သည်းထိတ်ရင်ဖိုကားများ

၁၂ ရက်နေ့ညမှာ ကလာရာဆိုတဲ့ မိန်းကလေးတစ်ယောက် အသတ်ခံရပါတယ်။ သူ့အမှုကို စုံစမ်းနေတဲ့ စုံထောက်အတွက်တော့ ဒီအမှုဟာ မေ့ပစ်လို့မရဘဲ စိတ်ထဲမှာ အမြဲကျန်နေပြီး အတွင်းကနေ လှိုက်စားနေတဲ့ ကိစ္စတစ်ခု ဖြစ်လာတယ်။ ဇာတ်လမ်းက ကလာရာ အသတ်ခံရမှုနောက်ကို လိုက်လံစုံစမ်းဖော်ထုတ်ကြတဲ့ ဖြစ်စဉ်တစ်လျှောက် ပြထားပါတယ်။ ပြင်သစ်ရဲဌာနရဲ့ အမှုတစ်ခုကို အခြေခံပြီး ရိုက်ကူးထားတဲ့ ဖြစ်ရပ်မှန်စုံထောက်ဇာတ်ကားပါ။ စုံစမ်းစစ်ဆေးမှုနဲ့အတူ လူမှုရေးကိစ္စတွေနဲ့ လူမှုစံနှုန်းတွေကိုလည်း အလွှာအမျိုးမျိုးကနေ ထည့်သွင်းတင်ပြထားပြီး လက်တွေ့နဲ့ နီးစပ်တဲ့ တင်ဆက်ပုံကို သုံးထားပါတယ်။

လှေဆိပ်တစ်ခုမှာ အမျိုးသမီးတစ်ယောက် သေဆုံးနေတာနဲ့ ဇာတ်လမ်းစပါတယ်။ ဆယ့်ငါးနှစ်ကြာတဲ့အခါ သူ့သမီးက အောင်မြင်တဲ့ ကျောက်မျက်ရတနာကုမ္ပဏီတစ်ခုကို ပိုင်ဆိုင်ထားတဲ့ ရည်မှန်းချက်ကြီးသူ စီးပွားရေးလုပ်ငန်းရှင်တစ်ယောက် ဖြစ်လာတယ်။ သူက လျှို့ဝှက်အမျိုးသမီးစီးပွားရေးလုပ်ငန်းရှင်အသင်းတစ်ခုထဲ ဝင်လိုက်ပြီးနောက်မှာတော့ ထူးဆန်းတဲ့ကိစ္စတွေ စဖြစ်လာပါတယ်။ သူ့ကို တိုက်ခိုက်နေသူက ဘယ်သူလဲ၊ သူ့လုပ်ငန်းရဲ့ ဒီဇိုင်းတွေကို ခိုးယူနေသူကရော ဘယ်သူလဲ။ ဒါ့အပြင် လွန်ခဲ့တဲ့ ဆယ့်ငါးနှစ်က သူ့အမေကို သတ်ခဲ့တဲ့ တရားခံဟာ ဘယ်သူဖြစ်မလဲဆိုတဲ့ မေးခွန်းလည်း ရှိနေပါတယ်။

တင်းမာမှုတွေနဲ့ ပြည့်နေတဲ့ ရိုက်ကွင်းတစ်ခုမှာ စိတ်လှုပ်ရှားပူပန်နေတဲ့ ဒါရိုက်တာတစ်ယောက်က သရဲကားတစ်ကား ရိုက်ကူးဖို့ ကြိုးစားနေပါတယ်။ အဲဒီအချိန်မှာပဲ သူစိမ်းခြောက်ယောက် ရုတ်တရက် ရောက်လာပြီး သူတို့အကြောင်းကို ပြောပြကြတယ်။ သူတို့ဟာ ကွယ်လွန်သွားတဲ့ စာရေးဆရာတစ်ယောက် ချန်ထားခဲ့တဲ့ ဇာတ်ညွှန်းထဲက ဇာတ်ကောင်တွေပါလို့ ဆိုလာကြပါတယ်။

ဂျိတ်နဲ့ မေရီတို့ဟာ လွန်ခဲ့တဲ့ငါးနှစ်က ကွင်းဆက်လူသတ်မှုတွေကို ပုံစံတူလိုက်ကျူးလွန်နေတဲ့ အမှုတစ်ခုနဲ့ ကြုံလာကြပါတယ်။ အရင်အမှုရဲ့ လူသတ်သမားကိုတော့ ဖမ်းမိထားပြီးဖြစ်လို့ အခုလူသတ်မှုတွေက သူတို့အတွက် ပဟေဠိဖြစ်လာတယ်။ ဖမ်းထားတဲ့လူသတ်သမားကို အနုပညာရှင်လို့ ခေါ်ကြပါတယ်။ သူက အမျိုးသမီးတွေကို အဆိပ်ခတ်သတ်ပြီး အလောင်းတွေကို တာရှည်ခံအောင် ပြုလုပ်တယ်။ နတ်သမီးတွေလို တောင်ပံတပ်ပေးပြီး လူမြင်သာတဲ့နေရာတွေမှာ အလှဆင်ထားခဲ့တာပါ။ အခုအမှုတွေမှာလည်း အဲဒီပုံစံအတိုင်း လုပ်ထားတဲ့အပြင် သုံးထားတဲ့ပစ္စည်းတွေကပါ တူနေပါတယ်။ အမှုသစ်အတွက် သတင်းတစ်စုံတစ်ရာ ရနိုင်မလားဆိုပြီး မေရီက ထောင်ထဲက အနုပညာရှင်ဆီ သွားမေးပါတယ်။ သူ့ဆီကနေ ဘာတွေသိလာရမလဲ၊ အတုယူကျူးလွန်နေသူကို ရှာဖို့ ဘယ်လိုဆက်စုံစမ်းရမလဲဆိုတာကနေ ဇာတ်လမ်းဆက်သွားပါတယ်။

ဂျီယာဟာ ထိပ်တန်းရဲအရာရှိတစ်ယောက်ဖြစ်ပြီး မိဘမဲ့ဂေဟာမှာ အတူကြီးပြင်းလာတဲ့ အေဒရီရန်ကို မောင်လေးတစ်ယောက်လို စောင့်ရှောက်လာသူပါ။ တစ်နေ့မှာ အေဒရီရန်ကို ကလပ်ကနေ ဆွဲခေါ်လာပြီး အပြန်လမ်းမှာ မတော်တဆမှုတစ်ခု ဖြစ်သွားတယ်။ အဲဒီဖြစ်ရပ်ကြောင့် ဂျီယာဟာ အမြင်အာရုံဆုံးရှုံးခဲ့ရသလို မောင်လေးကိုလည်း ဆုံးရှုံးပြီး ရဲအရာရှိဘဝကိုပါ စွန့်လွှတ်လိုက်ရပါတယ်။ နောက်တစ်နေ့ မိဘမဲ့ဂေဟာက ပြန်လာတဲ့လမ်းမှာ တက္ကစီငှားစီးရင်း မထင်မှတ်ဘဲ လူသတ်မှုတစ်ခုနဲ့ ကြုံလိုက်ရတယ်။ အမှုရဲ့ တစ်ဦးတည်းသောသက်သေ ဖြစ်လာပေမယ့် မျက်မမြင်တစ်ယောက်ရဲ့ ပြောစကားကို ဘယ်သူမှ လက်မခံကြပါဘူး။ ရဲဝန်ထမ်းဟောင်း ဂျီယာအနေနဲ့ ဒီအမှုကို ဘယ်လိုကိုင်တွယ်မလဲ၊ လူသတ်သမားကို ကိုယ်တိုင်ရှာတွေ့နိုင်မလားဆိုတာ ဆက်တွေ့ရမှာပါ။ ၂၀၂၃ ခုနှစ်ထွက် အိန္ဒိယမှုခင်းသည်းဖိုဇာတ်ကားဖြစ်ပြီး Neerja မှာ လေယာဉ်မယ်အဖြစ် သရုပ်ဆောင်ခဲ့တဲ့ ဆိုနမ်ကပူးရ်က အဓိကပါဝင်ထားပါတယ်။

ကာသစ်ဟာ ဆရာဝန်တစ်ယောက်ဖြစ်သလို စူးစမ်းလေ့လာရတာ ဝါသနာပါတဲ့သူလည်း ဖြစ်ပါတယ်။ လက်တွေ့သိပ္ပံကို အခြေခံပြီး ယုတ္တိရှိတာတွေကိုပဲ ယုံကြည်တတ်တဲ့သူပါ။ တစ်ဖက်မှာတော့ ဘုရားအဆင်တန်ဆာတွေကို လိုချင်တပ်မက်နေတဲ့ သိုက်တူးသမားအဖွဲ့အစည်းတစ်ခု ရှိနေတယ်။ အဲဒီအဖွဲ့ထဲက ပရော်ဖက်ဆာတစ်ယောက်က အဆင်တန်ဆာတွေကို လောဘနဲ့ ရယူချင်ကြတာကို မလိုလားပါဘူး။ ဒါကြောင့် အဆင်တန်ဆာတွေရဲ့ တည်နေရာကို သိနိုင်မယ့် သဲလွန်စတွေကို တစ်ယောက်တည်း ခက်ခက်ခဲခဲ ရှာဖွေဖော်ထုတ်ခဲ့တယ်။ နောက်တော့ အဲဒီသဲလွန်စတွေနဲ့ အဆင်တန်ဆာတွေကို ကာကွယ်ရမယ့်တာဝန်က ကာသစ်ဆီ ရောက်လာပါတယ်။ စူးစမ်းလိုစိတ်ရှိတဲ့ ကာသစ်က သဲလွန်စတွေကို ဘယ်လိုဆက်ဖော်ထုတ်မလဲ၊ ဆန်းကြယ်မှုတွေနဲ့ ပြည့်နေတဲ့ ခရီးကို ဘယ်လိုဖြတ်သန်းမလဲဆိုတာ ဆက်ကြည့်ရမှာပါ။ ဒီတေလဂူဇာတ်ကားမှာ နီခေလ်နဲ့ အန်နူပမာတို့က အဓိကပါဝင်သရုပ်ဆောင်ထားပါတယ်။

ရစ်ချက်ဟာ ချမ်းသာပြီး ရုပ်ရည်ချောမောသလို ကျောင်းမှာလည်း လူသိများတဲ့ အထက်တန်းကျောင်းသားတစ်ယောက်ပါ။ သူနဲ့ သူငယ်ချင်း ဂျက်စတင်တို့က လိုချင်တာမှန်သမျှ ရနေတဲ့ဘဝကို ငြီးငွေ့လာကြတယ်။ ဘဝကို အပြည့်အဝခံစားကြည့်ချင်တယ်ဆိုတဲ့ စိတ်နဲ့ နှစ်ယောက်သား လူသတ်မှုတစ်ခု ကျူးလွန်ဖို့ ကြံစည်ကြပါတော့တယ်။ သူတို့ ဘယ်လောက်ဉာဏ်ကောင်းကြောင်း ပြချင်တဲ့အတွက် အမှုကို အကွက်စေ့အောင် စီစဉ်ထားကြတယ်။ ဒါပေမယ့် ဒီအမှုကို ကိုင်တွယ်ရတဲ့ စုံထောက် ကတ်ဆီမေဝဲသာကလည်း ဒီလိုယောက်ျားမျိုးတွေနဲ့ ကိုယ်တိုင်ကြုံတွေ့ခဲ့ဖူးသူပါ။ သူတို့စီစဉ်ထားတဲ့ လှည့်ကွက်တွေကို ကတ်ဆီ ဘယ်လိုဖော်ထုတ်သွားမလဲဆိုတာ ဆက်တွေ့ရမှာပါ။ Ryan Gosling ငယ်ရွယ်စဉ်က ရိုက်ကူးခဲ့တဲ့ မှုခင်းဇာတ်ကားဖြစ်ပြီး Michael Pitt၊ Ben Chaplin နဲ့ Sandra Bullock တို့လည်း အဓိကပါဝင်ထားပါတယ်။ ဒါရိုက်တာကတော့ Barbet Schroeder ပါ။

Bodil နဲ့ Isabel ဟာ အိမ်ထောင်ကိုယ်စီရှိကြတဲ့ အချစ်ဆုံးသူငယ်ချင်းနှစ်ယောက်ပါ။ သူတို့က ခင်ပွန်းတွေ မသိအောင် တခြားသူတွေနဲ့ တွေ့ဖို့ ဘယ်လ်ဂျီယံကမ်းခြေကို ပိတ်ရက်ခရီး ထွက်လာကြတယ်။ ရောက်ရင် တစ်ယောက်တစ်နေရာစီ သွားကြပေမယ့် ခင်ပွန်းတွေကိုတော့ နှစ်ယောက်အတူရှိနေသလို လိမ်ပြောထားဖို့ စီစဉ်ထားကြပါတယ်။ Isabel ရဲ့ခင်ပွန်းက ဇနီးကို စိတ်မချလို့ ဖုန်းမှာ GPS တပ်ထားတယ်။ ဒါကိုသိတဲ့ Isabel က သူ့ဖုန်းကို Bodil ဆီ ပေးထားခဲ့ပြီး Bodil ကလည်း Isabel အယောင်ဆောင်ကာ ဓာတ်ပုံတွေပို့ပြီး အိမ်မှာရှိနေကြောင်း လိမ်ပေးထားတာပါ။ ဒါပေမယ့် Bodil က တခြားအမျိုးသားတစ်ယောက်နဲ့ ကမ်းခြေသွားပြီး အိမ်ပြန်လာချိန်မှာ ကြမ်းပြင်ပေါ် သွေးတွေရွှဲနေပြီး Isabel ပျောက်နေပါတယ်။ သူတို့ရဲ့ခင်ပွန်းနှစ်ယောက်လည်း အဲဒီအိမ်ကို လိုက်ရောက်လာကြတယ်။ ရဲတွေ စစ်မေးလာတဲ့အခါ Bodil ဟာ သူပြောထားတဲ့ အလိမ်တွေကြားမှာပဲ ရှုပ်ထွေးလာတော့တယ်။ Isabel အသတ်ခံရတာဖြစ်ကြောင်း သိလာရချိန်မှာတော့ Bodil ဘယ်လိုရှင်းပြနိုင်မလဲ၊ တရားခံကရော ဘယ်သူဖြစ်မလဲဆိုတဲ့ မေးခွန်းတွေ ပေါ်လာပါတယ်။

ကြေးစားလူသတ်သမားတစ်ယောက်နဲ့ စုံထောက်တစ်ယောက်ဟာ လူသတ်မှုတစ်ခုကြောင့် ဆုံလာကြပါတယ်။ ကြေးစားနဲ့ သူ့အဖွဲ့ သတ်လိုက်တဲ့သူက စုံထောက်ရဲ့ လုပ်ဖော်ကိုင်ဖက်ဟောင်း ဖြစ်နေတာပါ။ ဒီအမှုကနေ သူတို့နှစ်ယောက် ဆက်ပတ်သက်မိလာချိန်မှာ လူသတ်ဖို့ ငှားရမ်းခဲ့သူရဲ့ နောက်ကွယ်က အရှုပ်အထွေးတွေပါ လိုက်ပါလာတော့တယ်။ Sylvester Stallone က ကြေးစားလူသတ်သမားအဖြစ် ပါဝင်ထားပြီး အက်ရှင်နဲ့ မှုခင်းကို တွဲထားတဲ့ ဇာတ်ကားပါ။ 48hrs နဲ့ The Warriors တို့ကို ရိုက်ကူးခဲ့တဲ့ Walter Hill က ဒါရိုက်တာအဖြစ် ရိုက်ကူးထားပါတယ်။

နှစ်သစ်ကူးည ဘော်လ်တီမောမြို့မှာ လူတွေ ပျော်ပါးကခုန်နေကြတုန်း ဘယ်ကလာမှန်းမသိတဲ့ ကျည်ဆန်တွေကြောင့် လူအများအပြား အသက်ဆုံးရှုံးသွားပါတယ်။ ဒီအစုလိုက်အပြုံလိုက် လူသတ်မှုကို စုံစမ်းဖို့ စုံထောက်လမာ့ခ် တာဝန်ပေးခံရပြီး သာမန်ရဲတပ်သား အယ်လနောကို သူ့ဘေးမှာ လူယုံတော်အဖြစ် ခေါ်ထားလိုက်တယ်။ အယ်လနောဟာ မူးယစ်ဆေးသုံးစွဲမှုကြောင့် FBI ရဲ့ ပယ်ချမှုကို ခံထားရပေမယ့် လမာ့ခ်ကတော့ သူ့မှာရှိတဲ့ ပါရမီကို မြင်ထားပါတယ်။ သေနတ်သမားက ပစ်မှတ်တစ်ယောက်ကို ကျည်တစ်ချက်နဲ့ အပြတ်ရှင်းနိုင်တဲ့သူဖြစ်ပြီး ခြေရာလည်း ဖျောက်တတ်တယ်။ သေဆုံးသူတွေက လူမျိုးဘာသာ မရွေးဖြစ်နေတာကြောင့် ဘာရည်ရွယ်ချက်နဲ့ ပစ်သလဲဆိုတာလည်း မသိရဘူး။ ကျူးလွန်သူ ဘယ်သူလဲ၊ တစ်ယောက်တည်း လုပ်တာလား၊ အဖွဲ့လိုက်လားဆိုတာ မရှင်းနိုင်သေးခင်မှာပဲ ကုန်တိုက်တစ်ခုမှာ ထပ်ပစ်ခတ်ခံရပါတယ်။ အရင်အမှုက သေနတ်သမားပဲဖြစ်ပြီး ဒီတစ်ကြိမ်မှာလည်း လူအများအပြားကို သတ်ပြီး လွတ်သွားပြန်တယ်။ ကျူးလွန်သူကို မဖမ်းနိုင်တာကြောင့် လမာ့ခ်နဲ့ အယ်လနောတို့ နှစ်ယောက်စလုံး အဖြုတ်ခံလိုက်ရပါတယ်။ ဒါပေမယ့် သူတို့က အမှုကို မလွှတ်ဘဲ နှစ်ယောက်တည်း ဆက်လိုက်ကြတယ်။ သဲလွန်စဆိုလို့ ဘာမှမရှိသလို ထင်ရပေမယ့် တကယ်တော့ အပိုင်းအစတွေက ဟိုတစ်စ ဒီတစ်စ ပြန့်ကျဲနေတာပါ။ အဲဒီအပိုင်းအစတွေကို ဘယ်လိုပြန်ချိတ်ကြမလဲ၊ သေနတ်သမားက ဘယ်သူလဲ၊ နောက်ဆုံးမှာ ဖမ်းမိနိုင်ပါ့မလားဆိုတဲ့ မေးခွန်းတွေ ကျန်နေပါတယ်။ Damián Szifron ရဲ့ ပထမဆုံး အင်္

အလုပ်တွေနဲ့ အသီးသီးပိနေတဲ့ ဇနီးမောင်နှံနှစ်ယောက်ဟာ အိမ်ထောင်ရေး ပြိုကွဲလုနီးပါး ဖြစ်နေကြပါတယ်။ ဇနီးဖြစ်သူက နှစ်ယောက်ကြားမှာ ပြန်အဆင်ပြေချင်တာကြောင့် လှေအပျော်စီးခရီးတစ်ခု စီစဉ်လိုက်တယ်။ ဒါပေမယ့် အတူအချိန်ဖြုန်းဖို့ ထွက်လာတဲ့ ဒီခရီးမှာ ခင်ပွန်းက ရုတ်တရက် ထူးထူးဆန်းဆန်း ပျောက်ဆုံးသွားပါတယ်။ အဲဒီနောက်မှာတော့ ဇနီးဖြစ်သူဟာ ထူးဆန်းတဲ့အဖြစ်အပျက်တွေကို ဆက်တိုက်ကြုံလာရတယ်။ ဘာတွေဖြစ်နေလဲဆိုတာ ဖြေရှင်းဖို့ ကြိုးစားရပေမယ့် အားကိုးလို့ရမယ့်သူကလည်း မရှိဘူး။ ၂၀၂၃ ခုနှစ်ထွက် ရင်ထိတ်သည်းဖိုရုပ်ရှင်ဖြစ်ပြီး Danny J. Boyle က ရိုက်ကူးထားပါတယ်။

ဘရန်ဒန်လန်းဟာ ထူးချွန်တဲ့ ကောလိပ်ဘောလုံးသမားတစ်ယောက် ဖြစ်ခဲ့ပါတယ်။ ဒါပေမဲ့ မတော်တဆမှုတစ်ခုမှာ ရခဲ့တဲ့ ခြေထောက်ဒဏ်ရာကြောင့် ဘောလုံးပြန်ကစားဖို့ မဖြစ်နိုင်တော့ဘူး။ ကွင်းထဲကို ပြန်မဝင်နိုင်တော့ပေမယ့် ဘယ်အသင်းအနိုင်ရမလဲ ခန့်မှန်းတဲ့နေရာမှာတော့ သူ့မှာ အရည်အချင်းရှိနေတယ်။ ဒီလိုနဲ့ လောင်းကစားသမားတွေကို ပွဲရလဒ်ခန့်မှန်းပေးတဲ့ အကြံပေးတစ်ယောက် ဖြစ်လာပါတယ်။ တစ်နေ့မှာ နယူးယော့ခ်က လောင်းကစားလုပ်ငန်းရှင် ဝယ်လ်သာအေဘရမ်စ်က ဘရန်ဒန့်အရည်အချင်းကို သဘောကျပြီး သူ့ဆီမှာ အလုပ်လုပ်ဖို့ ကမ်းလှမ်းလာတယ်။ ဘရန်ဒန်လည်း အဲဒီအလုပ်ကို လက်ခံပြီး ဂျွန်အန်တိုနီဆိုတဲ့ အမည်နဲ့ လောင်းကစားအကြံပေးအဖြစ် စတင်လုပ်ကိုင်ခဲ့ပါတယ်။ Matthew McConaughey နဲ့ Al Pacino တို့ ပါဝင်သရုပ်ဆောင်ထားတဲ့ မှုခင်း၊ အားကစားဒရာမာပါ။

နေတိုးအထူးအေးဂျင့်ဟောင်း နီနာဟာ နှစ်ပေါင်းများစွာ တစ်ယောက်တည်း ဇာတ်မြှုပ်နေထိုင်လာခဲ့ပါတယ်။ ဒါပေမဲ့ အမေများနေ့မှာ သူ့သား မက်စ်ကို ရန်သူတွေက အငြိုးနဲ့ ပြန်ပေးဆွဲသွားတဲ့အခါ ပုန်းကွယ်နေတဲ့ဘဝကနေ ပြန်ထွက်လာရတော့တယ်။ သားကို ပြန်ကယ်ဖို့ အေးဂျင့်ဘဝတုန်းက ကျွမ်းကျင်မှုတွေကို ပြန်အသုံးချရမယ့် နီနာရဲ့အကြောင်းကို အက်ရှင်ခန်းများများနဲ့ ရိုက်ကူးထားတဲ့ သည်းထိတ်ရင်ဖိုဇာတ်ကားပါ။

မြို့ရဲ့အကြီးဆုံးဂိုဏ်းကို ဦးဆောင်နေတဲ့ Leo ဆီ တခြားဂိုဏ်းခေါင်းဆောင် Caspar က တောင်းဆိုချက်တစ်ခုနဲ့ ရောက်လာပါတယ်။ သူ့ကို သစ္စာဖောက်သွားတဲ့ Bernie ကို သူ့လက်ထဲ အပ်ပေးဖို့ပါ။ ဒါပေမဲ့ Bernie ဟာ Leo ရဲ့ချစ်သူကောင်မလေးရဲ့ မောင်ဖြစ်နေတာကြောင့် Leo က လက်မခံဘဲ ငြင်းလိုက်တယ်။ Leo အယုံကြည်ရဆုံးလူဖြစ်တဲ့ Tom ကတော့ ဒီဆုံးဖြတ်ချက်ကို သဘောမတူပါဘူး။ တခြားဂိုဏ်းခေါင်းဆောင်တစ်ယောက်နဲ့ မကျေမလည်ဖြစ်ရမယ့်အစား Bernie ကို အပ်လိုက်ဖို့ အကြံပေးတယ်။ ဒီကိစ္စကနေ ဂိုဏ်းနှစ်ဂိုဏ်းကြား အာဏာချိန်ခွင်လျှာ ပျက်ယွင်းလာတဲ့အခါ Tom တစ်ယောက် ဘယ်လိုဝင်ထိန်းပြီး ဖြေရှင်းရမလဲဆိုတာ ဆက်တွေ့ရမှာပါ။

စိတ်ရောဂါကုဆရာဝန် ဒေးဗစ်ဟာ မကြာသေးခင်က ဇနီးဖြစ်သူ ကိုယ့်ကိုယ်ကိုယ် အဆုံးစီရင်သွားလို့ ပူဆွေးနေသူပါ။ ဇနီးသေဆုံးမှုနဲ့ပတ်သက်ပြီး ရဲက သူ့ကို အမှုဖွင့်ခဲ့ပေမယ့် ဇနီးမှာရှိတဲ့ ရောဂါတစ်မျိုးကြောင့် အဆုံးစီရင်ခဲ့တာလို့ သတ်မှတ်ပြီး အမှုကို ပြန်ပိတ်လိုက်ပါတယ်။ ဒီအချိန်မှာ ဂျွန်၊ မိုက်နဲ့ ကိတ်ဆိုတဲ့ လူနာသုံးယောက်က ဒေးဗစ်ဆီ တစ်ယောက်တစ်လှည့် ရောက်လာကြတယ်။ ကိုယ့်အခြေအနေကိုယ် ရင်ဖွင့်ပြောပြကြတဲ့ သူတို့နဲ့ ဆွေးနွေးရင်း ဒေးဗစ်ရဲ့ အကြောက်တရားတွေ ပြန်ပေါ်လာပါတယ်။ သူတို့ပြောနေတဲ့အကြောင်းတွေက ဒေးဗစ်တို့ဇနီးမောင်နှံနဲ့ ဘယ်လိုဆက်စပ်နေတာလဲ။ ဇနီးဖြစ်သူက တကယ်ပဲ ကိုယ့်ကိုယ်ကိုယ် အဆုံးစီရင်ခဲ့တာလား၊ ဒီလူငါးယောက်ကြားမှာ ဘယ်သူက မှန်ပြီး ဘယ်သူက မှားနေတာလဲဆိုတဲ့ မေးခွန်းတွေ ရှိလာတယ်။ ဇာတ်ကားက လူငါးယောက်ရဲ့ ပတ်သက်ဆက်နွယ်မှုကို စိတ်ပညာရှုထောင့်ကနေ ဆက်စပ်ပြထားပြီး ဆရာဝန်နဲ့ လူနာတွေကြားက စကားဝိုင်းတွေကို အဓိကထား ဇာတ်လမ်းဖော်ထားပါတယ်။

ချင်းခေတ်နှောင်းပိုင်းက တောတောင်တွေကြားရှိ ရွာလေးတစ်ရွာမှာ ရွာသားတွေဟာ မြေခွေး၊ ဖျံနီညို၊ ဖြူ၊ မြွေနဲ့ ကြွက်ဆိုတဲ့ သတ္တဝါငါးမျိုးကို နတ်အဖြစ် ယုံကြည်ကိုးကွယ်ကြပါတယ်။ တစ်နေ့မှာ ရွာက လူချမ်းသာစွန်းမျိုးနွယ်ဟာ ကြွက်တွေကို အမျိုးတုံးအောင် ရှင်းလင်းခဲ့ပြီးနောက် ဒုက္ခရောက်သွားတယ်ဆိုတဲ့ ထူးဆန်းတဲ့ဖြစ်ရပ် ပေါ်လာပါတယ်။ လူတွေကတော့ ကြွက်နတ်ကို ပြစ်မှားမိလို့ ဖြစ်ရတာလို့ ဆိုကြတယ်။ ဂျင်ဆင်းနဲ့ ပူဇော်ရမယ်ဆိုတဲ့စကားကြောင့် စွန်းမျိုးနွယ်ထဲက ညီဖြစ်သူဟာ တောင်ပေါ်ကို ဂျင်ဆင်းရှာဖို့ ထွက်လာခဲ့ပါတယ်။ အဲဒီခရီးမှာ ထူးဆန်းတဲ့အဖြစ်အပျက်တွေ တစ်ခုပြီးတစ်ခု ကြုံလာရတယ်။ ဒါတွေက တောင်တွင်းနတ်ငါးပါး အပြစ်ပေးနေတာ တကယ်ပဲလား၊ နောက်ကွယ်က အမှန်တရားက ဘာဖြစ်မလဲ။

အပြင်ကကြည့်ရင် သာယာတဲ့အိမ်ထောင်ရေးလို့ ထင်ရပေမယ့် အဲဒီအိမ်ထောင်ထဲမှာ နေရသူပဲ သိတဲ့အခက်အခဲတွေ ရှိတတ်ပါတယ်။ Alexandra ကတော့ သားသမီးတွေရဲ့မျက်နှာကို ထောက်ပြီး ခင်ပွန်းဖြစ်သူကို နှစ်ပေါင်းများစွာ သည်းခံလာခဲ့သူပါ။ ချစ်ခြင်းမေတ္တာကို လိုချင်နေချိန်မှာ သူမဟာ ခင်ပွန်းရဲ့ လိင်အသုံးချမှုကိုသာ ခံနေရပါတယ်။ သည်းခံနိုင်တဲ့အတိုင်းအတာကို ကျော်လာတဲ့ကိစ္စတွေ သိလာ၊ ကြုံလာရတဲ့အခါ Alexandra ဘယ်လိုတုံ့ပြန်မလဲ၊ ခင်ပွန်းကို ဘယ်လိုသင်ခန်းစာပေးမလဲဆိုတာကို ဇာတ်လမ်းက ဆက်ပြထားတယ်။ ဒရာမာ၊ လျှို့ဝှက်ဆန်းကြယ်နဲ့ သည်းထိတ်ရင်ဖိုအမျိုးအစားဖြစ်ပြီး ဝတ်လစ်စလစ်နဲ့ လိင်အသားပေးခန်းတွေ ပါဝင်ပါတယ်။

ကြေးစားလူသတ်သမားလောကမှာ နာမည်ကြီးခဲ့တဲ့ ဂျွန်ဝစ်ဟာ အနားယူပြီး ခွေးလေးတစ်ကောင်၊ ကားတစ်စီးနဲ့ အေးအေးဆေးဆေး နေနေသူပါ။ ဒါပေမဲ့ ဂိုဏ်းခေါင်းဆောင်တစ်ယောက်ရဲ့သားက သူ့အတွက် အဓိပ္ပါယ်ရှိလှတဲ့ ခွေးလေးကိုသတ်ပြီး ကားကိုပါ ခိုးသွားတဲ့အခါ လက်စားချေဖို့ အရင်လောကထဲ ပြန်ဝင်လာခဲ့တယ်။ သူ့မိတ်ဆွေဖြစ်တဲ့ ဘုံနယ်မြေဟိုတယ်ပိုင်ရှင် ဝင်စတန်ကတော့ ဒီလောကထဲ နည်းနည်းလေးပြန်ဝင်မိတာနဲ့ တစ်ကိုယ်လုံးကို ဆွဲချသွားလိမ့်မယ်လို့ သတိပေးခဲ့ပါတယ်။ ဝင်စတန်ပြောသလိုပဲ ဂျွန်ဝစ်ဟာ ပြန်ထွက်လို့မရတော့ဘူး။ လက်စားချေစရာတစ်ခုပြီးတိုင်း နောက်တစ်ခု ထပ်ပေါ်လာပြီး ရုန်းထွက်ဖို့ကြိုးစားလေ ပိုနစ်ဝင်လာလေ ဖြစ်နေတယ်။ နောက်ဆုံးမှာ ကြေးစားလောကကို အုပ်ချုပ်နေတဲ့ အထက်ကောင်စီရဲ့ အလိုအရှိဆုံးရန်သူ ဖြစ်လာခဲ့ပါတယ်။ အပိုင်း ၃ မှာ ဝင်စတန်ရဲ့လက်ချက်ကြောင့် တိုက်ပေါ်က ပြုတ်ကျခဲ့တဲ့ ဂျွန်ဝစ်အတွက် ဒီအပိုင်းမှာ ဘာတွေဆက်ဖြစ်လာမလဲ၊ သူလိုချင်တဲ့ လွတ်လပ်မှုနဲ့ ငြိမ်းချမ်းမှုကို ရနိုင်ပါ့မလားဆိုတာ ဆက်ထားပါတယ်။ ဒီကားကို Chad Stahelski က ရိုက်ကူးထားပြီး ပြင်သစ်မြေအောက်ဘူတာခန်းတွေမှာ အသုံးပြုထားတဲ့ Porte des Lilas ဟာ ရုပ်ရှင်ရိုက်ကူးသူတွေကို ငှားရမ်းဖို့ သီးသန့်ပြင်ဆင်ထားတဲ့ ဘူတာဖြစ်ပါတယ်။ ဇာတ်လမ်းအစက သဲကန္တာရခန်းကိုလည်း အထူးပြုလုပ်ချက်အစား တကယ့်နေရာမှာ သွားရိုက်ထားတာပါ။ Scott Adkins နဲ့ ဒွန်နီယန်းတို့လည်း ပါဝင်သရုပ်ဆောင်ထားကြတယ်။ ပြင်သစ်ရေဒီယိုနာမည်ကိုတော့ တရ

၁၉၇၀ ခုနှစ်ကို နောက်ခံထားတဲ့ ဒီဇာတ်လမ်းမှာ အိုင်းရစ်ရှ် ရာဇဝတ်ပြေး မိုက်ကယ် အိုဟာရာဟာ Irish Republican Army ကို စိတ်ကုန်လာပြီး နေ့စေ့လစေ့ ကိုယ်ဝန်ရှိနေတဲ့ ဇနီးနဲ့အတူ ထွက်ပြေးဖို့ ကြိုးစားနေပါတယ်။ ဒါပေမယ့် အိုင်ယာလန်နယ်စပ်တစ်နေရာမှာ SAS အဖွဲ့က အငိုက်ဝင်ဖမ်းတယ်။ မိုက်ကယ်က လက်မတင်လေး လွတ်သွားပေမယ့် ဇနီးဖြစ်သူကတော့ တင်းမာနေတဲ့ အခြေအနေတွေကြားမှာ မတော်တဆ ကျည်သင့်ပြီး သေဆုံးသွားခဲ့ပါတယ်။ ပစ်ခတ်မှုအတွက် တာဝန်ရှိတဲ့ SAS အရာရှိ ဟင်နရီဟာ စစ်ရာဇဝတ်မှုနဲ့ ရင်ဆိုင်ရပြီး အထက်အရာရှိတွေကိုလည်း အားကိုးလို့မရ ဖြစ်နေတယ်။ အဲဒီအချိန်မှာ ဘယ်ကရောက်လာမှန်းမသိတဲ့ လူတစ်ယောက်က ကမ်းလှမ်းချက်တစ်ခုနဲ့ သူ့ဆီလာပါတယ်။ အလုပ်တစ်ခု လက်ခံလုပ်ပေးရင် ထောင်ဒဏ်က လွတ်မယ့်အပြင် စစ်မှုလည်း ဆက်ထမ်းခွင့်ရမယ်ဆိုတာကြောင့် ဟင်နရီဟာ ဘာအလုပ်မှန်း သေချာမသိဘဲ တာဝန်ကျရာ လန်ဒန်ကို သွားလိုက်တယ်။ တစ်ဖက်မှာ မိုက်ကယ်က ဇနီးအတွက် လက်စားချေဖို့ ဟင်နရီ့နောက်ကို အဆုံးအထိ လိုက်မယ်လို့ ဆုံးဖြတ်ထားပါတယ်။ ဒါကြောင့် စိတ်ကုန်ခဲ့တဲ့ IRA နဲ့ ပြန်ဆက်သွယ်ပြီး လန်ဒန်အထိ လိုက်လာတယ်။ လန်ဒန်လမ်းမတွေပေါ်မှာလည်း IRA ရဲ့ လွှမ်းမိုးမှုက တစ်စထက်တစ်စ ကြီးလာပြီး နောက်ဆက်တွဲဒဏ်တွေကို အိုင်းရစ်ရှ်လူမျိုးတွေ ခံစားနေရပါတယ်။ ဟင်နရီလက်ခံထားတဲ့ အလုပ်က ဘာလဲ၊ အဲဒီအလုပ်နဲ့ လက်စားချေဖို့ လိုက်လာတဲ့ မိုက်ကယ်၊ လန်ဒန်က IRA လှုပ်ရှားမှုတွေ ဘယ်လိုဆက်နွယ်နေမလဲဆိုတာ ဆက်ဖော်ပြထားတဲ့

စီသူဟာ မိဘမဲ့တစ်ယောက်ပါ။ အဖေဆုံးသွားတဲ့နောက် အဖေ့သူဌေး အန်နာချီက သူ့ကို အဖေ့နေရာမှာ စာရင်းကိုင်အဖြစ် ခန့်ထားပေးခဲ့တယ်။ ကာရဲလ်ဆိုတဲ့ မိန်းကလေးကို မြင်မြင်ချင်း ချစ်မိသွားတဲ့အခါ စီသူ့ဘဝမှာ ပျော်ရွှင်စရာတစ်ခု ရလာပါတယ်။ ဒါပေမယ့် သူတို့အချစ်ရေးထဲကို ဝင်နှောင့်ယှက်လာသူက သူဌေးရဲ့ လူယုံဖြစ်သူရဲ့ညီ ပက်ချက်ရန်ပါ။ ကာရဲလ်ကို အမျိုးမျိုးလိုက်နှောင့်ယှက်နေတဲ့ ပက်ချက်ရန်ကို စီသူက ဒေါသနဲ့ သတ်မိပြီး ထောင်ကျသွားတယ်။ ထောင်ထဲမှာတော့ ဆရာကြီးတစ်ယောက်နဲ့ ပေါင်းမိကာ ချစ်ရသူကို ပြန်ရှာဖို့ ထောင်ဖောက်ပြေးနိုင်အောင် ကြိုးစားပါတော့တယ်။ စီသူအဖြစ် Hridhu Haroon သရုပ်ဆောင်ထားပြီး နောက်ကြောင်းပြန်ဇာတ်ကွက်တွေကို သုံးကာ ဒရာမာနဲ့ အက်ရှင် ရောစပ်တင်ဆက်ထားတဲ့ ဇာတ်ကားပါ။

ဗင်းဆင့်ဆိုတဲ့ ကောင်လေးတစ်ယောက်ဟာ အကြောင်းအမျိုးမျိုးကြောင့် တရားမဝင် မြေအောက်လောင်းကစားလောကနဲ့ ပတ်သက်မိလာပါတယ်။ အဲဒီကနေ ငွေပမာဏအမြောက်အများ ပါဝင်လာသလို လောင်းကြေးတွေကလည်း တဖြည်းဖြည်း ကြီးမားလာတယ်။ ဗင်းဆင့်ရဲ့ ဒီလိုပါဝင်ပတ်သက်မှုကနေ ဇာတ်လမ်းဆက်သွားတဲ့ မှုခင်းနဲ့ သည်းထိတ်ရင်ဖိုဒရာမာပါ။

၁၉၈၀ ခုနှစ်မှာ ကြေးစားလူသတ်သမားတွေဖြစ်တဲ့ ဒန်နီ၊ ဟန်တာ၊ ဒေးဗီးစ်နဲ့ မိုင်ယာတို့ဟာ လူတစ်ယောက်ကို သတ်ဖို့ မက္ကစီကိုကို ရောက်နေကြပါတယ်။ ဒန်နီက ပစ်မှတ်ကို သတ်ပြီးတဲ့နောက် အနားမှာရှိနေတဲ့ ပစ်မှတ်ရဲ့သားငယ်ကို မြင်လိုက်ရတော့ စိတ်မကောင်းဖြစ်သွားပြီး ကြေးစားလောကကနေ အနားယူလိုက်တယ်။ နှစ်တွေကြာသွားချိန်မှာတော့ အဖမ်းခံထားရတဲ့ ဟန်တာရဲ့ဓာတ်ပုံနဲ့ စာတစ်စောင် သူ့ဆီ ရောက်လာပါတယ်။ ဟန်တာကို ကယ်ဖို့ လိုက်သွားတဲ့ ဒန်နီကို ခက်ခဲတဲ့အလုပ်တစ်ခုက စောင့်နေတယ်။ ရှီကီဆိုတဲ့ ရေနံသူဌေးမှာ သားလေးယောက်ရှိပေမယ့် သုံးယောက်ကို အင်္ဂလန်ရဲ့ SAS အဖွဲ့က သတ်ခဲ့ပြီး သူ့ကိုလည်း နေရပ်ကနေ နှင်ထုတ်ထားခဲ့ပါတယ်။ ရှီကီက သားတွေကို သတ်ခဲ့သူတွေကို လက်စားချေချင်သလို အငယ်ဆုံးသားကိုလည်း နေရပ်ပြန်ရောက်စေချင်တယ်။ ဒါကြောင့် ဟန်တာကို ဓားစာခံထားပြီး ဒန်နီကို ဒီအလုပ်လုပ်ပေးဖို့ အတင်းအကျပ် ခိုင်းတာပါ။ ပစ်မှတ်တွေက လေ့ကျင့်မှုကောင်းကောင်း ရထားတဲ့ SAS အဖွဲ့ဝင်ဟောင်းတွေဖြစ်လို့ ဒန်နီအတွက် လွယ်တဲ့အလုပ်မဟုတ်ဘူး။ ဒါပေမယ့် ဟန်တာလွတ်မြောက်ဖို့ ဒီအလုပ်ကို လက်ခံလိုက်ရပါတယ်။ သူတို့ ဒီအလုပ်ကို ဘယ်လိုလုပ်ကြမလဲ၊ ဒီကိစ္စတွေရဲ့ နောက်ကွယ်မှာ တခြားတစ်ယောက်ယောက် ရှိနေသေးသလားဆိုတဲ့ မေးခွန်းတွေနဲ့ တိုက်ခိုက်မှုတွေကို ဆက်တွေ့ရမှာပါ။ ဒန်နီအဖြစ် Jason Statham နဲ့ ဟန်တာအဖြစ် Robert De Niro တို့ ပါဝင်သရုပ်ဆောင်ထားပါတယ်။

ဥပဒေရုံးကြီးတစ်ခုက နာမည်ကျော်ရှေ့နေ ဗြောန်းဟိုဆောင်းဟာ လိုက်သမျှအမှုတိုင်းလိုလို နိုင်အောင်လုပ်ပေးနိုင်သူပါ။ သူ့အတွက်တော့ “အနိုင်ရတာက တရားမျှတမှုပဲ” ဆိုတဲ့ ခံယူချက်ရှိတယ်။ ဆေးဝါးကုမ္ပဏီကြီးတစ်ခုအတွက် အမှုနိုင်အောင် လုပ်ပေးခဲ့ပြီးနောက် ဥက္ကဋ္ဌ မွန်းဂျီဟွန်းရဲ့ ယာဉ်မောင်းကို လူသတ်မှုနဲ့ စွပ်စွဲထားတဲ့အမှုမှာ ရှေ့နေလိုက်ပေးဖို့ ငှားရမ်းခံရပါတယ်။ အလောင်းလည်းမရှိ၊ သက်သေလည်းမရှိတဲ့ အမှုမှာ ဗြောန်းက သူ့အမှုသည် အပြစ်မရှိကြောင်း ထုံးစံအတိုင်း ခုခံချေပပေးတယ်။ အမှုနိုင်တော့မယ့် တရားခွင်နောက်ဆုံးနေ့မှာမှ အမှုသည်က လူသတ်ခဲ့တာ သူပါလို့ ရုတ်တရက် ထဝန်ခံလိုက်တော့ အမှုရှုံးသွားပါတော့တယ်။ အဲဒီနောက် ဗြောန်းဟာ အရှက်တကွဲ ဖြစ်ရရုံတင်မကဘဲ မျက်မြင်သက်သေအတု ဖန်တီးခဲ့တယ်လို့ပါ သံသယဝင်ခံလာရတယ်။ သူ့ဂုဏ်သိက္ခာကို ပြန်ဆယ်ဖို့ အမှုကို ပြန်စုံစမ်းတဲ့အခါ နောက်ကွယ်မှာ သူမထင်ထားတဲ့ ဖြစ်ရပ်တွေ ရှိနေကြောင်း တဖြည်းဖြည်း တွေ့လာရပါတယ်။

ဟောင်ကောင်က နိုင်ငံတကာဆိုက်ဘာလုံခြုံရေးကုမ္ပဏီ ထျန်းကျီမှာ ကျိုးကျားကျွင့်ဆိုတဲ့ တာဝန်ခံနည်းပညာရှင်တစ်ယောက် ရှိပါတယ်။ ကွန်ပျူတာနည်းပညာမှာ ကျွမ်းကျင်တဲ့သူဖြစ်သလို နှလုံးရောဂါရှိတဲ့ သမီးငယ်ကိုလည်း အရိပ်တကြည့်ကြည့် စောင့်ရှောက်နေတဲ့ ဖခင်တစ်ယောက်ပါ။ Aaron Kwok Fu-shing ပါဝင်ထားတဲ့ ၂၀၂၃ ခုနှစ်ထွက် ဇာတ်ကားဖြစ်ပါတယ်။ ဟောင်ကောင်ဘဏ်တွေ အွန်လိုင်းကနေ မကြာခဏ တိုက်ခိုက်ခံရတိုင်း ထျန်းကျီကုမ္ပဏီက ဖြေရှင်းပေးနေရတာ နှစ်တိုင်းလိုလို ဖြစ်နေတယ်။ ဒီလိုအမှုတွေကို ဖြေရှင်းလာရင်း ဘဏ်တွေကို ဟက်ခ်လုပ်နေတဲ့ ကြိုးကိုင်သူဟာ ကုမ္ပဏီအတွင်းကလူ ဖြစ်နေတဲ့အခါ အခြေအနေက ရှုပ်ထွေးလာပါတော့တယ်။ ကျိုးကျားကျွင့်ကိုယ်တိုင်လည်း အဲဒီလူရဲ့ ထောင်ချောက်ထဲ ရောက်သွားပြီး သမီးငယ်ရဲ့ အသက်ကိုပါ ခြိမ်းခြောက်လာကြတယ်။ အထင်လွဲမှုတွေ၊ လှည့်စားမှုတွေကြားမှာ ကျိုးကျားကျွင့်က သူတတ်တဲ့ နည်းပညာတွေနဲ့ ဘယ်လိုတုံ့ပြန်မလဲ၊ သမီးကို ဘယ်လိုကယ်မလဲ၊ နောက်ကွယ်က ကြိုးကိုင်သူကိုရော ဘယ်လိုရင်ဆိုင်မလဲဆိုတာ ဆက်ဖြစ်လာပါတယ်။ ဒီပဟေဠိတွေကို ဖြေရှင်းရာမှာ AI နည်းပညာကို ဘယ်လိုအသုံးချမလဲဆိုတာလည်း တွေ့ရမှာပါ။