သည်းထိတ်ရင်ဖိုကားများ

နော်ဝေးမှာ တောင်တွေထဲ ရထားလမ်းဖောက်ဖို့ ဥမင်တူးနေကြရင်း ဘီလူးကြီးတစ်ကောင် နိုးထလာပါတယ်။ လက်ရှိခေတ်မှာ ပေါ်လာတဲ့ ဒီဘီလူးကို ရင်ဆိုင်နိုင်ဖို့ သူ့နောက်ကြောင်းနဲ့ တိုက်ခိုက်နိုင်မယ့် နည်းလမ်းတွေကို လေ့လာရှာဖွေကြရတာပါ။ နော်ဝေးပုံပြင်တွေထဲက ဘီလူးကို အခြေခံထားတဲ့ စိတ်ကူးယဉ် အက်ရှင်စွန့်စားခန်းရုပ်ရှင်ဖြစ်ပါတယ်။ အဲဒီပုံပြင်တွေထဲမှာ ခရစ်ယာန်သာသနာ စတင်ပြန့်ပွားလာချိန် လူတွေနဲ့ ဘီလူးတွေ တိုက်ပွဲဖြစ်ပြီး ဘီလူးတွေ မျိုးတုံးသွားခဲ့တယ်လို့ ဆိုကြတယ်။ ဘီလူးတွေက ခရစ်ယာန်တွေကို မုန်းတယ်၊ ဘုရားကျောင်းတွေကို ကျောက်တုံးကြီးတွေနဲ့ ပစ်ပေါက်တယ်၊ နေရောင်ထိရင် ကျောက်ဖြစ်ပြီး သေဆုံးသွားတယ်ဆိုတဲ့ အကြောင်းတွေလည်း ပါရှိပါတယ်။ ရုပ်ရှင်ထဲမှာတော့ ဒဏ္ဍာရီထဲက ဘီလူးကြီးတစ်ကောင်နဲ့ လူတွေ လက်တွေ့ရင်ဆိုင်ရတဲ့အခါ ဘယ်လိုတုံ့ပြန်ကြမလဲဆိုတာကို ပြထားတယ်။

ဗတ်ထရီဟာ တစ်သက်တစ်ကျွန်းပြစ်ဒဏ်နဲ့ ထောင်ကျနေသူဖြစ်ပေမယ့် သူ့ဘဝကို ဖျက်ဆီးခဲ့သူတွေကို လက်တုံ့ပြန်သတ်ဖြတ်ဖို့ စိုင်းပြင်းနေတုန်းပါပဲ။ အဲဒီအချိန်မှာပဲ သူ့အကျဉ်းခန်းနံရံပေါ်မှာ ပုံဆွဲထားတဲ့ နာမည်ကျော် လူချမ်းသာဆရာဝန်တစ်ယောက် အသတ်ခံလိုက်ရပါတယ်။ အမှုလိုက်နိုင်စွမ်းကြောင့် စုံစမ်းရေးမှာ ပါဝင်လာတဲ့ ရဲဆာဂျင် ဘတ်ဒရာနဲ့ ရဲအရာရှိ ဗီရှယ်တို့ဟာ ဗတ်ထရီကို မေးမြန်းစစ်ဆေးကြတယ်။ အကျဉ်းခန်းထဲမှာ ရှိနေတဲ့ ဗတ်ထရီက တကယ်ပဲ လူသတ်တရားခံလား။ သူလုပ်တာဆိုရင် အပြင်ကလူတစ်ယောက်ကို ဘယ်လိုသတ်နိုင်ခဲ့တာလဲ၊ ကူညီပေးနေသူ ရှိနေတာလားဆိုတဲ့ မေးခွန်းတွေ ပေါ်လာပါတယ်။ စစ်ဆေးရင်း ဘယ်လိုနောက်ကြောင်းတွေ သိလာရမလဲ၊ နောက်ထပ် ဘယ်သူတွေ အသတ်ခံရဦးမလဲ၊ ဘာကြောင့် ဒီလိုဖြစ်နေရတာလဲဆိုတာကို ဆက်လက်ဖော်ထုတ်ရမယ့် မှုခင်းဒရာမာပါ။

မားကပ်စ်ဟာ ဘယ်တီမိုး အထက်တန်းကျောင်းမှာ ပထမနှစ် စတက်နေတဲ့ ကျောင်းသားတစ်ယောက်ပါ။ သူ့မှာ အလယ်တန်းကတည်းက ခင်လာတဲ့ အချစ်ဆုံးသူငယ်ချင်းနှစ်ယောက် ဟော်လီနဲ့ ဂရန့်တ်တို့ ရှိပါတယ်။ အထက်တန်းရောက်တော့ ဂရန့်တ်က တခြားကျောင်းကို ပြောင်းသွားတာကြောင့် ဘယ်တီမိုးမှာ မားကပ်စ်နဲ့ ဟော်လီတို့ပဲ ကျန်ခဲ့တယ်။ အလယ်တန်းတုန်းက အနိုင်ကျင့်ခံခဲ့ရတဲ့ မားကပ်စ်ဟာ ကျောင်းသစ်မှာတော့ အဲဒီလို မကြုံရဖို့ မျှော်လင့်ထားပေမယ့် သူထင်သလို ဖြစ်မလာခဲ့ပါဘူး။ ကျောင်းမှာ သူငယ်ငယ်က ကလေးထိန်းလုပ်ပေးခဲ့ဖူးတဲ့ ကက်စီနဲ့ ပြန်တွေ့ရပြီး အနိုင်ကျင့်ခံနေရချိန်မှာလည်း ကက်စီက ဝင်ကူညီပေးခဲ့တယ်။ ဒါပေမယ့် တစ်နေ့ ကျောင်းအပြန်မှာ ကက်စီ ရုတ်တရက် ပျောက်သွားပါတယ်။ ရဲတွေ လိုက်ရှာကြပေမယ့်လည်း မတွေ့ကြဘူး။ ဘယ်တီမိုးမြို့မှာ အရင်ကလည်း ဒါနယ်လ်ဆိုတဲ့ ဆယ်ကျော်သက်တစ်ယောက် သေနတ်နဲ့ ပစ်သတ်ခံခဲ့ရဖူးပါတယ်။ ကက်စီကို ရှာမတွေ့သေးတဲ့အချိန်မှာ မားကပ်စ်က ဟော်လီနဲ့အတူ သူတို့ကိုယ်တိုင် လိုက်ရှာဖို့ ကြိုးစားလာကြတယ်။

Original Sin မှာ အလန်နဲ့ ဗားဂတ်တို့ ပြောကြတဲ့ စကားတစ်ခွန်းက အချစ်နဲ့ တဏှာကြားက ကွာခြားချက်ကို မေးထားပါတယ်။ ဗားဂတ် ခံစားနေရတာ အချစ်လား၊ တဏှာသက်သက်လားလို့ အလန်က မေးတဲ့အခါ ဗားဂတ်က အဲဒီနှစ်ခုမှာ ကွာခြားမှုရှိလို့လားလို့ ပြန်မေးတယ်။ အလန်ရဲ့အမြင်မှာ ချစ်တယ်ဆိုတာ ပေးပြီးရင်း ပေးချင်နေတာဖြစ်ပြီး တဏှာကတော့ ယူပြီးရင်း ယူချင်နေတာပါ။ ကိုယ်က ပေးချင်တာလား၊ ယူချင်တာလားဆိုတဲ့ မေးခွန်းကိုတော့ ဗားဂတ်က နှစ်ခုစလုံးလို့ ဖြေပါတယ်။ သူချစ်တဲ့သူကို အရာရာပေးချင်သလို အဲဒီလူဆီက အရာအားလုံးကိုလည်း ရချင်တယ်။ ဒီအဖြေကြားတော့ အလန်က သူ့ကို အချစ်မှာ အရှုံးသမားဖြစ်နေပြီလို့ ပြောလိုက်တယ်။ ဒီစကားဝိုင်းကတစ်ဆင့် အချစ်မှာ ရှုံးနိမ့်ရတဲ့ ခံစားချက်ကို မိတ်ဆက်ထားတာပါ။ ၂၀၀၁ ခုနှစ်ထွက် ဒီဇာတ်ကားမှာ Antonio Banderas နဲ့ Angelina Jolie တို့ အဓိကပါဝင်ထားပြီး အချစ်၊ ဒရာမာ၊ လျှို့ဝှက်ဆန်းကြယ်မှုနဲ့ သည်းထိတ်ရင်ဖိုအကြောင်းအရာတွေ ပါဝင်ပါတယ်။ ကိုယ်လုံးတီးပြကွက်တချို့ ပါဝင်တဲ့ R အဆင့်သတ်မှတ်ထားသော ဇာတ်ကားဖြစ်ပါတယ်။

ဘရုစ်ဟာ အိမ်ထဲမှာပဲ နေလာတာ ရှစ်နှစ်ရှိပြီဖြစ်သလို Batman လည်း Gotham မြို့ကနေ ပျောက်ကွယ်နေပါတယ်။ Harvey Dent ကျူးလွန်ခဲ့တဲ့ လူသတ်မှုတွေကို Batman လုပ်ခဲ့တယ်လို့ လူတွေက ယုံကြည်နေကြဆဲပါ။ Dent ကို အကြောင်းပြုပေါ်လာတဲ့ ဥပဒေကြောင့် ဂိုဏ်းဖွဲ့ကျူးလွန်တဲ့ ရာဇဝတ်မှုတွေ ပပျောက်နေချိန်မှာပဲ Gotham ကို ခြိမ်းခြောက်မယ့် ရန်သူသစ်က လှုပ်ရှားနေပြီဖြစ်ပါတယ်။ Bane က CIA ထိန်းသိမ်းထားတဲ့ နျူကလီးယားရူပဗေဒပညာရှင်တစ်ယောက်ကို ဖမ်းခေါ်သွားတယ်။ တစ်ဖက်မှာလည်း ဘရုစ်ရဲ့အိမ်မှာ Harvey Dent အမှတ်တရပွဲ ကျင်းပနေတုန်း Selina Kyle က ခိုးဝင်ပြီး ဘရုစ်အမေရဲ့ လည်ဆွဲကို ယူသွားပါတယ်။ ဒါပေမယ့် သူ့ရဲ့ တကယ့်ပစ်မှတ်က လည်ဆွဲထက် ဘရုစ်ရဲ့ လက်ဗွေဖြစ်နေကြောင်း ဘရုစ်က ရိပ်မိပြီး စုံစမ်းလာတယ်။ လက်ဗွေကို ရသွားတဲ့ Selina ဟာ ပွဲတက်လာတဲ့ လွှတ်တော်အမတ်တစ်ယောက်ကိုပါ ပြန်ပေးဆွဲပြီး သူ့ကို လက်ဗွေခိုးခိုင်းသူနဲ့ တွေ့ဖို့ ခေါ်သွားပါတယ်။ ဒီကိစ္စကို လိုက်စုံစမ်းတဲ့ Gordon က အဖမ်းခံရပြီး Bane နဲ့ ရင်ဆိုင်တွေ့ရတယ်။ Bane ဟာ Gotham မြို့ရဲ့ မြေအောက်ရေမြောင်းတွေထဲမှာ တပ်စွဲထားတာပါ။ Gordon က လွတ်အောင် ထွက်ပြေးနိုင်ခဲ့ပြီး ရဲအရာရှိ John Blake က သူ့ကို တွေ့သွားကာ ဆေးရုံပို့ပေးခဲ့ပါတယ်။ Alfred ကလည်း Bane နဲ့ပတ်သက်တဲ့ အကြောင်းတွေကို ဘရုစ်ဆီ ပြောပြလာတယ်။ Bane ဟာ ဘရုစ်ကို အရင်က ပညာသင်ပေးခဲ့တဲ့ Ra's Al Ghul ရဲ့ တပည့်ဖြစ်ပြီး သူ့ရည်ရွယ်ချက်က Gotham ကို

ငယ်ငယ်က ပျောက်ဆုံးသွားခဲ့တဲ့ ကောင်မလေးတစ်ယောက်ဟာ အတိတ်ကိုပါ မေ့သွားခဲ့ပါတယ်။ မိဘတွေ ဘယ်သူလဲ၊ ကိုယ်တိုင်ကရော ဘယ်သူလဲဆိုတာ မသိတော့တဲ့အတွက် မိဘမဲ့ဂေဟာမှာ ဂျိန်းဆိုတဲ့ နာမည်နဲ့ ဘဝသစ်စခဲ့ရတယ်။ အရွယ်ရောက်လို့ အလုပ်အကိုင်နဲ့ နေနေတဲ့အချိန်မှာတော့ သူ့မိခင်လို့ဆိုသူ ဆေလ်ဗီယာ ပေါ်လာပါတယ်။ ဒီအန်အေစစ်ဆေးမှုအဖြေ မထွက်သေးပေမယ့် ဆေလ်ဗီယာဟာ ဂျိန်းရဲ့မိခင် ဖြစ်နိုင်ခြေများနေပြီး ဂျိန်းကို သူ့အိမ်ဆီ အလည်ခေါ်လိုက်တယ်။ ဆိတ်ငြိမ်တဲ့နေရာက အိမ်ကြီးထဲမှာ ဂျိန်းဟာ အိမ်ထိန်း ထရီဇာနဲ့ ဆေလ်ဗီယာရဲ့ ဒုတိယခင်ပွန်း ကာလိုတို့ကို တွေ့ရပါတယ်။ ချမ်းသာတဲ့ မိခင်ရဲ့သမီးအဖြစ် ပျော်ပျော်ရွှင်ရွှင် နေရတော့မယ်လို့ မျှော်လင့်ထားပေမယ့် အိမ်ရောက်ပြီး နောက်တစ်ရက်မှာပဲ ထူးဆန်းပြီး သံသယဖြစ်စရာတွေ စကြုံလာရတယ်။ အဲဒီအဖြစ်တွေက ဂျိန်း ငယ်စဉ်က ပျောက်ဆုံးခဲ့တာ၊ အတိတ်မေ့သွားတာနဲ့ ဖခင်သေဆုံးခဲ့တာတို့နဲ့ ဘယ်လိုပတ်သက်နေမလဲ။ မိသားစုကို ပြန်တွေ့ပြီလို့ ထင်နေတဲ့ ဂျိန်းအတွက် ဒီအိမ်မှာ ကြုံလာရသမျှက စိတ်မသိုးမသန့်ဖြစ်စရာ မေးခွန်းတွေ ဖြစ်လာပါတယ်။

သူများကို သတ်မလား၊ ကိုယ်က အသတ်ခံမလားဆိုတဲ့ အတွေးနဲ့ ဘဝကို ဖြတ်သန်းလာတဲ့ မာဖီးယားတစ်ယောက်ဟာ ချစ်ရသူနဲ့ ဆုံပြီးနောက် သူ့ဘဝကို ပြောင်းလဲလိုက်ပါတယ်။ သမီးလေးတစ်ယောက်လည်း ရလာပြီး မိသားစုနဲ့အတူ ပျော်ပျော်ရွှင်ရွှင် နေနေခဲ့တယ်။ ဒါပေမယ့် အတိတ်က လုပ်ရပ်တွေကြောင့် မာဖီးယားဂိုဏ်းတစ်ခုက သူ့ကို ကလဲ့စားချေဖို့ ရောက်လာပြီး မိသားစုကို ရက်ရက်စက်စက် သတ်ဖြတ်လိုက်ပါတယ်။ သမီးဖြစ်သူ ဆိုဖီယာကတော့ အသက်မသေဘဲ လွတ်မြောက်ခဲ့တယ်။ အဲဒီနောက် သူတို့သားအဖနှစ်ယောက်က မိသားစုကို သတ်သွားသူတွေဆီက သွေးကြွေးပြန်တောင်းဖို့ ပြင်ဆင်လာကြပါတယ်။ Netflix ရဲ့ My Name Is Vendetta က သွေးထွက်သံယို အက်ရှင်ခန်းတွေနဲ့အတူ သားအဖနှစ်ယောက်ကြားက သံယောဇဉ်နဲ့ ချစ်ရသူတွေကို ဆုံးရှုံးလိုက်ရတဲ့ နာကျည်းမှုကို တွဲဖော်ပြထားတဲ့ မှုခင်းအက်ရှင်ဇာတ်ကားပါ။

ထိုင်းနိုင်ငံက ဂူတစ်ခုထဲမှာ ဘောလုံးအသင်းက ကလေး ၁၂ ယောက်နဲ့ နည်းပြတစ်ယောက် ပိတ်မိသွားကြပါတယ်။ ကယ်ဆယ်ရေးသမားတွေ သူတို့ဆီ ရောက်လာတဲ့အထိ ခက်ခဲတဲ့အခြေအနေမှာ အသက်ရှင်အောင် နေကြရသလို ဂူအပြင်ဘက်မှာလည်း မိဘတွေက သားသမီးတွေအတွက် ပူပန်စွာ စောင့်ဆိုင်းနေကြရတယ်။ Thirteen Lives က ဒီဖြစ်ရပ်ကို ပြန်လည်သရုပ်ဖော်ထားတဲ့ ရုပ်ရှင်ပါ။ ကလေးတွေဆီ ရောက်အောင်သွားဖို့၊ သူတို့ကို ပြန်ခေါ်ထုတ်နိုင်ဖို့ ကြိုးစားကြရာမှာ ကယ်ဆယ်ရေးသမားတွေအပြင် ဒေသခံလယ်သမားတွေကနေ နိုင်ငံခြားက လာကူညီသူတွေအထိ ပါဝင်ခဲ့ကြပါတယ်။ ဇာတ်ကားက အဲဒီလူတွေရဲ့ အားထုတ်မှုတွေနဲ့အတူ ကယ်ဆယ်သူတွေ ခံစားနေရတဲ့ စိတ်ဖိစီးမှုကိုလည်း အလေးထားဖော်ပြထားတယ်။ မိဘတွေရဲ့ ပူပန်မှုကို ပြတဲ့နေရာမှာတော့ ဂူထဲပိတ်မိနေတဲ့ ကလေးတစ်ယောက်ရဲ့ မိခင်ဖြစ်သူ၊ ထိုင်းမှာနေထိုင်တဲ့ မြန်မာနိုင်ငံက ရှမ်းအမျိုးသမီးတစ်ယောက်ကို အဓိကထားပါတယ်။ ကယ်ဆယ်ရေးလုပ်ငန်းစဉ်တစ်ခုတည်းကို ပြထားတာတော့ မဟုတ်ပါဘူး။ ဒေသခံတွေရဲ့ နတ်နဲ့ပတ်သက်တဲ့ ယုံကြည်မှု၊ ကလေးတွေအတွက် ဆုတောင်းပေးတာနဲ့ အဆောင်တွေ ထည့်ပေးတာတို့လည်း ပါဝင်တယ်။ အဲဒီအပေါ် အင်္ဂလိပ်ကယ်ဆယ်ရေးသမားတွေရဲ့ တုံ့ပြန်ပုံကိုပါ တွဲပြထားတဲ့အတွက် အခြေအနေတစ်ခုကို ယဉ်ကျေးမှုမတူတဲ့ လူတွေ ဘယ်လိုလက်ခံကြသလဲဆိုတာကို တွေ့ရပါတယ်။ ဒါရိုက်တာက A Beautiful Mind ကို ရိုက်ကူးခဲ့တဲ့ Ron Howard ဖြစ်ပြီး Colin Farrell၊ Joel Edgerton နဲ့ Viggo Mortensen တို့ ပါဝင်ထားပါတယ်။ Lo

ကော့ထ်ဂျန်ထရီဟာ လူသတ်မှုနဲ့ နှစ်ရှည်ထောင်ဒဏ်ကျနေသူပါ။ တစ်နေ့မှာ စီအိုင်အေရဲ့ လျှို့ဝှက်တရားမဝင် စစ်ဆင်ရေးတွေမှာ အလုပ်လုပ်ပေးဖို့ အပေးအယူရပြီး ထောင်က လွတ်လာခဲ့တယ်။ အဲဒီနောက် အေးဂျင့်လောကမှာ Six ဆိုတဲ့နာမည်နဲ့ လူသိများလာပါတယ်။ တစ်ရက်မှာတော့ သူလုပ်ကြံရတဲ့ ပစ်မှတ်ဆီက မရသင့်တဲ့အချက်အလက်တွေ ရသွားခဲ့တယ်။ အဲဒီအခါ ကိုယ့်အဖွဲ့အစည်းကပါ သူ့ကို ပြန်လိုက်သတ်လာလို့ ထွက်ပြေးရတော့တာပါ။ သူ့နောက်ကို တရားမဝင် လိုက်သတ်ဖို့ အေဂျင်စီက ငှားလိုက်သူက နာမည်ဆိုးနဲ့ကျော်ကြားတဲ့ ကြေးစား လွိုက်ဟန်ဆန် ဖြစ်ပါတယ်။ Six အဖြစ် ရိုင်ယန်ဂို့စလင်းနဲ့ လွိုက်ဟန်ဆန်အဖြစ် ခရစ်စ် အီဗန်တို့ သရုပ်ဆောင်ထားပြီး နှစ်ယောက်ကြား အပြန်အလှန် လိုက်လံတိုက်ခိုက်ကြတဲ့ အက်ရှင်ဇာတ်လမ်းပါ။ နက်ဖလစ်ရဲ့ ဒီရုပ်ရှင်ကို ရက်ဆိုညီအစ်ကိုက ရိုက်ကူးထားပြီး အဗန်ဂျာဇာတ်ကားတွေရဲ့ ဇာတ်ညွှန်းဆရာတွေက ရေးသားထားပါတယ်။ အန်နာ ဒီအာမက်စ်၊ ဂျက်ဆီကာဟန်းဝစ်နဲ့ တမီးလ်သရုပ်ဆောင် Dhanush တို့လည်း ပါဝင်ထားပါတယ်။

Lethal Weapon ရဲ့ စတုတ္ထကားမှာတော့ ရစ်ဂ်စ်က ဆံပင်ညှပ်ထားပြီး သူရော မာတော့ဖ်ပါ အသက်အရွယ်ရလာတဲ့ဒဏ်ကို နည်းနည်းချင်း ခံစားနေကြရပါပြီ။ ဒါပေမဲ့ ရစ်ဂ်စ်ကတော့ ကိုယ့်ကိုယ်ကိုယ် မအိုသေးဘူးလို့ ယူဆနေဆဲဖြစ်ပြီး မိုက်မိုက်ကန်းကန်း စွန့်စားတာတွေ လုပ်တုန်းပါပဲ။ ဒီတစ်ခါလည်း နှစ်ယောက်သား ကိုယ့်ဘာသာနေကြရင်း ပြဿနာက သူတို့ဆီ ရောက်လာပြန်ပါတယ်။ ဒီကားမှာ ဂျက်လီနဲ့ ဟာသသရုပ်ဆောင် Chris Rock တို့ပါ ပါဝင်လာကြပါတယ်။ Mel Gibson တို့နဲ့ ဂျက်လီတို့ အပြိုင်သရုပ်ဆောင်ထားတဲ့ အက်ရှင်ခန်းတွေအပြင် Chris Rock ပါဝင်တဲ့ ဟာသခန်းတွေလည်း ပါရှိပါတယ်။

ရဲအရာရှိ ရော်ဂျာက ဘဝကို အေးအေးချမ်းချမ်း ဖြတ်သန်းနေသူပါ။ အသက် ၅၀ ပြည့်မွေးနေ့ကို မိသားစုနဲ့ ပျော်ပျော်ရွှင်ရွှင် ကုန်ဆုံးပြီး ခါတိုင်းလို အလုပ်သွားတဲ့အခါမှာတော့ သတင်းဆိုးတစ်ခု ကြားလိုက်ရတယ်။ စစ်ပွဲမှာ အတူတိုက်ခဲ့ဖူးပြီး သူ့အသက်ကိုပါ ကယ်ခဲ့တဲ့ သူငယ်ချင်းဟောင်းရဲ့သမီး တိုက်ပေါ်က ခုန်ချသွားတဲ့အမှုပါ။ အဲဒီသူငယ်ချင်းနဲ့ ရော်ဂျာ အဆက်အသွယ်ပြတ်နေတာလည်း ၁၂ နှစ် ရှိနေပြီဖြစ်ပါတယ်။ ဒီအမှုကို အတူလိုက်ဖို့ ရလာတဲ့ တွဲဖက်အသစ်က မာတင်ရစ်ဂ်ဆိုတဲ့ လူငယ်ရဲအရာရှိပါ။ အရင်က အထူးတပ်ဖွဲ့ဝင်ဖြစ်ခဲ့ပြီး အရည်အချင်းရှိပေမယ့် ချစ်ရတဲ့ဇနီး မကြာသေးခင်က ဆုံးပါးသွားလို့ စိတ်မတည်မငြိမ် ဖြစ်နေတယ်။ ကိုယ့်အသက်ကို အဆုံးစီရင်ဖို့တောင် ကြိုးစားနေသူပါ။ ကမူးရှူးထိုးနဲ့ စိတ်ထင်သလို လုပ်တတ်တဲ့ ရစ်ဂ်နဲ့ အေးအေးဆေးဆေး နေချင်တဲ့ ရော်ဂျာတို့ဟာ စရိုက်ချင်း ဆန့်ကျင်နေပေမယ့် ဒီအမှုမှာတော့ တွဲပြီး အလုပ်လုပ်ကြရပါတယ်။ Mel Gibson ငယ်စဉ်က ပါဝင်သရုပ်ဆောင်ခဲ့တဲ့ အက်ရှင်၊ မှုခင်းနဲ့ သည်းထိတ်ရင်ဖို ရုပ်ရှင်ဖြစ်ပါတယ်။ သူဟာ Braveheart၊ Conspiracy Theory တို့မှာ သရုပ်ဆောင်ခဲ့သလို Hacksaw Ridge ကိုလည်း ဒါရိုက်တာအဖြစ် ရိုက်ကူးခဲ့သူပါ။

တစ်ညမှာ မူးနေတဲ့ စာရေးဆရာတစ်ယောက် ရဲစခန်းကို ရောက်လာပြီး သူ့ဝတ္ထုထဲက ဇာတ်ကောင်က သူ့ကို ခြိမ်းခြောက်နေတယ်လို့ တိုင်တန်းပါတယ်။ ရဲတွေက မယုံနိုင်ဖြစ်နေကြပေမယ့် မကြာခင်မှာပဲ သူရေးထားတဲ့ ဝတ္ထုထဲကအတိုင်း တစ်ပုံစံတည်းဖြစ်နေတဲ့ ပြန်ပေးဆွဲမှုနဲ့ လူသတ်မှုကို ကြုံလာကြရတယ်။ ပြန်ပေးဆွဲခံရတဲ့ မိန်းကလေး ပူဂျာကလည်း ရဲချုပ်ရဲ့သမီး ဖြစ်နေပါတယ်။ ရွေးကောက်ပွဲမတိုင်ခင်ကာလမှာ ဖြစ်လာတဲ့အမှုမို့ လူအများကြား ဟိုးလေးတကျော် ဖြစ်သွားတော့တယ်။ ဒါဟာ အပြိုင်စကြဝဠာတွေထဲကလို ဝတ္ထုဇာတ်ကောင်တွေက တကယ်ထွက်လာပြီး ကျူးလွန်နေတဲ့မှုခင်းလား။ ပျောက်နေတဲ့ ပူဂျာကရော အဲဒီဝတ္ထုနဲ့ ဘယ်လိုပတ်သက်နေတာလဲ။ တရားခံအစစ်ကို ရှာဖို့ လျှို့ဝှက်အေးဂျင့်တစ်ယောက် ရောက်လာပြီး ရှုပ်ထွေးနေတဲ့အမှုကြားက သဲလွန်စတွေကို တစ်စချင်း ဖော်ထုတ်ရပါတယ်။ အဓိကဇာတ်ဆောင်အဖြစ် Naveen Chandra ပါဝင်သရုပ်ဆောင်ထားပါတယ်။

ဖရက်ဒီက အသက် ၂၈ နှစ်အထိ ရည်းစားမထားဖူးသေးတဲ့ သွားဆရာဝန်တစ်ယောက်ပါ။ မိဘမရှိတော့ဘဲ အဒေါ်နှစ်ယောက်ရဲ့ အုပ်ထိန်းမှုအောက်မှာ နေထိုင်နေရတယ်။ ရိုးအေးပြီး အူတူတူနိုင်တဲ့ သူ့ပုံစံကို မိန်းကလေးတွေက သဘောမကျကြတဲ့အတွက် အချစ်ကို ရှာဖွေရင်း အထီးကျန်နေခဲ့ပါတယ်။ ဒီလိုနဲ့ သူ့ဘဝထဲကို စိတ်လှုပ်ရှားရင်ခုန်စရာတွေ ယူလာပေးတဲ့ မိန်းကလေးတစ်ယောက် ရောက်လာတယ်။ အဲဒီမိန်းကလေးမှာ အိမ်ထောင်ရှိပေမယ့် ဖရက်ဒီက ချစ်မိသွားပြီး လက်ထပ်ဖို့အထိ စဉ်းစားကာ ချဉ်းကပ်ပါတော့တယ်။ မိန်းကလေးကလည်း ခင်ပွန်းရဲ့ အထက်စီးဆန်ဆန် ချုပ်ကိုင်မှုနဲ့ နှိပ်စက်မှုတွေကို ခံနေရသူပါ။ အချစ်ကို အခုမှတွေ့လာတဲ့ ဖရက်ဒီနဲ့ အိမ်ထောင်ရေးထဲမှာ နှိပ်စက်ခံနေရတဲ့ မိန်းကလေးတို့ ရှေ့ဆက် ဘယ်လိုဖြစ်ကြမလဲ။ လျှို့ဝှက်ဆန်းကြယ်မှုနဲ့ သည်းထိတ်ရင်ဖို လှည့်ကွက်တွေကြားမှာ သူတို့တွေ့ဆုံခဲ့ကြတာက ကံကြမ္မာကြောင့်လား၊ တစ်ယောက်ယောက်က ဖန်တီးထားတာလားဆိုတဲ့ မေးခွန်းလည်း ရှိနေပါတယ်။

ဟာရာဒါမိသားစုမှာ မိခင်ဖြစ်သူက အာရုံကြောရောဂါ ခံစားနေရပြီး ကိုယ့်ကိုယ်ကိုယ် အဆုံးစီရင်သွားတဲ့နောက် အဖေနဲ့ အလယ်တန်းကျောင်းသူသမီး နှစ်ယောက်တည်း ကျန်ခဲ့ပါတယ်။ အဖေက စိတ်ကျရောဂါ ခံစားနေရပြီး ကိုယ့်ကိုယ်ကိုယ် သပ်သပ်ရပ်ရပ်လည်း မနေတော့ဘူး။ သမီးက အဖေ့ကို ပူညံပူညံ ပြောတတ်ပေမယ့် တကယ်တော့ အလွန်ချစ်ပါတယ်။ တစ်ညမှာ အဖေက ကွင်းဆက်လူသတ်သမားတစ်ယောက်ကို တွေ့ခဲ့တယ်လို့ ပြောတယ်။ နောက်တစ်နေ့ နေ့ခင်းမှာတော့ ရုတ်တရက် ပျောက်သွားခဲ့ပါတယ်။ အဖေ အသတ်ခံလိုက်ရတာလား၊ ဒါမှမဟုတ် သူ့ကိုထားခဲ့တာလားဆိုတာ သမီးက ဝေခွဲမရဘူး။ ဘာဖြစ်သွားမှန်း မသိတဲ့ကြားက အဖေ့ကို အသည်းအသန် လိုက်ရှာပါတော့တယ်။ ၂၀၂၁ ခုနှစ်ထွက် Missing ဟာ မှုခင်း၊ ဒရာမာနဲ့ လျှို့ဝှက်ဆန်းကြယ်မှုကို ရောစပ်ထားပြီး Tokyo Revengers LA နဲ့ The World of Sadako တို့မှာ ပါဝင်ခဲ့တဲ့ Hiroya Shimizu လည်း သရုပ်ဆောင်ထားပါတယ်။

ခရစ္စတာက လူတစ်ယောက်ချင်းစီရဲ့ ဝတ်စားဆင်ယင်ပုံကို ပြင်ဆင်ပေးတဲ့ Personal Stylist တစ်ယောက်ပါ။ သူ့ဆီမှာ ကတ်ဆိုတဲ့ ဖောက်သည်အသစ်တစ်ယောက် ရလာတယ်။ ကတ်က ရှက်တတ်ပြီး လူတောမတိုးတဲ့အတွက် ခရစ္စတာက ပြုပြင်ပြောင်းလဲပေးရင်း နှစ်ယောက်သား ခင်မင်လာကြပါတယ်။ တစ်နေ့တော့ ကတ်ဟာ ခရစ္စတာရဲ့ ခင်ပွန်းလောင်း ဂျိတ်နဲ့ ကျောင်းတုန်းက တွဲခဲ့ဖူးတဲ့ ကစ်တီဖြစ်နေမှန်း သိလိုက်ရတယ်။ ကစ်တီ့အကြောင်း သိထားတဲ့ ဂျိတ်က ခရစ္စတာကို အကြိမ်ကြိမ် သတိပေးပေမယ့် သူကတော့ အစပိုင်းမှာ အလေးအနက် မထားခဲ့ဘူး။ ကစ်တီ့ရဲ့ ထူးဆန်းတဲ့အပြုအမူတွေကို တဖြည်းဖြည်း မြင်လာမှ သံသယဝင်လာပါတယ်။ ကစ်တီက ငယ်ချစ်ဦးကို ပြန်ရချင်နေသူဖြစ်ပြီး ခရစ္စတာနဲ့ ဂျိတ်တို့ကြား ဝင်လာတဲ့ သူ့ရဲ့စွဲလမ်းမှုက လူသတ်မှုအထိ ပါဝင်လာတယ်။ အစက ခင်မင်ခဲ့တဲ့ ဖောက်သည်တစ်ယောက်ကြောင့် ခရစ္စတာရဲ့ အချစ်ရေးမှာ ကြောက်စရာအခြေအနေတွေ ကြုံလာရပါတယ်။

လူနဲ့ တိရစ္ဆာန်တွေရဲ့ ခန္ဓာကိုယ်မှာ ကပ်ပါးအဖြစ် ဝင်နေတဲ့ သန်ကောင်လို သတ္တဝါတွေကို မိန်းကလေးတစ်စု ရင်ဆိုင်ရတဲ့ ဇာတ်လမ်းပါ။ ဒီအဖွဲ့ထဲမှာ သေနတ်ပစ်တတ်သူလည်း ရှိသလို လက်ရဲဇက်ရဲရှိသူတွေလည်း ပါပါတယ်။ သူတို့ကတော့ ကိုယ်နေတဲ့ရွာလေးဟာ တောခေါင်လွန်းတယ်ဆိုပြီး သိပ်မကျေနပ်ကြဘူး။ တစ်နေ့ လှေကို ခိုးမောင်းထွက်ကြရာက ဝက်ဝံတစ်ကောင်နဲ့ တွေ့ပြီး တစ်ဖွဲ့လုံး အသက်အန္တရာယ်နဲ့ ကြုံရတော့တယ်။ ဒီဝက်ဝံနဲ့ မတော်တဆဆုံခဲ့ရာက သူတို့ရွာကို ဘယ်လိုအန္တရာယ်တွေ ရောက်လာမလဲ၊ မိန်းကလေးတစ်စုကရော ဘယ်လိုပြန်ရင်ဆိုင်ကြမလဲ။

အများအမြင်မှာ ဇိုဝီရဲ့ဘဝက ပြည့်စုံနေပါတယ်။ သူကိုယ်တိုင်က အောင်မြင်တဲ့ စီးပွားရေးလုပ်ငန်းရှင်တစ်ယောက်ဖြစ်ပြီး ဗိသုကာပညာရှင် ခင်ပွန်းနဲ့လည်း ချစ်ခင်ကြတဲ့ ငယ်လင်ငယ်မယားတွေပါ။ သားတစ်ယောက်၊ သမီးတစ်ယောက်လည်း ရှိကြတယ်။ ဒါပေမယ့် ဇိုဝီမှာ လိင်မှုကိစ္စကို အလွန်အမင်း စွဲလမ်းနေတဲ့ ဝေဒနာရှိပါတယ်။ ခင်ပွန်းနဲ့တင် သူ့ဆန္ဒတွေ မပြည့်ဝနိုင်ဘဲ အပြင်မှာ အပျော်ရှာမိရာက မိသားစုဘဝကိုပါ ထိခိုက်လာတော့တယ်။ သူ့ဘဝကို ထိခိုက်နေတဲ့ ဒီစွဲလမ်းမှုကနေ ဇိုဝီ ရုန်းထွက်နိုင်ပါ့မလား။

လင်မယားနှစ်ယောက် စကားများကြရာက ဆန်ချီးဟာ ခင်ပွန်းကို ကွာရှင်းပေးဖို့ ပြောလာပါတယ်။ အဲဒီနောက် ဆန်ချီးတစ်ယောက်တည်း အိမ်မှာကျန်နေချိန် အကြမ်းဖက်သမားတစ်ယောက် ဝင်စီးလာတော့တယ်။ ကယ်တင်ဖို့ ရောက်လာတဲ့ရဲတွေကို ခင်ပွန်းဖြစ်သူက ဆန်ချီးမှာ စိတ်ထင်ယောင်ထင်မှားဖြစ်တတ်တဲ့ ဝေဒနာရှိကြောင်း ပြောပြီး အမြန်ဆုံး ကယ်ပေးဖို့ တောင်းဆိုပါတယ်။ ဒါပေမယ့် အိမ်ထဲက အကြမ်းဖက်သမားကို ဆန်ချီးပြောပြနေတာက တခြားတစ်မျိုးပါ။ သူ့ယောက်ျားဟာ အိမ်ထောင်ရေးဖောက်ပြန်နေပြီး သူပိုင်သမျှကို လိုချင်လို့ ချစ်သူဖြစ်တဲ့ စိတ်ရောဂါအထူးကုဆရာဝန်မနဲ့ ပေါင်းကာ သူ့ကို စိတ်ရောဂါဆေးတွေ တိုက်နေတယ်လို့ ပြောတယ်။ ဆန်ချီးက သူ့ကို အမြန်ဆုံး သတ်ပေးဖို့ပါ တောင်းဆိုလိုက်ပါတယ်။ တစ်ယောက်နဲ့တစ်ယောက် ပြောပုံချင်း မတူကြတဲ့ ဒီလင်မယားကြားမှာ ဘယ်သူက အမှန်ပြောနေပြီး ဘယ်သူက လှည့်စားနေတာလဲ။ မာဒဗန်း ပါဝင်သရုပ်ဆောင်ထားတဲ့ သည်းထိတ်ရင်ဖိုဇာတ်ကားပါ။

အမျိုးသမီးတစ်ယောက် အိမ်ပြန်ရောက်လာတဲ့အခါ အိမ်ထဲမှာ မှောင်နေပါတယ်။ ခင်ပွန်းကို အော်ခေါ်ရင်း လိုက်ရှာရာက အိမ်သာထဲမှာ သူ့အလောင်းကို တွေ့လိုက်ရတယ်။ ခန္ဓာကိုယ်ပေါ်မှာ တိတိပပ လှီးဖြတ်ထားတဲ့ ဓားဒဏ်ရာတွေရှိပြီး နဖူးပေါ်မှာလည်း အမှတ်အသားတစ်ခု ကျန်နေပါတယ်။ သေဆုံးသူက ရုပ်ရှင်ဝေဖန်ရေးသမားတစ်ယောက်ပါ။ မကြာခင် ရထားလမ်းပေါ်မှာ ကိုယ်တစ်ပိုင်းပြတ်နေတဲ့ နောက်ထပ်အလောင်းတစ်လောင်းကို တွေ့ရပြန်တယ်။ ဒီတစ်ယောက်လည်း ရုပ်ရှင်ဝေဖန်ရေးသမားဖြစ်ပြီး နဖူးမှာ ပထမလူနဲ့တူတဲ့ အမှတ်အသား ရှိနေပါတယ်။ အဲဒီနောက် လူသတ်မှုတွေ ဆက်ဖြစ်လာတဲ့အခါ ရဲတွေအတွက် ဖြေရှင်းရခက်တဲ့ အမှုတစ်ခု ဖြစ်လာတော့တယ်။ ရုပ်ရှင်ဝေဖန်ရေးသမားတွေကို ပစ်မှတ်ထားနေတဲ့ ကွင်းဆက်လူသတ်သမားက ဘယ်သူလဲ၊ ဘာကြောင့် ဒီလိုသတ်နေတာလဲ။

ဒုတိယကမ္ဘာစစ် ပြီးဆုံးခါနီးမှာ အဘက်ဘက်က အင်အားလျော့နည်းလာတဲ့ ဂျာမန်တပ်တွေဟာ စစ်အခြေအနေကို ပြောင်းလဲနိုင်ဖို့ နောက်ဆုံးကြိုးပမ်းမှုတွေ လုပ်လာကြပါတယ်။ အဲဒီထဲက တစ်ခုကတော့ အမေရိကန် အရှေ့ဘက်ကမ်းရိုးတန်း၊ နယူးယော့ခ်က ကုန်သွယ်သင်္ဘောတွေ သွားလာရာ ရေလမ်းကြောင်းတွေကို ရေငုပ်သင်္ဘောတွေနဲ့ တိုက်ခိုက်ဖို့ စီစဉ်ထားတဲ့ ပင်လယ်ဝံပုလွေ စစ်ဆင်ရေးပါ။ ဒီစစ်ဆင်ရေးကို ဦးဆောင်ဖို့ ဝါရင့်ရေငုပ်သင်္ဘောတပ်မှူး ဟန်စ်ကတ်စ်လာကို ရွေးချယ်လိုက်ကြတယ်။ ကတ်စ်လာဟာ ဘဝတစ်လျှောက်လုံးနီးပါး တိုင်းပြည်အတွက် စစ်မှုထမ်းလာသူဖြစ်ပေမယ့် စစ်ပွဲကြောင့် ရခဲ့တဲ့ စိတ်ဒဏ်ရာတွေလည်း ရှိနေပါတယ်။ ဗုံးကြဲမှုတစ်ခုမှာ မိသားစုတစ်စုလုံးကို ဆုံးရှုံးခဲ့ရပြီး သူ့စစ်မှုထမ်းဘဝရဲ့ နောက်ဆုံးကာလတွေကို အရက်နဲ့ပဲ ဖြတ်သန်းနေသူပါ။ ဒီလိုလူတစ်ယောက်က လက်ရှိသင်္ဘောကပ္ပတိန်ကို အစားထိုးပြီး ဦးစီးမယ်ဆိုတော့ တပ်သားတွေက မယုံကြည်ကြဘူး။ ကတ်စ်လာကတော့ အဲဒီမယုံကြည်မှုတွေကြားကနေ စစ်ဆင်ရေးကို ဦးဆောင်ရင်း သူ့အစွမ်းကို ပြသလာပါတယ်။ အရက်ကို စွန့်ပြီး ဘဝမှာ ရည်ရွယ်ချက်တစ်ခု ပြန်တွေ့လာသလို ဖြစ်လာပေမယ့် သူတို့တာဝန်ယူထားရတဲ့ စစ်ဆင်ရေးက အစကတည်းက မျှော်လင့်ချက်နည်းနေခဲ့တာပါ။ ဒုတိယကမ္ဘာစစ်နောက်ခံ ရေတပ်ဇာတ်ကားဖြစ်ပြီး Frank Grillo နဲ့ Dolph Lundgren တို့ ပါဝင်ထားပါတယ်။

Inception နဲ့ Interstellar တို့ကို ရိုက်ကူးခဲ့တဲ့ ခရစ္စတိုဖာနိုလန်ရဲ့ Tenet ဟာ အချိန်လမ်းကြောင်းကို ပြောင်းပြန်သွားခြင်းဆိုတဲ့ စိတ်ကူးနဲ့ တည်ဆောက်ထားတဲ့ သိပ္ပံစိတ်ကူးယဉ် အက်ရှင်ရုပ်ရှင်ပါ။ လူတွေနဲ့ အရာဝတ္ထုတွေဟာ ပုံမှန်အားဖြင့် အချိန်နဲ့အတူ ရှေ့ကို ဆက်သွားနေကြပါတယ်။ ဥပမာ ၇ နာရီမှာ ရှိနေတဲ့လူတစ်ယောက်ဟာ ဆယ်မိနစ်ကြာရင် ၇ နာရီ ၁၀ မိနစ်ကို ရောက်လာမှာပါ။ အချိန်နဲ့ဆန့်ကျင်ဘက်ကို သွားနေရင်တော့ ၇ နာရီကနေ ဆယ်မိနစ်ကြာတဲ့အခါ ၆ နာရီ ၅၀ မိနစ်ကို ရောက်သွားမယ်ဆိုတဲ့ သဘောဖြစ်ပါတယ်။ ဒီလိုပြောင်းပြန်ဖြစ်နေတဲ့ အခြေအနေမှာ အကျိုးသက်ရောက်မှုကို အရင်တွေ့ရပြီး အကြောင်းရင်းက နောက်မှ ပေါ်လာနိုင်ပါတယ်။ နံရံမှာ မြုပ်နေတဲ့ ကျည်ဆံတစ်တောင့်က သေနတ်ထဲကို ပြန်ဝင်သွားတာမျိုးပါ။ လူတစ်ယောက်က အချိန်ပြောင်းပြန်သွားနေရင်တော့ ပစ္စည်းတွေလို မလွယ်ဘဲ အသက်ရှူတာ၊ မြင်တာ၊ ကြားတာတွေ ပုံမှန်မဖြစ်နိုင်ဘူးလို့ မူရင်းမိတ်ဆက်စာက ရှင်းပြထားပါတယ်။ အတိတ်နဲ့ အနာဂတ်ကြား ပစ္စည်းပို့နိုင်ပုံကိုလည်း ဥပမာတစ်ခုနဲ့ ရှင်းထားတယ်။ ပစ္စည်းတစ်ခုကို ၂၀၂၀ နိုဝင်ဘာ ၃၀ ရက် မနက် ၉ နာရီမှာ မြေမြှုပ်ထားတယ်ဆိုပါစို့။ ၂၀၅၀ ခုနှစ်မှာ တစ်ယောက်ယောက်က အဲဒီပစ္စည်းကို တူးယူပြီး အချိန်ပြောင်းပြန်သွားနိုင်အောင် လုပ်ကာ မူလနေရာမှာ ပြန်မြှုပ်လိုက်မယ်ဆိုရင် ပစ္စည်းက အတိတ်ဘက်ကို ရွေ့လာနိုင်မယ်ဆိုတဲ့ စိတ်ကူးပါ။ အဲဒီသဘောအရ ၂၀၂၀ ခုနှစ်ကလူဟာ မူလအချိန်မှာပဲ နှစ်သုံးဆယ်ခန့် အ

ဖရန့်ဟာ ဓားပြတိုက်ပြီး ထွက်ပြေးလာတဲ့ ယောက်ဖအစား အဖမ်းခံကာ ထောင်ကျသွားပါတယ်။ ဒါပေမဲ့ သူ ထောင်ထဲဝင်လာတာ ယောက်ဖကို ကူညီဖို့တစ်ခုတည်းကြောင့် မဟုတ်ပါဘူး။ သူ့မှာ လက်စားချေချင်တဲ့ ရည်ရွယ်ချက်လည်း ရှိနေပါတယ်။ အငြိုးရှိနေတဲ့ ဆေးရောင်းသမားတစ်ယောက်ကို တိုက်ခိုက်ဖို့ ကြံစည်ရင်း ဖရန့်ကိုယ်တိုင် ဆေးအရောင်းအဝယ်လောကထဲ ရောက်သွားတယ်။ ဒီလောကထဲမှာ ဘယ်လိုအန္တရာယ်တွေ၊ အခက်အခဲတွေ ကြုံရမလဲ၊ သူ့အကြံအစည်ကိုရော အကောင်အထည်ဖော်နိုင်ပါ့မလားဆိုတာ ဆက်ပြထားတဲ့ ဂျာမန်အက်ရှင်ဒရာမာပါ။ မူရင်းအမည်က Die Zukunft ist ein einsamer Ort ဖြစ်ပါတယ်။

မက်သရူးတို့ လင်မယားဟာ ငွေရေးကြေးရေး အဆင်မပြေပေမယ့် သမီးလေးအတွက်တော့ ဂုဏ်ယူနေကြရတဲ့ မိဘတွေပါ။ သမီးက ရေခဲပြင်စကိတ်ပြိုင်ပွဲတွေမှာ ဆုရထားပြီး အိုလံပစ်အထိ ဝင်ပြိုင်ဖို့ လျာထားခံရသူ ဖြစ်ပါတယ်။ တစ်နေ့ လေ့ကျင့်ရေးပြီးလို့ သမီးကို အိမ်ပြန်ခေါ်လာတဲ့လမ်းမှာ မက်သရူး ညစာဝင်ဝယ်နေတုန်း သမီးလေး ပျောက်သွားပါတယ်။ မက်သရူးက ကိုယ့်ကိုယ်ကိုယ် အပြစ်တင်နေသလို ဇနီးကလည်း သမီးပျောက်သွားတဲ့အဖြစ်ကို မဖြေဆည်နိုင်ပါဘူး။ ဒီနောက်ပိုင်းမှာ လင်မယားနှစ်ယောက်ရဲ့ ဆက်ဆံရေးလည်း အဆင်မပြေတော့ဘူး။ သမီးပျောက်သွားတာ ရှစ်နှစ်ကြာလာချိန်မှာတော့ သူ အသက်ရှင်နေသေးတယ်ဆိုတာ သိလိုက်ရပါတယ်။ မက်သရူးတို့လင်မယား၊ ရဲတွေနဲ့ စုံထောက်တွေက သမီးကို ပြန်ရှာဖို့ ကြိုးစားကြတော့တယ်။ သူတို့ သမီးကို ပြန်တွေ့နိုင်ပါ့မလား၊ သမီးကရော ဘယ်လိုအခြေအနေမှာ ရှိနေလဲဆိုတာ ဆက်လိုက်ရမယ့် Ryan Reynolds ပါဝင်ထားတဲ့ ၂၀၁၄ ခုနှစ် လျှို့ဝှက်မှုခင်း၊ သည်းထိတ်ရင်ဖိုဇာတ်ကားပါ။

ဗီဂျေးဟာ တမီလ်နာဒုပြည်နယ်တစ်ဝိုက်မှာ လူသိများတဲ့ ရဲအရာရှိတစ်ယောက်ပါ။ သူ့လုပ်ဆောင်ချက်တွေကြောင့် တမီလ်နာဒုရဲဌာနလည်း နာမည်ကောင်းရခဲ့ပေမယ့် မိသားစုရဲ့အတိတ်က သူ့ကို အခုထိ လိုက်ရိုက်ခတ်နေပါတယ်။ သူ့ဖခင် ဆာဒါဟာ နိုင်ငံအတွက် စပိုင်အဖြစ် တာဝန်ထမ်းဆောင်ခဲ့သူပါ။ ဒါပေမဲ့ နိုင်ငံတော်သစ္စာဖောက်လို့ သတ်မှတ်ခံခဲ့ရပြီး အဲဒီနောက်မှာ သေလား၊ ရှင်လားတောင် မသိရတော့ပါဘူး။ ဗီဂျေး ဘယ်လောက်ပဲ ကောင်းကျိုးဆောင်နေပါစေ ဖခင်အပေါ်က စွပ်စွဲချက်ရဲ့ အရိပ်က မပျောက်သေးဘူး။ တစ်ဖက်မှာတော့ စီးပွားရေးလုပ်ငန်းရှင်တစ်ယောက်က နိုင်ငံ့အကျိုးအတွက်ဆိုတဲ့ အကြောင်းပြချက်နဲ့ ပရောဂျက်တစ်ခု လုပ်ဖို့ ကြံနေပါတယ်။ တကယ်တော့ ပြည်သူတွေဆီကနေ အမြတ်ထုတ်ဖို့ပါ။ ဒီအကြောင်းကို သိထားတဲ့ စပိုင်တွေက ပရောဂျက်ကို တားဆီးဖို့ ကြိုးစားကြရင်း ဒီကိစ္စကို ဆာဒါတစ်ယောက်ပဲ ဖြေရှင်းနိုင်မယ်လို့ ယုံကြည်လာကြတယ်။ သူတို့အားကိုးချင်တဲ့သူကတော့ အသက်ရှင်နေသေးလားဆိုတာတောင် မသိရတဲ့သူ ဖြစ်နေပါတယ်။ ကာသီနဲ့ ရာရှီးခန်နားတို့ အဓိကပါဝင်ထားတဲ့ စပိုင်အက်ရှင်ဇာတ်ကားဖြစ်ပြီး ကာသီက နှစ်ကိုယ်ခွဲ သရုပ်ဆောင်ထားပါတယ်။