လူကြည့်များသော ရုပ်ရှင်များ

* Movie Request ထဲကဇာတ်ကားဖြစ်ပါတယ် Horror ဇာတ်ကားတွေကို ကြိုက်နှစ်သက်သူတွေအတွက် You're Next (2011) က မဖြစ်မနေကြည့်သင့်တဲ့ Home Invasion Thriller ဇာတ်ကားတစ်ကားပါ။ သည်းထိတ်ရင်ဖိုအမျိုးအစားကို အခြေခံထားပေမယ့် သာမန်လူသတ်သမားလိုက်သတ်တဲ့ ပုံစံထက် ပိုပြီး ဉာဏ်ကစားမှု၊ စိတ်ဖိစီးမှုနဲ့ မမျှော်လင့်ထားတဲ့ အလှည့်အပြောင်းတွေကို ထည့်သွင်းဖန်တီးထားတာကြောင့် Horror ပရိသတ်တွေအကြား နာမည်ကြီးခဲ့တဲ့ ဇာတ်ကားတစ်ကားလည်း ဖြစ်ပါတယ်။ ဇာတ်လမ်းအစမှာတော့ ချမ်းသာတဲ့ Davison မိသားစုဟာ နှစ်ပေါင်းများစွာ မတွေ့ဖြစ်ခဲ့တဲ့ မိသားစုဝင်တွေကို ကျေးလက်ဒေသက အိမ်ကြီးတစ်လုံးမှာ ပြန်လည်စုစည်းပြီး မိသားစုညစာစားပွဲတစ်ခု ကျင်းပဖို့ စီစဉ်ကြပါတယ်။ အစပိုင်းမှာတော့ ပုံမှန်မိသားစုတွေ့ဆုံပွဲလိုပဲ ထင်ရပေမယ့် မိသားစုအတွင်းက အမြင်မတူမှုတွေ၊ အငြင်းပွားမှုတွေနဲ့ တင်းမာတဲ့ ဆက်ဆံရေးတွေကို တဖြည်းဖြည်း မြင်တွေ့လာရပါတယ်။ ဒါပေမယ့် ညအချိန်ရောက်လာတဲ့အခါ မျက်နှာဖုံးစွပ်ထားတဲ့ အမည်မသိလူအုပ်စုက အိမ်ကို ဝင်ရောက်တိုက်ခိုက်လာပြီး အေးချမ်းနေတဲ့ ညတစ်ညဟာ သွေးစွန်းတဲ့ ရှင်သန်ရေးတိုက်ပွဲအဖြစ် ချက်ချင်းပြောင်းလဲသွားပါတယ်။ ဖုန်းလိုင်းတွေ ဖြတ်တောက်ခံထားရ၊ ထွက်ပြေးဖို့ လမ်းကြောင်းတွေ ပိတ်ဆို့ခံထားရတဲ့ အခြေအနေမှာ အိမ်ထဲက လူတိုင်းဟာ ဘယ်သူ့ကို ယုံကြည်ရမလဲ၊ ဘယ်လို အသက်ရှင်ရမလဲဆိုတာကို ကိုယ်တိုင်ဆုံးဖြတ်ရတဲ့ အခြေအနေမျိုးကို ရင်ဆိုင်ကြရပါတယ်။ ဒီဇာတ်ကားရဲ့

ယောင်းဂျူဟာ ကားအက်ဆီးဒင့်တစ်ခုကြောင့် မိဘနှစ်ပါးစလုံးကို ဆုံးရှုံးလိုက်ရပြီး မောင်လေးဖြစ်သူနဲ့အတူ ဘဝကို ခက်ခဲစွာ ရုန်းကန်နေရတဲ့ အသက် ၂၀ အရွယ် ကောင်မလေးတစ်ယောက်ပါ။ တစ်နေ့မှာတော့ သူ့ရဲ့ မောင်လေးဖြစ်သူဟာ ပြဿနာတစ်ခုထဲ ပါသွားပြီး လျော်ကြေးငွေ အများကြီးပေးဖို့ လိုအပ်လာပါတယ်။ ငွေရေးကြေးရေး ကျပ်တည်းပြီး ထွက်ပေါက်ပိတ်နေတဲ့ ယောင်းဂျူဟာ သူ့မိဘတွေကို သေဆုံးစေခဲ့တဲ့ အက်ဆီးဒင့်ကို ကျူးလွန်ခဲ့သူတွေဆီကို လိုက်သွားပါတော့တယ်။ အစကတော့ လက်စားချေဖို့ ဒါမှမဟုတ် ငွေတောင်းဖို့ ရည်ရွယ်ချက်နဲ့ သူတို့ဖွင့်ထားတဲ့ ပဲပြားဆိုင်မှာ အလုပ်ဝင်လုပ်ခဲ့ပါတယ်။ ဒါပေမဲ့ သူ ဘယ်သူဘယ်ဝါမှန်း မသိတဲ့ အဲဒီလင်မယားနှစ်ယောက်က ယောင်းဂျူအပေါ်ကို သမီးအရင်းတစ်ယောက်လို တယုတယနဲ့ နွေးနွေးထွေးထွေး ဆက်ဆံပေးလာတဲ့အခါမှာတော့... သူ့ရဲ့မိဘတွေကို သတ်ခဲ့တဲ့ ရန်သူတွေဆိုတဲ့ အမုန်းတရားနဲ့ သူ့ဘဝမှာ အလိုအပ်ဆုံးဖြစ်နေတဲ့ မိဘမေတ္တာကို အဲဒီလူတွေဆီကနေ ပြန်ရနေတဲ့အပေါ် ယောင်းဂျူတစ်ယောက် ဘယ်လို ရှေ့ဆက်မလဲဆိုတာကို ရင်နင့်စရာ ကြည့်ရှုရမှာပါ။ မှားယွင်းမှုတစ်ခုအပေါ် တစ်သက်လုံး နောင်တရနေတဲ့ ကျူးလွန်သူတွေရဲ့ဘဝနဲ့၊ အမုန်းတရားနဲ့ ခွင့်လွှတ်ခြင်းကြားက ဗျာများရတဲ့ နစ်နာသူတို့ရဲ့ စိတ်ခံစားချက်တွေကို သဘာဝကျကျနဲ့ လေးနက်စွာ ရိုက်ကူးပြထားတဲ့ ကားကောင်းတစ်ကားဖြစ်လို့ အချိန်ပေးကြည့်ရှုဖို့ တိုက်တွန်းချင်ပါတယ်။ ဒီကားကို အညွှန်းနဲ့ဘာသာပြန်ဆိုသူက Huihui ဖြစ်ပါတ

ဒုရဲအုပ် အာဂျစ်က ငယ်ငယ်တုန်းက ညီမဖြစ်သူ ရထားပေါ်မှာ ပျောက်ဆုံးသွားခဲ့တာကြောင့် ရထားကို ဘယ်တော့မှမစီးတော့ဘဲ စိတ်ဒဏ်ရာရနေသူတစ်ဦးပါ။ တစ်နေ့မှာ ရေတွင်းပျက်တစ်ခုထဲမှာ လူသေအလောင်းတစ်ခု တွေ့တယ်ဆိုပြီး အာဂျစ်ရဲ့ ရဲစခန်းကို ဖုန်းဝင်လာခဲ့ပါတယ်။ သေဆုံးသူက လက်မောင်းမှာ ရာဂျူ ဆိုတဲ့တက်တူးနဲ့ ကလေးနှစ်ယောက်အမေ ရှိုဘာ ဆိုတဲ့အမျိုးသမီးပါ။ အာဂျစ်နဲ့ လက်ထောက်ရဲအရာရှိဂျို တို့က အဲ့ဒီအမှုကိုလိုက်ရင်း သေဆုံးသူရဲ့ယောက်ျား ရာဂျူ ဆိုတဲ့လူကို ရှာတွေ့ခဲ့ပြီး ရာဂျူရဲ့ပြောကြားချက်အရ သူ့မိန်းမက သူ့အစ်ကိုဝမ်းကွဲနဲ့ဖောက်ပြန်လို့ ကလေးတွေခေါ်ပြီး ထွက်လာခဲ့တာလို့ ထွက်ဆိုခဲ့ပါတယ်။ တကယ်တော့ အမှုက အဲ့ဒီလောက်မရိုးရှင်းပါဘူး။ တကယ့်အဖြစ်မှန်က ဘယ်လိုမျိုးလဲ၊ ဘာကြောင့် ရှိုဘာ သေသွားရတာလဲ ၊ ဒီဖြစ်စဉ်က အာဂျစ်ညီမလေး ပျောက်သွားတဲ့ဖြစ်စဉ်နဲ့ ဘယ်လိုတွေဆက်စပ်နေမလဲဆိုတာကို အာဂျစ်နဲ့ ဂျိုတို့ရဲ့ ဇွဲရှိရှိ စုံစမ်းထောက်လှမ်းကြပုံကို မြင်တွေ့ရမယ့် စိတ်ဝင်စားစရာ မှုခင်းဇာတ်ကားကောင်းလေးပဲ ဖြစ်ပါတယ်။ ဒီဇာတ်ကားမှာ ဒုရဲအုပ် အာဂျစ် အဖြစ် မင်းသား Roshan Mathew ၊ လက်ထောက်ရဲအရာရှိ ဂျို အဖြစ် မင်းသားကြီး Baiju Santhosh ၊ ရှာနာ အဖြစ် မင်းသမီး Athulya Chandra နဲ့ ရှိုဘာ အဖြစ် မင်းသမီး Shruthy Menon တို့က အဓိက ပါဝင်သရုပ်ဆောင်ထားတာ ဖြစ်ပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Cherry ဖြစ်ပါတယ်။

ခြောက်ခြားဖွယ်ရာ သည်းထိတ်ရင်ဖိုဇာတ်လမ်းဆန်းတွေကိုမှ ကြိုက်နှစ်သက်ကြတဲ့ ပရိသတ်တွေအတွက် M Sub Movie Channel ကနေ အသစ်စက်စက် ဘာသာပြန် တင်ဆက်ပေးလိုက်တဲ့ သည်းထိတ်ရင်ဖို သရဲကားလေးဘက်ကို ညွှန်းပေးချင်ပါတယ်။ ဒီဇာတ်ကားဟာ သာမန် သရဲခြောက်တဲ့ ဇာတ်လမ်းမျိုး မဟုတ်ဘဲ လူ့စိတ်ရဲ့ အမှောင်ဘက်ခြမ်း၊ မိသားစု အကျပ်အတည်းနဲ့ ယုံကြည်ကိုးကွယ်မှုနောက်ကွယ်က လျှို့ဝှက်ဆန်းကြယ် ရာဇဝင်တွေကို စိတ်လှုပ်ရှားဖွယ် ရိုက်ကူးပုံဖော်ထားတာပါ။ ဇာတ်လမ်းတစ်လျှောက်လုံးမှာ ဆွဲခေါ်သွားမယ့် ဆန်းကြယ်တဲ့ အငြေ့အသက်တွေ၊ ရင်တထိတ်ထိတ်နဲ့ အဖြေရှာရမယ့် ပဟေဠိတွေကြောင့် ကြည့်ရှုသူတွေကို အစမှ အဆုံးထိ မမှိတ်မသုန် စွဲကပ်သွားစေမှာ သေချာပါတယ်။ ဒီဇာတ်ကားကို ဘာကြောင့် မဖြစ်မနေ ကြည့်သင့်တာလဲဆိုရင်တော့ ပထမဦးစွာ ဇာတ်အိမ်ခိုင်မာပြီး ပရိသတ်ကို ခန့်မှန်းလို့မရအောင် လှည့်ကွက်တွေနဲ့ ခေါ်ဆောင်သွားနိုင်တာကြောင့်ဖြစ်ပါတယ်။ ရုပ်ရှင်ရဲ့ ရိုက်ကူးတင်ဆက်မှု၊ နောက်ခံတေးဂီတနဲ့ သရုပ်ဆောင်တွေရဲ့ ကျရာဇာတ်ရုပ်မှာ အသက်ဝင်လွန်းတဲ့ သရုပ်ဆောင်ချက်တွေဟာ ကြောက်မက်ဖွယ် ရာအကောင်းဆုံး အငြေ့အသက်ကို ပေးစွမ်းနိုင်မှာပါ။ ဒါ့အပြင် ဒီဇာတ်ကားကို ကြည့်ရှုခြင်းအားဖြင့် မိဘနဲ့ သားသမီးကြားက ဆက်ဆံရေး၊ စိတ်ဒဏ်ရာ (Trauma) တွေရဲ့ ရိုက်ခတ်မှုနဲ့ မဆင်မခြင် အစွဲအလမ်းလွန်ကဲမှုတွေဟာ လူတစ်ယောက်ရဲ့ ဘဝနဲ့ မိသားစုတစ်ခုလုံးကို ဘယ်လောက်ထိ ပျက်စီးသွားစေနိုင်သလဲဆိုတဲ့ သင်ခန်းစာကောင်းတွေကို ရရှိစေမှာဖြ

* Movie Request ထဲကဇာတ်ကားဖြစ်ပါတယ် ယခုတစ်ခေါက် တင်ဆက်ပေးမယ့်ဇာတ်ကားကောင်းလေးကတော့ နာမည်ကျော်ဒါရိုက်တာ မာတင် စကော်ဆီဇီ (Martin Scorsese) ရိုက်ကူးခဲ့ပြီး ၁၉၉၇ ခုနှစ်က ထွက်ရှိခဲ့တဲ့ "Kundun" ဆိုတဲ့ဇာတ်ကားပဲ ဖြစ်ပါတယ်။ တိဗက်လူမျိုးတို့ရဲ့ဘာသာ‌ရေးခေါင်းဆောင် ဒလိုင်းလာမားရဲ့ ငယ်ဘဝကနေ အိန္ဒိယနိုင်ငံကို တိမ်းရှောင်ထွက်ပြေးခဲ့ရတဲ့အချိန်အထိ သမိုင်းကြောင်းကို ရိုက်ကူးတင်ဆက်ထားတာဖြစ်လို့ သမိုင်းနောက်ခံဇာတ်လမ်းနဲ့ ကမ္ဘာ့ရေးရာတွေကို စိတ်ဝင်စားသူများအတွက် လက်မလွှတ်သင့်တဲ့ ဇာတ်ကားကောင်းတစ်ခု ဖြစ်ပါတယ်။ ဇာတ်လမ်းရဲ့အစကတော့ တိဗက်နိုင်ငံ အနောက်ပိုင်းက ဆင်းရဲတဲ့ရွာငယ်လေးတစ်ခုမှာ စတင်ပါတယ်။ တိဗက်လူမျိုးတွေရဲ့ ယုံကြည်ချက်အရ ကွယ်လွန်သွားပြီဖြစ်တဲ့ ၁၃ ကြိမ်မြောက် ဒလိုင်းလားမားရဲ့ ဝိညာဉ်ဟာ ကလေးငယ်တစ်ဦးရဲ့ ကိုယ်ထဲမှာ ပြန်လည်ဝင်စားလာတယ်လို့ ယူဆကြပါတယ်။ အဲဒီနောက် ဘုန်းတော်ကြီးတွေဟာ စုံစမ်းထောက်လှမ်းမှုတွေ ပြုလုပ်ပြီးနောက် အသက်နှစ်နှစ်သာရှိသေးတဲ့ ကလေးငယ်လေးကို ၁၄ ကြိမ်မြောက် ဒလိုင်းလားမားအဖြစ် တင်မြှောက်ခဲ့ကြပါတယ်။ ကလေးငယ်ဟာ နန်းတော်ထဲမှာ တိဗက်တို့ရဲ့ ရိုးရာဓလေ့၊ ဗုဒ္ဓဘာသာတရားတော်တွေနဲ့အတူ ဘုရင်တစ်ပါးလိုရော ဘာသာရေးခေါင်းဆောင်တစ်ဦးအနေနဲ့ပါ ကြီးပြင်းလာခဲ့ရပါတယ်။ ဒါပေမဲ့ ကလေးငယ် အရွယ်ရောက်လာတဲ့အခါမှာတော့ တိဗက်နိုင်ငံအတွက် ကြီးမားတဲ့ ခြိမ်းခြောက်မှုကြီးတစ်ခုနဲ့ ရင်ဆိုင်လာရပါတော့တယ်။ အိမ်နီးချင်းတရုတ်နိုင်ငံ

Ellen က သူ့အမေဆုံးသွားတဲ့ ဝမ်းနည်းမှုတွေကနေ အေးအေးဆေးဆေး သက်သာရာရဖို့ တိတ်ဆိတ်တဲ့ တောရွာလေးတစ်ရွာကို ပြောင်းလာခဲ့ပါတယ်။ သူ့ဘဝသစ်လေးကို အေးချမ်းစွာ ဖြတ်သန်းချင်ခဲ့ပေမယ့်၊ စိတ်ဒဏ်ရာတွေကြောင့် ခြောက်ခြားနေတဲ့ သူ့ရဲ့ဝမ်းကွဲမောင်လေး Winthrop ကို ခေါ်ယူစောင့်ရှောက်လိုက်ရတဲ့ အချိန်မှာတော့ အဲဒီမျှော်လင့်ချက်တွေ အကုန်ပျက်စီးသွားခဲ့ရပါတယ်။ သူတို့မောင်နှမနှစ်ယောက်ရဲ့ တိတ်ဆိတ်တဲ့ နေထိုင်မှုဘဝလေးက ထူးဆန်းတဲ့ အိမ်နီးချင်းတစ်ယောက်ရောက်လာပြီး Winthrop က အရမ်းအန္တရာယ်များတဲ့သူလို့ လာသတိပေးတဲ့အချိန်မှာ လုံးဝကို ပြောင်းလဲသွားပါတယ်။ အဲဒီအချိန်ကစပြီး သူတို့ပတ်ဝန်းကျင်မှာ အဖြေရှာမရတဲ့ ထူးဆန်းတဲ့ အဖြစ်အပျက်တွေ ဆက်တိုက်ဖြစ်လာတော့တာပါပဲ။ တကယ့်တကယ်က Winthrop ရဲ့ နောက်ကွယ်မှာ သူ့ကို အပိုင်ရဖို့ လိုက်ရှာနေတဲ့ ရက်စက်တဲ့ နာမ်လောကက မိစ္ဆာတစ်ကောင် ရှိနေတာပါ။ ဒီလို အမှောင်ထုရဲ့ ခြိမ်းခြောက်မှုတွေကြားမှာ Ellen က သူ့မောင်လေးကို ကာကွယ်ဖို့ အသက်ကိုတောင် ပဓာနမထားဘဲ အရာအားလုံးကို ရင်းပြီး တိုက်ပွဲဝင်ရပါတော့တယ်။ လူတစ်ယောက်ရဲ့ ခန္ဓာကိုယ်ကို နတ်ဆိုးတွေ ပိတ်လှောင်တဲ့ သေတ္တာ (Lockbox) အဖြစ် အသုံးချမယ့် ဒီဇာတ်လမ်းက အမှောင်ထုနဲ့ မိသားစုမေတ္တာကို ရင်တမမနဲ့ ကြည့်ရအောင် တင်ဆက်ထားတာပါ။ နာမည်ကြီး Knifepoint Horror Podcast ဇာတ်လမ်းကို အခြေခံပြီး Director Daniel Stamm ရိုက်ကူးထားသလို၊ သရုပ်ဆောင် Carla Gugino, Lou Taylor Pucc

* Movie Request ထဲကဇာတ်ကားဖြစ်ပါတယ် လူတစ်ယောက်ဟာ FBI အေးဂျင့်တစ်ယောက်ကို လာရောက်တွေ့ဆုံပြီး နှစ်ပေါင်းများစွာ လိုက်လံရှာဖွေနေတဲ့ လူသတ်သမားတစ်ယောက်အကြောင်း သူသိထားသမျှကို ဖွင့်ဟပြောပြရာကနေ Frailty (2001) ရဲ့ ဇာတ်လမ်းက စတင်ဖွင့်လှစ်လာပါတယ်။ သူပြောပြတဲ့ အကြောင်းအရာတွေဟာ သာမန်လူသတ်မှုတစ်ခုထက် အများကြီးပိုရှုပ်ထွေးနေပြီး၊ ယုံကြည်မှု၊ ဘာသာရေး၊ မိသားစုဆက်ဆံရေးနဲ့ လူ့စိတ်ရဲ့ နက်နဲမှုတွေကို တဖြည်းဖြည်း ထုတ်ဖော်ပြသသွားပါတယ်။ မိခင်ကို ဆုံးရှုံးထားတဲ့ သားနှစ်ယောက်နဲ့ ဖခင်တစ်ယောက်တို့ရဲ့ ဘဝဟာ တိတ်ဆိတ်အေးချမ်းနေခဲ့ပေမယ့် တစ်ညမှာတော့ ဖခင်က ဘုရားသခင်ကို ကိုယ်တိုင်တွေ့ဆုံခဲ့ပြီး လူအသွင်ယူထားတဲ့ နတ်ဆိုးတွေကို ဖယ်ရှားပေးဖို့ တာဝန်ပေးအပ်ခံရတယ်လို့ ပြောလာပါတယ်။ သူ့အဆိုအရ အဲဒီနတ်ဆိုးတွေဟာ သာမန်လူတွေရဲ့ ပုံစံနဲ့ နေထိုင်နေကြပေမယ့် သူတို့ကို ထိတွေ့လိုက်တာနဲ့ သူတို့ရဲ့ အပြစ်တွေအားလုံးကို မြင်နိုင်တယ်လို့ ယုံကြည်ထားပါတယ်။ သားကြီးကတော့ ဖခင်ရဲ့ ယုံကြည်ချက်ကို သံသယဝင်နေပြီး အရာအားလုံးဟာ စိတ်ကူးယဉ်မှုတစ်ခုသာ ဖြစ်နိုင်တယ်လို့ ထင်မြင်ပါတယ်။ ဒါပေမယ့် သားငယ်ကတော့ ဖခင်ရဲ့ စကားတွေကို အပြည့်အဝ ယုံကြည်ပြီး သူ့အနားမှာ ရပ်တည်ပေးနေပါတယ်။ ဒီလို မတူညီတဲ့ ယုံကြည်ချက်နှစ်ခုကြားက ပဋိပက္ခဟာ ဇာတ်လမ်းကို ပိုမိုစိတ်ဝင်စားဖို့ကောင်းစေပြီး ကြည့်ရှုသူကိုလည်း "တကယ်မှန်တာ ဘယ်သူလဲ" ဆိုတဲ့ မေးခွန်းကို ဆက်တိုက် တွေးတောစေပါတယ်။

ဒီတစ်ခေါက်မှာတော့ သည်းထိတ်ရင်ဖို မှုခင်းကားကြိုက်နှစ်သက်သူတွေအတွက် ဒါရိုက်တာ Sagaraနှင့် Qi Zhangတို့ ပူးတွဲရိုက်ကူးထားသော "Trapped - 2025" ဆိုတဲ့ ဇာတ်ကားလေးကို တင်ဆက်ပေးလိုက်ပါတယ်နော်။ ဇာတ်လမ်းအကျဉ်း ၁၉၉၅ ခုနှစ် တရုတ်နယ်စပ်က မန်ယာဆိုတဲ့ မြို့ငယ်လေးဟာ အပြင်လောကနဲ့ အဆက်အသွယ်မရှိဘဲ တိတ်ဆိတ်စွာတည်ရှိနေခဲ့ပါတယ်။ တစ်နေ့မှာတော့ ထောင်ကနေထွက်ပြေးလာတဲ့ ဓားပြခေါင်းဆောင် ပေရှန်းဦးဆောင်သောအဖွဲ့ဟာ မြို့ငယ်လေးကို ရုတ်တရက်ဝင်စီးပြီး လောင်စာဆီနဲ့ ဆက်သွယ်ရေးစနစ်တွေအားလုံး ဖြတ်တောက်ခံလိုက်ရတာကြောင့် မြို့တစ်မြို့လုံးဟာ ကူကယ်ရာမဲ့အခြေအနေကို ရောက်သွားရပါတော့တယ်။မြို့ငယ်လေးမှာတော့ ရဲအရာရှိသုံးယောက်နဲ့ သေနတ်တစ်လက်သာရှိသောကြောင့် ခေါင်းဆောင်ရှရန်ဟာ မြို့သူ/မြို့သားတွေကိုကာကွယ်ရန်အစွမ်းကုန်ကြိုးစားရပါတော့တယ်။တစ်ဖက်မှာလည်း ဓားပြအဖွဲ့အတွင်း လောဘ အာဏာနဲ့ သစ္စာဖောက်မှုတွေကြောင့် အချင်းချင်းကြားမှာ သံသယတွေပေါက်ဖွားလာပြီး တဖြည်းဖြည်း ပြိုကွဲစပြုလာပါတယ်။ အရာရှိရှရန်ဟာ ထိုအခြေအနေကိုအခွင့်ကောင်းယူပြီး ပြင်းထန်တဲ့ သဲမုန်တိုင်းကြားထဲမှာ ဓားပြခေါင်းဆောင်ကျိုးပေရှန်းလက်ထဲမှ မြို့ငယ်လေးနဲ့ ဓားစာခံတွေကို ကယ်တင်ဖို့ကြိုးစားပါတော့တယ်။ရှရန်တစ်ယောက် မန်ယာမြို့လေးကို ကယ်တင်နိုင်ပါ့မလား..?တရားမျှတမှုကို လက်ကိုင်ထားပြီး လူဆိုးတွေကို ရှင်းလင်းနိုင်ပါ့မလား...?တရားမျှတမှုကိုရရှိဖို့အတွက် ဘယ်လိုတန်ဖိုးတွေကို ပေးဆပ်ခဲ့ရလဲ

တောနက်ကြီးထဲမှာ ပြင်ပကမ္ဘာနဲ့ အဆက်အသွယ်ပြတ်တောက်နေချိန်၊ သင့်ကို ကူညီမယ့်သူကပဲ ရက်စက်တဲ့ လူသတ်သမား ဖြစ်နေရင် သင် ဘယ်လို အသက်ရှင်သန်အောင် ရုန်းကန်မလဲ? Capps Crossing: Wrong Side of Dead (၂၀၂၆) ဇာတ်ကားသစ်ကြီးကတော့ ဒီလို ကြောက်မက်ဖွယ် အခြေအနေကို ရင်တထိတ်ထိတ်နဲ့ ပုံဖော်ထားတဲ့ ရုပ်ရှင်ကားကောင်းတစ်ကားပါ။ အမ်ဘာ (Amber) ဆိုတဲ့ ကောင်မလေးနဲ့ သူမရဲ့ သူငယ်ချင်းတစ်စုဟာ မွေးနေ့ပွဲလေး ကျင်းပဖို့ Capps Crossing ဆိုတဲ့ အပန်းဖြေစခန်းကို ရောက်လာခဲ့ကြပါတယ်။ အစပိုင်းမှာတော့ ပျော်ရွှင်စရာ ခရီးစဉ်လေးဖြစ်ခဲ့ပေမယ့်၊ ဆွဲဆောင်မှုရှိပြီး ယဉ်ကျေးတဲ့ ဒေသခံ တောအုပ်စောင့် (Park Ranger) တစ်ယောက်ရဲ့ နောက်ကွယ်က ရက်စက်တဲ့ လျှို့ဝှက်ချက်တွေကို သိရှိသွားချိန်မှာတော့ သူတို့ရဲ့ ဘဝဟာ ငရဲခန်းတစ်ခုအဖြစ် ချက်ချင်း ပြောင်းလဲသွားပါတော့တယ်။ ဒီကားရဲ့ အသက်ကတော့ သာမန် ဓားခုတ်လှံထိုး ဇာတ်ကားမျိုး မဟုတ်ဘဲ၊ လူသတ်သမားနဲ့ သားကောင်တို့ကြားက ဉာဏ်ရည်ပြိုင်ရတဲ့ စိတ်ပိုင်းဆိုင်ရာ အားပြိုင်မှု (Psychological Thriller) တွေကို အသားပေး ရိုက်ကူးထားတာပါပဲ။ အမ်ဘာ တစ်ယောက် လူသတ်သမားရဲ့ လက်ကနေ လွတ်မြောက်ဖို့အတွက် သူမရဲ့ အားကစားစွမ်းရည်တွေ၊ လူတွေရဲ့ စိတ်ကို ဖတ်နိုင်တဲ့ စွမ်းရည် (Social Profiling) တွေကို အစွမ်းကုန် ထုတ်သုံးပြီး အသက်လုရုန်းကန်ရပုံတွေကို မျက်တောင်မခတ်တမ်း ကြည့်ရှုရမှာပါ။ လျှို့ဝှက်ချက်တွေ တစ်ခုပြီးတစ်ခု ပေါ်လာတာနဲ့အမျှ ဘယ်သူ့ကိုမှ ယု

မျက်ရည်ဖြိုင်ဖြိုင် ကျစေမဲ့ ဖြစ်ရပ်မှန် ဇာတ်လမ်း ဒီဇာတ်လမ်းဟာ ၁၉၆၆ ခုနှစ်မှာ ထုတ်ဝေခဲ့တဲ့ စာရေးဆရာ ထရူးမန်း ကာပုတီရဲ့ လက်ရာကောင်း In Cold Blood ဆိုတဲ့ စာအုပ်ရဲ့ နောက်ကွယ်က ဖြစ်ရပ်မှန်ကို ရိုက်ကူးထားခြင်း ဖြစ်ပါတယ်။ ဒီစာအုပ် မတိုင်ခင်မှာ စာရေးဆရာ ကာပုတီက Breakfast in Tiffany's ဆိုတဲ့ စာအုပ်နဲ့ နာမည်ရလာပေမဲ့ အရေးအသားကြောင့်လည်း ဝေဖန်နေခဲ့ရတဲ့ အချိန်ပါ။ အဲဒီအချိန်မှာပဲ ကန်းဆပ်စ်က လယ်တောအိမ်မှာ မိသားစု လေးယောက်ကို ကြိုးတုပ်ပြီး ရက်ရက်စက်စက် ပစ်သတ်ခဲ့တဲ့ အမှုကို ကာပုတီ ဖတ်မိလိုက်ရာကနေ သူငယ်ချင်း နဲလ်နဲ့အတူ သွားပြီး သတင်းယူပါတော့တယ်။ သိပ်မကြာခင်မှာပဲ လူသတ်သမား ၂ ယောက်ကို ဖမ်းမိပြီး ကာပုတီလည်း လူသတ်သမားတွေနဲ့ တွေ့ပြီး သတင်းယူရာကနေ စာအုပ်ဆက်ရေးဖို့ အကြောင်းအရာ တွေ့သွားပါတော့တယ်။ ဒါပေမဲ့ ဒီလူသတ်သမားတွေဟာ ကြိုးမိန့် ပေးခံရဖို့ သိပ်မလိုတော့တာကြောင့် ကာပုတီဟာ သူ့ကိုယ်ပိုင် ပိုက်ဆံကို စိုက်ထုတ်ပြီး အယူခံဝင်ဖို့ ရှေ့နေ ရှာပေးခဲ့ပါတော့တယ်။ လူသတ်သမားတွေနဲ့ ပိုပြီး စကား ပြောကြည့်လေလေ ကာပုတီ ပိုပြီး စိတ်ဝင်စားလာလေပါပဲ။ အထူးသဖြင့် ပယ်ရီပါပဲ။ နူးညံ့၊ ယဉ်ကျေးပြီး အများနဲ့ မတူတဲ့ အမြင်ရှိတဲ့ သူ့ကြောင့် ကာပုတီ ဒီစာအုပ်ကို ဆက်ရေး ဖြစ်သွားတာပါ။ ဒါပေမဲ့ စာအုပ် ရေးပြီးခါနီးလေ အခြေအနေတွေက တဖြည်းဖြည်း ပိုဆိုးလာပါတယ်။ ဇာတ်သိမ်းအတွက် လူသတ်သမားတွေကို ကြိုးမိန့်ပေးရမှာပေမဲ့ အခုထိ ပယ်ရီတို့က အဆင

အခုတစ်ခေါက်ဇာတ်ကားလေးကတော့ Slimeဆိုတဲ့ ပက်ကျိကားလေးဖြစ်ပါတယ် Manga စီးရီးကနေ movieအဖြစ်ထွက်ရှိလာတဲ့ ဂျပန် Anime ဇာတ်ကားကောင်းလေး တစ်ကားဖြစ်ပါတယ်။ ရီမုရုစံနဲ့သူ့သူငယ်ချင်းတစ်သိုက် ခိုင်ယန်တိုင်းပြည်ကို ခရီးထွက်လာကြရင်း ပင်လယ်ကြမ်းပြင်ကနေ အစွမ်းထက်တဲ့ စွမ်းအင်တုံ့ပြန်မှုတစ်ခုကို ခံစားမိကြပါတယ်။ အဲဒီနောက်မှာတော့ ဇိုဒွန်ဆိုသူရဲ့ နောက်ကွယ်က ကြံစည်မှုနဲ့အတူ ရေနဂါးကြီး ပြန်လည်ရှင်သန်လာပါတော့တယ်။ ရေနဂါးကြီးရဲ့ ခန္ဓာကိုယ်က ပင်လယ်ရေတွေနဲ့ ဖွဲ့စည်းထားပြီး ပင်လယ်ရှိနေသမျှ ကာလပတ်လုံး ဘယ်တော့မှမသေနိုင်တဲ့ အထူးစွမ်းအားကို ပိုင်ဆိုင်ထားပါတယ်။ အဲဒီရေနဂါးရဲ့ ဗဟိုချက်နဲ့ ဆက်သွယ်ပေးနိုင်တဲ့သူကတော့ ခိုင်ယန်ပြည်က ယူရာစံဆိုတဲ့ မိန်းမပျိုလေးပဲ ဖြစ်ပါတယ်။ ဇိုဒွန်ဟာ ယူရာကို အတင်းအကျပ် လက်ထပ်ပြီး ကမ္ဘာကြီးကို အုပ်စိုးဖို့ ကြိုးစားလာတဲ့အခါမှာတော့ ..... ရီမုရုစံ ဂိုဘာတာနဲ့ သူ့အဖော်တွေက တိုင်း​​ပြည်နဲ့ ယူရာစံကို ကယ်တင်ဖို့အတွက် ရေနဂါးနဲ့ ဇိုဒွန်ကို တိုက်ခိုက်ကြပါတော့တယ်။ ကဲ အဆုံးသတ်မှာရော ရေနဂါးကြီးနဲ့ နောက်ကွယ်က ကြိုးကိုင်နေသူ ဇိုဲဒွန်ကို ယူရာစံနဲ့ ဂိုဘာတာလို့ခေါ်တဲ့ မှင်စာ ပက်ကျိလေးတို့က အနိုင်တိုက်ပြီး ခိုင်ယန်တိုင်းပြည်ကို ကယ်တင်နိုင်ပါ့မလား... ယူရာစံကို အချစ်ကြီးချစ်နေတဲ့ ပက်ကျိတစ်ယောက်ကရော သူ့အချစ်ရေး အဆင်ပြေပါ့မလား ဒီလိုမျိုး အချစ် အလွမ်း အက်ရှင် စိတ်ဝင်စားစရာတွေနဲ့ ပြည့်

အက်ရှင်ကားကောင်းကောင်းမျှော်နေတဲ့ ပရိသတ်ကြီးအတွက် နောက်ဆုံးထွက် တီလဂူးလ်အက်ရှင်ကားသစ်လေးကို တင်ဆက်ပေးချင်ပါတယ်။ တောင်ပိုင်းကားပီပီ ကြမ်းရမ်းပြထားပြီး မင်းသားကလည်း သဘာဝကျကျနဲ့ ကြမ်းပြထားတာမို့ အက်ရှင်ကားပရိသတ်တွေ အကြိုက်တွေ့စေမှာပါပဲ ဇာတ်လမ်းအကျဉ်းကတော့ တီဂျူးဆိုတဲ့ကလေးမလေးတစ်ယောက်ဟာ သူ့မွေးနေ့မှာပဲ မိဘနှစ်ပါးလုံးလည်း ရှေ့မှာတင်အသတ်ခံရ သူကိုယ်တိုင်လည်း အဲဒါရဲ့မျက်မြင်သက်သေဖြစ်နေလို့ သူ့မိဘကိုသတ်သွားခဲ့သူတွေရဲ့ ပစ်မှတ်ထားလိုက်လံသတ်ဖြတ်ခြင်း ခံရပါတော့တယ်။ အဲဒါကို ရူဒရာလို့ခေါ်တဲ့ တိရစ္ဆာန် Spa က ဘဲကြီးက သူနဲ့ခင်နေတဲ့ တီဂျူးလေးကို ဝင်ကူညီပေးရင် ဒီအမှုကြီးရဲ့နောက်က အင်အားကြီးရန်သူတော်တွေကို ရင်ဆိုင်ပါတော့တယ်။ တစ်နွယ်ငင်တစ်စင်ပါနဲ့ တစ်ဖွဲ့ပြီးတစ်ဖွဲ့စာရင်းလာရှင်းတာကို ရှယ်ဖြုတ်ပြတာကို ကြည့်ရှုအားပေးရမှာပါ။ ဇာတ်လမ်းလေးကတော့ ရိုးရှင်းပေမယ့် ဇာတ်လမ်းထဲမှာသုံးထားတဲ့ တစ်ဆင့်ချင်းစီ ဖြေရှင်းသွားပုံတွေ...ရတနာသိုက်ရှာပုံတော်ပုံစံမျိုး စကားထာတွေဘာတွေနဲ့ အထာကျကျအဖြေရှာပြရတဲ့ပုံစံတွေကြောင့် ကြည့်ရှုသူတွေအတွက် သဘောကျမိစေမှာအမှန်ပဲဖြစ်ပါတယ်။ အက်ရှင်ကားကောင်းကောင်း ကြိုက်နှစ်သက်သူတွေအတွက် လက်မလွှတ်သင့်တဲ့ဇာတ်ကားလေးဖြစ်လို့ ဘာသာပြန်တင်ဆက်ပေးလိုက်ပါတယ်။

* Movie Request ထဲကဇာတ်ကားဖြစ်ပါတယ် ဒီတစ်ခါမှာတော့ ပူး စပိုင်လေးတွေရဲ့ အက်ရှင်ကားဟောင်းတစ်‌ကားကို တင်ဆက်ပေးပါမယ်။ ကားဟောင်းတွေရဲ့ အားသာချက်က ပြန်ကြည့်လိုက်တိုင်း အရင်ကနဲ့ မတူတဲ့ ဒီဘက်ခေတ် အမြင်နဲ့ ခံစားချက်ကို ပြန်ခံစားနိုင်တာပါပဲ။ ပူးနဲ့ စပိုင်ဆိုတာ တကယ်တော့ ဆန့်ကျင်ဖက်စာလုံးတွေဆိုပေမဲ့ တကယ်ကို ဒီပူး ၄ ကောင်က အထူး အေးဂျင့်တွေပါ။ အတိအကျ ပြောရရင်တော့ အထူးအေးဂျင့် အလောင်းအလျာပေါ့။ ဘာလို့ဆို FBI က သူတို့ကို အသိအမှတ်မပြုရသေးလို့ပါ။ တစ်နေ့မှာတော့ သူတို့ကို ကွင်းဆင်းဖို့ အခွင့်အရေးတောင် မပေးဘဲ ဌာနကနေ ရန်ပုံငွေ ဖြတ်တောက်ဖို့ လုပ်နေမှန်း သိရတဲ့အခါမှာတော့ ဘင်နဲ့ စပိုင်ပူးလေးတွေက FBI ရဲ့ ၂ နှစ်တာ ကြိုးပမ်းနေတဲ့ ပရောဂျက်ကို တစ်ညအတွင်း အောင်မြင်အောင် လုပ်ပြခဲ့ပါတော့တယ်။ အဲဒါကတော့ ကမ္ဘာကြီးကို မျိုးသုန်း သတ်ဖြတ်ချင်‌နေတဲ့ ဆေးဘားထုတ် စက်ရုပ်တွေ အကြောင်း သက်သေ ခိုးယူတာပါ။ ဒါပေမဲ့ တကယ်တမ်း တင်ပြတဲ့ အချိန်မှာ အမှားအယွင်း ဖြစ်ပြီး ပူးလေးတို့ ဌာနကို အထက်က ဖိအားပေး ပိတ်ချလိုက်ပါတယ်။ အဲဒီမှာ သူတို့တွေ အသက်ရှင်ဖို့ ရုန်းကန်ရင်း သူတို့ရဲ့ မစ်ရှင်ကို ဘယ်လို ပြန်ကြိုးစားမလဲ ဆိုတာကို ချစ်စရာ ပူးလေးများရဲ့ အမိုက်စား စွန့်စားခန်း တလျှောက် လိုက်ပါ ကြည့်ရှုနိုင်ဖို့ တင်ဆက်လိုက်ရပါတယ်။

အခုတစ်ခေါက် ဇာတ်ကားလေးကတော့ အမိုက်စား နင်ဂျာဇာတ်ကားလေး ဖြစ်တဲ့ Ninja Wars Blackfox Vs Shogun's Ninja ဆိုတဲ့ ဂျပန် နင်ဂျာ ဇာတ်ကားကောင်းလေး ဖြစ်ပါတယ်။ တိုကူဂါဝါအစိုးရထံ သစ္စာခံခဲ့ကြပေမယ့် နင်ဂျာ အများစုဟာ ဖျက်စီးခံခဲ့ရပါတယ်။ လူသား​တွေရဲ့ ညှဉ်းပန်းနှိပ်စက်မှုကို ခံခဲ့ရရုံသာမက ဘုရားသခင်ရဲ့ စွန့်ပစ်ခြင်းကိုပါ ခံခဲ့ရတယ်လို့ခံစားနေရတဲ့ ဒန်နိုဂျိုတစ်ယောက် လက်စားချေလိုစိတ်တွေ ပြင်းထန်လာခဲ့ပါတယ် ဒီလိုနဲ့ တတိယမျိုးဆက် ရှိုးဂန်းလက်ထက်မှာ အဲဒိုမြို့မှာ ဖြစ်ပွားခဲ့တဲ့ အာဏာလုပွဲနဲ့ ပုန်ကန်မှုတွေကြား နင်ဂျာတွေဟာ မြေစာပင် ဖြစ်ခဲ့ရတယ်။ ဒါကြောင့်ပဲ နင်ဂျာတွေက သူတို့ရဲ့ နင်ဂျာကမ္ဘာသစ်ကြီးကို တည်ထောင်ဖို့ ရှိုးဂန်းအစိုးရကို ဖြုတ်ချဖို့ ကြိုးစားကြပါတော့တယ်။ မြေခွေးဂိုဏ်းရဲ့ ခေါင်းဆောင်ဖြစ်တဲ့ ရစ်ကာ အီဆူရူဂီဟာ ရှိုးဂန်းအစိုးရကို ပုန်ကန်ဖို့ကြံစည်နေတယ်လို့ သံသယရှိတဲ့အတွက် လျှို့ဝှက်ဆန်းကြယ်တဲ့ ဂိုဏ်းတစ်ခု ဖြစ်တဲ့ ကြာဖြူဂိုဏ်းက စုံစမ်းစစ်ဆေး ခဲ့ပါတယ်။ သူ့တာဝန်အရ ရှိုးဂန်းက စေလွှတ်လိုက်တဲ့ ဖူးမားနင်ဂျာ တစ်ဦးဖြစ်တဲ့ အိုကျိုနဲ့ ဆုံတွေ့ခဲ့ပါတယ်။ တိုကူဂါဝါ မိသားစုအပေါ် အမုန်းကြီးမုန်းပြီး လက်စားချေလိုတဲ့ ဟန်ဇိုဟတ်တိုရီရဲ့ အီဂါနင်ဂျာမျိုးနွယ်စုနဲ့ အတူတွေ့ဆုံချိန်မှာတော့ နင်ဂျာတွေရဲ့ အနာဂတ်က ဘာဆက်ဖြစ်မှာလဲ နင်ဂျာ နိုင်ငံသစ်ကို တည်ထောင်နိုင်မှာလား... မြေခွေးမျိုးနွယ်စု ဖူးမားနင်ဂျာနဲ့

All Fun and Games ဟာ ၂၀၂၃ ခုနှစ် စက်တင်ဘာလမှာ ထွက်ရှိခဲ့တဲ့ အမေရိကန် Supernatural Horror / Thriller ရုပ်ရှင်ကားတစ်ကား ဖြစ်ပါတယ်။ ဇာတ်ကားရဲ့ အစမှာတော့ သာမန် ဆယ်ကျော်သက် ငယ်သူငယ်ချင်းတွေနဲ့ မောင်နှမတွေဟာ ပျင်းရိ ငြီးငွေ့စရာကောင်းတဲ့ Salem မြို့ရဲ့ နေ့ရက်တွေကနေ လွတ်မြောက်ဖို့အတွက် လျှို့ဝှက်ဆန်းကြယ်တဲ့ နေရာတစ်ခုဆီ ရောက်ရှိသွားကြပါတယ်။ အဲဒီမှာ သူတို့ မသိလိုက်ဘဲ ရိုးရာ ကစားနည်းတွေအတွက် သုံးတဲ့ ရှေးဟောင်းဓားတစ်လက်ကို ကိုင်တွယ်မိလိုက်ရာကနေ အိပ်မက်ဆိုးကြီး စတင်လာပါတော့တယ်။ ဒီဓားမှာ ပိတ်လှောင်နေတဲ့ ရှေးဟောင်း မကောင်းဆိုးဝါးဝိညာဉ်တစ်ခု လွတ်မြောက်လာပြီး ကလေးတွေ ကစားနေကျ အပြစ်ကင်းစင်တဲ့ ကစားနည်းတွေကို "အသက်နဲ့ရင်းရမယ့် ရက်စက်တဲ့ လူသတ်ပွဲဂိမ်းတွေ" အဖြစ် ပြောင်းလဲပစ်လိုက်ပါတယ်။ အဓိက ဇာတ်ကောင်တွေဖြစ်တဲ့ Asa Butterfield နဲ့ Natalia Dyer တို့ပါဝင်တဲ့ မောင်နှမနဲ့ သူငယ်ချင်းတွေဟာ တစ်ဦးနဲ့တစ်ဦး အယုံအကြည်တွေ ပျက်ပြားလာပြီး၊ ဒီ ငရဲလို ကြောက်စရာကောင်းတဲ့ ကျိန်စာမိနေတဲ့ ဂိမ်းကွင်းပြင်ကြီးထဲကနေ အသက်ရှင်လျက် ဘယ်လိုလွတ်မြောက်အောင် ရုန်းကန်ကြမလဲ၊ မကောင်းဆိုးဝါးရဲ့ ရည်ရွယ်ချက်ကရော ဘာလဲဆိုတာကို ရင်တထိတ်ထိတ်နဲ့ အဆုံးထိ ဆက်လက်ကြည့်ရှုရမယ့် သည်းထိုင့်ရင်ဖို ဇာတ်ကားကောင်းတစ်ကား ဖြစ်ပါတယ်။ ဘာသာပြန်သူနဲ့ အညွှန်းရေးသားသူကတော့ Leoဖြစ်ပါတယ်။

ဒီဇာတ်ကားလေးကတော့ ၁၉၉၀ ခုနှစ် အိန္ဒိယနိုင်ငံ ဒေဝါလီခံရတော့မယ့် အခြေအနေကို အိန္ဒိယနိုင်ငံတော်ဗဟိုဘဏ် (RBI) နဲ့ အိန္ဒိယအစိုးရကြားမှာရှိတဲ့ အဖွဲ့အစည်းဆိုင်ရာ မူဘောင်တွေနဲ့ ဗဟိုဘဏ်ဥက္ကဋ္ဌ မစ္စတာရာမန်က ဘယ်လိုဖြေရှင်းသွားလဲဆိုတာကို ရိုက်ပြထားတဲ့ ဇာတ်ကားလေးပဲ ဖြစ်ပါတယ်။ တစ်လအတွင်း အိန္ဒိယနိုင်ငံက ဒေဝါလီခံရနိုင်တယ်ဆိုတာသိလို့ ခေါင်းရှောင်ပြီး နုတ်ထွက်သွားတဲ့ ဗဟိုဘဏ်ဥက္ကဋ္ဌနေရာမှာ ရာမန် ကို ဗဟိုဘဏ်ဥက္ကဋ္ဌအဖြစ် အစားထိုးခန့်လိုက်ပါတယ်။ တာဝန်ယူမှု တာဝန်ခံမှုအပြည့်ရှိတဲ့ ရာမန်က ဒေဝါလီမခံရဖို့ ရှိတဲ့အချိန်တစ်လလေးအတွင်းမှာ အစွမ်းကုန် ကြိုးစားခဲ့ပါတယ်။ နည်းလမ်းတွေ တစ်ခုပြီးတစ်ခုသုံးပြီး ကြိုးစားရင်း အခက်အခဲတွေ တစ်ခုပြီးတစ်ခု ရင်ဆိုင်ရင်း နိုင်ငံတစ်ခုလုံး ကွယ်ပျောက်သွားနိုင်တဲ့ အခြေအနေကြီးကို ဘယ်လိုနည်းလမ်းတွေနဲ့ ဖြေရှင်းသွားနိုင်ခဲ့သလဲဆိုတာကို နိုင်ငံတစ်နိုင်ငံရဲ့ ဘဏ္ဌာရေးစနစ်က နိုင်ငံအတွက် ဘယ်လောက်ထိအရေးပါလဲ၊ ဘယ်လိုတွေ လည်ပတ်နေသလဲဆိုတာကို လုံးဝနားလည်သွားစေနိုင်တဲ့ ဇာတ်ကားလေးတစ်ကားပဲဖြစ်ပါတယ်။ ဒီဇာတ်ကားမှာ မစ္စတာရာမန် အဖြစ် မင်းသား Manoj Bajpayee ၊ စီတာ အဖြစ် မင်းသား Noushad Mohamed Kunju နဲ့ မစ္စဗာမာ အဖြစ် မင်းသမီး Adah Sharma တို့က အဓိက ပါဝင်သရုပ်ဆောင်ထားတာ ဖြစ်ပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Cherry ဖြစ်ပါတယ်။

၁၉၇၀ ကျော် တရုတ်ယဉ်ကျေးမှု တော်လှန်ရေးကာလရဲ့ အေးစက်ခက်ထန်တဲ့ အခင်းအကျင်းနောက်ကွယ်မှာ ပွင့်လန်းခဲ့တဲ့ သန့်စင်လွန်းတဲ့ အချစ်ဇာတ်လမ်းလေးတစ်ပုဒ်ပါ။ မိသားစု နောက်ခံသမိုင်းကြောင့် အရာရာကို သတိထား ထိန်းချုပ်နေရတဲ့ ကျောင်းသူလေး 'ကျင်းကျင်း' နဲ့ စိတ်ထားဖြူစင်ပြီး ချစ်သူအပေါ် ပေးဆပ်ဖို့ဝန်မလေးတဲ့ လူငယ်လေး 'ချန်စွန်း' တို့ရဲ့ ဆုံစည်းမှုဟာ ရိုးရှင်းပေမဲ့ ရင်ကို အနက်ရှိုင်းဆုံးအထိ လှုပ်ခါသွားစေပါတယ်။ ခေတ်စနစ်ရဲ့ ဖိအားတွေ၊ ပတ်ဝန်းကျင်ရဲ့ တားဆီးမှုတွေကြားထဲကမှ သူတို့နှစ်ယောက်ရဲ့ သန့်စင်တဲ့ သံယောဇဉ်နဲ့ တိတ်တဆိတ် စောင့်ရှောက်ပေးခဲ့ကြပုံတွေကို ရိုက်ကူးပြသသွားတာဟာ တကယ့်ကို အေးချမ်းပြီး ရင်နင့်စရာကောင်းလွန်းလှပါတယ်။ ဒီကားလေးကို ဘာကြောင့် မဖြစ်မနေ ကြည့်သင့်သလဲဆိုရင်တော့ ခေတ်ပြိုင်အချစ်ကားတွေမှာ တွေ့ရခဲတဲ့ "ဖြူစင်သန့်ရှင်းမှု" နဲ့ "စစ်မှန်တဲ့ ပေးဆပ်ခြင်း" ရဲ့ အဓိပ္ပာယ်ကို အပြည့်အဝ ခံစားရမှာမို့လို့ပါ။ ဒါရိုက်တာ Zhang Yimou ရဲ့ လက်ရာပြောင်မြောက်မှုကြောင့် ဇာတ်ဝင်ခန်းတိုင်းဟာ သဘာဝကျကျနဲ့ ရသမြောက်လှသလို မင်းသမီး Zhou Dongyu ရဲ့ ပထမဆုံး ပွဲထွက်သရုပ်ဆောင်ချက်တွေကလည်း ကြည့်ရှုသူတွေရဲ့ ရင်ကို ပဲ့ကြွေသွားစေမှာ သေချာပါတယ်။ ဒီဇာတ်လမ်းလေးကို ကြည့်ရှုခြင်းအားဖြင့် ရရှိနိုင်မယ့် သင်ခန်းစာကတော့ စစ်မှန်တဲ့ အချစ်ဆိုတာ ပိုင်ဆိုင်ချင်စိတ်တစ်ခုတည်း မဟုတ်ဘဲ တစ်ဖက်လူရဲ့ ပျော်ရွှင်မှုနဲ့ အနာဂတ်အတွက် တိတ်တဆိတ် ပေးဆပ်စော

ကျောင်းသူလေး ဂျီအွန်းဟာ လိင်ပိုင်းဆိုင်ရာ အကြမ်းဖက်ခံရတဲ့ သားကောင်ဖြစ်ခဲ့ပေမဲ့ အင်တာနက်ပေါ်က လုပ်ကြံဖန်တီးထားတဲ့ ကောလာဟလတွေနဲ့ အမုန်းစကားတွေကြောင့် တရားခံတစ်ယောက်လို စွပ်စွဲခံခဲ့ရပါတယ်။ အဲဒီဆိုက်ဘာအနိုင်ကျင့်မှုတွေရဲ့ ဖိအားဒဏ်ကို မခံနိုင်တော့ဘဲ ဂျီအွန်းတစ်ယောက် မိမိကိုယ်ကို အဆုံးစီရင်သွားခဲ့ပါတယ်။ ဂျီအွန်းရဲ့ အစ်မဖြစ်သူ ဆိုအွန်းကတော့ ညီမဖြစ်သူရဲ့ သေဆုံးမှုနောက်ကွယ်မှာ အင်တာနက်ပေါ်က အမည်မသိ လူတွေရဲ့ လက်ချက်ပါဝင်နေတယ်ဆိုတာကို ယုံကြည်နေပါတယ်။ အဲဒါကြောင့် ညီမလေးအတွက် တရားမျှတမှုရှာဖွေပေးဖို့ ထူးခြားတဲ့ စွမ်းရည်ရှိတဲ့ ဟက်ကာစုံထောက် ဆောဂျွန်ယောင်းကို ငှားရမ်းပြီး အမှုမှန်ကို စုံစမ်းပါတော့တယ်။ ကီးဘုတ်နောက်ကွယ်မှာ ပုန်းကွယ်နေတဲ့ မျက်နှာဖုံးစွပ် လူသတ်သမားတွေကို လိုက်လံဖော်ထုတ်ရင်း ရိုးရှင်းတဲ့ ကောလာဟလတွေထက် ပိုမိုကြီးမားပြီး အန္တရာယ်များတဲ့ လျှို့ဝှက်ချက်တွေကို ရင်ဆိုင်ရတဲ့အခါ ဘာတွေဆက်ဖြစ်မလဲဆိုတာကို စိတ်ဝင်စားဖွယ် ကြည့်ရှုရမှာပါ။ ဒီကားက ဆိုက်ဘာရာဇဝတ်မှုတွေရဲ့ ကြောက်မက်ဖွယ်ကောင်းပုံနဲ့ အမှန်တရားကို ရှာဖွေဖော်ထုတ်တဲ့ စုံထောက်လုပ်ငန်းစဉ်တွေကို သည်းထိတ်ရင်ဖိုစရာ အပြည့်နဲ့ ရိုက်ကူးပြသထားလို့ မှုခင်းနဲ့ လျှို့ဝှက်ဆန်းကြယ် ဇာတ်ကားကြိုက်သူတွေအတွက် အထူးသင့်လျော်ပါတယ်။ ဒီကားကို အညွှန်းနဲ့ဘာသာပြန်ဆိုသူက Huihui ဖြစ်ပါတယ်။

"နာဂါဗန်ဒမ်" (Nagabandham: The Secret Treasure - ၂၀၂၆) ကတော့ ဟိမဝန္တာတောင်တန်းတွေပေါ်က ပျောက်ကွယ်နေတဲ့ ရတနာသိုက်နဲ့ ဒဏ္ဍာရီလာ အစီအရင်တွေကို အခြေခံပြီး ရိုက်ကူးထားတဲ့ ရှေးဟောင်းဒဏ္ဍာရီဆန်ဆန် တီလူဂူ (Telugu) အက်ရှင်စွန့်စားခန်း ဇာတ်ကားပဲ ဖြစ်ပါတယ်။ ဇာတ်လမ်းကတော့ ဟိမဝန္တာတောင်တန်းကြီးထဲမှာ ပုန်းကွယ်နေတဲ့ "နာဂါဗန်ဒမ်" လို့ခေါ်တဲ့ နဂါးအစီအရင်နောက်ကွယ်က ကြီးမားလှတဲ့ ရတနာသိုက်ကြီးကို မသမာသူ အဖျက်သမားတွေက လက်ဝါးကြီးအုပ်ဖို့ ကြိုးစားရာကနေ စတင်တာပါ။ ဘုရားကျောင်းက အဓိကပစ္စည်းဖြစ်တဲ့ ရွှေကြာပန်းကို မသမာသူတွေ ခိုးယူသွားတဲ့အခါ ရွာသားတစ်ဦးဖြစ်တဲ့ ရုဒရာ က ဒီရတနာတွေ အဖျက်သမားတွေလက်ထဲ မရောက်သွားအောင်နဲ့ တရားဓမ္မကို ကာကွယ်ဖို့အတွက် အသက်လုပြီး ပြန်လည်တိုက်ပွဲဝင်ရပုံကို ၁၈ ရာစုက သမိုင်းနောက်ခံ အတိတ်ဇာတ်ကြောင်းတွေ၊ နဂါးအစီအရင် တန်ခိုးစွမ်းအားတွေနဲ့ ပဟေဠိဆန်ဆန် ရိုက်ကူးထားတာပါ။ ဒီဇာတ်ကားက ပရိသတ်ကို စိတ်လှုပ်ရှားစေမယ့် ကွန်ပျူတာဖန်တီးမှု ရုပ်ပုံလွှာ (VFX) တွေ၊ ခန့်ထည်လှတဲ့ ရိုက်ကွင်းရိုက်ကွက်တွေနဲ့ ပြည့်နှက်နေပြီး မင်းသား ဗိရတ် ရဲ့ အက်ရှင်ခန်းတွေကလည်း ကြည့်လို့ တကယ်ကောင်းပါတယ်။ ဇာတ်လမ်းကြာချိန် နည်းနည်းရှည်ပြီး အက်ရှင်နဲ့ အကြမ်းပတမ်းခန်း အချို့ ရိုက်ပြတာများပေမဲ့၊ ဒဏ္ဍာရီဆန်ဆန် ရှေးဟောင်းပဟေဠိ အဖြေရှာတာတွေနဲ့ ရည်မှန်းချက်ကြီးမားတဲ့ဗီလိန်တွေနဲ့ ရိုက်ကူးထားတဲ့ သမိုင်းနောက

ဒီကားဟာ တောင်ကိုရီးယား အက်ရှင်၊ ဟာသနဲ့ မှုခင်း သည်းထိတ်ရင်ဖို ဇာတ်ကားကောင်းတစ်ကားဖြစ်ပြီး ကိုရီးယားရုပ်ရှင်လောကရဲ့ နာမည်ကြီးသရုပ်ဆောင် Kim Yoon-seok နဲ့ Jung Kyung-ho တို့ အဓိကပါဝင် သရုပ်ဆောင်ထားပါတယ်။ ဇာတ်လမ်းက ယယ်ဆန်ဆိုတဲ့ အေးချမ်းတဲ့ တောမြို့လေးက ပျင်းရိပြီး အလုပ်သိပ်မလုပ်ချင်တဲ့ စုံထောက် ဂျိုဖီဆောင်းကို အဓိကထား ရိုက်ကူးထားတာပါ။ ဖီဆောင်းဟာ ရဲအလုပ်ထက် လောင်းကစားကို ပိုစိတ်ဝင်စားသူဖြစ်ပြီး တစ်နေ့မှာတော့ သူ့မိန်းမစုထားတဲ့ ပိုက်ဆံတွေကို နွားတိုက်ပွဲမှာ သွားလောင်းရာကနေ အကုန်ရှုံးသွားပါတော့တယ်။ အဲဒီအချိန်မှာပဲ နိုင်ငံတစ်ဝန်းက ရဲတွေ အသည်းအသန် လိုက်လံရှာဖွေနေတဲ့ နာမည်ကြီး ဝရမ်းပြေး၊ ကိုယ်ခံပညာကျွမ်းကျင်သူ ဆုန်းဂီထယ်ဟာ အဲဒီတောမြို့လေးထဲကို ရောက်လာပါတယ်။ ဖီဆောင်းနဲ့ ဂီထယ်တို့ ထိပ်တိုက်တွေ့ကြတဲ့အခါ ကိုယ်ခံပညာမတတ်တဲ့ ဖီဆောင်းက အပြတ်အသတ် အရိုက်ခံရရုံသာမက သိက္ခာပါကျခဲ့ရပါတယ်။ ဒီကိစ္စကြောင့် သူ့ရဲ့ ရဲတံဆိပ်ကိုပါ အသိမ်းခံလိုက်ရပြီး မြို့ခံတွေရဲ့ လှောင်ပြောင်မှုကိုပါ ခံရတဲ့အပြင် သူ့မိသားစုရှေ့မှာပါ အကြီးအကျယ် မျက်နှာငယ်ရပါတော့တယ်။ ဒီအခါမှာတော့ အမြဲတမ်း ပေါ့ပေါ့ဆဆ နေတတ်တဲ့ ဖီဆောင်းတစ်ယောက် ပြောင်းလဲသွားပါတော့တယ်။ သူ့ရဲ့ သိက္ခာ၊ ငွေကြေးနဲ့ မိသားစုရဲ့ ယုံကြည်မှုကို ပြန်ရဖို့အတွက် အန္တရာယ်များတဲ့ တရားခံပြေး ဂီထယ်ကို ဘယ်သူ့အကူအညီမှမပါဘဲ တစ်ယောက်တည်း ဇွဲလုံ့လကြီးကြီးနဲ့ လိုက်လံဖမ်းဆီးပါတော့တယ

* Movie Request ထဲကဇာတ်ကားဖြစ်ပါတယ် ဒီတစ်ခါမှာတော့ လူမှုအသိုင်းအဝိုင်းရဲ့ စည်းကမ်းတံတိုင်းတွေ၊ အတန်းအစား ခွဲခြားမှုတွေကြားထဲကနေ ဖြစ်တည်လာတဲ့ ပြင်းပြတဲ့ အချစ်တွေ တောင့်တမှုတွေနဲ့ စိတ္တဇအားပြိုင်မှုတွေကို လှပစွာ ပုံဖော်ထားတဲ့ Romance/Drama ကားကောင်းလေးတစ်ကားနဲ့ မိတ်ဆက်ပေးချင်ပါတယ်။ ဒါကတော့ စာရေးဆရာကြီး D.H. Lawrence ရဲ့ နာမည်ကျော်ဂန္ထဝင်ဝတ္ထုကို ရိုက်ကူးထားတဲ့ "Lady Chatterley's Lover" ဆိုတဲ့ ဇာတ်ကားလေးပါပဲ။ ဇာတ်လမ်းလေးကတော့ အထက်တန်းလွှာ အမျိုးသမီးလေး 'ကွန်စတန့်စ်' က ပထမကမ္ဘာစစ်အတွင်း ဒဏ်ရာရရှိခဲ့လို့ ခါးအောက်ပိုင်း သေသွားတဲ့ သခင်ကြီး 'ကလစ်ဖို့ဒ်' နဲ့ အိမ်ထောင်ကျခဲ့ရာကနေ စတင်ထားတာပါ။ ကလစ်ဖို့ဒ်ဟာ အိမ်ထောင်ဖက်ကောင်း တစ်ယောက်ဖြစ်ပေမဲ့ သူ့ရဲ့စိတ္တဇ ဖိအားတွေနဲ့ လူတန်းစားခွဲခြားတတ်တဲ့ မောက်မာမှုတွေကြောင့် ကွန်စတန့်စ်ရဲ့ ဘဝဟာ အထီးကျန်ပြီး လှောင်အိမ်ထဲ ရောက်နေရသလို ပိတ်လှောင်ခံရခြင်းတွေနဲ့ ပြည့်နှက်နေခဲ့ရပါတယ်။ ဒါပေမဲ့ တစ်ရက်မှာတော့ သူတို့ပိုင်ဆိုင်တဲ့ နယ်မြေထဲက တောအုပ်ထိန်းသိမ်းသူ အမျိုးသား 'အိုလီဗာ မေလာစ့်' နဲ့ မထင်မှတ်ဘဲ တွေ့ဆုံခဲ့ရပါတယ်။ အောက်ပိုင်းသေနေတဲ့ ခင်ပွန်းသည်ဆီက မရနိုင်တဲ့ နွေးထွေးကြင်နာမှုတွေကို အိုလီဗာဆီက‌နေ ရဖို့မျှော်လင့်ရင်းနဲ့ မတူညီတဲ့ လူမှုအဆင့်အတန်း၊ ဖိအားတွေကြားထဲမှာပဲ သူတို့နှစ်ယောက်အကြား ပြင်းပြတဲ့လျှို့ဝှက်အချစ်ဇာတ်လမ်းတစ်ခု စတင်ခဲ့ပါတော့တယ်။ ဒီလိုနဲ့ကွန်စတန

* Movie Request ထဲကဇာတ်ကားဖြစ်ပါတယ် ၁၉၇၃ ခုနှစ်၊ အောက်တိုဘာလ ၆ ရက် (ဂျူးတို့ရဲ့ အမြတ်နိုးဆုံး Yom Kippur ဥပုသ်နေ့) မှာ အီဂျစ်နဲ့ ဆီးရီးယား တပ်ဖွဲ့တွေဟာ အစ္စရေးနိုင်ငံကို နှစ်ဘက်ညှပ်ပြီး ရုတ်တရက် အံ့အားသင့်ဖွယ် ထိုးစစ်ဆင် တိုက်ခိုက်ခဲ့ကြပါတယ်။ စစ်တပ်နဲ့ ထောက်လှမ်းရေးရဲ့ သတင်းအချက်အလက် လွဲမှားမှုကြောင့် အစ္စရေးဟာ စစ်ပွဲစစချင်းမှာတင် အကြီးအကျယ် အရေးနိမ့်ခဲ့ပြီး နိုင်ငံအလိုက် ပြိုလဲသွားနိုင်တဲ့ စိန်ခေါ်မှုနဲ့ ရင်ဆိုင်ခဲ့ရပါတယ်။ အသက် ၇၅ နှစ်ရှိပြီဖြစ်တဲ့ ဝန်ကြီးချုပ် Golda Meir (Helen Mirren) ဟာသွေးကင်ဆာ (Lymphoma) ရောဂါကို ဆေးရုံမှာ လျှို့ဝှက်စွာ ကုသနေရပြီး စစ်ကာကွယ်ရေးဝန်ကြီး Moshe Dayan အပါအဝင် စစ်ဗိုလ်ချုပ်တွေကြား စိတ်ဓာတ်ကျဆင်းမှုနဲ့ အယူအဆ မတူညီမှုများကို လိုက်လံထိန်းကျောင်းရနေရပါတယ်။ ဒါ့အပြင် ရှေ့တန်းမှာ သေဆုံးသွားရတဲ့ စစ်သားတစ်ယောက်စီရဲ့ စာရင်းကို စာအုပ်ထဲမှာ ကိုယ်တိုင်လိုက်မှတ်ရင်း စိတ်ဒဏ်ရာလည်းတဖြည်းဖြည်းရလာခဲ့ပါတယ်။ ဒီလိုနဲ့ အစ္စရေးတပ်များ စစ်လက်နက်နဲ့ ခဲယမ်းမီးကျောက် ပြတ်လပ်လာချိန်မှာ Golda ဟာ အမေရိကန် နိုင်ငံခြားရေးဝန်ကြီး Henry Kissinger (Liev Schreiber) နဲ​့ သံတမန်ရေးအရ တင်းမာစွာ ညှိနှိုင်းခဲ့ပါတယ်။ အမေရိကန်ထံမှ စစ်ကူနဲ့ စစ်လက်နက်ပစ္စည်းများ အမြန်ဆုံး ပေးပို့လာအောင် သူမရဲ့ သံမဏိစိတ်ဓာတ်၊ ပါးနပ်တဲ့ စကားပြောဆိုဟန်တို့နဲ့ ဖိအားပေး ဆွေးနွေးနိုင်ခဲ့ပါတယ်။ အမေရိကန်ရဲ့ အ

* Movie Request ထဲကဇာတ်ကားဖြစ်ပါတယ် ယခုတစ်ခေါက် တင်ဆက်ပေးမယ့်ဇာတ်ကားလေးကတော့ ၁၉၅၉ခုနှစ်က ထွက်ရှိခဲ့တဲ့ Ben Hur လို့အမည်ရတဲ့ ဂန္ဓ၀င်ဇာတ်ကားကောင်းပဲဖြစ်ပါတယ်။ ထိုခေတ်အခါတုန်းက ကမ္ဘာမှာ ဘတ်ဂျက်အများဆုံးသုံးပြီး ရိုက်ကူးခဲ့တဲ့ ဇာတ်ကားဖြစ်ပြီး IMDb rating 8.1 တောင် ရထားတဲ့ဇာတ်ကားပါ။ ဇာတ်ကားကို ခရစ်တော်မွေးဖွားတဲ့အချိန်ကာလကို ဦးတည်ရိုက်ကူးထားတာပါ။ အဲ့အချိန်မှာ ကမ္ဘာကြီးကို ရောမတွေရဲ့ရိုမန်အင်ပါယာကြီးက အုပ်စိုးထားပြီး ဧကရာဇ်ဆီဇာရဲ့အာဏာ အထွတ်အထိပ်ရောက်နေတဲ့အချိန်ဆိုရင်လည်း မမှားပါဘူး။ ဒါပေမယ့် ဆီဇာဟာ သူ့လက်အောက်ခံပြည်သူတွေဆီကနေ အခွန်တွေကောက်ဖို့ ပြင်ဆင်တဲ့အချိန်မှာပဲ သိမ်းပိုက်ခံဂျူးတိုင်းပြည်တစ်ခုဖြစ်တဲ့ ဂျူဒီယာဟာ ပုန်ကန်ဖို့သတင်းတွေ ထွက်လာပါတော့တယ်။ ဒါကြောင့် ဂျူဒီယာပြည်ကို ငြိမ်၀ပ်ပိပြားအောင်လုပ်ဖို့အတွက် မာဆာလာလို့ခေါ်တဲ့ တပ်ခေါင်းဆောင်တစ်ဦးကို ဂျူဒီယာဆီ လွှတ်လိုက်ပါတယ်။ မာဆာလာဟာ အရင်က ဂျူဒီယာမှာ နေထိုင်ခဲ့ဖူးပြီး ဂျူဒီယာရဲ့မင်းစိုးမင်းနွယ် ဂျူးဒက်စ်ဘန်ဟားဆိုတဲ့ ဂျူးမင်းသားနဲ့ ငယ်ကတည်းက ရင်းနှီးကျွမ်း၀င်ခဲ့တာပါ။ ဒါကြောင့်ပဲ မာဆာလာဟာ ဂျူးဒက်စ်ဆီ အကူအညီတောင်းပြီး ဂျူဒီယာပြည်သူတွေကို မပုန်ကန်အောင် နားချပေးဖို့ တိုက်တွန်းပါတော့တယ်။ ဂျူးဒက်စ်လည်း ငါတို့ဟာ သူငယ်ချင်းတွေဆိုပေမယ့် ငါ့လူတွေနဲ့ ယှဉ်ရွေးရမယ်ဆိုရင် ဂျူးလူမျိုးဘက်မှာပဲ နေရလိမ့်မယ်လို့ ပြောလိုက်ပါတယ်။ ဒါနဲ့ပဲ တစ်ရက်မှာ မတော်တ

အခုတစ်ခေါက်ဇာတ်ကားလေးကတော့ စိတ်ဝင်စားစရာ အရမ်းကောင်းတဲ့ သဲထိတ်ရင်ဖို အောက်လမ်းပညာရပ်တွေနဲ့ ကျိန်စာတိုက်ပြီး ပညာရပ်ချင်း ပြိုင်ကြမယ့် Suzzanna (ဆူဆန်နာ) ဆိုတဲ့ အင်ဒိုဇာတ်ကားကောင်းလေး ဖြစ်ပါတယ်။ အင်ဒိုနီးရှားနိုင်ငံက ကာရန်စတန်ရွာလေးမှာ ရွာကို အနိုင်ကျင့် ဗိုလ်ကျ စိုးမိုးနေတဲ့ ကာစတန်ဆိုတဲ့ လူမိုက်ကြီးတစ်ဦးရှိပါတယ်။ ဒီလူက ရွာသူကြီးဖြစ်ချင်တော့ ရွာရဲ့သူကြီး ဆူရိုဆိုကို အောက်လမ်းဆရာငှားပြီး စုန်းအတတ်နဲ့ ပြုစားပြီး သတ်ပစ်လိုက်ပါတယ်။ ရွေးကောက်ပွဲလုပ်ပြီး သူကြီးနေရာကို လူအင်အား ငွေအင်အား သုံးပြီး ဝင်ပြိုင်ပါတယ်... မကျေနပ်တဲ့ ရွားသားတစ်ချို့က ရွာရဲ့ကျောင်းဆရာ တစ်ဦးဖြစ်ပြီး အများရဲ့ လေးစားခြင်းခံရတဲ့ ဆူဆန်နာရဲ့အဖေ ကို သူကြီးနေရာ ဝင်ပြိုင်ဖို့ ဝိုင်း​ပြီး တိုက်တွန်းကြပါတယ် ကာစမန်က ဆူဆန်နာကို မယားငယ်အဖြစ် လက်ထပ်ချင်နေသူပါ ဒါပေမဲ့ သူ့ပြိုင်ဘက်ဖြစ်လာမယ့် ဆူဆန်နာ့အဖေကို အောက်လမ်းဆရာနဲ့ သတ်ပစ်လိုက်ပါတယ် ဒီလိုနဲ့ ရွာသူရွာသားတွေကို အကြွေးတွေနဲ့ ချုပ်နှောင်ကာ ကိုလိုနီခေတ်ကလို အနိုင်ကျင့်ဗိုလ်ကျနေတဲ့ ဘစ်စမန်တစ်ယောက် ရွာရဲ့ သူကြီးဖြစ်လာပါတော့တယ်။ ဆူဆန်နာတစ်ယောက် ဖခင်ဖြစ်သူအတွက် ပြန်ပြီး လက်စားချေဖို့ ပရာမူဂျာရဲ့ အဒေါ်ထံမှာ အောက်လမ်းပညာ သင်ယူခဲ့ပါတယ်... ပရာမူဂျာကတော့ ဖခင်ပျောက်ကို ရှာဖွေနေတဲ့ တစ်ခြားရွာက လူရိုးလူအေးလေးပါ.... အင်အားကြီး ကာစမန်ကို ရင်မဆိုင်နိုင်တာနဲ့ ဆူဆန်နာဟာ