ရုပ်ရှင်အသစ်များ

ဒီဇာတ်ကားက ၁၉၉၀ ခုနှစ်တွေတုန်းက ဂိုအာပြည်နယ်မှာ တကယ်ရှိခဲ့တဲ့ အကောက်ခွန်အရာရှိ ကိုစတာဖာနန်ဒက်စ် ရဲ့ ဘဝအကြောင်းကို ရိုက်ကူးထားတဲ့ ဇာတ်ကားလေးပဲ ဖြစ်ပါတယ်။ ကိုစတာက ဂိုအာကမ်းရိုးတန်းက ရွှေမှောင်ခိုဂိုဏ်းတွေကို နှိမ်နင်းရာမှာ နာမည်ကြီးပြီး၊ တစ်နေ့မှာ မှောင်ခိုလောကရဲ့ သြဇာရှိသူတစ်ဦးကို ခုခံကာကွယ်ရင်း သတ်မိသွားရာကနေ သူနဲ့ သူ့မိသားစုရဲ့ ဘဝ ဘယ်လိုပြောင်းလဲသွားမလဲ၊ အာဏာရှိတဲ့လူတွေကို ရင်ဆိုင်ဖို့ ဘယ်လိုအခက်အခဲတွေ ရင်ဆိုင်ရမလဲ၊ အဆုံးသတ်မှာ အနိုင်ရပါ့မလားဆိုတာကို စစ်မှန်တဲ့ ဝန်ထမ်းကောင်းတစ်ယောက်ရဲ့ ဂုဏ်အရည်အချင်းတွေကို ပေါ်လွင်အောင် ရိုက်ပြထားတဲ့ ဇာတ်ကားလေးပဲ ဖြစ်ပါတယ်။ ဒီဇာတ်ကားမှာ ကိုစတာ အဖြစ် မင်းသား Nawazuddin Siddiqui နဲ့ မာရီယာ အဖြစ် မင်းသမီး Priya Bapat တို့က အဓိကပါဝင်သရုပ်ဆောင်ထားတာ ဖြစ်ပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Cherry ဖြစ်ပါတယ်။

ဒီဇာတ်ကားလေးကတော့ ဒုတိယကမ္ဘာစစ်အတွင်းက ဂျပန်တော်လှန်ရေး သမိုင်းကြောင်းကို အခြေခံထားရိုက်ကူးထားတဲ့ ဖြစ်ရပ်မှန် ဇာတ်ကားကောင်းလေးပဲဖြစ်ပါတယ်။ တရုတ်နိုင်ငံ ဟာပင်မြို့မှာ အခြေစိုက်ခဲ့တဲ့ ဂျပန်​တွေရဲ့ နာမည်ဆိုးနဲ့ကျော်ကြားတဲ့ "တပ်ဖွဲ့ ၇၃၁ " (Unit 731) အကြောင်းကို ရိုက်ကူးထားတာဖြစ်ပါတယ်။ ဒီ၇၃၁တပ်ဖွဲ့ဟာ လူသားတွေကို အရှင်လတ်လတ် စမ်းသပ်မှုတွေ လုပ်ဆောင်ခဲ့ပြီး အကျဉ်းသားတွေကို သစ်တုံးတွေလို သဘောထားပြီးဓာတုလက်နက်နဲ့ ပိုးမွှားလက်နက်တွေကို စမ်းသပ်ကြပါတော့တယ်။ အကျဉ်းသားတွေကို နာမည်တွေမခေါ်ဘဲ နံပါတ်တွေနဲ့ပဲ ခေါ်ပြီး လူမဆန်စွာ နှိပ်စက်ကြပါတော့တယ်။ ဝမ်ယုံကျန်း ဆိုတဲ့ အကျဉ်းသားကတော့ သူ့ကိုယ်သူ တော်လှန်ရေးသူရဲကောင်း ဝမ်ဇီယန်အဖြစ် ဟန်ဆောင်ကာ တစ်ခြားသူတွေကို စိတ်ဓာတ်ခွန်အားပေးကာ လွတ်မြောက်ဖို့ ကူညီပေးခဲ့ပါတယ်။ နောက်ဆုံးတော့ အကျဉ်းသားတွေဟာ စုစည်းပြီး ထောင်ဖောက်ပြေးဖို့ ကြိုးစားကြပါတယ်။ သေခါနီးအချိန်မှာ အကျဉ်းသားတွေဟာ သူတို့ရဲ့နံပါတ်တွေအစား နာမည်အရင်းတွေကို အော်ဟစ်ကာ လူသားတစ်ယောက်ရဲ့ ဂုဏ်သိက္ခာကို ထိန်းသိမ်းသွားကြပါတယ်။ ဒီဇာတ်ကားလေးဟာ သမိုင်းရဲ့သင်ခန်းစာကို လေးလေးနက်နက်နဲ့ ခံစားကြည့်ရှုရမယ့် ဇာတ်ကားမျိုးဖြစ်ပါတယ်။ဖြစ်ရပ်မှန်ကို အခြေခံ ရိုက်ကူးထားတာဖြစ်လို့ သဘာဝကျပြီး ဇာတ်ကားရဲ့ရသကို ပေါ်လွင်စေပါတယ်။ ဂျပန်စစ်တပ်ရဲ့ ရက်စက်မှုတွေ ဇီဝလက်နက် စမ်းသပ်မှုတွေနဲ့ တရုတ်ပြည်သူတွေရဲ့ ခါးသီးတဲ့ ဒု

ဒီဇာတ်ကား​လေးက​တော့ ၂၀၂၅ မှာ အသစ်ထွက်ရှိထားပြီး တောင်တက်ခြင်းအ​ကြောင်းအရာကို ​အခြေခံရိုက်ကူးထားတဲ့ အင်ဒိုနီးရှားဖြစ်ရပ်မှန် စွန့်စားခန်း​ဟော်ရာဇာတ်ကား​လေး ဖြစ်ပါတယ်။ ​တော​တောင်​သဘာဝပတ်ဝန်းကျင်ဆိုတာ ​သဘာဝတရားရဲ့လက်​​ဆောင်မွန်မို့ စိတ်အပန်း​ပြေ​စေ​ပေမယ့် ​​​တောနက်​လေ အ​​စောင့်အ​ရှောက်ကြမ်း​လေမို့ အ​နေအထိုင်ဆင်ခြင်ရပါတယ်။ ဒီဇာတ်ကား​လေးထဲမှာ​တော့ က​လေးဘဝမှာ ​အ​မေဖြစ်သူကို တောင်တက်ရင်းနဲ့​ဆုံးရှုံးလိုက်ရတဲ့ ဒရူပါဒီဟာ အသက် ၁၇ နှစ်​မွေး​နေ့အမှတ်တရအဖြစ် သူ့အ​မေ ​ပျောက်သွားခဲ့တဲ့ ဆာရန်ဂန်​တောင်​ကို သူငယ်ချင်းအဖွဲ့နဲ့ အတူ​တောင်တက်ဖို့ ဖြစ်လာပါတယ်။ ဆယ်​ကျော်သက်လူငယ်အဖွဲ့ သူတို့ရဲ့စူးစမ်းလိုစိတ်​ကြောင့် လမ်း​ပျောက်သွားကြပါတယ်။ ဇနီးသည်ကို ဆုံးရှုံးခဲ့ရတဲ့ ဆာရန်ဂန်​တောင်​မှာပဲ သမီးဖြစ်သူကို ​လိုက်ရှာဖို့ ကြိုးစား​နေရတဲ့ ဒရူပါဒီ့ဖခင် တီတိုရဲ့​သောက​တွေကို ထပ်တူခံစားရမှာဖြစ်ပြီး အဲဒီ​တောင်မှာရှိတဲ့ လျှို့ဝှက်ဆန်းကြယ်အ​ကြောင်းအရာများကို ရင်တထိတ်ထိတ်နဲ့ ခံစားကြည့်ရှုရမယ့် ဖြစ်ရပ်မှန်အ​ခြေခံ အင်ဒို​ဟော်ရာကား​လေး ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

Hello ဒီတစ်ခေါက်မှာတော့ “Creation of the Gods II : Demon Force (2025)” ဆိုတဲ့ ဇာတ်ကားလေးကို တင်ဆက်ပေးသွားမှာပဲ ဖြစ်ပါတယ် ။ Creation of the Gods II: Demon Force (2025) ဟာ 2023 ခုနှစ် တရုတ်ရဲ့ ဝင်ငွေအကောင်းဆုံး ရုံတင်ဇာတ်ကားကြီးဖြစ်တဲ့ Creation of the Gods I: Kingdom of Storms ( 2023 ) အဆက် ဖြစ်ပြီး တရုတ်ပြည်ရဲ့ ဂန္တဝင်မြောက်ဝတ္ထုတစ်ခုဖြစ်တဲ့ နာမည်ကြီး စွန်းဝူခုန်းဝတ္ထု နဲ့ အပြိုင်နာမည်ကျော်ကြားတဲ့ ဂန္တဝင်မြောက်ဝတ္ထု 《封神演义》 (Fengshen Yanyi) ကို ပြန်လည်ရိုက်ကူးတင်ဆက်ထားတာပဲ ဖြစ်ပါတယ်။ ဇာတ်လမ်းအကျဉ်း မြေခွေးမိစ္ဆာစူးသာ့ကျီ၏ ညွှတ်ကွင်းအောက်မှာ နစ်မြောနေတဲ့ ယင်ရှို့ဟာ ဖခင်အပါအဝင် မိသားစုဝင် အားလုံးကို သတ်ကာ ဘုရင်အဖြစ် နန်းတက်ခဲ့ပါတယ်။ ဖခင်ရဲ့ ရက်စက်စွာလုပ်ကြံသတ်ဖြတ်မှုကြောင့် အသက်ပေးခဲ့ရတဲ့ ရှန်းတိုင်းပြည်ရဲ့ အိမ်ရှေ့စံမင်းသား ယင်ကျောက်ဟာ အငြိုးနဲ့ ဒေါသတရားကြောင့် အသက်ဓာတ်ပျောက်ကွယ်သွားဖို့ ငြင်းဆန်နေခဲ့ပြီး ခွန်လွန်တောင်မှ မသေမျိုးများ၏ကူညီမှုဖြင့် အသက်ပြန်ရှင်လာခဲ့ပါတယ်။ တစ်ဖက်မှာလည်း ယင်ကျောက်၏ မိတ်ဆွေဖြစ်သူ ကျီဖာဟာ ရှန်းတိုင်းပြည်ရဲ့ ဧကရာဇ်ယင်ရှို့ကို လုပ်ကြံခဲ့ပြီးနောက် ရှန်းတိုင်းပြည်နဲ့ ရှီချီဟာ စစ်ပွဲကြီးစတင်ခဲ့ပါတော့တယ်။ ရှန်းဘုရင်ရဲ့ အမိန့်နဲ့ ရှန်းစစ်သူကြီး တျန့်ချန်းယွီဟာ မိစ္ဆာစစ်သူကြီး(၄)ယောက်ကို ဦးဆောင်ပြီး ရှီချီကိုစစ်ချီတက်လာခဲ့ပါတော့တယ် ။ ထိုသို့ ရှီချီမြို့

"ဒီကမ္ဘာကြီးပေါ်ကနေ ဒီအချစ်တွေ ပျောက်ကွယ်သွားရင်တောင်..." ဂျပန်မှာရော တစ်ကမ္ဘာလုံးမှာပါ မျက်ရည်ပင်လယ်ဝေစေခဲ့တဲ့ နာမည်ကျော်ဝတ္ထုကို ကိုရီးယားရဲ့ Melodrama အငွေ့အသက်တွေနဲ့ ပြန်လည်ပုံဖော်လိုက်တဲ့အခါ... Visual အလှတွေ၊ ဇာတ်ဝင်သီချင်းအဆွေးတွေနဲ့ လူကိုဆွဲခေါ်သွားမယ့် ဇာတ်ကားကောင်းတစ်ကား ထွက်ပေါ်လာခဲ့ပါတယ်။ ကျောင်းမှာ အပယ်ခံဖြစ်နေတဲ့သူငယ်ချင်းတစ်ယောက်ကိုကယ်တင်ဖို့အတွက် ဂင်ဂျယ်ဝန်းတစ်ယောက် အတန်းထဲက အေးစက်စက်နိုင်တဲ့ ကောင်မလေး ဆောယွန်းကို "ငါတို့တွဲရအောင်" လို့ မုသားသုံးပြီး ဖွင့်ပြောလိုက်မိပါတယ်။ မထင်မှတ်ဘဲ ကောင်မလေးက လက်ခံလိုက်ပေမဲ့ စည်းကမ်းချက် (၃) ခု ထားပါတယ်။ အဲဒီထဲက အရေးကြီးဆုံးအချက်ကတော့... "ငါတို့ချင်း ဘယ်တော့မှ တကယ်မချစ်မိစေရဘူး" တဲ့။ ဒါပေမဲ့ ဆောယွန်းမှာက အိပ်ပျော်သွားတာနဲ့ ဒီနေ့ဖြစ်ပျက်ခဲ့သမျှ အရာအားလုံးကို မေ့သွားတတ်တဲ့ ရောဂါရှိနေခဲ့ပါတယ်။ ဆောယွန်းကတော့ မနေ့ကကြုံတွေ့ခဲ့ရသမျှကို ဒိုင်ယာရီထဲမှတ်ထားရင်းနဲ့ ဒီနေ့ကိုဖြတ်သန်းနေရသူပေါ့။ ဒီလိုနဲ့ သူတို့၂ယောက်တဖြည်းဖြည်းသံယောဇဉ်တွယ်လာကြရင်း စည်းကမ်းနံပါတ် ၃ကိုချိုးဖောက်သွားပြီးတဲ့နောက် ကံကြမ္မာရဲ့လှည့်စားမှုကြောင့် ဘာတွေဆက်ဖြစ်လာမလဲဆိုတာ... အချစ်ဆိုတာ မှတ်ဉာဏ်ထဲမှာ ရှိတာမဟုတ်ဘဲ နှလုံးသားထဲမှာ စွဲကျန်နေတတ်တဲ့အရာဆိုတာကို လက်တွေ့ပြသွားမယ့် Must-Watch ဇာတ်ကားလေးပါ။ ဒီကားကိုအညွှန်းနဲ့ဘာသာပြန်ဆိုသူက Huihui ဖြစ်ပါတယ်။

ဒီဇာတ်ကားလေးကတော့ ဘဝအဆက်ဆက် ချစ်ခဲ့ကြပေမယ့် ပေါင်းစပ်ခွင့် မရခဲ့ကြတဲ့ ချစ်သူနှစ်ဦး မျက်မှောက်ဘဝမှာ ပြန်ဆုံကြတော့ မိန်းကလေးဖြစ်တဲ့ အာဒူနီကာ ကအတိတ်ကို မှတ်မိပေမယ့် ပူရာသန် ကတော့ မမှတ်မိရှာဘူး။ အာဒူနီကာက ပူရာသန်ကို အတိတ်အကြောင်းတွေ ပြောပြတော့ ပူရာသန်ပါ အရင်ဘဝကို မှတ်မိသွားချိန် ဇာတ်လမ်းက အဲ့ဒီမှာမှ စတာပဲ။ စိတ်ရောဂါအထူးကုဆရာဝန်လည်းဟုတ် စာအုပ်တွေလည်း ရေးတဲ့ ပူရာသန်ရဲ့အဖေ ရေးထားတဲ့ စာအုပ်တစ်အုပ်က အာဒူနီကာ ပြောပြတဲ့ သူမရဲ့အတိတ်ဘဝအကြောင်းတွေနဲ့ တူနေတဲ့အခါမှာ ဇာတ်လမ်းက ဘယ်လိုပဟေဠိတွေနဲ့ အဆုံးသတ်မလဲဆိုတာ စိတ်ဝင်တစား ကြည့်ရမယ့် ဇာတ်ကားလေးပဲ ဖြစ်ပါတယ်။ ဒီဇာတ်ကားမှာ ပူရာသန် အဖြစ် မင်းသား Dushyanth နဲ့ အာဒူနီကာ အဖြစ် မင်းသမီး Ashika Ranganath တို့က အဓိက ပါဝင်သရုပ်ဆောင်ထားတာ ဖြစ်ပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Cherry ဖြစ်ပါတယ်။

မင်းရဲ့ စိတ်ကူးထဲက ကောင်းကင်ဘုံက ဘယ်လိုမျိုးလဲ..." "ကမ်းခြေမှာ... ကျွန်တော့်ခွေးလေးဆန်ဒီနဲ့အတူ အချိန်ဖြုန်းရတာမျိုးပေါ့.." -----Conor & Victor----- ဒီဇာတ်ကားလေးကတော့ ၁၉၈၇ ခုနှစ်ကာလကို အခြေခံထားပြီး အထီးကျန်ဆန်တဲ့ လူတစ်ယောက်နဲ့ သူ့ရဲ့ အချစ်တော်ခွေးလေးတို့အကြောင်း ရိုက်ကူးထားတဲ့ Surreal Sci-Fi Fantasy ဇာတ်ကားကောင်းလေး တစ်ကားဖြစ်ပါတယ်။ သာမန်ကွန်ပျူတာဂိမ်းတစ်ခုကနေ စိတ်ကူးမယဉ်နိုင်လောက်တဲ့ အဖြစ်အပျက်တွေဆီ ခေါ်ဆောင်သွားမဲ့ ဇာတ်လမ်းမျိုးပါ။ ဒီကားထဲမှာတော့ သာမန်ရုံးဝန်ထမ်းတစ်ယောက်ဖြစ်တဲ့ ကော်နာအဖြစ် Conor Marsh နဲ့ သူ့ရဲ့ အချစ်တော်ခွေးလေး ဆန်ဒီတို့က အဓိက ပါဝင်သရုပ်ဆောင်ထားကြပါတယ်။ ထူးခြားဆန်းပြားတဲ့ ရိုက်ချက်တွေနဲ့အတူ ဒါရိုက်တာ Albert Birney ရဲ့ ဖန်တီးမှုလက်ရာတစ်ခုလည်း ဖြစ်ပါတယ်။ ဇာတ်လမ်းအကျဉ်းလေးကတော့ ကော်နာဆိုတဲ့ လူတစ်ယောက်ဟာ ဘော်လ်တီမိုးမြို့မှာ သူ့ရဲ့ခွေးလေး ဆန်ဒီ နဲ့အတူ အထီးကျန်စွာ နေထိုင်သူပါ။ သူဟာ သူငယ်ချင်းမရှိ၊ မိသားစုမရှိဘဲ တစ်နေ့တာကို ပျင်းရိငြီးငွေ့ဖွယ် ဖြတ်သန်းနေရသူတစ်ဦးပေါ့။ တစ်နေ့မှာတော့ အိုဘက်စ်လို့ခေါ်တဲ့ ကစားသူကိုယ်တိုင် ဂိမ်းထဲဝင်ရောက်ကစားနိုင်မယ်ဆိုတဲ့ ဂိမ်းအသစ်တစ်ခုရဲ့ ကြော်ငြာကို တွေ့ရှိသွားပြီး စမ်းသပ်ကစားကြည့်ဖို့ ဖြစ်လာပါတော့တယ်။ ဒါပေမဲ့ ဒီဂိမ်းက သာမန်ဂိမ်းတစ်ခု မဟုတ်ခဲ့ပါဘူး။ ဂိမ်းစတင်လိုက်တဲ့အချိန်မှာပဲ လက်တွေ့ဘဝနဲ့ ဂိမ်းကမ္ဘာကြားက စည်းခြားနံရံတွေ ပျက်ပ

၂၀၂၅ ခုနှစ်၊ အောက်တိုဘာလလောက်မှာ ရုံတင်ပြသခဲ့တဲ့ ထိုင်းသရဲကား နာမည်ကြီး "Death Whisperer 3" (ခေါ်) "တီယော့ ၃" (Tee Yod 3) အကြောင်း ပြောပြမယ်နော်။ ဒီကားက အပိုင်း (၂) အပြီးမှာ ပရိသတ်တွေ အရမ်းမျှော်လင့်နေကြတဲ့ ဇာတ်ကားဖြစ်ပြီး၊ မင်းသား Nadech Kugimiya က အစ်ကိုကြီး "ယက်" (Yak) နေရာကနေပဲ ပြန်ပါလာဦးမှာပါ။ ဇာတ်လမ်းအကျဉ်းက ဒီလိုဗျ... မိသားစုကို ဒုက္ခပေးခဲ့တဲ့ သရဲမည်းကြီးကို နှိမ်နင်းပြီးလို့ အေးအေးဆေးဆေး နေရတော့မယ် ထင်ခဲ့ပေမယ့်၊ ကံဆိုးစွာနဲ့ အငယ်ဆုံး ညီမလေးဖြစ်တဲ့ "ယီ" (Yee) က ထူးဆန်းတဲ့ ဂိုဏ်းတစ်ခု (Cult) ရဲ့ ဖမ်းဆီးခြင်းကို ခံလိုက်ရပါတယ်။ ဒီတော့ အစ်ကိုကြီး "ယက်" တစ်ယောက် ဒေါသထွက်ပြီး သူ့ညီမလေးကို ကယ်ဖို့အတွက် ရဲအရာရှိ Paphan နဲ့ ပူးပေါင်းကာ၊ ကြောက်စရာကောင်းပြီး ကျိန်စာသင့်နေတဲ့ ရွာဆိုးကြီးတစ်ခုဆီကို စွန့်စားထွက်ခွာရပါတော့တယ်။ ဒီတစ်ခေါက်မှာတော့ သရဲခြောက်တာ သက်သက်မဟုတ်ဘဲ၊ သရဲမည်းကြီးရဲ့ မူလဇာစ်မြစ် (Origin) ကိုပါ ရှာဖွေဖော်ထုတ်မယ့် ပုံစံမျိုးပါ။ မင်းသား Nadech ရဲ့ သရဲတွေကို သေနတ်နဲ့ပစ်၊ ဓားနဲ့ခုတ်တဲ့ Action Horror အကြမ်းစားတွေကို အပိုင်း (၁) နဲ့ (၂) ထက် ပိုမြင်ရဖို့ ရှိပါတယ်။ အတိုချုပ်ပြောရရင်တော့ - ညီမလေး "ယီ" ကို ကယ်ဖို့အတွက် အစ်ကိုကြီး "ယက်" တစ်ယောက် သရဲရွာကို ဝင်စီးမယ့်ကားလို့ မှတ်ထားလို့ ရပါတယ်ဗျ။

"ငါ့အသက်ကို နင့်ကို ပေးမယ်... နင် နေပြန်ကောင်း သွားမှာပါ" "သေဆုံးခြင်းဆိုတဲ့ အိပ်စက်မှုထဲမှာ ဘယ်လိုအိပ်မက်တွေ မက်မလဲ... ဒီခန္ဓာကိုယ်ကြီးကို စွန့်ခွာထွက်သွားတဲ့အခါပေါ့" ကမ္ဘာကျော် စာဆိုတော်ကြီး ဝီလျံ ရှိတ်စပီးယားရဲ့ ဂန္ထဝင်လက်ရာ "Hamlet" ပြဇာတ်ကြီး မမွေးဖွားခင်မှာ ပေးဆပ်လိုက်ရတဲ့ သွေး၊ မျက်ရည်နဲ့ မိသားစုဘဝတစ်ခုရဲ့ အက်ကွဲသံတွေကို ပုံဖော်ထားတဲ့ ဇာတ်လမ်းတစ်ပုဒ် ဖြစ်ပါတယ်။ ဒီဇာတ်ကားမှာတော့ ပရိသတ်အချစ်တော် မင်းသား Paul Mescal က စာရေးဆရာကြီး Shakespeare အဖြစ် ပါဝင်ထားပြီး၊ သူ့ရဲ့ဇနီးသည် Agnes အဖြစ် မင်းသမီး Jessie Buckley တို့က အပြိုင်ကြဲ သရုပ်ဆောင်ထားကြပါတယ်။ Oscar ဆုရှင် ဒါရိုက်တာ Chloé Zhao ကိုယ်တိုင် ရိုက်ကူးထားတာမို့ ရုပ်ရှင်ရဲ့ အရည်အသွေးကတော့ ပြောစရာမလိုအောင်ပါပဲ။ ဇာတ်လမ်းအကျဉ်း~ ၁၆ ရာစုနှောင်းပိုင်း အင်္ဂလန်နိုင်ငံရဲ့ ကျေးလက်မြို့လေးတစ်မြို့မှာ စာပေကို ရူးသွပ်တဲ့ လက်တင်ဆရာလေး ဝီလျံ နဲ့ သဘာဝတရားကို အာရုံခံနိုင်စွမ်းရှိပြီး ဆေးဖက်ဝင်အပင်တွေကို ကျွမ်းကျင်တဲ့ ထူးခြားဆန်းကြယ်တဲ့ မိန်းကလေး အက်ဂနက်စ်တို့ ဖူးစာဆုံခဲ့ကြတယ်။ သူတို့ရဲ့ အချစ်ခရီးလမ်းက ချောမွေ့မနေခဲ့ပေမဲ့ သားသမီး ၃ ယောက်နဲ့အတူ ရိုးရှင်းတဲ့ ဘဝလေးကို တည်ဆောက်ခဲ့ကြပါတယ်။ ဒါပေမဲ့ ပျော်ရွှင်မှုတွေက ကြာရှည်မခံခဲ့ပါဘူး။ ကပ်ရောဂါဆိုးကြီး ဝင်ရောက်လာတဲ့အခါမှာတော့ အမြွှာမောင်နှမနှစ်ယောက်ကြားက ဖြတ်သန်းရခက်တဲ့ ကံကြမ္မာဆိုးတစ်ခု ဝင

၂၀၂၅ ခုနှစ်မှာ ထွက်လာတဲ့ "David" ရုပ်ရှင်က Angel Studios (The Chosen စီးရီးကို ထုတ်လုပ်တဲ့အဖွဲ့) ကနေ တင်ဆက်လာတဲ့ အကြီးစား Animated Musical ဇာတ်ကားကြီး ဖြစ်ပါတယ်။ ဇာတ်လမ်းကတော့ ကျွန်တော်တို့ ရင်းနှီးပြီးသား သမ္မာကျမ်းစာထဲက "ဘုရင်ဒေးဗစ်" (King David) အကြောင်းပါပဲ။ ဒါပေမဲ့ ဒီကားက ဘာထူးခြားလဲဆိုတော့... သာမန် ဘာသာရေးကားလို တရားဟောတဲ့ပုံစံမျိုး မဟုတ်ဘဲ၊ Disney ရဲ့ Tangled တို့၊ The Prince of Egypt တို့လိုမျိုး သီချင်းတွေ၊ အကတွေနဲ့ မြူးမြူးကြွကြွ တင်ဆက်မယ့် Musical ပုံစံ ဖြစ်နေတာပါ။ ဇာတ်လမ်းအကျဉ်းကတော့... သိုးကျောင်းသားလေး ဒေးဗစ်ရဲ့ ဘဝအစကနေ စထားတယ်။ သူက သီချင်းရေးစပ်တာ ဝါသနာပါပြီး ကဗျာဆန်တဲ့ ကောင်လေးတစ်ယောက်ပေါ့။ ဒါပေမဲ့ မထင်မှတ်ထားတဲ့ အခြေအနေမှာ ဧရာမ လူဘီလူးကြီး Goliath နဲ့ ယှဉ်ပြိုင်တိုက်ခိုက်ရတာတွေ၊ အစ္စရေးလူမျိုးတွေရဲ့ ဘုရင်တစ်ပါး ဖြစ်လာပုံတွေကို ရိုက်ပြသွားမှာပါ။ ဒီကားမှာ ဒေးဗစ်ကို သူရဲကောင်းတစ်ယောက် အနေနဲ့တင် မဟုတ်ဘဲ၊ လူသားဆန်တဲ့ ခံစားချက်တွေ၊ အမှားနဲ့အမှန်ကြားက ဒွိဟတွေနဲ့ ဂီတကို မြတ်နိုးတဲ့ စိတ်တွေကိုပါ ပေါ်လွင်အောင် ရိုက်ကူးထားတယ်လို့ သိရပါတယ်။ Animation အရည်အသွေးကလည်း Disney/Pixar အဆင့်မီအောင် ဖန်တီးထားတာမို့ ကလေးရော လူကြီးပါ သဘောကျမယ့် ကားကောင်းလေး ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Kim ဖြစ်ပါတယ်

ဒီနေ့တော့ ပရိတ်သတ်ကြီးတို့ကို ၂၀၂၅ ခုနှစ်က ထွက်ရှိထားတဲ့ ပြင်သစ်သိပ္ပံစိတ်ကူးယဉ် ရုပ်ရှင်ကားကောင်းတစ်ကားဖြစ်တဲ့ Dog 51နဲ့မိတ်ဆက်ပေးချင်ပါတယ်နော်။ ဒီဇာတ်ကားဟာ ပြင်သစ်စာရေးဆရာကြီး Laurent Gaudé ရဲ့ ဝတ္ထုကို အခြေခံထားပြီး အယ်လ်မာလို့ခေါ်တဲ့ AI စနစ်ကြီးက အစိုးရသဖွယ် အုပ်ချုပ်နေတဲ့ အနာဂတ်ကမ္ဘာကြီးအကြောင်းကို ရိုက်ကူးထားတာပါ။ ဇာတ်လမ်းထဲမှာတော့ အနာဂတ် ပါရီမြို့ကြီးဟာ ပြည်တွင်းစစ်တွေနဲ့ စီးပွားရေးပျက်ကပ်တွေကြောင့် ပြိုလဲလုနီးပါး ဖြစ်ခဲ့ပါတယ်။ အဲ့ဒီအချိန်မှာ ဂိုးမန်းလို့ခေါ်တဲ့ ကမ္ဘာလုံးဆိုင်ရာ ကော်ပိုရေးရှင်းကြီးက မြို့ကို ဝယ်ယူလိုက်ပြီး အယ်လ်မာလို့ခေါ်တဲ့ အဆင့်မြင့် AI စနစ်တစ်ခုကို အသုံးပြုကာ မြို့ပြကို ပြန်လည်တည်ဆောက်ခဲ့ပါတယ်။မြို့သားတွေကိုတော့ သူတို့ရဲ့ အသုံးဝင်မှုအပေါ် မူတည်ပြီး ဇုန်၁ ဇုန်၂ ဇုန်၃ဆိုပြီး ခွဲခြားထားပါတယ်။ မင်းသား ဆာလီယာဟာ အရင်က ဇုန်၃မှာ နေခဲ့ရတဲ့ ရဲအရာရှိဟောင်းတစ်ယောက်ဖြစ်ပေမဲ့ အယ်လ်မာရဲ့ ခွင့်ပြုချက်နဲ့ ဇုန်၁မှာ အလုပ်လုပ်ခွင့်ရနေသူပါ။ တစ်နေ့မှာတော့ ဇုန်၁ရဲ့ ထိပ်တန်းအရာရှိတစ်ယောက် အသတ်ခံလိုက်ရပါတယ်။ ဒီအမှုကို စုံစမ်းဖို့အတွက် ဆာလီယာဟာ စုံထောက်မလေး အာရီရန်နီနဲ့ တွဲဖက်ပေးခြင်း ခံရပါတယ်။ သူတို့နှစ်ယောက်ဟာ အယ်လ်မာစနစ်ရဲ့ အကူအညီနဲ့ လူသတ်သမားကို လိုက်လံစုံစမ်းရင်း၊ အယ်လ်မာကိုယ်တိုင် ဖုံးကွယ်ထားတဲ့ ကြီးမားတဲ့ လျှို့ဝှက်ချက်တစ်ခုနဲ့ အုပ်ချုပ်သူလူတန်းစားတွေရဲ့ အကျင့်ပျက်

ဒီဇာတ်ကားလေးက နာမည်ကျော် "The Exit 8" ဆိုတဲ့ Video Game ကို အခြေခံပြီး ရိုက်ကူးထားတဲ့ Japanese Mystery Thriller ဇာတ်ကားလေးဖြစ်ပါတယ်။ ဂျပန်နိုင်ငံရဲ့ မြေအောက်ဘူတာရုံ စင်္ကြံလမ်းတစ်ခုထဲမှာ ပိတ်မိနေတဲ့ လူတစ်ယောက်အကြောင်းကို ရိုက်ကူးထားတာဖြစ်ပါတယ်။ လူတစ်ယောက်ဟာ မီးချောင်းတွေ ထိန်ထိန်လင်းနေတဲ့ မြေအောက်စင်္ကြံလမ်းတစ်ခုမှာ လမ်းလျှောက်နေပါတယ် ဒါပေမဲ့ ဘယ်လောက်ပဲ အချိန်တွေ ကုန်လွန်သွားပါစေ "ထွက်ပေါက်" ဆီကိုတော့ လုံးဝ မရောက်နိုင်ခဲ့ပါဘူး။ ​ အဲဒီလူရဲ့အနားကနေ ဖြတ်လျှောက်သွားနေတဲ့ ဝတ်စုံပြည့်ဝတ်ထားတဲ့ အမျိုးသားတစ်ယောက်ဆီမှာ တစ်ခုခု ထူးဆန်းနေတယ်ဆိုတာကို ခံစားမိလာပြီး အဲဒီလူဟာ ဒီမြေအောက်လမ်းကြားထဲမှာအထပ်ထပ်အခါခါ ပတ်ချာလည် လျှောက်နေမိတယ်ဆိုတာကို သတိပြုမိသွားပါတယ်။ Exit 8 ထွက်ပေါက်၈ ကနေ အပြင်ကို ထွက်ရမှာ ဖြစ်ပြီး မူမမှန်တာ တွေ့ရင် ချက်ချင်း ပြန်လှည့်ရမှာ ဖြစ်ပါတယ်။ သူ့ရွေးချယ်မှု မှန်ကန်ရင်တော့ ထွက်ပေါက်၈ကို ရောက်မှာဖြစ်ပြီး မမှန်ရင်တော့ မူလအစကို ပြန်ရောက်သွားပါတယ်။ ရုတ်တရက် လမ်းပျောက်သွားခဲ့တဲ့ ဒီအဆုံးမရှိတဲ့ စင်္ကြံလမ်းမကြီးထဲကနေ အဲဒီလူဟာ အောင်အောင်မြင်မြင် လွတ်မြောက်နိုင်ပါ့မလား စိတ်ဝင်တစား ကြည့်ရှုရမယ့် ဇာတ်ကားကောင်းလေးပဲ ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Thandar Hlaing ဖြစ်ပါတယ်

ဒီဇာတ်ကားလေးကတော့ ရွေးကောက်ပွဲအတွက် စုဆောင်းထားတဲ့ တရားမဝင်ငွေကြေး ကုဋေ ၄၄၀ ရုတ်တရက် ဓားပြတိုက်ခံလိုက်ရတဲ့ ဖြစ်စဉ်ကို အခြေခံပြီး ရိုက်ကူးထားတဲ့ ဇာတ်ကားကောင်း တစ်ကားဖြစ်ပါတယ်။ ဒီငွေတွေက တရားမဝင်ငွေတွေဖြစ်တဲ့အတွက် ပိုင်ရှင်တွေက ရဲတိုင်လို့မရဘဲ ကိုယ့်နည်းကိုယ့်ဟန်နဲ့ လိုက်ရှာရတဲ့အခါမှာတော့ ပုဂ္ဂလိက စုံထောက်တစ်ယောက်၊ အာဏာရှိတဲ့ နိုင်ငံရေးသမားတွေနဲ့ မထင်မှတ်ထားတဲ့ သာမန်လူတန်းစားတစ်စုတို့ရဲ့ ကြားက ပဋိပက္ခတွေကို စိတ်ဝင်စားဖွယ် တွေ့မြင်ရမှာပါ။ ငွေကြေးနောက်ကွယ်က လောဘ၊ အာဏာနဲ့ လက်စားချေမှုတွေကို တစ်လွှာချင်းစီ ခွာချပြသွားပြီး ဘယ်သူက မုဆိုး၊ ဘယ်သူက သားကောင်လဲဆိုတာကို ခန့်မှန်းရခက်အောင် ဆွဲခေါ်သွားမဲ့ ဇာတ်လမ်းမျိုးပါ။ ဇာတ်လမ်းရဲ့ အနှစ်သာရကတော့ အဖိနှိပ်ခံ လူလတ်တန်းစားတွေက သူတို့ရဲ့ ဘဝတွေကို ဖျက်ဆီးခဲ့တဲ့ အာဏာရှင်တွေကို နှစ်ပေါင်းများစွာ စောင့်ဆိုင်းပြီးမှ ပြန်လည်တုံ့ပြန်တဲ့ စစ်ပွဲတစ်ပွဲအကြောင်းပါပဲ။ ဇာတ်ရှိန်အနိမ့်အမြင့်၊ မထင်မှတ်ထားတဲ့ ဇာတ်ကွက် အလှည့်အပြောင်းတွေနဲ့အတူ အဆုံးထိ ရင်ခုန်စွာ ကြည့်ရှုရမဲ့အပြင် တရားမျှတမှုဆိုတာ ဘာလဲဆိုတာကိုပါ မေးခွန်းထုတ်စရာ ဖြစ်စေမဲ့ ဇာတ်ကားကောင်းတစ်ကားမို့ လက်မလွတ်တမ်း ကြည့်ရှုဖို့ ညွှန်းဆိုလိုက်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Clara Sol ဖြစ်ပါတယ်

ဒီဇာတ်ကားလေးကတော့ အိန္ဒိယနိုင်ငံက ကဗာဒီကစားသမား မာနသီဂါနီဆမ်ရဲ့ ဘဝဇာတ်ကြောင်းကို ရိုက်ကူးထားတဲ့ ဇာတ်ကားပဲ ဖြစ်ပါတယ်။ ဒီဇာတ်ကားထဲမှာ ကစ်တန် ဆိုတဲ့ ကောင်လေးဟာ ဇာတ်နိမ့် ဇာတ်မြင့် ခွဲခြားမှုတွေနဲ့ တစ်ယောက်ကို တစ်ယောက် သတ်ဖြတ်နေကြတဲ့ ထိတ်လန့်စရာ ကျေးလက်တစ်ခုမှာ မွေးဖွားလာခဲ့တယ်။ ငယ်ငယ်ကတည်းက ကဗာဒီကစားတာ ဝါသနာပါပေမဲ့ အဖေလုပ်သူက မကစားခိုင်းတဲ့အတွက် ဆရာ့ရဲ့အကူအညီနဲ့ ပြိုင်ပွဲတွေ ဝင်ပြိုင်ခဲ့တာ နောက်ဆုံး ဂျပန်နိုင်ငံကိုသွားပြိုင်ဖို့ အဆင့်ထိ ပါလာခဲ့ချိန်မှာတော့ ကစ်တန်တစ်ယောက် ဘယ်လိုအခက်အခဲတွေနဲ့ ရင်ဆိုင်ရမလဲ ဘိုးဘွားစဉ်ဆက် ဖြစ်ပေါ်လာတဲ့ ဇာတ်နိမ့်ဇာတ်မြင့် ခွဲခြားမှုက ကစ်တန်ရဲ့ လမ်းခရီးကို ဘယ်လိုတွေ အတားအဆီးဖြစ်စေမလဲ နောက်ဆုံးမှာ ကစ်တန်ရဲ့ ရည်မှန်းချက်တွေ အောင်မြင်ခဲ့လားဆိုတာကို စိတ်ဝင်တစား ကြည့်ရမယ့် ဇာတ်ကားလေးပဲဖြစ်ပါတယ်။ ဒီဇာတ်ကားမှာ ကစ်တန် အဖြစ် မင်းသား Dhruv Vikram ၊ ကစ်တန်ရဲ့အဖေ ဗီလုဆာမီ အဖြစ် Pasupathy နဲ့ ရာနီ အဖြစ် မင်းသမီး Anupama Parameswaran တို့က အဓိက ပါဝင်သရုပ်ဆောင်ထားတာ ဖြစ်ပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Cherry ဖြစ်ပါတယ်။

အခုတင်ဆက်ပေးမယ့် 2025 ခုနှစ်က ထွက်ရှိခဲ့တဲ့ I swear ဆိုတဲ့ ဖြစ်ရပ်မှန်ကို အခြေပြုရိုက်ကူးထားတဲ့ ဇာတ်ကားလေးပဲဖြစ်ပါတယ်။ ဇာတ်ကားထဲမှာ ဂျွန်ဆိုတဲ့ကောင်လေးဟာ အလယ်တန်းကျောင်းစတတ်တဲ့အရွယ်ရောက်နေပါပြီ။ ဘောလုံးဂိုးဖမ်းတဲ့နေရာမှာလည်း တော်တာမို့ အနာဂတ်က ဖြောင့်ဖြူးနေခဲ့တာပါ။ ဒါပေမယ့် ရုတ်တရက် ဂျွန်ဟာ ကိုယ့်ကိုယ်မထိန်းချုပ်နိုင်ပဲ လူတွေကို တံတွေးနဲ့ထွေးတာတွေ ဆဲရေးတာတွေ ဖြစ်လာပါတော့တယ်။ အချိန်ကလည်း ၁၉၉၀ ပြည့်နှစ်အချိန်တွေဖြစ်နေတာမို့ ဆေးပညာကလည်း အရမ်းမထွန်းကားသေးတဲ့အတွက် ဂျွန်ကို ရောဂါဖြစ်နေတယ်လို့ မတွေးပဲ ဟန်ဆောင်နေတယ်လို့ပဲ မြင်ကြတဲ့အတွက် ဂျွန်တစ်ယောက် အခက်အခဲတွေ အများကြီး ကြုံခဲ့ရပါတယ်။ လူတွေက သူ့ကို လှောင်ပြောင်ခဲ့ကြတဲ့အပြင် အဖေကပါ စွန့်ခွာသွားခြင်းကို ခံခဲ့ရတာပါ။ နောက်ပိုင်း သူ့မှာ တောရက်စ်ဆင်ဒရုန်းဆိုတဲ့ရောဂါရှိနေတယ်ဆိုတာကို သိလာခဲ့တဲ့တိုင်အောင် လူတော်တော်များများက သူ့ရဲ့အမူအရာတွေကို သည်းခံနိုင်ခဲ့ခြင်းမရှိပါဘူး။ တစ်ရက်မှာတော့ ‌ဂျွန်ရဲ့သူငယ်ချင်းဖြစ်သူရဲ့အမေ ဒေါ့တီဆိုသူနဲ့တွေ့ပြီး ဂျွန်ရဲ့ဘ၀ကို ပြောင်းလဲသွားပါတော့တယ်။ လူတောမတိုးဝံ့တဲ့ ဂျွန်တစ်ယောက် ဘယ်လိုယုံကြည်မှုတွေရလာမလဲ။ နောက်ပိုင်း သူ့လိုလူတွေကို ဘယ်လိုကူညီပေးမှာလဲ စတာတွေကို ဖြစ်ရပ်မှန်ဇာတ်လမ်းပေါ် အခြေတည်ပြီး ရိုက်ကူးထားတဲ့ဇာတ်လမ်းလေးဖြစ်ပါတယ်။ တောရက်စ်ဆင်ဒရုန်းဆိုတာ ဘာမှန်းတောင် ကောင်းကောင်းမသိကြတဲ့ လူတွေကြားမှာ ရှင်သန်ခဲ့ရတဲ့လူတစ

ငယ်ငယ်ကဖတ်ဖူးတဲ့ ကြွက်နှင်တဲ့ပလွေဆရာ (ပိုက်ပါ)ပုံပြင်ကို ဇာတ်လမ်းကျောရိုးယူထားပါတယ်။ ဇာတ်လမ်းအကျဉ်း‌ပြောရရင် ရော့ခ်အဆိုတော်နေအိုမီက သူ့အယ်လ်ဘမ်အသစ်အတွက်ပြင်ဆင်ဖို့ သားလေးဒစ်လန်နဲ့အတူ မွေးရပ်မြေက သူ့အဖေအိမ်ဆီပြန်လာခဲ့ပါတယ်။ ခင်ပွန်းဖြစ်သူရော ဆုံးပါးသွားတဲ့အတွက် တိတ်ဆိတ်တဲ့ နယ်မြို့လေးဆီ ပြောင်းလာတာပါ။ ဒါမဲ့ဒီလိုအေးချမ်းမှုကို သူ့အဖေအိမ်မှာ တွေ့တဲ့ တိတ်ခွေတစ်ခွေက ဖြိုခွင်းပစ်လိုက်ပါတယ်။ အဲဒီတိတ်ခွေထဲမှာ သူ့အဖေက အနာဂတ်မျိုးဆက်တွေကို ကာကွယ်ဖို့ လူတစ်ယောက်ကို သတ်ခဲ့ကြောင်း ဝန်ခံထားတာပါ။ အဲဒီနောက်ပိုင်း နေအိုမီရဲ့သားလေး ဒစ်လန်က‌လည်း မူမမှန်ဘဲထူးဆန်းတဲ့ အပြုအမူတွေလုပ်လာပါတယ်။ သူတို့အိမ်မှာလည်း ခြောက်လှန့်မှုတွေဖြစ်လာလို့ ဒီပဟေဠိကိုဖြေရှင်းဖို့ရာ နေအိုမီက သူ့အဖေတိတ်ခွေထဲကအတိုင်း လိုက်လုပ်ရပါတော့တယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

၂၀၂၅ မှာ ထွက်ရှိခဲ့တဲ့ "Pillion" ရုပ်ရှင်က ထူးထူးခြားခြား Romantic Comedy Drama ဇာတ်ကားလေး ဖြစ်ပါတယ်။ မင်းသားတွေကတော့ နာမည်ကြီး Alexander Skarsgård (Tarzan မင်းသား) နဲ့ Harry Melling (Harry Potter ထဲက Dudley Dursley) တို့ အဓိက ပါဝင်ထားကြပါတယ်။ ဇာတ်လမ်းပုံစံက ဒီလိုပါ... Harry Melling က Colin ဆိုတဲ့ ကောင်လေးနေရာက သရုပ်ဆောင်ထားတယ်။ သူက ဘဝမှာ ကိုယ်ပိုင်ဆုံးဖြတ်ချက် သိပ်မချတတ်ဘူး၊ ပျင်းစရာကောင်းပြီး သူများ ဦးဆောင်တာကို ခံချင်တဲ့ စိတ်ရှိတဲ့သူပေါ့။ တစ်နေ့မှာ သူက Ray (Alexander Skarsgård) ဆိုတဲ့ ဆိုင်ကယ်သမား လူမိုက်ပုံစံ (Biker) နဲ့ ဆုံဖြစ်သွားတယ်။ Ray က Colin ရဲ့ အိမ်မှာ လာနေပြီး Colin ရဲ့ ဘဝတစ်ခုလုံးကို ဝင်ရောက် စီမံခန့်ခွဲပါတော့တယ်။ ဘာစားရမယ်၊ ဘာဝတ်ရမယ်၊ ဘယ်လိုနေရမယ် ဆိုတာကအစ Ray က အကုန် လိုက်ပြောတာပေါ့။ ထူးခြားတာက Colin ကလည်း သူ့ကို အဲ့လို လာထိန်းချုပ်တာကိုပဲ သဘောကျပြီး Ray ရဲ့ နောက်လိုက် (Pillion - ဆိုင်ကယ်နောက်ခုံစီးသူ) အဖြစ် ခံယူလိုက်တာပါ။ သူတို့နှစ်ယောက်ကြားက ထူးခြားတဲ့ သံယောဇဉ်၊ ရယ်စရာ အလွဲလေးတွေနဲ့ အချစ်ဇာတ်လမ်းကို ပုံဖော်ထားတဲ့ ကားကောင်းလေး ဖြစ်ပါတယ်။ Queer Romance ကားတွေ ကြိုက်ရင် သဘောကျမယ့် ကားမျိုးပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Kim ဖြစ်ပါတယ်

အတိတ်က ဖခင်ဖြစ်သူရဲ့အမှားကြောင့် ရန်ငြှိုးနဲ့ကျိန်စာတိုက်ခံရတဲ့ မိသားစုအကြောင်းဖြစ်ပါတယ်။ တူရကီစကားပြောနဲ့ဖြစ်ပြီး အစ္စလာမ်ရိုးရာပုံပြင်တွေနဲ့ ကိုးကွယ်ယုံကြည်မှုတွေ ကျိန်စာတွေကို အခြေခံထားပါတယ်။ ဖာတီတို့မိသားစုဟာ ဖာတီရဲ့အမေအိမ်မှာနေထိုင်ပြီး သူ့အမေက စိတ်မမှန်သလို အပြုအမူတွေလုပ်လို့ ဖာတီက ဇနီးသည်တိုက်တွန်းချက်အရ လူအိုရုံကိုပို့ခဲ့ပါတယ်။ ဒါမဲ့ ဖာတီရဲ့သမီးငယ်အယ်လာက အဘွားဖြစ်သူကို နေ့စဉ်သတိရနေပြီး ဖာတီကလည်း ဆုံးဖြတ်ချက်မှားသွားတယ်ထင်လို့ သူ့အမေကို အိမ်ပြန်ခေါ်လာခဲ့ပါတယ်။ ဒါပေမဲ့ အိမ်ပြန်ရောက်လာတဲ့ အယ်လာရဲ့ဘွားအေက အရင်ကထက်ပိုဆိုးလာပြီး ထူးဆန်းနေပါတယ်။ အထူးသဖြင့် ဖာတီရဲ့မိသားစုဝင်တွေက ခြောက်လှန့်မှုတွေ တစ်မျိုးပြီတစ်မျိုး ကြုံနေရတာပါ။ ဒါပေမဲ့ ဒီဖြစ်ရပ်တွေက ခြောက်လှန့်ရုံသပ်သပ်မဟုတ်ဘဲ တစ်မိသားစုလုံးရဲ့အသက်ကိုနုတ်ဖို့ ကျိန်စာတိုက်ထားတာဖြစ်နေတဲ့အခါ...သူ့အဘွားဆီမှာ ဒီကျိန်စာဘယ်လိုပါလာတာလဲ...အတိတ်မှာ ဘာတွေလုပ်ခဲ့လို့ ဒီလိုကြောက်မက်ဖွယ်ကံတရားနဲ့ရင်ဆိုင်ရတာလဲဆိုတာ အခုပဲ ရှူစားလိုက်တော့နော်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

တရားဓမ္မနဲ့ အမှားအမှန်ကို စိန်ခေါ်နေတဲ့ ရက်စက်ကြမ်းကြုတ်တဲ့ အင်အားစုတစ်ခုက ဒေသတစ်ခုလုံးကို ခြိမ်းခြောက်လာတဲ့အခါ သာမန်ဥပဒေတွေ၊ သိပ္ပံနည်းပညာတွေက တားဆီးနိုင်စွမ်း မရှိတော့ပါဘူး။ အဲဒီအချိန်မှာပဲ သဘာဝတရားက မွေးဖွားပေးလိုက်တဲ့ ဘုရားသခင်ကိုယ်တိုင် စေလွှတ်လိုက်သလိုမျိုး အစွမ်းထက်တဲ့ ပုဂ္ဂိုလ်တစ်ဦး ပေါ်ထွက်လာပါတယ်။ သာမန်လူသားတစ်ယောက်လို မဟုတ်ဘဲ ကြောက်ခမန်းလိလိ အစွမ်းတွေ၊ ပြင်းထန်တဲ့ ဟိန်းဟောက်သံတွေနဲ့ ရန်သူတွေကို ချေမှုန်းမဲ့ အက်ရှင်ခန်းတွေက ကြည့်ရှုသူကို ရင်သပ်ရှုမောစေမှာပါ။ ဒီဇာတ်လမ်းက ရိုးရှင်းတဲ့ အက်ရှင်ကားတစ်ကား မဟုတ်ဘဲ ယုံကြည်မှု၊ မိသားစုမေတ္တာနဲ့ ဘာသာရေးဆိုင်ရာ ဒဿနတွေကို ပြင်းထန်တဲ့ တိုက်ခိုက်မှုတွေနဲ့ ပေါင်းစပ်ထားတာပါ။ ခေတ်မီလက်နက်တွေနဲ့ ယုတ်မာမှုတွေကို ရှေးဟောင်းယုံကြည်မှုနဲ့ ဝိညာဉ်ရေးရာ အစွမ်းသတ္တိတွေက ဘယ်လိုတုံ့ပြန်မလဲဆိုတာ စိတ်လှုပ်ရှားဖွယ် ကြည့်ရှုရမှာ ဖြစ်ပါတယ်။ အထူးသဖြင့် ဆူပွက်နေတဲ့ သွေးသားသံယောဇဉ်နဲ့အတူ မတရားမှုကို အမြစ်ပြတ်ချေမှုန်းမဲ့ ပွဲကြမ်းဇာတ်ကွက်တွေက ပရိသတ်ကို အဆုံးထိ ဆွဲဆောင်ထားနိုင်မဲ့ ဇာတ်ကားကောင်း တစ်ကားဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Clara Sol ဖြစ်ပါတယ်

မီဒီယာလောကမှာ အအောင်မြင်ဆုံးနဲ့ သြဇာအရှိဆုံးဖြစ်နေတဲ့ သူဌေးတစ်ယောက်က သူ့ရဲ့ စီးပွားရေးအင်ပါယာကို ရောင်းချပြီး နိုင်ငံခြားမှာ အေးအေးလူလူ နေထိုင်ဖို့ ပြင်ဆင်နေချိန်မှာပဲ ထင်မှတ်မထားတဲ့ ဖုန်းခေါ်ဆိုမှုတစ်ခု ဝင်လာပါတယ်။ ဖုန်းတစ်ဖက်ခြမ်းက လူဟာ သူဘယ်သူလဲဆိုတာကို သိနေရုံသာမက သူဝှက်ထားတဲ့ ငွေမည်းတွေ၊ ငွေကြေးအရှုပ်အရှင်းတွေနဲ့ လူမသိစေချင်တဲ့ လျှို့ဝှက်ချက်မှန်သမျှကို လက်ဖဝါးပေါ်တင်ကြည့်နေသလို သိမြင်နေတဲ့အခါမှာတော့ ရင်ခုန်စရာ အမဲလိုက်ပွဲတစ်ခု စတင်ပါတော့တယ်။ နည်းပညာကို အသုံးပြုပြီး တစ်ဖက်သတ် အနိုင်ကျင့် ကစားနေတဲ့ ဟက်ကာတစ်ယောက်နဲ့ အတိတ်က အမှားတွေ ပြန်လည်ခြောက်လှန့်ခံနေရတဲ့ သူတို့နှစ်ယောက်ကြားက အားပြိုင်မှုဟာ ကြည့်ရှုသူကို အသက်ရှူမှားစေမှာ အသေအချာပါပဲ။ ဒီဇာတ်လမ်းဟာ ရိုးရှင်းတဲ့ ငွေညှစ်မှုတစ်ခု မဟုတ်ဘဲ ငယ်ဘဝက မသိနားမလည်ဘဲ ကျူးလွန်ခဲ့မိတဲ့ အမှားတစ်ခုအတွက် နှစ်ပေါင်းများစွာ ကြာပြီးမှ ပြန်လည်ပေးဆပ်ရတဲ့ ကလဲ့စားချေပွဲတစ်ခု ဖြစ်နေပါတယ်။ ဇာတ်လိုက်ဖြစ်သူဟာ သူ့ရဲ့ ဂုဏ်သိက္ခာ၊ စည်းစိမ်ဥစ္စာနဲ့ မိသားစုကို ကာကွယ်ဖို့အတွက် တစ်ဖက်လူ ခိုင်းစေသမျှ အန္တရာယ်များတဲ့ အလုပ်တွေကို မဖြစ်မနေ လုပ်ဆောင်ရတဲ့အခါ... နည်းပညာနဲ့ လက်တုံ့ပြန်မှု ပေါင်းစပ်ထားတဲ့ ဒီသည်းထိတ်ရင်ဖို ဇာတ်ကားဟာ အလှည့်အပြောင်းများစွာနဲ့ ဆွဲဆောင်မှုရှိနေပါတယ်။ ဒီတစ်ဖက်သတ် ကစားပွဲကနေ ဘယ်လိုရုန်းထွက်မလဲ၊ အဆုံးသတ်မှာ ဘယ်သူက အနိုင်ရသူ ဖြစ်မလဲဆိုတာကိုတော့

အိန္ဒိယနိုင်ငံရဲ့ မြူတွေဆိုင်းနေတဲ့ နယ်စပ်တစ်ခုက တောင်တန်းတစ်ခုပေါ်မှာ ချက်တတ်သီ ဆိုတဲ့ အဖွားအိုတစ်ယောက်က ပီယူးစ် ဆိုတဲ့ အိမ်အကူကောင်လေးနဲ့အတူ နေထိုင်တယ်။ ချက်တတ်သီရဲ့ ယောက်ျား ကူရီယာချန်က ထူးခြားတဲ့ခွေးမျိုးစိတ်တွေကို လိုက်လံရှာဖွေပြီး လေ့ကျင့်သင်ကြားပေးသူတစ်ယောက်ပါ။ အချိန်ကာလအနေနဲ့ ကမ္ဘာစစ်တွေဖြစ်နေတဲ့အချိန်ဖြစ်ပြီး အရာရှိတော်တော်များများနဲ့ ရင်းနှီးတဲ့ ကူရီယာချန်က အဲ့ဒီအချိန်တွေတုန်းက မကောင်းတာတွေလုပ်လည်း ပြစ်ဒဏ်ခံရ‌လေ့မရှိပါဘူး။ လက်ရှိအချိန်မှာပေါ့ မိန်းမဖြစ်သူကို အိမ်အကူနဲ့ ထားခဲ့ပြီး ပျောက်ဆုံးနေတဲ့ ကူရီယာချန်ကို အတိတ်က လုပ်ခဲ့တဲ့ အပြစ်တွေအတွက် ရဲတွေအပြင် ရန်ကြွေးဆပ်ဖို့လူတွေကပါ တောအနှံ့ရှာနေကြပေမယ့် သူလေ့ကျင့်ပေးထားတဲ့ခွေးအုပ်စုက တောင်ပေါ်တက်လာခွင့်တောင်မပေးအောင် အရမ်းပါးနပ်ကြတယ်။ "ကာကွယ်ခြင်းနဲ့ ကန့်သတ်ခြင်းဟာ အတူတူပဲ" ဆိုတဲ့ မက်ဆေ့ခ်ျကို ဒီဇာတ်ကားထဲက ခွေးတွေနဲ့ ဥပမာပေးထားပြီး နောက်ဆုံးမှာ ကူရီယာချန် ပုန်းခိုနေတဲ့နေရာကို ရှာတွေ့နိုင်မလားဆိုတာ ဇာတ်လမ်းအလှည့်အပြောင်းနဲ့ စိတ်ဝင်စားဖွယ် ရိုက်ကူးထားတဲ့ ပညာပေးဇာတ်ကားတစ်ကားပဲဖြစ်ပါတယ်။ ဒီဇာတ်ကားမှာ ပီယူးစ် အဖြစ် မင်းသား Sandeep Pradeep ၊ ကူရီယာချန် အဖြစ် မင်းသား Saurabh Sachdeva နဲ့ ချက်တတ်သီ အဖြစ် မင်းသမီးကြီး Biana Momi တို့က အဓိက ပါဝင်သရုပ်ဆောင်ထားတာ ဖြစ်ပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Cherry ဖြစ်ပါတယ်။

ဒီကားက လွန်ခဲ့တဲ့ နှစ်ပေါင်း ၆၀၀၀ လောက် (ဘီစီ ၄၀၀၀)၊ ကျောက်ခေတ်ကာလကို နောက်ခံထားပြီး ဒိန်းမတ်နိုင်ငံရဲ့ သမိုင်းဦးအစပိုင်းကို ပုံဖော်ထားတာပါ။ ဥရောပသမိုင်းမှာ အကြီးမားဆုံး ယဉ်ကျေးမှု ပဋိပက္ခတစ်ခုဖြစ်တဲ့ "အမဲလိုက်မုဆိုးခေတ်" (Hunter-gatherers) နဲ့ "စိုက်ပျိုးရေးခေတ်" (Farmers) အပြောင်းအလဲကာလကို အဓိက ရိုက်ပြထားတာ ဖြစ်ပါတယ်။ ၁၉ နှစ်အရွယ် ကောင်မလေး Aathi (Angela Bundalovic) နဲ့ သူ့မိသားစုက တောင်ဘက်ဒေသကနေ လှေတွေနဲ့ ရောက်လာကြသူတွေပါ။ သူတို့က သစ်တောတွေကို မီးရှို့ပြီး လယ်မြေဖော်ထုတ်တဲ့ "နေမင်းကိုကိုးကွယ်သူ" (Sun People/Farmers) တွေပေါ့။ ဒါပေမဲ့ ဒီဒေသမှာ မူလနေထိုင်နေတဲ့ သူတွေက သဘာဝတောတောင်ကို မြတ်နိုးတဲ့ "အမဲလိုက်မုဆိုး" မျိုးနွယ်စုတွေ ဖြစ်နေပါတယ်။ Aathi တို့ မိသားစု ရောက်လာပြီး မကြာခင်မှာပဲ ဒေသခံ မုဆိုးမျိုးနွယ်စုရဲ့ ရက်ရက်စက်စက် သတ်ဖြတ်ခြင်းကို ခံလိုက်ရပါတယ်။ Aathi နဲ့ သူ့မောင်လေး Tharan နှစ်ယောက်တည်း အသက်မသေဘဲ ကျန်ရစ်ခဲ့တယ်။ သူတို့မောင်နှမနှစ်ယောက်က မိဘတွေကို သတ်ခဲ့တဲ့ ရန်သူမျိုးနွယ်စုကြားမှာပဲ မဖြစ်မနေ ဝင်ရောပြီး နေထိုင်ရပါတယ်။ အသက်ရှင်ဖို့အတွက် ရန်သူတွေရဲ့ ဘာသာစကား၊ ယုံကြည်ကိုးကွယ်မှုနဲ့ ဓလေ့ထုံးစံတွေကို အတင်းအကြပ် သင်ယူရတယ်။ အထူးသဖြင့် အဲ့ဒီမျိုးနွယ်စုရဲ့ ခေါင်းဆောင်အမျိုးသမီး (Danica Curcic) ရဲ့ ဖိနှိပ်မှုတွေ၊ ရက်စက်တဲ့ တောင်းဆိုမှုတွေကို Aathi တစ်ယောက် ကြိတ်မှိတ်သည်းခံရပါတယ်။ ဇ

ဒီတစ်ခေါက်မှာတော့ squid game ထဲမှာပါတဲ့ မင်းသားကြီး ဟောဆောင်းထယ်ရဲ့ အဓိကဇာတ်ဆောင်ပါရတဲ့ ဇာတ်ကားလေး “The Informant” နဲ့ မိတ်ဆက်ပေးပါရစေ။ စုံထောက်ကားတွေကြိုက်တဲ့သူတွေဆို ကြည့်ဖို့အတော်ပါပဲ။ ဇာတ်လမ်းအကျဉ်း အတိတ်ဆိုးတွေရှိခဲ့တဲ့ စုံထောက် အိုနမ်ဟျော့ကို သူစုံစမ်းရင်းနဲ့ ဖမ်းမိတဲ့ ဂျိုထယ်ဘုံ လူမိုက်ဂိုဏ်းဝင်က သူ့ကိုမဖမ်းရင် ဒီထက်ပိုကြီးတဲ့ လူမိုက်ဂိုဏ်းတွေကို ဖမ်းဖို့ကူညီပေးမယ်ဆိုပြီး အကြံပြုလာပါတယ်။ ဒါနဲ့ပဲ စုံထောက်အိုနဲ့ ပေါင်းပြီး ဂျိူထယ်ဘုံက စာရင်းစာအုပ်တွေ လက်ကမ်းဖို့ သတင်းပေးအလုပ်ကို အတူတူ လုပ်ကြပါတော့တယ်။ ဒါပေမယ့် ဘယ်သတင်းပဲရရ သူတို့ဘယ်သူကိုမှ မဖမ်းမိကြပါဘူး။ ဒါနဲ့ မှောင်ခိုဂိုဏ်းတစ်ခုကို ဝင်စီးဖို့လုပ်ပါတော့တယ်။ စုံထောက်အိုက ဂိုဏ်းကိုဝင်စီးပြီး ဂိုဏ်းမှာရှိတဲ့ ရွှေတွေကို လှည့်ထုတ်ဖို့လုပ်နေခဲ့တာပါ။ ရွှေတွေကိုယူပြီး အလုပ်ထွက်မယ်လို့ စုံထောက်အိုက မောင်းတင်နေခဲ့ပါတယ်။ ဒါပေမယ့် ဂိုဏ်းက သတင်းပေးရှိနေတာကို ရိပ်မိပြီး ဂျိုထယ်ဘုံကိုသတ်ဖို့လုပ်ပါတယ်။ စုံထောက်အိုက ဂိုဏ်းရှိတဲ့နေရာကို ရောက်လာခဲ့ပေမယ့် ဘယ်သူမှရှိမနေတော့ပါဘူး။ အဲ့အပြင် အခန်းမှားဝင်သွားခဲ့တာပါ။ သူအခန်းမှားဝင်သွားတာက အားလုံးကို တိုင်ပတ်သွားစေခဲ့ပါတော့တယ်။ စုံထောက်အို ဝင်သွားတဲ့အခန်းအမှားက ဒီထက်ပိုဆိုးတဲ့ မှောင်ခိုဂိုဏ်းအကြီးစား တစ်ခုဖြစ်နေခဲ့ပါတယ်။ ထိုဂိုဏ်းက ရဲတွေနဲ့ပါ ပတ်သက်ဆက်နွယ်နေတာပါ။ စုံထောက်အိုတစ်ယောက် မထိသင့်တ

သာမန်အိမ်ထောင်ရှင်မတစ်ယောက်ရဲ့ ဘဝဟာ ခင်ပွန်းသည်က နောက်အိမ်ထောင်ပြုပြီး သူမကို "တလပ်" သုံးကြိမ်ရွတ်ဆိုကာ စွန့်ပစ်လိုက်တဲ့အခါမှာတော့ ဇောက်ထိုးမိုးမျှော် ဖြစ်သွားပါတော့တယ်။ သူမဟာ မပြောပလောက်တဲ့ လစဉ်ထောက်ပံ့ကြေး ငွေကြေးအနည်းငယ်ကို တောင်းဆိုခဲ့ပေမဲ့ ရှေ့နေတစ်ယောက်ဖြစ်တဲ့ ခင်ပွန်းသည်က ဘာသာရေးဥပဒေတွေကို အကာအကွယ်ယူပြီး ငြင်းဆန်ခဲ့ပါတယ်။ ဒီလိုနဲ့ ရိုးရှင်းတဲ့ အိမ်ထောင်ရေးပြဿနာလေးတစ်ခုဟာ အမျိုးသမီးတစ်ယောက်ရဲ့ ဂုဏ်သိက္ခာနဲ့ ရပ်တည်မှုအတွက် ပြင်းထန်တဲ့ တရားဥပဒေဆိုင်ရာ တိုက်ပွဲတစ်ခုအဖြစ် အသွင်ပြောင်းသွားပါတော့တယ်။ ဒီဇာတ်ကားဟာ အိမ်တွင်းရေးပြဿနာသက်သက်မဟုတ်ဘဲ နိုင်ငံတော်ရဲ့ တည်ဆဲဥပဒေနဲ့ ဘာသာရေးဆိုင်ရာ ပြဋ္ဌာန်းချက်တွေကြားက အားပြိုင်မှုကို စိတ်ဝင်စားဖွယ် တင်ဆက်ထားတာပါ။ ကိုယ့်အသိုင်းအဝိုင်းက ဝိုင်းပယ်တာကို ခံရပေမဲ့ အရှုံးမပေးဘဲ စနစ်တစ်ခုလုံးကို တစ်ကိုယ်တော် ရင်ဆိုင်ရဲတဲ့ အမျိုးသမီးတစ်ယောက်ရဲ့ သတ္တိခွန်အားကို မြင်တွေ့ရမှာဖြစ်ပြီး သူမရဲ့ တောင်းဆိုမှုဟာ တရားရုံးချုပ်အထိ ရောက်သွားတဲ့အခါ တိုင်းပြည်တစ်ခုလုံးကို ဂယက်ရိုက်ခတ်စေမဲ့ ဘယ်လိုအလှည့်အပြောင်းတွေ ဖြစ်လာမလဲဆိုတာကို ရင်ခုန်စိတ်လှုပ်ရှားဖွယ် ကြည့်ရှုရမဲ့ ဇာတ်ကားကောင်းတစ်ကား ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Clara Sol ဖြစ်ပါတယ်