လူကြည့်များသော ရုပ်ရှင်များ

" အထီးကျန်ဆန်မှုတွေကြားက နွေးထွေးတဲ့ အချစ်ဇာတ်လမ်းတစ်ပုဒ်" သာမန်အချစ်ဇာတ်လမ်းတွေနဲ့မတူဘဲ ဘဝရဲ့ အမည်းစက်တွေ၊ အထီးကျန်မှုတွေနဲ့ ကိုယ့်ကိုယ်ကိုယ် ယုံကြည်မှုပျောက်ဆုံးနေတဲ့ လူငယ်သုံးယောက်ရဲ့ ဘဝအချိုးအကွေ့တွေကို သဘာဝကျကျနဲ့ ရင်ထဲရောက်အောင် ရိုက်ကူးတင်ဆက်ထားတဲ့ ဇာတ်ကားကောင်းတစ်ကားကို ရှာနေတယ်ဆိုရင်တော့ Netflix ကနေ ၂၀၂၆ ခုနှစ်၊ ဖေဖော်ဝါရီလ ၂၀ ရက်နေ့ကမှ အသစ်ထွက်ရှိထားတဲ့ "Pavane (Pabanneu)" ကို လုံးဝလက်မလွှတ်သင့်ပါဘူး။ ကုန်တိုက်တစ်ခုမှာ အလုပ်လုပ်နေတဲ့ မီဂျောင်း ဟာ သိမ်ငယ်စိတ်များပြီး လူတွေနဲ့ မျက်လုံးချင်းဆုံဖို့တောင် ကြောက်ရွံ့နေတဲ့ မိန်းကလေးတစ်ယောက်ပါ။ သူ့ရဲ့ တစ်ခုတည်းသော ဆန္ဒကတော့ လူတွေရဲ့ သတိထားမှုကိုမခံရဘဲ တိတ်တိတ်ဆိတ်ဆိတ် နေထိုင်သွားဖို့ပါပဲ။ အဲဒီကုန်တိုက်ရဲ့ ကားပါကင်မှာ အလုပ်လုပ်နေတဲ့ ယိုဟန်ကတော့ မီဂျောင်းနဲ့ လုံးဝဆန့်ကျင်ဘက်ဖြစ်ပြီး လွတ်လွတ်လပ်လပ်နေတတ်သူပါ။ ရော့ခ်သီချင်းတွေနဲ့ ဂန္ထဝင်အချစ်ဇာတ်ကားတွေကို ရူးသွပ်သူတစ်ယောက်လည်း ဖြစ်ပါတယ်။ တစ်နေ့မှာတော့ ကိုယ့်ရဲ့အိပ်မက်တွေကို လက်လွှတ်လိုက်ရပြီး အဲဒီကုန်တိုက်မှာပဲ အလုပ်လာလုပ်တဲ့ ဂယောင်းရော့ ဆိုတဲ့ကောင်လေး ရောက်လာပါတော့တယ်။ ဂယောင်းရော့တစ်ယောက် အထီးကျန်ဆန်ပြီး မှိုင်းညို့နေတတ်တဲ့ မီဂျောင်းအပေါ် သံယောဇဉ်တွယ်သွားတဲ့အခါ... သူတို့သုံးယောက်လုံးရဲ့ တူညီတဲ့အချက်တစ်ခုကတော့ "ကိုယ့်ကိုယ်ကိုယ် ချစ်ဖို့တောင် ခက်ခဲနေကြသူတွေ" ဖြစ်နေတာပါပဲ

ဗြိတိသျှ လျှို့ဝှက်အေးဂျင့်ဟောင်းနဲ့ အ‌မေရိကန်အလွတ်တန်းဓာတ်ပုံဆရာတို့ မထင်မှတ်ထားစရာ အခြေအနေနဲ့ ဆုံတွေ့ပြီး အသက်အန္တရာယ်ကလွတ်အောင် စွန့်စားရတဲ့ Action ဇာတ်လမ်းဖြစ်ပါတယ်။ ဇာတ်လမ်းအကျဉ်းကတော့ MI5 အေးဂျင့်ဟောင်းဖြစ်တဲ့ နာတာလီဟာ ဗြိတိသျှဘဏ်နဲ့ ကိုလမ်ဘီယန်ကာတယ်ကြားမှာ သဘောတူညီချက်ယူပြီး နှစ်ဖက်ခွစားမိလို့ နှစ်ဖက်လုံးက လူတွေလိုက်တာခံနေရပါတယ်။ ပုန်းရှောင်ရင်းနဲ့ ပန်းခြံထဲဝင်မိတုန်း ဓာတ်ပုံဆရာဖြစ်တဲ့ ဟော်လစ်စ်က သူမပုံကို ရိုက်မိတဲ့အတွက် ရန်သူတွေနေရာသိသွားပြီး လိုက်လာမှာစိုးလို့ ဟော်လစ်စ်တိုက်ခန်းဆီ လိုက်လာပြီး နဂွတစ်လိုက်တောင်းပါတယ်။ ဒါမဲ့ ရန်သူတွေက တိုက်ခန်းထိ လိုက်လာနိုင်လို့ ဟော်လစ်စ်ကိုပါခေါ်ပြီး နှစ်ယောက်သား ထွက်ပြေးရပါတော့တယ်။ သွေးအေးတဲ့ အေးဂျင့်ဟောင်းနဲ့ ဘုမသိဘမသိပါလာတဲ့ ဓာတ်ပုံဆရာတို့ ပြေးရင်းလွှားရင်း နောက်ဆုံးမှာ တစ်ဖွဲ့တည်းဖြစ်ပြီး ရန်သူတွေနဲ့ရင်ဆိုင်တာကို ပုံဖော်ထားပါတယ်။ ဒီရုပ်ရှင်မှာ နာတာလီ(Katia Winter)နဲ့ ဟော်လစ်စ်(Simon Quarterman)တို့ရဲ့ Chemistry ကိုအဓိကအသားပေးဖော်ပြထားပြီး ကာရိုက်တာတွေတည်ဆောက်သွားတာကို တွေ့ရမှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

* Movie Request ထဲက ဇာတ်ကားဖြစ်ပါသည်။ Hello ဒီတစ်ခေါက်မှာတော့ ဟောင်းပေမဲ့ကောင်းနေဆဲဖြစ်တဲ့ 《Till Death Shall We Start-1990》 ဆိုတဲ့ ဟောင်ကောင် ဟာသ-သရဲကားလေးနဲ့ မိတ်ဆက်ပေးချင်ပါတယ်ရှင်။ ဇာတ်လမ်းအကျဉ်း သာ့ဝေဟာ လူပျိုကြီးဘဝနဲ့ သေဆုံးသွားပြီးနောက် ဘဝမကူးနိုင်ဘဲ ယင်းထောင်ကွေ့ (ချယ်ရီသီးသရဲ)အဖြစ်နဲ့ လူ့လောကမှာ လှည့်လည်နေခဲ့ရပါတယ်။သူဟာ မြေအောက်လောကကို မသွားရသေးခင်ကာလမှာ အသက်ရှင်စဉ်က မပြည့်ဝခဲ့တဲ့ လူပျိုကြီးဘဝမှ ကျွတ်လွတ်ချင်တဲ့ ဆန္ဒပြည့်မြောက်ရန်အတွက်ကြိုးစားရမှာပဲဖြစ်ပါတယ်။သူဟာ အပျိုစင်မိန်းကလေးတစ်ယောက်ကို ပန်းဦးချွေနိုင်မှသာ ယင်းထောင်ကွေ့ဘဝမှ ကျွတ်လွတ်ပြီး လူအဖြစ်ပြန်ဝင်စားနိုင်မှာပဲ ဖြစ်ပါတယ်။ထို့ကြောင့် သာ့ဝေတစ်ယောက် ကျန်ရှိတဲ့အချိန်ကို အကျိုးရှိရှိအသုံးချပြီး အပျိုစင်မိန်းကလေးကို ရှာပုံတော်ဖွင့်ပါတော့တယ်။တစ်ဖက်မှာလည်း အားလွမ်နဲ့ လီဆာတို့ ချစ်သူနှစ်ဦးဟာ လက်ထပ်ဖို့ ပြင်ဆင်နေကြပြီး သူတို့ဘဝဟာ ပုံမှန်အတိုင်းပဲ သာယာနေခဲ့ပါတယ်။သို့သော် မင်္ဂလာဆောင်ရန် နှစ်ပတ်သာလိုတော့တဲ့အချိန်မှာတော့ သာ့ဝေဟာ မတော်တဆ လီဆာ၏အိမ်သို့ရောက်ရှိလာခဲ့ပြီး လီဆာဟာ အပျိုစင်တစ်ယောက်ဖြစ်တယ်ဆိုတာကိုသိရှိသွားခဲ့ပါတော့တယ်။ထိုအချိန် မှစပြီး အားလွမ်နဲ့ လီဆာဆီမှာ မထင်မှတ်ထားတဲ့ အဖြစ်အပျက်တွေ စတင်ပေါ်ပေါက်လာခဲ့ပါတော့တယ်။သာ့ဝေဟာ လီဆာနဲ့ အားလွမ်ရဲ့ တည်ငြိမ်နေတဲ့ ဘဝထဲကို ဝင်ရောက်လာပြီး နည်းလမ်းမျိုးစုံနဲ့အနှောက်အယှက်ပေးကာ

ဇာတ်လမ်းကတော့ ဂိုဟွမ် လို့ခေါ်တဲ့ ကောင်လေးတစ်ယောက်အကြောင်းပါ။ ဂိုဟွမ်ဟာ ALS (ကြွက်သားအားနည်းရောဂါ) ခံစားနေရပြီး ခန္ဓာကိုယ်တစ်ခုလုံး မလှုပ်ရှားနိုင်ဘဲ အိပ်ရာထဲမှာပဲ လှဲ​နေရတဲ့ လူနာတစ်ယောက်ပါ။ ဆရာဝန်တွေက သူ့မှာ အသက်ရှင်ဖို့ အချိန်သိပ်မကျန်တော့ဘူးလို့ ပြောတဲ့အခါ သူ့ရဲ့အခင်ဆုံး သူငယ်ချင်းနှစ်ယောက်ဖြစ်တဲ့ နမ်ဂျွန်း နဲ့ ဂပ်ဒေါ့တို့က ဂိုဟွမ်မသေခင် သူ့ရဲ့နောက်ဆုံးဆန္ဒတစ်ခုကို ဖြည့်ဆည်းပေးဖို့ ကြိုးစားကြပါတော့တယ်။ ဂိုဟွမ်ရဲ့ နောက်ဆုံးဆန္ဒကတော့... "မသေခင်မှာ လူပျိုဘဝကို စွန့်လွှတ်ပြီး လိင်အတွေ့အကြုံ ရယူချင်တာ" ဖြစ်ပါတယ်။ ဒီဆန္ဒကို ပြည့်မြောက်ဖို့အတွက် သူ့သူငယ်ချင်းနှစ်ယောက်ဟာ ကြိုးစားကြရင်း လွဲချော်မှုတွေ၊ အရှက်ကွဲစရာတွေ၊ ရယ်စရာ အလွဲလွဲအချော်ချော် အဖြစ်အပျက်တွေနဲ့ ကြုံတွေ့ရပုံကို ရိုက်ကူးထားတာ ဖြစ်ပါတယ်။ The Last Ride ဟာ "Sex Comedy" ပုံစံမျိုး သွားထားပေမဲ့ ညစ်ညမ်းတဲ့ဘက်ကို မရောက်ဘဲ လူငယ်သဘာဝ စူးစမ်းမှုနဲ့ သူငယ်ချင်းတွေရဲ့ ရိုးသားတဲ့ ကြိုးပမ်းမှုကို ချစ်စရာကောင်းအောင် တင်ဆက်ထားတဲ့ဇာတ်ကားကောင်းလေးပါ။ ဒီကားကို အညွှန်းနဲ့ဘာသာပြန်ဆိုသူက Huihui ဖြစ်ပါတယ်။

ဒီဇာတ်ကားလေးထဲမှာတော့ အီရတ်စစ်ပဋိပက္ခက​နေ ပြန်လာတဲ့ စစ်မှုထမ်းဟောင်း “ဂေဘရီရယ်” ဟာ အဓိကဇာတ်ကောင်အဖြစ် ပါဝင်ထားပါတယ်။ တစ်နေ့မှာတော့ သူ့ဆီကို ဘာသာဇာ လို့ခေါ်တဲ့ လူတစ်ယောက်ရောက်လာပြီးတော့ ကောင်းကင်တမန် မိုက်ကယ် ကို ရင်ဆိုင်ဖို့ တာဝန်တစ်ခုပေးအပ်လာပါတော့တယ်။ သူက အဲဲဒီတာဝန်ကို ထမ်းဆောင်ဖို့ ဘုရားသခင်ရဲ့ ငြိမ်းချမ်းရေး စစ်သည်တော်တွေကို ဘယ်လိုရှာဖွေမလဲ။ လက်တွေ့နဲ့ ယုံကြည်မှုကြား ဂေဘရီရယ်တစ်ယောက် ဘယ်လိုဖြေရှင်းမလဲ။ မိုက်ကယ်ရဲ့ ငရဲစစ်တပ်ကိုရော အမြစ်ပြတ်အောင် ရှင်းနိုင်ပါ့မလားဆိုတာကို စိတ်လှုပ်ရှားဖွယ် ကြည့်ရှုရမယ့် ဇာတ်လမ်းလေးတစ်ခုပဲဖြစ်ပါတယ်။

ဒီဇာတ်ကားလေးကတော့ ဒုတိယကမ္ဘာစစ်အတွင်းက ဂျပန်တော်လှန်ရေး သမိုင်းကြောင်းကို အခြေခံထားရိုက်ကူးထားတဲ့ ဖြစ်ရပ်မှန် ဇာတ်ကားကောင်းလေးပဲဖြစ်ပါတယ်။ တရုတ်နိုင်ငံ ဟာပင်မြို့မှာ အခြေစိုက်ခဲ့တဲ့ ဂျပန်​တွေရဲ့ နာမည်ဆိုးနဲ့ကျော်ကြားတဲ့ "တပ်ဖွဲ့ ၇၃၁ " (Unit 731) အကြောင်းကို ရိုက်ကူးထားတာဖြစ်ပါတယ်။ ဒီ၇၃၁တပ်ဖွဲ့ဟာ လူသားတွေကို အရှင်လတ်လတ် စမ်းသပ်မှုတွေ လုပ်ဆောင်ခဲ့ပြီး အကျဉ်းသားတွေကို သစ်တုံးတွေလို သဘောထားပြီးဓာတုလက်နက်နဲ့ ပိုးမွှားလက်နက်တွေကို စမ်းသပ်ကြပါတော့တယ်။ အကျဉ်းသားတွေကို နာမည်တွေမခေါ်ဘဲ နံပါတ်တွေနဲ့ပဲ ခေါ်ပြီး လူမဆန်စွာ နှိပ်စက်ကြပါတော့တယ်။ ဝမ်ယုံကျန်း ဆိုတဲ့ အကျဉ်းသားကတော့ သူ့ကိုယ်သူ တော်လှန်ရေးသူရဲကောင်း ဝမ်ဇီယန်အဖြစ် ဟန်ဆောင်ကာ တစ်ခြားသူတွေကို စိတ်ဓာတ်ခွန်အားပေးကာ လွတ်မြောက်ဖို့ ကူညီပေးခဲ့ပါတယ်။ နောက်ဆုံးတော့ အကျဉ်းသားတွေဟာ စုစည်းပြီး ထောင်ဖောက်ပြေးဖို့ ကြိုးစားကြပါတယ်။ သေခါနီးအချိန်မှာ အကျဉ်းသားတွေဟာ သူတို့ရဲ့နံပါတ်တွေအစား နာမည်အရင်းတွေကို အော်ဟစ်ကာ လူသားတစ်ယောက်ရဲ့ ဂုဏ်သိက္ခာကို ထိန်းသိမ်းသွားကြပါတယ်။ ဒီဇာတ်ကားလေးဟာ သမိုင်းရဲ့သင်ခန်းစာကို လေးလေးနက်နက်နဲ့ ခံစားကြည့်ရှုရမယ့် ဇာတ်ကားမျိုးဖြစ်ပါတယ်။ဖြစ်ရပ်မှန်ကို အခြေခံ ရိုက်ကူးထားတာဖြစ်လို့ သဘာဝကျပြီး ဇာတ်ကားရဲ့ရသကို ပေါ်လွင်စေပါတယ်။ ဂျပန်စစ်တပ်ရဲ့ ရက်စက်မှုတွေ ဇီဝလက်နက် စမ်းသပ်မှုတွေနဲ့ တရုတ်ပြည်သူတွေရဲ့ ခါးသီးတဲ့ ဒု

Nick Dunne နဲ့ Amy Dunne ဆိုတဲ့ လင်မယားနှစ်ယောက်ကို အဓိကထားပြီး စတင်ပါတယ်။ သူတို့နှစ်ယောက်က နယူးယောက်မြို့မှာ စာရေးဆရာ၊ မီဒီယာလောကမှာ အောင်မြင်နေသူတွေဖြစ်ပေမယ့် စီးပွားရေးပျက်ကွက်မှုကြောင့် မစ်ဇူရီ ပြည်နယ်က Nick ရဲ့ ဇာတိမြို့လေးကို ပြန်လည်ရွှေ့ပြောင်းနေထိုင်လာကြပါတယ်။ သူတို့ရဲ့ လက်ထပ်နှစ်ပတ်လည်နေ့ မနက်မှာပဲ Amy ရုတ်တရက် ပျောက်ဆုံးသွားပါတယ်။ အိမ်ထဲမှာ အကြမ်းဖက်မှုရှိခဲ့သလို အမှတ်အသားတွေတွေ့ရပြီး ရဲတပ်ဖွဲ့က စုံစမ်းစစ်ဆေးမှု စတင်ပါတယ်။ Nick က အေးဆေးလွန်းတယ်၊ မျက်နှာအမူအရာမမှန်ဘူးလို့ မီဒီယာနဲ့ လူထုက စတင်သံသယဝင်လာကြပါတယ်။ တစ်ဖက်မှာတော့ Amy ရဲ့ ဒိုင်ယာရီတွေကို တွေ့ရပြီး Nick က အကြမ်းဖက်တတ်တဲ့ လင်ဖြစ်နိုင်တယ် ဆိုတဲ့ ပုံရိပ်ကို ပိုပြီး အားကောင်းစေပါတယ်။ အမှုကြီးလာတာနဲ့အမျှ မီဒီယာတွေက Nick ကို “မယားသတ်သမား” လိုပုံဖော်ကြပြီး လူထုအမြင်ကလည်း Nick ကို ဆန့်ကျင်လာပါတယ်။ Nick ရဲ့ မူမမှန်တဲ့ အပြုအမူတွေ၊ လျှို့ဝှက်ချက်တွေ (အိမ်ထောင်ရေးအပြင် ဆက်ဆံရေး) ကို ဖော်ထုတ်သွားတဲ့အခါ သံသယက ပိုပြီး ပြင်းထန်လာပါတယ်။ နောက်ပိုင်းမှာတော့ Amy ဟာ တကယ်တော့ မသေဘဲ ကိုယ်တိုင် ပျောက်ဆုံးသွားအောင် စီစဉ်ထားတာ ဆိုတာကို ဖော်ပြပါတယ်။ သူမဟာ Nick ရဲ့ လိမ်လည်မှု၊ အိမ်ထောင်ရေးပျက်ကွက်မှုတွေကို လက်စားချေဖို့ အလွန်အသေးစိတ်ကျတဲ့ အစီအစဉ်တစ်ခုကို စီမံထားတာပါ။ အခြေအနေတွေ ပြောင်းလဲသွားပြီး Amy က ပြန်လည် ပေါ်ထွက်လာချိန်မှာတော့.

"တစ်ခါတလေကျရင်... ငါတို့အချင်းချင်းလုပ်ခဲ့ကြတဲ့အရာတွေအတွက် ဘုရားသခင်က ခွင့်လွှတ်ပါ့မလားလို့ တွေးမိတယ်...။ ပြီးမှ ပတ်ဝန်းကျင်ကို ကြည့်လိုက်မိတဲ့အခါကျမှ... ဘုရားသခင်က ဒီနေရာကို စွန့်ခွာသွားခဲ့တာ ကြာလှပြီဆိုတာ သတိရသွားတယ်" ဒီတစ်ခါ ပရိသတ်ကြီးကို တင်ဆက်ပေးချင်တဲ့ ဇာတ်လမ်းလေးကတော့ ၉၀ ခုနှစ်ကာလ ဆီယာရာလီယွန် (Sierra Leone) နိုင်ငံရဲ့ ပြည်တွင်းစစ်မီးကြားက သွေးစွန်းနေတဲ့ စိန်ပွင့်တွေ၊ လောဘတွေနဲ့ လူသားဆန်မှု တိုက်ပွဲအကြောင်းကို ရိုက်ကူးထားတဲ့ Blood Diamond ဆိုတဲ့ ရုပ်ရှင်ဇာတ်ကားကြီးပဲ ဖြစ်ပါတယ်။ ဒီကားလေးမှာဆိုရင်တော့ ပရိသတ်တွေရင်းနှီးပြီးသား ဟောလိဝုဒ်မင်းသားကြီး Leonardo DiCaprio က စိန်မှောင်ခိုသမား Danny Archer အဖြစ်၊ Gladiator မင်းသားကြီး Djimon Hounsou က တံငါသည် Solomon Vandy အဖြစ်နဲ့ မင်းသမီးချော Jennifer Connelly က သတင်းထောက် Maddy Bowen အဖြစ် အဓိကပါဝင် သရုပ်ဆောင်ထားကြပါတယ်။ ဇာတ်လမ်းအကျဉ်း ဆော်လမွန်ဗန်ဒီ ဆိုတဲ့ တံငါသည်လေးဟာ RUF သူပုန်တွေရဲ့ ဖမ်းဆီးခြင်းခံရပြီး စိန်တွင်းတွေမှာ ကျွန်ပြုခိုင်းစေခံရပါတယ်။ တစ်နေ့မှာတော့ တန်ဖိုးကြီးမားလှတဲ့ ပန်းရောင်စိန်ပွင့်ကြီးတစ်ခုကို သူတွေ့ရှိခဲ့ပြီး အသက်နဲ့ရင်းကာ မြေကြီးထဲမှာ ဝှက်ထားခဲ့ပါတယ်။ ကံဆိုးချင်တော့ သူပုန်တွေစခန်းကို အသိမ်းခံလိုက်ရပြီး သူလည်း အစိုးရစစ်တပ်ရဲ့ ဖမ်းဆီးခြင်းကို ခံလိုက်ရပါတော့တယ်။ ဒန်နီအာချာကတော့ ဇင်ဘာဘွေကလာတဲ့ ကြေးစားစစ်သားဟေ

Abigail ဆိုတဲ့ မိန်းကလေးတစ်ယောက်ဟာ မှောင်မည်းနေတဲ့ မြေအောက်ခန်းတစ်ခုထဲမှာ သတိလစ်နေရာကနေ နိုးလာပါတယ်။ သူ ဘယ်လိုကြောင့် ဒီနေရာကို ရောက်နေသလဲ၊ ဘယ်သူက ဖမ်းခေါ်လာသလဲဆိုတာကို သူ လုံးဝမှတ်မိခြင်း မရှိပါဘူး (Amnesia)။ သူသိတာတစ်ခုကတော့ ဒီနေရာကနေ အမြန်ဆုံး လွတ်မြောက်ရမယ်ဆိုတာပါပဲ။ Abigail တစ်ယောက် မြေအောက်စင်္ကြံလမ်းတွေ၊ အခန်းအမှောင်တွေထဲမှာ လမ်းရှာရင်းနဲ့ သူတစ်ယောက်တည်း ပိတ်မိနေတာမဟုတ်မှန်း သိလာရပါတယ်။ သူနဲ့အတူ အရက်ဖြတ်ကုသရေးအဖွဲ့ (AA group) က လူတွေလည်း ပျောက်ဆုံးနေပြီး ဒီမြေအောက်ခန်းထဲမှာ ရှိနေနိုင်ကြောင်း သဲလွန်စတွေ တွေ့လာရပါတယ်။ တစ်ချိန်တည်းမှာပဲ မျက်နှာဖုံးစွပ်ထားတဲ့ လူသတ်သမားတစ်စုက သူ့ကို ဒီ labyrinth (ဝင်္ကပါ) ထဲမှာ အမဲလိုက်သလို လိုက်လံဖမ်းဆီးနေပါတယ်။ ဒီဇာတ်ကားရဲ့ ထူးခြားချက်က Abigail ဟာ အပြင်ပန်းက ရန်သူကိုတင် ရင်ဆိုင်နေရတာ မဟုတ်ဘဲ သူ့ရဲ့ အတိတ်က စိတ်ဒဏ်ရာတွေ၊ ဆွဲလမ်းမှု (Addiction) တွေနဲ့ပါ တိုက်ပွဲဝင်နေရတာပါ။ မြေအောက်ခန်းထဲက အခြေအနေတွေက တဖြည်းဖြည်းနဲ့ လက်တွေ့ဘဝလား၊ စိတ်ကူးယဉ် အိပ်မက်ဆိုးလားဆိုတာ ခွဲခြားရခက်အောင် ဖြစ်လာပါတယ်။ Abigail တစ်ယောက် အပေါ်ထပ်ကို ရောက်ဖို့ ကြိုးစားရင်းနဲ့ ဒီဖမ်းဆီးမှုတွေရဲ့ နောက်ကွယ်က ထိတ်လန့်စရာ အမှန်တရားကို သိလိုက်ရတဲ့အခါ... သူဟာ လွတ်မြောက်ခွင့်ရမှာလား၊ ဒါမှမဟုတ် သူ့ရဲ့ အမှောင်ထုထဲမှာပဲ ထာဝရ နစ်မွန်းသွားမှာလားဆိုတာကို ရင်တထိတ်ထိတ်နဲ့ ကြည့်ရှုရမှာပါ။ စကား

ချီဆောင်းအထက်တန်းကျောင်း ဆိုတာက ပြဿနာရှာပြီး ဆိုးသွမ်းတဲ့ကျောင်းသားတွေကို သီးသန့်ခေါ်ထားပြီး ပညာသင်ကြားပေးတဲ့ ကျွန်းတစ်ကျွန်းပေါ်က ပြုပြင်ရေးကျောင်းတစ်ခုပါ။ ကျောင်းအုပ်ကြီးနဲ့ ဆရာတွေကလည်း ကျောင်းသားတွေကို ရိုက်ကာနှက်ကာနဲ့ တင်းတင်းကြပ်ကြပ် အုပ်ချုပ်လေ့ရှိပါတယ်။ ဟယ်နာ၊ ဂျောင်ရှစ်နဲ့ချောဂီတို့ကတော့ တခြားကျောင်းကနေမနိုင်လို့ ဒီကျွန်းပေါ်ကကျောင်းဆီကို အပို့ခံလိုက်ရပါတယ်။ ကံဆိုးချင်တော့ သူတို့ရောက်ပြီး မကြာခင်မှာပဲ ကျောင်းအုပ်ကြီးကို Zombie ဝက်ရူးတစ်ကောင်ကိုက်သွားခဲ့ပါတော့တယ်။ Zombie ဝက် ဆိုတာကရော ဘယ်လိုအရာတွေကြောင့် ဖြစ်လာတာလဲ? Zombieဖြစ်သွားတဲ့ကျောင်းအုပ်ကြီးဆီကနေ လွတ်မြောက်အောင် သူတို့ဘယ်လိုကြိုးစားကြမလဲ၊ ကျွန်းပေါ်ကနေ အသက်ရှင်လျက် ထွက်ပြေးနိုင်ပါ့မလားဆိုတာကို ရင်တမမနဲ့ ကြည့်ရှုရမဲ့ ဇာတ်ကားကောင်း တစ်ကားဖြစ်ပါတယ်။ ဒီကားကို အညွှန်းနဲ့ဘာသာပြန်ဆိုသူက Huihui ဖြစ်ပါတယ်။

Sci-Fi နဲ့ Action thriller ဇာတ်ကားကောင်း ကြိုက်သူတွေအတွက် မင်းသားကြီး Chris Pratt နဲ့ မင်းသမီး Rebecca Ferguson တို့ ဦးဆောင်ပါဝင်ထားတဲ့ Mercy (2026) ရုပ်ရှင်ထွက်ရှိလာပါပြီ။ ဇာတ်လမ်းအကျဉ်းကတော့ အနာဂတ်ကာလတစ်ခုမှာ ရာဇ၀တ်မှုတွေကို လူသားတရားသူကြီးတွေအစား အဆင့်မြင့် AI နည်းပညာနဲ့ အချိန်တိုအတွင်း စီရင်ဆုံးဖြတ်တဲ့ စနစ်တစ်ခု ပေါ်ပေါက်လာပါတယ်။ ဒီစနစ်ကို အခိုင်အမာ ထောက်ခံအားပေးခဲ့တဲ့ စုံထောက် ခရစ်ရေဗန် (Chris Pratt) တစ်ယောက် တစ်နေ့မနက် အိပ်ရာနိုးလာတဲ့အချိန်မှာတော့ သူကိုယ်တိုင် သူ့ဇနီးသည်ကို သတ်ဖြတ်မှုနဲ့ တရားခံအဖြစ် စွပ်စွဲခံထားရပါတယ်။ သူ့ကို စစ်ဆေးမယ့်သူကတော့ ခံစားချက်မရှိတဲ့ AI တရားသူကြီး (Rebecca Ferguson) ဖြစ်နေပြီး၊ Chris အနေနဲ့ သူ့မှာ အပြစ်မရှိကြောင်း သက်သေပြဖို့ အချိန် (၉၀) မိနစ်တိတိပဲ ရပါတော့တယ်။ ဒီမိနစ် (၉၀) အတွင်းမှာ တစ်မြို့လုံးက CCTV ကင်မရာတွေ၊ ဖုန်းအချက်အလက်တွေနဲ့ နည်းပညာတွေကို အသုံးပြုပြီး သူ့ရဲ့ အပြစ်ရှိနိုင်ချေ ရာခိုင်နှုန်း (Guilt Probability) ကို မလျှော့ချနိုင်ရင်တော့ ချက်ချင်း ကွပ်မျက်ခံရမှာ ဖြစ်ပါတယ်။ ကိုယ်တိုင်က ထောက်ခံခဲ့တဲ့ တရားစီရင်ရေးစနစ်ရဲ့ သားကောင်ပြန်ဖြစ်သွားတဲ့ စုံထောက်တစ်ယောက် အချိန်မကုန်ခင် တကယ့်လူသတ်သမားကို ရှာဖွေနိုင်ပါ့မလား၊ ခံစားချက်မဲ့တဲ့ AI တရားသူကြီးကိုရော ဘယ်လို ယှဉ်ပြိုင်မလဲဆိုတာ ကြည့်ရှုရမယ့် ဇာတ်ကားကောင်း တစ်ကားဖြစ်ပါတယ်။ ဒီဇာတ်ကားကိုအညွန်းနဲ

"အလုပ်ကြောင့် မသေရင် ပင်စင်ယူတာကြောင့် သေရမယ်"ဆိုတဲ့ Tagline နဲ့အညီ ပင်စင်စားတွေကို အလုပ်ရှင်က လိုက်သတ်တဲ့ အကြမ်းစားအက်ရှင်ကားဖြစ်ပါတယ်။ ပင်စင်စားတွေဆိုလို့ သာမန်ဝန်ထမ်းတွေမထင်ပါနဲ့။ သူတို့ဟာ ကျွမ်းကျင်တဲ့ လုပ်ကြံရေးသမားတွေဖြစ်ပြီး အသက် 50ပြည့်ရင် ပင်စင်ယူရတဲ့ ကုမ္ပဏီပေါ်လစီကြောင့် နားလိုက်ရတဲ့သူတွေပါ။ ဒီလိုလူတွေကို သူတို့အလုပ်ရှင်က ပြန်သတ်ရတဲ့အကြောင်းရင်းက ပင်စင်ငွေကြောင့်ပါ။ စာချုပ်အရ မစ်ရှင်လုပ်ရင်း သေဆုံးသွားရင် ဒီပင်စင်ငွေတွေကို ကုမ္ပဏီကပဲ ပြန်သိမ်းခွင့်ရှိတာကြောင့် ဖြစ်ပါတယ်။ ပြောရရင် Fund အဖြစ်သူတို့ထည့်ထားတဲ့ငွေတွေကို အနားယူတဲ့အချိန် ကုမ္ပဏီဘက်က အချိုးတူပြန်ပေးရပါတယ်။ လက်ရှိမှာ ကုမ္ပဏီကအကြွေးတင်နေတာမို့ ပင်စင်စားတွေကို လိုက်သတ်ခိုင်းရင်း ထိပ်တန်းလုပ်ကြံရေးသမားဖြစ်တဲ့ ဒန်ကန်အလှည့်ကို ရောက်လာတာပါ။ ဒန်ကန်ကို မစ်ရှင်အယောင်ပြလွှတ်ပြီး လုပ်ကြံလို့ မုဆိုးကနေ သားကောင်ဖြစ်သွားပေမယ့် အတွေ့အကြုံရော အရည်အချင်းပါ ထိပ်တန်းအဆင့်ဆိုတော့ သူတစ်ဦးတည်းနဲ့ ဘော့စ်ရဲ့လူတွေကိုရင်ဆိုင်လက်တုံ့ပြန်တာကို အမိုက်စားသရုပ်ဆောင်ကွက်တွေနဲ့ ကြည့်ရမှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ရွာတစ်ရွာရဲ့ ကပ်လျက်အိမ်နှစ်အိမ်မှာ မင်္ဂလာဆောင်နဲ့ နာရေးကိစ္စ တစ်ပြိုင်နက်တည်း တိုက်ဆိုင်သွားတဲ့အခါ ဘာတွေဆက်ဖြစ်မလဲ။ မင်္ဂလာဆောင်ဘက်ကလည်း သတ်မှတ်ထားတဲ့အချိန်မှာ အခမ်းအနားမစရင် အသေခံမယ်ဆိုပြီး ခြိမ်းခြောက်၊ နာရေးအိမ်ကလည်း အဲဒီအချိန်မှာပဲ အသုဘအခမ်းအနားကို ခမ်းခမ်းနားနား လုပ်ချင်ကြတဲ့အခါ ရွာလုံးကျွတ် ဗရုတ်သုတ်ခတွေ ဖြစ်ကုန်ကြပါတယ်။ အိမ်နီးချင်းနှစ်ဖက်ရဲ့ အားပြိုင်မှုနဲ့ မာနတွေကြားမှာ ကြားညှပ်နေတဲ့ ရွာလူကြီးတွေ၊ နိုင်ငံရေးသမားတွေနဲ့ ရွာသူရွာသားတွေရဲ့ ပုံစံတွေကို ရယ်ရမလို၊ ငိုရမလို ဟာသနှောပြီး တင်ဆက်ထားတာပါ။ ဒီဇာတ်ကားက ရိုးရိုးရှင်းရှင်း ဇာတ်လမ်းလေးလို ထင်ရပေမဲ့ လူတွေရဲ့ အတ္တ၊ အယူသည်းမှုနဲ့ မိသားစုပြဿနာတွေကို သရော်ထားတဲ့ ဇာတ်ကားကောင်း တစ်ကားဖြစ်ပါတယ်။ ပျော်စရာနဲ့ ဝမ်းနည်းစရာ ဒွန်တွဲနေတဲ့ အခိုက်အတန့်တွေကို ရင်တမမနဲ့ ကြည့်ရှုရမှာဖြစ်ပြီး၊ နောက်ဆုံးမှာ ဘယ်ဘက်က အနိုင်ရသွားမလဲ။ အခက်အခဲတွေကြားကပဲ ပွဲနှစ်ခုလုံး အဆင်ပြေပြေ ပြီးသွားပါ့မလားဆိုတာကို စိတ်ဝင်တစား စောင့်ကြည့်ရမဲ့ ဇာတ်ကားလေး ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Clara Sol ဖြစ်ပါတယ်

ဒီဇာတ်ကားလေးကတော့ 1971 ခုနှစ် အိန္ဒိယ-ပါကစ္စတန် စစ်ပွဲအတွင်း အသက် ၂၁ နှစ်အရွယ်မှာတင် တိုက်ပွဲဝင်ရင်း ကျဆုံးသွားခဲ့တဲ့ အိန္ဒိယစစ်တပ်က အငယ်ဆုံးနဲ့ အမြင့်ဆုံး စစ်ဘက်ဆိုင်ရာ ဘွဲ့တံဆိပ် ရရှိသူ ဒုတိယဗိုလ်မှူး အာရွန်ခီတာပါ ရဲ့ အတ္ထုပ္ပတ္တိကို အခြေခံထားတာ ဖြစ်ပါတယ်။ ဇာတ်လမ်းအစမှာ ပါကစ္စတန်က ဗိုလ်ကြီး နစ်ဆာက အိန္ဒိယကနေ ကျောင်းသားတွေ့ဆုံပွဲအတွက် ပါကစ္စတန်ကို ပြန်လာတဲ့ အငြိမ်းစား ဗိုလ်မှူးကြီး ခီတာပါ ကိုသွားချင်တဲ့နေရာတွေ လိုက်ပို့ပေးတယ်။ ခီတာပါက ပါကစ္စတန်ရောက်တုန်း သားဖြစ်သူ အာရွန်ရဲ့ တိုက်ပွဲကျခဲ့တဲ့ နေရာလေးကို လိုက်ပို့ပေးဖို့ နစ်ဆာကို တောင်းဆိုလိုက်ချိန်မှာ နစ်ဆာတစ်ယောက် တိုက်ပွဲနေ့က အကြောင်းတွေကို အသေးစိတ်ပြန်ပြောပြပြီး အာရွန်ရဲ့ ရဲရင့်မှုတွေနဲ့အတူ ဝမ်းနည်းစရာ ဇာတ်လမ်းလေးတစ်ပုဒ် ဖြစ်လာပါတယ်။ ဒီကားရဲ့ ထူးခြားချက်ကတော့ သာမန်စစ်ကားမျိုးမဟုတ်ဘဲ တင့်ကားတွေနဲ့ ဦးစားပေးတိုက်ခိုက်တဲ့ စစ်ကားပုံစံလေးမို့ စိတ်ဝင်စားဖို့ အရမ်းကောင်းပါတယ်။ ဒီဇာတ်ကားမှာ အာရွန် အဖြစ် မင်းသား Agastya Nanda ၊ နစ်ဆာ အဖြစ် မင်းသား Jaideep Ahlawat နဲ့ ကီရန် အဖြစ် မင်းသမီး Simar Bhatia တို့က အဓိက ပါဝင်သရုပ်ဆောင်ထားတာ ဖြစ်ပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Cherry ဖြစ်ပါတယ်။

၁၉ ရာစုကနေ ၂၀ ရာစုကို အကူးအပြောင်းကာလရဲ့ ညနေခင်းတစ်ခု … ။ London မြို့ ကဇာတ်ရုံတစ်ရုံထဲက စင်မြင့်ပေါ်မှာဖျော်ဖြေနေတဲ့ မျက်လှည့်ဆရာကြီးကို စိတ်ဝင်တစားစောင့်ကြည့်နေတဲ့ ပရိသတ်တွေထဲ Robert Angier နဲ့ Alfred Borden ဆိုတဲ့ လူငယ်နှစ်ယောက်လည်း ပါနေတယ်။ နှစ်ဦးလုံးရဲ့ မျက်လုံးတွေက ပဉ္စလက်ဆရာကို မမှိတ်မသုန်ကြည့်နေပေမယ့်၊ သူတို့နှူတ်ခမ်းပေါ်က အပြုံးတွေကတော့ အဓိပါ္ပယ်ချင်း မတူညီကြဘူး။ Angier က မျက်လှည့်ပြကွက်ရဲ့ ဆန်းကြယ်ပုံကို တအံ့တသြနဲ့ သဘောကျပြီး ပြုံးနေတာ။ Borden ရဲ့ မျက်နှာပေါ်မှာ ရှိနေတာကတော့ ဒီမျက်လှည့်ဆရာရဲ့ လျို့ဝှက်ချက်ကို သူ့မျက်စိထဲမှာ ရှင်းရှင်းလင်းလင်း မြင်နေရလို့ ကိုယ့်ကိုယ်ကို ကျေနပ်တဲ့အပြုံးမျိုး။ တကယ်တော့ Angier နဲ့ Borden တို့ကိုယ်တိုင်က တက်လမ်းရှာနေကြတဲ့ မျက်လှည့်ဆရာပေါက်စတွေ။ တစ်ခုကွာတာက Angier အတွက် အသက်မွေးဝမ်းကျောင်းဖြစ်လာမယ့်ဝါသနာတစ်ခုသက်သက်ဖြစ်တဲ့ ပဉ္စလက်အတတ်ဟာ Borden အတွက်တော့ သူ့ဖြစ်တည်မှူတစ်ခုလုံးရဲ့ အသွေးအသား ဖြစ်နေတာပဲ။ မျက်လှည့်ဆရာတစ်ယောက်ဟာ ပြောင်မြောက်တဲ့ပြကွက်တစ်ခုအတွက် ဘဝတစ်ခုလုံးကို ရင်းနှီးနိုင်ရမယ်၊ လိုအပ်လာရင် တစ်ဖက်သားကိုနာကျင်စေမယ့်ကိစ္စတွေကိုလည်း လုပ်နိုင်စွမ်းရမယ်လို့ နားလည်ခံယူထားတဲ့ Borden က ဒီအတတ်ပညာပေါ်မှာ သူ့လောက်လေးစားမှူမရှိဘူးလို့ သူယူဆထားတဲ့ Angier ကို အားမရဘူး။ ဒါပေမယ့်၊ အထူးချွန်ဆုံးမျက်လှည့်ဝိဇ္ဇာဖြစ်တဲ့ကံကြမ္မာက ရက်စက်တဲ့လှည့်ကွက်တစ်

ဒီဇာတ်ကား​လေးက​တော့ ၂၀၂၅ မှာ အသစ်ထွက်ရှိထားပြီး တောင်တက်ခြင်းအ​ကြောင်းအရာကို ​အခြေခံရိုက်ကူးထားတဲ့ အင်ဒိုနီးရှားဖြစ်ရပ်မှန် စွန့်စားခန်း​ဟော်ရာဇာတ်ကား​လေး ဖြစ်ပါတယ်။ ​တော​တောင်​သဘာဝပတ်ဝန်းကျင်ဆိုတာ ​သဘာဝတရားရဲ့လက်​​ဆောင်မွန်မို့ စိတ်အပန်း​ပြေ​စေ​ပေမယ့် ​​​တောနက်​လေ အ​​စောင့်အ​ရှောက်ကြမ်း​လေမို့ အ​နေအထိုင်ဆင်ခြင်ရပါတယ်။ ဒီဇာတ်ကား​လေးထဲမှာ​တော့ က​လေးဘဝမှာ ​အ​မေဖြစ်သူကို တောင်တက်ရင်းနဲ့​ဆုံးရှုံးလိုက်ရတဲ့ ဒရူပါဒီဟာ အသက် ၁၇ နှစ်​မွေး​နေ့အမှတ်တရအဖြစ် သူ့အ​မေ ​ပျောက်သွားခဲ့တဲ့ ဆာရန်ဂန်​တောင်​ကို သူငယ်ချင်းအဖွဲ့နဲ့ အတူ​တောင်တက်ဖို့ ဖြစ်လာပါတယ်။ ဆယ်​ကျော်သက်လူငယ်အဖွဲ့ သူတို့ရဲ့စူးစမ်းလိုစိတ်​ကြောင့် လမ်း​ပျောက်သွားကြပါတယ်။ ဇနီးသည်ကို ဆုံးရှုံးခဲ့ရတဲ့ ဆာရန်ဂန်​တောင်​မှာပဲ သမီးဖြစ်သူကို ​လိုက်ရှာဖို့ ကြိုးစား​နေရတဲ့ ဒရူပါဒီ့ဖခင် တီတိုရဲ့​သောက​တွေကို ထပ်တူခံစားရမှာဖြစ်ပြီး အဲဒီ​တောင်မှာရှိတဲ့ လျှို့ဝှက်ဆန်းကြယ်အ​ကြောင်းအရာများကို ရင်တထိတ်ထိတ်နဲ့ ခံစားကြည့်ရှုရမယ့် ဖြစ်ရပ်မှန်အ​ခြေခံ အင်ဒို​ဟော်ရာကား​လေး ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

Hello ဒီတစ်ခေါက်မှာတော့ “Creation of the Gods II : Demon Force (2025)” ဆိုတဲ့ ဇာတ်ကားလေးကို တင်ဆက်ပေးသွားမှာပဲ ဖြစ်ပါတယ် ။ Creation of the Gods II: Demon Force (2025) ဟာ 2023 ခုနှစ် တရုတ်ရဲ့ ဝင်ငွေအကောင်းဆုံး ရုံတင်ဇာတ်ကားကြီးဖြစ်တဲ့ Creation of the Gods I: Kingdom of Storms ( 2023 ) အဆက် ဖြစ်ပြီး တရုတ်ပြည်ရဲ့ ဂန္တဝင်မြောက်ဝတ္ထုတစ်ခုဖြစ်တဲ့ နာမည်ကြီး စွန်းဝူခုန်းဝတ္ထု နဲ့ အပြိုင်နာမည်ကျော်ကြားတဲ့ ဂန္တဝင်မြောက်ဝတ္ထု 《封神演义》 (Fengshen Yanyi) ကို ပြန်လည်ရိုက်ကူးတင်ဆက်ထားတာပဲ ဖြစ်ပါတယ်။ ဇာတ်လမ်းအကျဉ်း မြေခွေးမိစ္ဆာစူးသာ့ကျီ၏ ညွှတ်ကွင်းအောက်မှာ နစ်မြောနေတဲ့ ယင်ရှို့ဟာ ဖခင်အပါအဝင် မိသားစုဝင် အားလုံးကို သတ်ကာ ဘုရင်အဖြစ် နန်းတက်ခဲ့ပါတယ်။ ဖခင်ရဲ့ ရက်စက်စွာလုပ်ကြံသတ်ဖြတ်မှုကြောင့် အသက်ပေးခဲ့ရတဲ့ ရှန်းတိုင်းပြည်ရဲ့ အိမ်ရှေ့စံမင်းသား ယင်ကျောက်ဟာ အငြိုးနဲ့ ဒေါသတရားကြောင့် အသက်ဓာတ်ပျောက်ကွယ်သွားဖို့ ငြင်းဆန်နေခဲ့ပြီး ခွန်လွန်တောင်မှ မသေမျိုးများ၏ကူညီမှုဖြင့် အသက်ပြန်ရှင်လာခဲ့ပါတယ်။ တစ်ဖက်မှာလည်း ယင်ကျောက်၏ မိတ်ဆွေဖြစ်သူ ကျီဖာဟာ ရှန်းတိုင်းပြည်ရဲ့ ဧကရာဇ်ယင်ရှို့ကို လုပ်ကြံခဲ့ပြီးနောက် ရှန်းတိုင်းပြည်နဲ့ ရှီချီဟာ စစ်ပွဲကြီးစတင်ခဲ့ပါတော့တယ်။ ရှန်းဘုရင်ရဲ့ အမိန့်နဲ့ ရှန်းစစ်သူကြီး တျန့်ချန်းယွီဟာ မိစ္ဆာစစ်သူကြီး(၄)ယောက်ကို ဦးဆောင်ပြီး ရှီချီကိုစစ်ချီတက်လာခဲ့ပါတော့တယ် ။ ထိုသို့ ရှီချီမြို့

တရုတ်နန်းတွင်းသိုင်းကားတွေကြိုက်နှစ်သက်တဲ့သူတွေအတွက် Creation of the Gods I: Kingdom of Storms ဆိုတဲ့ IMDB မှာ Rating 7.4 တောင်ရထားတဲ့ဇာတ်ကားကိုတင်ဆက်ပေးလိုက်ပါတယ်။ဇာတ်လမ်းအမျိုးအစားကတော့စိတ်ကူးယဉ် ဒရာမာအမျိုးအစားပဲဖြစ်ပါတယ်။ဇာတ်ကားနာမည်အတိုင်းမိုးနတ်မင်းကြီးတွေကကမ္ဘာပေါ်မှာအကျင့်ဖောက်ပြားတဲ့ဘုရင်တစ်ယောက်အုပ်စိုးနေတဲ့အတွက် သဘာဝဘေးအန္တရာယ်တွေကပ်ဆိုးတွေကိုဖန်တီးထားပါတယ်။ဒီလိုကပ်ဆိုးတွေကိုဖယ်ရှားဖို့အတွက်နတ်ကျမ်းစာကိုကမ္ဘာကြီးရဲ့စစ်မှန်တဲ့အုပ်ချုပ်သူကသာဖွင့်ပြီးတော့ဖယ်ရှားရမှာဖြစ်ပါတယ်။ဒီလိုပျက်စီးနေတဲ့ကမ္ဘာကြီးမှာအဲ့လိုစစ်မှန်တဲ့အုပ်ချုပ်သူတစ်ယောက်ကိုရှာတွေ့ဖို့ဆိုတာကခက်ခဲပါတယ်။နောက်ပိုင်းမှာလဲနတ်ဆိုးတွေပါပါဝင်လာပြီးနတ်ကျင့်စဉ်ကျင့်တဲ့သူတွေနဲ့စစ်တပ်တွေကြားတိုက်ခိုက်ပုံတွေနဲ့တိုင်းပြည်ကိုသာယာဝပြောအောင်ပြန်လုပ်ပုံတွေကိုစိတ်ဝင်တစားကြည့်ရှုရမဲ့ဇာတ်ကားပဲဖြစ်ပါတယ်။

၂၀၂၆ ခုနှစ်၊ ဇန်နဝါရီလထဲမှာ ရုံတင်ခဲ့ပြီး၊ ဖေဖော်ဝါရီလ (၁၀) ရက်နေ့မှာ Digital ထွက်လာတဲ့ "Primate" (2026) ဆိုတဲ့ Animal Attack ဟော်ရာကားကို "47 Meters Down" ရိုက်ခဲ့တဲ့ ဒါရိုက်တာ Johannes Roberts က ရိုက်ကူးထားတာဖြစ်ပြီး၊ Cujo (ခွေးရူးကား) ပုံစံမျိုးကိုမှ ဉာဏ်ကြီးတဲ့ မျောက်ကြီးနဲ့ အစားထိုးပြီး ရိုက်ကူးထားတာပါ။ ဇာတ်လမ်းအကျဉ်းက ဒီလိုဗျ... Lucy ဆိုတဲ့ ကောင်မလေးက ကျောင်းပိတ်ရက်မှာ သူငယ်ချင်းတွေကိုခေါ်ပြီး ဟာဝိုင်အီက သူ့အိမ်ကို အလည်ပြန်လာတယ်။ သူ့အိမ်မှာ ထူးခြားတာက "Ben" လို့ခေါ်တဲ့ အိမ်မွေး ချင်ပန်ဇီမျောက်ဝံကြီး တစ်ကောင် ရှိနေတာပါ။ Ben က သာမန်မျောက်ဝံ မဟုတ်ဘဲ မိသားစုဝင်လို သဘောထားရတဲ့၊ သင်္ကေတပြစကားတွေပါ နားလည်တဲ့ သဘောကောင်းတဲ့ကောင်ကြီးပေါ့။ ဒါပေမဲ့ ကံဆိုးချင်တော့ Ben ဟာ တောထဲက မြွေပါတစ်ကောင် အကိုက်ခံရရာကနေ ခွေးရူးပြန်ရောဂါ ကူးစက်သွားပါတယ်။ ရောဂါဝင်သွားတဲ့အခါ Ben က သဘောကောင်းတဲ့ မျောက်ဝံအဖြစ်ကနေ ရုတ်တရက် သွေးဆာနေတဲ့ သားရဲကြီးအဖြစ် ပြောင်းလဲသွားပါတော့တယ်။ ဒီကားရဲ့ ကြောက်စရာကောင်းတဲ့ အချက်က Ben က ရူးသွားပေမယ့် ဉာဏ်မပျောက်သွားတာပါပဲ။ အိမ်ထဲက လူတွေကို ဘယ်လိုလိုက်ရှာရမလဲ၊ ဘယ်လို ထောင်ချောက်ဆင်ရမလဲဆိုတာ နားလည်နေပြီး၊ Lucy တို့ သူငယ်ချင်းတစ်သိုက်နဲ့ ဖခင်ဖြစ်သူတို့ကို အိမ်ထဲမှာ ပိတ်မိနေအောင် လုပ်ပြီး တစ်ယောက်ချင်းစီ လိုက်သတ်ပါတော့တယ်။ ထူးခြားတာက ဒီကားထဲက မျောက်ဝံကြီး Ben ကို CGI နဲ့

ဘာဟုဘာလီမင်းသားရဲ့ ဟာသ သရဲကားလေး ဖြစ်ပါတယ်။ ရာဂျာဆာ ဟာ အဖွားရဲ့ ဆန္ဒကို ဖြည့်ဆည်းဖို့ နှစ်ပေါင်းများစွာပျောက်ဆုံးနေတဲ့ အဖိုးကို လိုက်ရှာရင်း တောအုပ်ကြီးအလယ်က ကျောက်သံပတ္တမြားတွေ အပြည့်ရှိတဲ့ ခမ်းနားတဲ့ အိမ်ကြီးတစ်လုံးဆီ ရောက်သွားခဲ့တယ်။ အိမ်ကြီးက သူရှာနေတဲ့ သူ့အဖိုးရဲ့ အိမ်ကြီးဖြစ်ပြီး သူ့အဖိုးက လွန်ခဲ့တဲ့ လအနည်းငယ်က သေသွားတာကို သိလိုက်ရတယ်။ ရာဆာဂျာတစ်ယောက် အဖိုးလုပ်သူရဲ့ စည်းစိမ်တွေအစွဲနဲ့ လူပြန်ဝင်စားဖို့ လုပ်ထားတဲ့ အစီရင်တွေကို ဘယ်လိုအနိုင်ယူမလဲ၊ မချောလေး သုံးယောက်ကြားမှာ ဘယ်လိုတွေ ဗျာများရမလဲ၊ အိမ်ကြီးထဲက ထွက်ဖို့ ဘယ်လိုရူးကြောင်ကြောင်အကွက်တွေကို သုံးမလဲဆိုတာ ကြည့်ရမယ့် ဟာသဇာတ်ကားလေးပဲ ဖြစ်ပါတယ်။ ဒီဇာတ်ကားမှာ ရာဂျာဆာ အဖြစ် မင်းသား Prabhas ၊ အနာကာရာဂျူး အဖြစ် မင်းသားကြီး Sanjay Dutt နဲ့ ဘိုင်ရာဗီ အဖြစ် မင်းသမီး Malavika Mohanan တို့က အဓိက ပါဝင်သရုပ်ဆောင်ထားတာ ဖြစ်ပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Cherry ဖြစ်ပါတယ်။

* Movie Request ထဲကတောင်းဆိုထားတဲ့ ဇာတ်ကားဖြစ်ပါသည်။ ယခုတစ်ခေါက်တင်ဆက်ပေးမယ့် ဇာတ်ကားလေးကတော့ 1995 ခုနှစ်ကထွက်ရှိခဲ့တဲ့ Casper ဆိုတဲ့ဇာတ်ကားလေးဖြစ်ပါတယ်။ ဇာတ်ကားလေးရဲ့အကျဉ်းချုပ်ကတော့ ကာရီဂန်ဆိုတဲ့အမျိုးသမီးဟာ သူ့ရဲ့သေဆုံးသွားတဲ့ယောကျာ်းဆီကနေ စံအိမ်တစ်လုံးအမွေရလိုက်ပါတယ်။ အိုဟောင်းနေပြီဖြစ်တဲ့စံအိမ်ကြီးကို မလိုချင်ပေမယ့် ရတနာတွေရှိတယ်ဆိုတဲ့အထင်နဲ့ ကာရီဂန်တစ်ယောက် အဲ့အိမ်ကြီးဆီ ရောက်သွားပါတော့တယ်။ ဒါပေမယ့် ရောက်ရောက်ချင်းမှာပဲ ကတ်စပါဆိုတဲ့ သရဲလေးနဲ့တွေ့ပြီး ပြန်ပြေးရပါတော့တယ်။ ရတနာတွေကိုလိုချင်တာကြောင့် ကာရီဂန်တစ်ယောက် နည်းလမ်းမျိုးစုံသုံးပြီး သရဲတွေကို နှိမ်နှင်းဖို့ကြိုးစားပေမယ့် မအောင်မြင်ပါဘူး။ဒီလိုနဲ့ တီဗီအစီအစဉ်တစ်ခုကနေ အပနှင်သူ ဒေါက်တာဂျိမ်းဆိုသူကို တွေ့ပြီး အပနှင်ပေးဖို့ ငှားလိုက်ပါတော့တယ်။ ဒီလိုနဲ့ ဒေါက်တာဂျိမ်းရောက်လာပြီးနောက် သရဲတွေကို နှင်ထုတ်သွားနိုင်မှာလား။ ရတနာတွေကိုရော တွေ့ရှိသွားမှာလား။ ရှိနေတဲ့သရဲတွေကရော ဘယ်လိုမျိုးသရဲတွေလဲ စတာတွေကို သိရှိချင်တယ်ဆိုရင်တော့ ဇာတ်ကားလေးကို အမြန်ကြည့်လိုက်ဖို့ ဖိတ်ခေါ်လိုက်ပါတယ်။ သရဲကားဆိုပေမယ့် ဟာသဆန်ဆန်ရိုက်ကူးထားတာ လုံး၀ကိုမကြောက်ရပဲ ပေါ့ပေါ့ပါးပါး အပန်းဖြေတဲ့အနေနဲ့ကြည့်ရှုသင့်တဲ့ဇာတ်ကားလေးဆိုလည်း မမှားပါဘူး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Paing Chan Thar ဖြစ်ပါတယ်

ယခုတစ်ခေါက်တင်ဆက်ပေးမယ့်ဇာတ်ကားလေးကတော့ 2013 က ထွက်ရှိခဲ့တဲ့ Horns ဆိုတဲ့ဇာတ်ကားလေးဖြစ်ပါတယ်။ ရုပ်ရှင်ကြိုက်သူတွေ မသိသူမရှိတဲ့ Harry Potter မင်းသား ပါ၀င်သရုပ်ဆောင်ထားတဲ့အပြင် IMDb လည်း 6.4 ရထားတာမို့ ကြည့်ရှုသင့်တဲ့ဇာတ်ကားကောင်းလေးဖြစ်ပါတယ်။ အကျဉ်းချုပ်ကတော့ အေ့စ်နဲ့မယ်ရင်တို့ဟာ ငယ်စဥ်ကတည်းအရမ်းချစ်လာကြတဲ့ ချစ်သူတွေပါ။ တစ်နေ့မှာတော့ မယ်ရင်တစ်ယောက်အသတ်ခံလိုက်ရပြီး အဓိကလူသတ်တရားခံအဖြစ် သံသယရှိနေသူက အေ့စ်ပဲဖြစ်နေပါတယ်။ တစ်မြို့လုံးကလည်း သတ်တဲ့လူက အေ့စ်လို့ပဲယူဆပြီး အေ့စ်ကို ဝိုင်းပြီးရွံရှာမုန်းတီးသွားကြပြီး ထောင်ကျအောင် ကြိုးစားကြပါတော့တယ်။ ချစ်ရသူ သေဆုံးသွားတဲ့အပြင် သူ့ကို လူသတ်တရားခံအဖြစ်စွပ်စွဲခံလာရတဲ့အခါ အေ့စ်တစ်ယောက် သူအပြစ်မရှိကြောင်း သက်သေပြဖို့ကြိုးစားရင်း တစ်နေ့မှာတော့ ခေါင်းမှာဂျိုတွေပေါက်လာပါတော့တယ်။ ဂျိုတွေပေါ်လာပြီးနောက်ပြီး လူတွေဟာ အေ့စ်ကို သူတို့စိတ်ထဲက လုပ်ချင်နေတဲ့မြိုသိပ်ထားတဲ့ဆန္ဒတွေကို အလိုလိုထုတ်ပြောလာပါတော့တယ်။ လူတွေကို အမှန်အတိုင်းပြောလာအောင် လုပ်နိုင်တဲ့စွမ်းရည်ရလာတဲ့ အေ့စ်တစ်ယောက် သူအပြစ်မရှိကြောင်းကို သက်သေပြနိုင်မှာလား။ လူသတ်သမားအစစ်ကိုရော ဖော်ထုတ်နိုင်မှာလား။ လူသတ်သမားကရော ဘယ်သူဖြစ်နေမလဲ စတာတွေကို စိတ်၀င်စားဖွယ် Mystery ဆန်ဆန်ရိုက်ကူးထားတာမို့ အမြန်ပဲကြည့်ရှုလိုက်ဖို့ ဖိတ်ခေါ်လိုက်ရပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Paing Chan Thar ဖြစ်ပါတယ်

ချမ်းသာကြွယ်ဝတဲ့ မိသားစုဆီရဲ့ အသက် 8နှစ်အရွယ်ကလေးကို ပြန်ပေးဆွဲမိရာကနေ ကြောက်မက်ဖွယ် အဖြစ်ဆိုးတွေ တစ်ခုပြီးတစ်ခုဖြစ်လာတဲ့ Horror အမျိုးအစားဖြစ်ပါတယ်။ ထောင်ကလွတ်လာပြီး ချစ်သူ ရော့စ်နဲ့အတူ ဘဝသစ်စဖို့ စီစဉ်နေတဲ့ မက်စ်...သူ့စိတ်ကူးက စားသောက်ဆိုင်လေးတစ်ဆိုင်ဖွင့်ဖို့ဆိုပေမယ့် ဘဏ်က ငွေထုတ်ချေးဖို့ ငြင်းပယ်လိုက်လို့ အပေါင်းအသင်းဟောင်းတွေနဲ့ အလုပ်တစ်ခုလုပ်ဖို့ လက်ခံလိုက်ရပါတယ်။ အဲဒီအလုပ်က 8နှစ်အရွယ်ကောင်လေးကို ပြန်ပေးဆွဲငွေညှစ်ရမယ့် အလုပ်ဖြစ်ပြီး မက်စ်နဲ့ရော့စ်တို့စုံတွဲက ကျန်လူနှစ်ယောက်နဲ့အတူ အလုပ်စခဲ့ပါတယ်။ ဒါမဲ့သူတို့မသိတာက အဲဒီကလေးမှာ မှောင်မိုက်တဲ့လျှို့ဝှက်ချက်ရှိနေပြီး သူတို့စိတ်ထဲကို ဝင်ရောက်ဖို့လုပ်တဲ့အခါ...မက်စ်တို့ပြန်ပေးအဖွဲ့ဆီ ဘယ်လို ကံကြမ္မာဆိုးတွေ ယူဆောင်လာမလဲ ဒီကလေးရဲ့ ရည်ရွယ်ချက်က ဘာလဲဆိုတာ အိပ်ရာဝင်ပုံပြင်အနေနဲ့ ကြည့်လို့ကောင်းမယ့် ဇာတ်လမ်းတစ်ပုဒ်ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ဇာတ်လမ်းရဲ့ အဓိကကျောရိုးကတော့ မြို့ပြရဲ့ အောက်ခြေအဆင့်မှာ နေထိုင်ရတဲ့ ဂျက်၊အေဗာနဲ့ သူတို့ရဲ့ လူမည်းသူငယ်ချင်းတို့ဟာ ဆင်းရဲမွဲတေမှုနဲ့ အနာဂတ်မရှိတဲ့ ဘဝက​နေလွတ်မြောက် ဖို့အတွက် အန္တရာယ်အရှိဆုံး အလုပ်တစ်ခုကိုစတင်ခဲ့ကြပါတယ်။ သူတို့ဟာ ဘဝသစ်တစ်ခုကို တည်ဆောက်ဖို့အတွက်ဆိုတဲ့ ရည်ရွယ်ချက်နဲ့ မြို့ရဲ့ သြဇာကြီး လက်နက်မှောင်ခိုခေါင်းဆောင် ရစ်ခ်ရဲ့ လက်နက်တွေကိုခိုးယူရောင်းချဖို့ ဆုံးဖြတ်ခဲ့ကြပါတယ်။ဒါပေမဲ့ သူတို့ မျှော်လင့်ထားသလို မဖြစ်ဘဲ အစီအစဉ်တွေဟာ လွဲချော်ပြီး ကျရှုံးသွားခဲ့ပါတယ်။ ရစ်ခ်ကလည်း သူ့ရဲ့ ပစ္စည်းတွေကို ပြန်ရဖို့အတွက် သူ့ဂိုဏ်းသူငယ်ချင်းနဲ့ သူတို့နောက်ကို တောက်လျှောက် လိုက်တဲ့အခါမှာတော့ သူတို့သူငယ်ချင်း သုံးယောက်လုံးဟာ မြို့ပြရဲ့ အမှောင်ဆုံးအရပ်တွေမှာ ပုန်းအောင်းရင်း၊ တစ်ဖက်မှာလည်း ရဲတပ်ဖွဲ့ရဲ့ ဖမ်းဆီးမှုကို ရှောင်ကွင်းရင်းနဲ့ အကျပ်အတည်းပေါင်းစုံကို ရင်ဆိုင်ရပါတော့တယ်။ ဒီဇာတ်ကားရဲ့ ထူးခြားချက်က အက်ရှင်တင်မကဘဲ အကျပ်အတည်းကြားမှာ ဖြစ်ပေါ်လာတဲ့ ဇာတ်ကောင်တွေရဲ့ အတွင်းစိတ်ခံစားချက်ကိုပါ သေချာပုံဖော်ထားတာပါ။ တစ်ယောက်ကိုတစ်ယောက် အပြစ်တင်မိတာတွေ၊ သေဘေးနဲ့ နီးကပ်လာတဲ့အခါမှာ ဖြစ်ပေါ်လာတဲ့ ကြောက်ရွံ့မှုတွေနဲ့ သူတို့ကြားက ခိုင်မြဲတဲ့ သံယောဇဉ်တွေ ဘယ်လိုပြိုလဲမလဲဆိုတာကို ရင်တထိတ်ထိတ်နဲ့ စောင့်ကြည့်ရပါမှာ။ အဆုံးသတ်မှာတော့ ရစ်ခ်ရဲ့ ရက်စက်တဲ့ လက်စားချေမှုကနေ သူတို့ လွတ်မြောက်နိုင်မလား၊ ဒါမ