လူကြည့်များသော ရုပ်ရှင်များ

Breach ရုပ်ရှင်ဟာ နည်းပညာတွေ အဆမတန် တိုးတက်လာတဲ့ အနာဂတ်ကမ္ဘာကြီးမှာ လူသားတွေ ဘယ်လိုအကျပ်အတည်းတွေနဲ့ ရင်ဆိုင်ရမလဲဆိုတာကို ရိုက်ကူးတင်ဆက်ထားတဲ့ ရုပ်ရှင်ကားကောင်း တစ်ကား ဖြစ်ပါတယ်။ ဒီဇာတ်ကားဟာ ဇာတ်လမ်းတစ်ပုဒ်တည်းကို အစအဆုံး သွားတာမျိုးမဟုတ်ဘဲ၊ မတူညီတဲ့ အနာဂတ်ရဲ့ ကြောက်မက်ဖွယ်ရာ ဖြစ်ရပ် (၅) ခုကို စုစည်းပြီး Sci-Fi Anthology အနေနဲ့ အသစ်အဆန်း တင်ဆက်ထားတာ ဖြစ်ပါတယ်။ ဒီဇာတ်ကားမှာ အဓိကအားဖြင့် နည်းပညာတွေဟာ လူသားတွေရဲ့ ထိန်းချုပ်မှုအောက်ကနေ လွတ်ထွက်သွားတဲ့အခါ ဖြစ်လာမယ့် ဆိုးကျိုးတွေကို ကြည့်ရှုရမှာပါ။ လူမှုအသိုင်းအဝိုင်းကြီး တဖြည်းဖြည်း ပြိုကွဲပျက်စီးလာချိန်၊ လူသားတွေအနေနဲ့ အသက်ရှင်သန်ဖို့အတွက် မိမိတို့ရဲ့ ခံနိုင်ရည် ကန့်သတ်ချက်တွေကို ကျော်လွန်ပြီး ဘယ်လောက်ထိ ရုန်းကန်ရမလဲဆိုတာကို ဇာတ်လမ်းက မီးမောင်းထိုး ဖော်ပြပေးထားပါတယ်။ အနာဂတ်ရဲ့ မှောင်မိုက်တဲ့ အသွင်အပြင်တွေနဲ့ နည်းပညာရဲ့ အန္တရာယ်တွေကို ထိတ်လန့်ဖွယ် ဇာတ်ကွက်တွေနဲ့ ဖန်တီးထားတာကြောင့် ကြည့်ရှုသူတိုင်းကို အတွေးပွားစေမှာ အသေအချာပါပဲ။ ဒီဇာတ်ကားကို ဒါရိုက်တာ Aleksandra Czenczek နဲ့ Roy Huang တို့က ပူးတွဲ ရိုက်ကူးဖန်တီးထားတာ ဖြစ်ပါတယ်။ သရုပ်ဆောင်တွေ အနေနဲ့ကတော့ Jennifer Sun Bell, Sophie Kennedy Clark, Janet Carter, Annabel Bates နဲ့ Brian Bovell တို့လို သရုပ်ဆောင်တွေက ပါဝင်အားဖြည့်ထားကြပါတယ်။ ကြာချိန် ၁ နာရီကျော်ကျော်သာ ရှိတာဖြစ်လို့ အချိ

* Movie Request ထဲက ဇာတ်ကားဖြစ်ပါတယ် America’s Sweethearts ရုပ်ရှင်ကတော့ Hollywood ရဲ့ နောက်ကွယ်က အချစ်ရေး၊ စီးပွား​ရေးနဲ့ နာမည်ကျော်တွေရဲ့ဘဝတွေကို ဟာသနှောပြီး ရိုက်ကူးထားတဲ့ romantic comedy ဇာတ်ကားတစ်ကားဖြစ်ပါတယ်၊ ဂွမ်ဟယ်ရီဆင် (Catherine Zeta-Jones) နဲ့ အက်ဒီသောမတ်စ် (John Cusack) တို့က Hollywood ရဲ့ နာမည်ကြီးစုံတွဲတစ်တွဲဖြစ်ပြီး ပရိသတ်တွေက သူတို့ကို "အမေရိကရဲ့အချစ်တော် ဆုံတွဲ" လို့ သတ်မှတ်ကြပါတယ်၊ ရုပ်ရှင်ကားပေါင်းများစွာ အတူတူရိုက်ကူးခဲ့ကြပြီး အိမ်ထောင်ပြုခဲ့ကြပေမဲ့ သူတို့ရဲ့အိမ်ထောင်ရေးက အဆင်မပြေဖြစ်ခဲ့ပါတယ်၊ ဂွမ်က စပိန်ကောင်လေးတစ်ယောက်နဲ့ တွဲသွားပြီးတော့ အက်ဒီကတော့ ဂွမ်ရဲ့စိတ်နဲ့ပဲ စိတ်ကျန်းမာရေး ဆေးရုံကို ရောက်သွားခဲ့ပါတယ်၊ ဒါပေမဲ့ သူတို့နှစ်ယောက်ရဲ့ နောက်ဆုံးရုပ်ရှင်ကို ကြော်ငြာဖို့အတွက် စတူဒီယိုဘက်က လီဖီးလစ်ပ်စ်ကို အသုံးပြုပြီး သူတို့နှစ်ယောက် အတူတူ ပွဲတက်လာအောင် ကြိုးစားကြပါတော့တယ်၊ ဒီနေရာမှာ ကီကီ (Julia Roberts) ဇာတ်ကောင်ကလည်း အရေးကြီးပါတယ်၊ ကီကီ ဟာ ဂွမ် ရဲ့ ညီမဖြစ်သလို သူ့ရဲ့လက်ထောက်လည်း ဖြစ်တယ်၊ ပရိသတ်တွေက အိမ်ထောင်ရေးအဆင်မပြေဖြစ်လို့ ဂွမ်ကို ဝိုင်းမုန်းကြသလိုဖြစ်ပြီး ဂွမ်တစ်ယောက် စိတ်ဓာတ်ကျနေချိန်မှာ အနားကနေ အားပေးပြီး တိုင်ပင်ဖော်တစ်ယောက် အဖြစ်ရှိနေပေးခဲ့တယ်၊ ဒီဇာတ်ကားရဲ့ စိတ်ဝင်စားစရာအကောင်းဆုံးအချက်ကတော့ ဟောလိဝုဒ် ရဲ့ “အပြင်ပန်းပုံရိပ်” နဲ့ “တကယ့်ဘဝ”

လျှို့ဝှက်ဆန်းကြယ်မှုတွေနဲ့ ပြည့်နှက်နေတဲ့ ရွာလေးတစ်ရွာမှာ နှစ်ပေါင်းများစွာကတည်းက ရတနာတွေ မြှုပ်နှံထားတဲ့ သရဲခြောက်တဲ့ရေတွင်းကြီးတစ်တွင်း ရှိပါတယ်။ သရဲမက လူတွေကိုသတ်တယ်လို့နာမည်ကြီးတာကြောင့် ရေတွင်းနားကို ဘယ်သူမှ မကပ်ရဲကြပါဘူး။ ဘာအလုပ်အကိုင်မှမရှိဘဲ မိန်းမရဲ့အစ်ကိုအိမ်မှာ ကပ်စားနေရလို့ အမြဲတမ်း မိန်းမဆူတာခံနေရတဲ့ ဒီလျာဟာ စိတ်ညစ်ညစ်နဲ့လျှောက်သွားရင်း ရေတွင်းနားရောက်သွားတော့ မိန်းမတစ်ယောက်ရဲ့ "နင့်ဟာတွေ ယူသွားတော့" ဆိုတဲ့အသံတွေကို ကြားလိုက်ရတော့ ကြောက်လန့်ပြီး ထွက်ပြေးခဲ့ပါတယ်။ အဲ့ဒီသတင်းကို ရဲအရာရှိအဖြစ် ဟန်ဆောင်ထားတဲ့သူက ကြားသွားပြီး ဒီလျာဟာ ရတနာသိုက်ဆီကို လမ်းပြပေးနိုင်မည့်သူဆိုတာ သဘောပေါက်သွားခဲ့ပါတယ်။ ဒါကြောင့် ရည်ရွယ်ချက်ကိုယ်စီနဲ့ သိုက်တူးဖို့ ကြံစည်နေကြတဲ့ ခန်ဂရီတို့နဲ့ချိတ်ဆက်ပြီး ဒီလျာကို ရေတွင်းထဲဆင်းဖို့ နည်းမျိုးစုံသုံးပြီး ဖျားယောင်းကြပါတယ်။ သမာအာဇီဝမကျတဲ့အလုပ်ကို မလုပ်ဘူးလို့ဆုံးဖြတ်ထားတဲ့ ဒီလျာတစ်ယောက် ငွေမက်တဲ့မိန်းမဖြစ်သူရဲ့ တိုက်တွန်းမှုတွေကို လွန်ဆန်နိုင်ပါ့မလား။ အဲ့ဒီရတနာသိုက်က ဒီလျာနဲ့ ဘယ်လိုပတ်သက်မှုမျိုး ရှိခဲ့တာလဲ။ ရတနာသိုက်ကြီးကို ရှာတွေ့ဖို့ ဘယ်လိုအခက်အခဲတွေ ရင်ဆိုင်ရမလဲဆိုတာကို စိတ်ဝင်တစားကြည့်ရှုရမယ့် ဇာတ်ကားလေးပဲဖြစ်ပါတယ်။ ဒီဇာတ်ကားမှာ ဒီလျာ အဖြစ် မင်းသား Sandeep Pathak ၊ ခန်ဂရီ အဖြစ် မင်းသား Devdatta Nage နဲ့ ရန်ဂီ အဖြစ် မင်းသမီး Smita Paygude Anjut

* Movie Request ထဲကဇာတ်ကားဖြစ်ပါတယ် Cujo ဟာ အမေရိကန်ပြည်ထောင်စု၊ မိန်းပြည်နယ်ရှိ Castle Rock မြို့ငယ်လေးတွင် နေထိုင်သည့် Camber မိသားစု၏ St. Bernard အမျိုးအစား ခွေးကြီးတစ်ကောင် ဖြစ်ပါသည်။ Cujo သည် ကိုယ်ခန္ဓာ ထွားကျိုင်းသော်လည်း စိတ်သဘောထား အလွန်နူးညံ့ပြီး လူခင်သည့် ခွေးကြီးတစ်ကောင် ဖြစ်ပေမယ့် ထိုခွေးကြီး၏ ကံကြမ္မာသည် မြေတွင်းတစ်ခုထဲသို့ ယုန်လိုက်ရင်း ခေါင်းလျှိုဝင်ရာမှ ပြောင်းလဲသွားခဲ့ရပါတော့တယ်။ မြေတွင်းထဲတွင် ရှိနေသော လင်းနို့တစ်ကောင်၏ ကိုက်ခံရခြင်းကြောင့် Cujo ထံသို့ ခွေးရူးပြန်ရောဂါ (Rabies Virus) စတင်ကူးစက်ခဲ့သည်။ ပထမပိုင်းတွင် အမူအယာ အနည်းငယ် ဆန်းကြယ်လာပြီး အလင်းရောင်နှင့် အသံများကို ကြောက်ရွံ့လာခဲ့သော်လည်း ရောဂါရင့်လာသည်နှင့်အမျှ Cujo ၏ စိတ်သည် ရူးသွပ်လာပြီး ဦးနှောက်ကို ဗိုင်းရပ်စ်က ထိန်းချုပ်လိုက်သဖြင့် တွေ့သမျှလူကို တိုက်ခိုက်လိုသည့် သွေးဆာနေသော သားရဲကြီးအဖြစ်သို့ မရှုမလှ ပြောင်းလဲသွားခဲ့ရပါတော့တယ်။ တစ်ဖက်မှာလည်းVic Trenton နှင့် Donna Trenton တို့ ဇနီးမောင်နှံအကြား အိမ်ထောင်ရေး အဆင်မပြေမှုများ ဖြစ်ပေါ်နေပြီး သူတို့မှာ တစ္ဆေများကို ကြောက်တတ်သော ၄ နှစ်အရွယ် သားလေး Tad ရှိပါတယ်။ Vic သည် စီးပွားရေးကိစ္စဖြင့် အခြားမြို့သို့ ခရီးထွက်သွားချိန်တွင် Donna သည် သူမ၏ ဟောင်းနွမ်းနေသော Ford Pinto ကားလေးက အင်ဂျင်ပုံမှန် မလည်ပတ်သဖြင့် ပြင်ဆင်ရန်အတွက် တောကြိုတောင်ကြား သီးခြားခ

ချစ်လွန်းလို့ ရူးသွပ်သွားတယ်ဆိုတဲ့ စကားကို ကြားဖူးကြတယ်မလား။ ဒီရုပ်ရှင်လေးက အချစ်ဆိုတဲ့အရာထက် ကျော်လွန်သွားတဲ့ အစွဲအလမ်းကြီးမှုတစ်ခု ဘယ်လောက်ထိ ကြောက်စရာကောင်းလဲဆိုတာကို ရင်တမမနဲ့ ကြည့်ရမဲ့ ဇာတ်ကားကောင်းလေးတစ်ကားပါ။ ဇာတ်လမ်းအစမှာ ယာဉ်တိုက်မှုတစ်ခုကြောင့် ဆေးရုံတင်လိုက်ရတဲ့ ကျောင်းသူလေးတစ်ယောက်ကို ဆရာဝန်ကြီးတစ်ယောက်က သေချာဂရုစိုက်ကုသပေးလိုက်ရာကနေ စတင်ပါတယ်။ ဆရာဝန်ကြီးရဲ့ နွေးထွေးတဲ့ ဂရုစိုက်မှုတွေအောက်မှာ အဲဒီကောင်မလေးက ဆရာဝန်ကြီးကို ရိုးရိုးသားသားချစ်မိသွားတာမဟုတ်ဘဲ ရူးရူးမူးမူးကို စွဲလမ်းသွားပါတော့တယ်။ အစပိုင်းမှာတော့ သာမန်သံယောဇဉ်လေးလို့ ထင်ရပေမဲ့ တဖြည်းဖြည်းနဲ့ ကောင်မလေးရဲ့ အချစ်တွေက ရောဂါတစ်ခုလို ဖြစ်လာတဲ့အခါ ဇာတ်လမ်းက ဘယ်လိုတွေ ဆက်ဖြစ်မလဲ... ဆရာဝန်ကြီးမှာက သာယာပျော်ရွှင်တဲ့ မိသားစုလေးတစ်ခုရှိနေတာကို ကောင်မလေးက လုံးဝလက်မခံနိုင်ဘဲ ဆရာဝန်ကြီးကို သူတစ်ယောက်တည်းပဲ အပိုင်သိမ်းချင်လာပါတယ်။ အဲဒီလို အပိုင်လိုချင်တဲ့ လောဘကြောင့် ဆရာဝန်ကြီးရဲ့ မိသားစုကြားထဲကို ဝင်ရှုပ်ပြီး အမည်မသိစာတွေပို့တာ၊ ဇနီးမောင်နှံနှစ်ယောက် အထင်လွဲပြီး ကွာရှင်းချင်လာအောင် သွေးခွဲတာမျိုးတွေ လုပ်လာပါတယ်။ အဲဒါအပြင် ဆရာဝန်ကြီးရဲ့ မိသားစုထဲက လူတွေကိုပါ အန္တရာယ်ပေးဖို့အထိ ရက်ရက်စက်စက် ကြိုးစားလာပါတော့တယ်။ ဖြူစင်တဲ့ ကျောင်းသူလေးတစ်ယောက်ရဲ့ မျက်နှာဖုံးနောက်ကွယ်မှာ ဘယ်လောက်တောင် ကြောက်စရာကောင်းတဲ့ စိတ်ဓာတ်တွေ ပု

ဒီတစ်ခေါက်မှာတော့ ဒါရိုက်တာက Liana Stewart ရိုက်ကူးထားတဲ့ Netflix ရဲ့ Documentaryရုပ်ရှင်တစ်ကားဖြစ်တဲ့ "Big Chicken: A Fast Food Conspiracy (2026)" ဆိုတဲ့ ဇာတ်ကားလေးကိုတင်ဆက်ပေးလိုက်ပါတယ်နော်။ ဇာတ်လမ်းအညွှန်း ကြက်ကြော်တစ်ကိုက်ကိုစားရင်းနဲ့ မေးခွန်းတစ်ခု ပေါ်လာတယ် “ငါတို့ ဘာကြောင့် အသင့်စားကြက်ကြော်ကို ဒီလောက်တောင်စွဲလမ်းနေကြတာလဲ..” ဗြိတိန်ဟာသသရုပ်ဆောင် မိုဂီလီဂန်ဟာ ဒီမေးခွန်းရဲ့အဖြေကိုရှာဖွေဖို့အတွက် တစ်နေ့ကို သုံးကြိမ် ၂၈ ရက်ကြာ ကြက်ကြော်စားပြီး ကိုယ်တိုင်စမ်းသပ်ခဲ့ပါတယ်။ အဲဒီနောက် ကြက်သား Fast Food လောကရဲ့နောက်ကွယ်မှာ ဘာတွေဖြစ်နေသလဲဆိုတာကို စတင်စုံစမ်းပါတော့တယ်။ကြက်တွေကို အမြန်ဆုံးနဲ့ အများဆုံးထုတ်လုပ်နိုင်ဖို့ ဘယ်လိုမွေးမြူကြသလဲ.... Fast Food ကုမ္ပဏီကြီးတွေက လူတွေရဲ့စားသုံးမှုပုံစံအပေါ် ဘယ်လောက်အထိ သက်ရောက်မှုရှိသလဲ…? ကျွန်တော်တို့ နေ့စဉ်စားသုံးနေတဲ့ ကြက်ကြော်တစ်ပိုင်းရဲ့ နောက်ကွယ်မှာ စီးပွားရေး၊ ကျန်းမာရေးနဲ့ သဘာဝပတ်ဝန်းကျင်ဆိုင်ရာ ဘယ်လိုအကျိုးသက်ရောက်တွေရှိနေသလဲ…?ဆိုတာကို မိုဂီလီဂန်စမ်းသပ်မှုတွေနဲ့ စုံစမ်းလေ့လာမှုတွေနဲ့အတူပေါင်းစပ်ထားတဲ့မှတ်တမ်းရုပ်ရှင်အမျိုးအစားလေးပဲဖြစ်ပါတယ်။ Big Chicken: A Fast Food Conspiracy ဟာ လူတိုင်းနီးပါးစားဖူးကြတဲ့ ကြက်ကြော်တစ်ပိုင်းကို သဘာဝပတ်ဝန်းကျင်အပေါ် သက်ရောက်မှု ကျန်းမာရေးနဲ့ အစားအသောက်အပေါ် သက်ရောက်မှုစတဲ့မတူညီတဲ့ရှုထောင့်ကနေ ပြန်

ညဘက် သူငယ်ချင်းတွေနဲ့ ကားပတ်မောင်းရင်း လမ်းမကြီးက ဘယ်တော့မှ ဆုံးတော့မှာမဟုတ်ဘူးလို့ ခံစားဖူးတဲ့ အခိုက်အတန့်မျိုး ရှိဖူးကြလား။ တကယ်လို့များ အဲဒီလမ်းက တကယ်ပဲ အဆုံးမရှိတဲ့ လမ်းဆိုးကြီး ဖြစ်နေခဲ့ရင် ဘယ်လိုလုပ်မလဲ။ ညဘက် လမ်းမှားကွေ့မိဖို့တောင် လန့်သွားစေမယ့် It Ends ၂၀၂၅ စိတ္တဇ သည်းထိတ်ရင်ဖို ရုပ်ရှင်ကားသစ်ကြီးက ဒီလို ခြောက်ခြားစရာကောင်းတဲ့ ဇာတ်လမ်းမျိုးကို တင်ဆက်ထားတာပါ။ ဇာတ်လမ်းကတော့ ကောလိပ်ကနေ အခုလေးတင် ဘွဲ့ရထားကြတဲ့ သူငယ်ချင်းလေးယောက်ဖြစ်တဲ့ ဂျိမ်းစ်၊ ဒေး၊ ဖစ်ရှာ နဲ့ တိုင်လာ တို့ သူတို့ရဲ့ နောက်ဆုံး ပျော်ရွှင်စရာ ညလေးကို ဖြတ်သန်းဖို့ ညကြီးမိုးချုပ် အစားအသောက်ထွက်ဝယ်ရာကနေ စတင်ပါတယ်။ ဒါပေမဲ့ ပေါ့ပေါ့ပါးပါး စတင်ခဲ့တဲ့ သူတို့ရဲ့ ခရီးစဉ်လေးက လမ်းမှားကွေ့မိပြီး ဘယ်လိုမှ ထွက်ပေါက်ရှာမရတဲ့ တောအုပ်ကြီးထဲက အဆုံးမရှိတဲ့ ကားလမ်းမကြီးပေါ် ရောက်သွားချိန်မှာတော့ အဆိုးရွားဆုံး အိပ်မက်ဆိုးကြီး ဖြစ်လာပါတော့တယ်။ ဆီတိုင်ကီက ဆီလည်းမလျော့၊ မြင်ကွင်းတွေကလည်း ထပ်တလဲလဲနဲ့ နာရီပေါင်းများစွာ မောင်းနှင်ပြီးတဲ့နောက်မှာတော့ သူတို့ဟာ ကားတံခါးအပြင်ဘက်မှာ နားလည်လို့မရတဲ့ ကြောက်မက်ဖွယ် အရာတွေ ဝန်းရံနေတဲ့ ကျိန်စာသင့် လမ်းမကြီးပေါ်မှာ ပိတ်မိနေပြီဆိုတာကို တုန်လှုပ်ဖွယ်ရာ သိလိုက်ရပါတယ်။ ရိုးအီနေတဲ့ ရုတ်တရက် လန့်ဖြတ်သွားစေတဲ့ ဇာတ်ကွက်တွေအစား ဒါရိုက်တာ အလက်ဇန္ဒား အူလွန် ရဲ့ ဒီပွဲဦးထွက် ဇာတ်ကားက ပရိသတ်တွေကို ဇာတ်ကောင်တွ

ရှေးဟောင်းရုပ်ထုတစ်ခုထဲမှာ ပိတ်လှောင်ခံထားရတဲ့ ကလဲ့စားချေလိုတဲ့ နတ်ဆိုးမဝိညာဉ်တစ်ကောင်အကြောင်းကို ရိုက်ကူးထားတဲ့ သဘာဝလွန် သည်းထိတ်ရင်ဖို ဇာတ်ကားလေးပဲဖြစ်ပါတယ်။ ကုမ္ပဏီတစ်ခုမှာ အလုပ်လုပ်နေတဲ့ နီရန်ဂျာ ဆိုတဲ့ကောင်လေးက အိပ်မက်ဆိုးတွေမက်ပြီး စိတ်ပိုင်းဆိုင်ရာပြဿနာတစ်ခုကို တစ်ယောက်တည်းကြိတ်မှိတ်ခံစားနေရပြီး အလုပ်မှာ အဆင်မပြေမှုတွေနဲ့ ကြုံတွေ့ခဲ့ရပါတယ်။ မာနာဆိုတဲ့‌ရှေးဟောင်းနေရာတစ်‌နေရာမှာ သူခိုးနှစ်ယောက်က ရှေးဟောင်းအိမ်ကြီးထဲက ရုပ်ထုတစ်ခုကို ခိုးယူခဲ့ပြီးတော့ အဲဒီအထဲမှာ အောက်လမ်းနည်းနဲ့ ပိတ်လှောင်ထားတဲ့ ရက်စက်တဲ့ ဝိညာဉ်ဆိုး ရှိနေတာကို သူတို့မသိခဲ့ကြပါဘူး။ ဝိညာဉ်ဆိုးလွတ်မြောက်သွားပြီး အိမ်ကြီးထဲမှာ လူသတ်မှုတစ်ခု ဖြစ်ပွားခဲ့တာကြောင့် အိမ်ကြီးရဲ့ နောက်ဆုံးမျိုးဆက်ဖြစ်တဲ့ နီရန်ဂျာက အိမ်ကို ပြန်လာခဲ့ရပါတယ်။ မိသားစုရဲ့ ဖုံးကွယ်ထားတဲ့ လျှို့ဝှက်ချက်တွေ ရှေးဟောင်းကျိန်စာတွေနဲ့အတူ ဝိညာဉ်ဆိုးရဲ့ ခြောက်လှန့်မှုကို ရင်ဆိုင်ရမယ့် နီရန်ဂျာက ဘယ်လိုအခြေအနေတွေကို ရင်ဆိုင်ရမလဲဆိုတာကို လှည့်ကွက်တွေနဲ့ကြည့်ရှုရမယ့် ထိတ်လန့်စရာ သရဲကားတစ်ကားပဲဖြစ်ပါတယ်။ ဒီဇာတ်ကားမှာ နီရန်ဂျာ အဖြစ် မင်းသား Vysakh Ravi ၊ ပက်ဒီနီ အဖြစ် မင်းသမီး Neha Chawla နဲ့ ဆက်ခ်ရှီ အဖြစ် မင်းသမီး Sakshi Badala တို့က အဓိက ပါဝင်သရုပ်ဆောင်ထားတာ ဖြစ်ပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Cherry ဖြစ်ပါတယ်။

ဒီတစ်ခေါက်ဇာတ်ကားလေးကတော့ Ranဆိုတဲ့ ဂျပန် ရုပ်ရှင်ဇာတ်ကားကောင်းလေးပဲ ဖြစ်ပါတယ်။ လောဘ အာဏာ လက်စားချေမှု တွေကြားက လူ့သဘောသဘာဝ အကြောင်းကို အက်ရှင်ဆန်ဆန် ရိုက်ကူးပုံဖော်ထားတဲ့ Historical သမိုင်းကြောင်းနောက်ခံ အက်ရှင် ဇာတ်ကား တစ်ကားဖြစ်ပါတယ်။ တစ်ခါတုန်းက ဟီဒဲတိုရ အိချိမိုဂျီ ဆိုတဲ့ သခင်ကြီးမှာ သားသုံးယောက်ရှိပါတယ်။ သူ့ဒေသကို အုပ်ချုပ်တဲ့ သြဇာကြီးမားတဲ့ သခင်ကြီးမှာ ရဲတိုက်သုံးတိုက် ပိုင်ဆိုင်ပြီး စည်းစိမ်ဥစ္စာတွေကလည်း အရမ်းပေါကြွယ်ဝတဲ့ သခင်ကြီး ဖြစ်ပါတယ်။ တစ်နေ့ သူအိုပြီလို့ ခံစားရပြီး သားတွေကို အမွေခွဲပေးဖို့ လုပ်ပါတယ်။အဲဒီလို အမွေခွဲရာမှာ သားသုံးယောက်ကို ရဲတိုက်တစ်တိုက်စီပေးပြီး သားအကြီးဆုံးကို အုပ်ချုပ်ခွင့်အာဏာပါ ပေးလိုက်ပါတယ်။ သူကတော့ သားတွေရဲ့ ရဲတိုက်တွေမှာ အလှည့်ကျ ဧည့်သည်လုပ်ပြီး နေထိုင်မယ်လို့ စိတ်ကူးထားပါတယ်။ဒီလို အမွေခွဲနေရင်း သားအငယ်ဆုံးဖြစ်တဲ့ ဆာဘူရိုက ကလန်ကဆန်ထလုပ်တာနဲ့ အမွေပြတ် စွန့်လွှတ်ပြီး ကျန်တဲ့ သားနှစ်ယောက်ကိုပဲ မြှောက်စားလိုက်ပါတယ်။သူနဲ့သစ္စာရှိ လူယုံဖြစ်တဲ့ အကြံပေးတန်ဂိုကိုပါ သားငယ်ဘက်က ဝင်ပါလို့ အတူတူ နယ်နှင်ဒဏ် ပေးလိုက်ပါတယ်။ သားငယ် ထောက်ပြသလို အကြီးဆုံးသားနဲ့ သားအလတ် ပူးပေါင်းပြီး ဖခင်ကြီးကို တော်လှန်ကြရာမှာ ဘယ်လိုစိတ်ဝင်စားစရာတွေ ထပ်ဖြစ်မှာလဲ.... ဒီဇာတ်ကားဟာ ကြည့်ရှုသူတွေရဲ့ ရင်ထဲမှာ တသသ ဝမ်းနည်းခြင်းနဲ့အတူ လူ့လောကရဲ့သဘောတရားကို လေ

ဆူအင်းဟာ အွန်လိုင်း road-view service ကုမ္ပဏီတစ်ခုမှာ အလုပ်လုပ်တဲ့လူပါ။ တစ်နေ့မှာ ဆိုးလ်မြို့ပြင်က ဝေးလံခေါင်ဖျားတဲ့ ရေလှောင်တမံတစ်ခုမှာ သူတို့ရိုက်ကူးထားတဲ့ ဗီဒီယိုတွေမှာ ထူးဆန်းတဲ့ ချို့ယွင်းချက်တွေဖြစ်နေတာကို တွေ့လိုက်ရပါတယ်။ အဲဒါကြောင့် ဆူအင်းနဲ့ သူတို့အဖွဲ့ဟာ အစားထိုး ဗီဒီယိုအသစ်ပြန်ရိုက်ဖို့ အဲဒီရေလှောင်တမံဆီကို သွားခဲ့ကြပါတယ်။ အဲဒီရေလှောင်တမံရဲ့ နာမည်က ဆာမို့ဂျီ လို့‌ ခေါ် ပြီး အရင်က သုသာန်ဟောင်းတစ်ခုဖြစ်ခဲ့တဲ့နေရာပါ။ သူတို့အဖွဲ့ အဲဒီကိုရောက်တဲ့အခါ ထူးဆန်းတဲ့ ကျောက်တုံးမျှော်စင်တစ်ခုနဲ့ လျှို့ဝှက်ချက်တွေဖုံးကွယ်ထားပုံရတဲ့ အဘွားအိုတစ်ယောက်ကို တွေ့ဆုံခဲ့ရပါတယ်။ ညဘက်ရောက်လာတာနဲ့အမျှ သူတို့ရဲ့ ကင်မရာတွေမှာ ကြောက်မက်ဖွယ်ရာ အရာတွေကို မြင်တွေ့လာရပြီး သူတို့အားလုံး အဲဒီရေလှောင်တမံနယ်မြေမှာ ပိတ်မိနေမှန်း သိလိုက်ရတဲ့အခါ ဘာတွေဆက်ဖြစ်ကြမလဲ? သူတို့ကရော ဒီနယ်မြေထဲကနေ ဘေးကင်းကင်းထွက်သွားနိုင်ပါ့မလားဆိုတာ... Romance အခန်းတွေမပါဘဲ Horror နဲ့ Suspense ကိုပဲ သီးသန့်အသားပေးရိုက်ကူးထားတဲ့ ဇာတ်ကားမျိုးမို့ ကိုရီးယား သရဲကားကောင်းကောင်းကြည့်ချင်သူတွေအတွက် အထူးအကြံပေးချင်တဲ့ ဇာတ်ကားလေးဖြစ်ပါတယ်။ ဒီကားကို အညွှန်းနဲ့ဘာသာပြန်ဆိုသူက Huihui ဖြစ်ပါတယ်။

A Child of My Own (2026) ရုပ်ရှင်ဇာတ်ကားကြီးသည် ခေတ်သစ်လူမှုအသိုင်းအဝိုင်းတွင် စုံတွဲများစွာ ကြုံတွေ့နေရသည့် ကလေးရယူရန် အခက်အခဲနှင့် မိခင်ဖြစ်လိုမှုဆိုင်ရာ စိတ်ပိုင်းဆိုင်ရာ ရုန်းကန်ရမှုများကို သဘာဝကျကျ အသေးစိတ် ပုံဖော်ထားသည့် ရင်ထဲထိရှဖွယ် Drama ရုပ်ရှင်ဇာတ်ကားတစ်ကား ဖြစ်ပါတယ်။ အိမ်ထောင်သက် (၅) နှစ်ကျော်သည်အထိ သားသမီးရတနာ မထွန်းကားသေးသည့် ဇနီးမောင်နှံနှစ်ဦးဟာ ဘဝကို ပုံမှန်အတိုင်း ဖြတ်သန်းခဲ့ကြသော်လည်း အချိန်ကြာလာသည်နှင့်အမျှ ဆွေမျိုး မိတ်ဆွေများ၊ လူမှုအသိုင်းအဝိုင်း၏ "ဘယ်တော့ ကလေးယူမှာလဲ" ဆိုသည့် အမေးစကားများ၊ သွယ်ဝိုက်သော စိစစ်ဝေဖန်မှုများနှင့် ကြုံတွေ့လာရပါတယ်။ ထိုမေးခွန်းများသည် အမျိုးသမီးဖြစ်သူ၏ ရင်ထဲတွင် မသိမသာ ဖိအားများ ဖြစ်ပေါ်လာစေပြီး၊ နောက်ဆုံးတွင် ဆေးရုံသို့ သွားရောက်စစ်ဆေးရန် ဆုံးဖြတ်ခဲ့ကြပါတယ်။ ဆေးဘက်ဆိုင်ရာ ပရိယေသနများနှင့် အသေးစိတ် စမ်းသပ်မှုများ ပြုလုပ်ပြီးနောက်တွင်တော့ သဘာဝအတိုင်း သန္ဓေတည်ရန် အခက်အခဲရှိကြောင်း ဆရာဝန်၏ အတည်ပြုချက်ကို လက်ခံလိုက်ရပါတယ်။ ဒီအသိသည် သူတို့နှစ်ဦး၏ သာမန်အိမ်ထောင်ရေးဆီအတွက် ကြီးမားသော ပြဿနာတစ်ခုဖြစ်လာခဲ့ပါတယ်။ မိခင်တစ်ယောက်ဖြစ်ချင်သည့် ဆန္ဒပြင်းပြလွန်းသော အလီဟာ မည်သည့်နည်းဖြင့်မဆို ကလေးရရှိအောင် ကြိုးစားရန် ဆုံးဖြတ်ခဲ့ပါသော်လည်း ထင်ထားသလောက်အဆင်ပြေချောမေါ့မနေခဲ့ပါဘူး။ သူဟာ ဖန်ပြွန်သန္ဓေသားနည်း (IVF) အပါအဝင် ခေတ်မီ မျိုးဆက်ပွား နည်းလမ်

ဒီတစ်ခေါက် တင်ဆက်ပေးချင်တဲ့ ဇာတ်ကားလေးကတော့ Zhong Kui Exorcism 2022ဆိုတဲ့ ဇာတ်ကားကောင်းလေးတစ်ကားပဲဖြစ်ပါတယ်။ ဇာတ်လမ်းအကျဉ်း ကျုံးခွေဟာ မိစ္ဆာတွေကို ဖမ်းဆီးရှင်းလင်းနေသူတစ်ယောက်ဖြစ်ပြီးပါတယ်။ တစ်နေ့မှာတော့ ဝံပုလွေမိစ္ဆာကိုဖမ်းဆီးရင်ကြိုးစားရင်း သူ၏ချစ်သူ ချန်ချန်နှင့် အပြစ်မဲ့တဲ့ ရွာသားတွေဟာ မိစ္ဆာရဲ့ ရက်ရက်စက်စက်သတ်ဖြတ်မှုကို ခံလိုက်ရပါတော့တယ်။ဝံပုလွေ မိစ္ဆာဟာ လင်းကျူးပြန်လည်ဝင်စားပြီး မွေးဖွားလာသော ကျုံးခွေကို မိစ္ဆာလောကဘေးကင်းရေးအတွက် သတ်ဖြတ်ရန်ကြိုးစားသော်လည်း ဆရာဖြစ်သူ၏ လက်ချက်ဖြင့် ဒဏ်ရာရကာ ထွက်ပြေးသွားခဲ့ရပါတော့တယ်။ကျုံးခွေဟာ ချစ်သူနှင့် ရွာသားတွေအတွက် လက်စားချေရန်ပြင်းပြသောဆန္ဒနှင့် မိစ္ဆာတွေကို လောကတစ်ခွင်လှည့်လည် နှိမ်နင်းပါတော့တယ်။တစ်နေ့မှာတော့ သူဟာရှုပ်ထွေးနေတဲ့ လင်းသုမြို့တော်ကိုရောက်ရှိသွားပြီး ဝက်မိစ္ဆာနဲ့တွေ့ရှိခဲ့ပါတော့တယ်။လင်းသုမြို့တစ်မြို့လုံးတွင် ထူးဆန်းသောကြောက်မက်ဖွယ်ဖြစ်ရပ်များ ဆက်တိုက်ဖြစ်ပေါ်နေတာကြောင့် ကျုံးခွေဟာ ဝက်မိစ္ဆာရဲ့ မူလရင်းမြစ်ကိုလိုက်လံရှာဖွေရင်း လင်းသုမြို့တော်ရဲ့ရှုပ်ထွေးမှုဟာ ဝံပုလွေမိစ္ဆာနဲ့ ပတ်သက်နေတယ်ဆိုတာ ရှာဖွေတွေ့ရှိသွားပါတော့တယ်။သို့သော် ဝံပုလွေမိစ္ဆာဟာ နန်းတော်ထဲမှာရောက်ရှိနေပြီး ဧကရာဇ်အပါအဝင် ကျန်တဲ့သူတွေအားလုံးကို ထိန်းချုပ်ထားတာကြောင့် ကျုံးခွေတစ်ယောက် ရင်ဆိုင်တိုက်ခိုက်ရန် အခက်အခဲများစွာနဲ့ ကြုံတွေ့နေရပါတော့တယ်။နောက်ဆုံးမှာ

* Movie Request ထဲကဇာတ်ကားဖြစ်ပါတယ် ဘွဲ့ယူခါနီး လူငယ်သူငယ်ချင်းတစ်စုဟာ Short Film တစ်ကား ရိုက်ကူးဖို့အတွက် လူသူကင်းဝေးတဲ့ ကျွန်းတစ်ကျွန်းကို သွားရောက်ကြပါတယ်။ အစပိုင်းမှာ ပျော်ပျော်ရွှင်ရွှင် ခရီးထွက်လာကြပေမဲ့ “Bloody Crayons” ဆိုတဲ့ ဂိမ်းတစ်ခုကို စမ်းကစားလိုက်ရာက အရာအားလုံး ပြောင်းလဲသွားပါတယ်။ ဂိမ်းကနေတစ်ဆင့် သူတို့တစ်ယောက်ချင်းစီ ဖုံးကွယ်ထားတဲ့ လျှို့ဝှက်ချက်တွေ၊ မကျေနပ်ချက်တွေနဲ့ အတိတ်ကအဖြစ်အပျက်တွေ တဖြည်းဖြည်း ပေါ်ထွက်လာပါတယ်။ အဲဒီနောက် ကျွန်းပေါ်မှာ မထင်မှတ်ထားတဲ့ အန္တရာယ်တွေ ဆက်တိုက်ဖြစ်ပေါ်လာပြီး သူငယ်ချင်းအချင်းချင်းတောင် ယုံကြည်ဖို့ ခက်ခဲလာကြပါတယ်။ ထွက်ပြေးဖို့လည်း မလွယ်ကူတော့တဲ့အချိန်မှာ သူတို့ဟာ အဖြစ်အပျက်တွေရဲ့နောက်ကွယ်က အမှန်တရားကို ဖော်ထုတ်ရင်း ကျွန်းပေါ်ကနေ အသက်ရှင်လွတ်မြောက်နိုင်ဖို့ ကြိုးစားကြရပါတော့တယ်။ ဇာတ်လမ်းအညွှန်းနဲ့ ဘာသာပြန် M-Sub Movie

ယွန်းထယ်ဟွာဟာ နိုင်ငံလက်ရွေးစင် သေနတ်ပစ် အားကစားသမားတစ်ဦးဖြစ်ပြီး အဆုတ်ရောဂါကြောင့် သေလုမျောပါးဖြစ်နေချိန်မှာ အဆုတ်အစားထိုးကုသမှုခံယူပြီး အသက်ရှင်ခွင့်ရခဲ့ပါတယ်။ ဒါပေမဲ့ သူအစားထိုးရရှိခဲ့တဲ့ အဆုတ်ဟာ ယာဉ်တိုက်မှုကျူးလွန်ပြီး လူသတ်ခဲ့တဲ့ သူ့ဖခင်အရင်းရဲ့ အဆုတ်ဖြစ်နေခဲ့ပြီး သူ့ဖခင်ကတော့ ခွဲစိတ်ရင်း သေဆုံးသွားခဲ့ပါတယ်။ ဖခင်ဖြစ်သူရဲ့လုပ်ရပ်ကြောင့် အသက်ရှင်ခွင့်ရခဲ့ပေမဲ့ ထယ်ဟွာဟာ ကြီးမားတဲ့ အပြစ်ရှိစိတ်ကို ခံစားရပြီး သေတာထက်ဆိုးတဲ့ စိတ်ဆင်းရဲမှုတွေနဲ့ နေ့ရက်တွေကို ဖြတ်သန်းနေရပါတယ်။ ဒီအပြစ်တွေကို ဆေးကြောဖို့အတွက် ဖခင်ဖြစ်သူ တိုက်သတ်ခဲ့တဲ့ နစ်နာသူရဲ့သမီးဖြစ်သူ ဂွန်းမီဂျီကို လိုက်လံရှာဖွေပါတော့တယ်။ တစ်နေ့မှာတော့ ရွှေဆိုင်တစ်ဆိုင်မှာ မီဂျီက သူ့ရဲ့ရွှေထည်ပစ္စည်းကို ခိုးယူနေတာကို ထယ်ဟွာက သိသွားခဲ့ပေမဲ့ သူ့အဖေတင်နေတဲ့အကြွေး ကြေအောင်ဆိုပြီး လွှတ်ပေးလိုက်ပါတယ်။ ဒါပေမဲ့ မီဂျီက ပျောက်ဆုံးနေတဲ့ မိခင်ကို အတူတူရှာဖွေပေးဖို့ ထယ်ဟွာကို အကူအညီတောင်းလာတဲ့အခါမှာတော့ တရားခံရဲ့သားနဲ့ နစ်နာသူရဲ့သမီးတို့ကြားက ရှုပ်ထွေးတဲ့ကံကြမ္မာတွေ စတင်လာပါတော့တယ်။ ဒီကားဟာ လက်စားချေဇာတ်လမ်းမျိုးမဟုတ်ဘဲ လူသားတွေရဲ့ နက်နဲတဲ့ စိတ်ခံစားချက်၊ အပြစ်ရှိစိတ်နဲ့ ခွင့်လွှတ်ခြင်းဆိုတဲ့ အကြောင်းအရာတွေကို တွေးတောစရာပေးစွမ်းနိုင်တဲ့ ဇာတ်ကားကောင်းတစ်ကား ဖြစ်ပါတယ်။ Thriller ဇာတ်ကားတွေနဲ့ ဇာတ်လမ်းအလှည့်အပြောင်းကို ရင်တမမနဲ့ ကြည့်ရတာတ

* Movie Request ထဲကဇာတ်ကားဖြစ်ပါတယ် ဒီဇာတ်ကားလေးကတော့ ရူးကြောင်ကြောင် သူငယ်ချင်းလေးယောက်ရဲ့ ဟာသကားလေးပဲ ဖြစ်ပါတယ်။ ညီအစ်ကိုနှစ်ယောက်ဖြစ်တဲ့ အာဒီ၊ မာနာ့ဗ် နဲ့ ဘိုမန်၊ ရွိုင်း တို့သူငယ်ချင်းလေးယောက်က ကြုံရာကျပန်း လိမ်ညာစားသောက် ပျော်ပျော်ပါးပါးနေတတ်တဲ့ ဗရမ်းဗတာ သူငယ်ချင်းတွေပါ။ တစ်နေ့မှာ သူဌေးကြီးတစ်ယောက် ကားအက်ဆီးဒန့်ဖြစ်ပြီး သူ့ရဲ့ ပိုက်ဆံသန်းတစ်ရာ ဖွက်ထားတဲ့နေရာကို အာဒီတို့သူငယ်ချင်းလေးယောက်ကို ပြောပြခဲ့ပါတယ်။ အဲ့ဒီသူဌေးကြီးနောက်ကို ဆယ်နှစ်ကျော်ကြာ လိုက်နေတဲ့ ရဲအရာရှိကြီးကလည်း အဲ့ဒီအကြောင်းကို သိသွားတော့ ပိုက်ဆံတွေ ဝှက်ထားတဲ့နေရာဖြစ်တဲ့ ဘုရားကျောင်းကို သူ့ထက်ငါဦးအောင် အပြေးအလွှားသွားကြရင်း လမ်းမှာ တစ်ယောက်တစ်မျိုးစီ ဒုက္ခတွေ အလွဲတွေနဲ့ ကြုံတွေ့ကြရပါတယ်။ နောက်ဆုံး ပိုက်ဆံဝှက်ထားတဲ့နေရာကို အကုန်ရောက်သွားကြချိန်မှာ ပိုက်ဆံတွေကို တကယ်တွေ့ကြရဲ့လား၊ တွေ့ခဲ့ရင်ရော ဘယ်လိုတွေ ခွဲဝေယူကြမလဲ၊ ဘာတွေဘယ်လိုဆက်ဖြစ်ကြမလဲဆိုတာကို သူငယ်ချင်းလေးယောက်ရဲ့ အလွဲတွေနဲ့ ဇာတ်ကားတစ်ကားလုံး ခွီနေရမယ့် ဟာသကားလေးပဲ ဖြစ်ပါတယ်။ ဒီဇာတ်ကားမှာ အာဒီ အဖြစ် မင်းသား Arshad Warsi ၊ မာနာ့ဗ် အဖြစ် မင်းသား Jaaved Jaaferi ၊ ဘိုမန် အဖြစ် မင်းသား Ashish Chaudhary နဲ့ ရွိုင်း အဖြစ် မင်းသား Riteish Deshmukh တို့က အဓိက ပါဝင်သရုပ်ဆောင်ထားတာ ဖြစ်ပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Cherry ဖြစ်ပါတယ်။

* Movie Request ထဲကဇာတ်ကားဖြစ်ပါတယ် ဇာတ်လမ်းအစမှာတော့ အောင်မြင်ချင်စိတ် ပြင်းပြနေတဲ့ အနုပညာရှင် စုံတွဲတစ်တွဲဟာ ဇိမ်ခံအပျော်စီးသင်္ဘောကြီးတစ်ခုပေါ်မှာ ဖျော်ဖြေခွင့် ရသွားခဲ့တယ်။ အဲဒီသင်္ဘောပေါ်မှာပဲ သူတို့ဘဝကို အစစအရာရာ ပြောင်းလဲသွားစေမဲ့ အဖြစ်အပျက်တစ်ခု ကြုံလာရပါတော့တယ်။ အဲဒါကတော့ သင်္ဘောပိုင်ရှင် သူဌေးကြီးက ကောင်မလေးကို မြင်မြင်ချင်း ချစ်မိသွားတာပါပဲ။ ဒီအခွင့်အရေးကို အသုံးချပြီး ကောင်လေးဖြစ်သူက သူဌေးကြီးဆီကနေ ငွေကြေးအမြောက်အမြားရယူဖို့အတွက် ချစ်သူကောင်မလေးကို သူဌေးကြီးနဲ့ ဟန်ဆောင်လက်ထပ်ပြီး ကွာရှင်းဖို့ အကြံပေးလိုက်တဲ့အခါမှာတော့ စိတ်ဝင်စားစရာ ဇာတ်လမ်းလေး စတင်လာပါတော့တယ်။ အစပိုင်းမှာတော့ သူတို့ရဲ့ ငွေလိမ်လည်မဲ့ အစီအစဉ်က ချောချောမွေ့မွေ့ပဲ ဖြစ်နေခဲ့ပေမဲ့ အချိန်ကြာလာတာနဲ့အမျှ ကောင်မလေးက ကြင်နာတတ်တဲ့ သူဌေးကြီးအပေါ်ကို တကယ် သံယောဇဉ်တွယ်လာတဲ့အခါမှာတော့ အရာအားလုံး ကမောက်ကမ ဖြစ်ကုန်ပါတော့တယ်။ ငွေမက်နေတဲ့ ကောင်လေးကလည်း အစီအစဉ်တွေ ပျက်သွားတဲ့အတွက် ဒေါသတကြီးနဲ့ ခြိမ်းခြောက်မှုတွေ၊ လူသတ်မှုတွေအထိ ကျူးလွန်လာတဲ့အခါ... တကယ်တော့ ဘယ်သူက လူဆိုးလဲ၊ ဘယ်သူက လူကောင်းလဲဆိုတာကို ခန့်မှန်းရခက်လောက်အောင် လှည့်ကွက်တွေနဲ့ ပြည့်နေတာမို့ နောက်ဆုံးမှာ ကောင်မလေးတစ်ယောက် တကယ့်အချစ်စစ်ကို ရွေးချယ်မလား ဒါမှမဟုတ် ငွေကြေးလောဘနောက်ကိုပဲ ဆက်လိုက်သွားမလားဆိုတာကို ရင်တမမနဲ့ ကြည့်ရှုရမဲ့ ကားကောင်းလေးဖြစ်လို့ လက

ဒီတစ်ခေါက်တင်ဆက်ပေးချင်တဲ့ဇာတ်ကားကတော့ တောနက်ကြီးထဲက ကြောက်မက်ဖွယ်ကောင်းတဲ့ လျှို့ဝှက်ချက်တွေနဲ့ အသက်ရှင်ရပ်တည်ရေးအတွက် ရုန်းကန်ရမှုတွေကို အစအဆုံး ရင်တထိတ်ထိတ်နဲ့ ကြည့်ရှုရမယ့် တရုတ်သဘာဝဘေးအန္တရာယ်နဲ့ သည်းထိတ်ရင်ဖို ရုပ်ရှင်ကားကောင်းတစ်ခုပဲ ဖြစ်ပါတယ်။ M Sub Movie Channel ရဲ့ ပရိသတ်တွေအတွက် ဒီဇာတ်ကားဟာ ခဏတာ အာရုံစိုက်မှုအပြည့်နဲ့ ရင်ခုန်စိတ်လှုပ်ရှားစရာ အတွေ့အကြုံသစ်တစ်ခုကို ပေးစွမ်းနိုင်မှာ သေချာပါတယ်။ ဇာတ်လမ်းအစကတည်းက တောနက်ထဲကို ဝင်ရောက်လာကြတဲ့ လူအုပ်စုဟာ ရည်ရွယ်ချက်ကိုယ်စီနဲ့ ရောက်ရှိလာကြပြီး တစ်ချိန်တည်းမှာပဲ ဒဏ္ဍာရီလာ ဧရာမအနီရောင်မြွေကြီးနဲ့ ကြုံတွေ့လာရတဲ့အခါမှာတော့ အသက်ရှင်ရပ်တည်ရေးအတွက် တိုက်ပွဲက စတင်လာပါတော့တယ်။ လူသားတွေရဲ့ လောဘဇော၊ အတ္တနဲ့ အသက်ရှင်လိုစိတ်တို့ တိုက်ဆိုင်လာတဲ့အခါ ဘယ်လိုအကျိုးဆက်တွေ ဖြစ်လာမလဲဆိုတာကို ဇာတ်လမ်းတစ်လျှောက်မှာ အကောင်းဆုံး တင်ဆက်ပြသထားပါတယ်။ အထူးသဖြင့် ဇာတ်ကောင်တွေရဲ့ အပြန်အလှန် သံသယဝင်မှုတွေ၊ သစ္စာဖောက်မှုတွေနဲ့ အကြပ်အတည်းပေါင်းများစွာကြားထဲက ရုန်းကန်ပုံတွေကို ကြည့်ရှုရတာ ရင်တဖိုဖိုနဲ့ စွဲဆောင်မှု အပြည့်ရှိပါတယ်။ အထူးဖော်ပြချင်တာကတော့ ဇာတ်ဝင်ခန်းတိုင်းမှာ ပါဝင်တဲ့ အက်ရှင်နဲ့ သည်းထိတ်ရင်ဖို ရိုက်ချက်တွေဟာ ပရိသတ်တွေကို ထိုင်ခုံပေါ်မှာ ငြိမ်မနေနိုင်အောင် ဖမ်းစားနိုင်စွမ်းရှိတာပါပဲ။ ဒီကားလေးကို ဘာကြောင့် ကြည့်သင့်လဲဆိုရင် ရိုးရာသဘာဝ အက်ရှင်ဇာတ်ကားတွေန

ဒီဇာတ်ကားလေးကတော့ Black Fox: Age of the Ninja ဆိုတဲ့ ဂျပန် နင်ဂျာ အက်ရှင် ဇာတ်ကားကောင်းလေး တစ်ကားဖြစ်ပါတယ်။ ဂျပန်နိုင်ငံမှာ ဆာမူရိုင်းတွေနဲ့ နင်ဂျာတွေ ကြီးစိုးနေတဲ့ အချိန်မှာ... ​အီဇူရူဂီ ရစ်ကာဆိုတဲ့ မိန်းကလေးဟာ လူ့အသိုက်အဝန်းနဲ့ ကင်းကွာနေတဲ့ နင်ဂျာမျိုးနွယ်စုမှာ ကြီးပြင်းလာတဲ့ တိုက်ခိုက်ရေး ကျွမ်းကျင်တဲ့ မိန်းမငယ်လေး တစ်ယောက်ပါ.... တစ်နေ့ တောင်ပေါ်မှာ လမ်းပျောက်နေတဲ့ မီယာဆိုတဲ့ ထူးခြားတဲ့အစွမ်းတွေ ပိုင်ဆိုင်ထားတဲ့ မိန်းကလေးနဲ့တွေ့ပြီး သူငယ်ချင်းတွေ ဖြစ်သွားကြပါတယ်။ မီယာ့အစွမ်းကို လိုချင်လို့ လိုက်လံ သတ်ဖြတ်သူတွေကို ရစ်ကာက ကွာကွယ်ပေးရင်း အီဇူရူဂီမျိုးနွယ်စုထံ သစ္စာခံခိုင်းခဲ့ပါတယ်။ ဒီလိုနဲ့ နင်ဂျာတွေနဲ့ နီဂိုရိုရှုလူမျိုးတွေကြား တိုက်ပွဲတွေ ပြင်းထန်လာပါတော့တယ်... အီဇူရူဂီ မိသားစုရဲ့ သတ္တမမြောက် ခေါင်းဆောင် ဖြစ်လာမယ့် ရစ်ကာ ရဲ့ ခရီးလမ်းနဲ့ သူ့ရဲ့ ကြင်နာတတ်တဲ့ စိတ်နှလုံး မိသားစုအမွေအနှစ်တိုက်ပွဲတွေနဲ့ တာဝန်ဝတ္တရားတွေအကြား ရပ်တည်ပုံကို အချက်ကျကျ ပုံဖော်ရိုက်ကူးထားတဲ့ အက်ရှင် ဇာတ်ကားကောင်းတစ်ကား ဖြစ်ပါတယ်။ အက်ရှင်ဇာတ်ကားကောင်း တစ်ကားဖြစ်တာနဲ့အညီ တိုက်ခိုက်ရေး အလှတရားတွေ စိတ်ခံစားမှု အပြည့်အဝပါတဲ့ ဇာတ်ဝင်ခန်းတွေနဲ့ နင်ဂျာခေတ်ရဲ့ ရသကို အပြည့်အဝ ခံစားရစေမယ့် ဇာတ်ကားကောင်း တစ်ကားဖြစ်လို့ လက်မလွှတ်တမ်း ကြည့်ရှုသင့်တဲ့ ဇာတ်ကားတစ်ကား ဖြစ်ပါတယ်။

ဒီရုပ်ရှင်ဟာ ၂၀၀၇ ခုနှစ်က ထွက်ရှိခဲ့ပြီး နာမည်ကြီးခဲ့တဲ့ Jay Chouရဲ့ ထိုင်ဝမ်ရုပ်ရှင် "Secret" ကို ကိုရီးယားဗားရှင်းအဖြစ် ပြန်လည်အသက်သွင်း ရိုက်ကူးထားတဲ့ ရိုမန့်တစ်/fantasy အမျိုးအစား ဇာတ်ကားဖြစ်ပါတယ်။ နိုင်ငံခြားမှာ ပညာသင်နေတဲ့ စန္ဒရားပါရမီရှင်လေး ယူဂျွန်းဟာ လက်ကောက်ဝတ်မှာ ပြင်းထန်တဲ့ဒဏ်ရာရသွားတဲ့အတွက် သူ့ရဲ့ဂီတအိပ်မက်တွေ ရပ်တန့်သွားမဲ့အန္တရာယ်နဲ့ ရင်ဆိုင်လိုက်ရပါတယ်။ ကုသမှုခံယူဖို့ တောင်ကိုရီးယားကို ပြန်လာရင်း သူ့အဖေတာဝန်ယူထားတဲ့ ဂီတကောလိပ်မှာ ယာယီကျောင်းဝင်တက်ခဲ့ပါတယ်။ တစ်နေ့မှာတော့ ကျောင်းဝင်းထဲက ဟောင်းနွမ်းနေတဲ့ အစမ်းလေ့ကျင့်ရေးအခန်းလေးဆီကနေ ထွက်ပေါ်လာတဲ့ လျှို့ဝှက်ဆန်းကြယ်တဲ့ စန္ဒရားသံစဉ်လေးကို ကြားလိုက်ရပြီး အဲဒီအခန်းထဲမှာ စန္ဒရားတီးနေတဲ့ ဂျောင်အာ လို့ခေါ်တဲ့ မိန်းကလေးတစ်ယောက်နဲ့ ဆုံတွေ့ခဲ့ပါတယ်။ ဂီတကို ဝါသနာပါတဲ့ သူတို့နှစ်ယောက်ဟာ တဖြည်းဖြည်း ရင်းနှီးလာကြပြီး အချစ်ဇာတ်လမ်းလေး စတင်လာခဲ့ပါတယ်။ ဒါပေမဲ့ ဂျောင်အာဆီမှာ လျှို့ဝှက်ချက်တစ်ခု ရှိနေပါတယ်။ တစ်နေ့မှာ ဂျောင်အာ ရုတ်တရက် ပျောက်ကွယ်သွားတဲ့အခါ... ယူဂျွန်းတစ်ယောက် သူ့ကို ပြန်ရှာတွေ့နိုင်ပါ့မလား? ဂျောင်အာရဲ့လျှို့ဝှက်ချက်ကရော ဘာဖြစ်မလဲဆိုတာကို ဂီတသံစဉ် အလွမ်းအဆွေးတွေနဲ့အတူ ရိုမန့်တစ်ဆန်ဆန် ကြည့်ရှုရမဲ့ဇာတ်ကားကောင်းတစ်ကား ဖြစ်ပါတယ်။ ဒီကားကို အညွှန်းနဲ့ဘာသာပြန်ဆိုသူက Huihui ဖြစ်ပါတယ်။

ဒီတစ်ခေါက်မှာတော့ ကျွန်တော်တို့ငယ်ဘဝရဲ့ အမှတ်ရစရာဇာတ်ကားတွေထဲမှ မင်းသားကြီး(Lam Ching-ying) 林正英ရဲ့ ဇာတ်ကားကောင်းတစ်ကားဖြစ်တဲ့ [Magic Cop 1990]ဆိုတဲ့ ဟောင်ကောင်ဂန္ထဝင်ဇာတ်ကားလေးကို တင်ဆက်ပေးလိုက်ပါတယ်နော် ဇာတ်လမ်းအညွှန်း ဒီဇာတ်ကားလေးထဲမှာတော့ Lam Ching-yingဟာ ရဲအရာရှိတစ်ယောက်အဖြစ်ပါဝင်ထားပြီး တာအိုပညာနဲ့ သရဲဝိညာဉ်တွေကို နှိမ်နင်းနိုင်တဲ့အစွမ်းလည်း ပိုင်ဆိုင်ထားသူတစ်ယောက်လည်းဖြစ်ပါတယ်။တစ်နေ့မှာ ရဲဌာနနဲ့ဆက်စပ်နေတဲ့ ထူးဆန်းတဲ့အမှုတစ်ခု ဖြစ်ပွားလာပြီး လူသေဆုံးမှုတွေရဲ့နောက်ကွယ်မှာ သာမန်ရာဇဝတ်မှုမဟုတ်ဘဲ သဘာဝလွန်စွမ်းအားတစ်ခု ပါဝင်နေကြောင်းသိလာရပါတယ်။သူဟာ ထိုအမှုကို စုံစမ်းရင်း အန္တရာယ်ရှိတဲ့ ဝိညာဉ်တွေနဲ့ မိစ္ဆာလမ်းစဉ်ကျင့်သုံးတဲ့ ဂန္တမာကိုးပွင့်ဂိုဏ်းနဲ့ရင်ဆိုင်လာရတဲ့အခါမှာတော့ တာအိုမှော်ပညာနဲ့ အစွမ်းထက်သရဲဝိညာဉ်တွေကိုပါ တိုက်ခိုက်နှိမ်နင်းရပြီးအမှုကပိုပြီးရှုပ်ထွေးသွားပါတော့တယ်။ဒါအပြင် သူနဲ့တွဲဖက်ရဲအရာရှိက သဘာဝလွန်စွမ်းအားကို အယုံအကြည်မရှိဘဲ သိပ္ပံပညာကိုပဲ ယုံကြည်တဲ့အခါမှာတော့ သူတို့နှစ်ယောက်ကြားမှာ ဘယ်လိုကွဲလွဲမှုတွေဖြစ်လာမလဲ..?နှစ်ယောက်သား အလွဲလွဲအချော်ချော်တွေနဲ့ အမှုကို ဘယ်လိုဖြေရှင်းကြမလဲဆိုတာကို ကြည့်ရှုရမှာပဲဖြစ်ပါတယ်။ အညွှန်းနဲ့ ဘာသာပြန်သူကတော့ Nay Chii ဖြစ်ပါတယ်။

* Movie Request ထဲကဇာတ်ကားဖြစ်ပါတယ် ဒဏ္ဍာရီလာ မီးနဂါးကြီး ပြန်လည်ရှင်သန်လာမှုနဲ့အတူ နန်းတော်ကြီးတစ်ခုလုံး စုန့်စိန့်လှုပ်ခါသွားချိန်မှာတော့ ပဟေဠိဆန်လှတဲ့ အမှုမှန်ကို ဖော်ထုတ်ဖို့အတွက် စုံထောက်ကြီး တီရင်ကျီတစ်ယောက် ကွင်းဆင်း စုံစမ်းရပါတော့တယ်။ ကြည့်ရှုသူတွေကို အစမှ အဆုံးထိ ရင်တထိတ်ထိတ်နဲ့ အမှောင်ရိပ်ထဲက ကြိုးဆွဲသူကို လိုက်လံခန့်မှန်းခိုင်းစေမယ့် ဒီဇာတ်ကားမှာ လျှို့ဝှက်လှိုဏ်ခေါင်းတွေ၊ မီးနဂါးရဲ့ နောက်ကွယ်က တကယ့်အမှန်တရားနဲ့ နန်းတွင်းအာဏာလုပွဲတွေရဲ့ အမှောင်ဘက်ခြမ်းကို သဘာဝကျကျ ရိုက်ကူးပုံဖော်ထားပါတယ်။ ဇာတ်လမ်းအစအဆုံး ရိုက်ချက်တွေရော၊ အက်ရှင်ခန်းတွေပါ ကြည့်ရတာ အတော့်ကို ဆွဲဆောင်မှုရှိပြီး ဇာတ်အကွက်ရွှေ့ပုံတွေကလည်း ပရိသတ်ကို ငေးခနဲဖြစ်သွားစေမှာ သေချာပါတယ်။ ဒီဇာတ်ကားကို ဘာကြောင့် ကြည့်သင့်တယ်ဆိုရင်ဖြင့် ဆွဲဆောင်မှုရှိတဲ့ စုံထောက်ဇာတ်ကွက်တွေကြောင့် တီရင်ကျီရဲ့ ဉာဏ်ထက်မြက်မှုနဲ့ အမှုမှန်ကို ရေဆုံးရေဖျား လိုက်လံဖော်ထုတ်ပုံတွေက စုံထောက်ဇာတ်လမ်းကြိုက်သူတွေအတွက် အထူးသဘောကျစရာ ဖြစ်နေလို့ပါပဲ။ ထို့အပြင် ရင်သပ်ရှုမောဖွယ် VFX တွေ၊ မီးနဂါးရဲ့ ဖန်တီးမှုတွေ၊ လုပန်ကျမ်းရဲ့ လျှို့ဝှက်စက်ယန္တရားများနှင့် အက်ရှင်ခန်းတွေက ရုပ်ရှင်တစ်ခုလုံးကို ပျင်းရိစရာမလိုအောင် ပံ့ပိုးပေးထားပြီး နောက်ဆုံးအချိန်ထိ ရင်ခုန်ရမယ့် မမျှော်လင့်ထားတဲ့ Plot Twists တွေကလည်း ကြည့်ရှုသူတွေကို ဖမ်းစားထားနိုင်ပါတယ်။ လက်စားချေလ

ဒီတစ်ခါတင်ဆက်ပေးမယ့် ရုပ်ရှင်ကတော့ ၁၉၇၀ အလွန် ကျေးလက်ဒေသ အပြင်အဆင်နဲ့ ရိုက်ကူးထားတဲ့ မြို့ပြနဲ့ အလှမ်းဝေးတဲ့ ဒေသတစ်ခုရဲ့ အာဏာလုပွဲနဲ့ လက်စားချေခြင်းတွေ ပေါင်းစပ်ထားတဲ့ Action Drama ဇာတ်ကားတစ်ကား ဖြစ်ပါတယ်။ ဇာတ်လမ်းထဲမှာ မိဘမဲ့ကလေးတစ်ဦးဖြစ်တဲ့ လီနင် ဟာ ရွာရဲ့ ဩဇာတိက္ကမကြီးမားပြီး လေးစားခံရတဲ့ ခေါင်းဆောင်အမျိုးသမီးကြီးရဲ့ စောင့်ရှောက်မှုနဲ့ ကြီးပြင်းလာခဲ့သူပါ။ သူဟာ ရွာထဲက ရိုးသားဖြူစင်တဲ့ ဘာရာသီ ဆိုတဲ့ မိန်းကလေးနဲ့ မေတ္တာမျှခဲ့ကြပေမယ့် ဒေသတွင်း ဂိုဏ်းဂဏကွဲပြားမှုတွေနဲ့ အာဏာစက်ပြိုင်ဆိုင်မှုတွေကြားမှာတော့ သူတို့ရဲ့ ချစ်ခြင်းမေတ္တာဟာ စိန်ခေါ်မှုကြီးမားစွာနဲ့ ရင်ဆိုင်ခဲ့ရပါတယ်။ ဒီဇာတ်လမ်းရဲ့ အဓိကအသက်ကတော့ ရွာရဲ့ အုပ်ချုပ်သူတွေနဲ့ စီးပွားရေးသမားတွေကြားက လျှို့ဝှက်သစ္စာဖောက်မှုတွေ၊ အကြမ်းဖက်ဖိနှိပ်မှုတွေကြားမှာ သာမန်လူငယ်တစ်ယောက်ဖြစ်တဲ့ လီနင် တစ်ယောက် မတရားမှုကို တော်လှန်ဖို့ ဖိအားပေးခံလိုက်ရတာပဲ ဖြစ်ပါတယ်။ ရှေးဟောင်း ရာမယနနဲ့ မဟာဘာရတဇာတ်တော်တွေထဲက ညီအစ်ကိုတိုက်ပွဲနဲ့ သစ္စာတရားတွေကို ခေတ်ပြိုင် ကျေးလက်နောက်ခံနဲ့ ပေါင်းစပ်ပုံဖော်ထားပြီး၊ ဖိနှိပ်ခံရသူတွေဘက်က မားမားမတ်မတ် ရပ်တည်ရင်း လက်စားချေမယ့် သူရဲကောင်းတစ်ယောက်ရဲ့ ဇာတ်လမ်းကို ခံစားကြည့်ရှုရမှာပဲဖြစ်ပါတယ်။ ဇာတ်လမ်းက ကြမ်းသလိုမျိုး ဇာတ်အိမ်အတက်အကျကလည်း ဟာခနဲဟင်ခနဲဖြစ်သွားနိုင်တာမို့ တောင်ပိုင်းအက်ရှင်ကားကောင်းကော

* Movie Request ထဲကဇာတ်ကားဖြစ်ပါတယ် ဒီတစ်ခါမှာတော့ ဂန္ထဝင် ဘဲလေး အကအလှရဲ့ကျော့ရှင်းမှုတွေ၊ လမ်းဘေး ဟစ်ဟော့ပ်အကရဲ့ တက်ကြွမှုတွေနဲ့အတူ မြူးကြွတဲ့ တယောတေးသံစဉ်တွေ ပေါင်းစပ်ထားတဲ့ Drama/Music/Romance ကားကောင်းလေးတစ်ကားနဲ့ မိတ်ဆက်ပေးချင်ပါတယ်။ ဒါကတော့ ဒါရိုက်တာ Michael Damian ရိုက်ကူးပြီး Keenan Kampa နဲ့ Nicholas Galitzine တို့ အဓိက သရုပ်ဆောင်ထားတဲ့ "High Strung" ဆိုတဲ့ ဇာတ်ကားလေးပါပဲ။ ဇာတ်လမ်းလေးကတော့ နယူးယောက်မြို့ရဲ့ နာမည်ကြီး ဂီတနဲ့ အက အနုပညာကျောင်းမှာ ပညာသင်ကြားခွင့်ရခဲ့တဲ့ လှပကျော့ရှင်းတဲ့ ဘဲလေး ကချေသည်လေး 'ရူဘီ' ရဲ့ ဘဝကနေ စတင်ထားတာပါ။ တစ်ဖက်မှာလည်း မြေအောက် ရထားဘူတာရုံတွေမှာ တယောတီးခတ်ရင်း ဘဝကို ရုန်းကန်နေရတဲ့ အင်္ဂလန်နိုင်ငံသား ဂီတပညာရှင်လေး 'ဂျွန်နီ' ဆိုတဲ့ လူငယ်လေး တစ်ယောက် ရှိနေပါတယ်။ မတူညီတဲ့ အနုပညာနောက်ခံနဲ့ လူမှုအသိုင်းအဝိုင်းက လာကြသူတွေ ဖြစ်ပေမဲ့ ရူဘီ့ရဲ့ ပညာသင်ဆု လျှောကျမယ့်အန္တရာယ်နဲ့ ဂျွန်နီ့ရဲ့ တရားမဝင် ပြည်နှင်ဒဏ်ခံရနိုင်ခြေ အခြေအနေတွေကြားထဲမှာ သူတို့နှစ်ယောက် မထင်မှတ်ဘဲတွေ့ဆုံပြီး လက်တွဲခဲ့ကြပါတော့တယ်။ သူတို့ရဲ့ အိပ်မက်တွေနဲ့ ဘဝကို ကယ်တင်ဖို့အတွက် ဘဲလေးအက၊ ဟစ်ဟော့ပ်အကနဲ့ တယော တေးသံစဉ်တွေကို ပေါင်းစပ်ပြီး ကြီးမားတဲ့ အကနဲ့ ဂီတပြိုင်ပွဲကြီးမှာ ဝင်ရောက်ယှဉ်ပြိုင်ဖို့ ပြင်ဆင်ကြရပါတော့တယ်။ ပြိုင်ပွဲကြီး နီးကပ်လာတာနဲ့အမျှ ဖိအားတွေ၊ သဝန်တိုမှုတွေနဲ့ စိန်ခေါ်မှုတွေကြာ

* Movie Request ထဲက ဇာတ်ကားဖြစ်ပါတယ် အခုတစ်ခေါက် ဇာတ်ကားလေးကတော့ Battle Royale II: Requiem ဆိုတဲ့ ဂျပန်ဇာတ်ကားကောင်းလေး တစ်ကားပဲ ဖြစ်ပါတယ်။ ဒီဇာတ်ကားဟာ နာမည်ကြီး "Battle Royale" ရုပ်ရှင်ရဲ့ အဆက်ဖြစ်ပြီး ပထမကားလို သတ်မှတ်ထားတဲ့ ကျွန်းပေါ်မှာ ကလေးတွေအချင်းချင်း သတ်ခိုင်းတာထက် ပိုမိုကြီးမားတဲ့ အပြင်လောကကြီးနဲ့ ဆက်စပ်လာပါတယ်။ ကမ္ဘာတစ်ဝှမ်းက လူကြီးတွေနဲ့ စစ်ဒဏ်သင့်နိုင်ငံတွေရဲ့ ဖိနှိပ်မှုကို ဆန့်ကျင်ဖို့အတွက် အဓိကအပြင်လောကကြီးနဲ့ နာနာဟာရ ရှုယာ ဦးဆောင်တဲ့ အဖွဲ့က "လူကြီးတွေအားလုံးကို စစ်ကြေညာပါတယ်" ဆိုပြီး လူငယ်တွေနဲ့အတူ တော်လှန်တိုက်ပွဲဝင်ကြတဲ့ အကြောင်းကို ရိုက်ကူးထားတာ ဖြစ်ပါတယ်။ ပထမကားရဲ့ Survival ဂိမ်းဆန်ဆန် ပုံစံကနေ တစ်ဆင့်တက်ပြီး နိုင်ငံရေး စစ်ပွဲနဲ့ လူငယ်တွေရဲ့ ခံစားချက်တွေကို ပုံဖော်ထားပါတယ်။ ကလေးတွေအနေနဲ့ အသက်ရှင်ဖို့အတွက်သာမက လူကြီးတွေရဲ့ ရက်စက်တဲ့ စနစ်ကြီးကို တိုက်ထုတ်ဖို့ ကြိုးစားကြပုံ... ကျောင်းသားအချင်းချင်း သူငယ်ချင်းတွေကြားက အသက်ရှင်ဖို့စွန့်လွှတ်အာပေးမှုနဲ့ မိတ်ဆွေအင်အားရဲ့ တန်ဖိုးကို ပေါ်လွင်အောင် ရိုက်ကူးထားတဲ့ ဇာတ်အိမ်ခိုင်တဲ့ ဇာတ်ကားကောင်းတစ်ကား ဖြစ်ပါတယ်။ အကြမ်းဖက်မှုတွေ စစ်ပွဲတွေနဲ့ ကလေးသူငယ်တွေ ကြုံတွေ့ရတဲ့ ဒုက္ခတွေကို မီးမောင်းထိုးပြထားပြီး ငြိမ်းချမ်းရေးရဲ့ တန်ဖိုးကို နောက်ဆုံးမှာ ပုံဖော်ရိုက်ကူးတဲ့ ဇာတ်ကားကောင်းတစ်ကားဖြစ်တာမို့ အခုပဲကြည့်ရှု