လူကြည့်များသော ရုပ်ရှင်များ

ဇာတ်လမ်းအစမှာ စူပါစတားမင်သမီး ဆာယီကို ဟီမန်ရှူ ဆိုတဲ့လူက ပြန်ပေးဆွဲသွားတယ်။ ဟီမန်ရှူရဲ့ ရည်ရွယ်ချက်က တကယ့်အဖြစ်အပျက်ကို ရုပ်ရှင်တစ်ပုဒ်လို ရိုက်ကူးဖို့ပဲ။ ဒါကြောင့် ဆာယီနဲ့ နီးစပ်ဖို့ လုပ်ဇာတ်တွေခင်းပြီး ဘေးကနေ တပည့်လုပ်သူက ဗီဒီယိုတွေ ခိုးရိုက်ပေးထားတယ်။ ဆာယီက ဟီမန်ရှူရဲ့ မရိုးသားမှုကို သိသွားချိန်မှာ ရဲတွေခေါ်ပြီး ဖမ်းခိုင်းလိုက်တော့ ဟီမန်ရှူတစ်ယောက် သူ့ရဲ့အစီအစဉ်တွေ ပျက်ကုန်ပါတော့တယ်။ ဒါကြောင့် အချုပ်ကလွတ်လာချိန်မှာ ဆာယီကို ပြန်ပေးဆွဲပြီး သူ့ရဲ့ဇာတ်လမ်းကို ဆက်ရိုက်ဖို့ ပြင်ဆင်ပါတယ်။ အတုအယောင်တွေ မပါတဲ့ သူ့ဇာတ်လမ်းမှာ သေရမယ့်အခန်းဆို တကယ်သတ်ပစ်လိုက်တယ်။ အဲ့တော့ သူ့ရဲ့ဇာတ်ညွှန်းက ဘယ်လိုဇာတ်ညွှန်းမျိုးလဲ၊ ဆာယီတစ်ယောက် သူ့ဇာတ်ညွှန်းအတိုင်း ဘယ်လိုတွေ သရုပ်ဆောင်ပေးရမှာလဲဆိုတာကို စိတ်ဝင်တစား ကြည့်ရှုရမယ့် ဇာတ်ကားလေးပဲဖြစ်ပါတယ်။ ဒီဇာတ်ကားမှာ ဟီမန်ရှူ အဖြစ် မင်းသား Rohit Kokate နဲ့ ဆာယီ အဖြစ် မင်းသမီး Sai Tamhankar တို့က အဓိက ပါဝင်သရုပ်ဆောင်ထားတာ ဖြစ်ပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Cherry ဖြစ်ပါတယ်။

ဒီတစ်ခေါက်မှာတော့ အားလုံးကို မင်းသားချောအိုဂျီဟိုရဲ့Comedy action ဆန်ဆန်ကားကောင်းလေးတစ်ကားနဲ့မိတ်ဆက်ပေးချင်ပါတယ် ဇာတ်လမ်းအညွှန်းလေးကတော့ သိုင်းပညာသုံးခုတည်ရှိနေတဲ့ သိုင်းလောကထဲမှာ ဆောင်းဂျွန်းတို့ဆရာတူညီအစ်ကိုနှစ်ယောက်ဟာ ထယ်ဘတ်သိုင်းကိုကျွမ်းကျင်တတ်မြောက်ကြပါတယ် တစ်နေ့မှာတော့ အစ်ကိုဖြစ်သူက ထယ်ဘတ်သိုင်းခေါင်းဆောင်နေရာကိုမလိုချင်လို့ တောင်ပေါ်ကနေ ဆင်းသွားပါတော့တယ် အစ်ကိုဖြစ်သူကိုလိုက်ရှာဖို့ ဆောင်းဂျွန်းတစ်ယောက်တောင်ပေါ်ကဆင်းခဲ့ပေမဲ့ လမ်းမှာ မိန်းကလေးတစ်ယောက်နဲ့ချစ်မိပြီး အကြောပြင်ဆရာအဖြစ်ရုပ်ဖျက်ကာ မိသားစုဘဝတည်ထောင်ပါတော့တယ် တစ်နေ့မှာ တောင်ကိုရီးယားမြောက်ပိုင်းကလွတ်လာတဲ့ဘတ်ဒူသိုင်းပညာရှင်နဲ့ ရင်ဆိုင်ရတဲ့အခါမှာတော့...... ဆောင်းဂျွန်းတစ်ယောက်ဘယ်လိုမျိုး မိသားစုနဲ့ချစ်ခင်ရသူတွေကိုကာကွယ်မလဲဆိုတာကို comedy ဆန်ဆန် ဟာသနှောပြီးတင်ဆက်ထားတာမို့ ကြည့်ရှုခံစားနိုင်ပြီဖြစ်ပါတယ် ဒီဇာတ်ကားကို အညွန်းနဲ့ဘာသာပြန်ပေးသူကတော့ Emily ဖြစ်ပါတယ်

ဒီတစ်ခါမှာတော့ ဝူရှသိုင်းကားဖြစ်ပေမယ့် တမူထူးခြားတဲ့ ဓားမတစ်ချောင်းကိုဗဟိုပြုပြီး ဟာသအနေနဲ့ ရိုက်ကူးထားတဲ့ သိုင်းဟာသကားလေးနဲ့ မိတ်ဆက်ပေးချင်ပါတယ်။ ဇာတ်လမ်းအကျဥ်း သားသတ်သမားရယ် စားဖိုမှူးရယ် ဓားသမားရယ်က ဒဏ္ဍာရီလာ ဓါးတစ်ချောင်းကို လက်ဆင့်ကမ်းပိုင်ဆိုင်လာကြပါတယ်။ သူတို့သုံးဦးရဲ့ ဘဝဇာတ်လမ်းကို ချိတ်ဆက်ရိုက်ကူးထားတဲ့ ဆန်းသစ်တဲ့ ဘဝသရုပ်ဖော် ဇာတ်ကားလေး ဖြစ်ပါတယ်။ သားသတ်သမားကတော့ ... မိန်းမလှလေးတစ်ဦးကို မြှူဆွယ်ချစ်ခွင့်ပန်ဖို့ အိပ်မက်မက်နေတဲ့ သာမန် ဝက်သတ်သမားတစ်ယောက်ဖြစ်ပါတယ်။ စားဖိုမှူးကတော့ သူ့မိသားစု သတ်ခဲ့တဲ့သူကို လက်စားချေဖို့ ကြိုးပမ်းနေပြီး အဲဒီလူအတွက် ညစာ ချက်ကျွေးပြီး သတ်ဖို့ ကြိုးစားနေသူဖြစ်ပါတယ်။ ဓားသမားကတော့ ဖခင်ရဲ့ ကျော်ကြားမှုထက် ပိုပြီး အောင်မြင်ကျော်ကြားတဲ့ ဓားသမားဖြစ်ချင်လို့ ဖခင်ရဲ့ ဂူသင်္ချိုင်းကို ဖောက်ထွင်းပြီး မြှုပ်ထားတဲ့ ဓားကို ပြန်တူးယူသူ.... ဒီဓားမတစ်ချောင်းကပဲ သူတို့ရဲ့ စိတ်ဝင်စားစရာ ကိုယ်ပိုင်ဇာတ်လမ်းလေးတွေကို ဖြစ်ပေါ်လာတဲ့ အခါမှာတော့.... ကဲ...''သားသတ်သမား စားဖိုမှူးနဲ့ ဓားသမား''ဆိုတဲ့ ဇာတ်လမ်းလေးက ဘယ်လိုမျိုး ရယ်မောပျော်ရွှင်ရပြီး စိတ်ဝင်စားဖို့ကောင်းမလဲဆိုတာ ဇာတ်ကားလေးထဲမှာပဲ အားပါးတရ ဆက်လက် ကြည့်ရှုလိုက်ပါနော်.... သိုင်းကားချစ်သူတွေအတွက် ပေါ့ပေါ့ပါးပါးနဲ့ ရယ်မောပျော်ရွှင်ရပြီး လုံးဝ အကြိုက်တွေ့စေမယ့် ဇာတ်ကားကောင်းလေးပဲ ဖြစ်

ရုပ်ရှင်လောကရဲ့ နောက်ကွယ်က မာနတရားတွေနဲ့ အနုပညာကို ခုတုံးလုပ်ပြီး ကစားကြတဲ့ ကစားပွဲတစ်ခုအကြောင်းကို စိတ်ဝင်စားဖွယ် ရိုက်ကူးထားတာပါ။ ဝါရင့်ဒါရိုက်တာတစ်ယောက်နဲ့ ထိပ်တန်းမင်းသားတစ်လက်တို့ရဲ့ အားပြိုင်မှုကြားမှာ မြေစာပင်ဖြစ်သွားရတဲ့ ကောင်မလေးတစ်ယောက်ရဲ့ ဘဝ၊ ရုပ်ရှင်ရိုက်ကွင်းပေါ်က ဟန်ဆောင်မှုတွေနဲ့ လက်တွေ့ဘဝက အမှန်တရားတွေ ရောထွေးသွားတဲ့အခါမှာတော့ ကြက်သီးထစရာ အဖြစ်အပျက်တွေ စတင်လာပါတော့တယ်။ ဇာတ်ကားရဲ့ အထွတ်အထိပ် ရိုက်ကွင်းမှာ အတုလုပ်ထားတဲ့ သေနတ်တစ်လက်က ကျည်အစစ်တွေနဲ့ အစားထိုးခံလိုက်ရပြီး လူသတ်မှုတစ်ခု ဖြစ်ပေါ်လာတဲ့အခါမှာတော့ ပရိသတ်ကို ရင်တမမ ဖြစ်စေမှာ အသေအချာပါပဲ။ အချစ်စစ်၊ သစ္စာဖောက်မှုနဲ့ လက်စားချေခြင်းတွေ ပေါင်းစပ်ထားတဲ့ ဒီဇာတ်ကားဟာ အနုပညာအတွက် ပေးဆပ်လိုက်ရတဲ့ တန်ဖိုးကြီးလွန်းတဲ့ အရာတစ်ခုအကြောင်းကို မီးမောင်းထိုးပြထားပြီး ဇာတ်သိမ်းပိုင်းအထိ မျက်တောင်မခတ်တမ်း ကြည့်ရှုရမဲ့ သည်းထိတ်ရင်ဖို ဒရာမာဇာတ်ကားကောင်း တစ်ကားဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Clara Sol ဖြစ်ပါတယ်

ယခုတစ်ခေါက်တင်ဆက်ပေးမယ့် ဇာတ်ကားလေးကတော့ ၂၀၀၀ခုနှစ်က ထွက်ရှိခဲ့တဲ့ မင်းသမီးကြီး Monica Bellucci ပါ၀င်သရုပ်ဆောင်ထားတဲ့ Malena ဆိုတဲ့ဇာတ်ကားလေးဖြစ်ပါတယ်။ ဘာကောင်းလို့လဲဆိုတာထက် ပုရိသတွေအကြိုက်ဖြစ်တဲ့ Monica Bellucci ပါ၀င်ထားတာမို့ သူ့ရဲ့ညို့အားကောင်းလွန်းတဲ့အကြည့်တွေ စွဲမက်စရာကောင်းလှတဲ့အလှတရားတွေနဲ့တင် ကြည့်ရှုဖို့ထိုက်တန်တဲ့ဇာတ်ကားလေးဖြစ်နေတာပါ။ ဇာတ်ကားလေးရဲ့အကျဉ်းချုပ်ကတော့ မလီနာဟာ ဖက်ဆစ်ခေတ်မှာ အီတလီနိုင်ငံက မြို့လေးတစ်မြို့မှာ ယောကျာ်းဖြစ်သူနဲ့ နေထိုင်နေတဲ့အမျိုးသမီးတစ်ယောက်ပါ။ အရမ်းလည်း ချောမောလှပတာမို့ တစ်မြို့လုံး ပုရိသတွေ ကလေးလူကြီးမကျန် စွဲလမ်းရတဲ့သူဆိုလည်း မမှားပါဘူး။အဲ့ထဲမှာ ရီနာတိုဆိုတဲ့ ဆယ်ကျော်သက်ကောင်လေးတစ်ယောက်လည်း အပါအ၀င်ဖြစ်ပါတယ်။ ရီနာတိုဟာ ပထမဆုံး မလီနာကို မြင်မြင်ချင်းမှာပဲ အရူးအမူးစွဲလမ်းသွားပြီး နောက်ကနေ တကောက်ကောက်လိုက်ချောင်းပါတော့တယ်။ တစ်ရက်မှာတော့ မလီနာရဲ့စစ်ထဲပါသွားတဲ့ယောကျာ်းသေဆုံးပြီဆိုတဲ့သတင်းရောက်လာပါတော့တယ်။ ဒီတော့ မုဆိုးမဖြစ်သွားတဲ့ မလီနာကို သနားလို့ဆိုတာထက် ခြေတော်တင်ဖို့ကြိုးစားချင်တဲ့ ယောကျာ်းတွေဟာ အနားကို ဝိုင်းအုံလာပါတော့တယ်။ အစကတည်းက ချောမောလွန်းလို့ အခြားအမျိုးသမီးတွေက မကြည်ကြတဲ့အချိန်မှာ အဲ့လိုတွေဖြစ်လာတဲ့အတွက် မလီနာကို မိန်းမပျက်ဆိုပြီး စွပ်စွဲလာကြပါတော့တယ်။ တစ်နေ့မှာတော့ မလီနာလည်း ဘ၀အသစ်ထူထောင်ဖို့ အချစ်အသစ်ကို ရှာတွေ့နေတဲ့အချိန်မှာပဲ အိမ်ထ

ဒီကား​လေးက​တော့ ကြည့်ရှုမှု ၄ သန်း​ကျော်ရရှိခဲ့တဲ့ ဖြစ်ရပ်မှန် Podcast တစ်ခုကို ပြန်လည်ရိုက်ကူးထားတဲ့ ဖြစ်ရပ်မှန်​ အင်ဒိုဟော်ရာကား​လေးဖြစ်ပါတယ်။ သူများ​ယောက်ျားကို တပ်မက်မိလို့ ကျိိန်စာတိုက်ပြီး ကိုယ့်လူဖြစ်​အောင်ကြိုးစားတဲ့အ​ကြောင်းအရာ ဖြစ်ပါတယ်။ ဗီတာတို့မိသားစုမှာ ဖခင်ဖြစ်သူ အယ်ဒီက အစိုးရအရာရှိဖြစ်ပြီး မိခင်ဖြစ်သူက​တော့ အလှပြင်ဆိုင်​လေးဖွင့်ထားသူ ဖြစ်ပါတယ်။ မိခင်ဖြစ်သူရဲ့ဆိုင်အလုပ်​​တွေကြောင့် သားသမီး​တွေကို အနီးကပ်ပြုစုမ​ပေးနိုင်ခဲ့ပါဘူး။ အယ်ဒီက​တော့ ခင်ပွန်း​ကောင်း ဖခင်​ကောင်းဖြစ်ပြီး ဇနီးသည်နဲ့ သားသမီး​တွေအ​ပေါ် ကြင်နာယုယတတ်သူ ဖြစ်ပါတယ်။ ဒီလို​အေးချမ်း​နေတဲ့ သူတို့ဘဝ​လေးကို ကံကြမ္မာဆိုး ရိုက်ခတ်လာပါ​တော့တယ်။ အယ်ဒီ့ကို လိုချင်​နေတဲ့ မိန်းမတစ်​ယောက်​ပေါ်လာပြီး ​​အောက်လမ်းနည်း​တွေနဲ့ ရ​အောင်ကြိုးစားယူပါ​တော့တယ်။ အင်ဒိုနီးရှားရဲ့​ရှေး​ခေတ်​အောက်လမ်းအတတ်​တွေနဲ့ ဘာသာ​ရေးယုံကြည်မှု​တို့ကြားက အားပြိုင်မှုကို ရင်တထိတ်ထိတ်နဲ့ ခံစားကြည့်ရှူရမယ့် ဖြစ်ရပ်မှန်​ဟော်ရာကား​လေး ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

ဒီတစ်ခေါက်မှာတော့ မထင်မှတ်ဘဲ မြေအောက်လက်ဝှေလောက ထဲကို ဝင်ရောက်သွားတဲ့ ကွန်ဖူးကျွမ်းကျင်သူတစ်ယောက်ရဲ့ ဘဝကို အဓိကရိုက်ကူးထားတဲ့ Underground Fighter (2006) ဆိုတဲ့ ဟောင်ကောင်အက်ရှင်ကားလေးနဲ့ မိတ်ဆက်ပေးချင်ပါတယ်။ ဇာတ်လမ်းအကျဉ်း တရုတ်ပြည်မကြီမှ ဟောင်ကောင်သို့ အလုပ်လုပ်ရန်လာသော ကွန်းဟာ ပုံမှန်ဘဝမှာ ဖြတ်သန်နေစဉ် သူ့ရဲ့ ကွန်ဖူးကျွမ်းကျင်မှုကြာင့် မြေအောက်လက်ဝှေ့လောကသားအချို့ရဲ့ မျက်စိကျခြင်းကို ခံရပြီး မြေအောက်လက်ဝှေ့လောကသို့ဝင်ရောက်ရန် ဆွဲဆောင်ခံခဲ့ရပါတော့တယ်။ကွန်းဟာ အစပိုင်းမှာ တရားမဝင်အလုပ်ကို ငြင်းဆန်ခဲ့သော်လည်း သူ့အား သဘောကျနေသူ ချွမ်းချီရဲ့ တိုက်တွန်းမှုကြောင့် မြေအောက်လောကသို့ဝင်ရောက်ခဲ့ပါတော့တယ်။သူဟာ မြေအောက်လက်ဝှေ့လောကမှာနာမည်ကျော်ကြားပြီး ပွဲစဉ် အသေးလေးတွေမှ ပွဲစဉ်အကြီး လောင်းကြေးအမြင့်ပွဲတွေကိုပါ ယှဉ်ပြိုင်ကာ အနိုင်ပွဲများကို ဆက်တိုက်ရရှိခဲ့တာကြောင့် လူအများဟာ သူ့ဘက်မှ လောင်းကြေးထိုးလာခဲ့ပါတော့တယ်။ထိုအခါ သူ့အား အဖွဲ့ဝင်ရန်ခေါ်ဆောင်ခဲ့သော အဖွဲ့မှ လောင်းကြေးအရှူံးကို ရင်ဆိုင်ရမှာစိုးရိမ်ပြီး ကွန်းကို အရှုံးပေးပြီး ယှဉ်ပြိုင်ရန် တိုက်တွန်းပါတော့တယ်။သို့‌သော် ကွန်းက သဘောမတူသဖြင့် ချွမ်းချီကိုဖမ်းဆီးပြီး ခြိမ်းခြောက်ခဲ့တာကြောင့် ကွန်းဟာ ချစ်ရသူရဲ့ အသက်အတွက် ဂုဏ်သိက္ခာကို စွန့်လွှတ်ကာ အရှူံးပေးတိုက်ပွဲဝင်ခဲ့ရပါတော့တယ်။သို့သော် ချွမ်းချီဟာ သူထင်သလို ရိုးရှင်းသူတစ်ယောက်မဟုတ်ဘဲ လျှိ

ဇာတ်လမ်းကတော့ အသက်အရွယ်ကြီးရင့်ပြီး အူမကြီးကင်ဆာ ဝေဒနာခံစားနေရတဲ့ ကျောင်းအုပ်ကြီးဟောင်း ဂျောင်ဆော့မှာ အသက်ရှင်ဖို့ ၆ လလောက်ပဲ အချိန်ကျန်ပါတော့တယ်။ သူ့ကို ပြုစုစောင့်ရှောက်ဖို့အတွက် ငယ်ရွယ်ချောမောပြီး ဆွဲဆောင်မှုရှိတဲ့ ယွန်းဟွာဆိုတဲ့ ကောင်မလေးတစ်ယောက် ရောက်လာပါတယ်။ ယွန်းဟွာ ဟာ သာမန် သူနာပြုတစ်ယောက်တော့ မဟုတ်ပါဘူး။ သူမရဲ့ အကြည့်တွေ၊ အပြုအမူတွေနောက်ကွယ်မှာ ဖုံးကွယ်ထားတဲ့ လျှို့ဝှက်ချက်ကြီးတစ်ခု ရှိနေပါတယ်။ ယွန်းဟွာနဲ့အသက်အရွယ်ကြီးရင့်တဲ့ကင်ဆာရောဂါသည်တို့အကြားမှာဘယ်လိုဇာတ်လမ်းလေးတွေဖြစ်ပေါ်လာမလဲ ယွန်းဟွာကရောဘာလို့ ဒီအိမ်မှာ သူနာပြုအကူအနေနဲ့ လာလုပ်ကိုင်နေလဲဆိုတာကို ကြည့်ရှူရမှာဖြစ်ပါတယ် ဇာတ်လမ်းလေးကromance drama ဆိုပေမဲ့ romanceထက်စိတ်ထဲကသိကအောင့်ဖြစ်စရာကောင်းတဲ့ဖုံးကွယ်ထားတဲ့လျှို့ဝှက်ချက်တွေကိုစိတ်လှုပ်ရှားစွာစောင့်ကြည့်ရမှာပဲဖြစ်ပါတယ် ကိုရီးယားရုပ်ရှင်တွေထဲမှာမှ ပရိသတ်တော်တော်များများ ပါးစပ်အဟောင်းသားဖြစ်သွားစေမယ့် Plot Twist တွေနဲ့ ဇာတ်လမ်းမျိုးကို ရှာနေတယ်ဆိုရင်တော့ ဒီကားက လက်မလွှတ်သင့်တဲ့ကားပဲဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ emily ဖြစ်ပါတယ်

ဇာတ်လမ်းမှာ အပြိုင်သွားနေတဲ့ ဇာတ်လမ်းနှစ်ခုကို အဓိက မြင်တွေ့ရမှာပါ။ ပထမတစ်ခုကတော့ ပန်းပင်ဆိုင်မှာ အလုပ်လုပ်တဲ့ မီချီ ခူတို နဲ့ သူ့ရဲ့လုပ်ဖော်ကိုင်ဖက်တွေ အကြောင်းဖြစ်ပြီး၊ ဒုတိယတစ်ခုကတော့ အင်တာနက်ကို အသစ် စတင်သုံးစွဲတဲ့ ကောလိပ်ကျောင်းသား ယိုဆူကဲ ခဝရှီမ တို့အကြောင်းပဲ ဖြစ်ပါတယ်။ ​မီချီ ရဲ့ လုပ်ဖော်ကိုင်ဖက်တစ်ဦး မကြာခင်က ကိုယ့်ကိုယ်ကိုယ် သေကြောင်းကြံသွားပြီးနောက်၊ မီချီ နဲ့ သူ့သူငယ်ချင်းတွေဟာ သူတို့ပတ်ဝန်းကျင်မှာ ထူးဆန်းတဲ့ အဖြစ်အပျက်တွေ စတင်ကြုံတွေ့လာရပါတယ်။ တစ်ဖက်မှာ ယိုဆူကဲ ကလည်း သူ့ကွန်ပျူတာဟာ အင်တာနက်ကနေတစ်ဆင့် သေဆုံးသွားသူတွေ (သရဲတွေ) နဲ့ ချိတ်ဆက်နေတယ်ဆိုတာကို စတင် သိရှိလာရပါတယ်။ ထိုသရဲတွေက လူ့လောကထဲကို ဝင်ရောက်လာကြပြီး လူတွေကို အလွန်အမင်း အထီးကျန်ဆန်မှု နဲ့ သေဆုံးဖို့ လှုံ့ဆော်နေကြပါတယ်။ ​ဒီဇာတ်ကားဟာ လူတွေကို ဆက်သွယ်ပေးဖို့ ဖန်တီးထားတဲ့ နည်းပညာ (အင်တာနက်) က ဘယ်လိုနည်းနဲ့ အထီးကျန်မှုကို ပိုမိုနက်ရှိုင်းစေပြီး လူသားမျိုးနွယ်ကို ပျက်သုဉ်းစေနိုင်သလဲ ဆိုတဲ့ အယူအဆအပေါ်မှာ အခြေခံထားတာ ဖြစ်ပါတယ်။ တိုကျိုမြို့ကြီးဟာ တစ်စတစ်စ လူသူကင်းမဲ့လာပြီး၊ ရှင်သန်ကျန်ရစ်သူတွေဟာ သူတို့ရဲ့ စိတ်ဝိညာဉ်ကို စားသုံးနေတဲ့ စိတ်ဓာတ်ကျခြင်းနှင့် မျှော်လင့်ချက်မဲ့ခြင်းဆိုတဲ့ သရဲတွေနဲ့ ရင်ဆိုင်ရပါတော့တယ်။ ​မီချီ နဲ့ ယိုဆူကဲ တို့ဟာ တစ်ယောက်ကိုတစ်ယောက် ထိန်းချုပ်နေတဲ့ အထီးကျန်မှုဘေးဆိုးထဲကနေ ဘယ်လို ရုန်းထွက်ပြီ

ခရစ်စမတ်နီးလာပြီဆိုတော့ ခရစ်စမတ်ကားလေးတစ်ကားနဲ့မိတ်ဆက်ပေးပါရစေ။ ရတ်စ်နဲ့ အန်နာတို့ဟာတချိန်က အရမ်းကိုချစ်ကြတဲ့ ချစ်သူတွေဖြစ်ပြီး အခုတော့သူတို့က နှစ်ဦးသဘောတူ ပြတ်စဲပြီး အတူတူမနေကြတော့ပါဘူး။ သူတို့တွဲခဲ့စဉ်က မာ့ဗ်ဆိုတဲ့ခွေးလေးတစ်ကောင်ကို မွေးခဲ့ကြပါတယ်။ အခုတော့ သူတို့ဟာအဲဒီခွေးလေးကို တပတ်ကိုတလှည့်စီ မွေးထားကြပါတယ်။ မာ့ဗ်ဟာ သူ့သခင်တွေအတူတူမနေတော့တာကြောင့် ဝမ်းနည်းပြီး ငိုင်လာပါတယ်။ အဲဒါနဲ့ရတ်စ်လည်း မာ့ဗ်ကိုခေါ်ပြီး ကမ်းခြေကို ခရီးထွက်လာပါတယ်။ အန်နာကလည်း သူတို့နှစ်ယောက်အတူတူရှိမှ ခွေးလေးဟာပျော်ရတာမို့လို့ အန်နာကိုယ်တိုင် ခရီးကိုလိုက်လာပြီး နှစ်ယောက်သားဘယ်လိုတွေ ဖြစ်ကြမလဲ ပြန်ချစ်ကြမလား ဒီတိုင်းပဲဆက်သွားကြမလားဆိုတာကိုတော့ ဇာတ်လမ်းလေးထဲမှာ ကြည့်ရှူလိုက်ကြပါခင်ဗျ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ye Myat ဖြစ်ပါတယ်

ဇာတ်လမ်းလေးကတော့ မိန်းကလေး အထက်တန်းကျောင်းတစ်ကျောင်းမှာ စတင်ပါတယ်။ ကျောင်းသူတစ်ယောက်ဖြစ်တဲ့ မင်အာ (Min-ah) ဟာ ကျောင်းက ကောင်မလေးနှစ်ယောက် အပြန်အလှန်ရေးထားတဲ့ လျှို့ဝှက်ဒိုင်ယာရီစာအုပ်တစ်အုပ်ကို ကောက်ရသွားပါတယ်။ အဲဒီဒိုင်ယာရီပိုင်ရှင်တွေကတော့ ကျောင်းမှာ လူအများနဲ့ အဆင်မပြေတဲ့ ဟိုရှင်း (Hyo-shin) နဲ့ အေးဆေးတည်ငြိမ်တဲ့ ရှီအွန်း (Shi-eun) တို့ဖြစ်ပြီး သူတို့နှစ်ယောက်ကြားမှာ သာမန် သူငယ်ချင်းသံယောဇဉ်ထက် ပိုမိုနက်ရှိုင်းတဲ့ အချစ်ဇာတ်လမ်းတစ်ခု ရှိနေခဲ့ပါတယ်။ သူတို့ရဲ့ ဆက်ဆံရေးကို လူတွေဝိုင်းပယ်ကြတဲ့အခါမှာ ဖိအားတွေများလာပြီး ဝမ်းနည်းစရာ ကိစ္စရပ်တွေ ဖြစ်ပေါ်လာပါတော့တယ်။ တစ်နေ့မှာတော့ ကျောင်းသူတစ်ယောက် ကိုယ့်ကိုယ်ကို အဆုံးစီရင်သွားပြီးတဲ့နောက် ကျောင်းမှာ ထူးဆန်းခြောက်ခြားစရာ အဖြစ်အပျက်တွေ စတင်ပေါ်ပေါက်လာပါတယ်။ မင်အာ တစ်ယောက် ဒီဒိုင်ယာရီကို ဖတ်ရင်းနဲ့ သေဆုံးသွားသူရဲ့ နာကျည်းမှု၊ ချစ်ခြင်းမေတ္တာနဲ့ လက်စားချေလိုစိတ်တွေကြားမှာ ဘယ်လို ပိတ်မိသွားမလဲဆိုတာကို ရင်တမမနဲ့ ကြည့်ရှုရမှာပဲဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Emily ဖြစ်ပါတယ်

ဒီတစ်ခါမှာတော့ "Super Me"ဆိုတဲ့ တရုတ် စိတ်ကူးယဉ်-သိပ္ပံ ဇာတ်ကားကောင်းလေးနဲ့ မိတ်ဆက်ပေးချင်ပါတယ်။ ဇာတ်လမ်းအကျဥ်း ဇာတ်လမ်းရဲ့ အဓိကဇာတ်ကောင်ကတော့ ဘဝမှာ ရုန်းကန်နေရပြီး အောင်မြင်မှုမရသေးတဲ့ ဇာတ်ညွှန်းရေးဆရာ ဆမ်ယု (Sang Yu) ဖြစ်ပါတယ်။ မစ္စတာဆမ်တစ်ယောက် ပြင်းထန်တဲ့ အိပ်မပျော်တဲ့ရောဂါနဲ့ အမြဲတမ်း ခြောက်လှန့်နေတဲ့ အိပ်မက်ဆိုးတွေကြောင့် စိတ်ဓာတ်ကျနေရပါတယ်။ အိပ်မက်ထဲမှာ မျက်နှာဖုံးစွပ် ဘီလူးတစ်ကောင်က သူ့ကို အမြဲတမ်း လိုက်သတ်နေလေ့ရှိပါတယ်။ ​ဒီလိုနဲ့ တစ်ရက်မှာ မစ္စတာဆမ်တစ်ယောက် သူ့မှာ ထူးခြားတဲ့ စွမ်းအားတစ်ခု ရှိနေမှန်းကို သိလိုက်ရပါတယ်။ အဲဒါကတော့ အိပ်မက်ထဲက အဖိုးတန်ပစ္စည်းတွေကို လက်တွေ့အပြင်ဘဝထဲ ဆွဲယူလာနိုင်တဲ့ စွမ်းအားပဲ ဖြစ်ပါတယ်။ ဒီစွမ်းအားကြောင့် ဆမ်ယုဟာ တစ်ညတာအတွင်းမှာပဲ ဆင်းရဲသားဘဝကနေ ရုတ်တရက် ချမ်းသာကြွယ်ဝလာပြီး သူ့ဘဝကြီးတစ်ခုလုံး ပြောင်းလဲသွားပါတော့တယ်။ ဒါပေမဲ့ မကြာခင်မှာပဲ ဒီလို လွယ်လွယ်ရတဲ့ စည်းစိမ်တွေအတွက် ကြီးမားတဲ့ အကျိုးဆက်တွေ ပေးဆပ်ရတော့မှာကို သူ သဘောပေါက်လာပါတယ်။ ကဲ မစ္စတာဆမ်တစ်ယောက် လွယ်လွယ်ရတဲ့ စည်းစိမ်ချမ်းသာတွေနဲ့ ဘာတွေဆက်ဖြစ်မှာလဲ??? "လောကမှာ လွယ်လွယ်ရတဲ့ အရာမှန်သမျှက ဘယ်အရာမှ ကြာရှည် မတည်မြဲပါဘူး''တဲ့ ဒီဇာတ်ကားလေးကတော့ လက်တွေ့ကို အိပ်မက်နဲ့ရောစပ်ထားတဲ့ စိတ်ကူးယဉ်ဇာတ်ကားမျိုးဖြစ်ပြီး စိတ်ပိုင်းဆိုင်ရာ ဖောက်ပြန်မှုတွေနဲ့ လောဘရဲ့ အကျိုးဆက်ကို ပြ

ဒီဇာတ်ကားလေးကတော့ ခရစ္စတီ ဆိုတဲ့ လောင်းကစားမှာ ပါရမီပါလာသူ ငွေမက်တဲ့ လူဆိုးလေး နဲ့ ရိုးသားဖြောင့်မတ်တဲ့ အဖေဖြစ်သူ ရဲတစ်ယောက်ရဲ့ သားအဖအချင်းချင်း မတည့်ကြတဲ့ ဇာတ်ကားလေးပါ။ အဖေလုပ်သူက ရိုးရိုးသားသား လုပ်ကိုင်စေချင်ပေမယ့် ခရစ္စတီက လောင်းကစားမှာ ပါရမီပါပြီး ပွဲတစ်ခုမှာ ဘယ်ဘယ်က နိုင်မယ်ဆိုတာ လုံးဝတွက်ချက်တတ်သူပါ။ ဒီလိုနဲ့ အဖေမသိအောင် သူငယ်ချင်းတွေနဲ့ ပေါင်းပြီး လောင်းကစားကို အကြီးအကျယ်လုပ်ရင်း မသမာတဲ့ ဒိုင်နဲ့တွေ့ပြီ ဒုက္ခရောက်သွားကြချိန်မှာ ခရစ္စတီတစ်ယောက် သူပိုက်ဆံတွေ ပြန်‌ရဖို့ ကြိုးစားပါတော့တယ်။ သူ့ငွေတွေ ပြန်ရဖို့ လောင်းကစားလုပ်ငန်းရဲ့ အဓိကခေါင်ကြီးကို ရင်းနှီးအောင် ဘယ်လိုလှည့်ကွက်တွေသုံးသွားသလဲ ဆိုတာကို နောက်ဆုံးမှာ လှည့်ကွက်အကြီးကြီးနဲ့ စိတ်ဝင်စားဖွယ် ကြည့်ရှုရမယ့် ဇာတ်ကားလေးပဲ ဖြစ်ပါတယ်။ ဒီထဲမှာ လူဆိုးကြီးကလည်း တစ်ခါတစ်လေ ဟာသတွေထလုပ်လို့ ဟာသကားလို့လည်း ပြောနိုင်ပါတယ်။ ဒီဇာတ်ကားမှာ ခရစ္စတီ အဖြစ် မင်းသား Darling Krishna ၊ မာဒေးဗီယာ အဖြစ် မင်းသားကြီး Achyuth Kumar နဲ့ မန်နီရှာ အဖြစ် မင်းသမီး Manisha Kandkur တို့က အဓိက ပါဝင်သရုပ်ဆောင်ထားတာ ဖြစ်ပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Cherry ဖြစ်ပါတယ်။

ဥပဒေဆိုတာ စာရွက်ပေါ်မှာပဲရှိပြီး လက်တွေ့မှာ အားနည်းသူကို အားကြီးသူက နိုင်ထက်စီးနင်းပြုကျင့်နေတဲ့ ဂျောင်အယ်အမျိုးသမီးအကျဉ်းထောင်ကြီးကို နောက်ခံထား ရိုက်ကူးထားတာပါ။ ဒီထောင်ဟာ ငရဲခန်းတစ်ခုလို ပူလောင်ရှုပ်ထွေးပြီး အမြဲတမ်း ပြဿနာတွေနဲ့ ပြည့်နှက်နေပါတယ်။ ဒီထောင်ထဲမှာ ဟွမ်ဆော့မီ ဆိုတဲ့ အမျိုးသမီးကြီးက ထောင်တွင်း အာဏာအရှိဆုံး ထောင်လူမိုက်ခေါင်းဆောင်အဖြစ် ကြီးစိုးထားသူပါ။ သူက ထောင်တွင်းငြိမ်းချမ်းရေးနဲ့ စည်းကမ်းကို သူ့စိတ်ကြိုက် ထိန်းချုပ်ထားပြီး ဘယ်သူမှ သူ့ကိုမလွန်ဆန်ရဲကြပါဘူး။ ဒါပေမဲ့ တစ်ရက်မှာတော့ ထောင်ထဲကို အကျဉ်းသားအသစ်တွေ ရောက်လာပြီး ရှိရင်းစွဲ အာဏာချိန်ခွင်လျှာ စတင်လှုပ်ခါလာပါတော့တယ်။ အာဏာလုပွဲတွေ၊ သစ္စာဖောက်မှုတွေနဲ့ အချင်းချင်းပြန်လှန်တိုက်ခိုက်ကြတဲ့အခါ ဒီငရဲခန်းထဲမှာ ဘယ်သူက အဆုံးသတ် အောင်နိုင်သူ ဖြစ်လာမလဲ၊ ဘယ်သူက "ထောင်ဘုရင်မ" အဖြစ် ဆက်ရှိနေမလဲဆိုတာကို စိတ်လှုပ်ရှားဖွယ်ကြည့်ရှုရမဲ့ ဇာတ်ကားဖြစ်ပါတယ်။ ဒီကားကို အညွှန်းနဲ့ဘာသာပြန်ဆိုသူက Huihui ဖြစ်ပါတယ်။

“Boss”ဆိုတဲ့ ဟာသဇာတ်ကားလေးကတော့ ရုပ်ရှင်နဲ့အတူတူ ရုပ်ရှင်ထဲမှာပါတဲ့သရုပ်ဆောင်တွေက သီချင်းတစ်ပုဒ်ပါထုတ်ထားလို့ ရေပန်းစားသွားတဲ့ဇာတ်ကားလေးတစ်ခုဖြစ်ပါတယ်။ “Hospital Playlist”ထဲက နှလုံးအထူးကုဆရာဝန် ဂင်ဂျွန်ဟွမ် ပါဝင်တဲ့ဇာတ်ကားလေးလည်းဖြစ်ပါတယ်။ ဇာတ်လမ်းအကျဉ်း မိသားစုဂိုဏ်းဆိုတဲ့လက်အောက်မှာ အန်ဒယ်ဆူ၊ နာဆွန်းထယ်၊ ဒုံဂန်ဖြို၊ ဂျိုဖန်းဟိုတို့က အစ်ကိုကြီးဒယ်ဆူ ဘော့စ်မဖြစ်သေးခင်အချိန်တည်းက တပူးတတွဲ အနီးကပ်ရှိနေခဲ့ကြသူတွေပါ။ အစ်ကိုကြီးဒယ်ဆူက သူဘော့စ်ဖြစ်လို့ သူ့အရိုက်အရာကိုဆက်ခံဖို့ဆိုရင် ကျန်တဲ့သူသုံးယောက်ထဲကတစ်ယောက်ကို လွှဲပေးခဲ့မယ်လို့ပြောခဲ့ပါတယ်။ အဲ့ဒီသုံးယောက်ထဲမှ နာဆွန်းထယ်ကတော့ ဂိုဏ်းအဖွဲ့ရဲ့ဘော့စ်မဟုတ်ဘဲ တရုတ်စားသောက်ဆိုင်ရဲ့စာဖိုးမှူးအနေနဲ့ပဲ ရိုးရိုးသားသားအသက်မွေးချင်နေခဲ့ပါတယ်။ ဒယ်ဆူဘော့စ်အလုပ်နှင့်အတူ တွဲလုပ်နေတဲ့ နာ့ဝန်းကုမ္ပဏီကလည်း အကြွေးတွေနစ်နေခဲ့ပါတယ်။ ဒီလိုနဲ့ အစ်ကိုကြီးဒယ်ဆူဆီ နှုတ်ထွက်စာတင်ပြီး အိမ်ရောက်ရောက်ချင်းမှာပဲ ဒယ်ဆူဆုံးသွားပြီဆိုတဲ့သတင်းကို ကြားလိုက်ရပါတယ်။ ဒယ်ဆူရဲ့ အသုဘမှာ အကြွေးရှင်တွေရဲ့သတိပေးချက်အရ အကြွေးကို ဘော့စ်အသစ်တက်လာတဲ့သူက ပြန်ဆပ်ရမှာဖြစ်ပါတယ်။ ဘုတ်အဖွဲ့ဝင်တွေအနေနဲ့ အကုန်လုံးက ဆွန်းထယ်ကိုဘော့စ်ဖြစ်ဖို့ ထောက်ခံကြပါတယ်။ တရုတ်ဆိုင်လေးဖွင့်ပြီး ရိုးရိုးသားသားအသက်မွေးချင်တဲ့ နာဆွန်းထယ်က သူမလုပ်ချင်တဲ့ဘော့စ်နေရာကို အပ်နှင်းခံရမလား၊ ကျန်နှစ်ယောက်ထဲ

"Keeper" ရုပ်ရှင်ဟာ Psychological Horror နဲ့ Thriller အမျိုးအစားကို နှစ်သက်သူတွေအတွက်တော့ အကြိုက်တွေ့မှာ သေချာပါတယ်။ ဇာတ်လမ်းရဲ့ အစမှာတော့ Griffin နဲ့ Malcolm ဆိုတဲ့ ချစ်သူစုံတွဲဟာ သူတို့ရဲ့ မင်္ဂလာနှစ်ပတ်လည် အထိမ်းအမှတ်အနေနဲ့ မြို့ပြရဲ့ မွန်းကျပ်မှုတွေကနေ ခဏတာ ရှောင်တိမ်းဖို့ ဆုံးဖြတ်လိုက်ကြပါတယ်။ သူတို့ ရွေးချယ်လိုက်တဲ့ နေရာကတော့ လူသူကင်းမဲ့ပြီး တိတ်ဆိတ်လွန်းတဲ့ တောအုပ်ထဲက သစ်လုံးအိမ်လေး တစ်လုံးပါပဲ။ အစပိုင်းမှာတော့ အရာအားလုံးက ရိုမန်းတစ်ဆန်ပြီး အေးချမ်းနေသယောင် ရှိပေမဲ့ တကယ်တမ်း အိမ်လေးဆီ ရောက်သွားတဲ့အခါမှာတော့ မျှော်လင့်ထားသလို ဖြစ်မလာခဲ့ပါဘူး။ အိမ်လေးထဲမှာ သူတို့နှစ်ယောက်တည်း ရှိနေတာ သေချာရဲ့လားဆိုတဲ့ သံသယတွေ ဝင်လာစရာ ဖြစ်လာပါတယ်။ အထူးသဖြင့် Malcolm ရဲ့ အပြုအမူတွေက တဖြည်းဖြည်း ထူးခြားလာပြီး၊ Griffin ကို အသိမပေးထားတဲ့ ကြောက်စရာ လျှို့ဝှက်ချက်တစ်ခု သူ့မှာ ရှိနေကြောင်း ရိပ်မိလာရပါတယ်။ အပြင်လောကနဲ့ အဆက်အသွယ်ပြတ်နေတဲ့ အခြေအနေ၊ ယုံကြည်ရတဲ့ ချစ်သူရဲ့ မသင်္ကာစရာ အပြုအမူတွေနဲ့အတူ အန္တရာယ်တစ်ခုက သူတို့နားကို တဖြည်းဖြည်း ကပ်လာတဲ့အခါ ရင်တမမနဲ့ ဆက်လက်ကြည့်ရှုရမှာပါ။ ဒီရုပ်ရှင်ဟာ သရဲခြောက်တာမျိုး ဒိုင်းခနဲ ခြောက်လှန့်တာမျိုးထက် စာရင်၊ ကြည့်ရှုသူရဲ့ စိတ်ကို တဖြည်းဖြည်းချင်း ခြောက်ခြားလာအောင် ဆွဲခေါ်သွားတဲ့ Slow-burn Horror အမျိုးအစား ဖြစ်ပါတယ်။ မှောင်မိုက်တဲ့ ဇာတ်လမ်းအငွေ့အသက်၊ မလုံ

ဒီဇာတ်ကားလေးကတော့ တောင်ကိုရီးယားဟာသကားကောင်းတစ်ကားဖြစ်ပြီး မိသားစုမေတ္တာ၊ ငွေကြေးနဲ့ လူ့သဘောသဘာဝတွေကို ဟာသနှောပြီး ရိုက်ကူးထားတဲ့ ဇာတ်ကားဖြစ်ပါတယ်။ ဇာတ်လမ်းရဲ့ အဓိကဇာတ်ကောင်ကတော့ အဘွားအို "ဂွမ်ဆွန်းဘွန်း" ပါ။ အဘွားဂွမ်ဆွန်းဘွန်းက သာမန်လက်လုပ်လက်စားဘဝကနေ ကြိုးစားရုန်းကန်ပြီး ကိုရီးယားနိုင်ငံရဲ့ နာမည်ကြီးစွပ်ပြုတ်ဆိုင်လုပ်ငန်းစုကြီးကို ပိုင်ဆိုင်လာတဲ့ သူဌေးမကြီးတစ်ဦးပါ။ တင်းမာခက်ထန်ပြီး စည်းကမ်းကြီးတဲ့ အဘွားအိုတစ်ယောက်အနေနဲ့ လူသိများပါတယ်။ တစ်ဖက်မှာတော့ ဘဝပေးအခြေအနေမကောင်းတဲ့ လူငယ် ၃ယောက်ဟာ ငွေကြေးအခက်အခဲကြောင့် မဖြစ်မနေ ဒုစရိုက်လမ်းကို ရွေးချယ်မိပြီး အဘွားအိုကို ပြန်ပေးဆွဲဖို့ ကြံစည်ကြပါတော့တယ်။ သူတို့ရဲ့အစီအစဉ်ကတော့ အဘွားအိုကို ပြန်ပေးဆွဲပြီး သားသမီးတွေဆီကနေ ဝမ်ငွေ သန်း (၅၀) တောင်းဖို့ပါ။ ဒါပေမဲ့ ပြဿနာက ပြန်ပေးဆွဲပြီးမှ စပါတော့တယ်။ ပြန်ပေးဆွဲသမားတွေက အဘွားအိုရဲ့သားသမီးတွေကို ဖုန်းဆက်ပြီး ငွေတောင်းတဲ့အခါမှာ သားသမီးတွေက အမေ့ကို စိတ်ပူဖို့နေနေသာသာ ငွေမပေးချင်ကြပါဘူး။ ဒီအခြေအနေကို သိသွားတဲ့ အဘွားအိုကတော့ ဒေါသထွက်ပြီး သူ့ကိုပြန်ပေးဆွဲထားတဲ့ လူငယ် ၃ ယောက်နဲ့ ပူးပေါင်းလိုက်ပါတယ်။ အဘွားကိုယ်တိုင် ဦးစီးပြီး ကိုယ့်ကိုယ်ကိုယ် ပြန်ပေးဆွဲတဲ့ စီမံကိန်းကြီးကို စတင်တဲ့အခါမှာ ဘယ်လိုနည်းလမ်းတွေနဲ့ ညစ်ပြီး တောင်းမလဲဆိုတာကို ခွီနေရအောင် ကြည့်ရှုရမှာပါ။ ဒီကားကို အညွှန်းနဲ့ဘာသာပြန်ဆိုသူက Hu

ဒီရုပ်ရှင်ကတော့ နာမည်ကြီး မင်းသမီး Sydney Sweeney အဓိကပါဝင်ထားပြီး ၂၀၂၅ ခုနှစ် နိုဝင်ဘာလ (၇) ရက်နေ့ကမှ ရုံတင်ထားတဲ့ အတ္ထုပ္ပတ္တိ အားကစား ဒရာမာ (Biographical Sports Drama) ဇာတ်ကား ဖြစ်ပါတယ်။ ဇာတ်လမ်းအကျဉ်းချုပ် ဒီဇာတ်လမ်းက ခရစ်စတီ မာတင် (Christy Martin) လို့ခေါ်တဲ့ တကယ့်လက်တွေ့ဘဝက ဂန္ထဝင် အမျိုးသမီးလက်ဝှေ့ကျော်ကြီးတစ်ယောက်ရဲ့ ဘဝဇာတ်ကြောင်းကို ရိုက်ကူးထားတာပါ။ ဇာတ်လမ်းက ၁၉၈၉ ခုနှစ် ဝန်းကျင်၊ အနောက်ဗာဂျီးနီးယားပြည်နယ်ကနေ စတင်ပါတယ်။ ခရစ်စတီဟာ ငယ်ငယ်ကတည်းက အားကစားဝါသနာပါပြီး မထင်မှတ်ဘဲ "Toughman" လို့ခေါ်တဲ့ ပြိုင်ပွဲတစ်ခုမှာ ဝင်ပြိုင်ရာကနေ သူ့ရဲ့လက်ဝှေ့ပါရမီကို ရှာဖွေတွေ့ရှိခဲ့တာပါ။ အဲဒီနောက်မှာတော့ သူဟာ ဂျင်မ် မာတင် (Jim Martin) ဆိုတဲ့ နည်းပြတစ်ယောက်နဲ့ တွေ့ခဲ့ပါတယ်။ ဂျင်မ်က ခရစ်စတီထက် ၂၅ နှစ်လောက် ကြီးပေမဲ့ သူတို့နှစ်ယောက် လက်ထပ်ခဲ့ကြပါတယ် ဂျင်မ်ရဲ့သင်ကြားပြသပေးမှုနဲ့အတူ ခရစ်စတီဟာ အမျိုးသမီးလက်ဝှေ့လောကရဲ့စူပါစတား တစ်ယောက်ဖြစ်လာခဲ့ပါတယ်။ သူဟာ နာမည်ကြီး ပွဲစီစဉ်သူ Don King နဲ့ စာချုပ်ချုပ်နိုင်တဲ့ ပထမဆုံး အမျိုးသမီး လက်ဝှေ့သမား ဖြစ်လာပြီး Sports Illustrated မဂ္ဂဇင်း မျက်နှာဖုံးမှာပါ ဖော်ပြခံခဲ့ရပါတယ်။ ဒါပေမဲ့ ဒီအောင်မြင်မှုတွေရဲ့ နောက်ကွယ်မှာတော့... ခရစ်စတီရဲ့ ခင်ပွန်းသည် ဂျင်မ်ဟာ သူ့ကို စိတ်ပိုင်းဆိုင်ရာရော ရုပ်ပိုင်းဆိုင်ရာပါ နှိပ်စက်ခဲ့ပါတယ်။ ခရစ်စတီရဲ့ငွေကြေးတွေကိုလည

တစ်နေ့ မနက်မှာ လူနာတစ်ယောက်ဟာ ဆေးရုံအခန်းထဲမှာမျက်လုံးဖွင့်လိုက်တယ်။ သူ့နာမည်၊ အတိတ်၊ မိသားစု၊ ဘာမှမမှတ်မိတော့ဘူး။ သူ့ဘေးမှာရှိနေတဲ့ ဆရာဝန်ကလည်း “ကျွန်တော်က ခင်ဗျားရဲ့ဆရာဝန်...ခင်ဗျားက ကားမတော်မှုတစ်ခု ဖြစ်ခဲ့တယ်။ ဒါပေမယ့် စိတ်မပူနဲ့၊ ကျွန်တော်တို့ ခင်ဗျားကိုပြန်ကောင်းအောင်လုပ်ပေးမယ်” ဆိုပြီးပြောလာပါတယ်... ရက်တွေကြာလာတာနဲ့အမျှ လူနာကို သူ့ရဲ့ဘဝအကြောင်းအမျိုးမျိုးပြောပြပေမဲ့ တစ်ခုခုမမှန်ဘူးလို့ သူခံစားမိလာတယ်။ ဆရာဝန်ပေးတဲ့ ဆေးတွေ က ပိုပြင်းလာတဲ့အပြင် သူနာပြုထိုးပေးနေတဲ့ဆေးတွေကလည်း သူ့ကိုသက်သာလာအောင်မဟုတ်ဘူး ပိုဆိုးအောင်လုပ်နေတယ်ဆိုတာကိုသိလိုက်ရတဲ့အခါ... ဒီဆေးရုံက သူထင်ထားသလို မဟုတ်ပါဘူး... တကယ်တော့ လွှတ်တော်အမတ်တစ်ယောက် လူသတ်တာကို မတော်တဆဗီဒီယိုရိုက်ကူးထားလိုက်မိတဲ့အတွက် သူ့ဆီကနေ မန်မိုရီကတ်ကိုရချင်တဲ့အတွက် အကွက်ကျကျဖန်တီးထားတဲ့ ဇာတ်ကွက်တစ်ခုဖြစ်နေတဲ့အခါ... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Skye ဖြစ်ပါတယ်

အိန္ဒိယ စိတ်တ္တဇလူသတ်သမား ကားလေးပါ။ ဇာတ်လမ်းအစမှာတင် စတင်ဖန် ဆိုတဲ့ကောင်လေးက မိန်းကလေး ၉ယောက်ကို သတ်မှုနဲ့ ရဲစခန်းမှာ ကိုယ်တိုင်လာအဖမ်းခံခဲ့တယ်။ တစ်ဖက်မှာ ဒီအမှုအတွက် တာဝန်ပေးထားတဲ့ ရဲအရာရှိ မိုက်ကယ်က စတီဖန်ရဲ့ လုပ်ရပ်အပေါ် နောက်ကွယ်က အမှန်တရားကို ဖော်ထုတ်ချင်ပြီး တစ်ဖက်မှာတော့ လူ ၉ယောက်ကို သတ်ခဲ့တဲ့သူရဲ့ စိတ်အခြေအနေက သာမန်မဖြစ်နိုင်ဘူးဆိုတဲ့ စိတ်အထူးကုဆရာမ ဆီမာ တို့ပူးပေါင်းပြီး စတီဖန်ရဲ့ အကြောင်းစုံကို အသေးစိတ် စုံစမ်းကြပါတော့တယ်။ အဲ့ဒီမှာပဲ ထင်မှတ်မထားလောက်တဲ့ စတီဖန်ရဲ့ နောက်ထပ်ပြစ်မှုတွေကို ဖော်ထုတ်နိုင်ခဲ့ကြပေမယ့် စတီဖန်ရဲ့ လုပ်ရပ်အပေါ် နားလည်ပေးနိုင်ကြတဲ့ အခြေအနေတစ်ခုနဲ့ အားလုံးက လက်ခံလိုက်ကြတယ်။ လူတွေအများကြီး သတ်ခဲ့တာကို ဘာလို့ နားလည်ပေးနိုင်တာလဲ အားလုံးသိလိုက်ရတဲ့ အမှန်တရားကရော တကယ့်အမှန်တရားလားဆိုတာကို နောက်ဆုံးမှာ အံ့အားသင့်သွားစေမယ့် ဇာတ်ကားလေးပဲ ဖြစ်ပါတယ်။ ဒီဇာတ်ကားမှာ စတီဖန် အဖြစ် မင်းသား Gomathi Shankar ၊ မိုက်ကယ် အဖြစ် မင်းသား Michael Thangadurai နဲ့ ဆီမာ အဖြစ် မင်းသမီး Smruthi Venkat တို့က အဓိက ပါဝင်သရုပ်ဆောင်ထားတာ ဖြစ်ပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Cherry ဖြစ်ပါတယ်။

ဒီဇာတ်လမ်းက ချစ်သူကောင်မလေးရဲ့ ထူးဆန်းတဲ့ ကတိတစ်ခုကြောင့် ၅ နှစ်လောက် အထိအတွေ့မရှိဘဲ စောင့်ဆိုင်းခဲ့ရတဲ့ ကောင်လေးတစ်ယောက်အကြောင်းနဲ့ ဇာတ်လမ်းစထားပါတယ်။ ကတိပြည့်တဲ့ မွေးနေ့ရက်မြတ်မှာ ဂိုအာကမ်းခြေကို နှစ်ယောက်တည်း အပန်းဖြေခရီးထွက်ဖို့ ကြံစည်ထားပေမဲ့ ကံဆိုးချင်တော့ မမျှော်လင့်ထားတဲ့ တတိယလူတစ်ယောက် ပါလာသလို၊ တစ်တိုင်းပြည်လုံးမှာလည်း အကာအကွယ်ပစ္စည်းတွေ ပြတ်လပ်နေတဲ့ ထူးထူးဆန်းဆန်း အခြေအနေနဲ့ ကြုံတွေ့လိုက်ရပါတယ်။ ရိုမန်းတစ်ဆန်ဆန် ဖြတ်သန်းချင်ပေမဲ့ တလွဲတချော် အခြေအနေတွေကြောင့် ဖြစ်လာတဲ့ ဟာသတွေက အစပိုင်းကတည်းက ရယ်မောစေမှာ အသေအချာပါပဲ။ ပြဿနာက အဲဒီမှာတင် ရပ်မသွားပါဘူး။ လိုအပ်နေတဲ့ ပစ္စည်းကို အသည်းအသန် လိုက်ရှာရင်းနဲ့ မထင်မှတ်ဘဲ လူမိုက်ဂိုဏ်းစတားတစ်ယောက်ရဲ့ ထောင်ချောက်ထဲ မိသွားကြပါတယ်။ မူးယစ်ဆေးဝါးတွေကို သန္ဓေတားပစ္စည်းတွေလို့ ထင်ပြီး သယ်ဆောင်မိရာကနေ တစ်ဖက်က လူဆိုးတွေ၊ တစ်ဖက်ကလည်း နာမည်ကြီးရဲဇာတ်ကားတွေကို ပြန်လည်လှောင်ပြောင်ထားတဲ့ ရဲစုံတွဲတွေကြားထဲမှာ ဗျာများရတဲ့ အဖြစ်အပျက်တွေ ဆက်တိုက်ကြုံလာရပါတယ်။ ဇာတ်လမ်းအစအဆုံး အတည်ပေါက်နဲ့ နောက်ပြောင်ထားတဲ့ ဇာတ်ကွက်တွေကြောင့် သူငယ်ချင်းတွေနဲ့ပဲကြည့်ကြည့်၊ ချစ်သူနဲ့ပဲကြည့်ကြည့် ပျော်ရွှင်ရယ်မောရမဲ့ Comedy ဇာတ်မြူးကြိုက်သူတွေ လက်မလွှတ်သင့်တဲ့ ဇာတ်ကားတစ်ကား ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Clara Sol ဖြစ်ပါတယ်

ဒီတစ်ခါ မိတ်ဆက်ပေးမဲ့ ဇာတ်ကားလေးကတော့ နာမည်ကျော် စာရေးဆရာ Keigo Higashino ရဲ့ ဝတ္ထုကို အခြေခံပြီး နာမည်ကြီး ဒါရိုက်တာ Takashi Miike က ရိုက်ကူးထားတဲ့ သည်းထိတ်ရင်ဖို ရုပ်ရှင် "Laplace's Witch" ပဲ ဖြစ်ပါတယ်။ ဇာတ်လမ်းမှာ ဓါတုဗေဒဆိုင်ရာ လျှို့ဝှက်ချက်တွေနဲ့ သဘာဝတရားကို ခန့်မှန်းနိုင်တဲ့ ထူးခြားစွမ်းရည်တွေ ပေါင်းစပ်ပါဝင်နေပြီး စိတ်ဝင်စားစရာကောင်းတဲ့ စုံထောက်ဇာတ်ကားတစ်ပုဒ်ပါ။ ​ဇာတ်လမ်း အကျဥ်း : ဇာတ်လမ်းရဲ့ အစမှာ ဂျပန်နိုင်ငံက မတူညီတဲ့ ရေပူစမ်းဒေသ နှစ်ခုမှာ လူနှစ်ဦးဟာ ဟိုက်ဒရိုဂျင်ဆာလ်ဖိုက် (Hydrogen Sulfide) ဓာတ်ငွေ့အဆိပ်သင့်မှုနဲ့ သေဆုံးခဲ့ပါတယ်။ ဒီသေဆုံးမှုဟာ သဘာဝဘေးအန္တရာယ်လား၊ ဒါမှမဟုတ် စေ့စေ့စပ်စပ် စီစဉ်ထားတဲ့ လူသတ်မှု လားဆိုတာကို ဖော်ထုတ်ဖို့ ရဲတပ်ဖွဲ့က ပရော်ဖက်ဆာ ရှူဆူကဲ အအိုအဲ (ဓါတုပထဝီဝင်ပညာရှင်) ကို အကူအညီတောင်းခဲ့ပါတယ်။ ပရော်ဖက်ဆာ အအိုအဲ ဟာ စုံစမ်းစစ်ဆေးနေရင်း မဒိုခ အူဟရ လို့ခေါ်တဲ့ လျှို့ဝှက်ဆန်းကြယ်တဲ့ မိန်းကလေးတစ်ဦးနဲ့ တွေ့ဆုံခဲ့ပါတယ်။ မဒိုခ ဟာ သဘာဝဘေးအန္တရာယ်တွေ ဖြစ်ပေါ်လာမယ့် အချိန်နဲ့ နေရာအတိအကျ ကို တိကျစွာ ကြိုတင်ခန့်မှန်းနိုင်တဲ့ ထူးခြားစွမ်းရည်ကို ပိုင်ဆိုင်ထားသူပါ။ မဒိုခ က သူ့ကိုယ်သူ "Laplace's Witch" လို့ သတ်မှတ်ထားပါတယ်။ ဒီနာမည်ဟာ စကြဝဠာထဲရှိ အက်တမ်တိုင်းရဲ့ အနေအထားနဲ့ အရှိန်ကို သိပါက အနာဂတ်မှာ ဖြစ်ပျက်မယ့်အရာအားလုံးကို တိတိကျကျ ခန့်မှန်းနိုင်တယ်ဆိုတဲ့ "Laplace's D

အိန္ဒိယ သွေးစုပ်ဖုတ်ကောင် ဇာတ်ကားလေးပါ။ တိရစ္ဆာန်တွေရဲ့သွေးကို သောက်ပြီး ရှင်သန်ရတဲ့ ဘီတာလ် ဆိုတဲ့ သွေးစုပ်ဖုတ်ကောင်ဆန်ဆန် မျိုးစိပ်တစ်ခု ရှိတယ်။ သူတို့ရဲ့ ခေါင်းဆောင်က စည်းကမ်းဖောက်ပြီး လူသားသွေးကို သောက်ခဲ့လို့ ကျိန်စာသင့်ဂူထဲမှာ အပိတ်ခံထားရတယ်။ ကျိန်စာပျယ်ဖို့အတွက် သူတို့ထဲက ဘီတာလ်တစ်ယောက် စည်းကမ်းချိုးဖောက်ပြီး နောက်ထပ် ဘီတာလ်အသစ်တစ်ယောက် ထပ်ရောက်လာဖို့လိုတယ်။ သူတို့နေတဲ့ တောအုပ်ကြီးထဲကို ရောက်လာတဲ့ အာလို့ ဆိုတဲ့ သတင်းထောက်ကောင်လေးကို ဝံပုလွေကြီးရဲ့ရန်က ကယ်လိုက်ရင်း မြင်မြင်ချင်း ချစ်မိသွားတဲ့ ဘီတာလ်မလေး တာဒါကာက အာလို့နဲ့အတူ မြို့ကို လိုက်သွားခဲ့တယ်။ တာဒါကာရဲ့ အပြုအမူတွေက အားလုံးအတွက် ထူးဆန်းနေပေမယ့် ဘီတာလ်ဆိုတာကို အာလို့ကအစ မသိခဲ့ကြပါဘူး။ ဒီလိုနဲ့ ဘယ်အချိန်မှာ သိသွားမှာလဲ၊ အာလို့ နဲ့ တာဒါကာရဲ့ အချစ်ကြောင့် ကျိန်စာပျယ်သွားမှာလား ချုပ်နှောင်ခံထားရတဲ့ ဘီတာလ်ကြီးကရော လွတ်လာမှာလား၊ ဘာတွေ ဆက်ဖြစ်မလဲ ဆိုတာကို စိတ်ဝင်တစား ကြည့်ရမယ့် ဇာတ်ကားလေးပဲ ဖြစ်ပါတယ်။ ဒီဇာတ်ကားမှာ အာလို့ အဖြစ် မင်းသား Ayushmann Khurrana နဲ့ တာဒါကာ အဖြစ် မင်းသမီး Rashmika Mandanna တို့က အဓိက ပါဝင်သရုပ်ဆောင်ထားတာ ဖြစ်ပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Cherry ဖြစ်ပါတယ်။

အခုတင်ဆက်ပေးမှာကတော့ IRISဆိုတဲ့ ဝက်ဝက်ကွဲအောင်မြင်ခဲ့တဲ့ ကိုရီးယားMovie လေးရဲ့ အဆက်ဖြစ်တဲ့ IRIS 2 နဲ့မိတ်ဆက်ပေးချင်ပါတယ် ဇာတ်လမ်းလေးကတော့ တောင်ကိုရီးယားအမျိုးသားလုံခြုံရေးအဖွဲ့ ရဲ့အေးဂျင့်ဟောင်းဖြစ်တဲ့ယူဂျူဝန်းဟာဆိုရင် အိုင်းရစ်အဖွဲ့နဲ့တိုက်ခိုက်မှုအောက်မှာထိခိုက်ဒဏ်ရာရသွားပြီး ရန်သူအိုင်းရစ်အဖွဲ့သားတွေက သူ့ကို အတိတ်မေ့အောင်လုပ်ပြီး အိုင်းရစ်အေးဂျင့်အဖြစ်ဦးနှောက်ဆေးခံလိုက်ရပါတယ် နိုင်ငံကိုမြတ်နိုးတဲ့သူကတော့ နိုင်ငံရဲ့အဓိကခြိမ်းခြောက်မှုတစ်ခုဖြစ်လာချိန်မှာတော့ တောင်ကိုရီးယားအမျိုးသားအဖွဲ့ဟာအဖွဲ့ဝင်ဟောင်းကို ကယ်ဖို့ရွေးချယ်မလား နိုင်ငံကိုနျူကလီးယားနဲ့ခြိမ်းခြောက်ဒုက္ခပေးနေတဲ့အိုင်းရစ်အဖွဲ့ကိုအရင်ဖြေရှင်းမလားဆိုတာကိုစောင့်ကြည့်ရမှာပဲဖြစ်ပါတယ် ဒီဇာတ်လမ်းလေးက IRIS 1လိုမျိုးပဲ အရမ်းကောင်းတဲ့အတိုက်အခိုက်ဇာတ်ဝင်ခန်းတွေနဲ့ လျှို့ဝှက်ချက်တွေကို ရင်ဖိုစိတ်လှုပ်ရှားလာစေတဲ့အထိရိုက်ကူးထားတဲ့ဇာတ်ကားကောင်းလေးတစ်ကားပဲဖြစ်ပါတယ် ဒီဇာတ်ကားကိုအညွန်းနဲ့ ဘာသာပြန်ပေးသူကတော့ Emily ဖြစ်ပါတယ်