတွေ ပျက်ပြားပြီး၊ တစ်ဖက်မှာလည်း အပြင်

၂၀၂၅ မှာ ထွက်ရှိခဲ့တဲ့ "Pillion" ရုပ်ရှင်က ထူးထူးခြားခြား Romantic Comedy Drama ဇာတ်ကားလေး ဖြစ်ပါတယ်။ မင်းသားတွေကတော့ နာမည်ကြီး Alexander Skarsgård (Tarzan မင်းသား) နဲ့ Harry Melling (Harry Potter ထဲက Dudley Dursley) တို့ အဓိက ပါဝင်ထားကြပါတယ်။ ဇာတ်လမ်းပုံစံက ဒီလိုပါ... Harry Melling က Colin ဆိုတဲ့ ကောင်လေးနေရာက သရုပ်ဆောင်ထားတယ်။ သူက ဘဝမှာ ကိုယ်ပိုင်ဆုံးဖြတ်ချက် သိပ်မချတတ်ဘူး၊ ပျင်းစရာကောင်းပြီး သူများ ဦးဆောင်တာကို ခံချင်တဲ့ စိတ်ရှိတဲ့သူပေါ့။ တစ်နေ့မှာ သူက Ray (Alexander Skarsgård) ဆိုတဲ့ ဆိုင်ကယ်သမား လူမိုက်ပုံစံ (Biker) နဲ့ ဆုံဖြစ်သွားတယ်။ Ray က Colin ရဲ့ အိမ်မှာ လာနေပြီး Colin ရဲ့ ဘဝတစ်ခုလုံးကို ဝင်ရောက် စီမံခန့်ခွဲပါတော့တယ်။ ဘာစားရမယ်၊ ဘာဝတ်ရမယ်၊ ဘယ်လိုနေရမယ် ဆိုတာကအစ Ray က အကုန် လိုက်ပြောတာပေါ့။ ထူးခြားတာက Colin ကလည်း သူ့ကို အဲ့လို လာထိန်းချုပ်တာကိုပဲ သဘောကျပြီး Ray ရဲ့ နောက်လိုက် (Pillion - ဆိုင်ကယ်နောက်ခုံစီးသူ) အဖြစ် ခံယူလိုက်တာပါ။ သူတို့နှစ်ယောက်ကြားက ထူးခြားတဲ့ သံယောဇဉ်၊ ရယ်စရာ အလွဲလေးတွေနဲ့ အချစ်ဇာတ်လမ်းကို ပုံဖော်ထားတဲ့ ကားကောင်းလေး ဖြစ်ပါတယ်။ Queer Romance ကားတွေ ကြိုက်ရင် သဘောကျမယ့် ကားမျိုးပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Kim ဖြစ်ပါတယ်

ယခုတစ်ခေါက် တင်ဆက်ပေးမယ့် ဇာတ်ကားလေးကတော့ 2017 ခုနှစ်က ထွက်ရှိခဲ့တဲ့ Papillon ဆိုတဲ့ဇာတ်ကားလေးပဲ ဖြစ်ပါတယ်။ Shawshank Redemption လိုမျိုးဇာတ်ကားတွေကို ကြိုက်နှစ်သက်သူအတွက် လုံး၀လက်မလွတ်သင့်တဲ့ဇာတ်ကားလေးဖြစ်ပါတယ်။ဇာတ်လမ်းအကျဉ်းချုပ်ကတော့ ပါပီဟာ ကြွယ်၀ချမ်းသာတဲ့လူတွေဆီကနေ တန်ဖိုးကြီးပစ္စည်းတွေ ခိုးရင်း ဘ၀ကိုရှင်သန်နေသူတစ်ယောက်ပါ။ တစ်နေ့မှာတော့ လူသတ်မှုနဲ့ သူ အကွက်ဆင်ခံလိုက်ရပြီး တစ်သက်တစ်ကျွန်းထောင်ကျသွားပါတယ်။ ဒီတော့ ပါပီလည်း ထောင်ဖောက်ဖို့အတွက် ငွေလိုလာပါတော့တယ်။ ဒီတော့ ထောင်ထဲမှာ ပိုက်ဆံရှိတဲ့ ဒီဂါဆိုသူနဲ့ မိတ်ဆွေဖွဲ့လိုက်ပါတော့တယ်။ ဒီဂါကတော့ ထွက်ပြေးဖို့စိတ်မ၀င်စားပဲ သူ့မိန်းမ သူ့ကို အယူခံ၀င်ပေးတဲ့အချိန်ထိ ထောင်ထဲမှာ ကာကွယ်ပေးမယ်ဆိုရင် ပါပီလိုချင်တဲ့ ပိုက်ဆံပေးမယ်လို့ပြောလိုက်ပါတယ်။ ဒါပေမယ့် ဒီဂါတစ်ယောက် အယူခံ၀င်ဖို့မဖြစ်နိုင်တော့ဘူးဆိုတာကို သိပြီးနောက်ပိုင်း ဘယ်လိုတွေဖြစ်လာမလဲ။ ပါပီကော ထောင်ကနေထွက်ပြေးဖို့အကြံအစည်အောင်မြင်သွားမှာလား စတာတွေကို ဇာတ်လမ်းအချိုးအကွေ့များစွာနဲ့ ရိုက်ကူးထားတာပဲဖြစ်ပါတယ်။ တစ်သက်တစ်ကျွန်းကျသွားပြီဆိုပြီး စိတ်ဓာတ်မကျပဲ မျှော်လင့်ချက်တစ်ခုက လူတစ်ယောက်ကို ဘယ်လောက်ထိ ခွန်အားပေးနိုင်လဲဆိုတာကို ဖော်ပြထားတဲ့ဇာတ်ကားလေးမို့ အမြန်ပဲကြည့်ရှုလိုက်ဖို့ တိုက်တွန်းလိုက်ရပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Paing Chan Thar ဖြစ်ပါတယ်

အတိတ်က ဖခင်ဖြစ်သူရဲ့အမှားကြောင့် ရန်ငြှိုးနဲ့ကျိန်စာတိုက်ခံရတဲ့ မိသားစုအကြောင်းဖြစ်ပါတယ်။ တူရကီစကားပြောနဲ့ဖြစ်ပြီး အစ္စလာမ်ရိုးရာပုံပြင်တွေနဲ့ ကိုးကွယ်ယုံကြည်မှုတွေ ကျိန်စာတွေကို အခြေခံထားပါတယ်။ ဖာတီတို့မိသားစုဟာ ဖာတီရဲ့အမေအိမ်မှာနေထိုင်ပြီး သူ့အမေက စိတ်မမှန်သလို အပြုအမူတွေလုပ်လို့ ဖာတီက ဇနီးသည်တိုက်တွန်းချက်အရ လူအိုရုံကိုပို့ခဲ့ပါတယ်။ ဒါမဲ့ ဖာတီရဲ့သမီးငယ်အယ်လာက အဘွားဖြစ်သူကို နေ့စဉ်သတိရနေပြီး ဖာတီကလည်း ဆုံးဖြတ်ချက်မှားသွားတယ်ထင်လို့ သူ့အမေကို အိမ်ပြန်ခေါ်လာခဲ့ပါတယ်။ ဒါပေမဲ့ အိမ်ပြန်ရောက်လာတဲ့ အယ်လာရဲ့ဘွားအေက အရင်ကထက်ပိုဆိုးလာပြီး ထူးဆန်းနေပါတယ်။ အထူးသဖြင့် ဖာတီရဲ့မိသားစုဝင်တွေက ခြောက်လှန့်မှုတွေ တစ်မျိုးပြီတစ်မျိုး ကြုံနေရတာပါ။ ဒါပေမဲ့ ဒီဖြစ်ရပ်တွေက ခြောက်လှန့်ရုံသပ်သပ်မဟုတ်ဘဲ တစ်မိသားစုလုံးရဲ့အသက်ကိုနုတ်ဖို့ ကျိန်စာတိုက်ထားတာဖြစ်နေတဲ့အခါ...သူ့အဘွားဆီမှာ ဒီကျိန်စာဘယ်လိုပါလာတာလဲ...အတိတ်မှာ ဘာတွေလုပ်ခဲ့လို့ ဒီလိုကြောက်မက်ဖွယ်ကံတရားနဲ့ရင်ဆိုင်ရတာလဲဆိုတာ အခုပဲ ရှူစားလိုက်တော့နော်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ဒီဇာတ်ကားလေးကတော့ Imdbမှာ 7.6ထိ ရရှိထားတဲ့ Mountain Patrol Kekexili လို့ အမည်ရပြီး နိုင်ငံတကာ ရုပ်ရှင်ပွဲတော်တွေမှာ ဆုပေါင်းများစွာ ရရှိခဲ့တဲ့ ဖြစ်ရပ်မှန် ဇာတ်ကားကောင်းလေးပဲ ဖြစ်ပါတယ်။ ဂါယွီလို့ခေါ်တဲ့ ပေကျင်းမြို့က သတင်းထောက်တစ်ဦးဟာ မျိုးသုဉ်းပျောက်ကွယ်လုနီးပါးဖြစ်နေတဲ့ ဝေးလံခေါင်သီတဲ့ နေရာက တိဗက်ဆိတ်​တွေကို တရားမဝင် အမဲလိုက်သတ်ဖြတ်မှု​တွေက​နေ မှတ်တမ်းတင်ဖို့ တိဗက်ဒေသသို့ ရောက်ရှိလာခဲ့တယ်။ တိဗက်ကုန်းပြင်မြင့်ပေါ်က Kekexili (ခါခါရှီလီ)လို့ခေါ်တဲ့ အေးမြပြီး ကြမ်းတမ်းတဲ့ လူသူမနီးတဲ့ ဒေသမှာ မျိုးသုဉ်းပျောက်ကွယ်လုနီးပါးဖြစ်နေတဲ့ တိဗက်ဆိတ်တွေကို သတ်ဖြတ်ပြီး သားရေမှောင်ခိုရောင်းနေတဲ့ မုဆိုးတွေနဲ့ သူတို့ကို အသက်စွန့်ပြီး ကာကွယ်နေတဲ့ ကင်းလှည့်အဖွဲ့ အကြောင်းကို ရိုက်ကူးထားတာဖြစ်ပါတယ်။ ကင်းလှည့်အဖွဲ့သားတွေဟာ အစိုးရဆီက လစာမရဘဲ သူတို့ရဲ့ ယုံကြည်ချက်တစ်ခုတည်းနဲ့ အသက်ပေးပြီး တောရိုင်းတိရိစ္ဆာန်တွေကို ကာကွယ်ကြတာကို စိတ်ဝင်တစား ​ကြည့်ရှုရမှာ ဖြစ်ပါတယ်။ ဒီဇာတ်ကားလေးဟာ တကယ့်ကို အောင်မြင်မှု ကြီးကြီးမားမား ရရှိခဲ့တဲ့ ဆုရ ရုပ်ရှင်ဇာတ်ကားကောင်း တစ်ကားဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Thandar Hlaing ဖြစ်ပါတယ်