ရုပ်ရှင်အသစ်များ

Rooban ဇာတ်ကားမှာတော့ ရှန်မူဂမ်ဟာ ဇနီးဖြစ်သူနဲ့ လက်ထပ်ထားတာနှစ်ပေါင်းများစွာရှိနေပေမဲ့ သားသမီးမထွန်းကားတာကြောင့် သူ့ကို ရွာထဲကလူတွေက အမြဲလှောင်ပြောင်နေခဲ့တယ်။ရှန်မူဂမ်တစ်ယောက် ကလေးလိုချင်လို့ စိတ်ညစ်နေတုန်းမှာ တောထဲပျားသွားဖွပ်ရင်းနဲ့ တောထဲမှာစွန့်ပစ်ခံထားရတဲ့ ကလေးတစ်ယောက်ကို ကောက်ရခဲ့တယ်။စွန့်ပစ်ခံထားရတဲ့ကလေးကို ရှန်မူဂမ်တို့ လင်မယားဟာ ခေါ်ယူမွေးစားပြီးတော့ မာနီဆိုတဲ့ နာမည်မှည့်ပေးခဲ့တယ်။မာနီတစ်ယောက် ရှန်မူဂမ်တို့လင်မယားနဲ့ ပျော်ပျော်ရွှင်ရွှင်ကြီးပြင်းလာခဲ့တယ်။ တစ်နေ့မှာတော့ ရှန်မူဂမ်တို့ရွာမှာ မုဆိုးတွေက တိရစ္ဆာန်တွေကို အမဲလိုက်သတ်ဖြတ်နေတာကြောင့် အစိုးရက သစ်တောအရာရှိတွေကို ခန့်အပ်ထားလဲ ထိန်းမရဖြစ်နေခဲ့တယ်။တစ်နေ့မှာတော့ မုဆိုးတွေ တောထဲမှာ အမဲလိုက်နေရင်းနဲ့ ကျားတစ်ကောင်ကိုတွေ့သွားပြီး ကျားတိုက်ခိုက်တာခံလိုက်ရတာကြောင့် တစ်ရွာလုံး ကျားရန်ကို ကြောက်ရွံ့နေခဲ့ရတယ်။အစိုးရကလဲ ရွာသားတွေ လုံခြုံရေးအတွက် ကျားကိုဖမ်းဆီးဖို့ ကြိုးစားနေပေမဲ့ မဖမ်းနိုင်ဖြစ်နေတာကြောင့် ဒုက္ခများနေခဲ့တယ်။ရှန်မူဂမ်ကလဲ မိသားစုစား၀တ်နေရေးအတွက် တောထဲမှာ ပျားဖွပ်ဖို့သွားရတဲ့အချိန်မှာတော့ ကျားရန်ကနေ ဘေးကင်းနိုင်ပါ့မလားဆိုတာကို ကြည့်ရှူကြပါအုံး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Nora ဖြစ်ပါတယ်

ကျိန်စာတွေ ကျမ်းသစ္စာတွေကိုယုံကြည်တဲ့သူရှိသလိုမယုံကြည်တဲ့သူတွေလည်းရှိကြပါတယ်။ဒါတွေကဟိုးအရင်ခေတ်အဆက်ဆက်ကတည်းကရှိလာခဲ့တဲ့အယူအဆတွေဖြစ်ပြီးအခုအချိန်အထိဘယ်သူမှသေသေချာချာအဖြေမဖော်ထုတ်နိုင်ကြသေးပါဘူး။အခုတင်ဆက်ပေးမဲ့ Moei : The Promised ဆိုတဲ့ထိုင်းရုပ်ရှင်ကားထဲမှာလည်း နတ်တွေ ဘိုးဘေးတွေ ကျိန်စာတွေ ကတိသစ္စာတွေအကြောင်းကိုရှုထောင့်တစ်မျိုးနဲ့ရိုက်ကူးပြသထားတာကိုတွေ့ရမှာဖြစ်ပါတယ်။အဲလစ်ဆိုတဲ့အမျိုးသမီးတစ်ယောက်ကငယ်ငယ်ရွယ်ရွယ်နဲ့အိမ်ထောင်ကျခဲ့ပြီး သားလေးတစ်ယောက်မွေးဖွားခဲ့ပါတယ်။ဒါပေမယ့်အဲ့ဒီသားလေးမွေးလာဖို့အတွက်ယောက်ျားဖြစ်သူရဲ့နိုရာဘိုးဘေးတွေဆီမှာကလေး ၁၅ နှစ်ပြည့်ရင်ပြန်လာပြီး နိုရာမျိုးရိုးကိုဆက်ခံခိုင်းမယ်လို့ကျမ်းသစ္စာဆိုခဲ့ရပါတယ်။အဲ့ဒီသားလေး ၁၅ နှစ်ပြည့်ခါနီးမှာတော့ယောက်ျားဖြစ်သူဆုံးသွားပြီး အဲလစ်ကလည်းသူ့ရဲ့တစ်ဦးတည်းသောသားလေးကိုအဆုံးရှုံးမခံနိုင်တဲ့အတွက်ကျမ်းသစ္စာကိုမသိချင်ယောင်ဆောင်နေခဲ့ပါတော့တယ်။ဒီလိုနဲ့သူတို့သားအမိနှစ်ယောက်အပေါ်မှာမကောင်းတဲ့အရာတွေဖြစ်ပျက်လာတဲ့အပြင် သားဖြစ်သူကလည်းအဲ့ဒီကျမ်းသစ္စာဆိုခဲ့တဲ့အိမ်ကြီးကိုသွားချင်တယ်လို့ပြောလာခဲ့တဲ့အတွက် သူတို့သားအမိနှစ်ယောက်အဲ့ဒီကိုသွားကြပြီးနောက်ပိုင်း သူတို့အတွက်ဘယ်လိုကံကြမ္မာတွေစောင့်ကြိုနေမလဲဆိုတာကိုသည်းထိပ်ရင်ဖိုကြည့်ရှုရမဲ့ ထိုင်းHorror ကားတစ်ကားပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eazy ဖြစ်ပါတယ်

ဒီမှတ်တမ်းရုပ်ရှင်ကတော့ RRRဇာတ်လမ်းရဲ့ပဲ့ကိုင်ရှင် ဒါရိုက်တာရာဂျာမိုလီရဲ့အောင်မြင်မှုလမ်းကြောင်းကိုလျှောက်လှမ်းရာလမ်းတစ်လျှောက် ကြုံတွေ့ခဲ့ရတဲ့အကြောင်းအရာတွေကို သူ့ရဲ့မိသားစုတွေလုပ်ဖော်ကိုင်ဖက်တွေကို အင်တာဗျူးမေးတဲ့ပုံစံလေးနဲ့တင်ဆက်ထားတဲ့ မှတ်တမ်းရုပ်ရှင်တစ်ပုဒ်ပဲဖြစ်ပါတယ်။ ဒီမှတ်တမ်းရုပ်ရှင်ထဲမှာ ရာဂျာမိုလီရဲ့မအောင်မြင်ခင်ကာလအပိုင်းအခြားတုန်းက ရုန်းကန်ခဲ့ရပုံတွေနဲ့ RRRမတိုင်ခင် ရိုက်ကူးခဲ့တဲ့နာမည်ကြီးဇာတ်လမ်းတွေဖြစ်တဲ့ ဘိုင်ရာဗာနဲ့ဘာဟူဘလီဇာတ်လမ်းတွေရဲ့ ရိုက်ကွင်းနောက်ကွယ်က အဖြစ်အပျက်တွေအပါအဝင် ဒီဇာတ်လမ်းတွေဖြစ်မြောက်လာဖို့ ဘယ်လိုကြိုးစားခဲ့ရသလဲဆိုတာကိုပါ အစုံအလင်ဖော်ပြထားပါတယ်။ တောင်ပိုင်းရုပ်ရှင်လောကကနေ ဟောလီးဝုဒ်အတင့်အထိရောက်အောင် ဒီလိုအောင်မြင်မှုကိုရဖို့အတွက် ဒီပုဂ္ဂိုလ်တွေ ဘယ်လိုတွေပေးဆပ်ပြီး ဘယ်လိုကြိုးစားခဲ့ရသလဲဆိုတာကို အတုယူဖွယ်ကြည့်ရှုရမဲ့မှတ်တမ်းရုပ်ရှင်တစ်ပုဒ်ဆိုလည်းမမှားပါဘူး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zed ဖြစ်ပါတယ်

ပရိသတ်ကြီးကို ဒီတစ်ခါ တင်ဆက်ပေးချင်တာကတော့ 2022 က ထွက်ခဲ့တဲ့ DJ Tillu ဇာတ်ကားလေးရဲ့ အဆက်ဖြစ်တဲ့ Tillu Square ဆိုတဲ့ Netflix ဇာတ်ကားလေးပဲ ဖြစ်ပါတယ်။ဒီကားလေးထဲမှာတော့ Siddu Jonnalagadda နဲ့ Anupama Parameswaran တို့က အဓိက ပါဝင်သရုပ်ဆောင်ပေးထားပါတယ်။ ဇာတ်လမ်းအကျဉ်းလေးကတော့ ရာဒီကာနဲ့ ပတ်သက်မိပြီး ပြဿနာကြား ရောက်ခဲ့ရတဲ့ တီလူတစ်ယောက် နောက်ထပ်ပါတီပွဲတစ်ခုမှာ လီလီဆိုတဲ့ ကောင်မလေးနဲ့ One night stand နေမိရာကနေ အရင်ပြဿနာထက် ပိုဆိုးတဲ့ စစ်ဆင်ရေးမှာ ပါဝင်ခဲ့ရပါတယ်။ ဖြစ်ချင်တော့ ဒီစစ်ဆင်ရေးမှာ လီလီက ဦးဆောင်ပါဝင်နေပါတယ်။ ဒီစစ်ဆင်ရေးမှာတော့ တီလူက အိန္ဒိယနိုင်ငံရဲ့ အလိုအရှိဆုံး နံပါတ်တစ် ရာဇဝတ်သားကို ဖမ်းပြီး ရှင်းပစ်ရမှာဖြစ်ပါတယ်။ ဘဝကို ပျော်ပျော်ပါးပါးနေတတ်တဲ့ ဒီဂျေတီလူတစ်ယောက် ဒီစစ်ဆင်ရေးကို ပြီးအောင် လုပ်နိုင်ပါ့မလား နောက်ထပ်ရော ဘယ်လိုမျိုး ပြဿနာတွေ ကြုံရဦးမလဲဆိုတာကိုတော့ ဒီဇာတ်ကားလေးထဲမှာ စောင့်မျှော်ကြည့်ရှုအားပေးကြပါဦးရှင်။ အညွှန်းနဲ့ ဘာသာပြန်ကတော့ Kaelyn ပဲ ဖြစ်ပါတယ်။

ဒီကားလေးကတော့ မင်းသား Park Bo gumနဲ့ မင်းသမီးBae Suzyတို့ ပါဝင်သရုပ်ဆောင်ထားကြပြီး အရင်လကမှထွက်ထားတဲ့ Sci-fi movieအမျိုးအစားလေးပါ။ တိုးတက်လာတဲ့ AIနည်းပညာနဲ့အတူ AIရဲ့အကောင်းအဆိုးတွေကို ရိုက်ကူးပြသထားတဲ့အပြင် 528မေတ္တာ၊ 1500မေတ္တာတို့ ရောနှောပါဝင်နေတဲ့ ဇာတ်ကားလေးဖြစ်ပါတယ်။ ဒီကားကိုအညွှန်းနဲ့ ဘာသာပြန်ဆိုသူကတော့ Huihui ဖြစ်ပါတယ်။

ကဲ ကိုဗီဂျေးစည်သူရဲ့ ပရိသတ်ကြီးရေ ဒီတစ်ခါမှာတော့ Netflix ဇာတ်ကားကောင်းလေးဖြစ်တဲ့ ဗီ‌ဂျေးစည်သူရဲ့ Maharaja ဆိုတဲ့ ဇာတ်ကားလေးကို တင်ဆက်ပေးပါရစေရှင် ဒီဇာတ်ကားလေးကတော့ IMDb rating အနေနဲ့ 8.7 ရရှိထားတဲ့အပြင် plot လေးကလည်း စိတ်ဝင်စားဖို့အရမ်းကောင်းတာမလို့ လက်မလွှတ်တမ်းကြည့်ရှုရမဲ့ ဇာတ်ကားလေးပဲ ဖြစ်ပါတယ်ရှင် ဇာတ်လမ်းအကျဉ်းကို ပြောပြရမယ်ဆိုရင်တော့ မဟာရာဂျာဆိုတဲ့ ဆံသဆရာဟာ သူရဲ့ သမီးဖြစ်သူဂျိုသီနဲ့ နှစ်ယောက်တည်း တူတူနေကြပါတယ်။ သူတို့အိမ်မှာလည်း သူ့သမီးဖြစ်သူရဲ့ အသက်ကယ်တင်ရှင် လက်ခ်ရှမီးဆိုတဲ့ သံအမှိုက်ပုံ‌လေးလည်း ရှိလို့နေပါတယ်။ တစ်ရက်မှာတော့ ဖောက်ထွင်းရေးသမားသုံးယောက်က သူ့အိမ်ကို ဖောက်ထွင်းဝင်ရောက်ရင်း လက်ခ်ရှမီးကို ခိုးသွားတဲ့ အချိန်မှာတော့.... မဟာရာဂျာက ရဲစခန်းမှာ တိုင်ချက်ဖွင့်ရင်း ရဲတွေကလည်း လူလား အရာဝတ္ထုလား သေချာမသိတဲ့ လက်ခ်ရှမီးကို လိုက်ရှာရာကနေ ဘာတွေများ ဆက်ဖြစ်သွားမလဲဆိုတာ ဒီဇာတ်ကားလေးထဲမှာ စောင့်မျှော်ကြည့်ရှုအားပေးကြပါဦးရှင် အညွှန်းနဲ့ ဘာသာပြန်ကတော့ Kaelyn ပဲ ဖြစ်ပါတယ်

Avengers ထဲမှာ Falcon နေရာကသရုပ်ဆောင်တဲ့နာမည်ကြီးမင်းသား Anthony Mackie ကရုပ်ရှင်ထဲမှာတင်မကပဲအပြင်လောကမှာပါ စူပါဟီးရိုးတစ်ယောက်ဖြစ်ပါတယ်။ဘာလို့အဲ့လိုပြောရတာလဲဆိုတာကို အခုတင်ဆက်ပေးမဲ့ Shark Beach with Anthony Mackie ဆိုတဲ့တီဗီအစီအစဉ်လေးတစ်ခုကိုခဏလောက်အချိန်ပေးကြည့်လိုက်ရင်သိလာရမှာပါ။သူကအမေရိကန်လူဝီစီယားနားမှာမွေးပြီးကြီးပြင်းလာခဲ့သူတစ်ဦးဖြစ်ပြီး ငယ်ငယ်လေးကတည်းကငါးမျှားတာကိုခုံမင်နှစ်သက်ခဲ့သူတစ်ဦးပဲဖြစ်ပါတယ်။နောက်ပိုင်းမှာအလုပ်အကိုင်တွေနဲ့နယူးယောက်မှာနေထိုင်ခဲ့ရပြီး လူဝီစီးယားနားကိုပြန်လာတဲ့အချိန်မှာတော့ သူကျင်လည်ခဲ့တဲ့ငါးမျှားခဲ့တဲ့နေရာတော်တော်များများမှာငါးမန်းတွေသောင်းကျန်းနေပြီးတော့ ငါးဖမ်းသမားတွေဖမ်းထားတဲ့ငါးတွေကိုဖြတ်ခုတ်လုနေတဲ့ဆိုတဲ့သတင်းကိုကြားခဲ့ရပါတော့တယ်။အဲ့ဒါကြောင့်ငါးဖမ်းသမားတွေအရမ်းနစ်နာရပြီးအခက်အခဲတွေကြုံတွေ့နေရတဲ့အတွက်ဒီအခက်အခဲတွေကိုဖြေရှင်းပေးဖို့တစ်နေရာပြီးတစ်နေရာသွားကာအဖြေရှာပုံတွေအပြင်လူဝီစီယားနားနဲ့သူ့ကြားကအမှတ်တရတွေသံယောဇဉ်တွေကိုတွေ့ရမဲ့အပြင် ဒီအစီအစဉ်လေးကိုကြည့်ပြီးသွားရင်ငါးမန်းတွေပေါ်မှာမြင်နေတဲ့ကိုယ့်အမြင်တွေပြောင်းလဲသွားနိုင်တာမလို့စူးစမ်းလေ့လာကြည့်ရှုလို့ကောင်းမဲ့တစ်ခါလောက်တော့ကြည့်သင့်တဲ့ Documentry ပုံစံရိုက်ကူးထားတဲ့တီဗီအစဉ်အစဉ်ကောင်းတစ်ခုပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eazy ဖြစ်ပါတယ်

Horror ချစ်သူတွေအတွက်ကျားဖြန့်(အွန်လိုင်းလိမ်လည်မှု)နဲ့ Horror တို့ကိုပေါင်းစပ်ရိုက်ကူးထားတဲ့ကျောချမ်းစရာဇာတ်ကားလေးတစ်ကားကိုတင်ဆက်ပေးလိုက်ပါတယ်။ဇာတ်ကားနာမည်ကတော့ Visher ဖြစ်ပြီး Conjuring တို့လို Masterpiece တော့မဟုတ်ပေမဲ့သူ့ဟာနဲ့သူတော့ကြည့်လို့ကောင်းတဲ့အနေအထားမှာရှိပါတယ်။ဇာတ်လမ်းအစမှာတော့ကျားဖြန့်အလုပ်လုပ်ပြီးတော့လူတွေကိုလိုက်လိမ်စားနေတဲ့အိန္ဒိယလူမျိုးတစ်ယောက်ကိုတွေ့ရမှာဖြစ်ပြီးသူကခြေထောက်မသန်စွမ်းတဲ့လူတစ်ယောက်ပါ။သူ့ကိုယ်သူတော့လုံလောက်တဲ့ပိုက်ဆံရရင်ရပ်မယ်လို့ပြောနေပေမဲ့လောဘမီးဆိုတာတော်ရုံနဲ့အတောသတ်နိုင်တဲ့မီးမျိုးတော့မဟုတ်ပါဘူး။ဒီလိုနဲ့တစ်နေ့မှာတော့ရုသ်ဆိုတဲ့ကောင်မလေးတစ်ယောက်ကိုလိမ်လည်ဖို့အလှည့်ကျလာခဲ့ပါတယ်။ကျားဖြန့်တွေရဲ့ထုံးစံအတိုင်းတစ်ဖက်လူရဲ့ကွန်ပြူတာတွေ အင်တာနက်တွေထဲကိုဝင်လို့ရအောင်လုပ်ပြီးနောက်မှာ ရုသ်ဖက်မှာရှိတဲ့လုံခြုံရေးကင်မရာတွေ ကွန်ပြူတာကင်မရာတွေအကုန်လုံးကိုမြင်နိုင်ခဲ့ပါတော့တယ်။ဖြစ်ချင်တော့ကောင်မလေးရဲ့ရုပ်ရည်ကိုကြည့်ပြီးလိမ်တောင်မလိမ်ရက်တော့ပဲနဲ့လိမ်တဲ့သူကိုယ်တိုင်ကလည်းမိန်းမလိုချင်နေတဲ့သူဆိုတော့စကားတွေဖောင်ဖွဲ့ဖြစ်ခဲ့ကြပါတော့တယ်။ဒါပေမယ့်သူမြင်နေရတဲ့ကင်မရာမှာထူးဆန်းတဲ့အရာတွေတွေ့တာတို့ ရုသ်ကိုယ်တိုင်ကလည်းထူးဆန်းတဲ့သရဲလိုမျိုးအရာတွေကြုံတွေ့နေရကြောင်းတွေကိုပြောပြခဲ့ပြီးနောက်မှာတော့အဲ့ဒီညကသူတို့နှစ်ယောက်အတွက်ခြောက်ခြားစရာညတစ်ညအဖြစ်ဘယ်လိုပြောင်းလဲသွားမယ်ဆိုတာကို Jumpscare တ

ရင်တထိတ်ထိတ်နဲ့ကြည့်ရှုရမဲ့ မှုခင်းဇာတ်လမ်းလေးတစ်ပုဒ် ရောက်လာပြန်ပါပြီ။ မိန်းမသားတွေဆိုရင် အထင်မကြီးတတ်တဲ့ လူတွေရဲ့အယူအဆကို အခွင့်ကောင်းယူပြီး တစ်နိုင်ငံလုံးမှာရှိတဲ့ရဲဌာနတစ်ခုလုံးကို အရူးလုပ်သွားတဲ့ သာမန်အိမ်ရှင်မတစ်​ယောက်ရဲ့ထက်မြက်မှုကို ဖော်ပြထားတဲ့ ဇာတ်လမ်းလေးတစ်ပုဒ်ဖြစ်ပါတယ်။ "ဆာဗီ"ဆိုတဲ့မိန်းကလေးဟာ အပြစ်မရှိဘဲ တစ်သက်တစ်ကျွန်းထောင်ဒဏ်ပေးခံခဲ့ရတဲ့ ခင်ပွန်းဖြစ်သူကိုကယ်တင်ဖို့အတွက် သာမန်လူတွေမတွေးရဲတဲ့ ထောင်ဖောက်မှုတစ်ခုကိုကျူးလွန်ဖို့ အကြောင်းဖန်လာခဲ့တယ်။ သာမန်ထောင်ဖောက်မှုတွေမှာ ထောင်ထဲကနေလွတ်မြောက်ဖို့ကြိုးပမ်းကြတာဖြစ်ပြီး ဒါကတော့ ထောင်အပြင်ဘက်ကနေ ကြိုးကိုင်ခြယ်လှယ်ပြီး ရဲတွေပါအရူးလုပ်နိုင်ခဲ့တဲ့အထိ အကွက်ချခဲ့တဲ့အကြောင်းကို တစ်စက္ကန့်မလပ် ရင်တထိတ်ထိတ်နဲ့ကြည့်ရှုရမဲ့မှုခင်းဇာတ်လမ်းကောင်းလေးတစ်ခုဖြစ်ပါတယ်။ မှုခင်းဇာတ်လမ်းကြိုက်သူတွေအဖို့ မကြည့်မိရင် နောင်တရသွားစေမဲ့ဇာတ်လမ်းမျိုးပါပဲ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zed ဖြစ်ပါတယ်

လူတွေနဲ့လူ့သဘောသဘာ၀တွေကိုကြည့်ရတာရိုးအီလာရင်ကြည့်ဖို့အတွက် အသစ်ထွက်ရှိထားတဲ့ Single Mother ကျားမေမေနဲ့ကျားပေါက်လေး ၄ ကောင်တို့အကြောင်းရိုက်ကူးတင်ဆက်ထားတဲ့အရင်တုန်းက Discovery ကြည့်ခဲ့ရသလိုခံစားချက်မျိုးနဲ့ကြည့်ရှုရမဲ့ Documentary လေးတစ်ခုကိုတင်ဆက်ပေးလိုက်ပါတယ်။Documentry ဆိုပေမဲ့ကျားတွေစကားမပြောကြတာကလွဲရင်ရသပေါင်းမျိုးစုံပေးနိုင်ပြီးအရမ်းကြည့်လို့ကောင်းတဲ့အတွက် IMDb Rating 7.9 နဲ့ Rotten Tomatoes 88% အထိပါရရှိထားတာဖြစ်ပါတယ်။နာမည်ကတော့ရိုးရိုးရှင်းရှင်း Tiger ပါပဲ။ဒီထဲမှာအဓိကတွေ့ရမဲ့ဇာတ်ဆောင်တွေကတော့အမ်ဘာဆိုတဲ့ကျားမေမေကြီးရယ်သူ့ရဲ့ကျားပေါက်လေး ၄ ကောင်ဖြစ်တဲ့ အိုင်ဗီ၊ရာဗီ၊ဂိုလု၊ချမ်းတို့ပဲဖြစ်ပါတယ်။သူတို့လေးတွေမွေးဖွားစဉ်အချိန်ကနေစပြီးကြီးပြင်းလာတဲ့အချိန်အထိကျားမေမေကြီးရဲ့ရုန်းကန်ရပုံတွေ သူ့ကလေးတွေကိုအမဲလိုက်နည်း အသက်ရှင်နေထိုင်နည်းတွေသင်ပေးပုံတွေနဲ့ တိရစ္ဆာန်တွေကြားကလူတွေထက်တောင်ပိုကြီးမားတဲ့ပေးဆပ်ခြင်းတရားတွေ မေတ္တာတွေကိုတွေ့မြင်ရမှာဖြစ်တဲ့အတွက်တစ်ခါလောက်တော့ကြည့်ဖူးသင့်တဲ့ Documentary တွေထဲမှာတစ်ခုအပါအဝင်ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eazy ဖြစ်ပါတယ်

Shakhahaari ဇာတ်ကားမှာတော့ ရဲအရာရှိမဲလ်လီကာဂျူလ်နာတစ်ယောက် မိန်းမဖြစ်သူကျန်းမာရေးကြောင့် တာ၀န်ကျတဲ့ရဲစခန်းကနေ မွေးရပ်ကိုပြောင်းဖို့ လုပ်နေချိန်မှာဘဲ လူသတ်မှုတစ်ခုဖြစ်ပွားခဲ့တယ်။လူသတ်တရားခံဗီဂျေးလ်ကို ဖမ်းဆီးထားပြီးတော့ တရားရုံးတင်မဲ့အချိန်မှာတင် ဗီဂျေးလ်တစ်ယောက် ထွက်ပြေးလွှတ်မြောက်သွားခဲ့တယ်။တရားခံထွက်ပြေးသွားတဲ့အတွက် တာ၀န်ရွေ့ပြောင်းဖို့ကလဲ မဖြစ်နိုင်တော့တဲ့အတွက် မဲလ်လီကာဂျူလ်နာတစ်ယောက် ဗီဂျေးလ်ကို တစ်မြို့လုံးကို မြေလှန်ရှာဖွေရပါတော့တယ်။အဲ့အချိန်မှာတော့ သေနတ်ဒဏ်ရာကြီးနဲ့ ထွက်ပြေးသွားတဲ့ဗီဂျေးလ်ကို စားသောက်ဆိုင်ပိုင်ရှင်ဆူဘန်နာလ်က ၀ှက်ထားပေးခဲ့တယ်။ဗီဂျေးလ်ဟာ သူလူမသတ်ခဲ့ကြောင်း သူအပြစ်ကင်းကြောင်းကို ပြောပြခဲ့တာမို့ ဆူဘန်နာလ်ကလဲ ယုံကြည်နေခဲ့တယ်။မဲလ်လီကာဂျူလ်နာတစ်ယောက်လဲ မိန်းမကျန်းမာရေးကို ပူပင်နေရတဲ့အတွက် တစ်ဖက်မှာဗီဂျေးလ်ကိုရှာတွေ့ပါ့မလား။ဗီ‌‌ဂျေးလ်က တရားခံမဟုတ်ဘူးဆိုရင် လူသတ်မှုတရားခံကရော ဘယ်သူဖြစ်နိုင်မလဲ။ဆူဘန်နာလ်ကရော ၀ရမ်းပြေးဗီဂျေးလ်ကို ဘာလို့စွန့်စားပြီးကူညီနေရတာလဲဆိုတာကို ကြည့်ရှူကြပါအုံး။ ဇာတ်လမ်းအညွှန်းနဲ့ ဘာသာပြန်သူကတော့ Nora ဖြစ်ပါတယ်။

ဘောလုံး ရေကူး တင်းနစ် ဘတ်စကက်ဘောတို့လို့ပြောလိုက်ရင်အဲ့ဒါတွေကိုအားကစားတွေလို့လက်ခံထားကြပေမဲ့ တောင်တက်တယ်လို့ကြားလိုက်ရရင်တော့အဲ့ဒါကိုတော်ရုံတန်ရုံအားကစားလို့မသတ်မှတ်ကြပါဘူး။အမျိုးသမီးတောင်တက်တယ်ဆိုရင်ဟာသကြီးတစ်ခုလိုတောင်ပိုဖြစ်နေပါသေးတယ်။ဒါပေမယ့်အဲ့ဒီအယူအဆတွေကိုချိုးဖျက်ပေးခဲ့တဲ့ယောက်ျားတွေပဲတက်နိုင်ခဲ့သေးပြီးဘယ်အမျိုးသမီးမှမတက်နိုင်ခဲ့တဲ့ခက်ခဲတဲ့တောင်တော်တော်များများကိုတက်နိုင်ခဲ့တဲ့ပထမဆုံးအမျိုးသမီးတောင်တက်သမားတစ်ယောက်ရဲ့ဘ၀ဇာတ်ကြောင်းနဲ့သူမရဲ့အောင်မြင်မှုတွေအကြောင်းကိုရိုက်ကူးပြသထားတဲ့ Documentry ကိုတင်ဆက်ပေးလိုက်ပါတယ်။အမျိုးသမီးတောင်တက်လောကရဲ့စံထားရလောက်တဲ့ဂန္တဝင်ကြီးရဲ့နာမည်ကတော့ Sasha Digiulian ဖြစ်ပြီးသူက ၆ နှစ်သမီးလောက်ကတည်းကတောင်စတက်ခဲ့တာဖြစ်ပါတယ်။စစချင်းတုန်းကတော့တောင်တက်အားကစားရုံတွေထဲမှာပဲတက်ခဲ့ပြီး အဲ့ဒီကနေစပြီးသူ့ကိုယ်သူတောင်တက်ခြင်းကိုဘယ်လောက်တောင်ခုံမင်တယ်ဆိုတာကိုသိလာရပါတယ်။ ဒီလိုနဲ့တောင်တက်အားကစားရုံတွေထဲမှာပြိုင်ပွဲတွေဝင်ပြိုင်အနိုင်ယူခဲ့ပြီးတော့ အပြင်လောကကိုထွက်ပြီးတကယ့်တောင်တွေကိုတက်တဲ့အခါမှာလည်းအမျိုးသမီးတောင်တက်သမိုင်းမှာမှတ်ကျောက်တွေအများကြီးကျန်အောင်စွမ်းဆောင်နိုင်ခဲ့ပါတယ်။ဒါပေမယ့်ကျွမ်းကျင်ပရိုအားကစားသမားတွေရဲ့ဘ၀မှာရရှိတာတွေများသလိုပေးဆပ်ရတာတွေလည်းအများကြီးရှိပါတယ်။အဓိကအားဖြင့်ကတော့ခန္ဓာကိုယ်ကိုအရမ်းအသုံးပြုနေရတဲ့အားကစားတစ်ခုဖြစ်တဲ့အတွက်အသက် ၂၀ ကျော်မှာတင

Kill ဇာတ်ကားကတော့ မင်းသားချောLakshyaပါ၀င်သရုပ်ဆောင်ထားတဲ့ အမိုက်စားအက်ရှင်ဇာတ်ကားကောင်းတစ်ကားပဲဖြစ်ပါတယ်။ကွန်မန်ဒိုတပ်ဖွဲ့ခေါင်းဆောင်ကတ်ပတိန်အာမစ်လ်တစ်ယောက် စစ်ဆင်ရေးက ပြန်ပြန်လာချင်းမှာဘဲ ချစ်သူတူလ်လီကာစေ့စပ်ပွဲကို ကြားသိလိုက်ရတာကြောင့် တူလ်လီကာကိုခိုးပြေးဖို့အတွက် သူငယ်ချင်းဗီရှပ်လ်နဲ့ တူလ်လီကာရှိရာဆီကို ရောက်လာခဲ့တယ်။တူလ်လီကာတို့ စီးလာတဲ့ရထားမှာ အတူလိုက်စီးပြီး တူလ်လီကာကို လက်ထပ်ခွင့်တောင်းကာ ရထားပေါ်ကနေဆင်းရင် လက်ထပ်ဖို့စီစဥ်ခဲ့ကြတယ်။ကံဆိုးချင်တော့ အာလ်မစ်တို့စီးလာတဲ့ရထားတွဲကို ဓားပြတွေက ၀င်စီးကာ တူလ်လီကာကိုပါ ပြန်ပေးဆွဲသွားခဲ့တယ်။ဖုန်းလိုင်းတွေလဲ ပြတ်တောက်နေပြီး အပြင်‌လောကက ဘယ်သူမှ မကူညီနိုင်တဲ့အခြေအနေမှာ အာလ်မစ်တစ်ယောက် ဓားပြအယောက်၄၀ကျော်လောက်နဲ့ ရင်ဆိုင်ပြီးတော့ တူလ်လီကာကို အောင်မြင်စွာကယ်တင်နိုင်ပါ့မလားဆိုတာကို ကြည့်ရှူကြပါအုံး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Nora ဖြစ်ပါတယ်

ဒီတစ်ခါတင်ဆက်ပေးမှာကတော့ အမေရိကန် မှတ်တမ်းတင်ရုပ်ရှင်ဇာတ်လမ်းအမျိုးအစားဖြစ်ပါတယ်။ အကြောင်းအရာကတော့ အာကာသထဲကို ဒုံးပျံတွေပစ်လွှတ်ပြီး ဂြိုဟ်တုတွေကို လွှတ်တင်ဖို့ ကြိုးစားကြတဲ့ ကုမ္ပဏီနှစ်ခုရဲ့ ပူးတွဲတည်ထောင်သူနှစ်ယောက်အကြောင်းကို ယှဉ်ပြထားတာပါ။ တစ်ဦးကတော့ အက်စ်ထရာရဲ့ စီအီးအို ခရစ်ကမ့်ပ်ဖြစ်ပြီး သူက အာကာသယာဉ်တည်ဆောက်မှုဆိုင်ရာ ဘွဲ့ရရှိခြင်းမရှိခဲ့တာတောင် နာဆာအိမ်းစ်သုတေသနစင်တာမှာအလုပ်ရခဲ့သူပါ။ တကယ်ကိုတော်တဲ့ စွန့်ဦးတီထွင်သူတစ်ယောက်ဖြစ်ပြီး ပြောရင်ပြောတဲ့အတိုင်း အကောင်အထည်ဖော်နိုင်သူ အကြိမ်ကြိမ်လဲကျလည်း ပြန်ထနိုင်သူတစ်ယောက်ပါ။ နောက်တစ်ဦးကတော့ ရော့ကတ်လက်ဘ်ရဲ့ တည်ထောင်သူ နယူးဇီလန်သား ပီတာဘက်ခ်ပဲ ဖြစ်ပါတယ်။ ကျောထောက်နောက်ခံမရှိ အာကာသယာဉ်တည်ဆောက်မှုဆိုင်ရာ ဘွဲ့ရရှိခဲ့ခြင်း မရှိပေမယ့် စပေ့စ်အိက်စ်ရဲ့ ဖယ်ကွန်နိုင်းကို အမီလိုက်ယှဉ်နိုင်ဖို့ ပိုကြီးတဲ့ဒုံးပျံတွေကို ဆောက်လုပ်ဖို့ အစီအစဉ်ရေးဆွဲပြီး အကောင်အထည်ဖော်နေသူတစ်ယောက်ဖြစ်ပါတယ်။ ဂြိုဟ်တုတွေကို ဂြိုဟ်ပတ်လမ်းဆီ လွှတ်တင်နိုင်ခြင်းဖြင့် ကမ္ဘာမြေကို ဘယ်လိုကောင်းကျိုးတွေသယ်လာပေးနိုင်မလဲ.... ဂြိုဟ်တုတွေက ဘယ်လောက်တောင် အရေးပါသလဲ..... စီးပွားရေးလုပ်ငန်းရှင်တွေက ဒီလိုစွန့်စားရတဲ့လုပ်ငန်းမှာ ရင်းနှီးမြှုပ်နှံခြင်းဖြင့် အကျိုးအမြတ်ဘယ်လိုရလာနိုင်လဲ.... ဂြိုဟ်တုတွေကနေတဆင့် တစ်နိုင်ငံနဲ့ တစ်နိုင်ငံ စစ်ဘက်ဆိုင်ရာ အခြေအနေတွေကို ဘယ်လို

မိုးမျှော်တိုက်ကြီးတွေပေါ် စွန့်စားတက်ရတာကြိုက်တဲ့ လူနှစ်ယောက်ဆုံစည်းပြီး အချစ်ဇာတ်လမ်းဖြစ်ပေါ်လာတာပါ။ အန်ဂျလာနဲ့ အိုင်ဗန်တို့က ရုရှားလူမျိုး Skywalkers တွေဖြစ်ပြီး အိုင်ဗန်က သူ့ရဲ့သည်းထိတ်ရင်ဖို့ စွန့်စားခန်း‌တွေနဲ့ ဆိုရှယ်မီဒီယာမှာ နာမည်ကျော်ပါတယ်။ အန်ဂျလာက‌တော့ မိဘတွေက ဆပ်ကပ်ဖျော်ဖြေသူတွေဖြစ်ခဲ့လို့ သူ့ရဲ့ ဗီဒီယိုတွေမှာ ဂျွမ်းဘားကစားကွက်တွေထည့်ပြီး ပထမဆုံးအမျိုးသမီး Rooftopper အဖြစ် လူသိများလာတာပါ။ ဒီလိုနဲ့ အိုင်ဗန်က သတိထားမိသွားပြီး အန်ဂျလာကို သူနဲ့အတူပူးပေါင်းဖို့ ဖိတ်ခေါ်ခဲ့ပါတယ်။ အိုင်ဗန်ကတော့ ဒီအလုပ်ကို ဝါသနာသပ်သပ်မဟုတ်ဘဲ အသက်မွေးဝမ်းကြောင်းအဖြစ် ရွေးချယ်ထားပြီး အန်ဂျလာကိုလည်း အများကြီး သင်ပေးခဲ့ပါတယ်။ ထူးထူးဆန်းဆန်းအကြိုက်ချင်းတူတဲ့ သူတို့နှစ်ယောက် ချစ်သွားကြပြီး သူတို့တက်ဖူးသမျှ မိုးမျှော်တိုက်တွေထဲမှာ အခက်ဆုံး အမြင့်ဆုံးဖြစ်တဲ့ မလေးရှားက မာဒက်ကာရဲ့ ထိပ်ဆုံးကိုရောက်အောင် အခက်အခဲတွေကို ကျော်ဖြတ်ပြီး တက်တာကို ရှုစားရမှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

တကယ်လို့သာ ဘောလုံးလောကရဲ့ G.O.A.T ကြီးတွေဖြစ်တဲ့မက်ဆီတို့ရော်နယ်ဒိုတို့သာအခုချက်ချင်းကြီးရုတ်တရက်အနားယူတော့မယ်လို့ကြေညာသွားရင်ဘောလုံးလောကပရိသတ်တွေဘယ်လိုခံစားရပါမလဲ။သူတို့ရဲ့ Fan မဟုတ်ရင်တောင်မြန်မာနိုင်ငံအပါအဝင်တစ်ကမ္ဘာလုံးကဘောလုံးပရိသတ်တွေရဲ့ရင်ထဲမှာဝမ်းနည်းသလိုလို တစ်မျိုးဖြစ်နေသလိုတော့ခံစားရမှာအမှန်ပါပဲ။အခုတင်ဆက်ပေးမဲ့ Documentry မှာဆိုရင်လည်း တင်းနစ်အားကစားလောကရဲ့ G.O.A.T တစ်ယောက်အသက် ၄၀ ကျော်မှာဒူးဝေဒနာကြောင့်အနားယူသွားရတဲ့အခါမှာ တင်းနစ်ပရိသတ်ကြီးတွေ အနားယူတဲ့ဂန္တဝင်ကစားသမားကြီးကိုယ်တိုင်နဲ့သူနဲ့ပြိုင်ဖက်တွေဖြစ်ခဲ့ဖူးအသင်းဖော်တွေဖြစ်ခဲ့ဖူးတဲ့ကစားသမားတွေအားလုံးဘယ်လိုခံစားရမလဲဆိုတာတွေကိုကွက်ကွက်ကွင်းကွင်းမြင်သာအောင်ရိုက်ကူးထားတာကိုတွေ့ရမှာပဲဖြစ်ပါတယ်။အဲ့ဒီဂန္တဝင်ကစားသမားကြီးရဲ့နာမည်ကတော့ Roger Federer ဖြစ်ပြီးသူ့ဘ၀အတွက်ဒီလိုအရေးအကြီးဆုံး ဆုံးဖြတ်ချက်ကိုချဖြစ်ခဲ့ပုံတွေနဲ့သူချစ်တဲ့တင်းနစ်လောကကိုဘယ်လိုပုံစံမျိုးနဲ့နှုတ်ဆက်သွားမယ်ဆိုတာတွေကိုမြင်တွေ့ရမဲ့ တင်းနစ်လောကရဲ့ဝမ်းနည်းစရာအကောင်းဆုံးအဖြစ်အပျက်တစ်ခုကိုရိုက်ကူးပြသထားတဲ့ Documentry တစ်ခုပဲဖြစ်ပါတယ်။ ဒီဇာတ်ကားကိုအညွန်းနဲ့ ဘာသာပြန်ပေးသူကတော့ Eazy ဖြစ်ပါတယ်

အရှေ့အလယ်ပိုင်းဒေသမှာ အိန္ဒိယတရားမ၀င်အလုပ်သမားတွေ လူကုန်ကူးခံရကာ အစေခံတွေလို ခိုင်းစားခံနေရတဲ့ဖြစ်ရပ်မှန်ဇာတ်လမ်းကို ရိုက်ကူးထားတဲ့ ဇာတ်ကားကောင်းတစ်ကားဖြစ်ပါတယ်။ပညာမတတ်တဲ့နာဂျီလ်ဟာ သူ့ရွာလေးမှာဘဲ အလုပ်ကြမ်းလုပ်နေရပေမဲ့ မကြာခင်မွေးလာတော့မဲ့ကလေးနောင်ရေးအတွက် နိုင်ငံခြားကိုသွားကာ အလုပ်လုပ်ဖို့ ဆုံးဖြတ်ခဲ့တယ်။ရှိသမျှရောင်းချပေါင်နှံပြီးတော့ ရလာတဲ့ငွေ‌လေးနဲ့ ဗီဇာရအောင်လုပ် အေးဂျင့်ကိုပိုက်ဆံပေးပြီး အရှေ့အလယ်ပိုင်းဒေသကို ရောက်လာခဲ့တယ်။အေးဂျင့်က သူ့ကိုကုမ္ပဏီတစ်ခုမှာ သက်တောင့်သက်သာအလုပ်လုပ်ရမယ်လို့ ပြောထားခဲ့ပေမဲ့ အရှေ့အလယ်ပိုင်းဒေသကို ရောက်ရောက်ချင်းမှာဘဲ တိရစ္ဆာန်တစ်ကောင်လိုဆွဲခေါ်သွားခံရကာ သဲကန္တာရလယ်ကြီးမှာ အစေခံတစ်ယောက်လို ခိုင်းစားခံရပါတော့တယ်။အချိန်ဘယ်လောက်ကြာသွားလဲ မသိတော့အောင် အလုပ်လုပ်နေရတဲ့နာဂျီလ်တစ်ယောက် တစ်နေ့မှာတော့ ဒီငရဲတွင်းလိုနေရာကနေ ထွက်ပြေးဖို့ ဆုံးဖြတ်လိုက်ပါတော့တယ်။ဘာသာစကားလဲမတတ် လမ်းလဲမသိတဲ့ နာဂျီလ်တစ်ယောက် ဒီသဲကန္တာရထဲကနေ အိမ်ကို ဘေးကင်းကင်းပြန်ရောက်နိုင်ပါ့မလားဆိုတာကို ကြည့်ရှူကြပါအုံး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Nora ဖြစ်ပါတယ်

နာမည်ကြီး Hollywood သရုပ်ဆောင်လူထွားကြီးတွေထဲကတစ်ယောက်ဖြစ်တဲ့ Dave Bautista ကိုယ်တိုင်ဇာတ်ဆောင်မင်းသားနေရာကနေပါဝင်သရုပ်ဆောင်ထားတဲ့ My Spy ဆိုတဲ့နာမည်ကြီးဇာတ်ကားရဲ့ ဒုတိယမြောက်အဆက်ကားဖြစ်တဲ့ My Spy : The Eternal City ကိုတင်ဆက်ပေးလိုက်ပါပြီ။ပထမကားမှာတုန်းကလည်းအားပေးမှုတွေတခဲနက်ရရှိခဲ့သလို ဒုတိယမြောက်ကားမှာလည်းရှယ်ကြမ်းတဲ့ဇာတ်ဝင်ခန်းတွေနဲ့ ဇာတ်အိမ်တည်ဆောက်ပုံတွေကိုတွေ့ရဦးမှာဖြစ်ပါတယ်။ပထမကားကိုမကြည့်ရသေးတဲ့သူတွေအတွက်အကျဉ်းချုပ်လေးပြန်ပြောရရင်တော့ဆိုဖီဆိုတဲ့ကောင်မလေးက အဖေဖြစ်သူလူဆိုးတွေအသတ်ခံခဲ့ရတဲ့အတွက်အမေတစ်ခုသမီးတစ်ခုသာကျန်ခဲ့တဲ့ကောင်မလေးတစ်ယောက်ဖြစ်ပါတယ်။အဲ့ဒီနောက်ပိုင်းမှာသူတို့ရဲ့လုံခြုံရေးအတွက် CIA အေးဂျင့်ဂျေဂျေကိုသူတို့အိမ်ကိုစောင့်ရှောက်ခိုင်းခဲ့ရာကနေ ဂျေဂျေနဲ့ဆိုဖီ့အမေတို့မေတ္တာမျှသွားခဲ့ကြပြီး အခုဆိုရင်တော့မိသားစုတစ်ခုဖြစ်လို့သွားခဲ့ပါပြီ။ဒါပေမယ့်ဆိုဖီကတော့ဂျေဂျေ့ကိုအဖေအရင်းတစ်ယောက်လိုမသတ်မှတ်နိုင်သေးခဲ့ပါဘူး။ဂျေဂျေကဒီမိသားစုလေးကိုထိန်းသိမ်းဖို့အတွက်အရမ်းကြမ်းတမ်းတဲ့အေးဂျင့်ကြီးတစ်ယောက်အဖြစ်ကနေအခုအချိန်မှာရုံးထိုင်အလုပ်ကိုသာလုပ်နေပြီးပြောင်းလုပ်နေတော့ပါတယ်။တစ်နေ့မှာတော့ဆိုဖီရဲ့ကျောင်းကသံစုံကျူးအဖွဲ့နဲ့အတူတူအီတလီကိုသွားဖို့ဖြစ်လာခဲ့တဲ့အခါမှာတော့ဂျေဂျေလည်းအတူလိုက်ပါပြီးကလေးတွေရဲ့အထိန်းတော်လုပ်ပေးရပါတော့တယ်။စစချင်းတုန်းကတော့သွေးသားအရင်းမတော်စပ်တဲ့သားအဖနှစ်ယောက်အဆင်ပြေနိုင်ဖို့အ

အချစ်စစ်မှန်ရင် ခရီးလမ်းကမ​ဖြောင့်ဖြူးဘူးတဲ့..။ အထူးသဖြင့် လူတန်းစားခွဲခြားမှုတွေရှိတဲ့ပတ်ဝန်းကျင်မှာပေါ့။ ဒီဇာတ်လမ်းလေးထဲမှာ သိပ်ချစ်ကြတဲ့ချစ်သူနှစ်ယောက်ကို အမျိုးဇာတ်အနိမ့်အမြင့်ခွဲခြားပြီး မတူမတန်ဘူးရယ်ဆိုပြီး ပတ်ဝန်းကျင်ကခွဲခဲ့ကြတယ်။ အမျိုးဇာတ်နိမ့်တဲ့လူကိုချစ်ကြိုက်မိရင် အသိုင်းအဝိုင်းသိက္ခာကျရသတဲ့လေ။ ဒီချစ်သူနှစ်ယောက်ဟာ ဆန့်ကျင်ဘက်ဖြစ်နေကြတဲ့ အသိုင်းအဝိုင်းနှစ်ခုမှာ ကြီးပြင်းလာခဲ့ရတဲ့အတွက် အချင်းချင်းချစ်ခွင့်တောင်မရှိဘဲ အခွဲခံရတဲ့အခါ သူတို့ရဲ့အချစ်တွေကို ဘယ်လိုသက်သေပြကြမလဲ။ အပြစ်ဆိုလို့ ချစ်မိတာလေးပဲရှိတဲ့အခါ ဒီအချစ်အတွက် ဘာတွေပေးဆပ်လိုက်ရမလဲ။ နေထိုင်ရာပတ်ဝန်းကျင်ပေါ်မူတည်ပြီး လူတစ်ယောက်ရဲ့စရိုက်၊ အတွေးအခေါ်နဲ့ ကံကြမ္မာတစ်ခုလုံး ဘယ်လိုပြောင်းလဲသွားနိုင်သလဲဆိုတာကို မီးမောင်းထိုးပြထားပြီး အလွှာအမျိုးမျိုးက လူတွေရဲ့စရိုက်နဲ့အတွေးအခေါ်ကွာခြားပုံကို ပေါ်လွင်အောင်သရုပ်ဖော်ထားတဲ့အတွက် လူ့စရိုက်လူ့သဘာဝကိုထင်ဟပ်စေတဲ့ အချစ်ဇာတ်လမ်းလေးတစ်ပုဒ်ပဲဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zed ဖြစ်ပါတယ်

DC Animation Universe ကြီးရဲ့အကြမ်းဆုံး အားစိုက်မှုအများဆုံး စိတ်ဝင်စရာအကောင်းဆုံးဖြစ်တဲ့ Justice League : Crisis On Infinite Earth Part Three ထွက်ရှိလာခဲ့ပါပြီ။2024 တစ်နှစ်တည်းမှာတင်အခုကားနဲ့အပါအဝင် ၃ ကားလုံးထွက်ရှိခဲ့တာဖြစ်ပြီး တစ်ကားချင်းစီတိုင်းမှာလည်းအပြိုင်စကြ၀ဠာတွေအပြင် တခြားစိတ်ဝင်စားစရာတွေအပြည့်နဲ့ကြည့်ရှုသူပရိသတ်စိတ်ကိုဆွဲဆောင်လာခဲ့တာပဲဖြစ်ပါတယ်။လက်ရှိ IMDb Rating 6.0 အထိရရှိထားပြီး Part 2 တုန်းကရင်ထဲဟောင်းလောင်းပေါက်ကြီးဖြစ်နေအောင်ထားခဲ့တဲ့ကွက်လပ်တွေကိုအရသာရှိရှိဖြည့်ပေးသွားမှာပဲဖြစ်ပါတယ်။Part 2 မှာစူပါဂဲလ်ကစောင့်ကြည့်သူ(Monitor)ကိုသတ်ခဲ့ပြီးနောက်မှာတော့စူပါဟီးရိုးတွေနေထိုင်တဲ့ကမ္ဘာတွေအားလုံးအတွက်ကြီးမားတဲ့အန္တရာယ်ကြီးတစ်ခုစတင်ကျရောက်လာပါတော့တယ်။အဲ့ဒီအန္တရာယ်ကြီးကတော့စောင့်ကြည့်သူဖျက်ဆီးသမား(Anti-Monitor) ဖြစ်ပြီး Part 3 အစမှာအဲ့ဒီစောင့်ကြည့်သူဖျက်ဆီးသမားကဂြိုလ်တွေတစ်ခုပြီးတစ်ခုကိုလိုက်ဖျက်ဆီးနေတာကိုတွေ့ရမှာဖြစ်ပါတယ်။သူ့ကိုတားနိုင်ဖို့နည်းလမ်းလည်းမရှိတဲ့အတွက်တစ်ဂြိုလ်ပြီးတစ်ဂြိုလ်ဖျက်ဆီးနေတာကိုဂြိုလ်တုမှာရှိတဲ့ဟီးရိုးတွေကအံကြိတ်ပြီးကြည့်နေရပါတော့တယ်။ဒါပေမယ့်လက်စ်လူသာရဲ့မထင်မှတ်ထားတဲ့လှည့်ကွက်တစ်ခုကြောင့်စောင့်ကြည့်သူဖျက်ဆီးသူကိုတားဆီးဖို့အတွက်မျှော်လင့်ချက်ရောင်ခြည်လေးသမ်းလာတဲ့အခါမှာတော့စူပါဟီးရိုးတွေစုစည်းပြီးအပြိုင်စကြ၀ဠာထဲကကမ္ဘာတွေကိုကယ်တင်ဖို့ကြိုးစားကြပုံတွေကို Par

ဒီတစ်ခေါက်မိတ်ဆက်ပေးမဲ့ အက်ရှင်ဇာတ်လမ်းလေးကတော့ "Pariah"ဆိုတဲ့ သည်းထိတ်ရင်ဖိုအက်ရှင်ဇာတ်လမ်းတစ်ပုဒ်ဖြစ်ပါတယ်။ ဒီီဇာတ်လမ်းလေးရဲ့ ထူးခြားချက်ကဘာလဲဆိုရင် ဇာတ်လမ်းကျောရိုးဟာ လမ်းဘေးခွေးလေးတွေကို အဓိကအသားပေးထားတာပဲဖြစ်ပါတယ်။ ခွေးချင်းအတူတူတောင် တန်ဖိုးကြီးအိမ်မွေးခွေးတွေနဲ့ လမ်းဘေးခွေးတွေကို ဆက်ဆံကြပုံချင်း ကွာပါတယ်။ ဒီဇာတ်လမ်းလေးထဲမှာ အဲ့ဒီအချက်ကို ပီပြင်အောင်ဖော်ပြထားပါတယ်။ ထူးဆန်းတဲ့နောက်ကြောင်းရာဇဝင်နဲ့ လူတစ်ယောက်ဟာ စားနေကျဆိုင်တစ်ဆိုင်မှာရှိတဲ့ခွေးလေးကို သနားမိရာက သံယောဇဉ်တွယ်သွားခဲ့တယ်။ သူကိုယ်တိုင်အသားမစားပေမဲ့ အသားမှစားချင်တဲ့ အဲ့ဒီခွေးလေးအတွက် ဈေးထဲက အသားဝယ်လာခဲ့ပေးတဲ့အချိန်မှာပဲ ဆိုင်ရှင်ရော ခွေးလေးတစ်အုပ်ရော ရက်ရက်စက်စက်အသတ်ခံလိုက်ရတာကို သိလိုက်ရပါတော့တယ်။ ဒီလိုတရားမားမမျှတမှုတွေကို အသာကြည့်မနေနိုင်တဲ့ အဲ့ဒီလူဟာ ခွေးတရားမဝင်ရောင်းဝယ်ရေးလုပ်ငန်းမှန်သမျှကို သွားသောင်းကျန်းပြီး ခွေးလေးကိုရှာပုံတော်ဖွင့်ပါတော့တယ်။ တချို့ကတော့ သူ့ကို "ခွေးတစ်ကောင်အတွက်နဲ့ လူတောင်သတ်တာပဲ"လို့ သမုတ်ကြသတဲ့လေ။ ဒီလူထူးဆန်းဟာ ဘယ်သူလဲ။ ခွေးတစ်ကောင်ကို ဘာလို့များအပူတပြင်းလိုက်ရှာနေတာလဲ။ ဒီတရားမဝင်လုပ်ငန်းကြီးရဲ့နောက်ကွယ်မှာရော ဘယ်သူတွေရှိနေသလဲ။ ဒီလူမဆန်တဲ့လူတွေက ဒီခွေးလေးတွေကို ဘာအတွက်အရောင်းမဝယ်လုပ်နေကြသလဲ။ ဒီကမ္ဘာမြေပေါ်မှာ လူသားတွေရော တိရစ္ဆာန်တွေပါ အတူယှဉ်တွဲနေထိုင်ကြတာဖြစ်တဲ့ ဒီကမ္ဘ

အနာဂတ်ရဲ့ ခေတ်မီနည်းပညာတွေနဲ့ ဘေးထွက်ဆိုးကျိုးတွေကို တစေ့တစောင်း မြင်တွေ့ရမယ့် အသစ်စက်စက် Thriller, Horror ရုပ်ရှင်ဖြစ်ပါတယ်။ ဒါရိုက်တာရော စာရေးဆရာရောက James Croke ဖြစ်ပြီး သူ့ရဲ့ပထမဆုံးလက်ရာဖြစ်ပေမယ့် ချီးကျူးခံနေရတဲ့အတွက် ကြည့်သင့်ပါတယ်။ Pro gamer တစ်ယောက်ဖြစ်ပြီး သူ့မိခင်ဆီကအ‌မွေ ဆက်ခံထားရတဲ့ Agoraphobia (တံခါးဖွင့်ရမှာ အပြင်ထွက်ရမှာ အလွန်အမင်းကြောက်သောရောဂါ)ခံစားနေရတဲ့ ဟန်နာ...သူ့ရောဂါကြောင့် မိခင်ဖြစ်သူဆုံးသွားပြီးတည်းက ဂိမ်းတွေပဲကစားပြီး အခန်းအောင်းနေခဲ့ပါတယ်။ အဲ့အတွက် သူ့အတွက်ဈေးဝယ်ပေးတာတွေ အမှိုက်ပစ်တာတွေ ...စတဲ့ဝေယျာဝစ္စတွေကို အချစ်ဆုံးသူငယ်ချင်းဖြစ်သူ ဂျန်က လုပ်ပေးခဲ့ပါတယ်။ တစ်ရက်မှာ CNEX ဆိုတဲ့ဂိမ်းကုမ္ပဏီက သူတို့ရဲ့ပစ္စည်းသစ် အွမ်နီရာကို ဈေးကွက်ထဲမကြေညာခင် ဟန်နာကို စမ်းသပ်ဖို့ ပို့ပေးလိုက်ပါတယ်။ အဲ့စက်က ခေါင်းပေါ်မှာတပ်ထားရပြီး ဦးနှောက်လှုပ်ရှားမှုကို ဖတ်ရှုလေ့လာပြီးတော့ တုံ့ပြန်ချိန်ကိုတိုးစေပါတယ်။ တိုက်တိုက်ဆိုင်ဆိုင်ပဲ အဲ့အချိန်မှာ ဆုကြေးများများရမယ့် ဂိမ်းပြိုင်ပွဲကြီးရှိတာကြောင့် ဟန်နာက ဒီစက်ကို သုံးပြီး အနိုင်ရအောင် လုပ်ပါတော့တယ်။ ဒါမဲ့ တဖြည်းဖြည်းနဲ့ သူကလက်တွေ့လောကနဲ့ကင်းကွာလာပြီး အွမ်နီရာက သူ့ကိုထိန်းချုပ်နေသလိုမျိုး ခံစားမိလာတဲ့အခါ....နဂိုကမှ ရောဂါရှိတဲ့ဟန်နာတစ်ယောက် ဘယ်လိုအဖြစ်အပျက်တွေ ကြုံရမလဲဆိုတာ စိတ်ဝင်စားဖွယ် ကြည့်ရမှာဖြစ်ပါတယ်။ ဒီဇာတ်ကားကိုအည

ရှီဗာရှန်ကာဟာ အိမ်ကမိဘတွေနဲ့သဘောမတူတဲ့ ရည်းစားဖြစ်သူနဲ့ခိုးရာလိုက်ပြေးသွားတဲ့ ညီမလေးရှီဗာနီကို ၁၀နှစ်ကြာအောင်လိုက်ရှာနေသူဖြစ်တယ်။တစ်နေ့မှာတော့ သူ့ညီမလေးရှီဗာနီနဲ့ ယောကျာ်းဖြစ်သူဆုံးသွားတဲ့သတင်းစကားကို ရှီဗာရှန်ကာတစ်ယောက်ကြားခဲ့ရတယ်။ရှီဗာရှန်ကာတို့ ရှီဗာနီတို့နေအိမ်ကို လိုက်သွားတဲ့အချိန်မှာတော့ ထူးဆန်းတဲ့ သဘာ၀လွန်ဖြစ်ရပ်တွေကို စတင်တွေ့ကြုံရပါတော့တယ်။ရှီဗာနီက ကလေး၂ယောက်ကျန်ခဲ့ပြီးတော့ သမီးကြီးဖြစ်သူရှာလ်တီက အမေဖြစ်သူသေဆုံးသွားတာကို မြင်လိုက်ရတာကြောင့် ထိပ်လန့်ပြီးချော်လဲကာ ကိုမာ၀င်နေခဲ့တယ်။သားငယ်လေးဂျူနီယာရှီဗာရှန်ကာကလဲ မိဘ၂ပါးဆုံးပါးသွားပြီးကတည်းက ထူးထူးဆန်းဆန်းတွေစတင်ပြုမှုလာခဲ့တယ်။အဲ့ဒါတင်မကဘူး ရှီဗာနီတို့လင်မယားသေဆုံးမှုကလဲ သာမန်သေဆုံးမှုမဟုတ်ကြောင်းကို ရှီဗာရှန်ကာတစ်ယောက်သိလိုက်ရခဲ့တယ်။ဘတ်လို့ခေါ်တဲ့ နတ်ဆိုး၀ိဉာဥ်ကလဲ ရှီဗာနီသမီးကြီးရှာလ်တီကို သတ်ဖို့ကြိုးစားနေတဲ့အချိန်မှာတော့ ရှီဗာရှန်ကာတစ်ယောက် သူ့ညီမလေးရဲ့ကလေး၂ယောက်ကို ကာကွယ်ပေးနိုင်မလားဆိုတာကို ကြည့်ရှူကြပါအုံး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Nora ဖြစ်ပါတယ်

သမီးဖြစ်သူရဲ့သေကြောင်းကြံစည်မှုကို အကြောင်းအရင်းသိချင်လို့ ခြေရာခံရာကနေ ထင်မထားတဲ့အမှန်တရားတွေနဲ့လှည့်ကွက်တွေကို ဖော်ထုတ်မိခဲ့တဲ့ ဖခင်တစ်ဦး။ ငယ်ငယ်ကတည်းက သမီးမျက်နှာတစ်ကမ္ဘာထင်တဲ့အဖေဖြစ်သူဟာ ရုတ်တရက်ကြီးသေကြောင်းကြံစည်သွားတဲ့ သမီးဖြစ်သူကြောင့် ရူးမတတ်ဖြစ်သွားရပြီး သူပါလိုက်သေဖို့အထိကြံစည်ခဲ့ပေမဲ့ အနည်းဆုံးတော့ သူ့သမီးသေရတဲ့ နောက်ကွယ်ကအကြောင်းအရင်းကိုတော့ သိရမှဖြစ်မယ်ဆိုတဲ့စိတ်နဲ့ ကိစ္စတွေကို ဖြည်းဖြည်းချင်းခြေရာခံလာခဲ့တယ်။ သူ့သမီးရဲ့အကြောင်းကိုဖော်ထုတ်နိုင်ဖို့အတွက် အကောင်ကြီးကြီးအမြီးရှည်ရှည်လုပ်ငန်းရှင်တွေသာမက နိုင်ငံရေးသမားတွေကိုပါ ရင်ဆိုင်ခဲ့တယ်။ ဒါပေမဲ့ သူမထင်ထားတဲ့ဖြစ်ရပ်တွေနဲ့ပါ ကြုံလိုက်ရတဲ့အခါ သူ့သမီးလေးခံစားခဲ့ရရှာမဲ့နာကျင်မှုတွေကို တွေးတွေးပြီး ရင်နာနေတော့တာပေါ့။ သူ့သမီးသေသွားခဲ့ပေမဲ့လည်း ဒီလိုဒုက္ခမျိုးကို တခြားမိန်းကလေးတွေမခံစားရဖို့ဆိုတဲ့ရည်ရွယ်ချက်နဲ့ လောဘသားကောင်တွေရဲ့လုပ်ရပ်တွေကို မြေလှန်ပြီး ဖျက်ဆီးပါတော့တယ်။ ကံကြမ္မာဟာ ဒီမိသားစုလေးကို ဘယ်လိုကျီစယ်ခဲ့လေသလဲ။ ဘယ်လိုတွေဆက်ပြီးကျီစယ်သွားဦးမှာလဲ။ "ဘယ်သူသေသေ ငတေမာရင်ပြီးရော"ဆိုတဲ့ စိတ်ဓာတ်မျိုးရှိကြတဲ့ လူချမ်းသာတွေရဲ့အာဏာရှင်တွေကရော ဘယ်လိုအဆုံးသတ်သွားမလဲ... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zed ဖြစ်ပါတယ်